Telegram-канал iyesusgetanw - የአዲስ ኪዳን ካህናት: Unsorted

የአዲስ ኪዳን ካህናት

06 May 2024 22:51

ተራ ልሆን አልችልም። ይህ የትንሳኤ በዓል ተራነትን የተሰናበትንበት : እግዚአብሔር የህይወታችንን ዋጋ እጅግ ከፍ ያደረገበት ልዩ ቀን ነው። ዋጋችን ከኢየሱስ ክርስቶስ አስደናቂ ደም ጋር የተሳሰረበት።

ዘፍጥረት 15
¹ ከዚህ ነገር በኋላም የእግዚአብሔር ቃል በራእይ ወደ አብራም መጣ፥ እንዲህ ሲል፦ አብራም ሆይ፥ አትፍራ እኔ ለአንተ ጋሻህ ነኝ፤ ዋጋህም እጅግ ታላቅ ነው።
² አብራምም፦ አቤቱ እግዚአብሔር ሆይ፥ ምንን ትሰጠኛለህ?..."

በዘፍጥረት 14 አብርሃም አራት መንግስታትን ድል አድርጎ ሲመለስ እኛ የምናስበው በጀግንነት እና በድል ስሜት ውስጥ ይሆናል ብለን ነው። በምዕራፍ 15 ግን እግዚአብሔር አትፍራ ይለዋል። አንደኛ የአራቱን መንግስታት የመልስ ምትና በቀል አትፍራ ሊሆን ይችላል።። የነብርን ጭራ አይያዙ እንዲሉ... ገብቶበታል።

ሁለተኛና ዋነኛው ግን ባለጠጋ ቢሆንም ብዙ ምርኮ ይዞ ቢመለስም የሚያወርሰው ልጅ ስለሌለው ሁሉም ነገር ዋጋቢስ(ValuLess) ወይም በዜሮ የተባዛ መስሎ ታየው። እግዚአብሔር ግን የእርሱ ዋጋ : የህይወቱ ዋጋ ትልቅ እንዲሆን ልጅ ሰጠው።

ዋጋዬን , የኔን Value ከፍ የሚያደርግ ምን ትሰጠኛለህ? ብሎ ነበርና። ይህ የኛም ጥያቄ ነበር።

ከንቱ የሆነው ህይወታችን ላይ ስፍር አልባና ታላቅ Value ለመጨመር ልጁን ሰጠን።
አይነኬ እና አይተኬ የሆነውን ልጁን ነው የሰጠን። ማንም አይሰጥህም ይሄን። ያኔ ነው ተራ ከመሆን እጅግ ከፍ ያልነው።

የደህነታችን #ተግሳፅ በእርሱ ላይ ነበረ። አስቡት እስኪ በምንሰራው ሀጥያት ልክ ሊደርስብን የሚችለውን ተግሳፅ(ከዛ የአለሙን አስቡት።) የሁላችንንም በደል : የደህንነታችንንም ተግሳፅ በአንዴ ተሸከመልን ጌታችን።

ሀጥያትን ታይ ዘንድ አትችልም የተባለው ፃድቁ ስለ እኛ ሀጥያት ሆነ።

ከመከራው የተነሳ እንዴት መፀለይ እንዳለብን አናውቅም የምንፀልየውን አስታውቀን ብለዋልኮ በቃሉ ። ቀላል አይደለም ማጣት መከራ እና ዝቅታ። በዚያ ግን የእግዚአብሔርን ፍቅር አትለካ።

ኢየሱስን ሰጥቶህ ከትልቁ ጀምሯልኗ።
አምላክ ሰው እስኪሆን : በታላቅ መከራና ስቃይ በመስቀል ላይ ለሀጥያታችን እስኪሞትና ለፅድቃችን እስኪነሳ ድረስ ሰማይ Value ካደረገህ ለምን እራስህን ዝቅ ታደርጋለህ?

እስኪ "ዋጋዬ ደሙ ነው : ተራ ሰው አይደለሁም" በሉ !

@iyesusgetanw

@iyesusgetanw