Islom.uz

09 Apr 2025 17:59

Zakot berish joiz bo'lgan va joiz bo'lmagan kishilar bobi

Hidoya 123-son

«Zakot» so‘zi lug‘atda «poklik» va «o‘sish» degan ma’nolarni anglatadi. Zakot bergan kishining moli poklanadi. Qachon zakotini bersa, poklanadi, bo‘lmasa yo‘q. Zakoti berilgan molga baraka kiradi, ko‘payib, o‘sadi.

Shar’iy istilohda «Zakot – maxsus moldan maxsus juzni maxsus shaxsga Allohning roziligi uchun shariatda tayin qilingandek mulk qilib berishdir».

Ushur – lug‘atda o‘ndan bir deganidir. Shariatda yerdan unib chiqqan ekin, mevalar va hosillardan olinadigan soliq bo‘lib, uning miqdori shu hosillarning o‘ndan birini tashkil qiladi.

Muallif: Burhoniddin Marg‘inoniy

Ustoz: A’zamjon domla Qambarov

Hidoya sharh bidoyatil-mubtadi

☺️☺️☺️☺️☺️

🔗 Premyera

🕋 @islomuz

Islom.uz

09 Apr 2025 14:39

Амир Темур ёрлиғи қаерда?

Амир Темур ёрлиғи бизгача етиб келган энг нодир ҳужжатлардан бири сифатида беқиёс қадр-қимматга эга. Ёрлиқ Самарқанд қоғозига туркий тилда чиройли настаълиқ хати билан битилган ва унинг ҳажми бир варақ (ўлчови 29х47 см), 11 сатрдан иборат. Вақт ўтиши билан қоғоз анча уринган, шу туфайли унинг айрим сўзларини ўқиш мушкуллашган.

«Ёрлиқ»нинг биринчи ва учинчи қаторларининг ўнг томонида бодом шаклидаги муҳр босилган. Муҳрнинг ўрта қисмида йирик ҳарфлар билан «Амир Темур Кўрагон бин Тарағай» деб ёзилган. Муҳрнинг ҳошиясида эса майда ҳарфларда ёзилган ва ўқилиши қийин Қуръони Карим оятлари келтирилганини тахмин қилиш мумкин.

Амир Темур девонига мансуб бу муҳим ҳужжат ФА Шарқшунослик институтининг қўлёзмалар хазинасида сақланади.

Б. Маннонов, Г. Остонова ва Ш. Камолиддинлар муаллифлигидаги «Амир Темурнинг туркий ёрлиғи» рисолада ёрлиқнинг топилиш ва ўрганилиш тарихи, унинг факсимиле сурати, араб имлосидаги матни ва ҳозирги ўзбекча табдили, шунингдек илмий изоҳлар ва тарихий воқеалар таҳлили берилган.

🔗 https://islom.uz/maqola/23512

🕋 @islomuz

Islom.uz

09 Apr 2025 13:29

1990-yildagi ilk Qur'on musobaqasi xotiralari

«Hazratni xotirlab» ko'rsatuvining 80-soni

Qirg'iziston ulamolari

🌐 https://youtu.be/2M6mDKYF0jY?si=e08TwTtAX1_ED7J8

🕋 @islomuzv

Islom.uz

09 Apr 2025 09:03

#Уламолар

Фузайл Маҳбубий Марвазий

Имом, муҳаддис, Марвнинг манфаатли олими, Абу Исо Термизийнинг «Ал-Жомеъ»ларини у кишидан ривоят қилган ровий Абул Аббос Муҳаммад ибн Аҳмад ибн Маҳбуб ибн Фузайл Маҳбубий Марвазий.

Саъид ибн Масъуд (Назр ибн Шумайлнинг шогирдлари), Фазл ибн Абдулжаббор Боҳилий, Абул Муважжаҳ ва бошқалардан ҳадис эшитганлар.

У кишидан Абу Абдуллоҳ ибн Манда, Абу Абдуллоҳ Ҳоким, Абдулжаббор ибн Жарроҳ, мавлолари Исмоил ибн Янол Маҳбубий ва бошқалар ҳадис ривоят қилганлар.

Имом Термизийнинг «Ал-Жомеъ»ларини эшитиш учун кўп толиби илмлар у кишининг ҳузурларига борардилар.

Шаҳарнинг бадавлат ва серсаховат шайхи эдилар. Тоғалари Абу Бакр Аҳвал битган ёзувлар асосида эшитган ҳадислари тўғри. Абу Исо Термизий билан учрашиш учун 265 йили 16 ёшларида Термизга борганлар.

