5137
القصائد الرثائية للآل الأطهار ع
ابوذيه لليلة. الوحشه
كلمن لاحته النيران فرّيت
صحت وعله الگلب لچمات فرّيت
كوه امن الخيم يحسين فريت
ورماد الخيمه مقنع صار اليه
… ..
الشاعر محمد حسن ضيغم
يبن الحسن جسام
كلمات الشاعر
محمد حسن ضيغم
الرادود السيد علي الحسيني
يبن الحسن جسام
كلمات الشاعر
محمد حسن ضيغم
الرادود السيد علي الحسيني
فزاعيه للمصرع
صباح العاشر
وتقرأ بعد المقتل
زينب تصيح بكربله
وين امي عن اوليدهه
.....
ابنچ وگع من مهرته
وبالحجر صابوا جبهته
والسهم مارد چبدته
عالراس تلطم بيدهه
زينب تصيح بكربله
وين امي عن اوليدهه
.....
رد مهره خالي الخيمته
يصهل وتهمل دمعته
وسكينه اشوف تلگّته
والحسره حيل اتزيدهه
زينب تصيح بكربله
وين امي عن اوليدهه
.....
من طاح مرمي اعله الترب
عل وجه شفته منگلب
يتألّم ودمه يصب
لوريده تفدي اوريدهه
زينب تصيح بكربله
وين امي عن اوليدهه
.....
وين امي تحضر محنته
وتشوف هاي الأذّته
مگطوع خنصر يمنته
كل العلاوي اتريدهه
زينب تصيح بكربله
وين امي عن اوليدهه
.....
عشرة خيول اتعنّته
سحگت ضلوعه وطحنته
يتگلب وما رحمته
مصيبتهه ابنهه يعيدهه
زينب تصيح بكربله
وين امي عن اوليدهه
.....
ياويلي من بعد الذبح
مرفوع راسه اعله الرمح
والجسد دامي ومنطرح
وأخته اعله ضيمه شبيدهه
زينب تصيح بكربله
وين امي عن اوليدهه
.....
الشاعر محمد حسن ضيغم
/channel/kasaedalatharDaygham
نعي
أنه الگلبي لعد الضيم عاشر
ووصل گلبي سهم والسهم عاشر
شبگه بزينب بعد يايوم عاشر
خذت كل اخوتي من بين اديه
...
الشاعر محمد حسن ضيغم
/channel/alnaay2022
يا ليل الوداع
ــــــــــــــــــــ
يحسين اودعك لو اودع حامي الضعون
وآنه ادري لو رحتوا بعد ما ضن ترجعون
ـــــــــــــــــــــ
يبن امي كلي شلون اودعك يالشفيه
وتدري آنه اشوفك مو جنت صبح ومسيه
باجر يخويه شلون اشوفك عالوطيه
مذبوح اشوفك والعده بصدرك يسحكون
ــــــــــــــــــــ
يبن امي انزل خويه فدوه وعوف مهرك
عندي طلب هالساعه اشمن خويه نحرك
وخليني اقبل يا عزيز الروح صدرك
صدرك يرضوه العده ونحرك يكطعون
ـــــــــــــــــــــــ
وشلون اودعك وانت كل نبضه بدليلي
رايدني كل اسنيني ما اكطع عويلي
واشلون اودع مهجتي وروحي وجفيلي
لتضن تضل لختك بعد من تبجي العيون
ـــــــــــــــــــــ
وشلونا ودعك والكمر راعي الشهامه
وطول العمر هذا الجفت يترك منامه
باجر تصير اطفالي يبن امي يتامه
وياهو العليهم يمسح بساعة ينوحون
ـــــــــــــــــــــــــ
وشلونا ودعك والجمر بضلوعي لهاب
ورحمه علروحه الي ندب يافكد الاحباب
كبلك يريت اتوسد باحضان الاتراب
يبن امي فركاكم علي لتضن تره يهون
ـــــــــــــــــــــــــ
ميته عساني ولا اودعك هالمسيه
وياريته جدمي ماسحك كاع الوطيه
ظلمه بلياكم تصير الغاضريه
تتبع اثركم روحي لو للحومه تمشون
ــــــــــــــــــــــــــ
الشاعر محمد حسن ضيغم
وداع وداع ... بين العقيله والكمر
