5137
القصائد الرثائية للآل الأطهار ع
اجساد ضلت علارض مطروحه
أعليهم الدلال كثرت جروحه
ــــــــــــــــــــــــــــــــــــ
من عكب ما سار ضعن العايله
وعافوا الاجساد كلهه امجندله
بصوت صاحوا آه منج كربله
الوالي بالطف وسفه فارك روحه
ــــــــــــــــــــــــــــــــــ
شافوا اجساد الاهالي مكطعه
وكل شهيد الطاح دامي ابمصرعه
وزينب من ابعيد اخوهه اتودعه
موادع المذبوح وي مذبوحه
ــــــــــــــــــــــــــــ
ودّعت عباس والكلب انكسر
خويه الله وياك صاحت يالكمر
آه منك صوت صاحت يانهر
يمك ادموم الكمر مسفوحه
ـــــــــــــــــــــــــــــ
ودّت الدلال يم اخوانهه
وبيه صفحات انملت بحزانهه
هاي اختكم مشت وي عدوانهه
والله ياحيف اصبحت مجروحه
ــــــــــــــــــــــــــــــ
عكب ثلث ايام والكلب انفجع
لن علي السجاد يدفنهم رجع
ولنـّه صوت من النحر يطلع سمع
انفجر زين العابدين بنوحه
ــــــــــــــــــــــــــــــــــــــــ
من سمع هالصوت هزاه الصده
يبني اخوك الطفل امشي وشاهده
لمن تدفني علصدري وسدّه
خل اشمن ركبته المفتوحه
ـــــــــــــــــــــــ
دفن هلاجساد زين العابدين
ورجع مهظوم العياله المنسبين
كل دموعه اتصيح ويلي اعله الحسين
شلون سهم النايبات يلوحه
ــــــــــــــــــــــــــ
الشاعر /// محمد حسن ضيغم
نعي
لليله الثانيه عشر
...
سوده عليه ابلايه خوان
واعله الترابه ابلايه صيوان
......
يم الخدر سوده عليّه
فدوه رحتلچ يالوفيه
باچر يسمّونچ سبيه
وعالناگه وسف اتطرّي وديان
.....
ايتام يمچ تبچي كلهه
وتناشدچ وين الكفلهه
عطشانه ماي ايجيب الهه
لاچنّه ضل ابلايه ذرعان
......
يل حيرتچ كلش چبيره
بياچلمه وتهودي الصغيره
باچر يودّونچ اسيره
ومنتظرتچ شمات الاوطان
......
الرمل حار وماي ماصح
والّي غفه خدّه ايتجرّح
لو بچت طفله الشمر يفرح
ووجوهكم متروسه دخان
......
الشاعر محمد حسن ضيغم
كَضت ايامك الجنت احسبلها
وجرح هاي السنه نفس القبلها
جنت اتمنه اموت بعاشرك كون
من اسمع زينب اتريد الكفلها
اعيش شلون وانت مسلّب هدوم
النهر يمّك ومن الماي محروم
حبيبي ... طبيبي ... اخذني ... يمولاي
ـــــــــــــ
اصابع عشره بجفوفي امنصدها
عشر ايام حزنك هيجي اعدها
استحي لوشفت خنصر بيدي موجود
لأن فاطم لكَت خنصر ولدها
سمعت الصوت ضعنك صار ضايع
شلت جفّك وبي اربع اصابع
مصيبه .. غريبه ... ضمايه ... وبلا ماي
ــــــــــــ
الك صوره اعله حايطنه شكبرها
حمامه تنوح كل مغرب حدرها
اذا اذّن تطير وتعني ليك
وعلى نحرك تجي تخلي نحرها
لهذا استحي لو ذكرك يفوت
وما اجزع عليك ولا يجي الموت
بخجل جيت .... وتمنيت .... اموتن ... يرجواي
ـــــــــــــــ
كَضت ايامك وماكَضت روحي
وعسن ما طابت الحزنك جروحي
عليك بجاه ترجيه رقيه
بعزاك اخذ العمر يابعد روحي
الك يامن خلق ربك حياتي
ودعائي بمجلسك يحصل مماتي
الوكت فات ... وبلآهات ... اتاني ... العزا الجاي
ــــــــــــ
كَضت ايامك بعظم المصيبه
حبيب الله وبقى بشيبه خضيبه
غريب انت كَبل ذبحك يالحسين
انذبحت وزينبك صارت غريبه
اموتن لو اموتن ضل خياري
السترنه شلون ضل مذبوع عاري
يمذبوح ... يمطروح ... على الكَاع ... بلا افياي
ــــــــــ
الشاعر محمد حسن ضيغم
الخيل من تغير تسحگ علتراب
ليش باچر تسحگ بصدر الحسين
..
