2554
نعي الى رقية عزيزة الحسين عليه السلام
بالطيف شفته وتوه اجاني
ملهوف ابوي وعايناني
حاله حزين وحيراني
كلهم بجو من اسمعوها
كالت ابوي الغالي جاوين
راعي المحنه وكرت العين
انا عزيزة والدي حسين
دوم العزيزه يجاوبوها
من سمع بيها الظالم يزيد
كلوله نسمع صوت ترديد
طفله لابوها شوفته تريد
كال اخذو راسه وروعوها
فزت تصيح ابوي وينه
لن راس أبوها كاطعينه
بنت الحسين اشكد حنينه
ماتت بشبكة راس أبوها
ويتماني ويتماني
من كطع نحره ويتماني
خلاني أعاني خلاني أعاني
فراك الابو خلاني أعاني
ظالم زماني ظالم زماني
ماخله ابوي وياي ظالم زماني
شو لوعاني شو لوعاني
راسه بطشت شو لوعاني
ردته يجيني ردته يجيني
الغالي علي ردته يجيني
وتشوفه عيني وتشوفه عيني
أبويه يجي وتشوفه عيني
مايحاجيني مايحاجيني
نحره انكطع مايحاجيني
دايم ونيني دايم ونيني
ماينكطع دايم ونيني
حظنته وصاحت حظنته وصاحت
منهو الذي دماك حظنته وناحت
عالراس طاحت عالراس طاحت
طفله وتون عالراس طاحت
بهداي ناحت بهداي ناحت
يابويه اروح وياك بهداي ناحت
توها استراحت توها استراحت
من ماتت ويه حسين توها استراحت
محمد دعبل النوري
القصيدة إلى رقية عزيزة الحسين عليه السلام
مالحكت تشوفه لهفه مدري خوفه
شو ماتت رقيه. شو ماتت رقيه
*---------------*-------------*---------------*
تجي ياليل وبطيفك توعيها
ولوجه الابو بلحظه تراويها
جن شايل رساله الها تاديها
ابوها بهالمنام يريد يدعيها
يكلها بس تعالي لحظني ولدلالي
تعالي بويه ليه شو ماتت رقيه
*--------------*----------------*---------------*
طفله ومر عليها لحظه ابوها
بعد لحظه تموت ومادروها
جابو راس ابوها وروعوها
شو مكطوع راسه وسكتوها
عزيز الروح وينه ينظرلي بعينه
أظن راح من اديه شو ماتت رقيه
*---------------*--------------*----------------*
اشكد متلهفه أبوها تشوفه وياها
طفله وتفرح بوالدها لو جاها
لكن خوفها بهالحيره خلاها
شافت راس ابوها وجنه ناداها
راحتله مسرعه كل ظنها ترجعه
ماردت عليه شو ماتت رقيه
*---------------*--------------*----------------*
تموت من الهظم روحي واعاينها
واكولن ليش يازينب سكت ونها
نظر زين العباد وكال شيلنها
ياعمه ماتت رقيه شتحسنها
شافت راس ابوها بهظمه صوبوها
ياناس شبديه شو ماتت رقيه
*---------------*-------------*-----------------*
جرح ياجرح بكليبي وابثنه
أنا احتاريت بعياله وثكل ونه
كلها اجروح ياهوه الاشوفنه
بناتك بالحزن دلالي فتنه
رقيه مني راحت يخويه روحي ناحت
شفت هم واذيه شو ماتت رقيه
*--------------*--------------*-----------------*
محمد دعبل النوري
اگعد رجع الناگه ياعباس:
درب الشام ما اريده ياعباس:
وينك ياكفيلي انهض ردلي حيلي
خويه الهظم دولبني ياعباس:
………………
وينك يااخوي وماي العيون:
غيرك بالضعن عباس يحدون:
مهظومه تراها خلافك ام عون:
المثلك يا شهم اتفارگه اشلون:
يكتلها صبرها.تبچي كل عمرها:
تستاهل دمع عيني ياعباس:
اگعد رجع الناگه ياعباس:
…..،…1…..
ماچانت تره عباس عل بال:
اگعد شوفني ابلياك ياحال:
رافگت العليكم چان چتال:
ياهضم العليه يهدم اجبال:
مسبيه خذوني. ياحادي ابظعوني:
افزع لختك امحزم ياعباس:
اگعد رجع الناگه ياعباس:
……2…….
مر بيكم الحادي عين وعماد:
ويكلي يازينب انخي الاولاد:
ناديت واحس بنداي ما فاد:
ابلاروس اشوفن ضاله اجساد:
خواني مچاتيل. بيه الوادم اتعيل:
ومابطلت اصيحن ها ياعباس:
اگعد رجع الناگه يا عباس:
……3……
حته النوگ تتباچه عله مبچاي:
اتهز برگابها وتنوح وياي:
تدري ام الخدر من دون حداي:
سولفلي ياكافل شنهي الراي:
الناگه بچتلي..حنت ونحبتلي:
هزيله من الحزن صارت ياعباس:
اگعد رجع الناگه ياعباس:
……4………
ياهي المثل زينب عدها خوان:
سادات العرب وناس شجعان:
حك تلطم عليهم تنصب احزان:
الضلو عل ترب من غير دفان:
ضلو عل وطيه ابذيچ الغاظريه:
هذا الصار بغيابك ياعباس:
اگعد رجع الناگه ياعباس:
………5…….
