-
نسعى بجهودنا المتواضعة نحو تقديم ابسط ما يمكن لخدمة سيدنا الحسين (ع) ، راجين من الباري ان يوفقنا وإياكم ويتقبل اعمالنا .
لطميه للسيده زينب عليها السلام
متعنيه لعد زينب اذب اهمومي واشكيها
واگلها امروتج يم عون الكلفه يمج اگضيها
◆━━━━◆❃◆━━━━◆
اجيتج والدروب ابعاد مولاتي وكثر همي
اشكيلچ يابت حيدر حزني وحالی تعبني
تشافي علتي الحره عليله والمرض هدني
عگدت الرایه وتعنيت لحضرتج وانتي حليها
متعنيه لعد زينب اذب اهمومي واشكيها
◆━━━━◆❃◆━━━━◆
احلفچ بالعزيز حسين وبچفوف البطل عباس
الهٌَم ال عليه اهواي والله ايشيب منه الراس
امد ايدَيه واتوسل بيچ وحزني ماينقاس
شافي كل مريض اليوم ندب مولاته يرجيها
متعنيه لعد زينب اذب اهمومي واشكيها
◆━━━━◆❃◆━━━━◆
امشي اعليچ داحي الباب ابوچ الیرهب العدوان
اوعليچ ابداعت الزهره وبداعت علي الوجعان
اگضي حاجة المحتاج ولاتخلي المحب حيران
اترجاچ يالحره اليوم اودمعتي اجريها
متعنيه لعد زينب اذب اهمومي واشكيها
◆━━━━◆❃◆━━━━◆
اترجاچ يالحره اونيران الگلب تلهب
المشاكل كثرت اهوايه اوزادت گلبي اتعذب
حلي الصعبه ياخت حسين وفرحي كل محب يندب
للصعبات كلفتچ اوگدها انتي تكدريها
متعنيه لعد زينب اذب اهمومي واشكيها
◆━━━━◆❃◆━━━━◆
اجيتچ يالعقيله اليوم أتوسل آنه ابجاهچ
اوعد رب العباد انتي وجيهه وشعظم شانچ
امراضي كثيره اهواي واقسم ٱنه بمصابچ
اشفعيلي ياخت عباس رب الكون يجليها
متعنيه لعد زينب اذب اهمومي واشكيها
◆━━━━◆❃◆━━━━◆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
فزاعيه للحسين عليه السلام
الك جمره يابو السجاد
ظلت بالگلب تسعر
◆━━━━◆❃◆━━━━◆
تسعر جمرتك مولاي
ماطول النفس بحشاي
انصبلك عزه ابعيناي
الحرگه تظل للمحشر
الك جمره يابو السجاد
◆━◆❃◆━◆◆━◆❃◆━◆
وناتك تشوغ الروح
يالمملي طعن وجروح
افديك بهلي وبالروح
والمأتم فلا يفتر
الك جمره يابو السجاد
◆━◆❃◆━◆◆━◆❃◆━◆
انصب مأتمك بالعين
نور عيوني ياحسين
يبقى شما تمر اسنين
انعى جسمك امطبر
الك جمره يابو السجاد
◆━◆❃◆━◆◆━◆❃◆━◆
ويلي مسلب وعريان
العمامه على التربان
ماحظرو بني عدنان
ويلي وبالشمس والحر
الك جمره يابو السجاد
◆━◆❃◆━◆◆━◆❃◆━◆
ينحر منحرك مگلوب
وگلب ام الخدر مرعوب
ومن عمامتك مسلوب
وتبقى عالثره اموذر
الك جمره يابو السجاد
◆━◆❃◆━◆◆━◆❃◆━◆
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
وزن الحدي
مسلم يخونوه العده
كفار شيمتهم غدر
◆━━━━◆❃◆━━━━◆
شاف الجيوش امحشده
من بيت طوعه من طلع
راواهم افنون الحرب
وبگلب جامد من فزع
للحرب طب چنه علي
ماخاف منهم مارجع
حفرت غدر حفرو إله إنشلت ايده إلي حفر
الــ✍ــحاجه ام احمد الحچامي
◆━━━━◆❃◆━━━━◆
ماهاب عدوانه سبع
وشسوه بيهم من نزل
بيمينه حارب هالكفر
ماخله واحدهم وصل
ويحارب ابقوه او لچن
بالبير ذباه هالنذل
لحسين ابن عمه فده روحه وحياته والعمر
✍️ام زهراءالفاطميه
◆━━━━◆❃◆━━━━◆
سل سيفه بيهم بشّطه
بس الهرب منهم نجه
لوما الغدر ما ظل نفر
كلها لجهنم عرّجه
اوحيد بالكوفه بقى
ما ظله ناصر يرتجه
گادوه بحبال الولي
وذبوه من عالي القصر
✍🏻العلوية أم منتظر جمال الدين
◆━━━━◆❃◆━━━━◆
حين الذي طاح الجسد
اهوت عليه اهل الرده
جابو احبال وسلسله
وشدوهه ويلي في يده
چيفن غريب اوماله احد
خلوهه جثته امدده
مسلم يحيدر وحده
احضرله يا فارس مضر
*✍🏻أم عبــــــد اللــــــــــه العابـــــــــــدي*
◆━━━━◆❃◆━━━━◆
ذبوه من فوگ القصر
دمعاته دم يتسابگن
طاح وهوه حيف البطل
وظلوع صدره تفطرن
ينظر ابعيد اعلى الاهل حسرات گلبه ترادفن
بحسين وعياله وهله
خايف يغدرون الكفر
✍🏻 الحجيه ام علي
ــــــــــــــــــــــــــــــــــــــــــــ
تــمــــ بـحمـــدالله وتـوفيـقـــه ـــــــــت بـــأقــــ✍🏻ـــ✍🏻ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ📜 ذي القعدة / ١٤٤٥هـ🌙 بـإشــــــراف الشــاعــــــــرة والحاجـه أم حســـــــين العسكـــــري ناصــــريـه يحـــــرم الحــــذف والتــــــلاعب ونسألكـم الدعـــاء والفاتحـة لأمواتــنـا.