ويلاه ياحسين
نعي العبدالله الرضيع
لا تكَولي شلونك انشل حالي
راح عبدالله العزيز الغالي
شيلي مهده ما اريده اكَبالي
شينفع ومنّه المهد ضل خالي
ـــــــــــ
لاتنشدي شلون حالي اتمرمرت
النبله صابت ركَبته بعيني شفت
ريت كَبل اوليدي يختي تصوّبت
فرفح وجم موته يازبنب متت
ـــــــــــــ
اخذي عبدالله الصبر ملّيته
عَلَي مارد وأشكثر حاجيته
ماي يروه بروحتي اتمنّيته
مثل ماخذته عسن ردّيته
ـــــــــــــ
شلون امه اتشوف دم بركَبته
وهيّه يرجع ليهه سالم تانته
شلون تبقى تنوح يمه ابخيمته
ادري راح تموت صعبه مصيبته
ــــــــــــ
الشاعر محمد حسن ضيغم
يا امير الكوفه شوف الاكبر شوفه
يا حيدر يا حيدر
ـــــــحـــــــــــــ
من برز للحومه علي الحلوه ارسومه
عداه يا بو الغيره حايره ومالومه
بصولتك يالوالي
صال صوله الغالي
يا حيدر ياحيدر
ــــــــــــــــــ
الحومه حين الطبهه ال اميه ارعبهه
الغاضريه بزوده بكيفه من يكلبهه
هوّس بميدانهه
وهلهلت اكوانهه
يا حيدر ياحيدر
ــــــــــــــــــــ
صال واتعناهه * * بس جثث خلاهه
مانلومك حيدر بيه من تتباهه
طشراهه بكيفه
وذراهه بسيفه
يا حيدر ياحيدر
ــــــــــــــــــــــــ
يا شبيه الهادي امه ضل ينادي
هل عزم يوليدي يبني سر افادئ
راسي يبني ارفعته
تعبي ما ضيعته
يا حيدر يا حيدر
ـــــــــــــــــــ
والدك سريته بهل عزم ناديته
جيش اميه بزودك *** يرتجف خليته
بلا ركب تلكاهم
تغسلوا بدماهم
يا حيدر يا حيدر
ـــــــــــــــــــ
ريت تنظر زوده ياعلي ومجهوده
جيش اميه بخوفه ** صفت كل جنوده
غنم كلهم صاروا
بالمفر احتاروا
يا حيدر يا حيدر
ـــــــــــــــــــــ
علي لو هد بيهم ... والحسن يفنيهم
اي وحك دم حيدر ...اشلاء ويخلّيهم
سيفه لايكَ بيده
الحومه صارت عيده
يا حيدر يا حيدر
ـــــــــــــــــــــ
علي بس بصوته ...هواي تصبح موته
فرصه وبهل حومه ... لاتضن اتفوته
من كَدر يدناله
ارعب الخيّاله
يا حيدر يا حيدر
ـــــــــــــــــــــ
جفوفهم لا واهه ...ترتجف خلاهه
بلايه روس اعداكم ... بكربله مشّاهه
الكوم بي محتاره
وشصنع بتاره
يا حيدر يا حيدر
ـــــــــــــــــــــ
الشاعر محمد حسن ضيغم
علي الاكبر هذا لو حامي الحمه
هذا فارس طلع من امخيمه
ــــــــــــــــــــــــــــــــــــ
من الخيم فارس طلع وبهييته
جنهه يمنة داحي خيبر يمنته
عيونـّه انشبحت علي ماعرفته
هذا ياهو رجّف اجفوف السمه
ــــــــــــــــــــــــــــــــــ
برز شال السيف واتعنه الحرب
الكاع ترجف جوه جدمه من يطب
عدنه من الخوف ما ضل كل كلب
يسوي بينه اليوم جا يا ملحمه
ــــــــــــــــــــــــــــ
ترتعش جفينه ماندري ليش
هو فارس واحد وعود احنه جيش
جنه عزرائيل ما يقبل نعيش
عيونه من الخوف ضل تكطر دمه
ـــــــــــــــــــــــــــــ
فجوه صارت بالمعسكر من برز
اشتات صرنه الفارس بحين ارتجز
صرنه طشاره مثل طش الخرز
تيـّهينه ادروبنه انصبنه بعمه
ــــــــــــــــــــــــــــــ
بحيره وين انروح مدري الياكتر
ما سلم من عنده بس الي يفر
صاح انه الاكبر وسيفه منشهر
الف هنياله النجه من صارمه
ــــــــــــــــــــــــــــــــــــــــ
الشاعر /// محمد حسن ضيغم
هوسات لعلي الاكبر
(1)
الجيش صاح جفوف اديك ادخيلها
خاف تلزم كربله وتشيلها
امهلنا لمّا الدنيه يكَرب ليلها
ياسبع الحومه ... منك عطوه انطينه
ــــــــــــــ
(2)
حين شافت غار مهرك ياشهم
بخوفه ضلت زلم وتلوذ بزلم
كبرت اعله ضهورهم ذيج الحزم
ابسلّت سيفك .. حار الجيش ايروح امنين
ــــــــــ
(3)
صيف لاجن جيشهم ضل برجيف
وطاحت اوراق العمر جن بالخريف
باب سيفه امشرّع ابشكل المضيف
ميرد خطار .. السيف شما يدنونه
ــــــــــــ
(4)
اتحنحن وصوته وصل شوف الجره
الحك الحك كلها رجعت ليوره
جف الاكبر هذا لو جف حيدره
ياهوا اتعهنّاهه ... احتاروا بيه احتاروا
(5)
ـــــــــــــ
وكف شد اعمامته وكلها برعب
