5137
القصائد الرثائية للآل الأطهار ع
صلوات صلوات على الامام المرتضى
----
يحيدر يا امامي
الك ابعث سلامي
يحبي وكل غرامي
الك يبقى هيامي
صلوات صلوات صوت وملى كل الفضا
-----
الك يبقى ولائي
يحيدر وانتمائي
حسيني كربلائي
اوقّع بالدماءِ
صلوات صلوات يامن محبتك موعضه
-----
بغديرك ليك ابايع
يبو الحمله وأشايع
بدونك ابقى ضايع
يأوّل موش رابع
صلوات صلوات فاز الذي بحبك حضى
----
امد چفي وانادي
مع صوت المنادي
علي وارث الهادي
رغم كل الاعادي
صلوات صلوات كلمن يبغضك نرفضه
-----
علي تسري ابوريدي
غديرك هو عيدي
الك بس ارفع ايدي
علي اجمل نشيدي
صلوات صلوات نرددها رغم الما رضا
------
الشاعر محمد حسن ضيغم
مولد للغدير /٢
.
ياعلي المابايعك عاش بألم
وبالقيامه اصبعه ايعضّه بندم
.....
ياعلي انت الاصل للمعتقد
والوجود بأكمله ليك انوجد
انت سر البسمله وسر الاحد
اللوح انت ياعلي وانت القلم
.......
كلشي ابلياك صفر وعليسار
واليضدك ياعلي ماله اعتبار
منهو مثلك عشگ منشقله الجدار
ومنو مثلك كلمن يضدك صنم
......
انبايعك ونجدد البيعه الك
يمن صح لولاك مادار الفلك
شرف ليه يسجد أبابك كل مَلَك
نورك اعله الجبل خلوه وانهدم
......
البيعه من الذر الك لاخر زمن
الشيعي نبضه يندبك يابالحسن
بكيفك الله امخلّي صك جنة عدن
وفاز كلمن بيك يالوالي اعتصم
........
انت كلشي وكلشي منك منخلق
انت بيدك كل امرنه والرزق
انت نورك لاح يسطع بالافق
وعلى متن الهادي الك موضع قدم
......
يا لسان الله النطق وكت العروج
انت سر ابحارها وسر البروج
الارض لو ما يمنتك ضلت تموج
الرفض هاي اسرارك يعيش ابوهم
......
الشاعر محمد حسن ضيغم
/channel/kasaedalatharDaygham
كل عام وانتم بالف خير
بفضل السلطان
تمت الزياره من داخل الصحن الرضوي الشريف نيابة عن كل اعضاء القناة
مولد لذكرى
تزويج النور من النور
ــ
الليله فرحانه الارض وي السمه
الليله تزويج الوصي من فاطمه
ـــــــــــــــ
الليله كل الكون غاطيه الفرح
وكل كَلب للفرحه والبسمه انشرح
باب رب الرحمه للناس انفتح
وشعّت اعله الناس دنيه المظلمه
ـــــــــــــــ
الليله رب الكون بشّر هالنبي
وخصّه بالبشره التي ما تنجلي
كَلّه زوج ام الائمة من علي
كفو ما الهه فقط حامي الحمه
ــــــــــــــ
امر تزويج الوصي من الاله
وخبر يملي ارضه ويطش بسماه
علي كفؤ الفاطمتهم من سواه
علي بس هو ينول المغنمه
ــــــــــــــ
النور من النور تزويجه امر
امر سرّه اعله الخلايكَ مستتر
نور واحد علي وفاطمة الطهر
علي الساقي وهيه النه العاصمه
ـــــــــــــــ
السمه والارض نشرت زينه
بيوم تزويج الوصي والينه
واحنه نحيي الحفل والهادينه
نزف تهاني رغم ناس اللايمه
ــــــــــــــــ