زينب تنتخي اوتندب بهلها:
تحديها الغرب موش الكفلها:
وينك يابو. فاضل تفزعلها:
وحبال السبي. بيدك تفلها:
گصنها الجفوف..مچتوف اعله مچتوف:
واحد يسحل الثاني ياعباس:
اگعد رجع الناگه ياعباس:
……6….
مجيد الصالحي
يعني معقوله قنوات الفسق والفجور اعداد اعضائها بالملايين... وقناة القرآن ما تجاوز ال 12K
هذا اكبر دليل على ان اهل الدنيا اضعاف اضعاف اهل الاخرة
على العموم ان ادعوا اهل الاخرة فقط للانضمام الى قناتي على الرابط التالي👇🏽👇🏽
/channel/Tdper/7644
قصيدة للمشاية طور اهوازي
اجتك سيدي الخدام واترفرف رواياها
تگطعلك طويلة دروب ليك الشوكَ جاباها
آيحسين ومصابة آيحسين ومصابة
(==================)
مشاية ولحد الموت مانترك مصاب حسين
مصباح الهُدى وللناس سفينة واحنا غرگانين
ذنوب محملين هواي يغفرهن مشي الرجلين
بخدمتك مانرد ونخاف وشرف هالخدمة نلگاها
آيحسين ومصابة آيحسين ومصابة
============================
كون انعرف ابو السجاد من تمشيلة رجيلنة
نترك كل حقد عالناس ننضف گلوبنة وجينة
ما نمشي بعكس ما راد ونسير بدربة خلينة
هاي الغاية والمطلوب الحسين المنة راداها
آيحسين ومصابة آيحسين ومصابة
======================
تواسي زينب الحوراء مشي بالاربعينينة
بدربك للنساء انشوف بعضهن عدها سلبية
شقة وتمضحك ومكياج چن تمشي لعرس هية
مو چن رايحة لحسين الروحة لخدرچ اطاها
آيحسين ومصابة آيحسين ومصابة
=========================
خدم عدنا بذهب تنقاس تخلص وي ابو اليمة
بنفسة يخدم المضلوم ويزود بخدمتة الهمة
يجازيه الحسين اضعاف مكانة ايرفعة للقمة
التخلص وي ابو السجاد جاه ورفعة جازاها
آيحسين ومصابة آيحسين ومصابة
=========================
الف هنيالة كلمن زار الحُسين وعارف بحقة
يرد چنة انولد بالحال ذنوب اعليه ما تبقة
حبك من نزل للناس اهو كل واحد ورزقة
عالفطرة الگلب لحسين گام الخدمة يهواها
آيحسين ومصابة آيحسين ومصابة
=========================
اسالكم الدعاء رائد الاسدي
كلشي بالدنيا خسارة سيدي وحبك ربح
بالنحور الدم يغالي بفضل راسك عل الرمح
١ـــــــــــــــــ
بفضلك تحررنا من سوق العبيد
وبفضل دمك بقى الدم البوريد
والله لولاك الظلم بينه يزيد
ولسة يحكم بينة بالدنيا يزيد
ماكو رحمة ولاكو رأفة من بعد عينك جرح
بالنحور الدم يغالي بفضل راسك عل الرمح
٢ـــــــــــــــــ
انت خيمتنة التلمنة من الضياع
بعد عينك كلشي بالدنيا وداع
سيدي انته الذي توجه الشراع
ودونك نظل بالبحر ما نلگه كاع
بالبحر نبقى بعمرنا والوضع ما ينشرح
بالنحور الدم يغالي بفضل راسك عل الرمح
٣ـــــــــــــــــ
سيدي ودربك ضوانة من الضلام
لجلك ومانمشي بدورب الحرام
دربك يودينة للحب والسلام
وغيرة اليودينة نحركلك خيام
درب غيرك ظلمة هندس سيدي ودربك صبح
بالنحور الدم يغالي بفضل راسك عل الرمح
٤ــــــــــــــــــ
دونك أسنين الخدم تصبح عجاف
الماترويه دمعته يعيش بجفاف
خدمتك أكبر نهر ما بي ضفاف
حبك الجنة أمر دون اختلاف
الما يعرفك هذا جاهل حبك شكد متضح
بالنحور الدم يغالي بفضل راسك عل الرمح
٥ــــــــــــــــــ
يبقى حبك يا ابو الاكبر بالفؤاد
لاخر الانفاس ويظل الحداد
يالحزن لجك يبو اليمة الجماد
القلبة مابي جمرة ما بي بس رماد
اسمك بقلب اليحبك للأبد ما ينمسح
بالنحور الدم يغالي بفضل راسك عل الرمح
٦ــــــــــــــــــ
اختصارا للسوالف يا عظيم
فاز كلمن حبك وقلبه يهيم
ما تعوف الخادم انت شگد كريم
يا امان انته غدا من الجحيم
بفضلك احنه نعيش هسه يا ابو القلب السمح
بالنحور الدم يغالي بفضل راسك عل الرمح
ــــــــــــــــــ
الشاعر زين العابدين الشمري
تصاميم فيديوهات وبوسترات حسينيه 👇😍
/channel/tasamem_10
يمهـــيم الحر هيمني حُبك
من الضياع وجايبني گربك
