2303
مختنگ من الهوا المابي هواك گلي من يا باب جمعه ايرف لواك (نشر قصائد الشاعر احمد الخفاجي) رابط القناة https://t.me/jzlaf
وداع دمعه وجفن ومكاسر الخاطر
وداع بنت وابوهه ابليلة العاشر
لو راح ما يرجع بعد
والموت يكسر كل وعد
🔅🔅🔅🔅🔅🔅🔅🔅🔅🔅🔅🔅🔅🔅
الوداع الليلة يعني الفرگه باجر
يا حضن گلبي اليبوگنه الحوافر
هذا ابن امي البده ابجبر الخواطر
ثاني اكبر جرح ما اكدر اكابر
اشوف دمعه وجفن مايرضه بالفرگه
اشوف والد حنين وطول الشبگه
لفراق مايرحم احد
🔆🔆🔆🔆🔆🔆🔆🔆
توادعوا بس الگلب ما شابع اوداع
وهيج من فيض المدامع خضرت الگاع
الما امفارگ للفراگ شلون ينصاع
وهاي ارض غير المواجع بيها ما شاع
يموت كلمن يوادع خله معروفه
يموت ابن امي الحافر انشوفه
لحسين للموت استعد
🔆🔆🔆🔆🔆🔆🔆🔆
يارقيه التشعر بوالدها طايح
تگله خايف گلبي مثل الگمر رايح
فسرت كلمة بنضرتك بيها لايح
مهرتك خالي ضهرها وصوت نايح
تروح ويرد عليه ملوي السرج مهرك
تروح مني ولكن ابقه اشم عطرك
فواح عطرك ما بعد
🔆🔆🔆🔆🔆🔆🔆🔆
هيج اشوفن صورة مفارگ رقيه
عليها باب الهم يرد مثل الزجيه
مو ضلع يكسر يجيب الها المنيه
تموت بس بعينها تعيش الرزيه
اثر سطرة وجروح امعاتب الدمعه
اثر والصورة تشبه صورة البضعه
وجروح تنزف للابد
🔆🔆🔆🔆🔆🔆🔆🔆
الشجرة لمن تذبل يبين اجلها
وثمرة ثمرة ايطيح ويخلص حملها
حسين لو فارك رقيه وكل اهلها
الخيم والي بيها تخلص موت كلها
مصاب يفتح مصايب من بعد عينه
مصاب كل حي يموت بموت ابو سكينه
للخيل حضن اخر عمد
🔆🔆🔆🔆🔆🔆🔆🔆🔆
احمدالخفاجي
عباس عباس عباس عباس
اجت اول علامه
عطش موت بحسامه
على الجيش السلامه
اذا هد من سكونه
اذا خزرة نضرته
جفت بالحومه سكته
اضن نگضي بحملته
فماذا تصنعونه
يا فارس نوديه
يرد حدر الترابب
يا هو الي يواجه
بطل كل الحرايب
يا طبعه المنعرف بالحومه
واعدائه ميته لو مهزمه
ما عنده واحد نازله وما ضمه للموته
كل الاشاوس ترتجف من ينسمع صوته
*****************
نزل برض الشريعه
گلب لون الطبيعه
الوفك مو منيعه
عبرها ابحد مهرته
سمعنه الشگره صهلت
سمه وعالغبره نزلت
عواصف ايده حملت
سقر تنزل ضربته
من يحمل علينه
صعب تثبت كتايب
نخلص بين ادينه
ومو من العجايب
فرسانك تشرد من اخياله
حته الخيل ترفض الخياله
كسر وجمع جيشك. بدت تختل موازينه
لا ميمنه ولا ميسره امضيع عناوينه
*****
بسم الله اكبر
نطق وعيونه تسعر
يكر وعليهه يفتر
يطشرهه العساكر
يطش بيها ويلمهه
الفرات احمر جفنها
كثر ما بي دفنها
وثبت فوك الگناطر
حيدر مدري ابنه
تحيرنه بنضرته
عباس اي واذا غار
شمرة علي بيمنته
الناتج من علي ومن ابنه
واحد في واحد من يعدنه
ناتجها واحد ما يهم عنده الاف واحد
تحجي المعارك من قبل قائد وابن قائد
************************
✍️احمد الخفاجي
اليوم ارض الطف نكحل اعيونهه
***********
اليوم ارض الطف نطب ميدانهه
