/channel/+G3HwGMkzjhY5M2Zi
تفضلو قناة قصائد جديدة راح نحذف القديمه
كل قصائد جديد بلقناه 👆
أنه الماعندي اخت يحسين صعدت تل
ولا ركضت لاخوها وشافت المقتل
.....
يحسين انت اختك تركض وتعثر
وكدام الزلم زينب تره تنجر
شيب كلشي بيها وبعد ما تكدر
ابجي لهل مصايب ردي لليسأل
....
شافت زينب الما شافه اي انسان
عله ذاك الرمل تنظر الك عريان
وفوكك شافت خيول وضحك عدوان
كل هذا ولجلنه الحره تتحمل
...
الزلمه شنهي حاله التنظرب اخته
وانت كبال عينك سلبو بته
وراسك عالرمح ينظرها بالسكته
يصير بته هيج منهو اليقبل
....
صريع انت بقيت وبيك ذاك الصار
وزينب تنتخيك تكوم تطفي النار
وانت ظلوعك بكثر السحك طشار
وجم طفل انجوه من عدكم مدلل
..
المصيبه الشام زينب طبت الديوان
وينظر الها ظل يحسين ياهو الجان
كون لحالتك نلطم لطم نسوان
ولطمنه عليك لا والله ولا تنمل
...
منتظر صالح الكعبي
قصيدة في شهادة الإمام العسكري عليه السلام .
ـــــــــــــــــــــــــــــــــــــــــــــــــــــــــــــــ
طاح أبوالمهدي وإجتنا ٱعلومَه
چَبدِتَه بسِمّ الحِقِد مَثلومَة
ـــــــــــــــــــــــــــــــــــــــــــــــــــــــــــــــ
صَاح جبريل ونِزَل مِنّ السّمه
طاح واحد مِن بِنينِچ فاطمة
بالسمومِ الناصِبيّة الظالِمة
گومِي نوحِي لعَيلِتَه المهضومة
ـــــــــــــــــــــــــــــــــــــــــــــــــــــــــــــــ
گومِي يا زهراء يا بنت النّبي
صُبّي دَمعچ عالقَتيل الطالبِي
نُوحي لِبنِ الهادي فاطِم وِندِبِي
وِنّي وَنّة ثاكِلَة ومَالومَة
ـــــــــــــــــــــــــــــــــــــــــــــــــــــــــــــــ
وِنّي وَنّاتِ الحَزينة الفاگِدَة
عاللّي جِثتَه ٱعلَلوطية ٱمدّدَة
هَاي الأكوان ٱعلَفگده ٱمرَدّدَة
شِنهو ذنبَك چَبدِتَك مَسمومة
ـــــــــــــــــــــــــــــــــــــــــــــــــــــــــــــــ
شنهو سَوّه العسكري وشنهو ٱقتَرَف
مِن بَحرِ جوده الكَرَم دومَه ٱغتَرَف
بالعِلم والتقوى والشّيمة ٱنعَرَف
الغِيرة تسطَع مِن جَمال ٱرسومَه
ـــــــــــــــــــــــــــــــــــــــــــــــــــــــــــــــ
تِسطَعِ الأنوار مِن وَجهَه الصّبوح
لَمسَة إيدَه مَرهَم لكِلّ الجروح
چانَت أنفاسَه عِطِر جَنّة ويِفوح
بشوفِتَه المَهموم يِنسَى ٱهمومه
ـــــــــــــــــــــــــــــــــــــــــــــــــــــــــــــــ
هذا شيخ الگوم مِن عُرب وعَجَم
هذا عنوان الشجاعة والشّيَم
لفَگدَه تِبچي الواقعة وهُود وقَلَم
والفَلَك ناح وبِچَى ٱويَ ٱنجومَه
ـــــــــــــــــــــــــــــــــــــــــــــــــــــــــــــــ
هذا أبو المهدي الحَسَن يا فاطمة
سَمّتَه ٱچفوف الأعادي الآثمَة
عگب عَينَه الدنيا أضحَت مُظلمة
الليلة مُهجَة كِل مُحِب مَلچومَة
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي.
الامام الحسن العسكري عليه السلام
صاحب حديث ازيـــارة الأربعين
هلّيله يتلاگه اويه جده الحُسين
مسموم و مـــذبوح
روح تواسي بروح
حگها تحزن سبع اراضين وسماوات
كوكب آل المصطفى الحادي عشر مات
العسكري الـ عنه الكتب نقلت روايات
بيها للمؤمن ذكر خمسة علامات
الخلص حياته ايصب دمع للسليب
ساعة وفاته ايحضره جده الغريب
مشهد كله اجروح
روح تواسي بروح
العسكري العلـ لهادي شگ الثوب نصين
يمكن يشگ الگلب لو شاهد احسين
سابح ابدمه اليصب من الوريدين
وللحوافر بالصدر ظلت نياشين
مخضوبه بالدم والترب شيبته
مسلوب الثياب وبلا اعمامته
مدمعهم مـــسفوح
روح تواسي بروح
ايگله يا جد ، جبهتك تنزف علامه ؟
ابموضع السجده الحجر تارك علامه
آني يا جد والخلگ حد القيامه
ابراسك الفوگ الرمح عشنا ابكرامه
خنصر يمينك وگعته ابكربلاء
رسمت درب للعزه والكبرياء
يلـــــ دربك مملوح
روح تواسي بروح
العسكري يسأل ابو اليمه ابدمعته
سيدي ياهو الأشد بجروحك انته
جرح الأكبر لو عضيدك من فگدته
لو رضيع البلـ سهم حزو رگبته
أعظم جرح لن جاوب ابن النبي
زينب يشتموها وتروح ابسبي
روس اخوتها اتلوح
روح تواسي بروح
ابهلـ وضع لن دمعة القائم جريَّه
وناده ثاراتك يَـ جد واجب عليه
باچر اضهر راية الكافل بديه
وذولفقاري الياخذ الحيف امن اميه
عمتي السبوها وركبوها الهزل
باچر بديهم مو بديها الحبل
ما خليها اتنوح
روح تواسي بروح
ــــــــــــــــــــــــــــــــــــــــ
سيد علي عبدالزهره الناجي
اليقره ومايسمــــــــــعه حسين من يقره
بعد ليكــــــــــول خــــــــــادم انه للزهرة
الداير وجها عنه حسين مــــــــــو خوش
خـــــــي راجعها نفـــــــسه وينضر ابأمره
بعـــــــض أناس ابـــــــــد مو يم الحسين
ولو يــــــــــمها الحـــــسين اتكتله وتوذره
هاي الناس مــــــــــن ياطــــــــــين ياناس
تــــــــــذبح بالــــــــحسين الخاطر الشهره
بعــــــض المـــــــارد اذكــــــــرهم بالسماء
بحجيهم ذبــــــــو عله الخـــيم جم جمره
ذبو نــــــــــار فـــــــوك نــــــــــار الحسين
البعــــــــــض بيهم كـــلامه سهم وبصدره
زينب فــــــــــرعــــــــــت وعثر من انوك
وطاح احجابها وهـــــــاذ الحجي اشكثره
لجلك الــــــــــدمعه ذلــــــــو زينب اهواي
ويدعــــــــــون الحسين انريد بس نضره
يانــــــــــضــــــــــره ولك بالسانك السيف
الكل ساعـــــــه وتــــحز حسين من نحره
حسين يــــــــريد واحـــــــــد كلبه محروك
ميدور شــــــــــكل لا صــــــــــوت لا نبره
كافي انجامــــــــــل عله احساب الحسين
حتــــــه افلان يصـــــــــبح صيته اشكبره
كلـــــــمن يــــــــــستــــــغل حسين بالمال
