دوريني بلكي تلگيني رسالة بين
كتبچ بلكي ذكرى فوك حايط
و صدفة حايطكم يذكرچ .
أنا تعبان افهموني
تطلع روحي كل ساعه
إذا ما موت موت الله
أسوي الليلة طرگاعه .
تزاعلني و تغثني و تغلط و تندار
هذن كلهن و أحبك گلبي مال كبار .
الكرامة تلوگلي إختارتني بالكاروك
عشت خيالها و ماخذها بذراعي .
راح تبدي تشوف
تفكيرك قرارك كلشي غلطة
راح تتعلم حدودك
كل سطر تاليته نقطة
و الي يطلع من حياتك
بيدك تدلي طريقه
وماكو داعي تگله أبقه .
چا غير أنه الأرفع حاجبي على الناس
تستفحل علي من ميزت طبعي .
چا خذتنه وياك صوغة و تدري نقبل
يالعگدناك وي الأبهر ما درينه بساع تنفل .
بچيت و گتلك آسف و أغلى شي دمعي
و مشه بية الندم حد ما خلص صبعي .
اجي عايف الدنيا من الألف للياء
و أتبده على عتبة حضنَك بهَمّي .
أحبن غيركم غاروا ، اليغار يعود
إرجعوا وذبوا ضيم فراگكم بية .
ماجابنی لهل درب
غير الحچي الینسمع
بعيونك الحلوة ،
وما أدري حبك قدر
لو عشگ ،
لو نزوة !
يل تسوه ناسي وهلي
شخلاك ماتسوه ؟