والسفينه اتريد بس ربانهه
اليوم نكتب بالدمه ابعنانهه
اهل غيره وبالحسين اجنونهه
***************
بسم ابو الاحرار كلشي انديره
والصعب لا مو صعب تغييره
احنه كدهه اشما تصير اجبيره
فزعه نمحي كربله من كونهه
************
هدل متن الجيش من كربونه
والعدد سبعين من حسبونه
نسو واحدنه بالف وشلونه
اوصارت الما جانوا يحسبونهه
**********
الكاع مالت واحنه عدلناهه
والصوارم والله تعبناهه
وبعددنه الوف كابلناهه
جا گضت وارض الدمه ايسمونهه
*************
توسطينه المعركه والرايه
شلون توكع واحنه عدنه حجايه
ويزل بس لبكصته ناشف مايه
واحنه اهل البيت نهوه ابدونهه
*************
احمد الخفاجي
ماجنت اعرف وداعك جان للفرگه
طفح دم من ناضري
كسر گلبي وخاطري
وجن ضوه بسرداب ادور هيجي عالملگه
جان للفرگه
*****************
ها يروحي وكل جروحي
لا ياساگي الگلب فطر من تركته
ما كلتلي من حضنتك
كلبك اخر مره هاي اسمع نبضته
وشعجب گلبي اعله كلبك مادره
روحي روحك بويه عنها مسافره
ليش اخفيت المشاعر ساعة الشبگه
يا دموعي اتناثري
***************
ومن عفتني عيوني طاحت
نص نضرتك وانقبض گلبي باثرها
نضره صارت روحي بيها
وفرفحت لمن نطت عينك ضهرها
فارگتني واحتضن گلبي الضياع
ابحر هجرك قررت فك الشراع
ياهواي الفرگه تكتل والله مختنگه
شگد اگولن صابري
**************
عيني طبگت وانته بيهه
وفتحت لكن على امفارگ فجرها
الدنيه غبره وانته ماكوا
وعمتي اول مره يتبلل نضرها
بين الخيام انضرت للغربه عين
صحت ياعمه ابالم وين الحسين
ماحجت لكنها ضلت تبجي ومدنگه
بحسرة گالت ناطري
****************
بويه وينك ياحبيبي
لو تباوع حالي ترجع من سفرتك
نار هجرك بيه لكن
نار وصلت من المعطش وردتك
نار هجرك كلت گلبي وهايه نار
وصلت كل الخيم للأحتضار
القلوب البيها گلبك كلها محترگه
جروح تدي بحاضري
****************
بويه تدري بگيد حبك
لجن ما تدري بحبل كيد اديه
اي خذوني من دلالك
من رقيه الهاشميه للسبيه
يا ضوه بسرداب اثرك ما لگيت
غير هجرك والى الله اشتكيت
اخذ روحي يلي مثلك روحي ماتلگه
گلي مثلك سافري
احمد الخفاجي
السلام عليكم متابعيني الكرام
كل عام وانتم بالف الف خير جعلنا الله واياكم من المغفورين لهم واعاده الله عليكم باليمن والبركه
✍️احمد الخفاجي
ضامآ اخانا والخيول ترضهّ
دمه قد صبغ وجه ارضهّ
لم يكتفو الضالمين حزو له اوداجهّ
لم يكتفو الضالمين لقد ابو سقيانهّ
لاوين اوجه وجهي وشكي الحال ماكو كفيل
لاوين من كل صوب نضرت موت بيه تعيل
لاكن بعد ما عندي غير اصبر وصبرهم
لتلاثه وثمانين طفل بخيمه اجمعهم
ومن كل عدو احميهم وبالعين اضمنهم
راح الكفيل واخته بعد عيونه تكفلهم
كف الاذى لن ترتوي حتى ترانا في القبور ساكنين
---------------------------------
