Islom.uz

04 Nov 2024 17:59

Ўзбекистон делегацияси глобал саммитда иштирок этади

2024 йил 5-6 ноябрь кунлари Озарбайжонда БМТнинг иқлим ўзгариши конференцияси (UNFCCC COP29) доирасида “Бутунжаҳон диний етакчилар глобал саммити” бўлиб ўтади.

Мазкур нуфузли тадбирда дунёнинг 300 га яқин ҳукумат вакиллари, халқаро ташкилотлар раҳбарлари, таниқли диний етакчилар, олимлар ва экспертлар қаторида юртимиздан Ўзбекистон Республикаси Президенти маслаҳатчиси Музаффар Комилов, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Дин ишлари бўйича қўмита раисининг биринчи ўринбосари Даврон Махсудов иштирок этади.

Сафар жараёнлари, саммитда муҳокама этилган мавзулар ҳақидаги сўнгги маълумотлар сайт ва ижтимоий тармоқларимиз орқали ёритиб борилади.

🔗 https://islom.uz/maqola/22857

🕋 @islomuz

Islom.uz

04 Nov 2024 13:04

Хушбўйланиш

Хушбўйлик кишига завқ беради, очиқ табиатлилик, қувонч келтиради. Хушбўйлик инсон табиатига ижобий таъсир этадиган нарсадир.

Исломда ҳар бир нарсанинг хушбўй бўлишига катта эътибор берилади, қўланса ҳидни йўқотишга ҳаракат қилинади. Чунки бу барча Пайғамбар алайҳиссаломларнинг, жумладан, Муҳаммад соллаллоҳу алайҳи васалламнинг суннатларидир.

🔗 Тўлиқ ўқиш: https://islom.uz/maqola/22855

🕋 @islomuz

Islom.uz

04 Nov 2024 10:20

Фитначиларнинг хуружи

Фитнабошилар Мадинадан қайтиб боришлари билан халифага қарши чиқишга махфий равишда тайёргарликни бошлаб юборишди. Улар ўзаро мактуб ёзишиб, ўзларини ҳажга бораётган қилиб кўрсатиб, Мадинада учрашишга ва ўша ерда режаларини амалга оширишга келишиб олишди.

Мисрликлар тўрт гуруҳ бўлиб чиқишди. Уларнинг тўрт амири бор, сонлари эса минг киши атрофида эди. Уларнинг бош амири Ғофиқий ибн Ҳарб эди. Улар одамларга урушга кетаётганларини айтишга журъат қилолмай, ўзларини ҳажга кетаётган қилиб кўрсатишди. Фитнабоши яҳудий Абдуллоҳ ибн Сабаъ ҳам улар билан бирга эди.

🔗 Тўлиқ ўқиш: https://islom.uz/maqola/22853

🕋 @islomuz

Islom.uz

03 Nov 2024 11:19

Исломнинг қоидаси

Ҳузайфа розияллоҳу анҳу Ноҳаванд фатҳидан қайтиб келаётиб, Ҳамадон аҳлининг сулҳни бузганликлари ҳақидаги хабарни эшитди. У киши бу кўнгилсиз хабарни ҳазрати Умар розияллоҳу анҳуга етказди.

Умар ибн Хаттоб розияллоҳу анҳу у томонга Нуъайм ибн Муқарринни юборишни амр қилдилар. У йўлидан қайтиб, Ҳамадон томон юрди. Ҳамма тарафни эгаллаб, шаҳарни қамал қилди. Душман сулҳ талаб қилди. Улар билан жизяга сулҳ тузилди. Сўнгра Нуъайм ибн Муқаррин Вожрўзда дайлимликлар, озарбайжонликлар ва райликларнинг қўшма лашкарини мағлуб қилди ва Умар розияллоҳу анҳуга хабар юборди. Умар розияллоҳу анҳу уни Рай томон юришга амр қилдилар.

