5137
القصائد الرثائية للآل الأطهار ع
آنه الگبل ما واحد الينساني
تالي غريبه ومحّد من اخواني
آه ... صرت ادير اعيوني
آه ... زينب اتعرفوني
ـــــــــــــــــــــــــــــــــــــــــ
زينب آنه ام الخدر ... الگبل چنت امدلله
تالي مرمرني الزمن ... السبي وموتي وكربله
العايش ابين اهله كل هم مايجيله
المصيبه الكبره لليفگد خليله
وهل مصيبه اتحوّلت بس للعقيله
آنه الي ما واحد نظر لخيالي
چتّال اخوتي بالدرب يبرالي
آه ... اخواني من عافوني
آه ... زينب اتعرفوني
ـــــــــــــــــــــــــــــــــــــــــ
عندي عشرة ويالاهل ... چنّه نتجمّع سوه
حسين نور يصير الي ... الگمر يصبحلي الهوه
مرّه شفت حسين فيّالي برداءة
والتواضع صار يعكس كبريائة
اذكرت من فييّتله ابحر كربلائه
من شفت اخوي اموسّد اعله الغبره
فييّتله ابذيچ العبايه الحمره
آه ... وتالي منّه اخذوني
آه ... زينب اتعرفوني
ـــــــــــــــــــــــــــــــــــــــــ
الوي اخوته ابنص هله ... يبقى راسه مرتفع
والذ چلمه ابدنيته ... خويه لمّن يستمع
چلمه الخويه اشحلاهه ابصوت اخوتي
وما سمعت الچلمه من طفهم لموتي
مااجيتوا شگد صحت مو راح صوتي
فراش الاجل متبلل امن ادموعي
لجل العليهم صرت ادگ اضلوعي
آه ... ليش شو ماجوني
آه ... زينب اتعرفوني
ـــــــــــــــــــــــــــــــــــــــــ
آنه بضعة فاطمه .....الوارثه منهه الحزن
بگد ونين امي صرت ... ليلي ونهاري اون
صدگ من گال وحچه بهاي النوايب
زادت البنت اعله امهه بالمصايب
والله ياعالم شفت كل العجايب
كسر الضلع طبرة علي وچبد انسم
حرگ الخيم تل وسبي وذبح ودم
آه ... بيمن اتوصفوني
آه ... زينب اتعرفوني
ـــــــــــــــــــــــــــــــــــــــــ
غربه كلشي بدنيتي .... حتى موتي ابنص غرب
بالمنازع ناطرت .... ولي امن اخواني يطب
عيني للباب ودمع تارس عيوني
ردت منهم يعتنون ايجبّلوني
يغسّلوني يكفنوني يشيعوني
غربه التشيّع ماكو من احبابي
وآنه الردت چفهم يهيل اترابي
آه ... ليش ما ذكروني
آه ... زينب اتعرفوني
ـــــــــــــــــــــــــــــــــــــــــ
الشاعر محمد حسن ضيغم
قصيدة لمولد الامام الجواد عليه السلام
الكاظميه اليوم يسطع نورها
وحضرة الكاظم نريد نزورها
نوكَف اباب المراد ... الليله ميلاد الجواد
ــــــــــــــــــ
الكاظميه اليوم شعّت بالضوه
والهوه البيهه فلا ايشبهه هوه
العنده علّه يكَصده ويحصل الدوه
ويانه كل الحور متعنيه سوه
وهذا اصل الاعتقاد ... الليله ميلاد الجواد
ــــــــــــــــــ
الليله ميلاد الامام ابن الامام
الصار معناة المحبّه والهيام
بكل نفس نبعث اله اجمل سلام
ويمّه حتما يعجز انشوف الكلام
هو مرآت الرشاد ... الليله ميلاد الجواد
ــــــــــــــــــ
شمانزور الكاظم نزوره بفخر
نوره يم الكاظم اصبح مستقر
والله هنياله الذي يمّه حضر
وشرب عزّه ومعرفه منصل البحر
رغم اصحاب العناد ... الليله ميلاد الجواد
ــــــــــــــــــ
انت يابو الهادي يا اصل العلم
حرباً الحربك سلم للي سِلِم
بحضرتك عطر الجنان احنه نشم
وبالكَبر والحشر بيكم نبتسم
وأعتقاد الشيعه زاد ... الليله ميلاد الجواد
ــــــــــــــــــ
نعلكَ اشموع الفرح هالليله الك
وبالسمه زف الفرح ليك المَلَك
بمولدك يسطع ضوه صار الفلك
بالمهج يبن الرضا انضل نوصلك
الهادي نفرح بيك راد... الليله ميلاد الجواد
ــــــــــــــــــ
الشاعر محمد حسن ضيغم
/channel/kasaedalatharDaygham
الملا المبدع
حسين الخاقاني
في استشهاد الامام علي الهادي عليه السلام
اخوتي الاعزاء بناء على طلبكم
ارسل لكم
حسابي
على التكتك
mhmdhasn50
انهني المختار سيد البريه
ياشيعه وبميلاد امنه الزجيه
ــــــــــــــــــــــ
ياشيعه هالميلاد فرح كلبنه
انحبهه ام حسين وهي تحبنه
واجمل حفل هاليوم الهه نصبنه
ومن نذكر الزهراء ناخذ تحيه
ـــــــــــــــــــــــ
هاي الشموع اتنور لام الميامين
فاح العطر هاليوم وي الرياحين
انهني داحي الباب والحسن وحسين
والهادي رب الكون انطا هديه
ـــــــــــــــــــ
تفاحة الجنات اصل الهدايه
واطيب نهر بالكون نهر الولايه
الزهر هام حسين خير البرايه
وانسلم عليهه صبح ومسيه
ــــــــــــــــــــــــــــ
عدنه طلب وانريد منج شفاعه
يامن الج كلنه سمعا وطاعه
ندري القيامه هناك ساعتهه ساعه
حبج يطفيهه نار السريه
ــــــــــــــــــــــــــــــــــــ
ام الحسن وحسين انتي الشفيعه
واحنه الج يازهراء مولاتي شيعه
حبج لحد الموت لا ما نبيعه
نورج مله الاكوان شع عالوطيه
ــــــــــــــــــــــــــــــــ
الشاعر محمد حسن ضيغم
وداعا يحيدر |الملا حسين الخاقاني _موكب أميرة الحزن زينب عليها السلام _ال...
