3793
🔻کابان کاناڵێکی خۆماڵیی فەرهەنگی ، ئەدەبی و کۆمەڵایەتییە کە زۆرتر دەپەرژێتە سەر چیرۆک و ڕۆمان و هەروەها بابەتگەلی دیکەی کۆمەڵایەتی و هونەری و ... بەڕێوبەر @MTMUKRYANMK
لە ستایشی ژیاندا
ئەزموونی شاعیر و نووسەر
ڕەفیق سابیر
بەشی ۱۵
مۆسیقا ؛ پدرام شەهلایی
تۆمار و خوێندنەوە ؛ موشتاق فەیزیابی
دیزاینەر و پێشکەشکار تەکنیکی ؛ دیاکۆ گەرمیانی
س؛ڕێگاپادکەست
#لە_ستایشی_ژیاندا
کابان | KABAN
ڕۆمانی تاقانەی خانمێ
بەشی ٧
ناسکێ تەمەنی سی و پێنج شەش ساڵێک دەبوو ئەو گەشیەی کچێکی لاوی تازە خۆ داڕشتووی بە سەر و ڕوومەت و دەم و چاویەوە دیار نەمابوو بەڵام وەک دەڵێن مزگەوت ڕووخاوە و مێحڕابی ماوە ، بە ڕاستی کچێکی خوێن شیرین و ڕەزا سووک بوو .
چاو کاڵ و سەر و پرچ خاو و سپیلکە بوو لە بەر تینی هەتاو و لە کاتی سەرما وسایقەی زستان دا و هەروەها کاتێک ئارەقەی شەرم بە نێۆچاوانی دا دەهاتە خوار سەر کوڵمەکانی سوور سوور هەڵدەگەڕان .
بەڵام هیچکات و لە هیچ وەرزێک دا سەرکوڵمەی وەک ئێستا سوور هەڵنەگەڕابوون ، پێی سەیر بوو ئاخر قەت قسەی ئەو تۆی لە گەڵ وەکاز نەکردبوو و هەرگیزیش شتی وای لێ نەبیستبوو !
وەکاز سەری داخستبوو نەیدەوێست چاوە پاک و کاڵەکانی ناسکێ بەرگری لە قسە کردنی بکەن ، دەیزانی چاو لە چاوی بکات لە شەرم و هەیبەتی ئەو فریشتە پاکە لە ڕووی هەڵنایە قسەی دڵی بکات .
ناسکێش لە شەرمان زمانی نەدەگەڕا ، پاش ماوەیەکی کورت لە مابەینی جەفەنگ و ڕاستی دا وەکاز گوتی دادە گیان نە مێرد کردن عەیبە و نە ژن هێنان ، هیچ جیاوازیەکیش لە نێوان ژن و پیاو دا نیە بۆ هەر دووک لا گەڵاڵەیەکی پێویست و شەرعی و یاساییە ، بە پێکەنینەوە گوتی ئەمجا ئەگەر من پێش بە مێرد دانی تۆ ژن بێنم کێ دەڵێ ژنەکەم لە گەڵ تۆ دەحاوێتەوە ؟
وام پێ باشە جارێ ئەتۆ لە کۆڵ خۆم بکەمەوە جا دوایە دە فکری خۆم دا بم ، بەو قسانە بزەی خستە سەر لێوە ئاڵەکانی ناسکێ و بۆ خۆشی ورەی وە دەست هێنا باسی کاک قادر بکات بە بێ پێچ و پەنا .
گوتی کاک قادر پیاوێکی چاکە و ئەزموونی هەیە لە ژیان و دەزانێ چۆن ڕێزی ژن بگرێ ، پیاوێکی خوێن گەرم و پاک و بێ غەل و غەشە دەست پاک و کردەوە پیاوانەیە ، زۆری بە شان و باڵی کاک قادر دا هەڵگوت .
دوایەش گوتی کاک قادر داوای تۆی لێکردووم من وەک برایەکی بچووکی هەر دووکتان پێم خراب نیە مێردی پێبکەی ، بەڵام ئەوە ژیانی خۆتە و بۆ خۆت خاوەن بڕیاری .
پێویست ناکا ئێستاش وەڵامم بدەیەوە ئەگەر بۆت ئاساییە لە گەڵ کاک قادر قسان بکەن و بۆ خۆتان ساغ ببنەوە بە بوون و بە نەبوون ، ئەوەندەی بزانە جامینی تۆم ئەوەندە دەوێ دڵ و ویستی تۆ بۆ من لە هەموو شتێک لە ژیان دا گرینگترە و هەر بڕیارێکی تۆ بیدەی من لە سەر دڵی تۆم .
ناسکێ بە ئا و بە نا فزەی لێوە نەهات وەکازیش زیادتر لە سەری نەڕۆیی ، ئەوەی پێویست بوو پێی گوتبوو جا ماوەتەوە وەڵامی ناسکێ .
هەتا گەیشتنەوە ماڵێ ناسکێ بە یەک وشەش ئەو بێدەنگیەی نێوانی خۆی و وەکازی نەشکاند ، شەوێش زۆر زووتر لە شەوانی پێشوو شەو خۆشی لە وەکاز کرد و چووە ژوورەکەی خۆی .
دوای ڕۆیشتنی ناسکێ وەکاز چوو بۆ لای کاک قادر و باس و خواسی تازەی بۆ گێڕایەوە و گوتی ئەوەی لە سەر من بوو کردم ، ئێستاش نۆرەی تۆیە دڵی دادە ناسکێ وە چەنگ بێنی من ئەوەندە بە ئەزموون نیم نازانم چی دیکەی پێ بڵێم و چۆنی پێ بڵێم دڵی لێم نەهێشێت .
خودا عالمە و سوێندم بە خۆڵی سەر سینگی دایکم مەبەستی من تەنیا بەختەوەری دادە ناسکێیە و دەزانم تۆ بەختەوەری دەکەی ، دەترسێم وا بزانی لێی بێزار بووم و دەمهەوێ لە کۆڵ خۆمی بکەمەوە .
بەڵێن بێ ئەگەر مێرد نەکا هەتا ماوم وەک خوشکی گەورەی خۆم ئاگام لێی بێت و نەهێڵم هەست بە هیچ کەم و کوڕیەک لە ژیان دا بکات ، ئەوەی لە دەستم بێت قسوری ناکەم بۆ دڵخۆشی دادە ناسکێ ئەو تاقە پشتیوانی من بووە لە دوای دایکم .
نازانم ئەگەر گەورەیی و دڵسۆزی و ئەمەکی دادە ناسکێ نەبا من چیم لێدەهات لە دوای کۆچی دایکم ، قەڵا و پشتیوانێکی قایم بوو بۆ من و هەر چی هەمە و وەبگرە تاک بە تاکی هەناسەکانیشم قەرزداری گەورەیی و خاکەڕایی و ئەمەکی ئەو زاتە پاکەم .
کاک قادر گوتی ئاغا گیان سپاسی گەورەیی و دڵسۆزی تۆ دەکەم خەمت نەبێ لە وەی بەولاوەی بە من بسپێرە ، دڵنیام شەرمت لێدەکا و لە ڕووی هەڵنایە وەڵامەکەی بداتەوە بە تۆ ، پەلەشی لێناکەین لە ساڵان ڕاوەستاوین لە مانگێشی لە سەر ڕادەوەستین .
ئەو جا سمێڵی خۆم لە لای تۆ لە گرێۆ دەنێم ئەگەر ناسکێ بە من قایل نەبێ منیش وەک خوشکێکی بڕوانمێ و هیچ لە گەورەیی وی لە لای من کەم نابێتەوە و زیادتر لە پێشووی ڕێز لێدەگرم ، خودا ئەگەر قەڵەمی لێدابێ بە کەس ڕەت نابێتەوە ئەمن زۆرم بڕوا بە چارەنووس و قەڵەمی خودای هەیە چی لە ناوچاوانمان نووسیبێ هەر ئەوە دەبێ .
وەکاز بە قسەکانی کاک قادر ئۆخژنی هاتێ و شەو شادی لێکرد و چۆوە ژوورەکەی خۆی ، بەڵام ئەو شەوە خەو بە چاوی هیچیان دانەهات هەر یەکە و بە خەیاڵێک و ترس و هیوایەکەوە شەویان ڕۆژ کردەوە .
ناسکێ بیری لە وە دەکردەوە ئەگەر مێرد بە قادر بکات لە وەیە ئەو گەرمێی نێوانی خۆی و وەکاز وەک جاران نەمێنێ ، کێ ئاگای لە وەکاز دەبێ داهاتووی وەکاز چۆن دەبێ بە تەنیا و بە بێ کەسی .
✍ ماری موکریانی
#تاقانەی_خانمێ
KABAN
#تفکر
مرداد پارسال بود که گوشیم توسط یک راس سارق توی بی آر تی از جیبم زده شد. سریعا فهمیدم و بعد از کلی بحث و دعوا ازش گوشی رو گرفتم،
ملت همیشه در صحنه مارو جدا کردن و گفتن اقا ول کن تو که گوشی رو گرفتی برو دیگه😏
سارق محترم خیلی ریلکس از اتوبوس پیاده شد و دوباره منتظر موند تا اتوبوس بعدی بیاد.
(قشنگ فهمید بود این ملت عین خیالشون نیست و وایساد تا اتوبوس بعدی بیادو جیب بقیه رو بزنه )
طاقت نیاوردم دزد ول باشه و ایستگاه مطهری منتظرش موندم و از بی ارتی با بدبختی و تنهایی کشیدمش بیرون اونم یه مشت به من زدو دِ فرار
حالامن بدو اون بدو
نزدیک فاطمی دوتا از دستفروشا گرفتنش و د بزن منم با اونا زدمش والبته نوش جونش
خلاصه تحویل پلیس دادیم و همون لحظه شش عدد گوشی از جیب و کیف مبارک سارق در آوردن و بردنش کلانتری.
و اما قسمت جالب و البته حال به هم زن ماجرا از اینجا شروع میشه.
توی کلانتری ۱۰۵ سنایی دو تا از مالک های گوشی های سرقتی اومدن و موبایلشون رو گرفتنو یه تشکر کردن و رفتن، یادمه یه دختره ایفون ۱۲ داشت با گریه اومد و وقتی گوشی رو گرفت انگار ریست فکتوری شد و کلا یادش رفت که یه دزدی وجود داره!
از گریه های دختر هم مشخص بود کلا دار و ندارش همون گوشی آیفونه و بس.
خلاصه به هردو مالک گوشی گفتم بمونید شکایت کنیم الان میریم دادسرا گفتن باشه ولی رفتن پی کار خودشون.
