5137
القصائد الرثائية للآل الأطهار ع
تهنّه يبني بنومتك ها يالحنين
الابنه گدامه ابدماه يصبح حزين
يبني جابك للخيم عمك حسين
شايلك وانه انفجع دلالي
....
چنت يبني محضّره الحنه الك
وبالورد زينب نوت تستقبلك
تالي دم نحرك يجاسم غسّلك
بدال عرسك موتك اصبح تالي
....
الدم مله جسمك وبيك اشجم جرح
وحاولت وياه بس ما ينمسح
يبني باجر عنك امشي امن الصبح
وصورة المذبوح تبقى اگبالي
......
نام يوليدي شحلاك بنومك
رغم بيهن دم جميله اهدومك
يبني راحت ادري كل ارسومك
لچن بس انت التضل تحلالي
......
الشاعر محمد حسن ضيغم
هوسات
للانصار
....
الحب سهله يرخّص للمحب دمه
ويقبل لو تگطع للمحب جسمه
شلون واحنه عشاگك يبو اليمه
(كلشي البينه ايصيح افديك .. انت الماننكر فضله)
......
وصّانه الله بيك وطاعتك وجبت
يمن بينه محبتك قلعه وانصبت
اجينه الطف نضحي اعهودنه انكتبت
(مو من عدنه ولا بينه .. المايرخصلك دمه)
.....
انصارك اجينه وكربله تشهد
بأرگاب الاعادي سيوفنه تنحد
حسين اسمك عرش بالروح يتجسد
(گبلك نبرز تلگانه .. هنا يا چبد الزهره
......
الشاعر محمد حسن ضيغم
يا حميده ... جرحج وجرحي سوه
يا حميده ... مايصح ليهن دوه
والعجيبه .. والمصيبه ... مايصح ليهن دوه
ـــــــــــــــــ
بنات آل الرساله تكَابلن بالهم
جرح للجرح يشكي وسط المخيم
بنت العم تسولف هم لبنت العم
ورسمن عالترابه اجروح ما تلتم
يارقيه ...ايتيمه وانه اميتّمه
يارقيه ... ثنينّه ابنفس الضمه
بلايه والي ... بلايه غالي ... ... مايصح ليهن دوه
ـــــــــــــــــ
علينه اشبي زماني امجرّد سيوفه
ماخلّه البنيّه الوالد تشوفه
جرحج بالطفوف وجرحي بالكوفه
وانه النظرة عيون الغالي ملهوفه
فاركَيته ... ومن وكَع محّد اله
فاركَيته ... وطاح ابوج ابكربله
اتألّمينه ... اتألّمينه ... مايصح ليهن دوه
ـــــــــــــــــ
سفير حسين ابوي ورسمن اجروحه
علجدران المنازل اجمل اطروحه
اليحب حسين لازم ما يعز روحه
وعلى مسلم حسين شكَد بقى بنوحه
نادى صوت ... حسين كلشي بدنيتي
نادى صوته ...الجدمه فدوه ارويحتي
للهواشم ... ابقى خادم ... ... مايصح ليهن دوه
ـــــــــــــــــ
رقيه بكل الم حضنت بنت عمهه
تواسيهه بمدامعهه وكبر همهه
جثّة والدي او والدج صب دمهه
وجثة والدي محّد وصل يمهه
والهظمني ... جثت ابوي اموسّده
والهظمني ... سحكَته اخيول العده
وراسه عالي ... بالعوالي ... ... مايصح ليهن دوه
ـــــــــــــــــ
مسلم صح هوه أمن اعله القصر جسمه
لاجن ما وصل لمصاب ابو اليمه
منو مثله انملت كل كربله بدمّه
وزينب والزجيه كعدت اتلمّه
ماهي سهله ... مسلم ايضل عالثره
ماهي سهله .... حسين كَطعوا خنصره
نحره دامي ... جبده ضامي ... ... مايصح ليهن دوه
ـــــــــــــــــ
الشاعر محمد حسن ضيغم
بويه صح باجر اضل اوحيده
وبعد ما الزم اخيي من ايده
ـــــــــــ
بداعت عيوني التهل حاجيني
صدك باجر وحدي اتخلّيني
خلاف عبد الله منو ايسليني
زغير محلاه من اشمه ابجيده
ــــــــــ
رد عليّه وخلّي اسمع جلمتك
بويه لتصدلي وتكفكف دمعتك
صعب تكسر بويه خاطر طفلتك
اتعيفني واعرف السفره بعيده
ــــــــــــ
كلكم اتروحون بس ابقه أنه
يوم فركاكم احسبنّه بسنه
بويه اودع وياكم ايام الهنه
الدهر للفاكَد مناحه ايزيده
ــــــــــ
بويه خلّي وياي عبدالله الولد
وياه اتسلّه وأهز ليه المهد
تسولف عيوني العيونه لو كعد
يمته يرجع والدي وعضيده
ــــــــــ
بويه عبدالله اخيي وتدري بيه
أمن انولد لليوم متعوده عليه
اه لو خليت ايدي ابين اديه
احس دم كلبي نبض بوريده
الشاعر محمد حسن ضيغم
بعيني اشوف حسين من راح الحميده
كَعد يمهه براسهه ضل يمسح ايده
ــــــــــــــــــــ
راح يمها ومن مشى ضل ظهري محني
شابج جفوفه واحسّن خاب ضني
دموع عينه التهمل بكَلبي جونّي
كوّه حابس عبرته اووّنه يزيده
ــــــــــ
شاف من ابعيد طفله تريد ابوها
وتستحي اتناشدني بس نشدة اخوها
آه يا بت مسلم الّي دللوها
خلاف ابوها الطفله تتصور وحيده
ــــــــــــــــــ
حسين يعرف حال مسلم والجراله
اسع يكَلها ابوج آنه ابداله
بحضنه خلاها ودمع عينه تلاله
وكَله بويه سفرة الوالد بعيده
ــــــــــــــــ
