2554
لحن الرادود ستار الصالحي
قصيدة بيت المحنه
مقطع صوتي من علي عكاب
Читать полностью…
قصيدة في المسير إلى كربلاء الفداء ،،،،،
ــــــــــــــــــــــــــــــــــــــــــــــــــــــــــ
جَيتَك مشاي والعَبرة بعيـني
عاشگ معلول وإنته ٱدّاويني
أبعثلك سلامي
ابعثلك سلامي
ــــــــــــــــــــــــــــــــــــــــــــــــــــــ
ما أعوفك يابو الأكبر
عن طريــقك مــا أزِل
يا شهيد الغاضرية
مصِيبتك ما تِنحِمِل
عَلّمتــني هالرجــولة
بكل زمن قول وفِعِل
وَضّحِتلي إنتَه الكرامة
ما تِنحُــــفُظ بالســـهِل
يالحُبّك صار بــيت ويأويني
عاشگ معلول ونته ٱدّاويني
ابعثلك سلامي
ابعثلك سلامي
ـــــــــــــــــــــــــــــــــــــــــــــــــــــــــــ
إنعِرضَت الدّنيا عَلَيّه
وبيهه كِلّ المُغـرَيات
وانَه لَجلَك طَلّگتهه
وأحتِقِر هاي الحَياة
العِـنده قائد مِثلَك إنتَه
ما يِخـوّفــونه الطــغاة
خادِمَــك يبن الزچــية
من المَهَد حتى الممات
جَيتَك عطشان حُبّك يرويني
عاشگ معلول ونته إدّاويني
أبعثلك سلامي
أبعثلك سلامي .
ـــــــــــــــــــــــــــــــــــــــــــــــــــــــــــ
فِزعَت الدنيا ورَبِعهه
وجَنّد جنـودَه الدّهَر
رادوا العِترة الشريفة
ما يِــظل إلهــــا الأثَر
ما دَرَوا يَحسين بيك
إتجَنّــنَت هاي البَشَر
كِلهه مَشّايَة إعتِنَتلَك
ما تِبالي بكِل خَــطَر
شايِل وَياي كل هَمّ ٱسنـيني
عاشگ معلول ونته إدّاويني
أبعثلك سلامي
أبعثلك سلامي .
ـــــــــــــــــــــــــــــــــــــــــــــــــــــــــــ
أنـظر لخِــدّامَك آنه
ٱنزِرعَت بدَربَك زَرِع
كِل فَرِد مِنهُم جِذورَه
ثابِـــتَه ومــــا تِنشِلِع
أمشي وبكِل خُطوة أذكُر
عشـــرة داسَــت بالضـلِع
وأذكُر ٱعلى السّمهَرية
ظامي نحــرك مِرتِفِــع
وصَيحات أطفال بِذنِي اتبَچّيني
عاشـــــگ معـلول ونتـه إدّاويني
أبعثلك سلامي
أبعثلك سلامي .
ـــــــــــــــــــــــــــــــــــــــــــــــــــــــــ
شما نِقَدّم نِشعُر إحنه
يا بو سِكنة ٱمقَــصّرين
يا اللي مِن أجِلنا يِگطع
الشّـــــمِر مِــــنّك وَتين
حتى بِحبال المَشــانِق
نبقى نِصرَخ يا حُسين
باللّحِد لو إحنه صِرنه
هَم إلَك شَدنا الحَنين
يا مَن شوغات إختَك تاذيني
عاشگ معلول ونته إدّاويني
أبعثلك سلامي
أبعثلك سلامي .
ــــــــــــــــــــــــــــــــــــــــــــــــــــــــــ
أمشــي وعـيـوني إذا
بالدّرُب شافَـت أي نَهَر
يِنعِصُر گلبي وأحِسّن
دمعي بركان ٱنفِجَر
أذكـــر اللـيــث الرّمية
عالنّــهَر ذاكـه الگُـمَر
واليِعِشــگك يا إمامي
يهدي لِترابك نَـــحَـر
رايَة عــباس شـايِل بِيـمِيني
عاشگ معلول ونته إدّاويني
أبعثلك سلامي
أبعثلك سلامي .
ـــــــــــــــــــــــــــــــــــــــــــــــــــــــ
لو أحِـسّ بتَعبي يِذكُر
گلبـــــي ذيــچ العايِلة
بالحسرات أذرِف دموعي
وأصــــرخ آ يا كــــربله
أشعُر بظعن السبايا
يِگطع بهاي الفَله
يا خَجلِتي لو أگولَن
هالطريق ٱشمَطـوَله
والحَر يَحسين لَجلَك يِچويني
عاشـگ معــلول ونته إدّاويني
أبعثلك سلامي
أبعثلك سلامي .
ــــــــــــــــــــــــــــــــــــــــــــــــــــــــ
بقلم الأستاذ /ستار عذاب الحچامي .
قصيدة في طريق العشق إلى كربلاء الفداء ،،،،،
ــــــــــــــــــــــــــــــــــــــــــــــــــــ
مِن آخِر ديرَة گاصِد مَشّاي
لِلمات ونَحرَه ما ضاگ المَاي
بكِل خطوة اهتِف آ يَحسين
ياللّي بدَمّك صِنت الدّين
لِلمات ونَحرَه ما ضاگ المَاي
ـــــــــــــــــــــــــــــــــــــــــــــــــــــــــــــــ
بدَمع هامي
وجِفِن دامي
أسير بنِيّة القُربَة
بحِزِن هادِر
وگلب شاجِر
أرَدّد دَعوَة النُّدبَة
أواسي بهالمَشي الإمام الغائِب
بَس الله اليِعلَم بدِليلَه اللّاهِب
الله اليعينه المهدي بهاي الأيام
كل سنة تِنعاد اعليه المُصايِب
أحسِب خطواتي بالمَمشى احساب
ومرّات اهديهه لبَعض الأحباب
أندِب وَذرِف دَمع العَين
ياللي بدَمّك صِنت الدّين
لِلمات ونَحرَه ما ضاگ المَاي .
ـــــــــــــــــــــــــــــــــــــــــــــــــــــــــــــــ
لَوَن بِيدِي
على إيدي
زَحِف أزحَف لَبو الأكبر
عِشِگ أول
إذا يِقبَل
هَدِيّة أبذِل المَنحَر
بآيات القرآن اثلاثة المَذكورين
كِل أعمى وأعرَج بالشّرِع مَعذورين
والمايِملِك عَقِل مَعذور من الناس
وانه المَحسوب بعِشگي علَلمجنونين
مَعذرور بعِشگي وانه المجنون
خاف انقِل عَدوَى خَل يبتعدون
وشما بِعدَوا خَسرانين
ياللّي بدَمّك صِنت الدّين
لِلمات ونَحرَه ما ضاگ المَاي .
ـــــــــــــــــــــــــــــــــــــــــــــــــــــــــــــــ
أحِسّن بالدّرُب چَنّه
صِراط الباري لِلجَنّة
رَغُم ما بالخَطر مَحفوف
ولكن أبقى أعِشگنّه
گبُل چان العَدو ٱگبالي
إيعَرِفنِي وانَه أعُرفَنّه
عَدوّي بهالزّمن مُبهَم
قَريب وما أشوفَنّه
بهذا الوكِت عِدواني مثل الأشباح
كِلمَن سِچّينَه امحَضّر لو گالوا طاح
لو بيدَه يِذبَح كل واحد إسمَه حسين
مِن آل أمَيّة إلة طگ چَم سِبّاح
كِل هذا وظَلّت تِمشي الأحباب
تِتفَدّه حسين بنِصّ الأصلاب
صَرخَة ودَوّت مِن اسنين
ياللي بدَمّك صِنت الدّين
لِلمات ونَحرَه ما ضاگ المَاي .
ـــــــــــــــــــــــــــــــــــــــــــــــــــــــــــــــ
بدَرُب عِشگي تِجي ٱبّالي
گبُل مِن چِنّه نِمشيلَه
گِطَعنه الهَيمَة والأنهار
بنَهار وعِتمَة اللّيلة
نِحِسّ ٱبلَذّةِ مِختلفَة
تِعِين المِنهِدِم حَيلَه
نِواسي الغائب الحُجّة
بدَمِعنه الجاري نِدعِيلَه
نِتعَنّه ونُعبُر كِلّ الأخطار
يا خوف اليِمنَع هاي الأحرار
وَحدَة الموتَة ومو مَرتِين
ياللي بدَمّك صِنت الدّين
لِلمات ونَحرَه ما ضاگ المَاي .
