Islom.uz

28 Oct 2024 10:02

#yangilik

«Baxtiyor oila» kitobining lotin alifbosi va rus tilidagi nashrlari qayta chop etildi

✨ Shayx Muhammad Sodiq Muhammad Yusuf hazratlarining qalamlariga mansub «Baxtiyor oila» kitobi lotin va rus alifbosida qayta nashr qilinib, sotuvga chiqdi.

🕊 Ushbu kitob Islom dinining oilaviy munosabatlarga oid ahkomlarining keng va batafsil sharhi bo‘lib, musulmon kishi oilaviy hayotga oid bilishi lozim bo‘lgan barcha masalalarni o‘z ichiga oladi.

☝️ Eslatib oʻtamiz, mazkur kitobning kirill alifbosidagi nashri ham sotuvda bor. Kitoblarni nashriyotimizning barcha doʻkonlaridan xarid qilishingiz, hilol.uz saytidan buyurtma berishingiz mumkin.

👉 «Baxtiyor oila» (lotin alifbosida) — 73 000 so‘m

👉 «Счастливая семья» — 73 000 so‘m

👉 «Baxtiyor oila» (kirill alifbosida) — 72 000 so‘m

☎️ +998712175999

📨 Buyurtma uchun: @hilol_reception

📍 Manzillarimiz

🚚 Onlayn berilgan buyurtmalar Oʻzbekiston boʻylab yetkazib beriladi

@hilolnashr

Islom.uz

27 Oct 2024 16:01

"Moshina" bozor

Ijtimoiy rolik

🕋 @islomuz

Islom.uz

27 Oct 2024 11:17

Умра зиёратчилари сайловда фаол қатнашмоқда

Бугун, 27 октябрь куни Саудия Арабистонида умра сафарида бўлиб турган Ўзбекистонлик юртдошларимиз эрта тонгдан «Ал-Алаям Элит» меҳмонхона фойесида ташкил этилган сайлов участкасига кела бошлади. Улар юртимиз тарихидаги муҳим сиёсий жараён — Ўзбекистон Республикаси Олий Мажлис Қонунчилик палатаси ва халқ депутатлари маҳаллий Кенгашлари сайловида қатнашиб, муносиб номзодларга овоз бера бошладилар. Сайловчилар ўзларининг конституциявий ҳуқуқларидан фойдаланган ҳолда мамлакатимиз ва чет давлатларда ташкил этилган барча шарт-шароитга эга сайлов участкаларида овоз беряптилар.

🔗 Тўлиқ ўқиш: https://islom.uz/maqola/22821

🕋 @islomuz

Islom.uz

27 Oct 2024 10:04

Ҳаж мавсумидаги адолат мажлиси

Ибн Саъд Атодан ривоят қилади:

«Умар ибн Хаттоб розияллоҳу анҳу омилларига ҳаж мавсумида унинг ҳузурига келишларини амр қилар эди. Улар жамланганда:

«Эй одамлар! Мен ўз омилларимни сизларнинг жонларингиз ва молларингизга мусибат етказишлари учун юборганим йўқ. Уларни ораларингизда тўсиқ бўлишлари учун ва пайларингизни бўлиб беришлари учун юборганман. Кимга шундан бошқа иш қилинган бўлса, турсин!» деди.

🔗 Тўлиқ ўқиш: https://islom.uz/maqola/22819

🕋 @islomuz

Islom.uz

26 Oct 2024 12:32

Ҳомиласи тушган аёл

Имом Байҳақий ва Абдурраззоқлар Ҳасандан ривоят қиладилар:

«Умар ибн Хаттоб розияллоҳу анҳу эри ғойиб бир аёлга одам юборди. У (эр) у(аёл)нинг олдига кириб турар эди ва буни инкор қиларди. Ўша аёлга одам юборди. Унга: «Умарга ижобат қил», дейилди.

Аёл: «Вой шўрим қурсин. Уни менда нима иши бор экан?» деди. Йўлда кетаётиб, қўрққанидан уни тўлғоқ тутиб қолди. Бир ҳовлига кириб, бола ташлади. Бола икки марта овоз чиқариб, вафот этди.

Умар Набий алайҳиссаломнинг саҳобаларига маслаҳат солди. Улардан баъзилари: «Сенда айб йўқ, сен далолат қилувчи ва одоб берувчисан», дедилар. Али жим ўтирар эди. У Алига қараб:

«Сен нима дейсан?» деди.

