3793
🔻کابان کاناڵێکی خۆماڵیی فەرهەنگی ، ئەدەبی و کۆمەڵایەتییە کە زۆرتر دەپەرژێتە سەر چیرۆک و ڕۆمان و هەروەها بابەتگەلی دیکەی کۆمەڵایەتی و هونەری و ... بەڕێوبەر @MTMUKRYANMK
گۆرانی: گوڵە چنووری
گۆرانی‌بێژ: عەباس کەمەندی
ئالبۆم: هەورامان
هەی چاوم کەوتە تۆ، غەمی دڵەکەم وی تازە
خۆ ئەسرین جە دیدەم، لەیلێ پێت ئەشقەوازە
هەی من لەم بەرەوە، کاڵێ تۆ لەو بەرەوە
با یارت بسووتێ، لەیلێ لەبەر خۆرەوە
وە لە گوڵ چنووری، خانمەڵەی شارەزووری
وە بەینی بەینەڵڵا، گەردن وێنەی بلووری
وە ئەشقی ئێوارەی، کاڵێ سەرەڕێ کانی
ئەی بەرم دا لە دڵ، ناسکێ گڕی گۆرانی
هەی مانگ بە تریفە، کاڵێ لەو دێ هەتا کەی
خۆ هێشتا هەر گەرمە، ناڵە ناڵەی
ئەی ژێرش مەوانوو، لەیلێ جە کاوەکاوە
وە هەوار وەش نییە، لەیلێ بە چەم سیاوە
هەی ئامەوە پاییز، کاڵێ هەواران بی چۆڵ
وەی بێ تۆ وەش نییە، لەیلێ دەرەی چەم‌ودۆڵ
ئەی حەکیم چ زانوو، کاڵێ جە بیروونەوە
ئەی من چێشم ئێشوو، کاڵێ جە دەروونەوە
وە بە تیری ئێشقت، کاڵێ سەد پارە جەرگەن
وەی دەوای دەروونم، وەسڵی تۆ یا خۆ مردن
ئەی ئەگریجەکانت، کاڵێ تاڵ تاڵەو بییەن
هۆ هەر تاڵێ مەئموور ، لەیلێ بەم خانە بییەن
هۆ ئەگریجەکانت، لەیلێ خاس بکە شانت
وە با لێت نەنیشێ، لەیلێ تۆز باڵاخانت
• عەباس کەمەندی
خوێنەرە خۆشەویستەکانی " تاقانەی خانمێ"
بەداخەوە باری تەندرووستییم باش نیە و بە هۆی داو و دەرمانان تووشی حەساسییەتی پێستی هاتووم و وەک لەو وێنەی بۆ کاک محێدین تاهیری بەڕێوبەری کاناڵی کابانم ناردووە دەست و لاقم سوور هەڵگەڕاون و ژانی سووتانیان لێیە ، هەر بۆیە بەوحاڵەوە توانای درێژەدان بە نووسینم نیە. بە پێویستم زانی داوای لێبووردنتان لێبکەم و دڵنیاشتان دەکەمەوە کە چاک بوومەوە بەدرێژەدان بە بەشەکانی داهاتوو دێمەوە خزمەتتان .
چاوەڕێی دوعای خێرتانم.
ماری موکریانی
کابان | KABAN
تاقانەی خانمێ
بەشی ٤٨
وەکاز ڕۆیشتەوە بۆ تاران و من مامەوە و دەردی دووری لە ئازیزەکەم ، دووری لەوەکاز ئۆقرە و تین و تاقەتی لێ بڕیبووم .
لەوئاخیرانەدا هەر وەک پێشتر باسم کرد لەگەڵ دایکم زۆر جووت بووین ، زۆرم باسی سەردەمی گەنجایەتی خۆی و خۆشەویستی لێ دەپرسی .
ڕۆژێک دایکم گوتی یان من هیچ نازانم یان پرسیارەکانی تۆ و ئەو بێ مەیلی و بێ تاقەتی و وازوازی بوونەت هەمووی نیشانەی دڵداریین ، گوتم کچێ دایە گیان دڵداری چی هەر پێم خۆشە بزانم لەگەڵ بابم چۆن پێک گەیشتوون .
خۆزگە منیش وەک براکانم لەدەربڕینی هەستم ئازاد بوایەم ، بەئاشکرا و بەبێ ترس باسی دۆستەکانیان دەکرد و ناوی تایبەتیان لێنابوون .
یەک بووکی دایکی بوو و ئەوی دیکەش براژنی سەیرانی بوو ، دایکیشم کە گوێی لەو قسانە دەبوو دەتگوت حەوت مێشی لە خەڵفێکدا دیتووەتەوە ، لەبەر پێکەنینێ گوڕگوڕ ئاوی بە چاواندا دەهاتە خوار .
لەدوای دەرکەوتنی ڕووی ڕاستەقینەی باپیرم خۆم لەدیتن و بەروباوەشی دەدزیەوە ، ڕق و بێزارییەکی لەڕادەبەدەرم لێی هەبوو و لەبەر چاوم دەتگوت ئیزڕائیلە .
باپیرم وایدەزانی دایکم دەرسی داوم و لەویم دوور دەخاتەوە ، دایکم دەیگوت ڕۆڵە کێشەم دە ماڵێ مەخە دەمی باپیرتم لێ مەکەوە با زمانی لێم سپی نەبێتەوە ، نازانم بۆ لەگەڵ باپیرت وا نەبانی ؟
گوتم دایە لەوەتی بیستوومە چی زوڵمێکی لەو خوشک و برا بێکەس و بێ تاوانانە کردووە لەبەر چاوم ڕەش بووە ، دایکم گوتی بەقوربان دڵنیا بە هەتا سەر وای بۆ ناچێتە سەر ڕاوەست بەچاوی خۆت دەیبینی چۆن خودا تۆڵەی لێ دەکاتەوە .
لەبەر ڕەزامەندیی دایکم و بۆ وەی کێشە نەکەوێتە ماڵمان ، بەنابەدڵی پەیوەندیم لەگەڵ باپیرم کەمێک باشتر کردبوو ، بەڵام لە ناخی دڵمەوە ڕقم لێی بوو و دەمگوت ئەگە بشمرێ فرمێسکم بەچاویدا نایەتە خوار .
لەگەڵ وەکاز ڕۆژێ جارێک بەتەلەفۆن قسەمان دەکرد ، لەقسەکانی وێدەچوو زۆر بەپەلەیە بۆ پێک گەیشتنمان ، خودا درۆی پێ خۆش نیە خۆ من لەو بەتاڵووکەتر بووم بەڵام نازم دەکرد و وام نیشان نەدەدا .
دادەناسکێش دوو جاری قسە لەگەڵ کردم و دەیگوت نەمرم بەو ئاواتەم بگەم ژن بۆ وەکاز بێنم ، بەڵێن بێ بەپیری سەری سەرچۆپی بۆ دەگرم و لەپێش بووکێ دەسرەبەدەست خۆ هەڵداوێم .
هێشتا من ئەوژنەم نەدیتبوو بەڵام لە قووڵایی دڵەوە خۆشمدەویست ، بەخۆم نەبوو هەرکەس وەکازی خۆش ویستبا منیش خۆشمدەویست .
هەتا لەگەڵ ئەسرین قسەم کردبا باس باسی خوازبێنی و مێرد کردن و داوەتی من و وەکاز بوو ، بەقسان بەهارمان هێنابووە چۆکان .
لە ناو بیر و خەیاڵی خۆشمدا ئاواتی پێک گەیشتن و ژیان لەگەڵ دڵدارەکەم وەک بێچوو باڵندەیەک باڵیان دەگرت و بەرەو دونیای بەختەوەری باڵەفڕکەیان دەکرد .
بیر کردنەوە لە وەکاز و داهاتوو و ژیانی هاوبەشمان توانای خوێندنی لێ هەستاندبووم و بەترس و دڵەڕاوکێ چووم بۆ تاقیکاری نازانم شانس بوو یان خودا لەهانام هاتبوو بێ خوێندن و خۆماندوو کردن دەرچووم .
شەوێ تەلەفۆنم کرد و هەواڵی سەرکەوتنم لە تاقیکاریەکە دا بە وەکاز ، دوای پیرۆزبایی لێ کردن گوتی جا مەبەستت ئەوەیە زوو بێمە خوازبێنی بۆیە وا دڵت خۆشە !
دەمزانی گاڵتەم لەگەڵ دەکا ، گوتم هەر ویستم هەواڵت پێ بدەم دەنا حەز دەکەی قەت مەیە بۆ خوازبێنیم .
گوتی ماڵت نەشێوێ سەیران من ڕۆژێ هەزار جار خۆمت بەقوربان دەکەم ، پێت دەڵێم خۆشمدەوێی و دەتپەرەستم ، غروور و لوتبەرزیش سنووری هەیە ، تۆش جارێک پێم بڵێی چی دەبێ ؟
گوتم ئاخر هەمیشە پیاو ئەو قسانە بە ژن دەڵێ ، گوتی بۆ پیاو دڵی لەبەردە ، قسەی خۆشی پێ خۆش نیە ؟ ئەو قسە سەیر و سەمەرانە هەر لەناو کورددا باون .
هەر لە سەرەتای ژیانەوە بەکوڕ دەڵێن پیاو نابێ بگرێت ، بەکچ دەڵێن عەیبە نابێ بەکوڕ بڵێی خۆشمدەوێی ! بڕوا بکە پیاویش وەک ژن دڵی هەیە ، وەک ژن پێی خۆشە ئەو کەسەی خۆشی دەوێ هەستی خۆی بدرکێنێ و لە پشت پەردەی دەستکردی شەرمدا حاشاری نەدات .