وداع وداع .. تبجي وتأشر عل نهر
خنكتهه عبرتهه بلهيب اونينها
حضنت اخوهه وتجري دمعة عينها
ــــــــــــ
ملامح وجه ابو الغيره صور تحجي
وزينب كَابلت راعي الوفه وتبجي
تكلّه اخلاف عينك المن آنه اشجي
يخويه اكَليبي كَوه بضلعه متوجّي
تروح تروح ... للشاطي وبجفك علم
تروح تروح .. ويوكع عمد من الخيم
خويه المصايب ويني آنه او وينها
حضنت اخوهه وتجري دمعة عينها
ــــــــــــ
زينب لازمه الرايه وتشم بيها
تكَلول شلون اشوفن دامي راعيها
الخيم من تشتعل جا ياهو يطفيها
يخويه وزينبك حرمه انت تدريها
خيام خيام ... يحركوها وانت اعله النهر
خيام خيام .. وحسين مكسور الضهر
لا انته يمها ولا يجيها احسينها
حضنت اخوهه وتجري دمعة عينها
ــــــــــــ
صعب حيل الوداع ابين كَلب ودم
يخويه وكَلبي خايف يلفي المحتّم
عسن لاجاني يومك عاشر امحرّم
اخوتي امذبّحه ومحروكَ المخيّم
كفيل كفيل .. .. . ما يبقه عندي بكربله
كفيل كفيل .........من يهوه يشمت حرمله
وسكينه بعدك ياوفي امأذينها
حضنت اخوهه وتجري دمعة عينهه
ــــــــــــ
وكف يمها اخوها وصدّت العينه
بجت عرفت سهمها ايزيّد اونينه
لحضه وعينها ضل تربي جفّينه
هوت عالكَاع زينب آ يالحنينه
عجيب عجيب ... شلون انظر بعينك سهم
عجيب عجيب ...ومكطوع جفك يجري دم
تمنّت اخيتك ينكَطع جفينها
حضنت اخوهه وتجري دمعة عينها
ــــــــــــ
كّوه تكول خويه وأشّرت كَوّه
على الشاطي وتون ياراعي المروّه
يخويه العلكمي بزينبكم اشسوّه
كلما انظرك تهوه الكَلب يهوه
ذبيح ذبيح ... والراس مصيوب بعمد
ذبيح ذبيح .... بلا روح ابقى بس جسد
بليّاك دنيه ما اريد اسنينها
حضنت اخوهه وتجري دمعة عينهه
ــــــــــــ
الشاعر محمد حسن ضيغم
ليل الوداع شكَد صعب ... ما تنحمل ساعاته
ـــــــــــــ
اشلون اودّع اخوتي
هم حياتي وسلوتي
ليلي اسهره بدمعتي
وماتنطفي جمراته ... ما تنحمل ساعاته
ـــــــــــــ
ليل الاوداع اشكَد صعب
ليل ويذوّب كل كَلب
باجر اخوتي بالحرب
تاذي الاخو احجاياته ... ما تنحمل ساعاته
ـــــــــــــ
ياليل ارحم عيلتي
ياليل تدري ابمحنتي
يا ليل اكتب قصتي
كَلبي اليجر حسراته ... ما تنحمل ساعاته
ـــــــــــــ
اشلون اودّع كل هلي
نتوادع بجمره اتغلي
باجر يضل محّد الي
وتتيسّر ابنيذاته ... ما تنحمل ساعاته
ـــــــــــــ
باجر اخوتي اعله الترب
باجر وضع كلش صعب
انروح لديار الغرب
أيزيد استمه شتماته ... ما تنحمل ساعاته
ـــــــــــــ
الشاعر محمد حسن ضيغم
لليله الوداع
اهمل يدمع عيوني
باجر هلي يعوفوني
بس هل وكت همّه وياي... مابيهم يودعوني
ــــــــــــــــــ
باجر اذا طر الفجر ... راح استعد لحزاني
لاعمي اصد لا والدي ... لا يمي اشوف اخواني
مذبوحه اهلي اعله الثره ... ومن يحتركَ صيواني
يابويه ما بين الجثث ... اركض غصب تلكَاني
هلليله ريت اتطوّل
حزن وقهر ما احمل
والجانوا السكنه افياي ... مابيهم يودعوني
ــــــــــــــــــ
يموادع الغالي صعب .. خلّه الدمع يتجاره
