2063
ذلك ومن يعظم شعائر الله فإنها من تقوى القلوب
*بشان دخول الكوفه*
🚩🚩🚩🚩
ياخويه مهظومه ودمعي اسيله
للكوفه اطب شلون وانا الجليله
__
زينـب انا يناس والله ماتنذل
بالستر والعفه مثلي مايحصل
بس الگلب مكسور والدمعه تهمل
من راحت الاخوان روحي نحيله
____
محنية الاضلاع والدمع ساچم
مدللـه وتـدرون بنت الهواشم
ماامشي بين ازلام تنظر الوادم
ماترضى غيرتكم وانه الجليله
___
اترادفت الهموم دربي ماشوفه
والزمن بيه جـار طبيت الكوفه
لاچن سبيه حيف ايدي مچتوفه
الراس مني شاب ماعندي حيله
__
سهم العدى چتال ياهل الحميه
بالحسره والآهات ابچي الرزيه
من دخلت الديوان شفت الاذيه
راح الاخو الچان حملي يشيله
____
مخنوقة الانفاس ناري لهيبه
وينه ابوفاضل امنين اجيبه
ايباوع الايتام وخته الغريبه
بالهظم محزونه ونتي ثجيله
*الخلود الحسيني*
*نسالكم الدعاء*
بهذا الطور👇🏻
يابن امي عالتربان
https://youtu.be/UCcFlIEQdqg?si=XN3FAAOHmmui5Z-r
/channel/khdmat
نعي
الليله الثامنه (القاسم)
لسان حال رمله ع
يـجـاسم يبني ربـيـتـك ولـلشـيـب الـولـد يراد
يـزهـرة عـمـري وسنيني ما ادري زمانـي اشـراد
اكـابـر وحـمـل جروحي لچن ماينفع الهه اضماد
شسوي وفرگتك صعبه والگلبي الـصبـر مـا فـاد
احـلـم بـيـك يـولـيـدي افـز وصورتـك بـالـعـين
يالغالي انگطع رجواي هالفجعه اجتني مـنـيـن
عفتني بحزني والدمعه وعگبك ما رحمني البين
امــك يـا بــعــد امــك واهلك عـرسـك متانين
چانت ضنتي اتشوفـك عيني وبـيـدك الـحنـه
يـوم بـيـوم احـسـبـهـن گـلـت يـكـبـر وزفـنـه
اجتنه الغاضـريـه منين يـويلي وگطعت الضنه
يـيـمه الـمـوت اشوالـي امـوت واخلص اتـمـنـه
دهـري زاوداني أعـلـيك وبـعـد هيهات نتلاگـه
الـمـثـلـك ولـد ويـروح يـتـرك نـار حـرّاگــه
ثـكـلـه وبالحزن ضليت وروحي عليك متلاگه
يگلولي خـذاچ الـشـيب گلتلـهـم عـلـى فـراگـه
*---------------*---------------*
ابوذيات
الـلـيـالـــي خــــــــوش بـــفـــراگـــك.. يـــزتـــنـــي
وشـجــاهـــه أســـهـــام عـــدوانــــك.. يـــزتـــنـــي
يـــجـــاســــم يــــاهــــو لـگــــبــــري.. يـــزتـــنـــي
ويـــقـــره الـفـاتـــحــــة ويـــنـــصـــب عـــــزيـــــه
*---------------*---------------*
ظـــهـــري انـكـسـر بـــمـــصـــابـــك.. وحــنــيــت
ودمـــعـــتـــي ســــالــت بــــخـــدي.. وحــنــيــت
يـجـــاســـم خـــضـــبـــت شــيـبــي.. وحــنــيــت
بــــدمــــك والـــنــــهــــار اظـلــم عــــلــــيـــــــــه
*---------------*---------------*
✍خادم الحسين ع
الشاعر رعد الجريخي
ி┈┈••☆✿🌹🌿🌹✿☆••┈┈┈ி
🕊☆~`` الملا علي المياحي ``~☆🕊
ஜ••("🕯 @alimaeahe 🕯")••ஜ
ياهلا بشبان حي خير العمل
هذا هو الاكبر على الحومه نزل
ياهلا بشبان حي خير العمل
@@@
كفو شبه المصطفى هد عالوغه
وگبل سيفه بالرگب طگ بيرغه
لو گصد عد صوب منهم فرغه
وخل اجساد العساكر كالجبل
ياهلا بشبان حي خير العمل
@@@
جيش اميه من هجم لكبر نقص
الميمنه عالميسره ابسيفه انخبص
ابمجبل ايوزع من القتله حصص
صاح شاردهم ترى عظمي انتحل
ياهلا بشبان حي خير العمل
@@@
هوستله الحومه ياشبه الرسول
وحده سبعين الالف طشها فلول
وصرخته ياثار ضلعين البتول
چنه عمه بوالفضل لمن زعل
ياهلا بشبان حي خير العمل
@@@
صاح سيفه بالحرب هل من مزيد
ورعبه زلزل شامها وزلزل يزيد
ورحمه رمح العارف ايطگ بالوريد
وسحر قوة شامها ابسيفه بُطَل
ياهلا بشبان حي خير العمل
@@@
سألوا بن غانم بعد شالحاصله
من طلب لكبر يجيله اينازله
علي ماشاف ابِرازه مشكله
طگه طگه وراسه من عرجه انفصل
ياهلا بشبان حي خير العمل
@@@
لوما لكبر ضامي بثگال الحديد
ويمكن ابنحر نشف حتى الوريد
چبدته متيبسه مثل الجريد
لو سعف يابس على جذوع النخل
ياهلا بشبان حي خير العمل
@@@
الشاف دون حسين يامحله الممات
باع لله ابكربله حتى الحياة
وكوثر اليرريه مو ماي الفرات
بيده جده المصطفى اذا انقتل
ياهلا بشبان حي خير العمل
@@@
علي احمد الحمود
٣-٧-٢٠٢٥
شهادة الأكبر ع
طلع شباب امن الخيم .. هلهلي زينب
شبل الاسد شايل علم .. بيده لمذهب
آه آه .. بدر وسطع
آه آه .. لكبر طلع
@@@
شبه طه جدي احمد ابني يا ليلى
وللحرب عدل لثامه وجهز الخيله
يالله يا ليلى لرجوعه گومي ادعيله
لربچ ايدچ ارفعيها وذبي الشيله
…
ليعقوب يمعود اله .. يوسف الغايب
سالم علي رده لهله .. من لكتايب
يا من .. صوتي سمع
آه آه .. لكبر طلع
@@@
لو رجع يا ليلى ابنچ نادي الحوره
ضمدوا اجراحه ونزيفه ومهجته الجمره
يريد ماي ولوهو بيده جبته من نهره
وشاء ربي ايموت ضامي چبده منفطره
…
ضمدوا جراحه والالم .. ليلى وي زينب
داووا طعن رمح وسهم .. جسمه لمخضب
وحده .. ابجيش اجتمع
آه آه .. لكبر طلع
@@@
هلهلي نوبه لطلوعه بالله ياعمته
بعد لحظات ابهجومه ينطفي صوته
مو سهل وادري بوداعه رايح لموته
خل احظنه بچبده حره اتصير مفتوته
…
وداع الابو لبنه صعب .. يخنگ الريه
وشلون لو صوب الحرب .. گاصد النيه
راح راح .. ونوحي ارتفع
آه آه .. لكبر طلع
@@@
حيدري للحومه رجها و مذبحه سوه
رغم ماضامي ودليله ماي متروه
دار بيهم من گلبهم والاجل هوّه
بذل مجهود ابجهاده وگلب يتچوه