🔗 Тўлиқ ўқиш: https://islom.uz/maqola/22851

🕋 @islomuz

Islom.uz

02 Nov 2024 10:11

Имом Маҳдий ер юзини адолат ва инсофга тўлдиради

Имом Маҳдий розияллоҳу анҳу ҳақларида, айниқса, у кишининг охирзамонда чиқишлари борасида мусулмон уламолар орасида қадимдан кўпгина баҳслар ўтган, бу баҳсларнинг натижаси турлича бўлиб чиққан.

Шиа мазҳабидагилар Имом Маҳдийни «Маҳдий мунтазар», яъни интизор бўлиб турилган Маҳдий дейишади.

Аҳли сунна вал жамоа мазҳаби уламолари бу масалада ўзаро алоҳида баҳс юритганлар. Баъзи уламолар «Бу борада келган барча ҳадислар заифдир», деганлар. Бундай деганлар озчилик бўлиб, уларнинг энг кўзга кўрингани Ибн Халдундир.

🔗 Тўлиқ ўқиш: https://islom.uz/maqola/22849

🕋 @islomuz

Islom.uz

01 Nov 2024 14:03

Folbinlik

Shayx Muhammad Sodiq Muhammad Yusuf rahimahulloh

🕋@islomuz

Islom.uz

01 Nov 2024 12:03

Бу уммат залолат ва ботил узра жам бўлмайди

Сиз мендан бирон нарса ҳақида: «Бу ҳақми ёки ботилми?» деб сўрасангиз, мен шахсий фикримдан келиб чиқиб жавоб бермайман. Бу масалада менинг шахсий фикримнинг ҳеч қандай қиймати йўқ!

Уммат шу ўн тўрт аср давомида қайси йўлни эътиборли санаб, унга суянган ва шу йўлда юриб келган? Ана шу йўл ҳақ йўлдир, чунки ҳадисда айтилганидек, бу уммат залолатда жам бўлмайди. Диннинг сақланиб келаётгани ҳам бу уммат юрган йўлнинг тўғри бўлишини тақозо этади. Бизнинг энг афзал уммат эканимиз ҳам ҳақлигимизга далолат қилади. Бу уммат аъзолари бу йўлдан якка-якка эмас, балки якдил бўлиб юрди, турли юртлардаги аксар уламолар барча замонларда шу йўлдан юришга иттифоқ қилиб келишди. Демак, ҳақ йўл фақат шудир.

Демак, юрадиган йўлимиздаги, илмни ўрганиш ва ўргатишдаги асосимиз тарихда бутун умматнинг юрган йўли, ижмоъси ва манҳажи бўлиши керак, чунки бу уммат залолат ва ботил узра жам бўлмайди. Биз айтмоқчи бўлган қоида мана шу эди. Бу борадаги далиллар ҳақида, ижмоънинг ҳужжатлиги ҳақида кўпроқ маълумот олишни истаганлар фиқҳ китобларига мурожаат қилишлари мумкин.

🔗 https://islom.uz/maqola/22844

🕋 @islomuz

Islom.uz

01 Nov 2024 05:35

Минбарга чиққанда салом бериш ва хутба вақтида ортиқча ҳаракат қилмаслик

عَنْ جَابِرٍ رَضِي اللهُ عَنْهُ قَالَ: كَانَ النَّبِيُّ صَلَّى اللهُ عَلَيْهِ وَسَلَّمَ إِذَا صَعِدَ الْمِنْبَرَ سَلَّمَ. رَوَاهُ ابْنُ مَاجَهْ وَالشَّافِعِيُّ.

Жобир розияллоҳу анҳудан ривоят қилинади:

«Набий соллаллоҳу алайҳи васаллам қачон минбарга чиқсалар, салом берар эдилар».

Ибн Можа ва Шофеъий ривоят қилишган.

