2063
ذلك ومن يعظم شعائر الله فإنها من تقوى القلوب
الشاعر الحسيني ظاهر حبيب الهليجي (للامام العباس ع)
ردتك أوياي ماردت ماي
انه زينب ياخو زينب
مادريت بحالي علذي يجرالي
*
من عله التل يابو فاضل صوتي
والله كل اللحظه اضوگن موتي
النوح والهم خويه اصبح قوتي
يبن ابوي افزع الي بتابوتي
انظر احباب فوگ التراب
انه زينب ياخو زينب
الاجل يحلالي علذي يجرالي
*
مو هوى حسرات ترست رييتي
الف مره الموت شفته بغربتي
يشهد الله اليوم صعبه حالتي
يابو فاضل خويه من دم دمعتي
غربه حراس جمره الانفاس
انه زينب ياخو زينب
والحزن للتالي علذي يجرالي
*
بكل حرف يطلع دمع لمن حجيت
لون تسمع جلمتي بيك انتخيت
ها يخويه راتعه بحزني بقيت
والمواجع بـيهـن الليلـه ارتويت
واليتيمات نوح واهات
انه زينب ياخو زينب
دمعتي تبرالي علذي يجرالي
*
راح اسولف وادري يجرح هل الكلام
طگوا اسكينه بحقد ولد الحرام
أي يعباس وبعد حرگوا خيام
وانه عل تل وحدي ودنيه ظلام
والاميرات اي سبيات
انه زينب ياخو زينب
تغيرت احوالي علذي يجرالي
*
الموت أهون هسه لو بيي يحل
افزع الزينب يمن كونك عدل
ياوكت اختك يجتفوها بحبل
والاشد ياخويه امشي علهزل
وحر الإرمال وبيدي احبال
انه زينب ياخو زينب
الشاعر الحسيني ظاهر حبيب الهليجي (للامام العباس ع)
اشكي الجفين ياعباس ياعباس
وسهم البل عين ياعباس ياعباس
يوليدي بيوم المحشر اشكي مصابك يل اطهر
*
يوليدي انه فاطمه يبني إحضرت للمصرع
وشفت الجره يم النهر يوليدي وگلبي اتصدع
والجود شفته والعلم وجفوفك التتگطع
يم الجليل بدمعتي اشكيهن يبني بمدمع
يم الجبار ياعباس ياعباس
آخذ بلثار يا عباس ياعباس
جفين وهام ومنحر يوليدي بيوم المحشر
*
عباس يبني اتألمت مثل امك الأبني حسين
حين انصبت يبني بسهم جن صاب هاي العينين
مثلك أبد ماظن أخو للخوه ينطي الجفين
انساك حاشه بالحشر وانته صنت يبني الدين
جفين وهام ياعباس ياعباس
تفدي الأمام ياعباس يا عباس
ومنك عباس اتشكر يوليدي بيوم المحشر
*
بلدمعه والحسره اشتكي وبيدي اشيل اجفوفك
الرب السمه عل لي جره يا بلفضل بطفوفك
وبدمعي أشرح حالتك وعين الخليقه اتشوفك
جم طعنه بيك وجم جرح وحته الجرح بحروفك
يم رب الكون يا عباس ياعباس
وبهل مظمون ياعباس ياعباس
وموقف للعالم يظهر يوليدي بيوم المحشر
*
أبيوم محكمه الخلگ ابدي مصاب ازنودك
والعين والهام وعطش واجروحك ومي جودك
كلهن احطهن بالحشر عباس هنه شهودك
عباس اوفيلك عهد يايمه مثل اعهودك
بدمعت عيناي ياعباس ياعباس
ارفع شكواي ياعباس ياعباس
مصابك ومصاب الخدر يوليدي بيوم المحشر
*
ما تهده نار مصيبتك ويه الضلع تتوجر
يوليدي ارفع شكوتي ام وكلبها أتفطر
ما ابدي بضلعي المنهشم منك ييمه اتعذر
ابدي بجفوفك بلدمع للباري يوم المحشر
ضلعي المهشوم ياعباس ياعباس
وجرحي الملجوم ياعباس يعباس
اتركهن وانت الاجدر يوليدي بيوم المحشر
الشاعر الحسيني ظاهر حبيب الهليجي (للانصار رض)
كلنه فدائك في كربلائك
هذا وعدنه ونرفع لوائك
*
انصارك يبو الاكبر عهد مختوم
مولاي بدمانه بكربله هل يوم
لحد الموت نبقه وياك يامظلوم
مانرجع بعد الا نفيض ادموم
انصارك احنه بلدم كتبنه
حد المنيه نبقه بعهدنه
*
يشهد الله كلنه انصير بتارك
بيمينك عهدنه واحنه انصارك
نطفيها بدمانه لو دوت نارك
وسور انصير يامولاي يم دارك
بعزم واراده ردنه الشهاده
والغاضريه بيها السعاده
*
سبعينك يبو الاحرار صيحتنه
فده الروحك تروحلها مناحرنه
عهد گبلك تصير اليوم موتتنه
وباجر بل جنان الباري يجمعنه
عهد البواسل بلطف نقاتل
نوفي بدمانه كلمة مراجل
*
توكلنه عله الله بطفك انجاهد
احنه اجنود الك وانت الولي القائد
لحد اخر نفس والله يظل شاهد
علينه ومن نهد هدت رجل واحد
ليوث البوادي نذل الاعادي
كلا اميه بلطف ننادي
*
هنياله الينول الجائزه بدمه
ويتسجل شهيد بسجل ابو اليمه
ويحصل الشهاده ويرتقي القمه
وابسجل الصحابه ينكتب اسمه
هاي الكرامه الناصر امامه
الله بقدرته يرفع مقامه
الشاعر الحسيني ظاهر حبيب الهليجي (ولائية)
باقي عهدنه وهذا وعدنه
بلدم نكتبه خدامك احنه
*
يلضحيت لجل الدين بلشريان
لولا منحرك ما جان ظل قرأن
وظلينه ابهبل نعبد لحد الان
بفضل الله دمائك هدمة اوثان
نبقه ننادي رغم الاعادي
حسين الهويه عشگه أويدمنه
*
نطيناهم جفوف بحبك او اكثر
ومن كل عشره تسعه انطت المنحر
لجل زيارتك ولو كلنه نتوذر
صحنه بصوت الك فدوه يبو الاكبر
صوت الحناجر فدوه المناحر
لبن الزجيه شمعة دربنه
*
قسم بشفاهك الماضاكت الكطره