دو روز بعدش از اگاهی وحدت اسلامی (شاهپور) با من تماس گرفتن و گفتن آقای عبدی سارق به ۱۵ تا سرقت اعتراف کرده و فردا دادسرای هفت تیر باش، مامور آگاهی گفت فقط ازت خواهش میکنیم حضور داشته باش چون تو سارق رو گرفتی شاکی اصلی تویی
گفتم بقیه چی؟
گفت بقیه هم قراره بیان به همه زنگ زدیم.
حتی اسم و سن شاکی هام به من گفت
روز دادگاه رسید:
سارق رو از اگاهی اوردن
من بودم و من بودم و من
هیچ یک از شاکی ها نیومده بودن.
(اونجا بود که واقعیت تالاپی خورد تو سرم که چقدر ما دوستداریم بدبخت باشیم )
قاضی بهم گفت جوون تو که تا اینجا کار اومدی، شش ماه دیگه هم وقت بعدی دادگاهه بیا واگرنه شاکی نداشته باشه ازاد میشه ها
شش ماه بعد هم رفتم باز هم تنها بودم😕
اون روز به قاضی گفتم من دلیل اومدنام فقط اینه که بتونم واسه مدتی یک انگل از جامعه کم کنم همین!
یادمه اسم سارق پرویز بود یه حرفی زد که تا عمر دارم یادم نمیره
" گفت ببین تو تنت میخاره واگرنه هیشکی نمیاد پی مال کسی که خودش دنبالش نیست "
پرویز خان بی راهم نمی گفت، من تنم میخارید که افتادم دنبال زنده کردن گوشی ملت خواب زده، ملتی که فقط یادگرفتن تو اینستاگرام داف و جنتلمن و لاکچری باشن
و تولینکدین سنیور و متخصص و همه چی بلد
اما در زندگی اجتماعی به شدت hashtag#بی_عار و ناتوان در hashtag#مطالبه_گری!
ملتی شدیم که رفتیم دنبال hashtag#محتوا لوده و جفنگ بازی یک عده hashtag#بلاگر و#اینفلوئنسر که فقط بخندیم.
او او او کنیم و واگعی رو از کیک تشخیص بدیم و چای دبش رو به مسخره بگیریم
چرا؟
چون این راحت ترین راه برای فرار از واقعیته
کارلو کلودی توی کتاب پینوکیو میگه:
پینوکیو میره به یک شهر بازیی که میتونه صبح تا شب بازی کنه و لذت ببره، اولش همه چیز خوبه تا زمانی که می فهمه داره کم کم تبدیل به یک خر میشه، وقتی پینوکیو تبدیل به خرکامل شد صاحب شهربازی پینوکیو و دوستانش رو به یک زمین دار فروخت تا از اونا کار بکشن و پول دربیارن.
چشمامون رو بیشتربازکنیم و کلاهمون رو بدیم بالاتر که همه چیز از خودمان شروع میشه✌️
احمدعبدی
کابان | KABAN
کۆپیکردنی بابەتەکانی ئەم کاناڵە تەنیا بە هێنانی ناوی کابان وەک سەرچاوە ڕێگەپێدراوە❗️❕🙏
Читать полностью…
تاقانەی خانمێ
بەشی ٥
تاقانە بە نەمانی شت و مەکەکانی دایکی لە بەر چاوان وەک شێتانی ڵێهات خوێن بەری چاوی گرتبوو هەر چی لە بەر دەستی دا بوو بە زەوی و دار و دیواری دادا و شکاندی دوایە دانیشت و ئەژنووەکانی لە باوەش گرت و بە دەنگێکی بەرز بۆ دایکی گریا.
وەکاز بە ڕەنگ و قەڵافەت پیاوێکی کامڵ بوو بەڵام لەو کاتە دا دەتگوت منداڵیکی دوو سێ ساڵانەیە و گڕووی بۆ باوەشی دایکی گرتووە .
گریان و هەنیسکەکانی بە ڕادەیەک ناخهەژێن بوون ناسکێش بە دڵی خۆی نەوەستا و بە گریانەوە بە دەنگە بە سۆزەکەی بە خانم و تاقانەکەی هەڵدەگوت.
دیار بوو خانم تەنیا پشت و پەنای تاقانە نەبوو ناسکێش بە کۆچی دوایی خانمێ تەمی خەمی لە سەر دەم و چاوی نیشتبوو و بە شێوەی تایبەت بە خۆی خەمبار بوو بەڵام لە بەر تاقانە وە سەر خۆی نەدەهێنا.
دوای شین و گریانێکی زۆر ناسکێ گوتی وەکاز گیان تۆ بۆ خۆت جوانترین و پیرۆزترین بیرەوەری لە خانم بەجێ ماوی، یاد و ناوی خانم لە ناو دڵمان دا هێللانەی کردووە و هیچ هێز و دەسەڵاتێک توانای وەی نییە ئەو هێللانەیە بشێوێنێ .
وەکاز هیچی نەدەگوت وێدەچوو ئەویش دانی بەو ڕاستیە داهێنابوو کە بیرەوەری و یاد و ناوی خۆشەویستانی کۆچکردوو هەتاهەتایە لە ناو دڵی مرۆڤ دا دەمێنیەتەوە ، ڕاستە ڕۆشتنیان زامێکی بە ژانە بەڵام ئینسان دەسەڵاتی نیە و ناچارە لێڕا بێ و لە گەڵ زام و ئێشی دووریان بژێت.
ئیتر بۆ بەیانی شتەکانیان کۆ کردەوە و بە ناو هێندێک ماڵی هەژار و کەم داهات دا دابەشیان کرد ، دوایی بە یەکەوە چوونە سەرتاشخانە و بە پێشنیاری ناسکێ وەکاز سەر و ڕدێنی تاشی پاشان چوونە سەر قەبری خانمێ و فاتیحایان بۆ ڕەوانی نارد و هێندێک ڕاز و نیازیان لە گەڵ کرد دوایەش چوونە ناو بازاڕ و لە خواردنگەیەک دیزیان خوارد و هاتنەوە ماڵ .
وەکاز ئەو ڕۆژە باری ڕووحی باشتر بوو هەستی بە بەرپرسیایەتی دەکرد قەت لە گەڵ خانم بەو شێوەیە نەچووبوونە ناو شار و بازاڕ ، خانم ئەرکی هەموو کارێکی وە ئەستۆی خۆی گرتبوو وەکاز تاقانەکەی خانمێ هەمیشە حازرخۆر بوو.
لای ئێوارێ گەیشتنەوە لە پێش هەیوان دانیشتن ناسکێ گوتی هەتا من چایەک لێدەنێم تۆ قەڵەم و کاغەزێک بێنە دەبێ بەرنامە بۆ بەیانی داڕێژین،وەکاز بێ هیچ پرسیار و پێداگری و ڕەخنەیەک هەر چی ناسک بیگوتبا جێ بە جێی دەکرد و هەستێکی خۆشی هەبوو کە دەیدیت ئەویش بەشێکی گرینگە بۆ دابین کردنی ژیانی داهاتوویان.
ناسک لێی پرسی دەزانی چیتان هەیە و چیتان نیە وەکاز گوتی ئەوەندە دەزانم ئەو خانووە و ناوماڵە و ئەو تڕۆمیلەمان هەیە لە گەڵ هێندێک پارە لە ناو بانک و ئاڵتونەکانی دایکم ، حیسابیان کرد پارەکەی ناو بانک لە گەڵ ئاڵتونەکان بەشی کڕینی دوکانێک دەکا دەی دوکانی بەتاڵ خۆ هیچ داهاتێکی نابێ مووچەی دایکیشی کە خانەنشین بووە نادەن بە وەکاز چونکە گەیشتووەتە تەمەنی یاسایی .
ناسکێش هێندێک پارەی پاشەکەوت کردبوو بەڵام شتێکی وا زۆر نەبوو کەل و پەلی ناو دوکانێکی پێبکڕدرێت،وەکاز گوتی دەڵێی چی خانووەکە بفرۆشین ناسکێ گوتی نانا خانووەکە لە نانی شەویش پێویستترە ترومبێلەکەت بفرۆشە هەر کات پارەت هەبوو ترومبێل بکڕەوە.
وەکاز هەرگیز بە پاس و شەمەنەفەر هاتوچۆی نەکردبوو لە دڵەوە پێی خۆش نەبوو ترومبێڵەکەی بفرۆشێت بەڵام بە تەواوی بڕوای بە بەرنامە و پلانەکانی ناسکێ بوو و دڵنیا بوو لە دوای دایکی دادە ناسکێ دڵسۆزترین و بەوەفاترین کەسی ژیانیەتی.
هەنگاو بە هەنگاو ناسکێ لە گەڵ وەکاز بوو دەترسا چونکە گەنج و بێ ئەزموونە فێڵی لێ بکرێت ، بە پارەی وەکاز و پشتیوانی ناسکێ دوکانێکیان کڕی و لە کوردستان ڕا کەل و پەلی دەهێنا بۆ دوکانەکەی و دەیفرۆشت .
وردە وردە وەکاز لە گەڵ خەمی بێ دایکی لێڕاهاتبوو و تەواو بڕوای بە خۆی و داهاتوویەکی گەش بوو ، شەوانە قازانجی لە دەسمایە جیا دەکردەوە و ناسکێ لە سندووقێکی بچووکی دەنا .
وای لێهات بە قازانجەکە توانی ترومبیلێکی باش بکڕێ ، دوای دوو سێ ساڵ خانووەکەیان گۆڕی و خانوویەکی باشتریان کڕی کە حەوشەکەی پڕ بوو لە دار و گوڵ خزمەتی ئەو حەوشە گەورە بە ناسکێ نەدەکرا وەکاز باغەوانێکی بۆ گرت ئەویش کورد بوو .
کاک قادری باغەوان ژنەکەی پەڵپی پێگرتبوو و گوتبووی خەتای قادرە مناڵمان نابێ بەڵام ئاشکرا ببوو حەزی لە کابرایەکی فارس کردبوو و هەر دووک پێی دە کەوشی نابوو و لە کاک قادر جیا ببۆوە ، کاک قادر پیاوێکی خڕیلەی لە سەرەخۆ و قسەخۆش بوو ناسکێ بە هاتنی باغەوانی تازە گەشابۆوە .
وەکاز هیچ کارێکی بە بێ پرس و ڕای ناسکێ نەدەکرد ڕۆژانی هەینیش لە پێشی ماشێنی دا دەنا سەرێک دەچوون بۆ سەر قەبری خانمێ بۆ ڕاز و نیاز لە گەڵی پاشان دەچوونە پارک یان چێشتخانە دەنا دەچوونە ناو بازاڕ و پێداویستیەکانی خۆیان و ناو ماڵیان دەکڕی .