واحد وللثاني كَله كَبلي طب
ها يلاكبر احنه مو مالت حرب
فدوه اعفوا علينه .... الجيش ايصيح ادخيله
ـــــــــــــ
(6)
علي الاكبر بس ركب فوك الفرس
الجيش خلّه اذنه علهاي الكَاع حس
الشرده اولى واحد الواحد همس
بخته برجلينه ... الرايد يشرد منّه
ــــــــــــــ
(7)
صاح بيهم شخص بس آنه فزت
الشردتي شيلة امريتي جهّزت
امن البدايه للهروب آنه اوعزت
جيف اعرف بيهه ...جبت وياي الشيله
ــــــــــــــــ
الشاعر محمد حسن ضيغم
علي الاكبر علي الاكبر
ــــــــــــــ
يبن حمامي الحميه
يسبع الغاظريه
ددوس اعل هال اميه
يبن حيدر يبن حيدر
ــــــــــــ
يمن كلك شهامه
يبن تاج الامامه
العدو اذبح ظلامه
ابفجر منطر ابفجر منطر
ـــــــــــــــ
حله السيف بيمينك
يمن ربك يعينك
يشع بالحك جبينك
وغضب احمر وغضب احمر
ـــــــــــــــ
يمن معروف عنك
اميه اتخاف منك
شجاع وشهم لنك
دست عسكر دست عسكر
ـــــــــــــــ
علي وكلك شجاعه
يعنوان القناعه
يمن بيك الشفاعه
المحب يفخر المحب يفخر
ــــــــــــــــــ
الشاعر محمد حسن ضيغم
خويه زينب لازم اصفاحي بديه
هيچي حاله الينذبح گدامه اخيه
ريته ماشفته وگع يم النهر
صحت رحت امنيدي يحزام الظهر
ها يزينب. ها يزينب
كلمات الشاعر / محمد حسن ضيغم
المكان محافظة البصرة الحيانية
موكب وهيئة ذو الفقار
الأربعاء الموافق 26/7/2023. ميلادي. 1445. هجري
للقاسم
بحر طويل
.
ياعمه انشدنچ ... ليش حسين هل دمعه
وليش اتعنه للخيمه ... بحسره خمّد الشمعه
وليش اگبال اسم جسام
بچفوفه يدگ ضلعه
خبريني يبت حيدر ... يعمه احتارت افكاري
......
يعمه الحاله مو سهله ... اشوف الغالي يتحسر
شما رمله اجت يمنه ... يبقه انظرله مايگدر
شنهي الصار ياعمه .. بكل خطوه اصد يعثر
وي دمعات عينه الروح ... بيها تشتعل ناري
....
راح حسين للحومه ... يركض منذهل فكره
آ يالحسن ومصابه ... يصيح وحسرته بصدره
وگف وانحنه اعله بنادم ...يشبگه ويجذب الحسره
جابه وشايله بيده ... ودمعه اعله الوجن جاري
......
وصل وبأيده ان شايل ... جسام وينوح اعليه
ودم من النحر ينزف ... من شاله وصبغهه ايديه
صحت بصوت ياعمه ... ابوي وجاسم اتلگيهه
ولن رمله تصيح اليوم ... ياويلي انهدم داري
.....
الشاعر محمد حسن ضيغم
🔴أداء -السيد الحاج محمد الجيزاني
▪️#قصيدة - جاسم يغله من روحي
▪️#الشاعر- محمد حسن ضيغم
▪️محرم 1442
▪️ في حسينية موكب الزهراء
عمي جسام ... بيك اشم عطر الحسن
عمي جسام ..... بيك دلالي امتحن
ـــــــــــ
ليك زاد النوح ... يبني ياجاسم
ويبجي ضل اعليك ...دم كَمر هاشم
عكَل امك صار ... بالحصل هايم
مخضّب وبدماك ... ارجع الفاطم
عمي ياجسام ... عليك امك تحن
عمي جسام ..... بيك دلالي امتحن
ــــــــــــ
شلون جسمك طاح ... يبني عالغبره
لبّة الدلال ... منكَطع نحره
كَلبي يبني عليك ...كَلّي شيصبره
تموت اخاف اعليك ... زينب الحره
عمي جسام ... خوفي امك تجن يجن
عمي جسام ..... بيك دلالي امتحن
ـــــــــــــ
لابس اعمامة .... والدك انظر
خاطر امك ليش ... يالولد تكسر
من تشوفك اخ ... يبني ما تصبر
تنظر النحرك ... بس دمه يكطَر
عمي جسام ... صعب هذا الحزن
عمي جسام ..... بيك دلالي امتحن
ــــــــــ
جاسم العريس ... ذبحوا الشمعه
وشمعتك هالساع ... تبدّلت دمعه
كَلب اخت حسين ... مصابك يفجعه
بالخيم تنظر ... جثه متكَطعه
عمي جسام ... تنذبح مااضن
عمي جسام ..... بيك دلالي امتحن
ـــــــــــــ
يبني ياجاسم ... رد عليّه اجواب
من بعد عرشك ... تنام فوكَ اتراب
ودمك الينزف ... صار ليك اخضاب
موش مال اجروح ... يبني بعدك شاب
عمي جسام ... عليك يبني اون
عمي جسام ..... بيك دلالي امتحن
ـــــــــــ
الشاعر محمد حسن ضيغم
من متت كَابلت يبني اشموعي
وصحت ياجسام واجري دموعي
راحت ايام السعد .... تبده مايك يالولد .. يجاسم
ــــــــــــــــــــ
يبني جاسم ... ياثمر دلالي