ادعي مــــــــــن الله كون الكافل يسطره
00000000
حسين عبد الزهرة الدراجي
مقدمه الحجه ع
يامهدي ياسيدي
0000000
يالتـــــــندل ابروحي وتعرف اشبيه
رايـــــد تطـــــــهر كلــــــبي بيدك ليه
ارزقني مـــــــن حزنك يمهدي اشويه
وخليني اموت من البجي عله ارقيه
ياسيدي /ارزقني البجي/ وفقني اشوفك
تسوه العمر / يبن الحسن/ لمست جفوفك
يامهدي ياسيدي
0000000
مو كبر شيب افراك هـــــــذا ابراسك
يالشايف ابعـــــــينك ذبح كل ناسك
صاير ابكبر حسين جـــرح احساسك
ودخان خيمه تشـــــــتم وي انفاسك
دمعك جمر / تبجي العمر/ للسحكته الخيل
جفنك ذبل /همك جبل /ومهدم الحيل
يامهدي ياسيدي
0000000
شخـــــــصك قليل الــــوادم اليدعوله
أعقول البـــــــشر ياسيدي معـــــلوله
بفلان وفلان الخــــــلك مشـــــــغوله
ولرحمه مـــــــن اكلـــــــوبهم مشيوله
هاي البشر / يالمنتضر / غرگت بالذنوب
هاي ألخلك / ماتدعي الك/ ياغلى محبوب
يامهدي ياسيدي
0000000
يالمثل ليلك صـــــــار ظلم صبحك
سامحني خافـــــن بل ذنب أجرحك
مالحضه أذكـــــــر مره أنه أمفرحك
أشكبر بخته سيدي لـــــــي يلمحك
أبيض كـــــــلب/ اليمشي بدرب / ويتلاكه وياك
أبخيت وعلي / الشافك صدك /وبالوجنه باساك
0000000
ليليه شـــــــوكي يهزني لـــــــك ليليه
وســـــــهر وضـــــــل مناطرك يوميه
خلـــــصـــــت عمري انتضر منك جيه
كل يـــــــوم اكـــــــولن باجر يمر بيه
ليلليه احن/ وشتاك الك / وتمنه الاكيك
يبن الحسن/ أنه الصدك / ميت عشك بيك
يامهدي ياسيدي
0000000
سولفلي ويـــــــن اتــــروح لمن أتحير
هــــم مثل حيدر تشـــــكي همك للبير
جرحك سبي وهل جرح مولاي أجبير
المسبيه عمته اشتضن بي جرحه ازغير
زينب وسف / رگبت هزل / وطبت دواوين
بعينك شفت /ذاك الشمر / من طك الحسين
يامهدي ياسيدي
0000000
مـــــــو نزوه حزنـــــك لا عمر يالمهدي
واليليه ونـــــــك بيك للـــــطف يحدي
اوصل الكـــــــلبك يابـــــــو صالح ودي
غير الله وانـــــــت بهل حياة اشنعدي
ماعندي ابد/ غيرك سند/ ياوجه الحسين
وجهك إذا/ عني درت/ انطي الوجه ين
يامهدي ياسيدي
0000000
حسين عبد الزهرة الدراجي
ما ابري نفسي الذمه
لو قصرت بالخدمه
حسين حسين حسين
000000000
انه اول مابــــــــديت ابخدمتي لحسيني
گلت اللــــــــــهم اختم بالحسين اسنيني
ربي غير احسين ماريد احد يطب عيني
(اه يحسين ومصابه ) هيه صارت ديني
ديني المجالس هايه
وعمري لطم وقرايه
حسين حسين حسين
000000000
الخدمه شي كلش عضيم وفاز من اداهه
وانه هاي الخدمه باقي لحد مماتي اوياهه
الخدمه مثل امي انه عندي وشكثر اهواهه
خدمتي يقبلها كــــــــون احسين يامحلاهه
يقبل خدمتي اتمنه
سيد شباب الجنه
حسين حسين حسين
00000000
من الزغر شـــديت روحي علگ فوك المنبر
وبيّه عشك الخـــــــدمه يكبر گام كلما اكبر
الچـلـَّب ابهاي الخــــــــدامه لا يفكر يخسر
مثل سيد جاسم اسمه ايصير ، لا بل واكثر
اليخلص ابهل الخدمه
احسين اليوقع اسمه
حسين حسين حسين
000000000
بيش اجازي وشرد اشوي الضحه ليَّه ابروحه
بلكت الله انرزق كــــــون ابجرح من اجروحه
ياغصن وبشــــــــجرت الله ماكو چف ايلوحه
حسين ياچلـــمت الباري المن صدگ مملوحه
زمزم طفح من عينه
ماصـــدك معطشينه
حسين حسين حسين
000000000
الخدمه اذا قصـــــرت بيها ذمِّتي مشكولة
وايدي اذا ماتدگ صدري من عسن مشلوله
روحي بحسين وخدمته من الزغر مشغوله
وادعي كـــون ابجاه زينب خدمتي مقبوله
روحي انا منذوره
لـحسين والعاشوره
حسين حسين حسين
00000000
حسين عبد الزهرة الدراجي
نزله للرسول احمد العكيلي
وا محمداه وا محمداه
ــــــــــــــــــــــــــــــــــــــــــ
يبن عمي دينك .. امانه بركبتي
اكمّل طريقك .. رغبتك رغبتي
بدت ادري بيهه .. برحيلك غربتي
لان بالشدايد .. قليله صحبتي
وامحمداه وامحمداه
ــــــــــــــــــــــــــــــــــــــــ
علي وتدري بيه .. فقاري بيميني
اضحّي بحياتي .. ويظل باقي ديني
رحت عني وادري .. شيصبره حنيني
مآسي بمآسي .. زماني يجيني
وا محمداه وا محمداه
ــــــــــــــــــــــــــــــــــــــــ
بغيابك صحبتك .. اجوني بغدرهم
تبيّن خفايا .. ونوايا مكرهم
يشوهونه دينك .. حقيقة امرهم
فكر ضد نهجنه .. توضّح فكرهم
وا محمداه وا محمداه
ـــــــــــــــــــــــــــــــــــــــــــ
حفظت الوصيه .. وانا بروحي غصه
لجن للخيانه .. ولا انطي فرصه
حياة الكرامه .. الي اوياهه قصه
الوفي من المنافق .. انا اكدر اشخصه
وا محمداه وا محمداه
ــــــــــــــــــــــــــــــــــــــــ
صديق الغدرني .. اعوفه بطريقه
الوكفله بمحنته .. يبيعه بدقيقه
يخون الامانه .. اليخون ابصديقه
ابد ما اجامل .. واجافي الحقيقه
وا محمداه وا محمداه
ـــــــــــــــــــــــــــــــــــــ
ابد ما تهمني .. النفوس الضعيفه
الاويهه بيدي .. ايادي السقيفه
اقود الرعيه .. بوجود الخليفه
بربيع العداله .. اضيّع خريفه
وا محمداه وامحمداه
ــــــــــــــــــــــــــــــــــــــ
نهج عندي ثابت .. ولا عوفه لحظه
على الحق كلامي .. عكس هذا ارفضه
الجفن عالمذله .. ابد ما اغمضه
البشر ما يهمني .. المهم ربي يرضه
وا محمداه وا محمداه
ــــــــــــــــــــــــــــــــــــــــ
النبي يجمع عياله صغار واكبار
عـلـيـكـم راح اوزع كـل الادوار
هاي آخر مسيّه .. خل نون سويّه
عـلـيـكـم راح اوزع كـل الادوار
**
الروايه بموتي راحت تبدي للعتره
جروحي مستهلهن عصرة الزهره
ترف خدچ عله الدمعات والسطره
ضلعچ غصن بان وماحمل عصره
....................