https://youtube.com/watch?v=0TY5EKlEoDo&si=s4ZstxYvT056M3oO
الاخوة الذين يطلبون حسابي على التكتك
mhmdhasn50
سلهمت عينه ويشوف الزهره
تگلّه رد للبيت فدوه بعبره
ابنيتي زينب گعدت
عليّه اسمع نشدت
وتبچي زينب
.......
وصيّة الزهره لحيدر لومتت لتعوفني
الگبري يا بالحسن ردتك تعتني وتزورني
اقره يمي الفاتحه
بدمعه منك سايحه
شلون تنظرني بلحد
ويمك آنه البارحه
تحچي وي حيدر گبل لتعوفه
وعلي يبچي وضل يعصر چفوفه
علي مدنگ راسه
نار تملي احساسه
وتبجي زينب
.....
من دنت ليهه المنيه وعلي حس بهايه
رجع يركض دمعه يجري وبيده المصلايه
وصل يبچي البيته
هوه ماكو ابريته
ينادي بعد الزهره
الموت اجه اتمنيته
دخل للغرفه ويشوف احلامه
الموت اخذهه بهل وكت جدامه
يا حياتي اوروحي
فدوه لا لتروحي
وتبچي،زينب
......
بساعة التغسيل حيدر لحضه ونهد حيله
على الحايط خله ايده ودمعه ضل يسيله
راح من عنده الصبر
للصبر ماضل عذر
يا اسماء الوضع يكلف
ضلع عدهه منكسر
شيّعتهه وچن اشيع ابروحي
وجدمي احس يسحگ ابنص جروحي
هلت علزهره الترب
گلب يدفنله ابگلب
وتبچي زينب
........
شما يجن الليل اروحن يمهه وأقره اياته
ويرد مكسور الگلب كلمن دفن دنياته
وأنه بلية جمعه
اشعلت يمهه الشمعه
سلهمت لن عيني
وصوتهه اذني اسمعهه
ارجع البيتك علي وخليني
حال زينب تعرف ايبچّيني
گعدت بهل ظلمه
تصيح وينچ يمه
وتبچي زينب
........
رحت للدار واشوفن زينب بياحاله
بركن غرفه وتبچي سكته ادموعهه الهماله
شگد حزنت اعليهه
شلون باچر بيهه
بكربلا بلا والي
والشمر يوليهه
تركض ابين الزلم مرعوبه
تشوف اخوهه حسين سلبوا ثوبه
عگب گطعة نحره
الخيل تسحگ صدره
وتبچي زينب
......
الشاعر محمد حسن ضيغم
/channel/kasaedalatharDaygham
مولد النبي
صلى الله عليه واله
......
فرحانه كل الدنيه فرحانه
نور النبي بكل الفرح جانه
.....
نور النبي من شعت انواره
كله خلق وأخلاق بسراره
وحي الله يبعث للمله اخباره
وعرش الله تبقه الزينه بأركانه
......
اول خلق محد عرف سره
نور وتجلت يسمه القدره
الجنه من انواره متنوره
وجبريل رفت بسمه جنحانه
.....
كل الوجود بأيده اسراره
والكون منه شعت انواره
بحيدر علينه اتجلت اثاره
نفسه وخليله صار مولانه
... . .
اول ربيع البيه قدسيته
بشر نبينه وكل اهل بيته
الشايعاهم ختم جنسيته
بالعتره واصبح يضوي وجدانه
.......
يل هادي حبكم فرض من الله
وانتم عليكم خالقك صلى
محد مقامك گدر يوصله
بس الكم الله خالق اكوانه
......
