31854
Хаётий ва Ибратли ҳикоялар... Хикматлар хазинаси... Инсон такдирини аччик синовлари... Hamkorlik va reklama uchun 👇👇 @Bronzam . . . . . .
#акси_дунё
222-қисм
“Оилали аёлга ярашадими, бунақа юриш?” -деганида қорнига тиззам билан бир тепсамми, деб ўйлаб қолдим.
“Қани оила, мен оила кўрмаяпман? Болам бор, лекин ёнимда эмас. Қоғозда эрим бор лекин...” -бармоғи билан жим деб, мени тўхтади.
“Тўхтат бу ўйинларингни “-деди паст овозда.
“Ўйин демак? Сендан ўтмайман ўйин ўйнашда “ -дея уни ўзимдан узоқлаштирдим.
Яна Адолатнинг тили билан гапиришни бошлади. Чунки расмларимни, янгам ҳам кўрган эди. Адолатга етказгани аниқ. Низомнинг икки кундан бери жим бўлиб қолиши, қўйган расмларимга ҳеч қандай жавоб қилмаслигини инобатга олсак. Онаси, ўғлига бу ўйин қиляпти деган бўлиши керак.
Гарчи Адолат ўйинимизни сезган бўлса-да, Лайло айтганидек эркак фикрлаши бошқа-ки, ҳозир олдимда турибди.
“Сен бу ерда қолсанг, мен ойимникига кетдим “ -деб эшикни очганимда, чиқишга улгурмай уни қайтиб ёпди.
Ёпилган нафақат эшик эди. Ёпилган унга бўлган яраларим бўлди. Бу кеча уни муҳокама қиладиган томоним, ундан хафа бўлган ёним, ўз деразасини ёпди. Ҳақиқатнинг барча эшиги ёпилиб, ичкарида фақат Нафиса ва Низом қолди.
🌓 🌒
Кўзларимни зўрға очганимда нафақат ётоқда, балки уйда ҳам ёлғиз эдим. Туннинг излари қуёш чиққанда янада яққол билингани ва ичимдаги бўшлиқ ҳисси яна ёлғиз қолганимни билганимдан бўлди. Сирож келиши керак, тезда туриб тайёргарлик кўра бошладим. Кеча ўчиб қолган телефонимни қувватга қўйиб, уйни тартибга келтиргунимча, қувват олишини кутдим.
Боламни нечада олиб келишини билиш учун телефонимни ёққанимда, смс хабар келганини кўрдим. Низом, Сирожнинг иситмаси кўтарилгани бугун болани олиб кела олмаслигини ёзган экан. Ҳеч ўйламай, уйдан қандай отилиб чиққанимни ва таксига ўтириб унинг уйига етиб борганимни билолмай қолдим. Бу сафар янгамнинг гапига қулоқ осмай, уни бир туртиб ичкарига кирдим. Болам бечора иссиғи чиқиб, ноласи бошқача эди.
Ич- ичимдан, боламдан икки-уч кун хабар олмаганимдан, ўзимдан нафратландим. Адолат болани ўзининг хонасига ётқизган экан, уни у ердан чиқариб Низом ётган, эски биз турган хонага олиб ўтдим. Қайнотам уйдалиги учун Адолатнинг овози чиқмади. Яна бошқа бир сабаби эса, қизи билан қаергадир кетиши экан. Аслида келганим, унинг ишига яради. Низом уйда йўқ эди. Маҳфуза янгамнинг гапларидан Адолат боланинг иссиғи тушганини айтиб, Низомни ишга жўнатган. Терлаган кийимини алиштириб,
Адолатнинг қўлимга тутқазган термометрини болага қайтиб қўйдим. Болалар бетоб бўлиши мумкин, фақат хаёлимда мен ёнида бўлсайдим, булар бўлмас эди. Хавотирим ва типирчилашимни кўрган янгам
“Бу бола биринчи марта иситма қилгани йўқ.
Muallif: Sulhida Davron
Muallif ruhsatsız koʻchirib olish va tarqatish taqiqlanadi 🛑
#акси_дунё
220-қисм
Яна унинг қистови билан Хуморага олган гулдастамни йўлда юрган пайтимда, қўлимда ушлаб ўзимни кўрсатмай расмга олдим ва ёнига оқ рангли юракча белгисини қўйиб, ижтимоий тармоқларда жойладим. Фақат бу сафар расмни яқинларимгина кўрадиган қилиб қўйдим. Ва Лайлонинг режаси иш беришини кутиб, туғилган кун бўлаётган ерга етиб келдим.
Меҳмонлар келишига ҳали бироз бор эди. Хуморанинг ўзи ҳали келмагани боис, Лайло мени ресторан ўриндиқларининг бирига ўтирғизиб, олдимга олиб келган гул дастамни қўйди-да, мени ён томонга қаратиб, худди бировга қараб тургандек расмга тушириб олди. Расмни менга кўрсатганида юзим аниқ кўринмаса-да, аммо кўрган одам мени танийдиган шаклда олган экан. Яна бир нечта фильтр ёрдамида безаклар бериб, у расмни ҳам жойлашимни бошим устида туриб назорат қилди.
Қўлидан ҳеч нарса келмаган мени, не куйларга солаётганидан бехабар Лайло, қилаётган ишимиз тўғри эканлигига мени кўндиришга уринарди. Кутганимиздек, Дилноза келмади. Лекин Хумора кеча Сардор билан жиддий гаплашгани, агар яна бир бор мени безовта қилса, бориб Дилнозага ҳаммасини айтиб беришини айтган эмиш.
Мен Дилнозага адвокат сўраб смс ёзган куним, Дилноза эмас, Сардор смсни кўрганини, менинг бошимда ташвишим борлигидан хавотирга тушиб, ўз ёрдамини таклиф қилмоқчи бўлганини айтибди. Мендан жавоб келмагач, бир амаллаб қаерда яшашимни топиб, бир неча кун кузатганини, ёлғиз эканлигимга амин бўлгач, уй эшигигача келганини ва ёмон нияти йўқлигини айтибди.
Хумора эса муаммом ҳал бўлганини, эрим билан муносабатларимиз тикланаётганини ва мени бошқа безовта қилмаслигини айтиб яна бир бор огоҳлантириб қўйибди. Балки биз Дилнозага бирор гап айтиб қўярмиз дея, бугун туғилган кунга рухсат бермагандир.
Лайлога қолса, Сардорга ўхшаган эркак тоифаси бир аёлнинг ночор ва қийин аҳволидан фойдаланиб, уларга яқинлашмоқчи бўлган уятсиз турдан. Хуллас, Сардор масаласи уни огоҳлантириш эвазига ёпилди деб умид қилдим. Хумора ўзи каби гўзал ўтган базмида, кўнгил ёзиб ўтирдик. Қамоқхона ёдимга тушиб кетди, бир ора. Тоза ҳаво олиш учун чиққан аёллар, ҳар бирининг ўз дард ҳикояси, фожиали ҳаёти ва умидларининг бир қафасга солингани ва ҳозир ораларида ўтирган қиз -аёллар орасида қанчалик фарқ борлигини ўйладим.