نفرح احنه وما نبطل افراحنه
وللفرح حضرنه كل ارواحنه
يفوح هليله عطر قدّاحنه
وهل الحفل للمهدي احنه انقدّمه
ـــــــــــــــ
الشاعر محمد حسن ضيغم
للامام الجواد
على لحن عمار الكناني
اماه يازهراء
ويلاه ... يضي عيني
ــــــــــــــــ
اجيت وابجي يوليدي ودمعتي بخدي تجويني
ردت تكعد يماي العين الي يبني وتحاجيني
ليش بمحنتك هاذي تلوعني وتأذيني
ويرد بيّه مصاب الباب وأرد انحب تخلّيني
دنياي ... تأذيني .. ويلاه ... يضي عيني
ـــــــــــــ
جواد العتره يوليدي يسمونك وسف والله
يمن حتى العرش بسمك يسلم اسمع وصلى
شلم من جبدتك وانت تضل وصله بكتر وصله
بجتلك هل رجس باجر صقر ينتظره ويحصله
مسموم ... ضوه سنيني ... ويلاه ... يضي عيني
ــــــــــــــــ
انه الزهره واجيت انصب الك ماتم وأون لجلك
مرد روحي ييبو الهادي مصابك يبني او جتلك
تنوح الكاظميه ابهم بزمانك ما شخص مثلك
ينور الله يسمونك ويفجعون العده اهلك
آهات يراويني ويلاه ... يضي عيني
ـــــــــــــــــ
حزينه وشيعتك مثلي تون والليله مفجوعه
ومناحتها وبواجيهه اعله فكَدك يبني مسموعه
ذاك اليبجي ذاك الي يدك بيده على ضلوعه
وذاك من الالم لجلك دليله شكد حمل لوعه
فكدك ... يبجيني ويلاه ... يضي عيني
ــــــــــــــــ
فرق بينك يبو الهادي وبين الضل على الغبره
يروحي اتشيّعت انت وعزيزه محد ايحضره
صح مسوم يوليدي وحسين الي انكطع نحره
وخيل الكوم يوم الطف غارت تسحك ابصدره
كل نوح ... علة حسيني ويلاه ... يضي عيني
ــــــــــــــ
الشاعر محمد حسن ضيغم
/channel/kasaedalatharDaygham
شيعي يبقى بكل وكت عنواني
ويبقى سلطان البشر سلطاني
....
الساكن ابطوس وأله اكبر مقام
الليله من هذا المكان ابعث سلام
ابو محمد اعترف انت الامام
وبيك والله أمن الزغر ايماني
......
نور مشهد يشع من نورك اكيد
يلي حبك اغلى من دم الوريد
بالگلب موجود گبرك مو بعيد
گلت تشفع للذي،زاراني
......
الضامن انت وضامن اعمالي تضل
يا اخو المعصومه يل بيك الامل
حبك ودرب الزياره افضل عمل
على سچة خالقي دلاني
.....
انت شافع للبشر تمحي الذنوب
ويم ضريحك سيدي تهوى القلوب
شمعه وببابك اضل آنه واذوب
أمجدّي دوم بعتبتك تلگاني
......
ثامن انوار الله انت الضل يشع
وانت من حيدر علي وفاطم فرع
بيك راس الي يحبك يرتفع
بخدمتك مرفوع يصبح شاني
......
الشاعر محمد حسن ضيغم
/channel/kasaedalatharDaygham
اعينك خويه گتلك وانت عيني
واذود الخصم عنك وانت عيني
أنه بياعين اضمّك وانت عيني
الهويت وصرت أنه بعازة خويّه
.....
الشاعر محمد حسن ضيغم
الدنيه عَلَي يوم الطف متربه
وعلى حسيني تره عيوني متربه
ابو طول الحلو مامش متر به
تگطّع جسمه بسيوف آل اميه
....