جووتە خوشک و برای بە خوێن بێگانە و بە دڵ پشت و پەنای یەکتر بە جەستە ماندوو بوون بەڵام بە دڵ شاد و ژیانێکی خۆشی پڕ لە بەرپرسایەتی و بێ تەنگ و چەڵەمەیان دەبردە سەر
✍ ماری موکریانی
#تاقانەی_خانمێ
KABAN
مامۆستا
کە مامۆستایان لەدار دا
قوتابییەکان بە شانازی
قەڵەمەکەیان ڕامووسی
لە دەفتەرەکەیان نووسی
بژی ڕێبواری ڕێی قازی
قوتابییەکی کورتی کزە
باوەڕ بەخۆ ،لێو بە بزە
بێ ئەوەی لووتی داژەنێ
پێی لەسەر جەرگی دادەنێ
هەستا سەرپێ کوتی هەستن
دەرفەتە بۆ پەیمان بەستن
با لا نەدەین لە ڕێبازی
سەر و سەربەستی وسێدارە
شلمان ناکا ئەو ئازارە
م ئـ"هۆگر"
✨✨✨✨✨✨✨✨✨✨✨✨✨✨✨
✨✨✨✨✨✨✨✨✨✨✨✨✨✨✨
پێشکەش بە گیانی پاکی مامۆستا فەرزادی کەمانگەر ـ لە ڕۆژی مامۆستادا
م_ێ_هۆگر
س؛شنەی ئەوین
کابان | KABAN
📱 چەند وێنەی تایبەتیی کوردینووس وێڕای ڕۆژژمێری مانگی گوڵان بۆ موبایل
س؛کوردینووس
کابان | KABAN
ڕۆمانی تاقانەی خانمێ
بەشی ٤
قەبرهەڵکەن قەبرێکی هەڵقەند و سەید عەبدوڵا کە هاوڕێی ماڵە دراوسیەکەی خانم و تاقانە بوو هات بۆ خوێندنی نوێژی مردوو و لە ئاپۆڕای بێکەسی و ئاوارەیی دا دوور لە زێدی باوک و باپیران خانم بە خاک ئەسپێردرا ، بە تاقانە و سەید عەبدوڵا و ناسکێ و ژن و مێردەکەی دراوسێیانەوە دوو ڕۆژ سەرەخۆشیان لە ماڵە میراتیەکەی خانم دانا تاقە یەک کەسیش چیە وەبگرە یەک لەو هەمووە هاوڕێیانەی تاقانە نەهاتن بۆ سەرەخۆشی و دڵ دانەوەی هاوڕێکەیان .
ئەمجا تاقانە هەستی پێکرد ئەو هاوڕێیانە تەنیا هاوڕێی خۆشیانن و لە بەر ماڵی دونیا لە دەوری تاقانە بوون ڕەفیقی تەنگانە و لێقەوماوی نین .
حەوتوویەک دوای کۆچی خانمێ ناسکێ بوخچە و شت و مەکەکانی خۆی پێچایەوە و بە تاقانەی گوت دوای خانم ئەویش جێی لێژ بوو و لەو ماڵە دەڕوات ، تاقانە دەستی کرد بە گریان و گوتی پێم خۆشە تۆ وەک خوشکی گەورە لێرە بمێنیەوە و ببی بە کەس و پشتیوانم هەتا ئەو کاتەی شوو دەکەی بۆ کوێ دەچی خۆ نە من کەسم هەیە نە تۆش .
ناسکێ گوتی من مەرجم هەیە بۆ مانەوەم ، تاقانە گوتی بە تەنیام بە جێ مەهێڵە هەر مەرجێکت هەبێت من لە سەر چاومی دادەنێم .
ناسکێ گوتی دەبێ واز لەو هاوڕێیانەت بێنی کە لە بەر ماڵی دونیا لە گەڵت بوون ، دەست بە کار و کاسبی بکەی ، شەوانە زوو بێیەوە ماڵ ، دەبێ وەسیەتی خانمێ بە جێ بێنی و بۆ داهاتوویەکی پڕ لە بەختەوەری هەوڵ بدەی .
تاقانە گوتی تۆ ببە بە دایک و خوشک دەستم بگرە ڕێگام نیشان بدە منیش بەڵێنت پێدەدەم برایەکی بە ئەمەک بم نەک تەنیا هەر بۆ داهاتووی خۆم بەڵکوو بۆ بەختەوەری تۆش بە گیان و دڵ هەوڵ دەدەم .
خوشک و برایەکی بە خوێن بێگانە و بە دڵ پشت و پەنا بە یەکەوە هەنگاویان بەرەو داهاتوویەکی نادیار هەڵێنایەوە ، بڵێی کایەی چارەنووس چی لە ناو چاوانیان نووسیبێت و تا چ ڕادەیەک لە تارانێکی گەورە بە بێ کەسی و بێ ئەزموون سەرکەوتوو دەبن ؟
ئاخۆ لە سەر بەڵێنی خۆیان دەمێننەوە و کەند و کۆسب و هەوراز و نشێوی ژیان ئەم دووانە بەرەو کامە ئاقار دەبات ، خانم کێ بوو و چۆن بە مناڵێکەوە زێدی خۆی بە جێ هێشت و لە تاران گۆڕ غەریب بوو ؟
خانم ئەو هەمووە سەروەت و سامانەی لە کوێ بوو و بۆ چی بێ مێرد بوو و ئەم پرسیارانە و سەدان پرسیاری دیکە لە درێژەی بەسەرهاتی خانم و تاقانەکەی دا بێ شک بێ وەڵام نامێننەوە .
تاقانە دوو کێلی جوانی بۆ دایکی بە چا کردن دا لە سەر یەکیان نووسرابوو دایک یانی خۆرێکی بە تین لە ساردترین ڕۆژی ژیان دا و سێبەرێکی فێنک لە قرچەی گەرما و تاکە فریاڕەس لە ڕۆژی تەنگانە ، دوای دانانی کێلەکان بۆ دایکە بێ کەس و گۆڕغەریبەکەی ئیتر هەموو ڕۆژێ بە بەردەوامی سەری دایکی دەدا و کوڵی دڵی بە ڕێژنەی فرمێسک بەتاڵ دەکرد هەتا تووشی خەمۆکیەکی قورس بوو .
ناسکێش زۆری زەخت بۆ نەدەهێنا چاوەڕێی هەلێکی گونجاو بوو دەیزانی کۆچی خانمێ باری ڕوحی تاقانەی زۆر خراب تێکداوە و ڕاهاتن لە گەڵ ئەو هەل و مەرجە پێویستی بە کاتە .
نزیک سێ مانگ بە سەر کۆچی دوایی خانم دا تێپەڕ بوو تاقانە تەنیا بۆ سەر دانی گۆڕی دایکی ڕۆژێ یەک دوو کاتژمێر لە ماڵ دەچووە دەرەوە ، ئەگینا لە ژوورەکەی خۆی لە سەر تەختەکەی ڕادەکشا و بۆ بێ کەسی خۆی دەگریا و ویژدانیشی تەنگی پێ هەڵچنیبوو چونکە هەتا دایکی لە ژیان دا مابوو بە جۆرەی پێویست لە گەڵی نەبوو .
ناسکێ دوای سێ مانگان ڕۆژێک وەخۆ کەوت ماڵی جوان خاوێن کردەوە و جلک و پێڵاو و شتەکانی خانمی لە ناو چەند کارتۆن و دەڵق پێچایەوە بۆ وەی لە بەر چاوی تاقانە نەبن و بە دیتنیان هەموو جارێ برینی نەکولێتەوە ، خواردنی ئامادە کرد و سفرەیەکی جوانی ڕازاندەوە و دوایی بانگی تاقانەی کرد : وەکاز ، وەکاز وەرە بە قوربان نان ئامادەیە !
تاقانە بۆ یەکەم جار لەو ماڵەی دا گوێی لەو ناوی ڕاستەقینەی خۆی بوو ئاخر ناسکێش لە زمانی خانمەوە هەر پێی دەگوت تاقانە ، لە ڕاستی دا تاقانە ناوی وەکاز بوو بەڵام خانم لە خۆشەویستی ناوی تاقانەی بە سەر دا بڕیبوو کاتێک خانم نەما تاقانەش نەما و لە گەڵ تەرمی خانمێ ئەو ناوەش نێژرا و تاقانە بوو بە وەکاز .
دوای نان خواردن وەکاز هەستی بە بۆشایی لە ناو ماڵەکە کرد زۆر شت کە هی دایکی بوو لە بەر چاو نەمابوون بەر لە وەی ئەو پرسیار بکات ناسکێ گوتی وەکاز گیان تازە خانم بە گریان و خەم و خەفەت خواردن ناگەڕێتەوە ، بۆ ئارامی ڕوحی وی دەبێ ئەو ڕاستیە قبووڵ بکەی خۆ بڕیار نیە دوای کۆچی وی پاشماوەی تەمەنت خۆت لە ژوورێ دا حەبس بکەی ؟
ئەمجا ئەم سامانە کانی نیە قەت وشک نەکا تۆ دەبێ کار بکەی ژیان بەردەوامە ، کەس دوای کەس نامرێت ، بۆ ئاگاداریت ئەو شت و مەکانەی خانمیشم کۆ کردووەتەوە بەیانی بە یەکەوە دەچین دەیکەینە خێری خۆی .
✍ماری موکریانی
#تاقانەی_خانمێ
کابان | KABA
ڕۆمانی تاقانەی خانمێ
بەشی ۳
خانم ماڵئاوایی لە ژیانی پڕ لە نەهامەتی کرد و تاقانەکەی بە تەنیا و بێ کەس مایەوە ، تاقانەیەکی نازدار و بێ ئەزموون کە هەرگیز لە گەڵ سارد و گەرمی ڕۆژگار ململانەی نەکردبوو و بەرەنگار نەببوو و لە وەتی چاوی پشکوتووە لە ناز و نیعمەت دا خۆی دیتووە و کاردار و کارەکەر و خزمەتکاریان هەبووە .
لە ناو کۆشکێکی شاهانە دا ژیاوە و باشترین ناوماڵ و جل و پێداویستی لە ئیختیار دا بووە ، کاتێک کە هاوتەمەنەکانی حەسڕەتی سوار بوونی پایسکلێکیان هەبوو ئەو باشترین ترۆمبێلی لە ژێر پێی دابووە .
بەڵام داخی گرانم وێڕای ئەو هەمووە سەروەت و سامانە و دایکێکی دڵسۆز و مێهرەبان تاقانە هەستی بە بەختەوەری نەدەکرد و هەر لە تەمەنی مێرمناڵی دا دەستی کرد بە کاری خراب و هاموشۆی هاوڕێی خرابی دەکرد .
