Telegram-канал ifse35 - 🖋غَيثْ مِرَيّمِيّآت رٌفَقْاء الإيِمَان ❣⚘: Unsorted

🖋غَيثْ مِرَيّمِيّآت رٌفَقْاء الإيِمَان ❣⚘

03 Mar 2021 12:09

206
يلا صلوا على النبى 😢
#وفاة_النبى (ج3)
قال ﷺ : " أيها الناس لا ترجعوا بعدى كفارا يضرب بعضكم أعناق بعض "

النبى حيمرض فى حجرة عائشة رضى الله عنها هى حبيبته و أكتر حد بيرتاح معاه .. فخرج النبى من حجرة زوجته ميمونة و كان تعبان مش قادر .. فسيدنا علي و العباس سندوه بس المرة دي النبي مش قادر يدوس بقدمه علي الأرض .. فالصحابة بيقولوا : " فخرج علي و العباس برسول الله و قدماه تخطان في الأرض خطا " ( يعني مش قادر يحط رجله علي الأرض .. فهم ساندينه و يدوب رجله بتتجرجر فعامله خط على الأرض 😢 ) .. فالمنظر كان صعب وكان قاسي علي الصحابة كانوا بيبكوا و يعيطوا .. دخل النبي عند عائشة .. فتقول عائشة فدخل النبى إلي حجرتى و نام في الفراش ..

و حطت عائشة جنبه إناء فيه ماء فقالت عائشة : " فجعل يضع يده فى الإناء و يمسح علي راْسه ويقول : " لا إله إلا الله إن للموت لسكرات ( يعني يااا ده الموت متعب أوي ) " .. و يشتد الألم علي النبي .. لدرجة أن ورد في بعض الكتب أن النبي قال اللهم ثقل عليّ و خفف علي أمتي ( يعنى خلى التعب بتاع سكرات الموت كله عليا و خفف عن أمتى ) .. فعائشة حتتجن شايفة النبى عليه الصلاة و السلام تعبان أوى فبتقول : " فتذكرت أنه كان يرقي المرضى ويضع يديه علي رأسهم و يقول : اللهم رب البأس أشف وأنت الشافي لا شفاء إلا شفائك شفاء لا يغادر سقما " ..

فتقول عائشة : " فظللت أقول وأكرر الدعاء .. فلما أنتبه لى النبى فأمسك بيدي و قال : لا يا عائشة .. قد كان ذلك في المدة أما الآن فلا ينفع " ( يعني أيه ؟ .. يعني الكلام ده ينفع لما يبقي لسة فيه في العمر بقية أما دلوقتى خلاص أنا عمرى بينتهى فمش حتنفع ) .. فبتقول عائشة : " فبكيت و علمت أنه ميت 😢 .. فبينما نحن كذلك إذ علت الأصوات في المسجد ".. و صوت العويل والبكاء عالي جدآ في المسجد .. أنتوا عارفين إن بيت النبى كان جنب المسجد يدوب الفاصل بينهم ستار ..

فسأل النبي و قال : " ما بال الناس ( الناس مالها .. فى إيه ؟ ) " .. فقالت عائشة : " يبيتون منذ البارحة في المسجد يا رسول الله .. يخافون عليك " .. فقال النبي : " أوقد فعلوا ؟ " .. فقالت : " نعم " .. فقال : " أحملوني إليهم " .. النبى لقاهم خايفين عليه فقام و راح لهم بنفسه ♡ .. فجاء علي والعباس و حملوا النبي فخرج النبى للمسجد .. فأول ما خرج سكت الناس .. فحملوه إلي المنبر .. وأجلسوه إلي المنبر .. فقال النبي عليه الصلاة و السلام : " أيها الناس مالكم لكأنكم تخافون علي ؟ ( أنتو خايفين عليا ♡ ) " .. فقالوا : " فداك آبائنا وأمهاتنا نعم يارسول الله خائفين عليك " .. فقال النبى : " أيها الناس موعدكم معي ليس الدنيا موعدكم معي عند الحوض .. والله لكأني آراه من مقامي هذا " .. النبى بيصبرهم ♡ و يصبرنا أحنا كمان ..

فبكي الناس ويبدأ النبي يوصيهم وصايا فيقول لهم : " أيها الناس والله ما الفقر أخشي عليكم و إنما أخشي عليكم الدنيا ، فتتنافسوها كما تنافسها الذين من قبلكم فتهلككم كما أهلكتهم " ( يعني أنا يا مسلمين مش خايف عليكم من الفقر لكن خايف عليكم من الدنيا تتخانقوا علي المناصب وعلي الكراسي و تقتلوا بعض علي السلطان والجاه ) .. ويقول النبى : " أيها الناس لا ترجعوا بعدي كفارا يضرب بعضكم أعناق بعض ( يعني متقتلوش بعض ) و يبدأ النبي يوصي أيها الناس الله الله في الصلاة ( يعني خلي بالكم من الصلاة يا مسلمين ) الله الله في الصلاة .. ويفضل يكرر ويكرر .. و بعدين يقول : الله الله في النساء أوصيكم في النساء خيرآ .. أيها الناس لايؤمن أحدكم إلا وهو يحسّن الظن بربه " ..

وبعدين يقول جملة غريبة أوي : " أيها الناس من كنت قد جلدت له ظهراً ، هذا ظهري فليقتص مني .. من كنت قد سببت له عرضا ، هذا عرضي فليقتص مني .. من كنت قد أخذت منه مالا فهذا مالي فليقتص منه قبل يوم القيامة حيث لا ينفع مال ولا بنون إلا من آتي الله بقلب سليم وإني أحب أن ألقي الله نقيا .. ولا يخشي أحدكم الشحناء ( يعنى خدوا حقكم منى و متخافوش أنا مش حخاصمكم بعدها ) .. و يقول فمن كان له عندي حق فليأتي فليأخذه الآن و ليقتص مني الآن ".. طيب معقول حد حيقبل على نفسه أنه مهما كان له حق أنه يقتص من النبى !! ..

فيقوم واحد من الصحابة أسمه " عكاشة بن محسن " و يقول : " أنا أريد القصاص يا رسول الله " .. فألتفت الناس للرجل و جفت الدموع .. أصل الناس مش مصدقة أن حد يقبل على نفسه أنه يقتص من النبى مهما كان له حق عنده .. فعكاشة يقول : " أنا أريد القصاص يا رسول الله ، كنت يوم غزوة بدر يا رسول الله تسوي الصفوف فطعنتني بعصا بيديك في بطني فأوجعتني .. فأريد منك القصاص " .. فقال النبى : " نعم يا عكاشة تعال ".. المهم العصاية اللى كانت فى إيد النبى يوم بدر دي كانت عصاية معينة .. و كانت فى بيت فاطمة بنت النبى فبعت النبى واحد يجيب العصاية .. أنتوا متخيلين !! إن فاطمة لما حد يخبط عليها فتسألهم عايزين إيه ؟ ..