يبني جاسم ... عذّبتلي احوالي
وين تعبي وذاك كل سهر الليالي
وين ذاك المارخص كل وكته غالي
وين ذاك الكَال الج راح ابقى والي
راح عني وصار مثل الشمع حالي
شكد حسبت وخاب ضني بهايه
افرح وبجّتني الك دنيايه
والله دلالي انمرد .... تبده مايك يالولد .. يجاسم
ــــــــــــــــــــ
ذاب كَلبي ... من شفت دم نحرك
ذاب كَلبي ... وجرح يبني بصدرك
امك وجا حكّهه لو ضلّت تلومك
هذا ياجاسم ابد ماهوه يومك
شلون اشوفن دمّك الصابغ هدومك
لو يصح بالروح يبني جان اسومك
والله لوبيدي اقدّم روحي الك
ولا تموت وابقى احن واشتاكَ لك
صرت احط خد اعله خد .... تبده مايك يالولد .. يجاسم
ــــــــــــــــــــ
راح عرسك ... من الفرح حرموني
راح عرسك ... بساعة الفجعوني
آنه امك حضّرتلك حنه والياس
وردت بيك اتباهه يبني بجمعة الناس
ياهو المنغيره والله تموت الانفاس
الحسن انت حسين وجهه وزود عباس
الحنه طشّرهه الاجل يبني بجفاك
عيب افرح لا وحكَ موت الخذاك
قسم بالواحد احد .... تبده مايك يالولد .. يجاسم
ــــــــــــــــــــ
يبني يبني ... شلون بيه اخلافك
يبني يبني ... اسمي فوكَ اشفافك
يل عشت بعيوني تكبر جنت اناطر
وبيك بين اهل السلف ضنيت افاخر
آنه يوميه اكَولن وينه باجر
تالي وجناتك تغيّرهه الحوافر
شلون اعيشن عمري وانه ابلايه ابن
شلون ما يكَضي العمر بس بالحزن
حلمي وياك ابتعد .... تبده مايك يالولد .. يجاسم
ــــــــــــــــــــ
ريت اموتن ... وابقى يم وليدي
ريت اموتن ...وما اوسده بأيدي
بالخيم من جابك حسين وبجينه
وعمك بدم منحرك صابغ ادينه
مثلي زينب عمتك ضلّت حزينه
ويمك المظلوم ما بطّل ونينه
نمت يمك واشم يبني بنحرك
وبيدي امسح من يصب دم صدرك
جم جرح حاوي الجسد .... تبده مايك يالولد .. يجاسم
ــــــــــــــــــــ
الشاعر محمد حسن ضيغم
سيتم نشر
قصائد ونعي للدفنه
هذا اليوم
على قناة الشاعر محمد حسن ضيعم
نسالكم الدعاء
/channel/kasaedalatharDaygham
على لحن
ناذر سنيني للملا باسم
.
للثاني عشر من محرم
.
فدوه حاچيني .. يانظر عيني .. يخويه
ضيّعت كلشي ... والله راح امشي ... يخويه
ـــــــــــــــ
خويه باچر راح نمشي بيد الاجناب
وانت تبقى جثه حمره فوكَ التراب
من اعوفك لا تكَلّي شنهي الاسباب
خويه مسبيه اروح ابدمع سچاب
كَوه من ارحل ... وما اضن تقبل ... يخويه
دمعتي برمشي ... والله راح امشي ... يخويه
ـــــــــــــــ
راح اعوفنك جسد فوكَ الوطيه
وعلى الناكَه امچتّفه وامشي سبيه
كون بيدي والله اضل بالغاضريه
وأرد خنصر يمنتك يابعد اديه
اجمع اوصالك ... ونصف دلالك ... يخويه
عصابه الي فرشي ... والله راح امشي ... يخويه
ـــــــــــــــ
تدري بيّه بلايه خيمه ولايه رايه
النهر يمّي ومايصح اعليّه مايه
من البدايه بكَلبي جرحك للنهايه
هايه آنه خاف تنشد منهو هايه
امغيّره ارسومي ... وراحت علومي ... يخويه
شيبتي ابرمشي ... والله راح امشي ... يخويه
ـــــــــــــــ
مااعاتب لان اعرف هذا وضعك
دمعي يجري وانت اليه يجري دمعك
متني يبن امي اعرفنك يفجعك
والفجعني والله خويه شفت ضلعك
كاسره الحافر ... بصدرك شصاير ... يخويه
تيّهت كلشي ... والله راح امشي ... يخويه
ـــــــــــــــ
بليل اجيتك بيدي اجمع وذره وذره
وياهو مثلك طشّروهه اضلوع صدره
اخ والله السيف شمسوي ابنحره
يغرزه كّوه وتالي وبهيده يجرّه
رحمه ماعنده ... بفعلته اتعدّه .... يخويه
ورث من وحشي ... والله راح امشي ... يخويه
ـــــــــــــــ
الشاعر محمد حسن ضيغم
نعي بصوت. مسلم المطيري
ليلة الوحشة
كلمات الشاعر محمد حسن ضيغم
المكان محافظة البصرة الحيانية
موكب وهيئة ذو الفقار
السبت الموافق، 29/7/2023 ميلادي. 1445 هجري
نعي بحر طويل
يوم العاشر
اول مره اصيح حسين.. وما اسمع عليّه ايرد
مدري الحوافر حيل ...بضلوعه غدت تمرد
علتل واگفه واندب ... وانت هناك متوسد
اذا عندك نفس گلي ... اريدك تفزع اعليه
......