ابمال وخوف رادو أحنه نتبره
منكم واحنه صحنه يابني الزهره
عهد لو كلنه دمنه يسل عل غبره
ولي يحبكم وماشي بدربكم
بل نيبه حتما عابس كأنه
*
خل تسمعنه كلها الناصبيه اليوم
تظل هايه المراسم والعزه للدوم
لو نصبح وذر والگاع كلها دموم
من فيض المناحر فدوه للمظلوم
بعشگه ربينه وتعلمينه
والي يبغضه نتبره منه
*
يبو الاكبر مئاتمنه تظل كل عام
مهيوبه ونظل أحنه ألك خدام
وحكك شوكه نبقه بعين هل ظلام
كتبنالك عهدنه وإتثبته الايام
ثمرت عطائك في كربلائك
من الضلاله هيه أنقذتنه
الشاعر الحسيني ظاهر حبيب الهليجي (للانصار رض)
انصار حسين نوفيلج دين
يخت السبطين يخت السبطين
بلسم نصبح لألامج
احنه انصار وخدامح
يخت السبطين يخت السبطين
*
وگفوو يم خييمها بليلة العاشر
وصاحو يل عقيله كلنه لج ناصر
وبرهان العهدنه ايبينه باجر
يم خدرج لحمنه إيطشره الحافر
صاحو هل صوت ويله الي يفوت
يلگانه الموت يلگانه الموت
زينب واليدنه خيامج
احنه أنصار وخدامج
يخت السبطين يخت السبطين
*
يابنت الأصل للطيبه والنوماس
والله انصير الج يا زينب العباس
بعهدنه أنظل الج حد اخر الانفاس
وياويله اليمسج بل جدم ينداس
مولاتي اليوم نبحر بدموم
من دم الگوم من دم الگوم
نوذرهم يم اجدامج
احنه أنصار وخدامح
يخت السبطين يخت السبطين
*
مادام النفس موجود من يدنه
خيامج آل أميه وكلها تسمعنه
نگللهم يموت اليوصلج فنه
اله الگاع تحمر من مناحرنه
يا آل البيت نتوذر ريت
الكم ياريت الكم ياريت
وتتحقق كون احلامج
احنه أنصار وخدامح
يخت السبطين يخت السبطين
*
زينتها وحسنها الدنيه عفناهه
وجنان الباري يمكم والله شفناهه
لذالك هل المنيه هنانه ردناهه
وعن دافع عقيده احنه انتمناهه
نطلبهم ثار من يوم الدار
من شعلو نار من شعلو نار
ناخذ ثاره وگدامج
احنه أنصار وخدامج
يخت السبطين يخت السبطين
*
ياهو الي يتجرء واحنه موجودين
أله نموت كلنه ابهايه معذورين
واحدنه إيتمنه كون اله روحين
يذود اعله الخيام بكربله مرتين
اليوم الفزسان الكم قربان
يهلل القرآن يهلل القرآن
انزيح اهموم ايامج
احنه أنصار وخدامج
الشاعر الحسيني ظاهر حبيب الهليجي (لمسلم ع)
كل مغرب دليلي يذوب
انحب والدمع مسجوب
*
مسلم ياشريج الروح
ماتدري حميده اتنوح
وآهات وگلب مجروح
وحالي بغيبتك متعوب
*
عيني الدربك أربيه
هيج اگظيها يوميه
اقنع عيني عل جيه
حالي كل مسيت غروب
*
طالت غيبتك عني
وإسأل من يطمني
عنك يل جزء مني
خوفي بويه لامصيوب
*
حالي جن يتيمه انعه
ونيني الوادم اتسمعه
الك يل ما الك رجعه
لأن اتخيلك مخضوب
*
مهظومه وعليك انحب
وگلبي بشوگه يتلهب
بعتبت داري وتعذب
يل عن النظر محجوب
بل الكوفه مسلم حياه يشبه علي
الحومه ذلها لمن دخلها
*
مسلم ربيب اهل الوفه ظيغم حرب يدرونه
جيدوم ينعد بالف لو رادوا يوصفونه
يوصفنه بالف زلمه
مو عجبه العلي عمه
غيره ومرجله وهمه
يدرونه ضيغم مهيوب جن الولي
اصبح اجلها لمن دخلها
*
خشعت الحومه الهيبته بخوف ورعب خلاها
ليث الهواشم وحده الموت الحمر راواها
راواها غظب سيفه
ومن عدهَم اخذ حيفه
تبتختر والحرب كيفه
خلاها طشار وصاح يامؤلي
المالت عدلها لمن دخلها
*
عزريل جنه بيمنته بلحومه يخطف انفاس
والناس محتاره بقت مسلم نرل لوعباس
عباس الذي يشبها
هيج الحومه يرهبها
فحل والموزمه يطبها
واعلومه منهاج احرار ياسائلي
أنها املها لمن دخلها
*
سجيل ضرباته صفت ناوي الكفر يفنيها
وأقسم قسم من الارض گوم العده يمحيها
يفنيها بعزم مسلم
شهم وبغيره من يهجم
بعشگ حسين متحزم
ناداها صمصامي موت لليدنه الي
بين خللها لمن دخلها
*
عصف الله والله أمئيده خله الزلم تترادم
مذهوله كلها وخايفه والصيحه مسلم قادم
تترادم زلم منه
محد يقترب لنه
مثل حيدر علي جنه
صولاته لمسلم يكوفه سجلي
مذعوره هلها لمن دخلها
*بشان هلال محرم الحرام*
🚩🚩🚩🚩
*بالحزان …لفانه شهر المحرم … بالحزان*
*بالحزان …ذكرنا ذبحة الشبان …بالحزان*
*بمصابـك تـهمل العيـن*
*نصيح بصوت يحسين*
*بــالـحـزان*
&&&
يانور العرش ورحمة المعبود
وسره بـالخلگ وحبله الموجود
بالنهضه حـميت دينه الموعود
ابشهر الهظم ضحـيت وبزود
*بالاولاد حتى بالنفس ضحيت يحـسـين*
*بالاولاد لجل طاعة الباري يبگى هالدين*
*لجل تبگى الشريعه*
*يذبحونا بفجـيعه*
*بالحزان*
&&&
يهلال الاسى بـالكدر هليت
جمره تشتعل يهلال خـليت
گلي شـالذنب للـزهره وفيت
نصبت للعزا ليهم بكل بيت
*بالنياح تصيحن راحو اولادي ابعاشور*
*بالنياح ذبايح والدمه يجري بالنحور*
*تصيح بصوت ياحسين*
*بمصابك لعمي العيـن*
*بالحزان*
