الشاعـرکـریــم الحنظلــی

07 January 2024 22:37

قصیدة القبایل ضد الجهل و المعانات تقدیم لعیونکم

الشاعـرکـریــم الحنظلــی

07 November 2023 21:52

👆👆👆👆👆👆

فیضت الدمع من هجــر الاحباب
من الهجران صاب ارماد العیـون

رمـدهـن زمانـی وشــیب الـراس
وضل اتالی شیبی الدمعی مدیون

ظنیتـه یعــود و ناطــــر ایــــام
کل یـوم الیمـرلی اسنین وقرون

ظنـی ایگول هاجــر مـاله عنوان
وی قاصــی الگلوب المایرحمون

و ظنـی ایگـول معقــوله اتریااااه؟
حبیبــی،الانتـظـار ایســبب اجنون

نعــم مجنون ، وین الگـه التمـنـاه؟
اگلیبی الشبــه ورده وحیـل مزیون

اگل الظنی اصیح،ایردلی الجواب؟
یگلی صیح انته ،و الله الک عون

صحت،دگیت،مارد عنی الصوت
سمـع؟لوماسـمـع؟ یاربی اشـلون

لا،یمکــن بعیـد وخالف الصـوت
لومنعــو امـن الله المایخـافــون

بعیــد ومادرانــی اشلــون تعبـان
ابفگده ومادرانی امخیب اظنـون

بعید ومایشـوف اگلیـبی حـزنان
بعید ومادرا ابحچــی الیشمتون

بعیــد ومادرانـــی امتیـه الــرای
وصرت قصه حزن بید الیکتبون

اکتبو یعگوب فنک لیش یعگوب؟
لئـن سلطــان کل قوم الیفگـدون

اکتبو قیس ابمحبتک بیهـه حالات
یجن قیس اعلا لیلا وصار مجنون

واجـن انا الشبـابـی الضـاع ویـاک
وثگل هم الجنیته الصایـر اطنون

اوصف حالی قیس واکتب البیت
وخلـی الناس بیه اشما یلـومـون

هــوا لیلا دگلـی اشنفــع یاقیس؟
یشافیک وتــرد مجتهــد یاقیس؟
بلـم عمــری ابحر عیناک یاقیس!
حنانک ضیگ الوسعــه علیــــه


کــریــم ابــوحاتـــم الحنظلــــی

الشاعـرکـریــم الحنظلــی

12 May 2023 23:39

الحمـد، ل الله چریمت فضل یـدلــی

جـودی مـــن بحــر معـــروف یــدلـی

ابـــد ماگـول چـان و چــــان یـدلــی

کـون انـا وَفـی و راعـی حمیــه

کریم الحنظلـــــی

الشاعـرکـریــم الحنظلــی

29 September 2021 00:00

مقاطع الفیدیو فی قناة اهواز الفضـائیــه 👆👆

الشاعـرکـریــم الحنظلــی

28 March 2021 18:51

#ناطــرلـــک عُمُــــــر#
بـس گِلــی یمتــه اتعـــــود❣❣❣
.
اضـــویلــــک شمـــــع
و الـ🌹ـــدرب کــــــلا اُورود 🌷🌷

یمتــه اتعـــود؟؟؟
یَل سـاکـن خیالـی و کاتِل انتـه البال
یَل ماخذ الماضی وتحکم اعلا الحال
یَل وصفـک قصیــده و مطلعک موال
کِلساعه اِلتمرنی اِعلیک شوگی اِیزود

یمته اتعــود؟؟
یَل لمعة جبینک شِبه نجمِ اسهِیــــــل
اکیـد انتـه الگمــر وِمحَلـی کِـل اِلیــل
و اکیدأ من اذکرک یــرد بیـه الحیـــل
لئـن گلبـی ابغرامـک صایب ومعجـود

یمتـه اتعــود؟؟؟
اتضـوی و بلعدالـه اتکســر الاصنـــام
نحـب لمسـة الواقــع مانریــد احــلام
بیـک اِیـــرد مجـدنه و ننشــر الاسلام
وننشــر بیـرق التــوحید یا مــوعــود

