4792
القصائد الرثائية للآل الأطهار ع
نعي
لسان حال ام البنين
عليها السلام
...
اريد العذر منج يم الحسين
اذا ماوفوا ولدي يم الحسين
يضل بگليبي جرحه يوم الحسين
واضل ابچيه لحد يوم المنيه
........
ونيني اعليك لتضن يوم گل باي
ويدنيه بگيفچ بهل روح گلباي
كسر ظهرك على ابني كسر گلباي
ومتت يم دمعتك موتت رقيه
.......
اسهام الحسره بگليبي بچتلاي
على النادى العده فرحوا بچتالي
بچيت ابموتتي وناسي بچتلاي
ابن ماكو ينگط الماي اليه
....
الشاعر محمد حسن ضيغم
نعي ابوذيه
يريت الكفل ضعن اخته حياره
ولا بالشام ضلينه حياره
من اسطوحهم شمروا حياره
علينه ودم جره بجبهة رقيه
....
الشاعر محمد حسن ضيغم
/channel/kasaedalatharDaygham
ابوذيه
بعد ماجدمي للكوفه ترامات
صاحوا زينب أحسينچ ترامات
الحجاره اعليه اشوفنهه ترامات
شماته وكلهه صاحتني السبيه
....
الشاعر محمد حسن ضيغم
/channel/kasaedalatharDaygham
نعي
...
ايدفع بالباب حيل وآنه ارده
وعسى الطگني اعله خدي انصاب خده
يربي ايموت من العطش چبده
بكثر ماضيّع اوليدي امنديه
.....
طحت گوه ارد اكومن حيل ماضل
وخفت يفتح الباب الردي ويوصل
ابطبگ الباب فوگ الضلع طوّل
لما حسيت منهوكه ورميه
....
الشاعر محمد حسن ضيغم
.
/channel/kasaedalatharDaygham
مقطع صوتي
/channel/kasaedalatharDaygham
على لحن قحطان البديري
حب مجالسنه
.
عهدي لله ... ابغض اعداه .. والي وآلاه ... آنه وآليله
ــــــــــــ
كاتب عهد من الازل والباري وحده الشاهد
غير الوصي المرتضى ما ارضى واحد قائد
ابقى العن اليبغض علي وكلمن حسود وحاقد
دربين ماعندي ابد واسلك طريقي الواحد
عمري منذور ...المصدر النور .. ودنيتي اتنور ... لمّن ادعيله
ـــــــــــــ
اقره الزياره بكل فخر ما منهه اعبر كلمه
الاول وثاني اعرف المقصود ياهو وشسمه
العنهم شما مر نفس حبا بأصل العصمه
ربي اليحب المرتضى انزل عليه الرحمه
الهم انكون ... عابس وجون ... حامي ذا النون ... انضل نناديله
ــــــــــــــــــ
اصل العقيده الطاهره مو بس توالي الحيدر
لازم براءه من السقيفه الحد كَطيع المنحر
الكَلب ما يرهم ابد معروف بيه ومنكر
وهذا الدرب واضح الك كونك تريد اتخيّر
بس علي يفيد ... للذي يريد ..يرفع الايد ... للحمه ادخيله
ـــــــــــــــ
احسن عواقبنه فقط ياربنه بس بهايه
انحب علي وعتره علي مو بس تضل احجايه
نحييه من نبغض الزمره العذّبتنه هوايه
كسرة ضلع ام الحسن كَطعت نحر جم آيه
الهه تفسير .. العاقبه اتصير .. وباجر ايحير .. اليرضه بالميله
ــــــــــــــــــ
المايرضى يتبرا اضن راضي علدفعة بابهه
والما لعن اهل السقيفه يوصف امن احبابهه
جم شمس بالطف داميه ومتوسده عله اترابهه
ويلي بنات المصطفى دخان مالي اثيابهه
تنسبي شلون .. ويلي ام عون ... الماهو مدفون ... محد يشيله
ــــــــــــــــــ
الشاعر محمد حسن ضيغم
.