…
حد ماغدر جاله نذل .. طاعنه ابخصره
والعبدي لن سيفه يسل .. وطبره ابطبره
دم سال .. وابني وگع
آه آه .. لكبر طلع
@@@
لحظه لن جيش ال اميه رد للمعسكر
وسمعت جدي جاني بماي من كوثر
طاح عد عسكر ميرحم للولد طبر
ورحت اركض وانا اصرخ آه يالاكبر
…
طاح الولد بيد العده .. والعدو استبشر
برماح وسيوف و مُدى .. وطعن بالخنجر
مات مات .. جسمه نوزع
آه آه .. لكبر طلع
@@@
يالله ياعمته العقيله جهزي امچانه
انا والعباس رحنه لصوب ميدانه
اباريه شلناه لكبر اتصب دمانه
ولا تشوفه الام ضناها الباريه اچفانه
…
اعضاءه كلها اموذره .. والدمه تشخب
والله يفجع منظره .. ابكل جه مصوب
وين وين .. صاير گطع
آه آه .. لكبر طلع
@@@
علي أحمد الحمود
٣-٧-٢٠٢٥
شهادة الاكبر ع
*بشان علي الاكبر عليه السلام*
🚩🚩🚩🚩
*ليلى تنادي يالاكبر… للحومه اودعنك*
*ردتك تمشي اگبالي… اتزود واشمنك*
&&&
شبگت للولد والعين… مثل النهر مجراها
نوب اتقبل الچفين …نوب اتزيد مبچاها
تگله روحـتك صعبه …يالإكبر ورجواها
*هاك الروح من ترحل*
*گبلك موتي لو تقبل*
*سيف العدى من يوصل*
*شنهي البصر ويا الراي …لوگالو اعوفنك*
&&&
تگله ياثمر گلبي …شمعه طفت بالصيوان
بعدك ابعمر الورود … ليش اتروح للميدان
خـلـيني اشمنـك …ياروحي ودِمه الشريـان
*طولك يبني ومحياك*
*صوره بگلبي مانساك*
*داري من بعد عيناك*
*ظلمه يابدر ليلي …وبحزني اندبنك*
&&&
غصني اتكسر بشوفك …محنيه عليك اضلاع
شلون الشمس بغيابك… تصير الدنيا للاسباع
وانه نـاري مستعره … بفگدك ياحلو الاطباع
*يابسمه امل عمري*
*طيفك دايم ابفكري*
*بعدك ينكسري ظهري*
*تاليها عله هالگاع… ينزف الدمه منك*
&&&
يمه وداعة الباري… والفرگه عليه تصعب
من يلـفي ظلام الليل… بلوعه يبني اتعذب
ويفيض الدمع غدارن… من اتذكرك انحب
*ليش الكفر فجعوني*
*منك يبني حرموني*
*بعدك عمين اعيوني*
*اصفج راحتي بچفي… شلون اليوم اودعنك*
*الخلود الحُسيني*
*نسالكم الدعاء*
*بهذا الطور*
https://youtu.be/uPY_GGg4iRQ
ி┈┈••☆✿🌹🌿🌹✿☆••┈┈┈ி
🕊☆~`` الملا علي المياحي ``~☆🕊
ஜ••("🕯 @alimaeahe 🕯")••ஜ
وزن حمزه الزغير دهري ذبني دارمي إلى القاسم ابن الإمام الحسن عليه السلام
يوليدي يــا جسّــام بالحــومـه عمك
انهض يا مــاي العين رخصله دمـك
يبنــي جـاســــم
حگ الـــربه هــل اليــوم أريـدنــه
****
يوليدي حگ ارباي هــل يــوم أريـده
والحسن يـا جسـّـام وصَه ابعضـيده
روحــك يـــا ماي العين خليهـا بيــده
ومنـــك أريــد اليــوم حـيل الصميده
ضحــــي دمــــــك
حگ الربـــه هــــل اليـــوم أريدنه
*
ربيتــك ازغيــرون ساهــرت ليلــي
وتعبني يبني أربــاك ما گلت ويلي
حيلي نــذرته أعليك يا بعــد حيلي
عمـك وحيد اليوم يـا عيني سيلي
وافـــــي عمـــــك
حگ الربــه هـــل اليـــوم أريدنه
****
يبنــي العمـــر لحسـين خليــه هديـه
وخلينــي احنّـي أبفيض دمك أديــه
يوليدي ا دري اليـــوم يـــوم الـرزيـه
ينفجـــع يبني أعليــك گلـب الزچيــه
دونـــــه عمـــــرك
حگ الـــربه هــل اليــوم أريـدنــه
****
شمعــه العمــر لحسين أشعـل شبابك
والحنّه يبني أتصير مــن دم خضابك
لــو عمــك أيناديــك يصعـب مصابـك
فــدوه ألك گله يروح عمــري بجوابك
عـمـــري فـــــــدوه
حگ الـــربه هــل اليــوم أريـدنــه
****
سيف الحـسن هاليوم شيلــه بيمينـــك
يبن الحــسن يا حيـــد واحمـي عرينك
دينك حسين يصير حـــامي عـن دينك
ولسبـــط أبو الــزهراء رخـص أسنينك
لجلــــه عمـــــرك
حگ الـــربه هــل اليــوم أريـدنــه
**
جــاسم ييمه أتشوف خيل أل آميـه
متجمعـــه ضـــد حسين بالغـــاضريه
يوليدي دونـــه اليــوم محلـه المــنيه
تحيا تـــرى مــن تمـوت نفسـك أبيــه
لعمـــــك دمــــــك
حگ الـــربه هــل اليــوم أريـدنــه
****
الشاعر
موسى البديري
تضمين مستهلات تراث إلى القاسم ابن الإمام الحسن عليهما السلام
على الشبان أنوح أبدمعـــه سچابــه
مثل رمله أعلى ابنها التنعه لمصابه
*
نهل احنه لمصابــك كــل وكت دمعـــه
مــنْ ننظــر يجاسم بالعـــرس شمعــه
مــنْ أنشــوف احنـه الفـاگــده التنعــه
مــنْ حمــزه الزغيــر يقــره ونسمعــه
يــمّــه اذكــــرينــي مــنْ تمر زَفّــت شباب
مـن العرس محروم حنتّــي دم المصــــاب
شمعــة شبابــي مــن يطفــوهـــه
حنتي دمي والجفن ذاري التـراب
يمّه اذكريني من تمر زفت شباب
*
حفر بينا الحزن لمصابك أبكـل عــام
مــن نفگـــد شبــاب ونشعــر بـــآلام
چــم أم التسـاهــر والجفــن مــا نـام
مــن ينعــي النويني بمستهل جسـام
جسـام يا ضنوتي رايح رايح من أعيوني
مـا رحمني الدهـر وانتـــه نـور البصـــر
رايــح رايـــح مــن أعيـــوني
*
شلون الأم تــوّدع كـــل هــوه الـريه
وتعـــرف بيـــه مـــا منــه بعــد جيه
باچــر عنـك امشــي أوليـدي مسبيه
ويــرد بينــه الــزغير حمـزه يوميه
يــا محلا الـــوداع بهـــل المسيه
وعلـــوم المنيـــه
بيـــن الفـــاطمـــي والفـــاطـميه
*
علــى الشبان مــا يفتـــك بعـد حزني
ولا يخلــص شبيـــه أم الــولـد ونّـي
انشدهــا التنـــوح أتجــاوبــك عنــي
يصــرخ بي جــاسم كـــل وكت يبني
آ يبني شگــول أعليــك آ يبني
