5137
القصائد الرثائية للآل الأطهار ع
يحب الله الذي يحسينه يحبك
بصوت الملا كمال الفاطمي
لمولد ابي الفضل العباس
فرحت بعباسهه ... ام الوفه
المنوصف نوماسهه ... ام الوفه
بيه كَرّة عينهه .. اجه اعضيد احسينهه
ــــــــــــــــ
ام الوفه وام الفخرهالليله فرحانه
عباس اجاهه وازهرت من نوره دنيانه
طير الفرح يم الكَمر رفرفهه جنحانه
وبس سمع بأسم ام الخدرسرفنهه ذرعانه
بحيره حين اتشوفه ... ام الوفه
يشيل الهه جفوفه ... ام الوفه
شالته بجفينهه .. اجه اعضيد احسينهه
ــــــــــــــــ
اليشبه علي نوره انبثق وشمحله ميلاده
وطشّت ورد يم ابو فاضل عمّة الساده
شعبان ياشهر الفرح يامحلى اعياده
العنده حاجه بهل وكت خل ياخذ امراده
ونعم باب الحاجه ... ام الوفه
الكل اله محتاجه ... ام الوفه
اعليه تطش اسنينهه .. اجه اعضيد احسينهه
ــــــــــــــــ
ام الوفه احتارت اذا جابتله ماي يشرب
مايشرب اله وكَبله تشرب بت علي زينب
من شافته اينام اعله اسم حسين من يتعب
ام البنين اعله الترب سجدت شكر للرب
تنومست بالوالي ... ام الوفه
المايعوف الغالي ... ام الوفه
يبوس دوم اجبينهه .. اجه اعضيد احسينهه
ــــــــــــــــ
متعطّر ابلايه عطر من الله هالحاله
واحروف ابو اليمه انلكَن بيمينه وشماله
شعبان كل لحضه فرح من بيّن اهلاله
عباس نبض المرتضى الينبض ابدلاله
تبشّرت بنواره ... ام الوفه
احتارت بأسراره ... ام الوفه
طاهره اموصفينهه .. اجه اعضيد احسينهه
ــــــــــــــــ
كله معاجز شافوا امن نولد والينه
بعينه اسم زينب واسم لحسينه ابعينه
لو سولفوا بالجود يمّه ايشيل جفّينه
ويم حاجبه سطر انكتب ياناصر احسينه
لون زينب صاحت ... ام الوفه
نفحة تشتم فاحت ... ام الوفه
شمعته مضوّينهه .. اجه اعضيد احسينهه
ــــــــــــــــ
الشاعر محمد حسن ضيغم
/channel/kasaedalatharDaygham
🎤اداء :ملا علي اياد المحسناوي
🎤الذاكر : باقر الخيكاني
📝كلمات : الشاعر محمد حسن ضيغم
🔶 مجالس شعبان
🕌موكب شباب الحسن اهالي الناصرية
بضيافة موكب السلطان الرؤوف_ الرميثة
🎛️المكساج والهندسه الصوتية : حسين خليل
نور الحسين هلا ابميلاده
ــــــــــــــــــــــــــ
هذا نور حسين شع اعله البشر
هذا نور الي مله كل الدهر
اليوم كل اعداه مساهم خطر
والفرح بالشيعه بالمولد كبر
شهر شعبان جميله اعياده
ـــــــــــــــــــــــــــ
حسين نوره الله ابد ماينطفي
حسين بترابه العلل ضل تنشفي
التنخـّه حسين حتما يكتفي
وياه دنيه اواخره يضل موقفي
ابقه احبه واحب اولاده
ـــــــــــــــــــــــــــ
اليوم حطت زينه املاك السمه
اليوم كل الحور هنت فاطمه
والملائك كصدت الحامي الحمه
ياعلي مبروك كلهه اتكلمه
هالفرح ياخلك بزياده
ــــــــــــــــــــــــــــــ
نور ميلاد الحسين اوطلته
ربنه زيـّنها السماء وجنته
فازت بهل يوم والله شيعته
ونار سجّرها لناس النكرته
واليضده يصير ارماده
ــــــــــــــــــــــ
اليوم فطرس ردّله اجناحه وصعد
جي نزل لامس جناحه بالمهد
هذا ابو السجاد مايخلف وعد
يكضي حاجة كلمن اتعنه وكصد
والكصدله يحصل امراده
ــــــــــــــــــــــــــــــــ
الشاعر محمد حسن ضيغم
4
حسين راح وكلشي راح:
هوسات بمناسبة شهر شعبان
.......
