2554
هل صليت فروضك اليوم ؟!
اي!🌸 ◯
ـــــــــــــــــــــــــــــــــــــــــــــــــــــــــــــــ
لا!😞 ◯
ـــــــــــــــــــــــــــــــــــــــــــــــــــــــــــــــ
⌔︙ المستخدم خادم
⌔︙ قام بإرسال كلمة غير لائقة
#نشر_أول
#جديد
#الليالي_الفاطمية
كلما مر تاريخ أستشهاد الزهراء عليها السلام تقف زينب عليها السلام تستذكر ذلك المصاب وتحاكي امها لوعة وشوقا
يُمه يايمـه إنكسر ظهري وي مــوتج
وانتِ آخـر جلمه كَـلتي وين أخوتج؟
آه يَيـُـمه آه يَيُـــمه٠٠٠٠
ــــــــــــــــــــــــــــــــــــــــــــــــــــــــــــ ١
يالعزيزة أحلامي نامت فوكـ حضنج ياحنينه
من بعــد ذيـج المسيّة يافـرح يـِكَدر يــجينـه
يَتــمتنا هالمصايب كل كِــتـر مــذبـوح بـيــنه
احســين المدلل يَيُـمه بالــسيـوف إمكطـعينه
شرد أسولف يمه خاف اضلعوج أتصيح
زينــب الـمثـل الجـبل من توكف أطيح!!
آه يَيـُـمه آه يَيُـــمه٠٠٠٠
ــــــــــــــــــــــــــــــــــــــــــــــــــــــــــــ ٢
من يمـر تاريـخ فكَــدج بــيّه يــجدد مُـصابج
ريت كل أيامي فدوة تروح يَم زهوة شـبابج
ياما جمعتنا السوالف هسه اسولف وي ترابج
الله يـِـحركَـ كل إديهـم آه يا دفــعتها بابــج
جنج وتدرين يمه شصار بيه
زينبج بحـبال شدوها سبــيه
آه يَيـُـمه آه يَيُـــمه٠٠٠٠
ــــــــــــــــــــــــــــــــــــــــــــــــــــــــــــ ٣
كون أغمض الكَه روحي بيت ابويه بين اخوتي
أنتـجي بصفج وأشوفج يلي شوفج كل عزوتي
قبلتي التقبل صـلاتي بِسمـج أبـديـها الدعوتي
جيت يايــمـه أشتـكيـلـج راحـتي انتِ وسلوتي
لسّه ذيج الشيلة يم راسي وشِّـمها
ولسّه ذيج الطفله تبـجي تريد امها
آه يَيـُـمه آه يَيُـــمه٠٠٠٠
ــــــــــــــــــــــــــــــــــــــــــــــــــــــــــــ ٤
كلشي بَدَّيته وي موتج بَسمتي كلشي ع بالي
صبري فصّلته ع طولج وبالدمع عـودته حالي
طكّة المسمار يُمـه عاشـت ابفــكري وخـيالي
فوكـ عينج سَطرة تشرح كل شي مر بهالليالي
كل شي بينا يصير من نفس النـوايه
ضلوعج الممرودة تمشي وي السبايه
آه يَيـُـمه آه يَيُـــمه٠٠٠٠
ــــــــــــــــــــــــــــــــــــــــــــــــــــــــــــ ٥
الليالي الفاركتـنه بيــها دمــعــاتي ومـصابي
محسنج كل ليلة يبجي وانه اوزعله بثوابـي
بيج باب الله الجبيرة؛ ليش دفعو بيج بابي؟
والله وبـداعة ضلوعج طيحـتج أكبر عذابي
من بـعـد ذيج اللـيالي والمـحنّه
من كبــرنا مابقى واحـد يــلمنه
آه يَيـُـمه آه يَيُـــمه٠٠٠٠
بقلم أصغركم
لُــبابـة آلــ ياســيـن
٢١ اكتوبر ٢٠٢٦
وزن مستهل وتساليم وسيلة
وزن النصوص شيعتي
#لبابة_آل_ياسين
#يا_زهراء
#نعي_للزهراء
لسان حال الامام الحسين ع
انوحـــن ليلي ونهاري على أمي
ماتـت مـــن وكت والعاش همي
امنـــحن وشتاگ ما ألگاهه يمي
واون ومــــن ونيني ايفور دمي
الجنت اغفه ابحضنها اليل كله
مشت وتركت وسط الدار خله
عليها الدمـع من دم گمت اهله
الدرب ضليــت اتيه ما انـــدله
آ ياحســــــرت اليفگــدله غالي
وحشه اتصـــير بعيـــونه اليالي
وأنه ضليت حال الضيم حالي
حــرگ الباب ماچان اعله بالي
الخادم
✍كامل السعيدي
#مولاتي السيدة الزهراء
صلوات الله عليها
ماتت شهيدة ياعلي
فاطمة مظلومه
ــــــــــــــــ
بهاي الليالي المؤلمه
فاطمة مظلومه
نواسيك حمّاي الحمه
فاطمة مظلومه
