6816
• لنشر افضل القصص والروايات المرعبه بجميع اللهجات. • لسناا الوحيدون فِ عالم الرعب ولكن نحن المتميزون فِي نشر الأروع. • للتواصل : « @NG00MBOT » • • تاريخ انشاء القناه: « 20/4/2020 »
#الجزء_الاخير
- رواية بهجان الجن العاشق الفصل الأخير
رواية بهجان الجن العاشق
الفصل الأخير
قبل ما انهي القصه دي اللي طولت اوي نظرا للظروف اللي كنت بمر بيها ف انا حابه اقول كلمتين
اولا انا بشكركم اوي انكم اتحملتوني الفتره دي
وبشكركم كمان مره علي الدعاوي والتهاني اللي وصلتني من كل الناس المحترمه
الحقيقه انكم كلكم ناس محترمه وانا بحبكم جدا
وحابه افرحكم معايا واقولكم اني نجحت وربنا رضاني الحمدلله بالكلية اللي كان نفسي ادخلها
ثانيا ... اتمني مع اخر جزء ف القصه دي ينال اعجابكم يارب وتحبوها للأخر
وحابه أنوه أن مفيش التخاريف دي كل ده من وحيي خيالي انا
شكرا وبحبكم اوي مقدما
نبدأ بسم الله
سمعت صوت كشميرة وهي بتقول ...
استعيذي بالله
ف أنتي الأن في حضرة الشيطان
اتخبطت دماغي ف الأرض جامد اوي
وجعتني جدا
حطيت ايدي عليها وانا برفع راسي ببطئ
ملقتش حاجه
انا علي جزيرة ف وسط الميه
تكاد تكون الميه بلعاها
شجر طووويل متشابك كله فبعضه والضلمه محوطاه من كل ناحية
قومت وفضلت راحه جايه ومفيش حاجه ظهرت ذكرت الله كتير وبردو مفيش
وفاجاه حسيت بدماغي بتلف وعيني بتزغلل
وصوت جوه نفوخي كأنه مرض بينهش فيها وهو بيقول ...
أتيتي إلي بمحض إرادتك
ف لتأتي لحضرتي ف انا في انتظارك منذ سنوات
وكأني مغيبه مش عارفه اتحكم ف اي حاجه
مفيش حد جه أخدني لا رجلي انا اللي كانت بتتحرك لوحدها وانا مش عارفه ارجع ولا اعرف حتي انطق لساني أتشل كل حاجه بقت لا إرادي عندي
ودخلت جوه الغابه وصوته ف دماغي بتألم ألم شديد
حاجات بتهبشني وحاجات بتشوكني وحاسه بألم لكن مش عارفه امنع نفسي أبعد الحاجات دي عني
او اختار طريق سهل لنفسي
مشيت طريق طويل وكنت شايفه بعيني رجلي بتجيب دم
وخرجت من الغابة وصلت لأرض فراغ ملهاش أخر
لكن موبوئه
وسابني وبقيت قادرة اتحرك لكن وقعت
ورجلي بتنزف
حاولت اقوم معرفتش
ف زحفت علي امل اني ارجع
لكن الغابة اللي ورايا اختفت
مفيش غير ارض فاضيه
دخانها يخنق
الدخان ف كل مكان
معدتش قادرة اتنفس لكن كنت شايفه
وانا بحاول اتقدم او ارجع أو اعمل حاجه
لقيت حاجه من ورايا دبت ع الأرض
الدخان الابيض اللي قدامي مبقاش ابيض
كأن ضل ضخم غطي عليه
ذكرت الله كتير لكن انا حاسه بنار حواليا ومش عارفه اتحرك نهائي
وسمعت صوته وهو بيقول...
استديري كي تتلقي التحيه
وكان ابشع حاجه ممكن انسان يشوفها
محصلش حاجه اكتر من أن عقلي حسيت أنه مبقاش في ذره من وعي من الكائن اللي شوفته قدامي
من خوفي انا مقدرتش اتحكم ف اي حاجه عيني كانت قربت تخرج من مكانها
حسيت روحي راحت وجسمي تلج
ساعتها غبت عن الوعي
معرفش حصل اي بعدها
فوقت لقيت نفسي زنزانه ملهاش سقف
سما غير سما الدنيا
لونها احمر
حزييينه
وملغمه كأنها عاوزه تبكي
كنت مربوطه زي اللي مصلوب
الزنزانه كلها منوره
ماعدا ركن بعيد مضلم
معرفش ليه انا مكنتش خايفه
سمعت انين
صوت حد بيبكي
ف الركن البعيد المضلم
ولما دققت اوي
البكا وقف
وبعدين لقيت اللي بيقولي ...
لماذا أتيتي
- بهجاااان
انت
- لم ينبغي عليك ان تأتي الي هنا وتلقي بنفسك ف التهلكه
- ده قدري يا بهجان
كل ده قدر
عمري ما اخترته وعمري مكان يجي ف بالي اني هيحصلي كل ده
لكن الرحله دي عرفتني حاجات كتير اوي
أن ربنا بيدي كل واحد علي ادد اللي يتحمله
انا اتمهدلي الطريق وعقلي أن استوعب اللي انا فيه دلوقت
كشميرة وعتني علي حاجات كتير اوي
- كشميره !!!
م من اين علمتي هذا الاسم
وك
لحظه واحده انتي كيف أتيتي إلي هنا
- كشميرة أميرة الجان المسلم قالتلي انك استغثت بيها تيجي تنقذني
اما سبتني ف الصحرا
- كشميره ... انا مندهش ألبت النداء
بعد كل هذا
انا قمت بإرسال بضعة علامات لها
وطلبت منها أن تغيثك لأجلي
ولم يكن لدي الامل أن ترد النداء
ف أنا علي مدار سنوات كنت العدو اللدود انا وعشيرتي
لها
قتلنا العديد من بني جنسنا بوحشية
فطرتي كانت علي نهج أبانا الأكبر أبليس
نحن ماهيتنا العصيان لا التوبه
انا لست شيطان كافر ولست مؤمن
انا بين هذا وذاك
ولكن هل يمكنني الاختيار ؟!
- بهجان طبعا تقدر تختار
كشميرة عمرها ما فقدت الامل فيك
كانت دائما تقولي أن فيك شيء كويس
وانا كمان انا عمري ما فقدت الامل ف ربنا أنه يخرجني من اللي انا فيه
كلنا اسباب ف حياة بعض
مفيش حاجه حصلت بالصدفه
انا يا بهجان قدرت افهم عظمة ربنا ف الأيام اللي فاتت
ربنا بيعمل كل شيء
وهو اللي قلب قلبك وهو اللي خلا كشميرة تستجيب
ربنا بيدبر الأمور تدبير عجيب
- انا اعلم هذا جيدا
لا شئ بمحض الصدفة
- بهجان احنا البني ادمين مصيرين اه
المصير واحد
لكن الطريق اختيار وربنا عالم بكل واحد
اختار مقعدك من الجنه او النار
وكله برحمة ربنا دايما وبأذنه
#الفصل 11
رواية بهجان الجن العاشق
الفصل الحادي عشر وما قبل الأخير
الكاتبة مي علي
طبعا انا عارفه اني قصرت معاكم
لكن اكيد عارفين انا بحبكم ادد اي
كل الحكاية أن نتيجة الثانوية العامه ف اليومين الجايين وأعصابي تعبت ومبقاش ليا نفس لأي حاجه ولا حتي قادرة اعمل حاجه
ادعولي بس انا واللي زي ربنا يجبر بخاطرنا ومش يضيع لنا تعب
ده الجزء اللي قبل الأخير
هيبقي في أحداث كتير عاوزه تفاعل عالي عشان نخلص القصة دي علي خير ويبقي ختامها مسك أن شاء الله
نبدأ بسم الله
القطه جابتلي الجواب
فتحته
لقيته مكتوب فيه ...
إلي من أثرت قلب الشيطان وحولته ألي قلب ضعيف يتألم ويطلب المساعده حاملا قلبه بين يديكي
قرري أن كنتي تودي المساعده ام لا
وإذا وصلتي للصواب ف انتظريني قرب الفجر بالغابه
وأحملي قطي الابيض معكي
ولتأخذي من الذاد ومن الذكر ما يكفي
كشميرة
سكت
الحكاية اتقلبت بدل
ومبقاش في رحله ولا قربان ولا الكلام ده
دلوقتي انا المفروض انقذ بهجان
بس انا ضعيفه ومعنديش حاجه احميه بيها
ولا احمي بيها نفسي
هروح ألحقه فين بس ده
كان مستخبيلي فين ده كله بس يارب
رددت الكلام تاني ...
سيري إلي قدر الله ولتأخذي من الذاد ما يكفي
صح انا هروح لقدر ربنا ومش هخاف من اي حاجه
واخاف ليه ما ربنا دايما معايا
ده هو اللي قال ألا بذكر الله تطمئن القلوب
فهمت دلوقتي يعني اي
سيري إلي قدر الله
ولتأخذي من الذاد ما يكفي
فضلت قاعده اذكر ربنا وأسبح
وقررت اني هساعد بهجان العاشق اللي ضحي بحياته عشاني
فضلت قاعده لقرب الفجر
نمت وحلمت ببهجان
قاعد ف صورته اللي ظهرلي بيها اول مره كأنسان
قاعد علي البحيره وبيبكي بشده
قربت منه
وندهت عليه لكنه اول ما شافني مرضيش يبصلي
واستخبي مني
وهو بيقولي ...
ابتعدي
لا تنظري إلي
- بهجان ده انا
حلاوه
- ابتعدي من هنا
بهجان انت خايف مني
- انتي من ستخافين مني
- متخفش انا شوفت علي حقيقتك قبل كده
ومستعده أشوفك تاني أرجوك
أظهر
وفعلا ظهر واتخضيت اما شوفته من قريب
لكن حاولت أثبت
قربت منه وانا بقول ...
انت اكتر حد كان قريب مني ف حياتي
انا عمري مهنسي انك عملت كل ده عشاني
قال ...
لا لا تنخدعي ف انا من كان عليه أحضارك لهم
ولكن
ق قلبي ف انا أحببتك
أحببتك بشده
وأصابني الضعف حين أحببت أنسيه
وانا أعلم أن مصيرنا محتوم ولن نجتمع ابدا الا بالقوة
فهذا ما أخبرتني به المرأة التي أخبرتيني بأنها قبيحه من حين كنا ف القرية
أخبرتني أنه يمكن أقناعه بأن تبقي معي ف العالم السفلي ولكن بالقوة
ف انتي لن تتحملي هذا
- بهجان اصلا مينفعش
مينفعش شيطان
ق ق قصدي جن يحب بني ادمه والمفروض أننا نعمل اي تاني
انا اصلا عمري ما تخيلت ده ولا عمري كان ف بالي أنه حقيقه
بهجان انا دلوقتي عاوزه افكك من اللي انت فيه
يمكن ربنا جعلني ليك سبب
مش عارفه
بس انا عمر ما كان ف بالي أن ممكن ده يحصل
حياتي طول عمرها غريبه
انا مش عارفه بعد كل الي حصل ده انت هعرف اعيش ازاي تاني طبيعي
او بعد اللي شوفته هقدر اشوف دنيتي تاني ازاي
- ألن تظلين معي
سكت مردتش
قال ..
اذا لا تأتي فالسجن والجلد أهون من تركك لي
- لا لازم هاجي اخلصك من اللي انت فيه
- لماذا يهمك امري وانتي لا تحبيني
ف انتي معشوقتي
ولن أسمح لأحد أن يأخذك
- عمرك مهتأذيني لأنك بتحبني
قرب مني وحاول أنه يحضني لكني كنت بقاوم
حسيته بيخنقني
ومش قادرة اخد نفسي
لكن فوقت
صحيت من الحلم الي كان شبه الكابوس
القط جه ناحيتي كأنه بيرشدني
فأخدته زي ما قالت وخرجت
لكنه كان تقيل اوي معرفتش أشيله
فنزل علي الارض ومشي قدامي كأنه بيرشدني ع الطريق
ودخلنا الغابة
فضلنا ماشيين كتير اوي
لحد ما وصلنا لكوخ صغير
واقفه عنده كشميرة
اللي بصتلي وقالت ...
والأن فلتنصتي إلي جيدا
أعلم ما رأيتي والأمر صعب شيئا ما ولكن إذا قومتي بمساعدتي سينتهي الأمر كما تريدين
اتفقنا
والأن أنا دعوت كافة قبائلنا من الجان المسلم
لتحرير بهجان والقضاء علي شخبورش وأتباعه
- القضاء عليهم ازاي
هو مش انتو مبتموتوش
بصتلي بصه عميقه وقالت ..
هذا ينم عن جهل
لقد تعهد الله بأن يبقي إبليس إلي يوم القيامه
فقط هو وليس عشيرته
فقبل بداية الخليقه كان الجن والشياطين هم من يسكنون الأرض ولكن حدثت معركة كبري وقتل بعضهم البعض
ولم يتبقي سوا إبليس
ف أخذته الملائكه وجعلته معهم وكان صغيرا يلهو ويلعب وسطهم
وكانو يطلقون عليه طاووس الملائكه
إلي أن بدأ الله في خلق آدم ف كان أبليس يحوم حوله وهو كقطعة الفخار يشكله الله كيف يشاء
ولا احد كان يدري ما هذا
حتي اليوم المعهود
الذي أمر الله فيه بالسجود
ولكن لم يكن السجود لآدم لشخصه كما انتم تعتقدون
بل أمرهم يسجدون لعظمة الله
#الفصل ال10
رواية بهجان الجن العاشق
الفصل العاشر
الكاتبة مي علي
تفاعل يارب يعجبكم
بصتلي واتفاجئت أنها بتتكلم
وقالت ...
ماذا رأيتي
اتخضيت ...
ا انتي بتتكلمي
قولتي اي اتكلمي
انا فين واي اللي انا
- أجيبيني ماذا رأيتي
حكيتلها اللي شوفتها
قامت وقفت وبصتلي وقالت ..
دعيني الأن أخبرك بتفسير ما رأيتي
من رأيته مكبل هو بهجان جنك العاشق
- ايييي ؟!
ب ب بهجان
- دعيني أكمل حديثي الأن وقبل كل شيء
ف البدايه كانت مهمته هي أحضارك لعرش من تكون أمك علي عهده
بسبب أفعالها الدنيئه فعلت ما يغضب الله ولم تدري ما عاقبة الأمر
فتحت باب لاقوي جنود ابليس علي الأرض
وأتباعه من الكفره
ولكن بهجان هو اليافع من أحد أبناء الشيطان التي سلمت أمك روحه لها بالعهد
ف أرسله ليأتي بك
ولكن كيف
لابد أن تسيري بمحض إرادتك
فخدعتك أمك وجعلتك تفعلين اشياء بحكم انها ستحميكي ولكن
انتي استعنتي بالله ولم تسيري علي هداها
لابد أن تذهبي إليه بكامل إرادتك
فكيف يفعلون هذا وانتي رفضتي بشتي الطرق
ف أرسلو إليكي بهجان
ليأتي بك بكامل إرادتك
ومنذ أن رأكي وقد وضعتي عليه اللعنه
ودق قلب الجن للأنسيه
وعلم أنهم سيأخذوك لا محاله
ف قام بحمايتك وأخذك وبدأ يجمع الاشياء التي تخفي أثرك
ليسير بك في رحلة طويله في عالمنا
لا يعلم هو نهايتها ولكنهم لم يتركوه
فتركك ف الصحراء
ولكن أرسل هذا الحصان المكبل بالخارج
لأقوم بأنقاذك
اذا حدث شيء وأخذوه من أمامك
لذلك لم تجديه
وإذا بي اراكي تقفين في وسط الصحراء تركضين
فأتيت بكي الا هنا
لأقوم بحمايتك
انصدمت من اللي قالته
وسألتها ...
انتي مين
قالت ...