حيرى وارنو في شتاتآ ضعننا
حبل الرزايا حز حتى قلبنا
اين ادير واشتكي ما من مغيث يغيثنا
كل الحماة على الثرى فالبين فرق شملنا
الموت آ يالموت شكل هلال سوه گفاي
اه واه ستري راح ضامي طاح يم الماي
وجلمة يعباس الاجل من ثغري شيعها
والرمح كل ماشوفه انسي حسين اسمعها
ياوكت زينب هاي نضرت غرب تتبعها
وما تدري باجر وين واي ادروب تگطعها
الموت لو ينزل بي اهون لي من الطغاة الناضرين
---------------------------
حرمأّ بقينا قلبنا قد ارهبا
والقوم قد بدئو الحديث عن السبا
حتما اسارى في الصباح القوم لن ترئف بنا
فقلوبهم قد اضلمت وبها يكون عنائنا
الشال راس حسين فوگ الزان بجفوفه
سبايا ايفوت بينه القصر ارض الشام والكوفه
بين الاجانب ندخل وناس البلا غيره
وضعوني اطفال الحرم وايد الحمه گصيره
وانه دمعتي معاشره جرحي الوسع ديره
يا ويل راح يصب وسط دلال اليسيره
في الضعن ورد عمرهّ لن يحتمل ضرب سياط الحاقدين
-----------------------------------
✍️احمد الخفاجي
لطلب اللحن @aldma1
كسروا خاطري وضيعوا سنيني
والانتضره دمه بين اديني
اهل الرده والانكار نكروني
بت طه النبي وبالباب عصروني
***************************
ما جنت احسب يجيني السهم من قوس الصحب
ويكسر اضلوعي الكلمته تمسح ادعوعي التصب
الدنيه وال بلدنيا ليش اعله الزجيه تنگلب
ليش اهل بيت النبوه تعيش ضلمات الغرب
اليعرفوني منوا جهلوا مكاني
ياذي الله والهادي الأذاني
ورغم كل هذا اسمع وأن ظلموني
**************************
✍️احمد الخفاجي
لجروح رمله كلمات لا يفهمها سوى من فقد مثل قمرها العريس
***********
الله منج كربله مني اخذتي الغالي
ياسمه عيوني الضلمت من طاح منها هلالي
ماعندي بس هذا الولد وبيه انفجع دلالي
ياحسرتي ويادمعتي ويا وحدتي المن تالي
************
بكل حيله ما دام الشمع ونطفه بذيج الليله
حسيت انه راح افقدك والكلب يفگد حيله
الصبح گتله لا هله لعيوني جايب ويله
حضرت دمعي وعبرتي والگوم حضر خيله
************
شوبحت كل ذرة ترب لوليدي فوگ المهره
جرت من عيوني الدمع نضرات عين الغبره
جم ام فرغ منها الحضن والدمعه صارت حمره
اليوم كل تعب الربه بالحومه يخلص عمره
**************
كل نفس يوگف لو رحت يابعد كل انفاسي
ضيعتك وهبطت الگلب يوليدي مو بس راسي
مو انته ياروحي جنت كل اهلي وكل ناسي
ماعيش بعدك يالولد ام وتعرف احساسي
*********************
✍احمد الخفاجي
وينهم اهل الشيم
طلعت ارواح الخيم
النار حرگت كل ستر لمخدرات
وين يرحن من عيون الشابحات
**************
شجرة اهل البيت ذبلت والورگ طاح
وضلت اوكار الحمام بعين الرماح
وگفت بكل عين عبرة الجلمة الراح
مخدرات اوين يرحن والعدو لاح
النار ما خلت ستر
ونطفت عين البدر
كافل الخدر وگع قرب الفرات
***********
استفحلت نار الاعادي بنص الاطناب
