1895
ይህ ለመላው የኢትዮጵያ ኦርቶዶክስ ተዋህዶ ሀይማኖት ተከታዮች በሙሉ ክፍት የሆነ ለመማማርያ እና መወያያ ታስቦ የተከፈተ ነው። ልቦናችንን እግዚአብሔርን ለመሻት ያነሳሳን ከሚያልፈው ወደማያልፈው ሀሳባችንን ይሰብስብልን።✝️🙏 for any comment or report (le asteyayet) https://t.me/fekerelehulu
እባካችሁ አድድ አድርጉ መንፈሳዊ መወያያ ግሩፕ ነው
👇👇👇👇👇👇👇
@uraman78tu
እጅግ በጣም አስቸኳይ‼
ኤሌክትሮ ማግኔት ትራከር በመጠቀም በድሮን ለመምታት ስላሰቡ የሚከተሉትን ጥንቃቄዎች ማድረግ ግድ ይላል።
1- የማይታወቅ ስልክ መልዕክት አለመክፈት (አለመመለስ)
2-የማያውቁትን የሞባይል ጥሪ አለመመለስ
3-ብዙ ሰው የሚያቀውን ሲም ካርድ አውጥቶ መጣል
4- ከሞባይሎች ፈፅሞ መራቅ አጠቃቀምን በተመለከተ የራስን አሳቻ ሁኔታ መጠቀም
5- ለጋዜጠኛ በምንም መልኩ የቀጥታ ቃለ መጠይቅ አለማድረግ:: የመሳሰሉትን ጥንቃቄ በማድረግ አደጋውን ማራቅ ይቻላል::
Share
Assaye Derbie
#ጥቅምት_6
አንድ አምላክ በሆነ በአብ በወልድ በመንፈስ ቅዱስ ስም
ጥቅምት ስድስት በዚህች ቀን እመ ሳሙኤል ነቢይ #ቅድስት_ነቢይት_ሐና ያረፈችበት፣ ቅዱስ አባት #አባ_ጰንጠሌዎን ያረፈበት፣ #ዕንባቆም_ነቢይ መታሰቢያው፣ የሀገረ አቴና ኤጲስቆጶስ #ቅዱስ_ዲዮናስዮስ በሰማዕትነት ያረፈበት እና የሴት ልጅ #ቅዱስ_ሄኖስ የዕረፍቱ መታሰቢያ ነው።
✞✞✞✞✞✞✞✞✞✞✞✞✞✞✞✞✞✞✞✞✞✞
#ቅድስት_ነቢይት_ሐና
ጥቅምት ስድስት በዚህች ቀን የታላቁ ነቢይና ካህን የሳሙኤል እናት ቅድስት ነቢይት ሐና አረፈች።
ይችም ቅድስት ከሌዊ ነገድ ናት የታኅርም ልጅ ሕልቃና አገባት ፍናና የምትባልም ሌላ ሚስት አለችው እርሷም ወላድ በመሆኗ ሐና ልጅ ስለሌላት መካንም ስለሆነች ሁልጊዜ ትገዳደራት ነበር።
ሐና ግን ፈጽማ በማዘን አትበላም አትጠጣም ባሏ ሕልቃናም ያረጋጋታል ማረጋጋቱንም አልተቀበለችውም በሊቀ ካህናቱ በኤሊ ዘመንም ወደቤተ እግዚአብሔር ወጣች እያለቀሰችና እያዘነች በእግዚአብሔር ፊት ጸለየች እንዲህም ብላ ስለትን ተሳለች አቤቱ ልጅ የሰጠኸኝ እንደሆነ በሕይወቱ ዘመን ሁሉ ለአንተ የሚያገለግል አደርገዋለሁ።
ካህኑ ኤሊም አያትና እርሷ የወይን ጠጅ ጠጥታ እንደ ሰከረች አሰበ እርሷ በዝምታ በልቧ ትጸልይ ነበርና በቊጣና በግሣጼ የወይን ጠጅ ጠጥተሽ ወደዚህ ወደ እግዚአብሔር ቤት ለምን መጣሽ አሁን ሒጂ ስካርሺን በእንቅልፍ አስወግጂ አላት።
እርሷም እንዲህ አለችው የወይን ጠጅ ከቶ አልጠጣሁም ልጅ ያጣሁ በመሆኔ በልቤ አዝናለሁ እንጂ ካህን ኤሊም አጽናናት እንዲሁም ብሎ ባረካት የእስራኤል ፈጣሪ የለመንሽውን ይስጥሽ በሰላም ሒጂ በቃሉም አምና ወደ ቤቷ ገባች።
ከዚህም በኋላ ፀንሳ ወንድ ልጅን ወለደች ስሙንም ሳሙኤል ብላ ጠራችው። ጡትንም በአስጣለችው ጊዜ ወደ እግዚአብሔር ቤት ይዛው ወጣች ወደ ካህን ኤሊም አቀረበችውና እንዲህ ብላ አስረዳችው ከአሁን በፊት ልጅን ይሰጠኝ ዘንድ ወደ እግዚአብሔር ስጸልይና ስለምን ያየኸኝ ሴት ነኝ ልመናዬንም ሰምቶ ይህን ልጅ ሰጠኝ አሁንም በሕይወቱ ዘመን ሁሉ ለእግዚአብሔር አገልጋይ ይሆን ዘንድ አመጣሁት።
ከዚህም በኋላ ሐና እግዚአብሔርን አመሰገነችው። ልቤ በእግዚአብሔር አምኖ ጸና የሚለውን ጸሎትና ትንቢት እስከ መጨረሻው ተናገረች። ይቺም በዳዊት መዝሙር መጨረሻ ከሙሴ መኀልይ ቀጥላ ተጽፋለች።
ከዚህም በኋላ እግዚአብሔርን አገልግላ በሰላም አረፈች።
✞✞✞✞✞✞✞✞✞✞✞✞✞✞✞✞✞✞✞✞✞✞
#ቅዱስ_አባ_ጰንጠሌዎን
ዳግመኛም በዚችም ቀን በዋሻ ውስጥ የሚኖር ቅዱስ አባት አባ ጰንጠሌዎን አረፈ። ይህም ቅዱስ በሮሜ አገር በንጉሥ ቀኝ ከሚቀመጡ ከከበሩ ሰዎች ወገን የተወለደ ነው ። በታናሽነቱም ጊዜ ወደ መነኰሳት ገዳም ወስደውት በበጎ ምክር ዕውቀትን እየተማረ በመጸለይና በመጾም በዚያ አደገ።
ከዚህም በኋላ ከቅዱሳን ከስምንቱ ባልንጀሮቹ ጋር ወደ ኢትዮጵያ በንጉሥ አልዓሜዳ ዘመን መጣ በአንድነትም ጥቂት ዘመናት ኑረው ከዚህም በኋላ እርስበርሳቸው ተለያዩ ቅዱስ ጰንጠሌዎንም ከታናሽ ተራራ ላይ ወጥቶ ርዝመቱ አምስት ክንድ አግድመቱ ሁለት ስፋቱ ሦስት ክንድ የሚሆን ዋሻ ለራሱ ሠራ ጠፈሩም አንድ ደንጊያ ነው ከጥቂት ቀዳዳ በቀር በር የለውም።
በውስጡም ሳይቀመጥ ሳይተኛ ያለመብልና ያለ መጠጥ አርባ አምስት ዓመት ኖረ ቆዳው ከዐጥንቱ እስከሚጣበቅ በዕንባ ብዛትም ቅንድቡ ተመለጠ። በሽተኞችን በማዳን የዕውሮችንም ዐይኖች በመግለጥ ብዙ ተአምራትን አደረገ።
በአንዲትም ቀን በማታ ጊዜ ዕንጨት ተከለ አሰከሚነጋ ድረስም አድጎ ትልቅ ዛፍ ሆነ ወዲያውም ደረቀና ደቀ መዝሙሩ ፈልጦ አነደደው ፍሙንም በልብሱ ቋጥሮ ለማዕጠንት ወሰደው።
የናግራንን አገር ያጠፋትን ምእመናኖችንም የገደላቸውን አይሁዳዊ ንጉሥ ሒዶ ሊወጋው ንጉሥ ካሌብ በአሰበ ጊዜ በጸሎቱ ይረዳው ዘንድ ይህን አባት ጰንጠሌዎንን ለመነው እርሱም በሥራው ሁሉ ላይ ችሎታ ያለው እግዚአብሔር በጠላቶችህ ላይ ድል አድራጊነትን ሰጥቶህ በደኀና በፍቅር አንድነት ትመለሳለህ አለው።
ንጉሥ ካሌብም ከናግራን ሀገር በደረሰ ጊዜ ከከሀዲው ንጉሥ ከፊንሐስ ጋር ተዋጋ ድል አድርጓቸውም ከሀድያንን ሁሉ እንደ ቅጠል እስቲረግፉ አጠፋቸው አባ ጰንጠሌዎንንም በጦርነቱ መካከል ጠላቶችን ሲአሳድዳቸው እንዳዩት ብዙዎች ምስክሮች ሆኑ።
ከዚህም በኋላ ንጉሥ ካሌብ ከድል አድራጊነት ጋር በተመለሰ ጊዜ መንግሥቱን ትቶ በዚህ አባት እጅ መነኰሰ ከዋሻ ውስጥም ገብቶ በጾምና በጸሎት እየተጋደለ ኖረ።
ይህም ቅዱስ አባ ጰንጠሌዎን ተጋድሎውን በፈጸመ ጊዜ ክብር ይግባውና ጌታችን ኢየሱስ ክርስቶስ ወደርሱ መጣ ስሙን ለሚጠራ መታሰቢያውን የሚያደርግ ገድሉንም ለሚጽፍ ቃል ኪዳን ሰጠው እንግዲህስ ድካም ይበቃሀል ዕረፍ ያን ጊዜም ዐጥንቶቹ ተነቃነቁ በፍቅር አንድነትም አረፈና በዚያ በዋሻው ውስጥ ተቀበረ።
✞✞✞✞✞✞✞✞✞✞✞✞✞✞✞✞✞✞✞✞✞✞✞
#ቅዱስ_ዕንባቆም_ነቢይ
በዚችም ቀን የስሙ ትርጓሜ አዋቂ የሆነ የዕንባቆም ነቢይ መታሰቢያው ነው። ይህም ቅዱስ በአንዲት ዕለት እህሉን ለሚያጭዱለት ምሳቸውን አዘጋጅቶ ተሸክሞ ሲሔድ መልአክ ተገልጾለት ይህን መብል በባቢሎን አገር በአንበሶች ጕድጓድ ውስጥ ላለ ለነቢዩ ዳንኤል ውሰድ አለው።
ዕንባቆምም ጌታዬ ሆይ ባቢሎንን አላየኋት ጉድጓዱንም አላውቀው አለው። የእግዚአብሔር መልአክም በራሱ ጠጉር ያዘው ምግቡን በእጁ እንደያዘ ወሰደውና ጉድጓዱ እንደተዘጋ አስገባው ምግቡንም ሰጥቶ መገበው ወዲያውኑ ዕንባቆምን ወደ ይሁዳ አገር መለሰው።
በአረጀና በሸመገለም ጊዜ የእስራኤል ልጆች ከተማረኩበት ተመልሰው ቤተ መቅደስን ሠሩ። ዕንባቆምም ኢየሩሳሌም ደርሶ ወደ ቤተ መቅደስ ገባ በታላቅ ደስታም ተቀበሉት ትንቢቱንም ሊሰሙ ወደርሱ ተሰበሰቡ አፉንም ከፍቶ በመንፈስ ቅዱስ እንዲህ አለ።
አቤቱ ድምፅህን ሰማሁ ሰምቼም ፈራሁ ሥራህንም አይቼ አደነቅሁ አለ። ስለ መድኃኒታችንም መውረድና በይሁዳ ክፍል በሆነች በቤተ ልሔም ስለመወለዱ ሲናገር የተመሰገነ እግዚአብሔር ግን ከፋራን ተራራ ከቴማን ከይሁዳ አውራጃ ይመጣል ብሎ እስከ መጨረሻው ተናገረ ከነቢያት መጻሕፍትም ጋራ ደመርዋት።
ከዚህ በኋላ ከእስራኤል ልጆች አንዲት ሴት ወደርሱ መጣች እያለቀሰችም እንዲህ አለችው። ሁለት ልጆች ነበሩኝ ጣዖት እንዲአመልኩ ፈለጉአቸው እምቢ በአሉ ጊዜም ገድለው በጐዳና ላይ ጣሉአቸው። ተገድለው ወደ አሉበትም አብሮዋት ሔደ ነፍሳቸውንም ይመልስላቸው ዘንድ እግዚአብሔርን ለመነው ልመናውንም ተቀበሎ በሕይወት አነሣቸው።
ዕረፍቱም በቀረበ ጊዜ ዘመዶቹን ጠራቸው። እንደሚሞትም ነገራቸውና አንዲት ሰዓት ያህል ወደላይ እየተመለከተ ተቀመጠ ። እነሆ እንደ ሰው ክንድ ያለች ታላቅ ክንድ የቤቱን ጣሪያ ሠንጥቃ ወረደች ወደ አፉም ተዘርግታ ነፍሱን ወሰደች ያን ጊዜም አረፈ።
በክርስቲያናዊ ንጉሥ በአንስጣስዮስ ዘመን እንዲህ ሆነ ገድሉን በአነበበ ጊዜ አድንቆ በግብጽ ደቡብ ቀርጣስ በሚባል ቦታ በስሙ ቤተ ክርስቲያን ተሠራለት።
✞✞✞✞✞✞✞✞✞✞✞✞✞✞✞✞✞✞✞✞✞✞
#ኤጲስቆጶስ_ቅዱስ_ዲዮናስዮስ
በዚችም ቀን የሀገረ አቴና ኤጲስቆጶስ ቅዱስ ዲዮናስዮስ በሰማዕትነት አረፈ። ይህም ቅዱስ በአቴና አገር በእውቀቱና በመራቀቁ የከበረና ከፍ ከፍ ያለ ነው። በአቴናው ከተማ በዐዋቂዎች የመሳፍንት አንድነት ከአማካሪዎች አንዱ እርሱ ነው።
ቅዱስ ሐዋርያ ጳውሎስም ወደዚያ በደረሰ ጊዜ ሃይማኖትን አስተምሮ የክርስትና ጥምቀትን አጥምቆ በአቴና አገር ኤጲስቆጶስ አድርጎ ሾመው።
አንድ አምላክ በሚሆን በአብ በወልድ በመንፈስ ቅዱስ ስም አሜን
ጥቅምት 6-አምስት ክንድ ቁመት ብቻ ባላት በድንጋይ ዋሻ ውስጥ በመኖር በውስጧ ሳይቀመጡ ሳይተኙ በእግራቸው ቆመው 45 ዓመት የጸለዩት አቡነ ጰንጠሌዎን ዕረፍታቸው ነው፡፡ እርሳቸውም ከተሰዓቱ ቅዱሳን አንዱ ናቸው፡፡
+ ቅዱስ ዲዮናስዮስ በሰማዕትነት ያረፈበት ዕለት ነው፡፡
+ የነቢዩ ሳሙኤል እናት ቅድስት ነቢይት ሐና ዕረፍቷ ነው፡፡
+ አቡነ በጸሎተ ሚካኤል ዓመታዊ መታሰቢያ በዓላቸው ነው፡፡
+ ነቢዩ ዕንባቆም ዓመታዊ መታሰቢያ በዓሉ ነው፡፡
+ የሴት ልጅ የሄኖስ የዕረፍቱ መታሰቢያ መሆኑን ስንክሳሩ በስም ይጠቅሰዋል፡፡
+ + +
ነቢይት ሐና እመ ሳሙኤል፡- ከሌዊ ነገድ ናት፡፡ በሏ ሕልቃና ፍናና የምትባል ሌላ ወላድ የነበረች ሚስትም ነበረችው፡፡ ሐና ግን መካን ስለሆነች ትገዳደራት ነበር፡፡ በመካንነቷም እጅግ በማዘን ምግብ መመገብ ሁሉ ያቆመችበት ጊዜ ነበር፡፡ በሊቀ ካህናቱ በኤሊ ዘመን ወደ ቤተ መቅደስ ሄዳ እየጸለየች አለቀሰች፡፡ ‹‹አቤቱ ልጅ የሰጠኸኝ እንደሆነ በሕይወቱ ዘመን ሁሉ አንተን የሚያገለግል አደርገዋልሁ›› በማለትም ተሳለች፡፡ ስታለቅስም ካህኑ ኤሊ አያትና ሰክራ የምታለቅስ መስሎት ነበር፡፡ ዝም ስትለውም ‹‹የወይን ጠጅ ጠጥተሽ ወደዚህ ወደ እግዚአብሔር ቤት ለምን መጣሽ? አሁንም ተመልሰሽ ሂጂና ስካርሽን በእንቅልፍ አስወግጂው›› አላት፡፡ እርሷም ‹‹የወይን ጠጅ አልጠጣሁም፣ ልጅ ያጣሁ መካን በመሆኔ በልቤ አዝኛለሁ እንጂ…›› ስትለው አጽናናት፡፡ ‹‹የእስራኤል አምላክ የለመንሽውን ይስጥሽ›› ብሎም ባረካት፡፡ ቃሉንም አምና ወደ ቤቷ ሄደችና ወንድ ልጅ ፀንሳ ነቢዩ ሳሙኤልን ወለደች፡፡ ልጇንም አምጥታ ‹‹እግዚአብሔር የሰጠኝ ልጅ ይኸውና በሕይወቱ ዘመን ሁሉ እግዚአብሔርን ያገልግል›› ብላ ለሊቀ ካህኑ ኤሊ ሰጠችው፡፡ ልቤ በእግዚአብሔር ጸና የሚለውን ጸሎትና ትንቢት እስከ መጨረሻው ተናገረች፡፡ እግዚአብሔርንም እየገለገለች ኖራ ጥቅምት 6 ቀን በሰላም ዐርፋለች፡፡ ረድኤት በረከቷ ይደርብን፣ በጸሎቷ ይማረን!