یمته اتعـود؟ یمته اتعــود؟ یمته اتعــود؟
.ـــــــــــــــــ ـــــــــــــــــــ ــــــــــــــــــ
اهــداء الـی صاحب العصــر والزمان
امــام المهــدی الموعود ع
ــــــــــــــــــ ـــــــــــــــــــ ــــــــــــــــــ
کــــریــم ابوحاتــم الحنظلـــــی

/channel/karim_hanzali

الشاعـرکـریــم الحنظلــی

15 March 2021 20:40

شعبان یا شهر الفــرح شهـرالخیر
جامع.ـــهه گد کل الفلــــک و زیاده

شعبان یا الشینک شعف والمشعوف
شیعة عــــلی وکل الیحـــب اولاده

شعبان عینه الیختلـــف کل اعیون
من عـــلی الاکبــر متخــــذ میلاده

سجاده نزلــت عل ارض لل سجــاد
الفضلــه الرب عین السجود و راده

الگمر هلیله اختفــــی خـلف الغیـم
حین الگمــر عبــــاس کـض القــاده

حیـن النخل کلا سجـد لجل احسین
دگ هامـته اعلا الگــاع لجل اعـناده

مولد الصاحب نــورت نـص شعبان
کملت بی ذوق الـــفـــرح واعیــاده

صلــو علا نـور النبی یاهل الخیـــر
والفاطـمه وحیــدر علی و احفــاده


کــریـــم ابوحاتـــم الحنظلــــی

/channel/karim_hanzali

الشاعـرکـریــم الحنظلــی

19 December 2020 09:39

‏أستيقظت من نومها
كل شيءٍ استيقظ الآن
الشمس
والهواءُ
والطيور
والأغاني.. وقلبي .

رمزي محمد

صباح الخير 💙

الشاعـرکـریــم الحنظلــی

25 July 2020 22:40

http://telegram.me/karim_hanzali

الشاعـرکـریــم الحنظلــی

25 July 2020 00:07

گالولی تعرف علـی ،گلت العلـی کل علـی
گالولی هم مبتلــی ،ابحبه گلـت من علـی
گالولی عندک وِلی ،گلت ای وحافظ علـی

گالولــی بـی تعتــقـد ،گلــت انا بولایتــــه
گالولـــی منزل تجـد، گلـــت انا بولایتــــه
گالولـــی عمـرک ورد ، گلـت انا بولایتــــه

لآخر اضل حیدری ،وخادم اضل ال علـی
ـــــــــــــــــــــــــــــــ

علی الحط وجهه وجه السیف مظهـر
علی الکــل العجــایــب صبــح مظهـر
علی و کـض ذولفـقـاره و طلـع مظهـر
علی و علمـک بعـد حامــی الحمیــــه
ــــــــــــــــــــــــــــــ
علـی الوالــــی انصبــک طاها بدیـــنه
علـی البسمـک علا الکلـفـــه بدیــــــنه
علـی ابرسمــک حلا الخــاتـم بدیــــنه
علـی ننخـاک کل صبح و مسیـــــــه
ـــــــــــــــــــــــــــــ

کریـــــــــم ابوحاتـــــم الحنظلــــی


http://telegram.me/karim_hanzali

الشاعـرکـریــم الحنظلــی

17 July 2020 02:42

الـک بس بالـی الغیـرک لدیـــره

احِنلــک حنـَت الـراهـب لدیــره

اخـٌم اعلیـــک من دیـره لدیــره

و جنابک نشـده ماتنشـد علیـه

کــریـم ابـوحــاتــم الحنظلــــی

http://telegram.me/karim_hanzali

الشاعـرکـریــم الحنظلــی

17 July 2020 02:35

عمامی اعزاز ما ادری شملهم

شجاهم حیف واتطشر شملهم

ملهم یوز گلولی شملهم

اذا لا لا یرد گلبی علیه


سیدکریم السیدعلی السیدفرج الغرابی

**************

أمِلّ اشلون امل منهُم شملهم

اعزاز و لذّة الدنیا شملهم

تِردّ الروح منّ اشتم شملهم

چذب شرجي ابـ‌ هواهُم مر عليه

(الشاعر سرتیپ الباوي)