/channel/kasaedalatharDaygham
شيعوهه .. شيعوهه ...الزهره هايه شيعوهه
ــــــــــــ
بدمعة مصيبه ... نشيع الغريبه ...ونلطم على الراس .. ها يالزجيه
انزيد البجي ادهور ... علخدهه مسطور .. وأنهل الدموع .. صبح ومسيه
المهدي بالتشييع يبجي ويانه
وروحه حيل الفاطمه حزنانه
يصيح يايمه ويهل دمعة العين
جفونه من كَد الدمع ذبلانه
ودعوهه ... ودعوهه ... بالبواجي ودّعوهه
ــــــــــــــــــــ
هاي المعزين .. يا ام الحسين ... تنوح وتنادي ... ونعشج تشيعه
المثلج يقدسوه ... لا مو يعصروه .. المن الله معصوم ... يكسروله ضلعه
هي قرآن العشكَ مو سوره
شلون تبقى ضلوعهه مكسوره
والاشد يا ناس بنت الهادي
عينهه بجف النذل مسطوره
روعوهه ... روعوهه ... بت نبينه .... روعوهه
ــــــــــــــ
ارض وسموات .. هل لحضه بآهات ... تشيع الزجيه ... وتواسي حيدر
وبنص الافلاك .. ذاك النعش ذاك .. والهادي مالوم ... عالخدهه احمر
تلاكَت او يالهادي بس مالومه
اكَله جيتك بويه بس مهظومه
مو مثل ماجنت أنه رديت الك
ضلوعي من كَد العصر مهشومه
ما رعوهه ... مارعوهه ... بويه بنتك ... مارعوهه
ـــــــــــــــــ
ويّ المشيعين ... جن شفنه الحسين .. لاجن بلا راس .. يبجي اعله امّه
والبجيه نسمع ... من صدره يطلع ... كلما يون حيل ... يتجاره دمه
وياه نلطم حيل عل مهمومه
وعالزجيه انشوف سود هدومه
بصوت كلنه نصيح يا ثار الله
يا لثار الطاهره المظلومه
سمعوهه ... سمعوهه ... صرت الحكَ ... سمعوهه
ـــــــــــــــــــ
من شفنه الحسين ...زيّدنه الونين ... واذكرنه نحره ... وذيج السبيه
الصاحت سبوني ... خويه او ولوني ... ومن عندي راحت ... بنتك رقيه
بصوت صاحت خيمتك حركَوهه
خويه وسكينه العده ضربوهه
تريد تتعناك اختك يالحنين
شما تجي بسياطهم منعوهه
ركبوهه ... ركبوهه ... عالهزيله ... ركبوهه
ــــــــــــ
الشاعر محمد حسن ضيغم
/channel/kasaedalatharDaygham
القلع خيبر ليش منهد حيله
الچان تچوه اعتازه اليتچيله
غسّل الزهره وبچه
ابحايط البيت انتچه
آ ياجرح ام الحسن
ــــــــــــــ
دواليب الزمن تفتر ..وضع ما ينوصف حاله
الشهر ما تنعد ايامه ... اذا ما يطلع اهلاله
شيصبّر كلمن يشاهد ... حبيبه ايفرفح اكَباله
ويشوفه اصيح من جرحه ...وحسرته ابحزنه تتعالى
من المصيبه الشيب تارس راسه
بكثر ما تتلوه خيرة ناسه
عين مسطوره وتون
ذابله بشكل الغصن
آ ياجرح ام الحسن
ــــــــــــــ
يجرح المغتسل يكتل ... اشد من كلهن جروحه
علي من مات عالزهره ... جسد ويغسّل بروحه
تركهه وراح للحايط ... انتچه وضل ملتهي ابنوحه
وحسرته الكَبل مخفيه ... اصبحت هل لحضه مفضوحه
اسماء سألته ودمعته ابعينه
رد عليهه وجان عالي اونينه
لاتلومي اجري الدمع
شفت مكسور الضلع
آ ياجرح ام الحسن
ــــــــــــــ
عجيبه المايرف كَلب ... وجبل متهزه المصيبه
نشوفه لزم خاصرته ... نحيل وزايد انحيبه