انا كشميرة أميرة عرش الجان المسلم
- و و بهجان مسلم
- كنت علي عهدهم في سابق العهد ف انا وعشيرتي كنا نتخفي من بطشهم لكي لا يعلمو أننا نؤمن بالله
كنت اري في بهجان الصواب والهدي
وكنت اسعي جاهده
أن أجعله مثلنا
ولكن كشف الأمر
واضطرننا للهروب من بني جنسنا
وللاسف لم أقدر علي أخذ بهجان معنا
وسعيت بعدها عندما أصبح كبيرا أن أجعله علي عهدنا ولكنه كان أصبح مثلهم
ولكن يشاء القدر أن تكوني انتي من يأتي به إلي
ليطلب المساعده
بل ولفعل المزيد
ف انت من بيدك قلبه
- وانا انا اي نهايتي
والحاجات دي والدوامه اللي انا فيها
- انتي الان في عالم الجن
تنتقلين من مكان لآخر فقد حرص بهجان
علي أن يمنعهم من تقفي أثرك لذلك انتقل بك من مكان لأخر
- طب وهو فين دلوقتي
- شخبورش لا يقيم وزنا الا لمصالحه
فهو يسعي لتدمير بني البشر سيرا على عهد إبليس
حتي وان كان علي ذلك علي حساب ابنه
- شخبورش مين
- التابع الذي تمثل لوالدتك
- شخبورش ده يبقي
نعم والد بهجان
فقد حان موعد والدتك فروحها الان ملك للشيطان
كافره وليس لها مأوي سوي الدرك الأسفل من النار
تمثل لها هذا التابع المخلص وأصبح يمنيها ويخبرها أنها
ستحصل علي الخلود الأبدي إذا قامت بتسليمك
وكم كانت غبية حين ظنت أنه يستطيع أن يعطيها ما لا يملكه
الخلود
وااااه ما الخلود
أنه القوه الكامنه لله الواحد الأحد
ولكني اظن ان والدتك نسيت الله
كما نسيه الكثير منكم
ف انتم علي مرور سنوات يا بنو آدم
سعيتم للخلود
تعيشون الحياه ولا تعطوم بالا لما هو قادم
الظلم والقتل والزني وسعيكم للمال والسلطة والفساد
تنظرون إلي الدنيا كأنها الخلود الأبدي
يمنيكم الله ويوعدكم
معادلة صريحه واضحه
افعلو تنالو
يخبركم أن عدوكم إبليس وأتباعه وتطيعونه
أخبركم أن ليس عليكم سلطان ما دمتم تستعينون به
ولكن لا تنصطون
تلهيكم الدنيا ولا ترون من شيء
في كل شيء يوجد حكمه تجعلكم تؤمنون
يا بني البشر يامن خلقكم الله وفضلكم علي سائر المخلوقات وحملكم الأمانة
كافة المخلوقات تسبحه وتوقره ولا تعصي له أمرا
ولكن اين انتم من هذا يا حكمة الله ف الأرض
حقا نحن لا نحزن علي ما وصلتم إليه
ف كل شيء بسبب أفعالكم
نسيتم الله ف نساكم
وهذا خير الجزاء
- بلاش تتكلمي عننا كأن مفيش فينا حد كويس
اكيد في
- قليل
قليل منكم
ف النار سبع ابواب ولكن تريد دائما المزيد
والجنه ثمان ولكن عددها قليل
- دايما في فرصه ربنا غفور رحيم دايما
- أعطاكم الكثير ولكنكم أغضبتموه غضبا لم يغضب بعده ابدا
حزنت علي كلامها
فعلا دي الحقيقه
كتير اوي
بنبص للدنيا علي انها دايمه عاوزين بكره
دايما
لكن مبنبصش لنهاية النهاية
بصتلي وقالت ...
أعلم ما يدور بعقلك
الأن انتهيت من الحديث
- العمل اي طيب اعمل اي
- سيري إلي قدر الله
ولتأخذي من الذاد ما يكفي
- يعني اي الكلام ده يعني اي
اختفت من قصادي
ولكن صوتها لسه موجود ...
سيري إلي قدر الله ولتأخذي من الذاد ما يكفي ...
واختفت
#الفصل 9
رواية بهجان الجن العاشق
الفصل التاسع
الكاتبة مي علي
تفاعل عالي بقي ورأيكم يارب الجزء يعجبكم
نبدأ بسم الله
بصيت حواليا وفعلا قولت ههرب
وملقتش الحصان
ولا اي حاجه
كنت ف الصحرا بطولي
ومفيش اي حاجه حواليا
ووقع قلبي اول ما سمعت صوت الديابا
اللي من اول ما خرجت من بيتنا وطول مانا ف الصحرا دي
مشوفتش اي ديابا
جتتي اتلبشت
وسامعه صوت ابويا ف وداني وهو بيقولي اهربي
طلعت اجري زي الهبله
جريت وخلاص مش عارفه علي فين ولا لأي ولمين
بجري وبس واقع وأقوم
ونفسي هيتقطع خلاص لكني بجري
مش شايفه بعيني اي حاجه
لكن بعيد ووسط ما نفسي كان مقطوع وعيني مش شايفه غير العفار
لمحت بعيد بيت
اه هو بيت
في شباك منور
نوره شديد جدا
كنت شايفاه من بعيد بوضوح
جريت عليه كأني لقيت قشة اتعلق بيها
وكل اما اقرب أحسه بيبعد
فضلت أصرخ انا اي اللي بيحصلي ده
يارب انجدني يارب
انا تعبت
وقعت ع الأرض وحطيت ايدي علي وشي وفضلت اعيط
وفاجأه الصحره هبت جامد اوي ومعدتش شايفه حاجه
كانت رياح شديده اوي
لدرجة اني مبقتش عارفه اعمل اي والرمله بتتسحب من تحت رجلي والهوا بيوقعني ع الأرض وبدحرج
فضلت اعافر
اني احاول امسك نفسي لكن مفيش فايده
سبت نفسي
وبقيت ادحرج ع الرمله مطرح ما الريح تحطني
وكنت مغميه عيني بأيدي
وهوب
أدبيت ع الأرض صلبه
اتوجعت
ايدي حسيت في حاجه دخلت فيها
فتحت عيني وقومت مفزوعه
لقيت نفسي قدام باب البيت اللي كنت شايفاه من بعيد
قومت بصيت
اه هو
والنور اللي خارج من الشباك
روحت ناحية الباب وقبل ما اخبط
فتحتلي واحده
جمال مشوفتش زيه ف عيني
رغم أنها عجوزه جدا
وشها بيفط منه النور
بصتلها وقولت ...
سلام عليكم يا حجه
ا انا بس ك
رفعت أيدها اتخرست كأن حد لجم بوقي
وشاورتلي ادخل
منظرها مش مخيف خالص
بصيت ورايا لقيتني ف عتمه شديده اوي
من رعبي دخلت
شاورتلي اني اقعد
كان البيت غريب وريحته غريبه
لكن حلوه زي البخور
صور كتير اوي
ف كل مكان في صوره
والبيت مليان حيوانات
كلاب
وقطط
قاعدين جنب بعض
قعدت ف المكان الفاضي
وهي دخلت
معرفش راحت فين
وشوية ورجعت بازازه ف أيدها
وقعدت جمبي
انا جيت ابعد واسيبلها مكان
شدتني ناحيتها
شدت ايدي جامد
لقيتها متعوره وبتنزف جامد وانا من خضتي مكونتش حاسه
حطت عليه الماده دي
وكأن تلج سااااقع جدا نزل علي ايدي لكن حسيت براحه
وربطتهالي بقماشة بيضه
وقامت
شاورتلي اني اقوم وراها
الامانه انا كنت حاسه اني مرتاحه اوي
وفي طمأنينه جوايا
دخلت وراها البيت كان مبهج والريحخ ابتديت اتعود عليها وكانت جميله اوي الحقيقه لما بدأت اخد عليها
دخلتني أوضه
كانت كل حاجه فيها بيضه ونضيفه جدا
ومنظمه
اوي كل حاجه ف مكانها
دخلت شاورتلي وانا فهمت أنها عوزاني انام هنا
دخلت
لكني مكنتش عارفه هي مين ولا اي حكايتها دي كمان
لكن كل اللي قدرت اعمله عشان اطمن
اني ذكرت الله ف سري
ولما عملت كده
قبل ما تخرج بصتلي وابتسمت ابتسامه بشوشه
وخرجت
معرفتش هيا اي
لكن اكيد مش زي العالم دي اكيد
قعدت مع نفسي
ع السرير
كان مريح اوي
وفضلت افكر
أن في طريقين وان الناس أنواع
وان ف طريقي كان الشر اكتر
وإن ربنا وقفلي ف طريقي حاجات ترشدني
ابويا
والست دي
وبه
صحيح بهجان
يا تري انت فين وسبتني وروحت فين
انا مش عارفه انا غلطت لما مشيت وراك
ااااه لو في حد يقولي ولا يفهمني اي حاجه
نمت وانا بفكر كده
نمت بعمق محستش غير براحه
صحيت علي لمسة أيدها
كانت قدامي زي نور الشمس ع الأرض
قومت من سكات وروحت وراها
حطتلي اكل وقعدت قدامي شارده وبصه لناحية بعيد
ولما خلصت
قامت
وانا قاعده القطط بتاعتها كانت بتتمسح فيا بهدوء
مخفتش منهم
غابت عليا
ف قومت فضلت اتفرج ع الصور والحيوانات اللي ماليه الدنيا
شويه ولقيتها جت
كانت شايله قطه بيضه حجمها كبير اوييي
شاورتلي اني اروح وراها
وخرجنا بره
وعقلي كان فاضله شويه وهيشط
البيت كان وسط غابه
مفيش اي صحرا ولا اي حاجه من دي
فضلت اقول أزاي بس
ازاي
كان في جنينه كمان قدام بيتها مرعرعه
فيها زهور الوانها فسفوريه جميله
اول مره اشوف حاجه زي كده
لكن مش وقته الكلام ده
بصتلها وقولت ...
ارجوكي لو فاهمه اي حاجه من اللي انا فيه قوليلي
طب انا فين
طب انتي مين
طب ازاي
قطعت كلامي وشاورت بعيد ناحية الغابه
وقتها الدنيا غيمت علي الغابه دي
وكأن بس البيت اللي في شمس
بصيت بعيد لقيت كائن غريب بشع
بعباية مغطياه كله كأنها جسمه
وماسك عصايه آخرها فاس
واقف مستني
سرحت معاه حسيت أنه بيشدني
بياخدني ناحيته لا ارادي عني
وقفني هيا
مسكتني
حطت أيدها علي وشي
#الفصل 8
رواية بهجان الجن العاشق
الفصل الثامن
الكاتبة مي علي
خلونا متفقين أن التفاعل القليل بيحبطني والله يا جماعه ف ممكن نعلي التفاعل بس شويه
نبدأ بسم الله
استغربت من ردة فعله
كنت خايفه لما بعد عني
حسيت انهم هياكلوني
بس كل همي كان ف اللي قدامي ده
وبيقدم الولاء والطاعه ده
مبتتكلمش هي بس بتشاور بعينها وكأنهم فاهمين بعض
واديتله كيس زي صره كده بتاعت زمان اللي كان بيبقي فيها دنانير دي
كان لونها أحمر
باس أيدها تاني
ورجعلي وقال ...
يلاا
سحبني زي الجموسه وانا مش فاهمه حاجه
وخرجنا من القريه الملعونه دي
وكأني أخدت نفسي اخيرا
يا ساتر
ركبنا الحصان
وطلعنا
كنا خرجنا اهو مفيش يدوب وببص علي القريه دي ملقتش حد فيهم
قطع الخضه اللي كنت فيها وقال ...
امسكي فيا كويس
والحصان جري زي ما يكون قرب يطيح ف الجو خلاص
وانا ببص ورا
اختفت ولا كأن كان ليها وجود مع أننا مبعدناش كتير
قولتله بصوت عالي ...
دي اختفت ألحق اختفت
قال ...
ومين قالك أنها كانت موجوده اصلا
- اي انت بتقول اي
والناس والست اللي انت بوست أيدها دول كان منظرهم بشع
دول كفره اكيد
قالي بصوت رعبني ...
انتي بتتكلمي عن اي
قرية اي وناس اي اللي مرعبين وست اي اللي انا بوست أيدها
- بهجان انت هتستعبط
ضحك
ضحكة شخبورش
شديته وانا بقول ..
وقف الحصان انا عاوزه انزل هنا
نزلننننننني بدل ما هنط
وقف الحصان وهو بيقول ...
في اي
مالك حصلك اي
نزلت
ورجعت بضهري لورا
جه ورايا وهو بيقول ...
اي اتجنيتي
قولت ...
انا خايفه منك
ابعد عني
انت كافر زيهم
ولا عبد ولا خادم ولا انت جنس ملتك اي
رجعت ورا وحسيت أن رجلي بتغرز جامد اوي ف الرمله
بصلي وقال ...
انا لا عبد ولا خادم
وانتي بتسألي كتير وانا مبحبش كده
انا بساعدك
ومش عاوز منك حاجه اكتر من انك متسأليش
رجلي غرزت اكتر
قولت ....
الحقني
- تؤ خليني أسألك الأول
انتي شوفتي قرية من شويه
او كان فيها حد
بصلي بعيون جباره
عرفت قصده اي ..
قولت لا مشوفتش
سكت شويه وقال ...
كويس اوي كده نبقي اتفقنا
مد أيده وطلعني
الكاتبة مي علي
بعدت بعيد عنه قرب مني ومسكني جامد وقال ...
اركبي
ركبت الحصان
وطلع بيا
واحنا ماشيين ف الطريق
عدينا تاني علي قرية
كان خارج منها ناس كتير
شايلين نعش علي كتافهم
والستات لابسه أسود وبتندب ويتنحب وبتضرب التراب ف الأرض
طبعا ده كله حرام
والرجاله شايلين النعش وماشيين ببطيء شديد جدا
والستات قدام بيصوطو ويشلشلو
وكأن الناس دي كلها خرجت ورا الراجل أو الست دي
عديناهم
بكتير لحد ما وصلنا للمقابر
كانت مكشوفه ونص اللحود مفتوحه
لحد جمب لحد
مفيهاش حد
وقف
قولتله وقفت ليه
قال ...
في حد احنا لازم ننتظره هنا
- هنا !
سكت مردش
قولتله ...
بهجان انا ابتديت اخاف
بصلي وقال ...
مني
قولت ...
اه ومن كل حاجه بتحصل
قال ...
احنا لسه ف اول يوم
قولتله ...
انا خلاص مش هقدر انا لازم امشي
مسكني جامد اوي وقال بصوت عالي ...
معدش في رجوع انتي هتفضلي معايا انا اناااا وبس
- بهجاااان ابعد انت بتخوفني
وكأنه فاق
بصلي وقال ...
حلاوه انتي ممكن تخافي مني
لكن متخفيش من قلبي هو هيحميكي
انتي متعرفيش انا هيحصلي اي بسببك
هتلاقيني بتغير وبتحول لشخص متعرفيهوش
هتلاقي حاجات كتير ف الرحله دي
لكن ف الآخر
وعد مني لازم هتوصلي بسلام
وهنكون ...
هنكون سوا مع بعض دايما
متخفيش
هديت وسكت
وفضلت قاعده خايفه
وهو كأنه كان مستني الجنازه اللي كانت جايه
كانت ماشيه ببطئ اوي
والليل ليل وانا مكاني مفيش حاجه خالص بتحصل
أكلت كنت خلاص تعبت وقوتي راحت
سكتت
وأعلنت الجنازه عن وصولها
صوت الستات وهي بتصرخ
كانو بينين كأنهم صف ماشي
مفيش لا نور
ولا نار ولا اي حاجه
بهجان فين انا مش لاقياه
فضلت مكاني
مستخبيه
ووصلو ودخلو للحد كان قريب مني
كانو ناس غريبه بردو
اي الناس دي بس
دفنو الشخص اللي كان معاهم ف لمح البصر
ومشيو وسابو الصندوق جمب القبر
البطيء اللي كانو جايين بيه عكس السرعه اللي دفنوه بيها
بهجان اختفي
وانا مرعوبه
طب راح فين بس
بصيت علي الحصان ازاي بس مشافهوش
انا مش غبيه
الحاجات دي أكيد مش طبيعيه
دول مش بشر
اه طبعا بشر اي
لا دول حاجات تانيه
بسم الله الرحمن الرحيم
منك لله يا امي علي اللي عملتيه فيا ووصلتيني ليه
فضلت قاعده مطويه علي نفسي
منا خايفه اقوم
وف وسط عتمة الليل
صدا صوت واحده بتبكي
انين واطي
بس بحرقه
بصيت لقيت ناحية القبر واحده فعلا قاعده
انا خوفت
لا اترعبت
دي ظهرت أمتي دي
كانت باينه أنها ضعيفه اوي
صوت بكاها قطع قلبي
#الفصل السابع
رواية بهجان الجن العاشق
الفصل السابع
الكاتبة مي علي
تفاعل ع الجزء ده وفي جزء تاني انهارده بأذن الله
بصلي بهجان وقالي ...
جاهزة
هزيت راسي وقولت...