ويلاه نصرخ فاطمه
فاطمة مظلومه
والـحُـور تبچي بالدِمه
فاطمة مظلومه
صوت التعازي يعتلي
فاطمة مظلومه
ـــــــــــــــــ
گسروا ضلعها والخبر
فاطمة مظلومه
وجه السمه ليش إنسطر
فاطمة مظلومه
منا بده گسر الظهر
فاطمة مظلومه
تبقه لظهور المُنتظر
فاطمة مظلومه
ليل القهر ما ينجلي
فاطمة مظلومه
ـــــــــــــــــ
المُشتگى لله عالمحن
فاطمة مظلومه
مولاي يا أبا الحسن
فاطمة مظلومه
مخفي گبرها للزمن
فاطمة مظلومه
وعيونك الليله بچّن
فاطمة مظلومه
وتصيح اِلعَن قاتلي
فاطمة مظلومه
ـــــــــــــــــ
تَـبَّـت يَـدَا أبِـي لَـهَـب
فاطمة مظلومه
من السقيفه يا عَجب
فاطمة مظلومه
وشينفع أوياهم عَتب
فاطمة مظلومه
ياويلهم هُمّه السبب
فاطمة مظلومه
بيهم جهنم تصطلي
فاطمة مظلومه
ـــــــــــــــــ
باچر قِصَاص المُجرمين
فاطمة مظلومه
بيا ذّنب مقتول الجنين
فاطمة مظلومه
هذا الحزن طول السنين
فاطمة مظلومه
ماننسه والله أمّ الحُسين
فاطمة مظلومه
من تنسأل يا سائلي
فاطمة مظلومه
ـــــــــــــــــ
ابـو فــدك الــشّــامــي
#ربـيـع_الـثـانـي #١٤٤٨هـــــ
🪽سطور وحِكَم مرتّبة بذوق، تخليك توقف وتراجع نفسك بهدوء 🤍
Читать полностью…
⌔︙ المستخدم خادم
⌔︙ قام بإرسال كلمة غير لائقة
✦︙ المستخدم خادم
✦︙ قام بإرسال كلمة غير لائقة
لاستشهاد فاطمة الزهراء عليها السلام وزن الدارمي ٣ دگات
اذكر مصاب الصار بعد السقيفه
طفل وضلع مرضوض بأمر الخليفه
★★★★★
ماخَلَّفه المختار لا نصبه الرب
الأصبح خليفه وصار بالخلگ ينهب
بالغدر والموزين سيف المجرب
دز الكسر بالباب ضلع الشريفه
★★★★★
اتذكر يسامع زين واقره المصادر
جبر الخواطر صار كسر الخواطر
شذنب أم حسن بالباب توگف عساكر
بيسرته الظالم سوط بليمنه سيفه
★★★★★
ما رعوا منها الحال بس رووعوها
بغيض وشتم وصياح لمن لفوها
نحلتها دون أسباب من صادروها
حجتهم بهلحال چانت ضعيفه
★★★★★
دار الشرف والخير بيها الوكت دار
لا من قدر محفوظ لا ظلوا انصار
حيل ام حسن مهدوم بالضلع بسمار
عذب گلبها النوح واصبح حليفه
★★★★★
بعد النبي المختار ما ظلت شهور
يا لوعته الكرار من فارگ النور
بلصحره ما تنقاس لا ماي البحور
كل دمعه من العين خطت صحيفه
الشاعر حسن لعيبي الحريشاوي
﴾﷽﴿
ــــــــــــــــ❀○•○•○☆○•○•○❀ــــــــــــــــ
#لنشر #القصائد #الحسينية
ــــــــــــــــ❀○•○•○☆○•○•○❀ــــــــــــــــ
شرده اسولف عن مصاب ام الحسن
انه ساكت والمدامع سولفن
حروفي حارت
سكته صارت
والمدامع سولفن
،،،،،،،،،،،،،،،،،،،
على الشفايف صارن حروفي سكوت
صارت القصه حزينه وكلهه موت
خرسه كل الدنيا احسهه بلايه صوت
يموت كلشي بعيني لو فاطم تموت
سولفتهن وانتهن يم الگبر
لون بيدي سكته گظيت العمر
الدنيا دارت
سكته صارت
والمدامع سولفن
،،،،،،،،،،،،،،،،،،،،
بالمحاجم صارن دموعي كلام
وبين چفيني شفت موت الحمام
وصار بعيوني الصبح ليل الظلام
ساهِرَت عين السوالف ماتنام
تگلي عنك راحت الچانت امس
لو شفتهه تنجلي هموم النفس
دموعي ثارت
سكته صارت
والمدامع سولفن
،،،،،،،،،،،،،،،،،،،،
انه حيدر هَدِمَت حيلي الهموم
مطوي يم النعش ما اگدر اگوم
مثل هذا اليوم مامر بيَ يوم
والمصايب صارت عليَ تحوم
يامصيبه الاشد من هاي المصيبه
شلون اصبر گلبي بغياب الحبيبه
همومه جارت
سكته صارت
والمدامع سولفن
،،،،،،،،،،،،،،،،،،،
نظرة المحتار نظرات العيون