+ + +
ሰማዕቱ ቅዱስ ዲዮናስዮስ፡- ይኸውም ቅዱስ የአቴና ኤጲስ ቆጶስ የነበሩ ናቸው፡፡ በመጀመሪያ በአቴናን አገር ዕውቀትና ጥበብ የተራቀቀ አዋቂ ነበር፡፡ በአቴና ከተማ በዐዋቂዎች የመሳፍንት አንድነት ከአማካሪዎቹ አንዱ ነው፡፡ ሐዋርያው ቅዱስ ጳውሎስ ወደዚያች አገር ሄዶ ሕዝቡን ሃይማኖትን አስተምሮ አጥምቆ ሲጨርስ ይህን ቅዱስ ዲዮናስዮስን በአገሪቱ ላይ ኤጲስ ቆጶስ አድርጎ ሾመው፡፡
ቅዱስ ዲዮናስዮስ በመንፈሳዊም ሆነ በዓለማዊ ዕውቀቱ ምጡቅ ነው፡፡ በጣም ብዙ ጠቃሚ ድርሳናትን ደረሰ፡፡ ከድርሰቶቹም ውስጥ አንዱ ስለ ጌታችን ስቅለት የደረሰው ነው፡፡ ይህም ድርሰቱ በዕለተ ዓርብ ይነበባል፡፡ ይህም ቅዱስ መጀመሪያ ወደ ክርስትና ሊመለስ የቻለው እንዲህ ነው፡- ዲዮናስዮስ የአቴና የፈላስፋዎች አለቃቸው ነበርና ከዕለታት በአንደኛው ቀን በፍልስፍና ቤት ተቀምጠው ሳለ ዐርብ ቀን ቀትር ሲሆን ፀሐይ ጨለመችና ታላቅ ንውጽውጽታ ሆነ፡፡ አሕዛብም ሁሉ እጅግ ፈርተው የሆነውን ነገር እንዲያስረዳቸው ዲዮናስዮስን ጠየቁት፡፡ እርሱም በጥበቡ ፀሐይንና ጨረቃን ከዋክብትንም ሁሉ መረመራቸው ነገር ግን ፀጥ ብለው አገኛቸው፡፡ ደግሞም ባሕሮችን ውቅያኖሶችን መረመረ፡፡ እነርሱም ፀጥ ብለው አገኛቸው፡፡ ከዚህም በኋላ ‹‹አርስጣላባ›› የሚባል የፍልስፍና መጽሐፍን አንሥቶ ሲመረምር በውስጡ ‹‹እልመክኑን›› የሚል ጽሕፈት አገኘ፡፡ ትርጉሙም ‹‹ኅቡእ አምላክ ወረደ ወገኖቹም በእርሱ ላይ ተነሥተው ሰቀሉት›› ማለት ነው፡፡ ዲዮናስዮስም በዚህ ጊዜ ልብሱን ቀዶ ታላቅ ልቅሶን አለቀሰ፡፡ ከበታቹ ያሉ ምሁራንም ያየውን ያስረዳቸው ዘንድ ለመኑት፡፡ እርሱም ሁሉን ከነገራቸው በኋላ በሰሙት ነገር ታላቅ ፍርሃት አደረባቸው፡፡
ከዚህም በኋላ ዲዮናስዮስ የፍልስፍና ደቀ መዝሙሩን ኡሲፎስን የሆነውን ሁሉ የዚያችንም ቀን ስሟን ሰዓቷን ወሯን ዘመኗን ሁሉ እንዲጽፍ አዘዘው፡፡ ይህ ከሆነ ከ14 ዓመት በኋላ ሐዋርያው ቅዱስ ጳውሎስ ወደዚህች አገር መጥቶ ወንጌልን ሰበከ፡፡ የአቴና ሰዎችም የቅዱስ ጳውሎስን ስብከት በሰሙ ጊዜ እጅግ አደነቁ፡፡ ወደ ዲዮናስዮስም ሮጠው ሄደው ‹‹አንድ ሰው ዛሬ ወደ አገራችን መጥቶ እኛ በማናውቀው ወይም ከእኛ በፊት የነበሩ አባቶቻቸን በማያውቁትን በአዲስ አምላክ ስም አስተማረን›› አሉት፡፡ ዲዮናስዮስም ቅዱስ ጳውሎስን ወደ እርሱ አስጠርቶ ‹‹በሀገራችን ውስጥ በአዲስ አምላክ ስም የምታስተምረው ምንድነው?›› አለው፡፡ ቅዱስ ጳውሎስም ‹‹በአደባባያችሁ መካከል አልፌ ስሄድ በአማልክቶቻችሁ ቤቶች በደጃፉ ላይ ‹እልመክኑን› የሚል ጽሑፍ አየሁ፡፡ ይህም ‹የማይመረመር አምላክ ወረደ› ማለት ነው፡፡ እኔም ለእናንተ የምሰብከው ይህንኑ ነው›› ብሎ መለሰለት፡፡ በዚህም ጊዜ ዲዮናስዮስ ከ14 ዓመት በፊት የጻፈውን ያን መጽሐፍ ያመጣው ዘንድ ደቀ መዝሙሩን ኡሲፎስን አዘዘው፡፡ ሁለተኛም ጊዜውንና ወራቱን ሐዋርያውን ጠየቀው፡፡ ሐዋርያውም ጌታችን በመጋቢት ወር በ27 ዓርብ ቀን በስድስት ሰዓት እንደተሰቀለ ነገረው፡፡ ዳግመኛም ፀሐይ እንደጨለመች ከዋክብት እንደረገፉ ምድርም እንደተናወጸች አስረዳው፡፡ የአቴና ሰዎቸም ይህንን የቅዱስ ጳውሎስን ትምህርት በሰሙ ጊዜ ከዲዮናስዮስ ጋር ክብር ምስጋና ይግባውና በጌታችን አመኑ፡፡ ሐዋርያውም አስተምሮ አጠመቃቸው፡፡ ቅዱስ ዲዮናስዮስንም በአገሪቱ ላይ ኤጲስ ቆጶስ አድርጎ ሾመው፡፡
ቅዱስ ዲዮናስዮስንም በባሕር አቅራቢያ ወዳለች አገር ሄዶ ወንጌልን ሰብኮ ብዙዎችን በማሳመን የክርስቶስ ተከታዮች አደረጋቸው፡፡ ድንቅ ድንቅ የሆኑ ብዙ ተአምራትንም አደረገ፡፡ ከዚህም በኋላ ከሃዲ ንጉሥ ጠማትያኖስ ይዞት ጽኑ ሥቃይን አሠቃየው፡፡ በመጨረሻም ማሠቃየት በሰለቸው ጊዜ አንገቱን በሰይፍ ቆረጠውና የሰማዕትነቱ ፍጻሜ ሆነ፡፡ ሁለተኛም የደቀ መዘሙርቱን የቅዱስ ኡሲፎስን እና የቅዱስ ኡርያኖስን ራሶቻቸውን ቆረጠ፡፡ የሰማዕትነትንም አክሊል ተቀበሉ፡፡
የቅዱስ ዲዮናስዮስ ረድኤት በረከቱ ይደርብን፣ በጸሎቱ ይማረን!