«Агар улар ўз фикрларини айтган бўлсалар, фикрлари хато. Агар сенга ёқиш учун айтган бўлсалар, сенга насиҳат қилишмаяпти. Менимча, сенга унинг хуни вожиб бўлади, чунки аёлни сен қўрқитдинг. У сен сабаб бола ташлаб қўйди», деди Али.

У Алига боланинг хунини Қурайшга тақсимлашни амр қилди. Яъни, унинг хуни Қурайшдан олинади. Чунки Умар хато қилган эди».

Бир одам бошқа бир одамни хато туфайли, бехосдан ўлдириб қўйса, шариат ҳукми бўйича ўлганнинг хунини ўлдирганнинг ота тараф қариндошлари тўлайдилар. Бу ҳолда ҳазрати Умар розияллоҳу анҳу боланинг ўлимига ўзлари билмаган ҳолда сабаб бўлганликлари учун унинг хунини у кишининг қариндошлари – Қурайш қабиласи тўлайдиган бўлмоқда.

🔗 https://islom.uz/maqola/22816

🕋 @islomuz

Islom.uz

26 Oct 2024 10:05

Малайзияда юртимиздаги диний-маърифий соҳадаги ислоҳотлар ҳақида маълумот берилди

Айни вақтда Ўзбекистон халқаро ислом академияси, Имом Мотуридий, Имом Бухорий халқаро илмий-тадқиқот маркази ва Ҳадис илми мактаби раҳбар ва ходимларидан иборат делегация Малайзия сафарида бўлиб турибди.

Делегация аъзолари Малайзия халқаро ислом университетига ташриф буюриб, университет фаолияти, жумладан, таълим тизими билан яқиндан танишдилар. Учрашув давомида университет талабалари иштирокида давра суҳбати ўтказилди.

Унда юртимизда амалга оширилаётган диний-маърифий соҳадаги ислоҳотлар, олий ва ўрта махсус диний таълим муассасаларининг фаолияти ҳақида маълумот берилди.

Малайзия халқаро университети томонидан Имом Бухорий ва Имом Мотуридий халқаро илмий-тадқиқот марказлари билан ҳамкорлик меморандумини имзолаш таклифи илгари сурилди.

🔗 https://islom.uz/maqola/22814

🕋 @islomuz

Islom.uz

25 Oct 2024 17:02

«Rizq» kitobi 5-son

📖 Mozin Abdulqodir Arnaut qalamiga mansub «Rizq» kitobi suxandon lafzida

🎙 Qamariddin Bekmuhammad o'qidi

📹 YouTube

🕋 @islomuz

Islom.uz

25 Oct 2024 13:28

Таъзия

«Hilol Nashr» нашриёт-матбааси ва Islom.uz портали жамоаси устоз Раҳматуллоҳ қори Обидовга ва «Юнусобод Оқтепа» жомеъ масжиди имом-хатиби Нуруллоҳ домла Обидовга Зубайда ҳожи онанинг вафотлари муносабати билан чуқур ва самимий таъзия изҳор этади.

Аллоҳ таоло марҳуманинг барча солиҳ амалларини ҳусни қабул айлаб, Ўз мағфиратига олсин, барча саҳву хатоларини кечирсин, раҳматига чулғасин, қабрларини жаннат боғчаларидан қилиб, охиратларини обод айласин! Барча мусибатзадаларга, хусусан, устоз Раҳматуллоҳ қори Обидов ва Нуруллоҳ домлага сабру салвон, қилган сабрларига Аллоҳ таолодан улкан ажр-мукофотлар сўраймиз.

Иннаа лиллааҳи ва иннаа илайҳи рожиъуун!

Жаноза намози 17:00 да Шайх Зайниддин жомеъ масжидида ўқилади.

