Islom.uz

20 Apr 2025 08:31

#Жамият

Наполеонни маҳв этган асар

Ислом ҳуқуқи минг йилдан ортиқ муддат мобайнида Осиё, Африка ва Европани қамраб олган улкан ҳудудда барпо этилган кўплаб цивилизациялар ривожига самарали улуш қўшди. Ғарб цивилизациясининг тагзаминида Ислом фиқҳи ва мусулмон олимларнинг мероси ҳайратланарли даражада салмоқли ўрин тутиши ҳақида сўз кетганда, бунга негадир ҳаммадан кўп араблар ажабланадилар. Аслида бу мавзуга араблар эмас, бошқа халқлар ажабланиши керак эди...

🔗 Тўлиқ ўқиш: https://islom.uz/maqola/23553

🕋 @islomuz

Islom.uz

19 Apr 2025 13:34

Мусулмонларнинг тўғри ақидасини асослаб берган буюк аллома

Инсоният тарихида ўз ўрнига эга бўлган буюк алломаларимиздан бири Имом Абу Мансур Мотуридийдир. Ул сиймо фақат бир замоннинг эмас, балки барча замонларнинг долзарб ва муҳим масалаларига асосли ҳамда қатъий жавобларни бера олган мутафаккир олим.

У зотнинг дунё илм-фанига, айниқса, ақида илмига қўшган ҳиссаси, ақл ва нақлни уйғунлаштиришдаги ўрни ҳақида замондошлари ҳамда муҳаққиқ олимлар томонидан юксак баҳолар берилган.

⛓️ Батафсил

🕋 @islomuz

Islom.uz

19 Apr 2025 12:47

Илм билан шуғулланишнинг фойдаси

«Илмий ишлар билан шуғулланишим Аллоҳга бўлган ишончимни мустаҳкамлади. Ҳаттоки аввалгидан кўра мустаҳкамроқ, асослироқ бўлишга олиб келди. Ҳеч шубҳа йўқки, илм албатта, инсонга Аллоҳнинг қудратини яхшироқ тушунишга ёрдам беради. Инсон ўз илмий ишларида янгилик кашф қилган сари Аллоҳга бўлган иймони ҳам кучайиб бораверади».

Доктор Альберт Макоб

🔗 https://islom.uz/maqola/22319

🕋 @islomuz

Islom.uz

18 Apr 2025 16:07

Ўзбек мотуридийшунослигидаги улкан тарихий воқелик

Сўнгги йилларда мамлакатимизда мутафаккир алломаларимизнинг ибратли ҳаёт йўлларини ўрганиш, уларнинг бой илмий-маънавий меросини кенг тарғиб қилишга ҳар қачонгидан ҳам кўпроқ эътибор қаратилмоқда. Зотан, инсоният цивилизацияси ривожига бебаҳо ҳисса қўшган аждодларимизнинг асарларидаги эзгу ғоялар, умуминсоний қадриятлар, бағрикенглик ва мўътадиллик, илм-фан, ақл ва тафаккурнинг инсон ҳаётидаги ўрни ва аҳамиятига оид қарашлар ёшларни комил инсон этиб тарбиялаш, жамиятда ижтимоий-маънавий муҳит барқарорлигини таъминлашнинг муҳим омили бўлиб ҳисобланади.

Муҳтарам Президентимиз Шавкат Мирзиёев раҳнамолигида диний-маърифий соҳада амалга оширилаётган кенг кўламли ислоҳотлар натижаси ўлароқ ташкил этилган Ўзбекистон халқаро ислом академияси, Ўзбекистондаги Ислом цивилизацияси маркази, Имом Бухорий, Имом Мотуридий ва Имом Термизий халқаро илмий-тадқиқот марказлари бой тарихий-маданий меросимизни ўрганиш ва қайта тиклашга хизмат қилмоқда.

🔗 Тўлиқ ўқиш: https://islom.uz/maqola/23552

🕋 @islomuz

Islom.uz

18 Apr 2025 13:03

#Ҳикматлар

Маломат қилишдан сақланиш

Ким ўзини туҳмат қилинадиган ўринга қўйса, у ҳақида ёмон гумон қилганларни маломат қилмасин.

