Personal Development 📖📖

05 Oct 2020 16:19

በውስጣችን ያለው የወንድ እና የሴት!!


ነገሩ ግራ የሚያጋባ ይመስላል ነገር ግን ሁላችንም በውስጣችን የወንድ እና የሴት የሚባሉ ሀይሎች (The male and Female energy) አሉን። እዚህ አለም ላይ ከሚያጋጥሙን ተግዳሮቶች መካከል በጣም ጠቃሚው ነገር እነዚህን ሀይሎች ሙሉ ለሙሉ ማሳደግ ነው። በምስራቁ አለም ፍልስፍና ይሄን ሀሳብ (yin and Yang ) የሴት ወይም የወንድ፣(receptive and active) ትምህርትን ወይም ሀሳብን ቶሎ የሚቀበል እና ነገሮችን በማድረግ የተጨናነቀ ይሉታል።ማንኛውም ነገር አዚህ አለም ላይ የሚገኝ በሙሉ ከነዚህ ሁለቱ ሀይሎች የተሰራ ነው ብለው ያስባሉ። በተመሳሳይም በምዕራቡ አለም ፍልስፍና ( anima in feminine side and animus in masculine side) ይሄም የሚነግረን ወንዶች የሴቷ ሀይል (anima) ሲኖራቸው በተቃራኒውም ሴቶችም የወንዱ ሀይል (animus) ይኖራቸዋል።አንዳንድ ሰዎች የወንዱ ወይም የሴቷ የሚለውን ቃል ይቃወማሉ።ምክንያቱም በኛ ሀገር ባህል ውስጥ ከነዚህ ቃላት ጋር በተያያዘ ብዙ ስሜታዊ የሆነ ግንዛቤ ስላለ ነው። አናንተም እነዚያ ቃላቶች ካልተስማማችው አነዚህን መጠቀም ትችላላችሁ።(yin and yang, active and receptive, dynamic and magnetic ) አለበለዚያም ለናንተ የተመቻችሁን ስያሜ መስጠት ትችላላችሁ። ለኔ ግን የሴቷ እና የወንዱ(Feminine and masculine) ልጠቀም።


The Female-እንግዲህ ይሄኛው ክፍል የኛ የተፈጥሮ የሆነ አስተዋይነት ያለበት ነው።በጣም ጥልቅ የሆነ እና ብልህ የሆነው ክፍላችን ነው።ይሄ የሴቷ ሀይል በወንድም በሴትም ውስጥ ይገኛል።ሀሳብን ወይም ትምህርትን በፍጥነት መቀበል የምትችል ስትሆን እኛም ጋር ለመገናኘት የምትጠቀመው በስሜታችን በኩል ነው።ጥልቅ ከሆነው ውስጣችን ውስጥ ጥልቅ ስሜቶችን(gut feelings)፣ ምስሎችን በፍጥነት ታመጣልናለች።እናም ለችኳ😁ቀን ላይ ለምታመጣቸው ስሜቶች እና ምስሎች ትኩረት ካልሰጣችሁ ሌሊት በህልም ወይም በአካላችን ላይ ሀሳቧን ለማድረስ ትሞክራለች። እናም ወዳጄ ችኳ የከፍተኛ ጥበብ ምንጭ ናት። እሷን በትክክል ማዳመጥ መማር ከቻልን ፍፁማዊ በሆነ መንገድ ትመራናለች።


The male-ይሄኛው ክፍል ደግሞ በሚታየው አለም ላይ ነገሮችን የምናደርግበት ችሎታ ነው። የማሰብ፣ የመናገር፣ አካላችንን የምናቀሳቅስበት ነው።አሁንም ይሄ የወንዴው ሀይል በወንድም በሴትም በኩል ይገኛል። ጎረምሳው😁ማድረግ ነው እሚወደው።ሴቷ ያመጣችውን የፈጠራ ሀሳብ እሚታየው አለም ላይ ወደ ተግባር የሚቀይርላት ጎረምሳው ነው።እንግዲህ እነዚህን ሁለት ነገሮች ስናጣምራቸው ነው ምድር ላይ ያለ ፈጠራ ልንለው እምንችለው ።ችኳ የምትነሳሳው በፈጠራ ስሜቶች ሲሆን ጎረምሳው ግን በመናገር፣ በመንቀሳቀስ ወይም ትክክለኛውን ነገር በማድረግ ነው። በምሳሌ እንመለከት አንድ ሰዐሊ የሆነ አርቲስት ስዕል ለመስራት የሆነ ሀሳብ አነሳሳው ችኳ ማለት ነው (image communicated from his female)ወዳያውኑ ስራውን ወደሚያከናውንበት ቦታ (studio)በመሄድ ብሩሹን በማንሳት መሳል ይጀምራል አሁን ይሄ ጎረምሳው ነው(action taken by his male) ።
ሌላ ምሳሌ ለመጨመር ያክል አንዲት እናት ድንገት የልጇ ነገር ያሳስባታል (warning from her inner female) እየሮጠች ወደ ሌላኛው ክፍል በመሄድ ልጇን ከስቶቩ ላይ ማንሳት (action taken by her male) በሁለቱም ምሳሌ የምንረዳው ጎረምሳው ችኳ የምትለውን በደንብ ከሰማ ውጤት ማግኘት እንችላለን። የሴቷ ጥልቅ ስሜት ሲደመር የወንዱ ድርጊት እኩል ይሆናል ፈጠራ።


ስለዚህ ስምምነት ያለው እና በፈጠራ የተሞላ ህይወት ለመኖር በጋራ ስራቸውን የሚያከናውኑ መሉ ለሙሉ ያደጉ የወንዴው እና የሴቷ ሀይል ሊኖረን ይገባል። እና በውስጣችን የሚገኘውን ጎረምሳ ደግሞ በተፈጥሮ ችኳ አቅጣጫ እንድትጠቁመው ስለሆነ የተሰራችው በደንብ ስሜቷን መረዳት ይኖርበታል።አስቲ ሀለቱ እንዲያወሩ እንፍቀድላቸው እና ሀሳቤን ልቋጭ....

እሷ፦"ይሄ ስሜት ተሰማኝ....."
እሱ፦"ስሜትሽን ሰምቼዋለሁ ምን እንዳደርግ ነው እምትፈልጊው....?"
እሷ፦"ያንን ነው እምፈልገው..."
እሱ፦"ያንን ነው የፈለክሽው?ጥሩ እሺ..አሁኑኑ አገኝልሻለው "
ወዲያውኑ እየበረረ ሂዶ ሊያገኝላት ይሞክራል ምክንያቱም የእሷ ፍላጎት ተፈጥሯዊ በሆነ ጥበብ የተሞላ ስለሆነ....



በቅንነት #ሼር ያድርጉ👇👇👇👇

@JPersonaldevelopment

Personal Development 📖📖

25 Sep 2020 17:31

አት ሰምታው ነበር።ኢማኪዩሌ ስደቢው እንጂ ምራቅሽን ትፊበት አመናጭቂው እያለ ወታደሩ ሲጠብቅ እሷ ግን በሀፍረት እና በጸጸት እያለቀሰ ስታየው ያደረገውን ነገር በመርሳት "ምሬሀለው..የመጨረሻ የምሰጥህ ነገር ቢኖር ምህረት ነው" አለችው።።

ኢማኪዩሌ ብዙ ነገር ታሪኳን በማካፈል አስተምራናለች። በመጀመሪያ ሀገር የሚድነው በምህረት እንጂ በበቀል እንዳልሆነ፣የሰው ልጅ እምነት ምንም ነገር መቀየር እንደሚይችል፣ ለምትፈልገው ነገር የት ድረስ መሄድ እንዳለብህ የተ.መ.ድ ከተቀጠረች በኋላ የተናረችውን ቃል በቃል ላስፍር "በአእምሮዬ ስዬው፣አለሜው፣ፀልዬው ስለነበር አገኘሁት!" በጣም ያስገረመኝ ደግሟ አንን ቋንቋ የሚናገሩ አንድ ሀይማኖት የሚናገሩ ብሄሮች ናቸው። ቱትሲዎች ናቸው ብለው የለዬአቸው ቁመታቸው እረጅም እና አፍንጫቸው ጠባብ ተብሎ የታሰበ በተቃራኒው ቡድን ደግሟ አጭር እና አፍንጫቸው ሰፊ ነው ብለው ነበር የሚያምኑት።ነገር ግን ይሄ ልክ ስላልነበር ብዙ ሁቱዎች ቁመታቸው እረጅም ስለሆነ ብቻ ተገድለዋል።እና ወዳጄ ለዚህ ሁላ እልቂት ምክንያት የነበረው ከዚህ በፊት ለሁቱዎች ቱትሲዎች እንዲህ ናቸው ተብለው የተነገሩት(conditioned)ተደርገው ነው።እኛስ ገና አውነት መሆኑ ባልታወቀ "ትርክት" ሊያጋድሉን ቢሞክሩም አልተሳካላቸውም።በድጋሜም እንዳይሳካላቸው ይሄን ከስር የማስቀምጠውን መፅሐፍ ለሰዎች #ሼር በማድረግ ለሀገርህ አለኝታ ሁናት።ህግን አለማወቅ ከተጠያቂነት እንደማያድነው ሁሉ... የብጥብጡ አካል ባትሆንም የመፍትሔው አካል ካልሆንክ መጠየቅህ አይቀርም....በመጨረሻም አንድ ደራሲ ስለ ዚህ መፅሐፍ የተናገረውን ላስቀምጥ እና ልጨርስ....

"የሚያነሳሳና ህይወትህን የሚቀይር መፅሐፍ!አንደኛዋን ገፅ እንደገለጧት እስከዘላለሙ ይቀየራሉ።ኢማኪዬሌንና ህይወትን በጨለማው ጊዜ ይዞ የመቆየትን ምንነት እስከ መጨረሻው አይረሱም።" (ሲዲ ፐርሊማን፣ኒውዮርክ ታይምስ ሲንድከት)



በቅንነት #ሼር ያድርጉ👇👇👇👇

@JPersonaldevelopment


"I'm Good! You Good! We Good!"

Personal Development 📖📖

23 Sep 2020 09:03

ስለ ለውጥ ደ/ር ምህረት.....
Enjoy it....

በቅንነት #ሼር ያድርጉ 👇👇👇


@JPersonaldevelopment

Personal Development 📖📖

21 Sep 2020 11:03

ውስጥህን ተመልከተው።።


አብዛኞቻችን ውጫዊው ነገር ውስጥ ያለውን ነገር ሸፍኖብናል።አሁን ባለህበት ውጫዊው ገጽታ፣ በቤተሰብ፣ በሰፈር ፣ በአካባቢ፣ በሀገር ታጥረሀል።መታጠር ማለት በአካል ሳይሆን በ ሀሳብ..........


