5137
القصائد الرثائية للآل الأطهار ع
ياحسن مددي مولاي
ـــــــــــــــــــــــ
بالروح .. سكنت انت ...وعشت بيّه ... يريحانة علي
مجنون ... صرت آنه ... بهوه حبك ... يعشكَي الاولي
يارحمة الله .. مد ايدك الي ... غيرك ابد ماريد اكَصده
يانعمة الله ... الحمد لله صحت ... عبدك صرت وجف ماترده
يارحمة الله ... ويا نعمة الله
شوكي ويا حبيبي ... ذخري وياطبيبي
بس انت يمولاي .... لفراكَك نحيبي
ـــــــــــــــــــ
مولاي ... منوا لمثلك ...بحر جودك ...يفيض اعله المله
بهواك ..جنون الناس ... يرفعة راس ... حكَ طف كربله
ميلادك النه ...يبو محمد صفه ..جنه وفخر لهل الكرامه
انت فخرنه ...يرابع بالعبى ...وثاني تنصّب بالامامه
ميلادك النه ... وانت فخرنه
ياباب الهدايه ....عنوان العطايا
بس الكم يمولاي ... منصوصه الولايه
ـــــــــــــــ
شبّر .. من الباري .. نزل اسمك ... الاسم معنا حسن
منك ... خلق ربنه ... سمه السبعه ... وخلق جنة عدن
عندي عقيده ..سر انت تضل .. ماينعرف في هل خليقه
الروحه عنيده ...شما صلى وعبد ...لازم يضل يجهل طريقه
عندي عقيده ... الروحه عنيده
يل سر الله عدكم ... خسران اليضدكم
وانه اندب يمولاي ... قبلوني عبدكم
ــــــــــــــ
الزهراء ... نهنّيهه ... يوالينه ... بولادة شمعتك
مولود ...ابو محمد ...شبل احمد .. الحياة ابطلعتك
تبجي تشوفك .. هاي ام الخدر ... اختك تهز مهدك بديهه
لا ماتعوفك .. تنضر جبدتك ...تدري مصيبتك منبع بجيهه
تبجي تشوفك ... لا ماتعوفك
جنّك ياوليهه ... تبجي انت عليهه
تدريهه عالناكَه ... بت حيدر سبيهه
ــــــــــــــــــــــــ
الشاعر محمد حسن ضيغم
دگينه بيبان الفرح بگلوبنه
ونادينه بأسم المجتبى محبوبنه
.....
هلليله كل الكون تضوي شموعه
بأسم الحسن شفنه انكتب موضوعه
حيدر علي امن الفرحه تجري ادموعه
ومنوره بنوار الولاده ادروبنه
.....
بيت الكرم والجود فاتح بابه
وكل الرسل تلگاهه يم اعتابه
احباب ربنه الحسن ندري احبابه
ونحقق بهذا الفرح مطلوبنه
......
الحسن ميلاده شمس معلوگه
وبكل گلب وآلآه ينبع شوگه
ياس او ورد فاطمه تنثر فوگه
والهه ابمحبتنه نخط مكتوبنه
.......
دگينه بيبان الفرح هالليله
وعالعهد نبقه المجتبى ندعيله
لرض البقيع ان شاء الله نمشيله
ونكحّل ابذاك التراب اهدوبنه
.........
بميلاد.ابو محمد زهت دنيانه
جن وانس تتباشر او فرحانه
عرش الله تتباهه اصبحت اركانه
ومن كوثره يوم الحشر مشروبنه
......