🔗 https://islom.uz/maqola/23531

🕋 @islomuz

Islom.uz

17 Apr 2025 18:15

#Ислом

Ҳудҳуднинг хабари

Ҳудҳуднинг сўзларига қулоқ тутсак, у биздан кўра хабарларни яхши етказган: «Кўп ўтмай, у (Ҳудҳуд) келиб, деди: «Сен билмаган нарсани билдим ва сенга Сабаъдан ишончли бир хабар олиб келдим» (Намл сураси, 22-оят).

У «Эшитиб қолдим», «ўқиб қолдим», «айтишдики», «менга хабар келишича» каби сўзларни айтмади. Балки «ишончли бир хабар олиб келдим», деди.

Хўш, бунга нисбатан Сулаймон алайҳиссалом қандай йўл тутдилар?

Тезда ўша маълумот асосида бир мавқени эгаллаб олдиларми?

Худди биз бугунги кунда интернетда бир нарсани ўқиб қолсак, текширмасдан, дарров уни телефон тугмаларидаги «кўчириш» (копировать) ва «қўйиш» (вставить) ишларини бажарганимиздайми?... Йўқ, албатта.

У зот Ҳудҳуд ёлғон сўзлашга журъат қилолмаслигини билардилар. Шу билан бирга «У (Сулаймон) деди: «Кўрамиз, рост сўзладингми ёки ёлғончилардан бўлдингми» (Намл сураси, 27-оят).

Демак, бирон хабар ёки маълумотни улашишдан аввал уни тўғрилиги, ишончлигини текшириш пайғамбарлар манҳажи ва диннинг талабидир. Ҳақиқат эканини аниқ билмаган маълумотингни улашма ҳамда яхшиликларингни зиёда бўлишига сабаб бўлувчи нарсаларнигина бошқаларга улашгин, баҳам кўргин.

🔗 https://islom.uz/maqola/23548

🕋 @islomuz

Islom.uz

17 Apr 2025 11:06

#Мазҳабда_муваффақият_бор

Аллоҳ таоло энг ёмон кўрадиган нарса талоқдир

Келинг, «Уч талоқ» деб, бир лафз билан айтилганда бир талоқ тушадими?» деган масалага тўхталиб ўтайлик. Бу ўринда уч талоқ масаласига кўп ҳам киришиб ўтирмаймиз, фақат энг керакли гапни айтамиз.

Тўртала мазҳаб уламолари билиттифоқ бу масалада уч талоқ тушади, дейишади. Бутун уммат ҳам тарихимиз мобайнида бунга ижмоъ қилиб келган. Бу масалага биринчи бўлиб очиқдан-очиқ хилоф қилган инсон Ибн Таймийя ҳисобланади. Унинг шогирди Ибн Қоййимнинг фикри ҳам шунга ҳамоҳанг. Улардан кейин уларнинг шогирди – Ибн Ражаб Ҳанбалий икки шайхининг талоқ масаласида айтган гапларига раддия қилиб, «Баъисул-ҳасис» деган китоб ёзади. Китобда шундай дейилади: «Бирорта саҳоба ёки тобеъиндан, фатвода сўзи ҳужжат бўладиган улуғ имомларнинг бирортасидан «Уч талоқ айтилганда битта талоқ тушади», деган гапни эшитмаганмиз».

🔗 Тўлиқ ўқиш: https://islom.uz/maqola/23546

🕋 @islomuz

Islom.uz

17 Apr 2025 07:30

#Мерос

Татбиқий мисоллар

Ота бир ака-ука ва туғишган ака-укаларнинг бобо билан бирга бўлишининг ҳукми.