الشاعر محمد حسن ضيغم
قصيدة جديده للنبي الاكرم
على لحن قصيدة باسم الكربلائي
مرت سنه ونص وانه بونيني
معقوله ترحل بويه يالغالي
بيوم العفتني راحت آمالي
ضلّيت اونن والدمع جاري
وحشه وحزينه اخلافك ادياري ... بويه
ـــــــــــــ
ونّت .. اوحنّت ... روحي عليك وانت تدريني
ابالي ... اكَبالي ... وي كل مسيه تنظرك عيني
غايب ... ذايب .. كَلبي عليك اوزايد اونيني
صدلي ... ارجعلي ... من فدوه الك كل عمري وسنيني
بعمر الشمع مو تعرف ابنيتك
عنهه رحت وتناطر الجيتك
ليش الحزن كل ليله خطاري
وحشه وحزينه اخلافك ادياري ... بويه
ـــــــــــــ
حزني ... اونّي ...كل ما ازور واشتم اترابك
جروحي ... بروحي .. يابويه عايش تعرف امصابك
يصعب .. غرّب ... نورك واحس موتني اغيابك
مثلي ... تهلي ... دم ومدامع ضلّت احبابك
ماذا على من شم ترب كَبرك
احيه واموت اشما اشم عطرك
تدري اعله كَبرك ضلّت آثاري
وحشه وحزينه اخلافك ادياري ... بويه
ـــــــــــــ
عيوني ... ولوني ... ضل منخطف من جمرة الفركَه
خيرك ... بغيرك .. يا والدي لا والله ما الكّه
حزني ... وجفني ... دمعة مصابك ضلّت اتحركَه
وسفه ... الوسفه ... راحت يبويه ساعة الملكَه
لو عالجبال امصيبتي صبّت
جان الجبال الراسيه انهدّت
اشكي مصابي وحزني للباري
وحشه وحزينه اخلافك ادياري ... بويه
ـــــــــــــ
الزهره ... بحسرة ... ضليت اخبرك من رحت عنّي
ابيتي ... ريتي ... ميته ولا ترحل نعش منّي
كافي .. اتجافي ... ياطيف ابوي وخيّبت ضني
مرني ... انظرني ... شلت المصيبه وبزغر سني
وردة محمد وسفه كَطعوهه
تبجي وتون كل ليله خلّوهه
شافوني ورقه اووجّر ناري
وحشه وحزينه اخلافك ادياري ... بويه
ـــــــــــــ
شندب .. شعتب ... دهري ابد مارحم دلالي
همومي ... بيومي ... كل لحضه اندب بويه يالغالي
غيابك ... فراكَك ... مثل الشمع تعرف صبح حالي
تشكي .. وتبجي ... مثلي عليك بكل مسى اطفالي
دمع الحسن وحسين اذّاني
يغشى عَلي كل يوم خلاني
وانه الي محّد يعرف اسراري
وحشه وحزينه اخلافك ادياري ... بويه
ـــــــــــــ
الشاعر محمد حسن ضيغم
/channel/kasaedalatharDaygham
شيعي يبقى بكل وكت عنواني
ويبقى سلطان البشر سلطاني
....
الساكن ابطوس وأله اكبر مقام
الليله من هذا المكان ابعث سلام
ابو محمد اعترف انت الامام
وبيك والله أمن الزغر ايماني
......
نور مشهد يشع من نورك اكيد
يلي حبك اغلى من دم الوريد
بالگلب موجود گبرك مو بعيد
گلت تشفع للذي،زاراني
......
الضامن انت وضامن اعمالي تضل
يا اخو المعصومه يل بيك الامل
حبك ودرب الزياره افضل عمل
على سچة خالقي دلاني
.....
انت شافع للبشر تمحي الذنوب
ويم ضريحك سيدي تهوى القلوب
شمعه وببابك اضل آنه واذوب
أمجدّي دوم بعتبتك تلگاني
......
ثامن انوار الله انت الضل يشع
وانت من حيدر علي وفاطم فرع
بيك راس الي يحبك يرتفع
بخدمتك مرفوع يصبح شاني
......
الشاعر محمد حسن ضيغم
/channel/kasaedalatharDaygham
للامام الرضا عليه السلام
اصفن وفكر بنوحي .. وتلجمني حيل اجروحي ... يامن فدالك روحي .. مشتاك ازورك
المشهد يحن دلالي..يا اغلى من كل غالي.. كَبرك يصير اكَبالي..ويتلاله نورك
ــــــــــــــــــــــــ
يمهيّج اجروح الكَلب ... ها ياسبب دمعاتي
مدّيت اديّه وأرتجي ... تكَضيلي كل حاجاتي
ها يالرضا اقبلني عبد ... ابابك يضي دنياتي
خليني كل عام اكَصدك ... وبيدي ترف راياتي
فراكَك صبح يهظمني ...ياسيدي يألّمني .. من ادموعي لا تحرمني .. واشتم عطورك
خل روحي شبه افراشك ...يجذبني حبك لاشك .. اتعلّكَ ابشباجك .. ويتلاله نورك
ـــــــــــــــ
تتراوح ابعيني الصور .... بسنيني لمّن زرتك
يلّي ابدمعتي وبالعزا... سلطاني آنه اذكرتك
مو جنّه لا اكبر بعد ... مدري شنو اتصوّرتك
باب القداسه ابحضرتك ... بوجداني استشعرتك
شما اذنب انت اتحبني ... يالغالي وتكَربني ...بمحبّتك تجذبني ... والهج سطورك