🕋 @islomuz

Islom.uz

25 Oct 2024 11:56

Бу ҳақ мактабдир, ҳақни гапирувчи мактабдир

Мўмин-мусулмонларни зимдан бир неча тоифага ажратиб, шу тариқа умматнинг бирлигига рахна солинмоқда. Биз ҳозир бундай тоифаларнинг икки асосий белгисини айтиш билан кифояланамиз. Бу – таҳаллул ва ташаддуддир, яъни ўта енгил олиш ва ўта қаттиқ олиш. «Таҳаллул мактаби» динни енгил санаб, унга енгил-елпи амал қилишга чақиради. «Ташаддуд мактаби» эса ўта чуқур кетиб, қаттиқ ушлашни, мутаассибликни ёқлайди. Демак, уларнинг бири динда фақат осон йўлни, енгил йўлни танлашга чақирса, бошқаси фақат қаттиқ туриш тарафдори. Бу жуда чуқур ўйланган усул, чунки одамларнинг табиати шундай: бир тоифа енгилликни ёқтирса, иккинчиси қаттиқ туришни ёқлайди. Аммо учинчи йўл ҳам бор бўлиб, бугунги кунда мана шу уч мактаб, яъни уч йўналиш шаклланган. Ҳанафий фиқҳига кириш айнан шуни ўрганишдан бошланади. Мазкур уч йўналиш юқорида айтиб ўтилган «ташаддуд», яъни таассубона қаттиқ туриб олиш йўналиши, «таҳаллул», яъни енгил-елпи амални ёқлаш йўналиши ҳамда бу икки йўлнинг ўртаси – «тавассут», яъни мўътадиллик йўналишидир. Мазкур икки йўналиш мустамлакачилик таъсирида пайдо бўлган. Учинчи, мўътадил мактаб эса соф Исломни авлоддан авлодга етказиб келаётган мактабдир. Бу ҳақ мактабдир, ҳақни гапирувчи мактабдир.

🔗 https://islom.uz/maqola/22810

🕋 @islomuz

Islom.uz

25 Oct 2024 07:36

Тошкент ислом институтида тайёрлов курси ташкил этилди

2025–2026 ўқув йилида ўқишга кириш истагида бўлган абитуриентларнинг қабул имтиҳонларига пухта тайёрланишига кўмаклашиш мақсадида Тошкент ислом институтида тайёрлов курси ташкил этилди.

Тайёрлов курсига ўрта махсус ислом таълим муассасаларида ўқиётган ёки тамомлаган фуқаролар суҳбат асосида қабул қилинади.

Ҳужжатлар қабул қилиш давом этмоқда, шошилинг!

Давомийлиги: 9 ой

Тўлови: ҳар бир фан учун бир ойга 375 000 сўм

Тайёрлов курси фанлари:
Араб тили;
Фиқҳ;
Ақоид;
Ўзбекистон тарихи.

Зарур ҳужжатлар:
Ариза;
паспорт ёки ID карта нусхаси - асли кўрсатилади;
ўрта махсус ислом билим юрти дипломи нусхаси ёки ўқиётганлиги тўғрисида маълумотнома;
3,5х4,5 ҳажмдаги 4 дона фотосурат - сўнгги 3 ойда олинган.

Эслатма: Курсни тамомлаганлик ҳақидаги маълумотнома кириш имтиҳонларида имтиёз бермайди. Тингловчилар ётоқхона билан таъминланмайди.

+998712400115

📍Манзил: Тошкент, Зарқайнар 18-берк кўча, 47-уй

@islomuz

Islom.uz

24 Oct 2024 16:02

#янгилик #қуръони_карим

🎉 Тажвидли мусҳаф нашрдан чиқди!

✅ Ушбу нашрдаги ўрта ҳажмли тажвидли мусҳаф янада сифатли қилинди, яъни муқоваси чармлик, зарлари янада бўрттирилган ҳолда нашр қилинди.

Мусҳафни «Hilol Nashr» нашриётининг барча дўконларидан харид қилишингиз, hilol.uz саҳифамиздан буюртма беришингиз мумкин. 😊

👉 Нархи: 69 000 сўм

☎️ +998712175999

📥 Буюртма учун: @hilol_reception

🌐 Сайтдан буюртма беринг

📍 Манзилларимиз

🚚 Онлайн берилган буюртмалар Ўзбекистон бўйлаб етказиб берилади

@hilolnashr

Islom.uz

24 Oct 2024 13:52

Соғлом ва очкўз бўлатуриб...

Бир киши Расулуллоҳ соллаллоҳу алайҳи васалламнинг ҳузурларига келиб сўради:

- Эй Аллоҳнинг Расули, қайси садақанинг савоби кўп?

Расулуллоҳ соллаллоҳу алайҳи васаллам дедилар: - Сен соғлом ва очкўз ҳолингда, фақирликдан қўрқиб, бойликни умид қилиб туриб берган садақангнинг савоби кўпдир. Жонинг ҳалқумингга келгунича кечиктириб, кейин: «Бу фалончига, бу пистончига» деб юрма! Ўшанда сен айтмасанг-да, фалончиники бўлган бўлади!

Инсон соғлом пайтида ибодатга тўйиб олиши лозим. Кун келиб, ибодат қила олмай қолиши мумкин.