الشاعر محمد حسن ضيغم
مولد علي الاكبر عليه السلام
كوكب ونوّر
صلّوا عل اكبر
ــــــــــــــ
نبدي هذا لحفل بسم الله ونبيّه
وبعلي الاكبر نهنّيهه الزچيه
رافضيه ونفتخر چي رافضيه
ومانعوف ال النبي الحد المنيه
الطاهر الاطهر
صلّوا عل اكبر
ــــــــــــــ
علي الاكبر منولد شوف شحلاته
بيه فرحانات ياشيعه خواته
يشبه الهادي النبي بمجمل صفاته
خُلق واخلاق واخذ من فيض ذاته
يشبه الابهر
صلّوا عل اكبر
ــــــــــــــ
هدعش من شعبان نوره اعلينه ضوّه
شايل الغيره علي وطيبه ومروّه
اخو للسجاد يحمل خوش خوّه
هل عمر كله الك ياخويه فدوه
بفكرك اتصوّر
صلّوا عل اكبر
ــــــــــــــ
مهجة حسين انولد والكون فرحان
وعيّدت يوم الولاده كل الاكوان
المايحب الاكبر ابدا موش انسان
لو گضه ايام العمر يختم القران
حبّه من الذر
صلّوا عل اكبر
ــــــــــــــ
ياربيع گلوبنه مية هلا انگول
يلّي حبك سيدي حيّرهه العقول
المافرح باچر وگفته ابمحشره اتطول
ويبقه عن بغضه العلينه هناك مسؤول
قمر الازهر
صلّوا عل اكبر
ــــــــــــــ
الشاعر محمد حسن ضيغم
/channel/kasaedalatharDaygham
مولد ابو الفضل العباس
اول وليد بهل وجود انشوفه
شما شاف اخيّه ايشيل ليه چفوفه
ــــــــــــــــ
سجّل اله التاريخ هاي الحاله
عباس اخيّه حسين كلما جاله
يشيل الچفوف وشي يدور اباله
طبع الاخو بوحده الاخو ميعوفه
ـــــــــــــــــــــ
بشعبان من شع نور راعي الغيره
فلقة قمر وبنوره كلهه بحيره
بس هل امر يصعب صدگ تفسيره
ليش الملائك تعتني وتطوفه
ـــــــــــــــــ
شما گمّطوه الغضب يملي عيونه
ميريد يتگمّط تره يشوفونه
متكحلات من السماء اچفونه
عباس اسمه والله حلوه احروفه
ـــــــــــــــ
چلمة دللوه الخلكَ تحچيهه
تسكت الوليد وهاي نعرف بيهه
عباس چلمه اعتاد هوه اعليهه
يسمعوه اسم زينب الما موصوفه
ــــــــــــــــــ
عباس من يرفع لخوه چفّينه
اچفوفه كل گصده فدا لحسينه
وكل ما يأشر بصبعين العينه
مذخوره لحسيني بزمان اطفوفه
ــــــــــــــــــ
بيهن اجيب الماي واسگي العيله
ومن بُعد هذا الماي تشتم هيله
ضعنك فلا غيري اليصير اچفيله
وهل وگفَة للمحشر تضل معروفه
ـــــــــــــــــ
الشاعر محمد حسن ضيغم
/channel/kasaedalatharDaygham
يدنيه بسجن ساعه بضيم جسماي
عليه وگلبي مافد يوم جس ماي
مثل حسين ما مدفون جسماي
ثلاثه الفرق ماداسوا عليه
......
الشاعر محمد حسن ضيغم
/channel/alnaay2022
بمناسبة استشهاد الإمام موسى بن جعفر الكاظم (عليه السلام) ننشر لكم مجموعة من القصائد للشاعر الحسيني الموفق محمد حسن ضيغم
#أعظم_الله_أجوركم
#الإمام_الكاظم_عليه_السلام
#اللهم_صل_على_محمد_وآل_محمد
أنه الزهره وحرت مابين ... حسين وموسى بن جعفر
الكاظم سمّوا جبده .... وجبد حسيني اتوذّر
ــــــــــــــــ
ابد منسه الجره بعاشور ...من هموم ومصيبه
حسين ابني على التربان ... ويلي وخضّبوا شيبه
وهسه موسى بن جعفر ...سم عدوانه ايصيبه
وجبده من الالم والسم ... ويلي شفته اتفطّر
ـــــــــــــ
حسين اعله الترب مطروح ....وراس اعله الرمح شفته
ويلي اشسوذت العدوان ....ويلي كطّعوا جثته
وموسى اعله الجسر خلّوه ... نعش اوليدي شاهدته
نادوا شيعة اتعنّو .... كلمن يحب خل يحظر
ــــــــــــــــــــــــــــ
حسين ابني انذبح ضامي ....ورضّوا صدره بالحافر
وضلّت شيعته تندب .... ويلي بيوم كل عاشر
وموسى بجفّه قيد اعداه ... هذا الكاظم الصابر
دم حسين يشبه دم ... موسى بساعة اتحدّر
ـــــــــــــــ
هاي انه الشفت بالعين ... مصايب ماشفت منهه
شفت حسين وجروحه ... ومصايب ما اوصفنهه
وشفت الكاظم بسجنه ...وسنينه ناشدت عنهه
جروح اعليهم بكَلبي ... ضلّت كل وكت تكبر
ــــــــ
ساعه اتعنه لرض الطف ... واجري دمعة عيوني
ساعه الكاظميه اكصد ... ام وثكلى تدروني
اونن على ولد بالهم ... شيعتنه تسمعوني
وكَلبي بجمرة اولادي .... وحك حيدر علي اتوجّر
ــــــــــــــ
الشاعر محمد حسن ضيغم
/channel/kasaedalatharDaygham
رغم كل اهل الطغاة وجورها
حظرتك نتعنه ليها نزورها
مانهاب اعداك ـــــ للحشر وياك
ـــــــــــــــــــ
اولاد حيدر احنه واحدنه شهم
احنه بينه ينظرب معنی الزلم
احنه للسالمك نصبحله سلم
وحرب للضدك وحك عاشورها
ــــــــــــــــــــــــ
يا امامي الكاظم وهذا عهد
مانعوف ازيارتك يل معتقد
احنه حبيناك واحنه بالمهد
اولايتك در ورضعنه بنورها
ـــــــــــــــــ
ازحوف نكصدلك اذا اتمل الجدام
ونرسل ويالريح الك اجمل سلام
شلون تنسم وانت معناة الامام
شلون وانت الجنه حبك سورها
ــــــــــــــــــ
باب للحاجه نعرفك للخلك
شوف زينب باب مرقدها انغلك
افزع الها واخذ من كبرك علك
وخلي شيعتها ترد اتزورها
ــــــــــــــــــ
احنه سهله الكم انرخص الرواح
حت لو نسمع الموت بصوته صاح
كلشي لا نسمع جدار الحظره طاح
والله جلماتي تثور اسطورها
ــــــــــــــــ
نزورك وصوت المهج بسمك هتف
اسد بغداد اورثت سبع النجف
حت جبرائيل للحظره زحف
الجنه يمك ترف هسه اطيورها
ــــــــــــــ
خلي يسمع هل كلام الناصبي
انه شيعي وما ابدل مذهبي
اولاية الكرار حقي ومطلبي
هل عقيده ماتجف ابحورها
ــــــــــــــــــ
الشاعر محمد حسن ضيغم
من سنه الداير سنه تدروني
برجب زوار وخدم يلفوني
....