ماضل شوف كد دمعي ... بس الخيل اشوفنهه
اضنك صرت جوه الخيل ... صحت هل جثه عوفنهه
تصهل من تدوس اعليك .. شفت اشگد قهر منهه
يريت الخيل عافتّك .. بحوافر اعتنت ليه
......
صحت يل صرت جوه الخيل ... الخيم بالنار حرگوهه
ورقيه ابين هذا وذاك ... تركض خويه ضربوهه
مهظومه تريد اتجيك .. لاچن مايخلّوهه
هذا الي سطر خدهه .. وذاك السلب ترچيه
......
الشاعر محمد حسن ضيغم
عجّت كربله انظرها .. وسكت وچنه راح الصوت
شويه ولن سمعت آنه .. صدى وللخيمه گام يفوت
زينب بالخيمه مابگت گطرة ماي
اخوچ حسين راح يموت
......
الشاعر محمد حسن ضيغم
على لحن قصيدة ملا باسم
ننتظرهذا اللقاء .. كربلاء يا كربلاء
ـــــــــــــــــ
يا حبيبي ياحسين
نور عيني ياحسين
ـــــــــــ
الليله ليلة عاشر ... العيله تكسر خاطر ..صعب الاوداع
تدري لو طر صبحه ... حسين يصبخ ذبحه ... ويبقى علكاع
جسمه يا ويلي رهين
نور عيني ياحسين
ـــــــــــ
هل حرم محتاره ... والدمع يتجاره ... تصد للحسين
الابو يودع اعياله ... وحالته من حاله .... تبجّي كل عين
ونسمع منّه الونين
نور عيني ياحسين
ـــــــــــ
من كَعد بلخيمه ... أشّر اعله الهيمه ... ودمعته اتسيل
باجر يشردوكم ... اخ ويسحكَوكم ... بحافر الخيل
تنادوا جا وين الحنين
نور عيني ياحسين
ـــــــــــ
اجن زينب يمّه ... تكَلّه يابو اليمّه ... فدوه لتروح
منو يبره الضعني ... رايد اتودّعني ... وابقى بالنوح
والكَلب يصبح حزين
نور عيني ياحسين
ـــــــــــ
راح يم سكينه ... وتجري دمعة عينه ...ومسح عالراس
أعرفت شنهي الصاير... يتيمه تصبح باجر ... يروح عباس
ولا يضل يمهه الحسين
نور عيني ياحسين
ـــــــــــ
جمع كل اعياله ... وحضن كل اطفاله ... ونادى يارب
احمي هاي اعيالي ... ما اهم الحالي ... وناره تلهب
تشهد اعلينه السنين
نور عيني ياحسين
ـــــــــــ
الشاعر محمد حسن ضيغم
علي الاكبر من شهر بتاره
جيوش عدوانه بكت محتاره
***********************
الجيش ضل حاير وعكله منذهل
منين هذا الفارس الضل منجهل
هذا حيدر رد علينه بهل فعل
وين كلّي انروح من فقاره
***********************
الشمره هاي الحيدر الكرار اضن
لان نذكر بيه جم زلمه امتحن
ندري حيدر رجّف جفوف الزمن
بمعركة صفين شن الغاره
***********************
ولنّه صوت يصيح هذا آنه علي
آنه الاكبر انه تربات الولي
بصولتي الاف راحت تنجلي
واليفر دمعاته ضل تتجاره
***********************
آنه من حيدر خذت هذا العزم
آنه بجدامي اسحك خشوم الزلم
بس اصيحن ياعلي الكل تنهزم
وكل شخص بجبينه يصبح عاره
***********************
آنه الاكبر ابد ماهاب العده
وكربله للعزم تصبح شاهده
سيفي يصبح ادري نارا مؤصده
والبطفوف السيف تحرك ناره
***********************
آنه سموني شبيه المصطفى
آنه علحك جفني ابدا ما غفه
سيفي ذو الفقار خصمي اتوصّفه
جي علي بيهم ترك آثاره
***********************
الشاعر // محمد حسن ضيغم
رد محني اضلوعه
تتكَاطر ادموعه
تعنّه العلي ويصفكَ حسافه بيده
ونام اعله طوله ويمسح ابوريده
ـــــــــــــ
ركضه وحده من المخيم والدمع مثل المطر
حسين راح الصوب الاكبر شافه بالسيف انطبر
السانه بين احّاه يبني وجرحه كل لحضه ايعثر
يصفك ايمينه ابيساره وكَلبه لوليده انكسر