ـــــــــــــــــــــــــــــــــــــــــــــــــــــــــــــــ
يَمَن تِشكِل عَليّه إتگول
أذِيّة وبَس ضَرر لَطمَك
إذا عايِز فِهِم وِدرَاك
النبي بفِعلَه يجي يفَهمَك
على إبنَه نِصَب مأتم
ويِنادي وَيلَه اللي يظُلمَك
وبِچَى وناح علبو اليِمّة
ويِگِلّه فاز اللي ايخِدمَك
لِحسين تنوح وتِبچي الأملاك
يَالتّشكِل گِلّي وَينَه الإشراك
بكِل ما نِبذِلّه امقَصرِين
ياللي بدَمّك صِنت الدّين
لِلمات ونَحرَه ما ضاگ المَاي .
ــــــــــــــــــــــــــــــــــــــــــــــــــــــــــــ
بقلم الأستاذ /ستار عذاب الحچامي .
بيجن حيل ذبنه يرجليه
واسنهه المشت للشام مسبيه
ماريدن تعب كون...
ترحن فدوه لم عون
شما تمشن اريد اتذكرن ارقيه
............. ......... .....
لاتشكن الم مابيجن احبال
ولا طكاك بيجن من الرمال
ونتن ماركضتن ركض الطفال
شبيجن تستراحن
ذكرن مشي الراحن
ال علويه تلوذ ابكتر علويه
....... ....... ....... .....
يجدامي تحفن ذبن الحيل
للمذبوح اخوهه وداسته الخيل
تستاهل مشي المانامت اليل
امشن ليل ونهار
للداست عله النار
ترحن فدوه للرجليهه مجويه
....... ........ ...... ....
همن يرجليه وسرعن ابهاي
لحكي اعله عقيله وضعن جاي
تركض بالصحاري وفاكده اراي
روكن بالرمل روك
دوسن حته بالشوك
وتلكن ضعن زينب المحنيه
.............................................
تلكنهه الأجتنه وطاره السوگ
يجدامي الحكن لاتوصل النوگ
وتلاكن اوياهه ام كلب محروگ
يرجلي الضعن جاي
سرعي ابهذ ممشاي
ماريدن تكولن حيل مابيه
...... ........ ........ ......
قصيده استيدو كلمات مشتركه بين الشاعر ابو رقيه علي تميمي وشاعر ابو ماجد الخادم للاربعينيه
لطمية لرقيّة ع
الشاعر قاسم الساعدي المندلاوي
*
رقيّة بالبيت عاشت سعيدة
وبرحلة الشام ماتت شهيدة
يَمته تاخذ ثارهه وتنعلن أخبارهه يالمنتظر يالمنتظر
****
هذا حال الطفلة عمتك يا إمامــــــي
أحݘي وادري تنجرح إنته ابكلامـي
ݘَن اعاين للمَتن أزرگ أمامـــــــي
الشمر لوّعهه واهي ابعازة محامي
وݘَني أسمعهه تگول اَبعث سلامـي
للإمام الحجة اليحرر مقامـــــــــــي
ݘن اسمع الصوت مهدينه وينه
يمته ايتعنّه اتأخّر علينه
بالصحن زوارهه وتنعلن أخبارهه يالمنتظر يالمنتظر
****
عمر ثَلث اسنين بين احضان ابوهـــه
ومن رحل يَمّه اعتنوا ليهه اضربوهه
شنهو ذنب اللي جنَت وايروّعوهـــــه
وردة واجب من عطره ايقدّسوهــــــه
حايرة يالمنتظر لمّن سبوهـــــــــــــــه
شلون تصعد عالهزل من گيّدوهـــــــه
من كثر الادموع خدهه تجرّح
يا صاحب الثار يا ساعة تفرح
تعتنيهه الدارهه وتنعلن أخبارهه يالمنتظر يالمنتظر
****
هيّه گضّتهه نعي من صبح عاشـــــــور
عالمصاب الصابهه من فگد البـــــــدور
مشت من يمهم ضحايا وماكو اگبــــــور
همّه عالغبرة وأهي اعله الوادم اتـــدّور
اشگد ݘبيرة اعله الجليل اتطب للقصور
من عگب ما ودَّعَت والدهه منحـــــــور
وسط الگلب نار واحݘيهه مجبور
بنت الميامين طبّت بالقصور
اترحب ابخطارهه وتنعلن أخبارهه يالمنتظر يالمنتظر
**
لسه دمعة ابعينهه من الجره وصــــــــار
ابزغر سنهه واشكثر مَرّنهه اخـــــــطار
بيهه من اسياطهم يالمهدي آثـــــــــــــار
باقية ولليوم عالمتنين تذكــــــــــــــــــار
مو فقط حرگوا خيام العترة بالنــــــــــار
روَعوا يبن النبي بالطف الازغـــــــــــار
آثار الاسياط للساعة بيهه
هاي المُعانات حتى ابسَبيهه
من تحط اوزارهه وتنعلن أخبارهه يالمنتظر يالمنتظر
****
تدري باللي صار بيهه من عداهــــــــه
اسياطه جم طاغي اعله هالطفلة لواهه
اتحير لمّن تنضرب بيمن نداهـــــــــــه
وكل اهلهه الطف يمهدينه خذاهـــــــه
ناس حب الدنيه عن الحق عِماهــــــه
ايگول آنه الرابح ابدينه الشراهـــــــه
حال اردى من حال شافت رقية
من صعدوا النوگ لآخر مسية
من تحد اشفارهه وتنعلن أخبارهه يالمنتظر يالمنتظر
**
هم تجي الساعة وعلى مرقدهه توگـف
وتگف خلفك شيعتك صف ابكتر صــف
تذكر العاشر وتذكر وقعة الطـــــــــــف
وعلى الخان ابهالوكت تشهِر المرهَف
نسل من ذاك النسل مو منه أشــــرف
ابحُكمه ويّه الجعفري ما مَرّة أنصَـف
مولانه يا يوم راياتك انشوف
رَفَّتهه بالشام من بعد الاطفوف
تُنصُرك أنصارهه وتنعلن أخبارهه يالمنتظر يالمنتظر
فزاعية لرقية ع
الشاعر قاسم الساعدي المندلاوي
**
آه يا رقية آه يارقية
آه يا رقية آه يا رقية
**
شفتي هم ونوح ما شاله جبل
يالصفالچ بالگلب أشرف محل
جرح آل المصطفى بيچ اكتمل
ابهاي الرزية آه يا رقية
**
اتلوعيتي ابزغرچ وشفتي العذاب
عگب ابوچ وصحبته خير الشباب
كشّرت أنيابهه ابقسوة الذئاب
ونارچ سريّة آه يا رقية
**
اسياطهم فوگ الجسم خلّت أثر
طفلة أنتي وحاربچ هذا الدهر
من نذكرچ نرجع الأصعب صور
شفتي الأذية آه يا رقية
****
من بعد ذاك الهنة وذاك الدلال
من ابوچ الصار مگصد للنبال
عالهزل مچتوفة وي جمع العيال
ابزغرچ سبيّة آه يا رقية
**
عله راس ابن الوديعة الخاتمة
چان آخر يوم يا بت فاطمة
بعد ما شفتيه ابرؤئيا مؤلمة
وكت المنية آه يا رقية
***
من نذكرچ نذكر الطف والجره
بالحرم واخيام بيهه اموجّرة
نار والأطفال كلهه امحيّرة
بالغاضرية آه يا رقية
لطميه السيده رقية ع تخاطب راس الحسين ع
يبويه امن المشي توجعني رجليه
هاي اني العزيزه ابنيتك ارقيه
🖤🖤🖤🖤🖤
صحت وين الحنين الدلل ابنيته
بيامنظر رقيه حسين شافته
بويه حسين كبلك ريت انه الميته
ولا شوف الشمر يسلب الترجيه
🖤🖤🖤🖤🖤
كعدنه بالخرابه وراسك اكبالي
ونيت وصحت رد ليه يالغالي
واني امسلبه حال الكدر حالي
زينب عمتي تتهظم اعلي
🖤🖤🖤🖤🖤
مهضومه أصبحت بعدك يبو اليمه
زغيرة والدهر صوبني ابسهمه
اتهيج الجرح. لو مرت. النسمه
عگب عينك خذوني الگوم مسبيه
🖤🖤🖤🖤🖤
عاين يالولي وشوف اشكثر هضمي
وبجمر الخيم بويه احترگ جدمي
امورم من. ضربهم. يالولي. متني
على الناگه اصعدت وحبال بيديه
🖤🖤🖤🖤🖤🖤
الونتها بقت. حزنانه. الناس
ابجف الطفوله حضنت الراس
بقت ساعة رقية اتجر بالانفاس
على رأس الابو جتها. المنيه
🖤🖤🖤🖤🖤
زينب بالهظم صاحت والونين
بعيالك حرت. ياخويه يحسين
على راسك رقية غمضت العين
مصيبته مصيبه هاي. البنيه
🖤🖤🖤🖤🖤
تمت بااقلام ✍🏻 خادمات أهل البيت عليهم السلام ✍🏻
✍🏻الشاعرة ام إبراهيم الحلفي
✍🏻ام زهراء الزيداويه البصراويه
نسألكم الدعاء
#نعي السيدة رقية روحي فداها
****
فزت من حلمها تريد ابوها
وجابو راس ابوها وسكتوها
التراجي اتكله عكبك سلبوها
وامتوني يبويه ورموها
شمسويه وديه جتفوها
وضلوعك شفتهم رضرضوها
ردتك يالحنين تشوف حالي
عيني الراسك ودمعي يلالي
غربه الشام كلها وعرف مالي
وانه ميسره وما عندي والي
ما ضلت معزه ولا مهابه
وكعدنه اخلاف عينك عالترابه
عكبك ما لفاني النوم بابا
وابد ما تنحمل ذيج الخرابه
امسح دمك وامسح بالتراب
وشكيلك عذابي ودمعي سجاب
وكلك وين عني كل هالغياب
ما طاب الجرح بجفاك ما طاب
علي السجاد صاح بهل المسيه
عمه اعله الطشت ماتت رقيه
وزينب عمتي شبكت عليه
ومن ذاك الحبل دم تجري اديه
الشاعر
تحسين الخفاجي
#اللهم_عجل_لوليك_الفرج
بصوت. مسلم المطيري
ابوذيات السيده رقيه ع..