وخلت خيمهم رماد بحضن التراب
وطلعن الخدر يدورن گمر ما غاب
يلوبن بكل خطوه الهن بين الاجناب
نجوم مو مالت ضوه
وطلعن بطف نينوه
والخدر بين الغرب معناهه مات
***********
خيمة الخدر ذبحها امفارگ الماي
وگالت ابلا ماي ليش تعيش عيناي
الما طفت جمر الضمايا شعدها وياي
الما تگوطر ماي عندي شعدهه بسماي
البي وفه يگوطر وفه
وانه احس كلشي جفه
بعيني ريت السهم مو بجربه فات
*************
كلشي من بعد ابوفاضل عندي مذبوح
كل شموس الخيم فوگ الهزل تلوح
النواضر مو نواضر جنهن جروح
مدري من گاع النوايب طافح النوح
لان خدر وبغرب
الدمع دم ينگلب
موت ابوفاضل سلب لون الحياة
***********
الشاعر احمد الخفاحي
نبض قلبي لمحرم لن يزول
َان فيه قتلت روح البتول
************************
فضلك وما انسه فضلك عايش بضل رحمتك
من بعد ما جان غافلنبض گلبي الخدمتك
فضت من عطفك عليه** وغركتني بنعمتك
وصبحت كل يوم اعيشن** كربلاء وغربتك
(نبض قلبي لمحرم لن يزول)
(ان فيه قتلت روح البتول)
**********
عكس كل الخلگ روحي** تنكسر من تستراح
حيلها يشد بالنوايب** والمصايب والجراح
تموت لو ماكو بسماها** هلال للاحزان لاح
بنضرة حسين بدليلي** عطر عاشوراء فاح
(نبض قلبي لمحرم لن يزول)
(ان فيه قتلت روح البتول)
***********
شهر المحرم تتاني** الوادم وتحسب اله
تفتح ابواب الماتم** كل سنه وتستقبله
وانه لا عكس الخليقه** غيرت هل مسأله
روحي كل ليليه تقره** مقتل ابن البسمله
(نبض قلبي لمحرم لن يزول)
(ان فيه قتلت روح البتول)
************
الحضرتك مخلوق كل شي** ويفترض بعدك عدم
حسين يا سر الزجيه** البيه بس الله علم
انته احييت الخليقه** بعطر دخان الخيم
لان كل حي مات لمن گلبك انطيته السهم
(نبض قلبي لمحرم لن يزول)
(ان فيه قتلت روح البتول)
**************
(2محرم)
الشاعر احمد الخفاجي
السلام عليكم متابعينا الكرام
سيتم نشر برنامج محرم للشاعر احمد الخفاجي يوم الخميس المصادف 29/8/2019
ونسأل الله القبول منا ونكم
ادامكم الله خدامأّ ل(ال محمد عليهم السلام)
السلام عليكم
كل عام وانتم بالف الف خير متابعين القناة اعاده الله عليكم باليمن والبركه
لا تناقش قفل گلبي اشيفتحه
عشك ابو فاضل بروحي اشيمسحه
الله يرزق من يشاء بضل حبيب
ورزق گلبي الگمر يكدر يذبحه
ما يعجبك روح دورلك حبيب
وعوف گلبي وعود گلبك صفحه
انه گعدات السمر مجلس عزاء
من بتوالي الليل دلالي اجرحه
روحي تعطش بالملاگه وباالفراك
فطور شفة الكمر كلشي موضحه
انه معشوقي جربته تريد ماي
وعيني بيهه ولحد ما دم تشرحه
الكل عشق سر يتضح وي السنين
وانه سري الدمعه والمجلس وحه
كل عشق يخلص لان من غفلة جاي
وما رضخ عشقي وطحن گلب الرحه
هو مو من عالم الدنيا ويموت
العشقي ابكل العوالم اضرحه
وسلمت امري الحبيبي وما اريد