اغفل وأديك اتمدهه ... وروحي التروح اتردهه ... غيرك ابد ماعدهه ... ويتلاله نورك
ــــــــــــــــــ
كاتلني مولاي الهجر ... مشتاك ابوس اعتابك
خليني دمعة نادبك ... من عينه ترست بابك
تدريبه جرحي ما شفه ... كلما ذكرت امصابك
وشماعصيت ابدنيتي ... يطهّرني ادري اترابك
وذنوبي التمحيهه ... ولجلك دموعي اجريهه... من تعطش اتروّيهه ...ويحميهه سورك
وآنه ادري ماتطردني ..يالرضا وما تبعدني ... والله متفشّلني ... ويتلاله نورك
ـــــــــــــــ
ادعيلك بواهس امل ... تطلبني اجيلك زاير
وانطب الك ماتم حزن ... مولاي وسط الحائر
يلماتردني ابطلبتي ... ومتردني منك حاير
ياريت بالطيف استمع ... اكَصد الي من باجر
تطلبني ازور الحضره ...بهل حاله حضي اشكبره ...والخاطر انت اتجبره .. بنفحة عطورك
كَلبي يرد السانه ... مشكور يا مولانه ... فضلك عظيم احسانه ... ويتلاله نورك
ــــــــــــــــ
بنص مرقدك انعي ابدمع .... وأتذكّر امصاب الطف
ولو عنّي ترضى سيدي ... بهذا العزاء اتشرّف
التل اذكره والخيم .... وأذكر المنحر والجف
وليل الخرابه والسبي ... هذا الّي ما يتوصف
يل عمّتك سلبوهه ... ياسيدي وشتموهه ... تركب هزل خلّوهه .. يعظّم اجورك
من الهظم محنيّه .. متجتّفه ومسبيه ... اقرالك اللطميه ... ويتلاله نورك
ــــــــــــــــ
الشاعر محمد حسن ضيغم
/channel/kasaedalatharDaygham
بربعين حسين .... رجعت العيله
اطفال والنسوان ... المدمع اتسيله
ــــــــــ
من على الناكه ...صاحت النسوان
كبورهم وينهه ... وبدمع غدران
نزلن وركضن ...ركضت اللهفان
وكل طفل يعثر ... زينب اتشيله
ــــــــــ
يم كبر لاكبر ...ليلى ضل تبجي
تكله يوليدي ... وبالهظم تشجي
ورمله يم جاسم ... حايره شتحجي
اتكابلن بالنوح ... رمله وي ليله
ـــــــــــ
والرباب هناك ... وبدمع مسفوح
عالكَبر طاحت ... ويلي حيل تنوح
وصاحت وليدي ... يل متت مذبوح
بالكَبر ابني ... شلون اناغيله
ـــــــــ
وسكنه للشاطي ... تلطم اعله الراس
تصيح يا عمي ... يالكمر عباس
الك ردينه ... ياشرف هل ناس
ودمع عالكافل ... سكنه تبجيله
ـــــــــــ
وزينب اتعنّت ... وبدموع العين
تصيح يا خويه ... وينه كبرك وين
شوف دمعاتي ... وحالي خويه حسين
كَلبي من بعدك ... راح كل حيله
ـــــــــ
الشاعر محمد حسن ضيغم
/channel/kasaedalatharDaygham
مولد الامام علي عليه السلام
الله رافع شانه
ومنوصف قرآنه
حيدر ... ساكن ابوجداني
حيدر ... مولده ايماني
...
علي الاول بيهه .. من امر باريهه..
نشق جدار الكعبه هاي اسراره
بكل صفاته ونوره ... وكل معالم سوره .
الله منقذ للبريه اختاره
حبه برزخ بين هذا وذاكه
اليحب حيدر تنور افلاكه
والي يبغض علي متوصف اكيد
بنص جهنم لان بان اشراكه
علي سور الشيعه
ومنهجه وتشريعه
حيدر ... بالعشگ غذاني
حيدر ... مولده ايماني
......
نوره من الهادي ..الوحي بسمه ينادي
تسجد املاك السمه يم بابه
كهف بي نتواجد ... بمرقده نتعاهد
جنه اصبح مرقده لحبابه
فاطمه بت اسد بيه احتارت
امنّه بس اسرار تنظر صارت
الله هو اختار بالكعبه يصير
ابد مو بت اسد هيّه اختارت
انشق جدار الكعبه
هل امر من ربّه
حيدر ... جن ندب هذا آني
حيدر ... مولده ايماني
ــــــــــــــــــــــ
شكَد فرق نادينه ... بين عيسى وبينه
امه من جاهه المخاض ابدارهه
اوحى الله المريم ... يزول منج هل هم
هزّي جذع النخله وأكلي اثمارهه
وفاطمه ابحين الوالده الباري
كَله ابنج سر جميع اسراري
روحي للكعبه وعلي هناك يصير
علي آثاره امتداد آثاري
الحوره حضرت يمهه
وبعلي اتكلّمهه
حيدر ...حلو بيه الساني
حيدر ... مولده ايماني
ــــــــــــــــــ
السمه حطّت زينه ... أمن انولد والينه
والنجوم اتنوّرت من نوره
الجنان اجبيره ... واصبحت كل ديره
وفاحت بكل الوجود اعطوره
وأحنه هسه اتجمّعينه اهنانه
الشيعي بس المرتضى عنوانه
الما لهج بأسم الولي لاوالله لا