يا أبو رقيه هاكـبره گـــلبك
مني اخذنــي ودلاني دربك
༺༻
من عالم الضياع.. عفت الحياة واجـيتك
ما يفهم الصواع.. قــلب البشر وعتنيتك
༺༻
ما خايب لا طايــــب گل گلب دگالك
وعيونك ما خــــونك عمر كله انعالك
ياحضي لو امضي الوگت بس اقرالك
***
*انا خلقةُ لأجلكَ لا لأجل الحياة*
༺༻༺༺༻༻
من عالـم الـــــعالم أخـــذني
دومه الوكـــت لا ما رحـمني
فجئه ونعى النعي وهضمني
گال الحُسـين وگلـبي لزمني
༺༻
من واعي العــقول.. يهوه العقـول السليمه
انته محط الذهول.. كـل الجوانب عضيمه
༺༻
ما اطلُب بل انـــدُب نـضره من عيـونك
حته اعدل من اُقتل في سبيل اجنونك
من اسمع كلـي انگع چم كــسر بـمتونك
***
*انا خلقةُ لأجلكَ لا لأجل الحياة*
༺༺༺༻༻༻
اعظم حيـاة بــدب المجـالس
ومطـين البس سـود الملابس
انتَ الحسـين واحنه العوابس
وعدنه العقيده بالحُب تنافس
༺༻
من واهس العيون.. تبچي دمع الجفوها
والمثلـي لا يـكون.. لو ما يشوفك أبوها
༺༻
أنـتَ اول وانـه انــدل بس چنت متعافي
من انطي حُب اخطي كل ذنوب أسرافي
جيت انعه وهم اقره مـــثل بشر الحافي
***
*أنا خلقةُ لأجلكَ لا لأجل الحياة*
༺༺༺༻༻༻
ماكو مثل نضــرتــها عينك
خلة وهـــب يعتــنقه دينك
عاف الحياة وچـلب بدينك
نال الرضاء ورحـمة حنينك
༺༻
في عالـم الحُـسين.. انـوي اعيش البقالي
منــــي اليك الانين.. لا لــ أنــــول المعالي
༺༻
مـو عاشـر لا اعاشـر واگضي بالطــف عمري
من عيـني سد ديني وابچي روحي وصبري
اضل انحب ما اتعب وبس حُسين بصــدري
***
*انا خلقةُ لأجلكَ لا لأجل الحياة
༺༺༺༻༻༻
أسم القصيدة.. يمهيم الحر
عبد ال محمد
منتظر خالد المنصوري
لبیک یاحسین ع
(السيده رقيه ع تخاطب احد بنات الشام)
يبنيه ماعدكم ماي// والله انه عطشانه هواي
خليني اعرفج بيه// الگدامج انه ارقيه🚩😭
≈≈≈≈≈≈≈≈≈≈≈
يلواگفه اباب الاهل تتفرجين اعليه
منج اريدآ بس طلب جيبيلي بس اميه
ريجي يبس مثل الخشب جرت نفس مابيه
يبنيه من كثر العطش ترجف تره رجليه
يبنيه انتي ابحلي// بس المهم مو مثلي
يسموني المسبيه// الگدامج انه رقيه
≈≈≈≈≈≈≈≈≈≈≈
والله انه من كثر التعب بعيوني اشوفج گوه
واظح على وجهي الظما شوفي بشفافي شسوه
بس كون ابلل شفتي مو لازم اله اتروه
شوفيني كاتلني التعب ماعندج انتي امروه
قطرة عذب مو اكثر// يچويني نفسي الينجر
من النفس مجويه // الكدامج انه ارقيه
≈≈≈≈≈≈≈≈≈≈≈
بلگوه اجرنه النفس من ريتي احس تطلع نار
يبنيه گلبج مايحن حسبيني عندج خطار
بهيكل غفينه بهل كتر يسمونها عود الدار
يعني احنه جيران من امس والجار حگه على الجار
نمنه بخرابه بلا باب// صارت وسادتنه تراب
شفنه شكثر اذيه// الگدامج انه رقيه
≈≈≈≈≈≈≈≈≈≈≈
ماننطي ماي الكم تره هيج الاهل وصونه
مو بيدي يرقيه تره ماننطي شي منعونه
باجر يجي راس برمح الخارجي يسمونه
بدو الماي على الارظ خلي تشوف عيونه
تبدونه گدام حسين// وخلو يشوفه بالعين
من الاهل وصيه // الگدامج انه ارقيه
≈≈≈≈≈≈≈≈≈≈≈
مابيدي شي حكم الاهل خلاني اسد بيباني
حكم القوي عليه تره بهذا الوظع خلاني
امنيتي اجيبنلج عذب بس الابو وصاني
صادر امر من القصر خلو السبيه تعاني
يقهرني حيل ونينج // بس انتي شوفت عينج
عيون الحرس عليه//الگدامج انه ارقيه
≈≈≈≈≈≈≈≈≈≈≈
هذا التطلبينه صعب اعفيني لا مااگدر
مجبوره اردنلج طلب من عندج انه اتعذر
التنطي شي گالو تره توگف مثلهم با الحر
بچفوفها ينشد حبل تنظرب حيل وتنجر
مثلج يظربونه هيج// مااگد الله يخليج
ينشد حبل بيديه// الگدامج انه رقيه
≈≈≈≈≈≈≈≈≈≈≈
تمت _ ازهر الزيدي
يبنيه ماعدكم ماي/والله انه عطشانه هواي
خليني اعرفچ بيه /الگدامج انه رقيه 🚩😭
آنه وحميده ورقيه نسولف كعدنه سويه
اركض رحت فرحانه كلولي موش ويانه
*
الليله ما مرتاح گلبي ايگلي سفرتهم طويله