شلون احجي وياه كلمتي ... مهظومه اضل محتاره
باجر يروح وآنه اضل ..ودلالي تلهب ناره
وباجر اشوف الماشفت ... باجر اعرف اخباره
ياريته ماجه العاشر
ولاشفت قصة باجر
وخلاف عمنه الوفّاي .... مابيهم يودعوني
ـــــــــــــــــ
كل ساعه اشوفن فد امر .... جن باجر اعلينه ايمر
عالخيمه لو جت العده ...بين الخيول احنه انفر
ننظر جثث فوكَ الارض ... وشلون نكَدر نصبر
وصيوانّه بذاك الجمر ... عمداً يضل متوجر
من انظر الجف عباس
ابجي وادك فوك الراس
تعذّبني هل محنه هواي .... مابيهم يودعوني
ـــــــــــــــــ
راح اسهر الليل ابحزن ... واكَعد اكَبال الغالي
مااحجي بس انظر اله .... والدمع بالخد هالي
كلما اصد وجه الابو ... يذوب بقهر دلالي
وياه باجر ترتحل ... حلمي وجميع امالي
بعيونه ماحط عيني
هل موقف ايبجيني
جرحت دليلي دنياي .... مابيهم يودعوني
ـــــــــــــــــ
ياريت باجر لا يجي .... ولاشوفك اعله الغبره
ولا شوف شريان الكَلب .... بالسيف كَطعوا نحره
والخيل تتعنه ركض ... ياويلي تسحكَ صدره
وزينب اصدهه بالضعن ... بحركَ الخيم متحيره
تصعد التل وتنادي
خويه ويلب افادي
لا خيمه عندي ولا ماي .... مابيهم يودعوني
ــــــــــــــــــ
الشاعر محمد حسن ضيغم
/channel/kasaedalatharDaygham
نعي
لعلي الاكبر
الابو حتما يدوّر راحه لبنه
وسهله من يقدّم راحه لبنه
شحال حسين لمّن راح لبنه
ولگاه امخضّب ابدم المنيه
.
الشاعر محمد حسن ضيغم
/channel/alnaay2022
المبدع الملا علي اكبر خضير
واسط - قرية البسروكية - حسينية السادة الهماش
خاص ببيرغ ابو فاضل سلام الله عليه
ـــــــــــــــــــــــــــــــ
بيرغ العباس آيه من السمه
بيهه سر لسرار مهجة فاطمه
ــــــــــــــ
بالعزاء انشيل بيرغ للكَمر
الشال جوده وراح متعنّي النهر
ابو فاضل حيّر بزوده الدهر
بطل يوم الطف وسوّه الملحمه
ـــــــــــــــــــــــــــ
للفراضه بيرغه ضل ينكَل
وبيه تحلف صارت اصحاب العكَل
يمّه تتشامر صفت كل العكَل
شما تضيج يصير حل للموزمه
ــــــــــــــــــــــ
نهوس ونرفع البيرغ باللطم
وماي من اوجوهن انذخره ونظم
يفرّج البيرغ كَلب كل منهظم
ماي يصبح لينه لو صار الضمه
ـــــــــــــــــــــ
كافل اخته ونعم سبع الكَنطره
بيرغه يرف فوكَ راس امخدّره
بيه تتباهه صفت بت حيدره
شكثر رفرف بيرغه اعله مخيّمه
ــــــــــــــــــــــ
البيرغ البي عطر من عباس اكيد
اتشرّف بحين انلزم بيد العضيد
ايد مهجة حيدره جنهه الوعيد
البدايه أبّيرغه والخاتمه
ــــــــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 50 ))
بمناسبة أستشهاد السيدة شريفه عليها السلام
من وزن التجليبه ( المربع)
ـــــــــــــــــــــــــــــــ
يابنت الحسن عونه الكَصد كَيؤج
لزم شباجج ومنّه يشم عطرج
ـــــــــــــــ
يابنت الحسن هنياله اليزورج
وبعينه يشاهد ينبثق نورج
كلنه ياشريفه نحتمي بسورج
وصبر ياريت ناخذ احنه من صبرج