+ + +
አቡነ ጰንጠሌዎን፡- በሮሜ አገር በንጉሡ ቀኝ ከሚቀመጡ ከከበሩ ወገኖች ነው የተወለዱት፡፡ ከልጅነታቸው ጀምሮ የቤተ ክርስቲያንን ትምህርት ሲማሩ አደጉ፡፡ ሆኖም በሀብትና በሥልጣን በዓለም ላይ መኖርን እንደትቢያ ቆጥረው መንነው ዋሻ ገብተዋል፡፡ አቡነ ጰንጠሌዎን 5 ክንድ ቁመት ብቻ ያላት ከመቃብር ያልተሻለች ትንሽ የድንጋይ ዋሻ ቆፍረው በእርሷ ውስጥ በመኖር በውስጧ ሳይቀመጡ ሳይተኙ በእግራቸው ቆመው 45 ዓመት ሙሉ የጸለዩ ታላቅ አባት ናቸው፡፡
አቡነ ጰንጠሌዎን የዕውራንን ዐይን በመግለጥ፣ ሙታንን በማስነሣት፣ ድውያንን በመፈወስ ብዙ ተአምራት ሲያደርጉ በቃላቸው ትምህርት ደግሞ የነፍስን ደዌ ያክሙ ነበር፡፡ ከዕለታትም በአንደኛው ቀን በማታ ጊዜ ዕንጨት ተከሉ፡፡ እስከሚነጋ ድረስም አድጎ ትልቅ ዛፍ ሆኖ ተገኘ፡፡ ወዲያውም ደረቀና ደቀ መዛሙርቶቻቸው ፈልጠው አነደዱትና አባታችን ፍሕሙን በልብሳቸው ቋጥረው ለማዕጠንት ተጠቀሙበት፡፡
የእነዚያም ልጆች ወላጆቻቸውና ዘመዶቻቸው ታላቅ ልቅሶን አለቀሱላቸው፡፡ ይህም የሆነው በመጋቢት ሦስት ቀን ነው፡፡ ልጆቹም ከሞቱ በኋላ ሦስት ሰዓት በሆነ ጊዜ የዚያች የአባታችንን ዝክር የምታዘክረው ሴት ልጅ ከሞተ በኋላ ተነሣ፣ ከተቀበረበትም ወጣ፡፡ ፀሐይም ከመጥለቋ አስቀድሞ ወደ ቤቱ ሄዶ ከእናቱ ዘንድ ደረሰ፡፡ እናቱም ስታየው በደስታ ጮኸች፡፡ የሀገሪቱም ሰዎች ሁሉ ተሰብስበው ወደ እርሷ መጡና ሞቶና ተቀብሮ የነበረውን የሴቲቱን ልጅ አሁን በሕይወት ሲያገኙት እጅግ አደነቁ፡፡ ልጁንም ‹‹ከሞት እንዴት ተነሣህ?›› አሉት፡፡ ልጁም እንዲህ አላቸው፡- ‹‹የሞትነውን ልጆች ሁላችንንም የእሳት ነበልባል የሚመስሉ መላእክት ወደ ሰማይ ወሰዱን፡፡ ከዚያም በኋላ በመንገድ ከአንድ ትልቅ ሰው ጋር ተገናኘን፣ የራስ ጠጉሩ እንደበረዶ ነጭ ነው፣ እንደተፈተለም ነጭ ሐር ነው፡፡ እንደ መብረቅ ያለ ልብሱንም ባየን ጊዜ ልጆች ሁላችን ደንግጠን ወደቅን፡፡ እርሱንም የሚከተሉት እንደ ሰማይ ከዋክብት
ነበሩ፡፡ ከልጆቹም ሁሉ እኔን ለይቶ ብቻዬን እጄን ያዘኝ፡፡ መላእክትንም ‹ይህንን መታሰቢያዬን የምታደርግልኝ የዚያችን ሴት ልጅ ለምን አመጣችሁት? አሁንም እኔ ወደ እናቱ መልሼ እወስደዋለሁ› አላቸው፡፡ ያንጊዜ በገደል ተቀብሬ ወደነበርኩበት ወደ በድኔ መለሰኝ፤ በሥላሴም በመስቀል ምልክት ሦስት ጊዜ ባረከ፤ ገደሊቱም ቀጥ ብላ ቆመች፤ በድናችንንም ተቀጥቅጦ እንደ አመድ ሆኖ አገኘነው፡፡ ያን ጊዜም እጄን ይዞ አስነሣኝና ‹አንቺ ነፍስ ወደ ሥጋሽ ተመለሺ ብሏል እግዚአብሔር› አለ፡፡ ያንጊዜም ነፍሴ ወደሥጋዬ ተመለሰች፤ እንደቀድሞውም ሆንኩ፡፡ ገደሊቱንም ‹በሦስተኛው ቀን እስክመለስ ድረስ ተደፊ› አላት፤ ገደሊቱም ወደ መሬት ተደፋች፡፡ ያንጊዜም ‹ሂድ ወደ እናትህ ተመለስና እናትህን ‹እነሆ ልጅሽን ላኩልሽ እንዲሁም ነፍስሽን በሰማይ አድናታለሁ ብለህ ንገራት› አለኝ፡፡ ከዚህም በኋላ ከሩቅ ጠራኝና ‹እናትህ ስሙ ማነው ብላ ብትጠይቅህ ያ የታመንሽበት ገብረ መንፈስ ቅዱስ ነው› ብለህ ንገራት› ብሎኝ ከእኔ ተሰወረ፡፡ እኔም ወደ እናንተ መጣሁ›› አላቸው፡፡ ከዚያ የነበሩና የልጁንም ምስክርነት የሰሙና አባታችን ልጁን ከሞት እንዳስነሡት ያዩ የሀገሩ ሰዎች ሁሉ በመደነቅ ‹‹የአባታችንን መታሰቢያ ለማድረግ ነፍሳችንንም ሥጋችንንም ሥዕለት አድርገን ለመስጠት ወስነናል፡፡ ገንዘባችንን ከብቶቻችንን ሁሉ ሰጥተናል›› እያሉ ወደ ቤታቸው ተመለሱ፡፡
በሦስተኛውም ቀን መንፈቀ ሌሊት በሆነ ጊዜ ማለትም በዕረፍታቸው ዕለት መጋቢት 5 ቀን በሆነ ጊዜ የሀገሪቱ ሰዎች ወንዶችም ሴቶችም ቀሳውስት ዲያቆናት ሁሉ ተሰብስበው ዕጣን መብራት ይዘው ወደ ቤተ ክርስቲያን ገቡ፡፡ ያን ጊዜም ገደል ተጭኗቸው ሞተው የነበሩ እነዚያ ልጆች ሁሉም በአቡነ ገብረ መንፈስ ቅዱስ ጸሎት ከሞት ተነሥተው በእጃቸው መብራት ይዘው ‹‹ይህ አባታችን ገብረ መንፈስ ቅዱስ ሙታንን ከመቃብር የሚያስነሣ ተአምረኛ ነው፤ እግዚአብሔር በቅዱሳኑ ላይ የሚደነቅ ነው›› እያሉ በመዘመር ከመቅደስ ወጡ፡፡ እንዲህም እያሉ ከእናቶቻቸውና ከአባቶቻቸው ከዘመዶቻቸውም ጋር ተገነኙ፡፡ በደስታና በእልልታም ወደ ቤታቸው ተመለሱ፡፡
የአባታችን የአቡነ ገብረ መንፈስ ቅዱስ ልመናቸው በተዋሕዶ ልጆች በሁላችን ላይ ይደረግልን በረከታቸው ይደርብን ለዘለዓለሙ አሜን፡፡
(ምንጭ፦ አለቃ አያሌው ታምሩ የተረጎሙት ገድለ አቡነ ገብረ መንፈስ ቅዱስ ዘአኅተሞ ተስፋ ገብረ ሥላሴ፣ 1992 ዓ.ም ከገድላት አንደበት)
✞ ✞ ✞
(የበፊቶቹ ኹለቱም የቴሌግራም ቻናሎች በተለያየ ጊዜ ስለተጠለፉ ለ3ኛ ጊዜ በተከፈተው አዲስ ቻናል በኩልም በጽሑፍና በድምፅ ይከታተሉ።)
ጥቅምት 5/2017 #ፃድቁ_ገብረ_መንፈስ_ቅዱስ
👉በስመ #አብ_ወወልድ_ወመንፈስ_ቅዱስ አሐዱ አምላክ አሜን አምላካችን መድኃኒታችን #ኢየሱስ_ክርስቶስን በፃድቁ ስም ለምናመሰግንበት ፃድቁ #ገብረ_መንፈስ_ቅዱስን በምልጃ ፀሎታቸዉ እንዲራዱን ለምንማፀንበት አመታዊ የእረፍት በአላቸዉ መታሠቢያ እንኳን አደረሰን
👉ጥቅምት አምስት ቀን የታላቁ አባታችን አቡነ ገብረ መንፈስ ቅዱስ #ገብረ_ሕይወት የዕረፍታቸው መታሰቢያ ሲሆን ፃድቁ የተወለዱት ግብፅ ንሒሳ አካባቢ ሲሆን አባታቸው ስምዖን እናታቸው አቅሌስያ ይባላሉ
👉አባታችን #ገብረ_ሕይወት የፃድቃን አለቃ የቅዱሳን የበላይ ተጋድሎአቸውና ድንቅ ተአምራቸው እንደ ሰማይ ከዋክብት የበዛ ቅዱስ ሰው ናቸዉ የጻድቁን ክብር መናገር የሚችል ምን አንደበት ይኖራል እንደ ምንስ ባለ ብራና ይፃፋል ዜናቸውንስ ለመስማት የታደለ እንደ ምን ዓይነት ሰው ይሆን
👉አባታችን #ገብረ_መንፈስ_ቅዱስ ለ562 ዓመታት በዚህች ዓለም ሲኖሩ እህል ያልቀመሱ ምግባቸው ምስጋና ልብስን ያልለበሱ ፀጉር አካላቸውን ይሸፍን ነበርና ሐዋርያዊ ሆነው ከግብፅ እስከ ኢትዮዽያ ብዙ ነፍሳትን ያዳኑ አባት ሃገራችንን አስምረው አስራት እንድትሆናቸውም ተቀብለው ምድረ ከብድ አካባቢ አርፈዋል
👉ፃድቁ #ገብረ_መንፈስ_ቅዱስም_ገብረ_ሕይወትም ይባላሉ በ562 ዓመታት ሕይወታቸው እንደ ሐዋርያት ከምድረ ግብፅ እስከ ኢትዮዽያ ወንጌልን ሰብከዋል በዚህም በሚሊዮን አእላፍ ለሚቆጠሩ ነፍሳት የድህነት ምክንያት ሆነዋል
👉ፃድቁ እንደ ሰማዕታትም ከከሃዲ ሰዎች ብዙ መከራን ተቀብለዋል እንደ ባሕታውያን ለብዙ መቶ ዓመታት ሰው ሳያዩ ቆይተዋል ለየት የሚለው ግን የፅድቅ ሕይወታቸው ነው ከእልፍ አዕላፍ አጋንንት ጋር ተዋግተው #ድል_ማድረግ ችለዋልና
👉የንሒሳው ኮከብ #ገብረ_መንፈስ_ቅዱስ ለኢትዮጵያ ልዩ ፍቅር አላቸው ስለ ሃገሪቱና ሕዝቧ ፍቅር ሲሉ ለ100 ዓመታት በደብረ ዝቋላ መከራን ተቀብለዋል ምሕረትን ሲለምኑ ሥጋቸው አልቆ በአጥንታቸው ቁመው ነበርና ሃገራችን አሥራት ሆና ተሰጠቻቸው
👉ስለዚህም ነው በሃገሪቱ ውስጥ ከ2,000 በላይ የፃድቁ አቡነ #ገብረ_መንፈስ_ቅዱስ ገዳማትና አድባራት ዛሬም ድረስ ያሉት በ8ኛው ክ/ዘ አካባቢ የተወለዱት አባታችን ያረፉት በ14ኛው መቶ ክ/ዘ አካባቢ ነው ፍጥረታትን ሁሉ አዘው መጋቢት 5 ቀን ሲያርፉ #ግሩማን_መላእክት_ገንዘው አካላቸውን ሠውረዋል
👉 #ሥላሴን የተሸከመ አካላቸው በጐልጐታ ተቀብሯል የሚሉም አሉ አባታችን #አቡነ_ገብረ_መንፈስ_ቅዱስ እረፍታቸዉ መጋቢት 5 ቀን ነው ይህ ደግሞ በታላቁ ዓብይ ፆም ወቅት ነው
👉ፍትሃ ነገስት አንቀጽ 15 ላይ #በዓብይ_ፆም በዓል ማክበር ይከለክላል የሀዘን ወቅት ነውና ከበሮ አይመታም እልልታና ጭብጨባ የለም ፍፁም ሀዘን እንጂ የመጋቢት 27 ስቅለት ጥቅምት 27 ቀን እንደሚከበረው ሁሉ መጋቢት 5 ወደ ጥቅምት 5 ቀን ተዛውሮ እንዲከበር ሆኗል
👉የፃድቁ አባታችን ምልጃና ፀሎት ሀገራችንን ህዝባችንን ይጠብቅልን ቃል ኪዳናቸዉ አይለየን በዚህ እለት የምናስባቸዉ #ቅዱስ_ጴጥሮስና_እና_ቅዱስ_ጳዉሎስ ረድኤት በረከታቸዉ አይለየን "አሜን" ✝️ 💒 ✝️
ተወዳጆች
ፍቅር የለም አትበሉ ምክንያቱም
ፍቅር አለ እሱም ፍቅር እግዚአብሔር ነው
እግዚአብሔርን የሚያፈቅር ሰው
ለሁሉም ፍቅር አለው ፍቅረ ቢፅ አለው( የባለንጃራ ፍቅር አለው )
በፍቅር ለፍቅር ፍቅር በሆነው አምላክ እንኑር🙏
የፀሓይ ብርሃን በጠቢባን ጥበብ ይሰፈራል፤ የጨረቃም ውበት ይመጠናል፤ ሰማይና ምድር በአድማስ፣ ባሕርም በናጌብ ይወሰናል።
የእመቤታችንን ክብር ግን መመጠንና መወሰን ይቅርና ማን ሊመረምረው ይቻለዋል? 'ሊቁ መኑ ዘይክል ነቢበ ዕበይኪ” እንዳለ ገናንነትሽን ማን ይናገራል እያልን ስለ እሷ የተነገረውን ሁሉ በመደነቅ እናነባለን።
ሊቃውንቱ ለእመቤታችን ውዳሴ በመጽሐፍ የሚያኖሩት ለኀሊና ማቅኛ እንዲሆን ነው እንጅ ከዚያ በኋላስ ኅሊና አስቦ ወደማይደርስበት ጥልቅ ባሕረ ውዳሴ መግባት ነው።
የአበቦችን ውበት በምድረ በዳ፣ ከዋክብትን በሰማይ ላይ በጥበቡ የገለጠ አምላክ እመቤታችን ቅድስት ድንግል ማርያምንም በሊቃውንት እንደበት ይገልጣታል።
ቅዱስ ኤፍሬምን አፈ በረከት ቅዱስ ዮሐንስን አፈ ወርቅ ያሰኛቸው የድንግል እመቤታችን ውዳሴ ነው።
እስከ ዕለተ ምጽእት የሚነሣው ትውልድ እንዲያመሰግናት በትንቢት የተነገረላት ሉቃ 1:48 ይፈጸም ዘንድ ዛሬ ባሉ የቤተ ክርስቲያን ሊቃውንት እንደበትም በጉባኤ፣ በማኅሌት፣ በቤተ መቅደስ ትመሰገናለች።
ርእሰ ሊቃውንት አባ ገብረ ኪዳን እመቤታችን "ያስተበፅዑኒ ኩሉ ትውልድ” ብላ ከተናገረችላቸው አንዱ ናቸው። ለዚህም ምስክሬ ትምህርታቸው ነው።
በዐውደ ምሕረት "የምድር ጌጥ ይሏታል። በጉባኤ ቤት “ብርሃንኪ የዐቢ እምብርሃነ ፀሐይ” ይሏታል።
በበዐታቸው "ሰአሊ ለነ ቅድስት'' ይሏታል። ዛሬ ደግሞ ተነቦ የማይጠገብ ውዳሴዋን በመጽሐፍ አቅርበውልናል።
ይሄ መጽሐፍ በትውፊት የምናወርሰው፥ ነገር ግን እያየነው የተደረሰ አዲሱ አርጋኖን ነው።
ቅድመ ዓለም በአምላክ ኅሊና ከታሰበው ድኅረ ዓለም በነቢያት እስከተነገረው፣ በመላእክት ከተዘመረው በሐዋርያት እስከተሰበከው ሊጠቀስ የሚገባው ተጠቅሷል።
የእመቤታችን ነገር ሐረግ ነው፤ በነካነው ጊዜ ሁሉ ብሉያትን ሐዲሳትን ሊቃውንትን ያንቀሳቅሳል።
ርእሰ ሊቃውንት እንደ ሐረግ ሳቢ አንድ ጥቅስ በመዘዙ ጊዜ የመጻሕፍት ሁለንተናቸው ይንቀሳቀሳል።
ከብሉይ ኪዳን ጀምሮ በእግዚአብሔር መንፈስ የተጻፈ መጽሐፍ ሁሉ እመቤታችን የሌለችበት መጽሐፍ አይገኝም።
ይህን መጽሐፍ ባነበባችሁ ጊዜ ይህንን እውነት ትረዱታላችሁ። "አሐቲ ድንግል" አንድ መጽሐፍ ብቻ አደለም።
ትርጓሜ፤ ድርሳን፤ ምዕላድ፤ ውዳሴም ነው።
ሁልጊዜ የርእሰ ሊቃውንት አባ ገብረ ኪዳንን ስብከት ስሰማ የምመኘው ይህንን መጽሐፍ ነበር።
አንዳንዴ ስብከት መሆኑን ረስቼ መጽሐፍ የሚያነቡልኝ ይመስለኝ ነበርና። እነሆ የተመኘሁት መጽሐፍ በብራና ተጠቅሎ በቤተ መጻሕፍት ተጥሎ አገኘነው። ከእኔ ጋራ የተወለደውን የመጻሕፍት ንጉሥ ታዩ ዘንድ ኑ!