تتعثّر اجدامه
جي طاح جدّامه
يحجيله جلمه من وصل يريده
ونام اعله طوله ويمسح ابوريده
ـــــــــــــ
من المخيّم صوت يسمع والدي اعليك السلام
راح اضل بالحومه بويه لو تردني للخيام
خلني يم عمّاتي ابقى يم حضن امي انام
بس يبويه من تردني زيح من جسمي السهام
كل خوفي اعله امّي
لو شاهدت جسمي
وادريهه من بعدي تضل وحيده
ونام اعله طوله ويمسح ابوريده
ـــــــــــــ
وكَف يم ابنه ويصدله قطعه حمره من الجروح
كَعد وايدينه اعله خدّه وصاح يوليدي وينوح
راح ابقه اخلاف عيني يبني آنه ابلايه روح
بيك يبني للمخيم والله مدري شلون اروح
ماعندي حيل امشي
بيك افكدت كلشي
همك على اهمومي اصبحت تزيده
ونام اعله طوله ويمسح ابوريده
ـــــــــــــ
شال ابنه ومن مصابه وياه هوه فوكَ الترب
وصاح يافكَدت الغالي اعله الابو كلش صعب
هيج يبني تموت ضامي وطايح ابسوح الحرب
هيج اصدلك والله صعبه منيلي اخلافك كَلب
من شاله بجفوفه
وليلى امّه اتشوفه
دمّه نزف من هامته اعله جيده
ونام اعله طوله ويمسح ابوريده
ـــــــــــــ
وصل بي للخيمه ويلي والحرم سوّن عزاء
ومن نعيهن والبواجي بجت تربة كربلاء
وحده تمسح فوك شعره او وحده تمسح بالدماء
او وحده ماتت بالمناحه او وحده هدّاهه البكاء
دارن عليه كلهن
دوي النحل الهن
يايمه صارت شوفتك بعيده
ونام اعله طوله ويمسح ابوريده
ـــــــــــــ
الشاعر محمد حسن ضيغم
وي علي الاكبر حسين ابوكت الاوداع
حاضن ابنه وبالدمع طاحوا على الكَاع
نادى والدمعه بالخد جريه
فركَتك يبني تصعب عليه
ــــــــــــ
بين جمرات المصيبه وبين جمرات الهجر
حسين ضل ايودّع ابنه والكَلب يلهب جمر
تلاكَت الدمعه ويدمعه والصبر وي الصبر
وزينب اتصد الاخوهه شلون اصبح منكسر
عيون ابو اليمّه تحاجي عيون الاكبر
يكَلّه يبني ابفركَتك صدّكَني مكدر
يل ذخرتك علي عون اليّه
فركَتك يبني تصعب عليه
ــــــــــــ
واكف اكَباله ويشوفه يشوف طوله وهيبته
ساعه ينظر وجه الاكبر ساعه ينظر عمته
صاح يبني وفوكَ خده كَام تنزل دمعته
الابو ابنه حياته موش قطعة جبدته
ياعزيزي استعجلت بوداعك وياي
ريّض بهل رحله وتاخّر يضنواي
لو رحت ابقى افرك بديه
فركَتك يبني تصعب عليه
ــــــــــــ
ادري ضامي ونار كَلبك يبني كلش مسعره
وادري منّي الماي ردته ياعزيزي وتنطره
يبني منّي اتقرّب انت وارد اخبرك بالجره
على الساني حط لسانك والشفاف امفطّره
ضامي مثلك ياعلي وكَلبي بلهيبه
بالطفوف الماي الك من وين اجيبه
حرمته اعليه كل آل اميه
فركَتك يبني تصعب عليه
ــــــــــــ
حضن ابنه حسين بالطف حين راد يودّعه
حسين نشّف دمع ابنه وعلي ينشّف مدمعه
والونين الي بكَلبهم ويلي زينب تسمعه
يمشي الاكبر خطوه وحده والحنين ايرجّعه
غالي يحضن غالي برض الغاضريه
بجمر الموادع هوو فوكَ الوطيه
ونّته اعله ابنه ونّه شجيه
فركَتك يبني تصعب عليه
ــــــــــــ
دنيه مارحمتني نادى من نوه يروح الامل
ونادى يبني علي الاكبر روح ودّع هل اهل
لاكَته زينب تشوفه والدمع منها همل
تصيح محروس بعلينه ياعلي من الاجل
ودّع امّه وعمّته وللحومه ناوي
وامّه نادت هالعمر بعده شيساوي
انت من الله اعظم هديه
فركَتك يبني تصعب عليه
ــــــــــــ
الشاعر محمد حسن ضيغم
عکيلي
للاكبر
..