ودار حيدر خيم عليهه السكون
تروح مرات وترد بيَ الظنون
راحو احباب الگلب ماظن يجون
شحال عيني تودع الزهره بنظرهه
وداري ظلت لازهرتي ولاعطرهه
من توارت
سكته صارت
والمدامع سولفن
،،،،،،،،،،،،،،،،،،،،،،،
سولَفت عنهه وبچت عين السماء
والاملاك على النعش سوت عزاء
تصيح يارحمن من هذا البلاء
ياصبر عَده على صبر الانبياء
شلون روحك عالمصايب صبرتهه
بخدهه سطره ام الحسن من انظرتهه
دم تجارت
سكته صارت
والمدامع سولفن
،،،،،،،،،،،،،،،،،،،،
سكتت الدنيا وعلا صوت الدمع
يشكي عصرة فاطمه وكسر الضلع
بأول سنين العمر يطفي الشمع
ونة المهضوم ابد ماتنسمع
ونتي الماتنسمع من ودعتهه
روحي بتراب المقابر فارگتهه
اجدامي سارت
سكته صارت
والمدامع سولفن
،،،،،،،،،،،،،،،،،،،،
خادم الزهراء عليها السلام ابو اسحاق الفحام
بصوت ابو ياسين الخادم
Читать полностью…
مَرت سَنه يا فاطِمه … وآنه انتظرلچ جيه
مَرت سَنه يا فاطِمه … كل يوم اموت اشويه
1📕
يا جرح اليفارگ محب ما يشفه لآخر عمره
وانه الرحيلج فاطمه كل جرح بيه اشكبره
كاضيهه بعدج عيشتي دمعه ومناحه وحسره
مَرت سَنه يا فاطِمه … ابچي الچ ليليه
مَرت سَنه يا فاطِمه … كل يوم اموت اشويه
2📕📕
كل يوم اليمرني ابسنه بعدچ يعز من روحي
لو بيدي صح امشي الچ آنه وجميع اجروحي
مو هين افراگچ يمن عفتيلي حزني اونوحي
مَرت سَنه يا فاطِمه … روحي مثل مسبيه
مَرت سَنه يا فاطِمه … كل يوم اموت اشويه
3📕📕📕
كبرني موتچ چم عمر اضعاف عمر العندي
اتچه عالحايط صرت والدمعه حفرت خدي
داري خله من ضحكتچ عايش صفيت الوحدي
مَرت سَنه يا فاطِمه … يا فاطمه العلويه
مَرت سَنه يا فاطِمه … كل يوم اموت اشويه
4📕📕📕📕
موطن صرت يا فاطمه للهم بعد ما متي
غابت على داري الشمس وياچ لمن غبتي
واحلامي كلهه اتناثرت يم بيتي لمن رحتي
مَرت سَنه يا فاطِمه … أقراهه الچ لطميه
مَرت سَنه يا فاطِمه … كل يوم اموت اشويه
5📕📕📕📕📕
حسره عَلي جرت النفس صارت يضي اعيوني
ميت تراني ابموتتچ بس ناطر يدفنوني
من شلتچ امن المغتسل هدلن عليج امتوني
مَرت سَنه يا فاطِمه … ميت نفس ما بيه
مَرت سَنه يا فاطِمه … كل يوم اموت اشويه
6📕📕📕📕📕
📕 بعدچ علي دافن علي يا فاطمه المحبوبه
يقره اعله روحه الفاتحه كلما يصير اغروبه
وصارت حياته المگبره واللون الاسود ثوبه
مَرت سَنه يا فاطِمه …احچي اوي روحي اعليه
مَرت سَنه يا فاطِمه …كل يوم اموت اشويه
✍️ كلمات #موسى_الخادم
يحجابي عن نضرة علي غطيها عـــيني
كافـــي عله كلبه الترف ضلعي وجنيني
لو شافني خاف الوجع ياخــــــذ حياته
*********
1= ينكسر من يدري علي مـــو زينه صحتي
يومين صار ومــاطلع جدمـي حـــجرتي
كلما يأذيـــــني الضلع أخنك عـــبرتي
عــن لا يكلي لو رحت جا شنـهي ضلتي
****
ماريدها بحيدر تمر ريح التغاريب
أدري حياته بغيبتي يكضيها تعــذيب
مـــــاريد أخلي النايــــبه بصف نايباته
لو شافني خاف الوجـــع ياخذ حياته
2= مو عالصفحتين أنكلب نومي أعله صفحه
وشديته جفني بمعصبي عــــــن لا يلمحه
ما مره جارحني علي مـــــاريد أجرحه
حت لو أموت من الوجع مــاخونه ملحه
**
من خدي أمسح بالدمــــــع بالكوه ألوحه
وأتحملتها ولا علي تــــــنجرح روحه
رخصت روحي وضل علي عندي شغلاته
لو شافني خاف الوجـــــــع ياخذ حياته
********
3= الـدخان من يـــوكف وكفــته تصير كوه
وكفت طــــولي الخاطـــره وطولي يتلوه