دوهــني زمــاني بيــك دوهني
*
الله يســاعد التفــگــد وحــيــد ألهــا
بــس النــوح طــول الليــل يشغلــها
مثل حــال الغريبــه الـــراح كــافلها
وظــل عبدالرضا هل الدمعه يهملها
زينب يــا غريبه الله شمصيبــه
وجهچ يا زينب وين مذبوح اخوچ حسين
والجثــه سليبــه الله شمصيبــه
**
الشاعر
موسى البديري
*هوسات بشان العباس عليه السلام*
🚩🚩🚩🚩
للمعركه طب بعزم اوشرد الفرسان
عباس صگار الاسود ايحارب ابتقان
اليوم سبع الگنطره ماهمته العدوان
*سل سيفه / هز الميدانه*
&&&
خلى جثثهم عالثرى الجيش ينظر ليه
امطشره بسيف ورمح مايهاب من تاليه
اترفرف الرايه عليه ايزامط ابواليه
*حتى الموت ايهاب اعيونه*
&&&
بكل شجاعه للنهر بوفاضل اتعنه
الجود بيمينه انترس وماشرب منه
يواسي عضيده بالعطش مايخيب اضنه
*هالخدر يرويها بزوده*
&&&
*الخلود الحُسيني*
*نسالكم الدعاء*
/channel/khdmat
شتدت العرگه وتريد ارجالها
وابو فاضـــل هل برز خيالها
شردت الخياله من طب الكفيل
والنشامه اتعثرت بخيالها
طبلها شايل رايه وطش الزلم ع الزلم
حي الله عم اسكينه يثلم فلا ينثلم
سد الهوه بلحومه وصار النفس بالحلم
طبها عباس دخيله يامحلاته
ـــــــــــــــــــــــــــ
ياعلي صاح ابو فاضل من بعيد
رجفت الحومه ودخل بيها العجيد
الخيل تسحك كامت ابروس الرجال
الحوك بيهم رجله همت بالشريد
يتبختر ابريشاته وطب عالحرب ياهلا
يتجادح ابخزراته وحل الغضب بالفلا
حيد وشهم محلاته وتشهد اله كربلا
طبها عباس دخيله يامحلاته
ـــــــــــــــــــــــــــ
شد عله المهـره ونــــزل راعيها
وحالف بزينـــب قسم يكضيها
يختلف وگت الحرب عن الرجال
مو بسيفه اعيونه يذبــح بيها
اعيونه اسيوف تتلامع كلمن يصد ينذبح
يرد مشلول لديــــاره المــن بعيد يلمح
قاده حيود صاحوله دخيلك نريد الصلح
طبها عباس دخيله يامحلاته
ـــــــــــــــــــــــــــ
هذا بزرة حيدره فحـــل الفحول
الله خصصله صفه تحير العقول
ابد مايخسر حرب لو طبهه دوم
اعدائه تشهدله وكفو منه تكـول
توجع حيل ضرباته تشهدله دوم الحرب
هز الجــــيش بالرايه يغلب ولا ينغلب
جان زغير بس قائد بلگنطره اشكد صعب
طبها عباس دخيله يامحلاته
ـــــــــــــــــــــــــــ
هذا ابو فاضـــــــل مثل ليث العرين
حامي ضعن حسين والدرع الحصين
أستئذن من احسين گاصد للفرات
توكل اعله الله وعلي وأم البنين
طب الحيد والرايه تتخاطف اويه الهوه
بس عباس بالحومه صفنت زلم نينوه
جاب الماي والقاده شمرهه مثل النوه
طبها عباس دخيله يامحلاته
ـــــــــــــــــــــــــــ
محمد المشعلاوي
كعده للانصار
___
انصارك احنه وللمنيه_ شتامرنه ياروح الزجيه
علعهد نبقه انصار_ شما حكمت الاقدار
انصارك احنه والمنيه
××××××××××
الله خص من عالم الذر زلم وبهمه ومعالي
واحنه خصنه لبو اليمه لان عنده حسين غالي
ارجال موقفنه شرفنه وبالعقيده الشرف عالي
_
رايتنه لحسين اخفكت_ بيها الارواح اتعلكت_ للعليه هيه اتسابكت
وبالمنيه مانبالي
وقعنه بالدم مو بالايدين_ كلحنه فدوه نروح لحسين
لو صار وشماصار_ شما حكمت الاقدار
انصارك احنه وللمنيه
×××××××××××
مدرسة امجاد والطف مرحله جانت اخيره
حسين وقع بالنتيجه فايز وفوزه جبيره
اطلعنه بيها بوجه ابيض ناجح اللي حسين اميره
_
وبكلب ابيض ناصعي_ناصَرنَه عن حب ووعي_ واجهنه جيش ابن الدعي_
وفّه واحدنه لضميره
وفّينه من عاهدنه للموت_ خل تسمع الأجيال هالصوت
لدين النبي المختار_ شما حكمت الاقدار
انصارك احنه وللمنبه
×××××××××
اوكفنه بالطف وكفه يشهد الها تاريخ الرجوله
عابس الشاكري وجون ولحبيب اروع بطوله
صرنه مو سبعين واحد شكال قائدنه نكوله
واحدنه شامخ كالجبل_ بالحرب يوجع لو حِمَل_ ماعدنه خوف ولاوجل
نمشي للموت بسهوله
طشينه الارواح بطريقه_ من شفنه بحسين الحقيقه
نسحك على الاخطار_ شما حكمت الاقدار
انصارك احنه وللمنيه
×××××××
الذله مالايكه ويانه من انولدنه احرار للطف
بينه خط الشرف اسمه وصرنه من الشرف اشرف
كلوبنه بحب الزجيه وكل كلب بحسين ينظف
_
من انخلقنه لكربله_ انصار لابن عقد الوله_ شفناها اقدس منزله
الله بينه بهاي ألطف
من مكرمة الله بعباده_ يكتب مع حسين الشهاده
ودرب العدل يختار_ شما حكمت الاقدار
انصارك احنه وللمنيه
××××××
احساس سبعينك يقائد يشهدالله احساس واحد
انت بس حسين عدنه ليا بشر بعدك نعاهد
نعم سبعين بعددنه بس بلف وكت الشدايد
سبعين الف وكت الشدد_ هاك اخذ من عدنه عهد_ انصارك احنه وللابد
يا حسين والله شاهد
موته بشرف نكتبها بالدم_ عن زينب وعن المخيم
اتعلمنه ع ايثار_ شما حكمت الاقدار
انصارك احنه وللمنيه
××× محسن الجنابي ××××
١٤٤٥هج ر ع
ابوذيه 🚩🚩
عجت وبخيام الخدر ونصار
وسكنه تنشد العباس ونصار
ابن ضاهر فزع بالسيف ونصار
فدو ارواحهم لبن الزچيه
ام اباذر السكيني
نسالكم الدعاء
هاي ام البنين البشدد تحضر
اي والله وحك عباس متقصر
تذكروها ××× وتحلفوها ××× ببو فاضل
والله ××× والله ××× هاي ام الفضل والغيره عدها
للدين××× وحسين××× ضحت بالولد ونطت ولدها
ديوان ××× عنوان ××× صارت للوفه لمن تعدها
لحسين ××× لحسين ××× بس لحسينها كثرت نشدها
كالت اربعتهم فدوه لحسيني
للزهراء اريداً اوفي ابديني