يهد حيلي الونين ودفعة الباب
واشوفج يالحبيبه فوگ التراب
على مصاب الزچيه .. خل نون سويّه
عـلـيـكـم راح اوزع كـل الادوار
**
عيني تشوف لوعه وين مادور
اشوفك ياعلي بالهامه مطبور
اشوف دموعكم هلت يالبدور
بعدني ماحچيت مصاب عاشور
..................
وفروا دموعكم ضموّا البواچي
بعدني ماحچيت على التراچي
لليجري لرقيه .. خل نون سويّه
عـلـيـكـم راح اوزع كـل الادوار
**
الروايه فصولها لوعات وهموم
انوح لكل فصل وگليبي ملچوم
الحسن بيها اشوفه يطيح مسموم
يلوج على الارض مايگدر يگوم
.................
من كسرة ضلع ولطبر هامه
وانتم بيـنـهـن صرتوا يتامه
الحزن مكتوب اليه .. خل نون سويّه
عـلـيـكـم راح اوزع كـل الادوار
**
يون صار الرسول ودارها العين
مايحچي فقط يشبگ بالحسين
يگله منـيـن اشمّك حـايـر منين
عله صوت النحيب وصوت الونين
..................
يـحـضـن بالـحـسـن ويشمله ثغره
يرد صوب الحسين يبوس نحره
تعالوا ابين اديه .. خل نون سويّه
عـلـيـكـم راح اوزع كـل الادوار
**
الزهره تگله وبنيتي الحبيبه
دنگ والدمع يحچي المصيبه
وحيده بكربلا تبقى عجيبه
زينب عالـهـزل ترجع غريبه
...................
چلمه ابالي صعبه شلون تنگال
شنهو البالضعن مگيود بحبال
گالتله سبيه .. خل نون سويّه
عـلـيـكـم راح اوزع كـل الادوار
**
گالت كون نرحل بالفجيعه
منهو اليبچي لحسين ورضيعه
ربّچ يخلق ويهديله شيعه
وانتي على السراط الهم شفيعه
.....................
باچر عالنحر يالزهره يبچون
يقيمون العزه ومشايه يمشون
شفاعتهم عليه .. خل نون سويّه
عـلـيـكـم راح اوزع كـل الادوار
**
#سيد #علي #المدني
ليلة وداع الليلة
وام الحسن تشكيلة
جرحك يبوية الهدني
وهذا الجرح شيبني
ليلة وداع الليلة
—————————-
گعدة على فراش الابو وارختله العيون
اتگله لو باجر رحت گلي انه شلون
خافن على داري غفل صحبك يهجمون
ولا تبكه دار ولا ستر وكلشي يكشفون
حاجاهه بس نبرة الم — كاتب على اللوح القلم — باجر نذل ينتظرج —وعالعين بوية يسطرج — وما تبقه
متون
جني اسمعه ابذنّي
بداري النذل ويسبني
ادري يبوية يضدني
وهذا الجرح شيبني
ليلة وداع الليلة
—————————-
آحا يسم السممك ياريته بحشاي
يا بوية شو اصفر وجه احچي يرجواي
شو بطلت حتى الاكل ولا تشرب الماي
علمني ياهي من النسه ام الفعل هاي
الله رايدلي السكوت — الدين لو احجي يموت — سري تكشفه الايام — وتنعرف كل الظلام — والطفوا اضواي
صبري يبوية يگلها
باجر يجي اليعدلها
ما كول كل العندي
وهذا الجرح شيببني
ليلة وداع الليلة
—————————-
طه على فراش المرض ينظر اليهم
داروا عليه من كل كتر يسمع بجيهم
ويشاهد حسين وحسن ترجف اديهم
وحيدر ولا جَرَة نِفَس خايف عليهم
باجر تجي سنين الجمر — حبتر يجي بعده الشمر — والدنيا من بعدي
تدور — وبيكم يحل المحذور
— ويكثر حجيهم
من هسه بين غدره
ولازم تموت العتره
اخفوا خططهم عني
وهذا الجرح شيبني
ليلة وداع الليلة
—————————-
لا تحجي عن بابي وبعد اليصير بية
سولفلي عن طف الحزن والغاضرية
سولفلي جم طعنت رمح بصدر الشفية
ومن بعد موته ينسحگ باالاعوجية
قد مزقتني الفاجعة — دعي حديث الواقعة — وانه رهين بكبري — هل
الفاجعة تفت صبري — اعظم رزية
باجر تفز. جروحي
وابصدري اخنگ نوحي
ريت الشمر ذابحني
وهذا الجرح شيبني
ليلة وداع الليلة
—————————-
كمل حديثك عالسبي تگلة الحزينة
معقولة زينب تنولي وتمشي بظعينة
وراس الاخو فوگ الرمح ومسدودة عينة
ومعقولة درة فاطمة تصبح رهينة
العل الدلال معلمة — باجر تنوحلها السمة — عازتها عازه الخوان —
بناگتها تحدي العدوان — وتنادي
بينه
يبقه الجرح جرح الشام
نسل السقيفة الظلام
جرح السبي يضهدني
وهذا الجرح شيبني
ليلة وداع الليلة
ابو علي
عبد الحسن القريشي
ميمر
من السم يموت المختار والسمته اصحابه
ذوله الي جانو وي محمد اصحاب
بليله وضحاها طلع منهم طلاب
سمو الرسول يكول وامحو لاطياب
وتغيرو عل مختار وصارو اله طلابه
سمو رسؤل الله اعلى مود اخلافه
عل كرسي همهم جان ما يتلافه
وجتاله شايل نعشه فوك اجتفافه
مبستبشرين وفرحين بموت النبي ومصابه
ذوله الصحابه الحقد يمشي بدمهم
وذره شرف للصحبه ابد ماعدهم
بليله وضحاها غدرو. بصاحبهم
وهجمو على داره بنار وشبت النار بابه
ندري اليموت. الها. ابو يعزوها
موبل مشاعل بابها يحركوها
ولو حجت بنت المصطفى يصطروها
وطفل بطنها يطيحوه ودمه يصير خضابه
باجر على دار الوصي من يهجمون
تلثميه واكثر بل عدد. ينجمعون
والبضعه خلف الباب من. يدفعون
وتنكسر منها لاضلاع همها الستر وحجابه
الشاعر ضرغام منعم الكربلائي
الناشر ناعي الزهراء ابو علي
اويلاه يا فاطمه
اويلاه يا فاطمه
*****
الليله يرحل الرسول
شلون حالج يلبتول
عمرج ما بعده يطول
نارج تسعر بالدمه
اويلاه يا فاطمه
*****
فاطمه بالهم والحزن
عالنبي تنوح وتون
كليبها يسحن سحن
لجلها الدنيه مظلمه
اويلاه يا فاطمه
*****
بويه لا تخليني
يتيمه تالي سنيني
هجرك نار يجويني
على راسي لاطمه
اويلاه يا فاطمه
*****
الدار ضلمه دونك
بعد نور عيونك
وسفه بعدما شوفك
الاكوان كلها معتمه
اويلاه يا فاطمه
*****
دموع عيني جريه
برحيل خير البريه
ليليه انصبلك عزيه
تنعاك املاك السمه
اويلاه يا فاطمه
*****
عكبك ولوني الكفر
اهل السقيفه والغدر
بالباب ضلعي ينكسر
حركو بيت الغانمه
اويلاه يا فاطمه
*****
الناشر ناعي الزهراء ابو علي
غير مبري الذمه من يحذف اسم الشاعر والناشر
سيد علي العنكوشي الواسطي
الناشر ناعي الزهراء ابو علي
على محمد وا ويلاه ، ، على محمد وا ويلاه
هالليله حيدر دمعته اتسيل
عنه محمد قرر ايشيل
بالموت كون إيصير تبديل