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
آجرك الله يالحسن
بالمعركه القاسم وگع
ــــــــــــــــــــــــــــــــــــــــــ
رمله تنادي يالولد
يابعد روحي والچبد
لعمك اريدنك سند
وبطيحتك گلبي انفجع
آجرك الله يالحسن
ــــــــــــــــــــــــــــــــــــــــــ
عريس زفوه للحرب
يايمه ماندل الدرب
بمصابك اگليبي انرعب
ولوگعتك هل الدمع
آجرك الله يالحسن
ــــــــــــــــــــــــــــــــــــــــــ
الليله نعازي المجتبى
ونعازي جده المرتضى
محزون گلب المصطفى
بآآلآآم گلبه انصدع
آجرك الله يالحسن
ــــــــــــــــــــــــــــــــــــــــــ
بعثوا رسايلهم غدر
لحسين ذوله اهل الكفر
خافت الحره ام الخدر
العطشان بيهم انخدع
آجرك الله يالحسن
ــــــــــــــــــــــــــــــــــــــــــ
هدمت الخيمه ام الحزن
وجاسم بساحات المحن
الحسين لا ماآله امن
لاقوالهم لاماخضع
آجرك الله يالحسن
ــــــــــــــــــــــــــــــــــــــــــ
طفن اشموعه بالعجل
راح المعرس وانكتل
چاوبن عباس البطل
عالغبره نام ومارجع
آجرك الله يالحسن
ــــــــــــــــــــــــــــــــــــــــــ
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
قصيده للعباس عليه السلام
وزن الفائزي
المستهل وزن مستفعلن مستفعلن/ مستفعلاتن
والنص وزن
مستفعلن مستفعلن/ مستفعلاتان
عباس طب للمشرعه تجدح اعيونه
والجربه يترسها عذب يروي سكونه
ــــــــــــــــــــــــــــــــــــــــــ
عباس طب للمشرعه مظهلب وغضبان
وين ا لمفر گللهم وشردت الفرسان
ابسيفه يشردهم جمع من نسل عدنان
الماي جاباه البطل يروي المحزونه
★ـ━━━━━━━━━━━━━
الماي جاباه البطل لأخته بالخيام
يروي اخيته ام الخدر بن علي الضرغام
ماهمَّه جيش ابن سعد يحصد الظلام
تدعي الباري ام الحزن يرجع اخونه
★ـ━━━━━━━━━━━━━
تدعي الباري ام الحزن يرجع العباس
هيبتها بت حيدر علي بي ترفع الراس
ماقصر وي اخته كفو راعي النوماس
بچفوفه يفديها البطل يفدي بعيونه
★ـ━━━━━━━━━━━━
بچفوفه يفديها اونعم ابن ام البنين
وبسيفه ايحز روسهم جيش الملاعين
وارث شجاعة حيدره مقدام نعمين
التموا عليه جيش العده راسه يردونه
★ـ━━━━━━━━━━━━━
راسه انفضخ بيد العدو صابوا بعامود
والگوم گطعوا يمنته يتسايل الجود
ظل البطل فوگ النهر ياويلي ممدود
ظلام مابيهم رحم سهماََ رمونه
★ـ━━━━━━━━━━━━━
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام
☆☆☆☆☆☆☆☆☆☆☆☆☆☆☆☆
گالوا طايح العباس عالمشرعه مصوبينه
☆☆☆☆☆☆☆☆☆☆☆☆☆☆☆☆
گومي يم طهر يختي
طاح آنه انكسر ظهري
راح السند وعضيدي
سهم نابت وسط عينه
گالوا طايح العباس
☆☆☆☆☆☆☆☆☆☆☆☆☆☆☆☆
ابو الغيره فده الچفين
لأخته والعزيز احسين
ماقصر كفو ونعمين
جاب الماي لسكينه
گالوا طايح العباس
☆☆☆☆☆☆☆☆☆☆☆☆☆☆☆☆
ياوسفه البطل عباس
يوگع بين هالارجاس
مجرب بالحرب فرراس
گطعوا وسفه چفينه
گالوا طايح العباس
☆☆☆☆☆☆☆☆☆☆☆☆☆☆☆☆
ياكافل خدر زينب
تعوف اختك يالمعتب
عگبك تصرخ وتنحب
ادور عالولي وينه
گالوا طايح العباس
☆☆☆☆☆☆☆☆☆☆☆☆☆☆☆☆
شبت بالخيم نيران
طلعت شايطه النسوان
جسمك مرمي عالتربان
وعدوانك اموذرينه
گالوا طايح العباس
☆☆☆☆☆☆☆☆☆☆☆☆☆☆☆☆
زينب تلطم اعله الراس
وتنادي البطل عباس
عفتني شلون بين الناس
يالطولك امضيعينه
گالوا طايح العباس
☆☆☆☆☆☆☆☆☆☆☆▪︎☆☆☆☆
ياگمر بني هاشم
وسفه اعله الترب نايم
يحدي بضعني الظالم
حيف الشمر حادينه گالوا طايح العباس
☆☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه وقفه
والنساء تدور
للعباس عليه السلام
آه ياشيال العلم آه يشيال العلم
☆☆☆☆☆☆☆☆☆☆☆☆☆☆☆
زينب ظلت بالهظم آه يشيال العلم
هجمت الگوم اعله الخيم =
وينك يبو الغيره الشهم =
وعليلكم ظل بالخيم آه يشيال العلم
☆☆☆☆☆☆☆☆☆☆☆☆☆☆☆
زينب الحره تنادي آه يشيال العلم
نومه اخوتي بالوادي =
فرت مني اولادي =
وآنه بالظيم وهظم آه يشيال العلم
☆☆☆☆☆☆☆☆☆☆☆☆☆☆
جاسم وگع بالحومه آه يشيال العلم
وعمامه كلهم نومه =
وسكينه وچلثومه =
بس هن.ً ظلن والحرم آه يشيال العلم
☆☆☆☆☆☆☆☆☆☆☆☆☆☆☆
رمله تنادي يلولد آه يشيال العلم
يابعد روحي والچبد =
ظل بالتراب مدد =
من وگع شيال العلم آه يشيال العلم
☆☆☆☆☆☆☆☆☆☆☆☆☆☆☆
ظلت غريبه بت علي آه يشيال العلم
ماظل بعد ولاولي =
وينك يبن حيدر علي =
من الگوم شافت كل ظلم آه يشيال العلم
☆☆☆☆☆☆☆☆☆☆☆☆☆☆☆