تصد ليهم ××× تحاجيهم ××× شنو الحاصل --‐----١
عباس ××× عباس ××× كبل لا اطلع توصيني عنها
يا ماي ××× رواي ××× يا كافل اخيته الماكو منها
يا جود ××× والجود ××× مو ماي انترس غيره من ابنها
يا حيد ××× ونريد ××× تذل الماي يا كافل ضعنها
أعرفك يا شهم يا غيره يا رايه
فرات العلكمي ردتك تذل مايه
شبل حيدر ××× مثل حيدر ××× من يقاتل--‐----٢
لو صار ××× إنذار ××× بالطف عالحرب هدو ولدها
عباس ××× نوماس ××× لجل الحره روس الكل حصدها
عثمان ××× عنوان ××× وكت الموزمه اعدائه يردها
عيناك ××× يمناك ××× عبد الله الرجال بسيفه صدها
شهم يا حيد اعرفك والله يا جعفر
تكص روس الاعادي التكرهه لحيدر
يغيرتها ××× وينخوتها ××× فلا تجامل --‐----٣
متريد ××× وبعيد ××× عنها من صدك طولتو الغياب
وليل ××× اطويل ××× عنكم تسال وتنشد هوه الهاب
لحسين ××× تردين ××× سالتي الناعي مو لهلج الغياب
تكولين ×××ياعين ××× البيت ابلايه والي اليوم ينعاب
المهم احسيني سالم والبكه براسي
وخل تنكطع جف الغالي عباسي
ردت هايه ××× وصفت رايه ××× وعلم نازل--‐----٤
الله ××× والله ××× باب من الحوائج فاتحلها
مهموم ××× مهضوم ××× بس اكصدها ودموعك تهلها
متخيب ××× وتصيب ××× مكضيه ومصيباتك تحلها
ومتحير ××× وتصير ××× من تحلفها بخته وبالكفلها
وحك عباس اكول الحاجه مكضيه
وبخدر المشت للشام مسبيه
يحاجتكم ××× تجي لعدكم ××× بلا مقابل --‐----٥
عباس العبودي الواسطي
مسلم وحميدة عليهم السلام✍️
بويـة مسلم رد علـــــية
لــو توديلــي المنـــــية
**
شوفتك چانت يبوية چنها نسـمة
كَلبــي ما ينبض اذا مـــا انت يمة
الهوى بيش يفيدني وألمن أشـمة
هضمة الفكَدت ابوهه والله هضمة
يعني رايح هاي هية لــو توديلــي المنية
**
بويــة مــا كآلـــولك علية انازع
ظالــة للجـــاي والرايــح ابــاوع
بلكي بيهم وآلـدي تكَلي المواجـع
مثل نـــار الدلـة يابوية المدامـــع
هم ألك يابويــة جية لــو توديلــي المنية
**
هــم ترد لبنـــيتك الچانت حياتك
راحت تموت الأعــز وحدة ابناتك
كَلـــي شينسيني بويـــة ذكريـــاتك
لون ميـــته من قبل ســاعة وفاتك
لونموت احنه سوية لــو توديلــي المنية
**
بوية مو تدري يبوية الفركَة تكتل
الما يرجعون؟اُبراهم روحك تعـــل
تكَوم من كلشي يبوية روحك تمل
يبست وفد شي يعلهه؟يشبه السل
چنه يمشي الموت بية لــو توديلــي المنية
**
كون ما يبعد عليـهه العنــدة وردة
كون اليفاركَله غالـي يموت بعدة
خاف كَلبك بوية غيري بنية عندة
بوية هم ترجعلي لو ما بيــك ردة
ردليِ عليــك الزجية لــو توديلــي المنية
**
وياك يابوية كَضــيت سنين عمري
كون تدري شحال بتك كــون تدري
هيچ احس ما بي كَلب مرات صدري
بوية اذا امــوت اعتقد مقبول عذري
آني مو مالـــت أذية لــو توديلــي المنية
**
صدك ما ترجــع بعد ذيـچ الليـــالي
شكَد يحب الموت الي يفاركَله غالي
ربع ســـاعة صيـــر يابوية ابدالـــي
بوية راح تموت مرتين على حالي
ردلي بوية لو شوية لــو توديلــي المنية
**
عمي الحسين شكـــثر يبچي علية
بوية أحچي ويــاك من الغــاضرية
يمــكن يقتلــوني باچـر آل امــــية
لو نروح على الــهزل آنــه ورقية
أمشي وي عمتي سبية لــو توديلــي المنية
**
هيچ ألواه تطحن بجسمي الحوافر
راح أموت وما اظــل بوية لَبــاچر
كَبل لا توصــل الكوفة كَلبـي حــاير
يمَوت ابنادم ترة كســــر الخواطــر
باچر حبـــال بأديـة لــو توديلــي المنية
**
حيدر حسين الكَرعاوي
هتفات بعد المصيبه
🚩🚩🚩
واويلي على المظلوم
حسين انذبح هاليوم
تزلزل عرشه القيوم
واويلي على المظلوم
ميت ذبحو المعصوم
واويلي على المظلوم
ومنه سلبو الهدوم
واويلي على المظلوم
ومنه الصدر مهشوم
واويلي على المظلوم
وجثته مغرقه بدموم
واويلي على المظلوم
ومنه غيرو الرسوم
واويلي على المظلوم
ميت والشرب محروم
واويلي على المظلوم
ذبحو البحر العلوم
واويلي على المظلوم
وبعده الركن مهدوم
واويلي على المظلوم
صاحت زينب الجيدوم
واويلي على المظلوم
تلطم والقلب مهظوم
واويلي على المظلوم
من حاطت عليه القوم
واويلي على المظلوم
تبچي والدمع مسچوم
واويلي على المظلوم
وين اليفزع الهاليوم
واويلي على المظلوم
الخلود الحسيني
نسالكم الدعاء
https://chat.whatsapp.com/CGzf47HqTCKK57sfaBExLQ
نزله للقاسم عليه السلام
وينه اليمس حسين يا آل اميه
وبن الحسن موجود بالغاضريه
.................
ابن الحسن ياناس والقاسم اسمي
ربّاني عالكلفات من عزمه عزمي
وصاني بالطف كون اوگفله عمّي
لازم اوفي اليوم عهد الوصيه
.................
اوگف لبوالسجاد وگفت عضيده
ويله اليمسّه بسوء اگطع وريده
لو ينحجب بالغيم اوصل وصيده
والمايصدگ هاي خل يدنه ليه
..................
آنه الفتى المغوار وينه الينازل
وارث شجاعه وزود منّ ابوفاضل
متهمني لا والله هاي الجحافل
دون الحبيب حسين اهوى المنيه
.............
سيف الحسن معروف لابد تذكروه
بالقاسم ابنه اليوم كلكم تشوفوه
غالي الثمن بالموت لازم تدفعوه
ثار الحسن وحسين يرجع بديه
................
ما همني بالميدان يكثر عددكم
بالسيف احز الروس وسحگ جثثكم
يامن غدرتو حسين حالف اذلكم
قوة علي وعباس موجوده بيه
................
