Islom.uz

18 Jul 2024 15:03

Har bir inson Alloh yaratgan rizqni topadi

Shayx Muhammad Sodiq Muhammad Yusuf rahimahulloh

@islomuz

Islom.uz

18 Jul 2024 08:51

Ҳадис илми мактабининг мандат-2024 натижаси эълон қилинди

Ўзбекистон мусулмонлари идораси тасарруфидаги Ҳадис илми мактабининг 2024-2025 ўқув йили учун Араб тили, Ҳадис ва Мусталаҳул ҳадис ҳамда Ўзбекистон тарихи фанларидан ўтказилган қабул имтиҳонларининг мандат натижаси эълон қилинди.

Мандатга кўра, энг юқори кириш бали 173.3 ва энг паст кириш бали 164.6 ни ташкил қилиб, 10 нафар абитуриентлар Олий мактаб талабасига айланди.

Юқори кўрсатгич қайд этган абитуриентларни талабалик мақомига эришгани билан муборакбод этамиз!

Ҳадис илми мактаби матбуот хизмати

🔗 https://islom.uz/maqola/22409

🕋 @islomuz

Islom.uz

17 Jul 2024 15:02

Har bir banda uchun eng buyuk baxt

Shayx Muhammad Sodiq Muhammad Yusuf rahimahulloh

@islomuz

Islom.uz

17 Jul 2024 11:18

Vaqt tasarrufi. Hayotiy misol

«Hazratni xotirlab» ko'rsatuvining 74-soni

Hasanxon Yahyo Abdulmajid

📹 https://youtu.be/j9WLOIjf_P0?feature=shared

🕋 @islomuz

Islom.uz

17 Jul 2024 08:38

Таъзия

«Hilol nashr» матбаа-нашриётининг собиқ ходими Миразиз ҳожи Асқаровга волидаи муҳтарамаларининг вафотлари муносабати билан чуқур ва самимий таъзия изҳор этамиз.

Аллоҳ таоло марҳуманинг барча солиҳ амалларини ҳусни қабул айлаб, Ўз мағфиратига олсин, барча саҳву хатоларини кечирсин, раҳматига чулғасин, қабрларини жаннат боғчаларидан қилиб, охиратларини обод айласин.

Жаноза намози «Искандар хўжа» жомеъ масжидида пешин намозидан сўнг ўқилади.

Аллоҳ таоло марҳуманинг яқинлари, фарзанду аржумандларига чиройли сабр бериб, бу мусибатларининг ўрнини ажру мукофот билан тўлдирсин.

Иннаа лиллааҳи ва иннаа илайҳи рожиъуун!

«Hilol nashr» матбаа-нашриёти ва Islom.uz портали жамоаси

@islomuz & @hilolnashr

Islom.uz

17 Jul 2024 08:20

Таъзия

Тошкент шаҳар «Фирдавс» жомеъ масжиди имом-хатиби Бахтиёр домла Сатторовнинг волидаи муҳтарамалари вафоти муносабати билан чуқур ва самимий таъзия изҳор этамиз.

Аллоҳ таоло марҳуманинг барча солиҳ амалларини ҳусни қабул айлаб, Ўз мағфиратига олсин, барча саҳву хатоларини кечирсин, раҳматига чулғасин, қабрларини жаннат боғчаларидан қилиб, охиратларини обод айласин, жаннатнинг олий даражаларига етказсин!

Марҳуманинг барча оила аъзоларига, қариндош-уруғларига, яқинларига Аллоҳ таолодан сабру жамил ва ажру мукофотлар тилаймиз

Иннаа лиллааҳи ва иннаа илайҳи рожиъуун!

«Албатта, биз Аллоҳникимиз ва албатта, биз У Зотга қайтувчимиз».

