5137
القصائد الرثائية للآل الأطهار ع
ابو حمزه الثمالي ... خذت حيلي الليالي
بعدها اكَبال عيني ... افاركَ غالي غالي
مصيبتنه جبيره ...اسيره اتجر اسيره
اليفكَد واحد اتهون ... وأنه الفاكَد عشيره
كل حيلي ...راح من شفت الخيم حركَوهه
كل حيلي ...راح حين ام الخدر شتموهه
كل حيلي .. نهدم وي سكنه لمن ضربوهه
ـــــــــــــ
أنه المالذ شرابي ... بعد أعرف عذابي
لون كون الله كلّه ... فلا يحمل مصابي
المهر من ردلي خالي ...احير بوصفه حالي
ردت الحكَ عالحسين ... شمكَوم اعثر شجالي
سنديني ...صحت ياعمه ارد اشوف احسيني
سنديني ...غبره حالت بين اخوج وبيني
سنديني ...راسي لو شيّب حزن عذريني
ـــــــــــــــــ
جرح طف حزني عشته ...هظم بكَليبي شلته
الماي شما اشربه ... بدموعي مزجته
الشام شخلّه بيّه .... راواني المنيّه
تبجي الهه السماوات ... بس محنة رقيه
دمعاتي ...تحجي الك عظم الجره اعله الخدّر
دمعاتي ... تخبرك أوجوه انتهت من الحر
دمعاتي ...على طفله ماتت اعله المنحر
ــــــــــــــــــــ
والشاهد عليّه ... هاك انظر اديّه
نجرحن من الاحبال ...مثل اختي رقيه
والاصعب علينا ...بسوك الذل مشينه
من شدّة نظرهم .... للخدر خُزينا
خلّوني ... ميت موته آنه اموت بهايه
خلوني ...مجلس ايزيد ادخله بلا رايه
خلوني ...يبيد حيلي شما سمعت احجايه
ـــــــــــــ
شسولفك مصايب ... دليلي منهه ذايب
البيهن وصّى الله ... نامن بالخرايب
التاكل من ادينه .... تتصدّق علينه
دنيه بلايه رحمه ... آل الله انسبينه
هضموني ...سوكَ بي شمات من دخلونه
هظموني ...سرعه نمشي ونعثر يخلّونه
هظموني ...ياثمالي بالحجر شمرونه
ـــــــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 67 ))
للسيده معصومه:
من وزن الموشح ( المربع)
ـــــــــــــــــــــــــــ
يا كريمه وماتردّين الكَصد
انت للمهظوم والتايه سند
ـــــــــــــــــ
انتي بنت المصطفى وبنت البتول
بيج والله مقصّر الراد شيكَول
اليزورج حتما ينال القبول
يلزم الشباج وينال المدد
ــــــــــــــــــ
ياكريمه آل طه وبالكرم
منّج اليطلب تناديله نعم
بحاجنه منج يمعصومه اغتنم
عكَب همه الكَاصدك كَلبه انسعد
فاطمه اسمج ياعظم هذا الاسم
يمّج الحزنان يرجع مبتسم
بنص ضريحج عطر للجنه يشم
جن طلع من جنّته الّي ابتعد
ــــــــــــــــــــ
ارد احلفج بالزجيه الطاهره
كون ازورج ابقه دنيه واخره
عندج ادري العفو عند المقدره
خاف من هم الوكت يبله الجسد
ـــــــــــــــ
يل بجيتي العمّتج لجل السبي
يل مرد كَلبج بجي اعيال النبي
شلون حمره امن الشمس تصفى العبي
بالضعن جم ام تنوح اعله الولد
ـــــــــــــــــ
الشاعر محمد حسن ضيغم
/channel/kasaedalatharDaygham
المجلس ( 65))
للامام الرضا:
من وزن الموشح ( المربع)
ــــــــــــــــــــــ
لبو محمد ياكَلب ودّينه
نزور كَبره ونشكي هم البينه
ــــــــــــــــــ
نريد نكَصد للرضا نزوره ونون
ونقره يمّه والله ابيات الحزن
هيج من الله بضريحه نندفن
وبسم زوار الرضا يسمّينه
ـــــــــــــــــ
يمته نكَصدله ودمعنه اعله الخدود
وصرغه بسمه بالصحن حتما تزود
نشتم ابشباجه عطر من الورود
وعاشكَين ازيارته ايخلّينه
ياكَلب طب مشهد وزور الرضا
والف هنياله بهل ازياره الحضه
بسمه هاي المهج تبقى نابضه
زيارته حب او وفه اتغذّينه
ــــــــــــــــــــــ
بالصحن من نوصل اتطيب النفوس
وعطر يمي الكون من نوصلهه طوس
السلام عليك يا شمس الشموس
سنيني الك ياسيدي حنّينه
ــــــــــــــــــ
نقره يمّك نعي عن طف كربله
وعن طفل عطشان صابه حرمله
عن خيام احتركَت اعله العايله
وعن دمع مانشف من اسكينه
ــــــــــــــــــــــ
الشاعر محمد حسن ضيغم
/channel/kasaedalatharDaygham
لمجلس (( 63))
بمناسبة استشهاد الامام السجاد:
من وزن الموشح ( المربع)
ـــــــــــــــــــــــ
يبن اخوي ادريك حيلك راكَد
شفت كل هذا بعد شتشاهد
ـــــــــــــــــ
ياعليل الطف شفت كلما جره
وحيل ماكو ودمعك بخدّك جره
ياهو مثلك بأهله شاف المجزره
من المرض مابيه ينهض كَاعد
ـــــــــــــــــــــ
عمّه اعرف بالجره يصعب عليك
شما تكَوم من المرض ترجف اديك
منين اجيبن حيل يبن الغالي ليك
وآنه مثلك حيلي اصبح بايد
شفتك ابحين الردت عمّه تكَوم
من شفت خيل العده علينه تحوم
ماكَدرت وشفتك بروحك تلوم
صعبه والله يصير هيج الفاكَد
ــــــــــــــــــــ
الخيم من تصهل اجت كَلب نزف
بحال ابوك وحال كل ضعنك عرف
تفرك بأيدك صحت أخ ووسف
ودمعك اعله الوضع اصبح شاهد
ــــــــــــــــ
ياهو مثلك حمل كل هذا الهظم
والده يذبحوه اتباع الظلم
الخيل ماخلّت اله سالم عظم
واعله صدره الشمر يسمع كَاعد
ـــــــــــــــــ
الشاعر محمد حسن ضيغم
/channel/kasaedalatharDaygham
المجلس ((61))
بمناسبة الأربعين:
من وزن الموشح ( المربع)
ـــــــــــــــــــــــــ
زينب بطول الدرب ملهوفه
اخت وشتاكَت لخوهه اتشوفه
ــــــــــــــــــ
زينب اشتاَكت اخوهه الشوفته
من مشت عنّه تون من فركَته
تنوح لجله من اهد ماعافته
نايم بحر الشمس بطفوفه
ـــــــــــــــ
بيهه شوكَ اجبير لبن الطاهره
حتى من رجعت تحس اميسّره
ما تعاتب خاف تكسر خاطره
تدري من راحت صفكَ بجفوفه
زينب ولهفتهه تنظر للحنين
وتدري راحت والكَلب كلش حزين
كون بيهه تنطي لحسين السنين
ولا صريع اعله التراب اتعوفه
ـــــــــــــــــ
بيهه لهفه الشوفته رجعت تون
وصاحته يحسين آن هام الحزن
طول دربي خويه تعرفني احن
وياك تعرف عشرتي معروفه
ـــــــــــــــــ
جيت مشتاكَه الك وبكَلبي نار