ومات عبدالله الطفل آه يشيال العلم
وينك يعباس البطل =
الشمر يضربني النذل =
يضربني آنه والحرم آه يشيال العلم
☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام
اخت الكفيل محيره والبطل نامت عينه
☆☆☆☆☆☆☆☆▪︎☆☆☆☆☆
ظلت غريبه محيره
عباس مايدري شجره
اخته خذوها ميسره
وآنه الكفلني وينه
▪︎☆☆☆☆☆☆☆☆☆☆☆☆☆☆☆
ظلن بنات المصطفه
اگلوبهن متلهفه
على الذببح من القفه
وحسين نامت عينه
☆☆☆☆☆☆☆☆☆☆☆☆☆☆☆
لشام اخذوها ميسره
واطفال عدهه محيره
وينه إليخبر حيدره
وينه اليخبره وينه
☆☆☆☆☆☆☆☆☆☆☆☆☆☆☆
للنجف دارت عينهه
وتصيح ياوالينه
وما تگعد تحامينه
وخدري يبويه وينه
☆☆☆☆☆☆☆☆☆☆☆☆☆☆☆
القاسم ذبيح اعله الثره
وامه خذوهه ميسره
وزينب وسكنه محيره
وتشكي لبوهه العينه
☆☆☆☆☆☆☆☆☆☆☆☆☆☆☆
عبدالله يحسين انفطم
والگوم مابيه رحم
گلب امه اعليه انهظم
وتگول ابني وينه
☆☆☆☆☆☆☆☆☆☆☆☆☆☆☆
حال العليل بكربله
ومذبحه كلهم هله
أوحيد ماكو كل هله
بالجامعه مقيدينه
☆☆☆☆☆☆☆☆☆☆☆☆☆☆☆
ليلى تنادي ياعلي
ماظل بعد يبني ولي
عفتك ييمه بالخلي
وابني نامت عينه
◆━◆❃◆━◆◆━◆❃◆━◆
تمت القصيده بحمد الله وتوفيقه
ب✍ الحاجه ام احمد الحچامي_
___
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
هوسه جنوبيه
طاح حسين بالميدان والخيل اجت عنايه
ولخيامك يبو السجاد وصلن سهام المنايه
حركوها الخيم يحسين وانت اعله المسنايه
(هوسه)
احا يالصدره// مكسرينه
سايل دمه فوگ اجبينه
احا يالصدره// مكسرينه
عالخيام وشابح عينه
احا يالصدره// مكسرينه
طاح الوالي تنادي اسكينه
احا يالصدره// مكسرينه
وينك ياعزنه او والينه
احا يالصدره// مكسرينه
خلافك يابويه اتأذينه
احا يالصدره// مكسرينه
لا والي الباقي يحامينه
احا يالصدره// مكسرينه
ولا خيمه العدنه اوتؤينه
احا يالصدره// مكسرينه
وبس نسوان احنه الظلينه
احا يالصدره// مكسرينه
وباچر عالهزل يسبينه
احا يالصدره// مكسرينه
شمر الملعون او يحدينه
احا يالصدره// مكسرينه
(هوسه)
((انهض لينه//يابو السجاد ))
◆━◆❃◆━◆◆━◆❃◆━◆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
شدة (فائزي) لسيدنا مسلم بن عقيل عليه السلام
ابچي على مسلم يالمُحب واجذب الحسره
وحده بگه بدار الغرب محد ينصره
🏴〰🏴〰🏴〰🏴〰
ابچي عليه وصرختك عليي والونين
هذا الثقة ونعم الاخو مبعوث الحسين
ضحى بحياته وبزرته واخوته الطيبين
ينصر إمامه و سيده خامس العتره
✍🏻العلوية أم منتظر جمال الدين
><><><><><<><
مسلم غريب بهل الارض حاير ابكوفان
لااهل عنده ولامحب من آل عدنان
ويجول مابين الازقه ووحده حيران
مايدري ابن عمه عليه شنهو الي يجره
*ام منـ✍️ـذر الحجار*
><><><><><
ابچو المسلم ياخلگ ذكرو الرزيه
بلكوفه وافته يا شيعتـه المنيه
واجب نقيم اعلى السفير احسن عزيه
ذكرو مصاب ابن عقيل اجروله عبره
✍🏻 الحجيه ام علي
><><><><><
ذكرو محنته وغربته وامصابه اذكروه
احاه يمسلم يلغريب وجسمه سحلوه
شيصير بحبابه وهله لوحاله شافوه
من القصر ويلي انشمر واشلون شمره
✍️ام نور الزهراء الزينبيه
><><><><><
من القصر ويلي انشمر مسلم يشيعه
حظروله مسلم منغدر وين الوديعه
واوحيد ظل بين الكفر ابأرض الفجيعه
حفروله حفره اهل الغدر وشلون غدره
ب✍ الحاجه ام احمد الحچامي
><><><><><
نعزي الزجيه بمحنته وحامي الحميه
ابعـــــيد عن أهله الولي بذيج المسيه
عدوان مابيهم رحم شرالبريه
تحزم عليه أبن الدعي واحتار بامره
✍رماد الخيام
><><><><><
تــمــــ بـحمـــدالله وتـوفيـقـــه ـــــــــت بـــأقــــ✍🏻ـــ✍🏻ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ📜 ذي القعدة / ١٤٤٥هـ🌙 بـإشــــــراف الشــاعــــــــرة والحاجـه أم حســـــــين العسكـــــري ناصــــريـه
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام
☆☆☆☆☆☆☆☆☆☆☆☆☆☆☆
گومي انخي البطل عباس
والحاجه دذكريها
☆☆☆☆☆▪︎▪︎▪︎☆☆☆☆☆☆
معروف الكفل زينب
يقضي الحاجه ومجرب
لو طب الحرب يرهب
من چفوفه ينطيها
☆☆☆☆☆☆☆☆☆☆☆☆☆☆☆
كفو منه عضيد حسين
يگلبهه الحرب كونين
ابن المرتضى ونعمين
وزينب همَّه يرويها
☆☆☆☆☆☆☆☆☆☆☆☆☆☆☆
سكنه تنادي ياعمي
والله الدهر دولبني
ثاري الشمر دوهني
عگبك ياافاعيها
☆☆☆☆☆☆☆☆☆☆☆☆☆☆☆
مجرب بالحرب عباس
ابو الغيره وابو النوماس
ابو الشيمه شديد الباس
من اعيونه يرويها
☆☆☆☆☆☆☆☆☆☆☆☆☆☆☆
شال الجربه وتحزم