ـــــــــــــــــــــ
يرت بنص ضريحج نكَعد ونبجي
وعن قصة محرم بالدمع نحجي
ويمّج بالهموم العدنه ضل نشجي
يمنه هذا عمرنه فدوه العمرج
نريد انطوف يمج مهج مجتمعه
ونقره ازيارتج بالحسره والدمعه
يم كَبرج نثوّب ليلة الجمعه
بليل ايامنه لا ما افل بدرج
ـــــــــــــــــ
يابنت الحسن زوار اقبلينه
وخدام بضريحج احنه خلّينه
نحبكم يا آل بيت الرحمه تدرينه
ومن سر الحسن انتي نوصف سرّج
ـــــــــــــــــــــ
يامن نحتي كل عمرج على الخدّر
وعلى حسين وضلع صدره الذي اتكسّر
عمّج عالتراب هناك ضل منحر
كَبله جان همج ينكَطع نحرج
ـــــــــــــــ
الشاعر محمد حسن ضيغم
/channel/kasaedalatharDaygham
المجلس (( 48))
بمناسبة الدفنه
من وزن التجليبه( المربع)
ـــــــــــــــــــــــ
رجعت امن الدفن ياعمّه عينيني
اريد ارتاح يابت علي خلّيني
ـــــــــــــــــ
رجعت ودمعي ابد مانشف بعيوني
وحيد ومن رجعت اندبت عينوني
يعمه ارد اخبرج خابت ضنوني
الدرب كلّه ابد ماهوّد اونيني
ــــــــــــــــــ
جنت بالطف دفنت اجساد متوذره
عكَب ما عفت اهالينه على الغبره
يعمه وضيم كَلبي شوصفه شكبره
جرح كَلبي يبت حيدر يأذيني
خل ارتاح مو كَلبي خفت يوكَف
وبعيوني الدمع ضل يجري ما ينشف
اخ شسوّه بيّه اخ يوم الطف
ابيضّت من دمعهه اعله الحصل عيني
ــــــــــــــــ
دفنت الغالي عمي بكَبره وتألّم
ودفنت الاكبر وجسام المشيّم
ودفنت انصار ابويه وهزني حيل الدم
وتعبت من دفنهم عمّه جفّيني
ـــــــــــــــــــ
ودفنت حسين عمّه وخنصره بكتره
وعبدالله اخيي اموسّد ابصدره
يعمه شفت كل ضلوعه متكسره
حضنته وصرت احسّن بي يحاجيني
ـــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 46 ))
بمناسبة السبي.
من وزن التجليبه ( المربع)
ـــــــــــــــــــــــ
يعمه السبي شخلّه بكَلبج احجيلي
أنه زغيره بمحنتي وما نمت ليلي
ــــــــــــ
انه الشفته ربع من الذي شفتيه
وكل هم من هذنّي بي اجهه اتخلّيه
رحل عمي وأسمعج يا وفي اتناديه
اذا مترد تكَولي ينهدم حيلي
ـــــــــــــــــ
شعندج من كَلب يتحمّل الّي صار
ذبح واطفال فرّت والخيام بنار
يعمّه شكَلتي من ضعن الفواطم سار
حجيتي وما اسمعت بس جلمة اجفيلي
ركبتي الناكَه وعيونج تصد عباس
ومن شفتي الجفوف الحمره شاب الراس
يعمتنه اشجنينه احنه ويهاي الناس
اموتن من عكَب اهل الوفه ادعيلي
ــــــــــــــــــــــ
السبي دربه ذبحني ومرمر احوالي
شلون وأدري بيج امفاركَه الغالي
لو ما انتي عمّه منهو يبرالي
شفت حتى النياكَ الضيمي تبجيلي
ـــــــــــــ
عجيبه شكَد حملتي أمن السبي آلآم
تكفلتي حرم يابت علي وأيتام
تغطّينه ابعباتج لو نريد انّام
وبيا خويه رد لينه تلوليلي
ـــــــــــــــــــــ
الشاعر محمد حسن ضيغم
/channel/kasaedalatharDaygham
ابوذيه تقرأ في ليله الوحشه
نظرات العدو نيشنن ورمن
عليّه وحرت وين اتجه ورمن
يعمه چفوفي من السوط ورمن
أمن انام. شلون احط راسي اعله اديه
…… .