گوتم وەکاز گیان ، ئارامی دڵەکەم ، خۆشەویستترین هاوڕێی ژیانم ئەوەندەم خۆشدەوێی بەهیچ شێوەیەک پێوانە ناکرێت ، بەلامەوە سەیرە ئەو دڵەی من چۆن بەرگەی ئەو هەمووە خۆشەویستیە دەگرێت کە لەناویدا کەڵەکەی بەستووە .
✍ ماری موکریانی
#تاقانەی_خانمێ
کابان | KABAN
Ruken Yilmaz
Çi Çeme Çeme
Ruken Yilmaz
Çi Çeme Çeme
دەنگ : ڕۆکن ئیلماز
گۆرانی : چی چەمێ چەمێدەنگ : ڕۆکن ئیلماز
گۆرانی : چی چەمێ چەمێ
کاناڵ کابان | KABAN
پیاوێکی پیر چوو بۆ دادگا تا سکاڵایەک بنووسێت. دادوەر لێی پرسی: سکاڵا لە کێ دەکەیت؟
پیرەپیاو وتی: لە کوڕەکەم.
دادوەر و یاوەرەکانی سەریان سوڕما، وتیان: سکاڵاکەت چییە؟
پیرەپیاو وتی: داوا لە کوڕەکەم دەکەم، بەپێی توانای خۆی، مانگانە بڕە پارەیەکم بۆ ببڕێتەوە.
دادوەر وتی: بێ چەندوچوون ئەمە مافی خۆتە لەسەر کوڕەکەت.
پیرەپیاو وتی: وێڕای ئەوەی من دەوڵەمەندم و هیچ ، پێویستم بە پارە نییە، بەڵام دەمەوێ مانگانە خەرجییەک لە کوڕەکەم وەربگرم!
دادوەر لەم هەڵوێستەی پیرەپیاو سەری سوڕما و بەزەیی پێداهاتەوە. ناوونیشانی کوڕەی وەرگرت و بڕیاریدا بیهێنن بۆ دادگا. کوڕ و باوکی بەرامبەر یەک دانا و پرسیاری لە کوڕە کرد: ئەمە باوکتە؟ کوڕەکە وتی: بەڵێ سەروەرم.
دادوەر وتی: ئایا دەزانیت باوکت سکاڵای تۆمار کردووە و دەیەوێت مانگانە خەرجییەکی کەمی بۆ ببڕیتەوە بەپێی توانای خۆت؟
کوڕە واقوڕماو وتی: چۆن داوای مانگانەم لێ دەکات کە ئەو زۆر دەوڵەمەندە و پێویستی بە پارەی هیچ کەسێک نییە؟!
دادوەر وتی: ئەمە داواکاری باوکتە و ئازادە لە بڕیاردانی!
پیرەپیاو وتی: بەڕێزان، سەرۆکایەتی دادگا، گەر بڕیاری یەک دیناری خەرجی مانگانەشم بۆ بدەن من دڵخۆش دەبم، بە مەرجێک کوڕەکەم خۆی بە دەستی خۆی و بێ گیرۆبوون* ئەو پارەیەم بۆ بهێنێت.
دادوەر وتی: بە دڵنیاییەوە ئەوەت بۆ دەکەین.. باوکە نزای بۆ دادوەر کرد و دادوەر بڕیاری دەرکرد:
دادگا بڕیاریدا لەسەر فڵانی کوڕی فڵان، کە مانگانە بڕی یەک دینار بێ پچڕانەوە و ڕاستەوخۆ و بە دەستی خۆی بدات بە باوکی تا لە ژیاندا بمێنێ.
پێش ئەوەی باوکە کوڕەکەی و هۆڵی دادگا بە جێ بهێڵێت، دادوەر لەپێش چاوی کوڕە پرسیاری لە باوکە کرد: بمبوورە! دەمەوێ بپرسم بۆ وات کرد؟ سکاڵات لە کوڕەکەت کرد و بڕە پارەیەکی زۆر کەمت داوا کرد، لە کاتێکدا تۆ دەوڵەمەندی و پێویستت بە پارە نییە؟!
باوکە بە گریانەوە وتی:
سەروەرم! من پێم خۆشە کوڕەکەم ببینم، بەڵام لەبەر سەرقاڵی و کاری زۆر ئاگای لە من نییە و قەت نایبینم، لەگەڵ ئەوەی زۆر دڵم ها پێوە، تەنانەت بە تەلەفۆنیش قسەم لەگەڵ ناکات، بۆیە ئەم سکاڵایەم کرد، تا هیچ نەبێ دەرفەتێک هەبێت و مانگی جارێک بیبینم بەسمە.
دادوەر بە خوڕ گریا و ئەوانەی هۆڵی دادگاش هەموو نیگەران بوون و گریان. دادوەر وتی: بەخوای ئەگەر هۆیە ڕاستەقینەکەت پێ دەوتم، لێم دەدا و زیندانیشم دەکرد. باوکە بە بزەوە وتی: ئاخر بەڕێز دادوەر ئەم بڕیارەش هەر ئازاری دڵی دەدام! خۆزگە مناڵەکان درکیان بە شکۆ و شانازییان لە دڵی باوکانیاندا دەکرد، پێش ئەوەی لە دەستیان بچن!!
*گیرۆبوون: تاخیربوون
لە عەرەبییەوە وەرمگێڕاوە
کەرەم کاکەوەیس
📝کەرەم کاکەوەیس ، کەرکووک
کابان | KABAN
تاقانەی خانمێ
بەشی ٤٤
ناچار لەگەڵی چوومە ژوورێ ، ماڵەکەی دەتگوت کابانی چاک کاری تێداکردووە ، پاک و خاوین و هەڵوەژێردراو بوو ، گوڵەکانیش وشک نەببوون !
بەکار و هەڵسووکەوتی ئەو کوڕەی جار لەجار زیادتر تووشی سەرسووڕمان دەبووم و زۆرتر لێی دەکەوتمە شک ، باشە ئەگەر لێرە نەبووە چەند مانگە ئەو ماڵە کێ بۆی خاوێن کردووەتەوە و کێ ئەو گوڵانەی ئاو داوە ؟
دوایە بەخۆم گوت بەتۆ چی خۆ نەهاتووی ببی بەشەریک و برابەش لەگەڵی ، کامیل گوتی دانیشە هەتا کەترییەکە وەسەر دەنێم ، گێڕانەوەی قسەکانم زۆر دەخایەنێ و بێ چا زارم ویشک دەبێ .
گوتم من نەهاتووم بۆ چاخواردنەوە و کاتی وەشم نیە دەبێ زوو بچمەوە ماڵێ ، گوتی خەمت نەبێ هاوڕێی چاکت هەیە ، قسەم لەگەڵ ئەسرین کرد بیانووییەک دەبینیەتەوە بۆ بنەماڵەکەت دێنیەتەوە بۆوەی لێت نەکەونە شک !
گوتم من نازانم لە کەیەوە تۆ و ئەسرین بوونەتە دۆست و هاوڕێی گیانی گیانی و بەدزی من بڕیار لەسەر ژیانی من دەدەن ، گوتی ڕاستم پێ بڵێ بڕوات بەو نیە یان بەمن ، یان هێندەت خۆش دەوێم دڵپیسیم لێ دەکەی .
لە شەرمان سەرم داخست و هیچم نەگوت کەچی دیار بوو ئەو زۆری ئیشتیا لە قسانە و چاکی قسە بۆ دەهات و قسەکانی جیاوازییەکی تەواویان هەبوو لەگەڵ پێشوو ، بەپێکەنینەوە گوتی ماڵی قەڵب هەر سەر بەخاوەنیەتی ، لەتۆ وەتر کێ منی دەوێ ؟
گوتم واز لەوقسانە بێنە تکات لێدەکەم فەرموو ئەگەر قسەیەکی دیکەت هەیە دەنا دەڕۆم ، چادانێک چا و دوو ئیسکانی هێنا و دانیشت گوتی چای بەدەستی تۆم پێخۆشە چایەکم بۆ تێکە و جا بەدڵ گوێ بۆ قسەکانم ڕاگرە .
من ناوم کامیل نیە ناوم وەکازە ! ئەوناوەم پێشتر گوێ لێ ببوو بەڵام لەکوێ و لەکێ نەدەهاتەوە بیرم .
گوتم دەی هەر ئەوە کە ناوی خۆت بەهەڵە پێ گوتووم خۆی باشترین بەڵگەیە بۆ گاڵتە کردن بەمن و هەست و ئیحساسم .
گوتی دیسان تکات لێدەکەم هەتا کۆتایی گوێم لێڕاگرە دوایی بیروبۆچوونی خۆت بڵێ ، گوتی : من خوشکێکم هەبوو ناوی خانم بوو دوای کۆچی هەتاهەتایی زانیم خانم دایکم نیە و خوشکمە .
من و بابی تۆ حەق ئامۆزای یەکین و باپیری تۆ حاجی ساڵە کە دەکاتە مامی من ئەوپەند و پۆیەی بەسەر من و خوشکم هێنا ، لە پێناو پارە و بەرژەوەندیی خۆی و کوڕەکانی ئێمەی لە ماڵ و زێدی خۆمان دابڕی و ئاوارە و دەربەدەری کردین .
خوشکی من ژیانی خۆی کردە قوربانی بۆ پەروەردە و گەورە کردنی من و پێی لە هەموو ویست و حەزیی خۆی نا و سەری ڕەشی سپی کرد و هەر بە کچی هەموو ئاواتەکانی لەگەڵ خۆی بردە ژێر گڵ .
