5137
القصائد الرثائية للآل الأطهار ع
المجلس (( 44 ))
بمناسبة ليلة الوحشه
من وزن التجليبه ( المربع)
ـــــــــــــــــــــــ
وحشه الليله وأرد انصب عزا ومأتم
ووزع ماي عيني لون ما صب دم
ـــــــــــــــــــــ
اصلّي وأدعي وأرد اذكرهم اخواني
وأذكر من كَعدنه بذاك صيواني
بينه وبين اخوي الكَمر خلاني
وبهل فاجعه ابن الطاهره اتكلّلم
ــــــــــــــــــــ
كَال ابوحدج اتضلّين بالحومه
وأخوتج عالترب يابت علي نومه
وأخوج حسين يبقه مسلّبه هدومه
وصدري بالحوافر خويه يتهشّم
ما انسه الحجي والكَاله عن حاله
تدوس اضلوع صدره عشر خيّاله
وصرخات الحرم عاليجره تتعاله
يشوفن هل وضع وبوسط المخيّم
ـــــــــــــــــــ
الوحشه اخلاف اخوي اتصير من يرحل
وردني من دموع العين يتبلّل
اجي يمّه الظهر عباس ما يقبل
اجي يمّه اذا ليل الحزن خيّم
ــــــــــــــــــــــــــ
اليوم اهلي غدوا صرعه ودماهم سال
وراس حسين شفته اعله الرماح انشال
كَطعوا خنصره ومشدوه عندي البال
وجسمه الكَطعوه شلون جا ينلم
ــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 42 ))
بمناسبة حرق الخيام.
من وزن التجليبه ( المربع)
ـــــــــــــــــــــــ
يباني اخيامي الحكَ حركَوا اخيامي
اللهب زيّد مواجع جبدي الضامي
ـــــــــــــــــ
يعباس الخيم شبّت وصد عينك
وأدري اعله النهر مكَطوعه جقّينك
الله يعيني يل محّد يعينك
مثل جفّك جفن بنت الوصي دامي
ـــــــــــــــــــ
خيامك ذيج حركَوهه يبو الغيره
وبين النار والعيله أنه بحيره
وضع زينب صعب ياخويه تفسيره
النار أمن الجدم ضل تصعد الهامي
شبّوهه الخيم وعيوني تنظرلك
وخفت صوت اليتامه هناك يوصلّك
ماتكَدر تجيني يابعد اهلك
فرّت بالصحاري بخوفهه ايتامي
ـــــــــــــــــ
خيامي البيهه آثاراك يوالينه
احتركَت وانتهت كَوم الحكَ اعلينه
مانكَدر حرم عباس تدرينه
هيج ومن ديد انظرك جدّامي
ــــــــــــــــــــــ
صيواني احترك واحتركت جفوفي
رغه هذا وعلى الايتام كل خوفي
من الدخان احسّن راح كل شوفي
وراحت وي ابو السجاد ايامي
ـــــــــــــ
الشاعر محمد حسن ضيغم
/channel/kasaedalatharDaygham
المجلس(( 40 ))
بمناسبة يوم العاشر.
من وزن اتجليبه ( المربع)
ــــــــــــــــــــــــــــــــ
يعاشر مرمرتني وهدَمتلي الحيل
وعكَب هذا الجره لا ما انام الليل
ــــــــــــــــــــ
صباح اكَشر علينه وشفت جم لوعه
جاسم بالمعاره طفّوا اشموعه
وأخوي حسين حيل انسحكَت ضلوعه
وما رحماً اخيي من لفنّه الخيل
ـــــــــــــــــــــ
راسه اعله الرمح مرفوع اشوفنه
وجسمه اعله الارض مكَدر اعوفنّه
مصاب الصار ما اكَدر اوصفنّه
اخوي اعله الارض منثور قابل هيل
كلهه ابلا غسل ومسبّحه بدمهه
وماواحد يجيهه ويعتني يمهه
زينب هذا كل الصار هاظمهه
شافت من مصايب كربلاء الويل
ـــــــــــــــــ
يوم العاشر اشكد صعب عالحره
اعزاز الكَلب فوك الكَاع متطشّره
وصيوان الحراير ناره متوجره
شطفّيهن وماضل بيه وشلة حيل
ــــــــــــــــــــ
ياعاشر محرّم خذت كل عمري
وكَب حسين ريته منكَطع نحري
بيد اعداي اشوفن ينسلب خدري
وتاليهه النياك التحدي بيّه اتميل
ــــــــــــــــــ
الشاعر محمد حسن ضيغم
/channel/kasaedalatharDaygham
الاهواز-الخفاجیة
هيئة راية العباس عليه السلام
اداء الرادود:رسول السعيداوي
نعي
هنا يل گلبك أمن الدين خالي
عدوّي انت وابد متصير خالي
بخدّي من علي الكرار خالي
شمر . عباس أنه عيون الزچيه
....