غير راسي وگلبي لجروحه افتحه
✍️احمد الخفاجي
شئت وشاء الله وقال
اول بدرا تموت هلال
ضاما اموت بعين النهري
وهوا يعود كسير الضهري
****************
هواي اجاني من المخيم مطلب الماي
عاينتهن ورده ورده تعنت سماي
شكوه من سكينه مردت گلبي وحشاي
عمي ما بالجربه گطرة تبلل شفاي
صوت العطاشا يدمي الفؤاد
وانا الساقي فكيف الرقاد
ما كنت اعرف ماذا سيجري
وهوا يعود كسير الضهري
*************
شلت نضرات العطاشه العين الحسين
كلها تسأل عمي درب المشرعه منين
گتله المن عندي عين وعندي جفين
واهل بيتك من ضماهه تصارع البين
هل ترفض سقياها الناس
والصمت كلام العباس
امرا يدور بهذا الفكري
*************
تلاثه وثمانين نضرة وغيرتي اتصيح
دمعة الاطفال دم اگبالك اطيح
العلگمي شلون اعله اهلك صاير اشحيح
وغير نضرات الشماته الكلها تجريح
ياسيدي قد حان الفراق
دونك اهوى بارض العراق
والحيرة تبقى للقبري
*************
الخطوة من ارض المخيم خضرت اه
وكل طفل ضنها التطفي جمرة اضماه
الحلم شلته بجربتي وموتي وياه
والي صوب عيني موت اگبالي بداه
والله نادى وانا اسمع
اول بدرا هلالا ترجع
قرب الفرات انشق القمري
******************
ماطحت لو ماتهيأت كل الاسباب
الجربه توصل للمخيم كلها نشاب
شلون دوني الحلم يوگع فوگ التراب
بعيني اجروح الضمايه ينزفن عتاب
وانا في احضان الموت
من قلب روجي جاء الصوت
احنيت ضلعي لا يابدري
وهو يعود كسير الضهري
*******†********
✍️احمد الخفاجي
اليوم ارض الطف نكحل اعيونها
***********
اليوم ارض الطف نطب ميدانهه
والسفينه اتريد بس ربانهه
اليوم نكتب بالدمه ابعنانهه
اهل غيره وبالحسين اجنونهه
***************
بسم ابو الاحرار كلشي انديره
والصعب لا مو صعب تغييره
احنه كدهه اشما تصير اجبيره
فزعه نمحي كربله من كونهه
************
هدل متن الجيش من كربونه
والعدد سبعين من حسبونه
نسو واحدنه بالف وشلونه
اوصارت الما جانوا يحسبونهه
**********
الكاع مالت واحنه عدلناهه
والصوارم والله تعبناهه
وبعددنه الوف كابلناهه
جا گضت وارض الدمه ايسمونهه
*************
توسطينه المعركه والرايه
شلون توكع واحنه عدنه حجايه
ويزل بس لبكصته ناشف مايه
واحنه ال البيت ابد منخونهه
*************
احمد الخفاجي
اخو زينب اخو زينب
اخو زينب والنعم
****************************
عطش سيف الگمر للدم بعد ما شاهد سكينه
سولف للگمر كلمات طگ عرگه وقره جبينه
الگطع درب النهر والما گطع نگطعله ايدينه
خلص يومه الخذا جفه بجنهم بس يفك عينه
ويل سيفه لو عطش
ليل عالصبح انفرش
ياخو زينب ياخو زينب
ياخو زينب والنعم
**********************
العرف والما عرف عباس خايف من رعيد اسمه
رفت عينهم للموت من رفرف جنح علمه
الكلام الصارمه وكل شي الخصم واضح ولاكلمه
وياهو الي سمع لوشاف ابو فاضل افل نجمه
