676
كلشي اريده ... وما دريت انته شتريد ارزقني طاعه ما اجادل كالعبيد ... ........ (لنشر القصائد الحسينيه... فقط) للتواصل ( @amaar33 )
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
منو مثلك ....
أذا انته الامام أيقبل أبچفك
وثغر لحسين لو شافك تبسم
يكاشف عنه كل هَم ...
يلوحدك صرت لحسين بلَسمْ
منو مثلك.....
يمالك كل گلب يملك وصل بحسين
يالوحدك صرت لم الحسن عين
يا هيبة علي يا سيد الخدام
تحت گبتك حلم نلتم
يلعينك عله الخدام بلسم
منو مثلك
تدلي الضايع لدرب الله وأتجيبه
يواهب دمعتي لأعظم مصيبة
بديت أوياك عمري وهاي قصه
اريد احجي أبگلب ولهان
يا جربة عذب أبقه أعَليك عطشان
منو مثلك....
عله بابك تحط روح الخدم وتعيش
ومن بابك ندك باب الله ونطب
يمالك بلسم اجروحي
نبضي ....والدمع ......وانفاس
اغله امن الذهب والماس
اي اغله...
ويضل ذاري التراب بعتبتك احله
يباب الخدمه يا عباس
..........
خادمكم
رجعت ام المصائب الى مدينة رسول الله فتوجهت عينها صوب قبر جدها رسول الله كأني بها تقول :
يجدي الحادي كلما صار يدنه
علينه انگله طه يصير يدنــــه
يعرفك بس يجر أحبال يدنــه
واشگف لو رفع سوطه عليـه
.........
بسجل مولاتي العقيله
يا خير الاكوله وانتو كل الخير
يا عــام الابارك والضعن شايــل
اذا كل عام نـفس الجرح ينعــاد
الـــف مبــروك المــن بعد گايـــل
هضموني صحت يا بويه الاصحاب
دارو بالحطـــب مــن صـار الغيــاب
×××××××××××
لروح لوالدي واشكيله بالصار
و اسولفله جمر بسمار وي نار
علينه اتكالبت يا بويه الاقدار
وبعده ما نشف لِهسه الِتراب
×××××××××××
يبو ابراهيم بعدك ما هِدينه
أبنيتك بالهضم صارت حَزينه
الباب الچان يندگ من تجينه
بألم ضلعي أگلك حرگو الباب
×××××××××××
يبويه وحيدر المكسور ظهره
من هاي الوصيه خاضع امره
عليمن يتكل والنــاس هَجره
ما حِسبو بعد تاليها الحساب
×××××××××××
كل هذا الجره بعيوني مو سهله
وي كسر الضلع ما تهده هالعِله
وسياطه النذل علـ العضد خَله
جملد والاثر يلچمني الصواب
×××××××××××
دمعة زلمه لو طاحت هَضيمه
وغيره والصبر جانت عظيمه
ومن غمد الفقار أسمع ظليمه
اثنين اتشابهن وبنفس الاسباب
×××××××××××
لگعد يمـك واحچيلك أونيــن
لليجره بعد عيني عله حسين
تندار الزلم كـــل كتر صوبيـن
واليحرگلي بابي يحرگ اطناب
×××××××××××
عمار التميمي
بنتي أمانه
الله وصاكم بأهل بيتي
لذوي القربى آتوا حقهم
وانه اوصيكم عليهم
غضب الله من غضبهم
آتوا حقهم
لا تطمسون الحقيقه
ولا تظهرون الخيانه
بنتي امانه
ذوله يا ناس فهموا
همه روحي وأهل بيتي
شوفي أفعالي
من كلامـي
من مشيتي
من أدگ بابي وأسلم
بنتي حِلي وانه ادري
بس أمر ربي ( أسلم)
اذا أقرب مَلك عنده
هو خادم عند اهل بيت الرساله
ولان يعرف
بالخدامه
يرتفع گدره أوي شانه
بنتي امانه
لا تكسرون الوصيه
ولا تجمعون الحطب يم باب بنتي
انه اوصيكم عليها
مثل ما وصيت بعيال اليتامه
لا تأذوها....
لا تسمعوها كلام البيه جرح
لا تحرگون الها باب
الطابع أچفوفي عليه
هذا ليل ولو غبش بيكم صبح
وانكسر أمر الوصيه
رحمة الله تنرفع
وبين لحظات القيامه
بس قميصي ينرفع
رضا الله من رضانه
بنتي امانه
لا تَخشنون الخواطر
ولا تعادون زهرة روحي هيه
هي روحي وام ابيها هيه هيه
من تغمض عيني عنها
راح أحن .....
لابني مُحسن
البعده ما شاف الضوه
بس صدى صوت الاسمعه
كلمه وحده ....
عله الباب اتصير جمره
كلمة (وإن)
بيها بنتي تنضرب
بيها كسرة چم ضلع
بيها موت المحسن أبني
بيها ركض اولادها امن الرعب
بيها حيره
زلمه خايف عله اهله وعنده غيره
ومرته فوگ الگاع تنزف
يا ( وإن) تذبح زهرتي
وتذبل ابغصن الاراكا
يا غدر أمتي وكفرها....
ما يصير الگلته انه
لو چنت موجود أنه
بنتي امانه
..........
الفاطمية
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
هي امنية كل خادم عند الممات يحضر اليه سيد الشهداء فيتجلى نور الله في وجه الحسين فتهون عليه سكرات الموت ....