الشاعر محمد حسن ضيغم
/channel/alnaay2022
سيتم نشر قصائد مصيبة يوم العاشر والوحشه والدفنه خلال اليومين القادمين
اشترك بالقناة ليصلك مايتم نشره
/channel/kasaedalatharDaygham
المجلس (( 38 ))
بمناسبة ليلة العاشر.
من وزن التجليبه ( المربع)
ـــــــــــــــــــــــ
بالصحرا كَعد وعيونه لخيامه
ويشوف العيله ضل تنوح جدّامه
ــــــــــــــــ
راد يروح يمهه والفكر مذهول
ولو سألوه عن باجر شيريد ايكَول
يشوف الحزن صار وياه طول بطول
وكَوّه اعله ارض من ينكَل اجدامه
ــــــــــــــــــــــ
يريد ايودّع العيله لان باجر
يروح ويدري زينب تفكَد الناظر
تصيح بصوت لمّن تنظر الحافر
يدوس ابصدره حيل ايكسّر اعضامه
باجر لا خيم لا اخو يضل يمهه
باجر بالجمر تتلاهب اخيمهه
جفوف الكمر باجر ينسفك دمهه
عمود اعداه تنظر يفضخ الهامه
ــــــــــــــــــ
يودع اعياله رايد بس ألم عنده
شما ينظر السكنه دمعته ابخدّه
يرف باجر اتمر زينب بشدّه
والهذا الوضع تتزايد آلآمه
ــــــــــــــــــــ
صعبه ييشوف زينب تركض بحسره
وبطف كربله عثره بأثر عثره
صح مكّطوع نحره لجن شيصبره
بحين السوط يضرب متن ليتامه
ـــــــــــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 36 ))
بمناسبة عبد الله الرضيع عليه السلام.
من وزن التجليبه ( المربع)
ـــــــــــــــــــــــ
بعد ماعندي دمعه الفكَدك اجريهه
ييمّه وتعبت امك من بواجيهه
ـــــــــــــ
ذبلت عيني ورموشي خذاهه الشيب
وانامن ساعه ليلي بدون عينك عيب
وحكَك كون يوليدي اعَرف الغيب
جبدتك ماي لا ما طالبت ليهه
ـــــــــــــــــ
دمع خلّص واحس اعيوني تتجرّح
وجرح بجفون عيني ورده تتفتّح
شلونا بعيني اشوفك تمشي للمذبح
وركَبتك يالولد دمّك يغطّيهه
يعبدالله رحت والروحه جتاله
شهر عمري حسافه ذبحوا اهلاله
اذا مو يمّي اشوفه امبارك اخياله
رفيف اجفوفه للمهجه يسلّيهه
ـــــــــــــــــــــ
خلص حيلي وبعد ما بيّه لحضه ابجي
متت جنّي وصرت كَوّه أمنريد احجي
المن حايره بضيمي بعد اشجي
الزمن بسهامه روحي ضل يراميهه
ـــــــــــــــ
يمن شفته ذبيح واحمر اكَماطه
من كتر الكتر كَلبي الحزن حاطه
على متني الشمر ضل تلعب اسياطه
بحضني جثّتك لمّن اخليهه
ـــــــــــــــ
الشاعر محمد حسن ضيغم
/channel/kasaedalatharDaygham
المجلس (( 24 ))
بمناسبة أستشهاد علي الاكبر عليه السلام
من وزن التجليبه( المربع)
ـــــــــــــــــــــــ
هله يبني ويعز وأغى كل ولدي
شمسويه وخذاك الموت من عندي
ــــــــــــــــ
امك وأرد اصيح بصوت يالغالي
هله ياماي عيني وثمر دلالي
جتّالك يالاكبر صار جتّالي
اوعدك راح تبقى دمعتي ابخدّي
ـــــــــــــــــ
ليش البين من عندي خذك يبني
ليش ابفركَتك كَصده يعذّبني
ام وردتك ابموتي تشيّعني
موش اتعيفني ابين الهظم وحدي
راحت بالي انت وراح كلشي وياك
يالاكبر ابد ما ينحمل فركَاك
الله وياي اصيحن مدري الله وياك
جمرة محنتك يوليدي تضهدني
ــــــــــــــــــ
رحت والروحه روحه وكَلبي ما يهجع
والام عل ابن تبجي تهل مدمع
معقوله علي العافاني ما يرجع
ويدري الكَوم من بعده صفت ضدي
ــــــــــــــ
راح وبالخيم محتاره صرت آنه
وفوك الارض دامي انظرت جثمانه
دمه ايسيل اشوف ابفيض شريانه
وياريت الذبح نحرك كَطع جبدي
ـــــــــــــــــ
الشاعر محمد حسن ضيغم
/channel/kasaedalatharDaygham
شيعيّه شيعيّه ... فرحتنه شيعيّه
تبقى عقيدتنه ... بيعه الغديريه
ـــــــــــــ
وقّعنه للكرار .. بالدم بصمنه
وبعالم الانوار ...شيعيّه اسمنه
من تنعد الارقام ... اوّل رقمنه