Худди иккаласи орасида ҳаёт ва ўлим фарқи бордек эди. Яхши ва хурсандчиликда вақтнинг тез ўтганини сезмай қолар экан киши. Ҳамма билан хайрлашиб уйга йўл олганимда телефоним қуввати ўчиб қолганини кўрдим.
📚 Ibratli Hikoyalar 📚
#акси_дунё
218-қисм
“Алло! Эшитаман!”- деган Сардорнинг таниш овози келди.
“Тинчликми Хумора? “
Хумора қўнғироқ қилганини шу гапидан билдим.
“Ўзининг тили йўқми?” -деди яна гапини давом эттириб.
“Бўлди безовта қилма уни. Бўлди дедим Хумора!” бир неча дақиқа сўнгра оёқ овозлари эшитилди. Эшик кўзидан қараганимда, Сардор кўринмасди. Қизлар гурихимизга янги хабар келди.
“Нафиса! Кетдими?”
“Кетди шекилли?”
“Мен бир нарсага тушунмаяпман? “Қизим”деган сериал кўраман ойим билан ҳар куни. Бош қаҳрамон қизнинг турмуши бузилди аммо йигитлар атрофида парвона. Бечора бўйдоқ қизларга эр йўқ” ,-деб умуман бошқа гап билан орамизга Лайло қўшилди.
“Лайло сенга эр камми? Йўқ, уни туғилган ойи бошқа йўқ бунисини санаси бошқача рақам деб, нечтасини оёғига болта урдинг. Юрасан энди сериаллардаги қизларни муҳокама қилиб” -деб овозли хабар жўнатди яна Хумора
“Қизлар, мен бу Сардорни нима қиламан? Қаердан яна пайдо бўлди? Дилнозага айтсам, қандай бўлар экан?” Лайло юзини буриштирган эможи жўнатди.
Хумора эса яна овозли жўнатмоқда эди. “Менинг туғилган кунимга Дилноза ҳам келади, ўшанда бир узоқдан сўраб билиб олайликчи, оралари бузуқми? Эрининг эски севган қизига смслар ёзиб, уйига келаяпти деб, даб- дурусдан айта олмаймиз. Яна 2 ярим ойлик ҳомиладор” -дегнида уф, деб ичимдан нафас бердим.
Икки кундан сўнг Хумора туғилган куни эди. Сардор аввал ҳам рад жавобини олсада ҳеч ҳам жим бўлиб кетмас, аксига одамни жондан бездирар эди. Худодан Низомни тилаб олган эдимми? Сардорни кет деб, йўқотолмас эдим, Низомнин эса тутиб бўлмас эди. Туғилган кунини шаҳардаги катта ресторантларнинг бирида нишонлашни режа қилиб қўйганди Хумора. Дилноза келганда ёнма-ён қандай ўтиришни ўйласам, ичим бошқача бўлиб кетяпти.
“Шшт, Нафиса сенга зўр имконият” ,-деб Лайло овозли жўнатди бу сафар.
“??” -ёзидим.
“Икки кун ишга бориб келсангда, ичинг қизиб хавотирдан ўз гўштингни есангда, шуни бил. Низом қўнғироқ қилса жавоб бермайсан ва ўзинг ҳам ҳеч қанақасига, унга боғланишга ҳаракат қилмайсан”
“Нега экан-у?”
“Сен айтганни қил. Озроқ қизиқиш уйғот. Сирли бўл дедим-ку, сенга”
“Яна сирли дейди, товба қилдим”- деди чидолмай Хумора
“Хумора сен аралашма. Нафиса бир марта менга қулоқ сол пушаймон бўлмайсан “
“Нафиса, бу кўп сериал кўради. Биласан-а, сериал ва кино ҳаёти билан ҳақиқий ҳаёт бошқа -бошқа“ -жон куйдирарди Хумора.
“Биламан, эртаклардагидек ҳам эмас ҳаёт “ -дедим уни тасдиқлаб.
📚 Ibratli Hikoyalar 📚
🌿 Xotin:
- Ota-onamlarnikiga borib kelaveraymi?
Er:
- Ha, boraver, salom ayt.
- Yo‘q, ham demaysiz, osongina "boraver", deysiz-a, siz mendan qutulmoqchisizda-a?
Xotin yana:
- Ota-onamlarnikiga borib kelsam maylimi?
Er:
- Xo‘p, lekin bugun emas, ertaga borarsan.
- Men sizni juda yaxshi bilaman, shunaqa, siz meni uyga qamab qo‘yasiz doim.
- Mayli, birga boramiz unda.
- Meni hatto ota uyimda tinch qo‘ymaysizmi endi. Dam olish uchun shu ozgina fursatni ko‘p ko‘ryapsizmi menga?
- tuuut-tuuuut......tugadi)))
P.S: Rasmni qachon tushunib yetsangiz, o‘shanda ayollar tilini ham tushunib yetasiz))
📚 Ibratli Hikoyalar 📚
🔥ЧИМИЛДИҚДА АЛДАНГАН КУЁВ🙊
Тўполон билан тўй ҳам ўтди.Kелин-куёвлар ёлғиз қолишди.
Майсара Соливойга ҳам эътибор қилмай, парда ортига ўтиб олди.
Соливой нима қилишни билмай гаранг бўлди. Ахир, нима учун ? Мумкин эмас-ку бундай қилиш!.. У аста парда томон юрди.
— Илтимос, менга яқин келманг! — Илтимос! — Нимага-а?..Биз энди эр-хотинмиз. Никоҳ ўқилган. Нимадан қўрқасан?Гапир!.. Алдаб юрганмидинг?
— Йўқ. — Унда нега қочасан мендан?
— Шундай қилишим керак.
— Э,Ўзингдан кўр!.. Бақир-чақиринггаям қараб ўтирмайман!..Соливой Майсарани ўзига тортди-да, кўрпа устига ўтқазди ва аввал бошидаги рўмолни, кетидан оппоқ ҳарир кўйлакни ечиб ташлади. Ечди-ю… Қотиб қолди.😳😱
ДАВОМИНИ 👇👇
/channel/Solixa_Ayol/29100
🌿 Bir odamning onasi olamdan o‘tibdi. O‘sha paytda eski qabriston to‘lib qolib, yangi kabristonga joy ajratilgan ekan. O‘sha qabristonga birinchi bo‘lib shu marhumani ko‘yishibdi. Shu kundan boshlab o‘g‘il o‘zgarib qolibdi hech kimga, hatto ayoliga xam indamay har kuni shom mahalda uyidan chiqib ketadigan odat chiqarib olibdi. Yigit shomdan keyin chiqib ketgan ko‘yi sahar paytida uyga qaytib kelarkan.
Hamma xavotirga tushibdi, lekin chora topisha olmabdi. Sababi yigit hech kimga bildirmay chiqib ketar ekan. Oradan ikki oy o‘tib shu qishloqda yana bir odam vafot etib, yangi qabristonga ikkinchi bo‘lib qo‘yilibdi. Yigit ham dafn marosimiga chiqibdi.
Mayyitni dafn qilib qaytayotganlarida mahalla imomi yigitni chaqirib:
- Siz ikki oydan beri har kuni kechasi qayokka boryapsiz? Otangiz va yaqinlariz sizdan xavotirdalar? – deb so‘rabdi.