يبويـه الروح حـيل عليك ولعات
عكب ذبحـك خيمنه بنـار ولعات
ركضت وصرت بين الجار والعات
يجر ترچيتي هذا ايعت بديه..
شكثر بويه لحضن صدرك ولع باي
السلـب تـرچـيـتي يابـويه ولعـباي
حـرگ ثـوبـي ويالمـخـيـم والعباي
شبت بويـه واحـترگـت عليه..
الشاعر عقيل الحسناوي
لطمية لرقية ع
الشاعر قاسم الساعدي المندلاوي
***
طفلة وشافت بالنوم والدهه المذبوح
نادت عمّه وصاحت بسمه والدهه المذبوح
****
اشحاله اللي يفارگ خل وهوّه يمّه كل عمره
يتمنه العمر معدوم اخلافه العاقبة مرة
لاهو مبعد ويرجع حتى الجيّته اينطره
ولا هوه ابسفرته اويآ ايكون ابگربه بالنظره
صاحت سمعوهه الكوم شيصبر المجروح
اتريد اتكلمه وصاحت بسمه والدهه المذبوح
****
رقية فارگت والد وجرحه منه ما يلتام
تذكر من يمر بيهه أبوهه من تريد اتنام
بين البسمة والضحگة عاشت طيلة الأيام
هسه اعله الأمل ظلت تنحب سكتة من اتنام
يوم اصعب من كل يوم ويعذب هالروح
تدري ابهمه وصاحت بسمه والدهه المذبوح
***
يوم العاشر ابعاشور مَر بيهه يهز اجبال
سلَب منهه الفرح بالطف وبچّاهه ليالي اطوال
سهّرهه ابسگم وبهم لا ما ينوصف هالحال
مسلوبة الفكر عالصار بابوهه وتربي للچتال
يهمل هالمدمع دوم واعله الخد مسفوح
شافت رسمه وصاحت بسمه والدهه المذبوح
**
لمّن گعدت وشافت ما يمهه أبو الأكبر
عُرفت طيفه بيهه المّر رادت بلكي يتكرر
لهفتهه على الوالد تشبه لهفة الكوثر
على طه وابو الحسنين ولهفتهه على شبر
لهفتهه اعله المسموم والهادي أطهر روح
ابهمهه اتعَلمه وصاحت بسمه والدهه المذبوح
****
ما لمست خبر عنه ايسرهه وترجع الفرحة
وطبع الينجرح يبحث على كل شي يشل جرحه
ألمهه ايهوّد ابطاريه وعمرهه امن الكدر يصحه
لكن للشمل هيهات يرجع يرتفع صبحه
هالطفلة ابّين اهموم جور ودم مسفوح
اتريد اتشمّه وصاحت بسمه والدهه المذبوح
السيده رقيه ع
هاياروحي.. مايرجع بعد التانيته
هاياروحي.. بالحافر اخذوا عافيته
هاياروحي.. لجموا گلبه وگلب ابنيته
....................
گلبي محترك.. صدري مختنك.. اريدن شوفته
دمعي جن نهر.. ماكو كل خبر.. يئكد جيته
الجان يمي وفوك راسي ضله خيمه
مر عليه بحلم نايم وسط هيمه
بالشمش واتمنه اصيرن فوكه غيمه
ماحاجاني.. من حاجيته ولارد كلمه
ماحاجاني.. ولاجن بنته ووكفت يمه
ماحاجاني.. راح وعاف عياله وبيته
...................
مابقه بعد.. راسه بالجسد.. جسم فوك الأرض
ينزف النحر .. انضر الأثر.. اعله صدره شكد ركض
بشوكي وبلهفت اكليبي من نضرته
جنه مرضوض بحوافر هيجي شفته
ومن سهم صدره الأنام اعليه عرفته
رايح حيله.. وجسمه الناعم مابي ملمس
رايح حيله.. بكل اكتاره إسهام مترس
رايح حيله.. وراحت ويا كل حنيته
....................
امشي بالحلم... وحيلي منهدم... ترس گلبي الجرح
بدمعي من بُعد.. اني كمت اصد.. وشفت راسه برمح
اتقربتله وحركت رمحه بأديه
وكتله بويه حسين انه بنيتك رقيه
فتح عينه ودمعته طاحت عليه
ماشايفته.. يبجي وكدامي اول مره
ماشايفته.. وترست وجهي ادموعه الحمره
ماشايفته.. وفززني السوط وخليته
.....................
منالحلم افز.. بجفي ضل يحز.. حبل درب اليسر
حركو الخيم.. ومتني بي ألم.. وجرح سوط الشمر
هذا كله الصار وأنه انتضر بابه
امن الحلم فزيت لن اني بخرابه
وعاينت للحرس مابيهم كرابه
ضلمه وغربه.. وحارسهم والله اموتني
ضلمه وغربه.. من ابجي بسوطه ايسكتني
ضلمه وغربه.. ويمي ابوي اني تمنيته
....................
وانتهه الأمل.. وگرب الأجل.. بليا ماعشت
صوتي يعتلي.. من حضر الي.. واجه راس بطشت
مغطه بالمنديل ذاكه ابو الملكه
شلت منديله وشفت دم ترس حلكه
ومتت فوكه من كثر ماحيل اشبكه
شبكت لهفه.. ومشتاكتله بگلبي الجمره
شبكت لهفه.. متعلمه اغفه امن اشتم نحره
شبكت لهفه.. وغمض جفني وفوكا ميته
محمد هادي العقابي
آنه الامام المجتبى چنكم نسيتوني
يم گبر أخوي بكربله يا شيعه ذكروني
كلما ترف الرايه ـــــــــــ من تطلع المشايه
يا شيعه ذكروني
.....................................................
يا شيعه كل يوم انتظر هلبت تجيني احبابي
بأرض البقيع الموحشه محد وصل يم بابي
ودياري ظلت خاليه ظلمة وغريبه اعتابي
وحدي ولا زاير وصل ياشيعه وين اصحابي
آنه بحياتي انظلم ...... واصل لحد موتي
بسهم الشماته اتصوبت .. وصوبلي تابوتي
اعرفكم الوفايه ـــــــــــ من تطلع المشايه
يا شيعه ذكروني
.....................................................
