4792
القصائد الرثائية للآل الأطهار ع
لحن. دليني ياعلي
الرادود حسين فيصل العنزي
كلمات محمد حسن ضيغم
الظالم اجه الزهره طب عليها
سطرها وايده بالخد طبعه ليهه
العله الماشوفن طب عليها
علي ينگاد بيد. ابن الدعيه
......
الشاعر محمد حسن ضيغم
/channel/kasaedalatharDaygham
محتار ابدي بياهظم
ويادمعه الچ اجريهه
ياهي الي مثلج بالجمر
ويلي انچوت ايديهه
والباب طبگوا عل صدر
وهجموا الگوم اعليهه
ومورمه العين وصفت
كسر الضلع ياذيهه
ومحسن صكط من العصر
وام الوفه تناديهه
يايمه لتخليني اون
بنتج منو يضل ليهه
........
الشاعر محمد حسن ضيغم
/channel/kasaedalatharDaygham
الجار من وصّوه بسابع جاره
يحفظه بأهله وبجميع اسراره
مو يجيه ابحطب يشعل داره
وحرمة اهل الدار ميراعيهه
ــــــــــــــ
الجار يحفظ جاره لو عن داره غاب
مو يجي ويدفع على المظلومه باب
الكسر ضلع الزهره جن شكَ الكتاب
وآذه رب الكون الي يآذيهه
ــــــــــــــــ
النبي كَال واستمع هالقول هاك
صون جارك ثم جارك ثم اخاك
كون كَبله اتسيل بالشده دماك
مو ادمومه من الصدر تجريهه
ـــــــــــــــ
الجار يفزع لو سمع جاره ابهظم
موش يهجم يلطم ابنيته لطم
ال وأن كَال اعليهه شايل ياظلم
يدفع الباب او وراه يدريهه
ـــــــــــــــ
الكسر ضلع الزهره خلاهه تون
وكت خلّه اشباهه اتطول اللسن
اثر جفّه انطبعت بذاك الجفن
تلوج باقي ايامهه ايخلّيهه
ـــــــــــــــــ
الشاعر محمد حسن ضيغم
/channel/kasaedalatharDaygham
احط اذني اعله گلبك ماهو نفسه
علنوحي الناح مثلي ماهو نفسه
يخويه حسين طولك ماهو نفسه
يخويه الگصّرتك خيل اميه
.......
الشاعر محمد حسن ضيغم
/channel/alnaay2022
اجيت وعگلي مدري شلون ما هاي
ومحنتي العذبتني اعليك مو هاي
من گتلي رقيه وياچ ماهي
شگلك وأدفنت بيدي رقيه
.....
الشاعر محمد حسن ضيغم
/channel/alnaay2022
بفراش الاجل عيني تره الصار
وحگ حسين مو هين تره الصار
شيرده العل سبي بحقده تره الصار
سبانه وبالحبل مچتوفه اديه
....
الشاعر محمد حسن ضيغم
..........
/channel/alnaay2022
وحگ الفطّر اضامهن شفتهن
هاي جروحي مامش شي شفتهن
هينه امصايب ال بالطف شفتهن
الصعب درب السبي والمر عليه
......
الشاعر محمد حسن ضيغم
/channel/alnaay2022
ركضت وعفت كومه اعيال يدعون
اليه وردت للاطفال يد عون
اناشد. عالگمر وانظرت يد عون
تأشّر عالشريعه اتدلّي بيّه
.........