الشاعر محمد حسن ضيغم
رايه رفت بالسمه
ويلي مهجة فاطمه
مولانه مولانه
----
هاي رايه للمصيبه تعلن ايام الحزن
الصادق السمو جبدته عليه دلالي يون
بالبقيع شلون جسمه الطاهر ايضل يدفن
هذا مهجة حيدره ... صار جسمه بالثره
مولانه مولانه
---
اليوم كل اهل المدينه تبچي لمصابه وتنوح
ولجل جرك الصادق اتضل بالخلك كثرة جروح
لو يصح من عدنه والله ينطي اله كل شيعي روح
ولا يضل بين الترب ... فگد ابو الكاظم صعب
مولانه مولانه
-----
رايه بيهه ادموع حمره دموع من دم صايره
وهاي فاطمة الزجيه عليه ضلت حايره
نار گلب الشيعي ويلي عليه ضلت شاجره
لابس اسود ضل عليه ... يلطم الراس ابأديه
مولانه مولانه
-----
بالبقيع اليوم نسمع صوت من ام البنين
على الصادق ضل گلبهه ويلي مهموم وحزين
سمعت بچبدته تسمم ويلي صاحت ياحسين
حسين ذكرت جبدته ... شلون نبله صابته
مولانه مولانه
----
مثل جده الحسن والله ومثل زين العابدين
ومثل جبد الباقر اصبح مسمم وگلبه بونين
هذا حال اهل الحميه بحقد ذوله المجرمين
مارعو عتره علي ... عدنه هم ما ينجلي
مولانه مولانه
---
الشاعر محمد حسن ضيغم
مصابك يا امام الجعفريه
يذكرني بمصاب الغاضريه
تبجيني مأسيكم يمولانه
ــــــــــــــــــــ
اصفح بالمآسي ودمعي يتجاره
ومن الاعظم اشوفن روحي محتاره
لبو السجاد كلبي ما طفت ناره
وعلى الصادق ترك كل حزني اثاره
يبو الكاظم على مصابك ونيني على جدك صبغت اسود سنيني
عليكم ضلمه اشوفن والله دنيانه
ـــــــــــــــــــــــــ
الك لوعه بدليلي ولوعه من لوعه
بجيت وناظري ضل تهمل ادموعه
ذكرت شلون زينب تبجي مفجوعه
لمن شافت اخوهه مهشمه ضلوعه
مثل ما ونت ولطمت صدرهه وتمنت بالطفوف انطت عمرهه
يبو الكاظم الك هالروح حزنانه
ــــــــــــــــــــــــ
من اذكرك سيدي واذكر الم جبدك
اشوفن صوره تطلعلي الجبد جدك
اويلي السم يبو الكاظم بقه يضهدك
وابو طلبه يحط خده على خدك
وجبد جدك بالمثلث توذر وذر بالطف على الغبره تطشر
وبقه اعله الغبره ثلث ايام جثمانه
ـــــــــــــــــــــــــــــ
مثل مادم ابو السجاد احيى الدين
ولا دامت صلا لوما دماء حسين
يمولاي والك مذهب يكر العين
رحت والمثلك بحيره اجيبه منين
نصرت الباري وأحييت الشريعه فجيعه مصيبتك صارت فجيعه
الزمن بمصيبتك آلام راوانه
ـــــــــــــــــــــــــــ
اهل دمع النواضر واذكر مصابك
سهم صوب دليلي اصبح غيابك
مثل هاليوم انت اموسد اترابك
ويتيمه ابفكدك وماتهجع احبابك
مئآتم لجلك انصبت مئآتم ** يأصل التضحيه واصل المكارم
سهم فكدك سهم يالوالي اذانه
ـــــــــــــــــــــــــــــــــ
الشاعر محمد حسن ضيغم
نعي ابوذيه
للامام الصادق
...
مثل بيه انظرب يذهل مثل ما
ومصابي الليله لگليبي مثلما
حرگوا داري ياعمه مثل ما
حرگوا خيمتچ بالغاضريه
.....
الشاعر . محمد حسن ضيغم
على راسي الخيام ايزيد وجها
وحرت بالضعن والياصوب وجها
اخوي الخيل داست فوگ وجها
وسمعته ايصيح آه ابن الزچيه
.....