Yigit javob beribdi:
- Onamni 2 oy oldin shu qabristonga birinchi bo‘lib qo‘ydik. Men onamning hayotlik chog‘ida doimo xizmatida bo‘lganman. Onam yangi qabristonda tunda yolg‘iz yotmasinlar deb shu yerda, qabr tepasida tonggacha tilovat qilib chiqar edim. Mana endi onamga hamroh keldi. Ko‘nglim xotirjam bo‘ldi. Endi tilovatni uyda qilsam ham bo‘ladi....
📚 Ibratli Hikoyalar 📚
ЎҒИЛ ОРЗУСИДА ЖОН БЕРГАН АЁЛНИНГ ЭРИГА ВАСИЯТИ🥲
4 та қиз фарзанд кўрган аёлга докторлар шундай деди:
— Бошқа фарзанд кўрма, акс холда ҳаётинг хавф остида қолиши мумкин. Яратганнинг тақдирига рози бўлиб шу 4 та қизингни яхши тарбия қилиб бундан кейин ўзинг учун яша!
Аммо аёл фарзандларини ҳаммаси ҚИЗ эканини ва эримга ЎҒИЛ фарзанд керак деб эрининг хоҳишини амалга ошириш учун жонини гаровга қўйиб бешинчи фарзандни туғишга қарор қилди. Кўп ўтмай 5-фарзандини ҳам дунёга келтираётиб оламдан ўтибди. Афсуски, бешичиси ҳам ҚИЗ эди. Аёл жон берар чоғида кўзларида ёш лекин табассум билан эрига шу сўзларни васият қилиб оқ листга ёзув қолдирди. Ёзувда эса шундай гаплар ёзилган эди:
Батафсил ўқинг... 👈
🌿 Ayoldan so’rashdi:
Sizningcha haqiqiy er kim?
•Ayol javob berdi:
-Jerkiyvermay chiroyli nasihat qiladigan;
-Titkilayvermay ishonadigan;
-Yig’latavermay kuldiradigan;
-Oyoq-osti qilavermay boshiga
ko’taradigan;
-Itoatni qadrlaydigan;
-Ibodatni sevadigan;
-Suyansa bo’ladigan;
-Xaromdan hazar qiladigan;
-Robbisiga bandalikda ahli-ayolini ham ergashtira olgan er haqiqiy erdir!
📚 Ibratli Hikoyalar 📚
#ТЕКИН_ТИЛ_КУРСИ
🧕 «Мен ёш эмасман, инглизчани ўрганолмайман» дейяпсизми?
❌ Тилингиз оғирлашган эмас
❌ Сизга илм керак эмас деган ким?
💡 Сизга фақат тушунарли ва оддий ёндашув керак!
👩🏫 "English from 0" каналда:
✅ Аёллар учун махсус содда изоҳлар
✅ Кундалик ҳаётда керак бўладиган иборалар
✅ Ҳар куни 5 дақиқалик мини дарслар
📲 Уйингизда ўтирган ҳолда, болангиз ухлаётганда ёки овқат пишаётган пайтда ўрганинг!
🔗 Каналга қўшилинг👇
/channel/+BYKpc5hPQeI0Y2Ni
🌿 Bozorga borayotgan edim. Odamlar gavjum o‘tadigan ko‘cha boshida yo‘lka chetidagi panjaraga bir unniqib ketgan qalin jimpir ilib qo‘yilibdi. Etagiga bir qog‘oz qistirilgan, unga yirik-yirik harflar bilan qo‘lda nimalardir yozilgan edi. O‘tgan-ketgan bir oz to‘xtab, o‘qib, so‘ng yo‘lida davom etardi.
Diqqatimni chekdi. To‘xtab, o‘qiy boshladim:
"Men muhtojman. Nimagadir keyingi paytlar kimsa menga qaramay qo‘ydi. Boshqalar mendan ham muhtoj bo‘lib qolgandir deb o‘yladim. Bu qish kunlari kimdir sovuqdan dildirab yurgan bo‘lsa, olsin, kiysin, sovuqdan qo‘rinsin deb borim-yo‘g‘im bitta jimpirimni ildim. Olganga xursand bo‘laman, Olloh yordamchisi bo‘lsin!" deb yozilgan edi qog‘ozda.
Ichimda birnima g‘imirladi... So‘ng ketdim.
Yumushlarimni bitirib shomga yaqin yana shu yo‘ldan o‘tdim. Boyagi jimpir ham, yozuv ham xayolimdan ko‘tarilgan ekan, odamlarning to‘planib turgani esimga tushirdi.
Uzun panjaraning uch-to‘rt metr qismiga yozgiyu qishki turli-tuman kiyim - ko‘ylaklar, kastim-shimlar, jimpirlar, paltolar, qalpoqlar... ilib tashlangan, bari toza, qimmatbaho ekani ko‘rinib turar edi. Panjaraga taqab qo‘yilgan katta qog‘oz quti oyoq kiyimlariyu boshqa yana nimalardir bilan liq to‘la.
To‘planganlarning ko‘zi quti qopqog‘iga yopishtirilgan qog‘ozdagi yozuvlarda. O‘qir, muhokama etar edi.
Qiziqib, men ham ko‘z yugurtirdim:
"Men boyman. Kiyimlarim ham ko‘p. Qishda sovqotmayman, yozda yayrab yashayman. Ammo xatingni o‘qib (uni xuddi menga yozgandaysan), o‘zimni sendan ko‘ra muhtojroq his etdim. Sovuqdan junjikdim go‘yo. Sen qoldirgan jimpirni olib kiygan edim, tanamga iliqlik yugurdi. Umrimda bunaqa iliqlikni tuymaganman. Endi bu jimpirni har qishda kiyaman! O‘rniga uydagi bor kiyimimni olib kelib ildim. Bular sening va sen kabi yaxshi insonlarning haqqi. Adashib, menda to‘planib qolibdi. Haqqingni halol et, do‘stim!"
Bozordan kiyim-kechak olib qaytayotgan edim. Ichimda birnima g‘imirladi. Og‘ir yelim xaltani u qo‘limdan bu qo‘limga olib, yo‘limda davom etdim...
📚 Ibratli Hikoyalar 📚
🌿 Ta’lim hech qachon to‘xtamasligi kerak...
Suratda: O‘qituvchi va o‘quvchilari ochiq havoda dars o‘tishyapti.
Joy: Yaponiya.
Vaqti: 1945 yil, sentyabr.
Xirosimada atom bombasi portlashidan roppa-rosa bir oy o‘tgan.
P.S.Tarixda Xirosima shahriga 1945 yili, 6 avgustda AQSH tomonidan Little Boy (“Bolakay”) deya nomlangan uran zaryadli trotil ekvivalenti 20 ming tonnaga teng atom bombasi tashlanishi natijasida bir lahzada 80 ming kishi halok bo‘lgan, 12 ming kishi bedarak deb topilgan, 40 ming kishi jarohatlangan edi. 9 avgustda esa Nagasaki shahriga Fat Man (“Baqaloq”) deb nomlangan ikkinchi atom bombasi uloqtirilishi natijasida esa, 73 ming kishining yostig‘i qurigan.
