-
نسعى بجهودنا المتواضعة نحو تقديم ابسط ما يمكن لخدمة سيدنا الحسين (ع) ، راجين من الباري ان يوفقنا وإياكم ويتقبل اعمالنا .
لطميه لعبدالله الرضيع عليه السلام
وزن التجليبه من بحر الهزج
مفاعيلن مفاعيلن مفاعيلن
لسان حال الرباب عليها السلام
عطشان الطفل والماي مو يمي
خذاه حسين يوليدي بسهم مرمي
ــــــــــــــــــــــــــــــــــــــــــــــــــــــــــــــ
يلوج من العطش ومرمره ارياگه
يبس چبد الطفل اوناري حراگه
شلون اگدر اعوفه وامشي عالناگه
يضل بس البچي والنوح أنه سهمي
عطشان الطفل والماي مو يمي
خذاه حسين يوليدي بسهم مرمي
ــــــــــــــــــــــــــــــــــــــــــــــــــــــــــــــ
على الناگه اروحن واترك اوليدي
يزينب آه بالونه وحزن زيًدي
سهم البين ضرباه وخَذه امن ايدي
اصيح بصوت ياعمته الصدر لطمي
عطشان الطفل والماي مو يمي
خذاه حسين يوليدي بسهم مرمي
ــــــــــــــــــــــــــــــــــــــــــــــــــــــــــــــ
اصيح بصوت وينك ياابو فاضل
عبدالله انفطم بسهام يالكافل
ياريتك عدل وتعيل عل العايل
وينك يبو فاضل هالنحل جسمي
عطشان الطفل والماي مو يمي
خذاه حسين يوليدي بسهم مرمي
ـــــــــــــــــــــــــــــــــــــــــــــــــــــــــــــ
بسهام العده إبني انذبح نحره
صاباه حرمله اومذبوح يازهره
وحيًد حسين ظل ومحد ينصره
ظل خالي المهد اوزيد آلامي
عطشان الطفل والماي مو يمي
خذاه حسين يوليدي بسهم مرمي
ـــــــــــــــــــــــــــــــــــــــــــــــــــــــــــــــ
اللهي بجاه عبدالله وعطش لاكبر
وبجاه الغريب ال عالثره اموذر
تشافي كل مريض الجمرته تسعر
تطييب علتي وتتحقق احلامي
عطشان الطفل والماي مو يمي
خذاه حسين يوليدي بسهم مرمي
ــــــــــــــــــــــــــــــــــــــــــــــــــــــــــــــ
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه للقاسم عليه السلام
فزاعيه
بالميدان جاسم طاح
رمله اعليه حزنانه
ــــــــــــــــــــــــــــــــــــــــــــــــــــــــــــــ
فلشن خيمة اوليدي
يازينب بالحزن زيدي
دموعي من دمه تدي
راح الولد ماجانه
بالميدان جاسم طاح
ــــــــــــــــــــــــــــــــــــــــــــــــــــــــــــــ
مخضب راسه من ادماه
سكنه اتصيح واويلاه
عمه للخيم جاباه
وام الخدر وجعانه
بالميدان جاسم طاح
ــــــــــــــــــــــــــــــــــــــــــــــــــــــــــــــ
وام الخد ر مهظومه
القاسم نزل للحومه
عالعريس مالومه
اعله ابن الحسن نحلانه
بالميدان جاسم طاح
ــــــــــــــــــــــــــــــــــــــــــــــــــــــــــــــ
نحلانه او تجر ونه
وگلبت طاسة الحنه
راح وأيست منه
جثته سهام مليانه
بالميدان جاسم طاح
ــــــــــــــــــــــــــــــــــــــــــــــــــــــــــــــ
چثته بالشمس والحر
جسمه ويلي امطبر
مرمي اعله الثره بالبر
لبن الحسن مبچانه
بالميدان جاسم طاح
ــــــــــــــــــــــــــــــــــــــــــــــــــــــــــــــ
نعازي المجتبى الليله
انطفي الشمع ننعيله
دمعنه من دمه انسيله
شباب وبرز بحصانه
بالميدان جاسم طاح
ـــــــــــــــــــــــــــــــــــــــــــــــــــــــــــــ
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
قصيده لمولاتي العقيله زينب عليها السلام
لسان حال مولاتنا عندما دخلت السوگ
المستهل لاختي ام علاء
اجريت عليه بعض التعديلات
اه یا طبتي للسوگ
من عدها الگلب محروگ
ــــــــــــــــــــــــــــــــــــــــــ
شنهي طبيتي ياناس
وانه بت علي النبراس
ابوي البلحرب فرراس
سبايا ركبونه النوگ
اه یاطبتي للسوگ
ــــــــــــــــــــــــــــــــــــــــــ
تتفرج عليه اعداي
وكلها تگول منهو هاي
عليه وعالحرم توماي
وراس الولي معلگ فوگ
اه یاطبتي للسوگ
ــــــــــــــــــــــــــــــــــــــــــ
انه الصوتي مامسموع
طبيته واهل ادموع
لمصابي الگلب مشلوع
چم غصه یگلبي تضوگ
اه ياطبتي للسوگ
ــــــــــــــــــــــــــــــــــــــــــ
آنه الهاشميه آنه
وصلت الشام وجعانه
اباري ايتام عطشانه
ونادي عمه مارحموك
اه ياطبتي للسوگ
ــــــــــــــــــــــــــــــــــــــــــ
خيالي المايشوفه احد
سبيهم شو تعده الحد
وحك جدي النبي احمد
بالعبره الگلب مخنوگ
اه یاطبتي للسوگ
ــــــــــــــــــــــــــــــــــــــــــ
لبوة حيدره آنه
حسافه اشمتت اعدانه
بيك اوروحي تعبانه
يعمه اعداك شو ظلموك
اه يا طبيتي للسوگ
من عدها الگلب محروگ
★ـ━━━━━━━━━━━━━
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
ختامية مجلس
على طور هلّه هلّه حسين وينه بالسيوف امگطعينه
〰️〰️〰️〰️〰️〰️〰️〰️〰️〰️〰️〰️〰️〰️
هلّه هلّه ياولينه بالحجر ضربوا جبينه
شهل لمصيبه الله اكبر بيها انعزي نبينه
علثره امدد الوالي فاطمه الزهره حزينه
الخيل داست على ظلوعه والشمر يگطع وتينه
زينب الحره تنادي ياعلي يمته تجينه
حسين طايح بالمعاره وخيلهم هجمت علينه
ابو فاضل عالشريعه ونارهم حرگت عبينه
لاخيام البقت عندي احترگت وتبچي اسكينه
امدد الاكبر يبويه وبالسيوف اموذرينه
نام جاسم علة الغبره آه ويلي اوغفت عينه
والطفل منحور نحره ويلي او يجهر ونينه
والحرم مسبيه راحت والشمر يحدي الضعينه
وعالچثث مرينه خويه وعالهزل ركبت اسكينه
ابمجلس الطاغي وگفنه والعليل امگيدينه
وبالخرابه گعدونه وصحنه الحگ ياعلينه
فزت ارقيه يبويه اتصيح وينك ياولينه
من سمعه الطاغي بويه جاب راس حسين لينه
