"Innovator" jurnali

11 Nov 2024 06:00

​​#Qiziqarli_faktlar

Biz qaytib koʻrmaydigan yomgʻir chaqiruvchi qurilma...

⚡Istalgan paytda buyruq berib, yomg‘ir chaqirish imkoniyati naqadar zo‘r, to‘g‘rimi? Men shtatida chernika hosiliga tahdid solgan qurg‘oqchilikni oldindan ko‘ra bilgan olim Vilgelm Reyx Cloudbuster deb atalgan ixtirosini taqdim etgan. Uni bemalol “yomg‘ir chaqiruvchi” qurilma, deb tarjima qilish mumkin.

🌧️ Bu mashinaning ish uslubini ilk marta yoritgan Bangor Daily News nashrining xabariga ko‘ra, uni ishga tushirish oldidan ob-havo ma'lumotida yomg‘irdan darak bo‘lmagan. Reyz mashinani ishga tushirganidan bir necha soat o‘tib, osmonni qalin bulutlar qoplagan va 0,64 millimetr yomg‘ir yog‘gan.

⛈️ Reyxning texnologiyasi hukumatning ba'zi bir tashkilotlariga tahdid tug‘dirgandirki, shu sababli uning ishlariga yakun yasalgan, mashinasi tortib olingan. Mashinaning ikkinchi sinovi o‘tkazilmasdan qolgan. Lekin “yomg‘ir chaqiruvchi” uskuna oxirigacha ishlab chiqilganida, dunyo bo‘ylab mahsulot yetishmovchiligi kuzatilmasmidi.

Facebook | Telegram | Web | Instagram

"Innovator" jurnali

08 Nov 2024 11:16

​​#Qiziqarli_faktlar

Kundalik hamrohimizga aylangan ajoyib nam salfetkalar qanday ixtiro qilingan?

✅ Nam salfetkalar to‘g‘risidagi tushunchani ingliz ixtirochisi Jon Dikinson bildirgan. Shu tariqa o‘tgan asrning 70-yillaridan boshlab, birinchi nam salfetkalarni Kimberli-Klark kompaniyasi ishlab chiqara boshlagan. Dastlab, nam salfetkalar bolalarni gigenik parvarishlash uchun mo‘ljalangan edi. Biroq birinchi nam salfetkalar bir qator kamchiliklarga ega bo‘lgan: sifat jihatdan ular oddiy qog‘oz salfetkalarni eslatardi. Bakteritsid eritmaga botirilgan bo‘lib, salga yertilib, tezda qurub qolardi. Shuningdek, kerakli darajada yumshoq va mustahkam bo‘lmagan.

✅ Vaqt o‘tishi bilan ishlab chiqaruvchilar salfetkaning sifatini yaxshilash borasida tarkibida o‘rin olgan sellyuloza (sun’iy ipak) dan voz kechishib, sintetik tolallarni (volokna) qo‘llab ko‘rishadi. Ular juda ham yumshoq va namni yaxshi so‘rish xususiyatiga ega bo‘lgan.

✅ Lekin nam salfetkalarning yanada sifatini yaxshilash borasida ishlar hali ham davom etmoqda. Kundan kun uning xususiyatlari ham kengayib kosmetologiya, meditsina, uy anjomlari, ayollar va bolalar dunyosini qamrab olmoqda. Qolaversa, tinib tinchimas olimlar nam salfetkaning yana bitta ajoyib xususiyatini kashf qilishdi. Xalqaro kosmos stansiyalarida ekipajni radiatsiyadan himoya qilish uchun nam salfetkalar eng yaxshi vosita bo‘lar ekan.

Bizni kuzating
Facebook | Telegram | Web | Instagram

"Innovator" jurnali

07 Nov 2024 13:53

QIZLARNI O‘QITSANGIZ...

Bir zal to‘la erkak kirib kelgan ayolning chiroyi, boyligi, nasabi yo lavozimi uchun o‘rnidan turgani yo‘q. U malika ham, dunyo go‘zali ham emasdi.

U birinchi Nobel olgan ayol edi. U poloniy va radiyni kashf qildi. Uning eri, qizi va kuyovi ham Nobel mukofoti laureatlari bo‘ldi.

Bir zal erkak ayoldagi ilm, tajriba, jasorat uchun oyoqqa qalqdi va bosh egdi.