ايجيب الماي المشيم
وسكنه اباب المخيم
قصده يريد يرويها
☆☆☆☆☆☆☆☆☆☆☆☆☆☆☆
عطاشه تلوع وتنادي
فرت كلها بالوادي
ويلي عليك ورادي
عالمشرعه موگعينه
☆☆☆☆☆☆☆☆☆☆☆☆☆☆☆
يابو الفضل ياعباس
تنطي مراد هاي الناس
بجاه اختك يبو النوماس
مني الحاجه دگضيها
☆☆☆☆☆☆☆☆☆☆☆☆☆☆☆
مشيه اعليك ابو الاحرار
وعودك حيدر الكرار
تشفعلنه يامغوار
والشيعه انغر اعليها
☆☆☆☆☆☆☆☆☆☆☆☆☆☆☆
ابو الغيره كفو منه
هذا الحيد المچنه
اطلبي مراد من يمه
الحاجه دوم يگضيها
☆☆☆☆☆☆☆☆☆☆▪︎▪︎☆☆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه للعباس عليه السلام
وزن موشح
فاعلاتن فاعلاتن فاعلات
على طور جينه ننشد كربله مضيعينه
ابو فاضل عالنهر ذرعانه
طاح فوگ المشرعه وماجانه
☆☆☆☆☆☆☆☆☆☆☆☆☆☆☆
طاح کافلچن ونامت عينه
گوم إفزع خويه يابو سكينه
خيولهم يحسين دارت لينه
حسين خويه محيره ولهفانه
☆☆☆☆☆☆☆☆☆☆☆☆☆☆☆
منين اجيب الماي بس گليلي
تاه مني الراي ضاع دلِيلي
عالنهر مشمور عمچ ويلي
فكري تايه واصبحت دوهانه
☆☆☆☆☆☆☆☆☆☆☆☆☆☆☆
لعباس عمچ طايحات چفوفه
لشريعه رحت انه ملهوفه
حسين واليچن وگع بطفوفه
واشتكي إلمن وآنه الوجعانه
☆☆☆☆☆☆☆☆☆☆☆☆☆☆☆
تريد مني الماي خويه سكينه
والبطل من راح نامت عينه
خلافكم خويه العده والينه
والعده شگ جربته المليانه
☆☆☆☆☆☆☆☆☆☆☆☆☆☆☆
شلون خويه تعوفني بين العده
وتظل انته جثه خويه مدده
هم صار مثل مصابنه لا ماسده
والخيم بعدك تره تلفانه
☆☆☆☆☆☆☆☆☆☆☆☆☆☆☆
اهلي كلهه مذبحه بالغاضريه
وآنه من عگبگ يخويه امشي سبيه
الشمر حادي للضعن يزمخ عليه
ألم بعيالك تره وتعبانه
☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي_
___
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام
☆☆☆☆☆☆☆☆☆☆☆☆☆☆☆
چاوين الكفيل اليوم
خل زينب يحاميها
☆☆☆☆☆☆☆☆☆☆☆☆☆☆☆
چازينب خدرها انداس
يابو الغيره ياعباس
اختك حرمه بين الناس
الحرمه من يباريها
☆☆☆☆☆☆☆☆☆☆☆☆☆☆☆
يبو الغيره يبو النوماس
ماترضه الخدر ينداس
تعوف الحرم بين ارجاس
تقبل غيرتك بيها
☆☆☆☆☆☆☆☆☆☆☆☆☆☆☆
ياساقي العطاشه اشلون
اطفال من العطش يبجون
حر و جوع ويلوعون
ماظن هاي ترضيها
☆☆☆☆☆☆☆☆☆☆☆☆☆☆☆
سكنه والحرم وايتام
اسارى بيد هالظلام
اخذوهن بدرب الشام
ايزيد وكل طواغيها
☆☆☆☆☆☆☆☆☆☆☆☆☆☆☆
شمر اليبره لضعوني
اخووتي التيهيتوني
بين الگوم عفتوني
وسفه هاي تاليها
☆☆☆☆☆☆☆☆☆☆☆☆☆☆☆
مايدري الكفيل شلون
زينب والحرم وضعون
بدروب اليسر يمشون
خوّلّي ألي يباريها
☆☆☆☆☆☆☆☆☆☆☆☆☆☆☆
عگب عينك يخو زينب
اختك يالولي تنسب
بالسوط اعله المتن تضرب
ماتكعد تحاميها
☆☆☆☆☆☆☆☆☆☆☆☆☆☆☆
______
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه للامام العباس عليه السلام
ومولاتي العقيله عليها السلام تنادي عليه
عندما حرقوا الاعداء الخيام عليها
آه يااازينب آه يازينب
★ـ━━━━━━━━━━━━━
النار من شبوها.....النار من شبوها
بالخيام اعداك خويه النار من شبوها
ـــــــــــــــ❃ ـــــــــــــــ
وين عباس الكفل
سيفه يرهب لو زعل
وهذا ابن حيدر بطل
بالحومه يحصد لو نزل
ترضه ايشتموها.....ترضه ايشتموها
بالخيام اعداك خويه النار من شبوها
◆━━━━◆❃◆━━━━◆
النار شبت بالخيم
وين ابو الغيره الشهم
طاح شيال العلم
حرگت النار الچدم
الحره من فجعوها...الحره من فجعوها
بالخيام اعداك خويه النار من شبوها
◆━━━━◆❃◆━━━━◆
نار تسعر بالگلب
ونار بعبينه تشب
بذيالنه تلهب لهب
نام ابو الغيره شعجب
الچثه من سلبوها....الچثه من سلبوها
بالخيام اعداك خويه النار من شبوها
◆━━━━◆❃◆━━━━◆
طلعت الحره تون
تصيح يمه ام الحسن
دخان واعيوني انعمن
ادموع عالوجنه جرن
باچر ايسروها......باچر ايسروها
بالخيام اعداك خويه النار من شبوها
◆━━━━◆❃◆━━━━◆
الحرم فرن بالفله
والاطفال اموجله
وين راعي المرجله
يطفيها كله امشعله
الخيم من حرگوها.....الخيم من حرگوها
بالخيام اعداك خويه النار من شبوها
◆━━━━◆❃◆━━━━◆
ترضه يشتمني النذل
ومال من عندي الحمل
وباچر ارگب عالهزل
افراگكم يكتل كتل
الطفله ايضربوها......الطفله ايضربوها
بالخيام اعداك خويه النار من شبوها
◆━━━━◆❃◆━━━━◆★ـ━
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
⭕👈اعلان * اعلان👉⭕
عرض 🌹🌹لمدة اسبوع 🌹🌹🌹
عرض لمدة اسبوع.
جنطه
كتب عدد 4.
لاي شاعره تختار
مع دفتر هديه للكتابه
كلهن بسعر 20 الف فقط اكرر
20 الف فقط.