Юқорида ўтган бобо ҳукмларининг барчасида бир турдаги ака-укалар билан қолганда қандай бўлишини кўриб ўтдик, яъни фақат туғишган ака-укалар билан ёки фақат ота бир ака-укалар билан бобо қолганда нима бўлишини кўрдик. Аммо туғишган ака-укалар ва ота бир ака-укалар аралаш бўлиб, улар билан бирга бобо қолганда, барча ака-укалар ёлғиз турдаги меросхўрлар деб ҳисобга олинади, яъни муқосама пайтида бобога зарар берган ҳолда бобонинг зиддига саноққа ўтишади. Агар бобо ўзининг юқорида ўтган ҳолатлари тақозосича ўз улушини олса, туғишган ака-укалар қолган молни олишади, ота бир ака-ука, опа-сингиллар эса меросдан маҳрум бўлишади. Бобонинг зарарига эса ҳисобда туришади. Туғишган ака-ука ва опа-сингиллар бор экан, ота бир жигарлар мерос олишмайди. Лекин ёлғиз туғишган сингил қолса, у мероснинг ярмини олади. Агар бирор нарса қолса, у ота бир ака-ука ва опа-сингилларга тегади.

🔗 Тўлиқ ўқиш: https://islom.uz/maqola/23544

🕋 @islomuz

Islom.uz

16 Apr 2025 15:20

Шавкат Мирзиёев Андижонда таъзияда қатнашди

Давлат раҳбари Андижон вилояти Булоқбоши туманида йиғилиш ўтказганидан сўнг йўл-йўлакай таъзияли хонадонга кириб ўтган.

Бу хонадонда оиланинг табаррук онахони – Мамлакатхон ая Давронованинг вафот этгани муносабати билан маросим бўлаётган эди.

Президент таъзияда қатнашиб, хонадон эгаларидан кўнгил сўради, чуқур ҳамдардлигини билдириб, сабр-тоқат ва бардош тилади.

🔗 https://islom.uz/maqola/23545

🕋 @islomuz

Islom.uz

16 Apr 2025 13:25

#Бахтиёр_оила

Келин-куёв ҳаққига дуо қилиш

Никоҳ ва тўй ҳақида хабар топган ҳар бир кишининг ўша никоҳ ва тўйга сабабчи бўлган келин-куёвларнинг қураётган оилалари ва ўзларига бахт-саодат тилаб дуо қилиши Расулуллоҳ соллаллоҳу алайҳи васалламнинг суннатлари воситасида барча мусулмон халқлар маданиятининг ажралмас қисмига айланган. Қуйида мазкур маданиятга асос бўлган ривоятлардан баъзиларини ўрганиб чиқамиз.

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам қачон инсонни уйланган пайтида табрикласалар, «Аллоҳ сенга муборак қилсин, барака берсин ва иккингизнинг орангизни хайр ила жам қилсин», дер эдилар».

«Сунан» эгалари ривоят қилганлар.

Келин-куёвни тўй билан табриклаш Пайғамбаримиз соллаллоҳу алайҳи васалламдан қолган суннатдир. Бу суннатга биноан, ҳар бир мусулмон келин-куёвнинг тўйлари муносабати ила уларни табриклаш пайтида ҳақларига Аллоҳ таолодан хайр-барака ва бахтли ҳаёт кечиришларини сўраб, дуо қилиши керак.

🔗 Тўлиқ ўқиш: https://islom.uz/maqola/10409

🕋 @islomuz

Islom.uz

16 Apr 2025 11:01

#Саҳобалар_ҳаёти

Ҳазрати Умар розияллоҳу анҳунинг ҳикматларидан

(иккинчи қисм)

Ишлар уч хил бўлади: тўғрилиги очиқ-ойдин бўлган иш, унга эргаш. Зарари очиқ-ойдин бўлган иш, ундан четлан. Сенга бутунлай номаълум бўлган иш, уни Аллоҳга қайтар, ҳавола қил.

Агар сенинг дининг бўлса, ҳасабинг ҳам бор. Агар сенинг ақлинг бўлса, аслинг ҳам мавжуд. Агар сенинг хулқинг бўлса, одамгарчилигинг ҳам мавжуд. Акс ҳолда сен эшакдан ҳам ёмонроқсан.

Бу уммат борасидаги энг қўрққан нарсам тили олим, қалби жоҳил кимсадир.

Одамлар паст санайдиган касбни қилиш инсонлардан тиланишдан яхшидир.

Мен ижобатнинг ғамини қилмайман, лекин мен дуонинг ғамини қиламан.

Зарар билан синалдик, сабр қилдик. Неъмат билан синалдик, сабр қилолмадик.

