2063
ذلك ومن يعظم شعائر الله فإنها من تقوى القلوب
*نعي لمسلم بن عقيل عليه السلام*
🚩🚩🚩🚩
*مسـلم يگلهـا والدمع بالعيـن همـال*
*ياطوعة ماعندي انا جيشٍ ولارجال*
*الغدر ماهي شيمتي وانا ابن البطال*
*واحنا الهواشم والحمـية حيـدريـه*
&&
*يگلها ياطوعة جيتي الاهل كوفان*
*مأمور ولازم التزم الصاحب الشأن*
*لاچن ياوسفه تغدره زمرة الخوان*
*وتنقض الـبيعه للولي هاي المسيه*
*الخلود الحُسيني*
*نسالكم الدعاء*
/channel/khdmat
*في شان حميده بنت مسلم*
*عليه السلام*
🚩🚩🚩🚩🚩
*ياعمي..... وينه مسلم هالمسيه*
*ياعمي.....وتمسح ابيدك عليه*
*ليش بعيونك دمع*
*وينه ابويه مارجع*
*ياعمي ......ياعمي*
&&&
عمي يحسين ابنظرتك كلها اهات وآلم
من مسحت الراس بيدك انه حسيت ابيتم
وينه بويه مارجعلي و بدليلي مارحم
مادرى اخلافه عينه ابگى انا بالهظم
*ياعمي..... دمعي بفراكه يصب*
*ياعمي.... تربي عيني عالدرب*
*ياعمي٠٠٠٠ ياعمي*
&&&
اظل ابلوعه انادي ليلي اسهر ونتحب
وين بويه مايجيني عليه دمعاتي تصب
يگول جات اخبار منه محير ابين الغرب
لا نصير ولامحامي وحده بارز للحرب
*ياعمي..... راح مني ومايرد*
*ياعمي.٠٠٠ مات بغصانه الورد*
*ياعمي٠٠٠٠٠٠ ياعمي*
&&&
ابخطر حسيت روحي كلبي زادت لوعته
من شفت دمعة عيونك ايست من رجعته
الكوفه غداره ياعمي خاف عودي غدرته
من سمعها حسين سالت فوگ خده دمعته
*ياعمي.....كلهه اوصيچ الصبر*
*ياعمي...... يتيمه صرتي بصغر*
*ياعمي....ياعمي*
&&&
اه ياحلم الطفوله شلون انسى هالعميد
من يجي للبيت احضنه بيده الثوب الجديد
ضاعت الحسبات مني واصبح الوالد شهيد
من عله قصر الاماره تسحبه اعوانه يزيد
*ياعمي٠٠٠ نار كلبي موجره*
*ياعمي.٠٠٠بعده روحي محيره*
*ياعمي.... ياعمي*
*بقلم الاخوات*
*ام اباذر السكيني*
*و عاشقة الولايه*
*نسالكم الدعاء*
قروب للرثاء الحسيني
والمواليد
وكل جديد هنا
انشر تؤجر
https://chat.whatsapp.com/CGzf47HqTCKK57sfaBExLQ
علي لكبر آيه من شبه الرسول
نعمة الله ابأيد ريحان البتول
چان روحه والنفس ويه الدليل
ونور عينه ومو سهل ضيه الافول
…
علي كالبدر الطلع
وبالسمه نوره سطع
قدرة بحسين الولي
عالي بالحب ارتفع
…
لكبر .. الله اكتبه
لكبر .. بهالمرتبه
لكبر .. لهل العبه
لكبر .. نعمه وهبه
… ….