الشاعر محمد حسن ضيغم
قصیدة: #زیارة_عاشوراء
الرادود: #ملا_رسول_السعیداوي
الشاعر: #محمد_حسن_ضیغم
تصویر و الإنتاج: #استودیو فوکوس
کادر التصویر:
محمد شوندي
علیرضا فریساد
محمد حسن جلالي
علی سعیداوي
•لیالي محرم الحرام 1446 هـ ق
هیئة رایة العباس (علیه السلام) الأهواز _ الخفاجیة
حسینیة الأمام موسی الکاظم (المرحوم حاج افراري)
اَللّهُمَّ عَجِّل لِوَلیِّکَ الفَرَج
شلون ليله اتمر عليهه
زينب الفكدت وليهه
بس حرم يمهه ويتامه فكدت اصحاب الشهامه
*********
زينب ودمعتهه تجري تصيح بويه بحالي تدري
كبال عيني انسلب خدري بعد اخوتي شلي بعمري
امس جانو يمي اخوتي
ريته صار الليله موتي
الليل من جلجل ضلامه فكدت اصحاب الشهامه
*********
الليله وحشه اعله العقيله حايره المدمع تسليه
تصيح ابوهه وتشتكيله الليله ماعندي وسيله
بس حرم واطفال عندي
ابجي وادموعي علخدي
مارحم دهري بسهامه فكدت اصحاب الشهامه
*********
اطفال يمي اتريد ابوهه خويه بالسوط اضربوهه
زينب اتعاتب اخوهه تكلّه عيلتكم سبوهه
من الضمه الاطفال تبجي
وين اروح والمن اشجي
شلون هذا الليل انامه فكدت اصحاب الشهامه
*********
مصابي مايحصل مصابه كعّدونه اعله الترابه
خيام ماضلّت ييابه بيهه اضم سكنه وربابه
سلّبوا كلشي من ادينه
بس عبي الضلت علينه
الضعن من حركوا خيامه فكدت اصحاب الشهامه
*********
آه ياهاي المسيه شفت بيهه شجم رزيه
اطفال متعلكه بأديه ولاذت بسدّي رقيه
تكلّي عمه راح ابونه
وعكب عينه روّعونه
الشامت يصيح بكلامه فكدت اصحاب الشهامه
*********
الشاعر /// محمد حسن ضيغم
نعي
الغيور الشافته عيوني تحز بيه
ويگلبي النوح لجروحي تحز بيه
مات حسين مو كافي تحز بيه
شمر مو وذر صار ابن الزچيه
.
الشلعر محمد حسن ضيغم
/channel/alnaay2022
لليلة الوداع على لحن يخيمات
ـــــــــــــــــــــــــ
بالاوداع ... زينب كَعدت ابحسره
بالاوداع ... وحضنت مهجة الزهره
بالاوداع ... وحسين اشعظم صبره ... بالاوداع
ـــــــــــــــــــ
ليل الحزن ما ينوصف بين الاخت واخوهه
تتذكّر ايام المضت من فاركَت ابوهه
باجر تشب خيمة علي واخوتهه ما لفوهه
كلهم ضحايه اعله الترب لا والله ما نسوهه
تون حيل ...يم حسين مهظومه
تون حيل ... المدمع تنزف ادمومه
تون حيل ....زينب تشتعل جمره ... بالاوداع
ــــــــــــــــــــ
من سولفت هل الدمع منهه وبقت حزينه
لا لا تروح وانه اضل رد بينه للمدينه
فراكَك صعب يبن النبي كَلبي استمع ونينه
معقوله ترضى انحب دهر وآنه اختك الحنينه
عسى الليل ... طال وفجره لا ماطر
عسى الليل ... واخلص هوياك بمساهر
عسى الليل ... ابدا ما يطر فجره ... بالاوداع
ــــــــــــــــ
عاشر محرّم بي جرح ما يشفى للقيامه
باجر ولا منكم اخو يرجعلي بالسلامه
ضعنك يبو اليمه تشب نار العده بخيامه
واحمل ضرب واحمل شتم وانه اجمع اليتامه
تشب نار ...الخيمه ومن يفّيهه
تشب نار .... محّد يلحكَ اعليهه