عاف الحياة ومات وياه
على محمد وا ويلاه ، ، على محمد وا ويلاه
أذن الموتك صوت الآذان
قُرآن راح وباقي قُرآن
والزهره نصبت بيت الأحزان
والمثلك إنته اشلون تنساه
على محمد وا ويلاه ، ، على محمد وا ويلاه
غابت شمس رب السماوات
سمعت محمد ع الأرض مات
هيهات مثله ايصير هيهات
رب العرش من نور سواه
على محمد وا ويلاه ، ، على محمد وا ويلاه
والزهره صاحت ياضوه العين
بويه المنيه جتك أمنين
بعدك يغالي الحسن وحسين
أسود عليهم يوم فرگاه
على محمد وا ويلاه ، ، على محمد وا ويلاه
هالليله گلب حسين مجروح
من جسمه تطلع رادت الروح
من بعد جده ايموت مذبوح
وأملاك رب الكون تنعاه
على محمد وا ويلاه ، ، على محمد وا ويلاه
والله الزمن بالناصبي ايدور
مشايه لازم نعتني انزور
يمك نقيم احزان عاشور
وانصيحلك دربك مشيناه
على محمد وا ويلاه ، ، على محمد وا ويلاه
اوصلك و راية علي اوياي
شيعي وأغيض اعداك وعداي
وياي يمشي المهدي مشاي
كلما ندير الوجه نلگاه
على محمد وا ويلاه ، ، على محمد وا ويلاه
هذا الزمن بالمهدي موعود
قائدنا واحنه شيعته اجنود
ويانه يمشي وندري موجود
كل شيعي يدعي ابفرج مولاه
على محمد وا ويلاه ، ، على محمد وا ويلاه
علمنه حيدر هذا الاحساس
شيعه ابنصرنه تفخر الناس
مرجعنه يبقه رفعة الراس
فتوةْ مُحمد هاي فتواه
على محمد وا ويلاه ، ، على محمد وا ويلاه
____
الناشر ناعي الزهراء ابو علي
غير مبري الذمه من يحذف اسم الشاعر والناشر
كلمات الشاعر ~ ناظم الحاشي
وداع يتـيمة النبـوه..
وداعــة الله بالسـلامـه .. ونـلـتـقي يـوم القـيامـه
بويـه واشكـيلك غـربـتي
بعـيني مانشفـت دمعـتي .. وداعــة الله
----------------------------------
بويه بس ماغمضت عيونك اجوني
ابــاب داري يـامـحــمـد شـتـمـوني
الـثـانـي والاول يـبـويـه مـا رعوني
قــرروا بـالـنــار بـويــه يحـرگــوني
عليه دفـعـوا بويـه بـابي .. ولـذت حتى اسـتر حجـابي
وكسروا اضلوعي بعصرتي
بعـيـني مانشـفـت دمعـتي .. وداعــة الله
----------------------------------
تــراب گـبـرك مـايـبـس يابـويـه بعـده
وصب عليه الثاني كُرها وضيم حقده
تجــاوز الحــد بـويــه وعـلـيـه تـعــده
يطـگـنـي وانـي حـرمـه مـا اگـدر ارده
بعـيني يابـويه سطـرني ..حـتى طـيح قـرط اذنـي
وعيني حمره من سطرتي
بعـيني مانشـفـت دمعـتي .. وداعــة الله
----------------------------------
بـويـه مـو انـي التـسـمـيني الزَكـيه
ليـش چـــا يتـجـاسر الظـالم عـلـيه
ليش قـنـفـذ سوطه يلتف اعله اديه
طايحـه علـه الگـاع يرفـس هـو بيه
طايحه عله الگـاع الوجـن .. والدمـوع بعـيني يجـرن
صعـبه يابـويه مـحـنـتي
بعـيني مانشفـت دمعتي .. وداعــة الله
----------------------------------
طـاح محـسن بـويـه منـي مـن عـصـرتـه
وطحت فوگ اوليدي بجروحي وحظنته
يـذبـحـه بـويـه ايـريـد بــس اني منـعـته
ورمـحــه ابخـاصرتي اجـت بـويه ضربته
بالرمـح لمـن ضـربـني .. راد يـذبـح محـسن ابني
وعالـولـد صارت وگـعـتي
بعـيني مانشـفـت دمعـتي .. وداعــة الله
----------------------------------
بـويـه من جـابوا حطبـهم شبوا النار
والحـسن وحـسين چانوا يمي بالدار
ويـن اروحـن وين افــر ابهـاي الزغار
بزينب ابنـيتي الزغـيره فكري محتار
تخـيـلت هـاي العـقـيلـه .. بكـربلـه ياهـم تـشـيلـه
بالخـيم محـتـاره بـنـتي
بعيني مانشفـت دمعـتي .. وداعــة الله
----------------------------------
بـويـه من چـوتـني نيـرانـه وجمرها
تخـيلت بالطــف شنـو زينب صبرها
بيـن نيـران الخـيـم يخـلص عـمـرها
شلـون عگـب حـسين يتـدبـر امـرها
حـالـها شلـون الحـزيـنـه .. بـلا عـلـم تمـشي الضعـينه
شتـعـلت بروحي جمرتي
بعـيني مانشفـت دمعـتي .. وداعــة الله
الشاعر عقيل الحسناوي..
قصيده الرسول الله صل آلله عليه وال وسلم
🖊️📙
*الزهره اعله ابوها الليله حزنانـــه*
*تنعه اعله النبي والروح خلصانــه*
{{{{{{{{{{{{{{{💔﴾}}}}}}}}}}}}}
الزهره اتـون اوتچلب الحســــره
تبجي عالابـوا اوبالگلب چمــــره
حزنانه الـزجيه والــدمع يجـــره
مالـومه بقـت ويلــي ونحلانـــه
{{{{{{{{{{{{{{{💔﴾}}}}}}}}}}}}}
نحــــلانه الزجيه وتهمل العيــن
گلبهه عالابــوا منجسم نـصيـــن
فاجـعهه بمصابه ويلـــي البيـــن
تشوف الدار ضلمه ومنه خلوانه
{{{{{{{{{{{{{{{💔﴾}}}}}}}}}}}}}
خليه الــدار من بعده وحزيـنـــــــه
يـون حيدر علي زايــــد ونينــــــــه
يبو القاسم رحت وسفه من ادينــه
فگــدك يالنبــي اليوم سلانــــــــــــه
{{{{{{{{{{{{{{{💔﴾}}}}}}}}}}}}}
يــومك يالنبي ياويلي فاجعنــــــه
فراگك صوبانه حـيل جارحنـــــــه
شلون تعـوفنه گــلي وتـفارگنــــــه
عالغيابك نـون والعين سهرانـــــــه
{{{{{{{{{{{{{{{💔﴾}}}}}}}}}}}}}
فگــدك يالــنبي ايهدم الــحيـــــل
اغيابك صعب ويـذوب الدليـــــل
ردنـه اليوم كــلنه وياك انشيـــــل
ماردنــه العمر بـعدك يـرجوانــــــه
{{{{{{{{{{{{{{{💔﴾}}}}}}}}}}}}}
تــــمت بقــــ✍️لم خادمات أهل البيت عليهم السلام
*الشاعره سهـــــــــــــ✍️ـــــــام المالكي*
*الشاعره مـــريـــــــــ✍️ــــــم الحجيمي*
لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
شلون اني اوصف عباس.... صافن بقيت بحيره
__****____
عباس بس عباس يعرف عباس
مرجع الغيره والوفه والنبراس
عالم فلك ويدرس أصناف الناس
الغيره افتكرها العباس.... عباس راعي الغيره
__****____
بالفيزيه العباس فكره طارح
اسم الحسين المايلفظه واظح
والماي يطلع من يشربه مالح
وبدمه يجري اسم حسين... حسين الشغل تفكيره
.__****____...