من مسح راس الحزينه بجف يمنته
تكَلّه حال الوالد بفعلك عرفته
بويه يحسين اليتم هالساعه شفته
راح ابوي الناطريت اهلال عيده
ــــــــــــ
صرت عمي آنه انحسب من اليتامه
خلاف ابوي الليل عمّي ما انامه
دمعة عيونك يبو اليمه علامه
الكوفه غدرت والدي وانحز وريده
ـــــــــــــــ
الشاعر محمد حسن ضيغم
بلهفة ضنوني ,, ودمعة عيوني .. نخيتج
فدوه مولاتي ...اكَضي حاجاتي ... نخيتج
ـــــــــــــ
انتي ام الاربعه الكلهم نشامه
الضحّوا انفسهم لجل دين الامامه
اعليج بحسين الذي بكَلبج غرامه
خلّي بشفافي تضل دوم ابتسامه
كَلبي مو ذايب .. بهاي المصايب .. نخيتج
بفضيض دمعاتي ...اكَضي حاجاتي ... نخيتج
ـــــــــــــ
انتي باب الحاج ربّج خصّج بهاي
فضل هذا الفضل جيف اتحبّي مولاي
ارد اخبرنج همومي بكَلبي اهواي
ومنهن آنه يالحنينه امتيّه الراي
فدوه ارحميني ...بفرحه خلّيني ... نخيتج
صعبه مأساتي ...اكَضي حاجاتي ... نخيتج
ـــــــــــــ
يلّي متردّين واحد مدلج الايد
حتى لو كَلبه دعاج وهوّه ابعيد
ها يمولاتي ونيني بمحنتي ايزيد
غير عطفج لا يحره والله ما ريد
فرّجي الشدّه ..الدنيه مسودّه .. نخيتج
بلهب جمراتي ...اكَضي حاجاتي ... نخيتج
ـــــــــــــ
العايش سنينه بهظيمه ودمعه همال
ينطرج مولاتي انتي اتغيّري الحال
ماهجع من البواجي عندي دلال
بجاه ابو فاضل اريد المحنه تنزال
ما سكن روعي ... نشّفي ادموعي ... نخيتج
شكبر آهاتي ...اكَضي حاجاتي ... نخيتج
ـــــــــــــ
رافع اجفوفي وأنادي يم الاطياب
يلّي متسدّين مره بجفّج الباب
باب للحاجه وتعرفي شنهي الاسباب
ليش كَلبي بهل مصيبه واقعاً ذاب
جبري الخاطر .. بكَلبي الصابر ... نخيتج
وحشه دنياتي ...اكَضي حاجاتي ... نخيتج
ـــــــــــــ
الشاعر محمد حسن ضيغم
عليله ...ابجمرة احزاني
عليله ... وفاكَده اخواني
ــــــــــــــ
يا طيف مر اعله الجفن ....اوكحّل جفوني
بلجن انظر سلوتي .... وبطيفي يجوني
واخبرهم حالي صعب ... اهلي الفاركوني
وبيديه عباس الوفي ... يمسحلي عيوني
عليله ...افراكَه اذّاني
عليله ... وفاكَده اخواني
ــــــــــــــ
للباب ملّيت امنصد .... أي والحيره حييره
وحدي وكاتلني الهظم .... جي طفله زغيره
مسجونه ابدنيه قهر .. مو جنّي اسيره
والوالي راح وشني ... ما اعرف مصيره
عليله ...امغيّره الواني
عليله ... وفاكَده اخواني
ــــــــــــــ
المن احجي بقصتي .... ويسمعلي شكوتي
وحسين هم يسأل بقى ... وينادي طفلتي
ياريح روح الكربله .... اوبس وصّل حسرتي
واجروح مليان الكَلب ... خبّر فدوه عمتي
عليله ...الوالي خلاني
عليله ... وفاكَده اخواني
ــــــــــــــ
يا ليل تدري بالسهر .... مايرحم دليلي
وزغيره شكَد تنتظر ... شكد صعبه يليلي
عالعاف طفله بالنزل ... جم جمره ابغليلي
ويّاه ياريت اصبحت ... مئساتي ورحيلي
عليله ...وليلي بجّاني
عليله ... وفاكَده اخواني
ــــــــــــــ
ياريت يلفيني الاجل ...ولا حاله آنه اسمعه
مذبوح بالطف والدي ... وطحنوا ويلي ضلعه
وراسه انشال اعله الرمح.... والشامت يرفعه
وخنصر من جف يمنته ... بسيف الذل يكَطعه
عليله ...مصابه اذّاني
عليله ... وفاكَده اخواني
ــــــــــــــ
الشاعر محمد حسن ضيغم
بويه يا مسلم ... راحوا اخواني
عليهم بكَلبي ... زادت احزاني
ــــــــــ
مصيبتك بويه ... هدّمت حيلي
وتدري من بعدك .. مانمت ليلي
يا دموع العين ... عالوجن سيلي
مصابك او وضعك ... حيل اذّاني
ــــــــ
بويه وخواني ... الّموا كلبي
مدوهنه عليهم .. وتيّهت دربي
صحنت رد بيهم .. واندبت ربي
بخبر من عدهم .... تطفى نيراني
ــــــــــ
وتالي يابويه ... يا عزيز الروح
اسمعت واحدهم ... عل نهر مذبوح
عمري الباقي ... راح اخلصه بنوح
والحزن بويه ... يصير عنواني
ــــــــ
اتيتّمت بويه ... والحزن جتال
وانحرمت آنه ... من اخوني بهل حال
شلون ما ابجي ... ويشت عندي البال
والفرح بعدك .... وحدي خلاني
ـــــــــ
انه اخوتي ثنين ... اطفال ادريهم
لسّه بعيوني ... كل معانيهم
لون والله يصير .... بروحي افديهم
والاجل يا ريت .... هسه يلفاني
ـــــــــــ
الشاعر محمد حسن ضيغم
نزال للبطوله
لقمر بني هاشم
...