O‘rningizdan turing, madam Mariya Kyuri tashrif buyurdilar!

Tasavvur qiling, sizning qizingiz ham shu darajada. Siz esa uni kuzatib turibsiz...

Bizni kuzating

"Innovator" jurnali

07 Nov 2024 06:23

#​​​​Bu_kun

🗣 Nobel mukofati sovrindori Mariya Kyuri tavallud topgan kun.

✅ Mariya Kyuri 1867 yilning 7 noyabrida Varshavada o‘qituvchilar oilasida tug‘ilgan.

✅ Olima radiy (radioaktivlik xossasiga ega bo‘lgan kimyoviy element)ning xususiyatlari bo‘yicha tadqiqot olib borgan va elementni metall shaklida qo‘lga kiritib, xlorid bilan radiyning birikishini ajratib ko‘rsatishga erishadi.

✅ Hech qanday davosi yo‘q hisoblangan saraton kasalligini radioaktiv nurlanish orqali davolash mumkinligini aniqlab, tibbiyot sohasi rivojiga katta hissa qo‘shadi. Olib borgan tadqiqotlari yuqori baholanib, fizika fani bo‘yicha Nobel mukofotiga loyiq topiladi.

✅ Mariya radiy va poloniy (kimyoviy elementlar)ning sof ravishda ajralishi, tabiati va o‘ziga xos xususiyatlarini o‘rganish borasida olib borgan ishlari yuzasidan kimyo sohasida Nobel mukofotini yana bir bor qo‘lga kiritishga musharraf bo‘lgan.

✅ Qahramonimizning ilmiy faoliyati ayollarimizning ilm-fandagi o'rnini mustahkamladi. Kyuri Radiy bilan uzoq muddat ishlagani natijasida nurlanish kasalligining qurboni bo'lgan. Uning ilm-fan sohasidagi jasorati tahsinga loyiq. U ilmiy dunyoda ulkan abadiy meros qoldirgan.

Bizni kuzating

"Innovator" jurnali

05 Nov 2024 08:41

⚡️Olimlar hayvon hujayralarini yorug’likdan energiya olishga «o’rgatishdi». Ilgari bu mumkin emas deb hisoblangan.

Yaponiyalik olimlar sichqon hujayralarini suv o’tlari bilan birlashtirishdi, natijada yangi hujayralar 2 kun davomida o’simliklar kabi — «oziq-ovqatsiz» shunchaki quyoshda yashadi.

Tokio universiteti professori Sachihiro Matsunaga'ning ta’kidlashicha — «Bu kashfiyot texnologiyalarni o’zgartiradi va jamiyatning ekologik transformatsiyasiga yordam beradi».

Bizni kuzating

"Innovator" jurnali

04 Nov 2024 11:31

#Bu_kun​​

🗣1916-yil 4-noyabr kuni “Barbi” qoʻgʻirchoqlar ixtirochisi Rut Mosko Handler tavallud topgan.

⚡️Amerikalik ixtirochi Ruth Mosko Handler 1916-yil 4-noyabr Denverda polyak yahudiy muhojirlar oilasida dunyoga kelgan. U oilada oʻn nafar farzandning eng kichigi boʻlgan. Qahramonimiz oddiy narsalardan goʻzallik yaratishni xush koʻrgan.Rutning oilasi uning ijodiy qobiliyatlarini rivojlantirishga yordam bergan va uning kelajakdagi muvaffaqiyatlariga katta taʼsir koʻrsatgan.

✔️ Rut Handler bugungi kunda butun dunyo bolalarining sevimli oʻyinchogʻiga aylangan Barbi qoʻgʻirchoqlarini 1959-yilda yaratgan. U qizi Barbara qogʻoz qoʻgʻirchoqlar bilan oʻynayotganini koʻrib, Barbini yaratishga ilhomlangan. Shuning uchun qoʻgʻirchoqqa qizning ismi Barbara nomini bergan. Ixtirochimiz Barbini yaratgan paytida 43 yoshda boʻlgan.

👉Barbi qoʻgʻirchogʻini dunyoga Nyu-York shahridagi “American Toy Fair” koʻrgazmasida namoyish etadi. U oddiy uy bekasidan dunyoga mashhur biznesmenga aylanadi. Handler va uning turmush oʻrtogʻi turli xil mashhur oʻyinchoqlar ishlab chiqaruvchi Mattel kompaniyasiga asos soladi. Mana 65 yildirki Barbi qoʻgʻirchoqlari doʻkon rastalarida oʻzining oʻrnini yoʻqotmay , barchaga birdek sevimli oʻyinchoq boʻlib kelyapti.