بعالم الذر عباس كلي شسوه
بعقله افتكر حته الوفه والنخوه
وادم يكله يابوفاظل تكوه
من خوتك درس الناس... يامن صعب تفسيره
__****____
بالطب ابو فاظل صنع مستشفه
ما يصعب عليه المرض ثق تشفه
باب الحوائح حته نوح يعرفه
كل حائجه يمك عباس... وكلشي سهل تغيره
__****____
عن الكمر ما حاجه تلكه المصدر
من كصت العباس ماي الكوثر
من يعرك الكون اني اشوفه يحتر
كلي شعظمتك عباس... جنك وطن بالديره
__****____
بعلم الكمر عباس ماخذ اول
ماكو بحلاته ولا منلكه اجمل
عباس وي الكمر هوه مفصل
نور الشمس منه صار... عباس حلو السيره
__****____
عباس زحمه لو كلت يتوصف
بصبع يمينه الكمر فراه الطف
طب للحرب عن الزلم لا ما كف
شردها مدري ليوين... هذا الصعب تصويره
__****____
الزلمه بيهم للنجف ظل شارد
ركضهم وهوه تره بس واحد
والشمر وي جيشه اشوفن لابد
عالشمر عاين عباس... والشمر الله يجيره
__****____
منتظر صالح الكعبي
الامام العسكري
يندب ابنه الحجة
@. @. @.
لدارك فزعت احبابك
صارت كربلة ابابك
كلها تصيح
يبني من فده ترابك
ليل وطول اغيابك
كلها تصيح
—————————-
تدري حال الشيعي يبني
يكسر الخاطر
ومثل شجرة بكاع هيمة
و كاعد يناطر
حاله جنه تكول زينب
ابليلة العاشر
الليل كله اتاني باجر
لسحگة الحافر
هذا حال الغاب إمامة
يعيش كل لحظة القيامة
مثل حاطب ليل دامس
وين ما يدري السلامة
تدري ال ما إله ساتر
خايف لو اجه باجر
خاف يطيح
باقي مجتف بصبره
امتاني اللي يفگ اسره
خاف يطيح
—————————-
تدري بالشيعي وغرامة
وشنهي يتمنه
الجنة مو اغلى امنياته
يشوفك الجنة
الشيعي ما يترك إمامه
شما بعد عنه
شما تگله يكول حاضر
شما ردت منه
غافي بين عيونه رسمك
أمنية شائق يضمك
مختصر حلمه بحياته
عنده سلطان اليخدمك
يدري بعينك تشوفه
لمن يرفع اجفوفه
دمعه يسيح
شايل خشبته بظهره
وناذرك هله ونحره
دمعة يسيح
—————————-
الشيعي مو خلص حياتة
مقتل ابمقتل
حاوطوا اربع جهاته
وباقي يتختل
وتدري ليل نهار يلهج
وبيك يتغزل
وين ساكن او ين كاعد
صعبة ما يندل
الشيعي صبره من صبرنا
غايته يحيي امرنا
وعينه بس النه تباوع
وبالشدد هو ذخرنا
ظنهم من يخوفوهم
عن حبنه يحرفوهم
عنّه يشيح
رادوا يِلِّغِي المقتل
وقصة كربلة تذبل
عنّه يشيح
—————————-
الشيعي ميخالف امرنا
ويمشي بظنونه
وللوعد عنده علامة
وعنده مضمونه
إلا صعبة يابو صالح
ال وحده تدرونه
گلبه متحامي اعله شوفك
وشوگه بعيونه
ينتظر لحظة بوصالك
كلبه ظامي ولجمالك
واللي عايش هذا حاله
والله يستاهل دلالك
ايوديلك دمع عينه
همه وشوگة و سنينه
ويه الريح
ريشه ويوصل خيامك
ويوكع يلثم اجدامك
ويه الريح
—————————-
مُلّكك الدنية واهلها
وبالعره دارك
مغرگ العالم بخيرك
وينكر اثارك
صعبة عالوادم تفهمك
وتفهم اسرارك
يمته نسمع صوت مهرك
وتطلب بثارك
الشيعة جتني وبحضرتك
رادوا اقرالك ندبتك
جرحي واسراري الخفية
يبني شو طالت غربتك
كالوا عنك اسطورة
مخفي وماإلك صورة
وبس تجريح
حلفوني بخدر عمتك
تخرج من سجن صمتك
وبس تجريح
ابو علي
عبد الحسن القريشي
مواساة الامام الحجة عج باستشهاد الامام الحسن العسكري..
يعظم الله اجرك يمهدي بـهل رزيه
مـات ابـوك العـكسري بـَسم المنـيه
الليلة گـلبك منكسر
الله ينـطـيك الصبر
.. يابو صالح ..
……………………………
مـرت اعلـيك بحـزن لـيلـه عـصيبه
يساعد الله گـلـبـك بـهـاي المـصيبه
عودك ادفنـته وبـقت روحك غريبه
وما گـطع گـلبك ابـد نوحه ونحيبه
عالابو من دم بقت تجري دموعك
فرگـة الوالـد حـنت منـك ضلوعك
يصعب عليك الهجر
الله ينـطـيك الصبر
.. يابو صالح ..
……………………………
چــبـد ابـوك العـسكـري شفـتـه تـگـطع
بجـسمـه كـلـه الـسـم يمـهـدينـه تـوزع
يلـوج شفـتـه من الألـم والـونـه تسمـع
وشفت روحه الطاهره من جسمه تطلع
بـيـن اديك او والـدك سلمـهـا روحه
وللحشر گـلبك يضل يبچي وينـوحه
تعيش بالنوح العمر
الله ينـطـيك الصبر
.. يابو صالح ..
……………………………
شيعـتك يبن الحسن جينـه نواسيك
نريـد مولاي الحـزن انـخـفـفـه اعليك
ندري مو هـين فگـد يالمـهـدي والـيك
يعـينـك الله چـم جـرح خله اثـر بيك
جروح گـلـبك سيدي نـدريـهـن اهـواي
واصعب اجروح الگلب عالماشرب ماي
جرحه ينزف للحشر
الله ينـطـيك الصبر
.. يابو صالح ..
……………………………
انـتـه زيـن او والـدك بـيدك دفـنـتـه
سالـم وما بـي جـرح لمـن حـضرتـه
بـس اويـلي عالذي حـضرتـله اخـته
بلايه راس وعالترب مرميه جـثـتـه
انته بيدك راسه شـلته وفاض عمره
وبـيـن اديها شالـته بـلا راس نحـره
وهلـكـسر ما ينـجبر
الله ينـطـيك الصبر
.. يابو صالح ..