🔗 Тўлиқ ўқиш: https://islom.uz/maqola/22842

🕋 @islomuz

Islom.uz

31 Oct 2024 14:02

Gʻaybga iymon keltirish

Shayx Muhammad Sodiq Muhammad Yusuf rahimahulloh

🕋@islomuz

Islom.uz

31 Oct 2024 09:49

Набавий мўъжиза : Таомни бошқалар билан баҳам кўриш

Пайғамбаримиз соллаллоҳу алайҳи васаллам айтганларининг ҳаммасини илм тасдиқлади ва бугун олимлар у зотнинг таомни бўлишишга чақирувларини такрорламоқдалар.

Британияда ўтказилган янги тадқиқотда (Чиқиндилар ва Ресурслар Ҳаракати Дастури деб номланган Британия нодавлат ташкилоти томонидан олиб борилган) одамлар сотиб олган озиқ-овқатнинг учдан бир қисми ахлат қутисига ташлаб юборилар экан. Британиянинг Тессо компанияси каби энг йирик ресторанлар тармоғидан иборат бўлган компанияда ҳар йили 60 000 тонна овқат исроф қилинар экан.

🔗 Тўлиқ ўқиш: https://islom.uz/maqola/22836

🕋 @islomuz

Islom.uz

30 Oct 2024 14:02

Allohning insoniyatga eng goʻzal tortigʻi

Shayx Muhammad Sodiq Muhammad Yusuf rahimahulloh

🕋@islomuz

Islom.uz

30 Oct 2024 09:46

Фаррошнинг қизи

«Лайлак» истилоҳининг ишлатилишини 16 асрнинг иккинчи ярмидан тақрибан 1650 йилгача бўлган дарвдаги Рим маҳкамасининг муқаддас инквизициясига тааллуқли деб билишади. Л. А. Муратори томонидан ўзининг «Италия солномаси» (1749) номли китобида ҳам ушбу қийноқ анжомига шу ном берилган. «Фаррошнинг қизи» деган ғалати номнинг келиб чиқиши ноаниқ, лекин бу ном шунга ўхшаш Лондон Тауэридаги мосламага нисбатан берилган. Номи қаердан келиб чиққан бўлмасин, бу анжом Инквизиция давриларида қўлланилган, зўрлаб азоблаш тизимларининг хилма-хиллигининг ажойиб намунасидир.

Қурбоннинг ҳолати пухталик билан ўйлаб кўрилган. Ушбу ҳолат, атиги бир неча дақиқада қорин ва анус атрофидаги мушакларнинг ўта қаттиқ кучланишига олиб келарди. Кейин кўкрак, бўйин, қўл ва оёқлар атрофига тарқалиб, айниқса, толиқиш бошланган жойларда кучаярди. Бир қанча вақт ўтгандан кейин «Лайлак»га боғланган, оддий азобни бошдан кечираётган одам тўлақонли ақлдан озиш ҳолатига келарди. Кўпинча, бу даҳшатли ҳолатда турган қурбонни қўшимча тариқасида қиздирилган темир ва яна бошқа усуллар билан қийнашар эди. Қурбоннинг баданига ботган темир кишанлар сабабли қорасонга, айрим ҳолатларда эса ўлимга ҳам олиб келар эди.

🔗 https://islom.uz/maqola/22833

🕋 @islomuz

Islom.uz

29 Oct 2024 12:05

«Умра» масжиди

Умр давомида энг камида бир марта умра ибодатини адо этиш суннати муаккада ҳисобланади. Умра ибодатини йилнинг хоҳлаган вақтида адо этиш мумкин. Яъни, умра қилиш учун айнан бирор вақт тайин қилинмаган.

Ҳижрий тўққизинчи ҳажжатул вадоъ йилида уммул мўминин Оиша розияллоҳу анҳо онамиз Танъимда умрани ният қилиб эҳромга кирганлар. «Танъим» шу жойдаги ноим ва наъийм номли икки тоғга нисбатан айтилган. Бу жойнинг бошқа бир номи «Умра» масжиди ёки «Масжиди уммул мўминин – Оиша розияллоҳу анҳо» масжиди деб ҳам аталади.