أمنية الخادم ان يموت في العزاء وها أنا أموت في عزاء الحسين (صلوات الله عليه)
أمنيه اسولف من متت يا ربع الحسيـن
من غمضت عيني شفت فاتحلي ايدين
من الفرح هم تبجي عيني
الليله يمي يحضر أحسيني
يا ربع الحسين ..... يا ربع الحسين
∆∆∆∆∆∆∆∆
عايش حياتـي والتــزم
وللخدمة شديت العزم
وگليبي وياه
أحضر مجالس بالجزع
وصوتي اله بس ارتفع
واصرخ حسيناه
بادي مجلس الزهره الزجيه
الموت ردته صــح الليه اليه
گمت أعله حيلي عاينت متغير الحـــال
والخادم اليمي أسمعت مات الولــد گال
ابمجلسه للمنبر اموسديني
الليله يمي يحضر أحسيني
يا ربع الحسين ... يار بع الحسين
∆∆∆∆∆∆∆∆
ترجف اديه أمن الرعب
وخادم يحاول بالگلب
والثاني بالماي
عيني عله رب السمه
وحسيت عندي هم ضمه
وتتگطع أحشاي
دمعت عيني لفراگ المجالس
ومن هاللحظه من ردتي آييس
فاتح عيوني بس شفت نور أعله كل نور
من حضروا اهل البيت كلهم گلبي مسرور
افرح لان حضروا أهل ديني
الليله يمي يحضر أحسيني
يا ربع الحسين ... يا ربع الحسين
∆∆∆∆∆∆∆∆
ملك المنيـــه ينتظـــر
بحگي شنو يصدر أمر
وعيني عليهم
گالولـــه خفف لا تشد
وحسيت باطرافي برد
وعيني عليهم
أسمعت الفاتحه ابذني قــروها
وشالو جثتي ابنعشي وخذوها
غسلونــــي ابدموع ولطم ولگبري رايح
ولفوني ابجفافي العزا وما صار صايح
بالخدمه حخصت كلهن أسنيني
الليله يمــي يحضــــر أحسينــي
يا ربع الحسين .....يا ربع الحسين
∆∆∆∆∆∆∆∆
وصلو گبر ما بيه ضوه
ولا بيه بعد نسمة هوه
بس بيه الحسين
من نزلوني ابكل هدوء
ما خايف أيمسوني سوء
بي قرت العين
ليلة وحشه ما عدنه يهالناس
اذا حاضر حسين أبچفه عباس
والينترس عيــنه ضوه ما عنده غـــربـــه
وانه شفت وجه الحسين وهانت الصعبه
والموتى تغبطني لان يجيني
الليله يمي يحضر أحسيني
يا ربع الحسين ... يا ربع الحسين
∆∆∆∆∆∆∆∆
سالوني من ربك گلت
يا رب عليك اتوكلت
يا نعمة النعمه
ما كملو گالوا ( نعم )
هو يصير أمن الخدم
ابدفتر الخدمه
حاضر يمي (بأبي هو وأمي)
واول مره من صاحولي أسمي
كوم أعله جنتك لو ردت تحضر عزيه
أركض گمــت من أللحد لأعظم رزيــه
أركض والدمع تارسها عيني
الليله يمي يحضر أحسيني
يا ربع الحسين ... يا ربع الحسين
∆∆∆∆∆∆∆∆
عمار التميمي
وين باجر... ليا وطن رايح دلالي
وين باجر...يا خَلگ تنظر خيالي... وين باجر
..........
مُظلمة الدنيه بغيابك
وما يحل عني الظلام
واليفارگ نظره منك
گلبه جمره أمن الخيام
انه فارگتك يخويه
وحافر أبصدرك ينام
عطر صدرك خاف اشمه
وينلچم صدر السلام
حيره والله.... ما رعو جسمك سليب
حيره والله.... لينه ينظر چم غريب... وين باجر
..........
خطوه خطوه من وصلتك
كبرت أسنين العمر
ما لگيتك ما عرفتك
انمردن أضلوع الصدر
صرت غيمه فوگ نحرك
ومُطرت أعيوني أبصبر
والزَمت نحرك أشمه
أبصوت ناداني الشمر
فوگ صدره.... واشتمت امج يزينب
فوگ صدره.... وذبحت نحره وتعذب... وين باچر
.........
خويه اذا جرحك يلچمك
اشلون گادر عل الذبح
والرمح خِشبه وحديده
وانته راسك عل الرمح
والهوه يلچم جروحك
اشلون اذا كلك جرح
واشتهت روحي گبرها
الگبر ما بيه أي صبح
يا صبح... ومني ماخذلي عشيره
يا صبح... زينبك صارت اسيره... وين باجر
.......
كبالي رفعو راس اخوتي
والرمح دفعووه غصب
طگ لهاته وطاح دمعه
وعينه تنظر عل الدرب
ضل يناشگ من سِنانه
وعل الرمح دمه يصب
وحِسبت نَحره ابجروحه
اثنعش طبره أمن الضرب
ااه خويه... تعلعلت وانته الذبيح
ااه خويه..... من يذبحك لا تصيح ... وين باچر
......
اليمشي يم راس اليحبه
أسم الله گله لو عِثر
ولو طلب ماي ويشوفه
يجيب بچفوفه نهر
انه ادري راسك انته
عل الرمح صاير گمر
طبعك انته ما تردني
بدونك انه ابلا ظهر
ظهري ورم.... من سياط الما رحمني
ظهري ورم... السوط غافي فوگ متني
.........
#عمار_التميمي
قمـرٌ هاشمــي
............
يا ضــــــوه أبدنيانه ..... يا ابا الفضل
بكل شدة انته أويانه .... يا ابا الفضل
..........
