تغير وجهي كله بذيچ الحچاية
الوجه هم عنده سمعة گبال المراية ؟
من أنسال عن عشرتك
بلة شسولف عنها ؟
خلیتنی بموقف صعب
مثل اليدافع عن شخص
و يگله أطلع منها .
راح اعز وجهي على كلمن راد أروح
والله مو شغلة خلگ ، عزة نفس
ومو شرط كلشي انحبس لازم يموت
عيشة البذرة شوكت ماتنحبس .
شگلك بعد عيني
و أنت أقربلي من رمشي
حتى من أنعزل عن الناس
بوكت بي كاره الدنيا
چنت وياك أحب كلشي .
ما ترهم غصن شایل کناري وبوم
درت وجهي ومشيت لخاطر الشجرة
رحت عنهم وطن شح صيتهم بجفاي
بَدّوني الچنت بوجوههم گطرة .
اني ما أحب انتظر بس أنتظرتك
واني ما اسمع عُذر لكن عذرتك ،
واني ذاك الصعب كلش ليش هيج
استسهلتك ؟