«Шайх Муҳаммад Содиқ Муҳаммад Юсуф» жомеъ масжиди, «Hilol-nashr» матбаа-нашриёти ва Islom.uz портали жамоаси

@hazratim_uz & @islomuz

Islom.uz

16 Jul 2024 12:12

Дуо ижобат бўладиган вақт

Фаришталар сенинг ҳаққингга дуо қиладиган 8 ўрин бор, сен уларда дуони кўпайтир:

1. Намозда биринчи сафга келиб турганингда.
2. Намозни тугатгач, туриб кетмасдан ўтириб зикр қилганингда.
3. Касални кўргани борганингда.
4. Аллоҳ йўлидаги биродарингни кўргани борганингда.
5. Биродарингни ҳаққига ғоибона дуо қилганингда.
6. Одамларга яхшиликни таълим берганингда.
7. Таҳорат билан уйқуга ётганингда.
8. Саҳарлик қилганингда.

Аллоҳ таоло сизу бизни холис карамли Юзи учун бўлган ҳолда ушбу саккиз ҳолатга эриштирсин!

🔗 https://islom.uz/maqola/22402

🕋 @islomuz

Islom.uz

16 Jul 2024 07:48

Ашуро куни аҳлига кенглик қилиш

Абдуллоҳ ибн Масъуд розияллоҳу анҳудан ривоят қилинади:

Расулуллоҳ соллаллоҳу алайҳи васаллам: «Ким Ашуро куни аҳли-аёлига нафақада кенгчилик қилса, Аллоҳ унга йилнинг қолганини кенг қилади», дедилар.

Имом Розийн ривоят қилган.

Суфён айтди: «Биз буни тажриба қилиб кўрдик ва ана шундай бўлишини топдик». Суфёндан мурод Суфён Саврийдир. Чунки муҳаддислар истилоҳида Суфён мутлақ айтилса, Суфён Саврий назарда тутилган бўлади. Имом Байҳақий ҳам «Шуабул-иймон»да Абдуллоҳ ибн Масъуд, Абу Ҳурайра, Абу Саид ва Жобир розияллоҳу анҳумлардан ривоят қилган. Байҳақий ўзи ривоят қилган ҳадисни заиф санаган.

🔗 Тўлиқ ўқиш: https://islom.uz/maqola/3060

🕋 @islomuz

Islom.uz

15 Jul 2024 13:18

Андалусия шавкати

Ислом тамаддунининг тараққиёт тарихи дунёга маданий ва илмий ҳаётнинг ҳамда уни ўраб турган бағрикенгликнинг ёрқин намуналарини тақдим қилди. Бунинг энг яхши намунаси Андалусия давлатининг тарихи бўлиб, у фақат мусулмонларнинггина эмас, балки бошқа дин вакиллари хотирасида ҳам яхши сақланиб қолган.

Умавий амирларидан Валид ибн Абдулмалик ҳукмдорлиги (705–715) даврида Испания ва Португалия Мусо Нусайя ва унинг мавлоси Ториқ ибн Зиёд томонидан ҳижрий 92 (милодий 711) йили фатҳ этилди ва бу икки давлат фатҳдан сўнг араб тилида битта ном билан «Андалусия» деб атала бошланди.

🔗 Тўлиқ ўқиш: https://islom.uz/maqola/22400

🕋 @islomuz

Islom.uz

15 Jul 2024 09:02

«Oltin silsila» loyihasi muharrirlaridan xotira

«Hazratni xotirlab» ko'rsatuvining 74-soni

Hasanxon Yahyo Abdulmajid

📹 https://youtu.be/j9WLOIjf_P0?feature=shared

🕋 @islomuz

Islom.uz

14 Jul 2024 15:35

Buzma!

Bugunni o’ylab kelajagingni buzma!

Nafsiningni o’ylab hayotingni buzma!

O’zingni o’ylab jamiyatni buzma!

@islomuz

Islom.uz

14 Jul 2024 14:00

Ашуро рўзаси Муҳаррам ойининг қайси кунлари тутилади?

Бугун ҳижрий 1446 йил, 8 муҳаррам | милодий 2024 йил 14 июл.

Ҳакам ибн Аъраж розияллоҳу анҳудан ривоят қилинади:

«Ибн Аббоснинг ҳузурига бордим, у киши Замзам олдида ридоси устида ёнбошлаб ётган экан: «Менга Ашуро рўзаси ҳақида айтиб беринг», дедим. «Муҳаррамнинг ҳилолини кўрсанг, санаб бор. Тўққизинчи куни рўза тутган ҳолда тонг оттир», деди. «Расулуллоҳ соллаллоҳу алайҳи васаллам унинг рўзасини шундай тутармидилар?» дедим. «Ҳа», деди».