نـــور الله أبنــوره .... يا ابا الفضل
المعرفه المنشوره .... يا ابا الفضل
مالك ألروح اسمه...... يا ابا الفضل
صاغه بعظم صوره .. يا ابا الفضل
أسمك يعتلي
يا وارث علي
عين لفاطمه
يا روح الولي
∆∆∆∆∆∆∆∆∆∆∆∆∆∆∆
ابلا سبــب حبيتك ....يا ابا الفضل
ابگلبي من ضميتك .. يا أبا الفضل
شع ضواك ابروحي ... يا ابا الفضل
أبحاجتي ناديتـك. .... يا ابا الفضل
أسمك بلسمي
بضلك أحتمي
يا بـن حيـدره
قمـرٌ هاشمــي
∆∆∆∆∆∆∆∆∆∆∆∆∆∆∆
يا جمـال أحروفـــك ...... يا ابا الفضل
باب رحمه نشوفــك ....... يا ابا الفضل
بــاب أخــوك وگلبــه ....... يا ابا الفضل
الواجب أحنه انطوفك .... يا ابا الفضل
هيبتك حيدره
بطــلٌ قَسـوره
رحمتك غايتي
باب المغفـــره
∆∆∆∆∆∆∆∆∆∆∆∆∆∆∆
أنته نبع الغيره ...... يا ابا الفضل
المعتنيك أتجيره ....يا ابا الفضل
بلايه ديره وجيتك .. يا ابا الفضل
لگيتك انته الديره..... يا ابا الفضل
انت راعي الشيم
يا كفيــل الخيم
أكتب اسم الوفه
اقره راعي العلم
∆∆∆∆∆∆∆∆∆∆∆∆∆∆∆
منو يوصل گـــــدرك ...... يا ابا الفضل
وانته راعي لخـــدرك ..... يا ابا الفضل
سر هيامي أبشخصك ..... يا ابا الفضل
وصعب نوصل ســرك ..... يا ابا الفضل
حبك ملهمي
وحدك عالمي
مولاي الگمر
جرحي وبلسمي
∆∆∆∆∆∆∆∆∆∆∆∆∆∆∆
تمت بفضل مولاي قمر بني هاشم
عمار التميمي
من عالم حبك رايد
دمعة حب وحنين
يالوحدك تشفي بجرحي
يلوحدك جرحي حسين
حبيبي .....طبيبي ... حسين
..........
اخذ كلشي تريده الروح
وبس انته تضل ويـــاي
اجيك ابكل ذنب بيه
وترجعني ابزلال الماي
اشما احس الظهر مكسور
تعدلني المجالس هاي
ومن وكت العرفتك بيه
صرت بيها افتهم معناي
مخلوق لأجل الدمعه ..
وبخيرك عشت السنين
يلوحدك تشفي بجرحي
يلوحدك جرحي حسين
حبيبي .... طبيبي ... حسين
++++++++
أنا ناكر شكو بذاتي
الك صَفيت بس نيتي
گبل ضايع واريد الگاك
ويمك صارت امنيتي
انفتح گلبي على أسمك
انشرح صدري ارتفع صيتي
النفس يمك خذاها الروح
و تملكت الهوى ابريتي
يتغير حالي لأجلك .. ..
بس لاجلك ابقه حزين
يلوحدك تشفي بجرحي
يلوحدك جرحي حسين
حبيبي .... طبيبي ... حسين
++++++++
اشما أحزن اجي لبابك
شحلاتك تعرف العندي
اجيك وگلبي بي حسره
الدنيا الصايره ضدي
ومن عطفك تدير العين
وتگل لحَسرتي بعِدي
اهنا الكه الحنان ايعيش
ابصدري وما عشت وحدي
تشافيني وجرحك باقي
ويكبر بيه الانين
يلوحدك تشفي بجرحي
يلوحدك جرحي حسين
حبيبي .... طبيبي ..... حسين
...........
ربح كلمن فهم گدرك
يمبهم ما الك تفسير
اليحسن يحضر المجلس
وتدعي العنده هم تقصير
تحط ايدك عله الخدام
وتنزل رحمة التغيير
الشعور الما يوصفه لسان
نفرح نبجي بيها انحير
يالواهب دمع اعيوني .
لاجلك ابقه شجين
يلوحدك تشفي بجرحي
يلوحدك جرحي حسين
حبيبي .... طبيبي ... حسين
............
عمار التميمي
لمولاي سيد الشهداء
كلشي يتسمه عليك ايصير جنه
والسؤال العندي ابقى احتار منه
الجنه لو ترتبط بأسمك
تبقه هم تتسمه جنه ؟؟؟
عمارالتميمي Читать полностью…
شهادة ام الوفاء
.....
اول مدارس للوفاء
أتعلمنه هيه ام البنين
**'
يا جوهرة گول وفعل
يا مدرسة أول عطاء
اربع فوانيس الضوه
تزهر أراضي كربلاء
ام البنين ....ام البنين
زوجة امير المؤمنين
علويه من ريحة علي
للساده أم طول السنين
بالتضحيه أول فداء ...
أتعلمنه هيه ام البنين
×××××××××××
يا صابــــره يا شاكره
قدوتنه انتي بهالزمن
اول جهود التضحيه
نالت رضا ام الحسن
هي الاميرة العالمه
لبيت النبوه خادمه
بذلت نفسها للوفه
لأمر الحسين أمسلمه
بذلت نفسها لكربلاء
أتعلمنه هيه ام البنين
×××××××××××
يا قاضيه ولكل عسر
باب الحوائـج بالأســم
لو گلبي صاح ام البنين.
