5137
القصائد الرثائية للآل الأطهار ع
واويلي عليك انصيح
ــــــــــــــــــــــــ
ها يا موسى بن جعفر
اعليك ام الحسن تفتر
تكَلّك ضلعي اتكسّر
من شفته دماك ايسيح
ــــــــــــــــ
من سجن السجن خلّوك
بكيود العده كَيدوك
من نور الشمس حرموك
صوتك وصّلاه الريح
ـــــــــــــــ
هنا يل سمموا جبدك
ميّت بالسجن وحدك
ليش الظالم ايضدّك
واسمك بالعرش تسبيح
ـــــــــــــ
فاطم عينهه اتشوفك
الكَيد امجرّح اجفوفك
راح امن الالم شوفك
يمّك تنتهض وتطيح
ــــــــــــ
بصوت اتصيح يوليدي
كّوم والزم أبأيدي
ينزف دم من اوريدي
يا مسموم حيل اتصيح
ــــــــــــــــ
حضنت نعشك وتبجي
تنادي يالولد احجي
الجدّك رايحه اشجي
وأدعي ودعوتي متطيح
ـــــــــــــــ
الشاعر محمد حسن ضيغم
شويلي على المسجون مات بسجن هارون
ـــــــــــــــــــــــــــــــــــ
جمر المصيبه بكل كلب هاليوم لهاب
نفس الجرح هذا الجرح وي عصرة الباب
موسى بن جعفر ياخلك هسه اعلن غياب
بكثر الدمع لمصيبته ما ضلت عيون
ــــــــــــــــــــــــــــــــــــ
ياويلي من سجن السجن ومجتفه الايد
وآلامه كل يوم التمر بالفاجعه اتزيد
ماندري هارون الرجس من الوالي شيريد
جن ما يعرف الكاظم النوره مله الكون
ـــــــــــــــــــــــــــــــــــــ
السندي بن شاهك تسـّر عل امامه
ما هاب ابوه المرتضى وسره ومقامه
صاحب السجده تكفي لو هاي العلامه
بغضا لبو الحمله علي الجفه يكيدون
ماهمته قيود العده حيـّر اعاديه
ليل ونهار وبالدمع ربه يناجيه
سجانه من كثر الصلا ه ضل منشغف بيه
مو حكه كلمن شاهده يضل بيه مجنون
موسى بن جعفر صاحب السجده الطويله
ياوسفه نعشه اعله الجسر محد يشيله
حك الدمع فوك الوجن لجله نسيله
سمم جبدة الكاظم السندي الملعون
ــــــــــــــــــــــــــــــــــــ
الشاعر محمد حسن ضيغم
يا جسر جيت ارد انشدك هل مسيه
اقسم عليك بدمعتي رد عليه
يا صبر عندك بقه وعينك تشوفه بالنعش ضل والدي وكيد بجفوفه
ــــــــــــــــــــــــــــ
يا جسر خمد جمرتي ورد عليه يا جسر
شلون شفت الكاظم انت جان عندك يا صبر
هذا امام الرافضيه انصاب بسهام الغدر
كضه كل عمره سجين اشاف من هذا العمر
بالسناسل كيدوا جفه الاعادي
وبرحيله انت اسمعت ناده المنادي
ادري لو تكدر ابد لا ما تعوفه بالنعش ضل والدي وكيد بجفوفه
ــــــــــــــــــــــــــــ
انه ابو محمد وأنشدك والمدامع هامله
شفت دم يسيل جفه من مرار السنسله
اربع احماميل جانوا نعش ابوي التحمله
وعالجسر خلوه وسفه ونادوا بهاي المله
وين اخوته وصحبته خل يحضرونه
والدي وين الاحبة ايشيـّعونه