የሰው የቆዳ ቀለም የሰው ማንነት መለኪያ አድርጋ በምትመለከተው ሀገረ አሜሪካ ውስጥ በሆነ ሰአት ላይ የነጮች የበላይነት እና ጭቆና በጥቁሩ ህዝብ ላይ ባየለበት ሰአት አንድ ፊኛዎችን በመሸጥ የሚተዳደር <<ነጭ የቆዳ ቀለም ያለው ሰው ነበር>> ጥሩ ገበያ ነበረው ነገር ግን ገበያው እየቀዘቀዘ ስለመጣ ምን ማድረግ እናደለበት ሲያስብ አንድ ሀሳብ መጣለት።ሀሳቡም ፊኛዎችን ወደ ላይ ነፍቶ በመልቀቅ ህፃናት አየር ላይ ሲያዩ አቸው መጥተው ያስገዛሉ የሚል ነበር።

እንዳሰበውም ሆነለት እና ልጆቹ መጥተው መግዛት ጀመሩ።ገበያውም ከድሮው የተሻለ ሆነለት።ይሄን ሲመለከት የነበረ አንድ <<ጥቁር የቆዳ ቀለም የነበረው ህፃን ልጅ>> ፈራ ተባ እያለ አንድ ጥያቄ አቀረበለት።ጥያቄውም ያንን ጥቁሩ ፊኛ እንደሌሎቹ በአየር ላይ መሄድ ይችላል ወይ የሚል ነበር።
ሻጩም ወይም ነጭ የቆዳ ቀለም ያለው ሰውየም እንደሌሎች ነጭች በቆዳ ቀለም የማያምን ሰው ስለነበር የሀገሬ ሰው <<ከእንክርዳድ መሀል ስንዴ አይጠፋም >> ያለው ከተሳሳትኩ አርሙኝ😁 አና ይሄም ነጋዴ ልጁን ወደ ፊኛዎቹ እንዲጠጋ በማድረግ ተመልከት ቤቢ ፊኛዎቹን በአየር ላይ እንዲሳፈፉ ያደረጋቸው የውጫዊው ቀለማቸው ሳይሆን በውስጣቸው የተሞላው አየር ነው ብሎ ፊኛውን ሞልቶ ሲለቅ ያሰየዋል።

እና ወዳጄ ውጫዊው ሁኔታ ምንም ሆነ ምንም በውስጥህ ያለው ነገር ከሁሉም ይበልጣል። የቆዳ ቀለም ፣ ዘር፣ብሄር፣
ሀይማኖት፣ ማህበረሰብ፣ የሀገር ሁኔታ፣ አንተን ሊያስቀሩህ አይችሉም። ስለዚህ ውስጥ ህን ተመልከተው በደንብም አዳምጣው።እምትፈልገው ነገር እንኳን እዚህ አለም ላይ ባይገኝም አንተ መፍጠር ትችላለህ ።ፈጣሪ ድንቅ ችሎታ ሰጥቶሀል አትጠራጠር ያለ ምክንያት እዚህ ምድር ላይ አልመጣህም።


በቅንነት #ሼር ያድርጉ👇👇👇👇

@JPersonaldevelopment

"I'm Good! You Good! We Good!"

Personal Development 📖📖

19 Sep 2020 10:18

ፍርሃት።


እምትፈልገውን ህይወት እማትኖረው ፍርሀትን እየኖርክ ስለሆነ ነው።ምንድን ነው እሚያስፈራህ?ፈርተህ ምን አገኘክ?ለምን ፍርሃት ከምትፈልገው ህይወት በለጠብክ?ጥቂት የፍርሃት አይነቶችን እንመልከት.........

1. ድህነትን መፍራት (Fear of poverty) ሀብታም መሆን ከፈለክ ድህነትን መፍራት አቁም።ክሪስቲያን ሮናልዶ ሁልጊዜ እማሸንፈው ሽንፈትን ስለማለፋራ ነው ብሎ ነበር።እና ሀብታም ለመሆን ድህነትን መፍራት ማቆም አለብህ።እዚህ አለም ላይ ስትፈጠር እኮ ባዶ እጅህን ነው የመጣሀው ማለትም እቃዎችን የሀብት መለኪያ ካደረግናቸው እና ያኔ ደሀ ከነበርክ ለምን አሁን እቃ ማጣት ያስፈራሀል።እሚገርመው ደም ትተህው ለምትሄደው ነገር ነው እምትጨነቀው።እነሱ ባለፈሩት በቤተሰብ "እቃ" የሚመኩ ሰዎች በጣም ነው እሚገርሙኝ ሰው እንዴት የራሱ ባልሆነው ነገር ይኩራራል።የሀገሬ ሰው (" የሰው ወርቅ አያደምቅ"...)ይላል። ለኔ ግን ይቅርታ አድርጉልኝ እና ብዙ ጊዜ ሀብት ብለን እምንጠራው ነገር አይዋጥልኝም።ማለትም ቤት፣መኪና፣ገነዘብ፣እማያልቅ እቃ የመሰብሰብ ፍላጎት። እነዚሀን ነገሮች የተሻለ ህይወት ለመኖር የሚያስፈልጉህ እንጂ ብታጣቸው እሚገሉህ አደለም።በኔ ምልከታ የሰው ልጅ ሀብት ውብ፣ረቂቅ፣በገነዘብ እማይለካው "ሰውነትህ" ነው።ሌላ ጊዜ ስለ ሰውነት እመለስበታለሁ። እና ምን ልልህ ነው ሙሉ አካል ያለው ሰውነት ይዘህ ከተፈጠርክ ከሱ እሚበልጥ ሀብት የለምና መፍራትህን አቁመክ እንዲህ ውብ አድርጎ የፈጠርህን ፈጣሪ አመስግነው።

2. ትችትን መፍራት(Fear of criticism)የብዙዎቻችን ፍርሃት የሆነው ነገር ግን በጣም የሚስገርመኝ የፍርሃት አይነት ነው።ሰው እንዴት ከሱ ቁጥጥር ውጭ ያለ ነገር ያስጨንቀዋል። በብዙ ፍርሃት ውስጥ ስላለፍኩኝ አንድ የራሴን ታሪክ ልንገራችሁ። ከሁለት አመት በፊት ነው አንድ የሳይኮሎጂ ስልጠና እወስድ ነበር እና ብዙ ጊዜ ቡቡድን ተከፋፍለን ስለነበር ስለጠናው ሀሳቤን ለማካፈል አልከበደኝም ነበር።ነገር ግን አንድ ቀን የተለያየ ርእስ (topic) ተሰጥቶን በዛ ላይ ያለንን ሀሳብ ተዘጋጅተን መጥተን እሚቀርብ ነበር ነገር ግን አሁን በቡድን ሳይሆን ለሁሉም ሰልጣኞች ነበር።እና እኔም በደንብ ተዘጋጅቼ ነበር ነገር ግን በጣም ብዙ ሰው ሰለነበር ፍርሀቴ ወደር አልነበርውም።እንደ አጋጣሚ ሁኖ ደሞ ከሰዎቹ ትምርት እናደልወስድ መጀመሪያ ነበር እንዳቀርብ የተጠራውት እንደ ሚያቀርብ ሰው ወጣው ነገር ግን ፍርሃት አስሮ ቆላላፈኝ፣ ድምፄ መውጣት አልቻለም፣ቀና ብየ ሰውን መመልከት አልቻልኩም፣በጣም ላብ በላብ ሁኛለው ብቻ ምን አለፋችው ተንተባትቤ ገባው።ምንድን ነበር ሲአስፈራኝ የነበረው? ስለኔ ምን ያስቡ ይሆን፣ብሳሳት ወይም ያልሆነ ነገር ብናገር ይስቁብኝ ይሆን እነዚህ ሁሉ ከኔ ቁጥጥር ውጭ የሆኑ ነገሮች ናቸው።መቼም ስለኔ እንዳትስብ፣እንዳታወራ ማድረግ አልችልም።ይሄ ነገር ከተፈጠረ በጏላ የተረዳውት ነገር ቢኖር እኔ እምችለው እኔ ጋር ያለውን ነገር መቆጣጠር ነው ማለትም ትኩረቴን(focus) ማድረግ ያለብኝ ሰለማቀርበው ወይም ስለምሰራው አጅ ስለዛ ሰውየ ጭንቅላት አደለም።ስለዚህ ወደ ዋናው ሀሳቤ ስመለስ አንተስ? ያ ሰውየ ወይም ህዝቡ የፈለገውን ያስብ ትኩረትህን ቀይር ገና ለገና እተቻለው ብለህ ማድረግህን አታቁም።የሰው ልጅ ምንም ሆነ ምንም ከመተቸት ወደ ጏላ ስለማይል አነሱ ይተቹ አንተ ስራህን ሰራ።

3. ፍርሃትና እራሱን መፍራት (Fear itself Fear) አንዳንዴ ፍርሀት እራሱን እንፈራወለን ።ምን እንደሚያስፈራን እራሱ አናቀውም ግን እንፈራለን።ፍርሃት ጊዛዊ ነገር (state of mind)ነው።ሁኔታዎች ፣ቦታዎች እኛ ጋር የፈጠሩት ስሜት ነው።እምንፈራው አደጋ እናደይደርስብን ስለምንፈልግ ነው።ፍርሃት ጤነኛ ነገር ነው ለኛ ከለላ ነው እሚቆምልን ነገር ግን ከልክ ያለፈ ፍርሃት አልጋ ላይ ነው እሚጥልህ፣እውቀትህን ይደብቅብሀል፣ከሰዎች ጋር እንዳትግባባ ያደርግሀል፣አስሮ ቤት ውስጥ ያስቀምጥሀል፣እራስህን በሱስ ደብቀህ እንድትኖር ያደርግሀል።እና ወዳጄ ስለፈራህ አይሰማህ ፍርሃት ጤነኛ ስለሆነ ነገር ግን ፈርተህ ማድረግ ባለመቻልህ ነው ማዘን ያለብክ።ጥቂት የፍርሀት አይነቶችን ነው ያሰየዋችው የበለጠ ማወቅ ከፈለጋችው አንድ መፅሐፍ ልጠቁማችው እና ልጨርስ...


Feel The Fear And Do It Anyway..(Susan Jeffers)


በቅንነት #ሼር ያድርጉ 👇👇👇👇

@JPersonaldevelopment

Personal Development 📖📖

17 Sep 2020 18:07

ተግዳሮት።

እዚህ አለም ፍጥረት ሁነው የተፈጠሩ ነገሮች በሙሉ በብዙ ትግል (struggle) ውስጥ ነው እሚያልፈው።ይሄ የተፈጥሮ ህግ ነው ።ይሄ የሆነበት ዋነኛ ምክንያት ደሞ እንድናድግ፣እንድናውቅ፣ለስኬቶቻችን መሰላል እንዲሆኑን ነው።በምሳሌ እንመልከት........