اليداوينه كَبل بسمه ... الجرحه ما تصح طيبه
يصيح الراح ياعالم ... الي من يكَدر ايجيبه
البيده رد الشمس وبقدسيته
الزهره ما يكَدر يردهه البيته
ايده عالخد يا خلكَ
جسد عن روحه افتركَ آ ياجرح ام الحسن
ــــــــــــــ
علي انهد حيله من شاهد .. علخد الزهره اثر سطره
وذابت روحه من عاين ... عين ام الحسن حمره
لزم خاصرته وينادي ... يبعد عيوني يالزهره
فداچ الكون ياروحي ... فداچ المرتضى وعمره
بعد بيتي غمّضيتي عيونچ
والله ما يرهم علي من دونچ
كلشي راح ابموتتچ
والله تصعب فركَتچ
آ ياجرح ام الحسن
ــــــــــــــ
كأن بمصيبة الزهره ... خذاه الكربله المنظر
بعين الزهره جن شاهد ... تصوّب كافل الخدّر
بجرح خدهه اضن شاهد ... رقيه انسطرت وتفتر
وضلعه المنكسر جسّد ... ضلوع حسين تتكسر
غسّلاها وصدكَ منهد حيله
ذكر ابنه ماحصل تغسيله
الزهره هدّتله ركن
شلون عل ما يندفن
آ ياجرح ام الحسن
ــــــــــــــ
الشاعر محمد حسن ضيغم
/channel/kasaedalatharDaygham
ابوذيه
الباري بالموده گال بينه
وفضلنه اعله الخلائگ گال بينه
تالي اوليدي بالطف گالبينه
علوجهه وتسحگه اخيول ال اميه
.....
الشاعر محمد حسن ضيغم
/channel/kasaedalatharDaygham
اداء: ملا حسين الخاقاني
كلمات: محمد حسن ضيغم
قناة الامام الحسين 2 (عليه السلام)
برنامج: اطوار ومقامات
اللهم عجل لوليك الفرج
قصيده
لسعيد بن جبير
لوما حب الزهره مالي جروحك
جان ما رخّصت للحكَ روحك
ونعم يل اسمك سعيد .. اخره ودنيه سعيد
ـــــــــــ
هي فطره .. حب علي وفاطمه من يوم الازل
وانت ادره ..القصيده شتنفع ابلا مستهل
جنت تقره ... بلايه حب حيدر فلا ينفع عمل
الينطي نحره ...بشرف يبقه ولا يبايع للجهل
بجبهتك طول الزمن مكتوبه
يال لثارات الي سلبوا ثوبه
تنصر حسينك تريد .. اخره ودنيه سعيد
ـــــــــــ
عالم انت ...وحيّرت كل الخلك بعلومك
ما تركته ...منهج الكرار ابد من يومك
جي عرفته ...هو حق وجهلت ناس تلومك
والمحنته ... ياسعيد امغيّرات ارسومك
بطول عمرك جنت لا متبالي
تصيح بس حيدر علينه الوالي
يل جنت تلعن يزيد .. اخره ودنيه سعيد
ـــــــــــ
والمواقف ...كلمة الحك ابوجه طاغوتهه
والي خايف ... هواي ما ينسمع جانت صوتهه
وانت حالف ... الجلمه فرصه الروح عيب تفوتهه
وانت عارف ...تحيى ناس امنجل حيدر موتهه
خوفه بالحجاج اجت من يومك
واعله سيفه انتصر نزف ادمومك
وصرت بالنهج شهيد .. اخره ودنيه سعيد
ـــــــــــ
عالي شانك ...ومرقدك ضل عامر بزوارك
وبأمانك ... ينتهل من حضرتك خطارك
وبمكانك ... للسمه ضل تسطع ابأنوارك
يل زمانك ... حيّريته ابعلمك واسرارك
يا رمز عالي بنظرنه انشوفك
نعتني المرقدك والله انطوفك
واليزورك من بعيد .. اخره ودنيه سعيد
ـــــــــــ
حصّلتهه ... المنزله جاي دمعتك عالضامي
ومن نلتهه ... صحت لجل السبي كل الامي