دخّن العباس من طب سوحها
اختنگت العالم وطلعت روحها
.....
دخن العباس والطف اختنگ
عود اخضر ما بقى الا احتركَ
نشال بيده الجيش كلّه وانهدگ
ناس خرسه وناس زايد نوحهه
ـــــــــــــــ
دخن العباس من طب للحرب
واعله راسه الجيش اصبح منكَلب
العلكَمي مو ماي بس وادم يصب
تكَول تنزف هالشريعه اجروحهه
ـــــــــــــــــ
دخّن وصكّت وماندري شحصل
ينحسد كلمن شرد لهله وصل
اللاحه سيفه اتشوفه يتكَطع وصل
بعد عشر امتار سيفه يلوحهه
ــــــــــــــــ
الريشه البراسه اضن سر مو سهل
بدون سيف الصدهه حتما ينجتل
تموج بيهم كربله بس يرتجل
تنطبكَ وديانهه ويسفوحهه
ــــــــــــــــ
دخّن وبصدورهم ضاكّ النفس
بيده هز وفرس ضل يسحكَ فرس
الداعيتله امه لكَه شيله ولبس
الايده مجروحه انكرت مجروحهه
ــــــــــــــــــ
الشاعر محمد حسن ضيغم
قصيدة للعليه على لحن
الملا قحطان البديري (لله يابالفضل)
تعبانه بس يا تعب .. انت اعرف بحالي
أشلون ابطل الدمع ... بُعدك شغل بالي
ـــــــــــــــــ
ياحلمي ذاك البقى ... استشعره بكل وكت
جرحي ودواي اصبحت ... غيرك محب ما شفت
معقوله اضل حايره
ولطيوفك امناطره
تعبانه بس يا تعب .. ما هل الي اهلالي
ـــــــــــــــــــ
شما طر عليّه الصبح ...وبلحظة الّي افز
بسمك اردد احس ...حروف اسمك اعظم حرز
بجفوني طيفك غفه
شب الدليل وطفى
تعبانه بس يا تعب .. خيال يتراوالي
ـــــــــــــــــــ
اكتب رسايل الك ...بيهن شجون وجرح
وامسحهن بدمعتي ... التجريلك امن الصبح
ارحمني يا والدي
مو موتي ضل يبتدي
تعبانه بس يا تعب .. لتخيّب آمالي
ـــــــــــــــــــ
علباب اطرّز صور ... طفله وتناطر ابو
وأرسم مهد بي ضوه ... لاجنّه مابي اخو
احيه واموتن صرت
شما عنّي أتأخّرت
تعبانه بس يا تعب .. دارك صبح خالي
ـــــــــــــــــــ
عند العرب منعرف ... لو شي غفل ينكسر
يعني امر مر سهل ... صار وصعب هل امر
خوفي الخيم تشتعل
ويعثر طفل بالطفل
تعبانه بس يا تعب .. يلجمني دلالي
ـــــــــــــــــــ
الشاعر محمد حسن ضيغم
سنستأنف النشر للنعي يوم غد
انتظرونا ببركة الصلاة على محمد وال محمد
اللهم صل على محمد وال محمد
ياطف المصيبه
شفت زينب غريبه
گلب الحره محتار ...بين الخيمه والنار
شفت زينب غريبه
.....
يلاهي شگد حملت آنه مصايب كربله هواي
هلي متذبحه اگبالي ضمايه ويمهم الماي
وانه ابين المرض والهم اشوفن ظلمه دنياي
احرتگ شفت المخيم
ارض ممليه بس دم
وشفتت تتراكض ازغار ....گلب الحره محتار
شفت زينب غريبه
.......
انه السجاد اصد حالي نحيل بهجمة الكَوم
اريد الحكَ على العيله وتاخذ كَلبي الهموم
اجدامي تعثر ابمشيي شلون اليعثر ايكَوم
صعب آنه الهم امشي
ودمعي حركَ رمشي
حيلي ابهاي منهار ....گلب الحره محتار
شفت زينب غريبه
.......
هظمي وكل مصاب الطف ذووب كل دليلي
اسمع عمتي تنادي شو محّد يجيلي
وآنه اتوكه عالعصه ورايح والله حيلي
ماضل حيل اليه
والحكَ عل بقيه
صار الما احب صار... گلب الحره محتار
شفت زينب غريبه
.......
ما انسه مصاب الطف وكل ذيج المصيبه
ما بين الزلم والخيل اصد زينب غريبه
وكل طفل بلهيب النار ضل زايد نحيبه
متوجد دربهه
والظالم ظربهه
ها من ضيم الاشرار ... گلب الحره محتار
شفت زينب غريبه
.......
شفت حسين ابو اليمه جثه اعله الوطيه
وتسجك صدره بالحافر خيل الاعوجيه
ويمه من مشت تبجي ومهظومه رقيه
بالمنحر تشمه
بيديهه تلمّه
الهه اشبحت الانظار گلب الحره محتار
شفت زينب غريبه
.......