صغير چان ويدرج بحظن الحسين
واليشوفه يگول هذا اهوه الامين
وابولكبر لو يطگ صدره الحنين
للنبي بالاكبر ايداوي الونين
…
تسر خاطر شوفته
وبيه يشتم ريحته
وچان ايعوذه من الحسد
من جماله وصورته
…
لجده .. خلق وخلق
لجده .. ماكو فرق
لجده .. ماينسبق
لجده .. حتى النطق
@@@
بالعاشر محرم وعد
غيرة محمد تغتلي
لكبر وحيد ابلا سند
بالحومه چن جده علي
…
شتت بدد جمعهم
والقتله مو قليله
انا علي يگلهم
ودم البرز اسيله
…
بالخيل لمن طرد
والجيش يطلب مدد
…
وبيه يتباها الحسين .. وليه هوس بوالفضل
ابسيفه يگنصها رگب جيش ال اميه
… ….
بن غانم ولمن برز
ليلى انشرت چف الدعا
للخيمه سالم ضنوتي
لكبر ياربي رجعه
…
بمضارب الاسنه
لكبر گطعله نحره
لاچن ثگل حديده
وشد العطش يوذره
…
لحسين رد بالالم
عطشان گلبه انهشم
…
وابتده امر الوداع .. والحزن جرحه ابتده
بشربة الكوثر جدك ايبخ دليلك
@@@
يبني روح وراح الظنه
وبالرمضاء صار المنى
لكبر طاح وراسه نزف
وبمعسكر اميه وگع
…
من كل كتر ضربه وطعن
ولكبر تگطع عالثره
وجاله الولي .. يصرخ علي
بعدك على الدنيا العفا
…
تگطع .. والولي جاله
نكطع .. على اي حاله
تگطع .. كل جهه وصاله
تگطع .. تگطع
…. ….
شيضمده جسمه انخذم
وجابه حسين صوب الخيم
يصرخ آه وجات الحرم
گومي يليله للولد
…
اباريه لم الجسد
وبالخيمه مده عالارض
ليلى تلم .. وزينب تشم
گمر تغسل بالدمه
…
علي راح .. تخضبوا بدمه
علي راح .. ضلوعه متهشمه
علي راح .. وراحة البسمه
علي راح .. علي راح
@@@
علي أحمد الحمود
٢٩-٦-٢٠٢٥
شهادة الاكبر ع
بحراني
الوغا نار استعر
جاها چن فارس مضر
هذا عباس الگمر .. هذا عباس الگمر
@@@
اشوسي وابن الاسد
بحاله وابليا مدد
بالعدو نازل وعد
وسيفه علگم من سقر .. هذا عباس الگمر
@@@
ماقبل ذلة يزيد
ورايته اترف الوعيد
وطگ حديد اعله الحديد
للشريعه من عبر .. هذا عباس الگمر
@@@
ابن سعد اويه الشمر
صدررا هذا الامر
للكتايب تنتشر
وهو يخزر بالنظر .. هذا عباس الگمر
@@@
وصوبه بس طگ النبال
كالجراد وكالجبال
وكاسر خشوم الرجال
سوه بدماهم بحر .. هذا عباس الگمر
@@@
عالنهر لمن لفه
ابمهجته فاض الوفه
وماقبلها يرشفه
وريجه ما گطره عبر .. هذا عباس الگمر
@@@
ترس جوده وللخيم
عود صابه السهم
والزند منه انجسم
وراسه مهشوم انطبر .. هذا عباس الگمر
@@@
حسين جاله منذهل
وشافه مرمي منجدل
وصاح آه ابهالفعل
ظهري ياخويه انكسر .. هذا عباس الگمر
@@@
علي أحمد الحمود
٢٩-٦-٢٠٢٥
شهادة العباس ع
اذا المهدي گصد للغاضريه
يزور الناحيه و عينه جريه
@@@
يزور الناحيه اتعنه للحسين
ابوصالح يهل دمعاته بالعين
شنو حاله وقره مذبوح لوتين
وشنو حاله قره زينب سبيه
@@@
على الشباگ يوگف يوم عاشور
يون ون الثكوله وظهره مكسور
ويصيح أحاه جدي مات منحور
وجراحات اشكثر سوت اميه
@@@
يطول ابهالوضع نعيه وكلامه
وعلى گد كل جرح يبدي سلامه
چبدته وخنصره وحتى العمامه
وعلى اضلوعه ياديها التحيه
@@@
الورث كل لنبيه وي آل عدنان
حوله مجدله عالگاع شجعان
وحتى بالمهد ذبحوه عطشان
وشالوا روسهم عالسمهريه
@@@
سلام الله على المرضوض صدره
وعلى چفه وبعد محزوز نحره
وعلى چبد طلعت من صوب ظهره
وعلى لحم انتشر فوگ الوطيه
@@@
سلام الله على الضمآن من طاح
السيوف اتزاحمت بجراح لرماح
وحجاره والعصي ورفسات ذباح
ماچنه ابن سيد البريه
@@@
علي أحمد الحمود
٢٨-٦-٢٠٢٥
زيارة الناحيه
الحسين ع
قصائد محرم الحرام للسنة الهجرية ١٤٤٧
ليلة القاسم بن الحسن عليهما السلام
ربّيتك الهذا اليوم بيك الحسن وصّاني
………………………………………………………………………………...........................