ماعوف ابوالسجاد عمي وامامي
واجب انصره اليوم اوفي بكلامي
ذاخرني ابوي لهاي آخذ وسامي
بالطف اسمعه وياي سلّم عليه
................
للغالي فدوه يروح عمري وشبابي
يايُمّه لا تبچين فرحي بمصابي
آنه النصرت حسين والدم خضابي
وتخلّد اسمي وياه روح الزچيه
#سيد #زيد #الفحام
____
في أستشهاد مولانا الحسين عليه السلام اول محرم...
أريد انا ابسطوحي البومه أدعي
تنعي حسين ابوالسجاد وتنعي
تون لحسين وتنوح
ونون وياها والنوح
إمام الكائنات ابن النجابه
عزيز اعلينا ابواليمه غيابه
لونها البوم ابن طه نحابه
نظل لحسين ابواليمه ومصابه
بكاه الطير والأشجار والجن
الوليّ اللي ابجراحه نام مثخن
وذر من كثر لجروح
نون وياها والنوح
عداوة أمته الهادي ابصغيره
أبن بنت النبي الماباقي غيره
على صدره النبي ايشيله ابمسيره
بدل حفظه السبط راسه تطيره
بعد مابيها تجلس ساعه يمهم
البشر مابيها امان اعله جرمهم
غدا بيديها مذبوح
نون وياها ونوح
تواسي اللي مشت بالبر سبيه
تواسي بالخرايب هالشفيه
العقيله ابخربة الشام ابرزيه
على رأس الولي ماتت رقيه
من أحياء المناطق للخرايب
تحن لمصابها اتعزي الأطايب
بلم تنعيها وتبوح
ونون وياها ونوح
ماتبكي ابذبحته اشلون النواظر
الشهيد ابغيلته ادماها المحاجر
على الراعي النياق اتحن لاسافر
وتلف حوله لامات اتون نناظر
وهذا ابن النبي والي الخلايق
الراعي في المغارب والمشارق
لفقده نذرف الروح
نون وياها والنوح
الرؤوف اعله الخلايق خاط يصلح
ابمسيره الكربلا النا الأمن يمنح
ودفعها النا حياته الوالي يطمح
ابكرامه وعزّه له من بعده نصبح
عزيزه التضحيه كم هي علينا
الولي لوله دمائه ماحيينا
صلحنا ناوي ايبوح
نون وياها والنوح
غريب الغاضريّه ابن الزجيه
بالناصر ينادي ابهالوطيه
ظلم عطشان ذبحو ال اميه
ريحانة رسول الله ونبيه
بقطرة ماي وسفه ماسگوا ابنه
حبيبه ذبحو ضامي اللي يحبنه
ماننحب كيف ياجروح
نون وياها والنوح
✍️
علي الأحسائي
محرم ١٤٤٧هـ
حيدر برز لوهو النبي
هذا الامير الطالبي .. وبشماله رايه
ذكرها صفين وجمل
فارس اجل چفه حمل .. آيه اعله آيه
علي لكبر .. علي لكبر
@@@
كالفجر لمن برز .. بس فجر شايل عذاب
بالظهر لاچن گمر .. خل هالشمس بغياب
من يمر كتره بجمع .. كسر اسيوف وحراب
والكتايب من بعد .. مرته صارت سراب
…
شي شافته فحل الفحول
شي گالت الهاجم رسول .. مر ابراقه
وصوب اليمر مافي امل
فارس اجل چفه حمل .. آيه اعله آيه
علي لكبر .. علي لكبر
@@@
بعسكر الشام الرعب .. ضرب ناقوس الخطر
انگال هذا اللي حمل .. سوه من دمنه بحر
شاب شيّخ بالحرب .. وشيخته ابطگ النحر
جمله ياخذنه چتل .. مو نفر بعده نفر
…
چنه علي ما ينحني
وضربه وتِر ما ينثني .. ليث الحريبه
ذل العساكر من نزل
فارس اجل چفه حمل .. آيه اعله آيه
علي لكبر .. علي لكبر
@@@
بكر بن غانم بطل .. يقتل الشافه رعب
مرتوي مدجج حديد .. يطوله فد فارس صعب
وليلى بالخيمه اندعت .. علي يسلم بالحرب
والله لكبر ناصره .. وابن غانم منخضب
…
لكبر اجاله وعلمه
فن الضرب بالجمجمه .. وخلاه نصين
لكبر علي گال وفعل
فارس اجل چفه حمل .. آيه اعله آيه
علي لكبر .. علي لكبر
@@@
ياللي يوسف رجعه .. ليلى دعوتها وصلت
ورجع لكبر للخيم .. وامه تبچي وهلهلت
غالي رد امن الحرب .. بس چبدته اتجدلت
العطش فت مهجته .. ومن جمر ضيمه متلت
…
من والده گطره طلب
وثغر الابو مثل الخشب .. ولسانه ناشف
ورد للحرب وابلا مهل
فارس اجل چفه حمل .. آيه اعله آيه
علي لكبر .. علي لكبر
@@@
كمل ابحربه ولچن .. بالغدر خصره انطعن
وثاني راسه طبره .. ومال ولمهره حظن
والفرس عينه انعمت .. من دمه اعليها هتن
وراح لمعسكر يزيد .. والشفار اتجمعن
…
هذا يضربه ويطعنه
وذاكه يطگ بمسننه .. لكبر توذر
طاح الهدى بيد الجهل
فارس اجل چفه حمل .. آيه اعله آيه
علي لكبر .. علي لكبر
@@@
لنه صوت امن الوغه .. جدي روه چبدتي
وداعة الله يالابو .. وبلغ امي وداعتي
ما احس حر وضمه .. ولا احس بجراحتي
حسين من حسه سمع .. صاح ذبحوا ضنوتي
…
ناسي الدرع وي لامته
وجاله ركض لي حومته .. عالصار مذهول
ومن بوعلي صبره انتحل
فارس اجل چفه حمل .. آيه اعله آيه
علي لكبر .. علي لكبر
@@@
اتمدد ابطوله الولي .. وخله صبعه برگبته
رايد ايحس بالنبض .. عدل لو طب موتته
الثغر شافه نزف .. وعرف ميت حالته
وزين ما روحه اطلعت .. على روح ارويحته
…
لو ما العقيله نادته
وعباس شاله بحالته .. چا مات لحسين
جسم الضنه مگطع وصل
فارس اجل چفه حمل .. آيه اعله آيه
علي لكبر .. علي لكبر
@@@
علي أحمد الحمود
٣-٧-٢٠٢٥
شهادة الأكبر ع
ملا محمد الحميد
قصيدة طور اهوازي بحق علي الاكبر عليه السلام
يالاكبر وداعك موت.. اودعك گوة تدريني
هذا اخر وداع وياك.. اشمك بوية خليني
وا ويلي اويلاه وا ويلي اويلاه
======================
صعب تدري الوداع اشلون.. يا بوية اودعنك
هد حيلي يالاكبر حيل.. وضعك وانة اشمنك
على خدودك نزل نهران.. دمعك بوية اشوفنك
الموت بطريجة تفوت.. ما يگطعلك ونيني
وا ويلي اويلاه وا ويلي اويلاه
========================
تريد الماي بوية منين .. يالغالي اجيبنة
كَلبي من العطش نيران .. يلهب بوية احسنة
مثل جمر الغضا تلگاه .. لا يمكن احر منة