جاهزة
ركب قصادي وانطلق بالحصان اللي كان بيجري بسرعة الريح
المنظر بالنسبه لي كان مبهج الأرض كأنها صغيره جدا
طريق واسع ف اقلب الصحرا
والقمر كبير جدا بين جبلين كأنه لؤلؤه ف تاج غالي
فضلنا راكبين الحصان مسافة طويله
وبعدين الحصان ابتدي يهدي
ووصلنا لأرض فيها أبيار ميه
بصلي وقال ...
هنستريح هنا
قولتله ...
ليه احنا مبعدناش
- بصي خلينا متفقين أنك ف أمان معايا وهنوصل ف المعاد
- طب ممكن بقي تقولي اي اللي حصل وازاي انت دخلت الزنزانه
- بصي يا ستي
انا فضلت مراقبه من اول يوم انتي جيتي قولتلي فيه أنهم هياخدوكي وكده
كنت حاطط حد وراه منين ما يروح وكنت عارف مواعيده وبيروح فين وليه
والساعه كام بالتحديد
وشوفتهم وقت ما اخدوكي ع الزنزانه دي ف المطرح اللي ورا
اللي هو وامك بينزلوه عشان التحضير والحاجات اللي بيعملوها
- اه انا فعلا لقيت علامات وحاجات كده غريبه مفهمتهاش
- دي أعمال سفلية وحاجات كده بيستعينو فيها
بجن من الدرك الأسفل
اوحشهم علي الأطلاق
أنهم يوصلو للمرحله دي معناها أن امك والتابع اللي معاها اذو ناس كتير اوي
- وبعدين
- بس انا دخلت بهدوء اول ما شوفت امك خارجه وهو كان قاعد مكانها
كنت محضر الحاجه بره
كان لازم يبقي في مواجهه بنا وعشان كده ضربته ف هو وقع ف الأرض مغمي عليه
طبعا انا مكنتش اضمن هيفوق أمتي
فشمتته سائل من اللي بيرشوه علي الستات اللي
بتجبوهم
وقع
- ثواني ثواني هو ده مش
- لا مش ياختي عفريت ولا حاجه
- كمل
- بس ودخلت جبتك بعد ما سلكت منه المفتاح
بصتله وقولت ...
والله انا مش عارفه اقولك اي
- متق
وفاجأه سكت
وبص ف السما وقال ...
الفجر قرب
قولتله ...
اه
قام وقف ورا الحصان من الناحية التانيه
مكنتش شايفه هو
بيعمل اي
وبعدين رجع قعد جنبي وف هدوء
من غير كلام خالص
الجو برد بشكل مش طبيعي
بصلي وحط عليا غطا من غير ما اتكلم
مكنتش عارفه فاضل ادد اي ع الفجر
لكن البرد قلب بعفره جامده اوي
لدرجة مبقتش شايفه اي حاجه
وأصوات للريح غريبه
مسكت فيه غصب عني من الخوف
قالي قومي معايا
مسك ايدي وشدني ناحية تالت بير
وقالي ...
انزلي
- ايييي
- متخفيش البير فاضي انزلي
عشان العفره دي هتزيد وهتسمعي أصوات غريبه
تنزلي واياكي تتكلمي خالص أو تطلعي لحد ما النوه دي تعدي
خوفت وقولتله ..
بس
قال ...
مش واثقه فيا
بصتله وقولت ..
واثقه
قال ..
انزلي
ومع اول اذان الفجر كل ده هينتهي اكيد
- وانت وانت عرفت منين
بصلي وقال ...
انزلي من غير اسئله
مش هأذيكي
انزلي ا ثملبير مش غويط وانا هطلعك ف الوقت المناسب
وفعلا نزلت
البير مكنش غويط خالص
بالعكس اتفاجئت اني نصي بره
لو وقفت نصي التحتاني بس اللي مش باين
وشايفه كل شئ
بصلي وقال ...
اقعدي
متخفيش
قعدت
قال ..
غمضي عينك
وفعلا عملت زي ما قال
وفتحت ملقيتهوش الصدمه اني لقيت نفسي كاني قاعده تحت الميه
ببص فوق كأن البير متغطي بالميه
اقوم
لا بس هو قالي متقوميش
انا مش سامعه اي حاجه
اعمل اي بس
مديت ايدي حتي لفوق
لكن حسيت اني البير بقي غويييييط والميه بعيده عني
ياتري اي اللي حصل وأي حكايتك يا بهجان
عشان كنت حاسه بوش ف دماغي لكن سكت
سمعت أصوات
أصوات غريبه واصله مع غرير الميه
انا قاعده تحت الميه
يا ليله سوخه
مفيش صوت خالص دلوقتي
لا الصوت رجع اهو
مين فوق
يارب منكونش اتكشفنا
فضلت قاعده عنيا متشعلقه لفوق
وفاجأه لقيت حد كأنه بيبص ف البير
بس في بينه وبيني مسافة بعيدة
انا خوفت
وطيت دماغي لتحت
ومرضتش ابص
جرا اي يا بهجان انت روحت فين بس
والسكوت حاوطني من كل ناحية
وقطع صوت السكات ده
اذان الفجر اللي كان واضح اوي بالرغم من اني قاعده ف البير
بدأت أردد وراه كنت سامعاه
مع العلم أن مكنتش شايفه اي مسجد قريب مني
كان كله صحرا
انا بؤمن بالمعجزات
أكيد بس
كل حاجه ف حياتي فاجأه بقت تخوف
أمي وشخبورش
بهجان
والرحله الغريبه دي
وأخواتي اللي اتسرسبو واحد ورا التاني ومعدتش لقياهم
يمكن لو كانو جمبي موجودين
مكنش ده بقي حالي
ياااااه فينك يا بابا وحشتني اوي
اوي
معرفش اي اللي حصلي بس بقيت بفكر ف حاجات كتير مره واحده
لحد ما سمعت صوت بهجان بينادي
- حلاوتهم
حلاووووه
كنت حاسه اني قادره اقوم اقف
قومت فعلا وقفت
خلاص مبقتش متفاجئة من كل اللي بيحصل ده
بصيت لفوق وقولت ...
بهجااااان
قال ...
غمضي عينك يلا عشان تطلعي ولا عجبتك القاعده تحت
ضحكت وسكت شويه
#الفصل السادس
رواية بهجان الجن العاشق
الفصل السادس
الكاتبة مي علي
أسفه جدا ع التأخير ولكن الدار طلبت مني اوقف الرواية دي وانزلها كتاب بسبب الإقبال عليها
لكن خلاص المشكله اتحلت
نبدأ بسم الله
عرض شخبورش الجواز علي مامة حلاوتهم
اللي فاجئتها وقالت ...
شخبورش طلب ايدك مني وانا وافقت
نزل عليا وشي غضب عمري ما كنت اتخيله وصرخت ف وشها ...
انتي بتقولي اييييي
- زي ما سمعتي
- انتي مين اداكي الحق انك تقرري عني
أن اتجوز المسخ ده
اتجوزيه انتي
انا كنت عارفه انك عاوزه تدخليني معاكي ف سكتك دي
لكن لا عمري مهسمحلك تعملي كده فيا
وسبتها وخرجت اجري
اروح فين بس يارب واعمل اي
جه هو ف دماغي
قولت لازم ادور عليه
واقوله ع اللي هيحصل
تؤ لكن لا انا بردو معرفهوش عشان اشيله همي واحكيله حاجات زي دي
طب اعمل اي
بس هو الشخص الوحيد اللي اعرفه ويقدر يساعدني
قررت اني لازم اظوؤ
أقوله
جريت ع السوق وسألت عليه قالولي اكيد عند البحيره
روحت هناك
ملقتهوش
قولت ف نفسي يادي النيله هو انا هلاقيها منين ولا منين بس
انت فين بقي يا أخي
وطلع من ورايا زي العفريت وقال ...
شوبيك لوبيك عبدك بين ايديكي
- يخربيتك خضتني
انت بتطلع زي العفاريت من تحت الارض
- وليه زي مانا عفريت فعلا
بص غمضي عينك وانا هختفي
- يادي النيله هو ده وقت لعب
تعالي بس عاوزه اتكلم معاك
وشديتو من ايدو
حسيت برعشه غريبه جوايا
لكن مهتمتش
وروحت قعدت معاه ع البحيره
ولكنه لاحظ اني فضلت أتلفت
بصلي وقال ...
مالك بتتلفتي ليه كده
خايفه من اي
اوعي تكوني خايفه من البتاع ده اللي جه من شويه ووشك جاب ألوان
- لا لا انا مش خايفه
- هههه واضح
قومي قومي
تعالي نقعد ورا العشبه مش هيشوفك
- اه ياريت
قومنا وقعدنا
بصتله وقولت ...
اسمعني كويس فاكر الموضوع اللي قولته لي الصبح
- موضوع اي
- موضوع الجزيره والتبر الاحمر والفتاه الشابه والراجل اللي راح ورا الجبل
والفرقان قصدي القربان
الكاتبة مي علي
- اه اه ماله
- انا عوزاك توديني
ينفع انهارده نمشي
- طبعا لا انتي بتهزري دول تسع ليالي وعشر ايام
ولازم مع كمال البدر بأيام الغجر
- انا مش فاهمه حاجه
- موضوع طويل هفهمهولك بعدين بس انا مقدرش اوديكي المكان ده الأيام دي
لازم اجهز الحاجات الاول
لازم نجمع المطلوب
- انا معاك بكل حاجه عاوز فلوس اديك اجي معاك اجمع اللي انت عاوزه بس توديني
- وأمك والحارس بتاعها
- دي عاوزه تجوزهولي ومش بعيد كمان يحبسوني انا كان لازم اقولك عشان لو حصلي حاجه تلحقني
- استني بس يجوزوكي لأي للبتاع ده
- اه والله
- وانتي عوزاني الحقك ازاي
- اوعدني انك هتوديني ولو حصل حاجه تلحقني انا والله مليش حد ف الدنيا ووقعت مع العالم دي
وانت الوحيد اللي ادتني امل
- بس انتي واثقه فيا اوي يعني مع انك متعرفنيش
- انا بس مليش حد وبخاف من كل حته حواليا اعمل اي بس
انت مش عارف انا حياتي كانت عامله ازاي
انا غرقانه وانت استلقتني
- طيب تمام
حاولي بس تساهيهم وانا اول ما يحين المعاد هتلاقيني قصادك
- أمتي يعني طيب
- عدي حداشر يوم من دلوقتي
- ياالهوي كل ده
- متقلقيش انا هلحقك لو حصل اي حاجه
- طيب انا هقوم وهعمل زي ما قولت هستناك متتأخرش عليا
- حاضر
وفعلا مشيت
روحت ع البيت وكنت بتعمد اني مخرجش
ولا اعمل اي حاجه تلفت انتباهها
حاولت تتكلم معايا ف الموضوع كنت بسكتها بأني قاعده ف البيت اهو
وكنت بصرخ واعيط وادخل ف حالة هستيريا عشان تسبني ف حالي
وبعد ما عدا خمس ايام
كنت ف السوق
بدور عليه وسط الخلق بعنيا
ملوش أثر
روحت قرب المغربيه
لقيتها هي وشخبورش ف البيت
متجمعين
قعدتهم مش مريحاني
دخلت علي طول من غير ما اتكلم
نده عليا شخبورش
خرجت له ببوز شبرين
بصلي وضحك وقال ...
اشمعنا انا يعني اللي بتلبسي الوش الخشب قصادي ولا هو ناس وناس
سكت مردتش عليه
قال ..
هو يستاهل بردو ده ف عشيرته هو السيد يعني مش اي كلام
أمره مطاع عن أبوه كمان
بردو مردتش
بصلي وقال ...
حلو اوي انك واثقه فيه
بس ياتري بقي عارفه هيوديكي فين
عملت نفسي مش عارفه هو بيتكلم عن اي وقولت .. قصدك اي
قال ...
صاحبك ده
الا هو اسمه اي
- صاحبي مين
انت بتتكلم عن اي
- ههههه لا ولا حاجه
الكاتبة مي علي
- طب انت عاوز حاجه انا تعبانه وعاوزه انام
وعدا يومين كمان ع الحال ده بدور عليه وسط خلق الله
وانا ماشيه ف السوق
خبطت ف أمي
اتخضيت
سحبتني من ايدي من سكات
واخدتني ع المطرح
دخلت ملقتش حد غيري
قولتلها ...
عاوزه مني اي
بصتلي وقالت ...
سامحيني انا تحت الأمر والطاعه ومش بأيدي
محستش بنفسي بعدها معرفش اي اللي حصل
الدنيا لفت فيا
الي معو برنامج التيلجرام معي بوت تربح منو بريال السعودي من خلال تتفرج الى اعلانات وكمان هديه كل ساعتين 5 ريال سعودي وتوالم فلوس وتسحبه عبر الكريمي او النجم او الراجحي اوفودافون البوت مضمون وصادق وانا جربتو الي حاابب يربح ويطلب الله ويشترك يضغط على الرابط الي تحت
وبيدخلك على طول لما البوت وبعدين تضغط على كلمة ابدا وبيجيبلك رابط قناه تضغط عليه وتضغط على كلمه انضمام وارجع الى البوت وتضغط على كلمة تحقيق... وخلاص تبدا تشتغل وتجمع فلوس وتسحبهاهدا حقيقه ومش كدب ومجرب وحبيت اشاركو مع الكل عشان يستفيد غيري
وادا حد دخل عن طريقك تكسب 20ريال سعودي
/channel/FreeCoin_MoneyBOT?start=09324576680
- ملكيش صحاب تقريبا
متوحده بتحبي القاعده لوحدك
اول حد تتكلمي معاه انا
- ده انت مركز اوي
اومال انا مبشوفكش ليه
- هو انتي بتشوفي اصلا
اقرا ايضا
- نعم !!!
-ههه قصدي يعني اني طول الوقت بتبصي تحت وانتي ماشيه مش بتركزي مع حد
- فعلا دي حقيقه
- ها اكمل
- لا لا خلاص
بس انا مش متوحده
الناس هي اللي بتبعد عني
- ليه ؟!
- عشان بنت الدجاله
- امممم قولتيلي انك معقده بقي
- اي ده بتقول كده ليه
- عشان دي اكتر حد بيحترموه هنا
بس الواضح أن شغلنتها مش عجباكي
- وهي تعجب مين
شغل كفر وشياطين
وحاجات وحشه
بتستخدمها ف حاجات اوحش
وبيساعدها
الشياطين اللي ربنا لعنهم دنيا واخره
ملامحه قلبت وقال بثبات ...
ياه ده انتي مدايقه منهم اوي
- من مين
- امك وشغلها والناس اللي معاها
- انا عايشه ليل نهار ف خوف
وحياه مشؤمه
- مش اوي يعني
- نعم
- بصي انا قصدي أن الجن والشياطين علي حسب ما اسمع يعني
بيقدرو يحققو كل رغبات الإنسان
- والمقابل
- مش عارف
بس بيتهيألي بيبقي الشخص عبد عندهم
وبيضحو بروحهم كمان بيتهيألي ده أكبر إنجاز ممكن يتعمل
أنه يوصل البني ادم أنه يكفر
ده ضمن نطاق الوعد اللي وعده ابو
ابو الجن والشياطين ابليس
انه هيغويهم اجمعين
وطبعا اكبر فرحه لما يفرق بين واحد ومراته أو يخلي واحد يزني مثلا او واحده تلبس محزق وتبقي أداة للاغراء وكمان يكفر
وينضمو ليه ف الوقر العظيم بتاعه
هو في لذه اكتر من كده
- لذه ؟!!!!
- اه طبعا لذه
ل ليهم طبعا
هو الغواية متمثله فيه
زي بني جنسك بالظبط
مش انتو هتكونو أكثر أهل النار
- بس انت نسيت حاجه رغم أن كل كلامك ممكن يكون صح
- اي هيا
- أن ربنا اقسم بعزته وجلاله أنه هيملي جهنم بيه هو ومن اتبعه اجمعين
وان بس اللي هيتبعه منهم الغاوويين
حسيت الابتسامه راحت
كملت كلامي وقالت ...
وكمان ربنا قال إنه ليس للشيطان علي عباده سلطان
وأنه كيده كيد ضعيف
بعد كل الكلام ده
امشي ورا كائن حقير
بيوعد ويمني حاجه مش ف أيده وهو لا يملك التصرف حتي ف مصيره اللي هو الجحيم
مين عاقل يفكر كده
سكت مردش
ف انا ضحكت جامد اوي ....
ههههههههههه شوفت كبستك ازاي
بصلي بخبث وقال ...