كلمن يحبه النعش لامس جتوفه بالنعش ضل والدي وكيد بجفوفه
ــــــــــــــــــــــــــــ
بالطوامير المظلمة وبسجن يتبع سجن
والكيود بجفه كتبت يا سجين المرتهن
حتى قضبان السجن وياه مصيوبه بحزن
وحيـّر السجانه ابويه ضل عليه يبجي ويون
وتالي سموه الاعادي بكل صلافه
هذا حاله يا حريمه ويا حسافه
مكيد ونص السجن لاكه حتوفه بالنعش ضل والدي وكيد بجفوفه
تسجد القضبان ضلت لو سجد راعي الوفه
بالسجن حير السندي الوالي اصل المعرفه
لاجن بسمه اللعين السدني من سمه اشتفه
وذاك هارون الرشيد بحقد ثابت موقفه
ظالم الظالم تجاسر عل امامه
من رحل ليل الحزن بين ظلامه
دهري عالوالي بحقد شاهر سيوفه بالنعش ضل والدي وكيد بجفوفه
رد عليه وكلي حسره ياجسر رايد جواب
شلون من شفت الجنازه ما صرت كلك تراب
مثل ابوي وهذا وضعه ياهو يحمل هل مصاب
هم شفت ذيج الرزيه وهم نزل دمع الغياب
عالجسر والجمعه عنوان الرزيه
لطمت اعله الهامه كل الجعفريه
والوداع اعله الشمس يكتب حروفه بالنعش ضل والدي وكيد بجفوفه
ــــــــــــــــــــــــــــ
الشاعر محمد حسن ضيغم
يبويه .. ريتي ميته وبالكَبر
يبويه ... ولا اشوفك عالجسر
ــــــــــــــ
آنه معصومه يبويه والهظم بجّاني
صحت ليش الوالي وحدي وحايره خلاني
بس اخوي الرضا يمي بعيده كل اخواني
والله يابويه اعله فكَدك تلتهب نيراني
يبويه .. ماردت هذا العمر
يبويه ... ولا اشوفك عالجسر
ــــــــــــــ
غبت عني وكَلت باجر يرجع ايطب داره
وكَلبي من فراكَاك بويه جمر تلهب ناره
بالسجن خلصت عمرك يبن حامي الجاره
والدي كل يوم انشد خويه شنهي اخباره
يبويه ...والله ملاني الصبر
يبويه ... ولا اشوفك عالجسر
ــــــــــــــ
فاركَتني وانه بعدك ساهرت كل ليلي
واذكرك يابويه وابجي وحيل ينهد حيلي
جنت كل مصباح بويه اسمع اتناديلي
ريت ويا رحيل نعشك صار بويه ارحيلي
يبويه ...وشصعب هذا الامر
يبويه ... ولا اشوفك عالجسر
ــــــــــــــ
سمموك اعداك بويه والقيود بأيدك
ومادره بهل حال ابدا حتى كَلب اوليدك
ليش عني امشي وانت تدري روحي اتريدك
وانه دم كل لحضه اسري بمصب هذا اوريدك
يبويه ..خاطري ضل منكسر
يبويه ... ولا اشوفك عالجسر
ــــــــــــــ
عالجسر مطروح نعشك وانت نسل العتره
وياي اجت تحضر مصابك امي هاي الزهره
اربع احماميل شالو نعشك وبالعبره
فاطمه تهل المدامع الضلع رد ابكسره
يبويه ..رد ضلعهه المنكسر
يبويه ... ولا اشوفك عالجسر
ــــــــــــــ
الشاعر محمد حسن ضيغم
علي النور وفروعه امست ولاده
العليل ابحبه ميضل بي ولاده
برجب عند الله هي اعظم ولاده
ولادة علي حماي الحميه
...