……………………………
سيدي ولمـن دنـت ساعـة منـيـتـه
غسلـت بـيـدك ابــوك وچـفـنـيـتـه
وتـعـزيـه سويت الـه وي اهل بيته
وحضرت الشيعه تواسيك ابعـزيته
وبالبچـي والنوح اله صارت عزيه
وبالحـزن تـنـعـاه كـل الـهـاشمـيـه
ويجرن ادموعك حمر
الله ينـطـيك الصـبر
.. يابو صالح ..
……………………………
لكن احسينك بقـه عالغـبره عاري
ضل ثـلث تيـام مرمي بالصحاري
ماحضرله واحـد وجـسمـه يواري
عـيالـه مسبيات يمـشـن بالبـراري
محد ايدفـنه وبقـه عالغبره مطروح
والفـواطم عالهـزل يـنـعـنـه بالنوح
ينوحن عليه باليسر
الله ينـطـيك الصبر
.. يابو صالح ..
الشاعر عقيل الحسناوي..
.
المهدي ماغايب اكيد اعمالنه اتخلي بعيد
كثرت اذنوب العبيد يابو صالح
---------------------------------
انه اسف : الدنيه غرتني وبعد وجهك عليه
مايخالف : انه مذنب هاك اكطعهن اديه
ييو صالح تره فركاك شيبني
اريد المعذره وانه ادري متردني
مثل الحر اجي شتحسبني احسبني
اعتذر منك وتوب انته غفار الذنوب
ادعي ابوقت الغروب يابو صالح
-----------------------------------
هواي اجرحك : حسين انته والذنوب البيه حافر
اشكد اذبحك : انته خميه وانه ذنبي ضهر عاشر
ترس جسمي الذنب من الجدم الراس
مثل ذنب النهر وي شفت العباس
يالتسامح محب لو باخر الأنفاس
انته مفتاج الجنان يمك اشعر بالأمان
نضرتك نضرت حنان يابو صالح
--------------------------------------
والله زحمه : يابو صالح منك وخجلانه عيني
والله نعمه : اعفيت عن اخطأي وذيجه سنيني
ارد وغلط ورد يالحاير انته وياي
بعد كافي بعد أذيتك انه اهواي
صدك كافي الكلب نادم يحبك جاي
دنيتي غرتني حيل بالنهار اعيوني اليل
بعد ماكو مستحيل يابو صالح
------------------------------------
شطوله صبرك : رغم كل اذنوبي بس تعطف عليه
شكبره عمرك : عايش انته ودمعتك والهم سويه
شني الهسه بعد مالاكي اليك اصحاب
اذى اتصلي تره يطبروك بالمحراب
وحق جرحك جرح جدك بعد ماطاب
الهسه مالاكي نصير يا ابو كلب الجبير
وين ماوجهك تدير يابو صالح
-------------------------------------
ياحبيبي : بعد ماعيدنهن افعالي التجرحك
ياطبيبي : الدنيه ليل وصعبه لوفارنه صبحك
احلفك بالمشت بالغرمه مسبيه
تفوت هاي الي غيرك منو اليه
وحق روحك عليك الروح مجويه
حيره شحجي بالختام شطول صبرك يلأمام
علنت الروح الغرام يابو صالح
ابوفايز الرافضي
ركز عدل بالك تزل
بالخدمه كن گول وفعل
بالك تزل وي حسين يا خادم احذر احذر
00000000
ياخادم اسمع وفتهم هل چلمه
الخدمه نعمه ولا تبدي النعمه
اليثبت ابدرب الحسين احسن زلمه
اليخدم صدك جاسه العشگ
وگلبه عله زينب محترگ
اليمشي عدل وي حسين طول العمر مايخسر
00000000
أتواضع وخلك ويل وادم زين
وكونك سبع لحسين دم بچي العين
هنياله كلمن يكبر ابعين حسين
عيش الـ ألم وي الخدم
وابچي صدك لــحرگ الخيم
وعوف التكبر يفلان وبعين الحسين اكبر
00000000
اسمعلي هل چلمه الـ أريد احچيها
گدّر لگمتك گبل لتغص بيها
روحك وقف لـ اُم الحسن خليها
ابچي ابحزن وبحرگه ون
وچلب ابثوب اُم الحسن
يوم الحشر ماتنساك اطمئن يوم المحشر
00000000
احذر ولا يغريك ابد شيطانك
ياخادم احذر احذر من السانك
الـ لطامه كلهم ذوله مثل اخوانك
كلهم وفه وبيهم صفه
وكلهم محنه وعاطفه
عد فاطمه اشكد غالين ويحبهم اشكد حيدر
00000000
أترك حياتك واتجه للخدمه
وللزهره صدرك بالمجالس وسمه
باجر تميزك فاطمه امن الطمه
صيح ابضمه يافاطمه
وسچب دموعك من دمه
اشما تجري دمعك ربحان واجرك يزيد ويكثر
00000000
حسين عبد الزهرة الدراجي
ابيات نعي
اخ الوجع مــــــــــاكل دليلي
ومن ليلي ابـــــجي لحد ليلي
السامره اجيت بضلع مكسور
للعسكري ومهــــــدوم حيلي
ابجي ابعزائه وأجــري الدموع
ومر عله بالي النحره مكطوع
حسين فــــوكه دبجت الخيل
وبصدره حافر ضال مطبوع
انــــــــه الزجيه ام كلب الهفان
انه الولدها انـــــــذبح عطشان
مسلبه اهدومه ونحره محزوز
بحر الشمس ضـــل ابني عريان
ارد ابجي وعمــــــيها النواضر
للصـــــــــدره مسحوك ابحوافر
هيه الهضـــــــــيمه ابيوم عاشر
من ركضـــــــــن ابهيمه الحراير
00000000
حسين عبد الزهرة الدراجي
خلاف عينك بويه عذبني الزمن
بضعتك آنه البتول ام الحسن
**
يا ملاذ الدين يا عدل الكتاب
الكون ون لفگدك وذر التراب
وانكسر جبريل من عظم المصاب
حته عزرائيل خاشع گلبه ذاب
لونه غير و انتحب
وايده رعشت من گرب
وبالبحار الحوت لمصابك حزن
بضعتك آنه البتول ام الحسن
**
انته يا كوكب سمانا الما طفه
بعدك چفوف الشريعه مچتفه
ما رعوني الگوم جفنك بس غفه
منهم الطگات جتني مرادفه
بالسقيفه اتجحفلوا
ودين ربك بدلوا
وانته بعدك لا غسول ولا چفن
بضعتك أنه البتول ام الحسن
**
جيتك اشكيلك يبويه وحالي حال
هموم اجيتك شايله بثگل الجبال
راح عزي خلاف عينك والدلال
صار بيه الما يحمله وشاله بال
روعوني بلا ذنب
أمه نكصت عالعقب
ما رعو للقربى حق ولا ثمن
بضعتك آنه البتول أم الحسن
**
بابك الجبريل بيه صله و وگف
يتاني ترخصله ولا يرفع طرف
بضعتك خلفه العفيفه ام الشرف
حرگه الظالم ولا بيه اعترف
الباب من دفعوه حرت
وبيه لذت واتسترت
ضلوعي من عصروني بيه اتكسرن
بضعتك آنه البتول ام الحسن
**
وغرز البسمار حيل وگمت الوع
لن ثگيل الباب بويه عله الضلوع
بويه محسن طاح من ثگل الجذوع
وشبوا النار بثنيتي وطبني روع
الظالم بچفه اللعين
رد صطرني عله الجبين
چفوف حيدر بالوصيه اتچتفن
بضعتك آنه البتول ام الحسن
**
إنته محور كونه وقطب الفلك
دمعي علسووه خلافك يشكي الك
من نوالك جردوهم كل هلك
عيني عينك مني غصبوها فدك
مالچ ويه المصطفى
وبيدهم حگنه صفه
وچذبوهم ولدك حسين وحسن
بضعتك آنه البتول أم الحسن
**
وشوف حيدر بين صفين وجمل
والحسن مسموم مظلوم انچتل
گراب جسم حسين صار لكل نصل
وزينب انساگت سبيه عله الهزل
سياطهم تلهف لهف
وشلعت لحم الچتف
وكل بناتك بالحبال اتچتفن
بضعتك آنه البتول أم الحسن
**
محمد المشايخي
صفر 1445ه /2023م
العنوان: .