شمته الطفله وماتت ماتت بويه بين ادينه
الله واكبر شالمصيبه البچت الاملاك بينه
★ـ━━━━━━━━━━━━━
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه للعباس عليه السلام
وزن الموشح المنقوص
فاعلاتن فاعلاتن فاعلن
گوم ياعباس سبع الگنطره
جِثَّت حسين الغريب موذره
◆━━━━◆❃◆━━━━◆
حرگوا الصيوان عگبك يالولي
والعيال ابهيمهه اودمعي يهلي
اوداعت الله يالبطل منهو إللي
ويلي الوليان ظلوا عالثره
گوم ياعباس سبع الگنطره
◆━◆❃◆━◆◆━◆❃◆━◆
نايم الروواي جنب المشرعه
العين مصيوبه چفوفه امگطعه
حاضره ام حسين تبچي لمصرعه
زينب اخلافه تروح ميسره
گوم ياعباس سبع الگنطره
◆━◆❃◆━◆◆━◆❃◆━◆
اطالب الزهراء بچفوف الگمر
وبقميص احسين وبدم النحر
وبدموع ارقيه وسبي ام الخدر
وتنعي العطشان حزو منحره
گوم ياعباس سبع الگنطره
◆━◆❃◆━◆◆━◆❃◆━◆
بقت جثتك يالبطل امدده
الحرم تبقه يخويه وي العده
غفت عينك مادريت الي سده
طايح الكافل چفوفه مشمره
گوم ياعباس سبع الگنطره
◆━◆❃◆━◆◆━◆❃◆━◆
اللهي بجاه زينب والكفل
اشفعلنه سيدي بجاه الفحل
وبالزچيه اتوسلك اوبالبطل
يشفعلنه حسين يوم الاخره
گوم ياعباس سبع الگنطره
◆━◆❃◆━◆◆━◆❃◆━◆
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه ختامية مجلس
للحسين عليه السلام
على طور
هله هله احسين وينه بالسيوف امگطعينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الله واكبر ياولينه بالحجر ضربوا جبينه
الله واكبر ياولينه بالحجر ضربوا جبينه
◆━◆❃◆━◆◆━◆❃◆━◆
وگفت اعله التل تنادي اونت ابونه ثچيله
شلون صيحت هظم صاحت زينب الحره العقيله
وين اخوي حسين وينه شلون اوصله اوجيله
بالعمد مضروب راسه وسال دمه فوگ عينه
بالسهم ممرود گلبه اوخيلهم غارت علينه
من المهر طاح اعله وجهه وعللخيم شابح بعينه
من تعنه المهر ليها يصهل ينادي الظليمه
راحت اوي المهر تصرخ وين طايح يبو سكينه
شافته مگطوع نحره وحتى ثوبه امسلبينه
داست الخيل اعله صدره واگطعوا خنصر يمينه
زينب بحرگه تنادي خويه ماتلحگ علينه
ال سلب قرط الرقيه بسوطه رد يضرب اسكينه
مادريت اخلاف عينك حرگوا اخيمنه علينه
زينب تنادي الفواطم راح ابو اليمه من ادينه
وين ابن امي وعزيزي وين ابن حامي الحميه
وين ريحانة الهادي ومهجة الزهره الزچيه
لابگت خيمه التلمنه ولا حمه ابهاي المسيه
وهله هله شلون وليه من عگب عينه انولينه
الله واكبر ياولينه بالحجر ضربوا جبينه
الله واكبر ياولينه بالحجر ضربوا جبينه
◆━◆❃◆━◆◆━◆❃◆━◆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
نعي
للقاسم عليه السلام
عريس يبني الولد يبني
ابعرسك ييمه دولبتني
جاسم خذاك البين مني
ـــــــــــــــــــــــــــــــــــــــــــــــــــــــ
طولك حلو يالبعدك اشباب
ذبحوك يمه يبن الاطياب
بعرسك اسف عزوني الاحباب
ــــــــــــــــــــــــــــــــــــــــــــــــــــــــــ
مطروح عالغبره ومذبوح
وبالنبل ياجسام مجروح
عني غبت شيسلي الروح
ــــــــــــــــــــــــــــــــــــــــــــــــــــــــــ
ابني وگع خبرن العمات
يرجع بعد للخيمه هيهات
ظل الحلو فوك المسنات
ــــــــــــــــــــــــــــــــــــــــــــــــــــــــــ
جابه الغريب وظهره محني
ياللَّه حبايب ساعدني
جاسم على العدوان ذبني
ـــــــــــــــــــــــــــــــــــــــــــــــــــــــــــ
ماگال حملي من يشيله
ادموم دمعي اعليه اسيله
طول العمر جاسم انعيله
ــــــــــــــــــــــــــــــــــــــــــــــــــــــــــ
يلَّه حبايب طفن اشموع
عالولد ظل الگلب مفجوع
من دم تهل اعليه الدموع
ـــــــــــــــــــــــــــــــــــــــــــــــــــــــــ
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه للقاسم عليه السلام
فزاعيه
بالميدان جاسم طاح
رمله اعليه حزنانه
ــــــــــــــــــــــــــــــــــــــــــــــــــــــــــــــ
فلشن خيمة اوليدي
يازينب بالحزن زيدي
دموعي من دمه تدي
راح الولد ماجانه
بالميدان جاسم طاح
ــــــــــــــــــــــــــــــــــــــــــــــــــــــــــــــ
مخضب راسه من ادماه
سكنه اتصيح واويلاه
عمه للخيم جاباه
وام الخدر وجعانه
بالميدان جاسم طاح
ــــــــــــــــــــــــــــــــــــــــــــــــــــــــــــــ
وام الخد ر مهظومه
القاسم نزل للحومه
عالعريس مالومه
اعله ابن الحسن نحلانه
بالميدان جاسم طاح
ــــــــــــــــــــــــــــــــــــــــــــــــــــــــــــــ
نحلانه او تجر ونه
وگلبت طاسة الحنه
راح وأيست منه
جثته سهام مليانه
بالميدان جاسم طاح
ــــــــــــــــــــــــــــــــــــــــــــــــــــــــــــــ
چثته بالشمس والحر
جسمه ويلي امطبر
مرمي اعله الثره بالبر
لبن الحسن مبچانه
بالميدان جاسم طاح
ــــــــــــــــــــــــــــــــــــــــــــــــــــــــــــــ
نعازي المجتبى الليله
انطفي الشمع ننعيله
دمعنه من دمه انسيله
شباب وبرز بحصانه
بالميدان جاسم طاح
ــــــــــــــــــــــــــــــــــــــــــــــــــــــــــــــ
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه ثقيله وزن بحر الطويل
مفاعيلن مفاعيلن مفاعيلن مفاعيلن
لسان حال العقيله
في ظهر يوم عاشوراء
صوبني ظُهر عاشور حسين انذبح
واخوانه
ظل امسلب اومطروح اوتدوسه خيول عدوانه
◆━━━━◆❃◆━━━━◆◆━━━━◆
بخيول العده ينداس ابن الزهره ياويلي
خلاني غريبه احسين لفراگه انهدم حيلي
محتاره بحرم واعيال ولا واحد بگه من اهلي