....
كل سنه انطر للگبر تلفي الخلگ
تزور گبري وگلب كل شيعي احترگ
جيّة الزوار تتوصف علگ
بيهم اندب هله بماي عيوني
.....
شگد مواكب تنصب جانت قبل
الناعي ينعه والدمع ضل ينهمل
الفرحه لو جوني مثل لم الشمل
وانسى كل ضيمي ومصاب متوني
.......
تدخل الرايات جانت بالعزاء
جن محرم جنهه بقعة كربلاء
واسمع الرادود رد.د بالنداء
الشام لو مر اسمه ايذكروني
.....
السنه وحشه وگبري خالي امن الخدم
وماشفت زوار لا رفت علم
گبري خالي صرت احس مثل الخيم
يوم اهلي بكربله عافوني
......
عيوني تربي وناطرت يلفون الي
وبيهم اشتم ريحة حسين وعلي
وعلگ وياهم يجي من كافلي
كربله اشتمهه اذا طافوني
.....
گبل وحدي وهسه هم وحدي صرت
ياعلي يابويه والله تحيرت
ليش طول العمر ٱنه اتمرمرت
عدله ميته الكوم ما رحموني
......
الشاعر محمد حسن ضيغم
/channel/kasaedalatharDaygham
ولادة الامام علي
لولاك يابالحسن .. لم يُعرف المؤمنون
ـــــــــــــــ
يا مراية حب الآهك يل الك بس العشكَ
الميت امننجيب طاري اسمك نبض كَلبه يدكَ
انت سر الله وصفاته
بحرف اسمك معجزاته
المانطق بحروف اسمك
ياعلي شلّه بحياته
مولايَ من شايَعك ..كميثمِ في الجنون
ــــــــــــــ
آية التطهير حبك طهّرتنه أمن الدنس
والوحي اليوحي بأموره بمدرسة حبك درس
يا كتاب الله وبيانه
وسر علومه وترجمانه
الهادي بالمعراج ربّه
كلّمه وانت لسانه
لا لا نبالي ابد ... أن ينكر الجاحدون
ـــــــــــــــ
ها يأيد الله الّي بيهه هذا كون الله انوجد
اتجسّدت بيك انت آية قل هو الله احد
اسمك الاول الاخر
المؤمن الباطن الظاهر
عيون خل تعمه ولاجن
كلشي لا تعمه البصائر
من لا بصيره له ...ليس لديه عيون
ـــــــــــــــ
اعتقاد وما نبدله الدين يعني امحبّتك
الهل سبب منطب جهنّم الجنه بس الشيعتك
الله خالق كلشي لجلك
وبس محمد عرف فضلك
شرف عبدك آنه اصيرن
وانحسب مملوك لهلك
في الحشرِ ساقٍ لهم ... من كوثرٍ يشربون
ـــــــــــــ
لاكو قبلك لاكو بعدك ينشق الجيته الجدار
والولاده الكعبة الله شرف من جيت الهه صار
تباهت الكعبه بفرحهه
منزله ربك منحهه
علجدار آثار جيتك
يعجز الرايد مسحهه
استيقنتها العدى ...لكن بها جاحدون
ــــــــــــــــــــ
الشاعر محمد حسن ضيغم
/channel/kasaedalatharDaygham
ياعلينه ياعلينه ياعلينه ... حيدر
ــــــــــــــــ
انت بس انت الذي بالبيت مولود ... حيدر
والخصال العظمى بس الشخصك اتعود حيدر
البيت للمولد شهد
الكعبه صارتلك مهد
الليله فرحت كعبة الله والمدينه ... حيدر
ــــــــــــــــ
هل امر اغضب وحكَك كل اميه ... حيدر
وجي نحبك صار اسمنه الرفضية ... حيدر
غصباً اعله الناصبك
حرب للي حاربك
احبابك احنه يبو الحملع تدري بينه ... حيدر
ــــــــــــــــ
يا وليد الكعبه اسمك رغم الانذال ... حيدر
شما يحرفون الفضل ينذكر ما زال ... حيدر
ينكروهه قرّوا
حرّفوهه وأعجزوا
سنين الهه وعجزت الزمره اللعينه .... حيدر
ــــــــــــــــ
انت يا اول واخر كهف الاسرار ... حيدر
الله بس للي يبغضك خالق النار ... حيدر
الله خالق كلشي الك
بسمك يدور الفلك
اخره وبالدنيه ربّان السفينه .... حيدر
ــــــــــــــــ
عهد لاخر نفس نبقه والله وياك ... حيدر
نبرأ والله من السقيفه الجمعت اعداك ... حيدر
يامن الضدّك خسر
مانعوفك لو وذر
بس الك يا بالحسين انمد اينه ... حيدر
ــــــــــــــــ
الشاعر محمد حسن ضيغم
/channel/kasaedalatharDaygham
بمصاب الطف دليلي شال عينه
علخوي الما بوجهي شال عينه
السهم من صاب عينه شال عينه
أو وگع فصهه اشوفه اعله الوطيه
....