تشب نار ...وتبقى اعيالي متطشره .. بالاوداع
ــــــــــــــــ
صعبه امنوادع مهجتي وباجر تضل رميه
تهوه اعله وجهك والمهر خالي يرد اليه
وصدرك يصدر المصطفى تدوسه خيول اميه
وماتكَدر اتحضنك بعد وتبوّسك رقيه
علرمال ... جسمك يالاخو دامي
علرمال ... وجبدك منذبح ضامي
علرمال ... اخيي منكَع نحره ... بالاوداع
ــــــــــــــــــــــ
خلّيني يمّك يالاخو ويّاك اريده موتي
باجر من الهم والقهر يخفت يخويه صوتي
جدامي للناكَه بزجر خصمك يكَلي فوتي
بت حيدر وكلّي شرف راح امشي ابسكوتي
يضربون .... بيّه وتنولي اطفالي
يضربون ...حال الضيم ضل حالي
يضربون .... امشي ابضيمي متيسره .. بالاوداع
ــــــــــــــــــ
الشاعر محمد حسن ضيغم
/channel/kasaedalatharDaygham
الى الوداع سيدي
ــــــــــــــــ
زينب تصيح بلوعه
جفني تسيل ادموعه
خويه اضل مفجوعه
يا هو الينشف دمعتي
ـــــــــــــــــ
هالليله يمي وحايره
وباجر تصير اعله الثره
واني اروح ميسره
واتكفل اني عيلتي
ـــــــــــــــــــــ
يحسين يانور النظر
دلالي يبن امي انفطر
جرحي عليك شكد كبر
ياهو اليطفي جمرتي
ــــــــــــــــــــــــ
يمك اودعك وانتحب
ونيران دلالي تشب
دلالي بالهم ملتهب
خويه شكبرهه حسرتي
ـــــــــــــــــــــ
مااحمل افراكك ابد
يا روح روحي والجسد
دلالي ياخويه انمرد
والالم لوّع جبتدي
ـــــــــــــــ
ناديت الك خويه بحزن
ودلال اختك ضل يون
الليل باجر من يجن
تكبر يخويه مصيبتي
ــــــــــــــــــــ
يل ساكن بهذا الكلب
يانور بي ضوّه الدرب
امسح دمع عيني اليصب
يا خويه وارحم غربتي
ــــــــــــــــــــ
الشاعر محمد حسن ضيغم
شلون اودعج خويه زينب وانه ماعندي جفوف
شلون اشوفن نور وجهج بعيني نبله شلون اشوف
ــــــــــــــــــــــ
حيرتي حيره جبيره خوفي ضعنج بي يمر
انتي والعيله تجيني ولابسه ثياب الصبر
ويحدي ضعنج يالوفيه خلاف ابو فاضل شمر
لاتكولي السوط خويه بالضرب ادمه الجتوف
ــــــــــــــــــــ
شلونك وادعج واني ادري يصعب اعليه الوداع
انتي عل هزل يزينب وانه تحضن جسمي كاع
لاتسمعيني حسرتج لاتكولي الخدر ضاع
انه موبيدي يزينب وذرت جسمي السيوف
ــــــــــــــــ
لاتديري الوجه ليه لوسرت نوك الهزل
ادري افراكج يخيتي عل كمر ما ينحمل
بلايه جفيني يخيتي هذا اخيج منجتل
وهامي مفضوخ ابعمدهم اه من يوم الطفوف
ــــــــــــــــ
مودعه بألله يزينب هذا صوتي البي عذر
خويه راسي وياج يمشي بحسرته ايباري الخدر
راح عيني اتباري ضعنج واحمل هموم اليسر
راح اغمّض عيني لمّا الشامت ايدك الدفوف
ــــــــــــــــــ
انه كافل خدرج ادري عليه اتصعب محنتج
مكدر انظر هذا وضعج وادري احن الشوفتج
فدوه اعذريني يزينب يل عقيله امروّتج
والعذر خطيته خويه بالدمه بهاي الجروف
ــــــــــــــــــ
الشاعر محمد حسن ضيغم
والله ليله ...... بيهـــــه آلآم ومناحــه
والله ليله ... كَلبي ضل تنزف جراحه