فعلا بس بلاش تتكلمي كده
احسن تتأذي
- وانت عرفت منين الحكاية دي
- ههههههههه مش محتاجه يعني اي دجال أو عراف بيبقي عليه جن
قبل ما ولدتك تيجي كان في واحد اسمه
سلطان
كان ف نفس الوقر غالبا
حضر الجن واشتغل سنين
وفاجأه قرر يتوب ويبطل الشغل ده
لكن معرفش يصرف الجن كان اقوي منه
ونزل بلعنه علي الغجر اللي كانو هنا ولكن لقي طريقه يفك أثره وأثر القريه
الراجل ده اختفي ولحد دلوقتي محدش عارف هو فين
في ناس قالو أنه راح وقر الجن
حسب الرواية القديمه
اخد تبر الماء الأحمر
وامرأه شديده الجمال
وأخد قربتين ميه من بير بين جبلين وبحيرة
واخد ف منطقه ف الصحرا كبشه من تراب الزبد
وراح
وبعد سنين رجع اللعنه اتفكت
قال وقتها أن كل الارواح اللي باعوها أصحابها قربان للشيطان مغلله ومتسلسله هناك لحين ما يموت كافر
هو وغيره كتير
كل القرابين بتتفك بطريقه معينه هناك
- انت بتتكلم بجد
يعني انا ممكن أمي تفك الاغلال اللي عليها ويسيبها تروح
- طبعا ممكن ليه لا
لو عملت الحاجات اللي مكتوبه ف اساطير الأولين
وبصلي وقال بخبث ...
ممكن هيا أو من ينوب عنها
- يعني أنا أقدر اعمل ده
- اه طبعا بس معتقدش هيا هتوافق
بعد كل اللي وصلتله
- ممكن لكن انا عاوزه اساعد واساعد نفسي كمان
- ازاي وانتي مالك فيكي اي
- بتقول عليا جن
عاوزني
- لا لا مش عاشق
عاوزني قربان
- امممم
- وانا عاوزه طريقه اخلص امي بيها وانا كمان اكون ف أمان
- فهمت طب انا ممكن اساعدك
- ازاي
- هنحاول نفك اللعنه
دي سوا
هجمع كل المعلومات
والحاجات اللي عوزنها
هتبقي مغامرة حلوه اوي
وقام وقف وقال ...
هنروح واحة الشيطان
ابتسمت بخوف وقولت ...
انا هقولها وهي هتفرح اوي اني لقيت طريقه
- مش هتوافق
- انا هقوم اقولها
اكيد هتوافق
- هترجعي تاني
- شويه وه
خبطت ف شخبورش اللي لقيته ف وشي
وبصلي وقال ...
بتعملي اي عندك
انتي مش امك قالتلك متخرجيش من البيت
- وانت مالك انت
وسع من وشي
وزقيته وطلعت اجري
بعدت بعيد
لكن بصيت عليهم
كان الشاب مشي
لكن شخبورش كان لسه واقف مكانه
ومعرفش وطي ع الأرض زي ما يكون بيقتفي الأثر
دخلت لأمي
كانت قاعده حاطه أيدها علي خدها
دخلت قولتلها ...
ضحكت وقامت عليا بلهفه وقالت ...
انا عندي كمان خبر حلو اوي
دخل شخبورش وقال ...
مين الشاب اللي كنتي واقفه معاه
رديت ..
د
وانت مالك
بصلي بغل وقال ...
ضحك اوووووي
وقال ...
انا لا عفريت ولا شيطان انا عبد الاسياد
وسطة خير مش أكتر
انا بحميكي انتي وأمك
من اللي حضرته ومعرفتش تصرفه
أداها واديتو
بس متعرفش أنه مبيشبعش
وأنه عاوز تاني
وليه توابع ف كل مكان
- عاوز مني انا اي
دخلت امي ف اللحظه دي وقالت ...
قولتلك سحرتي كل من شافك حتي الجن
لكنه مش راضي يظهر لي
مش يديني علامه بوجوده
بشوفه دايما جمبك
ومش هيسيبك ولا هيسبنا لو وصلك
- ده اي ده انا عاوزه افهم
- الشيطان اللي حضرته ومعرفتش اصرفه عاوزك انتي
عاوزني اقدمك ليه قربان
- وانا ذنبييييي ايييي انتي تعملي فينا كده
مش كفايه ابويا والعيشه اللي احنا فيها
- انا ندمت و
- بعد ايييييييي حرام عليكي
انا عاوزه اعرف دلوقتي ده جن ولا اي ده
وعاوزني انا ليه
هو ده الجن العاشق
شخبورش ...
ياررييييت كان عاشق ياريت
العاشق مبيأذيش
الام ..
بيأذي
بردو ف الآخر هياخدها
- اعمل اي انتي دخلتيني ف السكه دي
انتي خرجيني منها
شخبورش ...
مكناااا خلاص قربنا وانتي اللي مرضتيش ت
- اسكتوا يا كفره انا عندي استعداد اعمل اي حاجه غير اني أسجد غير الي خلقني
انتي كمان عاوزه تاخدي مني الحاجه اللي ابويا رباني عليها
واكون معاكي ف الدنيا وف جهنم ف الاخره كمان
مش كفايه
- اهدي اهدي انا مستعده اعمل اي حاجه واحميكي
بس ساعديني ومتعقديهاش
- انسي
يجي ياخدني ومش هعمل بردو اللي قولتو عليه لو ميت ما اتعذبت
وسبتهم وخرجت
روحت ع البحيره
وفضلت قاعده هناك
سرحت كتير ف الميه
في وش شخص
بني ادم ف الميه
بصت ورايا ملقتش حد
حاسه أن في حد جمبي بس مش شايفاه
قومت زي المجنونه وجمعت حصا وفضلت احدف ...
انت عااووووز اي منييييي
انا لا يمكن هكون قربان ليك
يا كافر يا عاصي
انت مكانك نار جهنم انت واتباعك
انت ساممممممع
سااااامع
ورا الشجر
حسيت حد بيجري
طلعت اجري وراه لكن ملقتش حد
ف رجعت
بعدت بعدها عنها وعن اي حاجه
حاولت اقرب من ربنا هو وحده اللي هيحميني
كنت بروح عند البحيره اقعد مبعملش حاجه تاني
وبردو بحس حد يراقبني
فضلت كده فتره
لحد ما فيوم كنت قاعده هناك
وحسيت حد ورايا
جاي من ورا الشجر
استنيت شويه وبصيت فاجأه
لقيته قدامي
بصلي وسكت
وانا قومت
وقبل ما انطق لقيت ناس من الغجر جايين وراه
وبيضحكو
بصلي ومشي
استغربته لكني معرفهوش
فضلت قاعده
وجت كام بنت نكشوني
وقومت قعدت معاهم
وفضلو قاعدين يلعبو ع الميه ف البحيره
وهو فضل قاعد ع الصخره رافع رجله وضامم أيده
وبيبصلي
بصتله وبصيت الناحية التانيه
لقيته قرب مني
وقعد قدامي وقرفص
وقال ...
شايفك بقالك حبه بتبصيلي ف شيء
قولتله ..
انا ابصلك !!!
- ايوه
- انا مشوفتكش قبل كده بس هنا
- انا اللي عمري ما شوفتك هنا
عشان كده بصتلك افتكرتك عايشه هنا لسه
قولتله ..
لا
انا هنا بقالي سنين
- بنت مين فالجبيله
- انا ابقي بنت ال
وسكت
قال ..
بنت مين
- انت بتسأل كتير ليه
- اي شكل خلقك عند قبة مناخيرك
سكتت
قال ...
طب حيث كده بقي
ومد أيده وقال ...
بهجان
- ب ه اي
- بهجان
- دي اي ده
- اسمي بهجااااان.....
#يتبععععععععععع.
وقف قصادها وبصلي وقال بصوت مش مألوف عليا
مش صوته لا
وقال ..
اي اتخضيتي
متخفيش
ههههههههه
ضحكته خلت جسمي قشعر وشعر راسي وقف
وبصلها بعينه الخبيثه وقال ...
يلا
هزت راسها ومسكتني من ايدي وقالت ...
تعالي
شديتها وقولت علي فين
قالت ...
هتنزلي التربه ......
#يتبعععععع
#رواية_بهجان_الجن_العاشق
#الفصل 3
رواية بهجان الجن العاشق
الكاتبة مي علي
غلاف مؤمن أشرف
الفصل الثالث
قبل ما ابدأ رأيكم بالتفصيل بيهمني متستخسروش فيا كومنتات تبقالي للذكري
ربنا يراضيكم يارب
نبدأ بسم الله
سألته للمره التانيه
انت مين
اختفت الابتسامه بالتدريج
وقال ...
شخبورش
- شخ اي
- بورش
- ايوه عاوز اي يعني
- عاوز الست صاحبت الصون والمقام والصيت العالي وا
- انت كتير الكلام ليه
وعاوزها ف اي
- حيلك حيلك انتي اللي دخلالي بلا قافيه وعماله تسألي مين وعاوز اي
انتي اللي مين
- انا حلاوتهم
بنت الست اللي حضرتك كنت بتدي فيها موشح من شوية
انحني وفضل يقول ...
اهلا اهلا أنعم وأكرم
لامؤاخذه
العتب ع النظر
- عاوز امي ف اي
- شغل
- شغل اي ؟!
- جاي طالب القرب بدي أكون من خدامها
واشتغل معاها
- امممم
طيب هي عندها شغل دلوقتي
اصبر ادخل اقولها
- براحتك انا مش هتحرك من هنا
دخلت
كانت الست مشيت
دخلت لقيتها واقفه
ومدياني ضهرها يادوبك النار منوره الدنيا
كانت بتتكلم مع حد هي شايفاه
انا كنت سامعه لكن مشوفتش حد
كانت بتقوله ...
احنا متفقناش علي كده
انا قدمتلك كتير اوي
روحي
خدمتك وعبده عندك
لكن بنتي لا
بنتي لا
وبدأت تتلوي زي ما يكون حد بيضربها
كانت بتتألم
وللحظه حسيت أن حد بيخنقها
وفاجأه لقيتها طارت واترزعت ف الحيطه
وقعت ع الأرض
دخلت جريت عليها
وانا بصرخ ...
أمي
رفعت راسها
وبأيدها رفعتها كأنها بتقولي خليكي عندك
جريت عليها
لقيت اللي زقني انا كمان
لكن وقعت ومتخبطش
كل اللي قولته ...
أعوذ بالله من الشيطان الرجيم بسم الله...
وأيد طبقت علي زومارة رقبتي
رجلي مبقتش طايله الأرض
مفيش حد قدامي
عروق وشي نفرت
وهي بتصرخ
والدنيا ف عيني ابتدت تضلم
ولقيت صوت قوي
بيقرا ترانيم
والأيد ابتدت تخف عن رقبتي
لحد ما سابتني خالص
فضلت اكح
وبحاول اخد نفسي
لقيت شخبورش ده
هو اللي كان بيقري
وف لحظه كل حاجه انتهت
قرب عليا ده شخبورش وقومني
وجري علي امي قومها وهو بيقول ...
معقول يا ست الكل اللي يحضر الجن ميعرفش يصرفه
ههههه أما عليه حاجات
ملوش عزيز ولا غالي انا عارف
أمي بصتلي وبصتله وقالت ...
انت مين
قال ...
شخبورش
أمي برقت لكن حاولت تخفي اندهاشها
ده مش شكل واحده اول مره تسمع عنه
لا ده كأنها كانت مستنياه
بصتلي وقالت ...
ع البيت يا حلاوتهم وانا قولتلك ع البيت
اسمعي كلااااامي بقييييي وايااااكي تخرجي
انا استغربت من رده فعلها
بصتلها وقولت بغيظ ....
ماشي
وخرجت روحت
وسبتها هي وشخبورش ده
لحد نص الليل مرجعتش
نمت علي نفسي
وصحيت قرب الفجر بردو ملقتهاش
قعدت شويه وبعدين دخلت كملت نوم
صحيت الصبح دخلت الحمام كان اخواتي خرجو ومبيرجعوش غير اخر الليل
دخلت خدت دوش
كنت متعوده البس ف الأوضه
وانا لوحدي كنت بخرج بالفوطه بس
خلصت حمام وخرجت
لقيتها قاعده ف الصاله ...
اتخضيت
كانت بصالي
لكن حودت نظرها ورايا
وفاجأه قامت
وقالتلي ...
انجري ع الأوضه
البسي وتعاليلي
دخلت طلعت لبس
ولأول مره تدخل عليا كده
لفيت نفسي بسرعه
وانا مدايقه
قالت...
شغل السبهلله اللي انتي فيه ده تبطليه
اياكي اشوفك خارجه من الحمام كده تاني
ولا تلبسي اللبس اللي بتلبسيه
فاهمه
قولت ...
وانتي من أمتي كنتي بتهتمي
قربت مني وقالت ..
الكلام يتسمع
انتي مش هتفارقيني
تعملي حسابك انك هتصحي معايا وتباتي معايا مطرح ما اكون هتكوني سامعه
قولتلها ...
هو في اي انا عاوزه افهم
-
قالت ...
اسمعي الكلام وبس
وبعدين هفهمك كل حاجه
قولتلها بعند ...
انا مش هتعتع من هنا الا لما تفهميني في اي
وامبارح كنتي بتقولي لحد كلام غريب انا عبده ليك
وكله الا بنتي
وكان بيخنقك
اي اللي حصل امبارح ده
قالت ...
د
ومكملتش ولقيت عينها راحت بعيد
سكت شويه وبعدين قولت ...
هو في اي انتي بتبصي علي اي
قالت ...
يلا بس البسي ونخرج من هنا
شخبورش مستنينا
هفهمك كل حاجه ف وقتها
وشها كان مخضوض وده اللي خلاني سكت
ولبست بسرعه وخرجت معاها
وروحنا المطرح
وفضلت معاها مفهمتنيش اي حاجه
لاحظت أن شخبورش اخد مكانه رغم لسه اول يوم
نظراته وطريقة كلامه مكنتش مريحاني ابدا
ومرت الايام ع الحال ده
وبلاحظ عليهم حاجات غريبه
هو بلاحظ ساعات أن اول ما الشمس بتبتدي تغيب بيخرج
بيهرب
بأسرع قوه عنده
ومعرفش هو
فين
واحيانا كتير الصبح لما بنروح
بيدخلو الخيمه ويقعدو كتير اوي
والوضع كان مدايقني
لاحظت كمان
أنه بيبصلي بصات غريبه
وبيحاول يمسك ايدي أو يقربلي لما بكون بساعدهم بحاجه
#رواية_بهجان_الجن_العاشق
#الفصل2
رواية بهجان الجن العاشق
الكاتبة : مي علي
غلاف مؤمن أشرف
الفصل الثاني
اول ما النور رجع
وانا واقعه ف الأرض قومت جري علي جوه
وقلبي واجعني من الخوف
دخلت بسرعه وقفلت الباب
وبلف لقيتها ف وشي
قولت ...
بسم الله الرحمن
وقبل ما أكمل حطت أيدها علي بوقي وولعت النور وهي بتقول ...
كنتي بتعملي اي بره
كان نفسي مش راضي ينتظم م الخضه
شالت أيدها من عليا
وانا قعدت حبه علي ما اخدت نفسي
وبصتلها وقولت ...
كونت بشرب ميه
و و النور قطع ف انا خوفت
واول ما رجع
جريت
بصتلي وسكتت وقالت بصوت عنيف ...