الشاعر محمد حسن ضيغم
بين الحسن بين حسين
زينب تهل دمع العين
ليلة مصاب المسموم ... من الشام اجت هذا اليوم
ـــــــــــ
بسابع صفر عافت كَبرهه الحرّه
واتعنّت الكَبر الحسن بالعبره
عين التصد مهدوم كلّش كَبره
ولحسين عين اشتاكَت وللحضره
ضمّت متنهه الدامي
عن الحسن والضامي
الكل منهم اصبح مظلوم ... من الشام اجت هذا اليوم
ـــــــــــ
جابت رقيه وياهه واتهل دمعه
يم الحسن مهظومه تشعل شمعه
عالقاسم ابنه ام الخدر ضل تنعه
رادت تروح الكربله وتودعه
اخذت ترب من كَبره
ومرّت ابمهه الزهره
وذكرت ضلع ضل مهشوم ... من الشام اجت هذا اليوم
ـــــــــــ
تمشي وتون والعين تربي المسموم
وضلّت على كَبره المهج ويلي تحوم
رادت تروح اتزور كَبر المظلوم
حسين الي من ماي العذب ضل محروم
اخذت رقيه اوياهه
تدري الابو راداهه
جي ما اجت ذرك اليوم ... من الشام اجت هذا اليوم
ـــــــــــ
طول الدرب محنتهه ما تنساهه
تسولف رقيه اعله السبي ويّاهه
نوكَ الهزل منّا شفت ممشاهه
بالكوفه حيدر عيلته اتلكَاهه
لو ما علي الحارس جان
ام الخدر جا تنهان
صح شفنه بالكوفه هموم ... من الشام اجت هذا اليوم
ـــــــــــ
ليش اعتنينه الكربله يا عمه
وعمّي الحسن هاليوم اصبح سمّه
عمّه لبوج الخلك تمشي بهمه
وبأربعينه تنادي يا بو اليمّه
خل نمشي وي الزوار
رد الضعن ضل تذكار
عليه المحب ضل مفطوم ... من الشام اجت هذا اليوم
ـــــــــــ
الشاعر محمد حسن ضيغم
الملا المبدع ابو محمد باقر
الملا علاء الشيباني
بصوت. مسلم المطيري
نعي
أنه الماشفت بعده راحه الحسين
انذبح وأصرخت يمّه راح الحسين
اشوف ابحين طلعت روح الحسين
أيتگلّب بالسحگ وعيونه اليه
.....
الشاعر محمد حسن ضيغم
ابوذيات للغدير
ــــــــــــــ
يدنيه بهل فرح كل يوم عيداي
او ويانه ابغدير الفرح عيداي
أنه بس الغدير انحسب عيداي
لان شيعي وغديري اصبح هويه
ــــــــــــــــ
بلا غيرة ولينه مالي غيره
ومحال وياه عهدي مال اغيره
علي اخره ودنيه مالي غيره
نفس ينزل ويصعد دوم بيّه
ـــــــــــــــ
الشاعر محمد حسن ضيغم
/channel/kasaedalatharDaygham
مولد للغدير
الحمدُ للهِ ربِ العالمين
أبولاية علي متمسّكين
....
الحمد لله شكر لا مايزول
نوالي حيدر فحل الفحول
علي ايده بأيد هادينه الرسول
بالغدير وسَر گلوب المؤمنين
.....
الولايه نعمه ما منهه يصير
البيهه آمن منوصف حي الضمير
علي من الباري متنصّب امير
ابّيعته گال الله هذا اتمام دين
.......
الكون كله ابتشر وأنسر للخبر
والرفض هذا الامر حتما كفر
بالعرش هذا الامر والله انذكر
جيل جيل اتوارث بطول السنين
......
نحمد الله صرنه شيعه للامام
وعلى حبه باجر يصير الختام
بكل غدير الحيدره نبعث سلام
نجدد البيعه الأمام الخاشعين
......
ربي اختم عاقبتنه بحب علي
علي الحب والعشگ نور الاولي
احنه بالذر صحنه ياحيدر بلي
عالعهد نبقى الولي المسلمين
.......