ما يهم لاكبر عدد
حرزه يا علي مدد
**********************
لايمكن ولاممكن يخضع للعطش ضعنه
غير الكون والبل كون والما منخلق يفنه
يتنعه ويجيله الماي مو عباس يتعنه
ذاك الحل شمس لغروب هذا المنوصف ابنه
بي كلافه حيدرة
بين اعله الگنطره
*********************
اليفعل ما اراد الله والله يفعل الراده
اضن الطف شرف عالموت بيدينه ورجع عاده
لان ما راد موت الماي غير مجمع اوراده
من ذيج الخيم عباس بي صوت العطش ناده
وتنفض راعي الشيم
نهر مابين الخيم
لا تفل حبل المدد. .رد يا رداد الشدد
لا يا امان اهل البيت..نضرة بعُد ما لميت
¯¯-¯¯-¯¯-¯¯-¯¯-¯¯-¯¯
رحت عني وما رحت گال الشعور
دمي بعده بروح شرياني يدور
الكون بعده محجب بنضرة غيور
وريتي ما تشتم عطب تشتم بخور
ولسه ما هدني الضمه
فارش بروحي السمه
ونسمة غرب ما شميت
***
ماهجست بدورت عيونك وداع
ولا سمعت بطاري موتك تحچي گاع
ليش رد حسين مكسور الشراع
وثغره صار يرتل ايات الضياع
وكل ملامح وجه آ
وراد يحچي وگتله لا
تلفض رحل وانه بقيت
-----------------
مد وصالك يا نفس جلمة خدر
نشف دمعي وضل هوا انفاسي اليدر
لا تگول هلال عمرك حد بدر
تره الما عدهم رحم تبعد شبر
وحنه مو برض الوطن
يا من بضعني ضعن
مو هايه منك تانيت
**
ليش نار الفركه بدروبك تشب
عيني تانت عينك ونضرت عذب
والرياح شما درتها الهب تهب
خويه فك شراعك ورد الرچب
رد يبو فاضل هوا
دمع اخيك دم هوى
يالي بوديعه توصيت
-----------------
ودعوني اهلي بيمينك بالعنان
ومارضيت كفيل غيرك بالزمان
شفت گلبك فايض بنهر الحنان
وروحي بچفوفك لگت طعم الامان
ولان موتك خويه شاع
جاي اصد نوگ الضياع
وچني عليهن حنيت
*****
الشاعر احمد الخفاجي
/channel/
السلام عليكم ورحمة الله وبركاته
سيتم نشر قصائد الشاعر احمد الخفاجي
في ايام محرم الحرام
ونسال الله القبول منا ومنكم
✍️احمد الخفاجي
@aldma11
الیغيث الگلب كل ما يستغيث
شلون يحضرني ومصابي اغيابه
صح قلع خيبر ورد شمس النهار
لجن دمعي اليوم ما رد بابه
عظم الله اجورنا واحوركم💔
✍️احمد الخفاجي
ما تضل امجتفات**** ادموعي للطف مضعنات
عدهه سفرة الجود عباس الكفيل
****************************
الموت ما يكتل حنين اليحضنه
ولا يكف دمع العيون المحزنه
الجرح لو ما يبره شيدل مسكنه
وناره لسيول المواجع مضعنه
الجرحه نار ودله موت
روحه تبقه تبدي صوت
صوت جرحه الما هجع ينزف دليل
*****************
وهوه ياموت اليطفي الماطفه
وعندي سهم بعين ابوفاضل غفه
وخيم كلهه جروح ماتقبل شفه
وصدر بي جم حافر وحافر دفه
جروح كلهن عاطشات
بنهر عيني مسافرات
يردن يدلن ورد بيد الخليل
****************
الموت مرني وما يهم لو رد نزل
البدر ما يهتم يغيب لو كمل
انه قصه جرحي ولدت من اجل
مات ابوفاضل ومت وجرحي ضل
الجرح لو فايض ممات
عدل ميت بي حياة
