4045
Mening olamim... 01.01.2020.
Ҳаёт тортишувлар кетма-кетлигидан иборат: гоҳ олдинга, гоҳ орқага. Сен ниманидир қилишни хоҳлайсан, лекин бутунлай бошқа нарсани қилишга тўғри келади. Ўзинг учун мутлақо безарар деб ўйлаган нарсанг сени жароҳатлайди. Ҳеч нарса ўз-ўзидан бўлмаслигини билсанг ҳам маълум нарсаларга улар бор бўлиши шартдек қарайсан.
@Jurnalistxonim
Хатолар — умримизнинг тиниш белгиларидир. Тиниш белгиларсиз матндаги асл маънони тушуниб бўлмагани каби йўл қўйган хатоларимизсиз ҳам ҳаётнинг асл мазмунини англаб бўлмайди.
Қилган ишингиз хато бўлиб чиқса, дарҳол тушкунликка тушманг. Ундан тажриба олинг. Хатолар ҳам ҳаётнинг биз учун берилган инъомидир!
@Jurnalistxonim
Қўлларингиз бўшлигидан асло ўкинманг.
Қўлларим билан тўлдираман кафтларингизни...
Jurnalistxonim
Ички дунёйинг бир меҳмонхонага ўхшайди.
Қувонч-шодликлар ҳам, ғам-ташвишлар ҳам (меҳмон каби) келиб-кетувчидир.
Сен на қувонч-шодликларга севин, на-да ғам-ташвишларга хафа бўл...
Jurnalistxonim
Сен мени ҳеч қачон ёлғиз қолдирмадинг, қолдиролмадинг...
Jurnalistxonim
#хайрли_тонг
Бепарволик дунёни қутқаради. Бу дунёнинг бир камлигини англаш ва бу ҳодисанинг одатий ҳол эканлигини тушуниш каби хислатлар, ҳа, айнан мана шундай хислатлар бизнинг сайёрамизни қутқаради.
Азизим, дунё ғамларига бепарво бўлайлик!
Сиз кулсангиз ҳам, йиғласангиз ҳам, барибир, ҳаёт ўтаверади. Тўхтаб қолмайди.
Шундай экан, барча дардларингизни устингизга юклаб олмасдан, улардан халос бўлинг, уларни унутинг ва табассум қилинг....
Севинг ва севилинг, ҳаётдан завқ олинг, яқинлариздан меҳрни, муҳаббатни ва эътиборни аяманг...
Jurnalistxonim
Севган инсонингиз ишончли эканлигига имонингиз комил бўлсагина, қўлларингиздан тутишига имкон беринг. Агар ишончли бўлмаса, истаган вақти қўлларингизни бўш қолдириши мумкин...
✍️ Юлдуз Рўзиева
Jurnalistxonim
#хулоса
Аҳмоқлар билан тортишиш бефойда. Ҳеч қачон ахмоқлар билан тортишманг. Биринчидан, уларнинг даражасига тушиб қоласиз. Иккинчидан, бу борада улар ўз тажрибалари ёрдамида сизни ер билан яксон қилишади.
#хайрли_тонг
Умр бу - шунчаки туғилиш, ҳою ҳаваслар билан яшаш ва ўлиш дегани эмас.
Умр бу - Англашдир.
Англадингми, ёниб яша, тутаб ўтма!
Ҳеч бўлмаса, сенинг ёнганинг бошқаларни ўйга толдирар!
Jurnalistxonim
Яхши кўрганларингизга берадиган бебаҳо ҳадянгиз - меҳрингиз, эътиборингиз ва садоқатингиздир.
Jurnalistxonim
#салом_бахт
Ҳаётда нимани истасак, шунга эришамиз. Бахтли бўлиш, муваффақиятга эришиш фақат ва фақат ўзимизга боғлиқ!
Бахтли ёки бахтсиз бўлишни, шод ёки ғамгин бўлишни, меҳрибон ёки шафқатсиз бўлишни, танилган ёки танилмаган бўлишни ЎЗИМИЗ танлаймиз!
Бахтсизлик йўлларини бутунлай беркитиб, бахт эшикларига қучоқ очинг.
Мен БАХТЛИ бўлишни танладим, сизчи?!...
Jurnalistxonim
#хайрли_тонг
Ҳаётда нимагадир эришмоқчи бўлсанг, шунчаки хаёл қилма, ўша нарсага айлан, ўша орзу билан ухла. Ўша орзу билан уйғон. Бор диққат-эътиборингни эришмоқчи бўлган нарсангга қарат. Ўша орзу сенга бир дақиқа ҳам тинчлик бермасин, ана ўшанда, албатта, эришасан!