Насиҳатчи бўлмаган қавмда яхшилик мавжуд эмас, насиҳатчиларни яхши кўрмайдиган қавмда яхшилик мавжуд эмас.

Сабрнинг улкан савоби борлигини билганингда ҳар қандай синов сенга осон бўлиб қолар эди.

Қалбингни йиғлатган ҳаётдан ноумид бўлма. «Эй Аллоҳ, менга яхшиликни эваз қилиб бергин» деб дуо қил. Маҳзунлик битта сажда билан кетади. Қувонч биргина дуо билан келади.

Сиз хор эдингиз, Аллоҳ Ўз Расули билан сизларни азиз қилди. Ҳар қачон азизликни усиз, ундан бошқа ила талаб қилсангиз, Аллоҳ сизларни хор қилади.

🔗 https://islom.uz/maqola/23543

🕋 @islomuz

Islom.uz

15 Apr 2025 16:31

Eshitish mo‘jizasi

Inson o‘zi haqida ozgina o‘ylab ko‘rsa, juda ko‘p ne’matlar ichida yashayotganiga amin bo‘ladi.

Shunday ne’matlar orasida bu qulog‘imiz — u orqali eshitish ne’matidir. Biz ushbu ne’mat vositasida turli ovozlarni eshitamiz.

Quloq borasida qiziqarli ma’lumotlarni ushbu videolavhadan bilib olishingiz mumkin.

#Allohning_mojizalari

🕋 @islomuz

Islom.uz

15 Apr 2025 13:47

#Ислом

Илмнинг аҳамияти

Аллоҳ алақдан яратган инсоннинг биринчи муаллими Аллоҳ жалла жалолуҳунинг Ўзидир. Аллоҳ унга қалам билан илм берган, билмаган нарсасини ўргатган.

Аллоҳ субҳанаҳу ва таоло Муҳаммад соллаллоҳу алайҳи васалламни уммийларга ва бошқаларга муаллим қилди. У зот уларга Китобни ва ҳикматни – Қуръон ва суннати мутоҳҳарани ўргатди. Бу ҳақиқат Қуръони Каримда қуйидагича ифодаланади:

«У уммийларга уларнинг ичидан Унинг оятларини ўқиб берадиган ва уларни поклайдиган ҳамда уларга Китобни ва ҳикматни ўргатадиган Расулни юборган Зотдир. Ҳолбуки, улар илгари очиқ-ойдин залолатда эдилар. Ва улардан ҳали уларга қўшилмаган бошқаларга ҳам. Ва Унинг Ўзи азиздир, ҳакимдир» (Жума сураси, 2–3-оятлар).

Расулуллоҳ соллаллоҳу алайҳи васаллам умматларига Китоб ва ҳикматни ўргатдилар, чунки бу иккиси барча умматни саодатга етакловчи илоҳий ваҳийдир. Бу иккиси асосий мақсад бўлса, бошқа илмлар унга элтувчи воситадир.

🔗 Тўлиқ ўқиш: https://islom.uz/maqola/23541

🕋 @islomuz

Islom.uz

15 Apr 2025 11:32

#Алданиб_қолманг

Умматга ибрат бўлганлар

Шайх Абулҳасан Надавий раҳматуллоҳи алайҳи «Мусулмонларнинг таназзули сабаб дунё нималарни йўқотди?» номли китобида қуйидагиларни ёзади:

«Адиблардан бири шундай деган эди: «Икки нарса борки уларнинг аниқ вақти йўқ. Шахснинг ҳаётидаги уйқу ва миллатнинг ҳаётидаги таназзул. Шунинг учун бу иккисини фақатгина улар ғолиб келиб, эгалик қилганидан кейингина билинади».

Ҳақиқатда бу кўплаб миллатларнинг ҳаётида бор бўлган масаладир. Бироқ мусулмонларнинг ҳаётидаги бошланган таназзул ва пасайиш бошқа миллатларникидан кўра ёрқинроқ экани кузатилади. Биз агар камолотга етиш билан завол топишнинг ўртасини ажратиб тургувчи чегарага бармоғимизни қўймоқчи бўлсак, хулафои рошидинлар билан араб подшоҳлиги ёки мусулмонларнинг подшоҳлигининг ўртасини ажратиб турадиган ўша тарихий чизиққа қўйишимиз аниқ эди».