متوفره الان
سارعو بالحجز والشراء
#الطلب_والاستفسار⭕👇👇👇⭕
@ABRAR5325
قناة مكتبة عاشوراء 👇👇👇
/channel/AiDoiwwn19878
كروب اجهزة ملايات👇👇
/channel/+n-BgqsOHygw5OWNh
لطميه ثقيله وزن بحر الطويل
مفاعيلن مفاعيلن مفاعيلن مفاعيلن
لسان حال العقيله
في ظهر يوم عاشوراء
صوبني ظُهر عاشور حسين انذبح
واخوانه
ظل امسلب اومطروح اوتدوسه خيول عدوانه
◆━━━━◆❃◆━━━━◆◆━━━━◆
بخيول العده ينداس ابن الزهره ياويلي
خلاني غريبه احسين لفراگه انهدم حيلي
محتاره بحرم واعيال ولا واحد بگه من اهلي
ومن چلچل عليه الليل صحت بويه علي احضرلي
احضر شوف يابويه الوالي عاف نسوانه
صوبني ظُهر عاشور حسين انذبح واخوانه
◆━━━━◆❃◆━━━━◆◆━━━━◆
ظل ممدود ابو اليمه وخيول العده هجمت
اوبخيمي يابو السجاد نيران العدو شبت
من حرگوهن العدوان اطفالك بالفله هجت
لمصابك ينور العين سكنه انهضمت اونت
تظل نايم على الغبره شلون حسين تنسانه
صوبني ظُهر عاشور حسين انذبح واخوانه
◆━━━━◆❃◆━━━━◆◆━━━━◆
يوم هدعش ياعباس اخذونه سبايا الگوم
ترضاها يبن حيدر وانت الكافل الجيدوم
شمر اليحدي بضعوني ومروني علَلمظلوم
صحت وينك يبو الغيره ناديت ابگلب مهظوم
وبو فاضل فده الچفين رمز للوفه وعنوانه
صوبني ظُهر عاشور حسين انذبح واخوانه
◆━━━━◆❃◆━━━━◆◆━━━━◆
تعبني طريق الشام محتاره بحرم واطفال
حرمه ولا ولي عندي عالشاطي بقه الكفال
بس واحد بقه يمي عليل مگيد اعله جمال
عالهزل خذوني الگوم انهض خويه حملي مال
اظل طول الدهر انعاك وعليك الروح وجعانه
صوبني ظُهر عاشور حسين انذبح واخوانه
◆━━━━◆❃◆━━━━◆◆━━━━◆
اظل طول الدهر انعاك والشام ابد ماانساه
شفت الظيم شفت اهموم ٱه او ٱه واويلاه
بطبول يتلگوني وماعندي ولي اوانخاه
مصابك ياعزيز الروح زينب للابد تنعاه
ماانسه المصاب الصار اوروحي اعليه نحلانه
صوبني ظُهر عاشور حسين انذبح واخوانه
◆━━━━◆❃◆━━━━◆◆━━━━◆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
المستهل
وزن المفتون
مستفعلن مفعولات
مستفعلن مفعولن
ـــــــــــ✍️ـــــــــــــــــ
النص*
موشح مقصور
فاعلاتن فاعلاتن فاعلات
على طور صارت عشيره الخدام
شدي اللطم عالهامات ..وحسين دمعه اجريله
بنص الگلب للعطشان ..المأتم انسويله
◆━◆❃◆━◆◆━◆❃◆━◆
مصيبة العطشان منها الطفل شاب
يلَّه عازي ام الخدر باعظم مصاب
علاخيها الضل طريح اعله التراب
عافته مذبوح وترافگ اجناب
الخيم حرگوها بنار...من دم دمعنه انسيله
شدي اللطم عالهامات ..وحسين دمعه اجريله
◆━━━━◆❃◆━━━━◆
شلون صدرك سيدي تدوسه الخيول
انت ابن حيدر علي فحل الفحول
وامك الزهره الزچيه والبتول
يله عازي فاطمه او جده الرسول
اندگ عليه الصدور..اوارواحنه نفديله
شدي اللطم عالهامات ..وحسين دمعه اجريله
◆━◆❃◆━◆◆━◆❃◆━◆
من القفا مذبوح مولاي الحسين
شلون صدرك يعتلي شمر اللعين
اويحزلك منحرك من الوتين
على مصابك سيدي لعمي العين
للطاح وسط الميدان..بصوت الحزن ننعيله
شدي اللطم عالهامات ..وحسين دمعه اجريله
◆━◆❃◆━◆◆━◆❃◆━◆
من طحت مولاي اوطاح الكفيل
صار حمل ام الخدر كلش ثگيل
صاحت خلاف الولي حملي يميل
تنادي ياعباس عدوانك تعيل
نادت الحره العباس..ظيم الشمر تشكيله
: شدي اللطم عالهامات ..وحسين دمعه اجريله
◆━◆❃◆━◆◆━◆❃◆━━
جمره الك وسط الگلب ياسيدي
تظل دوم اموجره اوما تنطفي
ادموم تجري ادموعنه اوماتنتهي
لحد ظهور القائم الحق يعتلي
كلمن لطم للمظلوم..بنص العيون انشيله
: شدي اللطم عالهامات ..وحسين دمعه اجريله
◆━◆❃◆━◆◆━◆❃◆━◆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
جاسم وگع بالميدان
صارت بالخيم حنَّه
ــــــــــــــــــــــــــــــــــــــــــ
جاسم وگع بين الگوم
لنصرت عمَّه المظلوم
صارت حنته من ادموم
ويلي طاح المچنه
جاسم وگع بالميدان
ــــــــــــــــــــــــــــــــــــــــــ
رمله تنادي يالوالي
رحت منيدي يالغالي
عگبك منهو يبرالي
خيل اعداه داسنه
جاسم وگع بالميدان
ــــــــــــــــــــــــــــــــــــــــــ
طاح وسالت ادمومه
عازن عمته چلثومه
شباب انكتل بالحومه
سيوف اعداه وذرنه
جاسم وگع بالميدان
ــــــــــــــــــــــــــــــــــــــــــ
زينب لطمت اعله الراس
صاحت خويه ياعباس
القاسم وگع بين ارجاس
لاجله عللن الونه
جاسم وگع بالميدان
ــــــــــــــــــــــــــــــــــــــــــ
ننصب مجلسه الليله
بجمرت حزن ننعيله
بحسره وألم ونيله
والمجتبى عازنه
جاسم وگع بالميدان
ــــــــــــــــــــــــــــــــــــــــــ
شمعة عرسه طفيها
والخيمه دفلشيها
سكنه بحزن غطيها
وصوت الحزن عللنه
جاسم وگع بالميدان
ــــــــــــــــــــــــــــــــــــــــــ
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه للمسير
لسان حال ام البنين
عند رحيل الحسين عليه السلام الى كربلاء
وزن الحدي
مستفعلن مستفعلن
مستفعلن مستفعلن
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شال وعايف ادياره
اونار الگلب وجاره
اوشگلل اله خطاره
لوجاني اومر بيها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غرب ضعنهم وابعد
گلبي ابحزنه ايتمرد
عل الراح اوبعد ميرد
راح اوروحي يأذيها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
افديك باربع اولاد
وفرگاك هدلي الافاد
يمسافر لديار ابعاد
روحي الك افديها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راعي الهيابه من رحل
جانون وبگلبي اشتعل
يحدي الضعينه بو الفضل
شفته اودُموعي اجريها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
سافر اوعاف ابنيته
سالن دموعي وشفته
مايرجع آنه اعرفته
وانطاه گلبه ايخليها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بالليل شد اضعونه
وعلمحمل الخاتونه
ورقييه اوسكونه
ولكربله ناويها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
قصيده لليلة الحادي عشر
ليله الوحشه
وزن نصاري
مفاعيلن مفاعيلن مفاعيل
.............🔮.............