🔗 Тўлиқ ўқиш: https://islom.uz/maqola/22806

🕋 @islomuz

Islom.uz

24 Oct 2024 11:31

Мусулмон умматига ихтилоф ва тафриқа солаётганлар

Мустабид коммунистик тузум динга қарши курашиб, миллионлаб одамларнинг ҳаётини пароканда қилгани барчамизга маълум. Аммо даҳшатли аҳволга тушиб қолгач, ноилож динга қайтишга, оилавий ҳаётда, иқтисодий турмушда маълум бир низомларга амал қилишга мажбур бўлди.

Олдимизда икки йўл бор: ё динни инкор қилиш, ё динга эргашиш. Динни инкор қилган давлатлар қадимда ҳам бўлган, ҳозир ҳам бор. Бунинг натижасида улар қандай қийинчилик ва муаммоларга дуч келгани барчамизга маълум.

Шу боис динга жуда катта эҳтиёж бор. Аллоҳга иймон келтиришдан, динга эътиқод қилишдан бошқа чора йўқ! Инсоният динга ниҳоятда муҳтож ва ундан ҳеч қачон беҳожат бўлмайди. Динсиз жамиятда, давлатда, оилада ва шахсда катта машаққатлар, улкан муаммолар юзага келади.

🔗 Тўлиқ ўқиш: https://islom.uz/maqola/22804

🕋 @islomuz

Islom.uz

24 Oct 2024 06:05

Илоҳий дийдордан маҳрум бўлишни ўйлаш

Ўн еттинчи чора:

Нафсни жазолаш. Ҳазрати Ашраф Али Таҳановий раҳматуллоҳи алайҳ шундай дер эдилар: «Бадназарлик учун йигирма ракат нафл намоз ўқиш жазосини тайин қилиб қўйсин. Бир-икки кунда бу жазога чидай олмай нафс чинқириб юборади ва бадназарликдан воз кечади. Шайтон ҳам шундай дейди: «Бу шахс битта бадназарлик учун йигирма марта сажда қиляпти яна унинг гуноҳлари яхшиликларга алмаштириб қўйилмасин. Менинг бутун умр қилган меҳнатим зое бўлиб кетади. Демак, уни бадназарликка ундамаслик лозим».

Ўн саккизинчи чора:

Илоҳий дийдордан маҳрум бўлишни ўйлаш.

🔗 Тўлиқ ўқиш: https://islom.uz/maqola/22801

🕋 @islomuz

Islom.uz

23 Oct 2024 14:01

Расулуллоҳ соллаллоҳу алайҳи васалламга салавот айтишнинг сифати

Расулуллоҳ соллаллоҳу алайҳи васалламга қандай саловот айтилиши ҳақида «Намоз зикрлари» китобида айтиб ўтдик. Аммо Ибн Абу Зайд Моликий ва у кабилар ана шу саловотга «Варҳам Муҳаммадан ва ола Муҳаммад» (Муҳаммадга ва у зотнинг оилаларига раҳм қил), каби асли йўқ, бидъат сўзларни киритишган. Имом Абу Бакр Арабий «Термизийга шарҳ» номли китобларида Ибн Абу Зайд айтган гап хатолигини ва унга амал қилиш жоҳиллик эканини зикр этганлар. Чунки Набий соллаллоҳу алайҳи васаллам саловот қандай айтилишини саҳиҳ ҳадисларида кўрсатиб қўйганлар. Энди бунга зиёда қилиш Расулуллоҳ соллаллоҳу алайҳи васалламни камчиликда айблаш ва айтганларига тўлдириш бўлади.

🔗 https://islom.uz/maqola/22800

🕋 @islomuz

Islom.uz

28 Oct 2024 06:47

Асабалар ва уларнинг турлари

«Асаба» сўзининг таърифи
Асабаларнинг мерос олишдаги далили
Насабий асабанинг турлари
«Асаба бин-нафс»
Асабалар кўп бўлганда устун қўйиш усули
Нима учун ўғил отадан устун қўйилади?
Асаба бил-ғойрнинг ҳукми ва шартлари
Асаба маъал-ғойр ва унинг меросдаги далиллари
Асаба бил-ғойр билан асаба маъал-ғойрнинг фарқи
Икки сабабдан мерос олиш

Араблар «асаба» деб бошни ўраб турадиган боғични айтишади. Истилоҳда эса бу сўз кишининг ота тараф қариндошларини англатади, чунки улар ҳам отанинг атрофини ўраб туради. Бу сўзнинг асли араб тилидаги عَصَّبَ الْقَوْمُ بِالرَّجُلِ, яъни «Одамлар бир кишининг атрофида тўпланиб, ҳимоя ва мудофаа қилиш учун уни ўраб олишди», деган жумладан олинган. Кучли жамоани ҳам عُصْبَة» » («усба») калимаси қўлланилади.