روحي نامي
ومتطلعيش بره تاني
قولتلها حاضر وخرجت
ومن ساعتها وانا كان لازم اتعلم العمي
بقعد ألعب مع العيال ف الشارع اللي في المطرح
ويتفتكرني بأكل يا متفتكرنيش
كنت بلقط رزقي اي لقمه عيش حتي تسد الجوع
واروح معاها اتخمد
مبتسألش فيها
كنا مع نفسنا كده
اهو اتعودنا وخلاص
لكن كان في اوقات تانيه كانت تاخدنا وتجبلنا اكل حلو اوي
ولبس كانت بتتغير بحالات كتير اوي
سنين ع الحال ده
بشوف حاجات انا واخواتي
لكن مبنتكلمش
نقلنا ف الكام سنه دول كتير اوي
واتقبض عليها كام مره وكانت مبتطولش وبتخرج
لحد ما نقلنا لأخر منطقة دي
كانت حته غ خن جوه خن
الناس اللي فيها اسمهم الغجر
كانو ناس غريبه الشكل
بيرسمو اشكال غريبه علي جسمهم
ويعلقو حلقان ف مناخيرهم
وبره الحواري كان في منطقه زي الصحرا
وحاطين فيها خيام
زي السوق
ومكنش بعيد علي امي وشغل الحلمبوقه بتاعها أن صيطها ينزاع وسطهم
بقي ليها وقر اكبر من اللي كانت فيه
وبقت تلم كل الناس اللي كانو بيجولها من كل المناطق
وبقي ليها حماية
منطقه الغجر مبيدخلهاش الحكومه
ولا اصلا بيهوبو ف المنطقه دي
كانت علي مقربه من بحيره
كنت أنا والعيال بنلعب عندها
كنت ف حالي انا واخواتي بردو
وامي أخدت لقب العرافه بدل دجاله
كنا عايشين وخلاص
محدش فينا له علاقه بشغلها
لحد ما ماتت الكلبه السوده اللي كانت شغاله معاها
ايوه انا مسمياها الكلبه السوده
كانت فعلا عينها زي عين الكلب ومعضمه زيه
حتي كانت بتنام زيهم
كانت غريبه وموتتها كانت اغرب
ساعة ما دخلو عليها لقوها ميته والخيمه كانت قربت تولع
م الحريق
لكن هي محصلهاش حاجه
كانت ميته
وجسمها كله متخرز اخرام زي ما يكون حد كان ماسك مقوار صغير اوي
وبيحفر ف جسمها
أمي أمرتهم يشلوها
الرجاله
وفعلا أخدوها زي ما هي علي كتافهم
ودفنوها قرب البحيره
وعلمت امي جنبها علامه غريبه
مثلث مقلوب ودايره
وعليه علامه غريبه علي قبه المثلث من تحت
ومشيت
وقعدت بعدها كام يوم
بتظبط حاجات ف المطرح
ورجع الشغل زي ما كان
وف يوم كنت قاعده عند البحيره
انا والبنات
كان وقتها بقي عندي اتناشر سنه
كنت بلغت
وكانت بتتباهي بيا
بقت شابه ف سن صغير
بعتتلي حد من عيال الغجر يقولي أنها عوزاني
روحت
دخلت عليها من الباب اللي ورا
هي كانت قايلالنا لما تعوزو حاجه أدخلو من هنا
دخلت لقيتها مستنياني
وقالتي من غير مقدمات ...
تعالي عشان تساعديني
قولتلها ...
بس أن
- يلا
ودخلت وهي شداني من دراعي
قولتلها هعمل اي
اخدت حاجات كانت ف الصندوق
كتاب وبتاعه مدوره طالع منها ريحه نتنه
وقالتلي هتقفي بيهم قدام الوليه اللي جوه
وحسك عينك تفتحي بوقك ولا تعملي اي حاجه
اي كان اللي هتشوفيه
سامعه
هزيت راسي وقولت حاضر
ودخلت وراها
وقبل ما ادخل قالت ...
استني
بصتلها
راحت مطلعه سكينه زي المشرط
واخدت ضيفرتي من تحت وراحت قطعاها
شويه الشعر وقعو علي الأرض
وانا مش ببص بزهول وماسكه شعري ف ايدي
بصتلي بجبروت وقالت ...
ورايا
دخلت
كان أول مره ادخل المكان ده
اول ما دخلت كحيت كحه شديده من الريحه اللي كانت جوه
مكنتش عارفه اتنفس لدقايق
زغرتلي بعينها
اخدت نفس ووقفت
فضلت تتكلم مع الوليه
وتديها معلومات عنها
كانت بتتكلم بطريقه غريبه وبتتنفض وبتقلب عينها
الحقيقه مظهرها كان يضحك
حاولت أمسك نفسي كتير اوي
وبعدين قامت
وأخدت ديك
كان ديك رزل الحقيقه بينقر كل حاجه
كان سمين ادد كده وكان بيخوفني اصلا
راحت مسكاه
ودبحته بشفره حاده
نفسها اللي قطعت بيها شعري
دمه جه علي وش الوليه
اللي تقريبا فهمت أن جوزها هيتجوز عليها لو مخلفتش
وجايه عشان
أمي تفكلها العمل وتخليها تحمل
كنت فاهمه وقتها نص الكلام والباقي لأ
قومتها والدم علي وشها
وانا بقول ف نفسي اي القرف ده
مين يستحمل ولا يقبل كده
وقفتها واخدت خصله من شعرها ورمتها ف النار
وقعدت تقرا كلام
والوليه تتنفض
وهي بتعمل كده
قالت يارب
ف لمح البصر لقيت امي جريت عليها ومسكت رقبتها
وقالت ..
اياكي تنطفي كده تاني
انا اتخضيت والوليه هزت راسها
وانا بفكر هي ليه دايما بتعمل كده
#رواية_بهجان_الجن_العاشق
رواية بهجان الجن العاشق الفصل الأول 1
مين مننا اختار حياته
او أهله ، الناس اللي هيعيش معاهم ، ولا البيئة اللي هيعيش فيها
، يبقي متعلم ولا جاهل
بعيش ف حاره ولا يعيش في قصر
لكن الحمدلله علي كل حال
كل حاجه ليها حكمه وعبره
وانا كنت واحده من عبر الدنيا
مخترتش أن امي تبقي بتاعت سحر وأعمال ودق ذار وتوقيع وقراية طالع
وقطر
ولا اخترت ابقي مرميه ف حاره جوه حاره وخن جوه خن
ولا أن أبويا يبقي ضحيتها ويموت وانا مفهمتش اي اللي حصل
مخترتش اني مبقاش متعلمه ومخشش مدارس
واني ابقي أقل من كل العيال اللي بشوفهم
ولا أننا نطرد من كل بيت شويه عشان امي اللي مسمينها دجاله
وبتجيب الخراب علي اي مكان بالسحر والأعمال
مكنتش اعرف يعني اي
كنت بشوف حاجات كتير مبفهمهاش
أمي وشخبورش اللي كان بيشتغل معاها ويخشو خلوه يقعدو بالساعات
والنار اللي كان بيولعها والستات الغريبه اللي كان بيجيبها
والدفوف وصوت الزار اللي ف نص الليل وخبطه دايما ف وداني
مفيش مكان نروح فيه
ولا عيله وعيت ملقتش غير ده اللي قدامي
قصرو
قبل ما احكي الحكايه
انا حلاوتهم أمي بتقولي يا حلاوه
حتي الاسم مخترتوش
اسم ستي ام ابويا
عندي دلوقتي ١٨سنه أمي دايما بتتباهي اني بت فايره
كانت تقولي وشك متاخد من حته ف القمر
كل اللي يشوفه يدوب فيه
مش شكرانيه ف شكلي لا
انا ربنا اداني الجمال من عنده
كنت اقرب واحده لأبويا اكمني اخر العنقود علي اتنين صبيان
كان بيخاف عليا من عمايل أمي
كان بيخاف علينا كلنا نتأذي
مكنتش بتسمع
كانت بتفضل تزعق وتشخط فيه
كان قاعد فتره من الشغل وكانت بتزله دايما أن شغلنتها دي هي اللي فاتحه البيت وبتصرف عليه
ف كان بيسكت
قعد فتره طويله اوي ساكت
بس بردو كان بيحطلها حدود
كان مانع أن حد فينا يخش معاها المكان اللي بتقابل فيه زباينها
ولا حد يساعدها ف حاجه
كان ف الأول شخبورش مكنش موجود
كانت بتعمل كل حاجه بنفسها
كان معاها واحده استغفر الله العظيم وشها ده يقطع الخميره من البيت
معرفش وقتها جابتها منين
مكنتش بتتكلم نهائي كانت تنفذ وبس
وكانت تنام ف المطرح
حياتي كانت عاديه
وامي مش فارق معاها حاجه
بيتهيألي ولا حتي احنا
ابويا كان بيقول الشغلانه دي عمت عينها
وبتملي قلبها وروحها بحاجات تغضب ربنا
ف طبيعي تبقي كده
أمي بقي كانت شايفه فيا حاجه من وانا صغيره
كانت دايما تقولي
الكل عاشقك ويقع في جمالك من وانتي ادد كده
ده انتي يمكن كمان الجن يتهبل عليكي
ابويا كان يزعق ويشخط فيها لما يسمعها بتقول كده
يقولها جن اي وهباب اي
ويهددها تبعد عننا بدل ما يخدنا ومتعرفلناش طريق جره
لحد ما فيوم حصل خناقه كبيره اوي
وصوتهم كان عالي كنت وقتها عندي سبع سنين
وشويه
كنت واعيه بردو
ولا حتي لو مكنتش اصلا اللي حصل ما يتنسيش
فضلو يزعقو يومها ابويا
حلف عليها انها هتبطل الشغلانه دي
وهي تزعق وتقوله هي اللي أنياك
والخناق اتشد بينهم
وفضلت تهدده يبعد عن وشها
بدل ما تأذيه
وهو يقولها ...
انتي بتصدقي شغل الهبل بتاعك ده
انتي تعملي الهبل ده علي اي حد إلا انا
وفضل يزعق
لكن وقتها هي سكتت
وبقت تلف وتدور بدماغها
وعينيها متركزه عليه
وهو عمال يزعق بكلام كتير
وقتها كل اللي لفت انتباهي ملامحها
وايدها اللي كانت بتتنفض
وتبريقتها
خوفت كنت هموت من الرعب
شايفه وشها وانا واقفه من جهه واحده
مستخبيه ورا الباب
وببص
قرب منها وهو لسه بيزعق
وقال ...
ساكته ليه مبترديش لييييه
اسمعي أما اقولك يا وليه انتي أن مبطتلتيش شغل الحلمبوقه بتاعك ده
وطردتي الكلبه السوده اللي بتساعدك دي
وفضتيها سيره
انا هاخد العيال وامشي ومش بس كده
انا هطلقك بالتلاته
وهرميكي للكلاب وهبلغ عنك
انتي اي معندكيش إيمان
اي كافره
توقعي بين الناس وتفرقي بين الراجل ومراته
بشغل الشياطين اللي بتعمليه ده
البيت بقي زي الخرابه
وفي حاجات غريبه بتحصل وانتي ولا حاسه
كل ده وهي ساكته وعينها متثبته عليه
وحوالين عينها سواد زي ما يكون قرنية عينها كلها اتشالت وفي فراغ
وهو كمل زعيق
وراح قايل ..
ارحمينا بقي حرام انا عارف اي اللي رماني عليكي
مكنا عايشين كويسين قبل شغل بسم الله الر
وقبل ما يكمل الجمله
مسكته من رقبته
الدنيا ضلمت النور بقي بيضوي وينطفي زي ما يكون حد بيولع ويطفي
والدنيا معتش فيها صوت
خوفت وكانت رفعاه من ع الأرض بأيدها لفوق وهو بيحاول يسحب أيدها
انا من كتر الخوف قرفصت وحطيت راسي بين رجلي
مبقاش في صوت والدنيا ضالمه
انا خوفت ارفع راسي
حسيت بنفس سخن جنب مني
طلعت راسي ببطئ وببص جنبي مش شايفه وش النور انطفي خالص
وفجأه فتح النور
وشوفت ابشع منظر ف حياتي
وش بس مش وش أمي لا ده عفريت
تعالى طلعنا بقى . هما عملينو فى السطوح . قولتلو فى الجو ده ازاى . قالى هما مقفلين السطوح علشان الفرح . المهم قولت اطلع معاهم وخلاص اوصلهم وانزل علطول . بس طلعت معاهم فعلا. والغريب ان البيت كان فاضي خالص في كل دور اطلعو .وكنت بحس بانفاس ناس بتعدي من جنبي وانا طالع . بس مشفتش حد .واصوات نمنمة غريبة .المهم طلعت معاهم . لقيت فرح فى السطح وراقصة بترقص .ومعازيم قاعدين كتير . فجاة لقيت واحد قام من مكانه وجه نحيتنا وسلم على الراجل وعرفه بيه وقالو اشكره هو اللى طلعنا هنا . قولتلو اهلا وسهلا انا محمد غازى حضرتك مين . قالى انا محسن البيومى العريس . قولتلو الف مبروك . قالى شكرا لك. المهم جبلى كرسي وقالى اتفضل اقعد تشرب حاجة ساقعة . قولتلو شكرا انا نازل خلاص . قالى لازم تشرب اجبلك حاجة ساقعة . المهم قعدت جنب الطفلين اولاد الراجل . كانو العازيم كلهم لابسين
هدوم موديلات قديمة جدا .وشكلهم كمان غريب . مين محسن معرفوش .مين دول .اول مرة اشوفهم . والناس شكلهم مش شايفني خالص .وفجاة سمعت الراقصة قالت خلاص يا جماعة احنا اتاخرنا لازم نرجع باب الوزير علشان ننام الفجر قرب خلاص . فجاة لقيت كل المعازيم قامو وقفو.وفجاةالنور انطفاء . وفجاة سمعت صوت انفجار هز البيت والارض طلعت تراب والناس بدات تصوت .وفجاة لقيت كل العازيم بتجري. انا شفت كده قولت البيت بيقع .روحت جارى على السلم بسرعة .وانا سامع الحيطان بتتهد والبيت بيقع . نزلت جرى على الحارة وانا بقول الحقونا البيت بيقع بس للاسف الحارة مهجورة محدش خرج . انتظرت حد ينزل من البيت . محدش خرج . المهم قولت البيت بيقع فين الناس اللى كانو فى الفرح .محدش نزل . جريت لغاية البيت عندى
وطلعت جرى على السلم وفتحت الباب ودخلت وقفلت ورايا . وقولت تانى يوم اشوف ايه اللى حصل . غيرت هدومى ودخلت انام . مش جايلى نوم عمال افكر . الناس راحت فين .البيت وقع ولا ده زلزال فجاة الباب خبط تك تك قولت مين .محدش رد .مين بيخبط محدش رد .قمت من علي السرير وقربت من باب الشقة وانا خايف تكون الحكومة وجاية تاخدني علشان البيت . فجاة سمعت نفس من وراء الباب .وسمعت صوت همس مرعب بيقولي محمدمحماااااد .انا عارف
ففي خلقكم أعظم حكمه أكملها الله بالامانة التي عرضها الله علي سائر المخلوقات ف خشيو حملها وأشفقو منها
ألا وهي العقل
وحملها الإنسان أنه كان ظلوما جهولا
وأبي أبليس السجود لآدم ووضع مقارنة بينه وبين ادم
وهو يدري أنه بذلك يعصي أمر الرحمن
فغضب الله عليه
وكلمه الله في آيات معدوده من القرءان
تعهد فيها أبليس صراحة بأنكم العدو الصريح له
أنتم سلالة ادم
حتي تقوم الساعه
تعهد بأن يغويكم ويأخذكم إلي جهنم معه فهو لن يذهب إليها وحده
تعهد أن يجعلكم تعصون الله وأن تغيرو خلقكم
وأنه سيوعدكم ويمنيكم مدام حيا
وأجابه الله أنه ليس علي عبادة سلطان وان من يتبعه جزاءه الهلاك
وأخبره أنه سيملأ جهنم من الجنة والناس أجمعين
ممن اتبعه منكم من الغاويين
بضعة أيات تقشعر لها الأبدان يقسم فيها الله بعذزته وجلاله
ا عليكي كنت أوضح بضعة أشياء يفهمها البعض فهم خالق
ف كل شئ يزول الا وجهه
وكل يعرف مكانه ويختار مقعده اما الجنة وأما النار
فلا حزن علي من ذهب فهو قد عرف طريقه
ولكن كل الحزن علي الحي الذي مازال يرزق
وفي النهاية جميعنا سنلتقي
أجل سنلتقي
أمامه هو الحي الذي لا يموت
وااااه كم أشتاق لرؤيته
وكم هو يشتاق لرؤية أحباءه
أتعلمين
أن الله نسب إلي نفسه الرحمه
فقال ... إني أنا الرحمن الرحيم
ولم ينسب إلي نفسه العذاب فقال ...
إن عذابي لهو العذاب الأليم
ولم يقل انا المعذب
أتعلمي أن الله تطغي رحمته ومغفرته كل شيء
فيوم القيامة تنزل رحمة الله
حتي يظن أبليس أنه قد يغفر الله له
ولكن هيهات ف وعد الله حق
وكل لديه مقعده منذ خلق وحتي يبعث
ف أين أنت من ذلك ؟!!!
دعكي من هذا
ف لدينا وقت طويل لأقص عليكي من القصص ما تقشعر له الأبدان
ولكن الآن
أمستعده لأنقاذ بهجان
- مستعده
- أجل ف أن الخطة كالأتي
عنذ بزوغ الفجر
سنذهب لجزيرة الشيطان
وستدخلين انتي بمفردك
ولا تهلعي ف أن الله معك
ونحن سنأتي من خلفك
فلا تهلعي مما سوف ترين
- حاضر
- فلتجلسي قليلا حتي يحضرو جميعا
عند الفجر
هزيت دماغي وقعدت
عدي وقت
ولقيتها بتقولي ...