Ушбу масжид Масжидул-Ҳарамни шимол томонида бўлиб, Маккадан Мадина томонга 7,5 км узоқликда жойлашган. Мана шунинг ўрни ҳарамнинг чегарасидаги ўринга яқинроқдир.

Ушбу масжиднинг орқа томонида ёмғир сувлари билан тўлиб турадиган ҳовуз ҳам бўлган.

Масжиднинг кўриниб турган ушбу иморати тахминан ҳижрий ўн биринчи асрга бориб тақалади.

Бугунги кунда ушбу масжид гўзал бир кўринишда бино қилинган.

🔗 https://islom.uz/maqola/22831

🕋 @islomuz

Islom.uz

28 Oct 2024 18:36

Ўзбекистон уламолари Афғонистонда самарали учрашувлар ўтказди

Шу йилнинг 23-26 октябрь кунлари Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчилигидаги делегация Афғонистонда хизмат сафарида бўлди.

Ўзбекистон делегацияси Афғонистон Бош вазири ўринбосари Абдулсалом Ҳанафий, Иршод, ҳаж ва вақф ишлари вазири Нур Муҳаммад Сақиб, Олий таълим вазири Неда Муҳаммад Надим, Балҳ вилояти ҳокими ўринбосари Абдулходи Абу Идрис ва Кобул уламолар кенгаши раиси Муҳаммад Руҳоний кабилар билан мулоқот ўтказди.

Учрашувларда томонлар сўнгги йилларда икки давлат ўртасидаги алоқалар ривожланиб бораётгани, турли йўналишлардаги ҳамкорлик муносабатлари, яқин қўшничилик ва дўстлик алоқалари мустаҳкамланаётганини таъкидладилар.

🔗 Тўлиқ ўқиш: https://islom.uz/maqola/22829

🕋 @islomuz

Islom.uz

28 Oct 2024 12:02

Ота-онага тик қарамаслик

عَنْ عُبَيْدِ اللهِ بْنِ الْوَلِيدِ الْوَصَّافِيِّ قَالَ: سَمِعْتُ عَطَاءً يَقُولُ فِيهَا: لَا تَرْفَعْ يَدَكَ عَلَيْهِمَا.

Убайдуллоҳ ибн Валид Вассофийдан ривоят қилинади:

«Атонинг ўша оят ҳақида «Икковларига қўл кўтарма», деганини эшитдим».

Шарҳ: Бу ривоятда Аллоҳ таолонинг «Икковларига меҳрибонлик ила хокисорлик қанотингни пастлат», деган ояти ҳақида сўз бормоқда.

Бизда «қўл кўтариш» деган бирикма «уриш» маъносида ишлатилади. Аммо бу ривоятда мазкур салбий маъно эмас, гаплашаётганда ишора учун қўлни кўтармаслик кўзда тутилган. Шунинг учун ҳам имом Жалолиддин Суютийнинг «Дуррул Мансур» номли тафсирида ушбу ривоятга «қачон икковлари билан гаплашсанг» деган қўшимча зиёда қилинган экан.

🔗 Тўлиқ ўқиш: https://islom.uz/maqola/22826

🕋 @islomuz

Islom.uz

04 Nov 2024 14:02

Folbinga borishdan qaytarish kerak

Shayx Muhammad Sodiq Muhammad Yusuf rahimahulloh

🕋@islomuz

Islom.uz

04 Nov 2024 11:32

Насабий асабанинг турлари

Насабий асабалар меросда асосий ҳисобланиб, улар уч турга бўлинади:

1. Асаба бин-нафс (ўзи асаба бўлиш);

2. Асаба бил-ғойр (биров туфайли асаба бўлиш);

3. Асаба маъал-ғойр (биров билан бирга асаба бўлиш).

Асаба калимаси ҳеч қандай қайдларсиз, мутлақ ишлатилса, биринчи турдаги асаба тушунилади. Иккинчи ёки учинчи турдаги асабалар ҳар доим «Асаба бил-ғойр» ёки «асаба маъал-ғойр» деган қайд билан келтирилади. Иншааллоҳ, бу турларнинг ҳар бирининг ҳукмини тафсилоти билан келтирамиз.