بالغدير ابفرح نسجدله شكر
وركعتين انصلي للزهره الطهر
احنه باچر نفتخر يوم الحشر
شيعي من انشوف مختوم الجبين
...
الشاعر محمد حسن ضيغم
/channel/kasaedalatharDaygham
هوسات
لذكرى تزويج النور من النور
الملائك كلهه فرحت والنجوم شموع
وكتبوا علحزن هالليله ضل ممنوع
اسم حيدر وفاطم بالعرش مطبوع
تزويج الزهره من الوالي
ــــــــــــ
نزل جبريل من سابع سمه مسرور
كل للهادي اخبرك والوحي مأمور
ربك وصى زوج النور من النور
بس حيدر كفؤ المعصومه
ــــــــــــــ
نفرح كلنه حتماً والفرح مريود
ويوميه العشكَ لهل الكساء يزود
بالذر هل فرح رغم العده موجود
نورين انجمعوا هالليله
ــــــــــــــــــ
غير العالمة متصير للعاِلم
وبس نورك علي لُم الوفه ايوالم
وبساق العرش حيدر كفو الفاطم
والنور اتزوّج من نوره
ــــــــــــــــــــــ
الشاعر محمد حسن ضيغم
/channel/kasaedalatharDaygham
ذكرى استشهاد الامام الجواد
على لحن جرح المدينه للملا باسم الكربلائي
الزهره الزجيه .... بالكاظميه
ـــــــــــــ
بلوعة كَلب ام فاكده وتجري الدمع بالعين
تعنّت لعند الكاظميه الطاهره ام حسين
جرحك يموسى الكاظم الليله صبح جرحين
سمّوا جوادك يا وسف يا مهجة الطيبين
بونه شجيه ... بالكاظميه
ـــــــــــــــــــــ
تعنّت تون ام الحسن ومن المدينه تنوح
ومرّت على الطف واندبت يوليدي يالمذبوح
ومن شاهدت حامي الضعن ضل الدمع مسفوح
بثوب المناحه والحزن للكاظميه اتروح
تنصب عزيه .... بالكاظميه
ــــــــــــــ
كبل الجواد اتحمّلت جرح الرضا المظلوم
والليله سمعت بالجواد بجبده ضل مسموم
الله يعين ام الحسن يوميه طير اتحوم
جم والي من عدهه انجتل وضل الكَلب مآلوم
شعظم الرزيه .... بالكاظميه
ـــــــــــــــــ
يا ام مثل ام الحسن دوم الدمع مهدور
وما يشفه وبطول الزمن عدهه الضلع مكسور
االيله الجواد بمحنته عوّد ظهر عاشور
يمه بناته وبالحزن والنايبات اتجور
نفس القضية ... بالكاظميه
ـــــــــــــــــ
هاليله ظلمه الكاظميه بمحنة المفكود
وحت النجوم ال بلسمه لبسن هدوم السود
وام الحسن حضرت تون والونه حيل اتزود
من شاهدت هذا النعش لطمت عليه اخدود
بدمعه جريه .... بالكاظميه
ــــــــــــ
الشاعر محمد حسن ضيغم
صبـّي يدمعه فاطمه
ــــــــــــــــــــ
يا فاطمه يم الحسن
كلبج بهل محنه امتحن
هالليله كل شيعي حزن
ودموعه ضل تهمل دمه