بەوردی باسی ژیانی خۆی و خوشکەکەی کرد ، منیش وەک بارانی بەهار فرمێسکم بەچاوی دا دەهاتنە خوار ، وێڕای وەی زۆرم زگ بە کامیلیی پێشوو و وەکازی ئەمڕۆ دەسووتا قسەکانی بۆمن جێی بڕوا نەبوون .
ئاخر حاجی ساڵە ئەو پیاوەی لەهەموو خێر و شەڕێکدا پرس و ڕای پێ دەکرێ ، ئەو کەسەی سەری بچێ نوێژ و ڕۆژووی ناچێ ، ئەو زاتە پاکەی من دەمناسی کوا ئەوەندە بێ ویژدان و لەخوانەترس بووە ؟
ئەوەی من زانیبووم برازاکانی باپیرم پشتیان لەباپیرم کردبوو و ماڵ و پارەیەکی زۆریان لەگەڵ خۆیان بردبوو و چووبوونە ژێر داڵدەی کابرایەکی بێگانە ، حەیای باپیرمیان بردبوو و بەزەبری شکایەت و دادگا دوای بێنەوبەرەیەکی زۆر چووبوونە تاران و حاشایان لە بنەماڵەی ئێمە کردبوو .
باپیرم و بەڕەحمەت بێ نەنکم بەو سەروسیمایەوە و بەو تەمەنەوە بڵێی درۆیان کردبێ ؟
دوای وەی وەکاز باسی بەسەرهاتەکەی خۆی و خوشکەکەی گێڕایەوە گوتی : ڕۆژی یەکەم کە هاتمەوە بۆ تۆڵە هاتبوومەوە بەڵام کاتێک تۆ هاتیە ناو ژیانم بە تێگەیشتوویی و خانمی و سەنگین و گرانیت منت بەتەواوی گیرۆدەی خۆت کرد ، ئێستاش من پیاوم و لەبەڵێنی خۆم پاشگەز نیم و بەڵێن دەدەم لەبەر چاوە جوانەکانی تۆ واز لەهەموو تۆڵەیەک بێنم .
سەیرانەکەم تۆ ژیانی دووبارەت بەمن بەخشییەوە و بەتۆوە سەدان هیوا لە دڵمدا جێیان خۆش کردووە ، ئارامی دڵەکەم تۆ یەکەم کچی کە پێی دەڵێم خۆشم دەوێی و دەتپەرەستم .
وەرە ببە بەخانمی ناوژیان و ماڵم و جێی دایک و باب و خوشک و هەموو کەسم بۆ پڕ بکەوە ، منیش بەڵێنت پێ دەدەم بتکەم بەبەختەوەرترین ژنی سەر گۆی زەوی ، قەولی پیاوان بێ ژیانێکت بۆ دابین بکەم هەموو ژنی دونیا بەئاواتی ژیانێکی ئەوتوێ بن .
✍ ماری موکریانی
#تاقانەی_خانمێ
کابان | KABAN
هاوڕێی چاک غەم و پەژارەت بۆ لە بەین نابا؛
بەڵام یارمەتیت دەدا کە بەهێز و قورس لەسەر پێ ڕاوەستی.
درووست وەک چەتری باش کە بارانی ناوەستێنێ بەڵام یارمەتیت دەدا کە لە ژێر باران بتوانی لاق هەڵێنێوە و ڕێگا بڕۆی .
ویکتۆر _هۆگۆ
سپاس بۆ سینا
کابان | KABAN
🎙بیسەری وتاری عەبدوڵڵا عەبدوڵڵازادە بن
🔴 باندۆڕی زمانی ئیسپه‌رانتۆیی له‌سه‌ر زمانی کوردی
١۴٠٣٫٠٣٫١۹
🆔 @HajeArts
تاقانەی خانمێ
بەشی ٤٢
سەیران : وردە وردە دانم بە لێکدابڕاندا هێنا و گوتم خۆش یان ناخۆش دەبێ خووی پێ بگرم ، مەرج نیە هەموو خۆشەویستێک پێک بگەن و ژیانێکی خەیاڵیان هەبێ .
بەو قەناعەتە گەیشتبووم کە خۆشەویستی بوونی نیە و خەون و خەیاڵێکی شاعیرانەیە ، هەتا دایکی ئەسرین تەلەفۆنی کرد و بەدایکمی گوت ئەسرین نەخۆشە ئەگەر ئیزنت لەسەر بێ سەیران هەتا ئێوارێ بێتە لای .
دایکم گوتی ئیزنی ئێمەش بەتۆیە ، بەچاوان هەر ئێستا دەینێرم بەڵام ئێوارێ بەرلە تاریکانێ بینێرەوە .
کاتێک کە چووم ئەسرین ساغ و سەلامەت بوو بەڵام دایکی ئاگری لەنێوچاوانی دەباری ! ڕوویەکی وای نەدامێ ، لە ڕوخساری ئەسرینیشدا ترس و دڵەڕاوکێ هێللانەی کردبوو .
زانیم کارەساتێک قەوماوە بەڵام فکری مردنی خۆم کردبا فکری وەم نەدەکرد کامیل هاتبێتە ئێرە و قسەی لەگەڵ دایکی ئەسرین کردبێت .
دایکی گوتی : ڕۆڵە من گیام بەکێوانەوە نەخواردووە و ئەوسەرەشم لەبەر هەتاو سپی نەکردووە ، دەزانم ئەو کوڕە پێشتر تۆی دیتووە دەنا لەخۆڕا کابرای نەدیوونەناس سەر بەرناداتەوە بێتە لای من .
ئەو جا لە کوردەواری دا ژن هێنان و خوازبێنی داب و ڕوسمی خۆی هەیە ، کوڕ بۆخۆی بە تەنیا چۆن دێتە خوازبێنی ؟
بۆ ئەو کوڕە دایکێک ، بابێک ، خوشکێک کەسێکی نیە بە پیاوانە بێنە سەر بەڕەی ؟ خۆ کارگەگولە نێ لە شاخی هەڵتۆقیبێ ، دوای وەش خۆ تۆ بێکەسووکار نی بۆ دێت خوازبێنی تۆ لەمن دەکا بۆ خۆت ئەلحەملای دایک و باب و برات هەیە .
شا شەرم لەحاجی ساڵەی باپیرت دەکا ئەوە کەسری شانە کوڕێکی غەریبی سەڵت و ڕەبەن بۆخۆی بچێت لەدەرکی خەڵکی بدات و باسی هێنانی تۆ بکات .
کچی چاک بە سەری باب و برا و باپیرت نەوی مەکە بۆ کوڕێکی غەریب ، کەس نازانێ خەڵکی کوێیە و چکارەیە و کوڕی کێیە .
من بۆیە هیچم لێ نەپرسی کارەکەییم زۆر پێ بێجێ بوو هەربۆیە ویستم لەپێشدا لەگەڵ تۆ قسان بکەم ، خودا دەزانێ چەندم پێخۆشە ئەسرینی کچم بەختەوەر بێ ئەوەندەش حەز بە بەختەوەری تۆ دەکەم .
تۆ کچێکی چاک و جوان و سەنگین و گرانی هەتا ئێستا کەس نەیگوتووە پێت بەخواری داناوە ، حەیفە قسەوباسێکی خرابت وەدوا کەوێ جا ئاگات لە خۆت بێ .
لەسەر من گوتن بوو ئیدی بۆخۆشت دەزانی ، با منیش ڕووزەردی دایک و بابت نەبم پێمخۆش نیە جارێکی دیکە ئەو کوڕە بێتەوە بەر دەرگای ئێمە .
لەشەرمان سەرم هەڵنەدەهات نەمدەزانی چی بڵێم ، لەلایەک شاد بووم بە بیستنی هەواڵی هاتنەوەی کامیل بۆ سابڵاغ و دڵم پێی دەگوتم کامیل بێ وەفا نابێ ، دیارە بەتەمای منە بۆیە هاتووەتە لای دایکی ئەسرین بۆ وەی قسەیەکی خێرمان بۆ بکات ، لە لایەکی دیکە توڕە بووم لەوەی هیچ حیسابی بۆ کەسایەتی من نەکردووە و بێ ئاگاداریی من هاتووەتە ئەوماڵە .
دایکی ئەسرین پاش وەی قسەکانی خۆی کرد و داخی دڵی خۆی هەڵڕشت ، من و ئەسرینی بەتەنیا بەجێ هێشت و چووە بەر دەرگا لەگەڵ ژنەکانی دراوسێیان خەریکی قسە و خۆش و بێشی خۆیان بوون .
چاوم پڕ بوو لەئاو زمانم قفڵ درابوو ، چاوەڕێ بووم ئەسرین قسان بکات ، هەر واشبوو ئەسرین دەستی بەقسان کرد و گوتی : سەیران گیان قسەی دایکمت لەدڵ گران نەیەت ئەو بە دابی قەدیم لە دونیا دەڕوانێ .
وەدەزانێ ئێستاش ئەودەمە کوڕ و کچ یەکتریان نەدەدیت هەتا شەوی زاوا و بووکێنی ، من دڵنیام کامیل تۆی خۆش دەوێ بۆیە وا بەتێڕادیوی هاتووەتە لای دایکم .
ئەگەر نیازی خرابی هەبا ڕێی دیکە زۆر بوو ، تکات لێدەکەم هەلێکی بدەیە با قسەی دڵی خۆییت بۆ بکات .