والله ليله ... ما اشوفن بيهـــــه راحه ... والله ليله
ـــــــــــــ
ليلة العاشر جرح يدّي بدليلي
اكَبال اخوي حسين دمعة عيني سيلي
باجر يروح واحس وياه رحيلي
وراح اصيح بصوت منك آ يليلي
دمعي يجري ... شلون باجر ما اشوفه
دمعي يجري ... ابن امي اموت ولا اعوفه
دمعي يجري ... المحنه احجيهه بصراحه ... والله ليله
ــــــــــــــــــــ
بعيني لو شفته يريد ايودّع اخته
تصير ونّت روحي يم الغالي سكته
اقره جلمات الوداع ابنص نظرته
مكّدر انظرله لما ايودّعهه بنته
تذوب روحي ... بالخيم لو ودّعاني
تذوب روحي ... بالحجي يعجز لساني
تذوب روحي ... طير وتكسّر جناحه ... والله ليله
ــــــــــــــــ
بخيمتي من يكَعد اكَبالي ابونينه
يكَلّي اودعج جيت زينب يالحنينه
ادري بيج من القهر روحج حزينه
والله مكَدر آنه احط عيني ابعينه
ريت اموتن ... ولا يجي اليوم الاودعه
ريت اموتن ....عمري يمّه ايذوب شمعه
ريت اموتن ... وليلي ما يطلع صباحه ... والله ليله
ــــــــــــــ
ليلة اموادع حبيبي وي الغوالي
حسين خويه شلون اضل ابلايه والي
عصر عاشر ما يضل عزّي ودلالي
شلون بيّه لو يردّ المهر خالي
الظليمه ... يصيح مهرك من يجيني
الظليمه ...كَبل دمعي اتطّيح عيني
الظليمه .... موتتي امن اسمع صياحه .. والله ليله
ـــــــــــ
خويه باجر لا كمر لا خيمه عندي
الخيل تسحكَ صدرك ودمعي اعله خدّي
قصّتي ودرب السبي اعرفهه تبدي
راح اضل ابكربله يبن امي وحدي
وراح اودعك ... عالهزل يل ودّعتني
راح اودعك ... يشبه المنحرك متني
راح اودعك .... سهم حزنك كَلبي لاحه ... والله ليله
ــــــــــــــ
الشاعر محمد حسن ضيغم
على لحن قصيده
اروحن وين خويه بعد الوداع
يخويه حسين الحكَ حركَوا البيت
ـــــــــــ
اصيحن وادري نايم فوكَ الارمال
الخيم شبّت علينه وبيها الاطفال
وكمت اسمع شمر شتموا الحسن كَال
وآنه ابلايه چاره بحيره ظلّيت
ـــــــــ
طحت امن المهر والتمت اعداك
بالخيمه واشمّن ريحت ادماك
دخان المخيّم واصل هناك
عسنّي الكربله يبن امي ماجيت
ـــــــــــــ
يخويه وداعتك ماضل بعد حيل
شفتك من طحت واتدوسك الخيل
يخويه وبعد ساعه ويكَرب الليل
انيّم وين عيله البيهه وصّيت
ــــــــــــــ
نار اخيامي مارحمت بالازغار
اجرّن يا طفل دلالي محتار
اخبرنك كلت بوجوهنه النار
ابو فاضل عدل هلساعه ياريت
ـــــــــــــــ
من كل صوب خويه التمت الكَوم
وبالسوط الشمر عل عايله يحوم
اعرفك للحرم ماتكَدر تكَوم
ياطف بدليلي اجروح خلّيت
ـــــــــــــــ
على التل من صحت وين انت يحسين
كَمت كَوّه وطحت يحسين مرتين
تعذّرت وشلتلي اجفوف الاثنين
مكَدر كَتلي وانه ابحسرتي امشيت
ــــــــــــ
الشاعر محمد حسن ضيغم
/channel/kasaedalatharDaygham
نعي
للقاسم عليه السلام
شلون ينام ليله الزاد بي داي
وأنه من العطش چن الچبد بيداي
نچويت وشاعله الشمعات بيداي
نسيت بحين شفتك عالوطيه
...