واهملتهه ... الدمعه عل صاحت الحكَوا اخيامي
وجن شفتهه ... تنادي عالتل كَوموا لمَوا ايتامي
الليل تبجي عالمشت مسبيّه
وتلطم اشما تذكر الترجيّه
وجيف جرحك ما يهيد .. اخره ودنيه سعيد
ـــــــــــ
الشاعر محمد حسن ضيغم
/channel/kasaedalatharDaygham
قال عامر الشعبي : ( تكلم أمير المؤمنين ( عليه السلام ) بتسع كلمات ارتجلهن ارتجالاً فقأن عيون البلاغة ، وأيتمن جواهر الحكمة ، وقطعن جميع الأنام عن اللحاق بواحدة منهنَّ ،
ثلاث منها في المناجاة ،
وثلاث منها في الحكمة ،
وثلاث منها في الأدب ،
فأما اللاتي في المناجاة فقال ( عليه السلام ) : ( إلهي كفى بي عزاً أن أكون لك عبداً وكفى بي فخراً أن تكون لي رباً أنت كما أحب فاجعلني كما تحب )
وأما اللاتي في الحكمة فقال ( عليه السلام ) : ( قيمة كل امرءٍ ما يُحسنه ، وما هلك امرءٌ عرف قدره ، والمرء مخبو تحت لسانه ) .
وأما اللاتي في الأدب فقال ( عليه السلام ) : ( امنن على من شئت تكن أميره ، واستغن عمن شئت تكن نظيره ، واحتج إلى من شئت تكن أسيره )
١٣رجب
تمت الزياره والصلاه والدعا في حرم الامام علي عليه السلام
نيابة عن كل اعضاء القناة
هل معاجز ياخلك صارت بهذا الدهر
فاطمه جابت علي وفاطمه جابت گمر
----
بت اسد بت ١٣ من رجب جابت علي
بكعبة الله الطاهره ولدت السر الجلي
حتى للكعبه صبح حاظر الشده ولي
وحايط الكعبه اله اجلال لعيونه انفطر
----
وفاطمه ام البنين بشهر شعبان اولدت
نقطه العز والوفاء من ابو فاضل بدت
زينب ابجيت الكفيل شافته وتبسّمت
وهله صاحت يالعضيد هله يل كلك فخر
-----
هاي مو صدفه ابد من تفكر بالجره
الاصل حيدر والفرع صار سبع الگنطره
الجنه بيهم كل وكت دومهه متبشّره
كل حرف منهم صبح كوثر وينبع نهر
----
ثنينهم صد للاسم وشوف ياحرف ابتده
العين يعني اصل النظر النور بيه انشاهده
ولوله اسم المرتضى وابنه ظلمه الافئده
عميه عين الماتشوف سرهم وعميت نظر
-----
مو شمع نعلگ الك نعلگ ارواح ومهج
ياعلي حجة اله اتفرّعت منك حجج
لوله حبكم ياعلي مات بالناس النهج
والترك حبكم لعين وبالاسلام الحق كفر
------
الشاعر محمد حسن ضيغم
هوسات لولادة الامام علي عليه السلام
ـــــــــــــــــــــ
الما يعشكَ علي ما يعرف الجنّه
وباب الرحمه والله عيب يتمنّه
بس اليهوى حيدر دوم يتهنّه
سيد بالجنّه ايسمّونه
ــــــــــــــــــ
فتحت بابهه الكعبه وشرف الهه
لمّن بت اسد متعنيه تدخلهه
تعرف بالولاده الفخر يشملهه
وبيت الله اتباهه ابميلاده
--------
من تطلكَ الحره الصوت ضل يطلع
صوتين الطلوكَ الدنيه ضل تسمع
صوت الكعبه صوت الجابت الانزع
وتنخّن حيدر بطلوكَه
ـــــــــــــــ
الشاعر محمد حسن ضيغم
/channel/kasaedalatharDaygham
ابوذيه
اليحبك دوم وي النفس ياراك
علي وتفزعلي بيه الحيل ياراك
مأمّن كون گبري يصير ياراك
لأن بالجار ربك حط وصيه
.....