بس أطبك عيوني أعــــــــوف بكاع شلوه
زينب والحسين وحســـن الفـــركه بلوه
*****
من يصير جتالك عزيزك والله صعبه
والياخذ حلامه بنعـــش ينشلع كلبه
وتصير بس جنه وجنت كـل ذكرياته
4= يالليله كشره من أشــتعــل بابي بحطبهم
بعيوني مرت كل صور ولدي الأحبهم
من الـــنار أشد صارت علي قـلة أدبهم
أصلاف وحجيهم أقــسه من شدة ضربهم
**
رادت المحسن نارهم وأنه أريده
لا أيدي كدرت شالته لا مدلي أيده
من بينهم صارت صدك صعبه نجاته
لو شافني خاف الوجع ياخذ حياته
*******
5= كلبي قبل جفي أن جوه توجع جويته
ووليدنه الجيــــــته حلم طايح لكيته
تمنيت أسمـــــع ضحكته وأنضر مشيته
جن شفت الحسين نذبــــح كدام أخيته
***
عالباب صيوان حترك شفته نرسملي
وطفال صاحت بالغرب لحكــولي يهلي
وحسين جـــــن عينه تصد لمدللاته
لو شافني خاف الوجــع ياخذ حياته **** عبد الجليل المالكي
ضلع واحد ياعلي وهد حيلك
چا اضلوع حسين شتسويلك
ـــــــــــــــــــــــــــــــ
شيعتهه ابليل بت خير الأنام
ياعلي واحسين عالغبره ينام
حسين عاري ياعلي والله حرام
وحده وحده اليوم اريد ارويلك
ــــــــــــــــــــــــــــــــــــ
راس زهرائك سلم من الجروح
براس الحسين الحجر راد ويروح
خله حته الطير يبچيله وينوح
حسين محتاجك علي يشكيلك
ـــــــــــــــــــــــــــــــــــ
الزهره يمهه انته التشيل النايبات
والحُسين الوحده فوگ الغبره مات
والاشد منها بناته امسلبات
خاف اقهرك اكثر من احچيلك
ـــــــــــــــــــــــــــــــــــــــــ
سطره وحده ياعلي وشكلك حزين
شلون لو شفته عله الغبره الحسين
امن الگفه گطعو علي منه الوتين
كون اجيبن زينب او تنعيلك
ـــــــــــــــــــــــــــــــــــــــ
بالضلع زهرائك وكاسرهه باب
والحسين ابكل كتره لچمه وصواب
مطشر ابنك ياعلي فوك التراب
هيچ موقف ياعلي شيعنيلك
ــــــــــــــــــــــــــــــــــــــــ
شجرة احسين اصبحت متروسه فوس
ولده وصحابه ضحايه بلا رووس
صعدو الخيل وعلى صدره تدوس
لو تشوفه ما متغمض ابليلك
ـــــــــــــــــــــــــــــــــــــــ
لونك تغير او دمعك يسيل
تموت يمكن يم گطع جف الكفيل
عميه عيني يكوم ويطيح العليل
يامصاب اتريد هسه ارثيلك
عباس هابيل الزينبي
ـــــــــــــــــــــــــــــــــــ
ذكرى شهادة سيدتي ومولاتي الصديقة الطاهرة فاطمة الزهراء عليها السلام
قصيدة ( ظلموهه )
باب الدار دفعوهه ... والزهراء ظلموهه
والهجموا عالدار ... بغـضاً بالكرار
ظلموهه
...............................................................................................
بأمر السقيفه الظالمه صار الصار
وغدرت الزمرة الحاقدة بالأطهار
جابو حطب والحطب شعلوه بنار
منهم بريء الدين ذوله الأشرار
حرمه شلون غدروهه ... خلف الباب عصروهه
ندري بهذا الصار ... بغـضاً بالكرار
ظلموهه
...............................................................................................
لا ما يقدرون النبي ولا أصحاب
ملعـون كلـمــن غِدر أم الأطياب
كلها بأمر ثاني صنم هالأسباب
گلهم ( وإنْ ) بنت النبي خلف الباب
بهذا الجور يتسبب ... وضلع النور يتصوب
صابوه بالبسمار ... بغـضاً بالكرار
ظلموهه
...............................................................................................