الشاعر محمد حسن ضيغم
ياهو اول بلا ثاني .... علي علي
ياهو عشكَ رباني ..... علي علي
حيدر حيدر
ــــــــــــــــ
ياهو الّي قالع خيبر .... علي علي
وبجفّه ساقي الكوثر .... علي علي
وياهو التوصّف حيدر .... علي علي
وضل ينبض بشرياني .... علي علي
حيدر حيدر
ــــــــــــــــ
بس هوّ يصلح قائد ..... علي علي
ويوم القيامه شاهد ..... علي علي
مذكور راكع ساجد ..... علي علي
اسمه شهد بلساني ..... علي علي
حيدر حيدر
ـــــــــــــــــ
ياهو وزير الهادي ..... علي علي
وجبريل بسمه ينادي ..... علي علي
لو بيدي اسمّي اولادي ..... علي علي
حروفك علي تيجاني ..... علي علي
حيدر حيدر
ــــــــــــــــ
يبقى نداء الشيعه ..... علي علي
غيرك ولي منطيعه ..... علي علي
بس الك تحلى البيعه ..... علي علي
شيعي يضل عنواني ..... علي علي
حيدر حيدر
ــــــــــــــــ
ياهو الّي الرد شمس الله ..... علي علي
وعليه ربّك صلى ..... علي علي
والمرقده نوصلّه ..... علي علي
ملكه الكَلب ولساني ..... علي علي
حيدر حيدر
ــــــــــــــــ
تنور السماء ابنوره ..... علي علي
تلوذ الخليقه ابسوره ..... علي علي
كَال النه حين انزوره ..... علي علي
اشفع لمن زاراني ..... علي علي
حيدر حيدر
ــــــــــــــــ
الشاعر محمد حسن ضيغم
هوسات
الامام الجواد
----
امام أو واجب اعله العالم اتطيعه
ونتباهه اذا نادينه الك شيعه
عمرنه سيدي بس لجلك انبيعه
(والروح ابحبك مرهونه)
------
يا تاسع امام وربنه بيك اوصى
عليك الله ورسوله بالعرش صلى
مفتاح الجنان ابحبك انحصله
(وحبك مفتاح الكل جنه)
----
جواد العتره انت ونفتخر بسمك
يل فوكَ العرش ضل منطبع رسمك
دم طه النبي ومن جسمه كل جسمك
(كل مصدر نورك من نوره)
-------
عشر اسنين عمرك حيّرت ناسك
وتاج الدين ضل يتفاخر براسك
تسبيح الملائك صارت انفاسك
(علمك حيّرنه بأعجازه)
----
الشاعر محمد حسن ضيغم
/channel/kasaedalatharDaygham
فاطمه الليله تبجي وحزينه
ــــــــــــــ
بكسرة ضلع تبجي اجت ... تنادي بحزن ها يالولد
ها يا أنه امك فاطمه .. يالهادي دلالي انمرد
رد ضلعي ينزف من شفت ...جبدك يمن جنت السعد
حيل الطمت راسي وصحت .. من اولادي جا ضلّي اشبعد
يمك انوحن حايره ... ودم ضلعي اشوفنه جره
وجهك تغيّر بالالم ... منظرصعب اتصوّره
يبني اجيتك أنه من المدينه
حايره بحسره امشي وحزينه
محني ظهري يروحي وفؤادي
ثمنطعش عمري خلصن سنينه
فاطمه الليله تبجي وحزينه
ــــــــــــــ
السامره جيت ابدمعتي ... مصابك يجمّل قصتي
جم شمعه طافيه الزمن ... جمّل لي فكَدك شمعتي
يم نعشك ادموعي جرت ... واندب يبعد ارويحتي
يسمّونه جبدك يا سبب .... بهل حاله زادت محنتي
الزم جفوفك حيل اون ... وجن ردّ الي بيت الحزن
كَدامي عينك غافيه ... لو ميّت شجندوب اضن
سطرة العين رجع ليّه المهه
وامك الزهره باكَوا حلمهه
سنيني متطشره يبني اعله نعشك
ماكو واحد اشوفن يلمهه
فاطمه الليله تبجي وحزينه
ــــــــــــــ
كل فتره يلجمني الزمن ... وأفكَد شمس من الصبح
لو يكَضي سم منهم اصد ... لو منهم ايشوف الذبح
لو جبدته متوذّره .... لو راسه عالي اعله الرمح
لو عالثره اتسحكَه الخيول .... لو مرمي ويلي اعله السطح