تۆ بۆخۆت دەزانی من و تۆ هاوڕێی ڕۆژە سەختەکانی ژیانین ، لەگەڵ هەموو ئازارێکت ئازارم کێشاوە و لەگەڵ هەموو فرمێسکێکت فرمێسکم هەڵڕشتووە و بە هەموو شادی و سەرکەوتنێکت گەزگەز باڵا بوومە و بەختەوەری تۆ ئارەزوو و ئاواتی منە .
تکات لێدەکەم هەلێکی دیکە بدە بەو ئەوین و خۆشەویستیە پاکەتان ، دڵنیام پەشیمان نابیەوە ، خۆ هیچ نەبێ دەزانی مەبەستی لەو دابڕانە چی بووە و بۆ ئێستا گەڕاوەتەوە بۆ لات .
بەڕاستی سەرم لێ شێوابوو نەمدەزانی بە قسەی دڵم بکەم ، بەقسەی دایکی ئەسرین بکەم یان بەقسەی هاوڕێ بەوەفا و دڵسۆزەکەم ، زۆریشم دڵ لە کامیل هێشابوو ڕازی نەبووم بەهیچ شێوەیەک پێ لەغرووری خۆم بنێم و خۆم بچمەوە سڵاوی دوای ئەو هەمووە فرمێسکانەی بەبێ هۆ پێی هەڵڕشتم
✍ ماری موکریانی
#تاقانەی_خانمێ
کابان | KABAN
تاقانەی خانمێ
بەشی ٤١
دوو ڕۆژان پاش گەیشتنم بۆ سابڵاغ خەریکی ئەو کارانە بووم ، ڕۆژی سێهەم بەیانی زوو ڕانکووچۆغەم دەبەر کرد و چوومە سەر کۆڵانەکەیان و چاوەڕێ بووم سەیران لە ماڵ بێتە دەر بەڵام نەهاتە دەر .
چوار ڕۆژان لە دەروبەری ماڵیان خولم لێداوە بێ سوود بوو ، سەیران ببوو بە مانگی پشت هەوران و دیتنی چەتوون بوو ، دەچوومە سەر ڕێگای قووتابیەکان کاتی هاتنەوە لە قوتابخانە بەڵام نەسەیرانم دەدیت نە ئەسرینی هاوڕێی .
ترس و دڵەڕاوکێ بەسەرمدا زاڵ ببوو و فکر و خەیاڵی خراب دەهاتە ناو مێشکم ، تۆ بڵێی مێردی نەکردبێ یان بەڵایەکی بەسەر خۆی نەهێنابێ .
خودایە بێکەسی چەند دەردێکی گرانە وەرە لەزێد و شاری خۆت بێگانە بی و کەس نەناسی پەنای بۆ ببەی ، گوتم دەچم بەبیانوویەک لە دەرگای ماڵیان دەدەم ، یان دەچم لەدراوسیەکانیان هەواڵێکی دەپرسم ، نا واباشە بچم قوتابخانەکەی !
وەک شێتانم لێ هاتبوو هەرچی فکرم لێ دەکردەوە نەدەکرا هەواڵی لەخەڵک بپرسم ئاخە نەیاندەگوت تۆ کێی و بۆچی وێڵی بەدوای هەواڵی کچی خەڵکدا ؟
ئاخیری لەسەر وەی ساغ بوومەوە پەنا بۆ ماڵە ئەسرینی هاوڕێی ببەم و وەک پیاوان چۆک دادەم و پرێسکەی دڵم لەلای دایک و باوکی ئەسرین بکەمەوە .
ئەگەرچی لەو بڕیارەش دوودڵ بووم و نەمدەزانی هەڵوێستی وان چۆن دەبێ ، بەڵام خۆ کافرەستانی نیە منی بێکەس و بێ پشتیوان ڕوو لە ماڵیان بکەم بێگومان ڕێگایەکم پێشان دەدەن .
شەوێ دوای نان خواردن چووم لە دەرگای ماڵی ئەسرینم دا ، کوڕێکی مێرمنداڵ دەرگای کردەوە ، دوای سڵاو و چاکووچۆنی پرسیم بابت لەماڵە ؟
کوڕە بەشەرمەوە گوتی بەداخەوە بابم ئەمشەو لەماڵ نیە، گوتم ببوورە نەمزانی بابت لەماڵ نیە کەی بابت هاتەوە دێمە خزمەتی .
کوڕە کە دوایە زانیم ناوی ئاسۆیە گوتی بابم لەماڵ نیە بەڵام خۆ ماڵەکەی لەگەڵ خۆی نەبردووە دایکم و خوشکەکەم لە ماڵێن فەرموو وەرە ژوورێ .
بەرلەوەی بچینە ژوور بەدەنگێکی کەمێک بەرزەوە گوتم ماڵێ میوانتان ناوێ ، دایکی ئاسۆ گوتی میوان ئازیزی خودایە و قەدری لەسەر چاوانە .
سڵاوم کرد دایکی بەوتەمەنەوە یەکپێ لەبەرم هەستا و گوتی فەرموو کوڕم !
من لەتاران لەو داب و نەریتە جوانەی کوردەواری بێبەش ببووم ، بەڕاستی سەرسام بووم لەو هەمووە ڕێز و حورمەتەی لە میوانێکی نەناس و بێگانە دەگیرا لە ناو کورداندا .
بەپێویستی دەزانم ئاماژە بەگەرمووگوڕی خەڵکی سابڵاغ بکەم ، لەوەتی هاتووچۆی سابڵاغ دەکەم زۆرم لەو هەڵسوکەوتە پیاوانەیە دیتووە کە بە لای منی دوورکەوتەڵەی لەماڵ و زێد ، جوان هاوکاتیش زۆر سەرسوڕهێنەر بوون .
ئەسرین بەدیتنی من ڕەنگی تێکچوو بەڵام من وامکرد دایک و براکەی هەست پێ نەکەن پێشتر ئەسرینم دیتووە ، دوای بەخێراتنێکی زۆر چایەکیان لەپێش دانام .
چاوەڕێ بووم دایکی ئاسۆ لێم بپرسێ بۆچی ڕووم لەماڵیان کردووە و چی کارێکم هەیە ، بەڵام کەس قسەی نەدەکرد ، ناچار بۆخۆم دستم کرد بەقسە کردن .
گوتم دایەگیان بۆچی ناپرسی من کێم و بۆچی هاتوومەتە خزمەتت ؟ بەبزەیەکی شیرین لەسەر لێویەوە گوتی جا کەس بەمیوان دەڵێ بۆ هاتوویە ماڵم کوڕم ؟
گوتم ماڵتان ئاوەدان بێ و سەد ماڵی لێ بێتەوە ، قسەی ڕاست من لێرە غەریبم و بێکەسووکارم ، دایکی ئاسۆ گوتی کەسووکاری هەموومان خودایە .
گوتم شەرمەزارم ئەو قسەیە لەڕووی ئێوەدا دەکەم بەڵام وەک زانیومە ئێوە لەگەڵ ماڵی حاجی ساڵە هاتووچۆتان هەیە ، بەتەمام ئەگەر کچەکەیان مێردم پێ بکات بنێرمە خوازبێنی .
گوتی جا لەوەی باشتر ! من بۆ کاری خێرێ سەرم دەڕێدایە ، بەڵام دەبێ پێشتر کچە ببینی و قسەی لەگەڵ بکەی .
گوتی یەک دوو ڕۆژم لەسەر ڕاوەستێ با قسە لەگەڵ سەیران بکەم دوایە وەڵامت دەدەمەوە بەبوون و بەنەبوون .
ئۆخەژنم بە گیانیداهات شکور نەمێردی کردووە و نەهیچ بەڵایەکی بەسەرەخۆی هێناوە ، جارێ هەر ئەوەندە بۆ من بەس بوو کە بزانم سڵامەتە ئەگینا ئامادە پاشماوەی تەمەنم چاوەڕێی وەڵامی سەیران بم .
ئیدی نەمویست زیادتر کاتیان بگرم ، گوتم باشە من دوای سێ ڕۆژی دیکە دێمەوە خزمەتتان ، گوتی بۆ کوێ دەچی لێرە غەریبی تۆش یەکێکی وەک ئاسۆی کوڕم ، گوتم ماڵتان ئاوەدان بێ لێرە خانووم گرتووە .
لە کاتی ماڵئاواییدا داهاتمەوە و دەستی دایکی ئاسۆم ماچ کرد و زۆرم سپاس کرد
✍ ماری موکریانی
#تاقانەی_خانمێ
کابان | KABAN
اکنون دیگر این نام اوست کە بە مدال‌ها اررزش می‌بخشد، همە کالج‌های جهانی سراسیمە میخواهند نام این نابغەی کوردستانی بر روی یکی از مدال‌هایشان نقش ببندد.
افتخارآفرینی‌های پروفسور ابراهیم کریمی همچنان ادامە دارد، گرفتن یک مدالیای دیگر در رشتە فیزیک توسط این نابغه کوردستانی💐
وتارێکی شایەنی بیستنی پرۆفیسۆری گەورەرەی کوردستان پڕۆفیسور برایم کەریمی لە کۆمەڵەی شاهانەی کەنەدا لە کاتی وەرگرتنی مەدالیای یادەوەری ڕەزەرفۆرد
سخنرانی شنیدنی پروفسور نابغە کوردستانی، پروفسور ابراهیم کریمی در انجمن سلطنتی کانادا پس از دریافت مدال یادبود رادرفورد.
🌺پیرۆزە پرۆفیسۆرە بلیمەت و خەمخۆرەکەی کورد، لاوەکانی ڕۆژهەڵات هەوڵ و ماندووبونەکانت لە سەردەمی ڕاپەڕینی شکۆداری ژینا هیچ کات لە یاد ناکەن .