بساعج ولحسين اركضي لا يعوفج يالعليله
جنه ما حاسب احسابج اخذي زينب وعتنيله
وخلي عبدالله عله متنج من يشوفه ايحن دليله
گليله حن عله حالي بلكت يگلج تعالي
بدونك اموتن آنه كلولي موش ويانه
*
الليله حيرني زماني والله مدري شضام اليه
مدري اروحن مدري اظلن ومن اظل اشلون بيه
ومن اروحن خاف اتعبه وينكسر گلبه عليه
رحت بالمدري ودمعتي يم حميده ويم رقيه
شافني مكسوره خاطر وكللي كلنه نسافر
منعوفج احنه اهنانه كلولي موش ويانه
*
احنه التلاثه كعدنه انسولف عله السفر گمنه
نحلم احلام عله گدنه ازغار بس كلش تهمنه
ذيج گالت آنه ارتب من نسافر كل خيمنه
وهاي كالت انه باجر افرش العبدالله يمنه
عبد الله كلش نحبه اناغيله دوم ونلعبه
يمنه يصير امجانه كلولي موش ويانه
*
نتفق من هسه اكلجن انه ابوي اهناك اخدمه
خيمته اخليها تزهي وبيها اصيرن احله نجمه
ماي اجيبله الوضوئه وحته مهره اهناك اقدمه
ومن يريد الماي يشرب يلتفت يلكاني يمه
خليني اكلله يمك وبعيوني يابويه اخدمك
ماكول ابد تعبانه كلولي موش ويانه
*
والله لو وياهم امشي إله اصير الهم فراشه
وعالضعن بالماي افتر وما اخليهم عطاشه
والعزيز حسين بيدي من العصر افرش افراشه
وحته عبدالله اكمطه وما اقصر وياه حاشه
خدامه اصير بضعنهم بس لا يبعدونه عنهم
ما ريد اظل حزنانه كلولي موش ويانه
**
حضرت روحي ورحتله وشكبر جانت فرحتي
شافني ونزلت دمعته وكلي موش ويانه انتي
باوعتله وليش گتله كلي اخاف عليج بنتي
هالسفر مابيج حيله گتله اخذني شلي بظلتي
ماريد اظل بويه اريدك متعوده انام عله ايدك
والشوفتك عطشانه كلولي موش ويانه
****
تمت
ميثم العمري
للقاسم ع
.....
المستهل
اذا للدار لمك ماتجيها .. عيني الماتشوفك شلي بيها
يجاسم تعبي وينه ... تناديك الحنينه
.....
يجاسم أمك الفرگه چوتها .... كثرة بيها اللجروح
تبچي الحالها لو بس شفتها ... حگها الفاگده أتنوح
حنينه الام عليك أنته أعرفتها ... ومنها ماخذ الروح
فراگك ماتريده انته الردتها .... لامو وكتك اتروح
تحظن صورتك وتسولف اوياك
نساني الله اذا فد يوم أنساك
يالغايب علينه ... تناديك الحنينه
..............
أم وربت أوليد الكُبرها ... بي تصبح مسعده
محسبه أحساب من تكبر ذخرها .. تعب الربه أيرده
طول الوكت متحزمه بصبرها ... حيل أرباه تشده
تنطيه لو طلب منها عمرها ... لو بس تشم خده
بعد ألله حنينه الام طبعها
لو راح الأبن يكسر ضلعها
يبني ماتجينه..... تناديك الحنينه
......
عله أمك ماتحن وينه حنينك ... أحبك مو شفتني
يمه ما اعوفچ گتلي وينك ... شو تالي عفتني
الشيبي ردتك وعيني اعله عينك ... بيك أفرح ردتني
يوم ابيوم أعد وأحسب أسنينك ... يشهد هذا متني
ها كُبرك صرت شاب شحلاتك
عزيز أمك يغالي وشغلاتك
تظل أمك حزينه ... تناديك الحنينه
....
ياشمعة ضوه ومنوره الدار ... گمره باليالي
ينشدوني عليك وگلبي يحتار ... يبني هذا حالي
ومن أسمع باسمك أشتعل نار ... راح الچان غالي
منك ماتجي يوليدي أخبار ... بگبرك نمت تالي
.......
شكُبرها وحشتك تدري أشكبرها
أمك ما بعد مايسوه عمرها
ظل گلبي بونينه ... تناديك الحنينه
.........
دلوني الصبر يهل الصبر وين ... يبچي الصخر حني
محسود الولد چن صابته العين ... بي ينگطع ظني
وآنه الساهرت وتعبت اللسنين ... ظاع التعب مني
والضاع أمن أديه يلتگه وين ... حسراتي سلًني
يالمدلل تعال أگعد أگبالي
أذكرك بالربه وتعب الليالي
خذت عمري وسنينه... تناديك الحنينه
........
أريد الصبر من ألله أعله فگدك .... الله يعوظ أمك
يالبلحدك نمت ليًه اشيردك ... لو أندفن يمك
محد يمك وأدريها وحدك ... گبرك بس يظمك
هم لمك تحن يوليدي بعدك ... من چانت تشمك
يموتني الك يبني حنيني
أبچي بطيف لوشفتك تجيني
حالي الله يعينه ... تناديك الحنينه
....