أصعب أموري تنحسم
باب العطايه بالكــرم
يا مفخره لكل الحَرم
الما يعرفـج ام البنين
من الرزق گلبه أنحرم
يا حاضره وبكل بلاء
أتعلمنه هيه ام البنين
×××××××××××
للجنه نسعى ابكل جهد
بس انتي عندج معرفه
ردتي رِضا سيد الملا
وأسمج صبح ام الوفه
ما ردتي أسمج ينذكر
وصيتي حيدر بالأمــر
راعيتي دمع العايله
وما جارحه أم الخدر
بأسمج ولا يرجع دُعاء
أتعلمنه هيه ام البنين
++++++++++++
أنتي العزيزة لفاطمه
وعندج مواساة وصبر
ما ردتي گبه ولا صحن
مستحيه منها ابلا گبر
اليحرس نفس عنده مقام
وانتي حفظتي چم أمام
وفوك العطايا أبكل صدق
أربع زلم صاروا خيام
في كل زمن هذا النداء
أتعلمنه هيــه ام البنين
++++++++++++
عمار التميمي
الما شاف الضوه لو جاك سله
عله البسمار من ضلوعي سِله
نحيله والهجر هد حيلي سَله
وكاسر چم ضلع باب المنيه
يا فاطمه
حزن گلبي الغريبه
اسولف يا مصيبة
ابديرة والدها مظلومه الزجيه
أمن النوح امنعوها
ؤورثها سَلبوها
واليكسر ضلع كاسرها الوصـيه
ما ينجبر لو بس هضم چا طــاب
بس فاطمه انعصرت وره يا باب
تباً لِمن شـــال الحطب باحقاد
ومن الـ(وإن) داسوها الاعـــتاب
صار الي ما صــار
باب الجنه بي نار
^^^^^^^^^^^^^^^^^
اذا زهرة محمد
ما ينصرها أحد
جرح الغربه يشرح وضعها
أنولت زهرة نبيهم
عار الــدنيا بيـهــم
وظلموا فاطمه وكسرو ضلعها
الشايل حِزن خل ينهضم اكثر
ضلع امنه سِمعته العِده أتكسر
زيد أعله حيلك يا گلب بالاه
حيدر فزع بس حيله يتعثر
ديره وبلا أغيــار
باب الجنه بي نار
^^^^^^^^^^^^^^^^^
انذبح عمر الترافه
لان عدهم صلافـه
حرگوا چم گلب واگف وره الباب
عشرين العمر ما تَمْ
وعله دارها اليتم عَمْ
يتامه وما تطيب اجروح الغياب
ما يبــرد العـــاش ألالم بدمــوع
لهاي المصيبه كل گلب مفجوع
كون اعله صدرك تلطم ابكل حيل
صوت الكسر وسط العده مسموع
يا دمعة اليحـتار
باب الجنه بي نار
^^^^^^^^^^^^^^^^^
انكسار الغِيــــره بَيَـن
وعلى أم الحسن حَن
هضيمه الگيدت حيله الوصيه
مـاي المغتسـل هَــل
وبالكسره علي أندل
ايده اتلمست ضلع الزجيه
ما ينحمل جرح.الفَگد بالروح
حيدر عدل بس گلبه ضل مجروح
أن الصبر ندري بجماله أشلون
بس فاطمه تركت علي مذبوح
مخنوگ ومحتار
باب الجنه بي نار
^^^^^^^^^^^^^^^^^
ظــلام الليل رحمــه
لنعش الزهره خِدمه
الليل أبخدمته يخفي أمرها
النعش مشيول گوه
وعلي محتاج تجوه
ابصدر مخنوگ ضل يحفر گبرها
اتراب الگبر فوك الضلع يندار
ويم فاطمه ضل العلي يحتار
يرجع كسر لو يبقه بس يمها
والزهره من عدها خِله يا دار
ويا ذكرى تبقه أبدار
وباب الجنه بي نار
^^^^^^^^^^^^^^^^^
عمار التميمي
جابو كل حطب سموهم أصحاب
بيتي ويحترگ يا غربة ألأحباب
آمر علـ العبد يضربني ويصيح
دفعو الباب دام الزهره بالباب
صحت بويه
انكسر ضلعي
بنتك الحگ عذبوها
ما رعوني
أبأهل بيتك
ليش بنتك ما رعوها
أنا بنت نبيكم .... أنا فاطمه
×××××××××××
طگ ضلعي وتكسر والگلب حيران
ما أكدر أحامي وتستعر نيران
حَسيت أبثگل من يدفع ألباب
مو الله اليوصيكم على الجيران
لا كو غيره
ولاكو رحمه
نار بابــك تستعر
صحت فضه
سَنــدينـــــي
طاح أبني علجمر
أنا بنت نبيكم .... أنا فاطمه
×××××××××××
دفعوني وصحت مني العمر ضايع
بسمار الكِسر ضلعي أبگفه طالع
زهرة حيدرهَ بين الغرب تحتار
واسياط الغدر ضل الاثر طابع
عذبـونـي
بكل حقدهم
بويه ألحگني وتعــال
ارتدو الناس
الليله كلهم
منك الگطعو وصال
أنا بنت نبيكم .... أنا فاطمه
××××××××××
بعد العافيه يـــــا محسن أمك
اخاف ألچم جرح وشلون ألزمك
دخان وترب شبعانه ريتــي
بضلعي المنكسر مشتاگه أضمك
يمه محسـن
خَذت روحي
وانعه بحروف الهجر
ردت أشمك
وبحنانـي
اضمـــك أنته علصدر
أنا بنت نبيكم .... أنا فاطمه
×××××××××××
ضل دمي أثر ما ينمســـــح دوم
يم مهدك اناغي وابچي كل يوم
گلب امك حنين لطولك أشتاگ
ما شفتك ييمه بكشخة أهــدوم
انكضه حيلي
وصار موتك
الحيل ما ضل وصبر
كون أخلــي
روحي يمك
وحشه يمه بالگبـــــر
أنا بنت نبيكم .... أنا فاطمه