ومن سياط اعدانه متني خويه حار
العبايه مترّبه اعليهه الغبار
جرحك وجرحي منو الّي يروفه
ـــــــــــــــــــ
الشاعر محمد حسن ضيغم
/channel/kasaedalatharDaygham
(( 59 ))
بمناسبة السيدة رقيه عليها السلام
من وزن الموشح ( المربع)
ـــــــــــــــــــــــ
ابجي سكته ويجري دمع عيوني
لون حسّوا بالبجي يضربوني
ـــــــــــــ
صغيره ودموعي تهل وبلا سبب
وعتبي للعباس بدموعي انكتب
مثل نار الخيمه بجروحي اللهب
وذبلت بكد الدموع جفوني
ــــــــــــــــ
انه بنت حسين وصغيره عمر
بعمري ماشفت الجره ولسع الجمر
ليش يا هلناس خدي ينسطر
بسطرة ابن الخايبه اذّوني
رغم كل ماصار وأتجرّع ألم
انسلب قرطي وأذني ضلّت تجري دم
فكري مشدوه بكثر حركَ الخيم
تعذّبن حيل وتغيّر لوني
ـــــــــــــــــ
ويّ روحي شكَد حجيت بمحنتي
يارقيه النار تجوي ابمهجتي
شكَد لذت من السياط بعمّتي
بالضرب غايتهم ايروعوني
ــــــــــــــ
شكَد ركضت امن النهر وبجفّي ماي
وردت اروّي الصاح مرمرني ضماي
شفته مذبوح وصرت فاكَده الراي
يل ذبحتوه وينكم ذبحوني
ـــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 57 ))
بمناسبة الشام
من وزن الموشح ( المربع)
ـــــــــــــــــــــــ
الشام طبّيناهه حامي ضعونه
بالدفوف وبالفرح لاكَونه
ـــــــــــــــــ
الشام فرحانه ودمعنه احنه يصب
اهل بيت الرحمه والوادم غرب
شلون بيهم هل وكت ما ينكَلب
ال بيت النبي ويسبّونه
ـــــــــــــــــــــــــــ
الشام آيالشام جرح مو سهل
جرح كلش بالكَلب ما ينحمل
شفت يمهم ضيم ماشفته قبل
عمدا انواع الظلم راوونه
عيلة الهادي ويرامونه بحجر
واحنه عيلة حيدر وسيد البشر
بهل مصيه احتار ويّانه الدهر
حالنه محّد يوصفه شلونه
ــــــــــــــــــــــــــ
السوكَ طبيناه والوادم تشوف
نبجي والوادم تدكَ بهل دفوف
بلاهوادج والحبل شد الجفوف
شويه بس نرتاح ماخلّونه
ــــــــــــــــــ
اطفال تبجي والحبل اذّه الادين
ونبجي حسره من نصد راس الحسين
اه من هلناس كلهم شامتين
وجه هل اطفال اصفر لونه
ـــــــــــــــــــــــ
الشاعر محمد حسن ضيغم
/channel/kasaedalatharDaygham
احجز نسختك من مكتب الحاج حازم
ذي قار . سوق الشيوخ
+9647802794455
وتوجد خدمة توصيل لكافة المحافظات
علما ان الديوان بسعر مدعوم
...
واويلا ..واويلا
...
ماتنوصف جروحه
البيده يدفن روحه
يبچّي السماء بنوحه
الله يعين السجاد
.....
ومصيبته شديده
اليدفن الغالي بيده
وعينه تصد وريده
وعليه نوحه يزداد
......
بالطف يصد ضحايا
اخذتهم المنايا
كل ساعه يندب هايه
جثه تمرد الفّاد
.....
من شاف ابو بلاراس
جمراته تجوي الاحساس
وناده يعم يعباس
وسفه ضعنّه ينگاد
.......
ميريد هذا عمره
صد للذبيح ونحره
ومطحون ويلي صدره
وبكربله حيله باد
.....