أسأل اوراح تشوف ... شينادي دمنه
دمنه الذي يفتر
يهتف بأسم حيدر
تبقى عقيدتنه ... بيعه الغديريه
(الما والاه اسأل عن أصله)
ـــــــــــــ
حب وكرامه انكَول ماعدنه مانع
لو وذّر احنه انصير نبقى نبايع
والحيدر الكرار كل شيعي طايع
بصوت الضمير انصيح شيعه ونشايع
للوالي بيعتنه
اوّل أئمتنه
تبقى عقيدتنه ... بيعه الغديريه
(غيرك لا الاول انت)
ـــــــــــــ
عيد الله وأكبر عيد عيد الولايه
ومن عنده ندري اسرار نهج الهداية
حيدر علي قرآن ما كَلنه آيه
هو البدايه يكون هو النهايه
طه ولي يريده
لمّن رفع ايده
تبقى عقيدتنه ... بيعه الغديريه
(كَبال الناس وبي يتباهه)
ـــــــــــــ
بذي الحجه بعض الناس ابيت العلي اتطوف
وطفنه ابعلي الكرار وبكَلب ملهوف
امبّايعين انصيح ونشيل الجفوف
بيت الكرم والجود ميرد الضيوف
بالحضره لمتنه
نجددهه بيعتنه
تبقى عقيدتنه ... بيعه الغديريه
(نطوف اعليه وتحله البيعه)
ـــــــــــــ
سجّلنه يا جبريل وأنطي العلامه
وخليهه بشرى تصير يوم القيامه
احنه الذي منعوف تاج الامامه
وكل محب راح يكون مخلص كلامه
بس حيدر القائد
وغيره حرف زائد
تبقى عقيدتنه ... بيعه الغديريه
(من الاصلاب انبايع حيدر)
ـــــــــــــ
الشاعر محمد حسن ضيغم
/channel/kasaedalatharDaygham
لاستشهاد الامام الصادق عليه السلام
الصادق المحّد يِعَرف اسراره
مثل فاطم نار شبّوا داره
ـــــــــــــــــــــــــ
صادق القول الذي سرّه انحجب
الفاطم وحيدر علي ايرد النسب
رغم هذا وشفنه يا ناس العجب
دار وحي الله تعالت ناره
ـــــــــــــــ
الچان مفروض الخلگ طوعأ تصير
اله وعالعالم يضل اعظم امير
لچن شفنه مبغضه ميت الضمير
وبالجمر تارك صبح آثاره
ـــــــــــــــــ
مثل امه فاطمه وذاك الجره
شلون باب الزهره ناره مسعره
باب داره بنارهم متوجّره
والفرق بس محسن ومسماره
ـــــــــــــــــ
رغم هذا الصار سموه العده
وچبدته بالسم يويلي امرّده
لچن مو مثل الحسين الوحّده
بقه الوحده وعالتراب انصاره
ـــــــــــــــ
جده داست صدره ياوسفه الخيول
وعلارض مطروح ابن بنت الرسول
عليكم الله يساعد الزهره البتول
الوحي مصابك حين شع اخباره
ـــــــــــــــــــــــ
سبوا زينب والحسين اعله الترب
خنصر ايده انگطع وخيامه تشب
الصادق ابوحده صفه ابين الغرب
وشاهد اعله مصابه ذيچ ادياره
ــــــــــــــــ
الشاعر محمد حسن ضيغم
/channel/kasaedalatharDaygham
الساتر الله شلون باجر بينه
الموت من ياخذ علي والينه
ــــــــــــــ
الساتر الله شلون هاي الليله
ينطبر بالسيف حامي ادخيله
الينطي حيل شلون يفكَد حيله
يريد تچوه وسفه اليتچّينه
ــــــــــــــ
الليله بالمحراب راسه ينطبر
راسه ينزف مدري لو راس القدر
الدنيه تظلم بيه هذا اول فجر
اليفكَد اغلى الناس الله يعينه
ــــــــــــــــ
والله لو ما علي الربّه منقطع
ابن ملجم سيفه ما طفّه الشمع
صوت من سابع سمه ضل مرتفع
انهدمت اركان الرسول ودينه
ــــــــــــــــــ
التسجد املاك السمه يم حضرته
وزغب جبرائيل تارس غرفته
شلون تالي الدم صبغها اعمامته
وسالت ابمحرابه كل اسنينه
ــــــــــــــــ
آه واويلاه اذا دار الزمن
اليسكَي كوثر تالي يردوله لبن
انت جرح المابره يابالحسن
لآخر الدنيه الجرح ياذينه
ـــــــــــــــــــــ
شلون حال اولاده وبهذا المسى
محنة مصابه ابد ماتنّسه
الطبر راسه الوالي بجهنم عسى
اخ خلّه حسين تدمع عينه
ــــــــــــــــــ
الشاعر محمد حسن ضيغم
/channel/kasaedalatharDaygham
ريَض يل شايل نعش الوالي .. صحت بجروحي صحت بجروحي