አንድ የባይሎጂ አስተማሪ ተማረዎችን ቤተ ሙከራ ውስጥ ሰለነፍሳት እድገት ደረጃ ሲያሰተምር ገና እጭ(larva) ጀረጃ ላይ ያለ ቢራቢሮ በማጣት ከሁለት ሰአታት በጏላ ወደ ጎልማሳ(adult) ደረጃ ይደርሳል እስከዛው ሂደቱን ተመልከቱ ብሉአቸው ይሄዳል።

ከዛም ተማሪዎቹ ትንሽየ ቀዳዳ የእጭ ሽፋኑ(cocoon)ላይ ይመለከታሉ። ከዛም በቀዳዳው ቢራቢሮዋ ለመውጣት ስትታገል ይመለከታሉ።አንድኛው ተማሪም ለመውጣት ስትታገል በጣም ስላሳዘነችው የእጭውን ሽፋን ቀዶ ያወጣታል።

አስተማሪውም ተመልሶ ምን እንደተፈጠረ ሲጠይቃቸው ልጁም ተነስቶ ስላሳዘነችኝ ሽፋኑአን ቀድጄ አወጣዋት።ነገር ግን መብረር አልቻለችም። ልጁ በጣም እሚአዝን ልብ ሰላለው ሊረዳት ነበር የሞከረው ነገር ግን ቢራቢሮዋ ከሰውነቱአ ላይ ያለውን ፈሳሽ ለመጥረግ እና ክንፉአ እንዲጠነክር በዛ ቀዳዳ ውስጥ ማለፍ ነበረባት።።


ስለዚህ ወዳጄ ከታሪኩ እንደምንረዳው በህይወት ውስጥ የሚአጋጥምህ ተግዳሮት (challenge)አንተን ለማጠንከር፣ለማሳደግ፣ወደዛኛው የህይወት ደረጃህ ሊወስድህ ፣ወደ ስኬት ማማ ላይ ሊሰቅልህ ነውና አጭር መንገድን አትጠቀም።ማለፍ ያለብህን ደረጃ ሁላ እለፍ ያኔ እምትፈልገው ቦታ ትደርሳለህ።።

(....ጓዙ ሸክሙ ያነሰ ካለመበት ቶሎ ደረሰ...)

በቅንነት #ሼር ያድርጉ👇👇👇👇


@JPersonaldevelopment

Personal Development 📖📖

16 Sep 2020 22:22

አመራር

በሕይወትህ የአመራርን ጥበብ ካላዳበርክ የትም አትደርስም፡፡ ራስህን፣ ቤተሰብህን፣ ስራህንና ንግድህን ለመምራትም ሆነ ሕይወትህን በተዋቀረ መልክ ወደፊት ለማራመድ መሰረታዊ የአመራር ግንዛቤ ያስፈልግሃል።


ራስን የማሻሻል ዲሲፕሊን

“በዚህ ዓለም ውስጥ ልታሻሽለው እንደምትችል እርግጠኛ የሆንክለት አንድ ነገር አለ - እሱም ራስህን ነው” - Aldous Huxley

ታላላቅ ሰዎች ካለማቋረጥ በመማርና ራሳቸው በማሻሻል የታወቁ ናቸው፡፡ ለመሻሻል ደግሞ የተማሪነትን መንፈስ እንደያዙ መቆየት ግድ ነው፡፡ እነዚህ ሰዎች በደረሱበት ደረጃና እውቀት በፍጹም አይኩራሩም፤ በምትኩ፣ “ከዚህ በኋላ መድረስ ያለብኝ ደረጃ ምንድን ነው? ምንስ ነገር ማወቅ አለብኝ?” በሚሉት ጥያቄዎች የተሞሉ ናቸው፡፡

መማርና መሻሻል ማቆም አንድ ሰው በራሱ ላይ ሊያደርስ ከሚችላቸው ከባድ በደሎች መካከል ዋነኛው ነው፡፡ ራስን በድሎ ሌሎችንም በእርሱ ተጽእኖ ስር ያሉትን ሁሉ ይበድላል፡፡ መማርና መሻሻልን ያቆመ ሰው ከሚደርስበት አስከፊ ሁኔታዎች ጥቂቶቹ የሚከተሉት ናቸው፡፡

ኋላ ቀር አመለካከት፡- የእውቀትና የኢንፎርሜሽን ለውጦች ለሰው አፍታ በማይሰጡበት በዚህ ክፍለ ዘመን ወደ ፊት አለመራመድ ማለት ወደ ኋላ መቅረት ማለት ነው፡፡

በሌሎች ሰዎች መቀየር፡- አንድ ሰው ራሱን ካላሻሻለ ፈጠነም ዘገየ ከእርሱ በልጦ የተገኘ ሰው እንደሚተካው ሊያስታውስ ይገባል፡፡

በቴክኖሎጂ መቀየር፡- ቀድሞ የብዙ ግብረ-ኃይልን ተሳትፎ የሚጠይቅ ጉዳይ አሁን በአንድ ሰው መከናወን ወደሚችልበት ሁኔታ ላይ ደርሷል፡፡ ከዚህ ለውጥ ጋር ያልተራመደ ሰው ለመቀየር መዳረጉ አይቀርም።

#ምንጭ አመራር A to Z ከተሰኘው የዶ/ር እዮብ ማሞ መፅሀፍ የተቀነጨበ ነው ።

አንብቡት ግብዣዬ ነው።


በቅንነት #ሼር ያድርጉ 👇👇👇👇

@JPersonaldevelopment

Personal Development 📖📖

15 Sep 2020 19:48

📝ለምን አትጽፈውም?

ገና በልጅነታችን ዳዴ ከማለት፣ ከመራመድና ከመሮጥ ቀጥሎ በመጀመሪያ እንድንማር የሚያደርጉን ማንበብና መጻፍ ነው፡፡ እያደግን ስንሄድ ግን ሩጫው ላይ እናተኩርና ማንበቡንና መጻፉን ችላ እያልነው እንሄዳለን፡፡

በአለም ላይ አሉ የተባሉ ሕብረተሰቡን የሚያንቀሳቅሱ ነገሮች የሚከናወነው በመጻፍና በማንበብ ነው፡፡ እነዚህን ሁለት ወሳኝ ነገሮች ለምን ችላ እንደምንላቸው ማሰብ አስፈላጊ ነው፡፡ የማንበብን አስፈላጊነት ተወት በማድረግ የማጻፍን አስፈላጊነት ከግብና ከተግባር አንጻር ዛሬ አብረን እናስምርበት፡፡

ዓላማህንና ግብህን ጻፍ

1. ሁል ጊዜ ዓላማህንና ግብህን መጻፍ ከዋናው ትኩረትህ እንዳትወጣ ያግዝሃል፡፡
2. ዓላምህን ስትጽፍ አጭርና ግልጽ አድረገህ ማጻፍ አስፈላጊ ነው፡፡ KISS method እያሉ እሚጠሩት ደሞ ስለ መሳሳም እያወራው አደለም 😁(Keep It Short and Simple...) ለማለት ነው።

የየቀን ተግባርህን ጻፍ

1. በየዕለቱ ማድረግ የሚገባህን የተግባር ዝርዝር ማውጣትና መጻፍ ተግባርህን እንድታስታውስና መጨረሻም ውሎህን እንድትገመግም ያስችልሃል፡፡

2. የየእለት ተግባር ስትጽፍ እንደ አስፈላጊነታው ቅደም ተከተል መከተልን አትዘንጋ፤ በመጀመሪያ ቀዳሚና አስፈላጊውን፣ ሁለተኛ ከዚያ ሊከተል የሚገባውን፣ ሶስተኛ ጊዜ ከተረፈ የሚደረገውን . . .

ባጠቃላይ በሃሳብህ የጨርሳከቸውን ነገሮች መጻፍ የማስታወስ አቅምህን በብዙ እጥፍ ይጨምርልሃል፡፡
ምን ቸገረህ!!!??? ለምን አትጽፈውም!!!???

#ሼር ያድርጉ 👇👇👇

@JPersonaldevelopment

Personal Development 📖📖

14 Sep 2020 19:43

የሃሳብ፣ የሰውና የቦታ ተጽእኖ

“ያንንኑ ተግባር እየደጋገምክ የተለየን ውጤት አትጠብቅ”

ባለፈው አመት ውጤታቸውን ያልወደድካቸውና የተጸጸትክባቸው ሁኔታዎች ካሉ ከ3 ቀን በፊት በጀመርነው በአዲሱ አመት ሁኔታውን ለመለወጥ እንደምትፈልግ እርግጠኛ ነኝ፡፡ ሁኔታው እንዲለወጥ ደግሞ አደራረግህን መለወጥ የግድ ነው፡፡ አደራረግን መለወጥ ማለት ከመጸጸታች በፊት የነበረንን ተግባርና እንከተለው የነበረውን መንገድ ለማቆም መወሰን ማለት ነው፡፡ ያንኑ ተግባር እያደረግን የተለየ ውጤት ማግኘት የማይቻል ነው፡፡ ያንኑ ሃሳብም እያሰብን የተለየ ፍሬ ማፍራት የማይሆን ነገር ነው፡፡

አደራረግን ለመለወጥ፣ ማረፍንና መለስ ብሎ ሕይወትን ማየትን የሚጠይቅ ጉዳይ ነው፡፡ አደራረግን በመለወጥ አላስፈላጊ ውጤትና የጸጸት ስሜትን ያመጣበህን ሁኔታ ለመቀየር ከፈለክ የሚከተሉትን ደረጃዎች መጠቀም ትችላለህ፡-

1. አስተሳሰብህን ለውጥ

“አንድ ነገር የሚፈጠረው ሁለት ጊዜ ነው - በመጀመሪያ በሃሳብ ውስጥ፣ ከዚያም በገሃዱ አለም”፡፡ የተዛባ ሕይወት መነሻው የተዛባ አስተሳሰብ ነው፡፡ ስለዚህ በሕይወትህ ያየሃቸው ጤና ቢስ ነገሮች በሙሉ በመጀመሪያ የተፈጠሩት ሃሳብህ ውስጥ ነው፡፡ ለዚህ ሁኔታ የሚዳርግህ አስተሳሰብ ለማግኘት፣ “ለዚህ ስህተት የሚያነሳሳኝ የማስተናግደው ሃሳብ ምንድን ነው?” የሚለውን ጥያቄ መመለስ የግድ ነው፡፡

2. አጉል ወዳጅነትን ለውጥ

“የአምስቱ የቅርብ ወዳጆህ ጭማቂ ነህ”፡፡ በክፉውም ሆነ በመልካሙ ጎን በሰዎች ላይ ተጽእኖ ከማምጣትና በሰዎች ተጽእኖ ስር ከመውደቅ የሕይወት ሂደት አታመልጥም፡፡ ባለፈው አመት እንድትጸጸት ላደረገህ ተግባርና ሁኔታ አንዱ ተጠያቂ ምናልባት የሰዎች ተጽእኖ ነው፡፡ ያንን ለማግኘት፣ “ለዚህ ስህተት የሚያነሳሳኝ የማስተናግደው ሰው ማን ነው?” የሚለውን ጥያቄ መመለስ የግድ ነው፡፡ ከዚም ምን አይነት እርምጃ መውሰድ እንዳለብህ አጥብቀህ አስብበት፡፡

3. የምትሄድባቸውን ስፍራዎች ለውጥ

“ሰው የሚመስለው አካባቢውን ነው”፡፡ የምትውልበት አካባቢ በተግባርህና በውሳኔህ ላይ ትልቅ ጫና አለው፡፡ ባለፈው አመት ለተጸጸትክባቸው ስህተቶች መጠቀሚያ የሚሆነውን ስፍራ ለማግኘት፣ “ለዚህ ስህተት የሚያነሳሳኝ የምስተናገድበት ቦታ የት ነው?” የሚለውን ጥያቄ መመለስ የግድ ነው፡፡ አንዳንድ ድካሞቻችን ጉልበት የሚያገኙበት ስፍራ አላቸው፡፡ እነዚህን ስፍራዎች በመለየት ትክክለኛውንና ቁርጠኛ
ውሳኔ በማስተላለፍ ከአዲሱ አመት ጋር አዲስ ነገር ይዘህ ለመሄድ ሞክር ፡፡