تەنیا کاتێک دەهاتەوە ماڵ کە پێویستی بە پارە بوایە یان بۆ جل و بەرگ گۆڕین ، خانم وەک چۆن پەپوولە لە دەوری مۆم دەسوڕێ ئاوا لە دووری تاقانە دەسوڕا بە دەنگی هەر لە دەرگا دانێک و بە زرینگەی دەنگی هەر تەلەفۆنێک خورپە دەکەوتە دڵی وایدەزانی تاقانەیە ، کاتێک گوێبیستی هەواڵێک دەبوو کوڕێکیان دەسبەسەر کردووە یان کەسێک کوژراوە دڵی وەک هەوری بەهار دەیگرماند و بارانی فرمێسک بە چاوەکانی دا دەهاتە خوار .
خانم زۆری هەوڵ دا کوڕەکەی لەو شێوە ژیانەی گرتوویەتە بەر دوور بکاتەوە بە هەموو شێوەیەک لە گەڵی دوا بە خۆشی و نەرمی بە توڕەیی و هەڕەشە بە گریان و سەر و پرچ و ڕوومەتی خۆی ڕنینەوە بە خێر و خێرات بە یارمەتی دان و دەست گرتنی فەقیر و هەژاران بەڵام هەموو هەوڵی بێ سوود و بێ ئاکام بوو .
خانم لە ناخی خۆی دا دەیزانی خۆی تاوانبارە و لە پەروەردەی تاقانە دا هەڵەی کردووە ، دەبوو تا ڕادەیەک فێرە بەرپرسیاتیەتی کردبا دەبوو وای لێڕاهێنابا بتوانێ لە سەر پێی خۆی ڕاوەستێ و متمانەی بە خۆی بێت ، دەبوو زیادتری کات بۆ دانابا و باسی چاک و خرابی ژیانی بۆ کردبا فێرە کار و کاسبی کردبا .
خانم زۆری کەند و کۆسبی ژیان دیت زۆری هەوراز و نشێو تێپەڕ کرد باری قورسی ژیان هەر لە تەمەنی مناڵیەوە بە تەنیایی بێ یار و یاوەر و بێ کەس و کار و پشتیوانێک کەوتبووە سەر شانی خۆی ، نەیدەویست تاقانەش وەک وی پشتی لە ژێر قەمچی قورسی ژیان دا بچەمێتەوە پێی خۆش بوو دڕک لە چاوی خۆی ڕابچێت لە لاقی تاقانە ڕانەچێ .
بە لێکدانەوەی خۆی داینابوو جێی باوک و بۆشایی هەموو کەس و کاری بۆ پڕ بکاتەوە ، دڵسۆزی لە ڕادە بەدەری خۆی تاقانەی دەستەوستان و بێ دەسەڵات کردبوو .
زۆر جار دەیگوت خۆزگە تەمەن بگەڕاباوە دواوە ئەمجا دەمزانی تاقانە چۆن پەروەردە بکەم بەڵام داری خۆزگە و بریا هەمیشە بێ بەرە نە خانم تازە لەم کۆچە هەتاهەتاییە دەگەڕێتەوە و نە تاقانە سەر لە نوێ مناڵ دەبێتەوە بۆ پەروەردەی دووبارە .
ناسکێ ئەو شەوە وەک خوشکێکی گەورە و دڵسۆز هەڵگری ئەم بارە قورسە بوو بۆ ساتێکیش تاقانەی بە تەنیا بە جێ نەهێشت ، بە تکا و ڕجا هێنایە سەر سفرە و شێویان بە یەکەوە خوارد و زۆری هاوخەمی خۆی دەربڕی و گوتی خانمە خاتوون هەر دایکی تۆ نەبوو جێی خوشک و دایکی بۆ منیش گرتبۆوە و بە ماڵئاوایی پشتی منیشی شکاند .
یەکەم شەوی بێ دایکیش بە هەموو تاسە و خەم و ئازارەکانیەوە تێپەڕ بوو ، بەیانی دوای خواردنی بەرچایی تاقانە و ناسکێ بەرەو نەخوشخانە کەوتنە ڕێ بۆ وەرگرتنەوەی تەرمی خۆشەویستەکەیان .
دوای هێندێک کاری یاسایی تەرمەکەیان بۆ هێنانەوە ماڵ و ناسک قۆڵی لێ هەڵماڵی و بۆ خۆی خانمی شوشت و ژنێکی دراوسێیان مێردەکەی نارد بۆ بازاڕ قوماشێکی سپیان بۆ کڕی و دروویان و خانم لە کفن وەرپێچرایەوە .
تاقانە بە گریان و بێ دەسەڵاتیەوە گوتی من هیچ لەو شتانە نازانم تکاتان لێدەکەم گوێ مەدەنە پارە ئەوەی پێویستە بۆ ناشتنی دایکم بیکەن .
✍ ماری موکریانی
#تاقانەی_خانمێ
کابان | KABA
ڕۆمانی تاقانەی خانمێ
بەشی ۲
بەرە بەری بەیانی بوو ئەستێرەی کاروان کوژە دەدرەوشایەوە و خەریکی کاروان بەرێ کردن بوو ، لە گەڵ هەڵاتنی خۆر هەواڵی لە هەناسە وەستانی کەسێکی دی دا بە سۆزی بای بەیانی و بە سرووشتدا بڵاوی کردەوە.
تاقانە بە چاوە شەڵاڵی فرمێسکەکانیەوە بۆ دوا جار لە رووخساری تاقە فریشتەکەی ژیانی ڕوانی و دەست و لاق و دەم و چاوە سارد و زەردەکانی ماچ کرد و ئامێرەکەی کوژاندەوە .
ئیتر دڵی خانم بۆ هەتا هەتایە لە وەستان کەوت و تاقانە بە تەنیا مایەوە ، بەر لە وەی لە ژوورەکە بچێتە دەر گوتی
دایە گیان ، تاقانە فریشتەکەم دەزانم لە پێناو من دا هەموو تەمەن و ماڵت دانا ، دەزانم شەوانە شەو و شەونخونیت کێشا و لە گەڵ هەر ئاخێکم ژانێک لە دڵت وەستا ، هەمووم لە بەرچاوە کە چۆن هەتا ئێستاکەت هێناوە .
دیتت پێگەیشتووم بەڵام لە بەر چاوت هەر مناڵە پێنج شەش ساڵانەکەی جاران بووم کە دەتخستمە سەر شان و دەتبردم بۆ قوتابخانە ، هەر ئەو مناڵەی گڕووم لە شتێک دەگرت و هەتا بۆت نەکڕیبام نەدەحەسایەوە .
ئەوانەم لە یادە بەڵام هیچیان نابن بە دڵۆپێک لەو دەریای خۆشەویستی کە پێت داوم ، هەتا ئێستاش لە گەڵ هەناسەی تۆ مابووم .
خانمە خۆشەویستەکەی تەمەنم ئەگەر نەمتوانی هەموو هیواکانت بەدەست بێنم ئی سپڵەییم نەبوو ، زۆرم هەوڵدا و هێندێک جار رێگەم هەڵە بوو و بە کام نەگەیشتم و هێندێک جاریش بەخت دەستی نەدایە دەستم بە بێ بیر لێکردنەوە وزۆر نەزانانە بەرزەفڕ بووم بە تەما بووم ڕێگای سەد ساڵە بە شەوێک ببڕم لە پڕێک ببم بە کوڕێک هەر ئەوانە بوون کە لە خۆشم بێگانەیان کردم.
ئەوەش دەزانم گیانی گیانم دەتەویست دڵخۆش و بەختیار بم ، منیش دەمەویست وابم دەمهەویست بە زووترین کات ئەو هەمووە لە خۆبووردەیی و ماندوو بوونەوەت بۆ قەرەبوو بکەمەوە و هێندێک جار خۆم بە بەختیار و دڵخۆشیش زانی بەڵام خۆشت دەزانی بەداخەوە ماوەیان کورت بوو .
تاوانم ئەوە بوو ، لە هەموو تاوانانیش گەورەتر کە هەستم نەکرد چەند هەست بە تەنیایی دەکەی ، بمبوورە بۆ وەی دڵەکەت نارەحەت نەکەم هێندێک جاران لە گوتنی راستیەکان لام دەدا و لە ناخمدا دڵخۆش دەبووم کە ئەگەر بە درۆکانیشم بێت جار جار بزەم دەخستە سەر لێوەکانت و بە دڵخۆشیم دەدیتی .
ڕاستە لە لات نەبووم بەڵام سوێندم بە خۆشەویستی بێ سنوورت هیچکات لە دڵم دوور نەکەوتوویەتەوە چوونکە منیش لە تۆ زیاتر کەسم نەبووە و نیە .
بۆ کوێ و بۆ کێ بە جێت هێشتم خانم و مەلەکەکەی دڵی سووتاو و بێقەرارم ؟ بەڵێن بێ منیش دوای تۆ نەژیم ژیان بە بێ تۆ لە مردن ناخۆشترە .
لە گەڵ خۆی ساغ ببۆوە دوای ناشتنی خانم هەر چی سامانی هەیانە لە ناو هەژاران دابەشی بکات و دوایی کۆتایی بە ژیانی خۆی بێنێت .
دوای وەی خانم بردرا بۆ ساردخانە تاقانە بە هەنگاوی شل و پشتی چەماو و دڵی شکاو بەرەو کۆشکە خۆشەکەیان کە لە لای لالەزار بوو و تەنیا ماڵە ساماندارەکان لە وێ دەژیان وەڕێ کەوت ، سواری باشترین تڕۆمبێل بوو کە خەون و ئاواتی زۆر کەس بوو کە تەنانەت ئەگەر بۆ جارێکیش بێت سواری ترومبێلێکی ئەو توێ بێت و بە تیژی تێپەڕی .
کاتێک گەیشتەوە هەواڵی کۆچی دایکی دا بە ناسکێ کە قەیرەکچێکی نەخوێندەوار بوو و چەندەها ساڵە لە ماڵی خانم کار دەکات .
لە پەیژە مەڕمەڕەکان چووە سەر و یەکسەر چووە ژووری دایکی و خۆی بە سەر تەختی دایکی کێشا بۆنی بەهەشتی لێدەهات سەرینەکەی لە باوەش گرت و وەک مناڵی ساوا بۆ باوەشی دایکی دەگریا ، بە هەنیسک و گریانەوە ماندوو و شەکەت وردە وردە پۆلووی چاوی قورس بوون و خەو بە سەری دا زاڵ بوو .