مظلوم اظل طول الدهر والغربه هدت حيلي
لا موكب اليمي اننصب ولا شمعه ضوت ليلي
بس الحمام بغربتي اشكيله لو يشكيلي
ولا من سلام اويه الهوى يوصلي ويوديلي
كون اليطوف بكربله .... يذكر معاناتي
يقره الزياره الجامعه .... ويفهم مصيباتي
بعيني الدموع اهوايه ـــــــــــ من تطلع المشايه
يا شيعه ذكروني
.....................................................
لا گبه عندي ولا صحن بس الرمل يچويني
وصوابي اخضر ما نشف ايألمني ويأذيني
آنه الغريب بديرتي امن الغربه تهمل عيني
واصعب عذاب اتحملت جم شيعي ظل ناسيني
حزني ايتجدد عالدهر .. كلما خلص يبدي
لجل الحُسين بكربله .. تظل دمعتي بخدي
مثل الفرات ومايه ـــــــــــ من تطلع المشايه
يا شيعه ذكروني
.....................................................
حاضر اظل بكربله وما أبعد اعله اخواني
اعزوبيتي هيه الحاضره الضيعني خل يلگاني
التايه ادليه من بِعد من دلتي وفنجاني
ما ناسي زاير عالدرب اشلون المحب ينساني
عالوادم امخيّم كرم ... والسفره ممدوده
لا ما عفت طف كربله .. والخوه مريوده
بالطف ادگن ثايه ـــــــــــ من تطلع المشايه
يا شيعه ذكروني
.....................................................
يوم اربعينه بكل سنه اوصل لخوي بداره
زاير اروح الكربله بموكب اطب لدياره
وافتح مضيفي بكل درب كلما تصير ازياره
اهلاً وسهلا ً باليجي واستقبل بخطاره
آنه الكريم ابن الكرم ... ومعروفه اوصافي
امي البتول الطاهره ... ومثل الذهب صافي
وتوضحت هالآيه ـــــــــــ من تطلع المشايه
يا شيعه ذكروني
.....................................................
علي صادق المجراوي
من الارشيف
شوط كربلائي لزيد الشهيد سلام الله عليه...
يازيد الشهيد البيك دين الله ارتفع راسه
........................................
يافخر الهواشم ليك هالشيعه اعتنت صوبين
تواسي المصطفى الهادي وتهلها دموع العين
يازيد الفخر والزود يالماشي اعله نهج احسين
ومضحي ابگطع نحرك خاطر يرتفع هالدين
من دم رگبتك مولاي شرع الله صبح ساسه
يازيد الشهيد البيك دين الله ارتفع راسه
........................................
يمكمل طريج احسين ورافع للشرع رايه
هيهات اعله ذله انبات ترددها لهل احچايه
ان چان انذبح عطشان جدي وما شرب مايه
لخلي الماي يجري دموم واكتب للحرب آيه
وارث من گمر عدنان زود وغيره وحساسه
يازيد الشهيد البيك دين الله ارتفع راسه
........................................
ياچلمة رفض للضيم يمجدد عهد هيهات
صوره من الطفوف احويت بس بيها طفل مامات
صوره ابلا نهر وچفوف لا بيها انسبن حرّات
بس بيها نحر مگطوع وراس ابحوزة الشمات
علنخله جسم مصلوب باقي بهيبة انفاسه
يازيد الشهيد البيك دين الله ارتفع راسه
........................................
يازيد ابوكت لحساب واحد بس عدوك شاف
بيمينك ملايك موت وبيسارك جيوش الاف
من احسين ماخذ زود ومن عباس بيك اوصاف
جيش الگابلك مرعوب كل ضالم يشوفك خاف
واحد يردم الواحد چنها اتشوف عباسه
يازيد الشهيد البيك دين الله ارتفع راسه
........................................
صح راسك تصوب طاح وعلنخله انصلب جسمك
لاچن باقي فوگ الفوك وبعلو النجم اسمك
وبقيت ابكل گلب مولاي ونداس او وگع خصمك
وغدينه افواج بعد افواج نگصد يم گبر ضمك
ويعتبره نصر مشهود اليوصل گبرك وجاسه
يازيد الشهيد البيك دين الله ارتفع راسه
........................................
اليوصل يم ضريحك فاز ويرضي الطاهره البضعه
تشوف اليگصدك هاليوم واليبچي ويهل دمعه
واليندب عليك ب آه تون وياه وتسمعه
وتسجله باسم خدام زيد وهيه التوقعه
ويهنياله اليفوز بهاي فوز وعالي مقياسه
يازيد الشهيد البيك دين الله ارتفع راسه
........................................
ابو فاطمة الطائي
نزله .... في رثاء زيد الشهيد عليه السلام
گـوم يالموعـود لينه
شوف عمك صالبينه
گوم يالموعود مو طال الوعد
شوف عمك زيد مصلوب الجسد
لياوكت يبن الحسن تصبر بعد
سيفك البتار وينه
گوم يالموعود لينه
تدري يالموعود بالصار وجره
عمك المظلوم گطعوا منحره
عالجذع مصلوب يحزن منظره
والاعـادي مسلّبينه
گوم يالموعود لينه
شوف عمك زيد شوف بياوضع
بلايه راس وصالبينه عله الجذع
راسه للشام انهده وظل مرتفع
بس الك مشبوحه عينه
گـوم يالمـوعـود لينه
عالجذع مصلوب ظل اربع سنين
ما اله يالمهدي ناصر لا معين
هـذا زيد وابن زين العابدين
ما حصل واحد يعينه
گوم يالموعود لينه
ثار ضد الجور زيد بثورته
ضد هشام الطاغيه وضد سلطته
سيدي ولليوم ظلت نهضته
تشهد ايامه وسنينه
گوم يالموعود لينه
مثل جده حسين زيد بموقفه
ثار ضد الظالم وسل مرهفه
لچن ما ذبحوه ضامي من الگفه
ما نظر ذبحت بنينه
گوم يالموعود لينه
عمك المصلوب صابوا بالسهم
وجدك المذبوح كل صدره انهشم
گوم اخذ ثارك يبن كنز العلم
والوعد متنطّرينه
گوم يالموعود لينه
خادم زيد الشهيد عليه السلام
سيد زيد الفحام
شمعة خيمنه. وبيت المحنه
راح من اديه
ياهو اليرده. ماي وتبده
بالغاضريه
__
خاف اعتب عتب يحسين واجرح بالحجي احساسك
نايم عالرمل عباس وانت عالرمح راسك
ماضل حافر من الخيل ماهد حيلك وداسك
گطعو خنصرك ونوب سلبو درعك وطاسك
شيصبر اختك. وبعيني شفتك
جثتك رميه
ياهو اليرده. ماي وتبده
بالغاضريه
@@@@@@@@@@@@@
من فوگ المهر للگاع طايح يا صباح الله
گلبك بي رمح مكسور ويحن اعله عبد الله
من دمك توضه الماي وعليك العطش صله
انت اول ضوه ومن طاح صاحتله السمه اصمله
ومن اعتنيتك تنزف لگيتك
غيره وحميه
ياهو اليرده. ماي وتبده
بالغاضريه
@@@@@@@@@@@@@@
ما متغير من السيف ومضوي الدرب نحرك
وما صار لمحمد دين لو ما ينسحگ صدرك
وجهك درته للذباح ونطيت الزمن ظهرك
دمك يگطر من السيف واختك زينب تنظرك
حرمه وغريبه وانت بمصيبه
واعظم رزيه
ياهو اليرده. ماي وتبده
بالغاضريه
@@@@@@@@@@@@@@
حيل استهضمت يحسين من فوگ الرمل شفتك
لو ما فشلتي من الناس جا طلعت وراك اختك
جسمك ضيعنه الخيل جا لميتك وشلتك
ضيعت العمر يحسين من ودعتك وعفتك
حزنك سباني. وللهم خذاني
وشفت المنيه
ياهو اليرده. ماي وتبده
بالغاضريه
@@@@@@@@@@@@@@
الشاعر كريم الابراهيمي
محرم الحرام 1448هـــــــ
هذا الضعن يافاطمه موضعن الحسين
لابي عـلم لابي ضوه وين الگمروين
وين الگمر وين .. وين الگمروين
،،،،،،،،،،،،،،
ضعن اهلنه من مشه موهذا حاله
ايه تتـبع ايه مـن بيـت الــرســاله
ضعن لا شفنه بحلاته ولا جماله
وخدر زينـب ما طـلع أله بكـفاله
محلى مشيته من طلع جدامه الثـنين
لابي علم لابي گمر وين الگمر وين
،،،،،،،،،،،،،،،،،،،،
هذا الضعن لابي زلم لا بي حمايه
لابي هـوادج للـحرم لافـوگـه رايه
اهـل الضعن يافاطمه چنـهم سبايه
ضعن الهواشم من مشه ماله نهايه
مو للهواشم هالضعن يا شمعت العين
لابي علم لابي ضوه وين الگمر وين
،،،،،،،،،،،،،،،،،
مره لجدام الضعن هـــيه الچبيره
حيل تعبانه شـكلها شـكل اســيره
باچيه هـواي ومصايبـها چــثيره
مشينه خل نگلها انتي ليا عشيره
نسئل عليها ليا بلد خل نعرف منين
لابي علم لابي ضوه وين الگمر وين
،،،،،،،،،،،،،،،،
ناشـدتها فاطمه بدمعه سـچيبه
منـين انتي ليا عشيره يالغريبه
جاوبتـها زينب بدمع المصـيبه
انه ياعمه الغـريبه والســـــليبه
انه الكسر ضهري الدهر ياعمه نصين
لابي علم لابي ضوه وين الگمر وين
،،،،،،،،،،،،
ليش ابني حسين ضل بالغاضريه
وماكو لا عبدالله اشـوفه ولا رقيه
يمه زينب فـدوه الـچ ردي عــليه
جاوبت ودموعها اعله الخد جريه
ضل الگمر يم الگمر مگطوع اليدين
لابي علم لابي گمر وين الگمر وين
،،،،،،،،،،،،،،
حسين يهل حسين مات وهوه ضامي
الخــيل ملعب ســوته اخــر كـــلامي
وانـه لا كـافـل صفيت ولا مــــحامي
بعد ماحركو على اطفالي خيامي
ذبحوني مو مره العده ذبحوني مرتين
لابي علم لابي گمر وين الگمر وين
،،،،،،،،،،،،،،،
علي عگاب العمري
قصيدة في المسير إلى كربلاء ، لسان حال المشاية ...