سيد عدنان الحمامي
ــــــــــــــ
لمصاب واستشهاد الامام الحسين عليه السلام في يوم العاشر
اويلاه ياكربله اويلاه ياكربله
★★★★★
يادم على الغبره جره يانور گطّعوا منحره
وياجسد طايح علثره ماظل كتر سالم اله
اويلاه ياكربله
★★★★★
يادم جره فوگ الارض مفروض دمه ينحفظ
ارض وسماها تعترض والكون بالغيظ امتله
اويلاه ياكربله
★★★★★
دم الوصي لودم نبي من سال دم الطالبي
دم الرفض طاري السبي علرمح من يوم اعتله
اويلاه ياكربله
★★★★★
اتوسد على حر الرمل ابن النبي خير الرسل
بصدره نفذ حر النبل ابن الزچيه الفاضله
اويلاه ياكربله
★★★★★
جسمه توذر ونسلب التمت عليه ليش العرب
ياثار عدهم ياطلب وياشرع دمه حللّه
اويلاه ياكربله
★★★★★
لاناصر الظل لامدد لامن اخو لامن ولد
ماسلم حتى البلمهد بالسهم صابه حرمله
اويلاه ياكربله
الشاعر حسن لعيبي الحريشاويЧитать полностью…
ما اكثر المحافظات العراقية التي تود ان تسكن فيها او تزورها بأستمرار، اختر واحدة 👇🏻👇🏻
Читать полностью…
♦️تم نشر قصائد منبريه هنا 👇
👉 /channel/Bany_Hashime
مالحكت تشوفه
محمد النوري
للشاعر مجيد گيطان الصالحي
بصوت الرادود ستار الصالحي
#رقية_الحسين💔
جابولها بطشت الذهب راسه
سابح بدمه وكاطع انفاسه
اتلكته بكلمة يا هله
يالفــاركتني بكربله
....1....
من سمعو بواجيها ... المسلوبة تراجيها
جابو الها راس حسين
صاحت يا هله بجيتك .... ليك اشتاكت ابنيتك
كل هالمدى غايب وين
ماجنك شهر غايب علي جن غايب ادهور
بوية اوداعت اعيونك عليك اكليبي مفطور
صارت من بعد عينك كل ايامي عاشور
لا تسالني عل الاحوال بعدك فاكدة النور
راحت اعيوني امن البجي راحت
والضحكه وياك بعجل راحت
وياك جنت امدلله
....2.....
فزت من حلم دافي .... ركضت وبجدم حافي
ياعمه تصيح الصوت
ابوي احسين اريدنه .... شوفي ما شبع منه
ااحضننه كبل ما موت
ياعمة السفر شو طال يمتى ايعاود الغالي
ماظل كل صبر عندي وتاليته الصبر تالي
ماعندي امنيات اهواي هو كلشي بامالي
احضننه كبل ما موت اشوفه كاعد اكبالي
ماعوداني اعله الهجر وينه
شهر انكضه ما لامسه ايمينه
زعلان مني ارد اسأله
....2....
وصل للظالم ابجاها .... كاللهم منو اوياها
كالو طفله ابوها اتريد
كلهم ودو راسه الها ... كالو خاف يكتلها
خلها اتموت كال يزيد
من شافت رقية الراس صاحت ياهله بجيتك
ليش ابلاية جسمك جاي وين اتنيم ابنيتك
يا عشك الله سابح ليش بدماك انه شايفتك
اخر شوفه الي وياك طول ابطول شابكتك
متغيره ليش ارسومك الحلوه
ابحالك يبوية الظالم اشسوه
ليش الشفايف ذابله
يالــفاركتني بكربله
....3....
نامت عالطشت تبجي.... جنها الماي ما تحجي
شبكت راس ابوها بنوح
ما حركت شي بيها ... زينب ركضت اعليها
لكتها امفاركتها الروح
ناداها علي السجاد عـــمه الطفله ارفــعيها
جف الموت اخذها ابساع ماتت من بواجيها
الله ايعظم اجرج كون ابدمع العين غسليها
وبراية كــمر هـــاشم كفيلج عـــمه غطيها
جانت اعز ما يملك حسيني
عمه ابدفنها فدوة عينيني
ونكتب وصيتها اله
يلفاركتني ابكربله
.......
تمت
......
موسى الخادم
مضلوم زين العباد
٠٠٠٠ ٠٠ ٠٠٠٠
شايف ضيم مامشيوف
والطف گصر اسنينه
يمه نذبحو الوليان
وتجري بالدمع عينه
واصعب موقف الشافاه
خيل اتدوس ابو سكينه
مضلوم زين العباد
٠٠٠٠ ٠٠ ٠٠٠٠
يشوف الخيل فوك حسين
تدبج كسرت صدره
مايگدر يشيل السيف
وگاضي أيامه بالحسره
وين ايروح والنسوان
صفت بالهيمه متطشره
مضلوم زين العباد
٠٠٠٠ ٠٠ ٠٠٠٠
اخيامه تفرهدت والنار
تلهب وانته اتصور
خيل وبس حرم واطفال
والله يشيب المنضر
وين بهل يتامه يروح
وترعب شوفت العسكر
مضلوم زين العباد
٠٠٠٠ ٠٠ ٠٠٠٠
من چلچل عليه الليل
واه ياضيم هذا الليل
صارت عالرماح الروس
ودموع العقيله تسيل
أيتام مروعه من النار
ويرعبهم صهيل الخيل
مضلوم زين العباد
٠٠٠٠ ٠٠ ٠٠٠٠
ياطرت الفجر والناس
كلها مجمعه صوبين
صاحو وين اخت عباس
المالمحتها يوم العين
عل هزله وطريج بعيد
وي ذباحج تروحين
مظلوم زين العباد
٠٠٠٠ ٠٠ ٠٠٠٠
حده الحادي ومشه بالنوك
وعلي السجاد بهمومه
ثكل الجامعه والگيد
بالدم صبغن هدومه
ماكو ولا بشر بالكون
مر بمحنته ويومه
مظلوم زين العباد
٠٠٠٠ ٠٠ ٠٠٠٠.