الشاعر محمد حسن ضيغم
/channel/alnaay2022
مولد الامام الباقر عليه السلام
صوت ... نادت اهل الديره
صوت .... نولد راعي الغيره
يالغالي احنه صحنه ... بالباقر فرحنه
ــــــــــــــ
الليله ليلة فرح مولود الامام
وللبقيع من الحفل نبعث سلام
نور من الباري يمحي كل ضلام
الولي ابن ابن الامير ابن الهمام
لاح ... نوره عم اكوانهه
لاح ... وانسعد وجدانهه
بميلاده ربحنه... بالباقر فرحنه
ــــــــــــــ
المدينه شعشعت نور وضوه
وجنّه من الجنه هب لينه الهوه
السمه واهل الارض فرحوا سوه
الكون ضامي ومن عذب مايه ارتوه
صاح ... كل محب هل ليله
صاح ... صلوات نهديله
بهل فرحه انشرحنه ... بالباقر فرحنه
ــــــــــــــ
مو شموع اكَلوب نعلكَ بالحفل
وبأسم مولانه حتما نبتهل
هو راعي الجود والعز والعدل
واحنه عاهدنه الله عنّه ما نزل
نور ... شع علينه ابجيته
نور ... احنه من تربيته
بمدرسته نجحنه ... بالباقر فرحنه
ــــــــــــــ
علي السجاد ابتشر هلليله
بيوم ميلاد اليفوّح هيله
رافع ايده للعلي ويدعيله
وبسم جده المصطفى ايسميله
هاك ... هل ولي وعنوانه
هاك ... معجزة قرآنه
بي يضمد جرحنه ... بالباقر فرحنه
ــــــــــــــ
هل اناشيد وفرحنه بنوره
والخلايك تبتسم مسروره
الباقر الباجر نلوذ بسوره
هل روايه مسنده ومذكوره
نلوذ ... باجر احنه بسدهم
نلوذ ...من الاصلاب انودهم
يمنوّر صبحنه ... بالباقر فرحنه
ــــــــــــــ
الشاعر محمد حسن ضيغم
/channel/kasaedalatharDaygham
صلوات صلوات على الامام المجتبى
ــــــــــــ
يريحانة نبينه
الحسن انت ولينه
ينور ال بل مدينه
الك حطّينه زينه
على اعناد على اعناد اميّه والّي ناصبه
ـــــــــــــــــ
يوجدان الزجيه
وكَلب حامي الحميه
افتخرنه رافضيه
نضل حد المنيه
اليواليك يواليك جعفر الصادق مذهبه
ــــــــــــ
البقيع الي بي نور
الملائك تنثر ازهور
وتخلّي ابكَبرك اعطور
هنيئا من اجه ايزور
اليزور يزورك حتما يحصّل مطلبه
ـــــــــ
كريم وبابك اجبير
اليكَصدك ماضن يحير
تسوّي الماضن يصير
صعب سر ماله تفسير
عرفناك عرفناك يرابع سر اهل العبى
ــــــــــــــــــــــــــــــ
يمولاي ومتى انشوف
ضريحك مثل الطفوف
نجيك بلهفه ونطوف
ومواكب يمّك انشوف
اليواليك يواليك يمّك يأسس موكبه
ــــــــــــــــ
الشاعر محمد حسن ضيغم
مولد الامام الحسن المجتبى
الليله الحسن شع لينه بنواره
وبهل حفل كل احنه خطاره
ـــــــــــــــ
مولود هاي الليله والينه
والفاطمه نرفع تهانينه
ايام النه انعلّكَ الزينه
جي ندري كَربت هاي البشاره
ــــــــــــــــ
الحسن نور الله الفلا يطفه
حتى الوحي يحتار شيوصفه
باجر يلمنه المجتبى بعطفه
النه شفيع الباري اختاره
ــــــــــــــ
اخره ودنيه وياه منعوفه
هو الابو الربّانه بجفوفه
باب الكرم ما يطرد ضيوفه
امعزّب ولا ماطفت ناره
ـــــــــــــــ
حروف اسمه بيهن صارت الجنه
والكوثر اليجري عذب منّه
بالحشر احنه ابزوده نتهنّه
وما تبقى شيعة علي محتاره
ــــــــــــــ
يالحسن والله انوالي من والاك
ياسيدي ونعادي من عاداك
لا سمه ولا ارض اوجدت لولاك
انت الامام النجهل اسراره
ـــــــــــــ