اشبع ردت اوداع من الغالي ... وأزيدن نوحي وزيدن نوحي
يم نعشه وانوح
ابجي واقبّل وجنته والجفوف
بلكن لعد ابنيّته ايضل يشوف
كَلبي يضل بجنازته ما يعوف
يا بويه صحت .. ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
وبحين شفت اجنازته شالوهه ...لطمت براسي لطمت براسي
هل روح صحت وياكم شيعوهه ...هلي وياناسي هلي وياناسي
بالباب حايره
دمعاتي ضلّت هامله علخدود
ونّي الفكد عقد الوله ضل يزود
راح الي عيني اتصد اله ومايعود
وبداري نحت ... ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
ردّيت للمحراب والطم هامي ...صور مرسومه صور مرسومه
لن سود صارت بيض كل ايامي ...اشوف ادمومه اشوف ادمومه
محراب ضل يون
امسح دمه ال بعمامته وانتحب
وناري لعد مصيبته ضل تشب
دمعاتي لمصلايته تنسجب
بمحرابك طحت ... يا حيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
بالدار اسال ليش شو عفتوني ... هلي ومهظومه هلي ومهظومه
يا حيف من اصبي نور عيوني ... صرت محرومه صرت محرومه
عذّبني اليتم
صرت الحزينه الصابره وحيل اون
قصة حياتي تنقره بالحزن
ريت بجوارك حيدره اندفن
دمعات اسفحت ... يا حيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
هاي اصورّه وهاي كل اهدومه ...اكَالب بيهه اكَالب بيهه
اشتم عطره وروحي من اهمومه ... جمر يجويهه
شينفع هل عمر
فدوه لروحه الغاليه ... والسنين
والدار ضلّت خاليه ...من الحنين
ودموعي ضلّت جاريه ...بالونين
جم محنه شفت ... ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
الشاعر محمد حسن ضيغم
يا كرار لا تفجعني
لا ماريد ترحل عني
دارك لا يضل خالي
زينب وأرحم بحالي
ــــــــــــــــــــــــــ
يا حيدر يا لبة كلبي ويل نورك يملي عيوني
ليش اعداك بهاي المحنه منك بويه يحرموني
انه ابنيتك لا مااكدر من دونك مو يدروني
ابجي وانحب ليل انهاري ليش اعداكم خلوني
وبهل نوح ذايب كلبي
عل محراب عيوني التربي
تدريبه الدمع هالي
زينب وأرحم بحالي
ــــــــــــــــــــــــ
من ترحل ياحيدر عني وابقه اتسله بدمعاتي
مظلم داري يصير اخلافك بويه وتوحش دنياتي
اتبجي اليسمعهه من العالم كلمن يسمع وناتي
وما مرت علعالم ابدا يا بالحسن مأساتي
شفت الضيم وانه بزغري
بكلبي اسهام صوب دهري
غيرك منهو يبرالي
زينب وأرحم بحالي
ــــــــــــــــــــــــ
بوجودك داري شمحلاهه يابسمة شفة الايتام
انه ابنيتك جنت اتنومس يوم بحضنك عيني اتنام
ماادري الواقع يفجعني وتتبدل هاي الايام
عن دارك ترحل ياحيدر دارك تبقه بلا ضرغام
ليش اتروح ياوالينه
بهذا الحال وتخلينه
رسمك ساكن ابالي *** زينب وأرحم بحالي
ــــــــــــــــــــــــــــــــــــ
بويه من انظر لمصلاتك وانظر مهظوم المحراب
اكعد عالكاع واتنحب وعالخد دمعي يضل سجاب
ياذنب العندي وتتركني وتعلن وي العيله اغياب
راح ابقه اعله هدومي السوده من حزن امي عندي اثياب
ذاك الثوب لا ما نزعه
عل امي عليك تبقه الدمعه
ذايب يبقه دلالي *** زينب وأرحم بحالي
ـــــــــــــــــــــــــــــ
خلتني امي اوديعه وعندك ورادت بويه اتداريني
متفارك شفتيني البسمه ولا يهمل مدمع عيني
الله يلعن كلمن ظالم بينك حال وما بيني
ريت الي يواري بجثمانك يمك كون يواريني
ريت وياك طبروا راسي
وياك البين اشكد قاسي
حزني اصبح خيالي *** زينب وأرحم بحالي
ــــــــــــــــــــــــــــــــ
الشاعر محمد حسن ضيغم
يبو الغيره وأعرفك منهل الجود
وسف طاحن اچفوفك منها التجود
الخيمه شگد جريبه منها للجود
لچن عثرات اخيتك صفن ميه
.....