الشاعر محمد حسن ضيغم
/channel/alnaay2022
قارورة الدمع لمصائبهم
ـــــــــــــــــــــــــ
بقارورة عيوني الدمع ضمّيته
لمصاب السبي وكربله خلّيته
ـــــــــــــــــــــــــ
عشر اشهر ألملم بالدمع وأجمع
وأتاني هلال شهر امحرّمك يطلع
اضل ابجي وأنوح عليك ما اجزع
الموت بهل شهر يلفي اتمنّيته
ـــــــــــــــــــــ
اضم بالدمع حتى ابجي وأون لجلك
يمن ابكربله كلهم كضوا اهلك
يريت ايطير دمعي وحتى يوصلّك
شمحلاهه وترابك كون شمّيته
مو ماي الدمع متحيّر ابهايه
ليش احمر يصير وشنهي الغايه
احمر ينكَلب على ماشرب مايه
وهذا الامر فطره وهيجي حسّيته
ـــــــــــــــــــ
ايام السبي الهه الدمع مضموم
عل ماشافت بنص الخرابه النوم
اضل ابجي وانوحن عالسبي بكل يوم
صفر ياشهر طه وكل اهل بيته
ـــــــــــــــــــــــ
ابجي اعله النحر والخيم والسطره
وابجي اعله الكمر والمنهشم صدره
وابجي الزينب ابجي اضعون متيسره
وخدي من الدموع التجري روّيته
ــــــــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 49 ))
بمناسبة أستشهاد السيدة شريفه عليها السلام
من وزن الموشح ( المربع)
ـــــــــــــــــــــــ
يا شريفه بجاه راعي الغيره
لا تخلّيني يحرّه بحيره
ــــــــــــــ
بجاه سبع الكَنطر ذاك الفحل
جيتج ودمعي على خدودي همل
هنا يبنت الحسن بيج ادري الامل
وانتي بس الاعرف بتفسيؤه
ـــــــــــــ
الدنيه مارحمتني يابنت الحسن
وحيل والله وياي شو اكَصه الزمن
خايب ارجع والله منج ما اضن
هموم كَلبي الألّمتني جبيره
ماد ايدي ورايد اتفرجي الشدد
غير حبج والله ماعندي سند
من مصايب وكتي دلالي انمرد
بعيني شو صارت الدنيا صغيره
ـــــــــــــــ
باب للحاجه ونعم انه ادري بيج
وماتردي الكَاصدج والمعتنيج
كَلبي كَبلي ياشريفه اتعنّه ليج
ماد ايده وايده حيل اكَصيره
ـــــــــــــــــ
بجاه عمج حامي ضعن ام الخدر
بجاه جف ايده الي ضل منبتر
بخدمتج خلّيني اخلّص هل عمر
عبدج وعذريه على تقصيره
ـــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 47))
بمناسبة الدفنه
من وزن الموشح ( المربع)
ـــــــــــــــــــــــ
شحالته اليدفن ابوه بأيده
ويمّه يدفن بالهظيمه اوليده
ـــــــــــــــــ
شحال كَلبه الشاف ابو اعله الترب
يواري جسمه ودمعه بخدوده يصب
شلون حين وياه وبلحده يطب
مصيبه فوكَ مصيبه دهره يزيده
ــــــــــــــــ
شلون يدفن والده صعبه صدكَ
شلون من يروح عنّه ويفتركَ
حتما كَليبه علفركَاه يحتركَ
طول عمره خيمه جان يريده
مدري ياحاله اليواري جثّته
ويدري محّد شيّعاهه جنازته
يهيل بيده اترابه يدفن حفرته
الدنيه بعد الابو لا متفيده
ــــــــــــــــــ
ياعلي السجاد صعبه من رحت
تدفن الوالي ويبويه شكَد صحت
بمشيتك مولاي جم طيحه طحت
شلون شفت الدم جره أمن اوريده
ـــــــــــــــــ
جسد شفته وراس ماعنده الابو
وأعله نحره وسّدت نحر الاخو
بعيلته وبحسين حيل اكَصه العدو
والعليل بهل صيبه شبيده
ـــــــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 45 ))
بمناسبة السبي.
من وزن الموشح ( المربع)
ـــــــــــــــــــــــ
السبي التالي البدايه اخواني
بهيج موضوع ابتدت احزاني
ـــــــــــــ
السبي تالي المصايب والحزن
هواي من اتذكّره ابجي وأون
والله لا ما ينحمل جرح المتن
السوط آيالسوط حيل اذّاني
ـــــــــــــــــ
ابتديت الالم من عفت اخوتي
ومن بعد ماشفت جمرة خيمتي
ضلّت اعله السبي تشهد ناكَتي
ناحت الهظم الذب بجّاني
انسبيت ومحّد امن اهلي بقه
وكَلبي غير النايبه لا ما لكَه
ابجي وجفوف الادين امحرّكَه
من الالم كَوه اشمرت ذرعاني
ــــــــــــــ
درب كلّه بلايه هودج من مشيت
تعذّبيت اتمرمريت اتلوّعيت
مالكَيت اليحمي ضعني ما لكَيت
مرمي وبوحدي انسبي خلاني
ــــــــــــــــ
اه ياجرح المتن يسعر الم
وجف اديه أمن الحركَ ضل يجري دم
الشوج يوم الّي اركضت اذّه الجدم
خصمك اركض علجمر عافاني
ــــــــــــــــ
الشاعر محمد حسن ضيغم
/channel/kasaedalatharDaygham