🔗 Тўлиқ ўқиш: https://islom.uz/maqola/22854

🕋 @islomuz

Islom.uz

04 Nov 2024 06:18

Zamzamning hikoyasi

Siz men haqimda koʻp eshitgansiz. Mening makonim – Allohning uyi Kaʼbatullohdir. Shuning uchun haj va umra safariga borgan hojilar meni oʻzlari bilan olib kelishadi, yaqinlari va qoʻni-qoʻshnilariga, ayniqsa, siz bolajonlarga bir hoʻplamdan boʻlsa-da ulashishadi. Meni shunchaki emas, qiblaga qarab, niyat qilib iching. Buning sababi Paygʻambarimiz alayhissalom: «Zamzam suvi nima uchun ichilsa, shuning uchundir», deganlar. Sarvari koinot shu bir ogʻiz gaplari bilan mening oddiy suv emasligimni ummatlariga yetkazganlar. Aytaylik bir odam bemor boʻlsa-yu, meni shifo niyatida ichsa, Alloh uning dardiga shifo beradi. Boshida bir tashvishi bor kishi oʻsha mushkuli oson boʻlsin deb ichsa, Alloh uning mushkulini oson qiladi. Chanqogʻim qonsin desa, chanqogʻi qonadi. Yeyishga hech vaqosi yoʻq insonga ovqat oʻrniga oʻtaman va hokazo. Paygʻambarimiz alayhissalom meni hamisha eʼzozlab, sevib ichganlar va safarlarda oʻzlari bilan olib yurganlar. Bu men uchun ulugʻ sharaf boʻlgan.

🔗 To'liq o'qish: https://islom.uz/maqola/22852

🕋 @islomuz

Islom.uz

03 Nov 2024 06:44

Бола отасининг қўлини қайтармаслиги лозим

عَنِ الْعَوَّامِ بْنِ حَوْشَبٍ قَالَ: قَالَ لِي مُجَاهِدٌ: لَا يَرْفَعُ وَلَدٌ يَدَ وَالِدِهِ عَنْهُ، يَدَعُهُ يَصْنَعُ بِهِ مَا شَاءَ.

Аввом ибн Ҳавшабдан ривоят қилинади:

«Мужоҳид менга: «Бола ўзидан отасининг қўлини қайтармайди. Ота уни нима қилса, тек қўяди», деди».

Шарҳ: Агар ота боласини уриб турган бўлса ҳам, фарзанд унинг қўлини қайтармайди. Балки тек қўяди, нимани хоҳласа, қилсин. Баъзи вақтларда ота-она қандайдир бир ҳолатга тушиб, қўл кўтарганда ҳам фарзанд индамай туриши, ота-онасининг қўлини қайтармаслиги, силтамаслиги, ўқрайиб қарамаслиги керак. Майли, ота-она нима қилса қилсин, фарзанд сабр қилса, савоб олади.

Албатта, отанинг вояга етган боласини уриши нодир ҳолат. Аммо мабодо шу иш содир бўлиб қолса, бола ўзидан отанинг қўлини қайтармаслиги керак бўлади.

🔗 https://islom.uz/maqola/22850

🕋 @islomuz

Islom.uz

02 Nov 2024 08:49

Набиййи малиҳ салавоти

اللهُمَّ صَل عَلَى سَيِّدِنَا مُحَمَّد النَّبِيِّ الْمَلِيحِ الْمَقَامِ الْأَعْلَى وَ اللّسَانِ الْفَصِيحِ

صَاحِبِ

Аллоҳумма солли ъала саййидина Муҳаммадинин Набиййил малийҳи, соҳибил мақомил аъла валлисанил фасийҳ («Ал-адъийатул воридаҳ», 61-с).

Маъноси: Аллоҳим! Энг юксак мақом, фасоҳатли тил соҳиби бўлмиш малоҳатли – кўркам юзли саййидимиз ҳазрати Муҳаммадга салоту салом ёғдир!