الشاعر محمد حسن ضيغم
/channel/kasaedalatharDaygham
(راحت امنه)
بصوت :السيد علي الهاشمي
للشاعر :محمد حسن ضيغم
ابوذيه للزهراء عليها السلام
لگلبي اشگد دليلك شعر رد ليه
يمن عمري حنان وطيب رد ليه
فزّت زينبك والبيت رد ليه
يحيدر فرفحت كلش عليه
....
الشاعر محمد حسن ضيغم
/channel/kasaedalatharDaygham
ابوذيه للزهراء عليها السلام
امسحي الدم يفضه من يره الدم
اخاف ايموت ابني من يرى الدم
عليّه الباب شفته من يره الدم
ردم ظلعي وتهشّم بين اديه
....
الشاعر محمد حسن ضيغم
/channel/kasaedalatharDaygham
قصة سيدنا القاسم عليه السلام" - هاجر من الديار بسبب الضغوط اختار هذه المدينة واراد ان لا يجلس بدون عمل فاختار عمل سقاء الماء وتزوج بنت الشيخ وانجب منها بنت
....
/channel/kasaedalatharDaygham
والله صعبه عليه صدكَ هاي المصيبه
الحبيب الّي يصد ميّت حبيبه
من عكَبها فاطمه الدنيه غريبه
ــــــــــــــ
يا زماني .. العذّباني ...كَلبي مكسور وجرح دام بحياتي
انه حيدر .. شلون اكَدر .. ابقى اعيش وفاركَتني امنياتي
ظلمه دنياي وصفت عكَب الزجيه
اذكر الزهره واضل افرك بديه
رحتي عني ومابعد يالزهره جيه
شلون اهيد وخالي داري بلايه نورج
شلون ما كل ليله اجي الكَبرج وازورج
تعوّدت يم الكَبر اقره مصيبه
من عكَبها فاطمه الدنيه غريبه
ــــــــــــــ
فاركَتني ... وعذّبتني .. العاشت وياي العمر طيبه وحنينه
شلون اهجع ... وآنه اسمع .. لسه صوت امن الالم تبجي وحزينه
دوم تتراوالي صوره بعتبه الباب
طايحه الزهره وتنادي ضلعي انعاب
ويّه غيبتهه احسّن هالعمر غاب
يامصاب الزهره والله ما نسيته
الفاكَد بياحله يدخل هذا بيته
محنة الزهره صفت صعبه ورهيبه
من عكَبها فاطمه الدنيه غريبه
ــــــــــــــ
ها يروحي ... وكل جروحي .. تنزف شما مر علي واسمع اسمهه
ذكرياتي .. وامنياتي ... شلون انساهه و وسط عيني رسمهه
الماعرفت ال لا منهه بعمري كلّه
فراكَهه والله صعب وشلون احمله
قبله اليّه صارت وصرتلهه قبله
هي بس هي الشفتهه عيون اليّه
وهي بس هي الهوه اليدخل الريّه
جرحي لو ينزف فقط هي طبيبه
من عكَبها فاطمه الدنيه غريبه
ــــــــــــــ
رحمة الله ... ونعمة الله ... شلون ماتت والدمع يجري علخدهه
اكَبالي تبجي ... والي تشجي ... ونار من هل فاجعه تدي ابوجدهه
فاركَتني الجانت السلوه بحياتي
وياهه جانت امنيه يحصل مماتي
ويلي على جانت تسمّيني اغاتي
ربي ما خالق مثلهه ولا شبهه
ولا اكو بالدنيه كَلب بكد كَلبهه
حيدر عليهه يحكَ زايد نحيبه
من عكَبها فاطمه الدنيه غريبه
ــــــــــــــ
شلون راحت ... شلون صاحت ... اه من ضلعي الذي يلجم دليلي
عين حمره ... واثر سطره .. ومن ونين الزهره لا ما نمت ليلي
خدهه اسود والاصابع بانت عليه