🔗 Тўлиқ ўқиш: https://islom.uz/maqola/23540

🕋 @islomuz

Islom.uz

15 Apr 2025 08:12

Саудия Арабистони Умра зиёратчиларни қабул қилишни вақтинча тўхтатади

2025 йил 14 апрелдан бошлаб «Uzbekistan Airways» Тошкент – Жидда – Тошкент йўналишидаги рейсларда Умра визасига эга йўловчиларни қабул қилишни тўхтатади.

Компания хабарида бу жорий йилги «Ҳаж 2025» дастури бошлангани билан боғлиқлиги маълум қилинди.

14 апрелдан бошлаб авиакомпания рейслари орқали Саудия Арабистонига бораётган барча йўловчилар Тошкентга қайтиш чиптасига эга бўлиши ва 2025 йил 30 апрелгача мамлакат ҳудудини тарк этиши шарт. Акс ҳолда тегишли тартибда белгиланган жарималар учун жавобгарлик агент ёки йўловчининг зиммасига юкланади.

Саудия Арабистони Фуқаро авиацияси бош бошқармаси айланмасига мувофиқ, Uzbekistan Airways томонидан амалга оширилаётган Тошкент – Жидда – Тошкент рейслари 2025 йил 30 апрелдан бошлаб бекор қилинади.

🔗 https://islom.uz/maqola/23538

🕋 @islomuz

Islom.uz

19 Apr 2025 14:29

Усмон Мусҳафи ҳақида ҳужжатли фильм суратга олинади

Ўзбекистондаги Ислом цивилизацияси маркази томонидан ноёб ҳужжатли фильм «Усмон Мусҳафи: Мадинадан Мовароуннаҳр сари» номли лойиҳа устида иш бошланмоқда. Фильмда дунёдаги энг қадимий Қуръон қўлёзмаси – 7 асрда пергаментга ёзилган, ҳажми 53х68 см бўлган ва 353 варақдан иборат Усмон Мусҳафининг Мадинадан Мовароуннаҳргача бўлган тарихий йўли ёритилади.

Фильмда қўлёзманинг яратилишидан тортиб, турли цивилизациялар даврида бошдан кечирган мураккаб тарихий жараёнлар, унинг Ўзбекистонга қандай сақланиб келгани ва ҳозирда Ислом цивилизацияси марказида муқаддас мерос сифатида эъзозланаётгани ҳужжатлар, тарихий манбалар ҳамда мутахассисларнинг изоҳларига таянган ҳолда ёритилади.

Мазкур ҳужжатли фильм марказдаги экспозиция таркибига киритилиши режалаштирилган бўлиб, у зиёратчилар ва меҳмонлар учун муҳим маънавий-тарихий тажрибани тақдим этади. Фильм орқали томошабинлар нафақат Қуръоннинг тарихий қадр-қиммати, балки Ўзбекистон заминининг бу бебаҳо меросни асраб-авайлашдаги тутган ўрни ҳақида чуқур тасаввурга эга бўлишади.

Манба: cisc.uz

🕋 @islomuz

Islom.uz

19 Apr 2025 13:11

Қаршидаги «Қуръони карим ва тажвид» ўқув курсига ташриф

Тошкент ислом институти проректори Жаҳонгир Рўзиев, «Қуръон илмлари» кафедраси мудири Жаҳонгир Неъматов ва «Қуръони карим ва тажвид ўқув курслари» бўлими бошлиғи Аҳмадхон Рашидов Қашқадарё вилояти, Қарши шаҳридаги «Қуръони карим ва тажвид» ўқув курсига ташриф буюриб, Қуръон курсининг ўқитувчи ва ходимлари ҳамроҳлигида ўқув курси фаолиятини кўздан кечирдилар.

Ўқув курси биносида вилоят вакиллиги ходимлари, ўқитувчилар ва тингловчилар билан битирув тадбири ўтказилиб, «Юртимизда диний соҳада олиб борилаётган ислоҳотлар» ва «Қуръон нурдир, У сабаб юртимизда нур ва барака зиёда бўлади» мавзусида давра суҳбати ташкиллаштирилди.