ربيتك وردتك تعوضلي ارباي
وينك يسبّاح القلب يا رجواي
متوذر ومحروم من شرب الماي
عرس الشهادة بكربله يا وفّاي
شمعة شبابك بدماك تطفه وتهيج احزاني
………………………………………………………………………………............................
نيران شبت بالگلب والصيوان
طفّوا شمعتك والعرس صار أحزان
متحنّي بالدم مرمي فوگ التربان
يا روح روحي بگلبك الظل عطشان
بفگدك ييمه جسام ثكلى صرت خلّاني
……………………………………………………………………………..................................
بالحومه يا نبض الگلب تتوذر
والنار بعدك بالخيم تتوجر
آنه امك وبعدك يعيني أتيسر
للشام نطلع كل گلب يتفطر
من كربله لگاع الشام دمع الفگد أذّاني
………………………………………………………………………………................................
حسره اعله حسره الروح عاشت چم هم
معذوره بفراگك إذا أتألّــم
كل جرح منك جفني ظل ينزف دم
باچر سبي يا جاسم وما أسلم
بس الدمع بس الآه ظل يالولد عنواني
………………………………………………………………………………............................ ....
يا يمه ودّعتك بگلبي المتعوب
روحي بغيابك ياضوه عيوني اتذوب
شفت آنه المگدّر عليّ والمكتوب
آنه أمّك وإنته العزيز المخضوب
ثكلى وسبيّه جرحين واحد أشد من ثاني
………………………………………………………………………………..................................
مر الصبر بعدك جرعته بنوحي
هيهات ما تشفه يغالي اجروحي
لو ردت روحي هاك اخذهه روحي
عريس ردتك بس صرت مذبوحي
أتمنى ياخذني الموت يمّك أروحن آني
………………………………………………………………………………......................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة مولاتي فاطمة العليلة عليها السلام
طيفك لو يــمـــر عينــي ... يمّك خــل يودّيـني
عليله وما خلص نوحي ... وينك بويه يحسيني
.........................................................................................................................
من آخر وداع وروحي محتاره
والفارگهــه أبوهه تنطر أخباره
عليك الگلب يسأل ما طفت ناره
بملامح وجهي حزنك تارك آثاره
دمع عيني على خدّي ... بده بقصةْ يتم يبدي
عليله وهذا إحساسي ... وينك بويه يحسيني
.........................................................................................................................
شگد أحسب ليالي وأنتظر ترجع
أصبر بلكي روحـــي بالصبر تقنع
أريد بصوتك إسمي اتردّده أسمع
جسد والروح تهوى الكربله تطلع
قَسَم وبأربع احروفك ... أموت إنچان ما شوفك
دخيلك يا ضوه عيوني ... وينك بويه يحسيني
.........................................................................................................................