من محنه انه الفاجعه ... متعذّبه ومتروّعه
كل واحد التعنّه اله ... لازم انوح ابمصرعه
يا زماني شجنيت بحياتي
وتنذبح ويلي كل امنياتي
افكَد اولادي غفله شذنبهم
فاطمه يا اشد نايباتي
ــــــــــــــ
الشاعر محمد حسن ضيغم
صلوات صلوات على الزچيه فاطمه
------
الطهر امّ ابيها
الوحي خادم يجيها
عبد من يعتنيها
لسان الله بحچيها
صلوات صلوات شعّت ضوه بكل السمه
-----
الملائك تسجد الهه
انخلقت آنه لجلهه
شرف خادم لهلهه
عدل الله بعدلهه
صلوات صلوات على التسير اويالدمه
------
السمه صارت مهدهه
مفاتيح الله عدهه
يود الله اليودهه
فلا نسوه بعدهه
صلوات صلوات على گلب حامي الحمه
------
اصل صومي وصلاتي
وتحقق امنياتي
إنه افديهه بحياتي
بسم فاطم نجاتي
صلوات صلوات كوثر يروّح كل ضمه
-------
اميره اعله البرايه
اصل كل الهدايه
الطهر سر الولايه
يأعظم والله آيه
صلوات صلوات بيهه الجنان امتيّمه
-------
☘️الشاعر محمد حسن ضيغم
انهني المختار سيد البريه
ياشيعه وبميلاد امنه الزجيه
ــــــــــــــــــــــ
ياشيعه هالميلاد فرح كلبنه
انحبهه ام حسين وهي تحبنه
واجمل حفل هاليوم الهه نصبنه
ومن نذكر الزهراء ناخذ تحيه
ـــــــــــــــــــــــ
هاي الشموع اتنور لام الميامين
فاح العطر هاليوم وي الرياحين
انهني داحي الباب والحسن وحسين
والهادي رب الكون انطا هديه
ـــــــــــــــــــ
تفاحة الجنات اصل الهدايه
واطيب نهر بالكون نهر الولايه
الزهر هام حسين خير البرايه
وانسلم عليهه صبح ومسيه
ــــــــــــــــــــــــــــ
عدنه طلب وانريد منج شفاعه
يامن الج كلنه سمعا وطاعه
ندري القيامه هناك ساعتهه ساعه
حبج يطفيهه نار السريه
ــــــــــــــــــــــــــــــــــــ
ام الحسن وحسين انتي الشفيعه
واحنه الج يازهراء مولاتي شيعه
حبج لحد الموت لا ما نبيعه
نورج مله الاكوان شع عالوطيه
ــــــــــــــــــــــــــــــــ
الشاعر محمد حسن ضيغم
الشاعر محمد حسن ضيغم:
هوسات بمناسبه ولاده الزهراء عليها السلام
طبع النور يولد حتما امن النور
وفاطمة الزچيه سر صعب مستور
اي والّي،خلقها والنزل عل طور
بضعة هادينه انواليهه
……… ..
ام الحسن جنه وحبها اعظم باب
والخلق الوجود ام الحسين اسباب
بدر الطاهره الهذا الوكت ماغاب
نور الله الزهره ايسموهه
…… .
نحضر بالحفل ونهنّي هادينه
وهاي الدره نفحة عطر والينه
بالزهراء نفرح لو تسمّينه
زهرائيون ايسمّونه
……
الشاعر محمد حسن ضيغم
/channel/kasaedalatharDaygham
لسان مولاتي زينب مع السيده رقيه
في الشام
..
یعمه ادریبه نفسچضاگ بالشام
وشفتي بالسبي مأساة بالشام
الهظمني من دخلنه السوگ بالشام
شفت باعوا تراچیّچ رقیه
.
الشاعر محمد حسن ضيغم
/channel/alnaay2022
نعي
مشيت وبعد محّد ضل لخيتك
وحادي النوگ دربه ضل لخيتك
انسمع صوتي او شافوا ضل لخيتك
وأنه بجالك فلا مشيوف اليه
...
الشاعر محمد حسن ضيغم
/channel/alnaay2022
نعي
موقف عندما نظرت زينب عليها السلام الفضل على متن ام البنين وكأن لسان حالها.
.....
الفضل من شاف زينب هل دمعته
صاحت زينب احساسك عرفته
هله يل بيه ريحة كافل اخته
شفتك عمه والكافل ذكرته
....