الشاعر محمد حسن ضيغم
/channel/alnaay2022
المجلس (( 43 ))
بمناسبة ليلة الوحشه
من وزن الموشح ( المربع)
ـــــــــــــــــــــــ
الليله وحشه وأبتدت احزاني
بلا خيم وأعله الارض خوّاني
ــــــــــــــــــــــ
وحشه صارت لا اخو ولا في علم
بس رماد وجمر من ذيج الخيم
من هلي بطف كربله محّد سلم
ريت راحت روحي وي صيواني
ـــــــــــــــــــــ
وحشه بس اطفال يمّي والنسه
ومن هلي يلفون اليّه مأيّسه
الكربله ماجيت ياعالم عسى
شكَد شمر من الهظم راواني
ليله وحشه والظلام اصبح عتم
حرم يمي وما بقت يمّي زلم
بس علي السجاد حيله منهدم
هذا وضعه يا خلكَ بجّاني
ـــــــــــــــــــ
وحشه صارت وانه ماعندي اخو
وأمي مو يمي ولا يمّي ابو
بعيده صرت وخاف ينظرني العدو
بكربله مهدوم كل بنياني
ــــــــــــــــــــ
وي بداية ليلة الوحشه بجيت
القبل ليله وللاخوان اتذكّريت
سوالف الحلوه وحكَهم ما نسيت
والله يا هظم الطفوف آذاني
ـــــــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 41 ))
بمناسبة حرق الخيام.
من وزن الموشح ( المربع)
ـــــــــــــــــــــــ
الخيم شبّت نار شيطفّيهه
وعيله ماي الشرب ماصح ليهه
ــــــــــــــــــ
الخيم شبّت والخيم مرعوبه
والطفل نار الخيام بثوبه
اطفال دمعتهم صفت مسجوبه
حايره وضل عالنهر راعيهه
ـــــــــــــــــــ
نار شبّت والعطش ماذيهه
تريد ماي الشرب مو تدريهه
حيره والله حيره يا واليهه
زينب وهل حرم حارت بيهه
شبّت الخيمه وفكر ماضل الي
وانه حرمه بكربله وبلا ولي
هيج معقوله تشاهد بت علي
وهيج تسدي هل مصيبه اعليهه
ــــــــــــــــــ
نار ما تطفى لان شبّت حقد
وحايره للحرم من منهن اصد
ساعه اروحن للخيم ساعه آنه ارد
خاف طفله هناك ضلّت بيهه
ــــــــــــــــــــ
صحت الحكَ ياكَمر راح الخدر
كَوم مو كَلب الحرم ضل منكسر
منين اجيب ليّه يالكافل صبر
سنين الك جا لو تصح اشريهه
ــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 39 ))
بمناسبة يوم العاشر.
من وزن الموشح ( المربع)
ـــــــــــــــــــــــ
فزّت عيوني لمن صار الصبح
جنّه راس حسين اشوفه اعله الرمح
ــــــــــــــــــــــ
صبح عاشر من كَعدت من الحلم
حيلي احسّن بيه والله منهدم
من كَعدت الكَيت اردد هل اسم
حسين خويه والكَلب ضل منجرح
ــــــــــــــــــ
الشمس متكدره شفتهه وكَلبي خاف
ويابسه من العطش شفت الشفاف
علينه جنهه ردّت اسنين العجاف
وماي وبكَصة البشر لا ما يصح
صبح عاشر ريت مامرني ابد
وي صباح الجبد عالضامي انمرد
بطيف جن شفت احترك حتى المهد
شكبر هاي المحنه وشكبر الجرح
ـــــــــــــــ
الصبح مظلم ليش اوّل مابده
وشي جبير ايصير عيني اتشاهده
جنهه اخوتي اعله التراب امّدّده
والكَمر يم الشريعه منطرح
ـــــــــــــــــ
حلم خوّفني وبقيت بحسرتي
شفت نار اعداي تسري بخيمتي
عل ارض مذبوحه اشوفن اخوتي
ومهجة الزهره نحر ضل منذبح
ــــــــــــــــــــــ
الشاعر محمد حسن ضيغم
/channel/kasaedalatharDaygham
ياربي عجّل فرج القائم
......
چلمه الثار شكثر نحچيهه
وهل چلمه تجرح حيل راعيهه
زينب بعدها بأمل مهديهه
ضعون المشت مهدينه يحديهه
يًقيِننا بأنّهُ قادم
ياربي عجّل فرج القائم
......
عندك مخيّم ماطفت ناره
يل ماكو غيرك ياخذ بثاره
وعمّاتك اعله الهزله محتاره
وعبدالله الك ضل شابح انظاره
بوضعهِ ربُ الملا عالم
ياربي عجّل فرج القائم
......
يل شيّبتّك كربله وهمهه
وعينك دمعها اتفايض بدمهه
چبيره السوالف وانت التلمهه
بس ياهو يجمع جمرة اخيمهه
عليُ قد ابكاكَ والقاسم
ياربي عجّل فرج القائم
......