شما قره ما ينختم قرآنه
كل شي اله مخلوقه
الناس بي مرزوقه
حيدر .... للحشر عنواني
حيدر ... مولده ايماني
ــــــــــــــــ
اخره ودنيانه ... علي نشوفه ويانه
حبّه دم ويجري بين اعروكَنه
حتى يم الحضره ... وبالبصيره انّظره
رغم هذا ودوم زايد شوكَنه
هوّه اغى امن النفس للريّه
الدنيه لوما نوره ما مضويّه
ولهذا الناس التواليهم
صار اسم هاي الخلكَ شيعيه
والله نفخر شيعه
وحبّه لا منبيعه
حيدر ... خادمه خلاني
حيدر ... مولده ايماني
ــــــــــــ
الشاعر محمد حسن ضيغم
/channel/kasaedalatharDaygham
قصيدة لمولد الامام الجواد
عليه السلام
المشهد نضل نبعث تهانينه
للرضا بأبنه تحله هل زينه
يبقى صدانه العالي ... للغالي وأبن الغالي
للرضا بأبنه تحله هل زينه
ــــــــــــــ
من كل بلد ... طير السعد ... رفرف وأجه بجنحانه
يم الرضا ... ويملي الفضى ... والعشكَ تحله الحانه
ببنه الجواد ..باب المراد ... عم الوجود احسانه
بمولد جواد العتره دنيانه
تسطع ضوه والشيعه فرحانه
ما يطفى نور الوالي ... للغالي وأبن الغالي
للرضا بأبنه تحله هل زينه
ــــــــــــــ
هذا الفرح ... بابه انفتح ... والجنه فتحت بابهه
وبمولده ... امعيّده ... الزهره كل احبابهه
نشوف الحفل ... هل مكتمل ... شوف العقيده اصحابهه
تعلن ولاهه الليله بالمحفل
بغيرك ولي يالغالي ما نقبل
بيهم اشوف آمالي ... للغالي وأبن الغالي
للرضا بأبنه تحله هل زينه
ــــــــــــــ
بغرة رجب ... سطر انكتب ...ميّة هلا بوالينه
نورك سطع ... وصوت ارتفع ... يل بس الك حبينه
يبن الهدى ... رغم العده ... بمحبتك انجنينه
للضامن انرددهه هل جلمه
ضمنونه يامن مصدر العصمه
والغيركم منبالي ... للغالي وأبن الغالي
للرضا بأبنه تحله هل زينه
ــــــــــــــ
يم والدك ... انشاهدك ... نور وتشه من نوره
يم حضرتك ... وكل نظرتك ... نلكَاهه حين نزوره
عطرك نشم ... نضل نبتسم ... لمن نشم اعطوره
ها يالجواد وسّرك امن الله
عليك الله من فوكَ العرش صلى
بس هل فرح يحلالي ... للغالي وأبن الغالي
للرضا بأبنه تحله هل زينه
ــــــــــــــ
من يشبهك .. من يوصلك ...يل حيّرت افكارهه
بصغرك صرت .. وتوصّفت .. معجزه وصعبه اسراهه
ومحبّتك ... والشيعتك ... الهه العليم اختارهه
عشرة سنين وحيّرت خصمك
وكلّك كرم والشاهد امن اسمك
الاول صرت والتالي ... للغالي وأبن الغالي
للرضا بأبنه تحله هل زينه
ــــــــــــــ
الشاعر محمد حسن ضيغم
/channel/kasaedalatharDaygham
قصيده لولادة الامام الباقر عليه السلام
.
.
صار الگلب شاعر
ابمولد الباقر
صلوا على ال نبي
بالماضي والحاظر
........
هلليله يحله هالفرح
ونعلّگ الزينه
ونشكر الباري انشارك
ابميلاد والينه
الگبر الزچيه أمن الحفل
نبعث تهانينه
نعرفهه طيبه ام الحسن
تكتب اسامينه
مهدي ألأمم حاضر
وبأسمه انفاخر
صلوا على آل النبي
بالماضي والحاظر
.....
اول رجب بي نفتخر
والدنيه فرحانه
ونشعل مهج لا مو شمع
ابميلاد مولانه
طشت ورد فوگ المحب
هالليله دنيانه
والمهدي نعرف بالحفل
فرحان ويانه
محلاهه محلاهه
نجمتنه بسماهه
صلوا على ال النبي
بالماضي والحاظر
.......
عطر الولايه بهل وكت
ضل نشتم اعطوره
ونور الولاده بهل حفل
شع وبزغ نوره
الگلب شاعر للفرح
من ردد اسطوره
وغصن العشگ لهل العشگ
جمّعهن اطيوره
رددهه چلماته
ومن علّه اصواته
صلوا على ال النبي
بالماضي والحاظر
.....
نبدي الشهر يهل الوفه
ابفرحتنه للغالي
ونصيح صوت بهل حفل
انت التضل والي
اسمك كتبته امن الصغر
سيدي ابدلالي
محبوب غيرك لا تضن
مولاي يحلالي
ياباقر علومه
قصتنه مرسومه
صلوا على ال النبي
بالماضي والحاظر
........
خامس امام الهل البشر
بيك احنه آمنه
واجب نطيعك سيدي
ليك احنه اسلمنه
من الابو حبك ورث
وهل ورث من امنه
ومن النبي وآل النبي
حبكم تعلّمنه
حبكم على الفطره
يا درّة الزهره
صلوا على ال النبي
بالماضي والحاظر
......