الشاعر محمد حسن ضيغم
وحكَ جمرات الدموع
اجيت الطم عل ضلوع
يموسى اكَليبي مفجوع
أنه امك فاطمة الزهره
ـــــــــــــــــــ
عفت كَبري وتعنّيت
عباتي امترّبه اوجيت
علنعشك حيل ونّيت
الام نعشك اتحضره
ــــــــــــــــــــ
عليّه يبني خايف
ادكَ ابصدري شايف
رجع دم ضلعي نازف
ألم من ضلعي أوكسره
ــــــــــــــ
شفت بجفوفك اكَيود
علجبدك جبدي ممرود
صرت الطم عل خدود
اكَوم وأهوه عالغبره
ـــــــــــــــــ
تذكّرني بمصابك
يضي عيني وعذابك
بدمه اجفوفك خضابك
الجفوف امن الدمه حمره
ــــــــــــــ
لجنّج يبني شيعوك
بماي وسدر غسلوك
وتالي بكَبر دفنوك
وحال حسين بيه ادره
ـــــــــــــــــــ
بس حسين بآلام
ضل عالغبره أيام
عاري جدّك ينام
وجثت حسين متوذره
ــــــــــــــــــ
حزّوا راسه بالسيف
وجهه غيّره الصيف
راسه اعله الرمح حيف
وزين عينهه اتنظره
ـــــــــــــــــ
الشاعر محمد حسن ضيغم
يا امامي ياشهيد
ــــــــــــــــ
صاح صوت الناعي كبـّر
اليريد اليوم يحضر
يشيعه الموسى بن جعفر
مات وبسجن الرشيد
ـــــــــــــــــــــــــــ
للجسر خل يعتنيله
والدمع عالخد يسيله
النعش عالهامه يشيله
والحزن عدنه يزيد
ــــــــــــــــــــــــ
النعش نكصد نشيعه
بلوعه وبحسره نودعه
هذا دين الله وشرعه
نوره من ربنه المجيد
عالجسر نعش الامامه
الكون مملي بظلامه
الدهر صوبنه بسهامه
جرح ماضنه يهيد
كل بني العباس ضده
جي علي الكرار جده
آه ياسم المضهده
وكل دوه ماضن يفيد
ربي العن ابن شاهك
ربي راويه المهالك
خازن النيران مالك
بالعذاب عليه يزيد
الشاعر محمد حسن ضيغم
يا جين المثلك بزنزانه
حير بكد الصبر سجانه
موسى بن جعفر
ـــــــــــــــــ
الكون بيك احتار يا امل دنياي **يا صبر صبرك
وارث السجاد مصدر العباد خلّصت عمرك
والملائك تعتني واتطوفك
طول وكتك ساجد انت اتشوفك
موسى بن جعفر
ـــــــــــــــــ
بيك يا مولاي احتار جم طاغوت ونكّست هامه
يطول عمرك كام وهو دايخ بيك تنقص ايامه
وبصلاتك لو شلت جفينك
الكون كله يجي يبوس اجبينك
موسى بن جعفر
ـــــــــــــــــ
تصلي للمعبود وبصدى التسبيح احتار سجانك
باب للحاجان يا امام الكون** صار عنوانك
صرت كلك معجزه ايشوفونك
الشمس تاخذ نور من عيونك
موسى بن جعفر
ـــــــــــــــــ
موسى بن عمران صرت يالمسموم وبيك اياته
السامري وفرعون السندي وهارون ونفس غاياته
انت لو رايد تشق ابحارهه
بس تأر تلتهمهم نارهه
موسى بن جعفر
ـــــــــــــــــ
مرقدك لليوم كعبه للزوار عونه اليطوفك
انت وجه الله انت سر مكنون العاشك يشوفك
يا ضوه بلياه تعمه عيونه
بيك مجنونين ويلومونه
موسى بن جعفر
ـــــــــــــــــ
الشاعر محمد حسن ضيغم
لمولد الامام علي عليه السلام
.
الكعبه يابو ترابهه .. علي ياعلي
بس الك فتحت بابهه ..علي ياعلي
.........
يا واحد وأوحد الك هل خصله
والباري بسمك جعل مصدر فضله
الله بعظمته عليك حيدر صلى
وعندك فضل ماواحد اليوصله
هل دنيه من اسبابهه.. علي ياعلي
بس الك فتحت بابهه ..علي ياعلي
............
يا اول السجدت الك املاكهه
ولولاك مادارت ابد افلاكهه
والعادتك علنت عظم اشراكهه
الدنيه من دونك صفت متهالكه
رغم السقيفه اصحابهه .. علي ياعلي
بس الك فتحت بابهه ..علي ياعلي
...........