×××××××××××
ما لَمَ الجرح ولا تهده هالروح
كلشي لغيبتك يا يمه مجروح
حيدر والحسن وحسين وياه
يم مهدك ييمه زينــب أتنوح
عشت حاله
ما عشتها
أذكر أسمك وأختنگ
وانه يمه
النبض يلجم
بالضلع لمن يدگ
أنا بنت نبيكم .... أنا فاطمه
×××××××××××
عمار التميمي
وبمجلسج حته الهـــــوه
عابر وصف اكبـــــر دوه
يا فاطمة بس كون اظل
انه وخدمتي نظل ســوه
خليني ...وفقيني
بالخدمـة متفائل
سنديني ...عينيني
بداعت ابو فاضل
×××××××××××
خير المجالس خيمتج
ارفع چفوفي لنعمتـج
علميني أخـدم بالأدب
خاطر اواسي دمعتـج
سويني ...خادمكم
وما تهده العين
ما رايد .. بس منكم
بس اخدم حسين
×××××××××××
لو اجمع ايام العمـــــر
البيها عشت ليلي جمر
لازم اعيـــــدهن قضى
واطلب بعد منج صبــر
أيامي ... تفديكم
ما عندي أيام
كل عمري ...بس دمعه
من جمر الخيام
×××××××××××
خايف يجف مني الدمع
ولهسه ما جايس ضلــع
من العدم لحد مجلسج
غَيرتي بيه أشكم طبـــع
ممنونج ... جبتيني
لحد مجلس النوح
ثبتيني ... بخدمتكم
واصرخ يمذبــوح
×××××××××××
لهفة عطش لهفة دمع
كون أبمماتي انوجـــــع
حته اشعر بذاك الالـــم
من يسحگ الحافر ضلع
أستشعر ... بالهيمه
وأخر نفس ضامي
أتحضريني... تشوفيني
مـن اللطم دامي
××××××××××
عمار التميمي
جرحي باقي
يا رؤوف ارحم گلب زاد اشتياقه
ابلا نواعي .... أبچي حرگه
انه ما واصل ضريحك
ونار بيه
ما يطفيها اشتياقي
جرحي باقي
انته مو ضامن غزاله !؟؟!
روحي اضمنها واجيك ابروحي حاله
ما توصفها الرساله
بيها دمعه
بيها جمره
بِيها شوگ ابلا تفاسير الاعرفه
أرسلي دعوه
واسمي بيك انته تشرفه
لو يصيحولي يزاير .
زاير الضامن أسم مشتاگ اسمعه
والبُعد زاد احتراقي
جرحي باقي
يلمدلل كل بشر يوصل ضريحك
صيح أسمي
مو تعب صوتي وأصيحك
حٍلم ارزقني واجيك بحلمي زاير
أنه زرعك
أبكيفك أسگيني أبقرب لو من بَعيد
أنته عيد .... الگبه عيد
لزمة الشباك للمشتاگ عيد
أنته أقرب من گلب حاضن وريد
ابروحي لهفه للتلاقي
جرحي باقي
روحي تعبت وانتظر هذا الوصال
ألزم ايدي
وثبت ألمشتاگ شوگه
خاف أضل مشتاگ والبيه يبرد
أرزقني لهفه
بيها أضمن جيتي
بيها أضمن عَبرتي
بيها ألگه صحوتي
هذا الثبات
وللمات
روحي تعطش جيتك
والعَطش يحتاج ساقي
جرحي باقي
الناس تتغير أذا شَمت هَواك
وانه عايش بس أشم نحر الاجاك
بيه لهفه للضريح ...
يرتفع صوت اشتياقي أشما أصيح
ونار بيه
ما يطفيها اشتياقي .. جرحي باقي
عمار التميمي
وصلنه...
وريت ما كالو وصلنه
والضعن كله شرف يمشي بغربته
الشام جرحي
والدرب تذبح مشيته
ولا اجه واحد يلمنه
وصلنه .....
اعيون غربه أعله الضعن
والله حيره.....
باب ساعات انتظاري
وميلة السوط أعله متني
والله حيره.....
وما تلگوني أخوتي
والهضمني صاحو أسمي
هاي زينب علــ الهزيله
يا غريبه .... يا أسيره
خارجيه....
وهذا ما يكسر گلبنه
والهضمني .... الناس فرحت
الناس فرحانه ابكسرنه
وصلنه ....
خطوه خطوه
والخجل ياكل وجهنه
أحنه ما نعرف نماشي اجدام غربه
هاي اول مره ندخل سوگ صعبه
أسرع أمن أحجارهم وأسياط العلينه
أعيونهم أسرع النه
وصلنه .....
وشامرو الحجار كلهم
وانه اشاگف....
حيره ما اعرف ششاگف
حجار وسياط وعيون
وناس تحچي...
هناك طفله أعله الهزيله دمها سايل
هناك طفله تصيح وينك يا ابو فاضل
ناس ما رفت گلبها
ولا لگت للموت حجه
الناس محتاره بفرحها
وهذن كلهن من وصلنه
وريت ما گالو وصلنه ..
&&&&&
عمار التميمي
سالفتي الثار.... وبگلبي النار
وأنا أم عباس.... يا مهدي
......
امك واسولف بالقهر
وامنيتي احضر ثـــارك
كالولي گلبك بيه جمر
والله اعله ثاره اختارك
والجمره تغفه بالگلب
تطفه أعله دم فقـــارك
وحزنك ابد ما ينجلي
ثارك بده أمن صيارك
بسيفك كل ثار يطفيها النار
وأنا أم عباس يا مهدي
.......
راح ابدي وياك بجرح
وجرح المصيبه حسره
بالباب وثجيل الوزن
طاح أنچفه علـ الزهره
يالمهدي فاطم تنضرب
وماتت المها بكسره
وكسر الضلع ما ينجبر
اله اعله ثار العصره
هذا أول حزن من چلمة وإن
وأنا أم عباس يا مهدي
.......