تحمل جدك متانيك .. واصبر يا بعد عيني
وا ويلي اويلاه وا ويلي اويلاه
=======================
تريد اتروح الله وياك.. روحي بروحتك تطلع
يصوبني بدليلي جفاك.. وعيني تسچب المدمع
تتوذر وذر بالسيف .. واشوفن جسمك مگطع
تناديني وجيك اشلون.. اصيح وما تحاچيني
وا ويلي اويلاه وا ويلي اويلاه
========================
يا سيف اليصيبك گام.. گلبي يالولد ينصاب
گمت اتعثر ابممشاي.. عن عيني جمالك غاب
على الدنيا العفا بجفاك.. يالغالي دليلي ذاب
انضرلك جسد مطروح.. يمة اتبدن سنيني
وا ويلي اويلاه وا ويلي اويلاه
=======================
فجعني يا عزيزي اليوم.. دهري وخابت ظنوني
عني من رحت وياك.. خذتهن مني عيوني
اشيلك وارجع انة اشلون.. ميتة بفگدك متوني
امك تنتطر بالدار... كل ساعة تناديني
وا ويلي اويلاه وا ويلي اويلاه
***
اسالكم الدعاء رائد الاسدي
بشان علي الاكبر
عليه السلام
🚩🚩🚩
واسيها عله الشبان
ام الوالد واسيها
__
الله يعينچ يم لكبر
شفتي وليدچ امطبر
كلش يكلف المنظر
جثه اوصال شفتيها
____
گلبچ ياصبر شايل
شفتي دمه السايل
راسه من الفرس مايل
وسهم العين عاميها
____
اه يمصيبة الگشره
شاب وماكمل بدره
يمكن بيه الف طبره
واكثر لوحسبتيها
____
ماينعدن اجروحه
گبالچ جثه مطروحه
بالسيف اطلعت روحه
وضاع ارباچ تاليها
__
جمره تحرگ اضلوعچ
حگچ لو كثر نوحچ
ليل انهار بدموعچ
من راح الولد بيها
ام اباذر السكيني
عاشقة الولايه
نسالكم الدعاء
/channel/khdmat
*بشان القاسم عليه السلام*
🚩🚩🚩🚩🚩
*واويلي عله العريس واويلاه*
*واويلي عله العريس واويلاه*
&&&
روحي بـالهظيمـه اجر الـونيـن
ضاعت حسبتي وضاعت اسنين
شلي اباحياتي ياضوه العين
*وانته اعله الثرى هاي المسيه*
&&&
ورده وذبلت يـاناس يـاناس
صارت حنته ابسيف الارجاس
شاب وماتهنه وطشو الياس
*بـرماح ونبـل زفت الـشفيه*
&&&
شمعه ونطفت يمه ياجسام
وليلي بالمناحه وعيني متنام
ياحزام الظهر ردتك ياضرغام
*وكت الضيج يبني اتحن عليه*
&&&
احلفك بالسهر فتح اجفونك
خليني اشوف ضحكت اسنونك
مااگدر اعيش يمه بدونك
*صعبـه فرگتك بـالغاضريـه*
&&&
يانبض الگلب ماتحاچي امك
محنية ضلع ونظر الجسمك
مخضب يالولد ابيض دمك
*وبحسره اصيح وصفج بيديه*
*بقلم الاخوات*
*عاشقة الولايه*
*و_ ام باذر السكيني*
*نسالكم الدعاء*
بهذا الطور. 👇🏻
https://youtu.be/7UWa7wZl-ts
وزن اهوازي إلى القاسم ابن الإمام الحسن عليه السلام
*----------*----------*
يا جاسم نطرتك ماي
گلب امك مثل صحــره
أظل برجاك يوليدي
گــاع امتانيــه المطره
*----------*----------*
يا جاسم ييمه اشلون حال الــراح واحـدها
تبقى امتانيه الغياب والمدمع علــى خــدها
عالونه التتاني اتعيش يبني الله اليساعدها
وتــدري الـراح للميدان يبني ينگطع نحـره
*----------*----------*
يا جــاسم غصن ذبلان بغيابك يبعــد أمـك
يالطولك نهــر بي ماي اشبـع منه لو أشمك
يوليدي دليلي يــريد يمــه لصـدره أيضمك
نار بگلبي مــن فرگـاك يبني تبقى مستعره
*----------*----------*
ردتــك للعمر جسام يبني لــو لفانـي الشيب
مو وكتك يحلو الطوال عن عيني ييمه تغيب
ياجرح الفلا ينراف ياجرحي الأبد ميطيب
يبني يــا نبع ريحان ليش امــوسد الغبــره
*----------*----------*
يبني بيش اصبــر الــروح لــو تتأخر الجيه
جفني يصاحب الدمعـات خـافن يعمه تاليه
يمه ابطيحتك عالگاع يوليدي ابقى محنيه
يتچاية ظهر وتـروح حگه الينحني ظهــره
*----------*----------*
باچر من امرن بيك واشوفن جسمك أمدمه
حگي لو هويت أعليك واصرخ يالولــد يمه
حتى بموتتك مهيوب وليدي أبصف ابواليمه
واشاهد خنصره المگطوع وحوافر هشمت صدره
*----------*----------*
يوليـدي أمنية كــل ام أمــه التعجــن الحنه
وعــمــات الــولد جســام يــوليــدي يهننـــه
وانظــر للــولــد عــريس وانــه ألـــي ازفنـه
صعبه اعلى التـرب يبني متحني ابدمه نحره
*----------*----------*
تهدم حلمي يــوم الطف گلبي يا حلم رايـد
يتّوســـد ييمـه ويــاك دلالــي بلحد واحــد
الله يســاعد المكسور گلبه بيا كتــر گاعــد
لا يمّــه الولـــد ويهيد ولا گبله خلص عمـره
*----------*----------*
الشاعر
موسى البديري
*في شان العباس عليه السلام*
🚩🚩🚩🚩🚩
*وينـه عبـاس كفيلي وينـه عبـاس*
*كوم الارجاس ولتني كوم الارجاس*
&&&
وين وعدك يبوفاضل يلگلت انا الكفيل
بشيمتي انتي يازينب ابد دمعچ مايسيل
الماي لعيونچ اجيبه يابنت حامي الدخيل
ولو يگطعوني الاعادي مااحيد ولا اميل
*وللشريعه اعتني*
*شامخ وما انثني*
*وينه عباس كفيلي وينه عباس*
&&&
بشاربك انت جبتني تبره بيدك محملي
لا تنام اعله الشريعه ومايظلي عدي ولي
الماي عباس مااريده بس اريد اتعود الي
والزم السيف بيمينك صول صولاته علي
*كوم سيفك جرده*
*ارهب الجيش العدى*
*وينه عباس كفيلي وينه عباس*
&&&
خويه يالحره وعدتچ والوعد شيمه وطبع
اروي اطفال العطاشه وانه بن حيدر سبع
افني اليوصل خيامج وانه بمتوني الدرع
لاچن المحتوم جاري چفوفي لازم تنگطع
*جودي ينصاب بسهم*
*وانا اباوع للشهم*
*وينه عباس كفيلي وينه عباس*
&&&
يانظرعيني وعزيزي خويه بسك تعتذر
والنعم منك يكـافل لوردت جبت النهر
