792
آذربایجان ادبیات و اینجه صنعت سایتی و آذربایجان تورکجه‌سینده ایکی آیلیق درگی
#آیهان_میانالی
ناهاردا آیهان‌لا بیر داها دانیشدیم. خسته‌لیک اونو اوچ آیدا بو گونه قویوب، دونیالار قدر گوجو اولان آیهانی، ادبیاتچیلار آراسیندا کؤرپو اولان دوستوموزو. انرژیسی توکنمه‌ین و ادبیاتیمیز اوغروندا اوخویوب یازماقلا عؤمرونو سوووشدوران یولداشیمیزی. من اگر بو گون آیهانی دستکله‌مک یئرینه دالی سوره دانیشیب اونو کیچیلتمه‌یه چالیشیرام‌سا داش دوشسون باشیما. بو ادبیات باشقالارینی تخریب ائتمکله دیکلمک و کینه نیفرتی یایماقدیرسا اؤلوم اولسون او ابزارا، تاسسوف اولسون او کیمسه‌یه! بو گون اینسانی خسته‌لیک سالمیر، اینسانیتدن اوزاق داورانیش، دالدان وورولان خنجرلر آیاقدان سالیر. توپلومدا بیربیریمیزی ساوونماق یئرینه محو ائتمه‌یک. آیهان بیر گنجینه‌دیر، ساوادلی‌دیر. آذربایجان ادبیاتیندا ایکی پئرفئسیونال ادبی سایت واردیرسا بیرینی «آیهان میانالی» یولا سالیبدیر. «یئنی قاپی» سایتیندا مینلر شاعیر و یازارین موفته‌سینه شکیلینی و اثرینی پایلاشیب. دؤنه‌لرجه ادبیاتچیلارین یاییملانمیش کیتابینی یوخاری سایی‌دا آلیب پایلاییب. قدرینی بیلک الدن گئتمه‌میشدن قاباق. اونا دایاق و دیرک اولاق، اونا اومود وئرک.
✍🏿ایلقار موذن‌زاده ۱۴۰۳/۱۱/۲۸