📚 Ibratli Hikoyalar 📚
🌿 Turkiyalik bu otaxon bozorlar, ommaviy joylarni aylanib yurib Qur’on o‘qishni ta’lim berar ekan.
Sumkadagi yozuv: "Har hafta men sizlarga Qur’on o‘rgataman. Darslar ish joyingizda, ishingizga xalaqit bermagan holda o‘n daqiqada o‘tiladi. Bu uchun haq talab qilmayman, balki Alloh azza va jalla rizosi uchundir".
Mashaolloh! Jannatga oshiq qalblar mana shunday bo‘ladi.
📚 Ibratli Hikoyalar 📚
Aссалому алайкум ва
роҳматуллоҳи ва барокатух
❤️Сокин кунлар бағрида,
Хуш ифорлар таралди.
Муборак Жума куни,
Одам Aто яралди.
🕌Аллоҳим жума куни,
Гуноҳларни кечирди.
Тавба қилган инсонга,
Оби зам-зам ичирди.
❤️Биз ожиз бандалармиз,
Кўрсатайлик илтифот.
Шукр қилган инсонга,
Жаннат эмиш мукофот.
🤲Жума айём ҳар инсон,
Қалби қувончга тўлсин.
Aллоҳим севган кун бу,
ЖУМA муборак бўлсин!
/channel/ibratli_sozlar
#акси_дунё
216-қисм
Унда бир қафас эшиги очиқ ва қуш осмонга қараб учяпти.
"Иккаланг кўриб мен нега бехабар қолар эканман?" -деди Хумора тирноқларини пилка қилиб, бир томондан бизга гапирар экан.
"Профиль алмаштирганда кўрасан, шошилма! Энди бунга маъноли бир ёзув топамиз. Низомга сени сирли ва қўл етмас қилиб кўрсатишимиз керак"
"Лайло бу қиз, бола туққан у одамдан сенингча яширадиган сирли жойи қолдими?"
"Уф,яна эстетика юзасидан фикрлайди бу қиз? "
"Бўлди тортишманглар. Нима деб ёзамиз?"
"Мана ўқи!"
Лайло гуруҳга бир ёзув ташлади.
Руҳлар озод бўлганда яйрайди. Ишқ эса уни озод этади.
"Қандай?"
"Сен ақлдан озибсан, Лайло. Ишқ нима? Ишқ ёзибди "
"Менимча ҳам, Лайло бу нима дегани? " ,-дедим қош чимириб.
"Сен ёз, кейин кут! Агар буни кўриб сенга қўнғироқ қилмаса, Лайло деган исмимни бошқа қўяман"
"Ҳозирдан қўй! Ойпопук зўр исм" -дея кулди Хумора.
"Бу асли маъноси бошқа гап. Илоҳий ишқ ҳақида кетяпти. Аммо эркаклар буни бошқача тушинади. Шу учун ишга ярайди, мана кўр"
Қизларнинг гапига кириб яхшими қилдим-ми, ёки ёмон хуллас Лайло жўнатган расмни ва ёзган гаплари билан барча ижтимоий тармоқдаги профилмни ўзгартирдим. Улар билан суҳбатим тугагач, ойим билан гаплашдим. Лайло гапида жон бор шекилли, Низом менга видео қўнғироқ қилаётган эди. Камерани ўчириб, фақат гўшакни кўтардим.
"Алло!" -дедим овозимни жиддий тутишга ҳаракат қилиб. –
"Алло! Қаердасан?"
"Катта холамникида, Низом! Сенга нима, қаердалигим?"
"Сенга нимани кўрсатиб қўяман, ҳали шошмай тур. Қуш бўлиб қаерларга учдингиз энди?" -деганда кулиб юбормаслик учун оғзимни ёпдим.
"Вақтим йўқ, нега қўнғироқ қилдинг?"
"Камерани оч, дедим сенга!"
"Нега? Бугун етарлича жамолимни кўрмадингми?"
"Нафиса! Одамни жинни қилма. У расмингни ҳамма кўради, нима деб ўйлайди?"
"Нима деб ўйласанг, сенга нима?"
Лайло ростдан ҳам ишини билади. Баъзан кунлаб, қўнғироқ қилсам, жавоб бермас эди. Битта расм билан мени эслаб қолди. Ҳеч нарса демай, гўшакни қўйдим. Озроқ у асабини бузсин энди. Қайта- қайта жиринглаган телефонимни кўтармадим. Уст- бошимни алиштириб телевизордан овоз келиб турсин, бўлмаса бу ёлғизлик менга қўрқув соларди.
Бир неча дақиқадан сўнг, эшик жиринглади. Юзимдаги кулгини тутиб туролмадим. Мени озод қуш кўрган эрим, боламни олиб келган бўлса, не ажаб. Эшикни очмасдан аввал кўзидан қарадим, фақат юзимдаги табассум ўрнини қалтироқ тутди. Эшик ортида Низом эмас, Сардор турарди.
📚 Ibratli Hikoyalar 📚
#акси_дунё
214-қисм
Нима деб жавоб берсам, бор ҳақиқатни айтсам, Низом ҳам эшитса,гапимга ишониб боламни тинчгина тўсиқларсиз олиб кета оламанми? Ёки далил исташса, унда Моҳира опа буларга ҳам бор гапни айтиб бера оладими? Мен ҳақиқатни қандай айтиб бериш- бермасликни ўйлар эканман, она-ўғил эшикдан кириб келишди.
Низомнинг юзидан улар орасидаги гап ва босимнинг даражасини тахмин қилиш қийин эмас. Бугун бу ерда ҳеч нимага қарамай, яна бир оиладек ўтира олишимизни кўрдим. Агар Низомнинг менга нисбатан озгина туйғуси бўлса, жасоратини йиғиб хотиним -болам деса отаси йўқ демайди. Онаси эса, қўрққанидан қарши чиқа олмайди.
Мен эса болам билан бирга яшаш эвазига, ака-укам хотирасини, оилам бахтига алмашиб бир умрга у сирни ўзим билан олиб кетишга рози бўлардим.
"Нафиса, кетдик сени уйингга ташлаб, ўзим ишга кетаман " ,-деганида хаёлларимни қайси тарқоқ кўчадан йиғишни билолмай қолдим. Адолат бу гапни эшитар- эшитмас боламни қўлимдан олиб
“Ўғлимнинг уйқуси келди. Ҳа болам!" -дея яна унга онаси туриб оналик қилишга киришди. Қайнотамга қараганимда, кўзи билан боравер деб ишора қилди. Низомнинг ортидан чиқмасдан аввал, Сирожимни қаттиқ қучоқлаб олдим.
"Мен сени ойингман, ўғлим, сени жуда қаттиқ яхши кўраман. Сени ташлаб кетгани йўқ. Яқинда бирга бўламиз хўп " ,-дея пичирладим.
Болам балки бу гапларни тушунмас, аммо онг остида унга бу туйғуни эслатиши етарли эди мен учун. Худди қайнотамга айтган гапларимга, балки бефарқ қолар, аммо миясининг бир четида боласини истаган бир аёл борлигини доим билиб юради. Машинага ўтириб, янги уй томон йўл олдик. На у бир оғиз гапирарди, на мен. Манзилга етиб келгач, машинадан тушдик.