ومن چلچل عليه الليل صحت بويه علي احضرلي
احضر شوف يابويه الوالي عاف نسوانه
صوبني ظُهر عاشور حسين انذبح واخوانه
◆━━━━◆❃◆━━━━◆◆━━━━◆
ظل ممدود ابو اليمه وخيول العده هجمت
اوبخيمي يابو السجاد نيران العدو شبت
من حرگوهن العدوان اطفالك بالفله هجت
لمصابك ينور العين سكنه انهضمت اونت
تظل نايم على الغبره شلون حسين تنسانه
صوبني ظُهر عاشور حسين انذبح واخوانه
◆━━━━◆❃◆━━━━◆◆━━━━◆
يوم هدعش ياعباس اخذونه سبايا الگوم
ترضاها يبن حيدر وانت الكافل الجيدوم
شمر اليحدي بضعوني ومروني علَلمظلوم
صحت وينك يبو الغيره ناديت ابگلب مهظوم
وبو فاضل فده الچفين رمز للوفه وعنوانه
صوبني ظُهر عاشور حسين انذبح واخوانه
◆━━━━◆❃◆━━━━◆◆━━━━◆
تعبني طريق الشام محتاره بحرم واطفال
حرمه ولا ولي عندي عالشاطي بقه الكفال
بس واحد بقه يمي عليل مگيد اعله جمال
عالهزل خذوني الگوم انهض خويه حملي مال
اظل طول الدهر انعاك وعليك الروح وجعانه
صوبني ظُهر عاشور حسين انذبح واخوانه
◆━━━━◆❃◆━━━━◆◆━━━━◆
اظل طول الدهر انعاك والشام ابد ماانساه
شفت الظيم شفت اهموم ٱه او ٱه واويلاه
بطبول يتلگوني وماعندي ولي اوانخاه
مصابك ياعزيز الروح زينب للابد تنعاه
ماانسه المصاب الصار اوروحي اعليه نحلانه
صوبني ظُهر عاشور حسين انذبح واخوانه
◆━━━━◆❃◆━━━━◆◆━━━━◆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
المستهل
وزن المفتون
مستفعلن مفعولات
مستفعلن مفعولن
ـــــــــــ✍️ـــــــــــــــــ
النص*
موشح مقصور
فاعلاتن فاعلاتن فاعلات
على طور صارت عشيره الخدام
شدي اللطم عالهامات ..وحسين دمعه اجريله
بنص الگلب للعطشان ..المأتم انسويله
◆━◆❃◆━◆◆━◆❃◆━◆
مصيبة العطشان منها الطفل شاب
يلَّه عازي ام الخدر باعظم مصاب
علاخيها الضل طريح اعله التراب
عافته مذبوح وترافگ اجناب
الخيم حرگوها بنار...من دم دمعنه انسيله
شدي اللطم عالهامات ..وحسين دمعه اجريله
◆━━━━◆❃◆━━━━◆
شلون صدرك سيدي تدوسه الخيول
انت ابن حيدر علي فحل الفحول
وامك الزهره الزچيه والبتول
يله عازي فاطمه او جده الرسول
اندگ عليه الصدور..اوارواحنه نفديله
شدي اللطم عالهامات ..وحسين دمعه اجريله
◆━◆❃◆━◆◆━◆❃◆━◆
من القفا مذبوح مولاي الحسين
شلون صدرك يعتلي شمر اللعين
اويحزلك منحرك من الوتين
على مصابك سيدي لعمي العين
للطاح وسط الميدان..بصوت الحزن ننعيله
شدي اللطم عالهامات ..وحسين دمعه اجريله
◆━◆❃◆━◆◆━◆❃◆━◆
من طحت مولاي اوطاح الكفيل
صار حمل ام الخدر كلش ثگيل
صاحت خلاف الولي حملي يميل
تنادي ياعباس عدوانك تعيل
نادت الحره العباس..ظيم الشمر تشكيله
: شدي اللطم عالهامات ..وحسين دمعه اجريله
◆━◆❃◆━◆◆━◆❃◆━━
جمره الك وسط الگلب ياسيدي
تظل دوم اموجره اوما تنطفي
ادموم تجري ادموعنه اوماتنتهي
لحد ظهور القائم الحق يعتلي
كلمن لطم للمظلوم..بنص العيون انشيله
: شدي اللطم عالهامات ..وحسين دمعه اجريله
◆━◆❃◆━◆◆━◆❃◆━◆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
جاسم وگع بالميدان
صارت بالخيم حنَّه
ــــــــــــــــــــــــــــــــــــــــــ
جاسم وگع بين الگوم
لنصرت عمَّه المظلوم
صارت حنته من ادموم
ويلي طاح المچنه
جاسم وگع بالميدان
ــــــــــــــــــــــــــــــــــــــــــ
رمله تنادي يالوالي
رحت منيدي يالغالي
عگبك منهو يبرالي
خيل اعداه داسنه
جاسم وگع بالميدان
ــــــــــــــــــــــــــــــــــــــــــ
طاح وسالت ادمومه
عازن عمته چلثومه
شباب انكتل بالحومه
سيوف اعداه وذرنه
جاسم وگع بالميدان
ــــــــــــــــــــــــــــــــــــــــــ
زينب لطمت اعله الراس
صاحت خويه ياعباس
القاسم وگع بين ارجاس
لاجله عللن الونه
جاسم وگع بالميدان
ــــــــــــــــــــــــــــــــــــــــــ
ننصب مجلسه الليله
بجمرت حزن ننعيله
بحسره وألم ونيله
والمجتبى عازنه
جاسم وگع بالميدان
ــــــــــــــــــــــــــــــــــــــــــ
شمعة عرسه طفيها
والخيمه دفلشيها
سكنه بحزن غطيها
وصوت الحزن عللنه
جاسم وگع بالميدان
ــــــــــــــــــــــــــــــــــــــــــ
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه للمسير
لسان حال ام البنين
عند رحيل الحسين عليه السلام الى كربلاء
وزن الحدي
مستفعلن مستفعلن
مستفعلن مستفعلن
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شال وعايف ادياره
اونار الگلب وجاره
اوشگلل اله خطاره
لوجاني اومر بيها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غرب ضعنهم وابعد
گلبي ابحزنه ايتمرد
عل الراح اوبعد ميرد
راح اوروحي يأذيها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
افديك باربع اولاد
وفرگاك هدلي الافاد
يمسافر لديار ابعاد
روحي الك افديها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راعي الهيابه من رحل
جانون وبگلبي اشتعل
يحدي الضعينه بو الفضل
شفته اودُموعي اجريها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
سافر اوعاف ابنيته
سالن دموعي وشفته
مايرجع آنه اعرفته
وانطاه گلبه ايخليها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بالليل شد اضعونه
وعلمحمل الخاتونه
ورقييه اوسكونه
ولكربله ناويها
دارك مُظِلمهَ يالولي
تعميني من ٱطب ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
قصيده لليلة الحادي عشر
ليله الوحشه
وزن نصاري
مفاعيلن مفاعيلن مفاعيل
.............🔮.............