وسكَط محسن منهه وبحسره تناديه
جفهه فوكَ ضلوعهه التنزف تخليه
النفس جان يعذب الزهره ويسلهه
تبجي مرّه امن الضلع مرّه الطفلهه
موتتي صرت آنه احس صارت قريبه
من عكَبها فاطمه الدنيه غريبه
ــــــــــــــ
الشاعر محمد حسن ضيغم
/channel/kasaedalatharDaygham
فاطميه — هل ليالي البيهه اجن
فاطميه — تگضي وارجع ليهه احن
كل حنيني — وكل سنيني
فاطميه
——-
مقامات العشگ تتجلّه للخادم
والرايد مقامچ يعشگچ لازم
الحوزه مجلسچ والبي حضر عالم
وفقهنه الحسره والدمعه على فاطم
يالزچيه - بدمعتي اعليچ اعتقد
يالزجيه - بس الچ آنه انوجد
كل عهودي - وكل وجودي
فاطميه
———-
ليالي امصيبتچ جرح اعله گد عمري
جرح من مهدي يمتد يوصل الگبري
لحضه شلون اغفل عنهه ماادري
ويردني العالمچ من يختنگ صدري
كل مسيه — ثمنطعش شمعه اوج
كل مسيه — اَحرِم ابحزني واحج
ودوم اساهر —- وابقى اكابر
فاطميه
———-
تسلهم عيني لحضه وينرسم منظر
ضلع مكسور ينزف والوجن احمر
منو الشايف عرش بالباب يتكسّر
وشمس من سطرة الملعون تتكوّر
عل وطيه — هوت من كثر الالم
عل وطيه — بچفهه چويه بچفهه دم
واللطمهه —- مارحمهه
فاطميه
———
اعد بدموع عيني واحسب الهه احساب
ليالي فاطمه البيهن علينه انصاب
اهيم بكل مصابي شما اصدّن باب
واصيح شلون ضلع ام الحسن ينصاب
ياعليهه —- شصبّرك يا بالحسن
ياعليهه — شلون اديك اتچتّفن
وانت حيدر —- وجرحك اكبر
فاطميه
———-
يامحنة الچبيره شلون اوصفهه
بچفنهه وابو اليمه كاعد ابصفهه
حضنهه بلوعته ويبوّس ابچفهه
حاچيني ييمه أبأخته حلّفهه
ثنين اديهه — طلّعت من الچفن
ثنين اديهه —- وحضنت حسين وحسن
والصدرهه
اتضم ولدهه
فاطميه
———-
يسلطان العشگ يارحمة الباري
اريد المحنة امك تلتهب ناري
ولاخر عمري يبقى مدمعي جاري
مثل دعبل انطيني نفحه لشعاري
يم ضريحك — انعى محنة عمّتك
يم ضريحك — ادري تهمل دمعتك
الهاشميه
بلا حميه
فاطميه
————
الشاعر محمد حسن ضيغم
على لحن محمد بوجباره ( مولانه مولانه حسين)
مولاتي مولاتي البتول
ــــــــــــــــــــ
عجيب وهل امر
يعصرون الطهر
وعلى الخد تنسطر
الضلع ضل منكسر
مولاتي مولاتي البتول
ــــــــــــــــــــ
يمملكة الشرف
شسبب ضلعج نزف
الدمع لا ما نشف
علي صاح الوسف
مولاتي مولاتي البتول
ــــــــــــــــــــ
سكَط منج جنين
عليه زاد الونين
صبح كَلبج حزين
لمن ناح الحسين
مولاتي مولاتي البتول
ــــــــــــــــــــ
ذكرتي كربله
جثث مترمّله
وسبايه العايله
واديهه امسنسله
مولاتي مولاتي البتول
ــــــــــــــــــــ
تعرفي الفاجعه
حسين ومصرعه
وحشاه امكَطعه
وأخوه عالمشرعه
مولاتي مولاتي البتول
ــــــــــــــــــــ
الشاعر محمد حسن ضيغم
/channel/kasaedalatharDaygham
أن الصبر جميل ولاكن على #فاطمه .ليس بجميل
ألانقلاب ...مشهد الغسل .