🔗 https://islom.uz/maqola/22848

🕋 @islomuz

Islom.uz

01 Nov 2024 13:23

Рeспубликамиздаги имом-хатиб ва имом ноиблари учун тажвид илми бўйича амалий машғулот давом этмоқда

Ўзбекистон мусулмонлари идораси раиси, муфтий Шайх Нуриддин Холиқназар хазратларининг ташаббуслари билан Республикамиздаги масжидларда фаолият олиб бораётган имом-хатиб ва имом ноибларининг Қуръон қироати бўйича билим ва кўникмаларини янада ривожлантириш мақсадида жорий йилнинг сентябрь ойида тажвид илми бўйича ўқув-амалий машғулотлари бошланди.

Айни дамда мазкур буйруқнинг ижросини таъминлаш мақсадида, Республикамизда фаолият олиб бораётган имом-хатиб ва имом ноиблари учун тажвид илми бўйича ўқув машғулотлари бошланди. Жумладан:

• Абдуллоҳ қори Ҳайдаров Хоразм вилоятида
• Аълохон Қори Нуриддинов ва Ориф қори Абдуваҳҳобовлар Тошкент шаҳрида
• Темурхон қори Атоев Навоий вилоятида
• Акбархон қори Асқаров Қашқадарё вилоятида
• Муҳаммаджон қори Раимжонов Жиззах вилоятида
• Музаффар Қори Аҳмедов Сурхондарёвилоятида
• Абдулбосит қори Эшқобилов ва Манас қори Нормановлар Қорақалпоғистон Республикасида
• Абдулазиз қори Супиев Самарқанд вилоятида
• Ҳамидуллоҳ қори Арипов Бухоро вилоятида ги имом-хатиб ва имом ноибларининг қироатини сайқаллаш бўйича амалий машғулотларни олиб бормоқда.
Машғулотларда имом-хатиб ва имом ноиблари тажвид борасидаги билимларини ошириб, мутахассислардан бу борада керакли тавсия ва топшириқларни олмоқдалар.

🔗 https://islom.uz/maqola/22847

🕋 @islomuz

Islom.uz

01 Nov 2024 11:12

Тавбанинг фойдалари

1. Тавба иймоннинг камоли ва Исломнинг жамолидандир.

2. Тавба Аллоҳ таолонинг муҳаббати ва ризосига сабабдир.

3. Тавба эгасини Аллоҳ таолонинг кенг раҳматига эриштиради.

4. Тавба танглик ва ғамнинг кетишига сабаб бўлади.

🔗 https://islom.uz/maqola/22843

🕋 @islomuz

Islom.uz

31 Oct 2024 14:56

ТАЪЗИЯ

Замонамизнинг етук алломаси, фақиҳи, устоз, шайх Муҳаммад Аднон ибн Ёсин Дарвиш фоний дунёдан боқий дунёга риҳлат қилдилар.

Шу муносабат билан марҳумнинг барча оила аъзоларига, сафдошлари ва шогирдларига чуқур, самимий таъзия изҳор этамиз.

Аллоҳ таоло марҳумнинг барча солиҳ амалларини ўзига ҳамроҳ қилсин, қабрларини жаннат боғчаларидан қилсин, бу дунёда қилган хайрли амалларидан, хизматларидан ҳосил бўлган ажру савоблардан Қиёматга қадар баҳраманд қилиб, руҳларини шод қилсин, охиратларини обод қилсин, ваъдасига биноан, иззат тожини кийдирсин, илмига амал қилган уламоларга ваъда қилган ажру мукофотларидан баҳраманд қилиб, жаннатларига дохил айласин!

Ҳақ таоло бу олим бандасининг ҳаққига қилинадиган барча хайрли дуоларни ижобат қилсин!

Ушбу оғир жудолик дамларда марҳумнинг аҳли байтига Аллоҳ таолонинг қазои қадарини розилик ила қарши олган чинакам мўминларнинг мақомини сўраймиз, барча яқинларига гўзал сабр тилаб қоламиз.