الشاعر محمد حسن ضيغم
/channel/alnaay2022
الفاركَ عيونه .. شلّه بجفونه
داري بعدج موحشه وظلمه وخليه
دمعتي بخدّي وأنادي يالزجيه
ـــــــــــــ
اسولف ويّ روحي شما يجيني الليل
واحط ايدي اعله خدّي والدموع اتسيل
صعبه البت زغيره وامهه عنهه اتشيل
ليش من الزغر دهري بحياتي ايعيل
لا مارحم بيّه .. ترهب مآسيه
ويّ امي جنت اتمنّى المنيه
دمعتي بخدّي وأنادي يالزجيه
ـــــــــــــ
المن زغره ينام ابحضنه متعوّد
وبس بشوفة امّه من البجي ايهوّد
وراحت منّي امّي وادري لا ماترد
اصد للباب اكَومن واتعب واكَعد
اتوجّه بجفوفي .. يمّه وتعب شوفي
هالزمن لم كل مصايب هظمه اليّه
دمعتي بخدّي وأنادي يالزجيه
ـــــــــ
دنيه بلايه ام ماتنحمل ساعه
العزيز اعله المحب ما يحمل اوداعه
مشى عمري سفينه امزّكَ اشراعه
وايامي العشتهه راحت اضياعه
واصفكَ تجفّيني .. من راحت اسنيني
والعمر ماي وتبدّه من اديّه
دمعتي بخدّي وأنادي يالزجيه
ــــــــــ
شلون اهجع وهوّد كَلبي من ونّه
وباب الدار بعيوني اشوفنه
المحراب الزجيه ابدمعي اتعنّه
وادنكَ اعليه ملهوفه واشمّنه
وبسبحة الزهره .. آية حزن اقره
وابقى اتصورهه من طاحت رميه
دمعتي بخدّي وأنادي يالزجيه
ـــــــــــ
لتلوموني لو شاب الكَلب والراس
آنه الما شفت فرحه يهاي الناس
شفت امّي تنازع وبأخير انفاس
وجلمة اتكَلي سلميني على العباس
الكافل كَمر ليلج .. هوّه الي يحميلج
يدكَ صدر وينادي ها يالهاشميه
دمعتي بخدّي وأنادي يالزجيه
ـــــــــــ
الشاعر محمد حسن ضيغم......
هذا حالي بغيبتك هذا حالي
ـــــــــــــــ
يبويه الكوم بعدك مارعوني
يبويه وبالحقد عمد اعصروني
لعد داري الاعادي من لفوني
على الخدين يابويه اسطروني
دمعي هالي ياوسف دمعي هالي
ـــــــــــــــــــــ
انه الزهره الزجيه وهذا وضعي
يريت اتشوف يالمختار ضلعي
اونن كل وكت بالنوح وانعي
واغسل وجنتي من فيض دمعي
وني عالي من الالم وني عالي
ـــــــــــــــــــــــ
سكط محسن يبويه ابين اديه
يبو الزهره ولفت ليه المنيه
يريت ابعينك اتعاين عليه
طحت مصيوبه بويه اعله الوطيه
ايوالي بس صحت ايوالي
ــــــــــــــــــــ
تكسر ضلعي والدمعات تجري
وينيران المصيبه ابوسط صدري
يبويه وماطفه لليوم جمري
يبويه بحالتي ياريت تدري
من لفالي هالرجس من لفالي
ــــــــــــــــــــــــــــ
حزينه والهظم غيرلي لوني
اكضيه الليل بس تهمل عيوني
وحك عينك يبويه روعوني
رحت عني بحقدهم حاربوني
والليالي بس قهر والليالي
ـــــــــــــــــــ
الشاعر محمد حسن ضيغم
بين الحسن بين حسين
زينب تهل دمع العين
ليلة مصاب المسموم ... من الشام اجت هذا اليوم
ـــــــــــ
بسابع صفر عافت كَبرهه الحرّه
واتعنّت الكَبر الحسن بالعبره
عين التصد مهدوم كلّش كَبره
ولحسين عين اشتاكَت وللحضره
ضمّت متنهه الدامي
عن الحسن والضامي
الكل منهم اصبح مظلوم ... من الشام اجت هذا اليوم