.
/channel/kasaedalatharDaygham
الى سعيد بن جبير رضوان الله تعالى عليه
في مصيبة استشهادة
يا سعيد ابن جبير انصارك
اليوم كلهه ابحضرتك خطّارك
ــــــــــــــــ
انت يا ناصر العتره ابكلمتك
بالخلق والطيب تسطع صورتك
من علي الكرار ماخذ ثورتك
وكل غيور ايطالب امسى بثارك
ــــــــــــــــــــ
دمك الطاهر نعرفه من نزف
ياعلي مولاي بي نسمع هتف
اكَبالك الحجاج مهزوم اعترف
رغم جوره ضل تشع انوارك
ــــــــــــــــــــ
ياعسعيد ابن جبير انت السعيد
اخره ودنيا ونلت فضل التريد
اتخلّدت مولاي جي اسمك شهيد
وندري مخفيه جميع اسرارك
ـــــــــــــــــ
حب علي ابدمك يدور وللحشر
جبل انت ابوجه عاصفة الكفر
الهل سبب شامخ الك هذا الكَبر
ونال اجره وفضله كلمن زارك
ــــــــــــــــــــ
اليوم كلهه اتعنّتك بمصيبتك
تنصب المأتك الك والعيلتك
وندري عالمذبوح تهمل دمعتك
من توزّع ماي كل زوارك
ـــــــــــــــــــ
الشاعر محمد حسن ضيغم
مقام الكرد
Https://ⓣelegram.me/kasaedalatharDaygham
💠 عن أبي سعيد الخدري قال: قال رسول الله (صلّى الله عليه وآله):
«إذا كان يوم القيامة قال الله تعالى لي ولعليّ بن أبي طالب أدخلا الجنّة من أحبّكما، وأدخلا النّار من أبغضكما، فيجلس عليّ على شفير جهنّم فيقول لها: هذا لي، وهذا لك، وهو قوله تعالى: ألقيا في جهنّم كلّ كفّار عنيد».
Https://ⓣelegram.me/kasaedalatharDaygham
١٣ رجب الاصب
💠 عن أمير المؤمنين عليّ (عليه السلام):
👈 «وَاعلَموا أنَّ عِبادَ اللهِ المُستَحفَظينَ عِلمَهُ يَصونونَ مَصونَهُ، وَيُفَجِّرونَ عُيونَهُ، يَتَواصَلُونَ بِالوِلايَةِ وَيَتلاقَونَ بِالمحَبَّةِ... فَكَانُوا كَتَفاضُلِ البَذرِ يُنتَقى، فَيُؤخَذُ مِنهُ وَيُلقى، قَد مَيَّزَهُ التَخليصُ، وَهَذَّبَهُ التَمحيص».
أسعد الله أيامكم بالخير واليمن والبركات وكل عام وانتم بألف خير بذكرى ولادة سيدنا ومولانا الإمام أمير المؤمنين عليه السلام
رزقنا الله وإياكم زيارته في الدنيا وشفاعته في الآخرة إنه سميع مجيب الدعاء.