بنت النبــي والطاغــيـة يغدرهه
بالسوط يضربهه ويرد يسطرهه
ومن كثر ما بالباب ظل يعصرهه
محسنهه مات ولا شهم ينصرهه
هالعدوان روعوهه ... وسفه وحيف عذبوهه
والعتره الأطهار ... بغـضاً بالكرار
ظلموهه
...............................................................................................
حيدرنه عن الزهره ما يتأخر
هيهات لو عنده أمر يتعذر
عنده وصيه امن الرسول الأطهر
لوما الوصيه من يلاگي حيدر
بذو الفقار يگظيهه ... وأم حسين يحميهه
مكشوفه الأسرار ... بغـضاً بالكرار
ظلموهه
...............................................................................................
آه يا ونين الزهره يا حسرتهه
ما گالت الحيدر علي بحالتهه
تخفي الونين وتمسح بدمعتهه
بس الله يعلم حالهه ولوعتهه
عاشت حيف مهضومه ... وراح تموت مظلومه
تعرف هالأشرار ... بغـضاً بالكرار
ظلموهه
...............................................................................................
ماتت هضيمه الطاهره ومحسنهه
وحيدر علي يغسّلهه ويچفّـنهه
الله أكبر چان يسمع ونهه
يخفي القبر عالناس من يدفنهه
بالحسرات ودّعهه ... وزينب سال مدمعهه
والأيتام اصغار ... بغـضاً بالكرار
ظلموهه
...............................................................................................
خادم الإمام الحسين عليه السلام
عمار هليل الواسطي
جمادى الآخرة/ ١٤٤٨ هجري
✨هُنا، لا تمر الكلمات عبورَاً ، بل تلمسك وتبقىٰ ❤️🔥.
Читать полностью…
✦︙ المستخدم خادم
✦︙ قام بإرسال كلمة غير لائقة
🥀🥀السلام على ام ابيها 🥀🥀
اداء الرادود ملا امير الصبر
كلمات الشاعر كامل السعيدي
طـــور قـصـيـدة 🎵
#ماتت شهيدة ياعلي ⬆️
بهيده أون الزهرتي وبيدي أنشف دمعتي
آآيزهره ....،،،،،آآيزهره
،،،،، 1،،،،،،،،،،،،،،،،،،،،،،،،،،
لحظه لحظه وساعه ساعه. أحسب حساب اليالي
بيا صبر وبيا وصيه. إلي أقنع بيها حالي
ويا مصيبه الييها آنه. الزهره تتألم گبالي
ومن تشوف السيف بيدي. تصيح يازينب تعالي
تگلي بويه بغربتي،،،،، وبنحر ذوله اخوتي
والله ذابت مهجتي.
آيزهره. آيزهره
،،،،،،،،،،2،،،،،،،،،،،،،،،،
ومن أگللها شيألمچ. بيدها تغطي ضلعها
ومن أطب وأدخل عليها. تبتسم تخفي وجعها
ليش ضميتي ضلوعچ. عني هم اظم دمعها
تصبر وعالهم تكابر. زهره وآنه أعرف طبعها
تگلي خلني بعلتي،،،، چنها گربت ساعتي
وآنه باقي بمحنتي.
آيزهره. ايزهره
،،،،،،،،،،،،،،3،،،،،،،،،،
يابعد روحي اعلا هونچ. فراگچ يهدملي حيلي
بعدچ بأول شبابچ. ياعطر ضل من خليلي
الموت شنهو ويعتنيلچ. هسه أخليه يعتنيلي
كون اصير آنه بديلچ. خل تحل ساعة رحيلي
ليش يا أم الحسن،،،،إعليه گلبچ مايحن
والله حيره حيرتي،،،
آيزهره. آيزهره
،،،،،،،،،،،4،،،،،،،،،،،،،
صاروا أولادچ يتامه. اليله ليلة فاجعه
وهاي شفت اول علامه. من الحسن بموادعه
وزينب تگلهم يخوتي. أمنه ماضن راجعه
نصبوا بحضنچ عزاهم. وانتي حتما سامعه
جاوبيهم جاوبي. ،،، ردي يابنت النبي
الله يدري بحالتي،،
آيزهره. آيزهره
،،،،،،،،،،،5،،،،، ،،،،،،
والنعش منهو اليشيله. وآنه مكسور الظهر
وادري بوصيتچ ثجيله. وبس يحلها المنتظر
راح اشيله بليل نعشچ. وأمسح عيون الأثر
والحسن وحسين صاحوا. لاتطولين السفر
وشكثر نشتاگ الچ. لا تگطعين بهلچ
قصتچ وي قصتي،،،،
آيزهره. آيزهره
،،،،،،،،، 6،،،،،،،، ،،،،