Муслим, Абу Довуд, Термизий ва Насоийлар ривоят қилишган.

🔗 Тўлиқ ўқиш: https://islom.uz/maqola/20923

🕋 @islomuz

Islom.uz

13 Jul 2024 17:17

Ашуро рўзаси

«Ашуро» сўзи луғатда «ўнинчи кун» деган маънони билдиради. Истилоҳда эса, Муҳаррам ойининг ўнинчи кунига айтилади.

Ашуро рўзасининг тарихи

Оиша розияллоҳу анҳодан ривоят қилинади:

«Ашуро жоҳилият даврида Қурайш рўза тутадиган кун эди. Набий соллаллоҳу алайҳи васаллам ҳам унинг рўзасини тутар эдилар. У зот Мадинага келганларида ҳам унинг рўзасини тутдилар ва тутишни буюрдилар. Кейин Рамазон рўзаси (ҳақида оят) нозил бўлгач, уни (Ашуро рўзасини) истаганлар тутиб, истамаганлар тутмайдиган бўлди».

Бухорий ривоят қилган.

🔗 Тўлиқ ўқиш: https://islom.uz/maqola/5726

🕋 @islomuz

Islom.uz

13 Jul 2024 14:25

Тегирмон айлантирди

Расулуллоҳ соллаллоҳу алайҳи васалламнинг райҳоналари бўлмиш Фотима розияллоҳу анҳо тегирмон айлантиравериб қўллари қавариб кетганидан, мешда сув ташийвериб елкалари шилинганидан, уй супуриб кийимлари чанг бўлганидан турмуш ўртоғи Али розияллоҳу анҳуга шикоят қилдилар. Ҳазрат Али розияллоҳу анҳу Расулуллоҳ соллаллоҳу алайҳи васалламга асирлар келганини, у зотдан ходим сўраб кўришини айтдилар.

Фотима розияллоҳу анҳо оталари ҳузурига бордилар. У ерда бир неча киши бор эди. Бошқаларнинг олдида эҳтиёжларини айта олмадилар. Оиша онамиз розияллоҳу анҳуга секин нима сабабдан келганларини билдириб, сўнг қайтиб кетдилар.

🔗 Тўлиқ ўқиш: https://islom.uz/maqola/22398

🕋 @islomuz

Islom.uz

12 Jul 2024 17:32

Suvning isrofi haqida

«Isrof» kitobi 5-son

📖 Shayx Muhammad Sodiq Muhammad Yusuf qalamiga mansub «Isrof» kitobi suxandon lafzida

🎙 Qamariddin Bekmuhammad o'qidi

📹 YouTube

🕋 @islomuz

Islom.uz

18 Jul 2024 11:32

Умар ибн Хаттоб розияллоҳу анҳунинг улуғ шахс эканликлари

Имом Бухорий ва Муслим Ибн Аббос розияллоҳу анҳудан ривоят қиладилар:

«Умар Шом томон (сафарга) чиқди. Токи у Сарғга етганида, унга Ажноднинг аҳли, яъни Абу Убайда ал-Жарроҳ ва унинг асҳоблари учрадилар ва Шомда вабо воқеъ бўлганлигининг хабарини бердилар. Шунда Умар Ибн Аббосга:

«Менга биринчи муҳожирларни чақириб кел», деди.

Мен уларни чақириб келдим. У уларга маслаҳат солди. Улар эса ихтилоф қилишди. Баъзилари:

«Сен бир иш учун чиқдинг. Энди ундан қайтишингни маслаҳат бермаймиз», дедилар. Бошқалари эса:

«Сен билан бирга одамларнинг қолганлари ва Расулуллоҳ соллаллоҳу алайҳи васалламнинг саҳобалари бор. Уларни манави вабога олиб боришингни маслаҳат бермаймиз», дедилар. Ҳазрати Умар «Жўнанглар олдимдан!» деди-да, сўнгра: «Менга Ансорийларни чақириб бер», деди.