الكعبه بيك اتشرفت ياحيدر
والعالم العلوي بضواك اتنور
انت بيمنتك يجري نهر الكوثر
سهله الجدار ابمولد يتفطر
............
يارب جميع اربابهه .. علي ياعلي
بس الك فتحت بابهه ..علي ياعلي
كل انبياء الله بيك اتفاخر
انت امام الكون بالحق صاير
ياحيدر الماطاع امرك كافر
اخره وكل دنياه حتما خاسر
روحك تحب احبابهه ..علي ياعلي
بس الك فتحت بابهه ..علي ياعلي
............
ايد الله انت ياعلي واسرارها
وفووض الك الله جميع اقدارها
من اسمك تفوح الجنان ازهارها
وبالمولد الفردوس تضوي انوارها
باجر عليك احسابها.. علي ياعلي
بس الك فتحت بابهه ..علي ياعلي
.........
....
الشاعر محمد حسن ضيغم
/channel/kasaedalatharDaygham
ياعلينه ياعلينه ياعلينه ... حيدر
ــــــــــــــــ
انت بس انت الذي بالبيت مولود ... حيدر
والخصال العظمى بس الشخصك اتعود حيدر
البيت للمولد شهد
الكعبه صارتلك مهد
الليله فرحت كعبة الله والمدينه ... حيدر
ــــــــــــــــ
هل امر اغضب وحكَك كل اميه ... حيدر
وجي نحبك صار اسمنه الرفضية ... حيدر
غصباً اعله الناصبك
حرب للي حاربك
احبابك احنه يبو الحملع تدري بينه ... حيدر
ــــــــــــــــ
يا وليد الكعبه اسمك رغم الانذال ... حيدر
شما يحرفون الفضل ينذكر ما زال ... حيدر
ينكروهه قرّوا
حرّفوهه وأعجزوا
سنين الهه وعجزت الزمره اللعينه .... حيدر
ــــــــــــــــ
انت يا اول واخر كهف الاسرار ... حيدر
الله بس للي يبغضك خالق النار ... حيدر
الله خالق كلشي الك
بسمك يدور الفلك
اخره وبالدنيه ربّان السفينه .... حيدر
ــــــــــــــــ
عهد لاخر نفس نبقه والله وياك ... حيدر
نبرأ والله من السقيفه الجمعت اعداك ... حيدر
يامن الضدّك خسر
مانعوفك لو وذر
بس الك يا بالحسين انمد اينه ... حيدر
ــــــــــــــــ
الشاعر محمد حسن ضيغم
/channel/kasaedalatharDaygham
دنيانه فرحانه *** ابميلاد مولانه
ـــــــــــــــــ
انشق جدار البيت هليله بكرامه
ونولد بالبيت نبراس الامامه
الباري للمولود من ارسل سلامه
الكون كله اندار وتغير نظامه
والبيت جدرانه **** انشقت لمولانه
ــــــــــــــــــــــ
علكت زينه حور الله بسمانه
وابتشر هالكون نور الله من اجانه
نهر الولايه من مايه روانه
وبيت المحبه فك بابه احتوانه
ومن فتح بيبانه **** بالخير لمانه
ـــــــــــــــــــــ
بالكلب يسري حب حيدر ولينه
وكل محب تلكه اسمه بنص جبينه
فرّح ابجيته كل روح الحزينه
وفاض علعالم من منبع حنينه
ومن فيض احسانه **** ارتوت اكوانه
ـــــــــــــــــــــ
الكعبه طلكت بيه ساعات الولاده
وانكتب بالنور هذا اصل السياده
هله بالمولود جبرائيل وناده
الليل شع بنور وتكدر سواده
والطير ويانه **** غرد بألحانه
ــــــــــــــــــــــــــــ
تلثطعش ايام اسرار بيهه شفنه
تلثطعش معصوم واقع بي عرفنه
وكبله الهادي هذا السر كشفنه
اربعطعش معصوم للمحشر هدفنه
شيعتنه ربحانه **** والغير خسرانه