الشاعر محمد حسن ضيغم
/channel/kasaedalatharDaygham
المجلس (( 55 ))
بمناسبة الكوفه
من وزن الموشح ( المربع)
ـــــــــــــــــــــــ
الكوفه بيتي شلون اطب للكوفه
بلا ولي ومتعذّبه ومجتوفه
ـــــــــــــــ
دار اهلي هنا وبي ريحة علي
هنا عشت وهنا كّضت عشرة هلي
شلون اطب ودمعتي بعيني اتهلي
وانه بنت المرتضى معروفه
ــــــــــــــ
الكوفه بيهه شكّد عشت ياهل خلكَ
وبيهه كَلبي بحب علي كل نبضه دكَ
تالي بحبال العده جفّي انشبكَ
المثلي وسفه الحبل شد جفوفه
شلونا طب للكوفه وانه اميسّره
وانه بنت القلع بيده خيبره
والله فشله اعليهم ايجتفوا مره
عكَب ذاك الصولته معروفه
ــــــــــــــــــ
الكوفه بيهه ما شخص شاهدلي ضل
وهيبتي وكل قدري مايشيله عقل
شلون للكوفه اطب اعله الهزل
شلون طول الناس هسّه اتشوفه
ــــــــــــــــــ
مجتّفه ومتعذبه ومتمرمره
وراح وكت البي جنت متخدّره
انه شفت الّي جره والماجره
السبيي انظر هلخلكَ ملهوفه
ـــــــــــ
الشاعر محمد حسن ضيغم
/channel/kasaedalatharDaygham
المجلس (( 53 ))
بمناسبة السيدة الزهراء ع وحظورها الى كربلاء
من وزن الموشح ( المربع)
ـــــــــــــــــــــــ
من المدينه الكربله بالحسره
تعنّت حسين العزيز الزهره
ـــــــــــــ
تعنّت حسين وتهل مدمع دمه
تدري جسمه حسين عالغبره ارتمه
شافت ضلوع العزيز امهشّمه
ضلوعه بالحافر غدت متكسره
ـــــــــــــــ
تصيح يبني امن اعتنت طف كربله
ليش جسمك يبني محّد غسّله
خلافك ابهل بر تنوح العايله
اطفال تصرخ والدي ومتطشره
يبني صاحت خنصرك وين انرمه
وليش ثوبك منصبغ يبني ابدمه
حسين يبني انه امك فاطمه
شوف جرح عليك يبني شكبره
ـــــــــــــــ
تصيح كَلبي والله هل مشتاكلك
كَوم حاجيني تراني جيت الك
بضلع دامي تدري حتما اوصلك
الوجنه لسّه يبني ضلّت حمره
ـــــــــــــــــــــ
مثل ضلعي ضلعك اتهشّم وسف
ومثل دم صدري دماك انظر نزف
ومثل حيدر ابنك بحبل انجتف
وجرح بينه اعله المشت متيسره
ـــــــــــــــ
الشاعر محمد حسن ضيغم
/channel/kasaedalatharDaygham
المجلس (( 51 ))
بمناسبة السيدة زينب عليها السلام
من وزن الموشح ( المربع)
ـــــــــــــــــــــــ
زينب شما مر حزن ذكروني
آنه بالطف راح شوف عيوني
ـــــــــــــــــــ
زينب آنه وشفت اعظم فاجعه
روس متطشره وجثث متكَطّعه
حرت ياهو المنهم امشي المصرعه
حايره بذاك العصر خلوني
ـــــــــــــــــــــــــــ
عفيه كَلبي شكَد صبور الهل امر
اركض وما ادري اسحكَ عالجمر
حسين ظهره اعله الكفلني منكسر
وأعرفت راحت تتيه اضعوني
زينب آنه وحالتي ما تنوصف
جوف ادينه من الرعب ضل ترتجف
حين طاع اعله النهر ذاك الكلف
بخيل وبنار العده كَصدوني
ـــــــــــــــــــ
منهو مثلي شاف اهله مكَطعه
منهو مثلي حسين ضيّع مصرعه
منهو مثلي بالمصيبه مكَبّعه
بالمصايب هل خلكَ سمّوني
ــــــــــــــــــــــ
شاب راسي والرمش ابيض صبح
بكبر كاع الطف جرح كَلبي انفتح
حسين جدّامي شفن نحره انذبح
وصحت ها كَبل السبط ذبحوني
ــــــــــــــــ
الشاعر محمد حسن ضيغم
/channel/kasaedalatharDaygham
ليلة ٤ محرم ١٤٤٦هـ
الرادود/ صادق البصري
الشاعر / محمد حسن ضيغم
حسينية المصطفى (ص) بالدالوة
لسان حال
سهل بن سعد الساعدي
ابوذيه
نطب للسوگ گمت استمع يشرون
بضعن عباس وأعله الضعن يشرون
المحبس صحت مامش ناس يشرون
تراچي اشتري المولاتي الرقيه
....