ياليل اهدعش وشسوه بينه
الـحـگ يا علـي بـويـه علينه
.............🔮.............
طول يافجر لاتطلع ابساع
خلي الفاگدات يشبعن اوداع
عالرمضه يعوفن ذيج الاسباع
عگب ذيچ الحياده احنه انسبينه
✍الحاجه ام احمد الحچامي
.............🔮.............
عگب ذيچ الحياده وذيچ البدور
اجه ليل اهدعش مابيه كل نور
مخضب جسم اخونه وراسه منحور
تعال ابساع يا حيدر نخينه
ام ســ✍ــجاد العسكري
.............🔮.............
نخينه ياعلي ومابينه كل حيل
ضوانه هالطفه والمدمع يسيل
ومنوچد يبويه اندورابليل
ومنحور الأخو واسمع ونينه
✍🏻زمن حاتم الربيعي
.............🔮.............
منحور الاخو ومسَلَب اهدوم
راسه عالرمح ويلي الچيدوم
وتبچيله العقيله بدمع ودموم
وتگول الولي راح من ادينه
✍الحاجه ام احمد الحچامي
.............🔮.............
لاخيمه بگت عدنه ولا استار
بيه نتواره عن اعين النظار
يليل ارحم حرم واطفال الزغار
ماعدنه ولي ايتامه صفينه
*ام منـــ✍️ــــذر الحجار*
.............🔮.............
صفو عالغبره نيام النشامه
وحدي بگيت المن باليتامه
صحت وينك يزراك الرخامه
تعال وشوف عالغبره ولينه
*ام منـــ✍️ـــذر الحجار*
..........................
ثكالى وفاجدات بوليه الذيب
شافن ضيم منه اليرضع ايشيب
تنادي البالغري احسينك اخضيب
بدماه و رضته جيمة الشينه
✍🏻العلوية أم منتظر جمال الدين
ــــــــــــــــــــــــــــــــــــــــــ
تمت بحمد الله وتوفيقه باقلام شاعرات الملتقى الحسيني لناعيات الطف تحت اشراف الشاعره الحاجه ام حسين العسكري ناصريه يحرم الحذف والتلاعب ونسألكم الدعاء والفاتحه لامواتنا
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام عليكم
☆☆☆☆☆☆☆☆☆☆☆☆☆☆☆
ساقي العطاشه من وگع
والجود سالو مايه
☆▪︎☆☆☆☆☆☆☆☆☆☆☆☆
حسين بوگفته منحني
ويصيح راحوا كل هلي
ماكو بعد عندي ولي
ايحامي خويه الثايه
☆☆☆☆☆☆☆☆☆☆☆☆☆☆☆
زينب تنادي ام الحزن
بالخيمه ظلت بس تون
خويه عسا عيوني عمن
وطيح خويه الرايه
☆☆☆☆☆☆☆☆☆☆☆☆☆☆☆
الله واكبر ماجرت
ذيچ الرسوم اتغيرت
وأعضائها اتناثرت
عل الغبره خويه اهوايه
☆☆☆☆☆☆☆☆☆☆☆☆☆☆☆
الراس مضروب بعمد
ابو الفضل خويه انفكد
بالسهم ضربوه الچبد
وحسين تايه رايه
☆☆☆☆☆☆☆☆☆☆☆☆☆☆☆
سكنه تنادي والحرم
چاوين عمي والعلم
مطروح شيال العلم
واسكطوا منه الرايه
☆▪︎☆☆☆☆☆☆☆☆☆☆☆☆
خويه يشيال العلم
مابين عدوان وظلم
مفگود انته والزلم
وچفوفك الوفايه
☆☆☆☆☆☆☆☆☆☆☆☆☆☆☆
عبدالله نور عيوني
بيه العده فجعوني
ومن الطفل حرموني
وينك يراعي الرايه
☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام
يا عباس حرگوها الصواوين
واختك بالغرب تطي الوجه وين
☆☆☆☆☆☆☆☆☆☆☆☆☆☆☆
على بختك يخويه تعوفني شلون
عد كفار خويه ومايرحمون
وبسوطه الشمر يضرب عالمتون
صحت بصوت ياخويه يالحسين
☆☆☆☆☆☆☆☆☆☆☆☆☆☆☆
سكنه والحرم واطفال رضعان
وگلب اختك يخويه اشتعل نيران
وضلينه حرم بس علي الوجعان
من بعدك يخويه انطب دواوين
☆☆☆☆☆☆☆☆☆☆☆☆☆☆☆
آنه بشيمتك وانته اكفلتني
وهسه بالغرب خويه عفتني
وانته من المدينه انته الجبتني
عفتكم عالثره خويه مطاعين
☆☆☆☆☆☆☆☆☆☆☆☆☆☆☆
يابن حيدره بالحرب فراس
تالي بالعمود مصوب الراس
وتتفرج عليه خويه هالناس
رحت ميسره عگب الميامين
☆☆☆☆☆☆☆☆☆☆☆☆☆☆☆
اخبرك بالخرابه گعدونه
بس نبچي يخويه يشتمونه
وعند يزيد خويه سيبونه
وآنه اخت البطل عباس وحسين
☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي_
___
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
حماسيه لقمر بني هاشم ع
ـــــــــــــــــــــــــــــــــــــ🔷
نزل عباس الشجاع
زلزل ابطبته الگـاع
ويـنـه الـيـلاگـيـنه
صاح دون حسينه
ـــــــــــــــــــــــــــــــــــــ🔷
ياهلا ابليث الهواشم طبها ارض المعركه
من نزل للحومه صارت للاعادي صكصكه
خـلـه اجساد الاراذل روسـهـم مـتـشـابكه
زمجر ابوجه الطغات
مـوقفه موقف ابات
يا هـو الـيــلاوينه
صاح دون حسينه
ام ســ✍ــجاد العسكري
ـــــــــــــــــــــــــــــــــــــ🔷
موقفه موقف مشرف هذا ابن عقد الولى
ماكو مثله بالاخوة وفى زاد اعلى الملا
ضحى بالنفس وبذلها لأجل يسلم الأُلى
كفو من عنده ونعم
الشرد من عنده سلم
وصارمه بيمينه
صاح دون حسينه
✍🏻العلوية أم منتظر جمال الديــــــــــــن
ـــــــــــــــــــــــــــــــــــــ🔷
سيفه يحصد بالرگاب اوسوه بيهم ملحمه
جنه حيدر بالحرايب يمطر اعليهم دمه
ضهضب اعله الجيمه كلها جالاسد بالموزمه