س؛نیشتمانی جوان
کابان | KABAN
تاقانەی خانمێ
بەشی ٣٩
داخی دووری و دابڕان وەک خۆرە کەوتبووە ناخم و ڕۆژ لەڕۆژ زیادتر لە ژیان ناهومێدی دەکردم ، زیادتر لە ساڵێک لە خۆشترین ساڵەکانی تەمەنم لە پێناوی خۆشەویستیەکی بێ ئاکام بەفیڕۆ چوو .
لە دەرسێک کەوتم و شەڕ و ناخۆشی کەوتە ناو بنەماڵەکەم بەبۆنەی بەدخوڵقی و بێ خەو و خواردنی منەوە ، لەبیر کردنی کامیل وەک وەی وابوو کە بەبێ بەشێکی گەورە لەوجوودم بژیم .
ئەودابڕانە کۆڵەوار و دەستەوستانی کردبووم ، خۆزگە بمزانیبا ئەو هۆیەی نەزانینی باشتر بوو لەزانینی چیە ، بەڵکوو باشتر لەو دوورییە لێڕاهاتبام .
چەندەم پێ خۆش بوو بچمە ماڵەکەی کامیل و چاوێک بخشێنم بەسەر بیرەوەرییەکانی لەوماڵەدا بەیەکەوە هەمانبوو ، بەڵام دەترسام نەڕۆیشتبێتەوە بۆ تاران و غروور و هەستم ئەوەندەی دیکە بریندار بکرێ .
باشە خۆ من هیچ تاوانێکم نەکردبوو ، جەستەی خۆمە و حەزم نەکرد بێ قەید و شەرت بیخەمە ژێر دەستی کوڕێک کە هیچ پەیوەندێکی شەرعی و یاسایی و کۆمەڵایەتی لەگەڵم نیە .
با تاوانم کردبوو ، کامیل ڕاستی دەکرد خۆم دەستڕەپێشخەر بووم ، بەڵام خوا ئاگادارە من هیچ بەرنامەیەکم بۆ خۆ لەئامێز هاویشتنی دانەڕشتبوو ، هەڵسوکەوتێکی لەناکاو و بێ مەبەست بوو و بێ ویستی خۆم و بیر لێ کردنەوە بوو .
ئەو شێوووەرد دانەوە و بیر لێ کردنەوە ماڵوێرانکەر و تاقەتپڕوکێنە ژیانی لێ کردبووم بەدۆزەخ ، لەهەموو ئەوانە ناخۆشتر ئەوە بوو کەس بەدەردی نەدەزانیم و لەتەنیایی خۆمدا شیوەنم بۆ دابڕانمان دەگێڕا .
کەس نەبوو دەستم بگرێ و لەو تاریکییە کە باڵی بەسەر ژیانمدا کێشابوو ببێت بە چرا و ڕووناکی بدات بە داهاتووم .
سێ مانگ بەسەر دابڕانمان تێ پەڕی و من هەر وا خەمبار و بێ هیوا و بێ هەواڵ وەک کیسەڵ سەرم لەقاپێلکی خۆم ناوە و بەئاواتی مەرگێکی سووک و ئاسانم .
وەکاز :
حەوتوویەک دوای شەڕەکەمان کە بەبێ هۆ بوو بەدڵێکی شکاو و ناهومێدی گەڕامەوە بۆ تاران ، بەڵێنم بەخۆم دا ئەو کچە بێ تاوانە نەکەمە قوربانی ڕق و کینەیەک کە لەناو دڵ و وجوودمدا کەڵەکەی کردبوو .
لەبیر کردنی باشترین و بەجێترین خزمەت بوو دەرحەق سەیرانم دەکرد ، بڕوا ناکەم ڕووحی خانمێ بەتۆڵە کردنەوە لە کچێکی بێ تاوان ئاسوودە بێت .
تووشی پەشێوێکی لەڕادەبەدەر ببووم ، خواردن و خەوم زووخاو بوو ، دوای بیرکردنەوەیەکی بەردەوام بەو ئاکامە گەیشتم کوشتن هەر کوشتنە جا چی کوشتنی جەستە بێ چی کوشتنی هەستی ئینسانێک .
ویژدانم لە عەزاب دابوو ، پێکەنینی ، دەنگی ، توڕەیی ، لەسەرەخۆیی ، چاوەکانی و ... هەموو هەڵسو کەوتی سەیران لەبەر چاوم وەک شانۆیەکی جوان و دڵنشین دەهاتن و دەچوون .
دڵم وەک جاران بە ماڵ و ژیان و ئازیزانم تەنانەت بە نازدارەکەی خاڵیش خۆش نەبوو ، تەنیایی و قوژبننشینی ببوو بە ڕەوتی ژیانم .
دڵم بیانووی سەیرانی پێ دەگرتم ، مافی خۆی بوو نەهێڵێ زەوق لە جەستەی پاکی وەرگرم ، هەر کەسە ئازادە بڕیار لەسەر جەستەی خۆی بدات ، بەڵام خۆ ئەوە دەستدرێژی نەبوو و بەبێ مەبەستێکی تایبەت بوو .
باشە باوەش و ماچ بۆ دەبێ تاوان بێ ، بۆ خۆشەویستی لە لای ئێمە بڤەیە و بەدزییە بەڵام توڕەیی و ڕق بەئاشکرا و ئاساییە ؟
خۆم بە پیاوێکی درۆزن و فێڵباز دەهاتە بەرچاو ، چونکە تەنیا درۆم لەگەڵ سەیران نەکردبوو ، من درۆم لە گەڵ خۆم و هەستی خۆشم کردووە ، بە چی چاووڕوویەک چاوەڕوان بم سەیران بڕوا بە من بکات و متمانەی پێم هەبێ ، کاتێک بۆ خۆم لەگەڵ خۆم درۆم کردووە ؟
من دان بەوە دادێنم هەتا سەر ئێسقان گیرۆدەی داوی ئەوینی نەوەی مامم بووم بەڵام بە ئینکەبەرایەتی و لاساری خۆم حاشام لێ دەکرد .
لەخۆم و لەژیانی خۆم بێزار بووم نەمدەزانی چی بکەم و ڕوو لەکوێ بکەم ، دادەناسکێ هەستی بەبێ تاقەتی و بەدخوڵقی من کردبوو .
سێبەریش لێم دەڕەویەوە و وەک جاران بەبەروباوەشم هەڵنەدەگەڕا ، کاک قادر جارجار لێی دەپرسیم بۆ وا بێ وازی ، ئەگەر کێشەیەکت هەیە و بەمن چارەسەر دەکرێ پێم بڵێ بەڵام من کارێکی وامنەکردبوو لەڕووم هەڵبێ لەلای کەس باسی بکەم .
هەتا ڕۆژێک دادەناسکێ بەگریانەوە گلەیی لێ کردم ، گوتی تۆ ئێمە بەبێگانە دەزانی و سفرەی دڵی خۆت لەلامان ناکەیەوە ، من خۆ کوێر نیم و دەبینم تۆ وەک مۆم لەبەر چاوم دەتوێیەوە .
قەول و بەڵێنی خوشک و برایەتی نێوانمان کاتی نەبوو ، ئێمە قەرار بوو لە هەموو هەوراز و نشێوێکی ژیاندا پشت و پەنای یەک بین
✍ ماری موکریانی
#تاقانەی_خانمێ
کابان | KABAN
باشترین پەیوەندی ئەوەنییە کە کەسانی بێ عەیب و ئیراد ببینینەوە ؛
بەڵکوو دەبێ فێر بین عەیب و ئیراد وەلانێن و چاکەکان لەبەر چاو بگرین.
کاتێک لە تەنیایی داین بەدوای ئاوال دەکەوین
کاتی ئاواڵمان دیتەوە بەدوای عەیبوئیرادەکانی دەکەوین
کاتێکیش لە دەستمان دا؛ لە تەنیایی بەدوای بیرەوەرێکانی دەکەوین.
ژان پول سارتر
لە ستایشی ژیاندا
ئەزموونی شاعیر و نووسەر
ڕەفیق سابیر
بەشی ۱۹
مۆسیقا ؛ پدرام شەهلایی
تۆمار و خوێندنەوە ؛ موشتاق فەیزیابی
دیزاینەر و پێشکەشکار تەکنیکی ؛ دیاکۆ گەرمیانی
س؛ڕێگاپادکەست
#لە_ستایشی_ژیاندا
کابان | KABAN
بانە ، ئاوایی سیاومە
فستیواڵی گوڵاو و گوڵەباغ
کابان | KABAN
🔺گزارشی از عکس‌های لورفته دوران قاجار
✍متن، تدوین و گویندگی: محسن ظهوری
📌برخی از این عکس‌ها به تاریخ کوردستان مرتبط است.
س؛ دەنگی کوردستان
کابان | KABAN
تاقانەی خانمێ
بەشی ٤٧
پێویستی نەدەکرد لەوەی زیادتر وەدوای باسی ئاوارە بوونی وەکاز و خوشکەکەی بکەوم ، بەشێک لەوقسانەی دایک و بابم پێیان گوتبوو ڕێک وەک قسەکانی وەکاز بوو .
لەپاکی و بێ تاوانی وەکاز هیچ شکم نەبوو و جێی خۆی بوو من داوای لێبووردنی لێ بکەم لەبەر بێ باوەڕی و توڕەییم لەئاستیدا ، دایکم لەگەڵم زۆر باشتر ببوو وەک جاران ڕێی چوونە بازاڕ و ماڵە ئەسرینی لێ نەدەگرتم .