الما يبتسم ثغره أبد
يعني فگدله غالي
جرحي بعد أم الحسن
انه فگدتلي والي
بيتي وهلي وكل دنيتي
يجرحني هذا حالي
يا مهدي انهض وانتفض
بس انته الي تبرالي
ما أبطل دمع وگلبي المنفجع
وأنا أم عباس يا مهدي
.......
وجه الكرب عني أزل
چا عاشگه أعيونه
من العلي صار الحسن
وذكرى بقه لضعونه
ما لحگ وضاگ الالم
والطايفه ايسمونه
شفت ابحقدهم ما رضو
أبيت النبي ايدفنونه
نعشه ومجروح ياخذلي الروح
وأنا أم عباس يا مهدي
.......
عشت بجماله وما عشت
حسيني واعرفه بصبره
وعباسي ربيته الگمر
يسند اخــــوه ابضهره
بس الزمن حَضَر شمر
يجرح حسين بنحره
ويجبر عياله أعله السبي
وينك جرحنه أشكبره
ليهسه أطفوف وأبين أسيوف
وأنا أم عباس يا مهدي
.....
#عمار_التميمي
#يوم_سابع
صاح أخوي
هاي اول مره يسمعها الحُسين
صاح أخوي
ضيع ابدرب النهر ما يدري وين
صاح أخوي
هاي دنيا والقــــدر قصــة غَريب
راعي خيمه وي عضيده السليب
حسين عينه علـ النهر ما غَمضت
سمع صوت أمن النهر زاد النحيب
من سمعها سولف بگلبه الضيـــــاع
ليش گتلي (خويه ) لا قصدك وداع
هاي كلمة وحسره چانت للحسيـــن
عاش ويه حسين والسيـــد مطــــاع
××××××××××××××××××××××
وين أخوه
حسين محني ظهره رايح للنهر
وين أخوه
وايده ما تركت صفاحه يالگمر
وين اخوه
كعد يم راسه ويگله اشلون بيه
خويه گوم ولا ترد خاطر أليـــه
فتح عينه لكن أبعينه مصــاب
السهم نايم والدمه غطه الثنيه
گله گـــــوم وما گـــــدر ينهض اله
شَدّ الحسيـــــن أعله حيله بهالبله
خويه گوم وخل نرد صوب الخيم
راح اضل وحدي غَريــــب أبكربله
يا عباس ... يا خويه
××××××××××××××××××××××
ابلا چفوف
هاي مِحنه وما مثلها بهالمصاب
أبلا چفوف
يا خلگ الينصاب يلزم بالصواب
أبلا چفوف
حيرة العباس مـا صـــــارت مِثلهـــا
من طرف واحد يشبگه صعبه حلها
راد يحضن راسه بس سهمهَ عِرض
الحيره هاي الماكو واحد يگدر الها
طيحت اليسند ظهر يكسر ظهر
ويكسر إِعماد الخيم موت الگمر
الچان واگف علـ الخيم چنه علي
هسه طايح حيله كله أعله النهـر
يا عباس ... يا خويه
××××××××××××××××××××××
علـ الخيام
هاي أخر نضره لخيام الحَميه
علـ الخيام
بعينه دمعه ويعتذر منها رُقيه
علـ الخيام
الخيمه دمعه وترتوي منــك دلال
الماي عوفه وارجـــع لچف العيال
أطفال تعطش بالخيم كلها عليك
بغيبتك يتبدل أبچفــــك حِبـــــال
أخر أوداع الخيم حسره وحنين
وهاي ثاني مره بانت علـ الحسين
يجي من مصاب محني أعله الارض
ويه كل مصـــــاب يكبر بالسنيـن
×××××××××××××××××××××
لا يموت
حسين راجع وحده يصفج بالادين
لا يموت
صاح زينب خويه مهضوم الحسين
لا يموت
خويه هضموني الشماته علهـالنهر
صوت منهم وحـــــدك ابلايه گمر
ها كسرنه ظهرك بـــــدون الكفيل
صحت خويه كوم مو ظهري انكسر
طاح عامود الخيم يمّ الخـــــدر
حَضري روحج خويه لايام العِسر
هاي ساعات وتشب نار الخيـــم
وأبقه عاري علترب أبشمس الظهر
××××××××××××××××××××××
#عمار_التميمي
شجاع الكوفه سواها العجايب
شجاع الكوفه كضاي المطالب
شجاع الكوفه تربات الهواشم
شجاع الكوفه فارس بني طالب
شايل رايته
شيخ ابصايته
بيها يرتجز
صارت كوفته
ادخيله تربات .. علي
للجيش لو فات... عل
بالكوفه شافوا .... علي
يشبهه صولات ... علي
××××××××××××××
شجاع الكوفه من بني هاشم
شجاع الكوفه سواها جماجم
شجاع الكوفه ذكرهم بصفين
شجاع الكوفه خلاهم مناجم
اليشرد يفتخر
عدهم بس غدر
الزلمه لو ثبت
أنداس وينعبر
أصل المراجل .... علي
زلمه و ينازل ...... علي
محد يگف ليه...... علي
حر ويقاتل .... علي
××××××××××××××
شجاع الكوفه دگ صدره للحسين
شجاع الكوفه يـــا ثقة الباقيـــــن
شجاع الكوفه أبن عم الكفيل
شجاع الكوفه صگاى الميادين
ضيغم بالصعاب
لو عج التراب
ما يهده لأن
أمعلگها الرگاب
ينسمع صوت ... علي
گرب الموت ... علي
تشرد الخيل ... علي
الشرد مبخوت... علي
××××××××××××××
شجاع الكوفه بيه تحله السوالف