Facebook | Telegram | Web | Instagram

"Innovator" jurnali

04 Nov 2024 06:15

#Innoweek_2024

R:ED FEST bilan robototexnika olamini kashf eting!

‼️Agar siz muhandislikka qiziqsangiz va ishlanmalaringizni xalqaro darajada namoyish etishni istasangiz, imkoniyatlaringizni sinab ko‘rishning ayni vaqti.

14-16-noyabr kunlari “InnoWeek.UZ-2024” xalqaro innovatsion g‘oyalar haftaligi doirasida o‘tkaziladigan R:ED FEST robototexnika musobaqasiga marhamat.

"Innovator" jurnali

31 Oct 2024 08:18

“Body tester”- birinchi robot doktor.

"Innovator" jurnali qahramoni Asadbek O‘rinov "Efirda To‘raxonov” dasturining navbatdagi sonida loyihasi haqida batafsil ma'lumot berdi.


📱Videoni YouTube'da ko‘rish

Bizni kuzating


Facebook | Telegram | Web | Instagram

"Innovator" jurnali

30 Oct 2024 08:23

📣 DIQQAT! "INNOVATOR" jurnaliga 2025-yil uchun obuna mavsumi boshlandi!

🔎 Jurnal sahifalarida tajribali innovatorlarning faoliyatiga doir eksklyuziv intervyular va bo‘lajak startapchilar uchun qimmatli tavsiyalar hamda innovatsiyalar olamidagi eng sara yangiliklar o‘rin olgan.
Qolaversa, "Innovator" jurnali yoshlarning zamonaviy ilm-fan, ijodiy hamda intellektual salohiyatini oshirish uchun kelajak avlodni “kelajak kasblari”ga tayyorlashni o‘z oldiga maqsad qilgan!

"Innovator" jurnali

30 Oct 2024 05:26

⚡️ "ChatGPT" odamning boshiga o‘rnatildi

“Synchron” olimlari neyrochipni miyaga operatsiyasiz o‘rnatishga muvaffaq bo‘lishdi.
Neyrochip fikrlarni o‘qiydi va kompyuterni boshqaradi — ovozli buyruqlarsiz.

Tez orada texnologiya nogiron odamlar hayotini o‘zgartira oladi.

Bizni kuzating

"Innovator" jurnali

28 Oct 2024 07:10

#OAVda_biz

📹Oʻzbekistonda yosh startapchilar qay darajada qoʻllab quvvatlanmoqda?

🗣Mening yurtim kanalida namoyish etiladigan “Gapiring” koʻrsatuvida bu haqida batafsil gapirildi.

🎤Koʻrsatuvda “Innovator” jurnali bosh muharriri Sevara Abdullayeva ham ishtirok etib, bu mavzuda oʻz fikr mulohazalari bilan boʻlishdi.

Bizni kuzating

"Innovator" jurnali

25 Oct 2024 08:22

⚡️Tadqiqot: Do’konlardagi 99 foiz suvlarda zaharli kimyoviy moddalar mavjud.

Olimlar 15 ta mamlakatda 87 ta brendning suvini tekshirishdi va ularning deyarli barchasida PFAS — parchalanmaydigan birikmalar topildi. PFAS immunitet tizimini zaiflashtiradi, jigar faoliyatini buzadi va saratonning ayrim turlarini rivojlanish xavfini oshiradi.

Bunga yechim suvni filtrlash yoki qaynatib ichishdir — bu zaharli kimyoviy moddalarning ko’pini o’ldiradi.

Bizni kuzating

"Innovator" jurnali

24 Oct 2024 07:27

​​MARSDA HAYOT BO’LISHI MUMKINMI?