الشاعر محمد حسن ضيغم
/channel/alnaay2022
المجلس (( 68 ))
للسيده معصومه:
من وزن التجليبه ( المربع)
ـــــــــــــــــــــــــــ
حكَ دمعج يفاطم عينج اتسيله
سولفلج اخوج شصار عل عيله
ـــــــــــــــــــ
كَعدتي ويالرضا وكَلتيله احجيلي
وأريد اسهر بدمعي شما يمر ليلي
ماهم عالضعن لو راح كل حيلي
ادري محنة الطف والسبي اطويله
ــــــــــــــــ
بجه ودمعه يهل ناده يمعصومه
الطف ريت مامر عالضعن يومه
ضعن شاف اهله كلهه اعله الترب نومه
وكل واحد ابدمه صار تغسيله
لاخيمه بقت لا رايه لا ضل جود
خيمه تسعر وراعي الخيمه ما موجود
يم جرف النهر راعي العلم ممدود
بلاجفّين ماضلّت بعد حيله
ــــــــــــــــــــــ
يمعصومه الاشد من طاح ابو اليمه
اجت الخيل تصهل تسحكَ بجسمه
تتطشّر عل ارض جت زينب تلمّه
وراسه اعله الرمح شمر الخنه ايشيله
ـــــــــــــ
يمعصومه السبي شرد احجي عنه احتار
بلا هودج حرمنه وشمر بيهم سار
يضربوهم يشتموهم حرم وأزغار
يوم الّي يمر ما ينحمل ليله
ـــــــــــــــــــ
الشاعر محمد حسن ضيغم
/channel/kasaedalatharDaygham
المجلس ( 66))
للامام الرضا:
من وزن التجليبه( المربع)
ــــــــــــــــــــــ
كَرب عاشور وانت اتعرفه عنواني
يلمهيج الجروح ارزقني بحزاني
ـــــــــــــــــ
رؤوف اسمك عليّه ارأف اريدنك
واحزن سيدي وأتعلوّع الحزنك
كل خيري ودمعتي وحسرتي منك
اريدن كَلبي حزني يشبه الساني
ـــــــــــــــــ
يمن وصّيت لا تنسون حزن الطف
اريدنك العبدك هسّه تتلطّف
تخلّي دمعته اعله حسين ما تنشف
وتخلي كربلائة تملي وجداني
يباب الله الابد ميرد مهج تنمد
يروضة جنه حين الندخل المشهد
مثل فاطم اريدن الطم اعله الخد
واقره مصيبتي يمّك يسلطاني
ـــــــــــــــــــ
أنه بدونك وحكَك كلشي ما اسوه
يمن كل الوجود ايروحلك فدوه
خل كَلبي بحزنكم دوم يتجوّه
وأريد ابجي الضعنك دوم تلكَاني
ـــــــــــــــــ
شلون اهجع وزينب عمّتك تبجي
من ضيم السياط وللكَمر تشجي
عن سطره رقيه بحيره شرد احجي
من صاحت خولّه عمّه آذاني
ــــــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 64))
بمناسبة استشهاد الامام السجاد:
من وزن التجليبه ( المربع)
ـــــــــــــــــــــــ
من كَيد البديك وجرح البجيدك
الدنيه بالمصايب كَامت اتزيدك
ـــــــــــــــــــــــ
الكَيد اشكَد اخذ من حيلك وعمرك
يسجّاد الائمه ياعظم صبرك
مصايب كربله تتلاهب بصدرك
ومصايب للسبي ماتركت اوريدك
ـــــــــــــــــــــــ
من بعد الطفوف وسبي الما منّه
منو مثلك سنينه خلصت بحزنه
تحتار شتسولف صعبه يا محنه
السهر بالليل بس المدمع ايفيدك
تاليهه يسمّوك العده وانت
امام التنجهل بالكون معرفته
جبدك من تكَطع ساعة الشفته
ذكرت حسين والهم بالهم يزيدك
ــــــــــــــــ
شني ذنب الجنيته وينمرد جبدك
والهلناس غير الخير ماعندك
متت وآثار للكّيد امست ابزندك
وأثر للدمع بعد ما ممحي من ايدك
ـــــــــــــــــــ
انت اتشيّعت وحسين ما شيعوه
دفنوك وثلث تيام مادفنوه
عاري اعله الرمح جسم السبط خلّوه
وبيدك فوكَ صدره منيّم اعضيدك
ـــــــــــــــــ
الشاعر محمد حسن ضيغم