ـــــــــــ
جابت رقيه وياهه واتهل دمعه
يم الحسن مهظومه تشعل شمعه
عالقاسم ابنه ام الخدر ضل تنعه
رادت تروح الكربله وتودعه
اخذت ترب من كَبره
ومرّت ابمهه الزهره
وذكرت ضلع ضل مهشوم ... من الشام اجت هذا اليوم
ـــــــــــ
تمشي وتون والعين تربي المسموم
وضلّت على كَبره المهج ويلي تحوم
رادت تروح اتزور كَبر المظلوم
حسين الي من ماي العذب ضل محروم
اخذت رقيه اوياهه
تدري الابو راداهه
جي ما اجت ذرك اليوم ... من الشام اجت هذا اليوم
ـــــــــــ
طول الدرب محنتهه ما تنساهه
تسولف رقيه اعله السبي ويّاهه
نوكَ الهزل منّا شفت ممشاهه
بالكوفه حيدر عيلته اتلكَاهه
لو ما علي الحارس جان
ام الخدر جا تنهان
صح شفنه بالكوفه هموم ... من الشام اجت هذا اليوم
ـــــــــــ
ليش اعتنينه الكربله يا عمه
وعمّي الحسن هاليوم اصبح سمّه
عمّه لبوج الخلك تمشي بهمه
وبأربعينه تنادي يا بو اليمّه
خل نمشي وي الزوار
رد الضعن ضل تذكار
عليه المحب ضل مفطوم ... من الشام اجت هذا اليوم
ـــــــــــ
الشاعر محمد حسن ضيغم
الدنيه علي بالنكبات ياريت
ودمعتي بخدي عالمذبوح ياريت
دفنت اهلي وصحت ياناس ياريت
دفنت الروح وي اهلي سويه
......
الشاعر محمد حسن ضيغم
/channel/alnaay2022
عشره خيول اجنه ماخله اوصاف
وطحن طحنن ابصدره ماخله اوصاف
الحافر فوگ وجهه ماخله اوصاف
ودماه شفته ترسها الغاضريه
...
الشاعر محمد حسن ضيغم
/channel/alnaay2022
دليني... ياعلي
....
ياناگه اسرعي.مااحمل افراگ
لبن امي گلبي.تدرينه مشتاك
شيطفي بيه جمرات الشواگ
كلساع اصيحن ياعلي چا يمته نوصل
ياعمه بس ابجي وأون ماضنهه تقبل
أشرلي من وين الدرب خليني اندل
شوگي الي ساكن بالگلب خله الدمع هل
خليني.. اطش سنيني..
ودمع من عيني. يم گبر الحنين
خليني.. اشم اترابه.
واون لمصابه.. واندب ياحسين
خليني.. بعد مااحمل
المدامع تهمل.. عذبني الانين
وبشوگي الاولي دليني ياعلي
....
طويله المسافه... وبگلبي لهفه
اوصل كفيلي... وأهوه اعله چفه
روحي وحياتي.. من عطره اعرفه
الوياي اجه من كربله وامشي اعله فيّه
ماهمني كل ليل اليمر
امشي علضيّه
وهسه رجعت الكربله
وشلون جيه
مدفون وفراگ الگمر شمسوي بيه
مهظومه. احن الشوفه..
مهجتي اتطوفه وتندب ياگمر
مهظومه.. العمر مايسوه..
اروحن فدوه.. للچفه انبتر
مهظومه.. حنين اعليه.. ابو الحنيه.. الما مره اعتذر
ودموعي تنهلي... دليني ياعلي
.......
الغالي يعمه... دليتي گبره.
البعيوني خله... احسيني ذكره
ياريته يرجع... وبعيني انظره
ريته يرد بيه الزمن ونرد لهلنه
ونكعد. سوه واسمع سوالف بس، محنه
عشره انگضت عمر رحل شيرجعه النه
الچنت اصبّح بيه گبل ايست منه
لوبيدي... عمر انطيله
ويرد للعيله.. والداره نرد
لوبيدي... انام ابگبره
واشمن عطره.. الاحلى من الورد
لوبيدي.... اكحل عيوني
بضواه وجفوني... الصارن رمد
ياشمعة كل هلي.. دليني ياعلي
......