በቅንነት ሼር ያድርጉ 👇👇👇👇

@JPersonaldevelopment

Personal Development 📖📖

14 Sep 2020 09:29

ንዴትህን ተቆጣጠረው👹👹

አንድ በሆነው ባልሆነው በጣም እሚናድ ልጅ ነበር።ከለታት አንድ ቀን የልጁ አባት መሉ ሻንጣ ሚስማር እና መዶሻ በማሲያዝ በተናደድ ቁጥር ግድግዳ ላይ ሚስማሮቹን ትመታለህ ይለዋል።

በመጀመሪያው ቀን 40 እሚሆኑ ሚስማሮችን ግድግዳው ጋር አያያዘ።

ከዛም ልጁ ቀስ በቀስ ንዴቱን መቆጣጠር ጀመረ።በቀጣዬቹ ሳምንታትም ገድግዳ ገር እሚያይዛቸውንም ሚስማር እየቀነሰ መጣ።

ንዴትን መቆጣጠር ግድግዳ ጋር ሚስማር ከማያያዝ በጣም እንደሚቀል ተረዳ።

በስተመጨረሻም ምንም ሳይናደድ በዋለበት ቀን ምንም ሚስማር ግድግዳው ጋር አለመምታቱን ለአባትየው ሲነግረው አባትየውም ጎበዝ ልጅ አሁን ደሞ ሳትናደድ በምትውልበት ቀን መልሰህ ሚስማሮቹን ንቀላቸው ይለዋል።

ከብዙ ቀናት ብጏላ ሚስማሮቹን ነቀል ጨረሰ።አባትየውም ግድግዳው ጋር ወሰደውና ጎበዝ የኔ አንበሳ ትልቅ ነገር ነው ያረከው ነገር ግን ግድግዳው ላይ ያሉትን ቀዳዶች ተመልከታቸው ግድግዳው እንደድሮው አደለም።ነገሮችን በንዴት ሰንመለከታቸው እንዲህ አይነት ጠባሳ ጥለውብን ያልፋሉ።አንድን ሰው በቢላ ከወጋሀው በጏላ አስር ጊዜ ይቅርታ ብትለው ቁስሉ ግን ሰውየው ላይ አለ።

ስለዚህ ንዴትን መቆጣጠር አስፈላጊ ነው።ነገሮች በጋሉበት ሰዐት ሰዎችን ከመናገር አንቆጠብ ምክንያቱም በሕይወት ውስጥ እማመልሳቸው ብዙ ነገሮች አሉና።

መልካም ቀነ ይሁናላችው.....ግን መልካም ያልሆነ ቀን አለ እንዴ?ሁሉንም ሲፈጥር መልካም አድርጎ ነው... ሌላ ቀን ይሄን ሀሳብ እንመለስበታለን።

በቅንነት #ሸር #ሸር #ሸረ ያድርጉ👇👇👇👇

Personal Development 📖📖

13 Sep 2020 10:22

ሀሳብ


የሰው ልጅ ጭንቅላት (አህምሮ) አንድ ሲሆን ነገር ግን ሁለት ምዕራፍ ወይም ተግባራት አለት።
+ እያንዳንዱ ምዕራፍም የራሱ የሆነ ባህሪ አላቸው እና ሁለቱም በራሳቸው ሀሳብ ነው አሚመሩት ማለትም ማንም ማንንም አያዘም ነፃ ናቸው። ሀለቱም በአንድ ጊዜ መገኘት ይችላሉ። + የመጀመሪያው ህሊና (conscience) ሲሆን ይሄም ምዕራፋ በሚታየው በገሀድ አለም እዉነት ላይ የሚ መሰረት (objective mind) እንለዋለን ምክንያቱም የሚዐጠናዉ ዉጫዊ ነገር ስለሆነ።
+ ሁለተኛው ደግሞ በጣም ሀይለኛ የሆነው ዉስጠ ህሊና (subconscious) ሲሆን ወይም የሀገሬ ሰዉ ደመ ነፍስ ይለዋል። እና ይሄ ምዕራፍ ከራሳችን ሰሜት ጋር የተያያዞ (subjective mind) ነው። ይሄን ምዕራፍ በህሊና ለሚቀርብለት ሀሳብ (suggestion) እሚታዘዝ ወይም ቁጥጥር ሥር ነወ።
+
ህሊና (objective mind) አምስቱን የስሜት ህዋሳት በመ ጠቀመ ዕውቀትን ያካብታሌ።ዕውቀቱን ም እሚአገኘው በምልከታ፣በልምድ፣በትምህርት ነው። እና በጣም በምክንያታዊነት እሚያምን አካል ነው።
+
ውስጠ ህሊና (subject mind) ያለምንም ቅድመ ሁኔታ ማንኛውንም ሀሳብ የመቀበል ቸሎታ አለው። ለምሳሌ ማንኛውም ሰው በጣም እሚወደው ራሱን ነው እና እሚአምነው ደሞ እሚወደውን ነው ስለዚህ ጠዋት ስትነሱ እማረባ ነኝ ብላችሁ ከነገራችውት በጣም ሰለሚአምናችው ቀኑን በሙሉ ላለመርባት ሲለፋ ይውላል።so በሁለቱ የአህምሮ ምዕራፍ ላይ ያለውን ግንኙነት መረዳት ያሰፈልጋል።
+
ውስጠ ህሊናችንን በአፈር መመሰል እንችላለን ማለትም አፈር ማንኛውንም አይነት ዘር ብትሰጡት ምንም ሳያመነታ ይቀበላል ስለዚህ ውሰጠ ህሊናችንም የሰጠነውን ሀሳብ በመሉ ይወስዳል እረ እንደውም አፈር እኮ ባይዘራበትም አረም ማብቀሉ አይቀርም😆ስለዚህ ዘር አለመዝራት ብቻ ሳይሆን ትክክለኛውን ዘረ መዝራት ያስፈልጋል።
+
አንድ በጣም እምወደውን የመፅሐፍ ቅዱስ ቃል ልጥቀስና ሀሳቤን ልጨርስ("as a man thinks in his heart , so is he") ሰው በልቡ ያሰበውን አንደዚያ ነው............
+
በቅንነት #share #share ያድርጉ 👇👇👇👇👇 @JPersonaldevelopment

Personal Development 📖📖

12 Sep 2020 11:42

አሁን እን ደም ታያቸው አልጠራጠርም።አና ወደ ዋናው ሀሳቤ ስመለስ ፔሬዳይም ማለት ይህ ነው ።ነገሮችን እምናየዉ አኛ እንዳለንበት ስለሆነ ሰፋ አርገን እናስብ።።

Personal Development 📖📖

12 Sep 2020 10:59

ፔሬዳይም። ፔሬዳይም ማለት የ ግሪክ ቃል ሲሆን ትርጓሜዉም ሞዴል፣ አርአያ፣የምንነሳበት ነገር (frame of reference)ማለት ነው። ወይም አለምን እምን መለከት በት መነፀር ሊባል ይችላል። ማለትም አንድን ነገር አይተን፣ ተረድተን፣ ትርጓሜ መስጠት ማለት ነው። ስለዚህ ስንቶቻችን ነን ነገሩ እንዳለበት እምንመለከተዉ እና እኛ አንዳ ለን በት እምናየዉ............. የበለጠ ግልፅ ለማድረግ ለምሳሌ ቀጣዪን ምስል ለ10 ሰከንድ እንመልከት.......

Personal Development 📖📖

12 Sep 2020 09:21

ከህይወት ብዙ ተምሬያለሁ

(የአልኬሚስት ደራሲ ፖውሎ ኩዌልሆ እንደፃፈው)
+
ብስለት የሚመጣው ከሚያጋጥሙን ተሞክሮዎች ዓይነት እና ከተሞክሮዎቹ ከቀሰምናቸው ትምህርቶች እንጅ ካከበርናቸው የልደት በዓሎች ብዛት እንዳልሆነ ተምሬያለሁ።
+
አንዳንድ ሰው እንዲያፈቅራችሁ ማድረግ እንደማይቻል ተምሬያለሁ ፤ ማድረግ የሚቻለው ጥሩ አፍቃሪ መሆን ብቻ ነው።
+
እንዳንዴ የቱንም ያህል ለሌሎች ብጨነቅ እና ግድ ብሰጥ አንዳንዴ አንዳንዶች በመልሱ ግድ ላይሰጡ እንደሚችሉ ተምሬያለሁ።
+
ቤተሰብ ሁልጊዜም መከታ ድጋፍ እንደማይሆን ተምሬያለሁ። ጓደኞች ምንም ያህል ጥሩ ቢሆን አልፎ አልፎ ማስቀየማቸው እንደማይቀር ተምሬያለሁ። ባስቀየምናቸው ሰዎች ይቅር መባል በቂ ያለመሆኑንና ራስንም ይቅር ማለትም እንደሚያስፈልግ ተምርያለሁ።
+
መታመንን ለመግንባት ዘመናት እንደሚያስፈልግ ፤ ለማውደም ግን ሰከንዶች ብቻ እንደሚበቁ ተምሬያለሁ።
+
አንዳንድ ጊዜ ተንሸራትተህ ስትወድቅ ይረጋግጡኛል ብለህ የምትጠብቃቸው እና የምትፈራቸው ሰዎች ብድግ አድርግው በማንሳት እንደሚያስገርሙህ ተምሬያለሁ።
+
እውነተኛ ጓደኝነት እንደዚህም እውነተኛ ፍቅር በቦታ ርቀት ሳይግደብ ማበብ መፍካቱ እንደማይቆም ተምሬያለሁ።
+
በአስተዋይነት "እምቢ" ማለት ሁልጊዜም
የንፉግነት ምልክት ያለመሆኑን “እሺ” ማለትም ሁልጊዜ ምግባረ ሰናይነትን እንደማያሳይ ተገንዝቢያለሁ።
+
ራስን ከጥፋተኝነት ስሜት እንዲሁም ከጥላቻ የምንገላገልበት ብቸኛ መንገድም የአለፈውን ጊዜ ረስተን ከአሁን ጋር እርቅ ማድረግ ስንጀምር እንደሆነ ተምርያለው።

Share #Share Share
👇👇👇👇👇. @JPersonaldevelopment

Personal Development 📖📖

28 Sep 2020 17:56

ለ ነገ!!!

የብዙ ሰው ችግር የሆነው እና ለአብዛኛው ሰው ውድቀት ምክንያት ሁኖ የሚገኘው ነገሮችን ለበኋላ ወይም ለነገ ማሳደር (procrastination) ነው።።

ብዙ ጊዜ ለበኋላ ወይም ለነገ ብለን የምናቆየው ነገር አሁን መሥራት ሳንችል ቀርተን ሳይሆን አሁን ካለንበት ስሜት ወይም ሁኔታ ላለመውጣት ስንል እራሳችንን ለመሸወድ የምንጠቀምበት ዘዴ(mind relief) ነው።።እናም ዛሬ "ለነገ" ወይም (procrastination)እንዴት ማስወገድ እንችላለን የሚለውን በጣም በንዲህ አይነት ነገር ማለትም በእቅድ ዙሪያ ታዋቂ የሆነው ብዙዎቻችሁ የምታቁት (Brian Tracy) "Eat that frog!" በሚለው መፅሐፉ ላይ ያስቀመጠውን "ABCDE Method" ለካፍላችሁ ወደድኩኝ........