Https://ⓣelegram.me/kasaedalatharDaygham
بمولدك ياعلينه ..احنه علكنه زينه
صحنه بسمك يابوطالب
مبارك ابمولد ولينه
ـــــــــــــــــــــ
يابو طالب هل ولاده ابد ما الها مثيل
غنت ادموع السعاده وصفكت ايد الدليل
الجنه للاملاك صاحت اشرب الكوثر سبيل
شرب عيسی وموسی منه وشرب من عنده الخليل
وشعظم هل ولاده .. تحله بيها السعاده
واحنه بالمولد حظرنه
جبنه وردات واجينه
ـــــــــــــــــــــ
الكعبه فتحتله كلبها وصار بالكعبه الوليد
والملائك ياعلينه رددت هذا النشيد
الحور من افضل جواهر سوت الثوب الجديد
وحده صار ابيت ربنه بس علي هو الوحيد
انزفلك احنه التهاني ..انت سر الاماني
من الولاده انت روحك
ياعلي طيبه وحنينه
ــــــــــــــــ
ياامام الدنيه كلها وانت عل عالم امير
انت روح وانت مهجه وانت عنوان الضمير
انت للوالاك تصبح ياعلي خير النصير
واليضدك ياعلينه يصبح ابأس المصير
انه لا مو مغالي ...شيعي آنه وموالي
ياعلينه وانت تدري
بحبك احنه اتجننينه
ــــــــــــــــــ
يانفس طه محمد انت نور الله الجبير
الكون كله من نقيسه نشوفه يم حرفك زغير
انت شمس الدين وانت المنوصف بدر المنير
وانه يامولاي صدك صرت بمحبتك اسير
فدوه الك كل حياتي ...بيك اعرف نجاتي
فدوه الك هذا عمري
فدوه الك كل سنينه
ــــــــــــــــــ
هل ولاده ياامامي ضمدت كل الجروح
الجنه من نفحات عطرك ياعلي صارت تفوح
ياجبل وجفوف خصمك الك ماكدرت تلوح
جسد هذا الكون كله وعاش جي بي انت روح
انت سر الخليقه ...حبك اعظم وثيقه
يابحر للمحنه ..
.. واحنه منّه ارتوينه
ــــــــــــــــــــــــــــــ
الشاعر محمد حسن ضيغم
/channel/kasaedalatharDaygham
🎀مولد الإمام علي ع🎀
دنيانه فرحانه * ابميلاد مولانه
ـــــــــــــــــ
انشق جدار البيت هليله بكرامه
ونولد بالبيت نبراس الامامه
الباري للمولود من ارسل سلامه
الكون كله اندار وتغير نظامه
والبيت جدرانه ** انشقت لمولانه
ــــــــــــــــــــــ
علكت زينه حور الله بسمانه
وابتشر هالكون نور الله من اجانه
نهر الولايه من مايه روانه
وبيت المحبه فك بابه احتوانه
ومن فتح بيبانه ** بالخير لمانه
ـــــــــــــــــــــ
بالكلب يسري حب حيدر ولينه
وكل محب تلكه اسمه بنص جبينه
فرّح ابجيته كل روح الحزينه
وفاض علعالم من منبع حنينه
ومن فيض احسانه ** ارتوت اكوانه
ـــــــــــــــــــــ
الكعبه طلكت بيه ساعات الولاده
وانكتب بالنور هذا اصل السياده
هله بالمولود جبرائيل وناده
الليل شع بنور وتكدر سواده
والطير ويانه ** غرد بألحانه
ــــــــــــــــــــــــــــ
تلثطعش ايام اسرار بيهه شفنه
تلثطعش معصوم واقع بي عرفنه
وكبله الهادي هذا السر كشفنه
اربعطعش معصوم للمحشر هدفنه
شيعتنه ربحانه ** والغير خسرانه
ــــــــــــــــــــــ
الشاعر محمد حسن ضيغم