خادم اهل البيت ع
فلاح طالب الماجدي
محرم 34
لشهادة السيدة شريفة بنت الحسن عليهما السلام ..
اوصَل وانخَه بدمِع
الطم واكسِر ضِلِع
وصيح عالي الصوت جيتج .. ياشريفه
................
اليحجي عنج مايهمني .. يكول وهمي لو صِدِك
ليش يم شباجج آني .. كلبي نار ويحترك
نبض كلبي يم ضريحج .. جَنَّه بضلوعي يِدِك
اكعد اكبالج وصدري .. جنه بالهَّم ينسِحِك
صرتي لليِكبُل دِوَه
يا أَعَز من الهوى
وصيح عالي الصوت جيتج .. ياشريفه
................
انتي من ابواب ربنه .. رحمه بيتج للبشر
تجبري دمع اليزورج .. العِلَّه ما إلهه أَثَر
من اذكرج ليش كلبي .. مني احِس بيه انكِسَر
عِطِر جفين بضريحج .. ودمع بي عِطر النَحَر
انتي للزاير سِمَه
والله يابت فاطمه
وصيح عالي الصوت جيتج .. ياشريفه
................
جيتي وي ضَعن الاحِبهُم .. بي وصلتي كربله
وانتي فوك العِلَّه كلبج .. شكد حزن بيه انمله
رِسَم صوره وي رقيه .. اثنينجن جَن بالفَلَه
سوط شمر الي لِحكجن .. لو سِهامه حرمله
شلون بيجن والكُمَر
باجر ابلايه أثَر
وصيح عالي الصوت جيتج .. ياشريفه
................
اجه باجر ماكو خيمه .. كلهه محتركه الخِيَم
لو صِعدتي التَلَّه شِفتي .. مابُكَه إلكُم عَلَم
جم طفل مات بحوافر .. جم طفل مات بسهم
زغير وجبير اعله هَيمَه .. تِلحَك اعبات الحَرَم
والاشد سوط الشِمِر
يضرب العَظمَه يِجِر
وصيح عالي الصوت جيتج .. ياشريفه
................
من كثر ضيم الي شفتي.. ومن كثر فكد الاهل
لا عمام اوياج ظلت .. لا اخو الكل انجتل
وانتي بيج العِلَّه تذبح .. مابكه العُمرِج إٔمَل
لله سَلًَمتِي الامانه .. الحِلَّه ضعنج من وِصَل
اتشرفت بيج الارُض
حبج امن الله فَرُض
وصيح عالي الصوت جيتج .. ياشريفه
................
ابو مريم الاسدي..
11/تموز/2025 ..
#قصائد_محرم
يالمطيب الجروح... بدونك وين اروح.
اليه انته روح
حبيبي يا حُسين........ حبيبي يا حُسين
____1️⃣
شرد اسولف عالعشگ... يالبدونك اختنگ.. انته اليه أمنياتي.. وكلشي يحسين ابحياتي.
والله ماغيرك ألي... ياأبن حيدر علي..
أياواهس ذكرياتي.. وكلشي يحسين ابحياتي.
كون يمك. واطوفك. واموت ابحضرتك.
عميه العيون . يمولاي. فقط بس نضرتك.
عطوف انته وسموح.. بدونك وين اروح.
اليه انته روح
حبيبي يا حُسين.. حبيبي يا حُسين
_2️⃣
ما افكر بالطُمع... كلشي من عيني.. طلع... كل حياتي انتهيهه... انته لو ما انته بيهه.
الدنيا ما امنهه ابد.. شماتقدملي السعد.. أبد ما اسأل عليهه... انته لو ما انته بيهه.
من الطبيعه. لگيته . الجمال ابمرقدك.
انه ارتاح . والهموم .تزول من اگصدك.
عطر جنه تفوح... بدونك وين اروح.
اليه انته روح
حبيبي يا حُسين. حبيبي يا حُسين
____3️⃣
ضلمه وكتي اوما احس... انته بعيوني شمس... جازي ابفضلك عليه.. انته اليه اوكلشي اليه.
لوغبت عنك صعب... يبقه مشلوع الگلب.. حسين شمسوي انته بيه.. انته اليه اوكلشي اليه.
بيك مجنون. والجنون. احسه هيبتي.
الخدمه ذِله. اوكرامه.ألك بس خدمتي.
لخدمتك هالطموح. بدونك وين اروح.
اليه انته روح
حبيبي يا حُسين. حبيبي يا حُسين
____4️⃣
من اطيح ابّعِلتي... وأمي تنضر حالتي... اتنادي ابگد ماتحبني... داخل اعله حسين يبني.
من امي هاي الندبتك... راضع انه امحبتك... اعليك كل امال تبني... داخل اعله حسين يبني.
أبچي وّياها. لجلك . يمحبوب العباد
من يهل شهرك. انته . تلبسني السواد.
عله امصابك ننوح.. بدونك وين اروح.
اليه انته روح
حبيبي يا حُسين. حبيبي يا حُسين
_5️⃣
ياغريب ابكربله. والشفاه الذابله.. يلي ماتنعد جّروحك... ياسلام الله اعله روحك.
يالمبرج بالدمه.. ايضنوة فاطمة.. سهم المثلث يلوحك.. ياسلام الله اعله روحك.