ــــــــــــــــــــــــ
اعله الجواد ومحنته
يالزهره سموا جبدته
مهظومه تنحب شيعته
والجبده ويلي مسممه
ـــــــــــــــــــــــ
يا فاطمه وهذا الجره
الجبده وسفه اموذره
والهادي ابحاله دره
من ناح بجاهه السمه
ـــــــــــــــــــــــ
ياربي العن هل عده
الخلوا جبدته امرده
والسم يويلي ضاهده
وروحه تلوج امألمه
ــــــــــــــــــــــ
هذا الجواد ابن الرضا
للكون اصبح موعظه
سمونه خصمه الرافضه
وعداه ياريت بعمه
ـــــــــــــــــــــ
باب الحوائج للبشر
نبراس ضوه بكل دهر
يا وسفه بالسم انغدر
هذا ابن حماي الحمه
ـــــــــــــــــــــــ
يالزهره خل دمعج يصب
وجروح تمليلج كلب
نيران لمصابه تشب
والنار صارت مظرمه
ــــــــــــــــــــــــ
الشاعر محمد حسن ضيغم
مولانه يا بو الرضا
ــــــــــــــــــ
ها يل فاتح البيبان ابوجهي لا تسد بابك
احسبني يبو طلبه فد واحد امن احبابك
احلفك بالمشت للشام وهي الزادت امصابك
هاي اجفوفي لتردهه
روحي الضيم ضاهدهه
دمعتي تسعر ابخدهه
وانت الماترد طلاب يبو طلبه يعرفونك
ـــــــــــــــــــــــــ
احنّي بابك بأيدي لون تشفي مرض روحي
واجيك وانصب الماتم على الزهره بألم نوحي
وتضل دمعاتي تتجاري اذا يتشافن جروحي
طبيب الروحي بس انت
غيرك كل شخص عفته
جم معلول شافيته
انت قاضي الحاجات زوارك يسمّونك
ـــــــــــــــــــــ
شده وشدتي اجبيره ومنو غيرك يفرّجهه
وهاي الناس تكَصد ليك من تشتد حوايجهه
مرضى ومن تدك بابك بنوارك تعالجهه
اليكَصدلك يرد مرتاح
كل هم بالكَلب ينزاح
انت الباب والمفتاح
والهذا السبب مولاي زوارك يكَصدونك
ـــــــــــــــــــــــ
جم حاير اجاك او رد لهله وناشفه ادموعه
رد مكَضيه حاجاته وانت تبرد اضلوعه
جم حسره سمع كَلبك جم هم سيدي او لوعه
انت التجبر الخاطر
تكول اليندبك حاضر
اليوم اكَضيهه مو باجر
حتى امن البعد مولاي زوارك يزورونك
ــــــــــــــــــــــــــــ
انت المترد خصمك لو منك طلب طلبه
جا مترد محب والله لون جاك بألم كَلبه
الباس اعتابك ويدعيك يموسى الكاظك اتحبه
واليبجي على حسينك
تمد اعليه جفّينك
ترزقه نظره من عينك
يباب الحاجه حتى اعداك بالشدات يدعونك
ــــــــــــــــــــــــ
الشاعر محمد حسن ضيغم
/channel/kasaedalatharDaygham
الفكر للماضي وأيامه ذهب بيه
وجمر حزني يوج ريحك ذهب بيه
هجمتوا اعله الخدر مامش ذهب بيه
شبناكم بس حرم ضلت اليه
..