خەونی بە دایکیەوە دیت بە جلێکی سپی جوانەوە لە بەر دەرگا ڕاوەستابوو بانگی کرد گوتی ڕۆڵەکەم گلێنەی چاوم لە ڕۆیشتنی من زوێر و دڵتەنگ مەبە ئەوە ڕێگایەکە لە پێش هەموومانە دڵنیا بە گەر تۆ بەختەوەر بی من نەک تەنیا جارێک ڕۆژێ هەزاران جار گیانم فیدا دەکەم بۆ ساتێک خۆشبەختیت و لەو سەفەرەم پەژیوان نیم ، جا کەسی دایە نەکەی فکری بێ جێ بکەیەوە بیسەلمێنە پیاوی و لە سەر پێی خۆت دەتوانی ڕاوەستی بە پێکەنینەوە گوتی من جار جار دێمەوە چاوم لە سەرتە ئەگەر دڵم بشکێنی ئەمجا لێت خۆش نابم .
لە پڕ خەبەری بۆوە وای هەست پێکرد بە ڕاستی خانم قسەی لە گەڵ کردووە چەند ساڵ دوای کۆچی دایکی بە دڵنیایەوە دەیگوت خەون نەبوو دایکم ڕاوەستابوو من چاوم کرابۆوە بە هەر دووک چاوی خۆم دیتم هەتا بەڵێنم پێی نەدا بە جێی نەهێشتم ، دەیگوت وەک ئەو چیرۆکەم هاتە بەر چاو کە کوڕێک دڵی دایکی بۆ مەعشووقەکەی دەرهێنا لە ڕێگا کوڕەکە لاقی تێکهاڵاوە و خەریک بووە بەربێتەوە کە چی دڵی دایکی وە قسە هاتووە گوتوویەتی کوڕم ئاگات لە خۆت بێت بەر نەبیەوە !
✍ ماری موکریانی
#تاقانەی_خانمێ
کابان | KABAN
تاقانەی خانمێ
بەشی ۱
خانم لە سەر تەختی نەخۆشخانەی سینا لە تاران درێژ کرابوو دوو حەوتوو بوو مێشکی لە کار کەوتبوو دوکتورە بە ئەزموون و بە ناوبانگەکەی ئەو بەشە کیسەیەک خوێنی لە دەستی ڕاستی هەڵاوەسیبوو و دەستەکەی دیکەشی سێڕۆمی پێوە بوو ، هێندێک وایەر لە بن کراسە سپێکەی نەخۆشخانەی بە سینگ و بەرۆکیەوە هاتبوون بە ئامێرێکەوە وەسڵ کرابوون دەمبەندێکیش لە لووت و دەمیەوە ڕاکێشرابوو بۆ دەزگایەکی دیکە کە دەبوو بە هۆی هەناسە دانی دڵە پڕ لە تاسە و ئاواتەکەی خانمێ بۆ تاقانەکەی .
تاقانە بە چاوە سوورەکانی چاوی لە زولفی سپی و گنج و لۆچەکانی ناوچاوان و ڕوومەتی خانمێ دەکرد و یەک بە یەک هەناسە دەسکردەکانی دەژمارد و هەودای بیر و خەیاڵی وەک ماشەری تێک هاڵابوون ، دوکتور دوای لە درگا دان هاتە ژوور و دەستی لە سەر شانی تاقانە دانا و گوتی بە داخەوە هەوڵی من و هاوکارەکانمان بێ ئاکام بوو و چونکە تۆ تەنیا کەس و کاری نەخۆشی چاوەڕێی بڕیاری تۆین بۆ وەی ئەو ئامێرە بکوژێنینەوە ، تاقانە دڵی زۆر خێراتر لە پێشوو لێیدەدا چاوەکانی قەتیس مابوون زمانی لاڵ ببوو مێشکی کاری نەدەکرد بڕوای نەدەکرد تاکە پشت و پەناکەی کە هەمیشە لەمپەرێکی بە هێز و توانا بوو بە تەنیای بە جێ بهێڵێ .
بە بێ هیچ وشەیەک چاوی لە چاوی دوکتور بڕیبوو و بە بە بێ دەنگی و لە ناخی دڵە خەمبارەکەیەوە لە خوا دەپاڕایەوە و داوای ژیانی دووبارەی بۆ خانمێ دەکرد ، دوکتور بە بەردەوامی قسەی دەکرد بەڵام تاقانە گوێی لە هیچ نەدەبوو وەک خانمی دایکی تەنیا هەناسەی دەدا جیاوازیەکەی هەر ئەوەندە بوو هەناسەی دایکی دەسکرد بوو .
ماوەیەکی پێچوو هەتا تاقانە هێزی قسە کردنی هاتەوە بەر و بە گریانەوە داوای لە دوکتور کرد هەتا بەیانی دەست ڕاگرن گوتی ئەگەر هەر وا بوو بەیانی بە دەستی خۆم ئامێرەکە دەکوژێنمەوە ، تکات لێدەکەم ئاغای دوکتور لەو ئاخیرانە دا دایکم زۆر بە ئاوات بوو شەوێک لە گەڵی دانیشم بە هیچکام لە ئاواتەکانی نەگەییشت با تەنیا ئەم ئاواتەی نەباتە ژێر گڵ .
دوکتور توند تاقانەی لە باوەش گرت و بەڵێنی پێدا کەس کۆتا شەوی خانم و تاقانەی تێک نەدا و پێی گوت ئەگەر پێویستت بە شتێک بوو بە پەرەستارەکان بڵێ سەری داخست و بە بێ دەنگی بە هەنگاوە قورسەکانی لە ژوورەکە وەدەرکەوت .
تاقانەی سەر لێشێواو نەیدەزانی بۆ تەنیایی و بێ کەسی خۆی بگرێت یان بۆ ئەو هەمووە حەسرەتەی دایکی لە گەڵ خۆی دەیباتە ژێر گڵ ، بۆ وەفای دایکی فرمێسک هەڵوەرێنێت یان بۆ سپڵەیی خۆی .
نەیدەزانی خانم دایکێکی باش بوو یان تاوانی وی بوو کە تاقانە نەیتوانیبوو لە سەر پێی خۆی ڕاوەستێ و بڕوا و متمانەی بە خۆی هەبێت ، جارێک ڕقی لە دایکی بوو و هاواری دەکرد دەیگوت درۆت لە گەڵ کردم تۆ بەڵێنت پێدابووم قەت بە جێم نەهێڵی جاریش هەبوو بە گریانەوە دەستی خانمی دەگرت و ماچی دەکرد و دەیگوت بمبوورە دایە گیان کوڕێکی سپڵە و پێنەزان بووم .
ئەم شەوە بە درێژایی شەوی یەڵدا درێژ بوو بۆ وە بیر هاتنەوەی تاک بە تاکی پەند و ئامۆژگاری و بیرەوەریە خۆش و ناخۆشەکانی لە گەڵ دایکی هەیبوو هاوکات کورتترین چرکەساتی تەمەنی بوو چونکە دەیزانی بەیانی کاتی ماڵئاواییە لە گەڵ تاقە قەڵا و پشتیوانی ژیانی ئای لەم شەوە وەیشوومەیە...
تاقانە هەرگیز بە دەنگی بەرز لە گەڵ خانم نەدوابوو ڕێزێکی تایبەتی بۆی هەبوو بەڵام هەمیشە خۆی دەپاراست لە هەڵسوکەوتێک کە بە دڵی وی بوایە ، خانم هەناسەی بە هەناسەی تاقانەکەیەوە گرێ درابوو هەموو خۆشی دونیای لە زەردە خەندەیەکی سەر لێوی تاقانە دا دەدیت حەزی دەکرد بەر لە کۆچی بەختەوەری تاقانەیی بە چاوی خۆی ببینێ بەڵام هەر وەک لە قەدیمەوە گوتراوە بەداخەوە تەقدیر و تەکبیر لێک دوورن .
ئەو شتانەی لە لای خانمێ بەختەوەری بوون تاقانەی دڵخۆش نەدەکرد ئایا خانم بە وتەی گەنجی ئەم سەردەمە بە مێشکی کۆن بیری دەکردەوە یان تاقانە کوڕێکی گوێڕایەڵ نەبوو ، تۆ بڵێی دایک هەبێ بەختەوەری مناڵەکەی بۆ لە هەموو شتێک گرینگتر نەبێت ئەویش خانمی هەناسەساردی بێ کەس کە لە تاقانە وەتر هیچ کەسی نەبوو و بێکەس و تەنیا لە تارانێ بە غەریبی ئەو کوڕەی لە ناز و نیعمەت دا گەورە کردبوو .
ئایا تاوانی خانم بوو کە بە بێ هیچ چاوەڕوانێک هەموو ژیان و سامانی لە ژێر دەستی تاقانەی نابوو و نەیهێشت نەبوونی و هەژاری ببێنێ یان تاوانی بێ باوکی بوو ؟
ئەو شەوە بە شیوەن و گریان و پاڕانەوەی تاقانە تێپەڕی زۆری بەڵێن دا ئەگەر دایکی چاوەکانی دووبارە هەڵبێنێ هەرگیز بێ دڵی ناکات دەبێتە جێی شانازی بۆی واز لە هەموو کردەوە خرابەکانی و تەنانەت واز لە هاوڕێ خرابەکانیشی دێنێت تازە هیچ شەوێک بە تەنیای بە جێ ناهێڵێت ، بەڵام تازە درەنگ بوو و ئەو بەڵێنانە دایکی لە چەنگی مردن ڕزگار نەدەکرد خانم دڵی لە دونیا بڕیبوو و بەرەو دونیایەکی دیکە دەفڕی .
کەڵکی نەبوو دایە ڕۆیی
تازە ئەوەی ڕۆیی، ڕۆیی
✍ ماری موکریانی
#تاقانەی_خانمێ
کابان | KABAN
🖊 یادداشت: دوکتۆر ئه‌حمه‌د ئه‌حمه‌دیان
🔴 ساڵی نوێ و هەواڵی دامەزرانی بنکەیەکی نوێ
له‌م لینکه‌دا بیخوێنه‌وه
👇
📎 http://www.haje.ir/Newsdetails.aspx?itemid=21878
@HajeNews
بەسەرهاتێکی ...
بیرمە کاتێک 12 ساڵم بوو دەیانگوت کە فڵان کچ خراب بووە و ئیی تر بەکار نایا ..
سەرەتا نەمدەزانی یانێ چی، کە ئەڵێن ئەو کچەیان خراپ کردووە .
بۆم جێگای پرسیار بوو کە کچێک کە خراپ دەبێ یانێ چی ؟ چی لێ دێت؟
چۆن ئەبێت کچێک خراپ ببێت؟
تا تۆزێک گەورەتر بووم زانیم کە مەبەستیان ئەوەیە کە پێش زەماوەند پێوەندیی سـ... هەبووە.
دیسان پرسیارم بۆ دروست بوو کە ئەگەر پێوەندیی سـ... پێش زەماوەند خراپە بۆچی هەر کچەکە خراپ دەبێ ؟
ئەی کــــــــــــــوڕ ؟
بۆچی کوڕەکە خراپ نابێت ؟
بۆیە کاتێک گەیشتمە تەمەنی 18 بۆ 20 ساڵ بیروباوەڕم وا بوو کە دەبێ لەگەڵ کچێک ببمە دۆست و ڕەفێق کە پێش من هیچ پیوەندییەکی نەبێت لەگەڵ کوڕ.