ــــــــــــــــــــــ
الشاعر محمد حسن ضيغم
جديده
لولادة الامام الجواد عليه السلام
ربي صلِ على اسم الجواد
ــــــــــــــــــ
بالولاده نشعل اشموع الفرح
وباب جنه ربنه هالليله انفتح
كل محب ملهوف للملكَه صُبح
كل ذنب هالليله يا شيعه انمسح
والّي رايد نعم ياخذ مراد
ربي صلِ على اسم الجواد
ــــــــــــــــــ
رجب عاشر يوم بيه بدر ويشع
الكون هالليله اله يشعل شمع
بالحفل بالزينه خلّي ننجمع
وصوت للمنشد ابحبّه نستمع
هل فرح بينه هاي الليله زاد
ربي صلِ على اسم الجواد
ــــــــــــــــــ
الامام الرضا الليله ابفرحته
عالجواد الصار يهمل دمعته
الحور بالميلاد كلهه حضرته
وبيدهه اتعنّته وشعلت شمعته
شافع النه اذا نادى المناد
ربي صلِ على اسم الجواد
ــــــــــــــــــ
الليله معصومه تهز مهد الولي
ومن تلوليله تنادي ياعلي
احفظ المولود يا هيبة هلي
ابن اخوي وغيره بالدنيه شلي
ياعلي تنادي وأتهز بالمهاد
ربي صلِ على اسم الجواد
ــــــــــــــــــ
الفرح حتى بالسمه ضل منوجد
والعرش يوم الولاده منسعد
ربي اقبلني على ابوابه عبد
كَلبي وي حبّه عقد ضل منعقد
جي احبه اضد اهل العناد
ربي صلِ على اسم الجواد
ــــــــــــــــــ
الشاعر محمد حسن ضيغم
/channel/kasaedalatharDaygham
يا زهراء ... مولاتي .. من دونج.. ماعندي .. شفيعه
يا زهراء ...يا فاطمه... ياحره .. ويادرّه ... اووديعه
مولاتي فاطمه .. مولاتي فاطمه ... يا زهراء
ـــــــــــــــــ
مولدج خير الله نازل عالخلك حين النزل
ونور ربنه بالولاده فاطمه والله اكتمل
حبج امن الباري اصبح فاطمه خير العمل
انتي مولاتي الشفيعه وللخلك انتي الامل
وبنورج .. يافاطم ... ضوّيتي ... الوسيعه
يا زهراء ...يا فاطمه... ياحره .. ويادرّه ... اووديعه
مولاتي فاطمه .. مولاتي فاطمه ... يا زهراء
ـــــــــــــــــ
الجنه لو ما اسمج يفاطم جان موجنه اصبحت
ولا اثر الهه بسمانه ولا ابواب اتفتّحت
الدنيا يا مولاتي بسمج بالضياء اتصبّحت
وكل حقيقه من الاله بنورج انتي اتوضّحت
ياديني .. وتكويني ... ومعناة .. الشريعه
يا زهراء ...يا فاطمه... ياحره .. ويادرّه ... اووديعه
مولاتي فاطمه .. مولاتي فاطمه ... يا زهراء
ـــــــــــــــــ
انتي ياقدسيه الله وانتي سر ما منعرف
عرش ربنه الحيّرانه والله لا ما ينوصف
من رضاتج يالزجيه انّول من ربنه اللطف
يلّي عندج كل حروف ا لاسم الاعظم مو حرف
من نورج ... واسرارج ... خجلانه .. الطبيعه
يا زهراء ...يا فاطمه... ياحره .. ويادرّه ... اووديعه
مولاتي فاطمه .. مولاتي فاطمه ... يا زهراء
ـــــــــــــــــ
الدنيه لو ما نور وجهج جان ضلّت بس ضلام
انتي يا زوجه امام او وكل ولد منج امام
حتى الله وبكتابه الج ضل يبعث سلام
الما يصلّي اعليج والله ماعرف طعم الهيام
بس امرج ... يافاطم ... ضل واجب نطيعه
يا زهراء ...يا فاطمه... ياحره .. ويادرّه ... اووديعه
مولاتي فاطمه .. مولاتي فاطمه ... يا زهراء
ـــــــــــــــــ