🔗 Тўлиқ ўқиш: https://islom.uz/maqola/22414

🕋 @islomuz

Islom.uz

17 Jul 2024 17:32

Abadiy yashash mumkinmi?

Borliqdagi barcha narsalar, hatto biz insonlar ham mayda hujayralardan tashkil topganmiz.

Har qanday tirik hujayra faoliyatini boshlashi bilan unda o'lim jarayoni ham boshlanadi.

Bu haqida ushbu video orqali batafsil ma'lumot olishingiz mumkin.

#Allohning_mojizalari

@islomuz

Islom.uz

17 Jul 2024 12:44

Ҳинд ва ажам ғазоти

عَنْ أَبِي هُرَيْرَةَ رَضِي اللهُ عَنْهُ قَالَ: وَعَدَنَا رَسُولُ اللهِ صَلَّى اللهُ عَلَيْهِ وَسَلَّمَ غَزْوَ الْهِنْدِ فَإِنْ أَدْرَكْتُهَا أُنْفِقُ فِيهَا نَفْسِي وَمَالِي فَإِنْ قُتِلْتُ كُنْتُ أَفْضَلَ الشُّهَدَاءِ وَإِنْ رَجَعْتُ فَأَنَا أَبُو هُرَيْرَةَ الْمُحَرَّرُ.

Абу Ҳурайра розияллоҳу анҳудан ривоят қилинади:

«Расулуллоҳ алайҳиссалом бизга Ҳинднинг ғазотини ваъда қилганлар. Агар ўшангача етиб борсам, молимни ҳам, жонимни ҳам сарфлайман. Агар ўлдирилсам, шаҳидларнинг афзали бўламан. Агар қайтиб келсам, озод қилинган Абу Ҳурайра бўламан».

🔗 Тўлиқ ўқиш: https://islom.uz/maqola/22409

🕋 @islomuz

Islom.uz

17 Jul 2024 09:01

Яхшилик қасидаси

Аллоҳ бизни тупроқдан,
Гўзал қилиб яратган.
Омон борки жону тан,
Яхшилик қил, яхшилик!

Ўн саккиз минг бу олам,
Ичра улуғ зот одам
Бўлганимиз учун ҳам,
Яхшилик қил, яхшилик!

Бошга ақл, кўзга нур,
Берди тилга тафаккур.
Бунга қилиб кўп шукр,
Яхшилик қил, яхшилик!

Ердан берса ризқ, умр,
Кўкдан ёғса меҳр, нур.
Такрор айтиб ташаккур,
Яхшилик қил, яхшилик!

Муқаддас сўз-калом чун,
Сийлаб айтган салом чун,
Ҳақ аталган ул ном чун,
Яхшилик қил, яхшилик!

Сидқидилдан бўлса аҳд,
Яхшилик бу – билсанг бахт!
Буни англаб ҳамма вақт,
Яхшилик қил, яхшилик!

Қандай ширин бу ҳаёт,
Илм, ҳунарда бил нажот.
Қолдириб сен яхши от,
Яхшилик қил, яхшилик!

Ёмонликни ҳеч тутмай,
Омонатлик унутмай,
Қайтишини ҳам кутмай,
Яхшилик қил, яхшилик!

Равон эзгу йўл билан,
Хайрли, очиқ қўл билан,
Ҳеч бўлмаса тил билан,
Яхшилик қил, яхшилик!

Умр – олий хуш неъмат,
Лек ўткинчи бир фурсат,
Ҳар кун ахир ғанимат,
Яхшилик қил, яхшилик!

Кунлар ўтар басма-бас,
Аёвсиз вақт тўхтамас,
Ёдда тутиб ҳар нафас,
Яхшилик қил, яхшилик!

Яхшилик бўлса одат,
Икки оламда роҳат.
Топай десанг саодат,
Яхшилик қил, яхшилик!

Ният бўлса, чин, холис,
Омадлар кетмас олис.
Иймон билан этиб ҳис,
Яхшилик қил, яхшилик!

Манзил яқин кун оша,
Эътиқод бирла яша.
Омон бўлу ҳамиша,
Яхшилик қил, яхшилик!