بأرض البقيع املاك وي الحور
الكَبرك الكل اعتناك يزور
ياريت زرناك ونشوف النور
ويفيض كَلبك على زواره
ـــــــــــــ
الشاعر محمد حسن ضيغم
/channel/kasaedalatharDaygham
مولد الامام السجاد عليه السلام
زين العابدين الليله ميلاده
احيوهه المحافل هوسوا يالساده
ـــــــــــــــــــــــ
الليله انولد بيهه رابع اليمّه
شمائل والده وأوصاف من عمه
علي والله على جده علي اتسمه
يامحله الوليد اليشبه اجداده
ــــــــــــــــــ
ابيت آل النبي والله سطع نوره
شال ايده وكتب للكون دستوره
الجنه والملائك بيه مسروره
اعياد الخير صارن كلهن اعياده
ـــــــــــــــــ
يازين العباد وسجدتك تشهد
للواحد احد للما ولد يولد
لا مو بالبقيع بكل گلب مرقد
الك يارحمة الله وزين عُبّاده
ــــــــــــــــ
الصحيفه الخالده البيهه اكتبت كلشي
وياك الحگ يسير بكيف ما تمشي
طشّي افراح يادنيه ابفرح طشّي
الليله حسين يسطع لبّة اُفاده
ـــــــــــــــــــــ
تحله الهوسه بسمك ياعلي والله
يلّي اعليك ربك بالعرش صلى
علي السجاد ماينعد ابد فضله
والله اليدعي بسمه ايحصّل امراده
ــــــــــــــــ
الشاعر محمد حسن ضيغم
/channel/kasaedalatharDaygham
مولد الامام المهدي (عجّل الله فرجه)
المهدي اجه ... الليله فرحانين كل الساده
المهدي اجه ... احله چلمه نگولهه بميلاده
عجّل الله فرجه
سهل الله مخرجه
ـــــــــــــــــ
الساده اجت لبست چفافيهه الخضر
بعطر جدهه اتعطّرت اجمل عطر
الحور يم نرجس الجيته تنتظر
يمته يبزغ نوره عالدنيه البدر
والعسكري ...بالمدامع لله رافع ايده
والعسكري ...دمعه ينشف من يشوف اوليده
هذا ابنه المرتجى
سهل الله مخرجه
ـــــــــــــــــ
انزاحت الظلمه لمن نوره سطع
وصوت صلّوا اعله النبي بكتره انسمع
من جبينه اشعاع للسبعه ارتفع
وخاتم اسليمان بجبينه انطبع
يم العرش ... هناك طاف النور من مهدينه
يم العرش ... شگد يعيش امسجلات اسنينه
معجزه بحين الاجه
سهل الله مخرجه
ـــــــــــــــــ
الغيره سجدت يمّه والدهه انولد
وياهو مثله امن انولد حالا سجد
الجنه صارت مهده مو هذا المهد
يقره ايات وصداه لله صعد
سره انجهل ...انبياء او رسل تنطر نوره
سره انجهل ... السمه السبعه تعتنيه اتزوره
القائد البيه الرجه
سهل الله مخرجه
ـــــــــــــــــ
اخر انوار الهدى الحبه فرض
حبل بين السمه ممتد والارض
بسمه كل طلابه نعرفهه تفض
الميت بطاري اسمه يرجعله النبض
كن فيكن ....الله سخّر كلشي وانطه اسراره
كن فيكن ...منقذ الهذا الوجود اختاره
منهج الله منهجه
سهل الله مخرجه
ـــــــــــــــــ
یزول کلشی يبقى بس هو الوطن
آية الاعجاز ومحير الزمن
المايحبّه من عسه عيونه ايعمن
الگلب من ايدگ ينادي ابن الحسن
يمته الفرج ... ما امل لو الف عام انتظره
يمته الفرج ...وبدعاء الندبه بسمك اقره
جرح ديني ايعالجه
سهل الله مخرجه
ــــــــــــــــ
الشاعر محمد حسن ضيغم
/channel/kasaedalatharDaygham
لسان حال السيده معصومه
بأستشهاد الامام الكاظم عليهما السلام
ها ياعزيزي وگرة العين
مسجون لا مو سنه وسنتين
فراگك بگلبي خله جرحين
امناطره ابنيتك تراهه
....