مولدج آيه وجودي وحكَي من اسجد شكر
ولوله عطرج يا فخرنه الكون لا ما بي عطر
تنحني كل القوافي ابّابج ويوه الشعر
انتي يا شهر الصيام وانتي يامعنى القدر
مولاتي ... يل شانج .. ذو الرتبه ...الرفيعه
يا زهراء ...يا فاطمه... ياحره .. ويادرّه ... اووديعه
مولاتي فاطمه .. مولاتي فاطمه ... يا زهراء
ـــــــــــــــــ
الشاعر محمد حسن ضيغم
سورة النور اسمهه
فاطمه الخير علمهه
فاطمه فاطمه فاطمه
ـــــــــــ
بالمدينه عالبريه اشرق النور
يم خديجه بهل ولاده نزلت الحور
فاطمه سور الكرامه شمعظم السور
والوجود بهل مسيه كلّه مسرور
والورد فاح اريجه
ولدت النور خديجه
فاطمه فاطمه فاطمه
ـــــــــــ
شمعة الهادي او وردته فاحت اليوم
الجنه والولدان يمهه تفتر اتحوم
شجره باجر تثمر النه انوار معصوم
بالجنان اسم الزجيه هناك مرسوم
الباري النه اصطفاهه
بان عالكون ضواهه
فاطمه فاطمه فاطمه
ـــــــــــ
من كَبل يوم الولاده سر بسمهه
جانت ابطن الشريفه اتحاجي امهه
حتى جبريل افتخر يدرس علمهه
الله بنوار الجلاله من رسمهه
خالق الكون لجلهه
سر الاسرار اصلهه
فاطمه فاطمه فاطمه
ـــــــــــ
فاطمه يا آية الله اعله البريه
كفؤ الهه بس علي حامي الحميه
اسيا ومريم خدم جن للزجيه
فاطمه بعرش الله انوار المضّيه
بحبهه هالكون متيّم
تطفي جمرات جهنم
فاطمه فاطمه فاطمه
ـــــــــــ
بالحشر ماكو شمس يهل الكرامه
ينوّر المشحر غدا هاي العلامه
النور لو من فاطمه اتصير ابتسامه
ويستطع المحشر ضوه بنور الامامه
امنه فاطم ضواهه
عين الاحباب ملاهه
فاطمه فاطمه فاطمه
ـــــــــــ
الشاعر محمد حسن ضيغم
هوسات لولادة
مولاتنا الزهراء
-----
تفاحه الجنه الهادي عنج گال
دنية صوم چانت وانتي جيتي اهلال
بس لسمچ وقف يافاطمه الدلال
(وبأسمچ طابو امسجلينه )
----
المايعرف محبتچ هذا مو انسان
يل صرتي لباب اهل الشرف عنوان
من اقره حروفچ اقره بالقرآن
( والجنه بنورج مخلوقه ))
------
باب الرحمه بابچ دوم ما ينسد
يا بضعة الهادي المصطفى الامجد
فرقد ملكوتي او ولد من فرقد
((واسمّچ باللوح امسجلينه))
----
الشاعر محمد حسن ضيغم
نعي
لسان حال مولاتي زينب
مع الامام الحسين
بمصابك عگلي ياخويه بعد هاي
عميت وچنت اگوللك بعد هاي
الجبتهه امدلله اخلافك بعد هي
غريبه مچتفه وتمشي،سبيه
..
الشاعر محمد حسن ضيغم
/channel/alnaay2022
نعي
لسان حال العليله عليها السلام
.
هلي يل شايله ابروحي شگلهم
مشوا عني وبقه ابگلبي شگلهم
الينشد وينهم اهلچ شگلهم
حرت والطف خذاهم من اديه
...
الشاعر محمد حسن ضيغم
.
/channel/alnaay2022
نعي
ما وفوا ناس التضنهه اتوافي
ها يجدي او فطرولي اشفافي
سوطهم ضل يلعب اعله چتافي
انظرب وانه اگلهم كافي
....
الشاعر محمد حسن ضيغم
ابوذيه
گلب ام البنين النوح طبعه
وصار الحزن والحسرات طبعه
بچفهه فوگ خدهه اثر طبعه
بكثر ما لطمته علبن الزچيه
.....
الشاعر محمد حسن ضيغم
/channel/kasaedalatharDaygham