يا ضواها الدنيه ضلمه بلا ضوه
يا نفسها الزهره مختنكه بهوه
:::::-----:::::
يارسول الله الصحابه ماحصل منهم نفع
خانو الصحبه الجليله اتفقو بكسر الضلع
الما رعو بيت الرساله كون نافيهم شلع
كون من عينك تذبهم مثل ماتبجي الدمع
صدك لو كالو عصابه قاتله
ومن تفكرها جبيره المسأله
بغضه كلبك يارسول الله نجوه
:::::-----:::::
يا رسول الله بغيابك فاطمه ضلت توون
على فكدك يبو القاسم ماطبك الها جفن
ذبل من بعدك عمرها ماتت بليل الحزن
جان خيمه يضلل الها العافها بهم الزمن
انته بيدك رسم خطيت السلام
ما نسيتك الله شاهد مو كلام
ياطبيب الجرح يا احسن دوه
:::::-----:::::
يا علم دين الله يا راعي الرساله الطاهره
الله خصك بالرساله ودين طييب مضهره
بغيبتك خليني اخبرك حسين كطعو منحره
من بعد دوس الحوافر اعداك كصو خنصره
ليش نكروها الوصيه وخالفوك
فدك رادوها بغيابك مارعوك
دفع باب وكطعت الخنصر سوه
:::::-----::::::
بحزن املاك اعله فكدك فاطمه ماتت الم
بجت بس فضه عليها حيدره حيله انهدم
تبجي لمصابك يبوها و ذبلت بكثر الندم
ضاكت الدنيا عليها التحلم بشوفك حلم
تنوح لمصابك البضعه طاهره
الحال يا حاله علينه حيدره
بالمصايب كلب حيدرنه ارتوه
:::::-----::::::
الليل لوجاها بهمومه الزهره ماتطبك جفن
انطوه ياضهر الزجيه و عمت عين ام الحسن
ناحت اعليك وجفنها ماغمض ساعه وسكن
تبجي والزهره ضلعها انكسر يم باب الفتن
ياذخرها يبو القاسم فكدتك
انته ضلها وللشدايد رادتك
كلب بتك بس مصايب بي حوه
:::::-----:::::
حسن صالح العيساوي
التعليم كمحتوى هام: ×
ملاحظات: -
مامنه الا....... مقتولأ أو مسموم
..............
هذا الحديث تنكره بعض الصحبه
بيه كارثه ما تندفع بل گصبه
موت النبي ستشهاد من ياعصبه
براس الثلاثه وراس ذيچ نعصبه
حية تبن هاي...وعگرب من ذاك اليوم
..............
يا هو اليخضر ينكطع سباحه
مابينه واحد موته صار براحه
احنه أهل بيت الله دگ الواحه
بس المره الشنعه حفرت بصفاحه
هيه اوبها ...مابيهم خير دووم
..............
من كال اريد المحبره والورقه
بعمامته رادت تكوم تشنقه
واحد شمرله حجايه كسرت عنقه
كال النبي يخرف بقه بهل دقه
يكرهه النبي جان ..ويريده بس يكوم
..............
شلون نتحمل مثل هاي الغثه
صحبان جدنه طامعين بورثه
ياناس اعرفو وين راس العثه
الثاني والاول ثنو دين البعثه
المايبره منهم....ليصلي ولايصوم
..............
سوو نبيكم وحده متوفي
والمجرم الهسه بقه متخفي
خاف الحديث الوحده مايكفي
وجوه المن الگلهم علي لاتلفي
جا همه ذوله... اهل الفعل المشئؤم
..............
لاتاخذون السالفه بأي محمل
مامنه الا/يعني تجزم عل كل
هيچي روايه من تجي وتحلل
ناتجها يطلع كله مقتل مقتل
ياناس افهمو....هايه تاليت الگوم
.............
حسين الدريعي
=====
قصة نبينه.. توصف وينينه
.
.
عاش النبي بلوعه وهظم
واه وحزن ودموع
كلما يصد الفاطمه ينظر
كلب مفجوع
يدريها من بعده تردله
والوجه مصفوع
محني ظهرها من الرفس
منها النفس مگطوع
الدمعه الحزينه.. توصف وينينه
.
.
.
حيدر حبيبه علمه
كل علمه والاسرار
وصا وصيه شماحصل
لاترفع البتار
لوشاهدت نار الغدر
تاكل غدت بالدار
لو ينلطم خد فاطمه
ومنها الوجه يندار
.
غربة علينه .. توصف وينينه
.
.
.
يقبل الحسن من شفّته
ويكله اريد انعاك
يوليدي سم الغادره
لابد يمر بشفاك
بترابي لاماتندفن
ويمانعون اعداك
نعشك يضربونه ابسهام
ويجري نزف ادماك
.
لوعة سنينه.. توصف وينينه
.
.
.
وي زينب الحره
يعيش الفاجعه والنوح
ويكلها عمرج يالحبيبه
بس دمع مسفوح
برض المدامع موعدج
وي كل نحر مذبوح
والنايبه بدرب السبي
للغربه بيچ اتروح
.
بنوح الحنينه.. توصف وينينه
.
.
.
وحسين اذا ينظرله ينظر
نايبه واهات
نحره اليشمه يدري راح
توذره الطعنات
وصدره تطشره عالتراب
بكربله السحكات
ويتامه تركض بالبراري
بحركة الخيمات
.
عبرة بنينه.. توصف وينينة.
.
.
.
هذا النبي وهذا مصابه
وجرحه والاحساس
يدري بوفاته عتبته
تسحگها جدم ارجاس
بسم الغدر وي الذبح
بعده تغيب انفاس
يهظم يتيماته السبي
ويمشن بلا حراس
.
بهظم المدينه.. توصف وينينه.
.
.
.
حسن الموالي الفاطمي
القصيدة محرمة على رواديد الـ DJ
نعـي.
بعد دفن النبي المصطفى ص جاءت فاطمه ع تسأل علي ع عن الوصيه.
من مات ابوي شخبرك
مقهور چنت اني انظرك
خبرني عالوصيه
يادار راح اليحترگ
ويا باب راح الينطبگ
ويكسر ظلع علويه
العلويه ياهي التنصفع
ابخدها ياچف ينطبع
قنفذ يطگ ياهيه
بس لا يحيدر هالمره
اني وضلوعي مكسره
وبنارهم مچويه
شمسويه ياحيدر اله
وبيتي يحرگه بمشعله
يهجم يجي عليه
مواني بت طه النبي
ومرة الوصي الغالبي
وفاطم انا الزچيه
يعرفني زين اني منو
ابسوطه يضربني شكو
وليش اشگف اباديه
يضربني اطيح وحالتي
انزف دمه من وجنتي
وعيني بعد مدميه
عالگاع الوجن والجمر
يچويني گام ابكل كتر
وبسماري نابت بيه
وبخصري من طكني برمح
المحسن سگط بس منذبح
ويلوج يم رجليه
يافضه اصيح ودمعتي
تلچملي گامت سطرتي
وي بني طحت مرميه
الشاعر عقيل الحسناوي..