ሊቀ ሊቃውንት ስምዐ ኮነ መልአክ የ፬ቱ ጉባኤያተ መጻሕፍት ምስክር መምህር
#ማኅሌተ_ጽጌ
#የፍሬ_ዓምደ_ሃይማኖት_ሰንበት_ትምህርት_ቤት_42ኛ_ዓመት_የምሥረታ_በዓል
#ፍሬ_ዓምደ_ሃይማኖት_ሰንበት_ትምህርት_ቤት
#ፍሬ_ዓምደ_ሃይማኖት_ሚዲያ
Follow us on
👉 /channel/fre_amde_haymanot_media
👉 http://linktr.ee/fre_amde_haymanot_media
#እውነተኛ_ወዳጅ አንብቡት
🥀እውነተኛ ወዳጅ፥ ወዳጅ መኾኑ የሚታወቀው ጓደኛውን መገሠጽ ሲችል ነው፡፡ ኹላችንም በየጊዜው ኃጢአት እንሠራለን፡፡ አብዛኞቻችን ደግሞ ኃጢአታችንን እንዳላየነው ኾነን ለማለፍ እንጥራለን፡፡ ለራሳችን ይቅርታ እንቸራለን፡፡ ወይም ምንም እንዳላጠፋ ሰው ለመምሰል እንሞክራለን፡፡ በእንደዚህ ዓይነት ሰዓት እውነታውን በትክክል እናይ ዘንድ ዓይናችንን የሚከፍት እውነተኛ ወዳጅ ያስፈልገናል፡፡
🥀አንተ ሆይ! እስኪ ራስህን መርምር፡፡ ጓደኛህ እውነታውን እንዲያይ ታደርጋለህ? ጓደኛህ ኃጢአት ሠርቶ ሲያበቃ ለራሱ ይቅርታ ሲያደርግ ይቅርታው ያደረገው ይቅርታ ትክክለኛ እንዳልኾነ እንዲያውቅ ታደርጓለህን? እንዲህ እውነታውን ስትነግረው ምናልባት ጓደኛህ አለአግባብ ሊቈጣህ ይችላል፡፡ ታዲያ ሲቈጣህ ለመታገሥ ዝግጁ ነህን? ወይስ ከዚህ በተቃራኒ የጓደኛህን ኃጢአት አይተህ እንዳላየህ ነው የምትኾነው?
🥀ጓደኛ ስንመርጥ ከእኛ ጋር እውነተኛ ወዳጅ ሊኾን የሚገባውን መኾን አለበት፤ ስንቈጣው እንኳን ቁጣችንን ታግሦ ስናጠፋ የሚያርመን ሊኾን ይገባል፡፡ እንደዚህ ካልኾነ ጓደኝነት ጥልቀት አይኖረውምና፤ ጓደኞች ነን መባባላችን ጥቅም የለውምና፡፡
🥀ልናውቀው የሚገባን ነገር ግን አለ፡፡ ጓደኛችን በሚያጠፋበት ሰዓት ተግሣጽ አስመስለን እንዲሁ ክብሩን በሚነካ መልኩ ልንናገረው አይገባንም፡፡ ተግሣጻችን ኹልጊዜ እውነቱን ብቻ እንጂ የተጋነነና ሌላውን መልካምነቱን የሚክድ መኾን የለበትም፡፡ ጥፋቱን ስንነግረው ኹልጊዜ በቀና ልብ እንደምንነግረው እርግጠኛ እንዲኾን ማድረግ አለብን፡፡ ይህን የምናደርገው ከፍቅራችን የተነሣ እንጂ ከቅናት ወይም ከንቀት እንዳልኾነ እንዲያውቅ ማድረግ አለብን፡፡ እውነተኛ ወዳጅነት ማለት ይህ ነውና፡፡
ወስብሐት ለእግዚአብሔር
ወለወላዲቱ ድንግል
ወለመስቀሉ ክብር አሜን ይቆየን
አንድ መነኩሴ
✅ ወደ ገዳሙ አበ ምኔት ቀርቦ በምሬት እንዲህ አለ :-
"አባቴ በዚህ ገዳም ምንም ጸጋ
ምንም ትሩፋት የሌለኝ መነኩሴ እኔ ብቻ ነኝ::
አባ እገሌን እዩት እንደ እርሱ የዋህ የለም!
አባ እገሌን እዩአቸው እንደርሳቸው ታጋሽ ማን አለ?
አባ እገሌን እዩአቸው ለሁሉ ፍቅር አላቸው!
እኔ ግን ምንም የለኝም አልረባም
አባቴ እባክዎ ይጸልዩልኝ
የእኔ ጸጋ የእኔ ፍሬ ምንድር ነው?'' አለ
እያለቀሰ::
✅ አበምኔቱም አይዞህ ጸልይ ብለው አሰናበቱት::
እሱ ከወጣ በኁዋላ ግን አብረዋቸው ላሉት መነኮሳት እንዲህ አሉ :-
"ይህ መነኩሴ በዚህ ገዳም ካሉ ሁሉ የሚበልጥ ጸጋ ተሠጥቶታል::
✅ የወንድሞቹ ኃጢአት አይታየውም
ጽድቃቸውን ግን በትሕትና ሲቆጥር ይውላል::
ከዚህ በላይ ምን ጸጋ አለ?
ዝም ያልኩት ይህንን ብነግረው
ክብሩን አሳንስበታለሁ ብዬ ነው'' አሉ::
"ነፍሳችሁን ተመልከቱ
የወንድማችሁንም ኃጢአት አትመልከቱ
እግዚአብሔር ያያል"
ቅዳሴ እግዚእ ❤️
በቅዱሳን ዓለም በዕንባው እጅግ የሚታወቀው
ቅዱስ እርሳንዮስ❤️
በዕንባቸው ከሚታወቁ መካከል አንዱና ዋነኛው ነው።
ከዕንባው ብዛት የተነሳ የአይኖቹ ሽፋሽፍት ተዳክመዋል
በጉንጮቹ ላይ ሁለት የዕንባ መውረጃ ቦይ መሳዮች ተፈጥረዋል።
ቅዱስ አርሳንዮስ ስለራሱና ስለ ዓለም ሁኔታ
ሁል ጊዜ ሲያለቅስ ከመኖሩ የተነሣ
በደረቱ መካከል ዕንባው የሚወርድበት ቦታ
ጎርፍ እንደሚሔድበት መሬት ለይቶ ይታይ ነበር።
በበጋ ወራት በዕንባወቹ የዘንባባ ዛፎችን ያርስ ነበር።
ዕንባወቹ ተንከባለው የሚያርፉበት እራፊ ጨርቅ
በጉልበቶቹ ላይ ያኖር ነበር።
በሞቱ ግዜም እጅግ ፅኑ ለቅሶን አለቀሰ፡
ደቀ መዛሙርቱም በመገረም """"
በእውነት አባታችን አንተም ትፈራለህ?!"""አሉት
እሱም መለሰላቸው """በእውነት በዚህ ሰዓት በውስጤ ያለችው ፍርሀት ከመነኮስኩበት ጊዜ አንስቶ የነበረች ናት""" ብሏቸዋል።።
ይህ ቅድስናን ገንዘብ ያደረገ ሰው
እንዲህ ካለቀሰ እንግዲህ ስለ ራሳችን ምን እንላለን ?
ይህ በፍርሀት የተያዘ ሰው
በብትውናና አርምሞ በገነት አበው የሚታወቀው፡
ታላቁ ርዕሰ ሊቃነ ጳጳሳት ቴዎፍሎስ
ዓይኑን ለማየት ይናፍቀው የነበረ
ከበረሀ ክዋክብት አንዱ ቅዱስ አርሳንዮስ ነው።
ቅዱሳን """" ስለምን እኛን ትተወናለህ""? ይሉት ነበር።
የዕርሱ መልስ ግን ❤️
እግዚአብሔር እንደምወዳችሁ ያውቃል
ነገር ግን እኔ ከእግዚአብሔርም
ከሰውም ጋር ልኖር አይቻለኝም ይላቸው ነበር።
ቅዱስ አርሳንዮስ ❤️
ጀንበር ጠልቃ ጀንበር እስክትወጣ ሌሊቱን ሙሉ
ለፀሎት ቆመው ከሚያድሩት ቅዱሳን አንዱ ነበሩ።
ጀንበር ጀርባውን ስትመታው ጀምሮ፡
በቀጣዩ ቀን ግንባሩን እስክታገኘው
ከቆመበት ሳይሔድ ሳይቀመጥ በፀሎት ይተጋ ነበር።
ወዳጆቼ እስኪ እራሳችን እንመርምር እንጠይቅ??!!!!!!!!!!
ይህ ቅዱስ አባት ሀጢያቴ ያስለቅሰኛል ካለ እኛ ምን ልንል ነው???
#መስከረም_29
አንድ አምላክ በሆነ በአብ በወልድ በመንፈስ ቅዱስ ስም
መስከረም ሃያ ዘጠኝ በዚህችም ቀን #ከቅድስት_አርሴማና_ከእመምኔቷ_ከአጋታ ጋር ደናግላን በሰማዕትነት አረፉ፤ ዳግመኛም #የቅዱስ_ዮሐንስ_ነባቤ_መለኮት (ወንጌላዊው) እንደ ንስር መጥቆ "ቀዳሚሁ ቃል.." (ዮሐ. ፩፥፩) ብሎ ወንጌሉን የጻፈበት ዕለት ነው።
✞✞✞✞✞✞✞✞✞✞✞✞✞✞✞✞✞✞✞✞✞
#ሰማዕት_ቅድስት_አርሴማ
በዚችም ቀን ከቅድስት አርሴማና ከእመምኔቷ ከአጋታ ጋር ደናግል በሰማዕትነት አረፉ። ይህም እንዲህ ነው በከሀዲው ዲዮቅልጥያኖስ ዘመን እርሱ መልኳ ውብ የሆነ ብላቴና ድንግል ሊአገባ ሽቶ በየሀገሩ ሁሉ ሒደው መርጠው ያመጡለት ዘንድ አሽከሮቹን አዘዘ።
ይችንም የሚመስላት የሌለ ቅድስት አርሴማን በሮሜ አገር በአንድ የደናግል ገዳም ውስጥ አገኙዋት። ሥዕሏንም ሥለው ለንጉሥ ዲዮቅልጥያኖስ ላኩለት ንጉሡም ሥዕሏን በአየ ጊዜ እጅግ ደስ አለውና ለሠርግ እንዲመጡ ወደ መኳንንቱ ላከ።
እሊያ ደናግልም ይህን ነገር በአወቁ ጊዜ ይረዳቸው ዘንድ ድንግልናቸውንም ይጠብቅ ዘንድ አልቅሰው ወደ እግዚአብሔር ለመኑ። ከዚህም በኋላ ተነሥተው በሥውር ሸሹ የንጉሥ ድርጣድስ ግዛት ወደ ሆነ ወደ አርማንያ ሀገርም ደርሰው በአንድ ቦታ ተቀመጡ ከእርሳቸውም ጋር የተሰደዱ ቁጥራቸው ሰባ አምስት የሆነ ወንዶች፣ ሴቶችም ሠላሳ ዘጠኝ የሆኑ ከእርሳቸው ጋራ አሉ። ምግባቸውን አያገኙም ነበርና በታላቅ ችግር ውስጥ ኖሩ ከእነርሱም መብራት የምትሠራ አንዲት ሴት ነበረች ከእርሷም የእጅ ሥራ ከሚገኘው በየጥቂቱ ይመገባሉ።
ንጉሥ ዲዮቅልጥያኖስም የከበረች አርሴማን በፈለጋት ጊዜ አላገኛትም ግን በአርማንያ አገር እንዳለች ስለርሷ ሰማ። ደግሞ ለአርማንያ ንጉሥ ለድርጣድስ ስለርሷ ከዲዮቅልጥያኖስ ሸሽታ እንደ መጣች የአርሴማን ሥራ ነገሩት እርሱም አንዱን የአርማንያ መኰንን ለእኔ ጠብቃት ወደ እኔም ላካት ብሎ አዘዘው።
ደናግሉም ይህን በሰሙ ጊዜ ወደ ሌላ ቦታ ተሠወሩ ወደ ንጉሥም ወነጀሉአቸው ንጉሡም ቅዱስት አርሴማን በክብር አድርገው ያመጧት ዘንድ አዘዘ እርሷም ወደ እርሱ መምጣትን እምቢ በአለች ጊዜ እየጎተቱ ወስደው ወደርሱ አደረሷት።
የቅድስት አርሴማንም ላህይና ደም ግባቷን በአየ ጊዜ ድንግልናዋን ሊያረክስ ሽቶ እናቷ አጋታን አባብላ እሺ ታሰኝለት ዘንድ አዘዛት አጋታም ወደርሷ ሒዳ ልቧን አስጨከነች እንዲህም አለቻት። ዕወቂ ይህ ርኲስ አረሚ እንዳያረክስሽና ሰማያዊ ሙሽራሽን እንዳትተዪ እርሱም ክብር ይግባውና የእግዚአብሔር ልጅ ሕያው ክርስቶስ ነው።
ንጉሡም ይዞ ወደ እልፍኙ ሊአስገባት ከአደባባይ መካከል ተነሥቶ ድንግል አርሴማን ያዛት። በዚያንም ጊዜ በቅድስት አርሴማ ላይ የእግዚአብሔር ኃይል አደረባትና በምድር ላይ ጣለችው እርሱ ግን በጦርነት እጅግ የጸና አርበኛ ስለ ነበር በታናሽ ሴት ብላቴና ስለተሸነፈ ያን ጊዜ አፈረ። ራሷንም በሰይፍ ይቆርጡ ዘንድ አዘዘና ቆረጧት ከዚህም በኋላ ደናግሉን ሁሉ ከእናታቸው አጋታ ጋር ይገድሏቸው ዘንድ አዘዘ።