A task- እንግዲህ ይህ የስራ አይነት የሚነግረን ጠዋት ከእንቅልፍ ስትነቃ መጀመሪያ ማድረግ ያለብህ ነገር ነው። ለህይወትህ በጣም ጠቃሚ የሆነ የግድ ማድረግ ያለብህ ይህ ነገር ካደረከው ለሕይወትህ በጣም ጥሩ ነገር ሲያመጣልህ ካላደረከው ደግሞ በተቃራኒው ለህይወትህ ጉዳት የሚያመጣብህ ነው።ለምሳሌ ተማሪ ከሆንክ ፈተና ካለክ ፈተና ላይ መገኘት ሊሆን ይችላል፣ ሰራተኛ ከሆንክ ደግሞ ሀላፊህ ከደቂቃዎች በኋላ የሚያቀርበውን ሪፖርት መጨረስ ሊሆን ይችላል፣ እንዳለንበት ሁኔታ A-አችን ሊለያይ ይችላል።ብዙ የA ሥራዎች ካሉብህ A-1 , A-2 , A-3 ...እያልክ ልታስቀምጥ ትችላለህ። እነዚህ ነገሮች ልትመገባቸው የሚገባ የህይወትህ እንቁራሪቶችህ ናቸው።A-1 የሚባለው ስራህ ትልቁና አስቀያሚው የህይወትህ እንቁራሪት ነው።

+

B task-ይሄኛው ደግሞ የሚነግረን ከA task ዝቅ ያለ ማድረግ ያለብህ ነገር ነው። ከዛኛው ስራ የቀነሰ ውጤት ያለው ማለት ነው። ይሄን ነገር ካላደረው የሆነ ደስ የማይለው ሰው ወይም የማይመቸው ሰው ይኖራል ነገር ግን እንደ A task ጠቃሚ አደለም። ለምሳሌ የተላኩልህን የስልክ መልእክት መመለስ ወይም ኢሜይል ቸክ ማድረግ ሊሆን ይችላል። ነገር ግን A ላይ ያላለቀ ስራ ካለህ በፍጹም ወደ B መምጣት የለብህም ምክንያቱም A ላይ ያለው በጣም ትልቁ እንቁራሪት ለመበላት አንተን እየጠበቀ ስለሆነ።

+

C task-እዚህ ላይ ደግሞ የምንመለከተው ነገር ብታደርገው ጥሩ ነው ነገር ግን ባታደርገው ምንም የሚመጣብህ ነገር የለም።ማለትም ምንም አይነት ውጤት የሌለው ነው። እዚህ ጋር ያሉትን በምሳሌ ብንመለከት ጓደኛህ ጋር ስልክ ማውራት፣ የስራ አጋሮቻቸው ጋር ቡና መጠጣት ወይም ምሳ መብላት ሊሆን ይችላል።ብቻ እዚህ ጋር የምታደርጋቸው ድርጊቶች ህይወትህ ላይ ውጤት የላቸውም።

+

D task-እዚህ ላይ ደግሞ ለሆነ ሰው ተወክላችው የምታግዙት ነገር ነው።ይሄ አስፈላጊ ነገር ነው ምክንያቱም አናንተም የሆነ ጊዜ ሰፊ ጊዜ ለA task ሲያስፈልጋችሁ ሌሎች ያለባቸውን ስራዎች ለሰው መወከላቸው ስለማይቀር እና ግን ማስተዋል ያለብህ ይሄ ነገር ከብዙ ከራስህ ስራዎች በኋላ ነው ያለው "የራሷ እያረረባት የሰው ታማስላለች" እንዳይሆንብህ... አስተውል ሁሌም ቢሆን A task አንተ ብቻ ልታደርገው የምትችለው ነገር ነው።

+

E task- ይሄኛው ደግሞ በጠቅላላ ማስወገድ ያለብህ ምንም አይነት ልዩነት የማያመጣ ነው።አንድ ጊዜ ስታደርገው ጠቃሚ ሊሆን ይችላል ነገር ግን ሲደጋገም የማይጠቅምህ ነገር ነው። ብዙ ጊዜ ልታደርገው ትችላለህ ምክንያቱም ስታደርገው ሊያስደስትህ ይችላል ነገር ግን እያንዳንዱ እዚህ ላይ የምታጠፋው ደቂቃ ህይወትህ ላይ ትልቅ ልዩነት ከሚያመጣው ከA task ሰርቀህ እንደሆነ መገንዘብ ያስፈልጋል።


እና እነዚህን ነገሮች ከተረዳን አሁኑኑ ወደ ደርጊት መግባት ያስፈልጋል ሁልጊዜም ቢሆን A-1 መቅደም አለበት አራሳችንንም መቅጣት (disciplined) ማድረግ ያስፈልጋል። አነዚህን "ABCDE methods" ወረቀት ላይ በማስፈፈር ምንም አይነት ስራ ከመስራታችን በፊት በየቀኑ ለአንድ ወር እራሳችንን ብናለማምደው ከወር በኋላ ወደ ልምድ ስለ ሚቀየር ሁሌም ትልቁን እንቁራሪት እየበላክ ትኖራለህ እሱን ስትመገብ ደግሞ ወደፊት መሆን የፈለከውን ነገር አረጋገጥክ ማለት ነው።።


በቅንነት #ሼር ያድርጉ👇👇👇👇

@JPersonaldevelopment


"I'm Good! You Good! We Good!"

Personal Development 📖📖

25 Sep 2020 17:31

ምህረት!!

ብዙዎቻችሁ በሩዋንዳ ስለ ተካሄደው የዘር ጭፍጨፋ ማለትም ሁቱዎች ቱትሲዎች ላይ ስላደረረሱት ጥቃት ሰምታችሁም ፣አንብባችሁም ሊሆን ይችላል። ነገር ግን አሁን እምነግራችው የአንዲት መልካም ሴት ታሪክ የዘር ጭፍጨፋው የት ድረስ እንደነበረና የሰውን ልጅ አይምሮውን በትክክል ካልተጠቀመበት ምን ያክል ከፍጥረታት ሁሉ ክፉና ጨካኝ እንደሆነ በሌላ በኩል ደግሞ የሰው ልጅ አይምሮውን ለበጎ ነገር ሲጠቀምበት እምነቱ ተስፋው የት ደረጃ እንደሚያደርሰው ያሳየናል ። ታሪኩም.........በአጭሩ ለመግለጽ