Jurnalistxonim
Севги - бахтсизликларнинг энг даҳшатлиси, севгида умид бўлади, мана шу умид туфайли ҳар қанақа азоб-уқубатларга чидайди одам.
Jurnalistxonim
Сени топгунга қадар қандай яшадим мен?!
Наҳотки яшадим...
Jurnalistxonim
Гапимга ишонинг, умрингиз поёнига етган чоғида қандайдир аҳамиятга эга бўлган ягона нарса бу сиз берган ва олган муҳаббатдир.
@Jurnalistxonim
Изтироб кўнгил мулкидир. Эҳтимол, шунинг учун инсонлар чин қалбдан изтироб чекканларида, буни бошқаларга билинтирмасликка ҳаракат қилишади.
Jurnalistxonim
#хайрли_тонг
Тонг отгач, тунни кутмагин, яхши-ёмон ўтган кечаги эмас, ҳали келиб улгурмаган эртани ҳам эмас, яшаётган бугунингни ўйлагин.
Қуёши чарақлаган бу кун - сенинг кунинг, бир кунлик умр...
Гўё бу кунда туғилиб, шу кунда ўладигандек, бугунги ҳаётингни бугун учун бағишлагин.
Шундагина сенинг ҳаётинг ўтмиш ғам-ташвишлари келажакнинг хатарнок шарпаларига тўқнаш келмайди. Барча ижод, меҳнатларингни бугунинг учун сарфлагин...
Jurnalistxonim
Хафа қилишгани учун, ҳурсандман....
Алдаганлари учун, ҳушёрман....
Мағлубиятлар сабаб, кучлиман....
Ташлаб кетганлари учун, содиқман....
Ҳеч нарса ўз-ўзидан мукаммаллашмайди...
Jurnalistxonim
Сокинлик; қаҳва ва сени ўйлаш. Бундан ортиқ бахт борми мен учун...
Jurnalistxonim
Кўнглимнинг кемтигин тўлдир,
Қолгани муҳиммас мен учун!
Jurnalistxonim
Биз сериаллардаги ошиқ-маъшуқларга ҳеч ҳавас қилмадик. Балки шунинг учун тақдиримиз уларники каби якун топмагандир.
✍️Юлдуз Рўзиева
Jurnalistxonim
Барчамиз бизни танимаганлар наздида оддий одамлармиз.
Ҳасад қилувчилар назарида мағрур кўринамиз, бизни тушунадиган учун эса ажойиб одаммиз. Севганларимиз назарида энг яхши, ёқтирмайдиганлар наздида ёмонмиз.
Ҳар кимнинг ўз нуқтаи назари бор. Бошқалар олдида яхши кўринишга уриниб, ўзингизни чарчатманг.
Бас, етиб бўлмайдиганни тарк қилиб, тарк қилинмайдиганга етишинг.
Jurnalistxonim
Одамларнинг сенга эҳтиёжи борлиги чинакам неъматдир.
Сен буни малол олма, яна азобга айланиб кетмасин.
Билгинки, энг яхши кунинг – истовчи эмас, исталадиган одам бўлган кунларингдир.
Jurnalistxonim
#хайрли_тонг
Ҳар доим орзу қил! Ҳамиша яхши нарсалар ҳақида ўйла! Ҳар куни ўз олдингга кичик бўлсада марра қўй ва уни забт ет!
Янги кун муборак, азизим!
Jurnalistxonim
Ҳар кимнинг ўз ери бор бу дунёда. Кимдир ақлимизни маскан қилса, кимдир қалбимизни маскан қилади, ажабо.
Jurnalistxonim
Бахт дегани – қалбингиз ўзида йўқ нарсаларни сўрамагани ва борига хурсанд бўлиб юрганидир.
Бахт дегани – ҳаётингиздан қаноат ҳосил қилишгина эмас, қаноат қилишга уринишингиздир.
Бахт дегани – бу уринишга куч бера оладиган сабабларингиз борлигидир!
Алҳамдулиллаҳ...
Jurnalistxonim
Бахт ришталари мустаҳкам бўлиши учун «Масофа» сақлашни билинг!
Айблар ошкор бўладиган даражада яқин келманг!
Гўзалликлар унут бўладиган даражада узоқлашманг...
Jurnalistxonim
#хайрли_тонг
Сиз ҳаётда тупроқдек бўлишга ҳаракат қилаверинг. Тупроққа энг ёмон нарсалар ташланса ҳам ундан фақат пок ва яхши нарсалар чиқаверади.
Jurnalistxonim
Инсон севгани учун севади, вассалом. Муҳаббат изоҳларни тан олмайди.
Jurnalistxonim