بەڵام دیسان ئەو پرسەم بۆ دروست بوو ئەی من کە وا بیر ئەکەمەوە ئەو کچە دوای من چی بکات ؟
چون ئەویش دوای من ئەبێتە کچێک کە پێوەندی بووە لەگەڵ کوڕ ....
ئەو پرسیارانە زۆر مێشکی منی سەرقاڵ کرد ......
گەورەتر بووم چووم بۆ زانکۆ لە زانکۆ لەگەڵ کوڕێک ڕەفێق بووم ، جاروبار لەگەڵ یەک ئەچووین بۆ پیاسەکردن زۆر بەینم لەگەڵیدا خۆش بوو، کوڕێک زانا و زیرەک بوو ، ڕۆژێک لە ڕۆژان حاڵ و ئەحواڵی پەرێشان بوو وتم چییە بۆ وای؟ وتی تا ئێستا عاشق بووی ؟
تۆزێک چاوم لە چاوی کرد و بێدەنگــــ بووم
وتم چی بووە ئێستا؟
بۆ ئەوە ئەپرسی؟
تۆزێک بێدەنگ بوو و پۆکێکی له جێگەرەکەی دا و وتی
من ئەڵێم پیربوونی پیاو...!
لە ئەستۆی خانمێڪی بێوەفایه ....
دیسان پۆکێکی تر لە جگەرەکەی دا و فووی کرد ناو چاو مندا و وتی
دەرد ئەوەیە دڵمان بە هەرکەسێک خۆش کرد، ڕۆژگارمانی ڕەش کرد
وتم بەڵێ بەڵێ .....جارێک تۆ دڵت بەو جگەرە خۆش کردووە کە خەریکە ڕییەکانت ڕەش دەکاتەوە
چی بووە بۆ قسە ناکەی ؟
پێم بڵێ با کێشەکەت چارەسەر بکەین ...
وتی واز بێنە کیاڕەش تۆ لە حاڵی من نازانی چۆن دەتهەوێ چارەسەری کەی ؟
کەسێک دەبێ کێشەی من چارەسەر کات کە خۆی عاشق بێت
تا دەرک بکات چی ئەڵێم
دیاکۆ چی بووە؟ بۆ قسە ناکەی؟ لێت تێ ناگەم ئەم قسانە چییە ؟ ڕێک بڵێ چی بووە کاکە ئیتر پێچ لە قسەکانت مەدە
دیـــاکۆ : تەمەنم 20 ساڵ بوو عاشق کچێک بووم بەناوی مریــــەم
لەگەڵ مریەم بۆ ماوەی 6 مانگ ڕەفێق بووم وتم دێمە داوات
لەگەڵ دایکم قسەم کرد وتم مریەم کچێکی باشە ئەیناسم دایە با بچینە داوای
چووینە داوای مریەم .. بەڵام نازانم کام خوانەناس بوو چوو لای مامە عەلی (باوکی مریەم) وتی ئەمانە پێکەوە ڕەفێق بوونە و مامە عەلییش هەر ڕێگای نەدا بچین بۆ ماڵیان
بەڵام من هەر مریەمم خۆش دەویست .........
باوکی تەنانەت ئیجازەی نەدەدا لەگەڵ ڕەفێقەکانی بچێت بۆ بازاڕ ، ئەو کچە لە ماڵ زیندانی بوو ئاوا بڵێم
تا ئێستا لەگەڵ کوڕێگی بێگانە حەتا سڵاوعەلەیکێکی نەبوو تا کوڕانی ئەم کۆمەڵگەیە بناسێت
تا بزانێت ئەگەر هەر کوڕێک وتی چاوەکانت زۆر جوانن لێوت وەک گوڵخونچەیە چوار جار خۆی بکاتە قوربانی، ئیتر باوەڕی پێ نەکات .
دەی دەی تا من قەبووڵ بووم چوومە زانکۆ مریەمیش قەبووڵ بوو چوو بۆ زانکۆ
مریەم زانکۆی ئیسفەهان قەبووڵ بوو منیش زانکۆی ئیسفەهان.
ڕۆژێک مەریەمم دی و دانیشتین پێکەوە قسەمان کرد
مەریەم دەستی کرد بە قسە کردن
دیاکۆ باشی؟ بیرتە ئاخر جارێک کە حەواڵتم پرسی 4 ساڵ لەمەوبەر بوو ؟ نازانم چە کەسێ جەفای کرد لە حەقی ئێمە ؟
من دوای ئەوە کە هاتم بۆ زانکۆ ، کوڕێکی ئیسفەهانی یواش یواش خۆی نزیک کردەوە لێم
هەر ڕۆژ نامەی عاشقانەی بۆم ئەنارد ، جار جار دایکی دەهات زانکۆ نانی ئەهاورد بۆم
دایکی چن جار منی بانگ کرد بۆ ماڵیان منیش چووم .
من تەواو باوەڕم کرد بە ئەمیر کە قەسدێکی خراپی نییە
1
👇👇
ڕۆمانی تاقانەی خانمێ
بەشی ٨
بەڵێ هەر یەکەو بە خەیاڵێکەوە ئەو شەوەیان تێپەڕ کرد ، کاک قادر بیری دەکردەوە ئەگەر ناسکێ مێردی پێ نەکات چۆن لەو ماڵە بمێنیەتەوە چۆنی سەر هەڵبێ چاو لە چاوی ناسکێ بکات و لە گەڵی لە سەر سفرەیەک دابنیشێ ، لە هەمووی ناخۆشتر چۆن بەرگەی بێ مەیلی ناسکێ بگرێت ئاخر زۆر پیس گیرۆدەی بووە .
وەکازیش ترسی وەی هاتبۆیە بە هاوسەرگیری ناسکێ و کاک قادر ئەو بنەماڵە خنجیلانە لێک دابڕێن بەڵام دوای ئەو هەمووە وەفا و دڵسۆزییەی دەرحەقی کرابوو بەختەوەری ناسکێ لە سەرووی هەموو شت بوو و بۆی لە بەرژەوەندی خۆی گرینگتر بوو .
سوور دەیزانی ناسکێ و کاک قادر دەتوانن پێکەوە بەختەوەر بن و بناغەی ژیانێکی پڕ لە شادی و تەبایی بە یەکەوە دابنێن .
هەر دووکیان ساردی و گەرمی ڕۆژگاریان زۆر دیتووە و ئەزموونی تاڵی بێ کەسی و بێ پشتیوانیان چێشتووە بۆیە دەتوانن ببن بە کەس و کار و پشتیوان و خەمخۆری یەکتر .
بەیانی کە وەکاز لە ژوورەکەی هاتە دەر چاوەڕێ بوو وەک هەمیشە دادە ناسکێ بە بزەی سەر لێو و دڵسۆزانە پێشوازی لێ بکات و بە یەکەوە بەرچایی بخۆن و دوایە بە دوعای خێری وی بە دڵێکی پڕ لە هیواوە ماڵئاوایی بکات و بەرەو دووکانەکەی لە ماڵ بێتە دەر .
زۆر چاوەڕوان بوو چەند جار چووە حەوشەکە و هاتەوە ژوور ، درگاکانی توند پێک دا دەدا بۆ وەی ئەگەر دادە ناسکێ لە خەو دا مابێ وەخەبەر بێت بەڵام بێ سوود بوو .
ناعیلاج دیسان بە دەستەوستانی و دڵەڕاوکێ پەنای بۆ کاک قادر برد بەڵکوو ئەو ڕێگایەکی پێ شک بێت بۆ ئاسایی کردنی دۆخەکە .
کاک قادر نە بای پێدا هاتبوو نە باران وە بگرە بەو کارەی ناسکێ نەک هەر بێ سحەت نەبوو بەڵکوو دڵیشی پێ خۆش بوو و بزە لە سەر لێوی لا نەدەچوو ، وەکاز بە سەرسوڕمانەوە چاوی لە هێمنی و بزەی سەر لێوی کاک قادر بڕیبوو لە داخان چەقوویان لێدابا خوێنی لێنەدەهات .
ئاخیری بە دڵی خۆی نەوەستا و گوتی کاک قادر بۆ خاتر خودای چی بکەم دەترسێم بڕۆمە دووکان و هەتا دێمەوە دادە ناسکێ بارگەی تێکنابێ و لێرە ڕۆیشتبێ ، کاک قادر گوتی بە بێ خەم بڕۆ وە دوای کار و باری خۆت بکەوە دڵنیام ناسکێ نە تۆ بەجێ دەهێڵێ نە من .
وەکاز پرسی بۆ قسەت لە گەڵ کردووە وا دڵنیایی ؟ کاک قادر لە وەڵام دا گوتی نەخێر بەڵام دڵنیام ناڕوات ، وەکاز گوتی ئەدی ئەگەر قسەت لە گەڵ نەکردووە چۆن وا دڵنیایی لە نەڕۆیشتنی ؟
کاک قادر گوتی ئاغا گیان ئەگەر ناسکێ بەو داوایە ناڕازی با هەر ئەو دەم کە پێت دەگوت دەیگوت بەردێکی حەوت پووتی لە سەر ئەو قسەیە دابنێ من مێردی پێناکەم .
وەکاز گوتی ئەدی ئەگەر مەبەستی ڕۆیشتن و تۆران نەبێ و ئەگەر قایلە بە وەی مێرد بە تۆ بکات ، بۆ لەو کاتەوە ئەو قسەیەی بیستووە نامدوێنێ ، بۆ شەوێ زووتر لە هەمیشە چۆوە ژوورەکەی خۆی ، بۆ بەیانی وەک ڕۆژان هەڵنەستا نان و چا بە یەکەوە بخۆین ، بۆ خۆی لە ژوورێ دا حەبس کردووە ؟
کاک قادر گوتی ناسکێ کچێکی هەرزەکار و نەزان نیە دەسبەجێ وەڵام بداتەوە بێ شک لە لای خۆی هەڵسەنگاندنی بۆ دەکا ، نایهەوێ کارێک بکات ئاکامی پەشیمانی بێ ، دوای وەش با لە ویش کەم تەمەنتر بی شەرمت لێدەکا .
بەداخەوە ژنێکی سەر سپیمان لە ماڵێ دا نیە ڕێ پێشاندەرمان بێت چونکە ژن زمانی یەکتر باشتر دەزانن و شەرم لێک ناکەن ، تۆ گەنج و بێ ئەزموونی و منی مارانگاز و بێ کەسیش هەر ئەوەندەی لێدەزانم ، هەر چۆنێکی بێ دەبێ دان بە جەرگمان دابگرین و سەبرمان هەبێ بزانین چۆن دەبێ .