Яна ёлғизлик ва болам соғинчи мени кутаётганини билиб, кўз ёшларим тўла бошлади. Кириш эшигига қараб юрганимда
"Нафиса!" -деб Низом мени тўхтади. Менга қараб юриб келиб кўзларимга қаради.
"Бугунги уйга кирганингдан бир маъно чиқарма. Ва илтимос, бошқа айтмай, хабар бермай у уйга борма. Соатлаб кутишингга тўғри келмасин "
"Бир саволимга жавоб бер! Нега ёлғиз қолганимизда қарашларинг, гапларинг, ҳатто нафас олишларинг бошқача? Лекин онангни кўрдингми совуқ нигоҳларинг билан одамни парчалаб ташлайдигандек қарайсан? Низом, мен ҳам одамман. Бу уйда ёлғиз яшаш менга кўп нарсаларни ўйлантириб қўйяпти. Бирга оила бўлиб яшаш ниятинг бўлса ва бунга бирор ёки бир нечта шартинг бўлса айт. Боламни фироғи шунчалар қийнадики, ўзимни ўйлайдиган аҳволда эмасман.
📚 Ibratli Hikoyalar 📚
#акси_дунё
221-қисм
Ичимдан муҳим бир қўнғироқ келмагандир деб умид қилиб? таксидан тушдим ва бино киришига қараб юрганимда, қоронғидан келган овоз дастидан бир учиб тушдим.
“Қаерда эдинг?” овоз келган томонга бурилганимда, Низом қоп-қора кийими ва юзидаги жаҳли билан турарди.
Лайло сўнгги кунларда шунчалик кўп насиҳат ва услуб ўргатган эдики, худди ҳозир ҳам бошим ичига ўтириб олиб мени бошқаргандек эди.
“Тушунмадим?”-дедим саволига жавоб беришдан қочиб.
“Болали аёлга ярашадими, бунақа юриш?” -деди бу сафар мени жон томиримдан уришга ҳаракат қилиб.
Бу гапни эшитган Нафиса, Низомни парчаларга бўлиш керак бўлса-да, ўзимни босиб олдим. Лайлонинг гапларини эсла. Унинг сенга икки хил муомала қилганини эсла.
“Боламни қўлимдан олиб қўйган бировлар бор. Ўғлимнинг менга келадиган кунлари маълум. Қолгани эса, ҳеч кимни қизиқтирмасин “ ,-деб жавобини кутмай бино ичига кирдим.
Оёқ товушларидан, ортимдан келганини эшитдим. Келма демадим, дея олмадим. Калитни бураб уй эшигини очиб ичкари кирганимда, у ҳам ортимдан кирди.
“Демак, ишим бўлмасин ва сен ясан- тусан қилиб, истаганингни қил- ҳа?”
“Ўзинг айтмадингми, биз оила бўла олмаймиз деб. Нега ҳали ҳам мендан ажралмаганингни билмаганим учун, умримни ёлғиз тўрт девор орасида ўтказишим керак-ми? “-дедим ёлғиз сўзига урғу бериб.
Юзидаги ифода яна ўзгарди. Қошлари ўртасидаги масофа қисқарди.
“Худди мен айтган ҳамма гапимни қиласан-да, бу гапимни тутганингни қара”
“Низом, нима истайсан мендан? Чарчадим бирор муҳим гапинг бўлмаса..” -деб эшикни кўрсатганимда
“Мени, ўз уйимдан қувяпсанми?” -деган гапи қаттиқ тегди. Худди мен мажбурлаб бу уйга ўтириб олгандек.
“Бўлди, уйинг сенга буюрсин. Шундоқ ҳам бу ердаги ёлғизликдан, қўрқув ва зерикиш менга кўплик қилаётган эди”,- дедим-да бу гал эшикка қараб мен юрдим.
Қўлимдан ушлаб, мени ўзига тортди. Юзларимиз яқин турганидан, юрак урушларим тезлашди.
“Қаерда эдинг?” -дея сўради ялинган овозда.
“Сенга қизиқми ҳаётим?”
Лайло кечир, кўз ёшимни тута олмадим. Хумора ҳам, миям ичига ўз тахтини қуриб олишга шайдек, унинг овозини эшитгандек бўлдим. Ёноғимга оққан ҳар томчисини қўллари билан артди. Низомнинг менга бу тур саволлар беришининг сабаби, Сардор эди, албатта. Ундан ярим оқшом келган смс. Ишқилиб бу ерга келганини билмаган бўлса, бўлгани. Ва албатта, неча кундан бери Лайлонинг жўнатган расм ва видеоларни қўйиб борганим. Четдан қараганда, Нафиса янги ҳаёт бошлаганинг белгилари эди.
“Оилали аёлга ярашадими, бунақа юриш?” -деганида қорнига тиззам билан бир тепсамми, деб ўйлаб қолдим.
📚 Ibratli Hikoyalar 📚
#акси_дунё
219-қисм
“Ўзинг айтмадинг-ми? Онасининг олдида сенга муомаласи ўзгаради деб. Энди муомалани ўзгартириш навбати сенда, ўртоқжон. Ичини куйдир, ўзингни олиб қоч. Резинканинг қанча икки учини бир-биридан узатиб, чўзиб тортсанг шунча шиддатли бир -бирига урилади. Фақат бу сафар, яна тарвуз ютиб ўтирма ҳа-ҳа-ҳа “
Лайлонинг овози бутун уйга эшитилгандек бўлди.
“Тўғрисини айтсам, мен бошқача ўйлайман. Эркакнинг кўнгли нозик бўлади. Унга яхши гапириб, уни ўз жозибанг билан мафтун этиб, болангни ол. Бегона эмас, қонуний ва шаръий эринг. Озгина жилва қилсанг, ҳеч нарса қилмайди. Машҳур гап бор. Аёлни бузолмайдиган, олтин,эркакни йўлдан уролмайдиган аёл йўқ. Аёллик қобилиятингни ишлат “
“Нафиса, бу салонига эркакларнинг иккинчи хотини ёки хушторлари кўп келганидан, улардан хулоса чиқариб айтяпти. Сен мен айтганни қил”
“Ҳм, юлдузлар билан ернинг масофасини яхши ўлчаган, ўртоғим. Сенга тунги юлдуз бўлиб порла, аммо қўл етмас бўл демоқда. Тўғрисини ўйлаб, ўзинг танла”
Гуруҳда икки бир -бирига зид фикрлар яна узоқ тортишди. Мен эса деразадан ташқарига қарадим. Низомдан дарак йўқ эди. Балки ўзимни ҳаддан зиёд ишонтиргандирман, дея жаҳлим чиқди. Худди шу кеча бўлгани каби бошқа кечаларда ҳам Низом мен кутгандек боламни олиб келмади.
Ҳатто ишга борганимда ҳам уни деярли кўрмадим. Менга ташлаб кетган ҳужжатларига қўл қўйиб, ярим кунимни ўша ерда ўтказдим. Асолат ўзини биринчи леди эълон қилган кўринади. На бир ичимлик таклиф қилди, на бошқа нарса.