&&&
يهلال الحـزن گـلبي صدعته
بعملت كربـلا والله فجـعته
هلالك من يهل اذكر ذبحـتـه
بحسره والالم يحچي دمعته
*بالمصاب اصيحن ولطم الهامه عله حسين*
*بالمصاب على المذبوح ظامي گلبه نصين*
*على الي انگطع نحره*
*وداسـ الخـيل صدره*
*بالحزان*
&&&
بشـهور السنه تفرح الوادم
وبشهرك انا انصب الماتـم
عله حسين الولي والگمر جاسم
والأكبر علي نـور الهواشـم
*بالدموم شبيه المصطفى اع الترايب*
*بالدموم بفعلت كربلا فگدنه الحبايب*
*حريم اتصيح چاوين*
*بناته تندب حسين*
*بالحزان*
&&&
بجيتك ياشهر شـيبت راسـي
بطيحت البطل والعمد قاسـي
بوفاضل عضيدي وتاج راسي
وبگطع الزنود خمد انفاسـي
*انا صيح خويه گوم ياكافل حرمنا*
*انا صيح ردنـا للـوطن ورفع علمنـا*
*ولا تبگى بالتراب*
*ونخه داحي الباب*
*بالحزان*
&&&
الف موته متت ذايب افـادي
من شفت الولي بحر الوهادي
يعفر ياخـلگ والگلب صـادي
شربه لچبدته والدمع بـادي
*يهالناس انا ابن النبي وش تطلبوني*
*يهالناس لا دين وجـرم وتعاقـبوني*
*جرمي احفظ الدين*
*يخـلونـا مطاعيـن*
*بالحزان*
&&&
لجل المعتقد حسين مذبوح
رضو للصدر من طلعت الروح
سلبو للثياب والدمه مسفوح
وخذو عيلته اسره بالجروح
*بالسياط اشـگف عن يتـاماكم بيديـه*
*بالسياط متوني سوده لجلك ياشفيه*
*فدوه نروح كلنا*
*لحـسـين واملنا*
*بالحزان*
&&&
يابن العسكري طول غيابك
گلبي بالحزن صاح لجنابك
يمته الثار وتـروي شـهابـك
شيعه وتنتخي كلها اع بابـك
*يامحجوب يمته الفجر يطلع من مغيبه*
*يامحجوب نحضه بطلعتك يبن النجيبه*
*نصيح الثار الثار*
*يامهدي يبن الأطهار*
*بالحزان*
*الخلود الحُسيني*
*نسالكم الدعاء*
بطور علي راح 👇🏻👇🏻
https://youtu.be/HEc3UKiMYG8?si=-A-MV_IFWiU0789z
*#استقبال_شهر_محرم_الحرام*
****
رَدّت لي انفـاسي .. مِن بيّن اهْــلالك
عَالوَجنة دَمعاتي .. بسّ انته تِحْلالك
شهر الــوَنّه والآهـــــــــــات
امْتانيك ابْلظى الحسرات
يامحرم يامحرم
******
مَـذموم البُكــا ابــكل حين وْبأيّامك فَيـــــا مَحـــلاه
بيك الشيعي دمعه ايْصير ﭼَـنْ ضحكه على امْحيّاه
وْهِتاف الخــادم اشْمَحلاه يحـﭽـي وكل مُحِب ويّاه
(احْسينـﭻ يُمه يــــــافاطم أبــــــد والله مـــاننساه)
بِفْراقك اوْمُرّه .. روحي فلا تـــــــــرضى
عُمْر ابلا ابو اليمه .. قلب اوْبلا نبضه
ابْجَيْتك خضّرِت وَجْنــــــات
امْتانيك ابْلظى الحسرات
يامحرم يامحرم
******
مِن تِقرب يَـ شهر النّــــوح قلبي يحسب احْسابه
يهيّئْ نبضه بس لِــحسين ويفتح للأسى ابـــــوابه
ابلا زاد اوْ شُرب عــــــايِش واوضّح لك أنا اسبـابه
عايِش عالْـــــــــعزا وْنبضه (آه يَـحسين ومصـابه)
حسين ابشراييني .. الْـيجري مَهو دمـــــي
تتنفّس احسـاسه .. كـل ذَرّة في جسمي
حسين القلب والنّبضــات
امْتانيك ابْلظى الحسرات
يامحرم يامحرم
******
يَـ امْحرّم عِشرْتي اوْيـــــــــاك دمعه ابْـوَجنةْ ايْتيمـــه
وروحي امْلازِمه امْصــابك لَـزْمةْ مَطـــــرَة لِلغيمه
أمــوت ابْخَنقـة انفـــــــاسي مِنّ اذكــــر حَرِق خيمـه
وَاتيه ابهمّـــي منّ اسمـــــع (تاهت طفلة بالهيمه)
ليت العمر كلّه .. بس عَشرة امْحــرم
واقضيها أيّامي .. مِن ماتم الْــــماتم
ولطم الصدر والصّرخات
امْتانيك ابْلظى الحسرات
يامحرم يامحرم
******
يَـ مَن لَــيّامـك اتْحِـــــن روح اوْعَهدي اوْيـــــاك من ذَرّي
رُبيت اعلى النّواعـي وصـــوت (حمزه) ابّالي وَيْ فكــــــري
امْن اشوف اهْلالك ابكل عـــام الغُصَصْ تتزاحم ابصدري
ﭼــنّ ابــإذني اسمـع صـــــــوت (الآن انكســر ظهــــــــري)
مِن هيئة اهْلالك .. كــم موقف اَتذكّــــر
حسين انْحنى ظَهره .. مِن ذَبحةْ الأكبـر
وامْن الـطّعن والــطّبرات
امْتانيك ابْلظى الحسرات
يامحرم يامحرم
******
يَـ امْحـــــــرم حبيبي احسين كاشف كُـربتــي اوْهَمّـــــــــــي
ابزُغري اوْيا النّفَس ذكـــره ومْحرصَــه عليّـــه امـــــــــــــــي
باسم (احسين) من توقف اوْ تقعـد لازم اتسمّــــــــــــــي
اوْدموعك هِلْها يبني اعلـ اللّـي صاحت ( ذبحوْا ابن امي)
من تذكر احسينك .. زينب تجي ابذكـره
من ذبحوْا ابن امها .. ابْـغُربتهـــا متحيره
لا والـــــي ولا خيمــــــــــات
امْتانيك ابْلظى الحسرات
يامحرم يامحرم
******
تتانيك الْـــخَدم بــــــــــاشـواق يَـ شهر الخِدمة والأحزان
خَـدَم بالْمـــــــاتم امْحَضـــــره اوْيا الزهرا الـدمع هَتّــــان
وخَدم تنصب مَضايف كــون تِشَبْعِ اوْ ترْوي كـل ظَمآن