بەڵام تۆ بە بێ خەمی بڕۆ دووکانەکەت من ئەمڕۆ هەر چۆنێکی بێ قسەی لە گەڵ دەکەم ، خەمی ناسکێت نەبێ ئەگەر پێی خۆش نەبێ مێرد بە من بکا و دەستی ڕەتم بە سینگیەوە بنێ ئەوە منم لەو ماڵەی دەڕۆم نەک ناسکێ .
من نەهاتوومە هێمنی ماڵتان بشێوێنم و هێللانەتان لێ تێک بدەم ، هیچ کار و هەڵوێستێکی خراب و دژە مرۆییمان نەکردووە ، خوازبێنیەک کراوە بە پێی کلتور و داب و نەریتی باب و باپیرانمان جا یان دەبێ یان نابێ .
وەکاز گوتی نانا تکات لێدەکەم کاک قادر وا مەڵێ ، نابێ بەجێمان بهێڵی تۆش لەو ڕۆژەوە پێت نا ناو ژیان و ماڵی ئێمە بووی بە ئەندامی ئەو بنەماڵەیە .
ئێمە تازە وەک سێ کوچکەی ئاگر واین بە نەبوونی یەکمان ژیانمان لاسەنگ دەبێ ، شتی وا نابێ دەبێ بە سەبر و لە خۆبوردەیی چارەسەرێک بۆ ئەوکێشەیە بدۆزینەوە ، تۆ نەک تەنیا بووی بە هۆی گەشانەوەی گوڵ و داری ناو حەوشەکەمان بەڵکوو بووی بە گەورەترین لەمپەر بۆ ژیانی من ، بووی بەو باب و برایە کە هەمیشە ئاواتم بوو .
ئیتر کاک قادر بە زۆری وەکازی بەرەو کارەکەی بەڕێ کرد و دوایە بۆ خۆی هەر لە حەوشەکە دەهات و دەچوو دەستی بۆ ئاو دانی گوڵ و دارەکانیش نەدەچوو ، کات بە بێ ناسکێ دژوار تێدەپەڕی بەڵام چار نەبوو دەبوو بۆ گەیشتن بەو ئاواتە خۆڕاگر بێت
✍ ماری موکریانی
#تاقانەی_خانمێ
کابان | KABAN
⚫️ژنە نیاندەرتاڵەکەی شانەدەر قسە بۆ خەڵکی کوردستان دەکات
ئەو ژنەی ٧٥ هەزار ساڵ پێش ئێستا لە ئەشكەوتی شانەدەر ژیاوە لەڕێگەی زیرەكی دەستكردەوە
قسەدەكات و باسی ژیانی خۆی دەكات
س؛هەواڵ
KABAN
کورتەیەک لەسەر ژیان و بەرهەمەکانی هونەرمەندی کۆچ کردوو مەرزیە فەریقی
سەرچاوە زانیاری و پێداچوونەوەی دڵنیا رەزاری
تۆمار و خوێندنەوەی موشتاق فەیزیابی
دیزاینەر و پێشکەشکار تەکنیکی دیاکۆ گەرمیانی.
ساسان سەمەدی هاوکاری لە ئامادەکردنی موسیقا
کابان | KABAN
ڕۆمانی تاقانەی خانمێ
بەشی ٦
کاک قادر لە گەڵ خۆی گەرم و گوڕێکی تایبەتی خستبووە ناو ژیانی وەکاز و ناسکێ وێڕای کاری باغەوانی لە کڕینی پێداویستی ڕۆژانە یارمەتی ناسکێی دەدا ، وای لێهات لای ئێواران لە دوای کار و بارەکانی کە ماڵئاوایی دەکرد بێدەنگی و ساردێکی چاوەڕوان نەکراو دەبوو بە میوانی ماڵیان و ناسکێ زۆر مات دەبوو.
وەکاز هەستی بە مات و بێ تاقەتی ناسکێ دەکرد ، شەوێک گوتی وام پێ باشە کاک قادر بێت لەو ژوورەی ئەو سەری حەوشەکەمان دا بژێت بۆ ئێمەش دەبێتە ئاودەنگی و بۆ خۆشی لە کرێ خانوو ڕزگاری دەبێت .
ناسک بە بیستنی ئەو قسەیە وەک گوڵ گەشایەوە و سەر کوڵمەکانی وەک سێوە لا سوورە سوور هەڵگەڕان و گوتی زۆر باشە پێی دەڵێین ئەگەر پێی باش بێت با ماڵی بگوازێتەوە ئێرە.
حەوتوویەک دوایە کاک قادر ماڵی گوازتەوە و ئەرکی خۆی بە پاکی و پاک داوێنی زیادتر لە جاران لەو ماڵە دا بە جێ دەهێنا ، زۆر جار هەتا وەکاز لە خەو هەڵدەستا تڕومبێلەکەی جوان بۆ دەشووشت و بەر و بووی حەوش و ناوماڵی گۆڕیبوو هەر گوڵێکی لە گوڵخانە دەیدیت دەیهێناوە و لە ناو باغ و باخچەکەی دەیچاند بۆنی گوڵی یاس و گوڵە باغی ماڵی وەکاز تەواوی ئەو کۆڵانەی داگرتبوو،دراوسیەکان بۆ چۆنیەتی چاندن و ئاودان و پێڕاگەیشتنی باخچە و دار و گوڵەکانی حەوشەی خۆیان دەچوون داوای ڕێنوێنیان لە کاک قادر دەکرد .
ناسکێ ئەو کچە مات و بێ دەنگەی جاران نەمابوو و بە دڵێکی خۆش بە ماڵەکە ڕادەگەیشت،ڕاست بوو کۆچی خانمێ کاریگەرێکی زۆری لە سەر وەکاز دانابوو بەڵام بوونی کاک قادر و ناسکێ لە ژیانی دا هەڵگرتنی ئەو بارە قورسەی تا ڕادەیەک بۆ ئاسانتر کردبوو .
ماوەی چوار ساڵ بە سەر کۆچی خانم دا تێپەڕیبوو وەکاز هەستی پێکردبوو کاک قادر و ناسکێ دڵیان بۆ یەکتر لێدەدا بەڵام هەر دووکیان ئەوەندە بە حەیا بوون تەنانەت بۆ جارێکیش باسی ئەو شتەیان لە لای یەکتریش نەدرکاندبوو ، ڕۆژێک بە بیانووی هاتنی کەل و پەل لە کوردستانەوە وەکاز داوای یارمەتی لە کاک قادر کرد و لە گەڵ خۆی بردی بۆ دوکانەکەی.
دوای داگرتنی کەل و پەلەکان وەکاز سەری قسانی لە گەڵ کاک قادر کردەوە و گوتی تۆ پیاوێکی باشی و جێی متمانەی منی و پێم باشە ئەگەر هەر دووکتان ڕازی بن لە گەڵ دادە ناسکێ بە یەکەوە زەماوەند بکەن،ئەگەرچی کاک قادر بە باوکی وەکاز دەشیا بەڵام لە شەرمان سەری هەڵنەدەهات بە شەرمەوە گوتی گەورەم وا تێنەگەی من ئینسانێکی داوێن پیسم نان و نمەکی ماڵی ئێوەم کردووە بە درێژایی تەمەنم قەت بە چاوی پیس چاوم لە نامووسی کەس نەکردووە.
وەکاز گوتی کاک قادر منیش پێم پیاوێکی پاک داوێن و باشی بۆیە ئەو داوایەم لێکردی دادە ناسکێش خوشکی گەورەی منە بەختەوەری وی بۆ من زۆر گرینگە ، دڵنیام بە یەکەوە بەختەوەر دەبن.
کاک قادر گوتی ئاغا خودا سێبەرت لە سەرم کەم نەکا بەڵام تۆ بڵێی ناسکێ بە من ڕازی بێت ؟ وەکاز گوتی پێم باش بوو بەر لە وەی قسە لە گەڵ دادە ناسکێ بکەم لە گەڵ تۆ بدوێم بزانم تۆ قایلی ئەو داوایە بە گوێی وی بگەیەنم؟
کاک قادر گوتی تۆ وەکیلی منی بەڵام با لە ئێستاوە پێت بڵێم ئەگەر ناسکێ ڕازی نەبوو مێردم پێبکات من چاو و ڕووی مانەوەم لە لاتان نامێنێ ناچارم بە جێتان بهێڵم ، وەکاز بە پێکەنینەوە گوتی با بزانین چۆن دەبێت لە ئێستاوە بۆ بارگەت تێک نا جارێ سەرەتای کارە.
پیاو دەبێ خۆڕاگر بێ و هەتا بە ماف و ویستی خۆی نەگات واز نەهێنێ نە تۆ لە دادە ناسکێت چاکتر وە گیر دەکەوێ و نە دادە ناسکێش پیاوی وەک تۆی دێتە سەر ڕێگای خودا بۆ یەکی داناون.
ماوەیەک بە سەر ئەو قسەیە دا تێپەڕ ببوو بەڵام وەکاز نەیدەزانی چۆن باسی ئەو شتە لە گەڵ ناسکێ بکات چونکە ناسکێ کچێکی زۆر سەنگین و بە حەیا و لە سەرەخۆ و هێدی بوو ، جێی هەموو کەس و کاری بۆ وەکاز پڕ کردبۆوە وەکازیش ڕێزێکی تایبەتی بۆی هەبوو و نەیدویست بە هیچ شێوەیەک قسە یان هەڵوێستێکی وا بکات دڵی ناسکێی لێ زوێر ببێت.
لە لایەکی دیکەش ترسی وەی هەبوو ئەگەر کاک قادر و ناسکێ بۆ یەک بن دوایە بە جێی بهێڵن ، لەو بابەتەوە دوودڵی و دڵەڕاوکێیەکی زۆری هەبوو بەڵام تازە قسەکەی کردبوو و دەیزانی کاک قادر بێ سەبرانە چاوەڕێێ وەڵامە.
ڕۆژێک وەکاز ناسکێی بردبوو بۆ بازاڕ بە بەر دەرگای دووکانێک دا تێپەڕین جلکی بووکانی دەفرۆشت ، ناسکێ گوتی هەتا ڕادەیەک خەون و ئاوات و وەسیەتی دایکت بە جێ گەیاندووە بەڵام شتێک ماوە ئەویش بکەی منیش دەحەسێمەوە دەزانم ئەرکی خۆم بە جێ هێناوە و ڕوحی خانمێش شاد دەبێ بەو کارەت.
وەکاز بە سەرسوڕمانەوە پرسی چی دیکە ماوە وەسیەتی دایکم چی بووە ؟ هەر چی بێت ئەگەر بە نرخی گیانیشم تەواو بێ بەڵێنی پیاوانە دەدەم بیکەم.