شلون حالي من ادفنتها. وبيدي ساويت التراب
والله چن مدفونه روحي. وشأ شد من هل مصاب
زهرتي الماجف عطرها. چنها أنوت عالغياب
شماحچيت وعاتبتها. بعد ماينفع عتاب
من عمرها ثمنطعش،،،، إچوت بنار العطش
المعذره يازهرتي، ،،
آيزهره. آيزهره
خادم الحسين عبدالكاظم الجابري
⌔︙ المستخدم خادم
⌔︙ قام بإرسال كلمة غير لائقة
✦︙ المستخدم خادم
✦︙ قام بإرسال كلمة غير لائقة
علي راحت فاطمة
اضلوع منها تكسرت علي راحت فاطمة
بصوت ناصي حشمت علي راحت فاطمة
الشمعه هاليله نطفت علي راحت فاطمة
اضلوع عدها مهشمه علي راحت فاطمة
@@@@@@@@@@@@@
الورده ماتت بلعصر علي راحت فاطمة
ودفعوا الباب الكفر علي راحت فاطمة
ومن كلبها الدم يخر علي راحت فاطمة
علي ياحامي الحمه علي راحت فاطمه
@@@@@@@@@@@@@@@@
علي هل يوم الحزن علي راحت فاطمة
شال كلب اللي يحن علي راحت فاطمة
الشيعه خليها تون علي راحت فاطمة
وكلبي أمنه تثلمه علي راحت فاطمة
@@@@@@@@@@@@@@
بويه وينك يلفحل علي راحت فاطمة
رافگ الزهره الاجل علي راحت فاطمة
المحسن ابصفها نكتل علي راحت فاطمة
تبچي عالزهره السمه علي راحت فاطمه
@@@@@@@@@@@@@@@@@
الدار حرگوها بحقد علي راحت فاطمة
كلبي أصبح ينمرد علي راحت فاطمة
اشلون ادفنها بلحد علي راحت فاطمة
علي راد اتكلمه علي راحت فاطمة
@@@@@@@@@@@@@@@@@
وداد البخاتري
#نعي_للزهراء
لسان حال الامام الحسين ع
انوحـــن ليلي ونهاري على أمي
ماتـت مـــن وكت والعاش همي
امنـــحن وشتاگ ما ألگاهه يمي
واون ومــــن ونيني ايفور دمي
الجنت اغفه ابحضنها اليل كله
مشت وتركت وسط الدار خله
عليها الدمـع من دم گمت اهله
الدرب ضليــت اتيه ما انـــدله
آ ياحســــــرت اليفگــدله غالي
وحشه اتصـــير بعيـــونه اليالي
وأنه ضليت حال الضيم حالي
حــرگ الباب ماچان اعله بالي
الخادم
✍كامل السعيدي
📜 قصيدة :- سمعي يزينب .
✍ كلمات :- الشاعر كرار حسين الكربلائي .
🎤 أداء :- الرادود محمد الجنامي .
🖤🥀🥀🖤🥀🥀🖤
سمعي يزينب يا ضوه العين يُمه
يمــچ امانه ثــوب الحــسين يُمه
يبنيتي ودعيني .. وعينج عله حسيني
يالحــبيبــه .. يالحــبيبــه
🖤🥀🥀🖤🥀🥀🖤
بس ليله وحده ورايحه .. اقري عليه الفاتحه
يا شمعة آمالي
كُفي المناحه والبچي .. ويّاچ الي هوايه حچي
وسوالف ابالي
هذا القميص وقصته ردتچ تسمعيها
لو رحتي يُمه لكربله هناك تذكريها
خليتله دموعي عطر بالطف تشميها
من عيني هاچ اخذي الدمع هاچ للطف
وهذا قميص يروح وياچ للطف
شوفي واذكريني .. وعينچ عله حسيني
يالحــبيبــه .. يالحــبيبــه
🖤🥀🥀🖤🥀🥀🖤
بالطف اذا حط الضعن .. اتحسين اكو غربة وطن
ما تغمض عيونچ
وبليلة عاشر ألم .. تشوفين اخوتچ بالخيم
كلهم يودعونچ
عندچ اخو چنه علي راعي العلم إسمه
بالله اعله عباس الوفي سلميلي يا يُمه
گليله انه برگبتك من فاطمه ذمه
كله محنّه وغيره واحساس أبني
يا يُمه مثل حسين عباس إبني
راعي العلم عيني .. وعينج عله حسيني
يالحــبيبــه .. يالحــبيبــه
🖤🥀🥀🖤🥀🥀🖤
هالليله الموادع حله .. يُمه اللقاء بكربله
وبكربله الفرگه
التوديع اذا وكته حضر .. شمي الحُسين من النحر
بالدمعه والحرگه
وهنا بده وكت الحچي يا زينب احچيله
گليله امك ذكرتك يحسين هالليله
وشبگت قميصك يالولد وبهظمه تبچيله
بالطف الچ متخلي دنياي غالي
يالغاليه وحسينچ هواي غالي
يا شمعة سنيني .. عينچ عله حسيني
يالحــبيبــه .. يالحــبيبــه
🖤🥀🥀🖤🥀🥀🖤