ــــــــــــــــــــــــــــــــــــــــــــــــــــــــــــ
من كل ولاية اليوم
بينا الدمع مسـجوم
يا ويلي عالمــظلوم
كلحنه صحنه
نگصدله بالآلاف
لا مانِذِل ونخاف
لو ننذبح بسياف
كلحنه صحنه
حبيبي حسين حبيبي حسين
ــــــــــــــــــــــــــــــــــــــــــــــــــ
من كل ولاية وكل كتر بالدمـعة
بيوم اربعينك شيعتك مجـتمعة
وتواسي حيدر والجليلة البضعة
وهذا الهتاف العالي ٱنته ٱتسِمعه
نرفــع إلَك أعـلام
رغماً على الظّـلام
يا ضنوة الضرغام
نعلن حزنه
ـــــــــــــــــــــــــــــــــــــــــــــــ
يومــك يبو الأحـرار خصه الباري
بي تحضر الزهرة بدمعهه الجاري
جمـرة مصــابك تستـعر وي ناري
حبــك يبو السـجاد بالدم ســاري
يحسين الك هالروح
فـــــدوة لثراك تروح
يا ريـت أنـه المذبوح
كلمن تمنه
ــــــــــــــــــــــــــــــــــــــــــــــــــــــ
عفــنه الأهـــل والدار وتعـنينه
نمشي بحزن ونصيح يا والينه
لكل النواصب بالمشي تحدينه
كل ظنهم التفجير هم يثــنينه
باللّــــــوعة والآلام
نمشي بدمع سجام
يا حـــافظ الإسلام
حُبك رِبِحنه
ـــــــــــــــــــــــــــــــــــــــــ
احنه الگلب گبل الجدم يمشيلك
مو بـس دمع هالعين دم تبچيلك
ريــت الشوارع تنطق وتحچيلك
متعــنية كلهه لكـــربلا تشــكيلك
تلطم عليك الراس
وعللـــــبطل عباس
مجنونة هاي الناس
حبك مِلَكنه
ـــــــــــــــــــــــــــــــــــــــــــــــــ
نمشي ونجر حسرات يبن الزهرة
يا سيـدي ويوم النـطب للحضرة
دَم من جِفِنّه ٱيطيــح گبل العبرة
ليوم القيـامة تبقـى هاي الجمرة
هالجمرة بالأبـدان
مشتعلة بالوجدان
يالمنذبح عطـشان
لَجـلك ألمنه
ـــــــــــــــــــــــــــــــــــــــــــــــــــ
نوصل ضريحك بالدموع انطوفه
گـــبرك يشـع أمجاد كلهه اتشوفه
ومعـزّب المگطـوعة مِنّه چفـوفـه
يستــــقبل لــــزوارك المــــلهوفـة
بالطف يَريت هناك
چِنـّـه ونـفوز وياك
كِلـمن سِــمَع لبّـاك
احنه وولدنه
حبيبي حسين
حبيبي حسين
ـــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي .
قصيدة في المسير إلى كربلاء ،،،،
ـــــــــــــــــــــــــــــــــــــــــــــــــــــــــــــ
مشاي لِحسين مشاي لِحسين
ـــــــــــــــــــــــــــــــــــــــــــــــــــــــــــــ
گاصد لبو السجاد معشوگي الٱول
عِفت الأهل والدار وگليبي حَـــــوّل
لو تيهت يــحسين دلالـــــي يِندل
لمن أشربه الماي يا سيدي ٱخجل
أحني الضلع وذِكرَك
ما لاح العذب نَحرَك
مشاي لِحسين .
ـــــــــــــــــــــــــــــــــــــــــــــــــــــ
من كثر ما حبوك خدامك أنظر
الزاير ملك خلوه بلـسانه يأمـر
بچلمة هله تلگوه لو يمهم ٱيمُر
كلشي اليريده يصير يِلگه الذي ٱيسُر
بَــس چــــلمة التـّـدّلّل
كل صعب لَجله يِسهَل
مشاي لِحسين .
ـــــــــــــــــــــــــــــــــــــــــــــــــــــ
أجمل تنافس صار لجل الخدامه
وشما خدم لحسين يعـله مــقامه
وبچلمة الممنون يبدي بكـلامه
الزاير وسط هالعين صاير مـنامه
ما تبــخل وتتــعذر
خدامك يابو الأكبر
مشاي لِحسين .
ـــــــــــــــــــــــــــــــــــــــــــــــــــــــــــ
حتى الطفل شفناه وسط المواكب
رابي علحب حسين بالخدمة ذايب
يدري بخدمته ينول أعلى المراتب
وينعد من الخدام أحلى المطالب
وبنفسه ظَلّ المطلب
لقَــب خـادم يتــلقّب
مشاي لِحسين .
ـــــــــــــــــــــــــــــــــــــــــــــــــــــــــــ
تتردد وتنگال هاي العبــارة
الما يخدمك يحسين عمره خسارة
يگضي العمر حسرات ليله ونــهاره
والتاجروا وياك أشرف تجارة
شما ينطي يربح أكثر
للــما بَــخَل بالمنــحر
مشاي لِحسين .
ـــــــــــــــــــــــــــــــــــــــــــــــــــــــــ
من بيشة الأنصار ماخِــذ قراره
بالبصرة يتلگوه وِمنّ العمارة
بالناصرية يشوف جود الغيارى
ويم السماوة الضيف يسمع عبـارة
يل المـــدلل مُر بيـــنه
يل الگاصد لبو سكينة
مشاي لِحسين .
