أعز ما أملك في حياتي علوّي
وأشد ما أكره بالحياة الدناوه
توّي على تنزيلة الراس توّي
راسي عنيد ولا براسي فضاوه
الوجيه الكاشفه واجد ولا فِيها ملامح
الملامح كلها في وجهك اللي تسترينه .
عسى نفرح سوى وعقد النكاح لْقلبنا يشمل
ونحكي للبشر قصّه هوى واضح بنا .. طُهره .
الله يديم الصاحب اللي لا مال غصنك
يعدله ولا ضاقت الدنيا عليك صدره وسيع .
ألاّ ياحيف .. حسبت إني سكنت القلب
ولكني بعد مدّه عرفت إني مجرد ضيف .
عسى قبرك مثل قلبِك بياضٍ ممتلي بالنور
وتحتك جنةٍ خضراء وسحابة خير ممطوره .
الواحد ماودّه با هالجوّ الحلو إلا " قُبلةٍ من
شِفاياك " وباقي الأمور واللِي وراها مستورَه .
الخاطر ان عاف مثل النفس لا طابت
تقفي و لا عاد به شي يجودها
انا بغيت الغلا يوم الغلا ثابت
و اقفيت و النفس مدري وش يراودها
رميت لي رميةٍ وحده ولا صابت
و حلفت بالله ماعاد اتعودها .
في اللاتوقع لقيت أحساس حُريتي
و ما عدت أعامل علاقاتي بشخصيه
الخير و الشر واحد حسب توقيتي
و الناس مرسوله بـ خيرة الاهيّه
ردود فعلي تشرف صيتي و بيتي
مهما تكون الجروح تخيب النيه
لو تلعب ظروف وقتي في مزاجيتي
" ما تغيّر اخلاق نفسي هالمزاجيه "
وكنت أحسب :
أنه شفوقٍ لي يفرح بطرياي
و أثره يرتاح لا أبطيت ماجيته .
عسى الله يبارك في لياليك ياشعبان
وعسى الله يبلغنا رمضان وتراويحه .
يالله بصدرٍ وسيع وخاطرٍ مستريح
وصبرٍ من الله على ما جاء من أياميّ .
والله ان بالي طويل ودايمً صدري شمالي
والزمن يبغى يبّيح سدي وبيحت سده
والكلام إلليّ ليا من مر قدمي ضاق بالي
أحذفه فالصدر كني حاذفه في بحر جده
طاح من عيني عتاب وطاح دمع وطاح غالي
والعيون إن طاح منها شي ما والله ما تردّه.
ولو حبيت من بعدي أمانه قلّها عني
أحبّ بنتٍ تخاف الله ، خذاها خوفها منيّ .
في حفظ الله يا وجهٍ حداني لين حديته
على درب الغياب اللي يسجه كل ملتاعي
تمادى بالخطا والظلم والبهتان واهديته
خروجٍ ما يجي عقبه رجوع ولا تجماعي .
أذكر قلت :
أبجمّع في يدي كل العمر و أهواك
و أثاري ماجمعت إلادموعي وسط يديني .
لا تساومني وأنا أدري وأنت تدري
إني أعاف الجفى لكن ما أخافه
خابرٍ قدرك بصدري بس صدري
ما تعود يلحق المقفي حسافه .
ترى اللي يجي حيّاه، واللي يروح يروح
" أنا ما أعرف أجوّد النّاس بايديني ".