Лайлонинг айтган гапларига қулоқ солиб, ўзимни кўринмас, билинмас қилдим. Ҳар қанча қўлим Сирожни кўриш учун қўнғироқ қилишга борса-да, ҳар сафар сўнгги дақиқада воз кечдим. Низомнинг “истаган пайтинг бора олмайсан уйимга “ -деган жон олувчи гапларидан сўнг яна жасорат қилиб бора олмадим.
Бугун Хуморанинг туғилган кунини ўтказиб олсам, эртага Сирожим келадиган кун. Сабр қилишим шарт. Ҳаётимни изига тушириб, боламни қонунан олиш учун сокин ва етарли шароит яратишга мажбур эдим. Икки кун ойимникига бордим. Ойим пиширган ҳар таомдан еганимда, қанийди болам ҳам еса, дея ақлимдан ўтказдим.
Уйдаги қизлар билан бирга бироз суҳбат қилдим.Ақлли қизлар мақсадини аниқ қўйган, дардлари фақат таълим олиш ва келажак учун керакли заминни яратиш ниятлари. Яна Лайлонинг қистови билан туғилган кун деб устимга янги кийим олдим. Нархи унча қиммат бўлмаган, аммо кўзга кўринган кўйлак ва уй олдидаги аёллар салонига кириб сочларимни озроқ тартибга келтириб, бўятиб ҳам олдим.
📚 Ibratli Hikoyalar 📚
Turmush qurgach, juftingiz bilan shu 7 ta oltin qoidaga kelishib oling.
Va bu qoidalarni hech qachon buzmaslikka ahdlashing.
1.Uyingizda uch narsani ta'qiqlang.
-G'iybatni
-Bahslashishni
-Araz va ginani
2.Uyingizda uch narsaga meʼyor belgilang.
-Telefonga
-Internetga
-Televizorga
3.Uyingizda uch narsani davomli qiling.
-Qurʼon tilovatini
-İlmiy suhbatni
Jamoat boʻlib namoz oʻqishni
4.Uyingizda uch narsani koʻpaytiring.
-Duoni
-Zikrni
-Tavbani
5.Uyingizda uch narsani kamaytiring.
-Koʻp yeyishni
-Koʻp uxlashni
-Koʻp gapirishni
6.Uyingizga uch narsani kirgizmang.
-Foiz
-Harom rizq
-Birovning haqqi..
📚 Ibratli Hikoyalar 📚
Biroz tabassum )
Islomiy tarbiya oʻqituvchisi oʻquvchidan:
- Isming nima? — deb soʻradi.
- Ismim Yasin — deb javob berdi oʻquvchi.
- Unda bizga Yasin surasini oʻqib ber ey Yasin.
U o'quvchi surani yoddan bilishini aytib,oʻqib berdi.
So'ngra ustoz boshqa bir oʻquvchidan:
- Seni isming nima? - deb soʻradi.
- Ismim Yusuf, lekin doʻstlarim meni Kavsar deb chaqirishadi deb javob berdi )
📚 Ibratli Hikoyalar 📚
Falonchi doim baxtli...
🌸 Siz uning qalbi pok, yaxshilikni sevishi, uni boshqalarga ham ilinishini bilmasiz!!!
Falonchining nasibasi buyuk...
🌸 Siz uning istig‘forni kanda qilmasligini bilmaysiz!!!
Falonchi nimani orzu qilsa, albatta erishadi...
🌸 U Allohning rahmatidan noumid bo‘lmasligini, o‘tirsa ham, tursa ham duo qilib so‘rashini bilmaysiz!!!
Falonchining rizqi ko‘p.
Rizqdan rizq ichra yashaydi...
🌸 Uning niyati sof, o‘zidan boshqalarga ham yaxshilikni sog‘inishini bilmaysiz!!!
Falonchiga gap tegmaydi. Uning oldiga kimsa yomonlik ila yaqinlasholmaydi...
🌸 Siz uning g‘azabini yutib, odamlarning xatolarini kechirishini bilmaysiz...
Falonchiga ko‘z tegmaydi...
🌸 Siz uning zikrlarni, muslimning qo‘rg‘oni, Qur’on tilovatini tark qilmasligini bilmaysiz...
Ba’zi insonlar borki,
Siz uni umuman Xudoni tanimaydi, deb o‘ylaysiz...
U esa kechalari bilan Allohga munojot qilib chiqadi... Tilidan zikr , istigʻfor tushmaydi...
📚 Ibratli Hikoyalar 📚
Koʼp istigʼfor aytsangiz:
1. G'amingiz ketadi.
2. Qarzingiz uzilishi oson boʼladi.
3. Xatolaringiz kechiriladi.
4. Barcha yaxshilikga muyassar boʼlasiz.
5. Samo eshiklari sizga ochilgay, duolaringiz qaytarilmaydi – ijobat boʼladi Inshaalloh.
Istigʼforni qanday aytasiz?
Istigʼfor lafzlaridan baʼzilari:
1. "Аstagʼfirulloh" (Аllohdan magʼfirat soʼrayman).
2. "Аstagʼfirulloha va atubu ilayhi" (Аllohdan magʼfirat soʼrayman va Unga tavba qilaman).
📚 Ibratli Hikoyalar 📚
🌿 YAPON O‘QITUVCHISI O‘LIMI OLDIDAN DOSKAGA SHUNDAY SO‘ZLARNI YOZIB KETIBDI:
[ Bu sizlarga oxirgi gapim!
Sizlarga bergan oxirgi uyga vazifamni
Topshirish muddati yo‘q!
Barchangiz baxtli bo‘ling!
Siz uyga vazifani topshirishga tayyor bo‘lganingizda, men jannatda bo‘lsam kerak deb umid qilaman!
Shoshilmasdan uyga vazifani bajaring va hayolan menga yuzlanib: "Ustoz, men uyga vazifani bajardim" desangiz, xursand bo‘laman!
Kutaman-a?]
Shunday azizlar, O‘qituvchisi qadrlangan yurtning, o‘quvchisi ham qadrlanadi.
📚 Ibratli Hikoyalar 📚
🌿 Farosat...
- Islom tarbiyasiga ko‘ra, ko‘chadan ayol-qizlar o‘tib qolsa, erkaklar ularga teskari o‘girilishi va o‘zaro biroz baland ovozda gapirishlari lozim.
- Baland ovoz nima uchun?
- Yigit-erkaklar ayol haqida emas, boshqa mavzuda gaplashayotganlarini ma’lum qilgan holda, ayol-qizlarni xotirjam va qo‘rquvsiz o‘tib ketishlarini ta’minlash uchun...
📚 Ibratli Hikoyalar 📚
🌿 Bugun....
Bugun men...yanada ojiz , kuchsiz , himoyasiz ekanimni tushunib yetdim!!
Bugun hamma istaganimiz ham bo'lavermasligini...
Kelavermasligini... bandasi oddiy bir banda ekanligini chuqur angladim .
Biz yengolmaydigan narsalar .... dardlar borligini bildim... bildim
Yig'lolmadim ... yig'i kelmadi..
Xayri bordir dedim ,
Yozilgani bo'lsin !!
Urinmayman ... endi urinishni istamayman...