🔗 Тўлиқ ўқиш: https://islom.uz/maqola/22824

🕋 @islomuz

Islom.uz

27 Oct 2024 13:02

Қабрларга нисбатан наҳий қилинган ишлар

عَنْ جَابِرٍ رَضِي اللهُ عَنْهُ قَالَ: نَهَى رَسُولُ اللهِ صَلَّى اللهُ عَلَيْهِ وَسَلَّمَ أَنْ يُجَصَّصَ الْقَبْرُ، وَأَنْ يُقْعَدَ عَلَيْهِ، وَأَنْ يُبْنَى عَلَيْهِ. رَوَاهُ الْخَمْسَةُ إِلَّا الْبُخَارِيَّ. وَلَفْظُ التِّرْمِذِيِّ: نَهَى النَّبِيُّ صَلَّى اللهُ عَلَيْهِ وَسَلَّمَ أَنْ تُجَصَّصَ الْقُبُورُ، وَأَنْ يُكْتَبَ عَلَيْهَا، وَأَنْ يُبْنَى عَلَيْهَا، وَأَنْ تُوطَأَ.

Жобир розияллоҳу анҳудан ривоят қилинади:

«Расулуллоҳ соллаллоҳу алайҳи васаллам қабрни бўр билан сувашни, унинг устига ўтиришни ва унинг устига бино қуришни наҳий қилганлар».

Бешовларидан фақат Бухорий ривоят қилмаган.

Термизийнинг лафзида:

«Набий соллаллоҳу алайҳи васаллам қабрларнинг бўр билан сувалишидан, уларнинг устига ёзилишидан, уларнинг устига бино қурилишидан ва босилишидан қайтарганлар», дейилган.

Шарҳ: Фақат Имом Шофеъий қабрни лой билан суваб қўйишга рухсат берганлар.

🔗 Тўлиқ ўқиш: https://islom.uz/maqola/22823

🕋 @islomuz

Islom.uz

27 Oct 2024 10:59

Таъзия

«Чор Бакр» жомеъ масжиди имом-хатиби, устоз Азизхўжа домла Бухорийга волидаи муҳтарамалари вафоти муносабати билан устознинг барча оила аъзоларига, қариндош-уруғларига, яқинларига, шогирдларига чуқур ва самимий таъзия изҳор этамиз.

Аллоҳ таоло марҳуманинг бу дунёда қилган барча солиҳ амалларининг ажрини зиёдаси билан бериб, иймонларини саломат қилсин, Ўз мағфиратига олсин, барча саҳву хатоларини кечирсин, раҳматига чулғасин, қабрларини жаннат боғчаларидан қилиб, охиратларини обод айласин, жаннатнинг олий даражаларига етказсин.

Иннаа лиллааҳи ва иннаа илайҳи рожиъуун!

Жаноза намози соат 17:00 да ўқилади.

📍 Локация

«Hilol Nashr» нашриёт-матбааси ва Islom.uz портали жамоаси

@islomuz & @hilolnashr

Islom.uz

27 Oct 2024 07:32

Бир ниҳoл

Юртдошим, боғингга бир ниҳол қада,
Бу ниҳол номини Яхшилик ата,

Ниҳолинг ёнига бир гул экиб қўй,
У гулнинг исмини Гўзаллик деб қўй.

Гулу ниҳолингга бахш этиб ҳаёт,
Сув бер ва бу сувга Меҳр деб қўй от.

Сендан фарзандингга боғ қолсин, эй дўст,
Боғинг Ватан деган ном олсин, эй дўст.

🔗 Тўлиқ ўқиш: https://islom.uz/maqola/22818

🕋 @islomuz

Islom.uz

26 Oct 2024 11:02

Тафтиш маҳкамаси қийноқлари

Инквизициянинг қийноқлари турли-туман бўлиб, инквизиторларнинг шавқатсизлиги ва қийнов услублари борасидаги топағонлиги одамни ҳайратда қолдиради. Ўрта асрларга мансуб баъзи бир қийноқ анжомлар бизнинг давримизгача ҳам сақланиб келган. Бироқ уларни кўпчилиги, ҳатто музей экспонатлари ҳам манбаларда келтирилган васфларга асосан қайта тикланган. Баъзи бир машҳур қийноқ ускуналарнинг таърифини диққатингизга ҳавола қиламиз.