يودعچ بعاشور الظهر .. ساعه ويرد ليچ المهر
خالي من ابو سكينه
تروحيله مكسورة گلب .. وتشوفچ اعيون الغرب
مذبوح تلگينه
هذا القميص بكربله من دمه يتخضب
من كل كتر طعنة رمح والنوب يتسلب
وساعة تشوفينه بحوافر خيل يا زينب
وليدي الحبيب بالله محروس ضلعه
تركض عشر خياله وتدوس ضلعه
حالچ يبچيني .. عينچ عله حسيني
يالحــبيبــه .. يالحــبيبــه
🖤🥀🥀🖤🥀🥀🖤
باچر حسينچ ينذبح .. وراسه تشوفينه برمح
وجسمه برمل غافي
اسمع ندائج بالسمه .. لحگيلي يُمه فاطمه
متورمه اچتافي
لحسين اجي والگه الابن بس جثه مرميه
شگعد شضمد يا جرح بالف وتسمعيه
يَمه اظل ابچي واون لو رحتي مسبيه
الاصعب علَيَ من ذبح الحسين زينب
مسبيه ويه الشمر تمشين زينب
مهظومه تلگيني .. عينچ عله حسيني
يالحــبيبــه .. يالحــبيبــه
فصيح أبيات مقدمة مجلس في رثاء السيدة الزهراء عليها السلام
أَضْلَاعُهَا كُسِرَتْ وَالنَّارُ شَاعِلَةٌ
فَمَالَهَا أَضْلُعُ الإِيمَانِ تَنْكَسِرُ
فَالْوَغْدُ حِينَ غَزَى دَارَ البَتُولِ طَغَى
قَدْ خَالَفَ اللهَ وَالْقُرْآنَ يَحْتَقِرُ
مَا إِنْ رَأَتْهُ أَتَى بِالْجَمَعِ مُكْتَسِحًا
لَاذَتْ فَيَا أَسَفِي بِالْبَابِ تَسْتَتِرُ
يَا مُؤْمِنُونَ احْزَنُوا بِالسَّوطِ لَوَّعَهَا
حَتَّى غَدَا سَوطُهُ كَالذَّرِّ يَنْتَشِرُ
وَالسَّيفُ فِي غُمْدِهِ يَا لَهْفِي يُوكِزُهَا
ضِجُّوا لَهَا آَلَمًا والدمعُ يَنْفَجِرُ
مُصَابُهَا مَابَدَا لِلتَّوِ أَرْوِي لَكُمْ
بِنْتُ النبيِّ غَدَتْ بِالبَابِ تَنْعَصِرُ
يَا وَيْلَتِي عُصِرَتْ مَظْلُومَةً قُهِرَتْ
وَالضِّلْعُ مِنْهَا غَدَا بِالبَابِ يَنْكَسِرُ
وَالصَّدْرُ قَدْ عَابَهُ الْمِسْمَارُ حِينَ سَرَى
وَالدَّمُ مِنْهَا جَرَى وَالدَّمْعُ مُنْهَمِرُ
قَدْ عَادَ يَرْكِلُهَا ذَاكَ اللِّئِيمُ وَقَدْ
أَتَى الْمَخَاضُ لَهَا وَالنَّجْمُ مُنْكَدِرُ
وَقَدْ هَوَى مُحْسِنٌ فَوْقَ الثَّرَى وَهَوَى
قَلْبُ الْبَتُولِ لَهُ بِالْحُزْنِ يَنْفَطِرُ
يَا لَهْفَ نَفْسِي لَهَا حِينَ هَوَتْ وَدَعَتْ
قُومِي أَيَا فِضَّةُ! وَالْقَلْبُ يَسْتَعِرُ
قُومِي خُذِينِي فَقَدْ خَرَّ الْجَنِينُ عَلَى
أَعْتَابِ دَارِي كَمَا لَوْ قَدْ هَوَى الْقَمَرُ
رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي 1448 هـ
بصوت ابو ياسين الخادم
حبيبتي … فاطمتي
حبيبتي … فاطمتي
1💔
مَالِي وَقَفْتُ عَلَى الْقُبُورِ مُسَلِّمًا
قَبْرَ الْحَبِيبِ فَلَمْ يَرُدَّ جَوَابِي
أَحَبِيبُ، مَا لَكَ لَا تَرُدُّ جَوَابَنَا؟
أَنَسِيتَ بَعْدِي خُلَّةَ الْأَحْبَابِ؟
گعدي وشوفي اشگد اجروحي
مو مال اتخليني ابروحي
دافن روحي دافن روحي
نص گبرچ تلگيهه
كلشي البيه ايريدچ گومي
بعدچ نوح ايخلص يومي
فگدچ عايف بيه اهمومي
ودمعاتي الاجريهه
حبيبتي …. يا زهرتي
حبيبتي … فاطمتي
2💔💔
نَفْسِي عَلَى زَفَرَاتِهَا مَحْبُوسَةٌ
يَا لَيْتَهَا خَرَجَتْ مَعَ الزَّفَرَاتِ
لَا خَيْرَ بَعْدَكَ فِي الْحَيَاةِ، وَإِنَّمَا
أَبْكِي مَخَافَةَ أَنْ تَطُولَ حَيَاتِي
ماريد اسنيني ولا عمري
موتچ حاني وكاسر ظهري
مو ما اخفي اعليج اليجري
ضاعت كل آمالي
فرگاج اصعب من كل أصعب
بعدچ اگضي ايامي امعذب
تعبان وراح اكثر اتعب
يالعفتيني الحالي
حبيبتي … يا فرحتي
حبيبتي … فاطمتي
3💔💔💔
كُنَّا كَزَوْجَيْ حَمَامَةٍ فِي أَيْكَةٍ،
مُتَمَتِّعَيْنِ بِصِحَّةٍ وَشَبَابِ.