شما هل الفرح تلكانه فرحانين
نبديه الفرح ياخلك بسم حسين
افضل شي نحصله خدمة التعيين
خادم لحسين يوظفوني
ــــــــــــــــ
انه لي الشرف خادم تكول الناس
خادم للحسين وخادم العباس
ما بين الخلايك رافع انه الراس
وتنومس دوم بمحبوبي
ـــــــــــــــــــ
انه الي نذرت العمر للخدمه
واتشرف اصيرن بالسمه نجمه
ماعندي ابد غيرك يبو اليمه
وانت المتوصف دلالي
ــــــــــــــــ
يا تاج الامامه وتاج واعظم تاج
ما محتاج غيرك بس الك محتاج
بسمك سيدي خطيت الي منهاج
ولولادي آنه الدرسته
ــــــــــــــــــ
الشاعر محمد حسن ضيغم
هوسات لشهر شعبان 2 أمه من تكمطه ظلت ابحيره
يفل أكماطه عنه وخزرته جيبره
مالفته الكطعة لفته الغيره
بكماطة مامره اتكمّط
********************
من يوم الولاده عيونه تربي احسين
يم حسين يزحف يرفع الجفين
ويكتب سيدي بدموعة على الخدين
يتباهة لو شال اجفوفة
*******************
الطفل اول جلمته بساعة الينحب
مامه يصيح صوتة وواقع مجرب
بس عباس صوته يصيح يازينب
يدريهه سلوة دلالة
*******************
وابنص الشهر ندري الكمر يكمل
بس عباس عنده الواقع اتبدّل
يوم الرابع بشعبان بان وهل
بعجازة قانون اتغير
*****************
محمد حسن ضيغم
/channel/kasaedalatharDaygham
نعي لأبي طالب (٢)
يأول بالنبي وآله من آمن
عليه لسهر حزن ليلي من آمن
هروش الضيم بجروحي من آمن
بكثرهن گمت اون صبح ومسيه
..
الشاعر محمد حسن ضيغم
الشاعر محمد حسن ضيغم:
شعر في حق ابو طالب
رضوان الله تعالى عليه
يابو طالب حزنك ابين الدليل
وحزنك ايولّد جرح وسط الجرح
انت يالمظلوم مابين العباد
ناس گالت ليل وانت اكبر صُبح
انت ربّيت النبوه ابين اديك
ومن عيونك مصدر الحگ ينفتح
عليك رادوا شائبه وما انصفوك
لان انت الكل كلام الحگ ملح
كل بغضهم الك چي ابنك علي
وغِيره بگصص ناس التبغضك تشح
…… .
نعي للامام الكاظم
النوايب للگلب والله الى من
وتدير الوجه معصومه الى من
المنادي علجسر نادى الى من
يريد ايشيعه يحضر بالعزيه
.....
الشاعر محمد حسن ضيغم
ياغريب وانت للعالم وطن
ياسجين وگلبي بالحب انسجن
ممتحن وانت الي تدفع بالمحن
حيرتنه .... حيرتنه
......
الشاعر محمد حسن ضيغم
لسان حال الامام الكاظم عليه السلام
أنه الشاهد ابوه انذبح يداي
العليل الگال عني روح يل داي
شمشوف الگيد داير حول يداي
علي السجاد اذكرنه ورقيه
.....