ــــــــــــــــــــــــــــــــــــــــــــــــــــــــــــ
يلگه الكرم والجود بالديــــوانية
يا مضرب الامثال بالعــــزوبـية
بالحمزة والسدير أهــل الحمية
مفتوحة للزوار بيوت السنية
حيا الله أهل القاسم
من ازغر لَكبَـر خادم
مشاي لِحسين
ــــــــــــــــــــــــــــــــــــــــــــــــــــــــــــــ
وببابل الفيحاء أهل الضيافة
أهل الكرم والخير وهل اللطافة
وگلوب المعزبين تنضح نظافة
والراحة بطوريج رغم المسافة
بكربله ايحط ارحاله
والقــصد حــتماً ناله
مشاي لِحسين
ـــــــــــــــــــــــــــــــــــ
الأستاذ ،،،، ستار عذاب الحچامي
لا تـرد ما ظل أثر كلشي إنتهه إبسفركم
لا تـرد مـات الورد من إنقطع خبركم
كـتـبـت إعله دارك...دمعة إنتظارك
بـويـه تـدري من غيابك موتي راحه
و الـيـسـافر يبقه عايش وي جراحه
ردت أشـوفـك حته أقلك بالصراحه
تـرجـع إلـمن دنيه ما كو بس نياحه
لا تـظـن نفس الوضع لازم يجي بديله
لا تـظـن لـمـن ترد تستقبلك عليله
مـاتـت إبـمـسارك...دمعة إنتظارك
أدري صـعـبه من أقلك ما كو رجعه
مـا يـسـرك هذا حالي و داري تنعه
و الـلـيـالـي ذوبـتـهن شمعه شمعه
مـا تـشـاهـد مـن أثرها إلا دمعه
لـو تـجـي تلقه حزن تلقه ألم مصابي
لـو تـجي تلقه جرح يلجم جرح عتابي
عـاشـت إعـله نارك...دمعة إنتظارك
تـابـعـتكم خطوه خطوه و تيهتكم
مـن مـشـيـتوا و إبتعتدوا عاتبتكم
عـمـري كـلـه لحظه بيها ودعتكم
دورتـكـم وي جـروحي ما شفتكم
يا عتب يشفي القلب و بيا قلب أعاتب
يا عتب و أكبر عتب من أنسأل شجاوب
تـقـبـل إعـتذارك...دمعة إنتظارك
إنـتـهـيـنـه و إتركت لك ذكرياتي
و بـصـوركـم تـلـقه دمعة أمنياتي
تـلـقـه حسره من دعائي في صلاتي
إبـحـيـاتـي إنـت غـايب و بمماتي
سـلـوتـي مهد الطفل أتصوره و ألولي
سـلـوتي ها يالإخو يالما ترد حجوا لي
تـنـجـوي إبنهارك...دمعة إنتظارك
يـا الـعـفتني أملي دربك بس خواطر
يـا مـا يا ما قلت لك إرجع لا تسافر
يقضي يومي و قلت أشوفك بلكي باجر
لا يـبـاجـر سـيـفه يذبح بالمشاعر
أيـسـت مات الأمل و بيا جرح تجيني
أيـسـت لا مـا ترد و آني عفت أنيني
تـنـطـوي إبـمدارك...دمعة إنتظارك
عبد الخالق المحنه
لطمية لرقيّة ع
الشاعر قاسم الساعدي المندلاوي
*
رقيّة بالبيت عاشت سعيدة
وبرحلة الشام ماتت شهيدة
يَمته تاخذ ثارهه وتنعلن أخبارهه يالمنتظر يالمنتظر
****
هذا حال الطفلة عمتك يا إمامــــــي
أحݘي وادري تنجرح إنته ابكلامـي
ݘَن اعاين للمَتن أزرگ أمامـــــــي
الشمر لوّعهه واهي ابعازة محامي
وݘَني أسمعهه تگول اَبعث سلامـي
للإمام الحجة اليحرر مقامـــــــــــي
ݘن اسمع الصوت مهدينه وينه
يمته ايتعنّه اتأخّر علينه
بالصحن زوارهه وتنعلن أخبارهه يالمنتظر يالمنتظر
****
عمر ثَلث اسنين بين احضان ابوهـــه
ومن رحل يَمّه اعتنوا ليهه اضربوهه
شنهو ذنب اللي جنَت وايروّعوهـــــه
وردة واجب من عطره ايقدّسوهــــــه
حايرة يالمنتظر لمّن سبوهـــــــــــــــه
شلون تصعد عالهزل من گيّدوهـــــــه
من كثر الادموع خدهه تجرّح
يا صاحب الثار يا ساعة تفرح
تعتنيهه الدارهه وتنعلن أخبارهه يالمنتظر يالمنتظر
****
هيّه گضّتهه نعي من صبح عاشـــــــور
عالمصاب الصابهه من فگد البـــــــدور
مشت من يمهم ضحايا وماكو اگبــــــور
همّه عالغبرة وأهي اعله الوادم اتـــدّور
اشگد ݘبيرة اعله الجليل اتطب للقصور
من عگب ما ودَّعَت والدهه منحـــــــور
وسط الگلب نار واحݘيهه مجبور
بنت الميامين طبّت بالقصور
اترحب ابخطارهه وتنعلن أخبارهه يالمنتظر يالمنتظر
**
لسه دمعة ابعينهه من الجره وصــــــــار
ابزغر سنهه واشكثر مَرّنهه اخـــــــطار
بيهه من اسياطهم يالمهدي آثـــــــــــــار
باقية ولليوم عالمتنين تذكــــــــــــــــــار
مو فقط حرگوا خيام العترة بالنــــــــــار
روَعوا يبن النبي بالطف الازغـــــــــــار
آثار الاسياط للساعة بيهه
هاي المُعانات حتى ابسَبيهه
من تحط اوزارهه وتنعلن أخبارهه يالمنتظر يالمنتظر
****
تدري باللي صار بيهه من عداهــــــــه
اسياطه جم طاغي اعله هالطفلة لواهه
اتحير لمّن تنضرب بيمن نداهـــــــــــه
وكل اهلهه الطف يمهدينه خذاهـــــــه
ناس حب الدنيه عن الحق عِماهــــــه
ايگول آنه الرابح ابدينه الشراهـــــــه
حال اردى من حال شافت رقية
من صعدوا النوگ لآخر مسية
من تحد اشفارهه وتنعلن أخبارهه يالمنتظر يالمنتظر
**
هم تجي الساعة وعلى مرقدهه توگـف
وتگف خلفك شيعتك صف ابكتر صــف
تذكر العاشر وتذكر وقعة الطـــــــــــف
وعلى الخان ابهالوكت تشهِر المرهَف
نسل من ذاك النسل مو منه أشــــرف
ابحُكمه ويّه الجعفري ما مَرّة أنصَـف
مولانه يا يوم راياتك انشوف
رَفَّتهه بالشام من بعد الاطفوف
تُنصُرك أنصارهه وتنعلن أخبارهه يالمنتظر يالمنتظر
ميثاق ابو يوسف البصراوي
Читать полностью…
وي الطشت حچت ــ ومن البچي غفت
ومن سولف وياها النحر
ماتت رقيه من القهر
&&&&&&&&&&&&&&&&&&&&&
طر الفجر ،، بنية يسر ،، وتوجهت نيتي
رماد الخيم ،، عاف الهوه ،، واتربع بريتي
ورقيه تصبح بچلمة اريد حسين
واگللهه يجي ويفضحني دمع العين
كلما يجي الصبح ــ تتذكر الرمح
وذاك البچي يفت الصخر
وماتت رقيه من القهر
&&&&&&&&&&&&&&&&&&&&&
طول الدرب ،، بحرگة گلب ،، وتدور انفاسه
عن الرمح ،، شمرة جرح ،، تفصلهه عن راسه
اراقبهه واراقب ممشه رجليهه
توصل للرمح واركض اغطيهه
اخافن لا تحس ــ واگلهه من الشمس
غطيتهه وضهري انكسر
وماتت رقيه من القهر
&&&&&&&&&&&&&&&&&&&&&
وبعد العتب ،، وذاك التعب ،، والراحه مسلوبه
رقيه غفت ،، شافت حلم ،، وفزتلي مرعوبه
تگلي حسين عمه بحاله شصاير
مچاني البي انام مفرهده الحافر
حلم بس كله دم ــ خطاني شكم سهم
من كل جهه شفت الخطر
وماتت رقيه من القهر
&&&&&&&&&&&&&&&&&&&&&
وادم غرب ،، موقف صعب ،، و الدنيه موهيه
سمعو بچي ،، جابو طشت ،، اخذيي يمسبيه
ردت امشي ورقيه ركضت گبالي
على ريحة لحيته عرفته الغالي
ركضناله سوه ــ ووگف حتى الهوه
والدمع بجفوني عثر
وماتت رقيه من القهر
&&&&&&&&&&&&&&&&&&&&&
لمن حچت ،، كلشي سكت ،، بس البچي تسمعه
يالمنذبح ،، ترجع بعد ،، لو ما الك رجعه
راسك ليش باقي وماهي امتونك
احچي وياك ليش مغمض عيونك
اذا بعدك عدل ــ خنگ چفي الحبل
من جلدي لعضامي عبر
وماتت رقيه من القهر
&&&&&&&&&&&&&&&&&&&&&
شهگة نفس ،، موت انترس ،، واتغيرت رقيه
والون سكت ،، بس لا صدگ ،، ماتتلي علويه
ندهت شگد يعمه مو وكت سكته
وتقربت وشفتهه على النحر ميته