«Сўроқ курсиси» Марказий Европада қўлланилган. Нюрнберн ва Фегенсбургда 1846 йилгача доимий равишда дастлабки терговлар уни қўллаш ила ўтказилиб турилган. Яланғоч маҳбус курсига шундай тарзда ўтқизилардики, салгина ҳаракатга келиши биланоқ терисига темир михлар санчилар эди. Ўлим талвасасига тушган қурбоннинг азобларини жаллодлар кўпинча курси ўтирғичи остидан ўт ёқиб кучайтиришарди. Темир курси тезда қизиб, қаттиқ куйишларга сабаб бўларди. Оташкурак ва бошқа қийноқ анжомлари қурбоннинг қўл-оёқларига суқиларди. Бу каби курсилар турли хил шаклда ва ўлчамда бўлар, бироқ барчасида темир михлар ва қурбонни ҳаракатсизлантирувчи воситалар билан жиҳозланган бўларди.

🔗 Тўлиқ ўқиш: https://islom.uz/maqola/22815

🕋 @islomuz

Islom.uz

26 Oct 2024 08:16

Яхшидир аччиқ ҳақиқат

Яхшидир аччиқ ҳақиқат,

Лек ширин ёлғон ёмон,

Ул ширин ёлғонга мендек

Алданиб қолғон ёмон.

Умримиз алдоқ жаҳонда

Алданиб ўтгай, ва лек

Сўнгги қийналғон ёмондир,

Сўнгги қийналғон ёмон.

Айтгали аччиқ азобинг

Бўлса дилдош яхшидир,

Сўз демай ўтли аламни

Жонингга солғон ёмон.

Жонга солғон ҳам на создир,

Элга сўйлаб мен каби

Шоири девонаи ишқ

Номини олғон ёмон.

Гар қилич келса бошингга,

Қўрқма, Эркин, ростни айт,

Яхшидир аччиқ ҳақиқат,

Лек ширин ёлғон ёмон.

🔗 Тўлиқ ўқиш: https://islom.uz/maqola/22813

🕋 @islomuz

Islom.uz

25 Oct 2024 13:40

Набий ва Расул бўлган зотга салавот

اللَّهُمَّ صَلِّ عَلَى سَيِّدِنَا مُحَمَّدٍ عَبْدِكَ وَ نَبِيِّكَ وَ حَبِيبكَ وَ رَسُولِكَ النَّبِيِّ الْأُمِّيِّ وَعَلَى آلِهِ وَصَحْبِهِ وَسَلَّمْ

Аллоҳумма солли ъала саййидина Муҳаммадин ъабдика ва набиййика ва ҳабибика ва Расуликан Набиййил уммиййи ва ъала алиҳи ва соҳбиҳи ва саллим («Ал-адъийатул-воридату фил-аятил каримати вал-аҳадисиш шарифаҳ», 61-с).

Маъноси: Аллоҳим! Бизнинг саййидимиз, Сенинг банданг, пайғамбаринг, ҳабибинг ва уммий набий бўлмиш Расулинг ҳазрати Муҳаммадга ва ул зотнинг оилалари (аҳли)га ва саҳобаларига салоту салом ёғдир!

«Расулиҳин набиййил умиййи...» («Унинг уммий Пайғамбари бўлган Расулига») деган ибора Қуръони Каримнинг Аъроф сураси, 158-оятида, яна Анкабут сураси, 48-оятида келган. Бу салавот жуда савобли салавотлардан ҳисобланади.

Ориф Абул Аббос ал-Марисийдан нақл қилинади: «Ким бу салавотни бир кеча-кундузда беш юз марта ўқишда бардавом бўлса, тушида ҳазрати Пайғамбар соллаллоҳу алайҳи васалламни кўрмагунича вафот этмайди.

🔗 https://islom.uz/maqola/22811

🕋 @islomuz

Islom.uz

25 Oct 2024 13:02

Balad surasi bilan qisqacha tanishuv

Yaqinlaringizga ham ulashing!

🕋 @islomuz

Islom.uz

25 Oct 2024 08:15

Хатибнинг минбарда ўтириши

Абу Саъид розияллоҳу анҳудан ривоят қилинади:

«Набий соллаллоҳу алайҳи васаллам бир куни минбарга ўтирдилар, биз у зотнинг атрофларига ўтирдик».
Икки шайх ривоят қилишган.

🔗 https://islom.uz/maqola/20829

🕋 @islomuz

Islom.uz

24 Oct 2024 20:18

Туркиялик хаттотнинг Эрдўғон учун кўчирган мусҳаф нусхаси Тошкентда намойиш қилинди

Ўзбекистонда маданий мерос ҳафталиги доирасида 19 октябрь куни Истанбуллик машҳур хаттот ва исломшунос Ҳусайн Кутлу ҳам юртимизга келди.