غبظ شيبه. الكريمه. الشمر دَنه اوجِسر.
اواعله صدرك. يثني. اويحز بيده النحر.
نصر دمك يلوح... بدونك وين اروح
اليه انته روح
حبيبي يا حُسين. حبيبي يا حُسين
____6️⃣
لو حِتم ذاك الامر... سيدي ويوم الحشر.
سجل اسمي اويهل وادم... لأن مولاي الك خادم.
ادري تعبي مايضيع.... انته الگاك الشفيع..مااگولن يوم نادم.. لأن مولاي الك خادم.
بدنيه انته.. اليه.. امامي واخره.
مانسيتك.. وله انساك.. عهد للطاهره..
واگولنهه بوضوح بدونك وين اروح
اليه انته روح
حبيبي يا حُسين. حبيبي يا حُسين
#الشــــاعر ✍️
#ابو #عــبدالله #الشمري
♦️تم نشر قصائد منبريه هنا 👇
👉 /channel/Bany_Hashime
يبنيه ماعدكم ماي/والله انه عطشانه هواي
خليني اعرفچ بيه /الگدامج انه رقيه 🚩😭
المـامش اخو عدهـا وعـشيره
حيرتـها حـيره ... وماخـوذه للــ شـام
الچـان الـها ملفـوف بحصيـره
وكافـل نضيـره ... وعــافوها بـ يتـام
يعـني خـلص ... ماكـو فرص ... تجـمعها بيهم
عشره نگضت ... ومـا لحگـت ... تنـعى عليهـم
مالـومه زينـب رچبت الـ نـوگ
وبـ سـوگ اخ شصـار بــ سـوگ
ازغــر طـفل يـرمـيها بــ حجـار
والـ شتـم صـار بـ كـل الحلـوگ
اويلاه يزينب..
༺༺༻
زينــب تـــــره العاصـر گلبهــا
وحاني ضهرهـــــا ... خيمتها طاحت
حشمة بـ اخوها ومـا حضرها
وعرفت بـ أمرها ... مسبيه راحت
يعني الزجر ... يحدي الخدر ... تبدي الحكايـه
لوما الـ صبـر ... عدها وعطـر ... مـوت البدايـه
مهـضـوم عـينـه بـ عين مهضـومه
فــوگ الرمـح وتـــعاتــب رســومه
تالي الوكت شــو بلـ سبـي ونـوگ
الـ بـلگـوه يـگـعـد كلـفـتـه الـگومه
اويلاه يزينب..
༺༺༻
زيـنب اميـره ماهــي سبـيـه
وچـم غاضـريـه ... الـ ضيعـت دلال
راح الدلال وبنـت الـ حمـيه
من هاشـميـه ... الـ چــــف الــ حبـال
بـ تالـي الـعمر ... سحگت جـمر ... وشـتد حزنـها
عافـت ضـوه ... بـ صفه الهـوه ... الـهدلـو متنهـا
مبحوح صوت الحـره مبحوح
وجروح تـرس متونـها جـروح
المـا صـايـر تـشـوفـه العقيـلـه
شافت اخوها بسحگ مطروح
اويلاه يزينب..
༺༺༻༻
صـعبه علـه زينب ذيـج الـ مناظـر
خـيل وحـوافر .... فـوگ حــسيـن
طـول الــــــــــــدرب يـتراوه الـها
وشــاغـل فـكرها ... ســهــم العـين
بـ درب السـبي ... وي اجنـبي ... زينب كسيـره
حـيره الـزمن ... تحرس ضعـن ... تـالي اسيـره
شـلون زينـب تـمشي للــ شـام
بلايـه حـرس محروگه الجدام
زحـمه وعلـي ومامـرت بـ يوم
بــت الامــــير تــرافـــــگ زلام
اويلاه يزينب..
༺༺༻༻
(أسم القصيده.. معاناة العقيله)
«عبد ال محمد
منتظر خالد المنصوري»
لبیک یاحسین ع
(السيده رقيه ع تخاطب احد بنات الشام)
يبنيه ماعدكم ماي// والله انه عطشانه هواي
خليني اعرفج بيه// الگدامج انه ارقيه🚩😭
≈≈≈≈≈≈≈≈≈≈≈
يلواگفه اباب الاهل تتفرجين اعليه
منج اريدآ بس طلب جيبيلي بس اميه
ريجي يبس مثل الخشب جرت نفس مابيه
يبنيه من كثر العطش ترجف تره رجليه
يبنيه انتي ابحلي// بس المهم مو مثلي
يسموني المسبيه// الگدامج انه رقيه
≈≈≈≈≈≈≈≈≈≈≈
والله انه من كثر التعب بعيوني اشوفج گوه
واظح على وجهي الظما شوفي بشفافي شسوه
بس كون ابلل شفتي مو لازم اله اتروه
شوفيني كاتلني التعب ماعندج انتي امروه
قطرة عذب مو اكثر// يچويني نفسي الينجر
من النفس مجويه // الكدامج انه ارقيه
≈≈≈≈≈≈≈≈≈≈≈
بلگوه اجرنه النفس من ريتي احس تطلع نار
يبنيه گلبج مايحن حسبيني عندج خطار
بهيكل غفينه بهل كتر يسمونها عود الدار
يعني احنه جيران من امس والجار حگه على الجار
نمنه بخرابه بلا باب// صارت وسادتنه تراب
شفنه شكثر اذيه// الگدامج انه رقيه
≈≈≈≈≈≈≈≈≈≈≈
ماننطي ماي الكم تره هيج الاهل وصونه
مو بيدي يرقيه تره ماننطي شي منعونه
باجر يجي راس برمح الخارجي يسمونه
بدو الماي على الارظ خلي تشوف عيونه
تبدونه گدام حسين// وخلو يشوفه بالعين
من الاهل وصيه // الگدامج انه ارقيه
≈≈≈≈≈≈≈≈≈≈≈
مابيدي شي حكم الاهل خلاني اسد بيباني
حكم القوي عليه تره بهذا الوظع خلاني
امنيتي اجيبنلج عذب بس الابو وصاني
صادر امر من القصر خلو السبيه تعاني
يقهرني حيل ونينج // بس انتي شوفت عينج
عيون الحرس عليه//الگدامج انه ارقيه
≈≈≈≈≈≈≈≈≈≈≈
هذا التطلبينه صعب اعفيني لا مااگدر
مجبوره اردنلج طلب من عندج انه اتعذر
التنطي شي گالو تره توگف مثلهم با الحر
بچفوفها ينشد حبل تنظرب حيل وتنجر
مثلج يظربونه هيج// مااگد الله يخليج
ينشد حبل بيديه// الگدامج انه رقيه
≈≈≈≈≈≈≈≈≈≈≈
تمت _ ازهر الزيدي
#نعي
مرينه اعلى جسمك لحظة وداع
بس مرة سبايه ومستعجلين..