الورد من ارض المنايا ايضل يسيل
******************
كل شي من يتالم ايهل طارفه
عيوني مو مدمع مواجع ذارفه
جروح گلبي امن النواضر نازفه
روحي اكبر الم بطف غارفه
جروحي حد اخر سمه
الهذا عيني تصب دمه
حيل گلبي امن الجروح اصبح عليل
✍️احمد الخفاجي
((خطاب مولاتي الزهراء مع ام عبد الله الرضيع عليهم السلام))
******************
ابني مات بعصرة الباب
وابنج بسهم العطش لاب
انه باب وجف ذبح اكبر مناي
وانتي گلتي الطف كسر گلبي وكفاي
*********************
گلبي من شافج جمع عذابي
فتح اول صفحه من مصابي
ورجع بابي اعله الگلب مو عالضلع
من شفت عبد الله دم يجري الدمع
عطش بس نهر ما بحضانه ماي
وانتي گلتي الطف كسر گلبي وگفاي
النهر كل گطراته نشاب
*******************
وهيج اول جرح جر دموعي
وتالي بيه تشابكن ضلوعي
رجع بيه مصابج الفگد الحبيب
ابني فوگ العتبه من دمه خضيب
جذع ذاك الباب ما خلالي راي
وانتي گلتي الطف كسر گلبي وگفاي
والگلب ما يهوه الغياب
******************
الحزن من كل كتر يلالي
گلبج وگلبي فگد غوالي
انتي حزنج عبر فوگ الست شهور
الزمن يفتح جروحج من يدور
ابنج تفگدينه كل ما شفتي ماي
وانتي گلتي الطف ذبح گلبي ومناي
وللمناغا ما اكو جواب
ابنج بسهم العطش لاب
******************
حضنج وحضني فرغ وجوده
اليشمه الموت مايعوده
بحر هاج وماعرف شنهي بتلع
طفل بالاعتاب مو بمه نجمع
وطفل جره العطش من حضن الفياي
انتي گلتي الطف كسر گلبي وگفاي
اتفارگينه وهاي الاسباب
**************************
✍️احمد الخفاجي
يدور الضيم نص الگلب ولوا
وگولن هم يرد عباس ولوا
وتصور يرد واسمع ولوا
عندي چفوف ورجع يارقية
***********
✍️احمد الخفاجي
مابقت ايام ويحط الركب
وتذعن الدمعات لجروح الگلب
وتبدي تغرب روحي كل ساعة غروب
ويحت بيه الضم حد حت الترب
وشد حيلي وينكسر من استراح
الدمعه تاخذ مجرى امنعها وتصب
خيط حيلي اليخلص ومادري ليش
بعين اخوتي وتجر بحروفي الغرب
منين ما حط النضر افگد عزيز
الگلب بجذوع المصايب ينصلب
يعين الله شلون الم شمل الورود
والمناجل باچر عليهن سرب
اليعيش احسبله جم خطوه ويموت
الدنيه باجر بالمواجع تقترب
الخيم لمن توصل المامش خيام
هواي دمع العين للدم ينگلب
ستري ليضل لو اخذ شكل الهلال
يموت كل حي بنضرتي ونغترب
البعد لوكض ثغري شيلم الحروف
العين تحجي ويكفي مو مدمع تصب
***************
احمد الخفاجي
جرت الخيل ،،،،،،،،، هدت الخيل
منك وضليت تنزف عالترابه
گلي دفنوك ،،،،،،،،،، عاري خلوك
والشمس تحرگ جروحك بابه بابه
------**************--------
من طلعت اسال اجاني حسين وبعينه الدمع
من مسح بجفوفه راسي گلبي احس ضل ينسمع
كل شي طش ليله بعيوني ضلوعي ضلع بچف ضلع
وصلت اخبار المصيبه وانضر الكل منفجع
والدمع صاح ،،،،،،،،والدج راح