ባለ ታሪኳ ኢማኪዩሌ ትባላለች። ኢማኪዩሌ ስስት ወንድሞች ያሉአት እናትና አባቱአ ጋር አብራ የምትኖር ደስተኛ ልጅ ነበረች። የዩንቨርስቲ ትምህርቷን ለመጨረስ አንድ አመት ቀርቷት በአልን ለማክበር ቤተሰቦቻ ጋር በሄደችበት ሰአት ነበር የዘር ጭፍጨፋው ፊሽካ የተነፋው።አባቷ በጣም ታታሪ ለሀገሬው ሰው በችግራቸው ሰአት የሚደርስ አለኝታ የሆነ "ቱትሲ" ነበር።እናቷም በሰፈሩ ሰው ተወዳጅ መልካም ነበረች ለሁቱም ሆኑ ለቱትሲዎች ።እናም የዘር ጭፍጨፋው ሲጀመር በሽዎች የሚቆጠሩ ቱትሲዎች የኢማኪዩሌ አባት ጋር በመሄድ እንዲያድናቸው ይጠይቁታል። አሱም አይዟችሁ በማለት ማበረታቱን ተያይዞታል ነገር ግን መንግሥት ለሁቱዎች መሣሪያ
በመስጠትም ሆነ ቱትሲዎችን በመግደል እያገዛቸው ስለነበር በመንፈስ ከማጠንከር ሌላ አድነን ብለው ለመጡት ቱትሲዎች የሚያደርግላቸው ነገር አልነበረም።የጨፍጫዎቹ ቡድን ማለትም እራሱን "ኢንትርሃምዌ" ብሎ የሚጠራው አከራካሪ ሁቱዎች አነሱ አካባቢ አየደረሱ እንደሆነ ሲያውቁ ማምለጥ ፣መደበቅ ስለነበረባቸው በዚህ ጊዜ ነው እንግዲህ ቤተሰቡ መበተን የነበረባቸው። በመጀመሪያም አባትየው ብቸኛ ሴት ልጁን ማለትም ኢማኪዩሌን ወደ አንድ ወደ ታወቁ ሁቱ ቄስ ቤት እንድትሄድ ያዘዛት ።ጥላቸው መሄድ ባትፈልግም ትዛዝ ስለ ነበር አማራጭ አልነበራትም ።እናም ታናሽ ወንድሞን እና የወንድሞን ጓደኛ በመያዝ ወደ ቄሱ ቤት ጉዞ የጀመረችው። አባት እና እናቷን ለመጨረሻ ጊዜ ያየቻቸው በዚህ ሰአት ነበር። መንገድ ላይ ግን ቄሱ ቤት ሳይደርሱ "የኢንትርሃምዌ" ሰራዊቶች የያዙአቸው ነገር ግን ከመሪዎቹ ውስጥ አንዱ የአባቷ ወዳጅ ስለነበር ምንም ሳይነኩአቸው ከዚህ ሂዱ በማለት ሲነግራቸው ያለማቋረጥ በሩጫ ቄሱ ቤት ይደርሳሉ። እዛ እንደደረሰችም ሁቱ ጓደኞቿን በማየቷ ብትደሰትም እነሱ ግን ቱትሲ ናት "የእባብ ልጅ እባብ ነው" በማለት ፊታቸውን አዞሩባት።እንግዲህ በዚህ ሰአት ነበር ጨፍጫፊው ቡድን እነሱ ቤት በመድረስ አባቷ የሰራውን ቤት አይኑ እያየ ያቃጠሉበት። እሱም ማምለጥ ስለ ነበረበት የእርሻ መኪናውን በማስነሳት ባለቤቱን ይዞ ይሄዳል። እንግዲህ አንድኛው ወንድሞ ነው እሷ ጋር በመመጣት ይሄን የነገራት እሱም ሌላ ቦታ ሂዶ መደበቅ ስለ ነበረበት ምንም አንሆንም አይዞሽ መልሰን እንገናኛለን በማለት አበርትቷት የሄደው። ትንሽ ቀን ቄሱ ቤት ከተቀመጡ በጏላ አብረዋት ያሉትን ታናሽ ወንድሞን እና የሱን ጓደኛ ቄሱ እነሱን መደበቅ እንደማይችሉ የነገሩአት እሷም ቄሱን ብትለምናቸውም በየቤቱ ፍለጋ ስለጀመሩ ለኔም አስጊ ነው ወንዶችም ስለሆኑ መሸሸጊያ አያጡም በማለት ሀሳባቸውን እንደማይቀይሩ ከነገሯት በኋላ ሌሊት ላይ ከቤት እንዲወጡ ይሰናበቱአቸዋል።በሌላ አነጋገር እውጭ ላይ አንገት እየቆረጠ ለሚደሰተው አረመኔ ቡድን አሳልፎ እንደመስጠት ነው።ግን ፍርዱ ይቆየን ምን አልባትም የአንዱ መሞት ለአንዱ መኖር ሊሆን ይችላል እና....ቄሱም እኔም ቤት ለፍተሻ መምጣታቸው ስለማይቀር ብለው ኢማኪዩሌን እና ሌሎች እምስት ቱትሲዎችን ኑ የሆነ ቦታ ልደብቃችሁ ብለው ወሰዱአቸው የሆነ በር ከፍተው ግቡ አሉአቸው። ያ እንዲገቡበት የተከፈተው በር አራት ጫማ የሚሆን ቁመት ሶስት ጫማ ደሞ የሚሆን ስፋት ያለው መፀዳጃ ቤት ነበር።ቄሱም ምንም ድምጽ እዳተሰሙ ወሀ መልቀቅ ስትፈልጉ በጀርባው ሌላ መጸዳጃ ቤት ስላለ እዛ ሰው ሲጠቀም እኩል ተጠቀሙ ለልጆቼ እንኳን እንዳትናገሩ በማለት አጉረዋቸው ቆልፈው ይሄዳሉ። እንግዲህ ማሰቡን ለናንተ ተውኩት እዛች ጠባብ መጸዳጃ ቤት ውስጥ ስድስት ሰው በኋላ ላይ እንደውም ሁለት ሰው ተጨምሮባቸው ባጠቃላይ ስምንት ሰው ለ ሶስት ወራት ያክል እዛ ውስጥ የቆዪት...ቄሱ ተጨማሪ ምግብ ሰርተው እንዳይሰጡ ሰው እንደደበቁ ሊታወቅባቸው ስለ ሆነ ከነሱ የተረፈ ምግብ ነበር ሌሊት ላይ የሚያደርሱላቸው በዛ ላይ ጨፍጫፊዎቹ ቄሱ ቱትሲዎችን እንደደበቁ ስለሰሙ በየጊዜው እየመጡ ይፈልጉ ነበር ካሁን ካሁን መጥተው አገኙን አስገድደው ደፈሩን ገጀራቸውን በአንገታችን ላይ አረፈ በመሳሰሉ ጭንቀት ውስጥ ሆነው ግን ኢማኪዩሌ ለነዚህ አረመኔዎች ለመጸለይ ትሞክር ነበር። ፈጣሪ ልባቸውን እንዲያራራው የሁል ጊዜ ጸሎቷ ነበር።እራሳችውን አስቡት ሊገላችው ለሚፈልግ ሰው ስጸልዩለት...አመስጋኝ ስለሆነች ፈጣሪዋን፣የደበቁአቸውን ቄስ፣ ወላ ሁላ ሌላ መጸዳጃ ቤት የሰራውን መሀንዲስም አመስግነዋለች።በጣም በፈጣሪዋ እምነት ስለነበራት በዛ ሁኔታ ውስጥ ሁኗ እንኳን ወደ ፊት ይሄን ታሪክ እንደምትጽፈው ምን አይነት ስራ እንደምሰራ እረ እንደውም ቄሱ የተ.መ.ድ ጧርነቱን ለማረጋጋት ወታደሮቹን መላክ ጀምረዋል አይዞአችሁ ሲሉአቸው እንጊሊዝኛ ቋንቋ መማሪያ መጽሐፍ እንዲያመጡላት በማድረግ በዛ ሁኔታ ውስጥ መተንፈሻ በሌለባት መጸዳጃ ቤት ውስጥ እራስን ሌላ ቋንቋ ለማስለመድ መሞከር በፈጣሪ የታገዘ ጠንካራ እምነት እና ተስፋ ካልሆነ በስተቀር ለሰው እሚከብድ ይመስለኛል። ኢማኪዩሌ ግን ብዙ ጊዜ ጨፍጫፊዎቹ ሊፈሉጋቸው በመጡ ጊዜ ለፈጣሪዋ ያደረሰችው እምነት የተሟላበት ጸሎት እንዳዳናት ጥርጠር የለውም።ከ ሶስት ወራት በጏላ የተ.መ.ድ ወታደሮች እና በ ፖል ካጋሜ የሚመራው የቱትሲ ዎች ቡድን ድል እያደረገ ስለመጣ ቄሱም ከዛ መጸዳጃ ቤት አስወጥተው ወደ የተ.መ.ድ ወታደሮች ሊወስዱአቸው እንደሆነ ይነግሯቸዋል። በዛች የመጨረሻ ቀን ማለትም ከ ሶስት ወር በኋላ መሆኑ ነው የመጸዳጃ ቤቱን ቄሱ በሩን ሲከፍቱት ያስተዋሉት በጣም ከመጎሳቆላቸው እና ከመክሳታቸው የተናሳ መጀመሪያ ሲያስገቡቸው በጣም ተጨናንቀው ለመተንፈስ እንኳን አልቻሉም ነበር አሁን ግን ይቺ ጠባብ መጸዳጃ ቤት አንዴት አንደሰፋቸው ሲመለከቱት በጣም አዝነው ነበር።ከዛም ሌሊት ላይ በማስወጣት የተ.መ.ድ ከአለበት መጠለያ ይወስዱቸዋል።እንግዲህ ከሶስት ወራት በኋላ ነው ሰማይን ጨረቃን ማየት ንጹህ አየር መተንፈስ የቻሉት...በየመንገዱ የተቆረጠ አንገት የተገፈፈ የሰው ልጆች ቆዳ የተከታተፈ ሰውነት ሞልቷታል። እንግዲህ እዛ መጠለያ ከገቡ በኋለ እንደነሱ የተረፉ ሰዎችን ማግኘት ጀመሩ ነገር ግን ወላጆቿን ወንድሟቿ በአሰቃቂ ሁኔታ እንደተገደሉ የተመለከቱ ሰዎች ነገሩአት።አንድኛው ወንድሟን አንተ ማስተርስ ዲግሪ ስላለህ ትንቀናለህ በማለት እስቲ ማስተርስ ያለው አንጎል ምን ይመስላል ብለው በማሾፍ ጭንቅላቱን ቆርጠው አንጎሉን ሁላ እንዳወጡት ይነግሯታል።ይሄሃ ሁላ ያሳለፈችው እና የሰማችው ኢማኪዩሌ ከብዙ ጊዜ እና ልፋት በኋላ የተ.መ.ድ ውስጥ ተቀጥራ በምትሰራበት ሰአት አብዛኛዎቹ ገዳዬች በመያዛቸው ቤተሰቡአን በአሰቃቂ ሁኔታ የገደለውን ሰውየ ስለተያዘ እንድታናግረው ሲያቀርቡላት ወታደሩም በል ንገራት እንዴት አድርገህ እንደገደልካቸው ሲለው እሱ ግን ቀና ብሎ እንኳን አይኗን ማየት አልቻለም የሚያሳዝነው አባቷ ብዙ ነገር ያረገለት እነሱን ገድየ ጨርሻሼ እሷ የት አባቷ ናት እያለ ሲጮህ ቄሱ ቤት በተደበቀችበት ሰ

Personal Development 📖📖

22 Sep 2020 15:12

ምቹ ጊዜ!

ምቹ ጊዜ መቼ ነው እሚመጣው?የት ነውስ ያለው?ስንቶቻችን ነን እምንፈልገውን ነገር ለማድረግ ምቹ ጊዜ እየጠበቅን ያለነው ?እምንፈልገውን ነገርስ የት እንደሚገኝ ጠፍቶብን ፍለጋ ላይ ያለነው......?

...አንድ ባለጠጋ የአፍሪካ ገበሬ ነበር።ሰፊ መሬት ያለው፣በህይወቱ በጠም ደስተኛ፣ ያለኝ ነገር ከበቂ በላይ ነው ብሎ አመስግኖ እሚኖር ሰው ነበር።አንድ ቀን ግን አንድ በጣም በሀገሩ የተከበሩ በአስተሳሰባቸው በጣም የበሰሉ ብልህ ሰውየ አሱ ጋር በመሄድ አንድ ነገር ይነግሩታል። ነገሩም አለማችን ላይ ውድ ስለሆነው ስለ ዳይመንድ ነበር።አውራ ጣትህን እሚያክል ቢኖርህ ይሄን ሰፈር ትገዛዋለህ፤አጅህን እሚያክል ደሞ ቢኖርህ ሀገሩን በሙሉ ትገዛዋለህ ብለውት ይሄዳሉ።

ገበሬውም ይሄን ከሰማ በጏላ ሌሊቱን በሙሉ ስለ ዚህ ነገር ሲያስብ ላፍታ እንኩዋን እንቅልፍ ሳይ ወስደው ያድራል።ልክ እንደነጋለትም ያለውን ነገር ሽጦ ያንን ዳይመንድ ለመፈለግ ይወስናል።

ያለውን መሬትም ሆነ ከብቶች እዛው አካባቢ ለሚገኝ አንድ ሰው ሽጦት ፍለጋውን ይጀምራል። በመጀመሪያም እዛው አፍሪካ ሀገራት ውስጥ ፍለጋውን ያደርጋል። ነገር ግን እንዳሰበው ሊያገኝ ባለመቻሉ ደሞ ወደ አሜሪካ ለመሄድ ወስኖ ወደዛ ያቀናል።እዛም ተመሳሳይ ነገር ነበር የጠበቀው ዳይመንድ እሚባል ነገር "ወፍ የለም" ።በጣም ተስፋ በመቁረጥ ስሜት ውስጥ ሁኖ የመጨረሻ ፍለጋውን ወደ አውሮፓ ያደርጋል። አውሮፓም ምንም ነገር ሊያገኝ አልቻለም።አሁን ባዶ እጁን ቀርቷል፤መሬቱን ሽጦ ያገኘው ገንዘብ አልቋል፤ ቤተሰቦችን በትኗል። በጣም በሰራው ስህተት አዝኗል።በስ ተመጨረሻም በሕይወቱም ተስፋ ስለ ቆረጠ ባርሴሎና ውስጥ የሚገኝ ወንዝ ላይ ከድልድይ ላይ በመዝለል ይቺን አለም ተሰናብቷት ያልፋል።

ያ ስለ ዳይመንዱ የነገሩትም ብልህ ሰውየ መሬቱን እና ያለውን ሀብት የገዛው ሰውየ ጋር በመሄድ ተመልሶ አልመጣም ወይ ብለው እየጠየቁት ባለበት ሰአት አይናቸው አንድ የሚያብለጨልጭ ዲን ጋይ ላይ ያርፋል።ምን ድን ነው ያ ነገር አምጣው እስቲ ሲሉት እሱም ዝም ብሎ ዲንጋይ ነው ቤት ውስጥ ጌጥ ይሆናል ብየ ነው ያመጣውት ሙሉ ከሰውየው የገዛውት መሬት ዙሪያውን እንዲሁ አይነት ዲንጋይ ነው የሞላው ብሎ ሲሰጣቸው አይ ልጄ እንዳየውት ነው ያወቁት ይሄማ በጣም ውድ የሆነው ዳይመንድ ነው አሉት ይባላል።።

እና ከታሪኩ እንደምንረዳው ይህ ገበሬ አጠገቡ ያለውን ነገር ሳይ መለከት ሌላ ቦታ በመሄድ ህይወቱን፣ ቤተሰቡን ሊያጣ ችሎአል። አነተስ፣አንቺስ፣እናንተሰ እምትፈልጉትን ነገር የት እና መቼ ነው እየፈለጋችው ያላችውት? ሁልጊዜም ምቹ ጊዜ እኛ ጋር ነው ያለው ቦታው ደሞ እግራችን ስር ነው።ዞር ዞር ብለህ ግራና ቀኝህን ተመልከት።። አንቺም ተመልከቺ።።እናንተም ተመልከቱ።።

በቅንነት #ሼር ያድርጉ👇👇👇👇

@JPersonaldevelopment


"I'm Good! You Good! We Good!"