أنه بزوغ الفجر
هيا
انا مسمعتش حاجه لكن هي كانت سامعه
وقومنا
اتمشينا شوية
طلعت علي تله
منحدر بعيد
بصتلي وقالت ...
لا يراهم البشر
ولكن سأكشف عنك هذا
ف لا تهلعي فهم مثلي
وفعلا حطت أيدها علي عيني
وشوفتهم
يا قوة الله دول عشيره
لا عشائر
جيش بحاله
ميوصفوش بشر
وقفت واتكلمت بلهجتهم
وردو عليها بصوت عالي جدا بردو بلهجه مختلفه
وقالتلي ...
مستعده
هزيت راسي بأيوه
وركبتني خيل لون أبيض
واحنا ماشيين عملين يذكرو الله
بصوت عالي
أصوات حلوه اوي
تريح القلب
وانا معاهم
فضلنا ماشين كتير اوي
لحد ما وصلنا لبحر
ملوش اخر
قالتلي ...
في منتصف المحيط
هنا يكمن عرش الشيطان
قولتلها ...
هنوصل أزاي ده ملوش اخر
بصتلي كأنها مستهزءه بكلامي
وطبعا لازم تستهزء منا غبية
ده سؤال يعني
ودخلت الجيوش ف الميه
وانا معاهم وكأن اصلا مفيش حاجه تحتينا
انا فوق الميه ماشيه والحصان مبيغرقش ولا حاجه بتحصل
ربنا مديهم قوه معينه
طبعا غيرنا
وف نص المحيط لقيت جزيرة الميه عندها عاليه زي الجبل
والموج بيطلع يغطيها وينزل
والسحاب حواليها أسود
مايل للرمادي
بصيت ورايا ملقتهمش
ولا حد منهم كله اختفي
بس هيا جمبي
بصتلي وقالت ...
ها قد وصلنا
- ه هم
راحوا فين
- لا تهلعي
ف أنا أيضا الآن سأتركك
- هتسيبيني يعني اي
طب وانا هعمل اي هروح فين
- ستقذفك الأمواج علي الشاطئ
- وبعدين
- لا شيء
ما إن تطأ قدمك ارض الجزيرة
سيعلم شخبورش بقدومك
- وهخرج بهجان ازاي
- عند بزوغ الفجر القادم ستجدينا ف الحال
لا تهلعي وتذكري دائما الله معك
فسيري إلي قدر الله
أغمضي عينيك واكتمي انفاسك
فسيبتلعك البحر في أحشاءه
وستجدي نفسك أمام أشكال لم تألفيها
فلتهيأي في خيالك ولتمهدي لعلقك انك سترين شيئا ليس مألوفا لعينك
افعلي هذا حتي لا يصيبك الجنون
- حاضر
- هيا اغمضي عينيك
وفعلا قفلتهم واخدت نفس عميق
وسمعتها بتقول ...
الأن
وغطست ف الميه
كان احساس مرعب انا مش حاسه بأي حاجه غير اني بتسحب وبلف ف دوامه
وهوووووب لقيت نفسي أدبيت ع الأرض
صوت كشميرة ف ودني بيقول ...
أغمضي عينيك ولتستعيذي بالله
ف انت الأن في حضرة الشيطان .....
#يتبع الجزء الاخير
دورت عليها ف كل مكان ملقتهاش
خرجت بره
لقيته واقف ف عز الضلمه مكسور وبيجر نفسه
وسمعت صوته ف وداني : ابحثي عني
ابحثي عني في كل مكان ف قلبي معلق بك
أنجديني مما كنت أنت سببا فيه أكملي الطريق فكي قيدي
أرجوكي
فلتبحثي عني ...
واختفي
عرفت وقتها أنه عاوزني أساعده
دخلت البيت وأنا بحاول أفكر الست سابت كل حاجه زي ما هي
قعدت شوية وانا محتاره
لقيت القطه البيضه بتاعتها
جايه وشايله ف بوقها رساله ..
أخدتها
وفتحتها
كان مكتوب فيها ......
#يتبععععع
وسحبتني من ايدي
ودخلت بيا البيت وقفلت الباب
وكأن الضلمه عمت المكان ف لحظه
قعدت خايفه ببص من الشباك شايفاه واقف مكانه
كل اللي حصلي ده كفيل أنه يخليني انهار
سألتها تاني وفضلت ازعق واصرخ وأبكي
ضمنتني ليها ونمت ف حضنها ف ثواني
كأني ف عالم تاني
وشوفت كوابيس بشعه
الكائن ده واقف مستني
ف الغابه
وبجري منه بيجري ورايا بكل قوته
كنت حاسه اني فعلا خايفه بجد
ماشيه ف طريق كله شوك
وبينعاد عليا كل اللي مريت بيه
لكن لقيت الكائن ده بيركع تحت رجلي
كأنه مزلول وحياته بأيدي
وأشوفه وهما مسكينو وحوش بشعه مكتفينو وبيجلدوه
وهو بيبصلي بشفقه وعطف رغم أنه بيتوجع
وسابوه مصلوب
والغربان واقفه عليه
وانا بقرب منه وبحاول اهشهم من عليه
وقبل ما أوصله
كنت صحيت وانا مخضوضه مفزوعه
فضلت اسمي الله
كتير
جمعت نفسي وفوقت كانت قدامي
قاعده مبرقه لكن هاديه
حطيت ايدي علي وشي وسكت
واتفاجئت بيها وهي بتتكلم لأول مره وبتقولي ...
#يتبععععععع
استجمعت شجاعتي وروحتلها ببطيء
قربت منها
انا مش عارفه جبت الشجاعه دي منين
كانت حاطه أيدها علي وشها
قربت منها وقولت بصوت واطي ..
بتعيطي ليه !!
مردتش
قربت منها وحطيت ايدي علي كتفها
مسكت ايدي
حاولت اسحبها معرفتش
قامت وهي ماسكه ايدي ولفت ناحيتي
وشها ف وشي
صرخت من الصدمه
ماماااااااااا
كان شكلها بشع
فضلت أصرخ
سابت ايدي
رجعت بضهري لورا
وفضلت اصرخ بعلو صوتي
جريت
بأقصي سرعه عندي
لقيت نفسي من تاني جوا المقابر
انا بلف ف دايره
ابص يمين وشمال وانا بنهج وبعيط
وقفت دقيقه بحاول افتح عيني عشان اشوف
وانا بعيط جامد اوي
لقيت صوت انا عارفاه كويس
دافي وحنين
بيقول ...
متعيطيش يا بنتي متعيطيش انا معاكي
لفيت ناحية الصوت
وشوفت الشخص اللي واقف قصادي
معقول د ده
بابااااا
كنت زي اللي في حلم
لا كابوس بشع
بس ده فعلا بابا
بشكله وصوته
مش مخيف بالعكس منور عتمه الليل
مد أيده ناحيتي وقال....
تعالي يا بنتي
جريت عليه من غير ما افكر
لاول مره مخفش
حضنته حسيت اني بحضن الهوا لكني شايفاه
بصتله وقولت ...
بابا د ده بجد انت
بصلي وقال ...
وحشتيني اوي يا بنتي
- وانت كمان يا بابا
شوفت اللي عملته فيا من بعدك
بصلي وقال ...
اسمعي يا حلاوتهم
انا عاوزك تهربي من هنا
خدي الحصان ده
واهربي ومتبصيش وراكي ابدا مهما حصل ومهما شوفتي
استعيذي بالله من الشيطان الرجيم
هو وحده القادر عليه وافتكري أنه ضعيف
وانك الأقوي طول ما ربنا جمبك
- حاضر يا بابا حاضر
بس هسيب بهجان و
وكأن بيتسحب صورته من بين أيدي
وقال بصوت مرعوب ...
استعيذي بالله من الشيطان الرجيم دايما يا حلاوتهم
واهرررررربي
اهرااااابييييييي
وراح من قدامي
- بابا
بابا لااااااا متسبنيش بابا
الكاتبة مي علي
وانا ببكي كلامه بيرن ف وداني
روحت اجري ع الحصان
لكني المفاجأه كانت
أن حتي الحصان اختفي
وبقيت ف الطل لوحدي .....
#يتبعععععغ
وبعدين غمضت عيني وفتحتها
لقيته ف وشي زي ما كنت قاعده
طلعت وانا مخضوضه شويه
مديت ايدي للبير ووصلت لقعره
صلب جدا
بصتله وقولت ...
انا مش متفاجئه بس انا عاوزه اعرف از
قال ..
انا قولتلك هتبقي مغامره مش هتشوفي زيها تاني
فتحي عينك ومخك هتشوفي العجب من غير بقي لا سحر أسود ولا غيره
- كان في شخص واقف بيبص للبير انا خوفت
- لا بيتهيألك مكنش في حد
يلا بينا عشان لسه مشوارنا طويل
ركبنا الحصان
ومشينا منظر الشمس وهي بتشرق حاجه فوق الروعه
فضلنا ماشيين كتير اوي بالحصان
وفاجأه لقيتو بيشاور علي قرية بعيده
ف نزلة التل
بصلي وقال ...
هننزل هناك
بس قبل ما نخطي اي خطوه
انا عاوزه اقولك أن ممكن الناس اللي هناك مش يعجبوكي
وايا كان اللي هيحصل مش عاوزك تنفعلي حتي لو بعدت عنك
- بعدت عني روحت فين
لا اوعي تسبني
- اهدي اهدي انا قولت لو
فهماني اعملي بس زي ما بقولك
- حاضر
وفعلا قربنا من القريه
لقيت نفسي بقوله ...
دي قفر
الدنيا منوره حواليها لكن في سحابه مغيمه عليها
ازاي كده
قال ...
بني البشر أهلككم كثرة سؤالكم
- اي قولت اي
- ههه لا ولا حاجه دي كانت مقوله لراجل شيخ عجوز زمان قالي مره حكمه كده
مناسبة لموقفك ده
- اي هي
- بني ادم أهلكهم كثرة سؤالهم
- وليه مسألش مش لازم افهم
- كل اللي اقدر أقولهولك عنها
أن القريه دي أهلها علي نفس العهد اللي امك عليه بل أسوأ
خليكي معايا وزي ما بقولك اعملي
- حاضر
وفعلا دخلنا القرية دي
اللي كان غالب عليها اللون الرمادي
عتمه
مفيهاش حد خالص
بصتله وقولت ...
هو ليه مفيش حد
- شششش
خلينا نخرج من هنا بسلام
فضلنا ماشيين
بيوتهم غريبة الشكل
وأسواقهم أغرب
حيوانات ميته متعلقه
جيفه نتنه
قولتله ...
يالهوي اي ده
انا مش قادره اتنفس اووووف
ريحه بشعه
مسك ايدي وقال خليكي جمبي
عشان بيبصولك
قولتله ...
هما مين انا مش شايفه حد
لقيت تلت رجاله طوال اوي
شداد مظهرهم يخوف
ضوافرهم طويله وشافيفهم واخده اللون الموڤ
مسكت ف بهجان
اول ما شافوه
حنو ضهرهم ليه
ومتكلموش نهائي فتحولو السكه وفضلو واقفين مكانهم
وبدأ يظهر عدد منهم كل اما يشوفوه يعملو نفس الحركه
ينحنو ليه
وفاجأه ظهرت ست عجوزه
اول ما ظهرت سجدو ليها ف الأرض
انا فضلت استغفر الله ف سري
زغرتلي بعينها
مسك ايدي جامد وهمس
بلاش اسكتي
انا فهمت طبعا ف وضع زي ده وناس زي دول اسم ربنا بيكهربهم طبعا
كانت بشعه سنانها
مش سنان لا أنياب كانت غريبة الشكل
والناس اللي حواليها أغرب
ومبيتكلموش
وقفت قصاده بس بعيد شويه
ومدت أيدها ناحيته
ساب أيدي وراح ناحيتها
واتفاجئت باللي هو عملو لقيته بيوطي ومسك أيدها وباسها وهو بينحني ليها زيهم .....
#يتبععععععع...
صحيت لقيت نفسي ف زنزانه مش وأصلها نور
في قناديل نار ضوءها عالي
الحيطان والسقف متاكل
والحشرات ساكنه الأركان
اترعبت
ولقيت نفسي متسلسله بجنازير
بقيت اطنطت زي المجنونه عاوزه أخرج
كنت عارفه انهم هيحبسوني
بس مجاش ف بالي انها هتسمح يعملو فيا كده
بدأت اهدي
واجمع اللي حواليا
دول حطني ف مقبره فيها طلاسم
كنت مرعوبه
شويه ولقيت شخبورش داخل بصنيه وبصلي بعنين خبيثه وقال ...
صحي النوم يا ست البنات
الكاتبة مي علي
- طلعني من هنااااا فكني يا مسخ يا حيوان
- تؤ تؤ تؤ
خليكي مؤدبه
انا هفكك
حاضر
حط الصينيه وفكني
لكن الغريبه اني مقدرتش اقوم ولا اتحرك ولا اتكلم
بصلي وقال ...
ايوا كده هاديه وشطوره
يااااه لو تفضلي كده علي طول
وخرج وبص من بين قضبان الباب وقال ...
فاضل ليلتين يا حلوه
ومشي
انا خوفت
مبقتش عارفه اعمل اي
سامعه أصوات مرعبه ف ودني تخلي العقل يشط
لكن ف وسطهم كنت بسمع صوت بهجان بيطمني ازاي معرفش
عدي الايام وانا ف حبسي كده شخبورش بيعملني زي كلب زليل
وف اخر ليله وانا قاعده علي أمل أنه يجي
وكل دقيقه بخاف اكتر
مش عارفه الساعه كام
ولا احنا الصبح ولا بليل
لكن اللي حصل ساعتها كان غريب
فاجأه ريح شديده كانت بتهد حيطان الزنزانه وطفت كل القناديل
بقي في عفره ف الأوضه كان الصحرا كلها اتجمعت ف أعصار جوه
صوت عالي يصم الودان
ولقيت حد ف وسط منا مش شايفه حاجه
طبق علي زومارة رقابتي وبيقول بصوت فظيع ....
لا تستحوذ علي قلبه أنسيه فهو أبن الأب الأكبر وخير سلالته
لن تستحوذي عليه
ولنريكي الجحيم فوق الأرض
وصريخ عالي وكان حد بيسحب روحي
بقيت بتخيل أشكالهم قدامي
مسكين أسواط وواقفين كأنهم هيجلدوني
وفعلا ده اللي حصل كان أبشع ما حصلي ف حياتي
ومفيش اي حد ينجدني
جلدوني بقوه حسيت جسمي بينزف
لحد ما باب الزنزانه انفتح
وكان مكنش في اي حاجه حصلت ف الزنزانه
انا اترميت ع الأرض
مكنتش شايفه مين دخل
لقيت حد حط أيده عليا وهو بيقولي ...
حلاوه قومي يا حلاوه
انا عارفه الصوت ده كويس
حاولت اقوم ببطئ عشان اتأكد بس أن هو
واول ما التفت وشوفت وشه
مقدرتش أمنع نفسي من البكا وحطيت كتفي عليه
حط أيده عليا وطلعها بالدم
سندني وقال ...
متخفيش قومي معايا انا جيت اهو
بسرعه يلا انا هشيلك
غمضي بس عينك
وفعلا عملت زي ماهو بيقول
ومحستش بحاجه
خرجت لقيتنا ف عز الليل
والقمر مكتمل بدر
وفي فرس مستنينا عند البحيره
حطني قرب البحيره وبدأ ياخد بأيده من ميتها ويكب عليا وهو بيقرا حاجات مش فاهماها
ومبقتش حاسه بأي ألم
مسك أيدي وهو بيبص ع القمر وبيقول لازم نتحرك قبل الفجر
قولتله ...
انت ازاي
وقبل ما أكمل كلام بصلي وقال ...
طريقنا طويل
عشر أيام هجاوبك علي كل حاجه
بس هاتي ايدك
هزيت راسي واديته ايدي
شالني وركبني الحصان
اللي كان أسود سواد الليل مفيش في اي حاجه بيضه حتي نن عينه حسيت أنه أسود
وكان ضخم
ملي ربط الحمل كويس اوي
وركب قدامي ومال عليا بضهرو وهو بيقول ...