صكت ومنه تلاشت جالرعيد البالسمه
عضيد ابو اليمه الحسين
صال عاليسره اويمين
هله بعم اسكينه
صاح دون حسينه
✍ ام منذرالحجار
ـــــــــــــــــــــــــــــــــــــ🔷
ابو الغيره عيونه تجدح نزل وسط الحومه
يحصد بروس آل ميه يزئر الچيدومه
طشر جيوش الاعادي شايعات اعلومه
صاح ياعلي مدد
يفني جيش ابن سعد
نار تجدح عينه
صاح دون احسينه
ب~✍️~الحجيه ام احمد الحچامي
ـــــــــــــــــــــــــــــــــــــ🔷
.هد عليهم سيفه يشبه ذو الفقار وطبرته
ظنو العدوان حيدر من وصلها ابصولته
مثل ماوصته امه وفه عمره لخوته
عاد صولت حيدرا
والعدو راجع ورى
شحده اليمر بينه
صاح دون حسينه
✍ام حسين عباد التميمي
ـــــــــــــــــــــــــــــــــــــ🔷
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
نعي
للقاسم عليه السلام
عريس يبني الولد يبني
ابعرسك ييمه دولبتني
جاسم خذاك البين مني
ـــــــــــــــــــــــــــــــــــــــــــــــــــــــ
طولك حلو يالبعدك اشباب
ذبحوك يمه يبن الاطياب
بعرسك اسف عزوني الاحباب
ــــــــــــــــــــــــــــــــــــــــــــــــــــــــــ
مطروح عالغبره ومذبوح
وبالنبل ياجسام مجروح
عني غبت شيسلي الروح
ــــــــــــــــــــــــــــــــــــــــــــــــــــــــــ
ابني وگع خبرن العمات
يرجع بعد للخيمه هيهات
ظل الحلو فوك المسنات
ــــــــــــــــــــــــــــــــــــــــــــــــــــــــــ
جابه الغريب وظهره محني
ياللَّه حبايب ساعدني
جاسم على العدوان ذبني
ـــــــــــــــــــــــــــــــــــــــــــــــــــــــــــ
ماگال حملي من يشيله
ادموم دمعي اعليه اسيله
طول العمر جاسم انعيله
ــــــــــــــــــــــــــــــــــــــــــــــــــــــــــ
يلَّه حبايب طفن اشموع
عالولد ظل الگلب مفجوع
من دم تهل اعليه الدموع
ـــــــــــــــــــــــــــــــــــــــــــــــــــــــــ
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
وزن الخدري
مفاعيلن فعولن مفاعيلن فعولن
قصيده للسيده زينب عليها السلام
لسان حال مولاتي وهي تشكي الى جدها الحال
المستهل لاختي ام علاء
ــــــــــــــــــــــــــــــــــــــــــ
اه ياطبت السوگ منها الگلب محروگ
ارید اشتکی الجدی للرکبن عالنوگ
〰️〰️〰️〰️〰️〰️〰️
اريد اوصل الجدي واشكيله على الحال
شفنه شگد مصايب بناتك فوگ الجمال
عفنه حسين مذبوح وعالمشرعه الكفال
عافوني خوًاني
ودولبني زماني
آيا ذبحة احسين منها الگلب محروگ
اه ياطبت السوگ منها الگلب محروگ
〰️〰️〰️〰️〰️〰️〰️
آيا ذبحة احسين ظل عالغبره مطروح
شمر اليحدي بينه ارقيه تبچي وتنوح
ومن تنظر اعيوني لراسه روحي اتروح
وگعدنه بالخرابه
رقيه تصيح بابه
آه يا طبت الشام منها الگلب محروگ
آه یاطبت السوگ منها الگلب محروگ
〰️〰️〰️〰️〰️〰️〰️
آه ياطبت الشام وكعدات الدواوين
بس العابد وياي وظل البطل وحسين
عفناهم ضحايا مشينه اوتهمل العين
للمجلس دخلنه
وگلبي زاد ونه
گعدات الدواوين منها الگلب محروگ
آه یاطبت السوگ منها الگلب محروگ
〰️〰️〰️〰️〰️〰️〰️
ششكيلك يجدي گلبي شحمل ونات
چنًه بارض طيبه يسمونه الاميرات
وهسه اخلاف اخوتي عالهزل اسيرات
يااعظم مصيبه
عقيلتكم غريبه
الغربه ابين عدوان منها الگلب محروگ
اه یاطبت السوگ منها الگلب محروگ
〰️〰️〰️〰️〰️〰️〰️
اخذونه سبايا يجدي ابعيده الدروب
ونظر حال الايتام عطاشه وكلبي يذوب
بيتُّونه بخرابه وعفنه حسين مسلوب
حتاريت بهاليتام
وعيني ابد متنام
ومن فزت رقيه منها الگلب محرو گ
اه یاطبت السوگ منها الگلب محروگ
★ـ━━━━━━━━━━━━━
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
رداديه حماسيه
لزينب عليها السلام
(بنت النبوه والامامه)
هاي زينب بت علي وبت طاها
يرهب العدوان يا طرواها
هاي حره وبنت اصول
هيبه بت فحل الفحول
هاي قدوه اويخسر العاداها
هاي زينب بت علي وبت طاها
⊰᯽⊱┈──╌❊╌──┈⊰᯽⊱
ابمجلس الطغيان وگفت صامده
مثل ابوها حيدره امخوف العده
ثوره يم الخدر ضد اهل الرده
مايهمها الصار بالطف او سده
ياجبل من الصبر
حار وياج الفكر
هاي زينب عونهه الزاراها
هاي زينب بت علي وبت طاها
⊰᯽⊱┈──╌❊╌──┈⊰᯽⊱
بالشجاعه او بالعلم معروفه
ياعفيفه وبالخدر موصوفه
سجل التاريخ الچ بحروفه
الچ خطبه بت علي بالكوفه
بچوا كل الحاضرين
دنگ براسه اللعين
شامخه ٱم الخدر بين اعداها
هاي زينب بت علي وبت طاها
⊰᯽⊱┈──╌❊╌──┈⊰᯽⊱
يااميره رغم كل الحاقدين
انتي كملتي رساله للحسين
يامثال القوه والنصر المبين
شوكه بعيون العده الحاسدين
ثوره ضد اهل الغدر