ياليل اهدعش وشسوه بينه
الـحـگ يا علـي بـويـه علينه
.............🔮.............
طول يافجر لاتطلع ابساع
خلي الفاگدات يشبعن اوداع
عالرمضه يعوفن ذيج الاسباع
عگب ذيچ الحياده احنه انسبينه
✍الحاجه ام احمد الحچامي
.............🔮.............
عگب ذيچ الحياده وذيچ البدور
اجه ليل اهدعش مابيه كل نور
مخضب جسم اخونه وراسه منحور
تعال ابساع يا حيدر نخينه
ام ســ✍ــجاد العسكري
.............🔮.............
نخينه ياعلي ومابينه كل حيل
ضوانه هالطفه والمدمع يسيل
ومنوچد يبويه اندورابليل
ومنحور الأخو واسمع ونينه
✍🏻زمن حاتم الربيعي
.............🔮.............
منحور الاخو ومسَلَب اهدوم
راسه عالرمح ويلي الچيدوم
وتبچيله العقيله بدمع ودموم
وتگول الولي راح من ادينه
✍الحاجه ام احمد الحچامي
.............🔮.............
لاخيمه بگت عدنه ولا استار
بيه نتواره عن اعين النظار
يليل ارحم حرم واطفال الزغار
ماعدنه ولي ايتامه صفينه
*ام منـــ✍️ــــذر الحجار*
.............🔮.............
صفو عالغبره نيام النشامه
وحدي بگيت المن باليتامه
صحت وينك يزراك الرخامه
تعال وشوف عالغبره ولينه
*ام منـــ✍️ـــذر الحجار*
..........................
ثكالى وفاجدات بوليه الذيب
شافن ضيم منه اليرضع ايشيب
تنادي البالغري احسينك اخضيب
بدماه و رضته جيمة الشينه
✍🏻العلوية أم منتظر جمال الدين
ــــــــــــــــــــــــــــــــــــــــــ
تمت بحمد الله وتوفيقه باقلام شاعرات الملتقى الحسيني لناعيات الطف تحت اشراف الشاعره الحاجه ام حسين العسكري ناصريه يحرم الحذف والتلاعب ونسألكم الدعاء والفاتحه لامواتنا
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام عليكم
☆☆☆☆☆☆☆☆☆☆☆☆☆☆☆
ساقي العطاشه من وگع
والجود سالو مايه
☆▪︎☆☆☆☆☆☆☆☆☆☆☆☆
حسين بوگفته منحني
ويصيح راحوا كل هلي
ماكو بعد عندي ولي
ايحامي خويه الثايه
☆☆☆☆☆☆☆☆☆☆☆☆☆☆☆
زينب تنادي ام الحزن
بالخيمه ظلت بس تون
خويه عسا عيوني عمن
وطيح خويه الرايه
☆☆☆☆☆☆☆☆☆☆☆☆☆☆☆
الله واكبر ماجرت
ذيچ الرسوم اتغيرت
وأعضائها اتناثرت
عل الغبره خويه اهوايه
☆☆☆☆☆☆☆☆☆☆☆☆☆☆☆
الراس مضروب بعمد
ابو الفضل خويه انفكد
بالسهم ضربوه الچبد
وحسين تايه رايه
☆☆☆☆☆☆☆☆☆☆☆☆☆☆☆
سكنه تنادي والحرم
چاوين عمي والعلم
مطروح شيال العلم
واسكطوا منه الرايه
☆▪︎☆☆☆☆☆☆☆☆☆☆☆☆
خويه يشيال العلم
مابين عدوان وظلم
مفگود انته والزلم
وچفوفك الوفايه
☆☆☆☆☆☆☆☆☆☆☆☆☆☆☆
عبدالله نور عيوني
بيه العده فجعوني
ومن الطفل حرموني
وينك يراعي الرايه
☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام
يا عباس حرگوها الصواوين
واختك بالغرب تطي الوجه وين
☆☆☆☆☆☆☆☆☆☆☆☆☆☆☆
على بختك يخويه تعوفني شلون
عد كفار خويه ومايرحمون
وبسوطه الشمر يضرب عالمتون
صحت بصوت ياخويه يالحسين
☆☆☆☆☆☆☆☆☆☆☆☆☆☆☆
سكنه والحرم واطفال رضعان
وگلب اختك يخويه اشتعل نيران
وضلينه حرم بس علي الوجعان
من بعدك يخويه انطب دواوين
☆☆☆☆☆☆☆☆☆☆☆☆☆☆☆
آنه بشيمتك وانته اكفلتني
وهسه بالغرب خويه عفتني
وانته من المدينه انته الجبتني
عفتكم عالثره خويه مطاعين
☆☆☆☆☆☆☆☆☆☆☆☆☆☆☆
يابن حيدره بالحرب فراس
تالي بالعمود مصوب الراس
وتتفرج عليه خويه هالناس
رحت ميسره عگب الميامين
☆☆☆☆☆☆☆☆☆☆☆☆☆☆☆
اخبرك بالخرابه گعدونه
بس نبچي يخويه يشتمونه
وعند يزيد خويه سيبونه
وآنه اخت البطل عباس وحسين
☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي_
___
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام
☆☆☆☆☆☆☆☆☆☆
طاح الكفيل اعله النهر
بالسهم طفو عينه
☆☆☆☆☆☆☆☆☆☆☆☆☆☆☆
گومي يحره تحزمي
يللّه استعدي للسبي
حرمه وغريبه بلا ولي
طاح ووگع والينه
☆☆☆☆☆☆☆☆☆☆☆☆☆☆☆
من طاح سبع الگنطره
وحتى الچفوف مشمره
ياهو اليخبر حيدره
وينه اليخبره وينه
☆☆☆☆☆☆☆☆☆☆☆☆☆☆☆
الگوم ظلام وكفر
وحسين مكسور الظهر
من طاح اخوه اعله النهر
والبطل صابو عينه
☆☆☆☆☆☆☆☆☆☆☆☆☆☆☆
احا يعملة كربله
بيها الضحايا مجندله
والظيم ساطرني وبله
تصرخ يبويه سكينه
☆☆☆☆☆☆☆☆☆☆☆☆☆☆☆
وحسين ماعنده نصر
ومكسور من عنده الظهر
من العطش گلبه انفطر