وأهي ميته وتون ــ و يألمهه المتن
من السوط المخلي اثر
ماتت رقيه من القهر
&&&&&&&&&&&&&&&&&&&&&
عباس الزيدي
خــــــرابه واظلم انهار البنیه
ومن تعب الدرب نامت رقیه
ــــــــــــــــــــــــــــــــــــــ
گعدن شــــــوط مـــن الیل ناحن
وکل وحده ابکتر یاویلی طاحن
عــــــود الظیم بـــاچر یستراحن
باچــــــر یوگفن بیـــــن آل امیه
ــــــــــــــــــــــــــــــــــــــ
باچر عــــــسه بــــاچر لایجیهن
اشکبرهه وگفت المجلس علیهن
اگبــــــال اعیونهن ینطگ ولیهن
وتـــلعب خیزران ابــــــن الدعیه
ــــــــــــــــــــــــــــــــــــــ
تجلب الیل زینب کون واتدور
ونوبه اتصیر عمه ونوب دکتور
تداوی یــــاجرح یاضلع مکسور
وهای اتصیح متنی وهای ایدیه
ــــــــــــــــــــــــــــــــــــــ
عـــــله اتراب الوساده نومتهن
وبــجناح الــــــزچیه حومتهن
تلولی اعلـــه الجروح الأمتهن
واهیه امساهره الونه الخفیه
ــــــــــــــــــــــــــــــــــــــ
نــــــص الیــــــل لن طفله ابحلمهه
الوساده اتراب واتصیح امن المهه
ملح جـــاس ابجرح منهه ولچمهه
وبحــــــت صوت عبرتهه الشجیه
ــــــــــــــــــــــــــــــــــــــ
طفله امن التعب ناحل جسمهه
ورده وذبــــل امن الحر رسمهه
بعـد مــــــحد یعارفهه اباسمهه
نسبوها رقــــــیــــــه الخارجیه
ــــــــــــــــــــــــــــــــــــــ
غدت تبچی عله ابچاها الخرابه
وغــــــفه بجــروحه ملح الترابه
تهــــــز الشام لو صاحت یه بابا
ترانــــــی شــــوفتک عنت علیه
ــــــــــــــــــــــــــــــــــــــ
تــــــنادی وین ماشوفچ یعمه
ابــــوی اهنا یجی ودینی یمه
یشــــــابگنی واشبگنه واشمه
ورشله ادمـــوع عینی واهلیه
#عزیز_الفیصلي
قصيده للسيده رقيه(( عاشر الخرابه))
خويــــه يا عذابـــه عاشـــر الخــرابـــه
فَـــزت أبدمعــــه رقيـــه
رجّعتّلـــي الغاضــريــــه
*
خويه صعبه آه يــا ذيـچ الخرابــه ويــا حــزنها
خويه صعبه بس حـرم وبـلا كفيل ألـوي ضعنها
خويه صعبه مــن بـده ليــل الخرابه وزاد ونـهـا
خويه صعبه شلون عيني بالخرابـه تسد جفنها
تغفه صعبه عيني لا اخّـو اليجنـــي
وينظـــر لهاي الــرزيه
رجعتلـــي الغاضــريـــه
*
يا مصابه خويه جمر الشام يلهب وي دليلي
يا مصابه بالخرابه والگمـــر مــا ضوه ليلي
يا مصابه عـاشـر أحزان الخرابه أبلا كفيلي
يا مصابه شلون اصّبر طفله بالون تشتكيلي
عمّه هسه اجاني دنيتي وزماني
چان يمي بهل المسيه
رجّعتّلــي الغاضـريــه
*
بالخرابـه أنعاد يــوم العاشـــر وحـــزنـه عليـه
بالخرابـه خويه نحرك شفته مــن دمعـة رقيـه
بالخرابـه سهم گلبــك شفته وي ذيــچ المسيه
بالخرابـه شفـت صدرك داسته اخيول ال اميه
نــادت الحنيـنه عمّه أبــويه وينه
شعتذر يبن الزچـــيه
رجّعتّلـي الغاضـريـه
**
عمّه اريده نـادت بليـل الخــرابـــه وبيَّه جمــره
عمّه اريده هسـه بحضانـه جنت شممني عطره
عمّه اريده منين اجيب الصعدت الخيل أعلى صدره
عمّه اريده منين اجيبــه والشمـر حــزّاله نحره
عمّه غمضي عينچ وبطلي من ونينچ
ونامي يا عمّه رقيه
رجّعتّلـي الغاضــريـه
*
ما أجاني عمّه أبوي السافر وعن عيني غايب
ما أجاني عمّه مــا اگـــدر أنــام مـــن النوايب
ما أجاني عمّه حضن الـــوالد ينسي المصايب
ما أجاني عمّه مــا يرضه نظل احنه غـرايب
عمّه والله حيــره بالغـــرب أسيره
والشماته أتعيل بيه
رجّعتّلـــي الغاضــريــــه
*
عمه زينب خويه صاحت والطشت بالراس اجانه
عمه زينب وين حضه الدافي شــو خالــي مكانه
عمه زينب بنــته آنــه ومنهو اليعوض حنــانــه
عمه زينب نـــادت وعالـــراس ردتلك أمـــانـــه
ماتت الحزينــه راحت مـــن أدينه
والحلم صار المنيه
رجّعتّلـــي الغاضــريــــه
*
الشاعر
موسى البديري
ابوذيات. بصوت. مسلم المطيري
ابوذيات لشهادة السيدة رقيه سلام الله عليها
الدهر يافتوى بويه وياي شفته
راسك بلطشت محطوط شفته
ياوجه ابكلام العذب شفته
تسولفلي وتناديني رقيه
زماني تحالف وي العده ونظام
وشوفن كربله بالعين ونظام
الهظم چاوين اليه چان ونظام
باارض الشام اشوفنها المنيه
انا المعروفة بنت الحسب ونساب
صدگ بويه انضرب بالسوط ونساب
جرة دمعي دمه بفركاك ونساب
عزيزه وهيج ترضه ايصير بيه
الشاعر حسن لعيبي الحريشاوي
أنه المثلي يبوية بحضن أبوها
رقية من أنكَطع راسك سبوها
بعد ذيچ المهابة أموتـن بالخرابة
****
خمس سنين بس تكَول ميتين
يموت الي يفاركَ مثل الحسين
شوية شوية تعمه كَامت العين
أنه يوميــة بوية متـــانية البين
مو مالت سبي وراحت سبية
چم واحد ضرب بتــك رقيـــة
يا ليلي ومصابة أموتن بالخرابة
**
ألمـن عايشــة الميت أبــوها
حكَهــا تموت بتــك من قهـرها
روحي زغيرة وهمومي شكبرها
راح تمـــوت يحسيــن أنتظـــرها
ملك المــوت كل ســـاعة يجيني
كلشـي مـات بيــة بس ونينــي
ويسد عمري بابة أموتن بالخرابة
**
هيچ وحلم تطلــع هالمصـــايب
وترد أيامنــه وكــل الحبـــايب
أنه مجبورة يابوية من أعاتب
خمس سنين بس تكَول شايب
أنه كل لوعة تاخذ مني حيلي
تدري الموت كل ساعة يجيلي
على فراكَك ييابه أموتن بالخرابة
**
الأبو لو مات بويـــة تموت بنته
عمري من متت چــا مـا أخذتـه
يبچيك شكثر لو حـــالي شفتــه
وجهــي عليك بوية شكَد لطمته
البعمـــر الورد مو مـــال فركَــة
رقيـــة عليك راح تمـــوت حركَة
وكَف كَلبي بغيابة أموتن بالخرابة
**
فراكَ وخوف بويـــة ويسر وآلام
كل يوم اليمر عليــة ألف عــــام
أدري بروحــي اموتن باقــي أيام
رحمة من الله اذا ما اوصل الشام
أموت ولا قهر هـــاي الليــالي
بالطــف ضيعت كــل الغوالـــي
لا هل لا كَرابة أموتن بالخرابة
**
الأبوها يروح منها تعيش صعبة
ألـه بدينـــه تشبـــه كون كَلبــــه
الله اليـــدري أبوي شكَد احبـــه
خــــافن يدفنونــي بدار غربــة
يشبـــه موتي خاف أيام عمري
محد بويـــة خــاف يزور كَبري
وهمي يظل عذابة أموتن بالخرابة
**
حيدر حسين الكَرعاوي
أَمِنَ العَدْلِ يا ابْنَ الطُلقاءْ
نِسَاكَ تُحجَبُ .. و تُسبى زَينَبُ
ــــــــــــــــــــــــــــــــــــــــ
ما چنْت أظن هيچ الدَّهر .. ایْنـزّلـنـي من عالي الگِدَر
يجْبرنـي أكلمك .. او ما تسوه أحِشْمَك
و إنته أحقر امْن العَتَب .. هذا هُو زمان العَجَب
جالِس على كرسي الحُكُم .. و إحنه ابدواوين الهظم
او هالكرسي بِسِمنه .. يالچنتوا خَدَمنه
لاچن الزَّمان انگلب .. هذا هُو زمان العَجب
راسك ترفْعه .. او راس أخيِّي بالطّشِت !