يبن امي يحسين... كل ساع اصيحن
حين اركضت ليك... كلساع اطيحن
يمته اسمع ايگول... يمي استريحن
گواجن الله امن التعب يل يالبضعينه
يم گبري گعدن واندبن ها ياولينه
روحي عليجن باليسر ضلت حزينه
وشلون باجر من تردن للمدينه
منتظره... العليله ابنيتي
تناطر جيتي.. وي هذا الضعن
منتظره... اجيهه الدارهه
واخمد نارهه.. وتروح المحن
منتظره... هله تناديني
يضي العيني.... اذاني الزمن
تتمنه تصدلي.... دليني ياعلي
......
الشاعر محمد حسن ضيغم
السلام عليكم اخوتي
واحبابي
تم نشر مقاطع عن الزياره الاربعينية
على حسابي التكتك
ارجو منكم مشاهدتها والاعجاب والاشتراك
فضلا وليس امر
أبدّل دمع عيني بربعين آه
على الّي احنه ربينه بربه عيناه
يربي احسبني زاير بربعينه
قرب لو من بُعد يحسبهه اليه
......
الشاعر محمد حسن ضيغم
/channel/alnaay2022
يعباس رد الضعن
......
ياخويه گوم استقبله
جت الگبل متدلله
وصلوا مشارف كربله
عالنوگ يالكافل اجن
....
الشافن قهر طول الدرب
ملگاهن وياكم صعب
لو ناحن يذوب الگلب
اشگد. عليكم چا بچن
......
ضعن المشه الليله رجع
بلياك للكوفه طلع
من الماسي شكد جرع
شيحملهه جمرات المحن
......
ردن ينادن ياگمر
ردينه الك من السفر
ماانصف ويانه الدهر
بنياتي خويه تروعن
.......
دليني چا وين الگبر
او وين العزيز المنحر
ماينفع وياي الصبر
عينيني يا ام الحسن
.....
بطفال جيت وبالحرم
وأتذكرت جمر الخيم
ومن طاح عالشاطي العلم
چفين عالشاطي هون
......
وأذكرت اخوي ومحنته
الخيل لمن داسته
والشمر من حز رگبته
اسمع ضلوعه اتكسرن
.......
الشاعر محمد حسن ضيغم
/channel/kasaedalatharDaygham
واويلي على السجاد
.......
شاهد كربله بعينه
وشاهد. ذبحت حسينه
شدوا حبل بيدينه
ضيمه اعله الحرم يزداد
......
شاف الخيم من تلهب
وشاهد تنظرب زينب
ويسمع فاطمه تنسب
ماراعوهم ال زياد
.......
رد الكربله بحسره
يواري اجساد عالغبره
جرحك سيدي شكبره
ساعة تدفن الاجساد
......
شفت السبي وجروحه
وگلبك مابطل نوحه
شلون ومافگد روحه
حيله امن المصايب باد
.....
سموا چبدة الظلام
وهو يعيش حزن الشام
من ذاك الوكت مانام
عليه الطف صبح ينعاد
......
بس الباقر ايحضره
ايغسله ويجذب الحسره
بيده اينزله ابكبره
يتوسد ابگبره راد
.........
الشاعر محمد حسن ضيغم
/channel/kasaedalatharDaygham
نص من گلبي ينحب نص ألم بيه
نص عتبي علوكتي نص ألم بيه
نص شلته علزندي نص ألم بيه
حرت ومن الوضع ماتت اديه
......