Olimlar Koinotdan hayot izlayotgani, turli tajribalar o‘tkazayotgani sizga ma’lum. Tabiiyki, hayot izlaganda bepoyon kosmik fazodan ko‘ra o‘zimizning Quyosh sistemamizni tadqiq qilish osonroqdir. Olimlarning fikricha, qandaydir hayot shakli bo‘lishi mumkin bo‘lgan sayyora Marsdir. Nega ular aynan Marsnini tanlab olishdi? Bu sayyora Yer bilan egizak, deb hisoblanadi. Mars bilan Quyosh o‘rtasidagi masofa Yer bilan Quyosh o‘rtasidagi masofaga yaqin turadi. Uning diametri Yernikidan ikki marta kichik, Mars ikki yilda bir marta Quyosh atrofini aylanib chiqadi. Ammo Marsdagi kun davomiyligi Yernikiga to‘g‘ri keladi. Munajjimlar Marsni kuzatayotib, u yerda hayot qandaydir shaklda bo‘lishi mumkinligidan darak beruvchi ayrim narsalarga duch kelishdi.Birinchidan, Yerdagi singari Marsda ham yilning to‘rt fasli bor. Uning yuzasida ham fasllar almashuvi barobarida o‘zgarishlar ko‘zga tashlanadi. Bahorda va yozda qoramtir joylar yanada qorayadi, ularning rangi ko‘k-yashildan sariqqa aylanadi. Balkim, bu o‘simliklardir? Munajjimlarning taxminicha, sayyora atmosferasi tarkibida mavjud oz miqdordagi suv bug‘lari u yerda hayot vujudga kelib, rivojlanishi uchun sharoit tug‘dirishi mumkin.Italyan munajjimi Jovanni Skiaparelli 1887-yili Mars yuzasida kanallarga o‘xshash narsani kuzatganini ma’lum qildi. Olimlar: “Marsliklar qurg‘oqchil mintaqalarga qutblardan suv olib kelish uchun kanallar qazigan bo‘lishi mumkinmi?” deb savolni ko‘ndalang qo‘yishdi. 1976-yili Amerikaning ikkita “Viking” uchish apparati Mars yuzasiga qo‘ndi. Sayyora tuprog‘i kosmik apparatlar bortida mavjud asboblar yordamida hayot nishonasini topish maqsadida tadqiqot olib borildi, tadqiqot natijalari Yerga yuborildi. Ushbu tadqiqotlardan tuproqda mikroorganizmlar mavjud bo‘lishi mumkinligi, ammo Mars tuprog‘i Yernikiga mutlaqo o‘xshamasligi ma’lum bo‘ldi.Mabodo, Marsda hayot bo‘lsa ham, u juda oddiy shakldadir.

Bizni kuzating
Facebook | Telegram | Web | Instagram

"Innovator" jurnali

23 Oct 2024 06:13

#Qiziqarli_faktlar

⚡️Birinchi kompas miloddan avvalgi II va I asr o'rtalarida Han sulolasi davrida Xitoyda ixtiro qilingan. Dastlabki kompaslar folbinlik va geomansiya, uylar qurish, ekinlarni yetishtirish uchun mos joylarni tanlash va noyob toshlarni qidirish uchun ishlatilgan. Birinchi kompas bir boʻlak toshdan iborat boʻlgan va uni arqonga bogʻlab, bemalol biror joyga osib qoʻygan holda qutiblarni aniqlashda ishlatilgan.

💡Feng Shuida vaqt oʻtishi bilan odamlar uni navigatsiya va qutblarni aniqlash uchun ishlatilishi mumkinligini aytgan va shu tariqa uni XI asrda Xitoy harbiy harakatlari navigatsion orientatsiya uchun va XII asrda esa dengiz yoʻnalishini aniqlash uchun foydalanishgan. XII asrga kelibgina Yevropada kompas paydo boʻla boshlaydi. Kompasning yaratilishidan IX asr oʻtibgina undan astronomiyada foydalanishni boshlashadi.

Bizni kuzating

"Innovator" jurnali

22 Oct 2024 08:25

📷 Adobe Photoshop'ning Beta versiyasiga rasmlarni avtomatik tahrirlash funksiyasi qo’shildi. Bitta tugmani bosasiz va rasmdagi yangi obyekt ranglari, soyalari va yorug’ligi avtomatik to’g’irlanadi.

Buning uchun asosiy rasm ustiga yangi rasmni qo’shamiz, fonni olib tashlaymiz (bu ham bitta tugma bilan) va Harmonize tugmasini bosamiz. Qolganini Photoshop'ni o’zi o’rningizga qiladi.