📚 Ibratli Hikoyalar 📚
Қатиққа + Кўк чой қўшсангиз борми натижадан шокка тушишингиз аниқ❗
Бу оддий рецепт билан бужмайиб, қорайиб камига доғ тушиб кетган юзни, 18 ёшли тиниқ юзга айлантириш кимни хаёлига келибди дейсиз? Камига 15 Кунда, 15 кг га озиб, 20 йилга ёшаришга нима дейсиз?
Бир тийн турадиган бу рецептни 2 ҳафтадан ортиқ қўллагандим, мендаги ўзгаришлар эримни ақлдан оздирди.
Мана уша рецепт: ёзиб олинг!
- oддий кўк чой
- қатиқ ва…
Батафсил ўқиш👇🏻
🌿 Dunyodagi eng ajoyib va g‘aroyib musxaf Payg‘ambarimiz sollallohu alayhi vasallam shahrilari Madinaga olib kelindi. Uning g‘aroyibligi shundaki u na qalam va na siyoh yoki ko‘mir va na shulardan biriga o‘xshash narsalarning birortasi bilan yozilgan emas.
Tasavvur qiling: Qur’onni to‘liqligicha o‘z qo‘llari bilan Pokistonning Panjob shahrida yashovchi bir ayol naqsh yo‘li bilan tikib chiqqan. Bu ishni 1987-yil boshlab 2019-yil tamomlagan. Qur’onning biron bir harfini tahoratsiz yozmaslikka va u ishni kechaning uchdan birning eng oxirgi qismidan boshqasida qilmaslikka ahd qilgan. Allohning kitobini naqsh qilib tikib chiqish uchun 35 yil davomida xuddi yuqorida aytilganidek mehnat qilgan. Bu ayol Qur’onni to‘laligicha tikib bo‘lgach shu yilning haj mavsumida Madina shahridagi Qur’on muzeyiga o‘sha Qur’onni hadya qilgan. Qur’on sinchkovlik bilan tekshirilib chiqilgach, muzeyga qo‘yildi.
Ayolning ismi: Nasim Axtar.
Yuqoridagi rasmda ana o‘sha Qur’on! Alloh rozi boʻlsin 🤲🏻
📚 Ibratli Hikoyalar 📚
📣HIJOMA KURSI
⏰ QABUL BOSHLANDI
💡Sizni foydali tibbiyot usuli — Hijoma (qon olish) san’atini o‘rganishga taklif qilamiz!
📊Kursda o‘rgatiladi:
✅Hijomaning turlari (quruq va ho‘l hijoma)
✅ Asbob-uskunalar bilan ishlash
✅ Gigiyena va xavfsizlik qoidalari
✅ Tez va to‘g‘ri qon olish uslublari
✅ Amaliy mashg‘ulotlar (real bemorlarda)
📚 Kurs yakunida sertifikat va amaliy ko‘nikmalar bilan chiqasiz!
⚡️ Ruxsatnoma bilan ishlash imkoniyati!
💬 Ro‘yxatdan o‘tish va batafsil ma’lumot uchun:
⏩️@Nilufar_Hidjama_Admin2
⚠️Shoshiling! O‘rinlar soni cheklangan!
📚 Ibratli Hikoyalar 📚
#акси_дунё
217-қисм
Ўтмишдаги хатолар, ҳозир ва келажакка хавф солувчи энг хатарли омиллардан бўлиши мумкин. Ўйловсиз қилинган ишлар бўлмаса, энг мукаммал ҳаёт сизни кутадими? Ёки ўша хатолар-ми, сизга тўғрини топишни ўргатади?
Раҳматли бувимни, яна бир бор эсладим.
“Бировга ўйин ўйнасанг, ўзингни бошқа бир ўйин ичидан қутқаролмай қоласан “ ,-деган эди.
Қафасдан учган озод қуш эдим-ми? Ёки ўтмиш симларидан ясалган қафасда, қамалиб қолдим-ми? Нима қиларимни билмай оёқ- қўлим қалтираб қолди. Қиз болалигингда, бировнинг тан маҳрамида бўлмаган пайтинг баъзи нарсалар қанчалик осон туюлар экан.
Энди эса, нафақат ҳавода осилиб қолган никоҳим, балки ўғлимга учи етиб борадиган вазият қурбонига айланиб боряпман. Тинмай жиринглаган телефоним ўчди. Низом ўтган кунгидек, айтмай чиқиб келса, унга эшик ортидаги Сардорни нима деб тушунтираман?
Яна видео қўнғироқ қилганда камерани очмай, уни баттар ичини қиздирган эдим. Ўзини озод қуш қилиб кўрсатмоқчи бўлган, зағизғон!
Сенинг ниманга озодлик... ишқ...ўйин.
Бошимни қайси деворга урсам вақтни ортга олиб, хатоларни тузатиш имконини беради. Қайси бирини умуман ҳаётим кўчасига киргизмаган бўлардим? Йўқми бунинг бир дуоси, бир чораси. Сардорнинг тинмай мен билан гаплашиб олиш ёки учрашиш иштиёқи, қаердан пайдо бўлди?
Дилнозага қўнғироқ қилсам, оиласи бузилиши, кейин эса бу Сардорни бошимга баттар бало бўлишига олиб келмайдими? Қўлим қалтираб, яна ақл хўжаларим Лайло ва Хуморага ёздим. Қафасни эшигини очган улар. Энди чора топишга, ўзлари ёрдам беришса ажаб эмас.
“Қизлар, Сардор келган нима қилай?” Смс бир неча сонияда ўқилди ишоратини кўрсатди. Лайло ёзяпти. Хумора овозли хабар жўнатмоқда. Эшик олдидан бошқа хонага ўтиб, телефоним овозини ён бошидан пасайтирдим.
“Сенга бечора, қуш дедик. Лочин чиқди-ку? Сардорни қаердан овладинг?”
Лайло ҳақиқатдан хаёл дунёсида яшайди.
“Учиб бораётган эдим, Сардор қуртга ўхшаб ўрмаланиб юрган экан, Лайло!!!”
“Ўтган куни айтганингда унча эътибор бермаган эдим. Ҳақиқатдан вазият жиддий де?” ,-дея Хумора овозли хабар жўнатди.
“Низом, бироз аввал қўнғироқ қилганди. Келиб қолса, нима қиламан?”
Смсим ўқилди. Хумора овозли хабар жўнатмоқда.
“Мен Сардор билан ўзим гаплашиб кўраман ҳозир “ гуруҳ профилида 3 кишидан 2 киши тармоқда бўлиб турган эдик. Хумора чиқди. Лайло ёзяпти.
“Нафиса, Низом нима деди кўрибдими профиль расмингни?”
Ҳамма нарсага қизиққан Лайлога жавоб қайтараман деб турганимда, эшик ортидан жиринглаган телефон овози келди.
📚 Ibratli Hikoyalar 📚
#акси_дунё
215-қисм
Ёки васийлик, майли вақтинча сенда қолсин. Аммо боламни бер. Шу уйда яшаб турамиз, хоҳлаганингда келиб кўр. Бобоси ва бувисига олиб бор. Фақат битсин бу азоб, ўтиниб сўрайман. "
"Нафиса, биз бир оила бўлиб яшай олмайдиган айро бировлармиз. Орамизда тоғлар бор, кўрмаяпсанми? Мен Фарҳод эмасман, Ширинни деб тоғларни тешган. Мендан оила бўлишни кутма. Сирожни сенга бериш -бермаслик менинг қўлимда эмас" ,-деганида бир қўли оқиб турган ёшларимни ёноғимдан артарди.