شجاع الكوفه هدمها تلطوايف
شجاع الكوفه يندب يبو فاضل
شجاع الكوفه يا زلم الكلايف
من يصرخ مدد
ما يبقه عدد
يندب بالكفيل
يبو فاضل مدد
يمنة حسين ... علي
ثقة الدين .... علي
الكوفه ميدان ... علي
وگلب صوبين .... علي
××××××××××××××
شجاع الكوفة نگبها زلمها
شجاع الكوفه والكوفه لزمها
شجاع الكوفه وعتاها الشوارب
شجاع الكوفه ينثرها ويلمها
ينثرها ويلم
أكبرهم قزم
يم سيفه تضل
تتراجف زلم
بكفه سطرات ... علي
اليدناها مات ... علي
الذله ما راد .... علي
صاح هيهات ... علي
××××××××××××××
عمار التميمي
اتمدد طول ابطول اوليده
ويشهگ صار ابصدره الموت
( عباس الحك مات الأكبر )
حسين ايصيح ابعالي الصوت
أبنه. الأكبـر
شافه أموذر
∆∆∆∆∆∆∆∆∆∆∆∆∆∆∆
صعبــه اليفگد روح اوليده
أگبال ايموت ايغسله أبيده
وتالـي ايوسده أعله التربان
بس حسين أيشوف الأكبــر
جسمه أگبالــــه صار أموذر
وأبنه يدريّ بي عطشان
يمشي والدمع كفه ابردانه
يعثر ما گدر طاح أبمچانه
يمشي ويعثر باصعب منظر
وهذا الاكبر بس مو الاكبـــر
صـاح لعباس الحگ خويـــه
يا كاشف همي ألحگ أحضر
أحضـــر يمي
اتواسي همي
∆∆∆∆∆∆∆∆∆∆∆∆∆∆∆
ايحاجي الاكبــر يگصر عمــره
وضل مخنوگ ابغصة صدره
كلساع ابنحره يشتم
أخر نظره وأخـــر شمه
لعند الباري يرفع دمـــه
ويمسح عن وجه كل دم
هاذ أخر أمل حي ويشوفه
گاعد يستمع لأخر حروفه
يبنــــي العفا كــــل العفا
ماكو ضوه ابعيني وطفا
طبرة راسك راح أتصيـر
أثنعش طبــره من الگفــا
أمغير حالي
يبني الغالي
∆∆∆∆∆∆∆∆∆∆∆∆∆∆∆
مَــــد أچفوفه ايلامس گلبــه
ورجفة ايـــــد الفاگــد صعبه
ميت ويسولفله أجروح
يهمس بأذنه وتسمع روحـــــه
حسينك مخنوگ ابنص نوحه
لفگدك يبني ايلوگ النوح
حسينك منكسر ظهره ودلاله
ويا أصعب ألم مَــر أعله حاله
عباس أبني ريته گاعــد
اشلون الوالد يفگد والد؟
ريحه جدي وحيـدر هاذ
يعني لأهلي كلهم فــاگد
كاسر حيلي
شمعة ليـلي
∆∆∆∆∆∆∆∆∆∆∆∆∆∆∆
غطه اعيونه ابدمعه وينحب
اشلون ابموتـــــه يقنَع زينـب
وهو أعله فگده محتار
أبوسط الخيمـه أمـــه وعمته
كلها اتريد الاكبـــــر. جيته
أبنار افراگه اتشب النار
الحيل الما يضل بحسين وعمه
الزلمه الينكسر يكســـــرله زلمه
بجيتي أيگله أمضيع دربـــي
وضل يتراجف جدمي وگلبي
مــــن الخيمـه لحــد هنـــا
كلشي يگلي بضيعت تعبـــي
لحالــه ينعه
ورايد فزعه
∆∆∆∆∆∆∆∆∆∆∆∆∆∆
محني ويمشي ويضعف حيله
وصـــــاح أبغصه لحــــگي ليلى
سهر العمر منج راح
هذا الاكبـــر اتغييـــــر وضعه
اسهام ابظهره اسهام أبضلعه
جسمه اتغطه بس جراح
ماتت مهجت أگليبي وحياتي
مــــا ردت النفس رايد مماتي
عباس الحگ صيح الخِدر
خي يواسن ليلى بهالمنظر
يشبعن منه شوف ونـــوح
ساعه ويگطعـــون المنحر
هاي الهيمه
نار ابخيمه
∆∆∆∆∆∆∆∆∆∆∆∆∆∆∆
عمار التميمي
👇👇 اللحن (الرادود علي الغالي )
اويلاه يا فاطمه ... اويلاه يا فاطمه
١) ____
اتحضر لحزنك يگلبي وانلچم لاجل المصاب
ابهذا شهر الله المصيبة حسين نايم علتراب
بالبراري أتضيع نسوه وبالخيم يبدي العذاب
ويا گلب حزنك تظهره لخاطر أمه فاطمه
٢) ____
ضـيع يا گلبي بجـــروحك وافتهم شنهـو الالم
عينه ضلت يم خيامه وحاضن ابصدره السهم
النار ما تطفه بخيمهم بس ركاض أمن الخــيم
طاح حيله أمن الجروح و من كثر نزف الدمه
٣) ____
كون ما تنبض يگلبي حسين مـــا عنده نبض
أمن المهر طاح وتلگه أسهامه بتـــراب الارض
وعشرة أخيول التسحگه وعلصدر تبگه ترض
ارتجت افلاك الخلايق دم بجت حته السمه
٤) ___
توب من ذنبك يگلبي حسين يحضر بالگلب
والزم أدروب المجالس بيها يصفالك درب
ضعن خدر الله بغربته اتماشه ويه هالغرب
والضعن شايل جروحه چان أبسطها الضمه
٥) ___
ضعن عايش بس دلاله ايبات ايامه ابجــــرح
وعين تحرسهم تساهر وعين من فوگ الرمح
تسكن اصوات اليتامه ولو طلع بيهم صــــبح
يبتدي مشي الحراير ووهاي صارت موزمه
٦) ___
الشام عيد وهاي صعبه اشلون يفهمها العقل