አንዲት የታመመች ድንግል ነበረች በዐልጋዋ ላይም እንደተኛች ወደ ወታደሮች ጮኸች መጥተውም እንደ እኅቶቿ ራሷን ቆረጡ ሁሉም የሰማዕትነት አክሊልን ተቀበሉ እነዚያንም ከሮሜ አገር አብረው የመጡ ወንዶችን ገደሏቸው ቁጥራቸውም ሰባ አምስት ናቸው ሥጋቸውም በተራራ ላይ የተጣለ ሁኖ ቀረ።
ሰማዕታትም ከተገደሉ በኋላ በንጉሡ ላይ ጋኔን ተጫነበት መልኩም ተለውጦ እንደ እርያ ሆነ። ቅዱስ ጎርጎርዮስ ወደርሱ መጥቶ በላዩ ጸልዮ እስከ አዳነው ድረስ ስለዚህም ክብር ይግባውና በጌታችን ኢየሱስ ክርስቶስ አመነ። የቅዱሳን ሰማዕታትንም ሥጋቸውን ከተጣለበት ሰብስበው በአማረ ቦታ አኖሩአቸው ያማረች ውብ የሆነች ቤተ ክርስቲያንም ተሠራችላቸው። ከእነርሱም ታላላቅ ድንቆች ተአምራት ተገለጡ።
✞✞✞✞✞✞✞✞✞✞✞✞✞✞✞✞✞✞✞✞✞✞
#ቅዱስ_ዮሐንስ_ወንጌላዊ_ነባቤ_መለኮት
ዳግመኛም በዚህች ዕለት ቅዱስ ዮሐንስ ወንጌላዊ እንደ ንስር መጥቆ "ቀዳሚሁ ቃል.." ( ዮሐ. ፩፥፩) ብሎ ወንጌሉን የጻፈበት ዕለት እንደሆነ ቅድስት ቤተ ክርስቲያን ታስተምራለች፡፡
ቅዱስ ዮሐንስ ወንጌላዊ፡- ቅዱስ ዮሐንስ ወንጌልን ለመስበክ ዕጣ የደረሰው እስያ ስለነበር ደቀ መዝሙሩን አብሮኮሮስን አስከትሎ ሄደ፡፡ ይኽችውም ኤፌሶን በጥንቱ በታናሽ እስያ በዛሬው የቱርክ ግዛት ውስጥ ከተማ ናት፡፡ ዛሬ ኢያዞሎክ ተብላ የጥንት ታሪኳ ጠፍቷል፡፡ አስቀድሞ ቅዱስ ጳውሎስ ወንጌልን ሰብኮባታል፡፡ ደቀ መዝሙሩን ቅዱስ ጢሞቴዎስንም በከተማዋ ላይ ኤጲስቆጶስ አድርጎ ሾሞት ነበር፡፡ እርሱም በግፍ እስከተገደለበት ጊዜ ድረስ ቅዱስ ዮሐንስን እየረዳው በከተማዋ ብዙ አገልግሏል፡፡ በኋላ ግን በግፍ ገድለውታል፡፡ ቅዱስ ዮሐንስ ወደ ኤፌሶን ለመሄድ በመርከብ ሲሳፈር መርከቡ በማዕበል ተሰበረ፡፡ ደቀ መዝሙሩን አብሮኮሮስን መዕበሉ ወደ አንዲት ደሴት አደረሰው፡፡ ቅዱስ ዮሐንስ ግን በመርከቡ ስባሪ ተንጠልጥሎ በባሕሩ ማዕበል መካከል 40 ቀንና 40 ሌሊት ከኖረ በኋላ ማዕበሉ ተፍቶ አብሮኮሮስ ካለበት ደሴት አደረሰውና ተያይዘው ኤፌሶን ከተማ ገቡ፡፡ የከተማይቱም ሰዎች እጅግ ክፉዎች ስለነበሩ መጀመሪያ ላይ ቅዱስ ወንጌልን መስበክ አልቻሉም ነበር፡፡ እነርሱም እጅግ ክፉዎች መሆናቸውን ስላወቀ ቅዱስ ዮሐንስ ገና ዕጣው ሲደርሰው በሀዘን አልቅሶ ነበር፡፡ አሁንም ከተማው በገቡ ጊዜ ቅዱስ ዮሐንስ ምክንያት በመፍጠር ሮምና ለምትባል ሴት የውሽባ ቤቷ እሳት አንዳጅ ሆኖ አብሮኮሮስም ዕቃ አጣቢ ሆነው ተቀጠሩ፡፡ የቀጠረቻቸው ሴትም እጅግ ታሠቃያቸው ጀመር፡፡ ባሮቿ እንደሆኑ ተስማምተው ስለጻፉላት ትደበድባቸውም ነበር፡፡
እነርሱም በታላቅ ጉስቁልና ውስጥ እየኖሩ እያለ በአንዲት ዕለት የአገረ ገዥው ልጅ ለመታጠብ ወደ ውሽባው ቤት ገባ፡፡ በውሽባ ቤቱም የሰይጣን ኃይል ስለነበረበት የመኰንኑን ልጅ አንቆ ገደለው፡፡ የአገሪቱም ሰዎች ሁሉ ለሞተው የመኰንን ልጅ ሊያለቅሱ ሲሰበሰቡ ቅዱስ ዮሐንስም አብሮ ቆሞ ሲመለከት ሮምና መጥታ "በጌታዬ ልጅ ሞት ልትደሰት መጣህን" እያለች ረገመችው፡፡ እርሱም "አይዞሽ አትዘኚ" አላትና ወደ ሞተው ልጅ ቀርቦ በመስቀል ምልክት ካማተበበት በኋላ በፊቱ እፍ አለበት፡፡ የሞተውም ልጅ ድኖ ተነሣ፡፡ የሀገሪቱም ሰዎች እጅግ ደነገጡ፡፡ ሮምናም ደንግጣ "እግዚአብሔር የሚሉት አምላክ አንተ ነህን" ብላ ጠየቀችው፡፡ ቅዱስ ዮሐንስም "በፍጹም እኔ አምላክ አይደለሁም፣ እኔ የእርሱ አገልጋዩና ሐዋርያው ነኝ እንጂ" አላት፡፡ ሮምናም ስለበደለቻቸው በደል ሁሉ መሪር ዕንባን እያለቀሰች ይቅር እንዲሏት ለመነቻቸው፡፡ እነርሱም አረጋጉዋት፡፡ ከሕዝቡም ውስጥ ብዙዎቹ በጌታችን አመኑ፡፡ ቅዱስ ዮሐንስም ሌሎች ብዙ ድንቅ ድንቅ ተአምራትን እያደረገ ወንጌልን እየሰበከ ከጣዖት አገልጋዮች በቀር ሁሉንም አሳምኖ አጠመቃቸው፡፡ አገልጋዮችን ኤጲስቆጶሳትን፣ ቀሳውስትንና ዲያቆናትን ከሾመላቸው በኋላ ወደ ሌሎች አቅራቢያ አገሮች ሄደ፡፡
በመጨረሻም በከሃዲውና በጨካኙ በድምጥያኖስ ዘመን በጣዖት አምላኪዎች ተከሶ ለፍርድ ቀረበ፡፡ በፈላ ውኃ ካሠቃዩት በኋለ በፍጥሞ ደሴት አጋዙት፡፡ በዚያም ሳለ ራእዩን ተመልክቶ ጻፈው፡፡ ድምጥያኖስም ከተገደለ በኋላ ከግዞቱ ተመልሶ ሦስቱን መልእክታቱንና ቅዱስ ወንጌሉን ጽፏል፡፡ ጌታችንም አስቀድሞ ሞትን እንደማይቀምስ ለዮሐንስ ቃል ገብቶለት ነበርና (ዮሐ 21፡22) ጥር 4 ቀን እንደ ኤልያስና ሄኖክ ሞትን እንዳያይ ወደ ብሔረ ሕያዋን ወስዶታል።
አንድ አምላክ በሚሆን በአብ በወልድ በመንፈስ ቅዱስ ስም አሜን
ጥቅምት 7-ስለ ጌታችን ፍቅር ብሎ ራሱን ሰባት ጊዜ የገደለው ታላቁ አባት አባ ባውላ ዕረፍቱ ነው፡፡
+ ቅዱሳን ሰማዕታት ሚናስና ሐናሲ መታሰቢያ በዓላቸው መሆኑን ስንክሳሩ በስም ይጠቅሳቸዋል፡፡
አባ ባውላ፡- ይኽም ጻድቅ ከታናሽነቱ ጀምሮ መስተጋድል መነኩሴ ሆነ፡፡ በላይኛው ግብፅ በሚገኘውና ‹‹እንጽና›› ተብሎ በሚጠራው ገዳም ውስጥ በታላቅ ተጋድሎ የሚኖር ሆነ፡፡ ሕዝቅኤል የሚባል ረድእ አለው፡፡ እርሱም ስለ አባታችን ስለ ተጋድሎውና ስለ ትሩፋቱ ምስክር ሆነ፡፡ ይህም አባ ባውላ ስለጌታችን ፍቅር ብሎ ራሱን ሰባት ጊዜ የገደለ ነው፡፡
አባ ባውላ በመጀመሪያ ራሱን በዕንጨት ላይ ዘቅዝቆ በመስቀል አርባ መዓልት አርባ ሌሊት እንደተሰቀለ ኖረ፡፡ ነፍሱንም አሳለፈ፡፡ ነገር ግን እግዚአብሔር ከሞት አስነሣው፡፡ ሁለተኛም አሣዎችና አንበሪዎች እንዲበሉት ራሱን ከባሕር ውስጥ ጨመረ ነገር ግን እነርሱ አልነኩትም፡፡ አባ ባውላም በባሕሩ ውስጥ ሰጥሞ ብዙ ወራት ቆይቶ ሞተ፡፡ ለስም አጠራሩ ክብር ይግባውና ጌታችን አሁንም ከሞት አስነሣው፡፡ አባ ባውላ ለሦስተኛም ጊዜ ራሱን በአሸዋ ውስጥ ደፍኖ ሞተ፤ ጌታችንም ከሞት አስነሣው፡፡ ለአራተኛም ጊዜ በውስጡ ስለታም ድንጋዮች ካሉት ረጅም ተራራ ላይ ወጥቶ ራሱን ከተራራው ላይ ወደታች ወርውሮ ተንከባለለ፡፡ የተሣሉ ድንጋዮችም በሥጋው ሁሉ ገብተውበት ሞተ፡፡ ረድኡ ሕዝቅኤልም ያለቅስለት ነበር፡፡ አሁንም ጌታችን መጥቶ አባ ባውላን ከሞት አስተነሥቶ አጽናናው፡፡ ነገር ግን አባ ባውላ አሁንም ለአምስተኛ ጊዜ ከረጅም ዛፍ ላይ ወጥቶ ከስለታም ድንጋይ ላይ ራሱን ፈጠፈጠ፡፡ ለሁለትም ተከፈለና ሞተ፡፡ አሁንም ጌታችን አስነሣው፡፡
ስድስተኛም አባ ባውላ ራሱን በእግሮቹ ውስጥ አሥሮ አርባ መዓልት አርባ ሌሊት እንዲህ ሆኖ ቆይቶ ሞተ፡፡ እግዚአብሔር አሁንም ከሞት አስነሣው፡፡ ሰባተኛም ከውኃ ጉድጓድ ውስጥ ገብቶ እጆቹን ዘርግቶ አርባ መዓልት አርባ ሌሊት በመቆም ሞተ፡፡ ክብር ይግባውና ጌታችንም አስነሣውና ‹‹ወዳጄ ባውላ ሆይ! ራስህን ሰባት ጊዜ እስከምትገድል ድረስ ሰውነትህን አደከምክ ከእንግዲህስ ድካም ይብቃህ›› ብሎ አጽናናው፡፡ ያንጊዜም አባ ባውላ ለመድኃኒታችን እንዲህ ብሎ መለሰለት፡- ‹‹ጌታዬ ሆይ ስለከበረው ስምህ እደክም ዘንድ ተወኝ፤ አንተ አምላክ ስትሆን ስለእኛ በመከራ ደከምክ፤ ስለ ሰው ወገን ሞትክ፡፡ ለእኛ ይህ አይገባንም ነበር በቸርነትህ ይህን የማዳንህን ሥራ ሠራህልን እንጂ›› አለው፡፡ ጌታንችም አባ ባውላን ካጽናናው በኋላ ከእርሱ ተለይቶ ወደ ሰማይ ወጣ፡፡
ከዚህም በኋላ አባ ብሶይ ወደ እንጽና ገዳም ሄዶ ከአባ ባውላ ጋር ተገናኘ፡፡ ጌታችንም ለአባ ባውላ ተገልጾለት ‹‹ሥጋህ ከአባ ብሶይ ሥጋ ጋር በአንድነት ይኑር›› አለው፡፡ ሁለቱም ቅዱሳን ባረፉ ጊዜ ሥጋቸውን በአንድነት አኖሩ፡፡ በመጀመሪያ ወገኖቹ የአባ ብሶይን ሥጋ ወደ አስቄጥስ ገዳም ሊወስዱ በወደዱ ጊዜ በመርከብ ጫኑት ነገር ግን መርከቢቱ አልንቀሳቀስ አለች፡፡ በኋላም ተመልሰው የአባ ባውላን ሥጋ አምጥተው በመርከቧ ሲጭኑት ያን ጊዜ መርከቢቱ ተጓዘች፡፡ በእንዲህ ዓይነት ሁኔታ የቅዱሳኑን ሥጋ ወደ አስቄጥስ ገዳም አድርሰው በአባ ብሶይ ቤተ ክርስቲያን ውስጥ በአንድነት አኖሩ፡፡ እስከዛሬም ድረስ በዚያ ይኖራሉ፡፡
የአባ ባውላ እና የአባ ብሶይ ረድኤት በረከታቸው ይደርብን፣ በጸሎታቸው ይማረን!