الشاعر محمد حسن ضيغم
غريب ... اه اه
ـــــــــــــــــ
افكر كل وكت واصفن .... وتسائل عن احوالك
وين انت ومكانك وين ...الله يعينه دلالك
مخلّص هل عمر غربه ...ومحّد يعرف بحالك
الباب ومحنة امحرّم ... ابد مافاركَن بالك
ـــــــــــــــــــ
دم تبجي بدال ادموع ... كل ما تذكر اخيامك
وشيّب راسك وكَلبك .... كَد ما تحمل آلآمك
لسه تسمع بزينب ... تنادي حسيني ايتامك
مرعوبه وخذاهه الخوف ...وجن هل حاله جدّامك
ــــــــــــــــــــــــ
يل كَاضيه بين الطف .... وما بين البقيع اتروح
وساعه ابجمكران اتون ... وبالسهله وحيد تنوح
كل ما تذكر المنحر ... دم عينك يضل مسفوح
منهو المثلك امغرّب ... ويحمل كَلبه هيج جروح
ــــــــــــــ
يامهدي الكَلب حن ليك .... مو كافي البعد يصعب
حت لو بالمحلم خلني ... اشوفك واندب وانحب
جم هلال لمحرم ... اجانه سيدي وغرّب
وتانينه وفلا هليت ... اليحبك تدري يتعذّب
ـــــــــــــــ
انجان اذنوبي حجبتني .... بس حبك يزيح اذنوب
وانه الكاتب بكَلبي ... غيرك ما الي محبوب
اذنب واذكرك واندب .... يمهدي وروحي والله اتوب
بس دربك نجاة النه .... بظهرنه شكَد تركنه ادروب
ــــــــــــــــــ
بجاه الضل على التربان ... جسم ومنكَطع نحره
اخذني امنيدي يم كترك ... بحق الطاهره الزهره
وخل كل عمري تعزيّه .... واكتبلك شعر وأقره
وابجّيك امنكَولّك .... زينب ويلي متيسره
ــــــــــــــــ
الشاعر محمد حسن ضيغم
ثار الله ثار الله حسين
ــــــــــــــــ
شلت ايدي ودعيت ... ودمع عيني جره
وشفت نار الكَلب ... لهيبه اموجّره
اريد ويال خدم .... لبنهه الطاهره
واصيح بصرختي ...حسيني انصره
ثار الله ثار الله حسين
ــــــــــــــــ
عهد يبقى الي ... اطالب بالفرج
واناطر طلعته ... ابن خير الحجج
وحق المنذبح ... فلا عوف النهج
لون ينزف دماي ... واقدّمهه المهج
ثار الله ثار الله حسين
ــــــــــــــــ
حسين شما ردت ... اسمّيك بأسم
احس عاجز أنه ... يمعنى الطلّسم
محال بهل وجود .... شبيهك ينرسم
نعم بالطف جنت ... فقط راس وجسم
ثار الله ثار الله حسين
ــــــــــــــــ
انه التالي العمر ... يضل ثارك جرح
يمر بيّه الزمن ... لمصابك ينفتح
يشممامة علي ... الفلا مثلك يصح
عجيبه وراس الك ... يرفعونه برمح
ثار الله ثار الله حسين
ــــــــــــــــ
يمهشوم الضلوع ... يمكَطوع النحر
يباب الله او وسف ...عليه ظالم كَدر
يحرموك العذب ..وحروف اسمك نهر
عرش رب العباد ... بحوافرهه انكسر
ثار الله ثار الله حسين
ــــــــــــــــ
الشاعر محمد حسن ضيغم
يطف الي خذت مني .. ورد . ومتت ... على اطفالي
اشوفنهه الخيم يمي .. تشب .. وخفت ... لهب عالي
يفرفح كَلبي واتحسر
اضنهم فرّوا بهل بر
مره ويمي الزلم صوبين
ادور كربله مكدر
بدمع هامل ..وكَلب ذابل ..عيوني بحسره مشبوحه ..ولهب ناري
اناشدمن ... وأعاتبمن ...كَلب ام تنزف جروحه . على ازغاري
ــــــــــــــــــ
احط ايدي على راسي ...وأون .. بحزن ...يشوفوني
بيابي اعيوني بالحومه ... اركضوا .. وطفوا ... ضوه عيوني
ام وفاكَده بهيمه
اونن ونّت ايتيمه
يكَلبي الماهجع لحضه
على ولدي شكبر ضيمه
اون سكته .. الحزن شفته .. المصايب هدّمت حيلي .. وصبر روحي
صعب انسه ... الهظم امسى ..ومعانيه شبه ليلي ... وأذه جروحي
ــــــــــــــــ
ركضت ومادريت المن ... اصد .. الجره ... يأذيني
عثرة وزينب اسم الله .. اندبت ... ودمع ... جرح عيني
بجت زينب على احوالي
تعرفني فاكده اطفالي
صعب يحلى العمره عنده
كل واحد فكَد غالي
الدرب ظلمه ... وصفت عتمه ... وكَمر ماصح يشع نوره ... شيدلني
صحت يبني ... تعذبني ...اخيّك وينه وين انت ... دحاجيني
ـــــــــــــــــــــ
الزمن مايرحم ابروحي ... ومرد ... وضهد ... مهجتي آنه
صورهم بالكلب تبقى .. دهر .. انتهت ... يدنيانه
صفكَت اليمنه عليسره
عليكم كَلبي شيصبره
مشيتوا ومابقت عندي
يضي اعيوني كل ذكره
بعد شنطر ... واضل اصبر ...وخذاكم دهري مدري المن ...انه بحيره
فلا اعقل ... المدلل ...يعوف امه بأراضي الطف ... ابو الغيره
ـــــــــــــــــــــ
وحكَ الضل على الغبره .. جسد ... ورمح .. رفع راسه
تهون امصيبة اولادي .. اله ... ولا ... الشمر داسه
وحكَ امصيبة اطفال
انه الما مرت ابالي
ابو اليمه اصد راسه
يرفعونه برمح عالي
ويضل جسمه ... يصب دمه .... الحوافر تسحكَ ضلوعه ... وتطشرهه
وبلا خنصر ... صعب انظر ... وعلينه تهمل ادموعه ... ويفجرهه
ـــــــــــــــــــــ
الشاعر محمد حسن ضيغم
السلام على الحسين
وعلى علي بن الحسين
وعلى اولاد الحسين
وعلى اصحاب الحسين
ـــــــــــــــــــــــ
السلام عليكم خدام الحسين كافة
رجال ونساء
خطباء من سادة ومشايخ
والرواديد حفظكم الله جميعا
ووفقكم لخدمة سيد الشهداء
سيتم نشر مجالس نعي لكل الليالي الاولى من محرم
أي من ليلة الهلال الى ليلة الوحشة
وبالتدريج
من يوم غدا ان شاء الله
من اراد ان يشرفنا بقراءة كتابتي
الاشتراك بالقناة الخاصة بالنعي
ولكم ولنا الاجر والثواب
واتمنى من الاخوه نشر رابط القناة ليستفيد منها اكبر عدد
اخوكم وخادمكم
الشاعر محمد حسن ضيغم /channel/alnaay2022
لأبي الفضل
.بحر طويل
تعال احضني ياخويه ... اريدن منك اشبع شم
لچن كل خوفي بهدومك .. من تحضني يصبح دم
وتحير هناك شتجاوب .. اذا طبّيت المخيم
زينب تعرف بحالي ...وأخاف اتموت بخيمنه
......