الشاعر محمد حسن ضيغم
لَلَکْأّظُمً تٌـعٌنِيِّنِةّ
أداء
عباس الكرعاوي
علي أبورغيف
للشاعر
محمد حسن ضيغم
مثل ما لحسين نرفع رايه
لموسى بن جعفر نضل مشايه
ــــــــــــــــ
نعوف اهلنه ونعتني بثوب الحزن
والشوارع ويّ ونـّتنه تون
اه يل مسموم صار اعذب لحن
بلا شعور يصير كل مبجايه
ـــــــــــــــ
مثل ما جنه نروح الكربله
عل جدم والدمعه علخد هامله
موسى بن جعفر مواكب تمشي اله
ياغريب انصيح الك عنايه
ـــــــــــــــــ
من نصد للجسر نلطم عل رؤؤس
نصيح وينك يا انيساً للنفوس
اكصد الكاظم واترك ارض طوس
وعلجسر اخطب وكول احجايه
ــــــــــــــــ
من تجي يامكور وسر الحروف
جيب معصومه ودخليهه تشوف
شلون شيعتكم تدك بهل جفوف
علولي وشلون تقره قرايه
ــــــــــــــــ
موش بس من الارض من السمه
جايه اتعازي ابن حامي الحمه
تصيح كلهه عظم اجرج فاطمه
يامن الربـّج نشوفج ايه
ــــــــــــــــــ
اليوم حك نلبس علوالي السواد
اليوم نكصد ليه من باب المراد
حتى يستقبلنه مولانه الجواد
هله بشيعتنه الي بيهه كفايه
ـــــــــــــــــــ
الشاعر محمد حسن ضيغم
رغم كل اهل الطغاة وجورها
حظرتك نتعنه ليها نزورها
مانهاب اعداك ـــــ للحشر وياك
ـــــــــــــــــــ
اولاد حيدر احنه واحدنه شهم
احنه بينه ينظرب معنی الزلم
احنه للسالمك نصبحله سلم
وحرب للضدك وحك عاشورها
ــــــــــــــــــــــــ
يا امامي الكاظم وهذا عهد
مانعوف ازيارتك يل معتقد
احنه حبيناك واحنه بالمهد
اولايتك در ورضعنه بنورها
ـــــــــــــــــ
ازحوف نكصدلك اذا اتمل الجدام
ونرسل ويالريح الك اجمل سلام
شلون تنسم وانت معناة الامام
شلون وانت الجنه حبك سورها
ــــــــــــــــــ
باب للحاجه نعرفك للخلك
شوف زينب باب مرقدها انغلك
افزع الها واخذ من كبرك علك
وخلي شيعتها ترد اتزورها
ــــــــــــــــــ
احنه سهله الكم انرخص الرواح
حت لو نسمع الموت بصوته صاح
كلشي لا نسمع جدار الحظره طاح
والله جلماتي تثور اسطورها
ــــــــــــــــ
نزورك وصوت المهج بسمك هتف
اسد بغداد اورثت سبع النجف
حت جبرائيل للحظره زحف
الجنه يمك ترف هسه اطيورها
ــــــــــــــ
خلي يسمع هل كلام الناصبي
انه شيعي وما ابدل مذهبي
اولاية الكرار حقي ومطلبي
هل عقيده ماتجف ابحورها
ــــــــــــــــــ
الشاعر محمد حسن ضيغم
ملا مهدي المنكوشي الزينبي
كلمات خادمكم
محمد حسن ضيغم
مولد الامام الحسين عليه السلام
مصباح الهدى ما واحد يشبهك
يحب الله الذي يحسينه ايحبك
أمنسمك نشتم اعطور ... هنا يا مولد النور
يحب الله الذي يحسينّه ايحبك
ـــــــــــــــ
جمال الله .... يوسف ماوصل ذره الجمالك
كمال الله ... خصال الهادي متجسده بخصالك
يل سرك عجيب وبعده مخفي
النار بأسمك المعروف تطفي
تحت القبة الله يقضي حاجات
وبترابك جميع العلل تشفي
الصوتك يشهد الطور ... هنا يا مولد النور
يحب الله الذي يحسينّه ايحبك
ـــــــــــــــ