Bizni kuzating

"Innovator" jurnali

09 Nov 2024 11:38

🖼️ Rasmlarni tiniqlashtirib beruvchi InstantIR neyrotarmog’i chiqdi. Shunchaki sifatsiz rasmni yuklab, «InstantIR magic!» tugmasini bosish kifoya — bir necha soniya ichida piksellar yuqori sifatli fotosuratga aylanadi.

Neyrotarmoq juda yaxshi ishlaydi, faqat juda past sifatdagi fotosuratni hayotga qaytarishga uringanda natija kutilgandek bo’lmasligi mumkin. Eng muhimi bepul va hechqanday cheklovlarsiz.

👉 Sinab ko’rish uchun havola.

Bizni kuzating

"Innovator" jurnali

08 Nov 2024 06:31

⚡️Xitoyda haydovchisiz mashinalar endi asfalt yotqizishmoqda: sinovlar doirasida 10 ta mashinadan iborat «to’da» Pekin-Gonkong-Makao avtomobil yo’lining 158 kilometrlik qismini quyishdi.

Ishlab chiquvchilarning aytishicha, bu dunyodagi birinchi bunday loyihadir. Unda 1+3+3+3 sxemasi bo’yicha mashinalar sinxron ishlab, ishni odatdagidan bir necha barobar tezroq bitirishdi. Hozirgi bosqichda hali ham to’liq odamlarsiz qilishni iloji yo’q, lekin yaqin kelajakda ular jarayonni to’liq avtomatlashtirishmoqchi.

Bizni kuzating

"Innovator" jurnali

07 Nov 2024 07:51

​​#Qiziqarli_faktlar

Ilk soyabon yomgʻirdan himoyalanish uchun foydalanilmagan.

🌧 Birinchi soyabon 1200-yil avval paydo bo‘lgan. Tarixiy ma’lumotlarga asoslangan holda qadimgi Sharq mamlakatlari: Misr, Xindiston va Xitoy birinchi marta quyoshdan himoya qilish vositasi sifatida soyabondan foydalana boshlagan. Qo‘l bola soyabon bambuk, palma barglari va qush patlaridan yasalgan bo‘lib, taxminan og‘irligi 3 kg va tutqichi yarim metr bo‘lgan.

☂ Soyobonni yomg‘irdan himoya maqsadida qo‘llash fikri 18 asrning ikkinchi yarimida Angliyalik ixtirochi Jon Xanveyda tug‘ildi. Uning soyabonining yopqichi brezent matosiga o‘xshash bo‘lib, 4 kg og‘irlikka ega bo‘lgan. Bunday usul ko‘pchilikka manzur bo‘lganidan uni yomg‘irli havoda qo‘llash tezda ommalashadi.

☔️ Nihoyat zamonaviy soyobonni eslatadigan soyabon turi 1850-yilda paydo bo‘ldi. Uni Angliyalik mexanik Samuel Foks temir karkasli, simli, suvga chidamli mustahkam matodan va hassa tutqichli shaklda soyabonni yaratib patentlashga erishadi. Hozir bozor rastalarida soyabonlarning turli xil ko‘rinishlari bor. Yomg‘irga, quyoshga, hatto shamoldan himoya qiladigan soyabonlar mavjud.

Bizni kuzating

Facebook | Telegram | Web | Instagram

"Innovator" jurnali

06 Nov 2024 05:46

Eynshteyn va Chaplin

Albert Eynshteyn Charli Chaplinning filmlarini tomosha qilishni juda yaxshi ko‘rardi. Bir kun olim aktyorning “Oltin jazavasi” filmini tomosha qiladi va keyin aktyorga quyidagi telegrammani yuboradi: Sizga qoyilman. “Sizning “Oltin jazavasi” filmingizda hech qanday so‘z aytilmasa ham, uni hamma tushunadi, siz albatta buyuk insonga aylanasiz. Eynshteyn.”

Chaplin zudlik bilan telegrammaga javob qaytardi: “Men sizga yanada ko‘proq qoyil qolaman. Sizning nisbiylik nazariyangizni dunyoda deyarli hech kim tushunmaydi, lekin siz baribir buyuk odamsiz. Chaplin”.

Bizni kuzating

"Innovator" jurnali

05 Nov 2024 05:41

#Innoweek_2024

⭕️⭕️⭕️“InnoWeek-2024” doirasida “Dunyoning yetakchi kutubxonalarida innovatsion texnologiyalar” mavzusidagi xalqaro seminarda ishtirok eting!