على خشوم اهل الكفر
وكل ارض اترحب ابممشاها
هاي زينب بت علي وبت طاها
⊰᯽⊱┈──╌❊╌──┈⊰᯽
ثوره ضد اهل الرده واهل الفساد
كل العاده منهجج اصبح رماد
علم انتي ومدرسه واهلچ اسياد
انتي گدها حسين يكلفچ بالشداد
لبوه متخاف الظلم
مثل عباس الشهم
بصوت حق عالي انرفع يالواها
هاي زينب بت علي وبت طاها
⊰᯽⊱┈──╌❊╌──┈⊰᯽
بكل شهامه طبت لمجلس يزيد
كد كيدك اسعي سعيك ماتريد
بكل قوه صاحت حسين الشهيد
يبقى للأحرار كعبه انتم عبيد
علم يبقى بكل زمن
ماتهمني انه المحن
ام عون هايه عونه الوالاها
هاي زينب بت علي وبت طاها
⊰᯽⊱┈──╌❊╌──┈⊰᯽
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت القصيده بحمد الله وتوفيقه
ب✍ الحاجه ام احمد الحچامي___
_
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
وزن الموشح المقصور
فاعلاتن فاعلاتن فاعلات
لطميه للسيده زينب عليها السلام
الليله وحشه خويه بالهيمه نبات
اطفال عندي بويه عالغبره الابات
〰️〰️〰️〰️〰️〰️〰️
الليله وحشه دركني بويه ياعلي
شالوا الخوان منهو ال لمحملي
عالشريعه ينام وسفه امدللي
اشبگ العشره واهيمن بالفلات
الليله وحشه خويه بالهيمه نبات
〰️〰️〰️〰️〰️〰️〰️
اشبگ العشره واصيحن ياحسين
اآخ يبن امي طحت اسمع ونين
امنين اوصلك ياخويه يالحنين
اشوف عالغبره جثث مجندلات
الليله وحشه خويه بالهيمه نبات
〰️〰️〰️〰️〰️〰️〰️
ظلت اجثثكم يخويه عالثره
خذوني لعدوان خويه ميسره
بالحرم واطفال آنه امحيره
عالهزل رحنه يخويه مچتفات
الليله وحشه خويه بالهيمه نبات
〰️〰️〰️〰️〰️〰️〰️
عالهزل راحن خواتك ياكفيل
مشن مسبيات منو يرد اليعيل
لاماحامي وياهن الوحده العليل
مگيد السجاد يجذب حسرات
الليله وحشه خويه بالهيمه نبات
〰️〰️〰️〰️〰️〰️〰️
مگيد السجاد ويلي اعله الهزل
شلون بيه بويه لو مال الحمل
نوك تمشي ياعلي وطاح الطفل
وتوگع الايتام وتضچ الاصوات
الليله وحشه خويه بالهيمه نبات
〰️〰️〰️〰️〰️〰️〰️
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
للطميه للقاسم عليه السلام
تام الرجز
مستفعلن مستفعلن مستفعلن
عازنها رمله بالولد طاح انكتل
بالحومه جاسم من وگع وين البطل
ـــــــــــ✍️ـــــــــــــــــ
بعده شباب وينكتل بعمر الورد
القاسم برز للمعركه لامايرد
سل سيفه عالجيمان والشافه شرد
ماجور مولاي الحسن بأبنه النفل
عازنها رمله بالولد طاح انكتل
ـــــــــــ✍️ـــــــــــــــــ
ماجور مولاي الحسن جاسم وگع
وعمه الغريب ابكربله گلبه انفجع
للخيم مايرجع بعد ضنه انگطع
نادت حزينه ام الخدر مال الحمل
عازنها رمله بالولد طاح انكتل
ـــــــــــ✍️ـــــــــــــــــ
نادت حزينه ام الخدر راح الولد
تچايه لأمه ضنوتي هو السند
وخلاف عينك يالولي گلبي نمرد
عافاني نور اعيوني وافاه الاجل
عازنها رمله بالولد طاح انكتل
ـــــــــــ✍️ــــــــــــــــ
عاف امه جسام ونزل وسط الحرب
خيمة عرس منصوبه حسين انتحب
يا ويلي منج كربله شفنه العجب
طفن اشموع امدللي ضاع الامل
عازنها رمله بالولد طاح انكتل
ـــــــــــ✍️ــــــــــــــــ
طفن اشموع امدللي ماظل فرح
بالحومه طاح اوليدي ودمه سفح
وسكينه غطنها بحزن گلبي انجرح
وفراگ جسام الحلو يطشر الشمل
عازنها رمله بالولد طاح انكتل
ـــــــــــ✍️ــــــــــــــــ
بعدك شباب لفرگتك گلبي انفطر
بالحومه وحدك يالولد غافي الكمر
صيوانه فلشنه وگع بين الكفر
وشموع عرس اوليدي طفنها بعجل
عازنها رمله بالولد طاح انكتل
ـــــــــــ✍️ــــــــــــــــ
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه للقاسم عليهالسلام
یطلبها الشجاعه منین جسام
غیـور بغیرتـه متحـزم احزام
ــــــــــــــــــــــــــــــــ
وارثها الشجاعه من گمر عدنان
یبس ریجها وخلساهم الغمان
ترجع لیوره خلاها بالمــــــیدان
((ايلاگونه//فنهم جسام// ایلاگونه))
لـ یاسمین الشموسي✍
ـــــــــــــــــــــــــــــ
غص بريجه كلمن راد يدناله
دخلهم حضر ابشوفه خياله
الحومه بس اله جندل الخياله
وصاح الملعب انه وفنه// ليكرب ليه
بقلم العلويه ام رقيه
____ـــــــــــــــــــــــــــــــــــــــــــــــــــــــ
شجاعةمن علي استارثهاوفنونه
يرجفها الزلم ابخزرة من عيونه
وكلها اتشاردت فنهم يكربونه
من حيدر وارث// هداته
✍الخادمه ام زهراء
___
خلاهم سوه تترادم ابسيفه
يامرحب يهل الممطر ابصيفه
وسفه ابغدر نالوله الف حيفه
(( شابه الاجداد بميدانه))
ام اسعد الشمري
___
رغم سنه ولعب لعب الفروسيه
هذا ربات شجعان وافاعيه
بيده السيف يحصد ظل جماعيه
بصولاته حارو عدوانه