الْـيشرب كاسه ينعى الْــــقال (وَحق جدي أنــــا عطشان)
مشتـــاقه خدّامه .. الْــــــقعدةْ احسينية
ايْختموها قَعدتهم .. ابكل ليلة لَطمية
تِسْـوى الـعمر هالقَعـدات
امْتانيك ابْلظى الحسرات
يامحرم يامحرم
******
مهدي الناصر
*في شان الهلال*
🚩🚩🚩🚩🚩
*هل هِلالك ياشهر والدمـع سچـاب*
*وتبچي اعيوني دمه الفگد الاحباب*
&&&
شيبت راسي وبـالاحزان ظلـيت
بالرزايا الي جرت اباهل هالبيت
حتى دين المصطفى اركانه هزيت
*والملايك بالسمه تنعه بالمصاب*
&&&
اه ياشـهر المصاب بـيك فجـعـوني
ذبحت حسـين وهله عمين اعيوني
وسـبي زينب والحرم جرح اجفوني
*بس عله الهامه ادگ والگلب لي ذاب*
&&&
بالگبر حنيت عله ابني والذي صـار
حسين مگطوع النحر مرمي بالوعار
بخيل كسرو له الصدر والخيـم بـنار
*ظل ثلاث ابلا غسل ابحر التراب*
&&&
اه يـاشـهر الاسى گلـبي فـطـرتــه
چم مصاب وچم الم والله جرعته
حتى عبدالله الطفل نحره گـطعتـه
*والكفل زينب يويلي بعمد منصاب*
&&&
چني بحال النبي ينادي يامظـلـوم
شلون گوم اهل الغدر تذبح الجيدوم
وانا انـادي بيـنـهم بـالعـتره مـلـزوم
*حسـين مني ياخلگ سمعو يالصحاب*
&&&
حـسـين يانور البصر بيك فجـعـوني
والله من گطعو النحر گطعو غصوني
من برى جسمك سـهم والله صابوني
*صرت ابلوعه وهظم الجرح ماطاب*
&&&
يمته يمته المنتظر يظهر ابـثـاره
يهلك الگوم الظلم ويشن له غاره
نبگى للثوره جنـود نبگى انصـاره
*بالشهاده نحتضي وللموت منهاب*
*الخلود الحُسيني*
*نسألكم الدعاء*
/channel/khdmat
نعي الى العليلة عليها السلام
عصفت بهم ريح الفراق رحيل
والدهر أعمى والفؤاد عليل
والدار امست بعدهم في حزنها
مكبوتة لفراقها التهليل
يادهر بضعوني ارحلت وين
عافوني وحدي وعني ماشين
جا وين ابوي وكرت العين
الكال اردلج لاتحيرين
محتاره يابويه واعاني
ويفتر علي فره زماني
مرسول منك ما اجاني
وانا أنتظر بمسايل العين
تجري الدموع لفركه الأحباب
وتروح روحي لدكة الباب
لوحيدتي والأهل غياب
ومتانيه ضعون المرحلين
عني رحلو وانه وحيده
وديارهم بأرض البعيده
الغالي ابوي اليوم أريده
وأنه رايده ايرد البعيدين
اهلي مشو لديار غربه
وفراكهم كلساع اجربه
مر الهجر والروح تعبه
تريد الأهل يلفون هالحين
محمد النوري
جديد السنه
*بشان العليله بنت الحسين*
*عليه السلام*
🚩🚩🚩🚩
وحشه صارت المدينه
حسين شايل بالضعينه
&&&
ناحت الاملاك كلها
تبچي بن سيد رسلها
راح عزها وي املها
شيعته صاحت حزينه
&&&
بالهظم ودع حبيبه
جده والزهره النجيبه
وبنته ابدمعه كئيبه
وياك خذني ياولينه
&&&
انهدم سوري العالي
من شفت ضعنك اقبالي
بالحرم ماشي يغالي
وانا ابقى بالمدينه
&&&
بويه بالله خذني وياك
الروح ماتقدر عله اجفاك
عيشتي گشره بلياك
قلبي اسمع الونينه
&&&
بالله بويه حن عليه
ونتي ونه شجيه
لا تخليني ابأذيه
وانتظر يمته تجينه
الخلود الحسيني
نسالكم الدعاء
https://chat.whatsapp.com/CGzf47HqTCKK57sfaBExLQ
فزاعيه بشان العليله
عليها السلام
🚩🚩🚩
ضلت تنتحب بالدار
يوم الشال واليها
&&
علگ فوك راياته
نوخ بيده ناگاته
وركب كل عزيزاته
واعليلته امخليها
&&
خجلان وتعذرها
ضل يجبر بخاطرها
وعالفرگه يصبرها
بيده يمسح اعليها
&&
عليها منخطف لونه
يوم الحمل اضعونه
يعين الله المحزونه
تشاهد ضعن اهاليها
&&
تشاهد والدمع يجري
ضعن احبابهه يسري
تصيح بصوت يادهري
شلون الدار أطب اليها
& &
يالرحتو وهجرتوني
وحشه الدار بعيوني
عليلة حال تدروني
روحي من يواسيها
&&
بويه ذاب قلبي ذاب
بعدكم من يدق الباب
وشتم ريحة الاحباب
وبس الدمعه اجريها
&&
عيني عالدرب يناس
ابجيه انتظر عباس
قبل لا تنقطع لنفاس
وموت بحسره تاليها
بقلم الاخوات
ام اباذر السكيني
و___عاشقة الولايه
نسألكم الدعاء
https://chat.whatsapp.com/CGzf47HqTCKK57sfaBExLQ
بين العاشق والمعشوق✍️
إذا باچـر ذنوبـي ضيعنـي
والله ما رضـه يحسـين عني
أكَل لَمك الزهرة اتبره مني
**
أنـه الكَضيت كل عمـري أحبـــك
ودرب ما عندي أعشكَه غيردربك
اذا يحســين مــا يغفرلـي ربــــك
اجيـلك يـمن ماكــو بطيــب كَلبــك
يالما ترضــه وآحد يجـري دمـعة
وأي محتــاج خـايب ما ترجعــة
الزݘية هنــاك من يوصلها وَنـي
**
شكـثر مشــاي أجيـــتك بربعيـنك
وبݘيت اشكَد لإن ضربـو جبيــنك
بذنوبي امنـغركَ انطيني يمينك
اضيعـن اذا عنـي اديــر عيـنك
أروحن ويـن من تكَلـي إرجــع
أشكــي للزݘيـة بعيــن تدمـــع
اركض لو أيــام الخدمة اجنـي
**
لِطمت على العقيلة شكثر صدري