Назирий дер, эй инсон,
Яхшиликда кўп имкон.
Ҳаёт экансан ҳар он,
Яхшилик қил, яхшилик!

Салимхон Назирий.
«Ҳилол» журнали 7 сон.

🔗 https://islom.uz/maqola/22407

🕋 @islomuz

Islom.uz

17 Jul 2024 08:28

Маҳжуб билан маҳрумнинг фарқи

Маҳжуб билан маҳрумнинг ўртасида нозик фарқ бор. Кишининг меросдан маҳрум бўлишига қатл ёки турли динда бўлиш каби сифатлар сабаб бўлса, бу истилоҳда маҳрум ва мамнуъ, яъни ман қилинган деб аталади. Унинг мерос олмаслиги ман этилиш ва маҳрумлик дейилади. Унинг борлиги эътибордан тушади, йўқдек муомала қилинади. Бошқа меросхўрларга ҳам унинг таъсири бўлмайди.

🔗 Тўлиқ ўқиш: https://islom.uz/maqola/22405

🕋 @islomuz

Islom.uz

16 Jul 2024 16:13

Татаристонда халқаро Қуръон мусобақаси бошланмоқда

Жорий йилнинг 23-27 июль кунлари Татаристоннинг Қозон шаҳрида Россия Федерацияси мусулмонлари диний идораси томонидан ташкил қилинадиган халқаро Қуръон мусобақаси бўлиб ўтади.

Ушбу мусобақада «Саййид Муҳйиддин Махдум» мадрасаси битирувчиси Мустафоқул қори Абдураҳмонов Абдуваҳоб ўғлининг иштирок этиши режалаштирилган.

Аллоҳ таоло Мустафоқул қорига мусобақада муваффақият ато қилсин!

🔗 https://islom.uz/maqola/22403

🕋 @islomuz

Islom.uz

16 Jul 2024 11:02

Ҳадис илми мактабига кириш имтиҳонлари бошланди

Бугун, 16 июль куни Имом Бухорий номидаги Тошкент ислом институтида Ўзбекистон мусулмонлари идораси тасарруфидаги Ҳадис илми мактабига ҳужжат топширган абитуриентлар учун кириш имтиҳонлар бошланди.

Ҳадис илми мактабига ҳужжатларни қабул қилиш жараёни шу йилнинг 20 июнидан бошланган бўлиб, 10 июлга қадар ўрта махсус диний таълим муассасаларини тамомлаган 92 нафар абитуриент ҳужжат топширди.

Бугун эса мазкур абитуриентлар Имом Бухорий номидаги Тошкент ислом институтида суҳбат асосида илк ижодий имтиҳондан ўтадилар. Улар 17 июль куни иккинчи босқичда «Ўзбекистон тарихи» фанидан тест топширадилар.

Умумий имтиҳон натижалари 18 июль куни эълон қилинади.

Абитуриентларнинг билимларини Дин ишлари бўйича қўмита ва Ўзбекистон мусулмонлари идорасининг қабул ҳайъати аъзолари, Ўзбекистон халқаро ислом академияси, Тошкент ислом институти ва Мир Араб олий мадрасасининг малакали педагог-ўқитувчилари баҳолаб боради.

🔗 https://islom.uz/maqola/22401

🕋 @islomuz

Islom.uz

15 Jul 2024 17:53

Kiberjinoyatlardan ogoh bo'ling!

Dinimizda musulmonlarning o‘zaro joni, moli, obro‘si muqaddas va unga tajovuz qilish katta gunohdir. Oxiratda esa bu bandaning azobga qolishiga sabab bo‘ladi.

Shu bilan birga Islom dini bizni o‘zgalarni aldashdan qaytargani kabi aldanib qolishdan, xatolardan ibrat olmaslikdan ham qaytaradi. Bu haqda Payg‘ambarimiz alayhissalom shunday deydilar:

“Mo‘min kishi bir teshikdan ikki marta chaqtirmaydi”.
Imom Buxoriy rivoyati.