Seminar 14-noyabr kuni offlayn va onlayn formatda tashkil etiladi.

🟥Ishtirok etish uchun ro‘yxatdan o‘ting: https://forms.gle/DQ41VtLzw6qyzjp97

Zoom uchun havola: https://us06web.zoom.us/j/85629278696?pwd=xDRNKOeE6LYjAvbOmeHSmAqqE9vWzh.1

Identifikator: 856 2927 8696

Kod: 069332

📍Manzil: O‘zEkspomarkaz, Konferensiyalar zali

Bizni ijtimoiy tarmoqlar orqali kuzatib boring ⬇️

🚀 Telegram kanal 🔵 Facebook 📷 Instagram

"Innovator" jurnali

04 Nov 2024 07:53

📚Har qanday kitob yoki matnni audiokitobga aylantirib beradigan neyron tarmoq chiqdi.

Diktor yoki o’zingizni ovozingizni yuklashingiz mumkin, 16 ta til mavjud, to’g’ridan-to’g’ri brauzerda, ro’yxatdan o’tmasdan bepul foydalanish mumkin.

👉 Sinab ko’rish uchun havola.

Bizni kuzating

"Innovator" jurnali

01 Nov 2024 06:28

#Qizqarli_faktlar

⚡ Eng qadimgi gʻildirak arxeologik qazishmalar vaqtida Mesopotamiyada topilgan. Gʻildirak taxminan miloddan avvalgi 3500 yillarda ixtiro qilingan. Gʻildiraklar yogʻochdan yasalgan boʻlib, ularning oʻqi uchun teshigi boʻlgan. Dastlab u kulol gʻildiragi sifatida ishlatilgan. Gʻildirak va oʻqning kombinatsiyasi vaqt oʻtishi bilan zamonaviy transportning yaratilishiga turtki boʻldi.

🦽Gʻildirakning yaratilishi uzogʻimizni yaqin qilishga, qishloq xoʻjaligining tubdan oʻzgarishiga zamin yaratdi.
Hozirda deyarli hayotimizning barcha pallasida bu ixtironing natijasini koʻrish mumkin.

Bizni kuzating

"Innovator" jurnali

31 Oct 2024 05:44

⚡️Xitoyda qirg’oqdan uzoqroqqa joylashtirish mumkin bo’lgan, to’lqinlarga chidamli quyosh elektr stansiyasini sinovdan o‘tkazish boshlandi.

U 434 ta paneldan iborat bo’lib, balandligi 10 metrgacha bo’lgan to’lqinlarga bardosh bera oladi, bir nechta langar tufayli esa bir joyda qoladi.

G’oyaga ko’ra, bunday platformalar quruqlik maydonini egallamasdan, dengizdagi shamol turbinalari yonida suzadi. Sinovlar bir yil davom etadi, shundan so’ng muhandislar samaradorlikni baholab uni takomillashtirishadi.

Bizni kuzating

"Innovator" jurnali

30 Oct 2024 05:42

#Innoweek_2024

14-16-noyabr kunlari “Innoweek-2024” xalqaro innovatsion g‘oyalar haftaligiga marhamat!

Unda Innovatsion ishlanmalar ko‘rgazmasi, startap loyihalar taqdimoti, Demo day, Red fest xalqaro musobaqasi, xorijiy yetakchi kompaniyalar bilan B2B uchrashuvlar, investorlar bilan istiqbolli loyihalar muhokamasi, davra suhbatlari, konferensiya va forumlar, kelishuvlar hamda xalqaro shartnomalarni imzolash marosimlari bo‘lib o‘tadi.

“Barqaror rivojlanish uchun innovatsiyalar” haftaligida ishtirok eting!

Batafsil ma’lumot www.innoweek.uz saytida.