الشاعر محمد حسن ضيغم
🚩استشهاد الصادق ع🚩
اجيتك يالولد يبني اجيتك
لمن شفت الكَبر طايح بجيتك
يصب دمعي والم ضلعي على اوليدي
ـــــــــــ
تعنّيت بجرح دامي يضي عيني
اجيت وللبقيع بلوعة اونيني
جنت اتنّه يوليدي تلاكَيني
وعلى حالك يبو الكاظم تحاجيني
اجيت وأذكر مصيبة جبدتك .... لمن جيتك يضي عيني وشبكَتك
اختلف وضعي والم ضلعي على اوليدي
ـــــــــــ
يمن سمَك عدو الله بهذاك السم
وجبدتك يبني يالصادق نزيف بدم
عليك ارويحتي تجرع مرار وهم
وجروحي عليك يوليدي فلا تلتم
مصابك يلجم جروحي مصابك .... عذابي من اصل لوعة عذابك
خمد شمعي والم ضلعي على اوليدي
ـــــــــــ
اجيت من الكَبر يبني وشفت كَبرك
تهدّم يبني يالصادق مثل عمرك
نفسهه السمّتك يوليدي اتغدرك
مثل صبري صبح ها يالولد صبرك
تهدّم كَبرك أبأيد الاعادي ... ييمه وصوتي بسمك ضل ينادي
شكثر ادعي والم ضلعي على اوليدي
ـــــــــــ
مثل كَبر الحسن يبني الكَبر شفته
مثل يوم الاجيت الكَبره ما عفته
اجيت او ونّتي صارت صدكَ سكته
كسر ضلعي بمصابك يبني رجّعته
يضل ينزف دمه وحيل الّماني .... أنه الفكَدك صرت كلّش اعاني
اضل انعي والم ضلعي على اوليدي
ـــــــــــ
مصايب ولدي ماترحم غدت بيّه
اون اعليهم او ونّاتي مخفيه
ضلوعي من الالم يا ويلي مدميه
زماني جمّع هموم وحزن ليّه
مصيبه بكَلبي اتورّث مصيبه .... ودليلي ما يبطّل من نحيبه
الحزن طبعي والم ضلعي على اوليدي
ـــــــــــ
الشاعر محمد حسن ضيغم
ابوذيه لاستشهاد الامام الصادق عليه السلام
بمصابك يمّه اليّه ارياكَ مريت
وعليّه هموم لاهي هموم مريت
يبو الكاظم بكَبرك يوم مرّيت
مثل هدمه انهدم كَلب الزجيه
ــــــــــــ
انادي بصوت يمّه رد عليه
المصاب اسهام يرمي رد عليه
يوم البيه سَمّك رد عليه
يومي ويوم طف الغاضريه
ــــــــــ
نعي نصاري
عفت كَبري واجيتك ياضوه العين
وشفت يمّك ينوح الحسن وحسين
يمن جبدك بسهم صار نصين
مصابك هيّج اكَيبي ابونينه
ـــــــــــ
ياصادق عترة الهادي مصابك
عذابي من الم للوعة عذابك
يمّه بالبجي التمت احبابك
وكل ولدي اجوا لرض المدينه
ـــــــــــــــــ
انوحن يبني لجلك واهمل ادموع
واحس جبدك الم يلجم بالضلوع
يالصادق دليلي اعليك مفجوع
وراح ابقه العمر كلش حزينه
ــــــــــــــ
الشاعر محمد حسن ضيغم /channel/kasaedalatharDaygham
مهجة الباقر ... يشرح اشصاير ..اعله عمّاته
كربله وهمهه ...بدمعه يرسمهه ... ومعاناته
كل مصايبكم عجيبه ... النه تنقل يا مصيبه .. مصيبه
ـــــــــــــــــ
من رحم طف كربله نسمع خبر
والاثر معروف يرجع للأثر
الباقر العاش المعاناه والخطر
سولف الأبنه على هموم الدهر
الصادق ايسولف الم .. عن هله وعن الخيم ...وعن جرح فكَد العلم ..مصاب
يبجي كل ليله ويون ... يصيح يا ام الحزن .... ادري بي جرح المتن ... عذاب
ساعة اليحجي ... مدنّك ويبجي ...ابو الكاظم
بدمعه مذروفه ... يذكر اجفوفه .. كمر هاشم
ومحنة العين الرهيبه ... ... النه تنقل يا مصيبه .. مصيبه
ـــــــــــــــــ
الشاعر محمد حسن ضيغم
/channel/kasaedalatharDaygham
بين ام البنين وابي الفضل
...................