ادري لو چفين عدك زلزلت جيش الكفر
يابطل باالف فارس بيك گلبي يفتخر
*يبو الغيره ونعم*
*حتى لو طاح العلم*
*وينه عباس كفيلي وينه عباس*
&&&
تلچم اجروح المصيبه من اتذكر العمد
ابوليمه شلون يرجع منكسر لمن يصد
لسكنه وختك العقيله يقول مايرجع بعد
بالهضيمه سال دمعي عليك خويه والسند
روحي راحت للنهر
جيت مابين الخطر
وينه عباس كفيلي وينه عباس*
&&&
دورت صوب الشريعه وين طايح ياشهم
جيت وحدي بليل اظلم عثر جدمي بالعلم
موسد الغبره لگيتك ونابت ابعينك سهم
نومتك شنهي يخويه عالت علينه الزلم
*گوم شوفن حيرتي*
*والله ذابت مهجتي*
*وينه عباس كفيلي وينه عباس*
*بقلم الاخوات*
*و عاشقة الولايه*
*ام اباذر السكيني*
*نسالكم الدعاء*
*بهذا الطور* 👇🏻👇🏻👇🏻
*ها عليهم ياعمي*
https://youtu.be/0nttjW322t4
شرف السماوات زينب
مو نجمه لا بلـ كوكب
الله الذي اختار يصبح
للعفه خـــــلاج مذهب
زينـــب .. اعظـــم احجـــايه
زينــــب .. بالحـــــــرب رايه
زينـــب .. ســـــوره مو ايه
مثل قران وسط ديوان خطبتج ذيجه تشهد
أسد يزئر يبت حيدر مثل جــدج محمد
مولاتنا زينب مولاتنا زينب
ـــــــــــــــــــــــــــ
درة علــي وروح حيدر
والفاطــم انتي الكوثر
من حيدر ونور فاطم
حتماً تصيــرين جوهر
زينــب .. الله ســــــواهه
زينــب .. من علــي وطه
زينــب .. الفاطمه اهداهه
يبنت النور شرف عالحور يمن بيج الله يفخر
على الاملاك أرض وافلاك فـــلا مثلج تكــرر
مولاتنا زينب مولاتنا زينب
ـــــــــــــــــــــــــــ
عفه وفخــر لآل هاشم
واسمــــج شرف للوادم
يتباها بالنــاس حـگـه
كل من صبحلج خادم
زينـــب .. والاســـــم يهظم
زينـــب .. بالوجـــــع تكظم
زينـــب .. النه والـعــون ام
ينور العين ياخت حسين عطف بيج ومحنه
على الخدام الجرحه الشام يأمنه وكل اهلنه
مولاتنا زينب مولاتنا زينب
ـــــــــــــــــــــــــــ
انتــي الامــانه الصعبه
الحــيدر اجت من ربه
وسلمها بيده الـكافل
وضمهه الگمر نص گلبه
زينــب .. علمــج الكـــامل
زينــب .. اخت ابو فاضل
زينـــب .. وديعة الكــافل
يخت عباس يرفعة راس وشرف للامه كلها
الخدرها امثال الى الاجيال ابد ماصح مثلها
مولاتنا زينب مولاتنا زينب
ـــــــــــــــــــــــــــ
معصومه لجـــــــن صغره
ويكفي امــج انتي الزهره
بت حيدر انتي وكافي
يكــفي الاســم من ذكره
زينـــب .. بس علـــي جنهه
زينـــب .. والصبــــر منهه
زينـــب .. والوصف عنهه
يحس تقصير الوصفهه يحير منو يوصفله جنه
اذا ننخاج علــــي نلكاج اذا تمر بينه محنه
مولاتنا زينب مولاتنا زينب
ـــــــــــــــــــــــــــ
محمد المشعلاوي
يا ابالفضل ياحيد ياجوهر
يالو تطب ميدان ماتخسر
يامعتبر الكلفات يردنك
يالبيك اخوك حسين ضل يفخر
يابو السطره الثجيله
ياكفــــــــــال العقيله
يمن تتــباهى بسمك
فخــر كــــــل القبيله
ـــــــــــــــــــــــــــ
غيرك منو الصعبات يعدلها
ولو ضاكت اناديك واتحلها
سر ابقضاء الحاجه من ندعي
بزينب يلاهي وحيل كافلها
يمن اسمك علامه
وترمز ع الشاهمه
يامرجــع للرجوله
يالبسيفك قيــامه
ـــــــــــــــــــــــــــ
بيك الوصف محتار شيوصف
وش يكتب التاريخ مايعــرف
انت الصفات البيك نلكاها
بس بعلي ومعروفه شيخلف
يمن بيك ايتباهه
رسـول الأمـه طه
يارافع راس حيدر
يجاه الكل الوجاهه
ـــــــــــــــــــــــــــ
نور الگمر عباس من نورك
زلمه يتسمه كلمن يزورك
شكد قاده بالتاريخ ماتوصل
ذره واقل عباس من دورك
الگمر يمك مصغر
اعيونك منه اكبر
النور البالگمر صار
نور اعيونك اكثر
ـــــــــــــــــــــــــــ
يامن عله الصعبات مايبرد
بس واحد العباس من ينعد
بالدنيه ماله اشباه بس واحد
بس بعلي العباس يتجسد
يمصنع للرجـــوله
فخـر لله ورسوله
يامعصب راس زينب
حلو ومابيــك لوله
ـــــــــــــــــــــــــــ
محمد المشعلاوي
*المُحب ينخى الحسين ع بالعباس*
🚩🚩🚩🚩
*انخاك نخوة ياحُسين*
*بالعباس وزنوده*
*بالعباس وزنوده*
&&&
بالبطل شيال العلم بالعباس وزنوده
بلي تكفل بالحرم بالعباس وزنوده
انظرنه ابحرگ الخيم بالعباس وزنوده
*بالگطعوها ازنوده*
&&&
طلبه يبوالنفس العطوف بالعباس وزنوده
بلي گضى بارض الطفوف بالعباس وزنوده
ابجوده وگطع الچفوف بالعباس وزنوده
*بالعامود وحدوده*
&&&
بنزف الدمه يبوالشيم بالعباس وزنوده
ابعيـن عـباس الشـهم بالعباس وزنوده
بالحسره وذاك الالم بالعباس وزنوده
*بالرواي وصموده*
&&&
انخاك بـعبـاس الگـمر بالعباس وزنوده
ابصيحتك كسرو الظهر بالعباس وزنوده
بشوفته الگلب انفطر بالعباس وزنوده
*رايد عـطيـه بزوده*
&&&
انت ملاذي ابشدتي بالعباس وزنوده
سهلها بالله طلبتي بالعباس وزنوده
امسح الراس ودمعتي بالعباس وزنوده
*ابجاه گـطع ازنوده*
&&&
اقسم عليك بمصرعه بالعباس وزنوده
بلي گضى عالمشرعه بالعباس وزنوده
نوحي ونحيبي اسمعه بالعباس وزنوده
*ابجثته الممدوده*
&&&
للمهدي ادعي بطلعته بالعباس وزنوده
يرفعها بيده رايته. بالعباس وزنوده
ماننحرم من شوفته. بالعباس وزنوده
*بالوفـاي بـعـهوده*
*الخلود الحُسيني*
*نسالكم الدعاء*
/channel/khdmat
ابوذيه 🚩🚩
حب حسين ساوه العبد والحر
نخدمه ومانهاب البرد والحر