************

اَشَـرِج هَم،اَغَـرِب هَـم، شَـملهَـــم

اگطعـو بیه الاحبنهــــم شملهـــم

انا الـی اسعیــت وململم شملهـــم

انگطع شملـه الگطعهــم هچ بیــه

کـریــم ابــوحاتـــم الحنظلــــی

http://telegram.me/karim_hanzali

الشاعـرکـریــم الحنظلــی

11 July 2020 16:54

علیه اگوامه صدگ یاموده
الاوده و بعد ماظن یاموده
یسولف عل موده یاموده
اشو بس بلحچی ایسطر علیه

کریم ابوحاتم الحنظلی

/channel/karim_hanzali

الشاعـرکـریــم الحنظلــی

17 November 2023 23:21

ثوب المندرس
              علا 👈🏼وزن الحدی
/،/،/،/،/،/،/،/،/،/،/،/،/،/،/،/،/،/،/

ضلما الوکت، ظلما العمر
         غابت علی عین الشمس
حتـی النجـوم اتگاومت
        ابلیلـی ماتهمــس همـس

من وین اجیبنلـی خلگ
        خلگی ابخیالـک منتهی
و بهواکـــ انا المشتــری
       چاوینه بیــاع النفــس؟

انـا اعـرفـت رمــز الوفـا
        وافیتـک انا ابکل عمـــر
کل شوفـی راح ابغیبتک
        کل هاذه بیه وماتحـس

حتـی التجاعیـد انحتـت
         ابتفکیـری عنک یا محب
مهجــوره حالات ابدنــی
        لو سومه مایسوه الفلـس

جــن الـجنـون ابحـالتــی
        امسودن ترا ابهاذ الدرب
من عینـی هلـت دمعتــی
        مثـل المطر فوگ البــس

هجرانــک انته الیاوکــت
       ال یا وکـــت منــی تفــــر؟
کل یومی صابـر وانتظـر
        کل یومی هم صایــر امس

منک عرفـت ابهـــل مثل
        کلـک عــزا و کـلـک جهـــل
شبه الصنـم گلبک صخـر
       وعرفتک انته اشگدنحـس

ینـزل علـی شبـه المـــزن
      ظیم واسـا وجور وحـزن
لیلیـه وحــدی اشگد اون
     هندس ،رعب،یخلس خلس

کلشی الحچیته من الزمن
       کـل هم جنیته وکـل محـن
یمکــن یوافینــی الچفـن
        یصبح ک ثوبی المندرس

📝📝📝📝📝📝📝📝
کــــــــریم ابوحــاتــم الحنظلـــی
#ادیب

/channel/karim_hanzali

الشاعـرکـریــم الحنظلــی

25 July 2023 11:58

غیرة عطش
کلمات کریم الحنظلــی
اداء الرادود احمد الاهوازی
استودیو تصویر هامبورگ آلمان
تدوین استودیو حجاز سیدمیلاد

الشاعـرکـریــم الحنظلــی

10 May 2023 21:05

قصیده تحت عنوآن درب الحق
الشعیبیه الباسله
تحیاتی لکم

الشاعـرکـریــم الحنظلــی

04 August 2021 20:09

سلام علیکم
شکرا لمتابعتکم فی القناة احبتی
ارجو المتابعه فی الانستگرام العنوان التالی
karimـhanzali4

الشاعـرکـریــم الحنظلــی

17 March 2021 22:25

اشرایک من یهد عباس وایسل سیفه بل حومه

هم یگربله جیش الشــوم وایواجـه الجیدومه

ردلی ابشعــر وابمعــروف وصف یا شهم یومه

واتخیــل تنظـــر صـولاته

عبدالله ابـوسجــاد السلامـی🖤
ـــــــــــــــــــــــــــــــــــــــــــ

رابـت بطـــن عزائیــل مـــن شــــاف الگــمر دخـن

سـیف المــوت حــار ابحار بس اسیـــوفهـم بردن

النهـرضل یلطم اعله الراس تدری اشصــاح واشأذن

((الشط متشيل كافل زينب گلوله))