/channel/kasaedalatharDaygham
المجلس ((62))
بمناسبة الأربعين:
من وزن التجليبه ( المربع)
ـــــــــــــــــــــــــ
يل امبجّيني من كَبرك دصد ليّه
يبو حجي الحلو لا تعتب اعليّه
ـــــــــــــــــ
اجيت بأربعينك عالكَبر انشد
يمن عفتك جسد عالغبره متمدد
محتاره صرت وشلون ليك اكَصد
همي اجبير ماخلّه النفس بيّه
ــــــــــــــ
اجيت وهمّي يتراوح ابهاي العين
اصيحن خويه دلّيني اعله كَبرك وين
خوفي لا تناشد زينبك يحسين
شسبب ويّاج شو ما شوفن ارقيّه
لا تعتب يخويه العتب ياذيني
وتعرف غالي انت اعليّه يحسيني
وحكَ كل لسعه ضلت تجوي بيميني
من الالم كَوه اطبكَهن ايديّه
ــــــــــــــــ
جيتك من سبي بي شفت جم محنه
نتباجه اجينه وبالالم رحنه
مصابك يبو اليمّه والله ذابحنه
اعرف ضيم كَلبك لان مسبيّه
ــــــــــــــــ
لان جتفوا اديني حيل تتألّم
ومن ضربوني نحرك حيل ينزف دم
مو بس حافر البي ضلعه اتهشّم
تهشّم من سمعت بسلب ترجيّه
ــــــــــــــــــ
الشاعر محمد حسن ضيغم
/channel/kasaedalatharDaygham
(( 60 ))
بمناسبة السيدة رقيه عليها السلام
من وزن التجليبه ( المربع)
ـــــــــــــــــــــــ
جيبولي ابو حسين جيبولي
خل اردود عينه تنظر الطولي
ـــــــــــــــ
الخرابه ابلا سكَف وشلون اضل بيهه
وهل جلمه يعمه صعبه احجيهه
البنيه ابوهه ينشد اعليهه
أسال والجواب الردته احجولي
ـــــــــــــــــ
ألم من متني يسعر والسهر هدني
اريد اغفه ويسهّرني عظم حزني
يعمه هواي اصيحن آه من متني
راحه بهل عمر انشد شخلّولي
واعدني ابويه هنانه نتلاكَه
ابوي الصعبه والله جمرة فراكَه
يعمه شكَد حلو يا وكت الملاكَه
اذا بيّن ابوي بسرعه صيحولي
ــــــــــ
جابوا راس ابوي وبالطشت شفته
ومن كد الدمه الي سال معرفته
بويه بصوت دافي وابجي سمّعته
واحسّن صوته عدّل ميلت حمولي
ــــــــــــ
شبكَت الراس لن شفت الاجل جاني
متت واسم الحسين ابطارف الساني
تالي بالغرب يتوارى جثماني
وكَبر بالشام اهلي هناك يبنولي
ــــــــــــــــ
المجلس (( 58 ))
بمناسبة الشام
من وزن التجليبه( المربع)
ـــــــــــــــــــــــ
وصلنه الشام وانت عله الرمح راسك
ومن شفت الشماته اختنكَت انفاسك
ـــــــــــــــــ
وصلنه الشام واحنه بضيمنه وننحب
وكَبالك يخويه بسوكَهم ننسب
والله بهل وضع ياخويه نتعذّب
نعرف بالمدامع نجرح احساسك
ـــــــــــــــــ
وصلنه والشماته ايدكَ طبلهم حيل
واحنه من المصايب راح منّه الحيل
من الشام يبن الزهره شفنه الويل
ساسي انهدم وانت انهدم كل ساسك
ياسهم الشماته بالكَلب يوجع
وجلمات السبايه صعب من نسمع
واحنه اعله الهزل يحسين نتلوّع
ريت اتشوف دمعة حزن كل ناسك
ـــــــــــــــ
محد يرحم بهل عيله من الشام
فوكَ آلآمنه ضكَنه يخويه آلآم
من انوح طول الدرب ما ننلام
راسك عالرمح وي راس عباسك
ــــــــــــــــــــــ
يشتمونه وضحك كَدام نسمعهم
واطفالي شتم منترس مسمعهم
ماواحد يجي وعن سبنه يمنعهم
يامن ماوصل واح المقياسك
ـــــــــــــــــــ
الشاعر محمد حسن ضيغم
/channel/kasaedalatharDaygham
مولاي حسين ||الملاحسين الخاقاني ||عزاء هيئة الحسن المجتبى عليه السلام _ا...