العرش شاهد .... اعليه اسمك يبو السجاد مكتوب
الوحي ساجد ... يم اعتاب بابك يغلى محبوب
يحسين اعله مودك صار كلشي
وحباً بيك هالدم بينه يمشي
على حبك لكَيت الكَلب مطبوكَ
مثل ما ينطبكَ عل عين رمشي
مدينة وحبك السور ... هنا يا مولد النور
يحب الله الذي يحسينّه ايحبك
ـــــــــــــــ
من اسبابك ...الوجود وكل وجود البيه مخلوق
الى احبابك .... يمن بالدنيه غيرك ماكو معشوق
الكَلب لو ما محبتك مات نبضه
اليحبك ياحسين اشكبر حضه
ترضى اعليه كلمن عابد الله
والتحبه عليه ندري الله يرضى
باجر تخدمه الحور ... هنا يا مولد النور
يحب الله الذي يحسينّه ايحبك
ـــــــــــــــ
عهد باقي .... اضل سلماً لمن سالمك مولاي
عهد باقي .... لمن عاداك اعلن سيدي اعداي
يقبلة شوكَي الك ابعث تحيه
وأزورك عارفاً صبح ومسيه
بكثر ما اسجد اعله اترابك يصير
بجبيني تُكتب احروف الزجيه
مثل كاظم المنظور ... هنا يا مولد النور
يحب الله الذي يحسينّه ايحبك
ـــــــــــــــ
العمر كله ... اشوف الخير عندي بفضل الحسين
الامل يحله ... يقيناً عندي يحضروحشتي حسين
شوصفنّك يبو روح الحنينه
فلا تتركني يا اوسع سفينه
ابو ولو ضيّعينه الدرب فد يوم
برحمتك تعتني اتجرنه امندينه
بكثر خلكَ الله مشكور ... هنا يا مولد النور
يحب الله الذي يحسينّه ايحبك
ـــــــــــــــ
الشاعر محمد حسن ضيغم
/channel/kasaedalatharDaygham
ميلاد ابو السجاد هلليله
اجمل تهاني الوالي نهديله
----
بيوم الولاده الدنيه مسروره
من الحسين الكون شع نوره
هذا الوليد الفوّح عطوره
ورد الفرح بچفوفنه انشيله
-----
شعبان شهر الخير والرحمه
بيه انولد مفتاح للعصمه
نعمة حسين اعله الخلگ نعمه
يتباهه هز المهد جبريله
-----
بمهد الحسين الدنيه مرتاحه
والليله فطرس رد اله اجناحه
هل كون اشرق هسه مصباحه
بسمه العرش اصبح يناديله
-----
بهذا الخبر گال النبي جده
احسين مني وآنه من عنده
النبي عطره حسينه الورده
سر وچبير وصعب تعليله
----
حگ نفتخر وبهاي دنيانه
ابن الزجيه حسين مولانه
نندب ابأسمه وتسمع اعدانه
هابيل شامخ رغم قابيله
-------
الشاعر محمد حسن ضيغم
ياولينه تهانينه
نزفهه الفاطمة الزهرة
**********************************************
هله بشعبان من جانه فرحنه بهلة هلالة
هلاهل شعيتك حيدر غدت بالفرحة تتعاله
انولد سبط النبي الهادي حبيب المصطفى واله
يصعب ننظر النورة اذا صعبة انصد أخياله
سطع نورة ورسم صورة
تجسد سيد العترة
**********************************************
أنولد عباس ابو الغيرة وعلينه شعّت أنواره
زغير وقدّم الزينب شموع أيمينه ويساره
زغير ومن يصد زينب تظل أدموعه تتجارة
لبس غيرة علي أهدومة وكتب بفراشة تذاكره
رفض يغفه صعب وصفه
أبوه بحالته أدره
**********************************************
وعلي السجاد ياشمعة علي حامي الحمه انشوفة
أنولد مابطّل السجده بسجوده عجّز أجفوفة