ضرغام الثاني يسمونه
......
يل وجهك حيدر بوصافه
والدنيه نجوم اعله چتافه
حگهه الكوم بحين تخافه
من سلت سيفه ايهابونه
....
عالمهر واصبح يتبختر
ويناديهم آنه الاكبر
بكل صولاتي اشبه حيدر
وحيدر بفعاله يعرفونه
......
لابس هل چفيه الخضره
ومن حيدر ماخذ كل شمره
الطف يهتز حين اليقره
كل واحد اصفر ضل لونه
......
گالوا حيدر هذا الجانه
نتراجف بالحر خلانه
يمهم من سرفنهه اردانه
يرجع بحسين يحلفونه
.......
خلاهم طشار بسيفه
ويتنومس بالحومه بكيفه
زود البي يصعب توصيفه
گاع الطف ضلت مجنونه
....
الشاعر محمد حسن ضيغم
/channel/kasaedalatharDaygham
على لحن يامحله الوداع
.
امك ياعلي بالغاضريه
تتمنّه المنيه
من جابك ابوك ابحسره اليه
ــــــــــــــ
لاتعتب عليّه لو متت يبني ... وخلصت كل حياتي
شلون انظر الدمك عل ترب يجري ... راحت امنياتي
يوليدي وصحت ياريته يوم الطف ... بيه اعلن وفاتي
عمري مااريده
بعد ابني ووريده
اصد المنحرك والطم بديّه
ــــــــــ
يل رحت وعفتني وبالخيم انطر ... يالاكبر تجيني
والصوب الدرب من ارحلت يبني ... اعاينلك ابعيني
اكَعد بالمخيم ساعه ساعه اوكَف .. ما بطّل ونيني
يبني اتنطّريتك
وبدمعي بجيتك
اصد لحسينك ابدمعه جريه
ــــــــــــــ
شفت وجه الابو اتغير وهل دمعه .... ورف رمشي يروحي
كتله اخبرني يا امر الحصل فدوه ... وآنه ابجمر نوحي
كَلي للخيم ادعي يمهظومه ... طبّي الخيمه روحي
دعيت الله ونبينه
يالاكبر تجينه
كل خوفي عليك بهل مسيه
ـــــــــ
ردّيت وشفت لون الوجه اصفر ... وماادري شجرالك
ثاري امن الضمه كل لونك اتغير .... حال الضيم حالك
اعتنيته والدك يالغالي للخيمه ... شافك واعتنالك
ضامي خبّريته
ومثلك لن لكَيته
نار العطش بجروحه سريه
ـــــــــــ
رجعت وايست يوليدي الي ترجع ... وروحي راحت اوياك
تمنيت الاجل يلفيني يالاكبر ... وما تتصوب هناك
ودمعي بكربله يوليدي ضل يجري ... ولا ضل ينزف ادماك
عمك كَابع ابهم
جابك للمخيم
يليله جبت أنه وليدج بديه
ــــــــــــ
الشاعر محمد حسن ضيغم
شموع جاسم بيدي من طفوهه
وحنته بدمع النظر عجنوهه
*****************************************
جاسم العريس ابني ومهجتي جان بجفوفه ينشّف دمعتي
وهه حين الطاح وجّر جمرتي بذبحته الروح بجمر وجوهه
*****************************************
جنت احسب احساب لو ضكني الدهر وجاسم بعيني اشوفه لو كبر
بيده عني ايزيح نكبات الخطر تالي جثته عللارض خلوهه
*****************************************
يبني هاي شموعك وحنّت فرح ليش طفيتوا الشمع كلبي انجرح
شلون جاسم علترب شفته انذبح شمعتك وي ركبتك ذبحوهه
*****************************************
اصفك اليمنه عليسره بفركتك ومن دموعي التجري اعجن حنتك
شما اوجهه الريح يطفي شمعتك ريح حقد اهل الظلم هبوهه
*****************************************
يبني جاسم يبني ياريع الكلب شمعه شفتك ذابت بسوح الحرب
شمعه بس غيره ومروه اتضل تصب راية العز يبني الك شالوهه
*****************************************
جاسم عللكاع مو جاسم وكع جن اشوفن كلبي علغبره انصرع
راح للحومه ودليلي مارجع روح امك تدري مارحموهه
*****************************************
يبني اتنطر تجي بس مااجيت واني مثل القوس يوليدي انحنيت
اني تدري عليك يبني اتعلميت منك عيوني العده حرموهه
*****************************************
الشاعر محمد حسن ضيغم
يبن الحسن جسام ...لتخلّيني
ــــــــــــــــــــ
ارجع يروحي بساع
عليك الجروح اوساع