تعال الشوگ موتني ،،، الك يا اغلى من روحي
علكيفك خويه ها يحسين ... لا ينلچمن جروحي
خويه عليك والزينب .. اذا تسمع كثر نوحي
باچر وحدك انت تضل .. وسبي زينب يألّمنه
.....
خل ايدك تحت راسي ...ولا تنظرهن چفوفي
واتمنه اشوفنك ... لچن الدم اخذ شوفي
بس المرد دلالي ... علزينب والضعن خوفي
لوصاحت يبو الغيره ... تره مصابك يهدّمنه
.....
بچه حسين وحضن عباس ... وعبرته امكسّره بصدره
وگف وايده علخاصرته ... علخيّه منكسر ظهره
رجع وأجدامه تتعثر ... علعباس شيصبره
قلّت حيلتي بفكدك ... يل ابفگدك كثر همنه
.....
الشاعر محمد حسن ضيغم
كاعده وانه انتظر والدي يلفيني
ـــــــــــ
صحت بويه شعطلك رحت انت وين
عليك بويه ناشدت عمي الحسين
خاف من كد البجي ماتبقه عين
جرّحت حتى الجفن بويه دمعة عيني
ـــــــــــ
انت تدري بحالي مااحمل بُعد
بويه من فركاك ينسل الجبد
اذكرك ويذوب كلبي وينمرد
بويه جمرات البعد بالكلب تجويني
ـــــــــــ
صحت هاي انه حميده ابنيتك
والله مشتاكه تراني الشوفتك
جنت يوميه افز وي جلمتك
بجلمة آيا مدلله اسمع اتناديني
ـــــــــــ
عيوني مشبوحه وانطرك يالولي
بلجي اسمع صوتك وترجع الي
بويه مسلم ردلي ياخيمة هلي
ماحسبت بهل وضع حايره اتخليني
ـــــــــــ
يا هو مثلي عليك دلاله انفطر
ياهو مثلي خاطره عليك انكسر
بويه شنهي السبب طولت السفر
قصة غيابك الم والدي اتبجيني
ـــــــــــــــ
الشاعر محمد حسن ضيغم
/channel/kasaedalatharDaygham
هذا مسلم لو كَمرها نشوفه
لسّه ترجف من زئيره الكوفه
ـــــــــــــــــــ
بكل عزم ... من برز ... مسلم اعله اعدانه
عالعده ... بصولته ... ضل يسرف اردانه
والخصم .. ضل يفر ...تراجعت فرسانه
مسلم ال ...ي برز ... لو كَمر عدنانه
الجيش كلّه ضل يعيش ابخوفه
لسّه ترجف من زئيره الكوفه
ـــــــــــــــــــ
ياهله .. بصولته ... والجيوش اتهابه
ترتجف .. لو ندب ... عمّه داحي ابوابه
والعده ... ما اضن ... حاسبين احسابه
بكوفته .. وفزعته ... نسمع احنه اجوابه
صولته بين الخلك معروفه
لسّه ترجف من زئيره الكوفه
ـــــــــــــ
غيرته ... وشيمته ... من علي كرارهه
تراجفت ... هالعده ... وحيل شبّت نارهه
بمرهفه ... والجمع ... لاذت بأكتارهه
من الاجل ... بالعجل.... تيّهت اخبارهه
تموت كلهه بس يشيل اجفوفه
لسّه ترجف من زئيره الكوفه
ـــــــــــــ
ياعلي ... يا ولي ... صاح صوت الوالي
للحسن ... للسبط ... والله ارخص الغالي
صورته ... محبّته ... ساكنه ابدلالي
لو متت ... هل وكت ...والله لا ما بالي
حسين عشكَي ورتّلتهه احروفه
لسّه ترجف من زئيره الكوفه
ــــــــــــــ
هوّست ... بالحرب ... انه وارث حيدر
كل شخص ... لو برز .... ليّه لا ما يكَدر
ابن ابوي ... بصولتي ... ما يضل كل منحر
والعده ... امدده ... بسيفي من تتوذّر
وذر كلهه اعله الارض مصفوفه
لسّه ترجف من زئيره الكوفه
ــــــــــــــــــ
الشاعر محمد حسن ضيغم
مسلم يجيدوم ... حيل اكَصي بالكوم
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ
طوعه آنه ها يمسلم ها يعنوان الوفه
الكوفه اهلهه ماترحمك تريد من دمك شفه
لاتقصّر وآنه اعرفك انت زود ومعرفه
من امامي هذا زودك هذا زود انوصّفه
لا ترحم اعداك ... دلالي ناداك
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ
ها يمسلم انت حيدر توصف بسوح الحرب
منهو يدنه ويعتنيلك يرد جثه بدم تصب
يامناتي ونور عيني ونور شع بكل درب
شرف ليّه انت لمّن ضيف وبيتي تطب
نسل الامامه ... نلت الكرامه
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ
شرّفتني ها يمسلم وشرّفت كل الاهل
ابيتي انت وعلي عمّك ونسلك وياه اتصل
آنه ضيفك الدار دارك طاعتك افضل عمل
جنّك انت لمن تحمل علي بزوده لو حمل
من حيدر الزود ... يا صاحب الجود
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ
هاني يمك ما يعوفك هناي جاي ايناصرك
امل عنده وهو شيعي جاي يجبر خاطرك
يدري خصمك بهل مسيه كلهه جت اتحاصرك
عل اعادي بكل صموده تدري جاي يآزرك
اينصرك ايريد ... ميعوفك اوحيد
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ
انت وارث زود عمك ومنك اتخاف العده
تسمع الكوم ابصداهه مسلم الضل وحّده
دموعي لجلك ها يمسلم كَطّرت مثل النده
وهذا صوتي بكل عزيمه يرجّع اعليه الصده
يل غالي حياك ... وبروحي افداك
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ
الشاعر محمد حسن ضيغم
لمولاي مسلم بن عقيل
بحر طويل
.....