Тадбир якунида тингловчиларга Жаҳонгир қори Неъматовнинг «Тартил» китоби ҳадя қилинди ва битирув сертификатлари топширилди ҳамда хайрли дуолар қилинди.

Манба: oliymahad.uz

🕋 @islomuz

Islom.uz

19 Apr 2025 08:37

#Ҳикматлар

Асл дори

Аллоҳ таолонинг зикрини лозим тутинглар. Чунки у доридир. Одамларнинг зикридан сақланинглар. Чунки у касалликдир.

🔗 https://islom.uz/maqola/23532

🕋 @islomuz

Islom.uz

18 Apr 2025 14:05

#Саҳобалар_ҳаёти

Урва ибн Зубайр розияллоҳу анҳунинг фазилатлари

«Жаннат аҳлидан бўлган кишига қараш кимни қувонтирса, Урва ибн Зубайрга қарасин»

Абдулмалик ибн Марвон.

Урва ибн Зубайр ҳазрати Умар розияллоҳу анҳунинг халифаликларидан бир йил қолганида, мусулмон оилалар орасида энг ҳурматли ва олий мақом хонадонда таваллуд топди. Оталари Зубайр ибн Аввом (Аллоҳ у кишидан рози бўлсин) Пайғамбар соллаллоҳу алайҳи васалламнинг фидоий саҳобаларидан, жаннат башорати берилган ўнта саҳобанинг бири эди. Оналари эса Асмо бинти Абу Бакр «зун нитоқайн - икки белбоғ соҳибаси» (Ҳижрат куни белбоғини иккига бўлиб, бири билан Расулуллоҳ соллаллоҳу васаламнинг егулик идишларини, бошқаси билан сув идишларини боғлагани учун шундай шарафга эришган) эди. Она тарафдан боболари Абу Бакр Сиддиқ (Аллоҳ у кишидан рози бўлсин) Расулуллоҳ соллаллоҳу алайҳи васалламнинг халифалари ва ғордаги ҳамроҳлари бўлган эди. Ота тарафдан момолари София бинти Абдулмутталиб Пайғамбаримиз соллаллоҳу алайҳи васалламнинг аммалари ва мўминларнинг онаси Оиша розияллоҳу анҳо у кишининг холасидир. Оиша онамиз (Аллоҳ у кишидан рози бўлсин) вафот этганларида Урва ибн Зубайр ўзлари қабрга тушиб, лаҳадга қўйган. Иймон шарафи ва Ислом иззатидан бошқа, мана шундай насабдан кўра олий насаб ва шундай шарафдан кўра буюк шараф бормикин?

🔗 Тўлиқ ўқиш: https://islom.uz/maqola/23550

🕋 @islomuz

Islom.uz

18 Apr 2025 12:00

#Ислом

Ҳижрий-қамарий ойлар

Исломий ойлар ҳижрий-қамарий бўлиб, улар қуйидагилар:

1. Муҳаррам;
2. Сафар;
3. Рабиул аввал;
4. Рабиус соний (ёки Рабиъул охир);
5. Жумодул аввал;
6. Жумодус соний (ёки Жумодул охира);
7. Ражаб;
8. Шаъбон;
9. Рамазон;
10. Шаввол;
11. Зулқаъда;
12. Зулҳижжа.

🔗 Тўлиқ ўқиш: https://islom.uz/maqola/23549

🕋 @islomuz

Islom.uz

17 Apr 2025 17:53

Қуръон залида 114 та ноёб Қуръон қўлёзмалари жамланади

Ўзбекистондаги Ислом цивилизацияси маркази Қуръон залида 114 та ноёб Қуръон қўлёзмалари жамланади

Улар орасида Ҳазрати Усмон Қуръони, VIII асрга мансуб Катта Лангар Қуръони, шунингдек, турли тарихий сулолалар даврида юртимизда кўчирилган ёки сақлаб келинган ноёб нусхалар бор. Шу билан бирга, Қуръон залида мультимедиа маҳсулотларини намойиш этиш имкониятлари ҳам мавжуд.