وانوح اعليـك كــل إيــام عمـري
حسين بحبــي إلك بس الله يدري
مُذنب وادري ما مقبـــول عـذري
ادري مرتكـب كومــة معاصـــي
يالمـــا ترضــه تنــذل النواصـي
وكَفـاتــك يبـــو اليمــه هذنــــي
**
ݘنت كلمــا اضوجن بيـك أفكــر
لإن ارتـــاح لمــن ذكـرك يمــــر
لـون ما انت اظــن يومية اكفــر
إشفعلـي يالرضيت بتوبــة الحُــر
تماديت بحياتي ودومي مُذنب
بيــك وبُمــك الزهـرة أݘلـــب
ألطـــم ݘنــت والعــالم تغنـــي
**
باݘـــر سيـدي بيـــوم القيــامة
ما تنفــع يبـــو اليمــة الندامــة
بس بخدمـة حســين الكرامـــة
واكبر خاســـر اليخسر إمــــامة
رادونـــه علـــي نتبـــرة منـــه
وقتلونــــه علمـــودك وإنظلمنه
لحد ما موت يبقه عليك حزنـي
**
أنه الكل عمري ازامط بيك وحدك
فلس عندي العمر ما يسوه بعدك
من تعوفنـي مـا يرضــــه جـدك
وانت شكَـد محمد غالـي عنـدك
يـامـن خصــك الله بالشفـــاعة
وآمنــه بعترتــك عن قنــــــاعة
أجيلك باݘــر ذنوبي على متنــي
**
شايل راسي ݘي انحسب خادم
وهنيــالك يكَلــولــي الـــــوادم
لا تناسني أمَشـــي عليك فاطـم
على بنتـك رُقيــة شكثـــر لاطِم
شكَــد مساهم بدعــم المواكـب
أوزع ماي حدمـا اصـير شايب
ݘنـت مديون وإلـه ݘـادر أبني
**
امنجيلك شايل ذنوبي على متني
منـك مـا أئيــس وأبقــه أتنـــــتي
لَمك أحݘـــي اذا أبݘــي لكَتنـــي
وعلي ماعوف حبك لو عفتني
(يـــومَ ندعـــو كُـــلاً بِإمـــــامة)
أحلفك ببنـــك الحركَـــو خيامــه
وبالصاحت يخوية سبــو ضعنـي
**
حيدر حسين الكَرعاوي
الشاعر الحسيني ظاهر حبيب الهليجي (للامام العباس ع)
جاوبني ياجرف النهر وارويلي من طاح الگمر
گلي عن اصعب ألم لوعمد لو من سهم
*
زينب واسألك يانهـر وانت اتعرف آلامـي
اقسم عليك بدمعتي وبحسرتي وايتامي
ترويلي شنهو الي حصل من طاح أخوي الدامي
ومن ماشرب منك عذب وعباس يمك ضامـي
انه اخته بعيوني الدمع أرحملي گلبي المنفجع
بيا ألم حيله انهدم لو عمد لو من سهم
*
اشلون ياجرف النهر من صابه سهم البل عين
اشگال وانت اقرب اله هم صاح ياخويه حسين
ومن طاح كلي بياكتر عل يسره لوعل ايمين
بيا أيد يتلگه الارض وادريه فاكد جفين
جاوبني وارحم حالتي وانت اتعرف كل قصتي
الهامه اكثر لوعلم لو عمد لو من سهم
*
احجيلج وأنه النهر واشرح مصابه وضعه
اجروحه كثره منل طعن وضماه گلبه يصدعه
ولايشكف ارماح ونبل اجفوفه لن متكطعه
يابت على جسمه صبح عباس يصعب جمعه
يازينب شأشرح بعد والراس صابوه أبعمد
يمكن الحرگ الخيم لو عمد لو من سهم
*
يازينب بوجها الخجل بدموعه غركت عينه
ايدير عينه اعله الخيم جن مستحي امن سكينه
ومن عندج يريد العذر يا زينب تعذرينه
والي كسر ظهر الكمر من عاف وحده حسينه
دلاله يلهب بالضمه العين تنزف بالدمه
جرحه علجود انلجم من عمد لو من سهم
*
يازينب الاصعب شفت حسين كاعد يمه
وشفته انحنه فوكه ونحب ومن ثغره گام يشمه
وبجفه يمسح هامته ابهيده خاف يلجمه
وبحجره حط راس الكمر وبجفه يمسح دمه
يا زينب بعبره نحَب ولخدرج كليبه التهب
گلبه بلعبره انخذم لو عمد لومن سهم
الشاعر الحسيني ظاهر حبيب الهليجي (للانصار رض)
صائدي والحظرمي
وزهير الخزعمي
وابنه قيس النهمي
صحبة حسين صحبة حسين
*
أبتدي بهاي الاسامي بعابس وجون وبرير
وحنضله وحر الرياحي وبن عوسج وزهير
عشگ ابو اليمه بدماهم واعلنوا بلطف نفير
گالو بدمنه نضحي من أجل نهج البشير
العائذي والارحبي
وابن عمرو الراسبي
وكنانة التغلبي
صحبة حسين صحبة حسين
*
عله تراب الغاضريه كتبوا بدمهم ولاء
من صميم العشگ رادو هل منيه بكربلاء
رادو يوثقون ذكره بلدمه معنه الوفاء
ذكره لليوفي بصحبته بأسمه ايات الوفاء
أبن عمرو النمري
وشبيب الجابري
جهني والشاكري
صحبة حسين صحبة حسين
*
اسلم التركي بشخصه فعلآ احتار القلم
وأبن يقطر بلرجوله وابن سمعان الاشم
وابن عجلان وشبيب الكاتب بگلبه وشم
انه خادم مو صحابي للحسين اقسم قسم
جندبا والبجلي
وغفاري اوكاهلي
المازني والجملي
صحبة حسين صحبة حسين
*
وهب نعلم بي مسيحي بكل فخر بلطف وكف
انه لحسين الفدائي وسط ميدانه هتف
راد ويه حسين موته ينول بلطف الشرف
طلگ الدنيه وتركها ومن نعيم العـز قطف
رفضهم للظالمين
ناصرو الحق المبين
في الجنان خالدين
صحبة حسين صحبة حسين
*
وقصة الحر الرياحي يم امام المتقين
انه قائد يا امامي وجندي يمك يا حسين
تنقبل هل توبه ليه يم اله العالمين
ومن بعدها موتي كبلك يبن سيد المرسلين
سيدي يبن الحجج
بين كفيك المهج
نفتديكم بل ودج