الشاعر محمد حسن ضيغم
/channel/kasaedalatharDaygham
صلوات صلوات على الزچيه فاطمه
------
الطهر امّ ابيها
الوحي خادم يجيها
عبد من يعتنيها
لسان الله بحچيها
صلوات صلوات شعّت ضوه بكل السمه
-----
الملائك تسجد الهه
انخلقت آنه لجلهه
شرف خادم لهلهه
عدل الله بعدلهه
صلوات صلوات على التسير اويالدمه
------
السمه صارت مهدهه
مفاتيح الله عدهه
يود الله اليودهه
فلا نسوه بعدهه
صلوات صلوات على گلب حامي الحمه
------
اصل صومي وصلاتي
وتحقق امنياتي
إنه افديهه بحياتي
بسم فاطم نجاتي
صلوات صلوات كوثر يروّح كل ضمه
-------
اميره اعله البرايه
اصل كل الهدايه
الطهر سر الولايه
يأعظم والله آيه
صلوات صلوات بيهه الجنان امتيّمه
-------
☘️الشاعر محمد حسن ضيغم
قصيده لآم البنين عليها السلام
حلم مر وبقه بطول العمر ذكره
تلاكَن فاطمه وي فاطمه بعبره
كلام الّي صدر بحساس ... ام حسين وأم عباس
ــــــــــــــ
الزهره سيّرت بالطيف رغم الهم
بعد ذاك الدفن والضلع التهشّم
راحت للكلابية ... بجوارح حيل مدميه
تكَلهه ام اريدنج ...الولدي وبيج حنيّه
غيرج ما اشوفن يرهم الهايه
انطيني احجايه وانتي كَد الحجايه
والله وادري رفعة راس ... ام حسين وأم عباس
ــــــــــــــ
بعدي ما يصح كفوء العلي غيرج
من ماعون حيدر ينترس خيرج
ام لحسين اريدنج ...ومن كَبري اعيننج
شمعة وتشتعل بالبيت ... يم عباس اشوفنج
عينج عالحسين وينهظم خوفي
متعلم يحط راسه على جفوفي
شاهد تبقى هاي الناس ... ام حسين وأم عباس
ــــــــــــــ
اعرفنج وفيّه وبيج حِسن الضن
وكَلبي بجيّيتج يم الولد أمّن
زينب بس الج تشجي ... تسولف قصتي وتحجي
انتي ام البنين اعرف ... بوجودج ادري ما تبجي
كريمه وبالكرم يالحره معروفه
بوجودج خل وجودي حيدر يشوفه
يشهكَة وتارس الانفاس ... ام حسين وأم عباس
ــــــــــــــ
صدى ام البنين ينادي يالزهره
شرف واعظم شرف حيدر اشم عطره
شرف خدامه اصير الهم ...لا يالزهره مو امهم
ولدي من اجل ولدج ... فده مولاتي اقدّمهم
عَلَي واجب صلاة الشكر اصلّيهه
اذا زينب بدي ذني اداريهه
الهوه تعرفينه ما ينجاس ... ام حسين وأم عباس
ــــــــــــــ
باجر بالطفوف الشاهد اعلينه
ضحايه اخوان ابني التنطفي عينه
وعباسي تشوفينه ...علجرف الشاطي جفينه
همّه مو كَطع نحره ... همّه دمعة سكينه
كل هذا وأكَلج قبلي تقصيري
يمن بسمك أنه ادري انرفع تقديري
عطر يستجدي منّه الياس ... ام حسين وأم عباس
ــــــــــــــ
الشاعر محمد حسن ضيغم
/channel/kasaedalatharDaygham
اهدّم والزمان هموم يبني
انسطر خدي وعدوي سطر يبني
وگع محسن وصحته حيف يبني
اخوك شلون بي بالغاضريه
...
الشاعر محمد حسن ضيغم
/channel/alnaay2022
يزهرة عمري فدوه عيوني لعيونچ
لو ما ولدي ماطب داري من دونچ
............
اطب للدار مگدر وانتي مو بالدار
وأصد للباب وسفه وبيه الچ اثار
لو ماعندي ابيتي ولدنه ازغار
چا عفته يمن لوني فده اللونچ
.........
وحشه الدار مظلم من بعد عينچ
اطب شلون واسمع فاطمه وينچ
الحسن مهظوم اشوفه وينحب حسينچ
وزينب صعبه اگلهه ابنيتي اشلونچ
.......
الدار الما اشوفچ بيه ماريده
وعلي حگه المصابچ يفرك بأيده
الابو يشبع قهر لو يسمع اوليده
يريد امه وبنينچ ادري يردونچ
..........
يفاطم يامن اسمچ ساكن ابالي
شيصبّرني امن اصد داري صبح خالي
يجن الليل واجمع يمي اطفالي
ينوحون ولون يمهم يبچّونچ
......
الدار الما يشع بضواچ ماجيله
ومحّد يمي اگعد ضيمي اشچيله
علي بعدچ يفاطم منهدم حيله
حسافه امن الاحبه خابت ضنونچ
........
الدار البي ضلع مكسور وتهشم
الدار البي سگط محسنّه وتألم
الدار الّي بعتبته ضل أثر للدم
ماريده وحگ كل ورمه بجفونچ
.......
الشاعر محمد حسن ضيغم
/channel/kasaedalatharDaygham
صلوات صلوات على شبيه المصطفى
-----
علي الاكبر يغالي
يعنوان المعالي
يوالي وابن والي
حله بيك ابتهالي
صلوات صلوات يابن رموز المعرفه
------
صلوات اعله اسمك
يمن بالجنه رسمك
علي وإشكبر حلمك
يروح الحره امك
صلوات صلوات من اسمّك انحصل الشفه
-----
يمن تشبه الهادي
نضل بسمك ننادي
يمن ساكن فؤادي
رفعنالك ايادي
صلوات صلوات والشيعي ثابت موقفه
----
علي يبن الاكارم
وريث الگمر هاشم
يمهجة هل فواطم
الك لايگ الصارم
صلوات صلوات سرك ابد ما نعرفه
-----
فرحنه بهل ولاده
الاماني والسعاده
ضوه ايشع ابزياده
المحب حصّل مراده
صلوات صلوات نعجز النور انوصّفه
------
☘الشاعر محمد حسن ضيغم
من المهد نذرتني امي انه اصير ... عبد الرقيه
خادم رقيه بالحشر يتسمّه امير ... عبد الرقيه
هيّه اميرتي ..