https://youtube.com/watch?v=g2srzfRYCKE&si=53E6Rv_MlOOxmgh7
نعي
لون بيدي اقدّم راسي لحسين
وعمري أبّحر حزنه راسي لحسين
الحوافر حين سحگت راس الحسين
مثل شيب البراسه طلع بيّه
...
الشاعر محمد حسن ضيغم
/channel/alnaay2022
المجلس (( 56 ))
بمناسبة الكوفه
من وزن التجليبه ( المربع)
ـــــــــــــــــــــــ
الكوفه شلون طبّيناهه يبن امي
عسنّه ما مشه بهذا الدرب جدمي
ـــــــــــــــــ
دخلنه الكوفه واحنه اعله الهزل حسره
وياجرح الكَلب من اوصفه شكبره
دار اهلي عيوني لمّن اتنظره
وحكَ المرتضى حكَ يحتركَ دمي
ـــــــــــــــــــ
عسن ما شفنه كوفتنه واهليهه
شماته كل اهلهه بينه ندريهه
الوضع لم الخدر اصبح يبجّيهه
اخت عباس صار ام الحزن اسمي
شلون انسه الليالي البيهه مرّينه
اوّل ما وصلنه الكوفه ونّينه
ذكرنه هنا جانت دور اهالينه
ويا نار الهظيمه اشتعلت بجسمي
ــــــــــــــــــ
الكوفه من دخلنه الجرح ينزف كَام
ذكرت ايامي ذيج الما مثلهه ايام
من الكوفه تالي نروح لرض الشام
وبعدهه ابعيني حركَة جمرة خيمّي
ــــــــــــــــــ
اصيحن آه من ضيمي واصيحن آه
من الكوفه هاي وتستحق ويلاه
يادرب السبي والضيم ما انساه
يضل لاخر حياتي بهل كَلب همّي
ـــــــــــــــــــــــــ
الشاعر محمد حسن ضيغم
/channel/kasaedalatharDaygham
المجلس (( 54 ))
بمناسبة السيدة الزهراء ع وحظورها الى كربلاء
من وزن التجليبه ( المربع)
يزينب وين اخوتج يمّه دليني
حسين بياكتر مطروح حاجيني
ــــــــــــــــ
وصلت كربله فاطمه وتجري العين
تصيح بصوت يازينب اخيّج وين
وين الكمر وين اخوانه وي حسين
مو دمعي اليهل جرّح جفن عيني
ــــــــــــــــ
دلّيني عليهم وين مصرعهم
ذوله اولادي يمّه وانه هاي امهم
اريد ابجي وانوحن هل وكت يمهم
ويم كل واحد ابجي ويكثر اونيني
ــــــــــــــــــ
الكمَر وينه واخوته بياكتر طاحوا
شكثر بسم الحسين بكربله صاحوا
حرّاس الخيمكم ادري من راحوا
يرف رمشي عليهم انتي تدريني
ــــــــــــــــ
يمه اعله النهر عباس ضل دامي
اخوي البيده والله شيّد اخيامي
واخوته اتذبّحوا يالزهره جدّامي
واحدهم اجه يمّه يحاميني
ـــــــــــــــــــ
وذاك حسين يمّه وجسمّه الموذّر
وصدره بالحوافر فاطمه اتكسّر
بلا راس وبقه فوك الترب منحر
شففته وأصفكّت يسراي بيميني
ــــــــــــــ
الشاعر محمد حسن ضيغم
/channel/kasaedalatharDaygham
المجلس (( 52 ))
بمناسبة السيدة زينب عليها السلام
من وزن التجليبه ( المربع)
ـــــــــــــــــــــــ
منين ابدي المصايب ارد اعددهه
اسولف وي جروحي وأبقه اناشدهه
ـــــــــــــــــــ
جروحي ابكَلبي ماتبره ولا هي اتطيب
وعن عيني مصارع اهلي لا ما متغيب
الطفل من الذي شفته اعرفه ايشيب
الشاهد ماتت الطفله اعله والدهه