الشاعر الحسيني ظاهر حبيب الهليجي (للانصار رض)
يكتبها دم الشريان يحسين الك وفايه
بعاشر محرم انصار للموت اجت عنايه
*
هذه العهد يحسين من اصحابك
فدوه نروح المقدمك واترابك
ياسيدي ودمانه گبل اخضابك
بتارك انصير اليوم ونصير الك تجايه
*
انصارك بنزف النحر خطينه
لجل العقيده بل دمه وفينه
لا غايه عدنه ولاطمع من جينه
نتوذر الوجه الله من أجل دينه الغايه
*
واحدنه ضيغم سيدي منينازل
بدافع عقيده وياك جينه نقاتل
مرتين لو مات بطفوفك قابل
من أجل دين الإسلام لازم نعلي الرايه
*
بينه الرجوله والعزم يتجسد
سبعينك احنه بكل فخر نتخلد
بلغاضريه والله هوه اليشهد
انصارك احنه وللموت جينه بعشگ مشايه
*
مثل الشهد هل موت اصبح عدنه
والجائزه بجنة عدن موعدنه
يحسين وانت سيدي تجمعنه
خدامك واحنه انصار بلطف الك رمايه
الشاعر الحسيني ظاهر حبيب الهليجي (للانصار رض)
بعاشرك انصارك أتسويها أتسويها
ورقة العالوا وعد نطويها نطويها
اليوم يوم الملحمه وحنه الها الموزمه
*
اليوم انصارك عشك متحزمه
هنا تمنينيه تكون الخاتمه
حسين وانصارك زلم بلموزمه
مانرد اله مناحرنه بدمه
ريح والنار بعزم نطفيها نطفيها
ورقة العالوا وعد نطويها نطوينا
مانهم للشرذمه واحنه الها الموزمه
*
بعاشرك مولاي انوله السعد
اي يبو اليمه وحك رب الصمد
ماتهمنه شما صفت عده وعدد
نصيح ياحيدر علي نريد المدد
ال أميه امنل الأرض نمحيها نمحيها
ورقة العالوا وعد نطويها نطويها
أنفرح امك فاطمه واحنه الها الموزمه
*
نحمد الله عل علينه كاتبه
وندعي كون بكربلاء ونطلبه
عدنه احله منل شهد هل نايبه
ريت رمل الطف دمانه تخضبه
شموع نصرك بلوفه نضويها نضويها
ورقة العالوا وعد نطويها نطويها
اوياك تحله الخاتمه واحنه الها الموزمه
*
بحبك أحنه للحرب لمن نطب
ما يهمنه وينحني ألنه الصعب
ريح صرر بالصوارم من نهب
ابشر بسبعينك تذل الحرب
وراسك نرفعه يبن داحيها داحيها
ورقة العالوا وعد نطويها نطويها
نطرز النصر بدمه واحنه الها الموزمه
*
اليوم رايات النصر تعله بعزم
بل طفوف الگوم منهم ننتقم
احنه سد بل نايبه الما ينهدم
والمعاره اتبين أفعال الزلم
جيوشهم عده وعدد نثنيها نثنيها
ورقة العالوا وعد نطويها نطويها
اليوم النه الغانمـه واحنه أهلها الموزمه
لشاعر الحسيني ظاهر حبيب الهليجي (لمسلم ع)
رسول الامامه يوصل كلامه
الديار الظلامه سفير الحسين
*
رسم صورة عشگ لحسين بلكوفه
وطرزها بعزم من دمه بجفوفه
وظلت للأبد هل اللوحه معروفه
للأجيال ظلت تزهيي حروفه
بثباته و صموده رسم بيها زوده
وفائه العهوده سفير الحسين
*
مسلم من نعده ايعادل الفرسان
وثباته وكبريائه قمة الايمان
ومن دم الوريد انطاه هل برهان
عاشك للشهاده ورافض الطغيان
ربيب المراجل سليل البواسل
مذل الاراذل سفير الحسين
*
وحيد ومن ثباته وقلة انصاره
بقت لسه أبشيم تتقيم آثاره
بشجاعه وتضحيه للعالم اخباره
ودليل بهل السرد موجود تذكاره
مناره زهيه توازي الثريه
ملكها الهويه سفير الحسين
*
درس انطه بولائه وكون نتعلم
منه بهل الرحيل المقصده ونفهم
راد ابهل القضيه تضحيه يقدم
وفعلا قدماها مهجته مسلم
رسم دمه لوحه بثباته وجروحه
اوتحقق طموحه سفير الحسين
*
بسلامه يختم أنفاسه لبو اليمه
من فوگ القصر وعداه ملتمه
ويناظر لا عشيره ولا صحب يمه
هوا أعله الگاع مسلم فايض بدمه
كريم بعطائه يضحي بدمائه
من سافرت عفته النوم يل ساكن بدلالي
والدربك اربيه العين تتنطرك يل غالي
*
يل باقي بعيوني الك تذكارك
اتنطر طروش التجي الاخبارك
خوف المنيه بكوفتك تختارك
كل طارش يجيب اخبار عنك الي جتالي
*
انه حميده العل الدرب انضاري
انطر ابوي بحسرتي واعباري
وادعي بسلامه يرده ليه الباري
أمناشغ اگضيه الليل يل ماتفارگ بالي
*
الدمعه بعدك ماتفارگ عيني
والحسره بويه بغيبتك تجويني
وحال اليتيمه حالتي تدريني
مشتاگه حيل الملگاك ويشهد عليه العالي
*
ما ينفع وياي الصبر وتصبر
وشيقنع گليبي عليك اليسعر
گد ما افكر بيك بويه اتفطر
اتنطر بدمع العين يل صورتك تبرالي
*
عندي يقين امنل سفر ما ترجع
منل كوفه وانه جن اشوف المصرع
وهذا اليدور براسي وانه اتلوع
هيج انه عندي الاحساس عشته ودموعي تلا
الشاعر الحسيني ظاهر حبيب الهليجي (ولائية)
بخدمة امامي عالي مقامي
وصارت كأنها تاج إعله هامي
*
انه الخادم الك عهدي يبو اليمه
يسلطاني وخدمتك موتعب نعمه
وبين الناس صارة هيبه هلخدمه
و باجر بل حشر اتباهه يم أمه
هايه الخدامه بيها كرامه
صارت كأنها تاج إعله هامي
*
شرف صارت اليه وفتخر بيها