Bizni kuzating

"Innovator" jurnali

29 Oct 2024 05:29

#Jurnal_sahifalaridan

Yer yaxshi sug‘orilsa, ekinlar o‘z vaqtida nazorat qilinsa, hosil unumli bo‘ladi. Barchasi ko‘ngildagidek bo‘lishi uchun inson qo‘l mehnati va texnik jihozlar nazorati talab etiladi. Bejizga texnik jihozlarga urg‘u bermadik. Аyni qishloq xo‘jaligi sohasida texnik jihozlarning o‘rni beqiyos. Kombayn, traktor kabi inson mehnatini osonlashtiradigan uskunalarga talab hamisha yuqori. Bugungi kunda qishloq xo‘jaligi sohasiga oid texnikalarni takomillashtirish hamda insonlar qo‘l mehnatini mexanizmlarga almashtirish borasida salmoqli ishlar qilinmoqda. Jurnalimizning bu galgi qahramoni Toshkent irrigatsiya va qishloq xo‘jaligini mexanizatsiyalash muhandislari institutining 4-bosqich talabasi Ruxshona Yigitaliyeva bilan ayni shu haqda suhbatlashdik.

📌Batafsil INNOVATOR jurnalining 4-sonida tanishing!👇👇👇
https://online.pubhtml5.com/mpkfr/fbbx/

Bizni kuzating

"Innovator" jurnali

28 Oct 2024 05:52

⚡️Anthropic kompaniyasi kompyuterdan inson kabi foydalana oladigan neyron tarmoq yaratdi.

Model barcha asosiy ko’nikmalarga o’rgatilgan: u sichqonchani siljitishi, siz uchun jadvallarni to’ldirishi, internetda ma'lumot qidirishi va boshqa vazifalarni bajarishi mumkin.

Biroq, u hali ham murakkab vazifalarni yaxshi bajara olmaydi: masalan, sun’iy intellektga aviachiptani bron qilishni bekor qilish so’ralganda buni faqat 50% holatlarda bajara olgan, ammo bu kelajakda yaxshilanadi.

Bizni kuzating

"Innovator" jurnali

25 Oct 2024 07:22

​​“Innovator” sahifasining qahramoni — Madiyev Azizbek

✅ Madiyev Azizbek 1999-yil 25-martda Surxondaryo viloyati Muzrabot tumanida tug‘ilgan. 2020-2024 yillari davomida Termiz davlat universiteti kimyo fakultetida tahsil olgan. Hozirda -
D. I. Mendeleyev nomidagi Rossiya kimyo-texnologiya universitetining Toshkent shahridagi filialida 1-bosqich magistrant.

✅Ingliz va rus tillarida erkin muloqot qila oladi.

✅ Azizbek maqsadlariga erishish uchun tinimsiz harakat qiladi. Qahramonimiz 2022-yildan buyon o‘tkazib kelinayotgan ko‘plab tanlovlarda qatnashib muvaffaqiyatga erishib kelmoqda. Jumladan, 2022-yilda “Mirzo Ulug‘bek vorislari” respublika ko‘rik tanlovining respublika bosqichida g‘olib bo‘lgan. “INNO WEEK” haftaligi doirasida o‘tkazilgan start up tanlovda o‘z loyihasi bilan ishtirok etib viloyat miqyosida sovrindorlar safidan joy olgan.

✅ 2023- yilning yanvar oyida “Biznes inkubator” o‘quv dasturi asosida tashkil etilgan “Innovatsion g‘oyalar” tanlovida g‘oliblikni qo’lga kiritgan.

✅Termiz davlat universiteti “Rektori stipendiyasi” hamda Surxondaryo viloyati talabalari uchun ta’sis etilgan “Hokim stipendiyasi” ni qo‘lga kiritgan.

✅ Azizbek o‘zining “Modifikatsiyalangan karbamid-formaldegid smola asosida kompozitlar olish” loyihasi bilan ko‘pchilikning nigohiga tushgan. Loyihaning asosiy maqsadi yog‘och qirindili plitalar, yaʼni DSP ishlab chiqarishda qo‘llaniladigan yelim sifatini oshirish hisoblanadi. Ushbu smola modifikator miqdori ortishi bilan olingan plitaning suvga chidamliligi va mustahkamligi ortadi. Foydalanilgan yеlimning umumiy massasiga nisbatan 5% modifikator eng maqbul miqdor bo‘lib, foiz undan yuqori bo‘lganida olingan mahsulotning mustahkamligi va suvga chidamliligi kam o‘zgargani aniqlandi. Yog‘och hamda qamish qirindili plitalar ishlab chiqarishda krеmniy organik birikmalardan foydalanish istiqbolli bo‘lib, yuqori sifatli mahsulot ishlab chiqarish hamda ishlab chiqariladigan plitalar tarkibida erkin formalidеgid miqdorini kеskin kamaytirishga imkon yaratiladi. Ushbu loyiha yurtimizda sifatli, jahon standartlariga mos yog‘och hamda qamish qirindili plitalar ishlab chiqarish orqali import hajmini kamaytirib, eksport hajmining ortishiga olib keladi. Umid qilamizki, ushbu zamonaviy loyiha kelajakda barcha uchun qulaylik yaratadi.