«Shayx Muhammad Sodiq Muhammad Yusuf» jome' masjidi imom-xatibi Ismoil Muhammad Sodiq

@islomuz

Islom.uz

15 Jul 2024 11:02

Ashuro roʻzasining fazilati

Yaqinlaringizga ulashing!

🕋 @islomuz

Islom.uz

15 Jul 2024 08:06

Ашуро рўзасининг фазилати

Салама ибн Акваъ розияллоҳу анҳудан ривоят қилинади:

«Набий соллаллоҳу алайҳи васаллам асламлик бир кишига одамлар ичида «Ким бирон нарса еган бўлса, куннинг қолганида рўза тутсин, ким емаган бўлса, у ҳам рўза тутсин, чунки бугун Ашуро куни», деб жар солишга буюрдилар».

Икки Шайх ва Насаийлар ривоят қилишган.

Рубаййиъ бинт Муъаввиз ибн Афро розияллоҳу анҳодан ривоят қилинади:

«Расулуллоҳ соллаллоҳу алайҳи васаллам ашуро куни эрталаб Мадина атрофидаги ансорларнинг қишлоқларига одам юбориб, «Ким рўза тутган ҳолда тонг оттирган бўлса, рўзасини тугал қилсин. Ким оғзи очиқ ҳолда тонг оттирган бўлса, кунининг қолганини (рўза билан) тугал қилсин», дедилар.

🔗 Тўлиқ ўқиш: https://islom.uz/maqola/22399

🕋 @islomuz

Islom.uz

14 Jul 2024 15:02

Yolgʻon barakani oʻchiradi

Shayx Muhammad Sodiq Muhammad Yusuf rahimahulloh

@islomuz

Islom.uz

14 Jul 2024 10:11

Абитуриентларга тавсия этилган дуолар

Бир неча юз минг абитуриент орзиқиб кутган вақт келди. 14 июлдан тест имтиҳонлари бошланди. Абитуриентларга қуйидаги дуоларни ўқишни тавсия этамиз:

﴿رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِنْ لِسَانِي يَفْقَهُوا قَوْلِي﴾

Ўқилиши:

“Робби ишроҳ лий содрий ва йассир лий амрий, ваҳлул ъуқдатан мин лисаний, йафқоҳу қовлий”.

Маъноси:

“Роббим, қалбимни кенг қил, ишимни осон қил, тилимдан тугунни ечиб юборгинки, сўзимни англашсин”

(Тоҳа сураси, 25-оят).

﴿رَّبِّ زِدْنِي عِلْمًا﴾

Ўқилиши:

“Робби зидний ъилман”.

Маъноси:

“Роббим, илмимни зиёда қилгин”

(Тоҳа сураси, 114-оят).

﴿سُبْحَانَكَ لاَ عِلْمَ لَنَا إِلاَّ مَا عَلَّمْتَنَا إِنَّكَ أَنتَ الْعَلِيمُ الْحَكِيمُ﴾

Ўқилиши:

“Субҳанака лаа ъилма лана илла ма ъалламтана иннака антал-ъалиймул-ҳакийм”.

Маъноси:

“Ўзинг поксан! Бизда Сен билдиргандан бошқа илм йўқ. Албатта, Сенинг Ўзинг билувчисан ва ҳикматли Зотсан”

(Бақара сураси, 32-оят).

اللَّهُمَّ إِنِّي أَسْتَوْدِعُكَ مَا قَرأتُ وَمَا حَفَظْتُ فردده عَليّ عِنْدَ حَاجَتِي إِلَيهِ

Ўқилиши:

“Аллоҳумма, инний аставдиъука маа қороьту ва маа ҳафазту фардудҳу ъалаййа ъинда ҳаажатий илайҳи”.

Маъноси:

“Аллоҳим! Ўқиган ва ёд олган нарсаларимни Ўзингга топширдим, эҳтиёжим тушганда уларни менга қайтаргин”.

اللهُمَّ إِنِّي أَسْأَلُكَ عِلْمًا نَافِعًا

Ўқилиши:

“Аллоҳумма инний асалука ъилман нафиъан”.

Маъноси:

“Аллоҳим сендан фойдали илмни сўрайман”.