ياحميده بكوفه مسلم دم خضابه
*†***†***************
من سمعت اخبار عنك شيبت باول خبر
گلبي بكوفان طايح سيل دمك يانضر
ساهره ايام وليالي وعانگت جرح السهر
ياسهم ففد الابوه الفات بالگلب وعبر
گلبي منحور
عودي مكسور
بعد مايسمعني ويردلي جوابه
***************
كون احضن جمره وطفه بگطرة دموع المصاب
كون اتبخر وضيعن بين لفحات العذاب
العمر كلمه يبابه بموتها الدنيا سراب
شلون اصيحن بابه بابه وباليتم اسمع جواب
ماكوا جواب
والگلب شاب
الكلب مجروح مذبوح بغيابه
*************
ګوِنِ بيه أّطش جروحګ حٌته أّعفه بِګلَ جِرحٌ
وِزِّرع أّلَاهات بِيه وِګلَ نِفس طعنت رمح
ګوِنِ أّحس ګلَبِي تجِرهِ خَيوِلَ حٌد مأّ أّنذبح
ګون بمصأّبك أّشوفن لَيِّلَ أّضّلم ګلَ صٌبِحٌ
هيج حٌأّلَي
عالغوالي
يالغبت شوف أّلَگلبِ يِّجِرح خطابهِ
******************
الشاعر احمد الخفاجي
تخلص وما اخلص من احزاني*
الوين جرحك ماعرف وداني*
بيك من سمعت اصوات الخيل**
ماگدرت عيوني ياخذهه الليل**
**********************
تدري شايل حزن اكبر من حياتك
كلبي تاه بين مجمع نايباتك
تخلص واسمعهن اخر كلماتك
شافت عيون الغرايب كل خواتك
هالكلام يطش جمر بجروحي
يامحرم مني تطلع روحي
ومن سفوح عيوني دم يجري السيل
**************************
سهم حزنك ماقصد دلالي عابر
خيول حزنك تترك بروحي الحوافر
يعني كل ايام عمري تصير عاشر
الگلبي مدري شجم جرح منك يسافر
جروح عطشه وتبدي تاخذ حيلي
نهاري منهن يوگع بجف ليلي
بگلبي مو بيدي يشد حبله الويل
********************
گلبي مو غير اليمره بعمره ماضاگ
ليش ثوبك ماشم بي غير الفراك
اي بقت بس للمقابر روحي تشتاگ
الموت ويل الموت وين الي احب باگ
الجان كل شي بروحي حي بوجودهه
الموت اخذها واخذ كل موجودها
مايلوگ الموت لانفاس الهيل
************************
كون كل الكلته والما گلته ماكان
والخيم ما ارتشف من عدهه دخان
ولا تصح واسمع يزينب والله عطشان
وكل شي يطلع من سراب وماله عنوان
وهم يطلع كل فراگ احبابي
وصدگ تطلع فقط قصة بابي
بس جروحك خذت من عندي الحيل
**************
(1محرم)
احمد الخفاجي
ردنه قربك ياعلي شجاب البعد
يبره جرحك ليش برحالك تشد
مانصدگ غصنك تكسره الجروح
وتترك ايتامك يلم بيها اللحد
مانعد الفقدك ايام وتروح
كل شي متانيك ولجيتك يعد
لا تگول اقتربت وحان الرحيل
وبعيون ايتامك چفونك تسد
كل بئر يعبر على سنينه الجفاف
وانته بئرك من قبل ادم يمد
كلها فطرت گاعها بجرح المصاب
وحيل صعبه الغربه لوعمرك يحد
ماتصورنه اليرد شمس الغروب
يوم عنه يروح دوم ولا يرد
الدنيا نشعر مو على قيد الحياة
عين حيدر ليهاما ضلت ماتصد
✍احمد الخفاجي
(تهدمت والله اركان الهدى)
طلعت روحي ويه انفاسك
انطر گلبي بطرة راسك
يالغالي لاتترك ناسك
من ترحل كلنه توارينه
✍احمد الخفاجي