الصحيفة ابّابه تتشكر عليهه جبير معروفة
شوك الطيفة ماعنده العيونه اشتاكت اطيوفة
فلا مثله ولاقبلة
يشوف العالم بأسره
**********************************************
وبعد شعبان بيه فرحة ضيائك ياعلي الأكبر
شبية المصطفى الهادي يوصفك شخص ما يكدر
كمروجهك علي يسطع ومنّه العالم اتنور
الكوم بطبتك الحومة علي الكرار تتصور
علي وزوده وكبر جوده
تجسّد بيك بالمرة
**********************************************
يوم 15 شعبان نور المهدي ميلاده
حين اتعنّه للسجده السمة صارتله سجاده
الفرج يم بابه يتوسد يريد يحصّل امراده
وبهالمولد الأطهر ختم شعبان أعياده
ضوة الحجة صبح حجة
على الي والوا الزمره
**********************************************
وبهاليوم ياشيعة نريد يصير دعوانه
يحفظ هالبلد ربنه يزيح اغيوم عدوانه
خل ايرد عذبهن ماي مودم تجري نهرانه
عراق حسين ياربي عراق وهذا عنوانه
علينه أعطف علينه الطف
يرب ياصاحب القدرة
*****************************
محمد حسن ضيغم
أمه من تكمطه ظلت ابحيره
يفل أكماطه عنه وخزرته جيبره
مالفته الكطعة لفته الغيره
بكماطة مامره اتكمّط
********************
من يوم الولاده عيونه تربي احسين
يم حسين يزحف يرفع الجفين
ويكتب سيدي بدموعة على الخدين
يتباهة لو شال اجفوفة
*******************
الطفل اول جلمته بساعة الينحب
مامه يصيح صوتة وواقع مجرب
بس عباس صوته يصيح يازينب
يدريهه سلوة دلالة
*******************
وابنص الشهر ندري الكمر يكمل
بس عباس عنده الواقع اتبدّل
يوم الرابع بشعبان بان وهل
بعجازة قانون اتغير
*****************
محمد حسن ضيغم
هوسات
مواليد شهر شعبان
يوم الثالث ابشعبان شع النور
ميلاد الحسين البي نشم اعطور
فرحانه الملائك والوحي والحور
(بميلاده العالم فرحانه)
……
يوم الرابع ابشعبان شع الضي
ميلاد الكمر للكون اصبح فُي
غصن عطر الوفاء ابجيته اصبح حي
(وزينب فرحانه ابميلاده)
………
يوم الخامس ابشعبان شع بدره
علي السجاد اجه وعمّتنه البشره
فرحان الولي الكرار والزهره
(زين العبّاد ايسمّونه)
…… ..
يوم اهدعش من شعبان ضل يزهر
يوم البي ميلادك علي الاكبر
الكون ابمولدك. والعالم اتنوّر
(ميلاد اليشبه هادينه)
…… ..
يوم اخمسطعش شعبان شع نوره
امام المهدي تسطع بالسمه اسطوره
باجر هل خلايگ تنطر اظهوره
(وكل جمعه تناطر يلفيهه)
……
الشاعر محمد حسن ضيغم
/channel/kasaedalatharDaygham
ابوذيه
عن ابي طالب
ابو طالب ابد ماصح كفاله
الفضله الكون لتضنّه كفاله
كفل طه النبي ونعم الكفاله
وتخلد اسمه من الله ونبيه
......
الشاعر محمد حسن ضيغم
نعي لأبو طالب
.
وحگ الّي انذكر وبجزء عمّه
گلب طه نبينه الحزن عمّه
عليه اظلم نهاره ابفگد عمه
ابو طالب البي غيره وحميه
....
الشاعر محمد حسن ضيغم
بعد گلب الفواطم عيب بسّم
ثواكل والعيون اتشيه بسّم
چبدي مثل چبدك نزف بالسم
الفرق ما سحگته خيل آل اميه
...
