و إذا راضي و إذا زعلان
و إذا ما حاچي يوم وياي
أنت إنسان و آنه إنسان
محد بينا راح يموت
بيد الله الهوى و الماي .
روح براحتك شتسوي مرخوص
هذا آخر كلام البينك و بيني
طحت من عيني أول ما نمت زعلان
و لو ترجع نبي ما ترجع لعيني .
أجيلك بس أريدك تنطر الجية
يالمفارگني مامش حيل ما عانتني رجلية .
آنه عصفور شارد
من رصاص الناس
خليني بقفص صدرك
صوتي و جنحي متعوبات
ما أضرك .
إجه ببالي هذا البيت :
تعال أحچيلي شيحلها ؟
عيونك ما تحبني الفدوة أروحلها
آنه لخاطرك رحت أعتذر من ناس
چانت لو تسلم ما أگوملها .
لا تحچيلي
مااريد أعرف أسبابك
بس كفيني شرك
لا ترد فد يوم
و الله يكثر أحبابك .
أكبر من أحلامي أشوفك
حيرتي المايمها حيرة
منين ما تندار أحبك
بحر و يحاوط جزيرة .
حتى لو يكثر خرابك
حتى لو تقسي ظروفك
آني أشوف الدنيا بيك
شعندي غيرك حتى أعوفك .
أيامنا البيهن ضحك
جني على بالي الليلة
لك أنت عايفلك بشر
من يرجع و كله تعب
ينتظرك بكل حيلة .
غيمت و الليل چلچل
و الخواطر سيرت وي الغروب
و گوطر بروحي الحنين
شمالها وي الليل من يچبل تلوب
و چني شمعة و ذابت بحضن الصواني
شباقي بيه ، البيه على البيه يذوب .
كلش ثكلت جروحي
أنه المبيوع !
أنه الدافع ثَمن روحي
كابوس البَعد ما يگضي
راح أگضی
هاي اليله مو مكسور
مَتشضي .
روَح براحَتك لاكنَ خسَرت
أنسِان يَذكرك حّته مِن
تخوَنه ذاكرتَه يدَور خاطِرك
بْس مَاله خِاطر جَان !
لهَنا والنَفس مَايوكفِ بليَاك
" آنه الأعَز مَنك للكبر شلتِه .
لگيتك سبحة و أعرف وين ماضيها
بيك استغفرت ذنبي ، و أنتَ الينركض بيها .