Ҳусайн Кутлу замонавий турк хаттотлик мактабининг энг таниқли вакилларидан бири. У 1949 йилда Туркиянинг Коня вилоятида туғилган. 1966-1967 йилларда Коня имом хатиблар мактабида, кейинчалик Истанбул университети Адабиёт факультетида таҳсил олди. Ўша пайтларда хаттотликка меҳр қўйди ва шу соҳаниг етук мутахассисига айланди. Истанбулдаги қатор масжидларда имомлик қилди. Шу билан бирга ўзининг хаттотлик мактабини яратиб, қатор ёшларга шу соҳа сирларини ўргатди.

Айни пайтда Ҳусайн Кутлу Истанбул шаҳридаги ўзига қарашли бўлган Ислом цивилизацияси боғида истиқомат қилади. Бу боғни у шахсий ташаббуси ва Туркия Президенти Режеп Таййип Эрдоғаннинг кўмагида яратган. Боғ тасаввуф ва тариқат йўналишида барпо этилган бўлиб, рамзий ишораларни ўз ичида олади. Боғда ислом динининг муқаддасотларини тамсил этувчи дарахтлар экилган. Шунингдек бу боғда шифобахш гиёҳлар етиштирилади. Фариддин Атторнинг “Мантиқ ут-тайр” асарида номи зикр қилинган қушлар ҳам шу ерда сақланади.

🔗 Тўлиқ ўқиш: https://islom.uz/maqola/22808

🕋 @islomuz

Islom.uz

24 Oct 2024 14:09

Ўзбекистон Республикаси Президенти Шавкат Мирзиёевнинг «БРИКС плюс» форматидаги саммитда сўзлаган нутқи

Ҳурматли делегациялар раҳбарлари!

Россия Федерацияси Президенти ҳурматли Владимир Владимирович Путин Жанобларига анъанавий самимий қабул ва Шарқ ва Ғарб маданиятлари уйғунлашган ва минг йиллик тарихга эга бўлган қадимий Қозон шаҳрида тадбиримизни юксак даражада ташкил этгани учун билдирилган миннатдорлик сўзларига қўшиламан.

Ҳурматли ҳамкасбларимнинг нутқлари глобал ривожланишнинг долзарб масалаларида кенг мулоқот ва очиқ муҳокамалар учун “БРИКС плюс” форматидаги учрашувлар муҳим эканини тасдиқламоқда.

Афсуски, бугунги кунда дунё жадал бўлиниб бормоқда. Инсонларга улкан азоб-уқубатлар, оғир изтироб ва ўрнини тўлдириб бўлмайдиган йўқотишлар келтираётган уруш ва можаролар сони ортмоқда.

Жаҳон иқтисодиёти ва савдосининг парчаланиб бораётгани тенгсизлик, технологик узилишлар ва протекционизмни кучайтирмоқда. Мамлакатлар ўртасида янги тўсиқлар вужудга келмоқда.

🔗 Тўлиқ ўқиш: https://islom.uz/maqola/22807

🕋 @islomuz

Islom.uz

24 Oct 2024 12:39

Мадина уй-жой қўмитаси 2025 йил ҳаж мавсуми учун рухсатномаларни қабул қилишни бошлади

Мадинадаги ҳаж уй-жой қўмитаси ҳаж учун уй-жой рухсатнома аризаларни ҳижрий 1446 йил ражаб ойи охиригача қабул қилишини маълум қилди. Бу ҳақда theislamicinformation.com сайти хабар беради.

Ҳаж уй-жой қўмитаси ариза берувчиларга аризаларини топширишдан олдин барча талаб қилинадиган шартларни бажариш кераклигини эслатиб ўтади.

Зиёратчиларни турар жой билан таъминлаш истагида бўлган мулк эгалари ва инвесторлар зарур меъёрий талабларга жавоб бериши учун ўз аризаларини зудлик билан топширишлари тавсия этилади.

Қўмита ҳаж мавсумида уй-жой билан таъминлаш жараёнини муаммосиз ва уюшқоқлик билан ўтказиш кераклигини ҳамда белгиланган кўрсатмаларга риоя қилиш муҳимлигини таъкидлади.

Рухсатномалар онлайн портал орқали кўриб чиқилмоқда. Қизиқувчилар қуйидаги ҳавола орқали мурожаат қилишлари мумкин: Ҳажга уй-жой олиш учун ариза.