ام عباس السكيني
___
شجاع او روسهم خلاها طشار
طب للمعركه واشعلها كلها بنار
ياليث الهواشم صال عالكفار
فنه اليدناله//الليث الغاضب
ب~✍️~الحجيه ام احمد الحچامي
_
يفنيهم فني لو دخل للحومه
مثل عباس عمه واضحه علومه
دخلها ابن الحسن ولابس هدومه
وبسيفه//زلزله الحومه
✍🏻 علويه ام منتظر الجابري
____
ذبّحها الزلم خلاها تترافس
وجيوش ال الميه كلها تتنادس
فنه اليگرب او وياه يتنافس
لوطب ليها// يترسها بدم
✍☘ ام فراس الساعدي ☘
__★ـ━━━━━━━━━━━━━
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه للسيده زينب عليها السلام
متعنيه لعد زينب اذب اهمومي واشكيها
واگلها امروتج يم عون الكلفه يمج اگضيها
◆━━━━◆❃◆━━━━◆
اجيتج والدروب ابعاد مولاتي وكثر همي
اشكيلچ يابت حيدر حزني وحالی تعبني
تشافي علتي الحره عليله والمرض هدني
عگدت الرایه وتعنيت لحضرتج وانتي حليها
متعنيه لعد زينب اذب اهمومي واشكيها
◆━━━━◆❃◆━━━━◆
احلفچ بالعزيز حسين وبچفوف البطل عباس
الهٌَم ال عليه اهواي والله ايشيب منه الراس
امد ايدَيه واتوسل بيچ وحزني ماينقاس
شافي كل مريض اليوم ندب مولاته يرجيها
متعنيه لعد زينب اذب اهمومي واشكيها
◆━━━━◆❃◆━━━━◆
امشي اعليچ داحي الباب ابوچ الیرهب العدوان
اوعليچ ابداعت الزهره وبداعت علي الوجعان
اگضي حاجة المحتاج ولاتخلي المحب حيران
اترجاچ يالحره اليوم اودمعتي اجريها
متعنيه لعد زينب اذب اهمومي واشكيها
◆━━━━◆❃◆━━━━◆
اترجاچ يالحره اونيران الگلب تلهب
المشاكل كثرت اهوايه اوزادت گلبي اتعذب
حلي الصعبه ياخت حسين وفرحي كل محب يندب
للصعبات كلفتچ اوگدها انتي تكدريها
متعنيه لعد زينب اذب اهمومي واشكيها
◆━━━━◆❃◆━━━━◆
اجيتچ يالعقيله اليوم أتوسل آنه ابجاهچ
اوعد رب العباد انتي وجيهه وشعظم شانچ
امراضي كثيره اهواي واقسم ٱنه بمصابچ
اشفعيلي ياخت عباس رب الكون يجليها
متعنيه لعد زينب اذب اهمومي واشكيها
◆━━━━◆❃◆━━━━◆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
فزاعيه للحسين عليه السلام
الك جمره يابو السجاد
ظلت بالگلب تسعر
◆━━━━◆❃◆━━━━◆
تسعر جمرتك مولاي
ماطول النفس بحشاي
انصبلك عزه ابعيناي
الحرگه تظل للمحشر
الك جمره يابو السجاد
◆━◆❃◆━◆◆━◆❃◆━◆
وناتك تشوغ الروح
يالمملي طعن وجروح
افديك بهلي وبالروح
والمأتم فلا يفتر
الك جمره يابو السجاد
◆━◆❃◆━◆◆━◆❃◆━◆
انصب مأتمك بالعين
نور عيوني ياحسين
يبقى شما تمر اسنين
انعى جسمك امطبر
الك جمره يابو السجاد
◆━◆❃◆━◆◆━◆❃◆━◆
ويلي مسلب وعريان
العمامه على التربان
ماحظرو بني عدنان
ويلي وبالشمس والحر
الك جمره يابو السجاد
◆━◆❃◆━◆◆━◆❃◆━◆
ينحر منحرك مگلوب
وگلب ام الخدر مرعوب
ومن عمامتك مسلوب
وتبقى عالثره اموذر
الك جمره يابو السجاد
◆━◆❃◆━◆◆━◆❃◆━◆
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
وزن الحدي
مسلم يخونوه العده
كفار شيمتهم غدر
◆━━━━◆❃◆━━━━◆
شاف الجيوش امحشده
من بيت طوعه من طلع
راواهم افنون الحرب
وبگلب جامد من فزع
للحرب طب چنه علي
ماخاف منهم مارجع
حفرت غدر حفرو إله إنشلت ايده إلي حفر
الــ✍ــحاجه ام احمد الحچامي
◆━━━━◆❃◆━━━━◆
ماهاب عدوانه سبع
وشسوه بيهم من نزل
بيمينه حارب هالكفر
ماخله واحدهم وصل
ويحارب ابقوه او لچن
بالبير ذباه هالنذل
لحسين ابن عمه فده روحه وحياته والعمر
✍️ام زهراءالفاطميه
◆━━━━◆❃◆━━━━◆
سل سيفه بيهم بشّطه
بس الهرب منهم نجه
لوما الغدر ما ظل نفر
كلها لجهنم عرّجه
اوحيد بالكوفه بقى
ما ظله ناصر يرتجه
گادوه بحبال الولي
وذبوه من عالي القصر
✍🏻العلوية أم منتظر جمال الدين
◆━━━━◆❃◆━━━━◆
حين الذي طاح الجسد
اهوت عليه اهل الرده
جابو احبال وسلسله
وشدوهه ويلي في يده
چيفن غريب اوماله احد
خلوهه جثته امدده
مسلم يحيدر وحده
احضرله يا فارس مضر
*✍🏻أم عبــــــد اللــــــــــه العابـــــــــــدي*
◆━━━━◆❃◆━━━━◆
ذبوه من فوگ القصر
دمعاته دم يتسابگن
طاح وهوه حيف البطل
وظلوع صدره تفطرن
ينظر ابعيد اعلى الاهل حسرات گلبه ترادفن
بحسين وعياله وهله
خايف يغدرون الكفر
✍🏻 الحجيه ام علي
ــــــــــــــــــــــــــــــــــــــــــــ
تــمــــ بـحمـــدالله وتـوفيـقـــه ـــــــــت بـــأقــــ✍🏻ـــ✍🏻ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ📜 ذي القعدة / ١٤٤٥هـ🌙 بـإشــــــراف الشــاعــــــــرة والحاجـه أم حســـــــين العسكـــــري ناصــــريـه يحـــــرم الحــــذف والتــــــلاعب ونسألكـم الدعـــاء والفاتحـة لأمواتــنـا.