ከገድላት አንደበት
✞ ✞ ✞
/channel/fadewalletbot/app?startapp=ab8c405a9b8a457bbfd2b529deab3967
Читать полностью…
ብዙ ድርሳናትንም ደረሰ ከእርሳቸውም አንዱ ክብር ይግባውና ስለ መድኃኒታችን ስቅለት የደረሰው በዕለተ ዐርብ የሚነበብ አንዱ ነው።
የእምነቱም ምክንያት እንዲህ ነው ከዕለታት በአንዱ በፍልስፍናው ቤት ተቀምጦ ሳለ የአቴናም ፈላስፎች በእርሱ ዘንድ ተሰብስበው ነበር እርሱ ለሁሉም አለቃ ስለሆነ በዐርብ ቀንም ቀትር ሲሆን ፀሐይ ጨለመ ታላቅ ንውጽውታም ሆነ አሕዛብ ሁሉ ደንግጠው እጅግ ፈሩ ቅድስ ዲዩናስዩስንም በዓለም ውስጥ የሆነውን ጌታችን ሆይ አስረዳን ብለው ጠየቁት።
አርሱም ፀሐይን ጨረቃንና ከዋክብትን መረመረ ጸጥ ብለው አገኛቸው ደግሞ ባሕሮችን ትልቁንም በዓለም ዙሪያ ያለውን የውቅያኖስን ባህር መረመረ እሱንም ጸጥ ብሎ አገኛው።
ከዚህም በኋላ አርስጣላባ የሚባል የፍልስፍና መጽሐፍን አንስቶ ሲመረምር በውስጡ እልመክኑን የሚል አገኘ ይህም ኀቡእ አምላክ ወረደ ወገኞቹም በእርሱ ላይ ተነስተው ሰቀሉት ማለት ነው በዚያችም ጊዜ ልብሱን ቀዶ ታላቅ ሀዘንን አዘነ ከበታቹ ምሁራን ያየውን ያስርዳቸው ዘንድ ለመኑት እርሱም ሁሉን ነገራቸው እነርሱም ይህን ሰምተው ታላቅ ፍርሃት ፈሩ።
ደቀ መዝሙሩ ኡሲፎስንም የሆነውን ሁሉ የዚያችንም ቀን ስሟን ሰዐቷን ወርዋን ዘመኑንም እንዲጽፍ አዘዘው ዳግመኛም በጣዖታቱ ቤቶች በደጃፋቸው እልመክኑን እያሉ እንዲጽፉ አዘዘ።
ከዐሥራ አራት ዓመትም በኋላ ቅዱስ ሐዋርያ ጳውሎስ ወደ አቴና አገረ መጣ ክብር ይግባውና የመድኃኒታችን የኢየሱስ ክርስቶስን መውረዱን ከእመቤታችን ከቅድስት ድንግል ማርያም ከስጋዋ ስጋ ከነፍሷ ነፍስን ነስቶ መወለዱን መከራ መቀበሉን መሰቀሉንና መሞቱን በሶስተኛው ቀን መነሳቱን ማረጉንም በሕያዋንና በሙታን ለምፍረድ ዳግመኛ መምጣቱን አስተማረ።
የአቴና ሰዎችም የሐዋርያዉን ስብከት በሰሙ ጊዜ እጅግ አደነቁ ወደ ዲዩናስዩስም ሩጠው እንዲህ ብለው ነገሩት አንድ ሰው ዛሬ ወደ አገራችን መጥቶ እኛ የማናውቀውን ወይም ከእኛ በፊት የነበሩ አባቶቻችን የማያውቁትን በአዲስ አምላክ ስም አስተማረን።
ዲዮናስዮስም ልኮ ሐዋርያ ጳውሎስን ወደርሱ አስመጥቶ በሀገራችን ውስጥ በአዲስ አምላክ ስም የምታስተምረው ምንድን ነው አለው።
ቅዱስ ጳውሎስም በአደባባያችሁ መካከል አልፌ ስሔድ በአማልክቶቻችሁ ቤቶች በደጃፋ ላይ እልመክኑን የሚል ጽሑፍ አየሁ ይህም የማይመረመር አምላክ ወረደ ማለት ነው እኔም ለእናንተ የምሰብከው ይህንኑ ነው ብሎ መለሰ።
በዚያንም ጊዜ ከዐሥራ አራት ዓመት በፊት ያጻፈውን ያን መጽሐፍ ያመጣው ዘንድ ኡሲፎስን አዘዘው ሁለተኛም ጊዜውንና ወራቱን ሐዋርያውን ጠየቀው እርሱም በመጋቢት ወር በሃያ ሰባት ዓርብ ቀን በስድስት ሰዓት ክብር ይግባውና ጌታችን ኢየሱስ ክርሶቶስ ያን ጊዜ እንደ ተሰቀለ ፀሐይም እንደ ጨለመ ምድርም እንደተናወጠች አስረዳው።
የአቴና ሰዎችም ይህን በስሙ ጊዜ ከቅዱስ ዲዮናስዮስ ጋር ክብር ይግባውና በጌታችን በኢየሱስ ክርስቶስ አመኑ የክርስትና ጥምቀትንም አጠመቃቸው ዲዮናስዮስንም በእነርሱ ላይ ኤጲስቆጶስን አድርጎ ሾመው የቤተ ክርስቲያንንም ሥርዓት የተረጐመ እርሱ ነው።
ከዚህም በኋላ በባሕር አቅራቢያ ወደ አለ አገር በመሔድ በሐዋርያት ዘመን አስተማረ ብዙ ወገኖችንም ክብር ይግባውና በጌታችንም አሳመነ ድንቆች የሆኑ ብዙዎች ተአምራትን አደረገ።
ከሀዲ ንጉሥ ጠማትያኖስም ይዞ ጽኑ ሥቃይን አሰቃየው ከዚያም የከበረች ራሱን በሰይፍ ቆረጠው የተቆረጠች ራሱንም በእጁ ይዞ ሁለት ምዕራፍ ያህል ጐዳና ተጓዘ ሁለተኛም የደቀ መዛሙርቱን የኡሲፎስንና የኡርያኖስን ራሳቸውን ቆረጠ የሰማዕትነት አክሊልንም በመንግሥተ ሰማያት ተቀበሉ።
✞✞✞✞✞✞✞✞✞✞✞✞✞✞✞✞✞✞✞✞✞✞
#ቅዱስ_ሄኖስ
በዚችም ቀን የሴት ልጅ የሄኖስ የዕረፍቱ መታሰቢያ ነው የእግዚአብሔርንም ስም መጥራት የጀመረ ይህ ሄኖስ ነው። ሄኖስም መቶ ዘጠና ዓመት ኖረ ቃይናንም ወለደው ቃይናንንም ከወለደው በኋላ ሰባት መቶ አሥራ አምስት አመት ኖረ ወንዶች ልጆችንና ሴቶች ልጆችን ወለደ በቅዳሜ ቀንም አረፈ። መላ ዕድሜውም ዘጠኝ መቶ አምስት ነው።
ለእግዚአብሔርም ምስጋና ይሁን እኛንም በቅዱሳኑ ጸሎት ይማረን በረከታቸውም ከእኛ ጋር ትኑር ለዘላለሙ አሜን።
(#ስንክሳር_ዘወርኀ_ጥቅምት)
ንጉሡን ዐፄ ካሌብን ያመነኮሱት አቡነ ጰንጠሌዎን ናቸው፡፡ ኢትዮጵያዊው ንጉሥ ዐፄ ካሌብ ከ24 ሺህ በላይ የሚሆኑ የናግራን ሰማዕታትን ደም ሊበቀልላቸው ሲያስብ መጀመሪያ በጸሎታቸው እንዲያስቡትና እንዲመክሩት አቡነ አረጋዊንና አቡነ ጰንጠሌዎንን ጠይቋቸዋል፡፡ እነርሱም በመልእክቶቻቸው መርቀው ሸኝተውታል፡፡ አቡነ ጰንጠሌዎንም ‹‹እግዚአብሔር በጠላቶችህ ላይ ድል አድራጊነትን ሰጥቶሃልና በደህና በፍቅር አንድነት ትመለሳለህ›› አሉት፡፡ ዐፄ ካሌብም ወደ ናግራን ዘምቶ ከሃዲውን የአይሁድ ንጉሥ ፊንሐስን ከገደለውና ጦሩን ሁሉ ደምስሶ በማጥፋት የክርስቲያኖቹን ደም በሚገባ ተበቀለ፡፡ በአንጾኪያ፣ በእስክንድሪያ፣ በሮም፣ በቊስጥንጥንያና በዓለም ላይ ያሉ ክርስቲያኖች ሁሉ ይህን ሲሰሙ በእጅጉ ተደሰቱ፡፡ ይህም የሆነው በ525 ዓ.ም ነው፡፡ ይህንንም ስንክሳሩ እንዲህ ብሎ ይገልጸዋል፡- ‹‹ንጉሥ ካሌብም ከሃድያንን ሁሉ እንደ ቅጠል እስኪረግፉ ድረስ አጠፋቸው፤ አባ ጰንጠሌዎንንም በጦርነቱ መካከል ጠላቶቻችን ሲያሳድዳቸው እንዳዩት ብዙዎች ምስክሮች ሆኑ፡፡››
አቡነ ጰንጠሌዎን ታላቅ ተጋድሎአቸውን ከፈጸሙ በኋላ ጌታችን ተገልጦላቸው ታላቅ ቃልኪዳን ሰጣቸውና ‹‹ከእንግዲህስ ድካም ይበቃሃል ዕረፍ›› አላቸው፡፡ ያንጊዜም ነፍሳቸው ከሥጋቸው ተለየች፡፡
የአቡነ ጰንጠሌዎን ረድኤት በረከታቸው ይደርብን፣ በጸሎታቸው ይማረን!
ከገድላት አንደበት
✞ ✞ ✞
(የበፊቶቹ ኹለቱም የቴሌግራም ቻናሎች በተለያየ ጊዜ ስለተጠለፉ ለ3ኛ ጊዜ በተከፈተው አዲስ ቻናል በኩልም በጽሑፍና በድምፅ ይከታተሉ።)
✝እንኳን አደረሰነ!
❀"ኮከብ ብሩህ ዘሠረቀ እምአቅሌስያ፤
ቤተ ክርስቲያን ዘንሰምያ፤
ኮኖሙ አበ ለሰብአ ግብጽ ወኢትዮጵያ፤
አማን ገብረ መንፈስ ቅዱስ ሐዋርያ።" (ምልጣን)
ትርጉም፦
"የስሟ ትርጓሜ ቤተ ክርስቲያን ከሆነ አቅሌስያ የተገኘ፥ የሚያበራ ኮከብ፤
ለግብጽና ለኢትዮጵያ ሰዎች አባት ሆናቸው፤
በእውነት እርሱ (ገብረ መንፈስ ቅዱስ) ሐዋርያ ነውና!"
በዓለ ቅዱሳን፦
❀ገብረ መንፈስ ቅዱስ ጻድቅ
❀ኪራኮስ ጳጳስ (ወሰማዕት)
❀ጳውሎስ ሊቀ ጳጳሳት
❀ያዕቆብ ሐዋርያ (ወልደ እልፍዮስ)
❀ኢያሱ ንጉሥ (አድያም ሰገድ)
በረከታቸውን አይንሳን!
ጸሎታቸው ይደረገልን በረከታቸው ይደርብንና በዐፄ ናዖድ ዘመነ መንግሥት ለአንዲት ሴት አቡነ ገብረ መንፈስ ቅዱስ ልጇን ከሞት በማስነሣት ያደረጉላት ድንቅ ተአምር ይህ ነው፦ ሴቲቱም ልጇ ከሞተና ነፍሱ ከሥጋው ከተለየች በኃላ እናቲቱ በአባታችን ጸሎት በማመን የአባታችንን ማኅበር ወደሚጠጡበት የሕፃኑን በድን ወሰደችው።
በዚያ የማኅበር ቤትም ጋን ተቀምጦ አገኘች። ጋኑንም አስተካክላ በምድር ላይ አቆመችውና "አቡነ ገብረመንፈስ ቅዱስ በጸሎትህ ተማጽኛለሁ፣ ማኅበርህ በሚሠራበት በዚህ ጋን ልጄን ከሞት እንደምታስነሣው አምናለሁ..." ብላ ከጸለየች በኃላ በእምነት ሆና የልጇን በድን ከጋኑ ውስጥ ጨመረችው። ልጁም ያንጊዜ ወዲያውኑ ከሞት ተነስሥቶ ከጋኑ ውስጥ እንዳለ ጮኸ። እናቱም አውጥታ ጡቷን ሰጠችውና ጠባ። አቡነ ገብረ መንፈስ ቅዱስ እኛንም በሕይወተ ሥጋ ያለነውን ከኅሊና ሞት ያስነሡን፣ ረድኤት በረከታቸው ይደርብን፣ በጸሎታቸው ይማረን!