او بالخيزرانه .. ثغره بيدك ينِّكِتْ
عَمْيه عسَاني .. او لا أشوف اللي شِفِت
فِلماذا القِيَامَةُ لا تَقُوم ؟
حُسينٌ يُضْرَب .. و تُسبى زَينَبُ
ـــــــــــــــــــــــــــــــــــــــــــــــــــــــــــــــــــــــــــــــــــــــ
حضّر جوابك بالحشُر .. من يشهد اعليك اليسُر
يشهَد عله ظلمك .. و المصطفى خَصْمك
بِتْ محمَّد او تنسبي ؟ .. شنهو عذرك امْن النّبي ؟
لو شافنه جدنه اشتظِن .. و احنه سبايه اعْله الهِجِن
و اِبچفنه حِبالك .. و اتحفنه رِجالك
او يحدي بالحرَم أجنبي .. شنهو عذرك امْن النّبي ؟
نسكِن خرايب .. و إنته تسكن بالقصر !
من جدنه باچر .. يا يزيد اشتعتذر ؟
تهتك خدرنه .. و إحنه ربَّات الخدر
أفهِنْدٌ تُصانُ هذا العُجابْ
نعَم , والأعجَبُ .. وتسبى زينبُ
ــــــــــــــــــــــــــــــــــــــــ
ابوَّابة السَّاعات إلي .. ساعات و آنه بِت علي
او تدري ابعُلُو شاني .. مو هذا مِچاني
امچاني بالخدر و الشَّرف .. بالمَدينه لو بالنَّجف
ما تستحي امْن أهْل الكِسه .. تستشرف اوْجوه النسه
و الما إله غِيره .. شوفه إلنه يدِيره
و آنه صوتي بهْلي هِتَف .. بالمَدينه لو بالنَّجف
وين العشيره .. هاشم الكلهم بخَتْ
أصوات أهلكم .. بحَّت ابگد ما نِخَت
نوگ السّبايه .. يم عدُوكم نوِّخَت
أربابٌ وَ رَمْلةُ تُزْجَرَانْ ؟
و ليلى تُسلَبُ .. و تُسبى زيْنَبُ
ــــــــــــــــــــــــــــــ
[ أَمِنَ العَدْلِ يا ابْن الطلقاءْ ]
ميرزا عادل أشكناني
الكويت - 1448
قصيدة في رثاء زيد الشهيد عليه السلام
واقع وهذا اكيد
والله يازيد الشهيد
نحيي يومك بالانين
يبن زين العابدين
والله يازيد الشهيد
⚫⚫⚫⚫⚫⚫ ⚫⚫⚫⚫⚫⚫
يالعدت امجاد جدك انته حتمآ منتصر
دائمآ كلمن يضحي يرخص بعينه العمر
تنصلب عالجذع تدري وماثنه عزمك امر
مثل مسلم تبقه وحدك علم عندك تنغدر
وحدك تنادي بقيت
للسهام استقبليت
اتصوبت مثل الحسين
يبن زين العابدين
والله يازيد الشهيد
⚫⚫⚫⚫⚫⚫ ⚫⚫⚫⚫⚫⚫
النبي كال الروايه وبعده وضحها علي
وكال فوك الجذع يصلب زيد واحد من هلي
ومثل مسلم يبقه وحده وبالمصايب ينولي
موقفك يبقه مشرف ياابن اطهر ولي
زيد بالجنه تفوز
ماتساوم بالكنوز
والله يبن الطاهرين
يبن زين العابدين
والله يازيد الشهيد1
⚫⚫⚫⚫⚫⚫ ⚫⚫⚫⚫⚫⚫
لا هشام ولا زمرته بعدك عن موقفك
يبقه قرأنك حليفك ماكو واحد يخلفك
سيرتك يصعب نقلها وعجز كلمن يوصفك
منبعك منبع رسالي نسل طاهر نعرفك
انته معروف النسب
الحاربك لا ماكسب
ال اميه خاسرين
يبن زين العابدين
والله يازيد الشهيد
⚫⚫⚫⚫⚫⚫ ⚫⚫⚫⚫⚫⚫
مثل جدك سهم صابه وهم مكانه بالصدر
وهم شفت هم ومصايب هيج خلصت العمر
والله يازيد الفجعنه وحيرانه هالامر
تنصلب وانته بمماتك يلي قتلوك بغدر
ثورتك عالطاغيه
ال اميه الفانيه
اشما تمر بينه السنين
يبن زين العابدين
والله يازيد الشهيد
⚫⚫⚫⚫⚫⚫ ⚫⚫⚫⚫⚫
✏خادم العتره
الشاعر الحسيني فرحان البزوني
قصيدة نزله الى زيد الشهيد ع السلام
خادمكم عبدالهادي العريفاوي
يبقه عنوان الشرف زيد الشهيد
يبقه عنوان الشرف زيد الشهيد
انته ذا عن زيد تسأل ياترى
هذا بن من شنهو اصله ومصدره
هذا بو الحسنين جده حيدره
وحيدر الكرار للمؤمن نشيد
-----------------------------
الشجاعه العنده عنوان اليقين
هذا بن خير العباد الساجدين
صوته يعلن يا لثارات الحسين
نهجه فايز باجر بيوم الوعيد
------------،،،،،،،---------------
ثوره اعلنها بفخر وبكبرياء
يطلب الثارات من طف كربلاء
عالحكومه الطاغيه ينزل بلاء
ومايريد اعله الأرض منهج يزيد
-------------------------------
ياابن اشرف امام اعله البلاد
ونته تهدي العالم لدرب الرشاد
ونته خير الناس ابن زين العباد
اخذ ثار المنذبح من الوريد
---------------------،-----------
عدنه مايحتاج عن زيد الكلام
ضد بني مروان من يعلن خصام
والسلام اعله البطل يبعث سلام
مايعرفك غير ذو العقل الرشيد
----------------------------------
عنده غير الموت مايوجد بديل
والشهاده تصير للمؤمن سبيل
نهجه من جده علي حامي الدخيل
انتم الاحرار والضدكم عبيد
-----------------------------
ضد بني مروان من تعلن حرب
الخلافه شلون غصبوها غصب
مثل عيسى اعله الجذع من تنصلب
ونته كلبك اصله من زبر الحديد
--------------------------
اليبغض الكرار ليش ويختلف
منهج القران لتظن ينحرف
من الاذان تريد حيدر ينحذف
حيدر الكرار قرآن المجيد
-------------------------'-------
يبقه حيدر نوره يضوي بكل دهر
والشعاع ونوره نور المنتظر
هاك اخذ ياصاح من عندي الخبر
السبد السستاني من حيدر حفيد
-------------------------
حيدر الكرار سورة قل هو
هو والقرآن نفس المستوى
انته تتنفس علي بهذا الهوه
المطروالغيم حيدروالرعيد
----------------------------
احنه طحنه اليوم في عصر الظهور
اقره بالتاريخ واحفظها السطور
دنيه صارت عالارض ظلم وفجور
والسقيفه اليوم ردت من جديد