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
آجرك الله يالحسن
بالمعركه القاسم وگع
ــــــــــــــــــــــــــــــــــــــــــ
رمله تنادي يالولد
يابعد روحي والچبد
لعمك اريدنك سند
وبطيحتك گلبي انفجع
آجرك الله يالحسن
ــــــــــــــــــــــــــــــــــــــــــ
عريس زفوه للحرب
يايمه ماندل الدرب
بمصابك اگليبي انرعب
ولوگعتك هل الدمع
آجرك الله يالحسن
ــــــــــــــــــــــــــــــــــــــــــ
الليله نعازي المجتبى
ونعازي جده المرتضى
محزون گلب المصطفى
بآآلآآم گلبه انصدع
آجرك الله يالحسن
ــــــــــــــــــــــــــــــــــــــــــ
بعثوا رسايلهم غدر
لحسين ذوله اهل الكفر
خافت الحره ام الخدر
العطشان بيهم انخدع
آجرك الله يالحسن
ــــــــــــــــــــــــــــــــــــــــــ
هدمت الخيمه ام الحزن
وجاسم بساحات المحن
الحسين لا ماآله امن
لاقوالهم لاماخضع
آجرك الله يالحسن
ــــــــــــــــــــــــــــــــــــــــــ
طفن اشموعه بالعجل
راح المعرس وانكتل
چاوبن عباس البطل
عالغبره نام ومارجع
آجرك الله يالحسن
ــــــــــــــــــــــــــــــــــــــــــ
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
قصيده للعباس عليه السلام
وزن الفائزي
المستهل وزن مستفعلن مستفعلن/ مستفعلاتن
والنص وزن
مستفعلن مستفعلن/ مستفعلاتان
عباس طب للمشرعه تجدح اعيونه
والجربه يترسها عذب يروي سكونه
ــــــــــــــــــــــــــــــــــــــــــ
عباس طب للمشرعه مظهلب وغضبان
وين ا لمفر گللهم وشردت الفرسان
ابسيفه يشردهم جمع من نسل عدنان
الماي جاباه البطل يروي المحزونه
★ـ━━━━━━━━━━━━━
الماي جاباه البطل لأخته بالخيام
يروي اخيته ام الخدر بن علي الضرغام
ماهمَّه جيش ابن سعد يحصد الظلام
تدعي الباري ام الحزن يرجع اخونه
★ـ━━━━━━━━━━━━━
تدعي الباري ام الحزن يرجع العباس
هيبتها بت حيدر علي بي ترفع الراس
ماقصر وي اخته كفو راعي النوماس
بچفوفه يفديها البطل يفدي بعيونه
★ـ━━━━━━━━━━━━
بچفوفه يفديها اونعم ابن ام البنين
وبسيفه ايحز روسهم جيش الملاعين
وارث شجاعة حيدره مقدام نعمين
التموا عليه جيش العده راسه يردونه
★ـ━━━━━━━━━━━━━
راسه انفضخ بيد العدو صابوا بعامود
والگوم گطعوا يمنته يتسايل الجود
ظل البطل فوگ النهر ياويلي ممدود
ظلام مابيهم رحم سهماََ رمونه
★ـ━━━━━━━━━━━━━
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام
☆☆☆☆☆☆☆☆☆☆☆☆☆☆☆☆
گالوا طايح العباس عالمشرعه مصوبينه
☆☆☆☆☆☆☆☆☆☆☆☆☆☆☆☆
گومي يم طهر يختي
طاح آنه انكسر ظهري
راح السند وعضيدي
سهم نابت وسط عينه
گالوا طايح العباس
☆☆☆☆☆☆☆☆☆☆☆☆☆☆☆☆
ابو الغيره فده الچفين
لأخته والعزيز احسين
ماقصر كفو ونعمين
جاب الماي لسكينه
گالوا طايح العباس
☆☆☆☆☆☆☆☆☆☆☆☆☆☆☆☆
ياوسفه البطل عباس
يوگع بين هالارجاس
مجرب بالحرب فرراس
گطعوا وسفه چفينه
گالوا طايح العباس
☆☆☆☆☆☆☆☆☆☆☆☆☆☆☆☆
ياكافل خدر زينب
تعوف اختك يالمعتب
عگبك تصرخ وتنحب
ادور عالولي وينه
گالوا طايح العباس
☆☆☆☆☆☆☆☆☆☆☆☆☆☆☆☆
شبت بالخيم نيران
طلعت شايطه النسوان
جسمك مرمي عالتربان
وعدوانك اموذرينه
گالوا طايح العباس
☆☆☆☆☆☆☆☆☆☆☆☆☆☆☆☆
زينب تلطم اعله الراس
وتنادي البطل عباس
عفتني شلون بين الناس
يالطولك امضيعينه
گالوا طايح العباس
☆☆☆☆☆☆☆☆☆☆☆▪︎☆☆☆☆
ياگمر بني هاشم
وسفه اعله الترب نايم
يحدي بضعني الظالم
حيف الشمر حادينه گالوا طايح العباس
☆☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه وقفه
والنساء تدور
للعباس عليه السلام
آه ياشيال العلم آه يشيال العلم
☆☆☆☆☆☆☆☆☆☆☆☆☆☆☆
زينب ظلت بالهظم آه يشيال العلم
هجمت الگوم اعله الخيم =
وينك يبو الغيره الشهم =
وعليلكم ظل بالخيم آه يشيال العلم
☆☆☆☆☆☆☆☆☆☆☆☆☆☆☆
زينب الحره تنادي آه يشيال العلم
نومه اخوتي بالوادي =
فرت مني اولادي =
وآنه بالظيم وهظم آه يشيال العلم
☆☆☆☆☆☆☆☆☆☆☆☆☆☆
جاسم وگع بالحومه آه يشيال العلم
وعمامه كلهم نومه =
وسكينه وچلثومه =
بس هن.ً ظلن والحرم آه يشيال العلم
☆☆☆☆☆☆☆☆☆☆☆☆☆☆☆
رمله تنادي يلولد آه يشيال العلم
يابعد روحي والچبد =
ظل بالتراب مدد =
من وگع شيال العلم آه يشيال العلم
☆☆☆☆☆☆☆☆☆☆☆☆☆☆☆
ظلت غريبه بت علي آه يشيال العلم
ماظل بعد ولاولي =
وينك يبن حيدر علي =
من الگوم شافت كل ظلم آه يشيال العلم
☆☆☆☆☆☆☆☆☆☆☆☆☆☆☆
ومات عبدالله الطفل آه يشيال العلم
وينك يعباس البطل =
الشمر يضربني النذل =
يضربني آنه والحرم آه يشيال العلم
☆☆☆☆☆☆☆☆☆☆☆☆☆☆☆
تمت القصيده بحمد الله وتوفيقه
ب✍ الحاجه ام احمد الحچامي
____
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13
لطميه فزاعيه للعباس عليه السلام
اخت الكفيل محيره والبطل نامت عينه
☆☆☆☆☆☆☆☆▪︎☆☆☆☆☆
ظلت غريبه محيره
عباس مايدري شجره
اخته خذوها ميسره
وآنه الكفلني وينه
▪︎☆☆☆☆☆☆☆☆☆☆☆☆☆☆☆
ظلن بنات المصطفه
اگلوبهن متلهفه
على الذببح من القفه
وحسين نامت عينه
☆☆☆☆☆☆☆☆☆☆☆☆☆☆☆
لشام اخذوها ميسره
واطفال عدهه محيره
وينه إليخبر حيدره
وينه اليخبره وينه
☆☆☆☆☆☆☆☆☆☆☆☆☆☆☆
للنجف دارت عينهه
وتصيح ياوالينه
وما تگعد تحامينه
وخدري يبويه وينه
☆☆☆☆☆☆☆☆☆☆☆☆☆☆☆
القاسم ذبيح اعله الثره
وامه خذوهه ميسره
وزينب وسكنه محيره
وتشكي لبوهه العينه
☆☆☆☆☆☆☆☆☆☆☆☆☆☆☆
عبدالله يحسين انفطم
والگوم مابيه رحم
گلب امه اعليه انهظم
وتگول ابني وينه
☆☆☆☆☆☆☆☆☆☆☆☆☆☆☆
حال العليل بكربله
ومذبحه كلهم هله
أوحيد ماكو كل هله
بالجامعه مقيدينه
☆☆☆☆☆☆☆☆☆☆☆☆☆☆☆
ليلى تنادي ياعلي
ماظل بعد يبني ولي
عفتك ييمه بالخلي
وابني نامت عينه
◆━◆❃◆━◆◆━◆❃◆━◆
تمت القصيده بحمد الله وتوفيقه
ب✍ الحاجه ام احمد الحچامي_
___
لا اجٌيز حذف الاسم ، وغير مبرئ الذمة من يفعل ذلك .
____
الحاجة ام احمد "الحچامي"
/channel/Karbalaa_13