الله وياك كتلك خويه عباس
طلع موكب خواتك ماكلت وين
اشو ماناشدتني اعللهزل ليش
ولاگتلي يزينب وين تردين
ومالحكنه نوكف نلطم عليك
وسلمنه اعلى جسمك واحنه ماشين..
نخيتك ماكمت مستحيه رديت
واكل للروح ميت لاتعتبين..
على كلن طلعنه بدك الطبول
ومشه موكب الروس وقائده حسين
وطلع موكب عزانه ومشه استعراض
موكب بس منصاته الدواوين..
وجمهور اليعاين موش جمهور
شماته تكول حسبالك مجانين..
نلطم يالطم زنجيلنه السوط
واللطامه زينب والنساوين..
الفشل كل الفشل من طبت السوك
شكثر صعبه اعلى بنت الهاشميين..
شفت نسوانهم تضحك يعباس..
كلها تكول حامي ضعونجن وين..
صدگ عافج يزينب ستر الخدور
وينه الگالج بحماي تمشين
صرت مجبورة ادنگ من ينشدون
افزعه شلون زحمة لماله جفين
وخلصنه العزه وانتهه الزنجيل
بس بظهورنه ظلت نياشين..
ونصبنالك عزه بنص الخرابات..
بس شلون تعزيت مساجين..
ونعيتلكم نواعي تشيب الراس
لما ماتت رقيه بكثر الونين..
ولمن حسيت راسك صاح كافيج..
عميتيها يزينب هيه بس عين..
رائد الناشي
#اللهم_عجل_لوليك_الفرج
بصوت. مسلم المطيري
اويلاه ياكربله. اويلاه ياكربله
كلمات الشاعر
حسن لعيبي الحريشاوي
معلومات نفسيَّة اِضغط هُنَا 🔙 🌕👇🏻 :
Читать полностью…
تصاميم فيديوهات وبوسترات حسينيه 👇😍
/channel/tasamem_10
يا بويه تذبح فركتك مابيه حيل الدفنتك
وادري الرمل حار
..................................
بيديه لميتك وصــــــل...ويابويه تدري بحالي
ما عندي حيل ولا أمل... مذبوحه كـــل آمالي
من شفت راسك والشمر...كــاعد يحزه أكبالي
عاينت زينب صاحته... وكلتله عوف الغالي
كض بيده طارف لحيتك ومن الكفه حز ركبتك
وكلبي أشتعل نار
ادري الرمل حار
.........................................
محنيه جانت مشيتي...أمن الخيمة اجيت النحرك
والعسكر بخيله أعتنه...يسحك يدوس ابصدرك
عاينت من أتقربت... أضلوعك تطك أبضهرك
كل هذا لن فارس أجه...كص خنصرك ينتضرك
هم مثلي عازه عازتك أعذرني بويه امروتك
ما ماخذ الثــــــــار
وادري الرمل حار
...........................
من عفتك بحر الشمس...مجبور بويه أعذرني
حركوا خيمنه وكل هلي...وجان الشمر يمنعني
حفاي نسوانك بقت ...طفله تصيح ألحكني
يا خويه ترجيتي أنخذت...مني ونزف دم أذني
باكوا تراجي أبنيتك وراسك يكلي عمتًك
بهالامر محتار
وادري الرمل حار
...................................
كادونه يا بويه بحبل...وزجر وسبي مشونه
وراسك مشه اويانه برمح...كل ساعه وايهزونه
أمن السوط زينب ورمت...وحيدر علي أيسبونه
وبالسوك من طب الضعن...يابو علي أتولونه
بحجارة طكوا جبهتك وناس التبغضك سبتك
هذا الجره وصار
وادري الرمل حار
.......................................
بديوان أميه وكفتي...جانت سواد أجروحي
من جابوا الراس بطشت...وروحي تشيع بروحي
ركضت رقية شبكتك... يابويه يا مذبوحي
بالسوط ضربوها وشتم... وبالنوح أصبر نوحي
اعله الراس شمت ريحتك.... وآخر نفس بيه باستك
ودم منحرك فار
وادري الرمل حار
.....................................
خادم خدمة الحسين
الشاعر
محمد الموالي