تعلمنه الوفه من جون والحر
وحبيب ادروس قدم للبريه
ام اباذر السكيني
نسألكم الدعاء
في مسلم عليه السلام... وحميدة✍️
لو ميته ولا هاي الفركَه
**
مسلم يابويــه منين ابـــدي
كل جــــروح غيــابك تِــدي
ݘم حسره التاكل من ݘبدي
خلافك ما بيـه على الشهكَه
**
يالعنــي أخبارك مكَطـــوعة
ميتـــه أتمنى ولا هاللــوعة
الله يســاعد كل مفجــــوعة
الشالت هم روحي المحتركَه
**
آه من الليـــل شكَــد يكتـل
حتى من أنفاسك هــم تمـل
بوية البت تموت اتعلـــعل
لو أب يا مسلم مـــا تلكَـــه
**
مليــت من الكَــعده أبابـــي
يالتسوه أهلي وكـل أحبابي
يتبلل كـل ســاعة احجــابي
من دموعي اللساه ممصدكَه
**
بــس طَمني فــدوة العمــرك
طول اسنينـي راح انتظــرك
خاف الديـــرة البيهـــا تغدرك
وباݘـــر وحدك مسلم تبـــكَه
**
تدري البنـت الــوي وآلدها
حضنك يســوه العالم عدها
أيامي الراحــت شيــــردها
ݘا كَلبي اليوكَف مو حكَــه
**
بس طَمنـي اعليـك شلونك
يالما ملت منـــي عيونـــك
خافـــن يابويــه يذبحــونك
ظَني الكَال أيــرد ما اصدكَه
**
بلا ناصر خاف اتظـل وحدك
أخوه يعينــونك مـــا عنـــدك
تعطش خاف وييبس ݘبـدك
طولك كون اضلوعي تشبكَه
**
كون ويــاك أول مــا توكَـع
وأشتمــك من روحـك تطلع
هـم شايفلك ميــت يرجـــع
هيݘ آني مأيسه من الملكَه
**
على رموشي امشيلك لو اندل
إرحــم كَلبـــي المــا يتحــمل
موتك كون العمــري اتحــول
ولا ظـــل بهاالعيشه الخنـكَه
**
حيدر حسين الكَرعاوي
لو ميته ولا هاي الفركَه
**
مسلم يابويــه منين ابـــدي
كل جــــروح غيــابك تِــدي
ݘم حسره التاكل من ݘبدي
خلافك ما بيـه على الشهكَه
**
يالعنــي أخبارك مكَطـــوعة
ميتـــه أتمنى ولا هاللــوعة
الله يســاعد كل مفجــــوعة
الشالت هم روحي المحتركَه
**
آه من الليـــل شكَــد يكتـل
حتى من أنفاسك هــم تمـل
بوية البت تموت اتعلـــعل
لو أب يا مسلم مـــا تلكَـــه
**
مليــت من الكَــعده أبابـــي
يالتسوه أهلي وكـل أحبابي
يتبلل كـل ســاعة احجــابي
من دموعي اللساه ممصدكَه
**
بــس طَمني فــدوة العمــرك
طول اسنينـي راح انتظــرك
خاف الديـــرة البيهـــا تغدرك
وباݘـــر وحدك مسلم تبـــكَه
**
تدري البنـت الــوي وآلدها
حضنك يســوه العالم عدها
أيامي الراحــت شيــــردها
ݘا كَلبي اليوكَف مو حكَــه
**
بس طَمنـي اعليـك شلونك
يالما ملت منـــي عيونـــك
خافـــن يابويــه يذبحــونك
ظَني الكَال أيــرد ما اصدكَه
**
بلا ناصر خاف اتظـل وحدك
أخوه يعينــونك مـــا عنـــدك
تعطش خاف وييبس ݘبـدك
طولك كون اضلوعي تشبكَه
**
كون ويــاك أول مــا توكَـع
وأشتمــك من روحـك تطلع
هـم شايفلك ميــت يرجـــع
هيݘ آني مأيسه من الملكَه
**
على رموشي امشيلك لو اندل
إرحــم كَلبـــي المــا يتحــمل
موتك كون العمــري اتحــول
ولا ظـــل بهاالعيشه الخنـكَه
**
حيدر حسين الكَرعاوي
الانصار ع
لصحابي دمعة عيني تجري
گبل الگمر كسرولي ظهري
طاحو سوه وبيهم اعد صرت انه للموت استعد
گبل الگمر كسرولي ظهري
****
منحني ظهري عليهم ذوله اصحاب الوفه
هسه حسيت ابغربتي والضوه اوياهم طفه
حسراتي اطويله .شالو فد شيله . عيني اعله العيله . حياره
هاجت الامي . حراس اخيامي . بالشده احزامي
غياره
إلهم دمع احمر حلالي
غالي اشوفه ويمه غالي
واليا جرح منهم اصد صرت انه للموت استعد
گبل الگمر كسرولي ظهري
****
اگبالي شمات وضلاله إمنيتهم انكسر
الچنت أنه اتچه عليهم موته وعليهم امر
ابلياهم ويلي . ياهو ايتچيلي . رافگهم حيلي
مصيبه
وضعي اشيفتهمه . وادم ملتمه . ما عدهم رحمه
عجيبه
انهظ حبيب اصرخ واكابر
اشلون آنه ارد وحدي العساچر
الشيخ الزلم چفي امد صرت انه للموت استعد
گبل الگمر كسرولي ظهري
****
عالوجه سبعين مره ويه انصاري طحت
همه ماتو مره وحده وانه الف موته متت
الطاح اتعناله . مكسور ادناله . حيل ابچي اگباله
وانادي
صبرك يا ربي . اشيتحمل گلبي . ما وچد دربي
اعادي
هالمنظر شلون انه اشرحه
كلمن اشوف ابصدره رمحه
منثور اشوفنه الورد صرت انه للموت استعد
گبل الگمر كسرولي ظهري
****
بالاسامي انده الهم يابرير ويا وهب
عابس البيه تجنن ما يجاوبني اشعجب
دمعاتي اتلالي .الذب درعه اگبالي . ميجاوب تالي
حسافه
يا حر حاچيني . شلون اتخليني . بينك ما بيني
مسافه
باربع جهات انظر صوارم
يعني الجسد ما يبقى سالم
خيل وزلم ظلت تهد صرت انه للموت استعد
گبل الگمر كسرولي ظهري
****
ركضت الخيل استمعها وحافر ابحافر يدگ
صحت گومو يالغياره صدري ساعه وينسحگ
ها ياهل الغيره . عفتوني ابحيره . والعازه اچبيره
وراكم
وضعي اتعرفونه . نحري ايگطعونه . وصدري ايسحگونه
ابجفاكم
يحبابي من رحتو سويه
التمت إلوف الطف عليه
بين الضمه وبين الحشد صرت انه للموت استعد
گبل الگمر كسرولي ظهري
****
عل مطهّم سيفي بيدي وترشگ اعليه السهام
مره افزع مره أردن خوفي تنصاب الخيام
ظليت ابناري . مكشوفه ادياري . والمدمع جاري
كسرني
ردت احمي اعيالي . سهم اتعنالي . وصوّب دلالي
وفطرني
گلبي ابسهم لمثلث انصاب
من مهرتي طحت اعله التراب
بيد الشمر خنجر حقد صرت انه للموت استعد
گبل الگمر كسرولي ظهري
****
الشاعر اياد الديراوي