شويه وطحت عالكَاع
يايمه زاد اونيني
ــــــــــــــــــ
ياوردة الشبان
كَلب امك الحزنان
ضل يالولد حيران
وتفح مدامع عيني
ـــــــــــــــ
جاسم اصيح بصوت
اتمنه صرت الموت
رد للخيام اوفوت
من تبطي اتأذيني
ــــــــــــــ
كل حلمي ازفنّك
يبني واشمنّك
عريش اشوفنّك
بيك انسعد تدريني
ـــــــــــــ
تفجعني لو تنصاب
وكَلب اليحبك ذاب
يايمه بعدك شاب
واهديك هاي اسنيني
ـــــــــــــــــــ
يوليدي جسام ردت راسي يضل عالي
للمعركه اتروح اشوفك يبني يالغالي
جاسم يا ضوه العين ... عمرك رخصه لحسين
يبني يالغالي
ـــــــــــــــ
يمه ياجاسم يضي عيني يغالي
انه ياما وياما ساهرت الليالي
عالي راسي بشوفتك يوليدي عالي
رافكتني يبني اكثر من خيالي
بعيوني اصد ليك وأعاين يالولد طولك
وكل خوفي الهموم يجاسم تلفي وتنولك
جاسم ها يلحنين ... عمرك رخصه لحسين
يبني يالغالي
ـــــــــــــــ
يبني وصاني الحسن هاي الوصيه
كبل لاتلفاله يوليدي المنيه
كلي جاسم ذاخره للغاضريه
يحامي عمه لو حظر هاي المسيه
لو وحده الحسين بقه ليقصّره بنصره
والعمه اريده ابد لا يبخل بعمره
وعدك نفذه هالحين ... عمرك رخصه لحسين
يبني يالغالي
ـــــــــــــــ
هاي ساعه البيهه يبني ارد اشوفك
سيف ابوك الحسن شالته جفوفك
خلّي تشهد ليك يوليدي طفوفك
ولو صعبه عليه يبني من اعوفك
سل سيفك بزود يجاسم عمك اتنصره
يوليدي بعداك اريدن تترس الغبره
ابرز ليهه صوبين ... ... عمرك رخصه لحسين
يبني يالغالي
ـــــــــــــــ
انت مثل الحسن زودك يبني جاسم
وبيك شمره من عزم بدر الهواشم
خلي كلمن يبرز اعله الغبره نايم
بجسمه تاكل خلّي افواه الصوارم
زود الحسن بيك اشوفه وانت من زوده
يا منبع الجود يمن تتفايض بجوده
الشافك ينشد منين ... عمرك رخصه لحسين
يبني يالغالي
ـــــــــــــــ
روح الله وياك خل انه افتخر بيك
روح وعيوني تضل تتشوبح عليك
يبني افرح لو سمعت انجاب طاريك
شمعه بسنيني ردت ربي يخليك
يوليدي محروس يحرسك ربك الباري
ولو ماتردلي اضن هذا الامر جاري
ها يا نور السنين ... عمرك رخصه لحسين
يبني يالغالي
ـــــــــــــــ
الشاعر محمد حسن ضيغم
رد ليه جسام يمه ييمه
دلالي ينظام يمه ييمه
نشـّف دمعتي يمه ييمه
ــــــــــــــــــــــــــــ
ساهرت يمه اشهور والشبابك ناطرت
شما اشوفك كل يوم كلت يوليدي اكبرت
ودعت كلبي وياك للحرايب من رحت
ساعه ساعه الفركاك عليك يبني اتصبرت
دمعي اعله الخدود يمه ييمه
وأتنطر اتعود يمه ييمه
نشـّف دمعتي يمه ييمه
ـــــــــــــــــــــ
الزفتك جبت اشموع والصواني وحنتك
وتدري بي كلبي سنين جان ينطر فرحتك
يل رحت للميدان لا تخمد شمعتك
همي ياجاسم كون انه احضر زفتك
همي من اشوفك يمه ييمه
محنه ابجفوفك يمه ييمه
نشـّف دمعتي يمه ييمه
بخيمتك يا جسام كاعده وانطر ترد
يل ولد لو رديت اقره آيات الحمد
وقره قل هو الله خاف يبني تنحسد
ردلي ياماي العين بيك اريدن انسعد
محصّن يرجواي يمه ييمه
من غدرت اعداي يمه ييمه
نشـّف دمعتي يمه ييمه
ضل كلبي مهظوم خايف عليك ويون
يا ورد هاي الروح ذابل عليك الغصن
الشوفتك يالسباح تدري بيه شكد احن
وترضه ابقه بهل حال يبني جاسم مااضن
ضل كلبي مجروح يمه ييمه
عن عيني لتروح يمه ييمه
نشـّف دمعتي يمه ييمه
عيوني مشبوحه عليك يبني وانظر للدرب
بفركتك اجري دموع بجيتك المدمع يصب
يل خذت كلبي وياك من ترد رد الكلب
والله اخاف انه عليك خوفي من سوح الحرب
خايفه يبني عليك يمه ييمه
ا ل اميه تآذيك يمه ييمه
نشـّف دمعتي يمه ييمه
الشاعر محمد حسن ضيغم