أسأل منو ويجيب الاخبار
وبگلبي تخمد جمره النار
مثل الجرالك بويه ماصار
من الگيد ايدك صب دماهه
......
يابويه يمته ترد للبيت
من انتظاري والله مليت
كل ليله اگولن يجي وماجيت
معصومه ماصدگ نساهه
......
تالي الخبر جالي وهدمني
مسموم والطارش هظمني
الطاغي من شوفك حرمني
روحي بمصابك مرمراهه
......
عالجسر گالولي الجنازه
ويم النعش، ماهم اعزازه
ويلاه يالعازتك عازه
متيتمه والهم عذباهه
......
الشاعر، محمد حسن ضيغم
/channel/alnaay2022
من يشيع اجنازته مولانه
للجسر خل يعتني ويانه
ـــــــــــــــــــــــــــــ
للجسر خل يعتني ايشيع الامام
هذا موسى الكاظم وبدر التمام
سمموا جبد الولي اولاد الحرام
عليه ظلمه وموحشه دنيانه
ــــــــــــــــــــــــــــــــــــــــــ
كل بني العباس زمره طاغيه
ناس كلهه ارجاس امهم باغيه
باجر ايدخلون نار الحاميه
وصقر مايرحمهم بنيرانه
ــــــــــــــــــــــــــــــــــــــــ
اتباع عتبه والمشه بدرب الوليد
ظالم ومعروف هارون الرشيد
راد كل الناس تصبحله عبيد
الهل سبب خله الولي بزنزانه
ـــــــــــــــــــــــــــــــــ
لاجن الكاظم رفض هذا الظلم
وماقبل بالشيعه تبقه تنهظم
الكاظم بسجداته هز عرش الحكم
وطاح عرش الطاغيه وأركانه
ــــــــــــــــــــــــــــــــ
موسى بن جعفر امام الرافضه
اجه وصله اعله الجنازه ابنه الرضا
وحضرت التشييع املاك الفضه
وبيده واره بهل ترب جثمانه
ــــــــــــــــــــــــــــــــــــــ
باب للحاجات ميرد الطلب
هذا دمع الشيعه لمصابه انسجب
كل فرج من عنده حتما مرتقب
للي يكصدله فتح بيبانه
ــــــــــــــــــــــــ
الشاعر محمد حسن ضيغم
مصيبة موسى بن جعفر مصيبه
امام وبالسجن ينسم عجيبه
تضل دمعاتي ما تنشف على مصابه
ــــــــــ
يحيّرني الزمن وابقى بدمع جاري
واضل ابجي عليه بليلي ونهاري
اسوّي مأتم الكاظم وسط داري
تسمم جبده وبكَلبي تشب ناري
وواسي فاطه الزهره الزجيه ... على الكاظم اضل انصب عزيه
وونن ونّت المهظوم بغيابه
ــــــــــــــــ
أنه اعرف فاطمه اتعنّتله ملهوفه
الزجيه بيا وضع متكَيّد اتشوفه
سجين وسنسله مارحمت جفوفه
تون يم النعش ماتكَدر اتعوفه
على الوجنه يضل يهمل دمعهه ... وعلى مصابك يضل ينزف ضلعهه
المدامع ويلي عل خدين سجابه
ــــــــــــــــ
الظلام البي كَضه سجنه يذكّرهه
بضلام الطف والدموع اليفجّرهه
الزجيه اعله الولد كَلّي شيصبّرهه
مصيبه ولا تضن نكَدر نصوّرهه
مثل ليل السجن ليل اليتامه ...مثل ما ناموا الكاظم منامه
ينام الكاظم بسجنه على ترابه
ــــــــــــــــ
مصابك سيدي الكاظم يهد الحيل
يمن سجنك خلص مولانه بس بالليل
نهارك ما تميزه بلوعة اليا ويل
ساجد راكع ودمعك خشوع ايسيل
وبعد هذا يسمّوك الاعادي ....يويلي بنعشك اينادي المنادي
على الجسر وينادي خل تجي احبابه
ــــــــــــــ
يموسى الكاظم وعدنه طلب فدوه
يمن للي يحبك حبّك السلوه
اريدك تكَضي كل حاجه يبو مروّه
على بابك نقدّم سيدي الشكوى