مصبوغه ايدك من دمه ادموعك
ونار المخيم لسعت ضلوعك
اتواسي رمله عالگ شموعك
طف ومحرم هذا موضوعك
ايتامكم في مجلس الظالم
ياربي عجّل فرج القائم
......
عمك يمهدي عللنهر طايح
ويسحگ حسين الجاي والرايح
يادم رقيه أمن المتن سايح
تنظرب وتنادي يبو صالح
قد شاخ من كان لنا خادم
ياربي عجّل فرج القائم
......
الشاعر محمد حسن ضيغم
/channel/kasaedalatharDaygham
جيبوا بيرغ العباس
عصابه ارد اشدنّه
.....
انطوني بيرغ الغالي
يمسح مدمعي الهالي
اشم بي عطر كفّالي
ولحسيني اردّنه
........
هذا بيرغ النخوه
عليه امطرّزه الخوه
للكافل رحت فدوه
يحضرني اريدنّه
........
جيبوا رايته الخضره
المن عدهه يشع عطره
راح واخته تنتظره
عن جوده انشدنّه
.....
اشدّن بيرغه براسي
المالك روحي وأحساسي
اصيح بصوت عباسي
خلافك عمري اعدّدنه
........
ياخويه يبعد اختك
تحضرني بعجل ردتك
خويه شكثر ناشدتك
الحمل چا بيش اوسدنّه
......
جيبوا بيرغ الغيره
اليصعب صدگ تفسيره
الميخلّيني ابحيره
نهر دمعي اهدّدنه
.....
الشاعر محمد حسن ضيغم /channel/kasaedalatharDaygham
المجلس (( 37 ))
بمناسبة ليلة العاشر.
من وزن الموشح ( المربع)
ـــــــــــــــــــــــ
ليل الموادع صعب ما ينحمل
الابو من يرتحل لا مو سهل
ـــــــــــــــــــ
آه يا ليلة العاشر مؤلمه
حسين اجه ودمعه يهل لمخيّمه
شلون باجر بالعليه امعلّمه
يروح منهه والدمع ضل ينهمل
ــــــــــــــــــــــــ
وداع يصعب بين ابو وي عيلته
والاشد من تجي ابحضنه ابنيّته
شلون لو لزمت بديهه لحيته
وتدري بي باجر ابوهه ينجتل
يا وداع الكلّه بس هم وقهر
موت باجر بالاهل لو موسفر
والله صعبه الكَلب لو طكَ ونكسر
لو تتطشّر كَلّي شيلم الشمل
ـــــــــــــــ
اوداع يعصب والدمع يهمل دمه
اطفال باجر كلهه تمسي اميتّمه
منهو يسكَيهه اذا حل الضمه
يموت من العطش ويلي كل طفل
ــــــــــــــــــــ
ليلة اوداع الضعن وي السبط
لو رحل باب الكرم كَول شتحط
الدمع فوكَ الوجنه مأساته يخط
باجر العصره بذبحهم تكتمل
ــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 35 ))
بمناسبة عبد الله الرضيع عليه السلام.
من وزن الموشح ( المربع)
ـــــــــــــــــــــــ
بالمخيم صرخه منّي تعتلي
لا تحركَون المهد خلّوه الي
ـــــــــــــــ
وصلت جيوش العده يم الخيم
ايمين وشمال افزعت كل الحرم
يا ألم بالروح ما مثله ألم
وضيم كَلبي ابهل جره ما ينجلي
ـــــــــــــــ
حاوطتنه الكَوم واحنه ابلا اهل
مطر جن الضيم علعيله نزل
تيهه صرنه اخلاف ابو الغيره الكفل
حرم حكّهه اتشيط جيف ابلا ولي
عناد ويّانه اعتنوهن هالخيام
بلا رحم والله شفناهه اللئام
شبّوا النار وكلت حتى الجدام
بلا اهلهه الحرمه حتما تنولي
ــــــــــــــ
كَبالي راحوا للمهد خلوه جمر
وكَلبي وي مهد الطفل ضل يستعر
ماشفت حركَ المهد ريت بكَبر
ولاشماته صرت اصد من عاذلي
ـــــــــــــــــــــ
المهد حركَوه وصحت عبدالله آه
المهد هذا شهور كَلبي ما نساه
ماكفاكم منحر اوليدي ودماه
بعمري عكَب اوليدي ياعالم شلي
ــــــــــــــ
الشاعر محمد حسن ضيغم
/channel/kasaedalatharDaygham
اعلنهه بصراحه ... بلسان الفصاحه
علي حيدر اميري
في يوم الغديرِ
ـــــــــــــــــــــــــ
ياحيدر علي .. عشكَي الاولي .. آنه وكل هلي .. فدوه الطاري اسمك
من الذر آمنت ... بيك وصدّقت ...غيرك ماردت ...بعيني يبقى رسمك
يا اصل الامامه .... خذ كَلبي وغرامه
