اضحك ، تبسّم ، فلّها ، عيش دنياك
خذها بساطة ، وأقلب الوضع عادي .
لا تضيّق خاطرك جعل العرب يفدونك
ضحكتك لو ماني برسام راح ارسمها .
منه السوالف اذا سولف تجي ذربه
يحسبنّي اسمع وأنا في بحّته غادي .
هلا يا غاية العمر و هلا يا أجمل الزوار
هلا بك قدّ ما تبرى جروحي بلمسة إيدينك!
هلا بك قدّ ما زان العمر وأبتسمت الأقدار
وكنّ إللي مضا وهمٍ نسيته بين ضلعينك .
تعالت قدرتك وأنت الإله المستعان الحي
فلا أنت بحاجه لعبدٍ نصاك ولا أنت جافيني
أنا يا رب ما ودي أموت وما أجيك بـ شي
وأنا حتى مخاليقك .. أجيها مالي يديني .
تروّع صواديف الزمن كل سمح قبال
مثل مايروع الفقد في واحدٍ غالي .
لاتتصل ماني على الصوت شفقان
مرواح جدّي جعلك أتلى همومي
ياما فقدنا من حبايب .. وخلان
بدري على الفرقا ترخي عزومي
أبشرك طيب ، ورايق ، وطربان
شفني بعد فرقاك زانت علومي
من باعنا بعناه بـ أردى الأثمان
يانفس صدي عن هواهم وشومي .
انا من اهل الهوى قدني على طفه
وايقت راس الطويل وشفت ميقاعي
نهضت منهاض طيـرٍ نافضٍ رفـه
اقفى من الوكر واستنكر على الداعي
الحياه تزيد الأهمال وتزيد البرود
لين ما خلّت معك قوّ باس وقوّ عين
انزع ثياب المكابر وتمثيل الصمود
لا تشحّ بـ دمعتك واترك الخافي يبين
والله انّه ما يزهّد عريبين الجدود
مثل لوعات الحساير وفقد الطيبين :)
" محتاج ادسّ مْن التعب وجهي بـ صدرِك
___مثل ما يحتاج وجهك صدر يتدلـل عليه ويرتمي "
- عبدالله الكايد
على كل حاجه نصبر إلا كرامتنا
هي الحاجه اللي مانساوم احد فيها .
ليا هب نسناس الهواء والجروح وساع
غدى صدري اضيّق من عيون الفلبيني .
إخترتك العمر ، يوم إن العمر مرة
كنت الصحيح الوحيد من إختياراتي .
يالله ياللي مد عونك نوم عين وضحك ناجد
لا نصيب لمن حرمت ولا ضياع لمن حفظته
جعلني يوم اتقبل قبلتك و ادعيك ساجد
داخلٍ مع من من قبلته طالعٍ عن من رفضته .
إلَهي وأنا عبدك وأدل السنع وأضيع
ولا غيرك المدعي ولا غيرك المعني
أنا أعوذ بك من ضيعةٍ مالها .. ترقيع
الى ضاعوا أهل المعرفه لا تضيّعني
عطني قلبي شوي وارده عليك
ودي آشم الهوى .. واستنشقه
من كثر ما هاجسي مشغول فيك
لو يناديني احد قلت : اعشقه .
أنا وإنت جعل الله ما ياخذ حدٍ من حد
نعيش الحياة وندري إن العُمر فانيّ
على الرغم من بُعد المسافة وبُعد الجد
لاكن مالاحد منا غناة عن الثانيّ ❤️ . ⠀⠀ ⠀
مصير الأيام تكشف لك كنين الصدور
كانك تشوف الوجيه وتجهل ، ، قلوبها
قلبك دليلك ليا اشتبهت عليك الأمـور
لا تقرب اللي يجيك الشك من صـوبها
والله ان بالي طويل ودايمً صدري شمالي
والزمن يبغى يبّيح سدي وبيحت سده
والكلام إلليّ ليا من مر قدمي ضاق بالي
أحذفه فالصدر كني حاذفه في بحر جده
طاح من عيني عتاب وطاح دمع وطاح غالي
والعيون إن طاح منها شي ما والله تردّه
ما عاد لك عندي الاَ الودّ و الاحترام
ولا اعلوم المحبّه .. لا و لا لك لوى .