✅“Ushbu yutuqlarga, albatta, ota-onamning hamda ustozlarimizning duolari va mehnatlari evaziga erishdim. Bugungi kunda Termiz davlat universiteti kimyo fakultetida katta innovatorlar jamoasi shakllangan desam mubolag‘a bo‘lmaydi. Ushbu jamoada ko‘plab start-up tanlovlarda qatnashib, yuqori cho‘qqilarni zabt etgan hamda o‘z izlanishlarini davom ettirayotgan izdoshlarimiz ham bor. Shu fursatdan foydalanib bizga shunday keng sharoitlarni yaratib bergan yurtboshimizga, ota-onamga, Termiz davlat universiteti rektori A.H.Toshqulov, Kimyo fakulteti dekani X.X.Turayev, hamda ilmiy rahbarim X.E.Eshmurodovlarga o‘z minnatdorchiligimni bildiraman”,— deydi qahramonimiz.

✅ “Hayotdagi eng katta maqsadim,kelajakda o‘z sohamning yetuk mutaxasisi bo‘lib, mamlakatimizda kimyo sanoatining yanada jadal rivojlanishi yo‘lida o‘z hissamni qo‘shish”, — deydi yosh innovatorimiz.

Qahramonimizning kelgusi ishlariga zafarlar tilab qolamiz!

Bizni kuzating

"Innovator" jurnali

23 Oct 2024 08:29

👕 Olimlar kiyimlar uchun haroratga qarab rangini o’zgartiradigan materialni ishlab chiqishdi. Sovuq havoda qora rangga, issiqda esa oq rangga o’zgaradi.

Grafenli mikrokapsulalar va sulfat yordamida material quyosh nurini intensivligiga qarab yutadi yoki aks ettiradi.

Bizni kuzating

"Innovator" jurnali

22 Oct 2024 08:48

📣📣📣E'LON

📖“INNOVATOR” jurnali oʻquvchi-yoshlarning ilmiy va texnikaviy bilimlarini oshirish hamda ularni zamonaviy texnologiyalar bilan tanishtirib borishni maqsad qilgan.

⚡️Jurnalning ijtimoiy tarmoqlarida #innovator rukni tashkil etilgan!

💡Biz ushbu rukn uchun qahramonlar izlayapmiz! Toʻgʻri, bunday yoshlar oramizda juda koʻp.

📌Shu sababli istalgan yosh toifasidagi boʻlgan, oʻz tengdoshlariga namuna boʻla oladigan “Innovatorlar”ni ushbu 👉@innovator_jurnali telegram manzili orqali biz bilan bog'lanishlarini soʻraymiz.

🚀Birgalikda iqtidoringizni namoyon qilamiz!

Telegram | Facebook | Web | Instagram

"Innovator" jurnali

22 Oct 2024 06:59

#Jurnal_sahifalaridan

Ta’biyki ,ekinlarga qish sovug‘i ta’sir qilmasligi uchun ular issiqxonalarda saqlanadi va yetishtiriladi. Yaqin kelajakda qishloq xo‘jaligi mahsulotlarini oddiy issiqxonalarda emas, balki akvaponika usulida yetishtirish mumkinligi haqidagi xabar bizni qiziqtirib qo‘ydi. Bu yangilik haqida eshitganimiz zahoti: “U nima ekan? Oldingi issiqxonalardan qanday farq qilish mumkin?” kabi bir qator savollar tug‘ildi. Masalaga oydinlik kiritish maqsadida ekinlarni “zamonaviy issiqxona – “akvaponika” usulida yetishtirish bo‘yicha o‘z izlanishlarini olib borayotgan Sabzavot, poliz va kartoshkachilik ilmiy -tadqiqot insitutining 2-bosqich tayanch doktaranti, yosh olim Azimjon Hikmatov bilan suhbatlashdik.

📌Batafsil INNOVATOR jurnalining 4-sonida tanishing!👇👇👇
https://online.pubhtml5.com/mpkfr/fbbx/

Bizni kuzating