حي اصبح ضميري
في يوم الغديرِ
ـــــــــــــــــــــــــ
اول تنحسب ... بكَلبي منكتب ...ياعطر اليهب ...بي عايش تراني
رغم المارضى ... نهتف بالفضى ... بس المرتضى ...اصبحلي ضماني
وجداني مكانك ...كاسيني بحنانك
وكاسيني الحريرِ
في يوم الغديرِ
ـــــــــــــــــــــــــ
حبك بالازل ... ياخير العمل ...انت اعظم امل ... دنيه واخره انت
بايعت وصحت ... وتدريني اعشكَت .. شيعي اتوصّفت ..حيدر من عرفته
كل عمري وحياتي ... ياحيدر نجاتي
وللجنّه البشير
في يوم الغديرِ
ـــــــــــــــــــــــــ
يوم البيعه عيد ... وغيره مااريد ..لحبّك ارفع ايد ... وأعلن لك ولائي
وأبغض كل نذل ... ال عن دربك يزل ...يابدر اليهل ...كل يوم بسمائي
دربك مااعوفه ... جنه بعيني اشوفه
بهل بيعه مصيري
في يوم الغديرِ
ـــــــــــــــــــــــــ
رغما عل جهل ... دين الله كمل ...بحب خير العمل ...الهادي اعلن النه
كال النه الامير ... حيدر والوزير ... وبيوم الغدير ... آمنه وهتفنه
عدنه هل عقيده
بس حيدر نريده
نرضى شما يصير
في يوم الغديرِ
ـــــــــــــــــــــــــ
الشاعر محمد حسن ضيغم
/channel/kasaedalatharDaygham
الجواد الطاهر وابن الطهر
شابه المظلوم جدّه بالامر
ـــــــــــــــــــــــــــــــ
ثنينهم من ال بيت المصطفى
ثنينهم نور الله ذاك الماطفه
الصار بيهم صعب والله انوصّفه
بيه ضل محتار ياناس الفكر
ــــــــــــــــــــ
مصابهم يصعب علينه والعجب
انظلموا أو راحوا ولا عدهم سبب
ناس ما تعرفه فحمهه من الذهب
ناس باعت دينهه بأبخس سعر
ـــــــــــــــــــ
الجره اعله حسين صح ماله مثيل
نحر دامي وعل ارض منبع يسيل
والجواد اتسمم وجسمه نحيل
ثنينهم ظلموهم اصحاب الكفر
ــــــــــــــ
حسين ثلث ايام ضل اعله الترب
وجسمه فوكَ الكاع امسى منكَلب
والجواد ايشابهه ابوادم غرب
ضل ثلث تيام لا ماي وسدر
ــــــــــــــــ
لجن ماحزوا يعالم ركَبته
ولاتدوس الخيل ضلّت مهجته
بالشمس ضلّت ثلاثا جثّته
مثل جده وجسمه اصبح منصهر
ــــــــــــــ
راسه ما رفعوه اويلي بالرمح
لجن نفس امصيبته ونفس الجرح
اوصافهم متبدّله بشمس الصبح
ثنينهم اجسادهم صارن حمر
ـــــــــــــــــــ
الشاعر محمد حسن ضيغم
/channel/kasaedalatharDaygham
يحسين راح الغالي منّه
يبن امي لاتنشدني عنّه
ايّس بعد مايرجع الراح
دفنوه خيمه الي تلمنه
بسّك لاتناشد عنّه حيدر راح
الماي الّي تبدّه يصعب اترده
مو بس حيدر اتوسّد بكَبره هناك
زينب اختك وياه اسكنت لحده
يحسين خويه كَلبي مكسور
يحسين خويه اتهدّم السور
ــــــــــــــــ
ادريك مثلي العلي اشتاكَيت
والحضن ابوي الليله حنّيت
ياوحشة المدفون ابوهه
عليها تحس اتهدّم البيت
جندوب انظر ادموعك تضل اتسيل
كافي حسين مو تدري انهدم حيلي
امسح دمعتك لو دمعتي احتاريت
نام وخلني وحدي اشبع بجي بليلي
يحسين خويه كَلبي مكسور
يحسين خويه اتهدّم السور
ــــــــــــــــ
مدنّك الراس شلون تاليك
حاجيني فدوه من احاجيك
كّوه ارد اصبر الكَلب علراح
وأرجع الضيمي من اصد ليك
ليش اتصيح بويه وهوّه ماموجود
وبعينك شفت من شيّعوأ نعشه
تدريبه علي مدفون جا المن
تاخذ تربه والمحرابه تتمشه
يحسين خويه كَلبي مكسور
يحسين خويه اتهدّم السور
ــــــــــــــــ
ياخويه صرنه احنه يتامه
والليل هيهات آنه انامه
ياجرح كَلبي المابعد طاب
عكَب الدعيناله بسلامه
راح الجان كل مصباح يتعنّه