الشاعر محمد حسن ضيغم
/channel/alnaay2022
المجلس والعزه حتما لمحباب
وميهم كلمن ابلومه لام احباب
وحگ جفني الذي كلما لمح باب
اذكرت هظمت علي ابفگد الزجيه
الشاعر محمد حسن ضيغم
نعي
كعدت اعله الجرف وعيوني عل ماي
واكولن بويه هسه ريتك وياي
اشربك بيدي ها يا نور دنياي
واخمد جمرتك يا ضي العيون
كعدت اعله الجرف والنظر مشبوح
يبويه وصورتك بالشاطي اتلوح
بغيرك ها يروحي شعندي من روح
ياكحل اليكحل هاي الجفون
كعدت اعله الجرف والكعده متطول
وجن اسمعك ضامي ابنيتي اتكول
انه السحكت اعله ضلوعي الخيول
صحت اسكيك كلي والدي شلون
كعدت اعله الجرف واتأملت حيل
كل احنه عطاشه وجاينه الليل
لا خيمه الي عدنه ونسمع الخيل
تصهل والعده بخدرك ينهبون
كعدت اعله الجرف يا جرف الاحزان
كتله شبيك عفت حسين عطشان
تدريبه صبح للخيل ميدان
وبيه اعداه كل لحضه يشمتون
............
الشاعر محمد حسن ضيغم
رد ليه جسام يمه ييمه
دلالي ينظام يمه ييمه
نشـّف دمعتي يمه ييمه
ــــــــــــــــــــــــــــ
ساهرت يمه اشهور والشبابك ناطرت
شما اشوفك كل يوم كلت يوليدي اكبرت
ودعت كلبي وياك للحرايب من رحت
ساعه ساعه الفركاك عليك يبني اتصبرت
دمعي اعله الخدود يمه ييمه
وأتنطر اتعود يمه ييمه
نشـّف دمعتي يمه ييمه
ـــــــــــــــــــــ
الزفتك جبت اشموع والصواني وحنتك
وتدري بي كلبي سنين جان ينطر فرحتك
يل رحت للميدان لا تخمد شمعتك
همي ياجاسم كون انه احضر زفتك
همي من اشوفك يمه ييمه
محنه ابجفوفك يمه ييمه
نشـّف دمعتي يمه ييمه
بخيمتك يا جسام كاعده وانطر ترد
يل ولد لو رديت اقره آيات الحمد
وقره قل هو الله خاف يبني تنحسد
ردلي ياماي العين بيك اريدن انسعد
محصّن يرجواي يمه ييمه
من غدرت اعداي يمه ييمه
نشـّف دمعتي يمه ييمه
ضل كلبي مهظوم خايف عليك ويون
يا ورد هاي الروح ذابل عليك الغصن
الشوفتك يالسباح تدري بيه شكد احن
وترضه ابقه بهل حال يبني جاسم مااضن
ضل كلبي مجروح يمه ييمه
عن عيني لتروح يمه ييمه
نشـّف دمعتي يمه ييمه
عيوني مشبوحه عليك يبني وانظر للدرب
بفركتك اجري دموع بجيتك المدمع يصب
يل خذت كلبي وياك من ترد رد الكلب
والله اخاف انه عليك خوفي من سوح الحرب
خايفه يبني عليك يمه ييمه
ا ل اميه تآذيك يمه ييمه
نشـّف دمعتي يمه ييمه
الشاعر الكبير محمد حسن ضيغم
زينب بقت بالدار يصعب وضعهه
التفكَد امهه شلون ينشف دمعهه
ـــــــــــــــــ
موهينه لا والله صعبه الرزيه
صعبه البنيّه ابدون امهه الوفيه
وما يرحم امهه اتشوف سهم المنيه
ومنهه تضل الدار وحشه وخليه
سهم الفراكَ اجبير كلّش فجعهه
ـــــــــــــــــ
الشافت الزهراء تتلوّه بالباب
وتنادي وا ويلاه ضل صدري منصاب
ادفع الباب وجان صايرلي احجاب
ومثل الشمع ياحيف عمر الورد ذاب
من صاحت من النار محّد سمعهه
ـــــــــــــــ
شيّب رمشهه ونار لا ماطفت دوم