بەدوو قسەی خۆش و ماچکردنێک نەرم دەبوو و ئیزنی دەدام بچمە دەر ، بەبیانووی بازاڕ چوومە ماڵی وەکاز ، کلیلم پێ بوو بێ لەدەرگادان چوومە ژوور .
وەکاز سەری بەملدا شوشتبوو و ژێرکراسێکی بێ قۆڵی لەبەردابوو ، خۆم خافڵاند هەتا بچێ کراسێک دەبەر بکات ، کەچی گوتی فەرموو بەخێر بێی میوانی ئازیز بە ڕۆژی بەهار بەشەوی پاییز .
وێدەچوو دوای گێڕانەوەی قسەکانی هەست بەنزیکێکی زۆر بکات لەگەڵم ، خۆشەویستیەکەی نێوانمان بەجێی خۆی ئێمە کەسووکاری یەکتریش بووین .
قەفی باسکی دتگوت ئی پاڵەوانانە و بەو مووە ڕەشانەی لە سەرقۆڵی لوول ببوون ، زینەتێک بوو چاوی لەبەر دانەدەهات .
چوومە ژوور و دوای سڵاو و بەخێراتن دانیشتم ، گوتی چای دەخۆی یان میوە بێنم ؟ گوتم هیچ ناخۆم وەرە دانیشە نۆرەی منە قسان بکەم .
گوتی جا فەرموو خانمەکەم هەر گوێم نا دڵیشم لەلاتە ، گوتم دڵت شاد بێ و سپاس .
بە پێکەنینەوە گوتم نازانم پێت بڵێم کامیل یان وەکاز ، گوتی هەر ناوێک بێ لەزمانی تۆوە خۆشە بەڵام ناوی خۆم وەکازە و لە یەکەم جارەوە پێم باش نەبوو بزانی کێم .
گوتم وەکاز گیان بەرلەهەموو قسەیەک داوای لێبووردنت لێ دەکەم ، بەڕاستی باپیرم وا خۆی نیشان دابوو دەمگوت لەو پاک و ڕاستتر لە سەر گۆی زەوی نیە .
بەڵام من هەڵە بوو فریوی ڕواڵەتی باپیرم خواردبوو نەمدەزانی ناخی بەو شێوەیە ڕەشە ، وەکاز گوتی سەیران تۆ خۆت سەرقاڵی ئەو کێشەیە مەکە چونکە ئەو کارەساتە بەرلە لەدایکبوونی تۆ بووە و هیچ تاوانی تۆ نیە .
ئەمجا باپیری خۆتە لەبەروباوەشی ویدا گەورە بوویی چونکە خرابەی دەرحەق من و خوشکم کردووە مەرج نیە تۆی خۆش نەوێت ، تۆ ژیانی ئاسایی خۆت بکە هەر وەک جاران مەبەستی من دابڕانی تۆ لە بنەماڵەکەت نیە .
ئەوە کێشەیەکە لە بەینی من و ماممدا هیچ پەیوەندی بەتۆوە نیە ، ئای لەو کەسایەتیە بەرزەی وەکاز ، هەر کەسێکی دیکە بوایە ئەوەی پێیکرابا دەیکرد بۆ دابڕانم لە باپیرم کە ژیانی لێ کردبوون بەدۆزەخ .
بەو هەڵوێستە ئینسانی و مرۆڤدۆستانەی ئەوەندەی دیکە عاشقی بووم ، گوتم باشە ئێستا کە هیچ شتێکی شاراوەت لەمن نیە بەتەمای چی بکەی ؟
گوتی ئەوەیان کێشەی تۆیە و پەیوەندی بەتۆوە هەیە ، ئێستا چاوەڕوانی ئیزنی تۆم هەرکات پێت گونجاو بێ وەک پیاوان دێمە خوازبێنیت .
گوتم بۆ خۆت دێی ؟ گوتی بەڵێ بۆ خۆم بەتەنیا دێم ، کێم هەیە بینێرم دایک و بابم نیە و ئەگەر مامم مامی چاک بوایە دەبوو ئەو لەجێی بابم بۆم چووبا سەر ژنێ .
تۆ خەمی وەت نەبێ ئەوە بەمن بسپێرە ، تەنیا داوایەکی من هەمە ئەوەیە پشتم چۆڵ نەکەی و نەترسێی و لەسەر قسە و ویستی خۆت سوور و پێداگر بە .
گوتم وەکاز تۆ بەڵێنی بەختەوەرییت بەمن دا منیش بەڵێن دەدەم هەتا ئەو ڕۆژەی دەچمە ژێر گڵ پشتت بەرنادەم و لەکەسیش ناترسێم ، بەڵام دەبێ بزانی ڕێگایەکی دوور و درێژمان لەپێشە هەتا پێک گەیشتن و نابێ کۆڵ بدەین .
گوتی کچێ بەقوربانی خۆت و هەوڵەکانیشت بم بۆ پێک گەیشتنمان نازدارەکەم ، دڵنیا بە تۆم لەپشت بی هیچ هێزێک ناتوانێ هەنگاوەکانم شل بکا بۆ گەیشتن بەئاواتەکانمان .
کاک قادر و دادەناسکێ هەن بۆ ناردنە لای باپیرت بەڵام خۆم پێم خۆشە بێم چاو لەچاودا هەڵسووکەوتی باپیرت ببینم ، بەڵکوو وەڵامی هێندێک لەو پرسیارانەی لە دڵمدا کۆ بوونەتەوە بداتەوە .
گوتم لەسەر دڵی تۆم کەی پێت خۆشە وەرە بەڵام پێم خراب نیە ئەگە ڕاوەستی هەتا ئاخیر مانگی هاوین لە دەرسێک کەوتووم تاقیکاریەکەم بکەم جا دوایە بێی ، گوتی زۆر باشە منیش دەچمەوە تاران و هێندێک کاروباری دووکانەکەم وەپاش کەوتوون ، ئەوان جێبەجێ دەکەم و ئەو هەواڵە خۆشەش دەدەم بە کاک قادر و دادەناسکێ و دوای تاقیکاریەکەت دێمەوە .
✍ ماری موکریانی
#تاقانەی_خانمێ
کابان | KABAN
تاقانەی خانمێ
بەشی ٤٥
وەکاز هەروا بەردەوام بوو لە قسەکردن ، منیش زۆرم پرسیار هەبوو بەڵام نوتقم بەسرابوو ، نە زۆرتر مانەوەم لێرە بەرژەوەندی تێدابوو نە هێزی لەسەر پێ وەستانم هەبوو .
خۆزگە ئەوەی گوێم لێ بووە خەون بێت ، کەسێک ڕامتڵەکێنی و لەوخەوە خەبەرم کاتەوە ، وەکاز کە وای دیتم گوتی بەقوربانی ئەوچاوە گەشانەت بم دەسەر ئەوکوڵمە سوورانەت گەڕێم خانمە مەند و لەسەرەخۆکەم .
دەزانم قبووڵ کردنی ئەو ڕاستییە کارێکی ئەستەمە ، ئێستا هیچ مەڵێ و هیچ بڕیارێکیش مەدە ، تۆ پێویستت بەکاتە و منیش پەلەم نیە و ئەگەر پێویست بێت پاشماوەی تەمەنم چاوەڕێی وەڵامت دەبم .
نەمدەزانی چی بکەم و چۆن بڕۆمەوە و چی بڵێم ، تەنیا ئەوەندەم گوت : جا کێ دەڵێ ئێستاش بەتەمای تۆڵە سەندنەوە نی ؟
وەکاز گوتی قەتم سوێند بە خۆڵی سەرسینگی خانمێ نەخواردووە بەڵام بۆ یەکەم جار سوێندم بەخۆڵی سەرسینگی خوشکەتاقانەکەم من تازە نیازی تۆڵە سەندنەوەم نیە و ئەو دادگاییە دەدەمە دەست خودا .
ئیدی هەرچۆنیەک بوو ورەم دابەخۆم و هەستام بڕۆم ، وەکاز گوتی ئەسرین لە دووکانی سەمەدی چاوەڕێت دەکا ، گوتی دەچێت زەنگیانە دەکڕی هەتا وێت دەبەم بەو حاڵەوە بەپێیان ناگەیە وێ .
بە بیستنی ناوی ئەسرین پشوویەکم هاتەوەبەر ، بەڕاستی لە هەموو کات و زەمەنێک زیادتر پێویستم بەئەسرین بوو چونکە مێشکم کاری نەدەکرد و عەقڵم بەهیچ نەدەشکا .
لە ڕێگا هەتا گەیشتینە نزیک دووکانی سەمەدی وەکاز هەر خۆی بەقوربان و بەڵاگێڕم دەکرد و دڵخۆشی دەدامەوە و بەڵێنی داهاتوویەکی پڕشەنگداری پێ دەدام ، بەڵام داهاتووی چی و کامە بەختەوەری لەوکات و ساتەدا کە مردنی خۆم بەئاوات دەخواست .
ڕەشبینێکی لەڕادەبەدەر بەسەرم دا زاڵ ببوو بەو بەسەرهاتەی وەکاز بۆی گێڕامەوە ، لە قووڵایی دڵمەوە حەزم دەکرد قسەکانی وەکاز ڕاست نەبن . نەمدەویست ئەوقەڵا بەرزە و ئەوپشتیوانە قایمەی کە جێی فەخر و شانازی خۆم و بنەماڵەکەم بوو مۆرکی ناپیاوەتی لەناوچاوانی بدرێت .