Аҳли оилалари, фарзандлари ва ёр-биродарларига барча мўмин-мусулмонлар номидан, кўплаб шогирдлар номидан ҳамдардлик изҳор қиламиз, марҳумнинг ҳақларига дуода бўламиз.

Муборак жума кунида сиз азизлардан ҳам марҳумнинг ҳақларига дуолар қилишингизни сўраймиз.

«Мусибат етганда «Барчамиз Аллоҳникимиз ва барчамиз Унга қайтамиз», дейдиган сабрлиларга хушхабар беринг».

Иннаа лиллааҳи ва иннаа илайҳи рожиъуун!

«Hilol Nashr» нашриёт-матбааси, Islom.uz портали жамоаси

Илмий шаҳодатлари ва фаолиятлари ҳақида маълумот:

🔗 https://islom.uz/maqola/22841

@islomuz & @hilolnashr

Islom.uz

31 Oct 2024 12:02

Диндан узоқлашишнинг оқибати

Диндан узоқлашар эканмиз, асл мақсаддан, рисолатдан ва инсоний қадриятлардан йироқлашган бўламиз. Натижада жамиятда ёмонлик, зулм ҳукм суради, ёвузликка, маст қилувчи ичкиликларга қизиқиш ортади, оилага, соғлом турмуш тарзига рағбат йўқолади, ота-она билан фарзанд ўртасидаги муносабатларга ҳам футур етади, иқтисодий ҳаёт эса рибо ва қимор билан тўлиб-тошади. Оқибатда гуноҳлар кескин кўпайиб кетади. Шу боис инсон доимо динга эҳтиёж сезади ва ундан ҳеч қачон беҳожат бўлмайди!

🔗 https://islom.uz/maqola/22837

🕋 @islomuz

Islom.uz

30 Oct 2024 16:02

Yosh hayvonlardan zakot berish haqida 3-qism

Hidoya 107-son

«Zakot» so‘zi lug‘atda «poklik» va «o‘sish» degan ma’nolarni anglatadi. Zakot bergan kishining moli poklanadi. Qachon zakotini bersa, poklanadi, bo‘lmasa yo‘q. Zakoti berilgan molga baraka kiradi, ko‘payib, o‘sadi.

Shar’iy istilohda «Zakot – maxsus moldan maxsus juzni maxsus shaxsga Allohning roziligi uchun shariatda tayin qilingandek mulk qilib berishdir».

Muallif: Burhoniddin Marg‘inoniy

Ustoz: A’zamjon domla Qambarov

Hidoya sharh bidoyatil-mubtadi

☺️☺️☺️☺️☺️

🔗 Premyera

🕋 @islomuz

Islom.uz

30 Oct 2024 11:41

175 давлатни забт этган сабзавот

Бугунги кунда Ер юзида жами 350 минг турдаги сабзавот етиштирилаётган бўлса, уларнинг энг фойдалилари ва кўп истеъмол қилинадиганлари орасида шубҳасиз пиёз ҳам бор.

Сўзимиз исботи сифатида тушлик ёки кечки овқат учун тайёрланадиган таомларимизнинг деярли барчасига пиёз солинишини, дунёнинг 175 та давлатида ушбу сабзавот харидоргир қишлоқ хўжалиги экини сифатида етиштирилишини айтиб ўтиш мумкин. Қизиғи, одамлар томонидан беш минг йил аввал (қадимги Миср фиръавнининг милоддан 1352 йил аввал барпо этилган эҳроми деворларига пиёз чизилган тасвирлар топилган) Ўзлаштирилган (маданийлаштирилган) пиёзни хоҳ хомлигича, хоҳ пишган ҳолда тановул қилинг: унда фойдали хусусиятлари сақланиб қолинади.