ـــــــــــــــــــــــ
هاي هموم ما مرّت عله أي انسان
وعلى وجهي الحزن والالم كلش بان
احيرن بالنسه لو حير بالرضعان
التركض حايره محّد يساعدهه
عندي هموم ما مرّت على أي واحد
وعلى كل كلمه منّي الدمع ضل شاهد
حيلي من المصايب ياخلكَ راكَد
فكَد حسين زينب والله ركَّدهه
ــــــــــــ
شفت ضيم ومصاب ايهد جبل حتما
وعيوني اضن من الدمع يعمن
اشكي همومي عكَب حسيني جا المن
روحي تصير نار وبيش ابرّدهه
ــــــــــــــــــ
لهسّه اكَبالي من ضربوهه بنت حسين
لهسه اتصيح اسمعهه طفت هل عين
اريد اكَصد لبوي اتكَلّي دربه منين
طفله وصعبه اخلّيهه لوحّدهه
ـــــــــــــــ
الشاعر محمد حسن ضيغم
/channel/kasaedalatharDaygham
ذبحوا حسين العده من البارحه
يا رباب وما نصبنه الفاتحه
احنه وي كل النسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
يا رباب شلون انسه وآنه شفت الي جره
بعيني شفت الشمر ويلي بسيف يكَطع منحره
وشفت ثاني اتعنه اخيي وكَام يكَطع خنصره
وبحوافر خيل اميه ضلوع صدره مكسّره
شفت دم من النحر يتجاره
وجف يمنته لزم جف ايساره
وضع لا ماينسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
ليله مرّت وآنه اخيي نايم بحضن الترب
آنه اتمنّه اعتنيله وامسح الدم اليصب
زلم وخيول بطريقه شلون اطرّنه الدرب
وهم ارد بعيوني اشوفه آنه عندي اشجم كَلب
شلون اوصل والزلم بدروبه
شلون وآنه الي جنت مهيوبه
شلون ايدي اتلامسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
عاده عن الناس ادري من يموت الهم ولي
تلطم الناس اعله اخدهه والمدامع تنهلي
بعد ما يندفن تنصب فاتحه بجمره اتغلي
بس خويه حسين ويلي وينهه الزهره وعلي
بلايه جادر لا هله التبجيله
وماكو توزيع بثوابه الليله
ثوب اسود نلبسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
يا رباب وياي كَومي انّادي كل هاي الحرم
نسوّي مجلس عل حسين ونبجي بس ادموع دم
من عبينه انسوي جادر لان ما ظلت خيم
فاتحه نقرره بثوابه وتنهدي الراعي العلم
والثواب امي تجي بصينيته
والله ادري تحظر بتعزيته
بكل صباح وكل مسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
هاي اول ليله مرت وحشه وبدلالي آه
ليله وحشه يا رباب وخل نصلّيله الصلاه
آنه اكطّع هذا كَلبي كون بس لحظه نساه
و يا ذبيح المثل اخيي لسه مخضوب بدماه
ما شفت ميَت فلا يدفنونه
وعل تراب وماجوا ايشيعونه
خصمه بيه شكد قسه
خل نسوّي مجلسه
ومن نخلص خلّي نقره الفاتحه
ـــــــــــــــــــــــ
الشاعر محمد حسن ضيغم
/channel/kasaedalatharDaygham
نعي
حگ ضعني يفر بالخوف ويهاي
بچيت وطفت بالطف هاي وي هاي
برماد الخيم تالي انصبغ ويهاي
بركضتي اعثر بخوتي شلون بيه
.
الشاعر محمد حسن ضيغم
/channel/alnaay2022