Personal Development 📖📖

20 Sep 2020 16:34

ከታች በጣም ተጨናንቋል።ከታች ላለመሆን ጣር ምክንያቱም ከታች ሰላምም፣ልተነፍሰው እምችለው ኑፁ አየርም የለም።ሁሌም ከእንቅልፍ ስትነቃ ችግር ጋር አብረህ እምትነቃበት ብቸኛው ቦታ ነው።ነገር ግን ከላይ ስትሆን አንተ ድንቅ ሰው ነህ ሁሉም ሰው አንተን ማየት ይፈልጋል።ሰማይ ጠቀስ ቦታ ጋር ስትቀመጥ ሁሉም ሰው አንተ ያልህበት ቦታ ጋር መውጣት ይፈልጋል አርአያ ትሆናለህ።ሁልጊዜም ከላይ እንጂ ከታች ላለመሆን ሞክር።ከላይ መሆን በብዙ ከታች ከመሆን ይሻላል እና ምርጫህ ከላይ ይሁን።።

"Shoot For The Moon Because Even You Miss You Will Land Among The Stars..." (Les Brown)

በቅንነት #ሼር ያድርጉ👇👇👇👇

@JPersonaldevelopment

Personal Development 📖📖

18 Sep 2020 08:55

ምንድን ነው እምፈልገው።።

የሰው ልጅ ማየት የሚችለው ማየት የሚፈልገውን ነው።መጥፎ ነገር ከሆነ ማየት እምፈልገው ጥሩውን ልታይ አችልም።

በድሮ ጊዜ አንድ በዲማያቸው ጠና ያሉ አሮጊት ሴትዮ በራቸው አጠገብ ተቀምጠው በልጆቻቸቸው ጨዋታ ተመስጠው የድሮ ልጅነታቸውን እያስታወሱ ባለበት ሰአት አንድ ነገር ተፈጠረ።

ድንገት ሰፈራቸውን የውጭ ሀገር ዘጌች ወረሩት።ከዛም ከጎብኝዎቹ መሀል አንዱ ወደ አሮጊቷ ተጠግቶ እማማ እዚህ ሀገር ሰው ጥሩ ነው መጥፎ ብሎ ሲጠይቃቸው እሳቸውም ህይወት ብዙ ያስተማራቸው ሰው ስለነበሩ እንአንተ ሀገር አንዴት ነው ሰው ብለው ጥያቄውን በጥያቄ መልክ ሲመልሱለት እኛ ሀገር እማ ሰው መጥፎ ነው ሲላቸው እዚህም እንደዛው ነው ልጄ ይሉታል።

እሱ ከሄደ በኋላ ደሞ ሌላኛው ጎብኚ አሁንም ወደሳቸው ተጠግቶ ሰው እንዴት ነው እዚህ ሀገር ብሎ ሲጠይቃቸው ለዘኛው ልጅ እንዳሩጉት እናተ ጋር እንዴት ነው ብለው መልሰው ይጠይቁታል።እሱም እኛ ሀገርማ ሰው በጣም ጥሩ ታታሪ ነው ሲላቸው እዚህም ሰው እንደናንተ መልካም ነው ብለው ይሸኙታል።

ይሄን ሲመለከት የነበረ አንድኛው ልጃቸው እንዴ አያቴ ውሸት ይዋሻሉ እንዴ ለሁለቱም እኮ የተለያየ መልስ ነው የመለሱላቸው ሲላቸው አይ ልጄ አኑሱ ናቸው ከተመሳሳይ ሀገር መጥተው ሰለህዝቸው የተለያየ ነገር የተናገሩት እና አኔ የዚህ ሀገር ሰው እንዲህ ነው ብላቸው ያንን ማየት ካልፈለጉ በቀር ማየት አይችሉም አሉት ይባላል።።

እና ወዳጄ ምንድን ነው ማየት እምፈለገው?መጥፎ ነገርን እያሰብክ ጥሩ ነገር መጠበቅህን አቁም፤ፍራትህን አየኖርክ ደፋር መሆን አይመርክ፤ስህተት ፈላጊ ሁነህ ትክክለኛውን ነገር ልታይ አችልም፤የሰውን ወድቀት እየቆጠርክ አንተ የት እንዳለክ እንኩአን ማወቅ አትችልም።ስለዚህ እራሳችን እንገምግም ነገሮችን እኛ ካለንበት ሁኔታ ወጥተን ነገሩ እራሱ ባለበት ሁኔታ ለመመልከት እንሞክር። ቀኑን ሙሉ ችግር፣መጥፎ፣ የሰው ክፋት እያየህ ከሆነ አምትውለው ቸግሩ ያለው አንተ ጋር ነውና እራስህን ፈትሽ።

(every person and every thing has its own positive thing...)

በቅንነት #ሼር ያድርጉ 👇👇👇👇

@JPersonaldevelopment

Personal Development 📖📖

17 Sep 2020 09:13

ምንድን ነው የዘራከው።


ከዚህ በፊት እንደተነጋርነው ሰው የዘራውን ነው እሚአጭደው።ባይዘራም አረም ማጨዱ እማይቀር ነገር ነው እና ዛሬ አንድ ታሪክ ላካፍላችሁ ወደድኩኝ........


አንድ ቅቤ አምራች ገበሬና ዳቦ አምራች ነጋዴ እንደ አጋጣሚ ድግስ ላይ ተገናኝተው ያወራሉ፡፡ በጨዋታቸው በጣም ስለተግባቡ ከዚህ በኋላ አጋጣሚ ፈጥረው ለመገናኘት ይስማማሉ፡፡ ነጋዴው ጠዋት ጠዋት 300 ግራም ዳቦ ሲልክለት ገበሬው ደግሞ ማታ ማታ 300 ግራም ቅቤ ሊልክለት ተስማሙ፡፡

በዚህ መልኩ ብዙ ጊዜ ከቆዩ በኋላ ነጋዴ የቅቤ መጠን እየቀነሰ መሄዱን አየ፡፡ በመጨረሻም ሚዛን ላይ ሲያስቀምጠው 150 ግራም ሆኖ አገኘው፡፡ በዚህም በጣም አዘነ፤ ተበሳጨም፡፡ ገበሬውንም አስጠራው፡፡ ሌሎች ሰዎች እንዲያዳምጡት አድርጎ ከተስማማነው ውጭ የቅቤውን መጠን ለምን ቀነስከው? ሲል ጠየቀው፡፡ ገበሬውም እኔ ፈጽሞ አልቀነስኩትም ሲል በአግራሞት መለሰ፡፡ ነጋዴውም ቅቤውን በሚዛን ለክቶ አሳየው፡፡ 150 ግራም ነው፡፡ ገበሬውም አዘነ፡፡ እኔ ቤት ውስጥ የ300 ግራም መለኪያ የለኝም፡፡ አንተ ጠዋት ዳቦውን ስትልክልኝ በእጅ ሚዛኑ አንደኛው ሰሐን ላይ አደርገዋለሁ፤ ከዚያም ቅቤውን በሌላኛው ሚዛን አስቀምጠዋለሁ፡፡ ልክ ከዳቦው ጋር እኩል ሲመዝኑ በዕቃ አዘጋጅቼ እልክልሃለሁ አለው፡፡ ወዲያውም ጠዋት የላከለትን ዳቦ አውጥቶ ሚዛኑ ላይ አስቀመጠው፡፡ ዳቦው 150 ግራም ነበር የሚመዝነው፡፡ ነጋዴው አፈረ፡፡

ማንኛውም ድርጊት ተመሳሳይና ተመጣጣኝ የሆነ ምላሽ አለው፡፡ (low of action and reaction)..ለፊዚክስ በቻ አደለም እሚሰራው ህይወትም እንደዚህ ነት። 150 ሰጥተህ 300 ልታገኝ አትችልም፤ እባብ ሰጥተህ ርግብ፣ ድንጋይ ሰጥተህ ዳቦ፣ እሬት ሰጥተህ ማር ልታገኝ አትችልም፤ አንተ ብቻ ብልጥ ልትሆን አትችልም፤ ሻማውን አጥፍተህ ብርሃን ልታገኝ አትችልም፤ ቤት ተቀምጠቅ ስራ ሊመጣልህ አይችልም፣በወር ደመወዝ ተቀጥረክ እየኖርክ የናጠጠ ቱጃር ልትሆን አትችልም።ስለዚህ ወዳጄ ለምፈልገው ነገር ነገሩ እሚጠይቀውን አድርግ ቡርትካን እየፈለክ የአፕል ዘር አትዝራ።።


(practice does not makes you perfect , only perfect practice makes you perfect...)

በቅንነት #ሼር #ሼር ያድርጉ 👇👇👇👇

@JPersonaldevelopment

Personal Development 📖📖

16 Sep 2020 07:48

እምነት


አንድ ወጣት ዝሆኖች በሚገኙበት ስፍራ እየንተቀሳቀሰ በአለበት ሰአት አንድ ነገር በጣም አስ ደነቀው ።ዝሆኖቹን ሲመለከት በሽቦ ቤት አልተዘጉም ወይም በሰንሰለት አልታሰሩም።

ከዛ ቦታ እንዳያመልጡ ያደረጉት ነገር ቢኖር በጣም ቀጭን የሆነች ገመድ አንድኛው እግራቸው ላይ ነው ያሰሩት።

ወጣቱ ልጅም በአትኩሮት ዝሆኖችን ሲመለከታቸው በጣም ግራ እሚያጋባ ነገር ሆነበት።ለምንድን ነው ዝሆኖቹ ጥንካሬቸቸውን ተጠቅመው ገመዱአን በጥሰዋት የማይሄዱት?በቀላሉ ሊያረጉት እየቻሉ ነገር ግን ምንም ሙከሪም አያደርጉም። ምክንያቱንም ለማወቅ ጠጋ ብሎ ባለቤቱን ጠየቀው።

ባለቤቱም በጣም ህፃን እና ልጅ እያሉ እነሱን ለማሰር እምንጠቀመው አሁን ከታሰሩበት ገመድ ገር ተመሳሳይ የሆነ መጠን ነው።ነገር ግን ያኔ እነሱን እንዳያመልጡ ለማሰር በቂ ነበር።ሲያድጉ በጥሰውት መሄድ እንደማይችሉ አንዲያምኑ መሠረት (conditioned) ተደርገዋል።ስለዚህ አሁንም ገመዱ እንደሚይዛቸው ስለሚያምኑ በጥሰው ለማምለጥ ሙከራ አያደርጉም።


ዝሆኖቹን ገመዱን በጥሰውት ከዛ እንዳያመልጡ ያደረጋቸው ብቸኛ ምክንያት ቢኖር ለ ረጅም ጊዜ አይቻልም እሚለውን እምነት ስላዳበሩ ነው።

እና ወዳጄ አለም መንም ያህል ወደሁዋላ ሊያስቀርህ ቢምክር እንደሚቻል በማመን ጉዞህን ቀጥል። ከታሪኩም እንደምንረዳውም ያኔ አልቻልክም ማለት አሁን አትችልም ማለት አደለም ደሞ ትችላለህ እኔ ስለመቻልህ ዋስትና እሆነሀለው ሂድ ሰርተህ እንደምችለው አረጋግጥ ካልተሳካ መጥተህ እኔን ትወቅሰኛለህ።።

"If you believe you can , you are half way there.."