ونصيح ياوالينه
☆☆☆☆☆☆☆☆☆☆☆☆☆☆☆
زينب وسكنه والحرم
عد ناس مابيهه رحم
ملاعين وكلهم ظلم
وعباس مارد لينه
☆☆☆☆☆☆☆☆☆☆☆☆☆☆☆
رمله تنادي يلولد
يبني صبتني بالچبد
هيهات ماترجع بعد
دلوني ابني وينه
☆☆☆☆☆☆☆☆☆☆☆☆☆☆☆
عبدالله مفطوم بسهم
فطموا المابيهم رحم
عالماي يرموه بسهم
يحسين رد بيه لينه
☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي_
___
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
فزاعيه للحسين عليه السلام
الك جمره يابو السجاد
ظلت بالگلب تسعر
◆━━━━◆❃◆━━━━◆
تسعر جمرتك مولاي
ماطول النفس بحشاي
انصبلك عزه ابعيناي
الحرگه تظل للمحشر
الك جمره يابو السجاد
◆━◆❃◆━◆◆━◆❃◆━◆
وناتك تشوغ الروح
يالمملي طعن وجروح
افديك بهلي وبالروح
والمأتم فلا يفتر
الك جمره يابو السجاد
◆━◆❃◆━◆◆━◆❃◆━◆
انصب مأتمك بالعين
نور عيوني ياحسين
يبقى شما تمر اسنين
انعى جسمك امطبر
الك جمره يابو السجاد
◆━◆❃◆━◆◆━◆❃◆━◆
ويلي مسلب وعريان
العمامه على التربان
ماحظرو بني عدنان
ويلي وبالشمس والحر
الك جمره يابو السجاد
◆━◆❃◆━◆◆━◆❃◆━◆
جسمك سيدي مصيوب
وگلب ام الخدر مرعوب
ومن عمامتك مسلوب
وتبقى عالثره اموذر
الك جمره يابو السجاد
◆━◆❃◆━◆◆━◆❃◆━◆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه للعباس عليه السلام
☆☆☆☆☆☆☆☆☆☆☆☆☆☆☆
هذا بو فاضل يسبع الگنطره ٢
گطعوا اجفوفه وطاحن عالثره ٢
☆☆☆☆☆☆☆☆☆☆☆☆☆☆☆
هذا بو فاضل شجاع وصولته
بالحرب معروف حيدر هدته
من دخل لميدان صعبه هجمته
ألف وسفه سال دمه اعله الثره ٢
☆☆☆☆☆☆☆☆☆☆☆☆☆☆☆
شاف عبد الله الرضيع ولهفته
من العطش يابس إلسانه وچبدته
اترخص من احسين اخذه جربته
سال ماي الجربه طاح إعله الثره ٢
☆☆☆☆☆☆☆☆☆☆☆☆☆☆☆
كفل اختهه وگالهه انتي بذمتي
زينب الحره العقيله بشيمتي
انسبي والگوم تحرگ خيمتي
ويظل جسم حسين طايح عالثره ٢
☆☆☆☆☆☆☆☆☆☆☆☆☆☆☆
ظحه بالچفين سبع الگنطره
ينصر المظلوم وحده بكربله
رمز للعز ابو فاضل والوفه
تالي بين الگوم جسمه عالثره ٢
☆☆☆☆☆☆☆☆☆☆☆☆☆☆☆
زينب اعله التل تنادي يخوتي
گعدوا شوفو شسصار نضروا مصيبتي
شعلوا العدوان نار بخيمتي
الخيم محتركه وجسمك عالثره ٢
☆☆☆☆☆☆☆☆☆☆☆☆☆☆☆
فرن النسوان حرگوها الخيم
وين راعي الغيره وراعي العلم
اگعد وخلصنه من هذا الظلم
الرايه ملفوفه وچفك عالثره ٢
☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي_
___
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام
☆☆☆☆☆☆☆☆☆☆☆☆☆☆☆☆
گالوا طايح العباس عالمشرعه مصوبينه
☆☆☆☆☆☆☆☆☆☆☆☆☆☆☆☆
گومي يم طهر يختي
طاح آنه انكسر ظهري
راح السند وعضيدي
سهم نابت وسط عينه
گالوا طايح العباس
☆☆☆☆☆☆☆☆☆☆☆☆☆☆☆☆
ابو الغيره فده الچفين
لأخته والعزيز احسين
ماقصر كفو ونعمين
جاب الماي لسكينه
گالوا طايح العباس
☆☆☆☆☆☆☆☆☆☆☆☆☆☆☆☆
ياوسفه البطل عباس
يوگع بين هالارجاس
مجرب بالحرب فرراس
گطعوا وسفه چفينه
گالوا طايح العباس
☆☆☆☆☆☆☆☆☆☆☆☆☆☆☆☆
ياكافل خدر زينب
تعوف اختك يالمعتب
عگبك تصرخ وتنحب
ادور عالولي وينه
گالوا طايح العباس
☆☆☆☆☆☆☆☆☆☆☆☆☆☆☆☆
شبت بالخيم نيران
طلعت شايطه النسوان
جسمك مرمي عالتربان
وعدوانك اموذرينه
گالوا طايح العباس
☆☆☆☆☆☆☆☆☆☆☆☆☆☆☆☆
زينب تلطم اعله الراس
وتنادي البطل عباس
عفتني شلون بين الناس
يالطولك امضيعينه
گالوا طايح العباس
☆☆☆☆☆☆☆☆☆☆☆▪︎☆☆☆☆
ياگمر بني هاشم
وسفه اعله الترب نايم
يحدي بضعني الظالم
حيف الشمر حادينه گالوا طايح العباس
☆☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام
يابو فاضل گوم لينه// شبت النار بعبينه
فرهدوا عزنه العلينه // =
نصيح وينك ياولينه // =
بالخيم تصرخ سكينه // =
تصيح عمي البطل وينه // =
من العدو عمي نولينه // =
گوم انهض يبو سكينه // =
يبو فاضل گوم لينه //شبت النار بعبينه
☆☆☆☆☆☆☆☆☆☆☆☆☆☆☆
الشمر حادي الضعينه =
راح خدري ونسبينه =
حسين وحًده ومنو يعينه =
بالحجر صابو جبينه =
والسهم نابت بعينه =
ياعلي بلوه ابتلينه =
يابو فاضل گوم لينه// شبت النار بعبينه
☆☆☆☆☆☆☆☆☆☆☆☆☆☆☆
زينب الحره حزينه =
وابو فاضل صايبينه =
واگطعوا منه يمينه =