🔗 Тўлиқ ўқиш: https://islom.uz/maqola/22834

🕋 @islomuz

Islom.uz

30 Oct 2024 07:20

Изнсиз назар

Имом Абу Довуд ҳазрати Абдуллоҳ ибн Аббос розияллоҳу анҳудан ривоят қилган ҳадисда Расули Акрам соллаллоҳу алайҳи васаллам:

«Ким биродарининг мактубига унинг изнисиз назар солса, худди дўзах оташига назар солгандек бўлади», деганлар.

🔗 https://islom.uz/maqola/22832

🕋 @islomuz

Islom.uz

29 Oct 2024 10:37

Гонконгда мусулмон сайёҳларга хизмат кўрсатиш сифатини яхшилаш режалаштирилмоқда

Гонконгдаги йирик исломий ташкилот 2026 йилгача 500 дан ортиқ ҳалол таомланиш жойларни сертификатлашни режалаштираётир.

Гонконгнинг бош ижрочи раҳбари Жон Ли Ка Чиу йиллик сиёсий мурожаатида туризм билан боғлиқ корхоналарни Яқин Шарқ ва Жануби-Шарқий Осиёга қарашга ундади. Жумладан, мусулмон сайёҳлар учун ҳалол овқатланиш масканларини сифатини янада яхшилаш ва қулай шарт-шароитлар, имкониятлар қилиб бериш таклифини илгари сурди.

🔗 Тўлиқ ўқиш: https://islom.uz/maqola/22830

🕋 @islomuz

Islom.uz

28 Oct 2024 13:34

Фитна

(ҳижрий 30–35, милодий 651–656 йиллар)

Ислом оламидаги катта фитнанинг учи халифа Умар ибн Хаттоб розияллоҳу анҳуга ғаразгўй кучлар томонидан суиқасд уюштирилиб, у кишининг ўлдирилишларидан бошланган эди. Ҳазрати Умар розияллоҳу анҳунинг олиб бораётган музаффар сиёсатлари кўпчилик душманларнинг «жигарини еб бораётган» эди. Улар Исломнинг бутун ер юзи бўйлаб яшин тезлигида тарқалиб бораётганини мутлақо кўра олмас эдилар.

Худди ана шундай кучлар ҳазрати Умарнинг вафотларидан кейин Рум ва Форс томонларда қуролли хуружлар қилиб, Ислом жамияти қарамоғидан чиқиб, эски тузумларини қайта ўрнатмоқчи бўлишди. Аммо халифа Усмон ибн Аффон розияллоҳу анҳу уларнинг бу хуружларини ўз вақтида бартараф қилдилар.

Ҳарбий томондан кучи етмаган ғанимлар ички томондан турли фитналар чиқаришга ўтишди. Улар ўз мақсадлари йўлида турли омилларни ишга солишди.

🔗 Тўлиқ ўқиш: https://islom.uz/maqola/22828

🕋 @islomuz

Islom.uz

28 Oct 2024 10:35

Ният муҳим!

Ибн Абид Дунё «Макоидуш шайтон» номли китобида келтиради:

Ҳасан Басрий айтади:

«Бир қавм Аллоҳни қўйиб бир дарахтни танлаб олиб, унга сиғина бошлади. Бундан хабар топган бир киши қўлига болтасини олиб, дарахтни кесиб ташлаш учун йўлга тушди. Дарахт олдида одам қиёфасидаги Иблис уни қарши олди.

– Эй одам, нима учун дарахтни кесмоқчисан? – деб сўради Иблис.

– Қавмим Аллоҳни қўйиб бу дарахтга сиғиниб адашмоқда, гуноҳга ботмоқда, – деди киши.

Иблис деди:

– Сен у дарахтга ибодат қилмайсан-ку, унинг сенга нима зарари бор?

– Барибир кесаман!

Иблис уни ман қилмоқчи бўлди. Улар курашиб кетишди. Ҳалиги киши Иблисни йиқитди. Шунда Иблис унга деди:

🔗 Тўлиқ ўқиш: https://islom.uz/maqola/22825

🕋 @islomuz