بەڵام پێشم خۆش نەبوو قسەکانی وەکاز ببێتە هۆی دابڕانمان ، گێل و حۆل خۆم بەدەست ئامۆژگاری و ڕێنوێنیەکانی ئەسرین و قەزاوقەدەر ئەسپارد .
کاتێک ئەسرین دیتمی بەسەرسووڕمانەوە گوتی سەیران چی قەوماوە وەکاز چی لێ کردی ؟ بۆ وا ڕەنگی مردووانت لەسەر نیشتووە ؟
گوتم هیچی لێ نەکردووم بەڵام خۆزگە لە جیاتی ئەو قسانەی بۆی باس کردم سەری بڕیبام زیندەبەچاڵی کردبام ، گوتی جارێ با بچینە لای مامەی ساردە و بەلەزەتە پەرداخێک شەربەتی مێوژ بخۆوە با کەس‌بەو ڕەنگ و ڕووە زەردەوە نەتبینێ .
دوای شەربەت خواردنەوە چووینەوە بۆ ماڵی ئەسرین و لە ڕێگا هەموو قسەکانم بۆ گێڕاوە ، گوتی پەلە مەکە و لەخۆتەوە نەدژایەتی و نەلایەنگری لە هیچیان مەکە .
گوتم ئەدی چۆن ڕاست و درۆیی ئەو قسانەم بۆ دەرگەوێ ؟ گوتی بەسیاسەت و لەسەرەخۆیی پرسیار لە هەمووان بکە بڵێ حەز دەکەم بزانم چی هۆکارێکی هەبوو وەکاز و خانم بێکەسووکار هەڵوەدای تاران بوون .
دڵنیام ئەگەر بابەحاجیش دان بەڕاستیدا نەهێنێ بابت یان دایکت ڕاستیەکەت پێ دەڵێن ، سەبرت هەبێ ئەوەی لەسەر سەبرانە لەسەر خێرانە .
ئەسرین زۆر لەمن تێگەیشتووتر بوو ، بەبڕوای من ئەوەش دەگەڕێتەوە بۆ شێوەی پەروەردەی بنەماڵەیی ، دایکی ئەسرین وەک دەستەخوشکان بوو لەگەڵ کچەکەی ، وێڕای ئەوەی زەبروزەنگی دایکایەتی هەبوو زۆریش کراوە بوو .
بەڵام لەماڵی ئێمە دایکم لایەنگری کوڕەکان بوو و دەیگوت نابێ هێندە مەیدان بدرێت بەکچ ، ئەو شەرم و ترسی لەدایکم هەمبوو لە باب و باپیرم نەبوو .
تەنیا بابەحاجی زۆری خۆش دەویستم و بەردەوام ئامۆژگاری دەکردم و ڕێی چاکی ژیانی پێشان دەدام ، دەشیگوت ئەوەی کچی نەبێ وەجاغی کوێرە ، بەخودای بە لەدایک بوونی سەیران ئەوماڵە ڕووناک بۆوە ، ئای بابەحاجی خۆزگە دەست و لاقێکم نەبێ بەڵام تۆ ئەوپیاوە نەبی کە وەکاز باسی دەکرد .
با ئەوقەڵایەی پشتم پێ بەستووە لێم نەڕووخێت
✍ ماری موکریانی
#تاقانەی_خانمێ
کابان | KABAN
تاقانەی خانمێ
بەشی ٤٣
بەئەسرینم گوت : نەک بەقسەکانی دایکت دڵگران نەبووم بەڵکوو هەتا سەر ئێسقان حەقی پێ دەدەم ، من عاشقی کێ بووم ، کامیل کێیە ، کوڕی کێیە ، خەڵکی کوێیە ، کێ دەڵێ ئەوقسانەی هەتا ئێستا کردوویەتی ڕاست بوون ؟
خۆشەویستی هەر کۆمەڵێک قسەی باقووبریقەدار نیە ، خۆشەویستی پێویستی بەسەلماندنە .
کەسێک کەسێکی خۆش بوێت ئازاری نادا ، بەسێ چوار مانگ لێی بێ هەواڵ نابێ .
لە بەر داوای تۆ قسەی لەگەڵ دەکەم بەڵام بۆ ئاشت بوونەوە و بەردەوامی پەیوەندیی نێوانمان نا ، تەنیا بۆ وەی قسەی دڵی خۆمی پێ بڵێم و نەیەتەوە بەر دەرگای ئێوە و چیدیکە گاڵتە بە هەست و کەسایەتیی من نەکات .
دوایە گوتم : بەڵام من جارێکی دیکە ناچمەوە ماڵەکەی نازانم چۆن و لەکوێ بیبینم ، ئەسرین گوتی کارێکی ئەستەم نیە لەسەر کوتەکاغەزێک بۆی بنووسە و دە حەوشەکەی باوێ .
هەر لەوێ کاغەزێکم نووسی و ڕۆژ و کاتەکەم دیاری کرد و لەسەر ڕێگای ماڵێ بەهەزار ترسوولەرزەوە چووم لەحەوشەی ماڵی کامیلم هاویشت ، ڕۆژی هەینی لەگەڵ ئەسرین چووینە سەرقەبران ، دیار بوو کامیل بەر لەئێمە هاتبوو و تڕۆمبێلەکەی لەتەنیشت بوداغسوڵتان ڕاگرتبوو .
بەدیتنی ئێمە شاگەشکە بوو و هاتە خوار و بەڕوویەکی خۆشەوە سڵاوی لێ کردین بەڵام من زۆر بەساردی وەڵامم داوە ، چاکووچۆنی لەگەڵ ئەسرین کرد و گوتی ئەگەر ئیزن بدەی کەمێک کارم بەسەیرانە .
بەرلەوەی ئەسرین وەڵام بداتەوە گوتم هەر قسەیەکت هەیە لەبەر چاوی ئەسرین بیکە ، من هیچ شتێکی شاراوەم لەئەسرین نیە .
ئەسرین گوتی من دەڕۆمە سەرقەبران هەتا ئێوە قسەکانتان دەکەن ، بێ وەی بزانێ من پێمخۆشە لەگەڵ کامیل بەجێم بهێڵێ یان نا ڕێی داگرت و بەجێی هێشتم .
هەر کە ئەسرین کەمێک دوور کەوتەوە گوتم من هیچ قسەیەکم نیە لەگەڵ تۆی بکەم ، خۆشەویستی کایەی مناڵان نیە ، هەر کات شتێکت بەدڵ نەبوو سێ چوار مانگ مان بگری و لێم نەپرسی ، جا تکات لێ دەکەم بەوڕێیەی پێیدا هاتووی بگەڕێوە و حەیاشم مەبە مەچووە ماڵان بۆ قسە و باسان .
گوتی سەیران گیان زۆر قسە هەیە دەبێ بیزانی ، تکات لێ دەکەم تەنیا کاتژمێرێکم وەخت بدەیە هەموو شتت بۆ باس دەکەم .
دڵنیا بە بەبیستنی ڕاستیی ژیانی من هەموو شت دەگۆڕێ بەڵام بەر لەبیستنی ئەوقسانە کە لەسەردڵم قورساییان کردووە پێمخۆشە بزانی خۆشم دەوێی و قەت وازت لێ ناهێنم .
تۆ تازە بوویە بەشێکی گرینگ لەژیانم و هەموو هەست و گیانمت داگیر کردووە ، من بێ تۆ ناژیم تۆ وەک هەوا گرینگی بۆ هەناسەدانم .
گوتم فەرموو قسەکانت بکە ، گوتی لێرە نابێ سوار بە دەچینە جێیەکی دیکە ، گوتم من لەگەڵ ئەسرین هاتوومەتە دەر لەگەڵ ویش دەچمەوە ماڵێ ، لێرە بەتەنیا بەجێی ناهێڵم .
بۆخۆی چوو بۆلای ئەسرین نازانم چی پێ گوت و بەپەلە هاتەوە لای من و گوتی هەر خولێک پێکەوە لێ دەدەین و زوو دەتهێنمەوە ، دەرگای پێشەوەی بۆ کردمەوە بەڵام من چووم لەدواوە دانیشتم .
کە دانیشتە ناو تڕۆمبێلەکە گوتی توڕەبوونیشت لێ جوانە ، مۆڕەیەکم لێ کرد و سەری خۆم داخست .
کاتێ سەرم هەڵێنا دیتم بەرەو ماڵەکەی خۆی لێدەخوڕێ ، گوتم بەتەمای بمبەی بۆ کوێ تۆ گوتت خولێک لێدەدەی و قسەکانت دەکەی و زوو دەمبەیەوە بۆلای ئەسرین .
گوتی قسەکانم بۆوەی نابن لە ناو شەقام و بازاڕ پێتی بڵێم ، قسەم لەگەڵ ئەسرین کرد چاوەڕێت نابێ دەڕواتەوە !
ڕقم لەئەسرینیش هەستابوو ، نازانم ئەو هاوڕێی من بوو یان پشتیوانیی لە کامیل دەکرد .
دەستم برد دەرگاکە بکەمەوە بەڵام کامیل دەرگاکانی قفڵ کردبوو ، هاوارم کرد گوتم ڕایگرە من جارێکی دیکە پێم ناخەمە ناو ماڵی تۆ ، گوتی تەنیا ئەو جارەی دوایە قەولی پیاوانت پێ دەدەم زۆریت لێ نەکەم .