والسهم نابت يعينه =
راح عمچ ياسكينه =
يابو فاضل گوم لينه// شبت النار بعبينه
☆☆☆☆☆☆☆☆☆☆☆☆☆☆☆
اولي يازهره الحنينه =
احسين اخوي اموذرينه =
والاعادي امگطعينه =
نايم ويجهر ونينه =
نام اخوي وغفت عينه =
المهر نادی علينه =
هلله هلله شهل الظليمه =
يبو فاضل گوم لينه// شبت النار بعبينه
☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه لابي الفضل العباس عليه السلام
تقرأ مربوعه وفزاعيه
★-----------------★---------------
المستهل
ياعباس حرگوها الصواوين
واختك بالغرب تنطي الوجه وين
★-----------------★----------------
على بختك يخويه تعوفني شلون
عد ظلام خويه وما يرحمون
وبسوطه الشمر يضرب عالمتون
صحت بصوت ياخويه يالحنين
ياعباس حرگوها الصواوين
★-----------------★---------------
وسكنه والحرم واطفال رضعان
وگلب اختك يخويه اشتعل نيران
وظلينه حرم بس علي الوجعان
من بعدك يخويه انطب دواوين
ياعباس حرگوها الصواوين
★-----------------★----------------
آنه بشيمتك وانته اكفلتني
وهسه بالغرب خويه عفتني
وانته من المدينه انته الجبتني
عفتكم عالثره خويه مطاعين
ياعباس حرگوها الصواوين
★-----------------★----------------
ياابن حيدره بالحرب فراس
تالي بالعمود مصوب الراس
وتتفرج علينه خويه هالناس
رحت ميسره عگب الميامين
ياعباس حرگوها الصواوين
★-----------------★----------------
اخبرك بالخرابه گعدونه
بس نبچي يخويه يشتمونه
وعند يزيد خويه يسرونه
وآنه اخت البطل عباس وحسين
ياعباس حرگوها الصواوين
★-----------------★---------------
بقيت محيره واصفگ بالايدين
لا عباس يمي وشال الحنين
محتاره يخويه بهالنساوين
مشه وابعد ضعنه وين لاوين
ياعباس حرگوها الصواوين
★-----------------★----------------
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه مربوعه للعباس عليه السلام
☆☆☆☆☆☆☆☆☆☆☆☆☆☆☆
جيت بلهفه ونخيتك ها يعباس
عليك بدمع زينب لا تردني
☆☆☆☆☆☆☆☆☆☆☆☆☆☆☆
كفو ونعمين منك عالي الشان
ياوسفه عليك تموت عطشان
طفال تلوع بالخيمه ورضعان
نومك عالشريعه زاد وني
☆☆☆☆☆☆☆☆☆☆☆☆☆☆☆
وسفه تعوف زينب بين الارجاس
ترضاهه يخويه خدري انداس
ابو الغيره البطل انته يعباس
چفوفك عالنهر هنه العمني
☆☆☆☆☆☆☆☆☆☆☆☆☆☆☆
چاوينك يالمشيم يمعلوم
ماترضه يخويه بالظلم دوم
وظلموهن تره زينب وكلثوم
مدري هالمصايب شو لفني
☆☆☆☆☆☆☆☆☆☆☆☆☆☆☆
وطفل حسين من اعداك مفطوم
چاوينك دگوم وصول عالگوم
وضربوك العده بعامود ميشوم
جراحاتك يخويه ال ألمني
☆☆☆☆☆☆☆☆☆☆☆☆☆☆☆
اطلبت الحاجه منك وانته كدهه
امشيه عليك زينب لاتردهه
ابجاه ام البنين الحاجه عدهه
يگضيها البطل عباس عني
☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي_
___
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه للعباس عليه السلام
موشح
☆☆☆▪︎☆☆☆☆☆☆☆☆☆☆
رحت مهظومه صوب المشرعه
جيت للعباس اشوفن مصرعه
☆☆☆☆☆☆☆☆☆☆☆☆☆☆☆
يم حسن يمه تعالي مسرعه
خل نروح نشوف راعي المشرعه
الجود يمه والچفوف مگطعه
صحت واويلاه هاي الفاجعه
رحت مهظومه صوب المشرعه
☆☆☆☆☆☆☆☆☆☆☆☆☆☆☆
راح خدري بطَحيًتك يابو الفضل
تاه فكري مني . وتاه العقل
عالشريعه مطبر وهذا الحصل
الله واكبر هاي هيه الواقعه
رحت مهظومة صوب المشرعه
☆☆☆☆☆☆☆☆☆☆☆☆☆☆☆
اطفال عطشانه لمايك تنتظر
تريد ترويها نفذ .منها الصبر
گلوپ عطشانه أحر من الجمر
تصرخ بصوتِ ومحد سامعه
رحت مهظومة صوب المشرعه
☆☆☆☆☆☆☆☆☆☆☆☆☆☆☆
النار شبوها العده بخيامي
ولا وحييد من هلًي چدامي
زاد وني وزادت آنه آلآمي
والعليل بكتري يهمل مدمعه
رحت مهظومة صوب المشرعه
☆☆☆☆☆☆☆☆☆☆☆☆☆☆☆
جابوا النوگ وحده بينه الضعن
بس حرم وايتام شو يتلاوعن
من بعد ذاك الخدر خويه انسبن
والعليل برگبته تحز جامعه
رحت مهظومة صوب المشرعه
☆☆☆☆☆☆☆☆☆☆☆☆☆☆☆
من وصلنه الشام طبينه ليزيد
يشتم السجاد ومقيده بحديد
اعتب اعله الكافل وعتبي شيفيد
صحت ياويلي وعيني دامعه
رحت مهظومة صوب المشرعه ☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي_
___
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13