جاهزه
سكت شويه وانا ببص ورايا للقريه والبيت والمطرح والبحيره
ولقيت قدامي لطريق مالا نهايه كأنه واصل للقمر
عند قمة جبلين ياخدوا عمر طويل عشان توصلهم
مش عارفه اذا كنت هوصل لحاجه ولا لا
واللي جاي أسوأ ولا أفضل
ولا انا اي مصيري
وهو بيكذب عليا
لكن لا ده لحقني
ايا كان اللي هيحصل مش هيبقي أسوأ من اللي انا فيه
مسكت فيه جامد وبصتله وقولت ...
جاهزه .....
انا بحب المغامرات اوي يا جماعه ودي هتبقي فريده جدا من نوعها يارب تعجبكم للنهايه توقعاتكم للي جاي
#يتبعععععع..
العفو منكم تاخرت عليكم 🥲✋
بكملها اليوم للاخير 🙂👍
ازاي تقفي مع الاغراب
- وانت دخلك اي خليك ف حالك يا مسخ انت
أمي الابتسامه اختفت من علي وشها وقالت ...
مين اللي كنتي واقفه معاه
- ده شاب من شباب الغجر بيقعد معايا انا والعيال ع البحيره
- انتي ليه مش سامعه الكلام ليه مصممه تدايقيني وتوجعيني
شخبورش ...
اظاهر أن وجودك مش مالي العين
سيبيني انا أقوم بالموضوع ده
قرب عليا ومسك ايدي ولواها وقال ...
ممنوع الوقوف مع الاغراب
ولا حتي الاقراب سامعه
زقيته وقولت ....
وانت مالك بصفتك اي تتكلم معايا كده
الام ...
بصفته جوزك
شخبورش طلب ايدك مني وانا وافقت ......
#يتبعععععععع..
#رواية_بهجان_الجن_العاشق
#الفصل 5
الفصل الخامس
تفاعل عالي بقي
ونبدأ بسم الله
عرفني بنفسه وقال ...
بهجان
- بهجان ده اي
- اسمي بهجاااان
- اه اهلا وسهلا
- وانتي
- حلاوتهم
- ههههه
- بتضحك علي اي
- اسمك غريب
- والله وانت اسمك اللي عدل يعني
- خلاص متزعليش اوي كده
تحبي نتمشي
بصتله شويه وسكت
وقولت لا شكرا مش عاوزه انا اصلا لازم اقوم الشمس قربت تروح
بص ناحية الشمس والإبتسامة اختفت من وشه
وقال ...
اه فعلا
انا كمان لازم امشي
سكت
وهو اخد بعضه ومشي
وروحت انا علي بيتنا
لقيتها قاعده مستنياني
واول ما شافتني شدتني من
دراعي ...
انتي كنتي فين
- اوعي كده سيبيني هكون فين يعني
- حسك عينك تخرجي من البيت من غير ما تقوليلي
- لا اسمعي بقي
متعمليش نفسك خايفه عليا
انا خلاص كبرت وفهمت
انتي دمرتينا من زمان
من ايام بابا الله يرحمه
اللي انتي موتيه
- انتي بتقولي ايييي
- اه موتيه
انتي وزتيهم عليه
ايا كان اللي عملتيه
ف انا بقولك مش هسمحلك تاني تدمري الباقي مننا
ولو ع الخوف والشويتين دول
ف قل لن يصيبنا الا ما كتب الله لنا
انا مؤمنه بالله مش كافره ولا بعبد الشيطان
والكلام اللي بتعمليه مبياكلش معايا
قعدت ع الأرض علي ركابها وفضلت تعيط
وقالت ...
مكنش قصدي نوصل لكل ده وابوكي اللي بتتكلمي عليه
هو اللي اقترح عليا الفكره
ولا ناسيه أنه كان بيشتغل معايا ف الأول
- عشان كنتي بتزليه
- لا هو اللي كان بيزلني
ابوكي ده انتي متعرفيش آذاني ادد اي واقتري عليا
وكان بيسبني كتير من غير اكل انا وأخواتك
ابوكي ده اتعرف علي واحده دجاله وكان بيشتغل معاها
وأول مطرح اشتغلنا فيه
هو اللي قالي هيعلمني
واشتغل مكانها
- انتي كداااابه
- اسمعيني للأخر انا بقول الحقيقه
انا دخلت السكه دي
وبقيت انا اللي بصرف ع البيت وأنياه
بس بردو كان بيفتري عليا
ويهيني وياخد شقايا
والسكه اللي دخلتها فتحت عليا باب
عمري مكنت اقصد اني افتحهه
اتفتحتلي طاقة القدر
ابقي واصله واقدر اعمل اي حاجه
واحمي نفسي
ساعتها بس اتلم ومبقتش اسمعله حس
ومن هنا ابتدي ياخد جنب
اتعدل لكن الوقت كان فات
وقدمت حاجات كتير اوي مقدرش أرجعها تاني
- وكان هو من ضمنهم
- انا مأذتهوش هما اللي أذوه
مش انا
انا مقدمتوش ولا حاجه
انا ضحيت بكل حاجه الا هو
انتي مش متخيله بيعملو فيا اي
بيجلدوني ازاي
- بأيدك ترجعي
- الوقت فات
- مفيش حاجه اسمها كده
- اسمعيني بس
انا دلوقتي بحاول أحميكي مني ومنهم
هيفضل ورايا لحد ما قدمك انتي كمان قربان واشدك لنفس السكه اللي انا اتشديت ليها
الباب ده لما بيتفتح مفيش حد يعرف يسده
- واما انتي مش عاوزه تشديني لنفس السكه اومال كان ليه كل ده
- اقرب الحلول
انا مكنتش عارفه اعمل اي
ف يوم وليله هصحي مش هلاقيكي
هياخدك مني وهياخد مني كل حاجه
ف مقابل اني قولت لا مره واحده
- انا هعرف اتصرف مع نفسي
ابعدي بس انتي عني
وابعدي عني الكلب الاسود بتاعك
- شخبورش هيحميكي
متغيبيش عن عينه
- شخبورش ده جنس ملته اي
- تابع
خادم الاسياد زيي بس علمه اكتر من علمي ويقدر يحميكي
- ربنا هو الحامي
انا مش عاوزه اسمع خلاص
وسبتها ودخلت الاوضه فضلت افكر في كلامها لا مش معقول يكون ابويا ف السكه دي دي كدابه اكيد
دي عملت كل حاجه وحشه مش بعيد عليها دي
دماغي كانت هتتفرتك من كتر التفكير
نمت وصحيت
فطرت ونزلت
دخلت السوق وسط الخيام
لمحته من بعيد وعيني جت ف عينه
عينيه كانت بتبتسم
لون عنيه كانت عاكسه لون الشمس
وتحسها بتضحك
كان غريب مش شكلهم
عديت من قدامه
وخرجت من السوق
روحت عند البحيره
وقبل ما اقعد كان هو قاعد جنبي
- صباح الخير
- بسم الله الرحمن الرحيم خضتني
سكت شويه وكمش علي أيده وانا لاحظت ده
وقعد دقيقه وفضل ساكت
قولت ..
في اي
قال بعفويه ...
مفيش مكنتش اعرف ان شكلي بيخوف كده او يخض
- لا ده عشان مفيش حد هنا وانت كنت هناك
- لا انتي كنتي سرحانه انا ماشي وراكي
عشان اقولك صباح الخير
بما ان انتي عديتي من جنبي ومرمتيهاش حتي
- هو انت ليه في عشم ف كلامك
زي ما تكون عارفني كده
- ومين قال اني مش عارفك
انا عارفك من زمان
وواخد بالي منك
ق قصدي بشوفك دايما
- بس ده كان عكس كلامك امبارح انك متعرفنيش
- لا اعرفك
انتي حلاوتهم
- يا راجل مده قولتهولك امبارح
- امم امك بتقولك يا حلاوه
انتي بنت عارفه الغجر
عندك ١٨ سنه دلوقتي
وعندك أخين
وكنتي بتشتغلي معاهم فتره دلوقتي لا
- حيلك حيلك
انت عرفت كل ده منين
- اي يا بنتي ده منا لسه قايلك
انتي كويسه ولا بيجيلك زهايمر
- يا سلام خلاص خلاص
- اممم اكمل ولا اي
- اه وعارف اي كمان
#رواية_بهجان_الجن_العاشق
الفصل 4
رواية بهجان الجن العاشق
الكاتبة مي علي
الفصل الرابع
هو التفاعل قل ليه
ممكن تحطو كومنت واحد يرفع الجزء
نبدأ بسم الله
بصتلي أمي وقالت ...
يلا
قولت ..
علي فين
- هتنزلي التربه
- ايييي ؟!!!
اوعييييي كده سيبينيييييييي انتي عاوزه تعملي فيا اي
كلبشت فيا وقالت...
اسمعي كلامي ده لمصلحتك
- اوعييييي انتي شيطانه انتي بتعبدي الشيطان
ابعدي عني
وفضلت اصرخ
وأشد ايدي عشان تسبني
وشخبورش واقف
لحد ما قدرت افك ايدي منها
وهي بتحاول تمنعني
وطلعت اجري
ف الترب زي المجنونه
وابص ورايا
واقع وأقوم
مش لاقيه مخرج كأني ف متاهه ملهاش اخر
تعبت حسيت اني بلف ف دايره
قعدت للحظه اخد نفسي وانا مداريه
متمناش حد يكون مكاني
خوف ورعب
وإحساس وحش اوي
انا اللي عليا قولت يارب
انجدني منهم
وقمت كملت جري
وانا بجري
خبطت ف شخبورش اللي لقيته ف وشي
وكان غضبان اوي
رجعت بضهري وهو عمال يقرب
وبصرخ ...
انت عاوز مني اي
وقفت
مسك ايدي جامد وجرني
حاولت أشدها
شد عليها اوي
وهو بيبصلي بغل
ايدي كانت هتتكسر
فضلت اترجاه
يسبني ومينزلنيش القبر
ولا كأنه سامعني
أخدني ورجعني ليها
زقني ناحية القبر وقال ...
عاوزك ومش عاوز غيرك
ومفيش حاجه انك تقدر تقدمهاله خلاص قدمت كل شيء وفاضل انتي
هو عاوزك
وهي رافضه تسلمك ليه
ودي الطريقه الوحيده اللي يعني احتمال تخليه يبعد عنك
- هو ميييين
- به
مش مهم مين ولا هو اي المهم انك ف خطر ومفيش حاجه تحميكي منه
علي طول بيراقب وعاوزك
هتقدمي نفسك قربان ولا تعملي اللي بقولك عليه !!
القرار ف ايدك
الام ..
انزلي يا بنتي واسمعي الكلام شخبورش هينزل معاكي
ياريت كنت اقدر
حقك عليا انت السبب في كل ده
شخبورش ...
شششس مش وقته
يلا قبل الفجر
الام ..
يلا يا حبيبتي يلا
نزلت معاه رغم اني بردو مش مقتنعه
القنديل مولع انا كنت ميته ماشيه ع الأرض الخطا تقيله
نزلت معاه
وانا شبه مغمضه عنيا
كنت هكعبل كام مره بس هو كان بيلحقني
اول ما نزلت حسيت أن رجلي غرزت ف رمله
بس بردو في أرض صلبه تحتها
والريحه نتنه بس مش شخص لسه متحلل لا ده من بدري
قال ..
افتحي عينك
فتحتها
وياريتني ما فتحتها
لقيت أكفان دايبه ع الأرض
وعضم
هو كان بيدور علي حاجه
وبيلف بعينه
وبيقول ..
هو فيييين
ه اهو
وشدني من ايدي وقال تعالي
روحت وراه
لاخر التربه كان في كفن لكنه أسود
ومرسوم حواليه مربع وعلامات غريبه
جوه القبر
شخبورش ...
سيادنا
وبعد الكلمه دي مفهمتش اي حاجه فضل يقرأ كلام
بلهجه غريبه
وحسيت كأن الدنيا فوق اتقلبت صوت الرياح كانت بتصفر فوق كأن الأرض عاليها واطيها
شخبورش قال ...
عدي فوق المربع ده تسع مرات رايح جاي
دقيقه وعملت زي ما قال
وانا راحه وجايه ومغمضه عيني قدر الأمكان
وهو بيتكلم بنفس الكلام
تسع خطيات
ولقيته سحبني لبره الدايره
مكنتش شايفاه
سمعت بس وهو بيقول ..
اسجدي
رفعت عيني ليه بخضه
ولقيت كائن بشع ف وشي
مسخ ذميم
وعيون حمرا دم
كائن بشع
صرخت
مسكني من رقبتي وخلاني انحني
وبصوت بشع اجش في صدا عالي قال ...
اسجدي
صرخت ...
لا لا لا
اوعي سبني حاولت اقوم واهرب مسكني وقرب مني
وبرقلي انا لساني عجز وقتها حسيت اني هتشل
لكني لفظت ...
أعوذ بالله من الشيطان الرجيم بسم الله الرحمن الرحيم
أعوذ بالله من الشيطان الرجيم بسم الله الرحمن الرحيم
كنت بقول بسرعه
القنديل وقع من أيده اتكسر وشخبورش اختفي كان في شعله بسيطه
من نور القنديل خلاص بتتطفي
طلعت اجري
ع السلم
وخلاص وصلت الباب اتقفل
فضلت أصرخ بعلو صوتي
- ياماااااا الحقينييبي يامااااا
خرجيني من هنا
سمعت صوتها مكتوم ...
حلاوتهم
حلاووووووتهم زقي الباب
- اتقفل الحقيني
- ش شخبورش فيييين
- معرفش اختفيييييي
- انتي عملتييييي اييييي
انتي ذكرتي الله !!!!
- اه ايووووووه
- سجدتييييييييي
- لاااااااااااااااااا
يالهوووووووي يا خرابييييي
روحي روحي بسرعه ناحية الكفن اللي كنتي عنده واسجدي اسمعي الكلام
الباب هيتفتح
- لاااااااااااا مستحيل
- اسمعي كلامي
- انا هموت هنا ومش هعمل اللي انتي قولتي عليه
وقعدت وهيا فضلت تتكلم بس انا مش سامعاها
وفضلت أعيط واذكر الله
نفسي ابتدي يتكرش
ومحستش بنفسي
فوقت لقيت نفسي ف الخيمه وشخبورش قدامي
ومكنتش لابسه كل همومي
قومت اتفزعت
- سلامتك م الخضه
- ابعد ابعدددددددد
- اهدي يا حلاوه
بقي ده جزاتي اني لحقتك
- انت اي جنس ملتك اي
انت لا يمكن تكون بشر
انت شيطان صح
وانا خلاص عرفت احرقك ازاي
أعوذ بالله من الشيطان الرجيم بسم الله الرحمن الرحيم
وكان ف مره لقيتو جايب كتب وحاجات غريبه
وجمجمه بني ادم وحاجات تانيه كده
الوضع كان مريب
مكنش في حاجه اعملها غير اني انخرب وراهم
وفضلت اتطفل كده كتير
وف يوم
وكانت كالعاده بايته هناك
كنت قاعده لوحدي وخايغه
اخدت بعضي وروحت عليها
دخلت م الباب الوراني من غير ما حد يحس
كانت النار والعه وقفت ورا الستاره
واستخبيت
لقيتهم راسمين حاجات ع الأرض
وهي بتعمل حاجات غريبه
وشخبورش حاطت أيده علي رأسها وبيقرا
وفاجأه لف الناحيه التانيه
ورفع عينه ناحية الستاره
واتهيألي أنه ابتسم
رجعت بضهري ورا لاني حسيت أنه شافني
لكن لا مشفنيش وكمل اللي كان بيعمله
لحد ما خلص وقومها
قعدو ع الكنب الخشب
وحطت أيدها علي وشها
وهي بتقول ...
تفتكر هينفع اللي بنعمله ده يا شخبورش
- اهو احنا بنحاول
اومال انا لازمتي اي
- كله الا هي
انا ضحيت بكل حاجه عشانهم
هما لسه ميعرفوش ده لك
- عشان نفسك متقوليش عشانهم
انتي عارفه أن انا عارفك كويس
ولا انتي نسيتي انا مين
وطت علي رجله وده اللي استغربتله وقالت ...
لا لا منستش بس ابوس ايدك بلاش هيا
انا اهو مستعده اعمل اي حاجه
بس تنفع
ويحل عنها
- احنا بنحاول نبعده لكن انا قولتلك اللي فيها
وانتي حره
- الحلين اصعب من بعض
مفيش حل تالت
- مفيش
أو الا إذا
- الا اذا اي
- يعني أنا بقول يعني
اتجوزها انا وانتي عارفه اني هقدر احميها
حطيت ايدي علي بوقي من الصدمه
قالت ...
تتجوزها!!!
- اه اتجوزها
وقال بخبث ...