وحشه البيت دونك يا ضوه بيتي
يعافــيــتــي بغيابك ماكو عافيتي
صحت يا كربله ابحالتي شسويتي
عند الله العِلم چم جرح خليتي
بقت تشتاگ الك روحي ... يبويه وبلسم جروحي
حياتي صعبه من دونك ... وينك بويه يحسيني
.........................................................................................................................
مكانك خالي بويه وحسرتي حسره
زغير هواي عمري وحزنك اشكبره
تشبّـــهنـي چنــت بالطاهره الزهره
بدت سود الليالي وشوفتك گمره
نهاري أظلم وحق عينك ... سؤالي بكل وكت وينك
غيابك ذبّل اجفوني ... وينك بويه يحسيني
.........................................................................................................................
هم ترجـــع بـعــد يا والدي الغالي
هم نگعد ســــوه والوكت يحلالي
يا يـــوم اليــمــــر تتلاشــى آمالي
بس طيف الحزن من أغفه يبرالي
وحشه بغيبتك دارك ... يبويه انگطعت اخبارك
وحدي لا تخليني ... وينك بويه يحسيني
.........................................................................................................................
أردد كــل وكــت يا والــدي بأسمك
روحي بكل مسه تشتاگ وتكلمك
عشت وحدي غريبه وشايله همّك
عــبــد الله ورقــيّـــه اثنينهـم يمّك
ما واحد بقه يمّي ... شلت وحدي ثگل همّي
بعيد الدرب يالغالي ... وينك بويه يحسيني
.........................................................................................................................
ختاماً يا أعز من روحي مهمومه
ما متعوده منـّك أبـقـــه محرومه
جفني ما غمض وجروحي ملچومه
عليله والدهـــــر خلاني مهضــومــه
كل عمري الك فدوه ... إنته للگلب سلوه
صحت والصدى جاوبني ... وينك بويه يحسيني
.........................................................................................................................
خادم الإمام الحسين عليه السلام
عمار هليل الواسطي
موشح بحق العباس (ع)
مــن بــرز عــبــاس بـالــطــف وعــزم
مـا اخـــذ ويـاه بــس جــود وعــلــم
--------------------
مـن بــرز عــبـاس صــوب الــمـشــرعـه
كـشـف كــل اجـيـــوشـهـه الــمـتـجــمـعـه
حـلـف يـتـرس مـاي كـلـهــا وتــســـمـعـه
حـلــف بـالــنـــون ابـــو فـاضـل والـقــلـم
--------------------
حـلـف مـا يـرجـع ويـتــرس جــوده كــون
وشــرب الـعـــدوان كـاســات الــمــنــــون
مــا يــهـــاب وابــد كـائـن مــن يـكــون
وعـالـفـرات الـجـيـش مـن شافـه أنـهـــزم
-------------------
عالـفـرات شــلــون صال اعـله الجـيـوش
وگـام بـرگـاب الـــزلـم سـيـــفـه يـحــوش
ابـــو فـاضـل هــذا تـسـجــدلـه عـــروش
ذاك مــن ذاك الـخــلـص مـنــه وســلــم
-------------------
ذاك مـــن ذاك الخــلـص مـــنـه ونـجـه
گـمــر هـــذا ويـســطــع بــلـيــل الــدجــه
ابــو فــاضـل رحــمــه لـلـنـاس ورجــه
بــالــوعــد يــوفـي اذا يــقـســم قـســم
------------------
لـكــن الــلـي صــار وبــعــــز وفــخـــر
مـلــحــمـه العـبـاس سـوه اعـله الـنـهــر
مـو بــسـيــفـه بـدمـه مـن راح انـتـصـر