وتاج وفوگ راسي انه اخليها
وانخه الي أخدمه وهوه راعيها
بأيده وريت يكتب راضي أعليها
بهل خدمه اني هيبه أبزماني
صارت كأنها تاج إعله هامي
*
عزاء حسين كون اتوضه بل دمعه
وخلي اعظاي كلها تنحب وننعه
انه المرضات ربي ألمجلسه اسعه
أهي نعمه واجت من السمه السبعه
رب البريه انعم عليه
صارت كأنها تاج إعله هامي
*
يظل هوه الوحيد الساكن ابالي
هوه الغالي يبقه اوما بعد غالي
بل نسبه اليه حالي او مالي
حسين المنذبح ماغيره يحلالي
خدمة عزائه تكسب عطائه
صارت كأنها تاج إعله هامي
*
عزاء حسين هوه النهجه رباني
دم نحره حقيقة ديني راواني
مفهوم العقيده الصلبه خلاني
وفخر خادم اظله وهوه سلطاني
انه بخدمته راسي رفعته
صارت كأنها تاج إعله هامي
*بكاء العليله عند خروج الحسين ع*
🚩🚩🚩🚩🚩
*بكل حنين ويلي*
*نادت حُسين ويلي*
*تگله يابويه لا تشيل من المدينه*
*لا تفجعوني بهالسفر اه يولينـه*
&&&
تـگله يابويـه نشعب گلبي بهالمسيـه
من شفت ضعنك سار آ يبن الزچيـه
تخليني وحدي بهالارض وحشه عليه
خذني ياغالي خـادمه وامسـح عليـه
*لا تبعدون ويلي*
*بهالضعون ويلي*
*تخلون روحي مرمره وانا حزينه*
&&&
خذني يابويه خادمه اخدم ضعنكم
ماگدر عله طول السـفر وماني يمكم
اظلم عليه الليل وماني في حرمكم
انظر يمين ايسـار واتخـيل صـوركـم
*اندب حُسين ويلي*
*تهمل العين ويلي*
*اتـزيد لوعاتي عـليـكم يـوليـنـه*
&&&
تـگله يابويه أفراگـكم گطـع لچـبدي
مابگى عندي من جلد واصيح وحدي
بس احسب النجمات ودمعه بخدي
يمته تجيلي اخباركم وترجع لعندي
*ابگى بحماك ويلي*
*گلبي نخاك ويلي*
*وبصدرك الحـاني تضمني يوليـنـه*
&&&
لا تعوفني بويه انا بعدك عـليـله
بحق النبي وفاطمه الزهره الجليله
شلي بالحياه يحسين دمعي اسيله
خلف الضعن اصـيح ياعمه دخيـله
*بحسره وشجن ويلي*
*خلف الضعن ويلي*
*بالله عليكم لا تشيلو من المدينه*
&&&
صدت لبوالغيره تصيح بالله يعباس
شلون تتركني ياعمي ياگوي البـاس
والله بعدكم ما اظن تـبگالي انفـاس
وانا عليله يالكفيل مهبـطه الـراس
*وحشه الديار ويلي*
*وليل ونهار ويلي*
*اندب بعبره غابت ابدور السفينه*
&&&
نادت يافرسان الحميه شلون ترضون
وحدي اظل بهالارض وانتم تغيبون
شجاوب الوفاد من عنكم ينشـدون
مگدر. اگلهم سافرو ومايرجعون
*راح الولي ويلي*
*غابو هلي ويلي*
*خلوني وحدي بهالارض گلبي بونينه*
&&&
يـاأبـن طه وحـيدره وابن الزچـيـه
بالحال عجل طلعتك ابهل مسيه
طالت الغـيبه ياأبن سـيد البـريه
يمته نشوفك والعلم بالغاضـريـه
*تصرخ حُسين ويلي*
*يبن الامين ويلي*
*تهلك الظالم والعدل ينشر علينه*
*الخلود الحُسيني*
*نسالكم الدعاء*
قروب للرثاء الحسيني
والمواليد
وكل جديد هنا
انشر تؤجر
https://chat.whatsapp.com/CGzf47HqTCKK57sfaBExLQ
هلال محرم
*هل بالسـمـا هـلال الــحــزن ويـا الرزيّه*
*مأجـوره يـم حـســيـن يـازهـره الزجيّه*
مـا قـول قـومـي واسـتـعـدي لبسي اسواد
لــنــچ يـازهــره بــالــدهــر كـلـه بـالـحـداد
موت الـنـبي وهظمچ بعد وامصـاب الولاد
*واصعـب مصيبه اعليچ يـوم الغاضريّه*
لمساعد الله بـحـالـتـچ فـي شـهــر عاشور
لـمـصـيـبـة اللي امن القفا يويلي مـنـحـور
راسـه عـلـى ذاك الـرمــح والـصـبـع مبتور
*وهـشـمـت جسمه يا وسافه الاعوجيّه*
مـن مـاتـم الـمـاتـم تروحي و تجري العين
وايدچ على ضـلـعـچ تقولي ابنوح و ونين
(واعظم عليه لو نعى الناعي على حسين)
*يومـه يـشـيـعـه وشـكـثـر چايد عليّه*
ياحرمه فـجـعـوهـا ابولدهـا مثلي يانـاس
خلوه يطـلـع عـن جـواري الزمـره لرجاس
وذبـحـوه ويلي وبالعوادي جسمه ينداس
*وراسـه تـعـلـق فــوق راس السمهريّه*
وبـكـل مـاتـم احضـر وايـدي اعلى ضلعي
وانعي بــعـــد هــم شـيـعـتــي والله انعي
و الطم مـعـاكـم هـم بـعـد اجــري الدمعي
*مـو وسـط قـبـري انـي كـلّـه بالعزيّه*
تمت بحمد الله ومنه
لمحرم 1442 هــ
*لخادم اهل البيت عليهم السلام*
*المُلا محمد سامي المرعي* الأحسائي
*بشان القاسم بن الحسن عليه السلام*
🚩🚩🚩🚩🚩🚩🚩
*زفـو الشـاب زفـوه للجـنـه الـعلـيه*
*خل يحضر المسموم بوالنفس الابيه*
&&&
جاسم ياضوى العين ياسلوت حياتي
من تـروح الجـنان سلـم امنياتي
گله شاب انطيت مذخرته للمماتي
*لجل الدين ضحى جاهد للمنيه*
&&&
يالمجتبى اتمنيت تزفه باقي الشبان
اجيب املبس اليوم وتوزع النسوان
وي جدك الهادي تحضر بني عدنـان
*للحـومـه بهلاهل يروح بهل مسيه*
&&&
دون الشرع ضحيت اباغلى ماعدي
لو اگعد ونوحن دمعي فوك خدي
بيه ارفع الهامه اگول انطيت ولدي