Ҳоким: «Эшитган ҳадислари саҳиҳ», - деганлар.

346 йил Рамазон ойида вафот қилганлар.

Шогирдларидан охирги вафот қилгани – мавлолари Исмоил ибн Янолдир. Исмоил ибн Янол ўз навбатида Абул Фатҳ Ҳаддодга у кишидан ҳадис ривоят қилишга ижозат берганлар.

🔗 https://islom.uz/maqola/23504

🕋 @islomuz

Islom.uz

08 Apr 2025 16:02

💇‍♂️ Soch haqida qiziqarli faktlar

Tasavvur qiling, agar sochimizda ham sezgi tolalari bo‘lganda, har safar soch oldirish og‘riqli azobga aylangan bo‘lardi! Balki bu jarayonni faqat shifoxonada amalga oshirishimiz mumkin bo‘lardi...

Allohning hikmati beqiyos!

#Allohning_mojizalari

🕋 @islomuz

Islom.uz

08 Apr 2025 13:33

«Hilol Nashr» нашриётига Ироқ парламент аъзоси, доктор Мусанна Амин ташриф буюрди

Жорий йилнинг 5-9 апрель кунлари Тошкент Марказий Осиё тарихида биринчи марта Парламентлараро Иттифоқнинг 150-юбилей ассамблеясига мезбонлик қилмоқда.

Ўз сафида 181 та миллий парламент ва 15 та минтақавий уюшмани бирлаштирган Иттифоқнинг Ассамблеяси илк марта Марказий Осиё минтақасида бўлиб ўтмоқда.

Ассамблеянинг Тошкентда ўтказилиши нафақат мамлакат учун ижтимоий-сиёсий ва тарихий воқеа, балки Марказий Осиёда парламент дипломатиясини ривожлантиришда катта туртки бўлади.

Нуфузли тадбирда 190 та мамлакат, 15 та кузатувчи давлат ҳамда 25 дан ортиқ халқаро ва парламентлараро ташкилотлар раҳбарлари иштирок этмоқда.

Жумладан, ироқлик курд сиёсатчиси, парламент аъзоси, Халқаро мусулмон уламолари кенгаши аъзоси, доктор Мусанна Амин ҳам ассамблеяда қатнашмоқда. Доктор Мусанна Амин Парламентлараро Иттифоқнинг 150-юбилей ассамблеясидаги иштироки давомида «Hilol Nashr» нашриёт-матбаасининг бош дўконига ҳамда «Шайх Муҳаммад Содиқ Муҳаммад Юсуф» номидаги мажмуага ҳам ташриф буюрди. У киши зиёратлари асносида фазилатли шайх Муҳаммад Содиқ Муҳаммад Юсуф ҳазратларининг ҳаёт йўллари, илмий мерослари билан танишиб чиқди. Меҳмон шайх ҳазратларининг Ватан, дин, халқ учун қилган улкан хизматларини юқори тақдирлаб, юртимизга тинч-осойишта, фаровон ҳаёт ва юртбошимиз олиб бораётган хайрли ишларга ривож тилади. Шунингдек, юртимиздаги барча ислоҳотлар қатори, диний-маърифий соҳадаги ижобий ўзгаришлар ҳам алоҳида эътирофга сазовор эканини мамнуният билан таъкидлади.

Доктор Мусанна Амин ҳазратлари бунга сабабчи бўлиб турган юртбошимиз ҳаққига, бу каби хайрли ислоҳотларнинг бардавом бўлишига чин дилдан тилак билдириб дуолар қилди.

🔗 https://islom.uz/maqola/23502

🕋 @islomuz

Islom.uz

08 Apr 2025 11:06

#Бахтиёр_оила

Никоҳ тўйини қилиш кимнинг зиммасида?

Авваллари бу савол ўртага ташланмаган, чунки никоҳ тўйи кимнинг зиммасида эканини ҳамма яхши билган ва унга амал қилган. Ҳозир ҳам кўпчилик жамиятларда, ҳатто мусулмон бўлмаган халқларда ҳам тўйни эр тараф қилади. Агар «Никоҳ тўйини келин тараф қилиши керак» деган гап айтилса, уларнинг ҳуши бошидан учиб кетиши турган гап. Айниқса, «Ош қиз тарафда бўлади. Куёв тараф, ҳолига қараб, келин тараф қилган тўй ошига икки юз элликтагача, баъзида ундан ҳам кўпроқ одам олиб келади. Агар келин тараф уларни яхшироқ кутиб олмаса, балога қолади», дейилса, мутлақо ишонишмайди. Ҳа, шариат кўрсатмасига амал қилмаслик оқибатда инсон табиатига тўғри келмайдиган ана шундай нарсаларни қилишгача олиб боради.