يابالفضل ...انت تعرف بيّه امك آنه
يا بالفضل ... رايح وبيدك يرف لوانه
يابالفضل... يبني بيدك زينبك امانه
ـــــــــــــــــ
روح .. يالغالي
وياك ... دلالي
وفي ... ادريبك
وشهم ... يالوالي
من الطفوله شفت بيك الغيره
يلّي مترضه تمر زينب حيره
وقصّة محبتك يعباس اجبيره
أي والنعم ... ياهو مثلك بي صفن زمانه
يابالفضل... يبني بيدك زينبك امانه
ـــــــــــــــــ
كون ... وياكم
هواي ... اهواكم
يوم ... لا والله
عيب ... انساكم
عباس اريدك فده حسين بطفوفك
وزينب بلا عين يضنواي اتشوفك
من اجل الحسين تكَطّعهه اجفوفك
اوفي الوعد ... من ينادوا اطفي كل ضمانه
يابالفضل... يبني بيدك زينبك امانه
ـــــــــــــــــ
ريت ...تردولي
بشوكَ ... تحجولي
الصار ... يوم الطف
اهواي ... تحجولي
ياريت الضعون تردلي بويلادي
ولا اسم حسين جسد ضل بالوادي
ولا اخت الحسين على التل اتنادي
حسين العزيز.. كل وكت انه انظر المكانه
يابالفضل... يبني بيدك زينبك امانه
ـــــــــــــــــ
هاك ... جلماتي
وفيض ... دمعاتي
وياك ... يالكافل
احمي ... ابنياتي
ماريدك اترد والحسين عالغبره
ابني واعرفك تحبّه اعله الفطره
نحرك تقدمه لجل دمّه ونحره
وبكربله ... خوفي والله يطفى كل ضوانه
يابالفضل... يبني بيدك زينبك امانه
ـــــــــــــــــ
اه ... عالضامي
لو ... ضل دامي
وصوت ... ايصيحك
كَوم ... لخيامي
حركَوها الخيام يعباس حركَوهه
وانظر سكينه الانذال ضربوهه
وكل هاي الاطفال يكفال سحكَوهه
حتى الطفل ... امن العطش يابس صبح لسانه
يابالفضل... يبني بيدك زينبك امانه
ـــــــــــــــــ
الشاعر محمد حسن ضيغم
بوسط الخرابه .... صاحت يبابا
ــــــــــــ
طفله وزغيره بالعمر تجرع غصص وونين
اربع سنين من العمر شافت مرار سنين
عدها وعد من الابو وصار الوعد هالحين
خبّرها بالطف نلتقي وسط الخرابه حسين
بمحنة مصابه .... صاحت يبابا
ــــــــــــ
من نامت الطفله بهظم دمعتها تتجاره
طفله وتون من الرعب وبهمها محتاره
تذكر مخيّمها الذي متوجره بناره
وتذكر الم ذاك السبي من راحوا يساره
يوجع عذابه .... صاحت يبابا
ــــــــــــ
ازركَ متنهه من الضرب يصعب تنام عليه
مثل الذي جرحه صعب ما يكدر يداويه
نامت وهي تردد صفت اسم الابو تناديه
عل موعد بهذا الوكت تتنطّر اتلاكَيه
طوّل غيابه .... صاحت يبابا
ــــــــــــ
صاحت هلا ومية هلا يلّي غبت عني
يا بويه شنهي العطّلك اذّى الكَلب ونّي
معقوله تلفالي بحلم يابويه تحظنّي
ويّاك اخذني يالولي معقوله تتركني
حزني الكَلب صابه .... صاحت يبابا
ــــــــــــ
ومن شاهدت هذا الطشت شافتّه من بعيد
صاحت يبويه وبالحزن لطمت وجهه أبأيد
راسك اشوفه بالطشت والحسره بيّه اتزيد
آنه ابجي والشام ابفرح يابويه عدهم عيد
وشيبك خضابه .... صاحت يبابا
ــــــــــــ
الشاعر محمد حسن ضيغم
نعي
الارض من طحت دامي رجّعتهه
وأخيتك بعد ماضل رجّعتهه
بنتك حين ركضت رجّعتهه
خفت لا تنسحگ يمك رقيه
....
الشاعر محمد حسن ضيغم
نعي
أنه الماشفت بعده راحه الحسين
انذبح وأصرخت يمّه راح الحسين
اشوف ابحين طلعت روح الحسين
أيتگلّب بالسحگ وعيونه اليه
.....
الشاعر محمد حسن ضيغم