لكن ده بعد الحلين طبعا منفعوش هيبقي فاضل ده
منفعوش يبقي اللي حضر الجن يصرفه
يا ست الكل
- ماشي
ماشي ياخويا
انا هعمل كل اللي اقدر عليه
بكره هنعمل اي
قال بخبث كأنه حاسس اني سامعه ...
بكره اقولك
قومي روحي يلا
ومتجيش غير قبل الفجر بكره
- هتعرف تخرج
قال بحده ...
يلاااااا
قامت جري
وانا طلعت اجري قبل منها
اخدت السكه جري مبصتش ورايا
طلعت وانا نفسي مقطوع
نطيت ع السرير ودفست وشي تحت البطانيه
وفضل دقائق مش سامعه غير صوت قلبي وهو دقاته مغطيه الكون بحاله
وسمعت الباب بعد شويه معرفش أدد
اي ف عرفت أنها جت
ودخلت عليا دقيقه
وخرجت تاني
اخدت نفسي
ومعرفتش انام غير وش الصبح
تاني يوم
فضلت قاعده وانا طبعا عارفه انها هتنزل وش الفجر زي ما قلها
لكن اتعمدت اسألها
وهي سرحانه ومبتردش
وفضلنا ع الحال ده لبليل
قرب نص الليل
قالتلي البسي عشان هنروح مشوار
قولت ...
فين !!!
قالت ...
مش عاوزه تعرفي في اي !
- ايوه
- يبقي قومي وانتي ساكته
- بس انتي ...
بصتلي بعينها ومكنش في اي ابتسامه
قومت لبست عباية سوده وطرحه
وفضلت قاعده مستنياها تنزل
لحد الساعه اتنين وانا قاعده بأفأف
زهقت
جت الساعه اتنين بالظبط
والباب خبط
تلت خبطات
تك تك تك
قامت فتحت
وانا كنت قاعده
ودخل شخبورش بس زي ما يكون في حاجه غريبه وشه مش طبيعي
وعنيه فايقه وحمراااااا
ومتكلمش
قالتلي ...
يلا قومي
قومت معاها وهو بيبصلي كعادته بس كان فعلا خاضنني
نزلنا
فضلنا ماشيين
وعدينا البيوت والخيام ودخلنا ع الصحرا
قرب البحيره
وعدناها
وهنا سألت احنا رايحين فين
محدش رد
لحد ما دخلنا مكان
مسكتني وحاوطت كتفي
قولتلها احنا رايحين فين
قالت ...
المقابر
قولتلها بخضه ...
ايييي دلوقتي
ليه
قالت ...
اصبري وانتي هتفهمي
انا بعمل كل ده عشانك
بصلي شخبورش وابتسم
ابتسامه عمري مهنساها
وصلنا للترب
والغريبه أن شخبورش كان معاه مفتاح البوابات
دخلنا وقفل الباب
مفيش نور
غير نور القمر اللي اصلا مكنش موجوده
كلبشت فيها
وسط القبور
حاسه أن الميتين هيطلعو منها
وصوت عويل ونبح الكلاب
لكن كنت بقول ف نفسي دول ميتين مش هيصحو
فضلنا ماشين
وانا حاسه اني ف متاهه
وهما عمالين يدخلو لجوه
مفيش طريق للرجوع
اااااخر الترب
دخل بيا شخبورش لحوش
الدنيا كانت ضلمه ف الحوش ده
بس مش ضلمه الدنيا
كان في حاجه غلط
منظر الشجر اللي ف الحوش
كان يخوف
كأنهم عفاريت
وصوت عويل الكلاب جمب الحوش ده عالي زي ما يكونو ساكنين جمبه
مش عارفه جاي صوتهم منين
قرب شخبورش
وكانت التربه دي بالذات ليها مظهر غريب غير الباقي
فتحها
او هي اصلا كانت مفتوحه
هي كانت عماله بتقول ...
السماح يا سيادنا
وانا مش فاهمه حاجه
كان في لمبه جاز قديمه جمب القبر ولعها شخبورش
وربط حوالين وسطه حبل آخره كيسه سوده
وفتح باب التربه
وطلع في سلالم بتنزل للتربه تحت
نزل
وانا ماسكه ف أيدها
وبترعش
وبحاول اسألها
لكن هي نظراتها نظرات شفقه
وخوف ورعب
وتوهه
فضلنا واقفين شويه
واتفزعت لما لقيت شخبورش طلع
وسرحت
وفوقت علي صوت شيخطها وهي بتقول قربي
وقفت واخدت مني الكتاب
وفتحته وفضلت تقرا كلام والوليه تتنفض
وتشهق وتصرخ
كان الموضوع أشبه بحاجه هبله كده
مثيره للإنتباه عاوزه اعرف اخرتها اي
قالتلي افتحي الأزازه ورشي عليها لما تلاقيها وقعت ع الأرض
وفعلا فضلت تقرأ لحد ما الوليه سورقت
شخطت فيا ....
افتحي وروشي عليها
فتحت الازازه كانت ريحتها منتنه
قولتلها ...
ريحتها وحشه اوي
زغرتلي زغره رعبتني
غصب عني
بدأت اكب علي الوليه
الريحه كانت فظيعه
اخدت مني الأزازه
وقالت ..
اطلعي متجيش الا أما اقولك
وفعلا طلعت
وبعد ساعه
جت
وادتني فلوس وطبطبت عليا وقالت ...
ده حق ما اشتغلتي معايا النهارده
بكره تتودكي
بصتلها وسكت
قالت ...
امسكي يا بت
اخدت الفلوس منها
قالت ...
هاتي كل اللي نفسك فيه
وكل اما تشتغلي معايا وتساعديني تاخدي اكتر
بدل ما ياخد الغريب مني تاخدي انتي
علي الاقل انتي بنتي مش هتسرقيني وتاخدي زبايني
يلا اهي اخدت نصيبها
سألت ..
بتتكلمي علي مين
شخطت فيا ...
وانتي ماااالك
روحي يلا شوفي طفح تطفحوه
انا الليله مش راجعه
قولتلها طيب ومشيت
#يتبععععععع
وقتها ده كان التعبير الوحيد اللي علي لساني لما صرخت وبعدها اغمي عليا
الكاتبة مي علي
صحيت لقيتهم قاعدين جمبي
كان في دكتور
وهي كانت واقفه بعيد عند السرير
ابويا كان قاعد جمبي وماسك أيدي
حضنته وانا خايفه
أيده كان فيها علامات كدمات ومزرقه
الدكتور كان مستغرب
كشف عليا ومشي
ابويا جه يخرج معاه وهي بتقرب مني
صرخت وندهت عليه
هي بصت بأستغراب وكانت حزينه
وساكته
أخدت بعضها وخرجت
انا اتطمنت وقتها
وابويا مكملش دقايق ورجع
فاكره اليوم ده كويس
كان مطره وصوت الهوا يخوف
الريح بتصفر صوت يدخل الرعب ف قلب الواحد
ابويا مسبنيش ف اليوم ده
فضل نايم جنبي
بس كان بيتنفض جامد اوي
قومت مفزوعه
كان نايم جنبي
فضلت ينفض زي ما يكون حد بيهبده
حطيت ايدي عليه كانت حرارته عاليه اوي
معرفتش اعمل اي وقتها
قومت جريت أدور عليها
دخلت أوضتها ملقتهاش
قلبت عليها البيت كله مش موجوده
جريت عليه
كان هدي ومبقاش بيتحرك
قربت منه
لقيت عنيه مفتوحه وباصه للسقف
قربت منه وقولت ...
بابا انت صاحي !!!
مكلمنيش ولا بيرد
حطيت ايدي عليه بردو مفيش
مكنتش وقتها اعرف يعني اي موت
معرفتش اي حاجه غير اني لقيتها واقفه ف ضهري
وكان ف أيدها ملايه بيضه غطته
وبصتلي وقالت ...
اطلعي
معرفش اي اللي حصل بعد كده
معرفتش ولا شوفت حاجه غير ناس ف البيت بتعيط
وصندوق خشب كبير وناس كتير
شايلين بابا وهما لفينه بقماشات بيضه
وبيشلوه يحطوه ف الصندوق
ونازلين بيه
وستات كتير بتصوط وهي كمان
وواحده جارتنا كانت مسيحيه
اخدتنا عندها
اخواتي كانو فاهمين أن بابا مات
انا وقتها مكنتش اعرف يعني اي
بس انا كان عندي اسأله كتير اوي محتاجه اسألها اي حد ويجاوبني
وفعلا لما دخلت وهي كانت عماله تتطبطب علينا وجابت للعيال أكل
وبصتلي وقالت ...
كلي يا حبيبتي
بصتلها وقولت ...
هما أخدو بابا ودوه فين
سكتت شويه وقالت ...
بابا رايح مشوار بعيد وممكن يتأخر شويه
الكاتبة مي علي
قولتلها بكل عفوية ...
وكل الناس دول رايحين معاه
قالت ...
لا دول رايحين يوصلوه
اخواتي بيبصولي بمنتهي الأسي
عرفت بعدها بكتير لما قدرت استوعب الفكره أنه سابني ومشي
وساب معاه اخر ذكري شوفتها
مكنش في مكان تاني اروحه
مكنتش اعرف اصلا أن المفروض امشي
عدي فتره طويله كنت خايفه منها
وهي مكنتش بتتكلم
وكانت بطلت تروح المكان ده
وتخرج اصلا من البيت
وأوقات بليل كنت بسمعها بتعيط
وأوقات تانيه كنت بسمع أصوات غريبه معاها ف الأوضه
لحد ما فيوم صحيت قبل الفجر
كنت راحه اشرب سمعتها ف اوضتها بتعيط
بس ف صوت عياطها صوت خشن عنيف
مش شبه اي صوت سمعته قبل كده
وقفت قدام الباب لكن مش كنت بتصنت
كانت هي بردو بتعيط
والصوت بيكلم كلمات
غريبه
وبعدين سمعتها بتزعق بصوت مكتوم كأنها بتتكلم مع حد
مفهمتش من كلامها حاجه
كان لسه الدنيا بتشتي والهوا كان شديد لدرجة أنه فتح شباك الصاله
انا روحت عليه وحاولت اقفله كان في ضل من ورايا ع الحيطه
ضل غريب
لفيت بسرعه لكن ملقتش حاجه
بس كنت سامعه صوتها بوضوح
شباك اوضتها كان جمب شباك الصاله والاتنين بيطلو علي المنور
اللي كنت طول عمري بخاف منه
ف وقفت
كان عندي فضول اسمع بتقول اي
صوتها مبقاش موجود
كان في اصوات تانيه
أصوات غريبه وكلمات أغرب
والنور عندها بينور ويطفي
وانا واقفه مركزه لدرجة اني نسيت الدنيا حواليا
والفجر أذن
وسمعت الأصوات دي زي ما تكون بتصرخ او غضبانه
والنور ابتدي يطفي وينور زي ما حصل في نفس الليله المشؤمه
مع اول كلمات الأذان
والصوت اختفي
ف انا قفلت الشباك براحه
وكنت طالعه ع الكنبه اللي تحت الشباك
نزلت براحه ورجلي اتزحلقت ف وقعت ع الأرض والنور اتطفي
حاولت اقوم براحه وانا خايفه جدا
النور رجع
ف قومت جري
دخلت اوضتي
وقفلت الباب بسرعه
وبلف لقيتها ف وشي
ان انت واقف وراءالباب وسامعني .انا محسن البيومي .العريس .انا جيت اقولك ماتدورش وماتسالش عن ناس اموات تاني احنا جينالك بنفسنا وورناك اللي حصل من خمسين سنة .قلبي كان هيقف من الرعب.لولا اذان الفجر.دخلت اتوضات وصليت الفجر. وفعلافي الصلاةطمانينة . المهم نمت وانا قلقان . وتانى يوم رحت الشغل . وانا راجع قولت اعدى اشوف اللى
حصل . وصلت عند التلات بيوت وببص على البيت لقيته مقفول بجنزير حديد . وقفت استنى حد يعدى اساله على الناس اللى فى الفرح حصلهم ايه . فجاة لاقيت راجل معدى بعربية خضار ووقف عند البيت . قربت منه وسالته عن البيت وحكيتلة الحكاية . الراجل قالى تعالا نمشي من هنا دلوقتى . المهم مشينا بعيد شوية . قولتلو فى ايه . قالى امبارح كان 30 /12 قولتلو يعني اية. قالى من 50 سنة كان في فرح فى البيت ده.بتاع واحد اسمة محسن البيومي .ومن كتر المعازيم البيت وقع بالناس كلها ماتت . وكل يوم 30/12 بيطلعو عفارتهم جوه البيت وده تاريخ وافتهم فى الحدثة القديمة . انا سمعت كده اعصابى باظط خالص وابتدا جسمى يقشعر . وافتكرت كلام الراقصة (يلا بينا نرجع باب الوزير علشان ننام ) وابتديت افهم . ان باب الوزير ديه منطقة القرفات والترب عندنا . وانها قصدها تنام فى القبر . وافتكرت شكل المعازيم ولبسهم القديم وافتكرت كلام الناس على التلات بيوت. وفهمت ان دول اشباح .من كتر
الخوف خفت اروح البيت وفضلت قاعد فى الشارع . مع الناس لغاية اما رجع ولدى من السفر . وحكيتله اللى حصل .فضل مستغرب وقالي اوعا تمشي من هناك تاني واحمد ربنا انها جت علي قد كده وديه كانت اول واخر مرة اعدى من التلات بيوت .
#حارة الاموات.
قصة حقيقية من اكتر من 50 سنة فى فترة السيتنات حدث فى منطقة الدرب الاحمر عندنا حدثة شهيرة جدا وهى سقوط بيت قديم فى حارة (الجزارين ) وبعدها فضلت الحارة فى حزن شديد سنين بسبب عدد الاموات اللى وقع بيهم البيت. انا ديما كنت مهتم بالموضوع ده قوي وكنت بحاول اسال ديما ازاي البيت وقع ازاي الناس ديه كلها ماتت وكنت بدور عن حد صادق يحكيلي الحقيقية .المهم كانت حارة صغيرة سميت باسم التلات بيوت بسبب الحادثة الشهيرة هى كانت حارة صغيرة متطرفة عن العمار بسبب عدم وجود اناره فيها وكانت كلها عبارة عن 3بيوت فقط وكانت الناس بتخاف ديما تعدى منها من كتر الحكايات المرعبة عن ظهور اشباح وسماع اصوات فيها . بعد الحادث ب30 سنة فى اول التيسعينات سكنت فى منطقة جنب حارة التلات بيوت اسمها (درب الدليل ) وكان علشان اروح لازم الف لفة كبيرة علشان ماعديش من التلات بيوت
بسبب الكلام اللى بسمعه عنها وكنت بمشي من الشارع الرئيسي رغم بعد المشوار . وفى يوم من الايام كنت مروح من الشارع الرئيسي كالعادة .وكان والدى مسافر وراجع تانى يوم كان يوم ممطر فى شهر 12 فى عز الشتاء وكان يوم برد جدا ممطر جدا جدا . قابلت واحد صاحبى اسمه مدحت عبد اللطيف قالى رايح فين متاخر كده . قولتلو مروح البيت علشان عندى شغل بكرة بدرى قالى الساعة دلوقتى 12 بليل الحق ناملك 6ساعات وروح الشغل . قولتلو ماشى . قالى بقولك ايه ادخل من التلات بيوت علشان الشارع الرئيسي غرقان مطر وفى حفر فيه . قولتلو ماشي بس ديه ضلمه قوى ومرعبة . قالى خدها جرى وخلاص . المهم سيبت مدحت ومشيت وقولت ادخل من التلات بيوت امرى لله وجمدت قلبى . المهم مشيت من جوه الحارة عندنا لغاية اما وصلت لحارة التلات بيوت . كانت حارة مرعبة وضلمة كحل مفيش حتى لمبة نور واحده . كنت مش شايف حاجة خالص. المهم مشيت على مهلى بسبب الطين والمطر اللى على الارض خفت اتزحلق . فجاة ظهر امامى راجل ومعاه مراتو وطفلين وقفين تحت بيت ضلمة مش باينين خالص . وفجاة نده عليه الراجل وقالي لوسمحت قولتلو نعم عايز حاجة
قالى احنا معزومين فى الفرح اللى هنا . قولتلو فين الفرح ده . قالى فى البيت هنا . ومكسوفين نطلع لوحدنا ممكن تطلعنا شكلك من هنا . قولتلو بس ما فيش فرح . فجاة سمعت صوت زغريت وسقف من اعلى البيت . قالى شفت الفرح بدا اهو