حسيـــــن السلامــــــــي🖤
ــــــــــــــــــــــــــــــــــــــــــــ

شوصـــف مـن یهــد عباس ،ملک الموت بیهم شَــــد

غیـره ومرجله ونومــاس ،ابصـوته وصارمــه یرعَـد

حتـی النخــل دنگ راس،طـاح اعلا الارض و اِمتَـــد

خاف العباس ایحــز راســـه

کــــریم ابــوحاتم الحنظلـــی🖤
http://tlgrm.me/karim_hanzali

الشاعـرکـریــم الحنظلــی

24 February 2021 20:58

تم️قصیده (ابونه) ابحق الوالد❤️
**

علا افراگ الابو موهینه الاشعار
حتی اگلوب فوگ اعیون عامین

ولچ یالمگبره حاچینی عل حال
ابونه اشلون حاله ابهای السنین

ابـونـه ال راح ماعلمنـه الفـراگ
چنا ابکتر حظنه و حیـل دافین

ایا کشخـت عباتـه ردت الروح
ایا چفه حمایه الیسطـر البیـن

ایا حلوا گعدته بین الشیـوخ
ایا کشخت حظوره بلدواوین

ایا وزنت حچیته بین الاخوان
تعادل چلمته اقصور السلاطین

ابونه ایظل علم چ اسمه عتبار
ابونه ابروسنه الشاتل سوادین

ابونه الچفه یشطر ساعه العوز
ابونه و دلتـه و خیـر الفناجیـن

یا هنیـاله الابـو موجـود بلبیـت
یا هنیاله الیشمه و یهمل العیـن

مثلی انا الفگدت الوالد اشلون
ادور وین و انشـد یا عنـاویــن

اظل للموت وانا امناطر ادروب
وعلا اصوره اعاین علحیاطین

اکید الجنـه بیته و بیهـه مرتاح
لئنه حیدری ومن گوم الحسین
**
کریـم ابوحـاتـم الحنظلــی

/channel/karim_hanzali

الشاعـرکـریــم الحنظلــی

10 September 2020 14:13

عنــدما أتفقـد أحبتــی فی وحدتی لم یسلینــی ألی کلام ألشعر حتـی أتردد به و أذکـر عطوفتــهـم لــی

أهدی هاذهـی ألقصیـده تحت عنـوان ( أفراق و أمل)لاهـلـی و ناســی فی ألاحواز ألحبیبه

أداء احمـــد ألاحوازي

کلمات ألشاعر کریم ألحنظلـــی
@karimhanzali4

توزيع سیدمیلاد موسوی
@milad_mo7amad

تسجیـل فی استـودیـو في ألمانيا

الشاعـرکـریــم الحنظلــی

25 July 2020 00:24

(قصیده بحق امیرالمومنین علی ع)
ـــــــ ــــــــ ـــــــــ ــــــــ

گلولهــــم هاذه الوعـد
گلولهـــــم هاذ الحــــب
گلــولهــم بسـم العلــی بعده الگلـب بینــه ایطـــب

مکروهه ناس الضدتــک
لئنک وفـی و کلک حــگ
ایکرهـون چفـک یاعلـی بحلـوگهم چعبـن شـگ

یاحیـــدر الضــدک خســر
دنیــاتــه عویـه و مهــزله
و دنیاتـه قمـــه و طافیــه

ولعـنده صک من حیـدرا شیرید من الله بعـد دنیاته خیـر وعافیـه

نرزقکم ابنیاتکم ،یل نیتک اتمجـد علی
للیوم شیخ اعلا الخلگ چ نیته کلش صافیــه

گلولهـم شـده و گضت ،بس من گصت بیمن گضت
جبنه اسـم وسمعت
واتعهدلت و اتعـدلت
و اتحدلت واتکحلـــت
واتسحنت واتبدلـــت
واتمسینت واتــربعــــت