Аслида, никоҳ тўйини қилиш эр тарафнинг вазифаси. Бунга ҳужжат ҳам бор, далил ҳам бор:

1. Расулуллоҳ соллаллоҳу алайҳи васаллам оналаримизга уйланганларида барча ҳолатларда, ўша вақтнинг имкониятидан келиб чиқиб, ўзлари никоҳ тўйи қилганлар. Бирорта онамизга: «Отангга айт, тўй қилиб берсин», демаганлар. Зотан, ўзини эр билган одамга бу гапни айтиш ордир.

🔗 Тўлиқ ўқиш: https://islom.uz/maqola/19991

🕋 @islomuz

Islom.uz

07 Apr 2025 15:03

Nega hamma jannatga kirmaydi?

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

07 Apr 2025 13:05

Olim kishining mavjud vaziyatlarga munosabati

«Hazratni xotirlab» ko'rsatuvining 80-soni

Qirg'iziston ulamolari

🌐 https://youtu.be/2M6mDKYF0jY?si=e08TwTtAX1_ED7J8

🕋 @islomuz

Islom.uz

07 Apr 2025 11:27

#Ислом

Йиғининг сабаби

Ливиялик машҳур зот Умар Мухтор раҳимаҳуллоҳ аёли вафот топганида йиғлади. Унинг ёнидагилар:

— Сиздек инсоннинг йиғлаганини кўрмаган эдик, нима сабабдан йиғладингиз? - дейишди. Шунда Умар Мухтор жавоб берди:

— Италия босқинчилари билан жанглардан қайтганимда чодирга кирар эканман, аёлим ҳар сафар чодирнинг парда-эшигини кўтариб турар «Нега бундай қиласан?», десам, «Аллоҳдан бошқанинг ҳузурида бошингизни доимо тик тутишингизни хоҳлайман», дерди. Шуни эслаб кўзимга ёш келди.

🔗 https://islom.uz/maqola/23498

🕋 @islomuz

Islom.uz

06 Apr 2025 15:05

Alloh hech narsaga muhtoj emas

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

06 Apr 2025 09:18

#Жамият

Таққосламанг

Мен ўзимни атрофимдагилар билан солиштирмайман. Уларнинг мендан кўпроқ топаётгани, мартабаси, уйи, машинаси хатто илми кўплиги хам қайғуга солмайди.

Мени авалги ўзимдан қанчалик фарқ қилишим кўпроқ қизиқтиради.

Ўтмишдан ўн йил аввалги ўзимни қидираман. Ҳозиргидан оддийроқ, камбағалроқ, илмсизроқ ўзимни.

Шу билан бирга, содда, беғубор, самимий, ишонувчан, қалби софроқ, химмати баландроқ, ўзимни.

Озгина гуноҳига хам сиқиладиган юрагимни.

Иштиёқи баланд, келажакдан катта нарсалар кутган, оламни ўзгартирмоқчи бўлган, оддий нарсалар хурсанд қиладиган, оддий воқеалар йиғлатадиган йигитчани.

Сўраса чин қалбдан сўрайдиган, ўқиса таъсирланадиган ўзимни.

Мен ўзимни ўзим билан солиштираман. Топганларим эвазига йўқотганларим арзимаслиги, бугун топганларимни исталган пайтда топиб, исталган вақтда йўқотишимни биламан ва йўқотганларимни, ёшлик, софлик, туйғулар, иштиёқ, самийийликни энди тополмаслигимни хам биламан. Энди 20 ёшли ўзим ҳис қилган нарсаларни энди хеч қачон ҳис қилолмаслигимни хам биламан Шу мени қайғуга солади...

🔗 https://islom.uz/maqola/23496

🕋 @islomuz

Islom.uz

05 Apr 2025 16:02

#Жамият

Мусулмонларнинг гўзал ибодатлари уни ром этди

Бугун сизларга кўпчилик танимайдиган бир инсон ҳақида ҳикоя қилмоқчимиз.

Унинг асл исми Леопольд Вайс. У 1900 йилда Австрия-Венгрия империясида туғилган яҳудийлардан бўлиб, ёзувчи, журналист, мутафаккир, тилшунос, ижтимоий танқидчи, ислоҳотчи, таржимон, дипломат, файласуф ва сайёҳдир.