Тили айтаётган гапларини, ҳаракатлари ва нигоҳлари тескарисини кўрсатарди. Низом қўрқоқ эди. Ҳаётда ҳаммага ҳам жасур ёр насиб қилмасди. Менинг насибамга шунақаси онасининг гапидан чиқмайдиган, ўз хоҳиши фикрини ўртага қўя олмайдиган тушган эди. Кўнмасдан бошқа иложим йўқ кўринади. Бошим билан майли дегандек, қилиб жавоб қайтардим. Бошқа гап айтишга не ҳожат.
"Бу уйни нима қиламиз, бу ерда ёлғиз яшашни истамайман. Муаммо ҳам керак эмас. Рўйхатда йўқлигим учун текширувга тушиб қолгим келмаяпти. "
"Эртага ишхонага бор,ижара шартномаси қилиб рўйхатга қўямиз”-деди. Ҳали ҳам кўзидан нимадир гапи бордек туюларди. Ортимга ўгирилиб кетдим. Эри суйганни, эл суяди деб бекорга айтишмаган. Низом ҳужжатда, Аллоҳ олдида эрим экан ва мени истамас экан, қолганлардан марҳамат кутиш бефойда.
🌘 🌒
"Сен жиннимисан, Нафиса? Сенга шундай деса, индамай туравердингми? "
"Нима қилсин қиз бечора? Лайло ҳамма сенга ўхшаб юлдузномалар билан қадам ташлаб, режа билан иш қилмайди."
Икки соатдан бери, қизлар гуруҳимизда менинг муҳокамам. Дилноза гуруҳдан чиқиб кетгани боис, уч киши менинг оилавий масаламни муҳокама қилаётган эди.
Аслида дардимни ошкор қилиш эмас эди ниятим. Фақат бу ёлғизликда, соғлом ва четдан қараган бир тушунчага муҳтожлик ҳис этдим.
"Ҳозирдан бошлайсан! Худди, Низомсиз ҳаётинг қувончга тўла ва сен бахтлисан, тушундингми?"
"Лайло! Нафиса Низомга очиқ- очиқ бахтлиман деса, сенингча ишонадими? Йиғидан кўзи шишганини қара "
"Уф, Хумора-е! Ишинг одамларнинг ташқи кўринишида "
"Ҳа-ҳа-ҳа!" -деб кулган Хумора бўлди. Гуруҳ видео қўнғироғида ҳамма бир- бирини кўриб турарди.
Ҳисларни яширишнинг иложи йўқ.
"Лайло , Хумора сизлардан бир далда ёки ақлли бир маслаҳат чиқадими десам, сизлар нималар деяпсизлар?"
"Мени айтганимни қиласан! Бундан кейин маъноли, хўрсинадиган хафа расм видео ёки гаплар қўймайсан. Ўрнига "Good morning!" "Happy life" кайфиятига ўтамиз. Биринчиси, у профиль расмингни алмаштир. Дуо қилган қўл расми яхши, фақат Аллоҳга қилган дуонгни ҳамма билиши шарт эмас. Унинг ўрнига мана бу расми қўй "- деб, менга шахсий саҳифамга расм жўнатди.
📚 Ibratli Hikoyalar 📚
#акси_дунё
213-қисм
Дастурхон атрофида ҳамма ўтирар экан, ҳеч кимдан чит деган овоз чиқмасди. Сирож дадаси ва бувисининг овқат едиришга уринган ҳар ҳаракатини рад этиб, қайсарлик қиларди. Аммо мен узатган қошиққа йўқ демай ерди.
Бу ҳолатни,ҳамма кўз учида кузатарди. Ҳар қанча Адолат болани мен катта қилдим деса-да, менинг ўғлим ҳам дадаси каби она қўзиси эди. Низом онасига қандай боғланган бўлса, Сирож худди шу йўлдан кетадиганга ўхшарди. Адолатга албатта бу нарса ёқмади. Сирож ишини бажариб қўйганини учун, уни олиб уй ичидаги ювиниш хонасига олиб бордим. Низом ортимдан келиб, ўғли ва мени кузатарди.
Ювиниш хонаси эшигини деярли ёпиб ўзи ичкарига кирганди.
"Қачон келдинг? Кўп бўлдими,келганингга" -дея сўради овози ва қарашлари юмшаган эди.
Йиғидан қизарган кўзларимга қаради. Ютинганини кўрдим. На менга қараб бир қадам ташлай олади ва на онасининг айтганини қилиб, узил -кесил орани узолмас эди. Унинг нигоҳида, аросатда қолган одамнинг белгиларини кўрдим.
Маъюс ғамгин эди қарашлари. Худди менга бир нарса демоқчи, лекин айта олмагандек туюлди. Ва ташқаридан келган овоз, бизнинг шундоқ ҳам тушунарсиз аҳволимизнинг қотили эди. Онасининг овозини эшитиб, Низом тезда ювиниш хонасидан чиқди.
Мен боламнинг остини тозалаб, ҳамма ўтирган хонага чиқдим. Она -ўғил кўринмасди. Биргина қайнотам ўтирарди паст қўйилган телевизорга қараб.
Ҳаётда қисқа ва баъзан шундай онлар бор-ки, кичкина фурсатдан фойдаланишинг керак бўлади. Менда ҳам шу имкон пайдо бўлганди. Бор жасоратимни тўплаб, ўрнимга ўтирдим ва балки тақдиримни ўзгартирадиган суҳбатини бошладим.
"Амаки, мен ақлимни танибманки сизни доим кучли, ҳаммага ғамхўр, қўлидан келганига ёрдам берадиган деб билдим. Оталарни чинорга ўхшатишади. Меваси йўқ, аммо кўрками ва сояси барчага етади. Дадам дунёдан ўтди биласиз. Ойим заифа, кучи ҳар нарсага етмайди. Акам -укам йўқ тарафимни оладиган. Бугун уйингизга, эшигингизга ёрдам сўраб келдим. Соянгизга пана бўлиш учун келдим. Амаки, боламдан бошқа ҳеч нарсам қолмади. У ҳали кичкина, унга она меҳри керак. Хатоларимнинг жазосини боламга кесишмоқда. Сиздан ўтиниб сўрайман, ўғлимни беринглар" сўнги сўзларим бўғзимга тиқилиб чиқди. Қайнотам юзимга қараб туриб
"Сен аввал менга, Адолатни нега пичоқлаганингни сабабини айт. Кейин сенга ёрдам бериш- бермасликни, ҳимоямга олиш -олмасликни ўйлаб кўраман " -деди жиддий ифода билан.
"Мен.."
"Сендан эшитмоқчиман. Адолатнинг жавобини эшитдим. Менга сен томондан ҳақиқат керак" - ҳаётдаги фурсатлар деганимда буни назарда тутмаган эдим, албатта.
📚 Ibratli Hikoyalar 📚