الناس تفرح اذا شافت جرح صاعد علـ الهزل
وعند قصر ابن الدعيه ايصير هنوب النزل
وعمة الساده تخرسه تصير ثورة وملحمه
___
عمار التميمي
استقبلو شهر العزاء هواي انتظرنه الدمعه دين
يطلبنه چم مجلس عليه ما اعتقد تكفيله عين
اهديها روحك للذبيح خل ترخص اگبال الحسين
وادعي يرزقك الدموع الحرگه اساس العاشگين
اطلبها منه حيل وخدمته
هو انت عايش بالله ونعمته
گون بمحرم تحرگها روحك
بنار المخيم چووها بنته
كون تموت بيوم العاشر
تلطم مو بيدك بالحافر
وماتوفي لو تنطي عمرك
هذا حسين الطايح باچر
****
يامكثر اجروح الطفوف الصارن عليه ابنص نهار
من هجمت الخيل الخيام كامت توج بالصحره نار
معقوله زينب هي هاي تركض تلم ضعن الزغار
طلعت تنادي خويه وين ماكو احد البي تستجار
هي المصيبه زينب وحيده
گطعوله چفه ذاك التريده
وبحيره عاشت ماكو رقيه
ادور عليها وتاهت حميده
اشكد بالطف امصايب صارت
عكب الكافل هيج احتارت
اشما تندار اتشوف اجفوفه
مگطوعه وعل كوفه اندارت
****
مجلسنه بيت الكل امام يحضرنه بي صاحب زمان
صار اشكثر ماكو عزاء يعني حبيبي ابلا مكان
عايش غريب اويه الدموع اطلب رضاه واطلب حنان
واطلب سماحه من القصور كله الجفه مو بيدي كان
اتوسل امامك كله دمعتي
اطلبها منك هي وخدمتي
گله المحرم ارزقنه حرگه
وانطيني حيل امحرم شمعتي
منك ردنه موش اهوايه
بس امحرم والمشايه
ومجلسنه وخدمه زوارك
لحسين انعليهه الرايه
****
وابلا خدامه الدنيا نار تصرخ جهنم بالمزيد
شحه المجالس هسه ليش بيها الامام يمدلي ايد
مقصر تركته من زمان لتگله ليش انت بعيد
وانه ادري ينطرني حيات والمثلي بارد مايريد
غير دليلك واجمع دمعتك
المهدي ينظر قوه خدمتك
كله امامي دليني دربك
خليني اوصل قمه غربتك
عايش بس انته الي ابالي
العيشه ابدونك ماتحلالي
شتسوه الدنيا البيها غايب
التنشف عينه شيبچي الغالي
****
ارزقنه محرم والدموع هاي السنه مات السلام
خلي نواسي لو نموت ردنه المجالس ياامام
معقوله عاشورك يصير سكته ابلا نوح وكلام
اقبضها روحي ما اريد عيشه اسمع احترگت خيام
ماصدك انه يمرنه محرم
ما احترگ جن حرگت المخيم
نتوسل احنه نرفع ادينه
مجلسنه خيمه وخلينه نلتم
ماكو ابالي هاي الفكره
عشت بجال حسين ونحره
بس انطينه الحيل وتدري
نسوي المجلس لو بالصحره
*
زيد عدنان الزيدي
هي حيره..
شلون أفهمك
حته اواسي أمصيبه منك
هي حيره ....
كون اعيش بجمرتك واترك دلالي
كون اعيش مصيبتك واترك خيالي
ليمته أكضيها امنيات ؟
يمته اغير كون حالي
ونار بيه تشتعل..
نار ما تطفيها دمعه
نار غيره
والله حيره ....
كون أصير وما صرت
خلصت عمري تمني
خذني بيدك ...
وبيدك أرسملي مصيري
وربح كلمن يفتهم انته مصيره
والله حيره ...
كون اصيرن خادمك قول وفعل ..
الناس تفهم بالمظاهر
كون أخلي الناس تعرف
انه خادم والجرح من يوم عاشر
كلشي عاشر
جرحي عاشر
ايام عَشره
أخيول عشره
ليش بس جفك نقص من عنده عاشر
يمته افهم شنو أموذر ....؟
كون عقلي يفتهم معنى الحصيره
والله حيره ....
يمته افهمك وانته صابر
لذنبي تصبر تحتسب ...
وتمسح اذنوبي لان گلبك سمح
انته تغفر لليتوب ...
امدلل العنده قصور ...
انته رحمتنه الجبيره ....
والله حيره ...
اشلون افهم معنه شوغات الجمر
اشلون اتحسس شعورك
بلحظه منك ما عشت
من درت عينك درت
للمخيم ....للخيول ... لركضه اطفالك حرت
سهله عندي لو گلتهاا
وصعبه تصبح لو عشتها
وانته كم مره صحت
هنا صحت بنتي رقيه ...
ورده ذبحوها أبجمر...
وترفه أطراف الزغيره ...
والله حيره ...
الليل لحظه البيها يتسمه السكون
الليل بالطف غَير أوضاع العيون
غَير اسماء الفواطم ....
خله خيمه الما تغمض عين منها
ما تغمض.... ولا تغمض
ساعه تتفگد خيمها
ساعه من ينهد صبرها ....
تصلي مهضومة ابجلوس
الموت أهون ...
وهاي هضمتنه الحبيره ....
والله حيرة ...
ما نوفي أتراب جدمك ...
انه حاير يا حسين
اشما اكولن ما افهمك
الكه روحي ابوسط حيره. ...
والله حيره