1922 йилнинг баҳорида Вайс Қуддусда маҳаллий психиатрик клиника шифокори бўлган амакиси Дориан Фейгенбаумдан Иерусалимга ташриф буюриб, бир мунча вақт шаҳарда қолиш таклифини олади.

Иерусалим шаҳрида Вайс мусулмонлар ҳаёти билан яқиндан танишди. Ақсо масжидига зиёратлар уюштирди.

Мусулмонларнинг жамоавий тарзда бироқ, бир тану бир жон бўлиб, амалга оширувчи тартибли ва гўзал ибодатлари уни ўзига ром этди. Масжидларда у ҳақиқий сакинат ва ором манбасини кўрди. Аллоҳнинг мазкур ибодатлар асносида уларга бошқалардан кўра яқинроқ бўлишини ақли билан ҳис этди.

🔗 Тўлиқ ўқиш: https://islom.uz/maqola/23494

🕋 @islomuz

Islom.uz

05 Apr 2025 11:32

#Мўминларга_эслатма

Соат воқеаси

Ота ўлимидан олдин фарзандини чақириб, қўлига бир соат берди. Бу соат 200 йил олдин ясалган, бизга у бобонгнинг боболаридан мерос. Сен буни маҳалла бошидаги соатсозга олиб бориб, сотмоқчи эканингни айт ва унинг жавобини менга олиб кел деди.

Фарзанди бориб, соатсоздан: «Бу эски соат экан, беш доллар бераман», деган жавобни олиб келди.

Ота: «Энди буни қадимий буюмлар сотиладиган жойга олиб бориб, нархлатиб кел», деди. У ерга бориб келган ўғил: «Беш минг доллaр берамиз», дейишганини айтди.

Ота: «Энди буни давлат музейига олиб бор ва сотмоқчи эканингни айт», – деди. Музейга бориб келган ўғил отасига: «Музейдагилар бир мутахассисни чақиртириб, соатни текширгандан сўнг шу биргини соатга бир миллион доллaр белгилашди», – деб келди.

Шунда отаси: «Болам сенга ўргатмоқчи бўлганим шуки, сенинг жойинг қадрингни тўғри билишадиган ерда бўлади. Ўзингни ноўрин жойга қўйиб, қадрингга етмасалар хафа бўлиб юрма. Қадрингни билган – қадрингга етади, шундай экан, ўзинга лойиқ бўлмаган ерда қолма!», деди.

🔗 https://islom.uz/maqola/23493

🕋 @islomuz

Islom.uz

05 Apr 2025 07:02

#Саҳобалар_ҳаёти

Улар шундай эдилар

Ҳазрати Абу Бакр розияллоҳу анҳу ва ҳазрати Али розияллоҳу анҳу ораларидаги мунозара.

Бир куни Абу Бакр розияллоҳу анҳу Расулуллоҳ алайҳиссолату вассаломнинг уйларига келдилар. Энди ичкарига кираман деб турганларида ҳазрати Али ибн Абу Толиб розияллоҳу анҳу ҳам келиб қолдилар. Ҳазрати Абу Бакр розияллоҳу анҳу орқага тисарилиб:

- Эй Али, марҳамат сиз киринг, дедилар.

Ҳазрати Али ҳам жавоб бердилар, натижада ораларида шундай узун диалог бўлди:

- Эй Абу Бакр! Сиз аввал киринг. Ҳар яхшиликда аввалда бўлган, ҳар хайрли ишда илғор бўлган, ҳар кимдан илгарилаб кетган Сизсиз.

🔗 Тўлиқ ўқиш: https://islom.uz/maqola/23490

🕋 @islomuz

Islom.uz

09 Apr 2025 15:02

Alloh hech narsadan so‘ralmaydi

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

09 Apr 2025 14:06

#Суннат_ва_замонавий_илм

Набий соллаллоҳу алайҳи васалламнинг асло тарк этмаган суннатлари

Мисвок қилиш оғизни покловчи сифатида ҳар бир ибодатимизда зарур ва муҳим воситадир. Пайғамбаримиз соллаллоҳу алайҳи васаллам умматларига машаққат бўлишини мулоҳаза қилганлари сабабидангина уларга ҳар таҳоратда мисвок қилишни буюрмаганларининг ўзиёқ бу ишга қанчалар аҳамият берганларини кўрсатиб турибди. Сийрат китобларидан маълумки, жаноб Расулуллоҳ соллаллоҳу алайҳи васаллам вафотларига қадар мунтазам мисвок қилганлар.