በቅንነት #ሼር #ሼር ያድርጉ👇👇👇👇



@JPersonaldevelopment

Personal Development 📖📖

15 Sep 2020 09:08

ጊዛዊ ሽንፈት(Temporary defeat)


ለውድቀት መንስኤ ከሆኑ ነገሮች ዋነኛው እና የብዙ ሰዎች ባህሪ የሆነው ጊዛዊ ሽንፈትን እንደ ውድቀት መቁጠር ነው።ማንኛውም ሰው አንዴም ሆነ ሌላም ጊዜ በሰራው ስህተት ጥፋተኝነት ይሰማዋል።

ሶስት እርምጃ ለ ወርቅ(Three feet from Gold)

በሆነ ጊዜ የአሜሪካዋ ግዛት ኒው ዮርክ ከተማ ውስጥ እሚኖር ሰውየ ነበረ።እናም በዛን ገዜ ብዙ ሰው በ ወርቅ ጉንፋን(Gold fever) በሚባለው "በሸታ" ተጠቅቶ ስለነበር እሱም ያለውን ሀብት ሁላ ሽጦ ወርቅ ለማውጣት ወደ ምእራቡ ክፍል (west cost) ይሄዳል።

ከዝም ለስራው እሚያስፈልጉትን መዶሻ እና መቆፈሪያ በመያዝ ያመራል።ጉዞው በጣም አድካሚ ቢሆንም ወሩቁን ለማውጣት የነበረው ፍላጎት ጥርጥር አልነበረውም።ብዙ ቀናትን ከፈጀው አድካሚ ከጉልበት ቁፋሮ በጏላ አንፀባራቂ የሆነውን የወርቅ ማዕድን ማየት ቻለ።

ነገር ግን ያንን የወርቅ ማዕድን ለማውጣት ማሽኖች ያስፈሉጉት ነበር ።ከዛም ዘመዶቹን እሚያቃቸውን ሰዎች በማናገር በብድር ማሽን ገዝተው ማውጣት ይጀምራሉ።ከዛም ያንን ማዕድን በማውጣት ሸጠው ብድራቸውን ይከፍላሉ። ነገር ግን በ ሁለተኛው ቀን ማሽኖቹ ወደ ታች ሲቆፍሩ ምንም ነገር አልነቀረም። ከዘም ተስፋ በመቁረጥ እዛው አካባቢ ለሚገኝ ማእድን አውጪ በርካሽ ዋጋ ይሰጡታል።

ማሽኖቹን የገዛው ሰውየ እነሱ መቆፈር ከጀመሩበት ላይ ሂዶ ሲሞክር ሶስት እርምጃ (Three feet) እንደቆፈረ የተጠለቀለቀውን ማዕድን አገኘው።እዛ አገር ከነበሩት ማዕድን ማውጫዎች በሙሉ ትልቁ ለመሆን በቅቱአል።ማሽኖቹን የገዛው ሰውየም ሚሊየነር ለመሆን በቃ።እና ወደ ሀሳቤ ስመለስ ከታሪኩ እንደምረዳው ይህ ሰውየ ብዙ ከለፋ በጏላ ስኬታማ ለመሆን ሶስት እርምጃ ሲቀረው በጊዜያዊ ሸንፈት በማመኑ ስኬታማ ሳይሆን ቀርቱአል። ስለዚህ ጊዛዊ ሽንፈቶችን እንደመሳሪያ እንጠቀምባቸው አላለው። አንድ እምወደውን አባባል ልናገር እና ሀሳቤን ልጨርሰ።።

"More Gold has been mined from brains of men than has ever been taken from the earth.."

በቅንነት #ሼር ያድርጉ👇👇👇👇

@JPersonaldevelopment

Personal Development 📖📖

14 Sep 2020 09:30

@JPersonaldevelopment

Personal Development 📖📖

13 Sep 2020 10:22

@JPersonaldevelopment

Personal Development 📖📖

12 Sep 2020 12:18

@JPersonaldevelopment

Personal Development 📖📖

12 Sep 2020 11:30

ልጅቱ ን አያአችዋት?ስንት አመት ይሆናታል?ምን ትመስላለች? ምን ድን ነው የለበሰችው?.................መን አልባትም 24....25 አመት እሚሆናት በጣም ቆንጆ (fashionable)የሆነች ትዳር ከሌላት ብዙዎች አችዉ ልታገብዋት እምትመኙአት አይነት ልጅ ናት ።። ነገር ግን እኔ ተሳስታችዋል ብላችውስ ......60....70አመት እሚሆናቸዉ ያረጁ በጣም ያዘኑ ፊት ትልቅ አፍንጫ ያላቸው አሮጊት ናቸው ብላችሁ .....ማነው ትክክል? እንደገና ተመልከት......እኔ ያልኩት ካልታየህ የበለጠ ለማስረዳት ቀጣዪን ምስል እይና ድጋሜ ተመልከት....

Personal Development 📖📖

12 Sep 2020 10:00

ጭንቀት

አንዳንድ ሰዎች በየምክንያቱ ይጨናነቃሉ፡፡ እንደ እውነቱ ከሆነ ግን አብዛኛዎቹ የምንጨነቅባቸው ነገሮች ቀድሞውኑ መሰረት የሌላቸው ናቸው፡፡ ለምሳሌነት የሚከተለውን የአንድ ጥናት ውጤት እንመልከት፡፡ የምንጨነቅባቸው ነገሮች . . .
+
>> 40% በፍጹም ለማይደርስብን ነገር ...
>> 30% ምንም ልንለውጠው ስለማንችለው ስላለፈው ነገር ...
>> 12% ሰዎች ስለእኛ ስለሚናገሩብን ፍርድ፣ ወሬና ሃሜት ...
>> 10% ስለጤንነታችን (ስለተጨነቅን የሚብስ) ...
>> 8% ስለእውነተኛ ልናስብበት ስለሚገባ ሁኔታ ...
+
በፍጹም ለማይደርስብን ነገር …
ያለን አማራጭ ምክንያታዊነትን ማዳበር ነው፡፡ ሁኔታው ሊደርስብንና ላይደርስብን የሚችልበትን የእድል መጠን አመዛዝነን ያለመድረሱ ሁኔታ ካመዘነ፣ መጨናነቅን የማቆምን ሂደት መጀመርና እየተዉ መሄድ የግድ ነው፡፡ አንዳንድ ሰዎች ግን እንዲሁ ምክንያት ፈልገው የመጨነቅ “ሱስ” አለባቸው፡፡ ይህ ዝንባሌ የሚመጣው ለረጅም ጊዜ በአጣብቂኝ ሁኔታ ከማሳለፍና ስሜታችን የጭንቀት ሰለባ ሆኖ ከመክረሙም የተነሳ ሊሆን ይችላል፡፡ ያም ሆነ ይህ ፍጹም የማይደርስ ነገር ተለይቶ ሊታወቅና ከስሜታችን የደም ዝውውር ውስጥ ሊወገድ ይገባዋል፡፡
+
ምንም ልንለውጠው ስለማንችለው ስላለፈው ነገር …
ያለን አማራጭ ፈጽሞ አንዴ የሆነ ነገር መሆኑንና ምንም ብናደርግ ልንለውጠው እንደማንችል በመቀበል አእምሮን በአዳዲ ነገሮች መሙላት ነው፡፡ ይህን ማድረግ ካልፈለግን ግን እስቲ አንዴ የሆነውንና ያለፈውን ነገር ለመለወጥ የአንድ ወር ጊዜ እንስጠውና የምንችለውን ያህል እንሞክርና ካልቻልን ነገሩን ለመተው ለራሳችን እድል እንስጠው፡፡
+
ሰዎች ስለእኛ ስለሚናገሩብን ፍርድ፣ ወሬና ሃሜት …
ያለን አማራጭ መቆጣጠር የማንችለውን የሰውን ባህሪይ ለመቆጣጠር ከመጦዝ ይልቅ መቆጣጠር የምንችለውን የራሳችንን በሆነ ባልሆነው የመጨነቅ ዝንባሌ ለመቆጣጠር መስራቱ ይመረጣል፡፡ ሰዎች ስለአንተና በአንተ ላይ የሚሉት ነገር አንተ ካልፈቀድክለት በስተቀር ምንም ሊያደርግህም እንደማይችል አትዘንጋ፡፡ ብትችል ወሬው አንተ ጋር የማይደርስበትን መንገድ ፍጠር፡፡ ካልቻልክ ደግሞ ወሬው ወደ ስሜትህ የማይደርስበትን ጥንካሬ አዳብር፡፡
+
ስለጤንነታችን (ስለተጨነቅን የሚብስ) …
ያለን አማራጭ ስለጤነታችን የሚያሳስበን ሁኔታ ካለ ያንን ለማስቀረት ወይም ለመቀልበስ የምንችለውን ያህል መሞከር ነው፡፡ ጭንቀታችን ግን “ምናልባት እታመም ይሆን” የሚል ከሆነ፣ ይህ የራስ በራስ ትንበያ እንደሚፈጸም አትጠራጠር፡፡ ጭንቀት በሽታን የመሳብ ባህሪይ አለውና፡፡
+
ስለእውነተኛ ልናስብበት ስለሚገባ ሁኔታ …
ያለን አማራጭ በቅድሚያ፣ ሁኔታው በትክክልም የሚያሳስብና በቅጡ ካልያዝነውም የሚስጨንቅ ጉዳይ ስለሆነ ማሰባችንና በመጠኑም ቢሆን መጨነቃችን ትክክለኛው መሆኑን አምኖ መቀበል አስፈላጊ ነው፡፡ ሲቀጥል ያሳሰበንን ሁኔታ በምን መልኩ ብንጋፈጠው ልናሸንፈው እንደምንችል በሚገባ ማሰብን ይጠይቃል፡፡ አእምሮን በጭንቀት ከመሙላት ይልቅ ትክክለኛውን ምላሽ በማሰብ መሙላት በብዙ እጥፍ ይመረጣል፡፡ በጉዳዩም ላይ ሰውን ማማከሩም አንዱ መንገድ ነው፡፡

በቅንነት ሼር ያድርጉልኝ 👇. @JPersonaldevelopment

Personal Development 📖📖

12 Sep 2020 09:02

melkam adis amet ....le hulachwem ...enkuan le 2013 amet adiresachew eyalku yihen adis channel keftenelachewal ...bezihm channel sle kinberawi astesaseb (system thinking) eminmarebet yihonal.... bekerbu engmeralen eskeza share be madreg Ye teshale haseb yalw sw lemehon weyem lemafrat halafinetwon yiwetu .......@JPersonaldevelopment