حگ لو بطل یمکم بعـد بس الصدگ ماثمــرت

جفاهه و من چفاهه خلصاهـــه
الدنیا ابذمتـه بس طلگـــاهــــه

و قبل لا انا احچـی الهـوسه مولای
عــله بلعافیـه استاد الحچـــــــاهه

مو بن عمی حتی اتگول حیـدر وردصافحلـه

بس هیه الحقیقه انشوف ربک صیت رافعلـه

محمـد صفـا وی کـرار و باوع یاهـو الاحــله

تلگـاهـم حبــــــه و مفشــــوگــــه

ــــــــــــــــــــــــــــ

کریــــم ابوحاتــــم الحنظلـــــــی

http://telegram.me/karim_hanzali

الشاعـرکـریــم الحنظلــی

24 July 2020 12:56

صـدیقـک روزه دایـم بسفـر،جل
النفس لو طیب نفسـه بسفر،جل
اذا النـمـریـــچ اشبهــه بسفرجل
بعـد لاشـور الـی و لاخیــر بیـه

کـریـم ابـوحاتــم الحنظلــــی

http://telegram.me/karim_hanzali

الشاعـرکـریــم الحنظلــی

17 July 2020 02:41

التشـــوف الیـوم الیــه الضهـــر منطیـن

اغدرونـی و فوگ راسی اجعلو منطیـن

الحَـمِد ل الله البشـر مخلــوگ منطیــن

اذا مــن نـــار چـا گبهـــــــه الدنیــــــــه

کــریـم ابــوحــــاتـــــم الحنظلــــی

http://telegram.me/karim_hanzali

الشاعـرکـریــم الحنظلــی

17 July 2020 02:33

عندما جائوا برؤوس الشهداء الي يزيد..اللعين..
قال يزيد..كيف قتلتوا هؤلاء...
قام رجل و قال.. قتلناهم كأكلتي آكل..
قال رجل ثاني.. قتلناهم كحلبتي حالِب....
قام الاخــر و قال.. هجمنا عليهم و قتلناهم..
قال اللعیـن صدقتم اَم کذبتــم؟
فقام ربیع ابــن زیاد القطفانـی وقال...والله يا اميــر..
كلهم أسود في ساحة القتال..
قاتلونا و طردونا كطردت المَعز..و نحن نَـفِر من بين ايديهم...
خاصة صاحب هذا الراس..و هو رأس العباس بن علی بن ابیطالب ع
ـــــــــــــــــ
شـَردَ اَسولفلـک واَگلـک یا امیـــر
عَل اســد هاذ الفتی وابـن اســـد