ابن العم شريچ هموم .. وبكل شده عون يصير
والعنده ابن عم لا .. ابد مايبقى مره يحير
الدم نفس الدمه اليجري... ومايراد كل تفسير
الدم يتحرك بساعة.. تلگه روحك ابشدّه
.....
حزام الظهر دوم يصير .... بالشده ابن عمك
شما مرّت عليك ايام ... تشوفه شايله الهمّك
لا مو ابن عم هذا ... چنه من بطن امك
صح يغفل بعض لحضات...ودمكم حتما ايردّه
.....
وهل واقع اله عنوان ... بمسلم ينبض انشوفه
مو بس ابن عمه حسين.. امامه ومد اله چفوفه
عبد عند الحسين اصبح ... وگبله راح للكوفه
مسلم طايع امر حسين.. وهاي الطاعه من مهده
....
رخّص دمه لجل الدين.. ويتباهه ابسفك دمه
وتالي امن القصر شمروه .. واصبح ينسحل جسمه
كل هذا وينادي ابصوت .. ما وفّي لبو اليمه
خل اتوذّر ولا صد ... حسين ابكربله الوحده
........
الشاعر محمد حسن ضيغم
بحر طويل
التفگد ولد . بالدار ... ماتبقى وتريد اتهج
وماتتحمل افراگه ... بنواعيها عليه اتضج
تنوي الحجه للمفگود..لو رادت تروح تحج
مايهنه لذيذ الزاد..بعده اوليدها المفگود
........
الأم لو يفارگهه .. ابنها تعيش بالحسره
تعرف ميت ولاچن ...بعدها بأمل تنتظره
چانت تشبر بطوله..وفرحها اوليدها شكبره
تصلي اعله النبي وآله ... حفظ من عين كل حاسود
.....
الام لو تشاهدها ... نحيله وصايره بلا راي
گول اوليدها مفگود ... وتنادي شلّي ابدنياي
بالباب وخبر عنه ... الرايح تنشده والجاي
وطول العمر تلگاها ...عليه تلبس ثياب السود
.....
هيچ ام البنين امست ....علفگد حسين ابو اليمه
مانامت ولا هجعت...تنوح وتنحب الهمّه
تصيح بصوت يحسيني..اريد اتردلي يا يمه
نذر لزرع طريق الطف ...ورد لو يبني ليّه اتعود
......
ماريد اسمع اخبارك ...ذبيح وعلترب مرمي
ومن نحرك يصب دمك ..عسى آنه انسفك دمي
ولا جسمك يسحگونه...ريت آنه انسحگ جسمي
فداك اولادي يا يمه..المهم ليّه ترد اردود
....
الشاعر محمد حسن ضيغم
هل مسيه. اهلال حزنك من يهل
هل مسيه. دمع. فاطم ينهمل
كلمات الشاعر
محمد حسن ضيغم
بصوت مسلم المطيري
موكب هيئة ذو الفقار
المكان محافظة البصرة الحيانية
الجمعه المصادف
21/7/2023
اشم بثياب ابوي وأنشد بدمعه
اناطر لو أأيس ماكو كل رجعه
ــــــــــــ
اشم بيهن وأحاجي الروح ياروحي
يرد ليّه ابوي وهم اكف نوحي
بعدد ايام بُعده صارن جروحي
صوته الهسّه اذني بكل مسه اتسمعه
ــــــــــــــ
لهسّه بعيني اشوف شلون لابسهن
وجنت بأيديّه اتعنّه وأعدّلهن
مشه وخايف علي ودموعه حابسهن
وي كل خطوه من عمري انطفت شمعه
ــــــــــــــ
اعطّر بالثياب واحجي وياهن
باجر من يرد بالعطر يلكَاهن
بس لا ذكره ليّه احسين خلاهن
البنيّه اعلبوهه حكَهه منفجعه
ـــــــــــــــ
اصفّطهن وأكَولن باجر يردلي
ويتبسّم اشوفه بساعة ايصدلي
بقيت انطر طروش من الطف ايودلي
جزت ايام وآنه بحزني متكَبعه
ـــــــــــــ
خافن مايرد الشالني بعينه
وأسمع صدى ذبحوأ والد سكينه
عاري اعله الترب والدي امخلّينه
وحافر خيلهم داس وكسر ضلعه
ـــــــــــــــــ
الشاعر محمد حسن ضيغم
.
كلما دَمعِتي اعله حسين اجريها
احب ايدي شكر وبگصتي اخليها
.......
الدمعه الترضي فاطم جنه مو دمعه
وللقاسم الدمعه تنگلب شمعه
البكّائون باچر روس مرتفعه
وبيهم حيدر العالم يباهيها
........
الشكر والله قليل أمن اشكر الباري
اذا دمعي علبو السجاد ضل جاري
يرب كل نار طفّي وخل تضل ناري
علبو اليمه احلفك لا تطفّيها
........