نحلفك بالرضا واخته الحنينه ... الكَصدلك ما تضل روحه حزينه
يبيت الله بوجهنه ما يسد بابه
ـــــــــــــــ
الشاعر محمد حسن ضيغم
/channel/kasaedalatharDaygham
مثل ما لحسين نرفع رايه
لموسى بن جعفر نضل مشايه
ــــــــــــــــ
نعوف اهلنه ونعتني بثوب الحزن
والشوارع ويّ ونـّتنه تون
اه يل مسموم صار اعذب لحن
بلا شعور يصير كل مبجايه
ـــــــــــــــ
مثل ما جنه نروح الكربله
عل جدم والدمعه علخد هامله
موسى بن جعفر مواكب تمشي اله
ياغريب انصيح الك عنايه
ـــــــــــــــــ
من نصد للجسر نلطم عل رؤؤس
نصيح وينك يا انيساً للنفوس
اكصد الكاظم واترك ارض طوس
وعلجسر اخطب وكول احجايه
ــــــــــــــــ
من تجي يامكور وسر الحروف
جيب معصومه ودخليهه تشوف
شلون شيعتكم تدك بهل جفوف
علولي وشلون تقره قرايه
ــــــــــــــــ
موش بس من الارض من السمه
جايه اتعازي ابن حامي الحمه
تصيح كلهه عظم اجرج فاطمه
يامن الربـّج نشوفج ايه
ــــــــــــــــــ
اليوم حك نلبس علوالي السواد
اليوم نكصد ليه من باب المراد
حتى يستقبلنه مولانه الجواد
هله بشيعتنه الي بيهه كفايه
ـــــــــــــــــــ
الشاعر محمد حسن ضيغم
مثل ماجيت يمك. يمي اريدك
وتغمض عيني خويه حسين بيدك
يمن تعرفني دم ٱنه بوريدك
الليله بعازتك يانور العيون
......
اجاني الموت وانت بعيد عني
منو خويه يجي يلفني ابچفني
والگبري منو خلافك يزتني
الجنازه شلون تتشيع بلا متون
......
الشاعر محمد حسن ضيغم
/channel/alnaay2022
بمولدك ياعلينه ..احنه علكنه زينه
صحنه بسمك يابوطالب
مبارك ابمولد ولينه
ـــــــــــــــــــــ
يابو طالب هل ولاده ابد ما الها مثيل
غنت ادموع السعاده وصفكت ايد الدليل
الجنه للاملاك صاحت اشرب الكوثر سبيل
شرب عيسی وموسی منه وشرب من عنده الخليل
وشعظم هل ولاده .. تحله بيها السعاده
واحنه بالمولد حظرنه
جبنه وردات واجينه
ـــــــــــــــــــــ
الكعبه فتحتله كلبها وصار بالكعبه الوليد
والملائك ياعلينه رددت هذا النشيد
الحور من افضل جواهر سوت الثوب الجديد
وحده صار ابيت ربنه بس علي هو الوحيد
انزفلك احنه التهاني ..انت سر الاماني
من الولاده انت روحك
ياعلي طيبه وحنينه
ــــــــــــــــ
ياامام الدنيه كلها وانت عل عالم امير
انت روح وانت مهجه وانت عنوان الضمير
انت للوالاك تصبح ياعلي خير النصير
واليضدك ياعلينه يصبح ابأس المصير
انه لا مو مغالي ...شيعي آنه وموالي
ياعلينه وانت تدري
بحبك احنه اتجننينه
ــــــــــــــــــ
يانفس طه محمد انت نور الله الجبير
الكون كله من نقيسه نشوفه يم حرفك زغير
انت شمس الدين وانت المنوصف بدر المنير
وانه يامولاي صدك صرت بمحبتك اسير
فدوه الك كل حياتي ...بيك اعرف نجاتي
فدوه الك هذا عمري
فدوه الك كل سنينه
ــــــــــــــــــ
هل ولاده ياامامي ضمدت كل الجروح
الجنه من نفحات عطرك ياعلي صارت تفوح
ياجبل وجفوف خصمك الك ماكدرت تلوح
جسد هذا الكون كله وعاش جي بي انت روح
انت سر الخليقه ...حبك اعظم وثيقه
يابحر للمحنه ..