🔗 https://islom.uz/video/23547

🕋 @islomuz

Islom.uz

17 Apr 2025 11:04

#Ҳикматлар

Ҳақдан оғишнинг оқибати

Агар амал қилувчи раҳбар ҳақдан оғса, раъийят ҳам ҳақдан оғади. Одамларнинг энг бадбахти у сабабли раъийят бадбахт бўлган кимсадир.

🔗 https://islom.uz/maqola/23530

🕋 @islomuz

Islom.uz

16 Apr 2025 17:01

Zakot berish joiz bo'lgan va joiz bo'lmagan kishilar bobi 4-qism

Hidoya 124-son

«Zakot» so‘zi lug‘atda «poklik» va «o‘sish» degan ma’nolarni anglatadi. Zakot bergan kishining moli poklanadi. Qachon zakotini bersa, poklanadi, bo‘lmasa yo‘q. Zakoti berilgan molga baraka kiradi, ko‘payib, o‘sadi.

Shar’iy istilohda «Zakot – maxsus moldan maxsus juzni maxsus shaxsga Allohning roziligi uchun shariatda tayin qilingandek mulk qilib berishdir».

Ushur – lug‘atda o‘ndan bir deganidir. Shariatda yerdan unib chiqqan ekin, mevalar va hosillardan olinadigan soliq bo‘lib, uning miqdori shu hosillarning o‘ndan birini tashkil qiladi.

Muallif: Burhoniddin Marg‘inoniy

Ustoz: A’zamjon domla Qambarov

Hidoya sharh bidoyatil-mubtadi

☺️☺️☺️☺️☺️

🔗 Premyera

🕋 @islomuz

Islom.uz

16 Apr 2025 15:02

Shaytonning ig‘vosidan qutulish

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

16 Apr 2025 12:02

#Ҳикматлар

Танлов

Агар сенга бири Аллоҳ учун ва бири дунё учун бўлган икки иш рўбарў келиб қолса, охиратга оид насибангни дунёга оид насибангдан устун қўй. Чунки дунё ўтиб кетади, охират боқий қолади.

🔗 https://islom.uz/maqola/23529

🕋 @islomuz

Islom.uz

16 Apr 2025 07:36

#Силаи_раҳм

Катта аканинг ўрни ва унга яхшилик қилиш

عَنْ سَعِيدِ بْنِ عَمْرِو بْنِ الْعَاصِ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «حَقُّ كَبِيرِ الْإِخْوَةِ عَلَى صَغِيرِهِمْ حَقُّ الْوَالِدِ عَلَى وَلَدِهِ».

Саъид ибн Амр ибн Осдан ривоят қилинади:

«Расулуллоҳ соллаллоҳу алайҳи васаллам: «Ака-укаларнинг каттасининг кичигидаги ҳаққи отанинг боласидаги ҳаққичадир», дедилар».

Шарҳ: Катта аканинг укаларидаги ҳаққи отанинг боласидаги ҳаққи кабидир. Шунинг учун оилада ота вафот этиб кетса, катта ўғил бошлиқ бўлиб қолади. Бошқа фарзандлар унинг укалари, сингиллари ва ҳоказо, ким бўлса бўлсин, отага қандай итоат қилса, катта акага шундай итоат қилишлари керак. Чунки буни Расули акрам соллаллоҳу алайҳи васаллам айтиб турибдилар. Катта аканинг ҳаққи отанинг боладаги ҳаққи каби бўлишини яхши билишимиз керак.

Бинобарин, отага оқ бўлишдан сақлангандек, катта аканинг ҳам дилини оғритиб қўйишдан эҳтиёт бўлиш, унинг иззат-ҳурматини ўрнига қўйиш укаларга, сингилларга лозимдир.

Мусулмонларда бу ҳадиси шарифга яхши амал қилиб келинган. Оилаларда отадан кейин катта ака бошлиқ бўлиб қолган. Укалари уни оталари ўрнида ҳурматлаганлар ва унга итоатда бўлганлар.