اللَّهُمَّ لاَ سَهْلاً إِلّاَ مَا جَعَلّتَهٌ سَهْلاً وَأَنّتَ تَجّعَلَ الحَزَنَ إِذَا شِئتَ سَهْلاً

Islom.uz

13 Jul 2024 15:33

Xaridor bilan chiroyli munosabat

Shayx Muhammad Sodiq Muhammad Yusuf rahimahulloh

@islomuz

Islom.uz

13 Jul 2024 09:22

Таъзия

Тошкент шаҳар «Мирза Юсуф» жомеъ масжиди имом-хатиби Фозилжон домла Убайдуллаевнинг волидаи муҳтарамалари вафоти муносабати билан чуқур ва самимий таъзия изҳор этамиз.

Аллоҳ таоло марҳуманинг барча солиҳ амалларини ҳусни қабул айлаб, Ўз мағфиратига олсин, барча саҳву хатоларини кечирсин, раҳматига чулғасин, қабрларини жаннат боғчаларидан қилиб, охиратларини обод айласин, жаннатнинг олий даражаларига етказсин!

Марҳуманинг барча оила аъзоларига, қариндош-уруғларига, яқинларига Аллоҳ таолодан сабру жамил ва ажру мукофотлар тилаймиз

Иннаа лиллааҳи ва иннаа илайҳи рожиъуун!

«Албатта, биз Аллоҳникимиз ва албатта, биз У Зотга қайтувчимиз».

«Шайх Муҳаммад Содиқ Муҳаммад Юсуф» жомеъ масжиди, «Hilol-nashr» матбаа-нашриёти ва Islom.uz портали жамоаси

@hazratim_uz & @islomuz & #hilolnashr

Islom.uz

12 Jul 2024 16:05

Инсонпарварлик ёрдамини уюштирган саҳоба

Умар ибн Хаттоб розияллоҳу анҳу биринчи бўлиб бир юртдан иккинчи юртга инсонпарварлик ёрдамини уюштирган шахсдирлар.

Ибн Абдул Ҳакам Лайс ибн Саъддан ривоят қилади:

«Умар ибн Хаттоб розияллоҳу анҳунинг халифалик даврида Мадинада одамлар бошига қаттиқ очлик тушди. У киши Мисрдаги Амр ибн Осга мактуб ёздилар:

«Аллоҳнинг бандаси, мўминларнинг амири Умардан Осий ибн Осга. Салом! Аммо баъд: Умрим ила қасамки, эй Амр! Сен ва сенинг ёнингдагилар тўқ бўлса-ю, мен ва менинг ёнимдагилар ҳалок бўлса ҳам ишинг йўқми?! Ёрдам! Ёрдам!»

Амр ибн Ос унга мактуб ёзди:

«Аллоҳнинг бандаси, мўминларнинг амири Умарга Амр ибн Осдан. Аммо баъд: Лаббайка! Яна лаббайка! Сизга бир карвон юбордим. Унинг боши сизнинг ҳузурингизда, охири менинг ҳузуримда. Вассалому алайкум ва раҳматуллоҳи ва барокатуҳ».

Амр катта карвон юборди. Унинг аввали Мадинага етиб келганида, охири Мисрда эди. Карвон ниҳоятда узун эди. У Умарга етиб келганида одамларга жуда кенглик яратдилар. У киши Мадинадаги ҳар бир уй аҳлига бир туяни устидаги егулиги билан бердилар.

Умар ибн Хаттоб розияллоҳу анҳу Абдурраҳмон ибн Авф, Зубайр ибн Аввом ва Саъд ибн Абу Ваққос розияллоҳу анҳумни одамларга уларни тақсимлаб бериш учун юбордилар. Улар ҳар бир хонадон аҳлига бир туяни устидаги егулиги билан бердилар. Егуликни истеъмол қилиб, туяни сўядилар, унинг гўштини еб, ёғини эритиб оладилар, терисидан пойабзал қиладилар ва егулик солинган матони чойшаб ёки бошқа нарсага айлантирадилар. Шу билан Аллоҳ одамларга кенглик яратди».

🔗 https://islom.uz/maqola/22393

🕋 @islomuz