الأعور گله أعور مو جريم العين
و ابو الجنيب گله بمشیتك لوله .
هاي الليلة مو تعبان متشضي
هاي الليلة إذا ما تگضي آنه أگضي .
ما منها بعد هاليوم
شوگي البابك أتعنى
جيتك و الگلب مرتاح
لأن يدري رجعنا
شلون ما چنة .
إذا لا سامح الله و لو تزاعلنا
أبد لتعوفني و تفهمني أتمنى
إذا گتلك أعوفك آني أبو گليب
المايگدر بدونك لو گدر فنه
آنه بعز الشمس و شكد أجوني فياي
عفت فيايهم من نارك أتدنه
عود أرهم لغيرك لو أعيش ويا
على چف اللطم شيركد الحنة .
چا ليش عني تغيرت
مو تدري محتاجك لأن
لا بيه أحب غيرك بشر
لا بيه أعيش بدونك
بالغالي يحلف كل محب
و أحلف چنت بعيونك .
ماحسبك خسارة الرحت والضليت
بس اللي يحبنا بروحته نخسره
نهر يابس قديم و كل نفع مابيك
وأحنه بكل سهولة اليابس نعبره .
عفتك مو مهم هذا الحجي الزايد ،
اصلاً جنت أحبك و انته ما رايد .
حنيت إليه شعجب مو عود ناسيني
مو مال نرجع صعب هالمرة أحسك
طحت من گلبي مو من عيني
و ذنبك ولا ينغفر أنطيت بيه بوكت
محتاج منك چنت بس فرصة تنطيني .
چنت تگدر تختصر حزني
و تردد آني أحبك
بس قسيت
و گتلي غير إنسان
ضل عايش بگلبك
و آني صح مكسور
بس رافعلي راية
بهاية حربك
الخطوة چانت بس عليك
و ما مشيت بغير دربك .
راجع قرارك بية لا تتسَرع
لو هسه ترجع لو بعد لا ترجع
ماعندي واحد يلعب ورايح راد
بس النفس يدخل بكيفه ويطلع .