.. واحنه منّه ارتوينه
ــــــــــــــــــــــــــــــ
الشاعر محمد حسن ضيغم
ياعلينه ياعلينه ياعلينه ... حيدر
ــــــــــــــــ
انت بس انت الذي بالبيت مولود ... حيدر
والخصال العظمى بس الشخصك اتعود حيدر
البيت للمولد شهد
الكعبه صارتلك مهد
الليله فرحت كعبة الله والمدينه ... حيدر
ــــــــــــــــ
هل امر اغضب وحكَك كل اميه ... حيدر
وجي نحبك صار اسمنه الرفضية ... حيدر
غصباً اعله الناصبك
حرب للي حاربك
احبابك احنه يبو الحملع تدري بينه ... حيدر
ــــــــــــــــ
يا وليد الكعبه اسمك رغم الانذال ... حيدر
شما يحرفون الفضل ينذكر ما زال ... حيدر
ينكروهه قرّوا
حرّفوهه وأعجزوا
سنين الهه وعجزت الزمره اللعينه .... حيدر
ــــــــــــــــ
انت يا اول واخر كهف الاسرار ... حيدر
الله بس للي يبغضك خالق النار ... حيدر
الله خالق كلشي الك
بسمك يدور الفلك
اخره وبالدنيه ربّان السفينه .... حيدر
ــــــــــــــــ
عهد لاخر نفس نبقه والله وياك ... حيدر
نبرأ والله من السقيفه الجمعت اعداك ... حيدر
يامن الضدّك خسر
مانعوفك لو وذر
بس الك يا بالحسين انمد اينه ... حيدر
ــــــــــــــــ
الشاعر محمد حسن ضيغم
/channel/kasaedalatharDaygham
مولد للامام الجواد
الليله ميلاد الجواد ... الدنيه كلهه منوّره
احلى اناشيد الغرام ... كون بسمه تنقره
ــــــــــــــ
الليله خل نقيم محفل بي نذكره مولده
والورود بجنة الله كلهه هسه امورّده
كل محب لمّن تنظره واجب انت اتعايده
نور مولود ومحال ... العكَل لو يتصوّره
احلى اناشيد الغرام ... كون بسمه تنقره
ــــــــــــــ
نهنّي سلطان البرايه بالجواد الّي انولد
التقي النقي اسمه والله احلى من الشهد
بكَلبه مطبوعه رسالة قل هو الله احد
والنبي الهذا الوجود ... بالولاده بشّره
احلى اناشيد الغرام ... كون بسمه تنقره
ــــــــــــــ
مو شهاب الدنيه ترسل هاي آيات الفرح
وباب رحمة ربنه بسمه للتبع نهجه انفتح
ولجل ميلاده ذنبه من السجل والله انمسح
تاسع اسرارالاله ...بي شمائل حيدره
احلى اناشيد الغرام ... كون بسمه تنقره
ــــــــــــــ
يحله هذا الحفل لمّن نذكر اسمه بهل حفل
شما يطشّرنه وكتنه محبّته اتلم الشمل
اسد من الاسد هوّه مو اسد منّه الشبل
اسمه سر الهل وجود ... اسمه عز ومفخره
احلى اناشيد الغرام ... كون بسمه تنقره
ــــــــــــــ
بعده عشر اسنين عمره وحيّر بعلمه البشر
كلشي بيه آيه عجيبه حكَه يحتار الدهر
بنور وجهه نشوف يشرق نور ابنه المنتظر
ضل يردد كل زمان ... المهدي كون انّاطره
احلى اناشيد الغرام ... كون بسمه تنقره
ــــــــــــــ
الشاعر محمد حسن ضيغم
/channel/kasaedalatharDaygham
مرّه الحظ سطرهم مره بختي
ومره السوط طگني مره بختي
يحادي النوگ اطلبك مر بختي
الب درب السبي جتها المنيه
.....
الشاعر محمد حسن ضيغم
/channel/alnaay2022
مولد الامام الهادي عليه السلام
علي الهادي انت يا محبوبنه
تنشد بأسمك جميع أكَلوبنه
ــــــــــــــ
يا سمي المرتضى حيدر علي
ولان حيدر ولي صرت انت الولي
يابعد كل اخوتي وولدي وهلي
شمعه حبك ضوّه كل ادروبنه
ـــــــــــــــ
الليله ميلادك يمهجة والدك
والله فرحانين احنه ابمولدك
اخره ودنيه ترانه انعاهدك
زينه وورود انملت كل بوبنه
ــــــــــــــــ
كل ملك فرحان بالمولد صُبح
ومو غيور الي بمحبتك مافرح
خاسر العافاك والحبّك ربح
لرض سامره انبعث مكتوبنه
ـــــــــــــــــ
الجواد بهل ولاده شمسعده
نور من نوره انبثق وبمولده
الملائك على اعتابه ساجده
واحنه منهم هل اخذنه اسلوبنه
ــــــــــــــــ
زينه خلينه اوبخور وياشمع
وصوت بسم الهادي بالحب يرتفع
هاي هلهوله فرح ضل تنسمع
ومن عطر شوكَك تعطّر ثوبنه
ـــــــــــــــــــ
يا املنه الابد ما ينسانه ابد
وهذا عدنه من الزغر هل معتقد
بيوم لا مال اليفيد ولا ولد
تشفع اتصير وتسر أكلوبنه
ـــــــــــــــــــ
الشاعر محمد حسن ضيغم
/channel/kasaedalatharDaygham
عبيد ويوم ماگلنه رب حسين
عطوف علينه بعيونه ربه حسين
اهو بحضان أل الله ربه حسين
وربينه بصايته وصاية اخيه
.....
الشاعر محمد حسن ضيغم
/channel/alnaay2022