Аммо ҳозирги пайтда мусулмонларимиз бу муҳим ишга эътиборсиз бўлиб қолишган. Айримлари мисвокни ёнда олиб юришса ҳам, таҳоратда уни тишга теккизиб қўйиш билан кифояланишади, тишлари сарғайганича қолаверади. Баъзилари эса тишларини замонавий воситалар билан ялтиратиб ювишади, мисвок қилиш ҳам бир ибодат, ибодат бўлганда ҳам Расулуллоҳ соллаллоҳу алайҳи васаллам таъкидлаган ибодат эканини унутиб қўйишади, Роббини рози қилишни ўйлашмайди. Кўплар мисвок тутиш тартибларини билишмайди. Унга чанг-ғубор тегмаслиги учун махсус ғилофда олиб юриш, ҳар гал мисвок қилишдан олдин ва кейин уни яхшилаб ювиш, тоза ҳолда сақлаш лозим бўлади.

🔗 Тўлиқ ўқиш: https://islom.uz/maqola/23508

🕋 @islomuz

Islom.uz

09 Apr 2025 12:05

«Hadis va Hayot» silsilasining 2-juzidan

#Hadis_va_Hayot

📚 @hadisislomuz

Islom.uz

09 Apr 2025 08:26

Амир Темур Қуръони саҳифалари асосида янги нусхани яратиш устида иш олиб борилмоқда

Амир Темур даврига оид Қуръони Карим қўлёзмасини тиклашда 1 кг олтиндан фойдаланилмоқда.

Амир Темур ҳукмронлиги даврида хаттот Умар Ақто томонидан кўчирилган Қуръони Карим қўлёзмаси улкан ҳажми ва ноёб ҳуснихати билан ажралиб туради.

Ўзбекистон мусулмонлари идорасида бўлиб ўтган ишчи гуруҳ йиғилишида Ўзбекистондаги Ислом цивилизацияси маркази Қуръон зали экспозициясини такомиллаштириш масалалари муҳокама қилинди. Маърузалар давомида маълум бўлишича, Mарказ илмий ходими, ҳаттот Нажмиддин Фаёзий АҚШнинг Метрополитан музейида сақланаётган мазкур Амир Темур Қуръони саҳифалари асосида янги нусхани яратиш устида иш олиб бормоқда.

Батафсил қуйидаги ҳавола орқали томоша қилишингиз мумкин.

⛓️ https://islom.uz/video/23503

🕋 @islomuz

Islom.uz

08 Apr 2025 15:02

«Kim yaxshi amal qilsa…»

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

08 Apr 2025 13:06

#Мазҳабда_муваффақият_бор

Далилларни жамлаш

Мазҳабни инкор қиладиганларнинг эътирозини қаранг: «Сизлар ҳадисларга амал қилмайсизлар, ҳадисларни тарк қиласизлар. Имом Бухорийнинг «Саҳиҳ»ида Абу Ҳанифа, Шофеъий ёки бошқа мазҳаб имомлари амал қилмаган ҳадислар бор».

Уларга жавоб шундай: «Бухорийда саҳобалар амал қилмаган ҳадислар бор. Бу «суннатни таҳрир қилиш» дейилади. Бухорий саҳиҳ деб ҳукм берган ҳадис қатъий илмни ифода этадими ёки зонний (яъни қатъий бўлмаган) илмними? Албатта, зонний илмни ифода этади, чунки ул зот фақат ўша ҳадиснинг саҳиҳлигини исботлаб берганлар, холос. Масалан, имом Муслим у зотнинг шогирдлари, лекин имом Муслим бир ҳадисга саҳиҳ деб ҳукм беришнинг шартларида Бухорийга хилоф қилган.

🔗 Тўлиқ ўқиш: https://islom.uz/maqola/23501

🕋 @islomuz

Islom.uz

08 Apr 2025 07:36

#Жамият

Иродали шахслар

Араб ўлкаларида жисмоний жиҳатдан муаммоли шахсларга нисбатан инвалид ёки ногирон сўзлари ишлатилмайди. Шунингдек, ақлий ривожланишдан ортда қолган, аутизмдан азоб чекаётган ёхуд нутқ ёки эшитиш муаммосига эга бўлган кишилар, Даун синдромига чалинган ва ҳоказоларга нисбатан уларни ранжитиши мумкин бўлган сўзлар қўлланмайди. Балки, улар (жисмоний ва ақлий нуқсони борлар) "أصحاب الهمم" «ҳимматлилар» ,«иродали шахслар» деб аталади.

Ушбу истилоҳни илк бора Дубай амири шайх Муҳаммад бин Рошид Оли Мактум 2016 йили таклиф қилган ва шундан бери барча араб давлатларида кенг кўламда қўлланиб келмоқда.