🔗 https://islom.uz/maqola/23542

🕋 @islomuz

Islom.uz

15 Apr 2025 15:02

Odam jism va ruhdan iborat

Shayx Muhammad Sodiq Muhammad Yusuf rahimahulloh

🕋 @islomuz

Islom.uz

15 Apr 2025 12:02

#Ҳикматлар

Хавф ва умид

Аллоҳни билиш, таниш таслимият ва қўрқувни тақозо этади. Қўрқувнинг мавжуд эмаслиги қалбнинг маърифатдан йироқ эканига далилдир. Қўрқув илмнинг мевасидир. Умид яқиннинг мевасидир. Ким жаннатга киришни хоҳласа, унинг талабида жидду жаҳд қилсин. Ким дўзахдан қўрқса, ундан йироқлашиш учун жидду жаҳд қилсин.

🔗 https://islom.uz/maqola/23528

🕋 @islomuz

Islom.uz

15 Apr 2025 08:27

«Буюк алломалар юрти» туркум телекўрсатувлар тайёрланиши режалаштирилмоқда

Ўзбекистондаги Ислом цивилизацияси марказида «Буюк алломалар юрти (16-20 аср боши)» медиалойиҳаси ташкил этилиши кўзда тутилган.

Медиалойиҳа доирасида Ўзбекистон ҳудудида яшаб ижод қилган буюк алломалар, олимлар, уламолар, маданият ва санъат намояндалари, шоир ва ёзувчилар ҳақида маълумотлар базаси шакллантирилади. Мамлакатимизда бошқа юртлардан келиб яшаган ва ижод қилган илм-фан, маданият ва санъат намояндалари ҳаёти ўрганилади ва рўйхати тузилади.

Тадқиқот натижасида «Буюк алломалар юрти» номли энциклопедия ва қисқача аннотациялар билан алломалар реестри шакллантирилади. Бундан ташқари, туркум телекўрсатувлар тайёрланиши режалаштирилган.

Ўзбекистон тарихи давлат музейи бош ижрочилигида тайёрланиши кўзда тутилган медиалойиҳага, шунингдек, Ислом цивилизацияси маркази, Темурийлар тарихи давлат музейи, Шарқшунослик институти, WOSCU, Ўзбекистон халқаро ислом академияси каби ташкилотлар ҳам ҳамкорлик қилиши белгиланган.

🔗 https://islom.uz/maqola/23539

🕋 @islomuz

Islom.uz

15 Apr 2025 07:34

#Саҳобалар_ҳаёти

Фаса ва Даробижарда фатҳи

Сория ибн Зунайм ал-Кинаний Фаса ва Даробижарда томон юрди. У ерлик аскар билан саҳрода тўқнашди. Қаттиқ жанг бўлди. Форслар курд­лардан мадад сўраган эдилар, улар мадад бердилар. Мусулмонлар оғир аҳволда қолдилар. Сория ва унинг аскарлари саҳрода эдилар. Агар у ерда туриб жанг қилаверсалар, ҳалок бўлишлари турган гап эди. Агар ортларидаги тоққа чиқиб олсалар, душман фақат бир томондан келиши мумкин эди, холос.

Имом Байҳақий «Далоилун-нубувва»да, Ал-Лолкоий «Шарҳис сунна»да, аз-Зайну Оқулий «Фавоид»да, Ибн ал-Аъробий «Каромотул авлиё»да ва бошқалар Ибн Умар розияллоҳу анҳудан ривоят қиладилар:

«Умар бир лашкар юбориб, унга Сория розияллоҳу анҳу исмли кишини бошлиқ қилган эди. Умар розияллоҳу анҳу хутба қилиб туриб, «Эй Сория, тоққа!» деб уч марта нидо қилди.

Кейин ўша лашкарнинг хабарчиси келди. Умар ундан ҳол сўради. Шунда у:

«Эй мўминларнинг амири, биз енгилаётган эдик. Ана шундай ҳолда турганимизда «Эй Сория, тоққа!» деган нидони эшитдик. Бас, биз ортимизни тоққа бериб олган эдик, Аллоҳ уларни мағлуб қилди», деди.

Умарга: «Сен ўшандоқ деб қичқирган эдинг», дейилди».

🔗 Тўлиқ ўқиш: https://islom.uz/maqola/23537

🕋 @islomuz