ناسکێ گوتی دەبێ کچێکی چاک ببینیەوە و هاوسەرگیری بکەی وەکاز بزەیەکی هاتە سەر لێوان و پێی باشترین هەل بوو باسی خوازبێنی کاک قادر بکات.
گوتی لە دایکمم بیستبوو دەیگوت ئاشیش بە نۆرەیە بە نۆرە بێ جارێ نۆرەی تۆیە دادە گیان،ئەتۆ لە من گەورەتری
✍ ماری موکریانی
#تاقانەی_خانمێ
KABAN
«هەی زەمانە چەرخت بە چەمبەر بێ چۆن گۆڕاوی»
دوێنێ دەمەو ئێوارێ، لە پاش کورتە پیاسەیەک لە گەڕەکی خۆمان بە کۆڵاندا لێهاڵامەوە، تەپاوتل بەرەوماڵ گلۆر بوومەوە. تووشی سێ کێژی لاوی لووتبەرز بووم کە بە فیزەوە خۆیان ڕادەنا. دوانیان باریکەڵە و ڕەشتاڵە بوون، ئەویتریان سەرنجی ڕاکێشام. خڕووخۆڵ و سپی و سۆڵ، پاوپووزی هەڵدابوو، دەگەڵ هەنگاوەکانی دامێنەکەی یاری بە بەلەکی پتەو و ئەستووری ئیمان ئاسای من دەکرد. خڕخاڵ و سەعاتی دەستی تەنگیان بە مەچەکی هەڵچنیبوو، بابۆڵەی باسکی قۆڵی لە ڕاویی ڕێڕەوان هەڵماڵیبوو، دڵی دەبووراندنەوە. قژی لوول و درێژی دابوو دەست شنەبا و تاڵ تاڵ چاوی حەزی دەشاردەوە.
بەروسینگی ئاواڵا، جووتەهەناری لە ژێر تاپە ناسکەکەی شەقیان بردبوو، قەڵشتیان دەرکەوتبوو.
بەدەم سەرەنگرێ و ڕوانینەوە ملی ڕێگام گرتبوو؛ لەنەکاو ترۆمبیلێکی ئاماڵ بۆر بە لایاندا هات، شلی کردەوە، شووشەکەی هێنا خوار، پێ بە پێی ئەوان دەڕۆیشت، بە دەنگێکی نێر و گڕ پلارێکی تێگرتن. جووتەی ڕەشتاڵە بە بزە و لاقرتێ لێی نۆڕین. بەڵام کابرای لۆزەنگەر چ بایخی پێنەدان، کەوتبوو داوی ئەویتر. ڕاستەوخۆ دەستی بۆ ئەو ڕاداشت و ئاماژەیەکی پێکرد. دەنگی دەبیستراو نەدەبیسترا، نەمزانی چ گوڵێکی پێدادا؟! دڵم ختوورەی کرد. هەر ئەوەندەم گوێ لێبوو کچە بەو تڕوپۆزەوە بە دەم بنێشت جووتنەوە ڕووی تێکرد و نەیهێناونەیبرد بە دەنگی بەرز کوتی: دەدمی بات ڕیم!!
کابرای لاپرەسەن بەرچاوی تاریک بوو، وەک بڵێ چۆن دێڵم بەسەرتەوە پچێ، کوتومت پاشەوپاش گەڕاوە. بە بیستنی ئەو جنێوە نوستالژیایە وەها بە توونیلی زەماندا ڕۆچووم تا چەند چرکە هیچم نەبینی؛ ئەو سەردەمە کە کوڕان دەکەوتنە شوێن کچان، جاروبار کچەکان ئەو جنێوەیان تێدەگرتن و ئەوان بە سێوی سووریان دەقەبڵاند.
لەگەڵ فڕکەی ترۆمبیلەکە وەک لە خەو ڕابم، بەخۆ هاتمەوە. لەسەر خوێنی ئاڵی ڕەشتاڵە، کە وەک تەرمی کارمامزێکی ناسکۆڵە لەگەڵ ئیسفاڵتەکە جووت ببوو چۆکم دادا!
✍️ پەروین دانیش پەژووهـ
تەپاوتل-بەملا و بەولادا کەوتن
گلۆر-خلۆر
سەرەنگرێ-ڕەت بردن
ئاماڵ بۆر-مەیلەو بۆر
پلار-توانج، تەوس
لۆزەنگەر-زەبەڵاح
ختوورە-بە دڵدا هاتنن
لاپرەسەن-ناشناس-فزوول
چەمبەر-شین و شەپۆڕ
کابان | KABAN
فەریبا تەوەکولی ـ ویۆڵۆن
حەریر شەریعەت زاده ـ پیانۆ
کابان | KABAN
🎥دیمانه‌ی هاژه لەگەڵ مامۆستا قاسم زائیرحیجازی//
🔴 مامۆستا، خۆری شەوەزەنگی نیشتمان
➖ئەم دیمانەیە ساڵی ۱۴۰۱ی هەتاوی بەرهەم هاتووە.
🆔 @HajeNews
🆔 @HajeMedia
🆔 @HajeArts
ئای فەلەک
ئاهەنگی " "ئای فەلەک "ـی مامۆستا محەمەد ماملێ کە هونەرمەندی پاپ مستەفا ڕاغب کوتوویەتەوە .
کابان | KABAN
دەروێش و مانگا بۆر
نووسەر: قادر حوسێن شەریفی
مۆسیقا: مەجید شەمسەدینی
تۆمار و خوێندنەوەی موشتاق فەیزیابی
دیزاینەر و پێشکەشکار تەکنیکی دیاکۆ گەرمیانی
س؛ڕێگاپادکەست
کابان | KABAN
وشکەژان
وشکە ژانێک ئەو دڵەی گرتووم و لێم نابێتەوە
هەر دەڵێی زامێک لەنێو دڵ دایە خۆی دەکولێتەوە
ئااااخ من و دێوانە بوون چەند شێوەیی یەکتر دەدەین
عاشقێکم تا بڵێی دێوانەییم لێ دێتەوە
خامە کەم دێنێ تکەی ئەسرینی چاو هاتوونە گۆڕ
حەک سەڵا و قەت کەس نەماو خۆم کێیە بۆم بسڕێتەوە؟
هێند بە ئارامی بەنێو کووچەی خەیاڵت دا دەڕۆم
هەرچی ڕابردوو بەوێدا ڕابراین بیر دێتەوە
دەرکەیەک ئاواڵە بوو بۆ هاتنی من چاوەڕێ
سەیره هیچ دەرگایێ ئێستا ڕووبەڕووم ناکرێتەوە
دەمهەوێ زەنگ لێ بدەم تا تۆ وەڵامم دەیتەوە
بەخت و ئیقباڵی ڕەشم گوشیم لەپڕ دەکوژێتەوە
چەند غەمی ناکامی خۆم خوارد و فزەم لێ دەرنەهات
من نەبم دەریای غەمت ئاوا بەکێ دەخورێتەوە؟
بەو خودایە مردنێک قەرەزە لەلام با بەو غەمەت
بمرم و هەرچی کە تاوانی هەمە بسڕێتەوە
دای لەپەردەی بێ‌حەیایی "کاوە" لەم شێعرەی دەڵێ:
وشکە ژانێک ئەو دڵەی گرتووم و لێم نابێتەوە
کاوە داشبەندی
کابان | KABA
لە ستایشی ژیاندا
ئەزموونی شاعیر و نووسەر
ڕەفیق سابیر
بەشی ۱٤
مۆسیقا ؛ پدرام شەهلایی
تۆمار و خوێندنەوە ؛ موشتاق فەیزیابی
دیزاینەر و پێشکەشکار تەکنیکی ؛ دیاکۆ گەرمیانی
س؛ڕێگاپادکەست
#لە_ستایشی_ژیاندا
کابان | KABAN
ساقی گوزەرا شەو
بەدەنگی مامۆستا ناسر ڕەزازی
هۆنراوەی مامۆستا شەریف
کابان | KABAN
کۆپیکردنی بابەتەکانی ئەم کاناڵە تەنیا بە هێنانی ناوی کابان وەک سەرچاوە ڕێگەپێدراوە❗️❕🙏
Читать полностью…
👆👆
تا ڕۆژێک منی بانگ کرد و وتی وەرە با بچین بۆ سەفەر سەرەتا من قەبووڵم نەکرد
بەڵام ئەمیر زۆر لای من خۆشەویست بوو ، تا ئێستا هیچ کوڕێک ئەوندە موحەببەتی بە من نەدەکرد نە براکەم نە باوکم .
هیچ کات خۆم تەنیا بازاڕ نەچووم ..ئەمیر هەر ڕۆژ منی دەبرد بۆ بازاڕ
کاتێک کە تۆ عاشق کەسێک بیت زۆر سەختە داواکارییەکانی قەبووڵ نەکەیت
من عاشقی ئەمیر نەبووم بەڵام حسێکی سەیرم بوو بۆی، نازانم چۆن بڵێم
من قەبووڵم کرد لەگەڵ ئەمیر بچم بۆ سەفەر و بە درۆ لای دایکم وتم لەگەڵ ڕەفێقانی زانکۆم کە کچن ئەچم بۆ سەفەر
لە سەفەردا ئەمیــــر عارەقی هێنا و وتی بخۆ ، وتم ناخۆم
وتی جارێک هیچ نابێت بخۆ منیش خواردم ، یەک لێوان ، دوو لێوان ، سێ چەن کچێکی تر ڕەفێقە وتم ئەمیر بۆ وا ئەکەی؟
ئەمیر وتی، ئێمە بە یەک ناخۆین بۆ یەک نابین ڕێگامان دەبێ لە یەک جیا بکەینەوە .
پاش ئەو ڕووداوە تەواو وێران بووم، وەکوو کەسێکی ئەفسۆردەم لێ هاتبوو.
دوای تەواو بوونی قسەکانی دیاکۆ هیچم نەما بۆ وتن .
دیاکۆ سەیرێکی منی کرد و وتی ، تاقەت هەیە گوێ بگری بۆ درێژەی ماجراکە ؟
گۆشیەکەم زەنگی خوارد و هەواڵێکی ناخۆش گەیشت پێـــــــــــم ..........
ڕاستی
" لە یاری شەترەنجدا پاشا هەیە بەڵام شاژن نییە
چونکە کچ بۆ یاری کردن درووست نەکراوە . "
بەڵام ئێستا زانیم کە بە کچیش یاری ئەکەن چاکیش ئەکەن ....
2
📝 کیاڕەش نادری مقەددەم
کابان | KABAN
🔵وێنەی گروپێک لە جەنگاوەرانی کورد لە سەدەی نوزدەی زاینی
س؛مەهاباد ۳