الدمعه انخلقت امن اجل الحسين اتهل
وكل حزن ابّدل حزنه فلا انبدّل
عهد يبن شبيب امحرّم امن ايهل
بس امصيبة الضل عاري نبچيها
.......
تعلّمنه الدموع اعله الحسين انوار
وتترك للي يبچي للقيامه آثار
اليبچي اعله السبي لا ما تمسه النار
دمعة عينه ذيچ النار تطفيها
......
ولو مقدار انمُل دمعتك تُكتب
وبس عند الزچيه شگد اجر يُحسب
الامر الهه يجي بالحشر من الرب
يفاطم شيعتچ للجنه اخذيها
......
امام الضامن المانشفت ادموعه
علجده السحگت اخيول العده ضلوعه
وعلى عمّه البقت چفينه مگطوعه
رموشه الشيب بان أمن الهظم بيها
......
الشاعر محمد حسن ضيغم
من سنه الداير سنه محضرينه
ثوب الاسود من اجل والينه
ـــــــــــ
ثوب الاسود صار النه معتقد
نلبس الثوب وعزانه امن المهد
فطره عدنه ومانبدلهه ابد
والنكرهه ايصير ثلمه ابدينه
ـــــــــــــــــ
ثوب الاسود هو اصل موضوعنه
والمحرّم حضّرينه ادموعنه
جفوفنه انخلقت تدكَ بضلوعنه
الشيعي للدمعه الله خالق عينه
ـــــــــــــــــــــــــ
بعينك انت من تصد الخافقين
الليل اسود لبس ثوبه اعله الحسين
النبي نوح اعله الحسين اصبح حزين
خلص كل عمره بلهيب اونينه
ــــــــــــ
بيوتنه انوشّحهه حتما بالسواد
والوجود بأكمله يعلن حداد
بينه جمره اعله السبط هيج الله راد
انواسي فاطم ربنه المخلّينه
ـــــــــــــــــ
نعلّكَ الرايه اعلسطح ابيوتنه
ومانخلي النعمه هاي اتفتونه
للقيامه ايصيح حتما صوتنه
ياحسين ونبجي لو نادينه
ــــــــــــــــ
الثوب الاسود لجل مسلوب الثياب
الدمعه تجري للبقى فوك التراب
ربي فيض اعلينه من حزن الرباب
وخل محرّم جمره ويبجّينه
ـــــــــــــــ
الشاعر محمد حسن ضيغم
/channel/kasaedalatharDaygham
من متت كَابلت يبني اشموعي
وصحت ياجسام واجري دموعي
راحت ايام السعد .... تبده مايك يالولد .. يجاسم
ــــــــــــــــــــ
يبني جاسم ... ياثمر دلالي
يبني جاسم ... عذّبتلي احوالي
وين تعبي وذاك كل سهر الليالي
وين ذاك المارخص كل وكته غالي
وين ذاك الكَال الج راح ابقى والي
راح عني وصار مثل الشمع حالي
شكد حسبت وخاب ضني بهايه
افرح وبجّتني الك دنيايه
والله دلالي انمرد .... تبده مايك يالولد .. يجاسم
ــــــــــــــــــــ
ذاب كَلبي ... من شفت دم نحرك
ذاب كَلبي ... وجرح يبني بصدرك
امك وجا حكّهه لو ضلّت تلومك
هذا ياجاسم ابد ماهوه يومك
شلون اشوفن دمّك الصابغ هدومك
لو يصح بالروح يبني جان اسومك
والله لوبيدي اقدّم روحي الك
ولا تموت وابقى احن واشتاكَ لك
صرت احط خد اعله خد .... تبده مايك يالولد .. يجاسم
ــــــــــــــــــــ
راح عرسك ... من الفرح حرموني
راح عرسك ... بساعة الفجعوني
آنه امك حضّرتلك حنه والياس
وردت بيك اتباهه يبني بجمعة الناس
ياهو المنغيره والله تموت الانفاس
الحسن انت حسين وجهه وزود عباس
الحنه طشّرهه الاجل يبني بجفاك
عيب افرح لا وحكَ موت الخذاك
قسم بالواحد احد .... تبده مايك يالولد .. يجاسم
ــــــــــــــــــــ
يبني يبني ... شلون بيه اخلافك
يبني يبني ... اسمي فوكَ اشفافك
يل عشت بعيوني تكبر جنت اناطر
وبيك بين اهل السلف ضنيت افاخر
آنه يوميه اكَولن وينه باجر
تالي وجناتك تغيّرهه الحوافر
شلون اعيشن عمري وانه ابلايه ابن
شلون ما يكَضي العمر بس بالحزن
حلمي وياك ابتعد .... تبده مايك يالولد .. يجاسم
ــــــــــــــــــــ
ريت اموتن ... وابقى يم وليدي
ريت اموتن ...وما اوسده بأيدي
بالخيم من جابك حسين وبجينه
وعمك بدم منحرك صابغ ادينه
مثلي زينب عمتك ضلّت حزينه
ويمك المظلوم ما بطّل ونينه
نمت يمك واشم يبني بنحرك
وبيدي امسح من يصب دم صدرك
جم جرح حاوي الجسد .... تبده مايك يالولد .. يجاسم
ــــــــــــــــــــ
الشاعر محمد حسن ضيغم
(على لحن كلهه راحت كربله)
ربي ارزقني الدمع
حتى اسرّن فاطمه
وأنسعد بالخاتمه
خلني اضل ابخدمتك .... يا اباعبدالله
ــــــــــــــــ
من اكلّك شكرا انه ... ادري هل شكرا قليله
شما يجي امحرم تخلّي ... دمعي لمصابك اسيله
ناري تسعر من ارتّل ... ضلت ابحسره العليله
وعالهزل راحت سبيه ... بت علي الحره العقيله
بمجلسك لمن اجي
هذا من عندك فضل
وبالمجالس انقبل