Унга қадар ҳам жисмоний, ақлий, ҳиссий, нутқий, ижтимоий, таълимий қобилиятларида тўлиқ ёки жузъий нуқсонга эга бўлган шахсларга нисбатан умумий тарзда "ذوو الاحتياجات الخاصة" «махсус эҳтиёж соҳиблари» деган чиройли атама қўлланган.

2016 дан бери эса бундай шахслар умумий тарзда «иродалилар», «ҳимматлилар» деб аталмоқда.

Улар аутизмни ҳам «таваҳҳуд», яъни «ёлғизланиш» сўзи билан ифода қиладилар, аутизмга чалинганларни эса «мутаваҳҳид» дейдилар.

🔗 Тўлиқ ўқиш: https://islom.uz/maqola/23500

🕋 @islomuz

Islom.uz

07 Apr 2025 14:03

#Уламолар

Изуддин Жалдакий: «Кимёвий бирикмалардаги нисбатлар қонуни» ихтирочиси

Ньютон, Кепплер ва Галилейлар ўз тадқиқотларида Ўрта асрнинг буюк мусулмон кимёгар олими Жалдакий асарларига суянган. Маълумотларга кўра, у тахминан милодий 1342 йилда вафот этгани айтилади. Жалдакий табиб ва ёзувчи ҳам бўлган. Олимнинг тўлиқ исми Али ибн Муҳаммад Айдемир ёки Изуддин Жалдакийдир.

Олимнинг «Ал Бурҳану фий асрори ъилмил мийзаан» номли уч мужалладлик асари бугунги кунда АҚШнинг миллий медицина кутубхонасида сақланади. Яна «Ал мисбаҳу фий ъилмил мифтаҳ» асари ҳам кимё фанида улкан қийматга эга асарлардандир.

У Миср султонлигининг пойтахти Қоҳирада Қалавунлар оиласи бошқаруви вақтида дунёга келди. Илмга меҳр қўйиб улғайган йигит 17 йил давомида Мисрдан ташқарида, Ироқ, Анатолия, Яман, Шимолий Африка ва Сурия мамлакатларида илм йўлида саёҳат қилди.

🔗 Тўлиқ ўқиш: https://islom.uz/maqola/23499

🕋 @islomuz

Islom.uz

07 Apr 2025 12:01

«Hadis va Hayot» silsilasining 2-juzidan

#Hadis_va_Hayot

📚 @hadisislomuz

Islom.uz

07 Apr 2025 09:31

Қатарда ислом молияси бўйича конференция ўтказилади

2025 йил 8 апрель куни Доҳа шаҳрида «XI-Доҳа Ислом молия конференцияси» бўлиб ўтади. Унда ислом молияси бўйича мутахассислар, давлат ташкилотлари, халқаро ташкилотлар, иқтисодиёт, молия ва технология соҳаларида ихтисослашган молиявий ва академик муассасалар вакилларининг иштироки кутилмоқда.

Тадбирда маҳаллий, минтақавий ва глобал даражадаги ривожланишнинг жорий ҳолати ҳамда бу йўналишдаги инновацион ғоялар намойиш этилади ва муҳокама қилинади. Бунда келажакдаги тараққиёт тенденцияларига алоҳида эътибор қаратилади.

Ушбу халқаро анжуман ислом молия соҳасини ривожлантириш, экспертлар, тадқиқотчилар ва қарор қабул қилувчилар ўртасида глобал мулоқотни йўлга қўйиш, шунингдек, замонавий технологиялар орқали ушбу соҳанинг барқарорлиги ва мустаҳкамлигини ошириш имкониятларини ўрганишни мақсад қилган.

Қатар Бош вазири ва Ташқи ишлар вазири шайх Муҳаммад бин Абдураҳмон бин Жасим Оли Сони ҳомийлиги остида ўтказиладиган мазкур тадбир мавзуси — «Блокчейн ва сунъий интеллект интеграцияси: ислом молияси келажаги» деб аталади.

Анжуман Қатар Савдо ва саноат вазирлигининг ва Қатарнинг бошқа ташкилотларининг расмий ҳомийлиги остида ўтказилади.

Очилиш маросимида Халқаро Исломий Фиқҳ Академияси бош котиби профессор, доктор Кутаб Мустафо Сано асосий маъруза билан иштирок этади.

Доктор Умар А Осени, Туркиядаги Ислом Ҳамкорлик Ташкилоти (OIC) арбитраж маркази бош котиби, ислом банклари ўз фаолиятларида блокчейн ва сунъий тафаккурни жорий этиши учун ҳуқуқий асосларни кўриб чиқади.