✞ ✞ ✞
ዳግመኛም አቡነ ገብረ መንፈስ ቅዱስ ያደረጉት ተአምር ይህ ነው:-አንድ ኃጢአተኛ ሰው ነበር፡፡ ብዙ ሥራይ የሚያድርግ ጣዖታትን በማማለክ፣ ምስልን በመሥራት በማመንዘር ብዙ ኃጢአት ይሠራ ነበር፡፡፡ አንድ ቀንም የአቡነ ገብረ መንፈስን ገድል የሚናገር መጽሐፍ ወዳለበት በመጋቢት 5 ቀን ሔደ፡፡ ገድሉን ኪዳኑን የሚናገር መጽሐፍ ሲነበብ ጌታችን የጻድን መታሰቢያ ለሚያደርጉ ሁሉ የሰጠውን የምሕረት ኪዳን እንደሰጠው ሰማ፡፡
ከዚህም በኋላ ያ ሰው ‹‹…ከእንግዲህስ ወዲህ የጻድቁን የአቡነ ገብረ መንፈስን መታሰቢያ አደርጋለሁ፣ በጸሎቱም እታመናለሁ›› ብሎ አሰበ፡፡ እንደዚሁ የአቡነ ገብረ መንፈስን የገድሉን መጽሐፍ ሰምቶ ከዚያ ወጥቶ ሲሔድ በመንገድ ያሸመቁ ወንበዴዎች አግኝቶ ጽኑ ድብደባ ደበደቡት፤ ልብሱንም ገፈው ወሰዱበት፡፡ ሰውነቱም ተጎድቶ በደም ተነክሮ ወደቤቱ ገባ፡፡ በዚያች ቀንም ሞተ፡፡ መላእክትም መጥተው ነፍሱን ለፍርድ በእግዚአብሔር ዙፋን ፊት አቆሟት፡፡ ያንጊዜም አቡነ ገብረ መንፈስ መጥቶ ከእግዚአብሔር ፊት ቆመና ‹‹..አቤቱ ይህችን ነፍስ ማርልኝ፣ ለእኔ ባደረገችው ቸርነትና በሰጠኸኝ ቃልኪዳን አምናለችና…›› እያለ ጽኑ ምልጃን አቀረበ፡፡ በዚህም ጊዜ ጌታችን ‹‹ስለአገልጋዬ ስለማይበል ቃሌም ኃጢአቷን ይቅር ብያታለሁ፣ ወደመሐይምናን አንድነት ውሰዷት›› አለ፡፡ ወዲያውም ጌታችን ቅዱስ ሚካኤልን ወደ ዘላለም ሕይወት እንዲወስዳት ባዘዘው ጊዜ አቡነ ገብረ መንፈስ ደስ አለው፡፡ ፊቱም እንደፀሐይ በራ፡፡
✞ ✞ ✞
ዳግመኛም አቡነ ገብረ መንፈስ ቅዱስ ያደረጉት ተአምር ይህ ነው፡- ዝሙትን የምትወድ፣ ሰንበትን የምትሽር፣ በሐሰት የምትምል አንዲት ሴት ነበረች፡፡ እግዚአብሔር በእርሷ ተቆጥቶ እባብ አዘዘባት፡፡ ልትፀፀዳ በሜዳ ተቀምጣ ሣለ እባብ መጥቶ ወደሆዷ ገባ፤ እሷንም ቤት አድርጎ ኖረ፡፡ የበላችውን ይበላል፣ የጠጣችውንም ይጠጣ ነበር፡፡ ካልበላች ካልጠጣች ደግሞ አንጀቷን ይበላል፣ ደሟንም ይጠጣል፡፡ እርሷም ከስታ የዕንጨት ቅርፊት መሰለች፡፡ በሆዷም እያደገ ስለሔደ ከሆዷ እስከ አንገቷ ሞላ፡፡ ከባሏም ጋር በምትነጋገርበት ጊዜ ያ እባብ በሆዷ ውስጥ እየቀና ያውካት ነበር፡፡
አንድ ቀንም ባሏ ጎሽ ጠጥቶ ሰክሮ እርሷን አነጋገራት፤ እርሷም እምቢ አለችው፡፡ ‹‹ቀድሞ በኃጢአቴ ምክንያት ለዚህ ከይሲ ዳርጎኛልና አሁንስ እንደገና አልበድልም›› ብላ እምቢ አለችው፡፡ እርሱ ግን በግድ ደረሰባት፡፡ እባቡም አባለዘሩን ነከሰውና ባሏ ወዲያው ሞተ፡፡ እርሷም በዚህ ሁኔታ እስከ ሦስት ዓመት ቆየች፡፡
ከዕለታትም አንድ ቀን አንድ ጻድቅ ሰው ከሩቅ አገር ወደ እርሷ መጥቶ ሣለ እባቡን በሴቷ ሆድ ውስጥ አድጎ አየው፡፡ እርሷም እግዚአብሔርን እንደተፈታተነችና ለዚህ ክፉ ከይሲ አሳልፎ እንደሰጣት ነገረችው፡፡ ኃጢአቷንም አምና ንስሓ ገብታ እንዲጸልይላት ለመነችው፡፡ ያም ጻድቅ ሰው ‹‹…ስዕለት ተሣይ፣ የአቡነ ገብረ መንፈስ ቅዱስንም ዝክር አዘክሪ፣ ገንዘብሽንም ለእርሱ ስጪው›› አላት፡፡ እርሷም ‹‹እሺ ከእንግዲህ ወዲህ ለእርሱ ሰጥቻለሁ›› አለችው፡፡ ጻድቁም ሰው ከእርሷ ዘንድ ሔደ፡፡ ያችም ሴት የአባታችን የአቡነ ገብረ መንፈስ ዝክር እስከሚደረግበት ቀን ድረስ ቆይታ ከፈጣሪው ምሕረትን ተስፋ አድርጋ በመጋቢት 5 ቀን የአባታችንን መታሰቢያ አደረገች፡፡ ለካህናት፣ ለምእመናን፣ ለድኆችና ለጦም አዳሪዎች ግብዣ አድረገች፡፡ ለቤተ ክርስቲያንም ብዙ ዕጣን፣ መብራት፣ ሰጠች፡፡
በዚያችም ሌሊት አቡነ ገብረ መንፈስ ያች ሴት ወዳለችበት መጣ፡፡ እርሷም አልተኛችም ተቀምጣ ነበር፡፡ ቤተሰቦቿም ያዳምጡ ነበር፡፡ አባታችንም በቤቷ በር ላይ ቆሞ እባቡን ‹‹…አንተ እባብ ከዚህች ሴት ሆድ ውስጥ ውጣ፣ ወደ ሥፍራህ ሒድ፣ እግዚአብሔርም እንዳዘዘህ አፈርን ብላ›› አለው፡፡ ያንጊዜም ሴቲቱን በመስቀል ምልክት ባረካት፡፡ ያም እባብ ቀድሞ በገባበት መንገድ ወጥቶ በምድር መላ፡፡ አባታችንም ሔደ፡፡ እርሷም ቤተሰቦቿን ጠራችና እባቡን ገደሉት፡፡ ርዝመቱ 5 ክንድ ሆነ፡፡ የአገሩም ሰዎች በማድነቅ የአቡነ ገብረ መንፈስን መታሰቢያ አደረጉ፡፡ ያችም ሴት ሌላ ባል አገባችና 7 ልጆችን ወለደች፡፡ እስክትሞትም ድረስ የጻድቁን የአቡነ ገብረ መንፈስን መታሰቢያ እያደረገች ኖረች፡፡
የአባታችን የአቡነ ገብረ መንፈስ ቅዱስ ልመናቸው በተዋሕዶ ልጆች በሁላችን ላይ ይደረግልን በረከታቸው ይደርብን፣ የዓሥራት ሀገራቸውን ቅድስት ኢትዮጵያን ከታዘዘ መቅሰፍት ይጠብቁልን ለዘለዓለሙ አሜን፡፡
✞ ✞ ✞
በረከታቸው ይደርብንና ዳግመኛም አቡነ ገብረ መንፈስ ቅዱስ ያደረጉት ተአምር ይህ ነው፡- በአንዲት አገር ውስጥ የአቡነ ገብረ መንፈስ ቅዱስን ዝክር የምታዘክር አንዲት ሴት ነበረች፡፡ ዝክራቸውንም እንድትዘክር አንድ ጻድቅ አባት ነግረዋታልና፡፡ ከዕለታትም በአንደኛው ቀን የአገሩ ልጆች በአንድ ትልቅ ገደል ሥር ተሰብስበው እየተጫወቱ ትልቁ ገደል በላያቸው ላይ ወደቀባቸውና ሁሉም ልጆች ወዲያው ሞቱ፡፡ አንድ ስንኳ የተረፈ የለም፡፡
ተወዳጆች
ይሄ ልብስ የማን መታወቂያ ነው ማለት
አሁን ሴት ሱሪ ብትለብስ ኃጢአት ነው ፅድቅ ነው ?
ሴት ሱሪ ስትለብስ ማንን ነው ምታሳየው ?
ክርስቶስን ነው ምታሳየው ?
ድንግል ማርያምን ነው ምታሳየው ?
ነው ማንን ነው ምታሳየን ?
እውነት ይሄ ነገር ክርስቶስን ያሳያል ብላችሁ አስቡና ያሳያል ካላችሁ ልበሱት
ቅዱስ ጳውሎስ
ተፈጥሮ አያስተምራችሁምን ?
በተፈጥሮ አትማሩም ወይ ?
ማን ምን መልበስ እንዳለበት ከተፈጥሮ አትማሩምን ?
እንዴ ብለው ሴቶች ይጠይቃሉ?
ኦሪት ዘዳግም ያለውም እኮ ሴት የወንድን አትልበሰ ወንድ የሴትን አይልበስ እንጂ ሱሪ የወንድ ነው የሚል የለም ብለው ይጠይቃሉ?
ተመልከቱ
ለክፋት ለተንኮልማ ይራቀቃሉ ይላል ኢሳያስ
ለተንኮል ሊቅ ናቸው አለ በእውነቱ
ግን ተፈጥሮ አያስተምራችሁም ወይ
ስትናገሩ ስትሳደቡ የማን መዓዛ ናችሁ
ንግግራችሁ ማንን ነው የሚገልጠው
የባለትዳሮች ትዳር የካህናት ክህነት
እውነት ክርስቶስን ነው የሚያሳየው ወይ
የምታስቀድሱት የምትቀድሱት ማንን ልታሳዩ ነው ?
ርዕሰ ሊቃውንት ቆሞስ አባ ገብረ ኪዳን❣️
ተወዳጆች ሆይ
ነገር ሁሉ ለበጎ ነው
በአንድ ወቅት አንድ መንፈሳዊ አባት
ከነበሩበት ቦታ ወደ በረሃ መሰደድ ግድ ሆነባቸው።
ከቅዱስ መጽሐፋቸው ሌላ ሦስት ነገሮች ነበሯቸው፡፡
✅ እነሱም፦
👉 ቅዱስ መጽሐፉን በጨለማ ወቅት ለማንበብ የሚጠቅማቸው
ኩራዝ ፣ጎህ ከመቅደዱ በፊት ከእንቅልፍ የሚቀሰቅሳቸው አንድ አውራ ዶሮ እና ለመጓጓዣነት የሚገለገሉበት አንድ አህያ ነበሩ።
👉 አንድ ቀን ምሽት ከጉዞ የተነሣ በጣም ስለ ደከሙ እኚህ መንፈሳዊ አባት ወደ አንድ መንደር ቀርበው ማደሪያ ቢጠይቁም መንደርተኛው ፈቃደኛ ባለመሆኑ ማንም አላሳደራቸውም።
👉ስለዚህም ከመንደሩ አቅራቢያ አንድ ጉድጓድ ያገኙና በዚያ ውስጥ ገብቶ ለማደር በመወሰን ገብተው አደሩ፡፡
👉 እንደ ወትሮው ቅዱስ መጽሐፋቸውን ለማንበብ ኩራዛቸውን ቢለኩሱትም የነበረው ብርቱ ነፋስ አጠፋባቸው፡፡
👉ስለዚህም ለመተኛት ጋደም እንዳሉ ተኩላ መጥቶ አውራ ዶሮዋቸውን፣ አንበሳም አህያቸውን በሉባቸው፡፡
👉የተደራረበ ጉዳት ስለደረሰባቸው ሽማግሌው እርዳታን በመሻት ወደዚያ መንደር ቢመለሱ ዘራፊ ሽፍታዎች የመንደሩን ነዋሪዎች በሙሉ ገድለው ንብረት ዘርፈው ዖና መንደር ሆኖ አገኙት።
👉ሽማግሌው ይህን ሁሉ ባጤኑ ጊዜ እግዚአብሔር ምን ያህል መልካም ነገርን እንዳደረገላቸው አስተዋሉ።
👉በዚያች ምሽት በመንደርተኞቹ በአንዱ ቤት ቢያድሩ ኖሮ የዘራፊዎች ሰለባ ሆነው ሊገደሉ በቻሉ ነበር።
👉 ቀንዲላቸውንም ነፋስ ባያጠፋው የብርሃኑ ወጋገን እዚህ ጋር ሰው አለ በማለት ለሽፍታዎቹ ያሳብቅ ነበር።
👉አውራ ዶሮአቸውና አህያቸውም ባይበሉ ኖሮ ከሽፍታዎቹ ተደብቀው ማደር ባልቻሉ ነበር።" እግዚአብሔር ከክፉ ነገሮች ውስጥ መልካም ነገር ማውጣት የሚችል አምላክ ነው። "
✅ ስለዚህ እንዲህ በሉ፦
"የሚደርስብኝ ፤ የሚገጥመኝ
ፈተናና መከራ ሁሉ አምላኬ ሆይ ለበጎ ታደርግልኛለህና አመሰግንሐለሁ" አሜን
👏💁♀💁 ሰዎችን add ያድርጉ ገንዘብ ይስሩ !
⚜ አንድ ሰው add ሲያደርጉ 100 ብር ይሰራሉ ።
⚜ 50 ሰው add ሲያደርጉ 5000 ብር ይሰራሉ
⚜ 100 ሰው add ሲያደርጉ 10000 ብር ይሰራሉ
⚜ 200 ሰው add ሲያደርጉ 20000 ብር እና ሌሎች ሽልማቶችን ያገኛሉ።
እስካሁን የጋበዙት ሰው መጠን: 0 ሰው ነው
🔰 መጋበዣ ሊንክ : 👇👇👇👇👇👇
👇👇👇👇👇👇👇👇👇👇 /channel/donkytube_officale
/channel/donkytube_officale
/channel/donkytube_officale
/channel/donkytube_officale
✅ ዛሬውኑ ጀምሮ ገንዘብ ያካማቹ እና ይቀበሉ ።
❌ ማሳሰቢያ : ወደ ግሩፑ እድ ካላደረጉ ሽልማቶን መውሰድ አይችሉም።
የምክር ቃል
ከቅዱስ ኤፍሬም ሶርያዊ
ቅዱስ፣ ጥንቁቅ፣ ግልጽና ብልህ ሁን፡፡
እርጋታን የተላበሰ ሰብእና ይኑርህ፡፡
ደስተኛ ሁን፤ ሰላምታህ በፈገግታ የታጀበ ንጹህ ይሁን፡፡
ንግግርህ የታረመ አጭርና በጨው እንደተቀመመ ጣፋጭ ይሁን፡፡ ቃላቶችህ የተመጠኑ እና ጤናሞች ሁሉም የሚረዳቸው ይሁኑ፡፡
የጓደኛህን ምስጢር አትግለጥ፤
ለሚወዱህ ሁሉ የታመንክ ሁን፡፡
ወደ ጭቅጭቅ እና ንትርክ ከመግባት ራህን ጠብቅ፡፡
የሚሰሙህ ሁሉ እንዳይጠሉህ ወደ ጠብ አትግባ፡፡
ከሰይጣን በቀር ምንም ጠላት አይኑርህ፡፡
የሰዎችን ስህተት አትመራመር፤
የባልንጀራህ ኃጢአት አትግለጥ፡፡
የባልጀራህ ውድቀት ደጋግመህ አታውራ፡፡
በራስህ ኃጢአት ላይ ፍረድ እንጂ
በሌሎች ላይ አትፍረድ ገዢያቸው አይደለህምና፡፡
ኃጢአትን በፈጸመ ሰው ላይ
ወቀሳ አታብዛ አንተም ትበድላለህና፡፡
ነገር ግን ከኃጢአቱ ይመለስ ዘንድ ረዳትና መካሪ ሁነው፡፡ ከወደቀበትም የስህተት ሥራ እንዲወጣ አበርታው፡፡
ተስፋውን በእግዚአብሔር ላይ ቢያደርግ
ኃጢአቱን ልክ በእሳት ፊት እንደወደቀ ገለባ
ፈጥኖ እንደሚወገድለት ንገረው፡፡
ተፈጥሮ እንደ መጽሐፍ ፍጥረታት እንደ ጽላት ይሁኑህ፡፡
ከእነሱ ሕግጋትን ተማር፤
በተመስጦ ሆነህ በመጽሐፍ ያልሰፈሩትን ምስጢራት ተረዳ።
እግዚአብሔርን ከሚፈራ በቀር ባለጸጋ የሆነ ሰው ማነው?