*بس حسين سالم يبگى هالشفيه*
&&&
يعقوب ابفگد شاب ابيضت اعيونه
انه شفت عريس ابثوبه ايچفنونه
بدال الورد طشو اسهام ايصوبونه
*من دمه تغسل واصبح عالوطيه*
*الخلود الحُسيني*
*نسالكم الدعاء*
/channel/khdmat
*بشان هلال محرم*
🚩🚩🚩🚩
*هل المحرم علينه يابوصالح*
*روحك الليله حزينه يابوصالح*
_____
هل الهلال ولبس كله اسود الكون
يعينك الله يمهدينه حالك اشلون
بالحزن تبچي الجدك ونهر العيون
شيعتك كلهم وياك الليل ينحون
*وياك كلنه اتحضرينه للنوايح*
*روحك الليله حزينه يابوصالح*
_____
اليوم بسم الشيعه يامهدي نعازيك
بالحزن مولاي گلبك حيل ياذيك
بالطفوف الله يعلم چم جرح بيك
وعله جدك بالدمع والنوح نواسيك
*نعوف اشغال البدينه والمصالح*
*روحك الليله حزينه يابوصالح*
____
نعوف كل اشغالنه وننصب مآتم
وعلى مگطوع النحر نبچيه دائم
خدمة حسين الشرف ترفع الوادم
والله هنياله الصبح لحسين خادم
*لجل ابوالحرار جينه بالنوايح*
*روحك الليله حزينه يابوصالح*
______
حسين يستاهل ننوح ونبچي عليه
بالمجالس نلطم احنه ودمعه نرثيه
حتى املاك السمه بالعبره تنعيه
شما بچينه يابوصالح ما نوافيه
*البچت لحسين عينه هوا رابح*
*روحك الليله حزينه يابوصالح*
___
بالهظم نرسم مصابه نلطم اصدور
انواسي الزهره الحزينه بفگد البدور
وننتظر يمته ظهورك لينه وتثور
جنود نبگى اونطالب يوم عاشور
*نندب ابلوعه ولينه والنوايح*
*روحك الليله حزينه يابوصالح*
*بقلم الاخوات*
*ام اباذر السكيني*
*وعاشقة الولايه*
*نسالكم الدعاء*
*بشان الحسين عليه السلام*
🚩🚩🚩🚩
*ثـوره فـجـرهـا والـينـه*
*بالطف ايحامي عن دينه*
&&
نهضته ثوره عالظالم
وبـدمه فجـر الـعالـم
بالوعي يصلح الوادم
*وترف الرايه اعلينه*
&&
فجر بايمانه الثوره
ادروس انطه ويالعِبره
حتى لو يبگى عالغبره
*ودوسه خيل اعادينه*
&&
نهضته نهضه ثوريه
بيها يعلم الانسانيه
ايات ايرتل قدسيه
*عالرمح شبل هادينه*
&&
سجل تاريخه بوالاحرار
ميخاف الطاغي والكفار
باع الدنيا لجل الجبار
*ابـهله ضحى وسنينه*
&&
يامنبع حكمه للاجيال
ياسر الله وسط الدلال
مايفنى نوره هذا محال
*ابـدمـه ثـبـت الـديـنـه*
*الخلود الحُسيني*
*نسالكم الدعاء*
وزن العگيلي
/channel/khdmat
نعي / لسان حال زينب عليها السلام مع اخيها وكفيلها
يابو فاضل. نايم واختك سبوها
يابو فاضل. عالهزل زينب خذوها
يابو فاضل. وبحبلهم چتفوها
يابو فاضل. هواي بعدك عذبوها
يابو فاضل. تدري لو ما تدري بية
يابو فاضل. عالهزل زينب سبية
يابو فاضل. من عكب خدر الزجية
يابو فاضل. يباوع الشامت علية
يختي زينب. اعنذرلج سامحيني
يختي زينب كطعوا يساري ويميني
يختي زينب. وبالسهم مطفية عيني
يختي زينب. عتابج يزوّد ونيني
سامحيتك. يالطحت يم الشريعه
سامحيتك. دامي وچفوفك كطيعه
سامحيتك. يالرضيت امي الوديعه
سامحيتك. يا عُظم هاي الفجيعه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جديد السنه
بشان وقفت جواد حسين
عليه السلام
🚩🚩🚩
بكربلا واگف جواده الحسين
وگال بيها انذبح يامسلمين
&&&
الترب شمه ودموعه تسيل
گال هذي نينوه وبيها العويل
والعرش اينوح للخطب الجليل
والسمه ويالارض تبچي بونين
&&&
بالله يافرسان نصبو للخيام
باجر إيحرقونها گوم اللئام
وتنفجع الايتام بنـار وسهام
وتنحب النسوان ماالها معين
&&&
ترتوي هاي الارض دم الاحباب
وتنذبح بيها ابطال وشباب
تبقى عالرمضى ضحايه بالتراب
وانا وحدي ادعو رب العالمين
&&&
يارجالي كربلا تشيب الطفل
والدعي بسيفه يكتلني كتل
اثنعش ضربه وراسي ينعزل
وعلرمح مشهور بيده اللعين
&&&
وبعد عيني تنسبي ام الخدر
تنضرب بالسوط من ايد الشمر
عله الناقه اتصيح وينك ياذخر
بالحبل ترضى يبن الطاهرين
&&&
صاحت الانصار احنه لك اسود
الخيم ننصب ونحمي للحدود
الف موته انموت وتقطع الزنود
فدوه احنه والاهل يبن الامين
الخلود الحسيني
نسالكم الدعاء
ابطور
اه واويلاه يام البنين
https://youtu.be/g4lC_8ioSfg?si=H80qTWzV5DrSs6L-
نعي لمسلم عليه السلام
🚩🚩🚩
مسلم غريب يهل الشيم
لا عـنده نـاصر لا زلـم
ويصيح ابحسره والم
مولايه ارجع ياشهم
&&
خانو عهودك ياحسين
باعو سفيرك بالثمين
قادوني بحبال اللعين
ومردو دليلي بالهظم
&&
ذبحوني وانه ابضماي
والنار تسعر ابحشاي
فوق القصر سالت دماي
وتاليها سحبو للجسم
&&
بس طوعه ظلت بحزن
تبچي بدمع مثل المزن
ميت بعيد من الوطن
والكوفه صارت للظلم
الخلود الحسيني
نسالكم الدعاء
https://youtu.be/dXtw6x4VVmc?si=bNSTlwBjOrvV_QJG