ناچار و بەنابەدڵی بێدەنگ بووم ئاخر چیم پێدەکرا ، بمکردبا بەهاتووهاوار و کەسێک گوێی لێ بوایە حەیای خۆم دەچوو ، نەیاندەگوت لەگەڵ کوڕێکی بێگانە لەناو ئەو تڕۆمبێلەدا چی دەکەی ؟
کاتێک گەیشتینە ماڵەکەی لە حەوشەکە ڕاوەستام و گوتم نایەمە ژوور هەرقسەیەکی هەتە لێرە پێم بڵێ ، کامیل گوتی تکات لێ دەکەم سەیران واز لەو کردەوە منداڵانەت بێنە ، خۆ ناتخۆم گوێ بۆ قسەکانم ڕابگرە و دوایە بڕۆ ، ئەوکات ئەگەر پێشم پێ گرتی پیاو نیم .
✍ ماری موکریانی
#تاقانەی_خانمێ
کابان | KABAN
🔴 پاپوشی از دل افسانه‌های کهن و قصه‌های تاریخی
در لینک زیر بخوانید:
👇
📎 http://haje.ir/Newsdetails.aspx?itemid=22104
@HajeNews
📸 عکس تاریخی
✍تصویر اسارت "بایز آقا"، رئیس ایل "منگور"[مەنگۆڕ] ، از طوایف مشهور کورد
🖊از مجموعه تصاویر تازه منتشر شده دوره قاجار
@DengiKurdistan
لە ستایشی ژیاندا
ئەزموونی شاعیر و نووسەر
ڕەفیق سابیر
بەشی ۱٨
مۆسیقا ؛ پدرام شەهلایی
تۆمار و خوێندنەوە ؛ موشتاق فەیزیابی
دیزاینەر و پێشکەشکار تەکنیکی ؛ دیاکۆ گەرمیانی
س؛ڕێگاپادکەست
#لە_ستایشی_ژیاندا
کابان | KABAN
تاقانەی خانمێ
بەشی ٤٠
خوا خێری دادەناسکێ بنووسێ سەری قسانی کردەوە ئەگینا قەت لەڕووم هەڵنەدەهات پێی بڵێم چی شاکارێکم کردووە ، ئیدی بەبێ کەم و زۆر چیم کردبوو و چۆنم ماڵە مامم دیتبۆوە و بەتەمای چی بووم هەمووم بۆ گێڕایەوە .
زۆر زۆر توڕە بوو قەت وا بەتوڕەییم نەدیتبوو ، دوای هاتووهاوارێکی زۆر کە
دیتی من هیچ ناڵێم و سەرم داخستووە ئەمجا بە هێمنی گوتی : کارێکی لەڕادەبەدەر منداڵانەت کردووە ئێستاش کارە و هاتووە ، وەکاز گیان دڵنیام خانمیش مابا ئیزنی ئەو کارە بێ جێیەی پێ نەدەدای .
لەکوێی ئەو دونیا پانووبەرینە دیتراوە کەسێک لە جیاتی کەسێکی دیکە حوکم بدرێ ؟ پێم ناڵێی بەکامە تاوان گاڵتەت بە هەستی ئەو کچە بەستەزمانە کردووە ؟
ئەمجا بەتۆڵە کردنەوە نە خانم زیندوو دەبێتەوە و نە تۆش ئاسوودە دەبی و نە ئەو تەمەنەی ڕۆیی دەگەڕێتەوە ، پێشم خۆشە بزانی ئەو چێژەی لە لێبووردن دایە هەرگیز لە تۆڵەدا نیە .
ئێستاش من دونیام دیتووە و سارد و گەرمی ژیانم چێشتووە و دەزانم خەمباری و بێ خەو و خواردنیی تۆ ژان و بڕکی ئەوینە ، تۆ دڵت داوە بەسەیران و خۆشەویستیش تاوان نیە .
بێ ئەوەی دان بە قسەکانی دابێنم یان حاشایان لێبکەم گوتم ئەدی چار چیە ؟ بەپێکەنینەوە گوتی جارێ هیچ ڕێیەکت پێشان نادەم بۆ وەی تۆڵەی دڵی شکاوی سەیرانت لێ بکەمەوە .
گوتم ئەی تۆ خۆت نەتگوت چێژێک لە لێبووردندا هەیە لە تۆڵە دا نیە ، تکات لێ دەکەم دادە ناسکێ وەبزانە پیاوم کوشتووە و پەنام بۆ تۆ هێناوە لەو گێژاوە ڕزگارم بکە .
بەڵێنت پێ دەدەم ئیدی هەتا ماوم هیچ کارێک بەبێ پرس و ڕای تۆ نەکەم ، گوتی جارێ بڕۆ دەستێک بەو سەر و ڕدێنەت دابێنە و با نانێک بخۆین دوایە بە تەکبیر و ڕای هەمووان ڕێگایەک دەدۆزینەوە ، کار نیە خودا چاکی نەکا .
بەقسەکانی دادەناسکێ نووری هیوا کەوتە دڵم ، دادەناسکێ مەلایەکەتێک بوو لە بەرگی مرۆڤدا و خودا بۆ بەختەوەری من خستبوویە ناو ژیانم .
دوای نان خواردن دادم گوتی : وەکاز گیان ئەگەر بەڕاستی دڵت بەسەیرانەوەیە و گەڵاڵەی ژیانێکی هاوبەشیت بۆی داڕشتووە ، پێویستە هەموو ڕاستییەکی ژیانی خۆتی پێ بڵێی .
بناغەی هەر ژیانێک بەدرۆ دامەزرێت کۆتاییەکەی جیایی و لێکدابڕانە ، کاتێک ڕاستیت پێ گوت مافی هەڵبژاردن بدە بەخۆی چونکە ئەو بڕیارە بڕیارێکی ئاسان نیە و پێویستی بەکاتە و لەوەیە ئەویش لێی بکۆڵێتەوە ، لەوەیە باب و باپیری ئیزنی پێ نەدەن ژیانێکی هاوبەش لەگەڵ تۆ پێک بێنێ ، لەوەیە هەزاران تەگەرە بکەوێتە سەر رێگای پێک گەیشتنتان بەڵام لەکۆتاییدا هەر ڕاستوێژی دەیباتەوە .
گوتم ئەگەر پێت باش بێ من سبەینێ دەچمە سابڵاغ هەرچۆنێکی بێ ڕاستییەکانی پێ دەڵێم ، دڵنیام سەیران منی خۆش دەوێ و بەیەکەوە هەر تەگەرەیەکی بێتە سەر ڕێگامان بنبڕی دەکەین .
دادەناسکێ گوتی هەر ئاوی لێ مەخۆوە هەتا درەنگتر نەبووە و مەیلی لەسەرت لانەچووە ، وەکاز گیان وەک پێشینیانی خوالێخۆشبوو گوتوویانە :
کەسێ ڕاست نەبێ قەول و بڕیاری
بیخاتە پشت گوێ شەرت و قەراری
گەورەش بێ لە ناو کۆمەڵ بچووکە
وەک پووڵی قەڵب سووک و چرووکە .
بۆ بەیانی بەدڵێکی پڕ لەهیواوە وەڕێ کەوتم و هەنگاوم بۆ ڕۆیشتنی ئەمجارەم خۆشتر بوو لە جاری یەکەم کە بەمەبەستی تۆڵە ڕێم داگرتبوو .
گەیشتمە سابڵاغ ، ماڵێکی وردووێران تۆز و خۆڵاوی ، گوڵەکان ویشک ببوون ، تۆزی خەم و پەژارەی لەو ماڵە نیشتبوو ، دیار بوو لەدوای ڕۆیشتنەوەم بۆ تاران سەیران پێی نەناوەتە ئەوماڵەوە .
بەدڵ خەمبار بووم بەڵام چۆکم دانەدا کارێکی هەڵەم کردبوو و دەبوو قەرەبووی بکەمەوە و دڵی سەیران وەچەنگ بێنمەوە ، وەک کابانی چاک خۆم لە ماڵێ هەڵکرد و وەک گوڵ خاوێنم کردەوە .
چووم بۆ بازاڕ و گوڵم کڕی و لە جێی گوڵەکانی سەیران کڕیبووی دامناوە ، دوایە چوومە گەرماوی لالەزار و دوای حەمام کردن چوومە سەرتاشخانەی کاک هاشم و سەر و ڕدێنم چاک کرد .
دەستێک ڕانکووچۆغەی کڕی شینکیم لەگەڵ خۆم هێنابوو بردمە لای کاک سمایل بۆی لەئوتوو دام ، دەتگوت بۆ داوەتێ خۆم دەڕازێنمەوە ، دوایەش ماندوو و مردوو چوومە چێشتخانە و نانم خوارد و شەوێ کە چوومە سەرجێ بۆ خەوتن بەخۆمم گوت : بنوو بێ خەم و خەیاڵ
خوا یەکە و دەرگای هەزار
✍ ماری موکریانی
#تاقانەی_خانمێ
کابان | KABAN
گۆرانی وەرە قوربان،
بە دەنگی چوار کەڵە هونەرمەندی کورد.
س؛ jyanikurdstan
کابان | KABAN
🌹🌷این کلیپ زیبا و دیدنی از یک جشن عروسی از ایل بزرگ و با افتخار بختیاریست که در آن برادر عروس به رسم سنت گذشتگان خود (بختیاری ها و لرها و ترکها) شال مخصوص را به کمر خواهرش می‌بندد ، تا شاه داماد را در شادیها و سختیها همراهی نماید! این یک رسم بسیار زیباست در بین این اقوام هست!
پێم خۆشە بیر و بڕوای هاوڕێیان بزانم لەبابەت دابی ئێمە بۆ پشتێند بەستن لە لایان برای زاوا ، دەبێ نیشانەی چ بێ .
سینا
کابان | KABAN