Доктор Муҳаммад Шариф, Саудия Арабистонидаги Имом Муҳаммад ибн Сауд Ислом университетининг иқтисодиёт ва ислом молияси бўйича профессори, ислом банклари самарадорлигини оширишда марказлашмаган сунъий тафаккурнинг ўрни ҳақида сўз юритади.

Профессор, доктор Манал ал-Саъидий, Саудиядаги Умм ал-Куро университетининг Шариат ва Ислом тадқиқотлари факультети профессори, электрон ўйинлар ва киберспорт бўйича шариат қоидалари ва меъёрлари бўйича маъруза қилади ва бу мавзулар иштирокчилар томонидан муҳокама қилинади.

🔗 https://islom.uz/maqola/23497

🕋 @islomuz

Islom.uz

06 Apr 2025 12:02

«Hadis va Hayot» silsilasining 2-juzidan

#Hadis_va_Hayot

📚 @hadisislomuz

Islom.uz

05 Apr 2025 18:21

Бутун жаҳон уламолари ўзаро аҳиллик, тинчлик ва бағрикенгликка чақирди!

Ислом оламидаги нуфузли ташкилот бўлган Мусулмон донишмандлар кенгаши аъзоларининг дунёдаги воқеа-ҳодисаларга навбатдаги муносабатлари эълон қилинди. Жумладан, Миср Араб Республикаси Бош имоми, ал-Азҳар мажмуаси раҳбари ва кенгаш раиси Шайх Аҳмад Тоййиб, Халқаро Ислом фиқҳи академияси раиси Доктор Қутб Мустафо Сано, Кавказ мусулмонлари идораси раиси, муфтий Шайхул ислом Аллоҳшукур Пошозода, Малайзия Вақф ишлари вазири доктор Зулкифл бин Муҳаммад ал-Бакрий, Ливан давлати уламоси Шайх Саййид Али ал-Амин каби забардаст олимлар “Уммат бирлиги”, “Тинчлик”, “Кексаларни қадрлаш”, “Ахлоқ-тарбия тушунчаси”, “Альтруизм” каби мавзуларда чиқишлар қилишди.

Ўз навбатида, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари ҳам адолат ва тенглик тўғрисида чиқиш қилиб, унинг жамиятда тутган ўрнига тўхталдилар.

“Адолат Ислом динидаги энг муҳим тамойиллардан бири бўлиб, барча пайғамбарлар ва самовий китоблар уни қарор топтириш учун юборилгандир”, дейилади нутқда.

Шайх Нуриддин Холиқназар ҳазратлари адолат бандани Яратганга маҳбуб банда бўлишига сабаб эканини таъкидлаб, бундай деганлар: “Агар банда адолат сифати билан зийнатланиб, уни ҳаётига дастур қилиб олган бўлса, у ҳеч кимга зулм қилмайди, ҳар бир ҳақ эгасига ўз ҳақини беради. Натижада, у Аллоҳ таолонинг суюкли бандасига айланади. Зеро, адолат тақвони ҳосил қилиб, ишларга хайру барака киргизади. Аллоҳ таоло айтади: “Адолат қилинг. Бу тақвога оид ишдир” (Моида сураси, 8-оят).”.

Шунингдек, чиқишда адолат хайр-баракага, одамлар билан ўзаро ҳамжиҳатликка етаклаши ҳақида сўз боради. Набий соллаллоҳу алайҳи васаллам айтганлар: “Бу уммат модомики, гапирганда рост сўзласа, ҳукм қилганда адолат қилса ва раҳм-шафқат сўралганда раҳм қилса, яхшиликда бардавом бўлади” (Имом Абу Яъло ва Имом Табароний ривоят қилган).

Муфтий ҳазрат таъкидлаганларидек, адолат қилиш инсонни ёмонликдан қайратиб, яхшиликка ундовчи улуғ фазилатдир. У оилавий, ижтимоий ва бошқа алоқаларни мустаҳкамлаб, ота-она билан фарзандлар, эр-хотинлар, раҳбар ва ходимлар, давлат ва жамият ўртасидаги ҳақ-ҳуқуқларни тартибга солади. Шунинг учун унинг долзарблиги ҳамма даврларда, хусусан, ҳозирги кунда муҳим аҳамият касб этади.