የእውነት እውቀት ከጎደለው ሰው በላይ ፍጹም ደሃ የሆነ ማን ነው? ሁል ጊዜም እውነተኛ ፍቅራችን ጸንቶ ይቀጥል ዘንድ
ወደ እግዚአብሔር ጸልይ፡፡ እርሱን ለምነው፡፡
ስለ ቸርነቱ ምስጋና አቅርብ፤ ምክሬን ፈጽሞ ቸል አትበል፡፡
የቅዱስ ኤፍሬም በረከት አይለየን🙏
መስከረም 30/2017 #መጥምቀ_መለኮት_ቅዱስ_ዮሐንስ
#ሐዋርያዉ_ቅዱስ_ማርቆስ
👉በስመ #አብ_ወወልድ_ወመንፈስ_ቅዱስ አሐዱ አምላክ አሜን አምላካችን መድኃኒታችን #ኢየሱስ_ክርስቶስን በቅዱሣኑ ስም ለምናመሰግንበት ለቅዱሣኑ ወርሐዊ መታሠቢያ ክብረ በአል እንኳን አደረሰን
👉እውነት እላችኋለሁ ከሴቶች ከተወለዱት መካከል ከመጥምቁ #ዮሐንስ የሚበልጥ አልተነሣም ማቴ.11፥11
👉የጌታችን #ኢየሱስ_ክርስቶስ ቃል ስለ መጥምቀ መለኮት #ቅዱስ ዮሐንስ ክብር መጥምቀ መለኮት ቅዱስ ዮሐንስ በጌታ የተከበረ ነቢይ እና ጻድቅ ነው እውነት እላችኋለሁ ከሴቶች ከተወለዱት መካከል ከመጥምቁ ዮሐንስ የሚበልጥ የለም በማለት የተናገረለት ቅዱስ አባት ነው
👉የመጥምቀ መለኮት #ቅዱስ_ዮሐንስ
የተሰጡት ሃብተ ፀጋዎች
1 👉 ነብይ
2 👉 ካህን
3 👉 መምህር
4 👉 ሐዋርያ
5 👉 ፃድቅ
6 👉 መጥምቅ
7 👉 ሰማእት ነው
👉 #ቅዱስ_ዮሐንስ ከነቢያት ሁሉ የሚበልጥ መሆኑን ጌታችን ሲናገር እንዲህ ብሎ ተናግሮለታል ከነቢያት ሁሉ የሚበልጥ #ነብይ ነው እላችኋለሁ በማለት መስክሮለታል
👉 #ቅዱስ_ዮሐንስ ሃቀኛ መምህር፤ ነቢይ፤ ካህን፤ ሰማዕት፤ ሐዋርያ በመሆኑ ከአምላኩ ክብርን የተቀበለ ቅዱስ አባት ነው ስለዚህ ነው ደግሞ ጌታችን #ኢየሱስ_ክርስቶስ እራሱ ግልጽ አድርጎ ስለ #ቅዱስ_ዮሐንስ ክብር የተናገረው
👉ትንቢት የተነገረለት #ቅዱስ_ዮሐንስ ክብሩ በመልአኩ እንዲህ በማለት ነው የተመሠከረለት #በእግዚአብሔር ፊት ታላቅ ነቢይ እንደሆነ #በመንፈስ_ቅዱስ የተመረጠ በንጽሕናው በአገልግሎቱ #በመላእክት ደረጃ የሚታሰብ ሲሆን ምልጃና ፀሎቱ የከበረዉ
ቃል ኪዳን ሁላችንንም ይጠብቀን
👉ለኢትዮጲያና ለግብፅ አባታችን አስተማሪያችን የሆነዉ ሐዋርያዉ #ቅዱስ_ማርቆስ በዚህ እለት የመታሠቢያ በአሉ ሲሆን ምልጃና ፀሎቱ ረድኤትና በረከቱ የአባትነት ፍቅሩ አይለየን አምላካችን መድኃኒታችን #ኢየሱስ_ክርስቶስ ከቅዱሳኑ ረድኤት በረከት ያሣትፈን "አሜን" ✝️ 💒 ✝️
ጌታችን ለዮሐንስ ያልነገረው እርሱም ያላስተማረው ምሥጢር የለም፡፡ ወንጌሉን መጻፍ ሲጀምር "በመጀመሪያ ቃል ነበረ፣ ቃልም በእግዚአብሔር ዘንድ ነበረ…" ብሎ የጌታችን ነገር ተመራምሮ ለመድረስ ሲል በመሀል መልአኩን በዮርዳኖስ ባሕር ላይ ሲሄድ አገኘው፡፡ መልአኩም የዮርዳኖስን ባሕር በእንቁላል ቅርፊት እየጨለፈ ወደ ውጭ ሲያፈስ ተመለከተው፡፡ ዮሐንስም ተገርሞ "ምን ማድረግህ ነው" አለው፡፡ መልአኩም "የዮርዳኖስን ባሕር ቀድቼ እየደፋሁ ልጨርሰው ነው" ሲለው ዮሐንስም መልሶ "ታዲያ በእንቁላል ስባሪ ነውን?" አለው፡፡ መልአኩም "አዎን" አለው፡፡ ዮሐንስም "በከንቱ ደከምክ" አለው፡፡ ይህን ጊዜ መልአኩም መልሶ "አንተስ እንጂ ደግሞ የአምላክን መገኘት፣ አኗኗሩንም ተመራምረህ በጥበብ ለማግኘት ብለህ 'በመጀመሪያ ቃል ነበረ፣ ቃልም በእግዚአብሔር ዘንድ ነበረ..' ብለህ ጀምረህ የለምን? አንተ ጌታን ተመራምረህ ካገኘህና ከደረስክበት እኔም የዮርዳኖስን ወንዝ በዚህ እንቁላል ቅርፊት ቀድቼ እጨርሰዋለሁ" አለው፡፡ ዮሐንስም ይህን ጊዜ ደንግጦ ዝቅ ብሎ "ስሙ ዮሐንስ የሚባል አንድ ሰው ነበረ…" ብሎ ሀሳቡን ለወጠና ሌላ ታሪክ ቀጠለ፡፡
ቅዱስ ዮሐንስ ጌታችንን እስከ እግረ መስቀሉ ድረስ በመከተሉ ክርስቲያኖችን ሁሉ ወክሎ እመቤታችንን በአደራ የተቀበለ እርሱም ለመቤታችን በአደራ የተሰጠ ሲሆን እመቤታችንን ከወሰዳት በኋላ ለ16 ዓመት እየተንከባከበ ጠብቋታል፡፡ እናቱም በሕፃንነቱ ስለሞተች እመቤታችን ናት እየተንከባከበች ያሳደገችው፡፡
ቅዱስ ዮሐንስ በመልኩም ከጌታችን ጋር ይመሳል ነበር፡፡ ቅዱስ ዮሐንስ ሥዕል የመሳል ተሰጥኦም ነበረው፡፡ ጌታችን በተሰቀለበት ዘመን የነበረው ጢባርዮስ ቄሳር ልጁ በሽተኛ ነበር፡፡ የጌታችንን የማዳን ሥራ እየሰማ እነ ጲላጦስም ስለጌታችን የሚጽፉለትን ይሰማ ስለነበር ልጁን ከጌታችን መቃብር ላይ እንዲያኖሩለት ላከው፡፡ ልጁም ፈጥኖ ተፈወሰለት፡፡ ጢባርዮስ ቄሳርም በልጁ መዳን ምክንያት የጌታችንን ውለታ ማስቀመጥ ፈልጎ የጌታችንን ሥዕሉን የሚሥልለትን ሲያጠያይቅ ዮሐንስን አገናኙት፡፡ ዮሐንስም ጌታችንን ልክ በዕለተ ዓርብ እንደተሰቀለ አድርጎ በመሣል ለጢባርዮስ ቄሳር ሰጠው፡፡ ሲሥለውም በመጀመሪያ ጌታችንን ልክ እንደተሰቀለ አድርጎ ራቁቱን ነበር የሳለው፡፡ ዮሐንስ የሳለው የጌታችን ሥዕልም አፍ አውጥቶ "በመጀመሪያ አይሁድ በኢየሩሳሌም ራቁቴን ሰቀሉኝ፣ አሁን ደግሞ አንተ ድጋሚ በሮም ራቁቴን ትሰቅለኝን?" ብሎ ተናገረው፡፡ ዮሐንስም እጅግ ደንግጦ "እንዴት አድርጌ ልሳልህ?" ብሎ የሳለውን ሥዕል ቢጠይቀው ሥዕሉም "ከለሜዳ አልብሰህ ሳለኝ" አለው፡፡ ዮሐንስም እንዳለው ከለሜዳ አልብሶ ከሳለው በኋላ ሥዕሉን ትኩር ብሎ ተመልክቶ ቢስመው ከንፈሩ አንድ ቀን ተኩል ያህል ተጣብቆ ቆይቷል፡፡ ዛሬም ቅድስት ቤተ ክርስቲያናችን የምትጠቀምባቸውን የጌታችንን ስነ ስቅለት የሚያሳዩ ሥዕሎች መገኛቸው ይህ ወንጌላዊው ዮሐንስ የሳለው ሥዕል ነው፡፡
ቅዱስ ዮሐንስ በተለያዩ ስሞች ይጠራል፦
በሕይወቱና በኑሮው ሁሉ ጌታችንን ለመምሰል ይጥር ነበርና ጌታችንም እጅግ ይወደው ስለነበር "#ፍቁረ_እግዚእ" ተባለ፣ የታላቁ ያዕቆብ ታናሽ ወንድም ስለሆነና አባቱም ዘብድዮስ ስለሚባል "#ዮሐንስ_ወልደ_ዘብድዮስ" ተባለ፣ ለጌታችን ባለው ቅናትና ከወንድሙ ጋር ሆነው ባሳዩት የኃይል ሥራ እንዲሁም የጌታችንን አምላክነት በመግለጡ "#ወልደ_ነጎድጓድ" ተብሏል፣ ነገረ መለኮትን ከሌሎቹ በበለጠ ሁኔታ አስፍቶና አምልቶ በማስተማሩ "#ነባቤ_መነኮት ወይም #ታኦሎጎስ" ተብሏል፣ ኃላፊውንና መጻዒውን ጊዜ በራእዩ ስለገለጠ "#አቡቀለምሲስ" ተባለ፣ ይህም በግሪክኛ #ባለራእይ ማለት ነው፣ የጌታችንን መከራ መስቀሉን እያስታወሰ 70 ዘመን ሙሉ እያለቀሰ ስለኖረና ፊቱም በሀዘን ስለተቋጠረ "#ቁጹረ_ገጽ" ተብሏል፡፡
ለእግዚአብሔርም ምስጋና ይሁን እኛንም በቅዱሳኑ ሁሉ ጸሎት ይማረን በረከታቸውም ከእኛ ጋር ትኑር ለዘላለሙ አሜን።
(#ስንክሳር_ዘወርኅ_መስከረም እና #ከገድላት_አንደበት)
ተወዳጆች
አንድን ሰው
ገበናውን ስንሸፍንለት እንዲድን እናደርገዋለን
✅ አንድ ታሪክ አለ
አንድ በበረሀ የሚኖር አባት አለ
ከንጉሥ ቤት ተጠርቶ ይሄዳል
ሰው አያውቅም ሴትም አይቶ አያውቅም
እና ባርክልን ተብሎ ነው የሄደው
ሌሊት ለፀሎት ቤት ሰጠውት
ንጉሡም ከማረፊያው ሄዷል
ሰራዊቱም እንደዛው ማረፊያቸው ሄደዋል
✅ ይሄ ባህታዊ
ተነስቶ ከንግስቲቷ ይሄዳል ሌሊት
የማይገባ ጥያቄ ይጠይቃታል
✅ ንግስቲቱ
ተው አባ የዘላለም ክብርህን
በአንድ ቀን ታጣለህ ትለዋለች።
አንቺ እኔን ልትመክሪ ነው
አይሆንም ፈቃዴን ፈጽሚ ይላታል።
✅ ይሄን ባላት ጊዜ ጮኸች እሷ
ሰው ሁሉ መጣ ንጉሡም መጣ ሠራዊቱ ሁሉ መጣ
ምን ሆነሽ ነው ሲላት ደሞ ፊቷ ላይ ቆሟል
በፀሎት አስበኝ ብየው ሌሊት ደንግጨ ጠርቼው
ከአፉ የሚወጣው የእሳት ብርሃን አስደንግጦኝ
ሲፀልይ ከአፉ ሚወጣው ብርሃን ብላ ትናገራለች
✅ እነሱ ሁሉ ሰግደው አባ በፀሎት አስበን
ኧረ እኔ ኃጢአተኛ ነኝ
በሀጥያቴ ነው እንጂ እንደዚህ አይደለም
ቢል ማን ይሰማዋል ሰው ሁሉ እየሄደ መስገድ
እና እንደዚህ አድርጋ አሳፍራ ኃጢአቱንም አስቁማ
ደሞ ሰውየወንም ከመከራ ጠብቃ
ወደ ገዳሙ ተመልሶ እንደኖር አድርጋ
በክብር እንዲበቃ አድርገዋለች
✅ ሰዎችን
ገመና ሽፍነን በውስጥ ብናስተካክላቸው
የወደቁ ሰዎች ይነሳሉ ለክብር ይበቃሉ
እና ይሄንን ነው ማድረግ ያለብን
ቸሩ እግዚአብሔር የወደቁትን እንድናነሳ ኃይሉን ይስጠን🙏