ياربي ... اجعلني
للادين الترفه تعمه عيوني
كَبل اديهه بحافر يسحكوني .. واويلي
مدد رقيه ... ايتها الصديقة الشهيده
مد ايده عبدج لا ترديي ايده
بجاه الكسر ظهره وحناه عضيده
ــــــــــــــــ
شدّت على راسي علگ كتبت عليه ... عبد الرقيه
وصاحت يربي اوليدي هل مديت اديه .. عبد الرقيه
هي اميرتي
خلوني .. بجنوني
ريت اصيرن ماي اطفّي الخيمه
ما تبقى بنت حسين وسط الهيمه .. واويلاه
مدد رقيه .... من فدوه الچ مولاتي هذا عمري
ولا بالطفوف اتنادي هذا كسري
من الذي ايتمني من صفري
....
اشكبره حضي لو هلي يسموني دوم ... عبد الرقيه
هل نعمه تستاهل شكر رايد تدوم .. عبد الرقيه
هي اميرتي
قبليني .. واخذيني
النعمه عندي لو سجدت ابابچ
وعفّريت جفوني من اترابچ .. واويلاه
مدد رقيه .. .يم مرقدچ انصب ردت عزيه
بشباچچ اربط بالعلگ اديه
أبقى اسير ادموعج الجريه
ـــــــــــــــــ
ياريت اموت وينكتب فوكَ الكبر .. عبد الرقيه
وحسين ابوهه بنعمته بلحدي يمر ... عبد الرقيه
هي اميرتي
يلقنوني ... يجفنوني
الجفن ردته يصير هاي الرايه
ورايد اتشيّعني المشايه ... واويلاه
مدد رقية ... انطيهه دمعي اليجري عل الاسيره
ابقى آنه عبدج وانتي الاميره
ايتها اليتيمة الصغيرة
خلّيني اعيشن جرحج الماضن يطيب ... عبد الرقيه
ها ياغريبه او والدج اصبح غريب .. عبد الرقيه
هي اميرتي
مظلومه ... ومهظومه
شلون سلبوا منچ الترچيه
وصحتي يا بويه انچوت رجليه .. واويلاه
مدد رقيه.. فجفنكِ الداميَ امسى اسود
واحمرٌ مولاتي قد غدى الخد
كأنّكِ فاطمُ بنتُّ احمد
ــــــــــــــــــــــــــــــ
الشاعر محمد حسن ضيغم
قصيدة لاستشهاد النبي
على لحن يابو فاضل طيحت ايدك مو وكتهه
ها يزاير ... لو رحت لرض المدينه
ها يزاير ... اذكر جروحي الحزينه
ها يزاير ... ريت اشم تربة نبينه ... ها يزاير
ـــــــــــــــــ
عندي حسره بكَلبي واشواكي جبيره
شما بجيت الدنيه احسّنهه زغيره
عمري يمشي وجنهه ايامي الاخيره
وآنه لزيارة نبينه ابكَلبي حيره
يمته ازوره ...واجري دمعاتي اعله كَبره
يمته ازوره ... بروحي اطوفه واشم عطره
يمته ازوره ... واهدي كل عمري وسنينه ... ها يزاير
ـــــــــــــــــــ
من تروح وياك اخذ شوكَي ولهفتي
وريت فوكَ اتراب كَبره اتحط دمعتي
خوفي ما زوره وتجي ليّه منيتي
اكتب ابورقه يهل زاير وصيتي
بالوصيه ... للنبي وصّل سلامي
بالوصيه ...وبلغه بشوكَي وهيامي
بالوصيه ... اخذ من كَلبي حنينه ... ها يزاير
ـــــــــــــ
مرّت اسنين العمر ودلالي خايف
ما تبوس اعتابك بلهفه الشفايف
بطيفي ليش الحضرتك ما مرّه شايف
ابجي لو اتعنه ازورك والله حالف
اجري دمعي ... حيل اصيحن يا حبيبي
اجري دمعي ... زيارتك صارت طبيبي
اجري دمعي ... وكَلبي الك زايد ونينه ... ها يزاير
ـــــــــــــــــ
شكد دعيت الله وردت يرزقني ازوره
واسرح بشوكَ النبي امن اشتم عطوره
بالمدينه امن الُبعد يتلاله نوره
اخره ودنيه الوذ بهذا سوره
بكل مسيه ... ادعي احصّل هالزياره
بكل مسيه ... وعيني تنظر للمناره
بكل مسيه ... روحي بعتابك رهينه ... ها يزاير
..........