دَخَلَ الزَّمَانُ بِنَا وَفَرَّقَ بَيْنَنَا،
إِنَّ الزَّمَانَ مُفَرِّقُ الْأَحْبَابِ.
فرقنه الموت وخلاني
عايش وحدي ابيت احزاني
مترجعيلي وباقي امتاني
يا زهرة ايامي
شيرجع عشرتنه الحلوه
وذيچ ايامي اوياچ التسوه
متي وخليتيني اتلوه
باليقضه وبحلامي
حبيبتي … يا سلوتي
حبيبتي … فاطمتي
================
✍️🏻 كلمات #موسى_الخادم
لاستشهاد الزهراء عليها السلام (وزن تجليبه )
المابيهم حميه عدوان الزچيه
يرب الكون دوم بلعنتك خصهم
ومن كل بلوه صعبه لاتخلصهم
عدوان الزچيه
★★★★★
بقت للموت تشكي اللوعه وتعاني
تره بونتها يدري القاصي والداني
خص بلعنتك ياربي كل جاني
خص اولهم الملعون والثاني
ومن نار القيامه
مالهم سلامه
نار الماتزول ولاتجافيهم
ذره من العطف للدوم مابيهم
عدوان الزچيه
★★★★★
بعد طه الحبيب ولوعة الفرگه
هاگد ظلم وسفه ام الحسن تلگه
الاول غصب من المرتضى حگه
الثاني عاف دار الخير محترگه
أمر واصعب فجيعه شافتها الوديعه
محسن يوم طاح وخذوا واليها
نواياهم لئيمه انكشف خافيها
عدوان الزچيه
★★★★★
العن باالهي بزمره تدريها
الظلم الزهره من اكبر مساعيها
العن من ظلمها ومايراعيها
واصبح سبب لوعتها وبواچيها
فواجعها الاليمه من اهل الجريمه
بحق سيد البريه المصطفى وحيدر
عليهم دوم سلط نارك التسعر
عدوان الزچيه
★★★★★
مرحوم اليسب بناس ظلموها
الحد يوم المنية تنوح خلوها
باب شگد ثگيله عليها دفعوها
اكوام الحطب يم الباب جمعوها
من كسروا ضلعها ومارحموا دمعها
ياروح وظمير البيهم تنادي
هانت ياحسافه حوبة الهادي
عدوان الزچيه
★★★★★
وين الي يصون العهد ويراعي
نكرها بالورث من چانت اداعي
عدوان الحقيقه وكل فكر واعي
شهم عدهم بهظم الطاهره ساعي
ضلت للمنيه لوعات الزچيه
طول الدهر يارب السمه العنهم
كل الصار بالزهره وجره منهم
عدوان الزچيه
الشاعر حسن لعيبي الحريشاوي
عمار هليل الواسطي
بصوت حسين عدنان الگوبعي
كل ليله العشك لحسين ضل يكثر
چبير حسين من الكون اشوفه اكبر
عشگناك ابزغرنه وكلنه نعرف بيك
انته المنذبح عطشان بالمنحر
تعلمنه عليك وكلشي عدنه حسين
ماشفناك وبطاريك نتأثر
انته أول بشر لوذكرك ابچي عليك
وذا طب الحضرتك وجهي يتغير
الماي شلون اشربه وماكو عندك ماي
لكن من اشربه عيالك اتذكر
من اجي مخنوك ازورك ولزم الشباچ
شكو بروحي خراب بساع يتعمر
ياحسرتنه يوم العاشر بعاشور
صباح العاشر علينه صباح اكشر
الشمر گدام زينب يطك بيك بسيف
شما نذكر الموقف نضل نتحسر
رقيه وينهه وين الركض يحسين
طفله اجدامها من الركض تتفطر
خيط السبحه انته انگطع وسفه الخيط
وعيالك خرز عالكاع تتطشر
طحت والدنيا حمره انگلبت ابفرگاك
ذاك اليوم كلشي انگلب لونه احمر
علي سعيد