قصيده للرسول ص نفس طور مايحاجيها للرادود حيدر البياتي
***********
صاحت فاطمه وبصوت حزنان
بهيده بالنعش ريض يدفان
خليني اودعه لأعظم انسان
حبيبي وريحة امي المصطفه جان
لاتشيلونه خلوني اودعه
********
نعشك يبو القاسم جيت اودعه
اصب فوك النعش دمعه اعله دمعه
رحيلك للكبر مابيه رجعه
حاجيني الفراك شلون اجرعه
لاتجافيني أنه الزهره يبويه
********
يادفان ابويه اغله الاحباب
تدفنه شلون كلي اتهيل التراب
ياحيدر علي ياداحي الابواب
عله الهادي انفطر دلالك انعاب
وانهدم حيلك ماتكدر تشيله
********
ياحيدر لأبويه من توسده
لاتستعجل وخليني عنده
ابويه الراح من ايدي شيرده
مااصبر اعيش العمر بعده
ولاتسد بابه ياكبر الحنين
*********
منو عكبك يبويه يمر عليه
وحشه البيت اظلم هالمسيه
بعد ماشوف وجهك هاي هيه
نورك شال يالعفت الزجيه
أجرع آلامي يابويه بمصابك
******
حرمنه البين واتشتت شملنه
من ابويه الماشبعت الشوف منه
مفجوع الحسن ينشدني عنه
وظل حسين بعده بألف ونه
وزينب تريده ياجدي تصيح
*******
أم علي
ليلة دفن ابو الزهراء محمد ص
يحيدر والدي ادفنته .. دفنت وياه عسن بنته
يحيدر وحدي راح ابقه وغريبه
………………………
اشوفك جاي ياحيدر ثگيله برجلك الخطوه
عله خاصرتك تحط ايدك تجرجر بالنفَس گوه
الچنت وياه ظهر واحد اجيت وياك ما هوه
اظن اچفوفك اتگلي دفنت المصطفى توه
وروحك مشتعل ونها .. چفوفك دفنتك چنها
شمـال اعمـامـتك كلش تريـبه
يحيدر وحدي راح ابقه وغريبه
………………………
دمعتك صايره بطولك يحيدر منكسر ظهرك
اشوفك تاكل بروحك وايدك تاكل بصدرك
تگعد ساعه ساعه تگوم معلگ چفك بخصرك
شمالك ماتحاچيني صبرك ياعلي صبرك
اصبرك لو تصبرني .. اموتن راح من حزني
چبـيره اعليك ادريـها المصيبه
يحيدر وحدي راح ابقه وغريبه
………………………
شگلك يالخذت حيلي ودفنته بمگبرة حزنك
كسرة گلبي بكثر نوحك راح تموت من ونك
راح الچان خيمه النه اليحامي عني او عنك
يبو الشدات اظن باچر الشدايد راح يلونك
من الوذن ياعلي اببابي .. الثاني يحرگ احجابي
ويرد يحـرگ علي داري عجيـبه
يحيدر وحدي راح ابقه وغريبه
………………………
عگب عين النبي باچر تدوس الزمره نص دارك
ويحرگ ياعلي دارك الچان ايخاف فقارك
ويدفع بابك برجله الچان اليلوذ بكتارك
والاصعب يحامي الجار مايفزع الك جارك
محد يفزع يمنعه .. عن دارك يجي يرجعه
متهـدلـك ولا مـن عدها شيـبه
يحيدر وحدي راح ابقه وغريبه
………………………
وجدامك يبو الحمله ضلعي ياعلي ايكسره
يدفع بابك اعليه وماتگدر تجي توخره
يحيدر غمض عيونك لونه جابني بسطره
اخافن تنسه الوصيه وتذبحه اليضرب الزهره
اصيحن ياعلي صبرك .. نطيني بهالوضع ظهرك
شتحـمل محسن بهـالنـار اجـيبه؟
يحيدر وحدي راح ابقه وغريبه
………………………
بس اشلون اني اصبر يحيدر من يجرونك
ومن كل صوب ياحيدر ابواترهم يحيطونك
اخاف الثاني والاول على البيعه يجبرونك
واخافن ياعلي بغيهم وحقدهم لا يذبحونك
الاول ياعلي يريدك .. تبايع للحكم بيدك
ويريد الثاني ذبحك من نصيبه
يحيدر وحدي راح ابقه وغريبه
الشاعر عقيل الحسناوي
الشاعر الحسيني ظاهر حبيب الهليجي
وحشه دنياي رد يمنواي
بويه لو أذن بلال تنفجع روحي
*
انه الزهره يبو الزهره الك نوحي
بلال أشما يأذن يلجم أجروحي
أسمك من يذكره تنفجع روحي
أحس دنياي بعدك للحزن توحي
ونة الليل تهدم الحيل
بويه لوأذن بلال تنفجع روحي
*
عليك أبكل اذان ادموعي تكطر دم
أشما يشهد بلال أبكل صله أتألم
أجر گوه النفس وگليبي يتخذم
عگب عيناك تراها الدنيه ماترحم
عايشه هموم حالي كل يوم
بويه لو أذن بلال تنفجع روحي
أخلصه الليل وانه دمعتي اتلالي
اعاتب بيك بويه وجنك أگبالي
واگلك يل عفتني ناظر الحالي
ادعيلي يعجل موتي يل الغالي
ارجه ملگاك وبقه وياك
بويه لو أذن بلال تنفجع روحي
*
أون أعليك والشهگه بأثر شهگه
مرني بطيف بويه أعليك مختنگه
احظنك حيل گد ما جانت الفرگه
ونذر عمري اطشه بساعة الملگه
ذابت الروح تدي الجروح
بويه لوأذن بلال تنفجع روحي
*
أحن وأشتاگ الك يامنبع الرحمه
أشيقنعهن عيوني أعليك متعلمه
تهيم الروح بويه أو ثوبك أشتمه
يبو الزهره عليك الزهره متألمه
جنحي مكسور دمعتي تفور
بويه لو اذن بلال تنفجع روحي
ختامآ يا رسول الله طلب منك
تدعيلي اموتن حته اشوفنك
وبلهفه حناني وشوگ احظننك
وأقبلهن اديك وحيل أشمنك
گلبي لهاب جن شمع ذاب
بويه لو اذن بلال تنفجع روحي
الزهره تون لبوها مغرب اليوم
ونت والونين يهز الجبال
عذبها الابو من حمل وشال
تعال وشوفني يابويه ياحال
وضل بعدك تراني مكوره الهموم
انا الزهره وون بكلب مفجوع
وذوبن على فراكك مثل الاشموع
اشوف الدهر بعدك يكسر اضلوع
وانه اعرف يبويه الامر محتوم
اشوف الكوم بعدك يضربوني
وبابك يبويه يعصروني
وعليك امن البجي هم يمنعوني
وبوصيتك علي مايكدر ايكوم
خلوني اون حد كطع الانفاس
راح الجان هيبه ويرفع الراس
مايحصل بديلك بويه بلناس
مايمحون ذكرك بويه للدوم
يبويه ارجوك فدوه خذني وياك
شلي بلعمر مرهم بلياك
يكون افد كبر وندفن وياك
الك فدوه العمر يلمتت مسموم
وين الي تجيني وتلطم وياي
وتصرخ حيل لاماتبجي بهداي
لبوي وسلوتي يالبه حشاي
ولج مني الشفاعه التبقا لادوم
خادم الزهراء
الملا
ابو حسن الزيداوي