من عليّه ابنعمتك .... يا اباعبدالله
ــــــــــــــــ
يا ابوي الكلّه رأفه .... ما يصح واحد مثيلك
دللتني وكبّرتني ...بفضلك اتعنه وأجيلك
ياحسين الدنيه صحرا ... بلا منابع سلسبيلك
اذنب وتغفرلي دومك ...شكَد عفو شايل دليلك
ذنوبي بسمك تنغفر
برحمتك ابيض ارد
بوجهي بابك ما تسد
محلفك آنه ابعيلتك .... يا اباعبدالله
ــــــــــــــــ
فطرتي شما هل محرم ... تصبح ايامي حزن
بكل صبح اذكر طفوفك ... وأبجي لمصابك وون
ثوب الاسود يبقى ثوبي ... ومن ونيني ما اعن
والمجالس غايه اليه ... مثل ابو ايحن اعله ابن
عشرة امحرم الي
كلشي اليه ابدنيتي
وهي اعز من جنتي
مااعيفن جنتك .... يا اباعبدالله
ــــــــــــــــ
وياك اخذني وخلني يمك ... والله اتيه بلا رضاك
مو بشر اتسمّه والله ... كَلبي لو مره نساك
الدنيه كلهه تضيكَ بيّه ...واختنك لو ما هواك
يامن الكون بعظمته .... سيدي يصبح فداك
تعوف اليحبك محال
دللتني امن الزغر
ترد وحشتي بالكَبر
خل اموت ابحضرتك .... يا اباعبدالله
ــــــــــــــــ
آنه ما انسه مصابك ... من طحت من المهر
صدرك القران وسفه ... شلون ضلعه ينكسر
ماكو مثلك ياحبيب ... من القفى ضل منّحر
وخيمته يسعر جمرهه ... واخته بدروب اليسر
تدخل المجلس عجيب
بالخرابه من تبات
تبجي ي كل البنات
تموت بيهه طفلتك .... يا اباعبدالله
ــــــــــــــــ
الشاعر محمد حسن ضيغم
لسان حال ام البنين
حسين حسين يا يمه
ــــــــــــــــ
آنه امك يا بو علي .... غيرك ما واحد الي
من ترحل ردلي تره .... بعمري بلا انت شلي
اشبع يوليدي قهر ... وأبجيلك يبني دهر
لو ضعنك عني مشه ...راح اكَضي ليلي سهر
ــــــــــــــــ
يالطولك ليّه حله ....وكَلبي انت الغالي اله
شاني ومليانه عشكَ ... وبمحبتك راسي عله
انت الهل مهجه هوه ... وانت العيوني ضوه
كَلبي وكَلبك صرت احس ... يدكَن يوليدي سوه
ــــــــــــــــ
انت بكل ذكري حمد .... افديلك يبني ولد
هنياله الشفته الك .... اصبح كل عمره عبد
فضّلني الباري صرت ...اخدم ما لحضه حرت
الوفّايه اصبحلي اسم .... وعد ربي انه اكبرت
ــــــــــــــــ
يل حبك ماله ثمن ... عيوني بهل فركَه عمن
ارجعلي كَلبي ذبل ...سنيني وي ضعوني مشن
اتنطر يبني ترد ... وأزرع كل دربي ورد
وحنّه اعله الحايط احط ..لرجوعك يبني اعد
ــــــــــــــــ
يحسيني بكَلبي جرح ... صبح العاشر مو صبح
جسمك بالحومه وذر .... راسك ويرفعه رمح
ومتضل للعيله خيم .... لا كافل لا كو علم
الكافل دم نحره يصب ... ويصوّب عينه سهم
ــــــــــــــــ
الشاعر محمد حسن ضيغم
اميري حسين
ـــــــــــــ
حبيبي حسين ... غرامي ازلي
احبه واهيم ...نفس صار الي
جنون .. فنون ... غرامي صبح
اشتياق .. كَلب ... لشوكَه انشرح
اموت ... يريت ... ولا هو انذح
سجودي اعله بابه ..وانوح المصابه
اميري واحبه ... ذبحني غيابه
ـــــــــــــــ
عرفته مناي ... امير الوجود
محبته زلال ... بحياتي تزود
خيال .. محال ...ارسم انه
عبد .. اضل ... اله بكل سنه
فخر .. الي ... بغرامه دنه
نذر روحي يمّه ... يريت افدي جسمه
الكَلب ريته دمّه ... فده ابو اليمه
ــــــــــــــــ
اعيش الطفوف ... بصباح ومساء
ودليلي صبح ... عزا وكربلاء
دمع .. حزن ... اكَضي عمر
جزع ... لطم .. يضل علصدر
بعد .. الي ... شيفيد الصبر
حياتي المجالس ... يرب سوني عابس
مع اخواني جالس ... بسواد الملابس
ـــــــــــــــــ
اخذني الك ... بجاه الرباب
اريدن رضاك ... شلي بالثواب
يريت .. انه ... بضريحك ثره
انوح ... ودمع .. مصيبه جره
نحر ... ذبيح ... انه اتصوره
وأردد واصيح ... حبيبي الذبيح
اكومن واطيح ... بدليلي الجريح
ـــــــــــــــ
يويلي صريع ... حبيب البتول
على ضلوعه حيف ... تدوس الخيول
دماه .. جره ... علطف كربله
وتنوح ... اجت ... اله العايله
معين .. فلا ... تواجد اله
عياله سبيّه ... ويشتوا رقيه
فكد زود اخيه ... البقى اعله الوطيه
ــــــــــــــــــــــــ
الشاعر محمد حسن ضيغم
#عزاء_شهادة_مولانا_الرضا(ص)
كعدية| مشتاق ازورك …
#الملا_علاء_العكيلي
#كلمات الشاعر محمد حسن ضيغم
موكب حبيب الزهراء (عليهما السلام)
@HabibAlzahra