بيني وبينك شمحلاته مكَعاده
ومن يلفي الحسن يمّنه نشوفه يكَوم
حنين وبيده يجمع ايد اولاده
يحسين خويه كَلبي مكسور
يحسين خويه اتهدّم السور
ــــــــــــــــ
هل محنه عشناهه سويه
ونعيش طف الغاضريه
وبالعاشر اتضل انت مذبوح
وعالناكَه آنه امشي سبيه
بلا راس وتريد اتكَوم بس اتطيح
صعبه اتشوف زينب تركض وتعثر
صدرك منسحكَ وضلوعك الطشّار
صارن اكثر من العايله البلبر
يحسين خويه كَلبي مكسور
يحسين خويه اتهدّم السور
ــــــــــــــــ
الشاعر محمد حسن ضيغم
/channel/kasaedalatharDaygham
تعنيت انشد المحراب ــــــ عن مصاب مولانه
شلون انصاب بالطبره ـــــــ وخله الدنيه حزنانه
ساجد وانطبر بالسيف ـــــــ واحنه ايتام خلانه
ودمه السال من راسه ـــــــــ سال اعليك يامحراب
---------
يا محراب جاوبني ــــــــ شلون انصاب والينه
ما نرهم بعد حيدر ــــــــــ احنه اولاده تدرينه
يا محراب معقوله ـــــــ والينه يخلينه
واحنه معلمين عليه ـــــــ‘ مانحمل هظم لمصاب
--------
يا محراب دمه السال ـــــــ منه اصبح اخضابك
وأدري تنوح علوالي ـــــــ واعرف لوعة مصابك
هم انت مثلنه اتصيح ـــــــ ما نتحمل اغيابك
الليل ايصير مظلم حيل ـــــــ لو حيدر الوالد غاب
-------
يا محراب والمنبر ـــــــ هم شفته يوم لجله
جيفن بعد ما يصعد ـــــــ والينه ابو الحمله
المنبر عل ولي الكرار ـــــــ اصبح مدمعه ايهمله
ومثل الشيعه عل مطبور ـــــــ ضل يهمل دمع سجاب
-------
يا محراب حاجينه ـــــــ شلون واحنه ايتامه
او والينه رحل يا حيف ـــــــ بس ما تمم صيامه
طبرونه ونزف دمنه ـــــــ وي طبرة علي بهامه
وجمر مصاب ابو الحسنين ـــــــ بينه ايضل دهر لهاب
--------
الشاعر محمد حسن ضيغم
انشد بدمعاتي عيوني
والدهر خيبلي ضنوني
ـــــــــــــــــــــــــــــــ
يامحراب انشدك بالله يامحراب
شلون المرتضى براسه الشريف انصاب
شلونا تلطخت من دمه داحي الباب
ماهزك من صابوا راسه *** لو يرحل تتيتم ناسه
ـــــــــــــــــــــــــ
يا محراب انشدك من سجد حيدر
وحين الي نوه عليك الوصي وكبر
بيا عين انت شفت الهامه تتطبر
ماكمت ورديت الضربه *** ولا خليت ال آه بكبه
ـــــــــــــــــــــــــ
يا محراب زينب انه تدريني
لصواب الجرح بصعب تصد عيني
انه الما حسبت يمشي ويخليني
وابق هاتيتم واجري المدمع *** مابطل وني ولا اجزع
ــــــــــــــــــــــــــــــ
انشدك من وكع حيدر عليك شصاح
اضن عرش الله طاح بطيحته من طاح
نفس روحي ونضر عيني ويحيدر راح
سلوة دلالي وفاركني *** ومصاب الوالي يعذبني
ـــــــــــــــــــــــــــــــ
يا محراب ياهو يصلي بيك اردود
لان حيدر بعد ما ضن يجيك يعود
عليه راح البس اثياب السنين السود
وانظر لمصلاته وابجي *** يامحراب ويامن احجي
ـــــــــــــــــــــــــــ
يا محراب جاوبني عليك الحيد
شلون بحالتك باجر تضل اوحيد
هم تفرك بأيدك لون عندك عيد
هم تتحسر مثلي وتنحب *** عني وعنك حيدر غرب
ـــــــــــــــــــــــــــ
الشاعر محمد حسن ضيغم
/channel/kasaedalatharDaygham
الهي اعليك اقسم بخت الحسين
تطفّيني أمنوجّن بخت الحسين
يهنياله اليحصّل بخت الحسين
ويهنياله العليه تستر رقيه
.
الشاعر محمد حسن ضيغم
/channel/alnaay2022
بعد يسوالف حسيني ملحچان
عليتن وآنه بچفوفي ملحچان
موش اتراب بجروحه ملح چان
وفوگ الملح روك اخيول اميه
....
الشاعر محمد حسن ضيغم
/channel/alnaay2022