وَحده سلطان ال لبس ثوب الوفاء
مثله ثانی مااظـن یحصـل بعــــد

یا امـیر ووین اخوخیتــه ویگول
ایجابل العباس فنـــه و ماشــــرد

احنه اشجع گومنه اگبــاله ذلیــل
وابکلامی هاذ کل گومک شهـــــد

الیخزره العباس راد ابسع یمــوت
و کون نایــم لل ابد ماظــــن گعد

عینه سهله السیف یطلع بی شرار
من قَطیـف الــروس ماظـنه بَـــرد

صاح منهوا ایرید یطلــع لـل بـراز
راد زلمه ایشـوف بینـه و ماوجــد

گلنا مارِد عِدنـه ینعـــد بـِل اُلـوف
هاذه سیف ازماطنه وراس اِلمِشَد

اِتوَهوَس اِلمــارد،رَخَصــنا لِل براز
ایجابل العباس عودک صوبه شَـد

هاذَهـو المیدان، یا اِحمِیدان گوم
گام ،جَرب،حظه خـان و ماگعــــد

اتشددت للسیوف منواهه القتـال
والتـراب اِبینهــم بِلجَــو صعـــــد

والجمع محتار یاعـین التـشــوف
یاهو منهـم فاز وابسیـفه حصـــد

اعرفنه مارد طاح مِن راح الغـبار
وجِثِتَه فوگ الارض مَداهـه مَــد

عاد یوم الگنطــره اُویَـل نهـروان
سوا کل افجـاع بینـه،و مِـن بَعـد

شَد،تِشدد علفـرات اِبلایـه خــوف
اگباله نُص الجیش لــلکـوفه شَرد

قَــب،تلَقــب،بلگـمـر لایــگ عَـلِـیه
دُر،تصــدر بِسمَه و اِلـرایـه اِلسـنـد

ابدم،تلمع، سیـفه نکـاس الرؤوس
قط،توسط جیشنـه وحطالـه حـد

طَرنه،مَرنه،ابسیفه ظل بینه یژول
رد، تمــرد، بلرماح و بـل عمـــــــد

طَب، تِطلَب،خرب افعال الحروب
مِن ذنایب، للصــدر بینه صعـــــد

والیگلک شَـد عَلِیه،چَـذب علیـک
نایم ابگلبه حِقد وِشـوَی حســــد

خلصینه اِبحیله کِـل الفَـن عَـلِیـه
و اِشخلصینه ابقُـل هُوالله اَحـــد
ــــــــــــــ
کـــریـم ابـوحــاتـم الحنـظلـــــی


http://telegram.me/karim_hanzali

الشاعـرکـریــم الحنظلــی

08 June 2020 23:12

بسم الله الرحمن الرحیم
(خلقناکم شعوبا وقبائلأ لتعارفو )

❇ ❇ ❇

خلقناکــــم شعـوبـأ یاهلــی الطیبیـــن
لئن تتعارفـو مـــوش الجهــــل یکبـــر

انگطـع نسل الطوایـف والبیــارق کون
الناس اتقدمـت بس احنــا نتــآخـــــر

و علا اسم الطایفـه تتعارکــون انــوب
تشـوفـون الجـزا ابیوم الجزا المحشـر

لاتدورون جنـــــه ومـــای زمـــزم قاد
ولا نهــر اللبـــــن ،لاعســل، لا کوثــــر

یومیـه اعلا مامـش ناس تکتــل ناس
ونلوم الفشــگ والتفــــگ والخنـجـــر

الگبل نحچی ابفخرمن چانواینشدون
هم عفتـــو الجهــل؟ جاوبـنه مانگـدر

مانـگـــدر،، لئــن ابقائمتـنـــه ابلیــــس
رییس و دوم من عنده الحکم یصــدر

گبـــل اولاد الله و هســه لل شیـطـان
الیعــوف ادروب الله اشلون مایخسـر

مـن ال انا وانا البعـــض میشـبـعـــون
تگـــول اولیـــد الله و نـازل اعلا البــر

ترا هـــاذه فگــر لیگـــزع الشـیـنـــات
حرگ خیمـت هله بس کلشـی ماثمـر

عمی الناس خربت موش ذیچ الناس
وین اهل البخت؟وینـه الیطفی الشر؟

اذا احچایه زغیره لیـش توســع کون
‌یتـم حســن الختـام ابحـزت المنــحر

اذا مابیـنـه خیـر انرَضــی طایفتیــن
واذا انشـوف الجهل ببیوتنـه و یشتر

و اذا مابینه خیر انرد مجـدنه اردود
علا الحــریه لیـش انسـولف ونشعـر

سید،ملا ،عالـم ،شـور، شاعـر ،شیـخ
رسالـه ابرگبتـک یا صاحـب المنبـر

تصــور فجـعـت ادم کلا مـن قابیــل
ثلثـمیـت سنــه الحـوا الصـدر ما در

الامــس دگـن لبنهــن هدلــن لخـدود
خطایاهـن ابجیـد المـامطفـــی الشـر

البخـــت شفنا یعثـر مــن جهلنه
و بعــد شفنـا التکبـر مــن جهلنه
تـرا کلشـی الیجینـه مــن جهلنه
ترا کــل بـد عِمـلنــا ابهــل دنیّـه
❇ ❇ ❇

🖋 کـریـم ابـوحـاتـم الحنظلـــی🖋


/channel/karim_hanzali