it didn't kill me, but something died inside of me that day. I want to mourn it, grieve something, but i cannot grieve without seeing what it was that died. so all i can do is cry, without knowing what actually was killed. I cry but i do not know why.
Читать полностью…
نبع الحنان يتم اختيار هديه الج من النوع الثقيل بس صبريلي شويه
Читать полностью…
طبعا حتشوفني هواي اخطاء بالكتابة بس اكتب بسرعه حتى الحك ويا عقلي لان ينطني معلومات بسرعه جنه مدرسه تحجي درس والطلاب تكتب. اغلب الكلام مطفر
Читать полностью…
مذكره مارد وشوشني
٢٠٢٦/١٠/١٢
طبعا حبدي اليوم من ساعه ١٢:٠٠ الفجر يعني بداية اليوم جنت راجعه من الشغل وحرفياً جنت مو هلكانه لا اكثر من هلكانه سبحت وبديت اقره هوه مقريت قريت بس اطلعت عليهن وراها نمت ب٣ وكعدت ب٦ الصبح هم اااااخ💔💔 وراها تم اختيار الاوتفت عشوائي وطلع حلو بالصدفه طبعا اني ما البس شي مو حلو بس الحجاب طبعا نلعبوه امداه الله ياخذ الحجاب يتم رمية بالزباله باقرب وقت لان امداه بدونه شكلي يختلف١٨٠ درجه. 😞💔 ياله الله كريم الموهيم وراها اخذت اوبر للدوام واتصلت الف اتصال على ام حنان(تقى) ام فسودي(نور) اوب مدخلت الجامعه راضتني ام فسودي لان جانت خاينتني البارحه بفطيره ورحم الله والديها لان جنت مماكله البارحه بس ساندوش المغرب اكلته فانون ديرجع لسوء التغذيه المهم جان وراها دخلنه للمختبر واجه العميد سوالنه مداهمه كال وين الدكتوره وضلينه نمسلت انوب سالني هاي يا محاضره هيه الثالثه بس اني هاي ثاني مره ادخل للمحاضره جان كتله هاي الثانيه والبقيه كالو لا ثالثه تبا لهم المهم جان اول مدخلت الدكتوره صاحت النه ارل شي لا احنه اول كروب وجان تنطينه مجهر عطلان وها مسحنها مرغلنا تمرغل بالمسح تالي طلع عاطل وشبعنه فايروسات وتراب وتالي رجعنه مسحنه واحد ثاني وراها جان تجي ام حنان وام فسودي ملخن العدسات بالكلينكس عود يمسحنها تالي الدكتوره كالت اكو ورق مخصص تمسحون بي العسه واحنه صرنه واحد يضحك بوجه الثاني + طبعا اخذنه الهيكل محتوى شبعنه بس ضحك وراها طلعنه العينه وجنه نشايفين عينه سبحان الله الله خالق اشياء مستحيل العقل يتصورها خلصت المحاضره وحصلت نجمه انوب المحاضره الثانيه جان عدنه امتحان نشوف المجهر ونكتب اسم العينه وبسرعه بسرعه طبعا جفصت بي عادي طوز خلص وطلعت رجت صرفت فلوس ورحت للمول اشتريت كوت وبوت وجواريب طن وشتريت كاب هم جانن يموتن بس صارن بكليتين ونص انون حاليا اعلن افلاسه حرفيا بقت بس الفين بجيبي مدري شلون حرهم نهاية الشهر المهم ورها رجعت للبيت نمت لان جنت منتهيه تعب كعدت بال٦ العصر وديت توحه لدكتور الاسنان وافترينه شويه واحتفلنه بماما عيد ميلادها شيخه النسوان قاهرة النساء والرجال مدمره الشباب والافكار الله يحفظها ورجعنه وهسا بالبيت متمدده وحوعانه اريد اكل وتوحه تريدني اكتبلها بس مغلسه عليها وشكرا اليوم مذكره جبيره جدا ادري بيكم حتغلسون عليها بس اني هنا ارسل ذكرياتي يعني عادي اذا مقريتوها لان اخاف انسه هاي الامور الي مريت بيها حلوه ومره اجمع ذكريات لان ادري عقلي راح ينسى هواي اشياء حلوه ويكعد يلومني على اشياء تافه. وشكرا
مذكرة ٢٠٢٦/١٠/١٧
داحس بكتئاب عظيم بوقت خطاء داسترجع اشياء عانيت حتى أتخطاها مالي خلق اقرا ولا اسوي أموري الطبيعيه داحسني امثل ان اكون طبيعيه هواي وهذا الشي ديتعيني مدالحك اطلع الي بداخلي ولا داعرف اعالج المشكله وماريد ارجع لنقطة اني حاربت حتى اطلع منها وداحس عقلي هوسه وكلبي هوسه وكلشي هوسه مداعرف شلون اوكف على رجليه داسوب كلشي روتيني ديمر كلشي بدون معنى هاي السنه جان عندي هدف انو انتبه لدراستي كلش زين بس من بده الدوام لسا اني مقريت عدل والمواد دتبدي تتراكم وجنت اريد اكمل اهتمام بصحتي بس خربت هالشي اكره من اكون هيّج ضعيفه داحس الهوه ثكيل عليه
https://www.instagram.com/reel/DekOdpFOQrN/?mdxt=amE1b3ExMzBzcHU5
Читать полностью…
وَلَقَدْ رَأَيْتُكَ فِي مَنَامِي لَيْلَةً فَنَسِيتُ مَا قَدْ كَانَ مِنْ أَحْزَانِي وَحَسِبْتُ نَوْمِي فِي. حُضُورِك يَقَظَةً
حَتّى أَفَقْتُ عَلَى فِرَاقِي الثّانِي لَوْ كُنْتُ أَعْلَمُ أَنّ الْحُلْمَ يَجْمَعُنَا لَأَغْمَضْتُ طُولَ الدّهْرِ أَجْفَانِي.
الف الحمدلله والشكر هذا الكيري تريكت وتغديت وتعشيت بي
Читать полностью…
هذا الجبن اليوم الجامعه كلها درت تقى جايبته حتى تريكنه بي
Читать полностью…
نسيت اكول المدير والIt اليوم خبصو الدنيا عليه ناسية الكود مال معلومات وميكدرون بفوتون على الملفات واني مسويه يروحي ميته ما اسمع
Читать полностью…
تم صرف جميع الراتب على الكهوه خطوه جيده اقيمها ١٠/١٠
Читать полностью…
تم احتساء الچوفي شوب بالطريق الذهاب للعمل لان انون نسنوس وشطور وقوي انون مرجع للبيت لسا انون المتوحششش
Читать полностью…