وياك اخذ لمّن تزور الهادي همّي
من تزوره يم ضريحه اذكر اسمي
وخبره بزيارة ضريحه جان حلمي
وياك ابوي هناك اذكره واذكر امي
بالزياره ... خصنه يالزاير نحلفك
بالزياره ... بغيرها لا ما نكلفك
بالزياره ... اتفضّل بهاذي علينه ... ها يزاير
ــــــــــــــــــ
الشاعر محمد حسن ضيغم
/channel/kasaedalatharDaygham
بيها مرقدك -- مشهد جنتي
مو حجه ، حجج -- آنه ازيارتي
---
آنه امنزورك سيدي ومن ادخل الحضره
شباك كبرك من بعد صدّگ اشم عطره
ياسيدي واعرفها يمك فاطمه الزهره
كلمن يزورك بالحشرك ام الوفه اتحظره
هاي ام الحسن -- اعرفها اتحظر
والزارك صدگ - والله ماخسر
----
مولاي دنيه واخره حبك يضل بينه
وي الحليب من الزغر حبك يغذينه
بميلادك اليوم الملائك علّكت زينه
واتعنّت الهاي الارض بسمك تهنَينه
املاك السمه -- نزلت للارض
تهنّي هل خلگ -- يل حبك فرض
-----
معصومه من قم گصدتك واتعنّت المشهد
هاليوم ميلادك فرح والكون هل عيّد
يبني الوصي وابن النبي المصطفى الامجد
كل البشر يا سيدي الفضلك نعم تشهد
نبراس الدهر-- حبك معجزه
حبك سيدي -- اعظم جائزه
------
ما نتسى قصة الهل وكت وبكل زمن تُذكر
حين الغزاله اتعنّتك من نادتك احظر
ياضامن الكل البشر واليدعي ما يخسر
نبراس حبك سيدي حامينه بالمحشر
ضامن نعرفك -- متخيب الگصد
بسمك يندبك -- هسه الي انولد
-----
الشاعر محمد حسن ضيغم
https://t.me/joinchat/AAAAAD3arLByb3pZDNRJzw
يا فاطمه يافاطمه كل شيعي صارت صرخته
يا فاطمه يا فاطمه ابنج نريد ازيارتـــــــــه
ــــــــــــــــــــــــ
يم الحسن شوك بكلبنه شكبره
انريد نكصد للرضا وللحضره
ماعدنه غيرج بالطلب يالزهره
انتي الفرج وانتي التطفي الجمره
يا فاطمه يافاطمه كل محب يهمل دمعته
يا فاطمه يا فاطمه ابنج نريد ازيارتـــــــــه
ــــــــــــــــــــــــ
ماندري يايوم النصل ونزوره
وكبر الرضا نشوفه يشع ابنوره
يم الضريح الدمعه ضل مهدوره
وأنادي هذا الي نلوذ بسوره
يا فاطمه يافاطمه باجر ترفرف رايته
يا فاطمه يا فاطمه ابنج نريد ازيارتـــــــــه
ــــــــــــــــــــــــ
نتعنه يمته للرضا اشتاكينه
والينه هو وحكنه اله حنينه
من نوصله ندري يصدنه بعينه
نسمع هله بزواري اينادينه
يا فاطمه يافاطمه ايحيي ناس الكصدته
يا فاطمه يا فاطمه ابنج نريد ازيارتـــــــــه
ــــــــــــــــــــــــ
يا ارض طوس الروح الج لهفانه
بكاعج تشيد له كبر مولانه
نور ابو محمد شعشع بدنيانه
لو طير كلبي جا مشه بجنحانه
يا فاطمه يافاطمه كل كلب تسعر جمرته
يا فاطمه يا فاطمه ابنج نريد ازيارتـــــــــه
ــــــــــــــــــــــــ
بكل عين دمعه تهمل اعله غيابه
واتهل لمن تذكر شجون امصابه
يايوم نتعنه ونقبل اعتابه
وانصيح اجينه لو وكفنه ابابه
يا فاطمه يافاطمه نلعن الناس الظلمته
يا فاطمه يا فاطمه ابنج نريد ازيارتـــــــــه
ــــــــــــــــــــــــ
الشاعر محمد حسن ضيغم
/channel/kasaedalatharDaygham
من تذكر مصابنا فبكى وابكى لم تبك عينه يوم تبكي العيون
الامام علي بن موسى الرضا ع
على لحن محمد ابو جباره
دمعتي هامله
يا اغلى من العمر .. رجعت امن اليسر .. يخويه حسين جيت الغاضريه
ـــــــــــــ
رجعت بعيليتي .. واهلن دمعتي ... واصيح بصوت هاي آنه السبيه
اريدك تنهض .. تكَوم امن الارض ... تشوف اشصار يبن امي عليّه
ـــــــــــــــ
طويله سفرتي .. يخويه ورحلتي ... شفت بيهه قهر من آل اميه
بالدرب كلّه انشتم ... تمنّيته حلم ... يبو السجاد ضيم الصار اليّه
ــــــــــــــ
اجيت وبالخجل .. ودمع عيني همل ... لجن غطّيت كل وجهي بديّه
ردت منك عذر ... اخاف امن الكَبر ... تناشد وين يا زينب رقيه
ــــــــــــــــ
نشدته ياعلي .. يعمّه رد الي .. يعمّه وين كَبر ابن الزجيه
وكَبر عباس اجيه .. تدلّيني عليه .. اكَله خويه آنه الهاشميه
ــــــــــــــ
اريد ابجي وأون .. واسولف بالحزن .. واخلي ادموعي لخواني جريه
يشوفون الضعن ... شكثر شاهد محن .. يريت الساعه تلفيني المنيه
… ..
الشاعر محمد حسن ضيغم