الشاعر محمد حسن ضيغم
نعي للامام الكاظم
إنه شما شوفن الگيد بأديّه
تضل دمعاتي عالوجنه جريه
بخيالي اتصوّرچ يالغاظريه
واذكر عمّتي راحت سبيه
إنه بسجني اضل انصب عزيه
وتحضر مآتمي الزهره الزچيه
اشوفنهه تون ونّه شجيّه
لو ناديت يا عمّه رقيه
تذوب الروح وجروحي خفيّه
علجدي الضل على اتراب الوطيه
واذب اعماتي شمتمر مسيّه
على الرضرضت صدره الاعوجيه
تطب السوگ عمتي الهاشميه
الشماته تصيح هاي الخارجيه
وهي هيبة علي حامي الحميه
يويلي والاشد هاي الرزيه
تطب امچتّفه ديوان اميّه
بخراب اتبات لاعز لا حميّه
التراب افراشهن سوده عليّه
الطشت آيالطشت وشعمل بيّه
عليه ياحسرتي ماتت رقيه
السجن والسم صُبح اهون عليه
ولا اذكر مصاب الغاضريه
يريت الكربله امشي بهل مسيه
لو اگلبهه طف الكاضميه
-----
الشاعر محمد حسن ضيغم
/channel/kasaedalatharDaygham
عالراس عالراس نشيل اجنازته
ـــــــــــــــــــــــــــ
موسى بن جعفر امام الرافضه
بالسجن مسموم ياويلي كضه
بمصيبته انواسي مولانه الرضا
وكل محب هاليوم تهمل دمعته
ــــــــــــــــــــــــــــــــ
موسى بن جعفر من سجن السجن
كضه سنينه اويلي ممتحن
وعليه هاليوم هالشيعه تون
تصعب على الناس لوعة فركته
ـــــــــــــــــــــــــــــــــ
اجنازة الوالي هاي اعله الجسر
والدمع عالكاظم اصبح منهدر
والينه متكيــّد بكيد الصبر
حتى الملائك اجت وشالته
انشيع الحيد ونلطم عالصدر
هاليوم مخسوف ياويلي البدر
نشيعه وتعنينه نلطم للجسر
باب الحوائج نون لمصيبته
والينه موسى الي ما غيره ولي
امه الزجيه وابوه حيدر علي
لمصيبته النار بالمهجه اتغلي
لالا تضنهه تخمد جمرته
ـــــــــــــــــــــــــــــــ
الشاعر محمد حسن ضيغم
السلام على موسى بن جعفر
كاشف الكروب ــــــــــ تهتف القلوب
ــــــــــــــــــــــــــــ
من فؤادي لك دوما سلامي
اني اهواك حقا يا امامي
بك ياسيدي يعلو مقامي
انت معنى صلاتي وصيامي
حجة الاله ـــــــــــــــ وله اجتباه
ــــــــــــــــــــــــــــــــــ
سيدي انت نور للبريه
انت للشيعة صرت هويه
من يسمينا نحن رافضيه
رافضية لانـّا جعفريه
مهجة الرسول ـــــــــــــ عنك لانزول
ـــــــــــــــــــــــــــــــــــــ
لك ياسيدي يبقى ولائي
تشهد كل املاك السماء
للميامين يبقى انتمائي
وعلى القلب ختم كربلائي
تشهد السماء ـــــــــــــ عن مدى الولاء
ــــــــــــــــــــــــــ
كاظم الغيض يا نبراس دربي
لك قبرا على احشاء قلبي
ومن الذر قد اعلنت حبي
فأجبت سؤال المولى ربي
فأجبت لك ــــــــــــــــ اني عاشقك
ـــــــــــــــــــــــــــــــ
صاحب السجدة والسجن يشهد
فيك نور النبي الهادي احمد
انت شمس النهار انت فرقد
في السماء لك مولاي مرقد
مصدر الضياء ـــــــــــــــــــ قبلة الوفاء
ــــــــــــــــــــــــــــــــــــ
الشاعر محمد حسن ضيغم