وزينب الأمهه تشوف ما تكَدر اتكَوم
لزمت ضلعهه الجان بالعصره مهشوم
وشافت العتبه هناك تتفايض ادموم
أمن الالم ام حسين لزمت ضلعهه
ـــــــــــ
ونّت ونين وناح ابن امهه الحسين
وصاح الهه خويه ارجوج امّي اوكَعت وين
للزهره صد وشاف متورّمه العين
والسبب جان يشوف احمر الخدّين
ابن اللعين شلون بالخد صفعهه
ـــــــــــــ
اتشابكَوا بالنوح وي امهم وصار
ملكَه المناحه جبير ونار ابوسط نار
ما تنسي والله يا محنة الدار
ولا ينسي الملجوم والصابه مسمار
عالحايط الزهراء ظالم دفعهه
ـــــــــــــــ
الشاعر محمد حسن ضيغم
خويه حسين .. لتخلوني
بدمع العين .. وتودعوني
باجر من يضل لينا
ياخويه ويحامينا
ـــــــــــــ
يالساكن مابين عيوني ... يالعايش بين الدلال
لا تتركني وتبعد عني ... ما يبطل دمعي الهمّال
عندي اخيام وكثرة رضّع ...يا خويه وبس عندي عيال
لو رحتو اتحيّر بأطفالي ...شلون اجمع خويه الاطفال
كلبي ينوح ... يبن الزهره
ايضل مجروح ...وبختك ادره
من تمشي وتخلّينا
ياخويه وياحامينا
ـــــــــــــ
يا روحي شلون اترك روحي ... ترحل عني الدرب بعيد
لتشيل ايدك من توادع ... مكدر انظر هاي الايد
وحدك باجر بين اعدائك ...ياخويه اتضل انت وحيد
كل اصحابك صرعى اتصدهم ... تسل سيفك ضد جيش يزيد
والمظمون .... ينشل حالي
والميمون ... يرجع خالي
من يرجع تهل عينه
ياخويه ويحامينا
ـــــــــــــ
هاي اطفالك يمي اتعنت ...كلها اتودعك خويه حسين
هاي التندب لتخلّينا ... وهاي التهمل دمع العين
وهاي التسأل وبدمعتها .... وين نروح اخلافك وين
وسكنه بنص الخيمه بحسره ... شبكت عالراس الجفين
تون اعليك ...يا رجواها
وتبجّيك ... من مبجاها
حسين بلوعة سكينه
ياخويه وياحامينا
ـــــــــــــ
ماتبرد جمرات همومي ...لو رايد عن ضعني تروح
باجر كَلبي يون بغيابك ... ما يجزع خويه من النوح
لو شفتك عالغبره مطبّر ... يا روح الزهره ومذبوح
اتمنى اتوسّد عالغبره ...ويمك خويه تروح الروح
كون يصير ... ارخص عمري
بس لا حير ... بضيعة خدري
لو فرّت نساوينا
ياخويه ويحامينا
ــــــــــــــــ
يحسين اختك آنه اتحسّر ... ليل وداعك ريت يطول
ماريد الليل ايطر فجره ... نحتار اخلافك شنكَول
باجر ينحز راسك خويه ... وتسحكَ صدرك كثره خيول
وماترحم اضلاعك كلش ... تبقى عليك اتصول اتجول
والملعون ... يسحك صدرك
شلون تهون ... يكَطع نحرك
واحدنه تهل عينه
ياخويه ويحامينا
ــــــــــــــــــــ
🖌الشاعر محمد حسن ضيغم
وحگ الشال ماي ورجع چفاه
الجفن دمعي أعله ابوي اجروح چفاه
اشيله أمن الظهر ويطيح چفاه
ردت دفنه وجمعته بذني اديه
..........
الشاعر محمد حسن ضيغم
/channel/alnaay2022
المصايب موش داس ألعبن داسين
عليّه وفوگ همي هموم داسن
الخيول الفوگ صدر حسين داسن
عسنهه بكربله داسن عليه
......
الشاعر محمد حسن ضيغم
/channel/alnaay2022