🔗 https://islom.uz/maqola/22805

🕋 @islomuz

Islom.uz

24 Oct 2024 08:21

Ўзбекистон ва Афғонистон Мозори Шарифда Имом ал-Бухорий номидаги мадрасани қуриш масаласини муҳокама қилди

Афғонистон томони Ўзбекистон раҳбариятига Афғонистонга кўрсатилаётган доимий ёрдам ва қўллаб-қувватлов учун ташаккур изҳор этди.

Мамлакатимиз элчихонаси кўмагида Ўзбекистон Қурилиш ва уй-жой коммунал хизмат кўрсатиш вазирлиги ҳамда Афғонистон Шаҳарсозлик вазирлиги мутасаддилари ўртасида видеоконференцалоқа форматида музокаралар ташкил этилди. Бу ҳақда dunyo.info нашри хабар берди.

Учрашувда Афғонистон томонидан, шунингдек, Балх вилояти маъмурияти, Ташқи ишлар вазирлиги бўлими, вилоят ҳудудий шаҳарсозлик бошқармаси раҳбарияти ва вакиллари қатнашди.

Томонлар ҳамкорликнинг истиқболли йўналишлари бўйича амалий фикр алмашдилар. Мозори Шариф шаҳрида «Имом ал-Бухорий» номидаги мадрасани қуриш ишларига эътибор қаратилди.

Мазкур мадрасанинг Ўзбекистон томонидан бунёд этилиши тили ва анъаналари, маънавий қадриятлари ва маданиятлари ўхшаш бўлган халқларимизни янада яқинлаштиришга хизмат қилиши таъкидланди.

🔗 https://islom.uz/maqola/22803

🕋 @islomuz

Islom.uz

23 Oct 2024 17:02

Yosh hayvonlardan zakot berish haqida 2-qism  

Hidoya 106-son

«Zakot» so‘zi lug‘atda «poklik» va «o‘sish» degan ma’nolarni anglatadi. Zakot bergan kishining moli poklanadi. Qachon zakotini bersa, poklanadi, bo‘lmasa yo‘q. Zakoti berilgan molga baraka kiradi, ko‘payib, o‘sadi.

Shar’iy istilohda «Zakot – maxsus moldan maxsus juzni maxsus shaxsga Allohning roziligi uchun shariatda tayin qilingandek mulk qilib berishdir».

Muallif: Burhoniddin Marg‘inoniy

Ustoz: A’zamjon domla Qambarov

Hidoya sharh bidoyatil-mubtadi

☺️☺️☺️☺️☺️

🔗 Premyera

🕋 @islomuz

Islom.uz

23 Oct 2024 12:05

Намозни муҳофаза қилиш муҳимлиги

Абу Қатода Ансорий розияллоҳу анҳудан ривоят қилинади:

«Расулуллоҳ соллаллоҳу алайҳи васаллам бизга хутба қилиб, «Сизлар кечқурунлари ва кечалари юриб бориб, иншоаллоҳ, эртага сувга етасизлар», дедилар. Одамлар бир-бирларига қарамай ҳам юриб кетишди. «Расулуллоҳ соллаллоҳу алайҳи васаллам ярим кеча бўлгунча юрдилар. Мен ёнларида эдим. Расулуллоҳ соллаллоҳу алайҳи васалламни мудроқ босиб, уловларида қийшайиб қолдилар. Мен яқинларига бориб, уйғотмасдан тўғрилаб қўйдим. У зот уловлари устида адл турдилар. Кейин кечанинг кўпи ўтгунча юрдилар. Шунда яна уловларида қийшайиб қолдилар. Уйғотмасдан тўғрилаб қўйдим. У зот уловлари устида адл турдилар. Сўнгра юриб бориб, саҳарнинг охирига етганларида, аввалги икки қийшайишдан ҳам кўпроқ қийшайдилар. Ҳатто йиқилай деб қолдилар. Мен бориб, у зотни тўғрилаб қўйдим. Шунда у зот бошларини кўтардилар ва: «Ким бу?» дедилар. «Абу Қатода», дедим. «Мен билан қачондан бери шу юришингдасан?» дедилар. «Ушбу кеча юришим холос», дедим. «Набийини муҳофаза қилганинг учун Аллоҳ сени муҳофаза қилсин», дедилар. Кейин: «Сенингча, одамлардан қолиб кетдикми?» дедилар. Сўнгра: «Бирортани кўряпсанми?» дедилар. «Анави отлиқни», дедим. Кейин: «Манави бошқа отлиқни ҳам», дедим. Охири ҳаммамиз жам бўлдик. Етти отлиқ эдик.

🔗 Тўлиқ ўқиш: https://islom.uz/maqola/22799

🕋 @islomuz