Шуни эътироф этиш керакки уламолар ўртасидаги мулоқот ва ҳамкорлик дин ва маданиятлар орасидаги ўзаро ҳурматни мустаҳкамлашда катта аҳамиятга эга. Бундай ҳамжиҳатлик, албатта, жаҳоннинг ҳар бир бурчагида тинчликни, барқарорликни таъминлашга хизмат қилади. Зеро, бундай ришталар турли жамиятларни бир-бирига боғлайди, яқинлаштиради. Бу борада Мусулмон донишмандлар кенгашининг ўрни бугун ҳар қачонгидан ҳам муҳимдир.

🔗 https://islom.uz/video/23495

🕋 @islomuz

Islom.uz

05 Apr 2025 15:04

Ibodatlar nima uchun farz qilingan?

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

05 Apr 2025 10:06

Бурҳониддин Кирмоний мероси

Мирзо Улуғбек даврида Самарқанд илм-фан марказларидан бирига айланган эди. Ана шу даврда шаҳарга Шарқ мамлакатларидан етук олимлар ташриф буюриб, маҳаллий олимлар билан ҳамкорлик қилган. Уларнинг орасида тиббиёт соҳасининг йирик намояндаларидан бири – Бурҳониддин Нафис ибн Аваз Ҳаким Кирмоний ҳам бор эди.

Эроннинг Кирмон шаҳрида туғилган бу аллома Самарқандда тиббиётни чуқур ўрганиб, Ибн Сино ва Нажибуддин Самарқандий асарларига шарҳлар ёзган. У Ибн Синонинг машҳур "Тиб қонунлари" асарига ёзган шарҳини Мирзо Улуғбекка ҳадя қилган. Ҳозирда мазкур асар қўлёзмасининг бир нусхаси Вашингтондаги тиббиёт кутубхонасида сақланмоқда. Унинг "Шарҳул-амрозил-жузъия" ("Жузъий касалликлар шарҳи") асари эса Дамашқдаги "Аз-Зоҳирия" кутубхонасида мавжуд.

Бу буюк олимнинг илмий меросини ўрганиш нафақат Шарқ табобати тарихини ёритиш, балки Темурийлар, айниқса, Мирзо Улуғбек давридаги илм-фан ривожи ва халқаро илмий алоқаларни англашга ёрдам беради.

Ҳозирда Ўзбекистондаги Ислом цивилизацияси маркази Бурҳониддин Кирмонийнинг илмий фаолиятини тадқиқ этиш, унинг асарлари бўйича музей экспозицияси яратиш устида иш олиб бормоқда. Мавжуд қўлёзмаларнинг факсимиле нусхалари тайёрланиб, улар марказ экспозициясидан ўрин олади.

🔗 https://islom.uz/maqola/23492

🕋 @islomuz

Islom.uz

04 Apr 2025 20:30

Қозоғистон банкларида «Ислом дарчалари» тизимини жорий этиш режалаштирилмоқда

Молия бозорини тартибга солиш ва ривожлантириш давлат агентлиги раиси биринчи ўринбосари Нурлан Абдрахманов 2025 йил 31 март куни Сенатда бўлиб ўтган ҳукумат йиғилишида ислом молияси соҳасида қонунчиликда амалга оширилиши лозим бўлган чора-тадбирлар ҳақида айтиб ўтган. Бу ҳақда Zakon.kz манбаси хабар берди.

Нурлан Абдрахмановнинг таъкидлашича, бугунги кунда ислом банк-молия муассасаларини очиш ва улар фаолият юритиши учун зарур бўлган тўлиқ қонуний меъёрлар яратилган, аммо ислом банклари улуши бутун банк тизими активларининг атиги 0,4%ини ташкил қилмоқда.

«Биз кўряпмиз, кўп мамлакатларда ислом банк-молия тизими анъанавий банклар билан параллел равишда фаолият юритади — бу тизим биз таклиф этаётган «ислом дарчалари» орқали амалга оширилади. Шу муносабат билан «Банклар ва банк фаолияти тўғрисидаги қонун»нинг янги таҳририни ишлаб чиқиш жараёнида мазкур масала қамраб олинган. Қонун лойиҳаси жорий йилнинг август ойида Парламентга тақдим этилиши режалаштирилган. Унда анъанавий банкларда «ислом дарчалари» ташкил этиш меъёрлари кўзда тутилмоқда. Бу чора маҳаллий тижорат банкларига ҳам анъанавий, ҳам ислом банк хизматларини тақдим этиш имконини беради ҳамда ислом молия хизматларининг қамровини кенгайтиришга ёрдам беради», — деди Нурлан Абдрахманов.

🔗 Тўлиқ ўқиш: https://islom.uz/maqola/23491

🕋 @islomuz