وعـالـنـهــر ثـبــت مـفــاهــيــم الـقــيــم
--------------------
وصــابـت اسـهـام الــمـنــيــه جــربــتــه
والـعــمــد مـن صاب صابـه بـجــبـهـتـه
وعـالـنـهــر عـبـاس صارت طـيــحــتـه
لـلــوفــــه وعــنــوان هـــالـدم انــرســم
---------------------
رسـم هـالـدم عـالـنـهــر مـعـنـى الــوفـه
نــار تــلــهـــب بـــالـضـمايــر عـاطــفـه
ظــل وجــه عــبـــاس نــور ومــاطــفـه
رســم رايــه وجــود واطــفــال وخـيـم
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ام البنين تجليبه
عليها انعه بحزن ودموعك اجريها
هاي أم الـبنين الـتنشد اعليها
هاي أم البنين اليرفعون الراس
بالـغيره مثال وأصبحت مقياس
يكفي لو گلـت أم البطل عباس
الشايل غيره محد ما يصل ليها
هاي الباري كرمها بفضل وبجاه
وصارت عالبشر قدوه بشرف والله
ربك هالقدر من جنته وعلاه
ومحد ماگدر يعرف معانيها
عليها انحب وصب من الگلب دمعه
وظل طول العمر ارثيها بس وأنعه
تشاهد دمعتك والصوتك أتسمعه
وتعـرف بيك يالحاضر وتبچيها
تستاهل تصب ادموم من العين
عليها وهالشرف يالتبچي تلگاه وين
هاي الكل دمعها خلصته اعله حسين
رادت يرجع ومارجع تاليها
ألها بكل حزن الها انذر الدمعات
ابچيها بشرف ما تندم وهيهات
مادام الضمير ايعيش باقي الذات
ودور عالضمير ابنصه تلگيها
هاي ان البنين الشبعت الأحزان
بس ربك جعلها للفرج عنوان
أطلب منها أطلب ربك الرحمن
ينطيك التريده وألها ينطيها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ام البنين (ع) تضحيه
ضحت بأربع ولدها
والدمع يحفر بخدها
تشعر امقصره بعدها
ام البنين
1
قدمت اربع ولدها للمنيه
اتگول خاف الزهره ماتقبل عليه
ربت الاقمار وانطتهم هديه
بوجه ابيض باچر اتلاگي الزچيه
قدمتهم دمعه دمعه
للحبيب العدها شمعه
مو عليهم هيه تنعه
ام البنين
2
بعد فاطم حضرت البيت الامامه
هم اسمها فاطم ونالت كرامه
ضحت بأربع بنيها والعلامه
حسين رادت الها يرجع بالسلامه
حچت وياهم يولدي
وي اخوكم اوفو عهدي
حسين منكم اغله عندي
ام البنين
3
من بعد ضيم وعذاب الغاضريه
ظلت ام الاربعه بونه شجيه
ماردتهم ولدي ويرجعون اليه
حسين سالم ردته بس ايرد عليه
مارجع سالم واشوفه
غالي ما أگدر اعوفه
ما شفت گبره واطوفه
ام البنين
4
بعد رحلتها ومصاب الطف عليها
وبعد ماضحت لبو اليمه بنيها
سلمت لامر القدر رفعت اديها
اتسلم اعله حسين واتمنت يجيها
من بعد رحلت صبرها
لان محد ما حضرها
اتمنته يحفر گبرها
ام البنين
5
راحت ام الاربعه الليله بحزنها
محد امن اولادها حاضر دفنها
اتمنته حاضر عزيز الزهره ابنها
چان نزلها الگبره بيده وحضنها
لٱن محد ما وصلها
الفاتحه نقراها الها
الليله بالدمعه ونگلها
ام البنين
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
عكيلي بحق مسلم
يامسلم احنه الوفايه
١
نحضر كل عام ونحييها
هالذكره بدم انوافيها
والمسلم بنته اناديها
نحضر للمجلس عنايه
٢
حسين الوفقنه وخلانه
نحضر والخاطر مولانه
تحضر ندري الزهره ويانه
وبدم حسين امحنايه
٣
هذا المجلس كلنه انشوفه
مثل الحج وجينه انطوفه
يامسلم ياصوت الكوفه
خدامك هاي اموصايه
٤
اموصايه من العاش وثائر
انحبك يامسلم وانجاهر
خدام الذبحوه بالعاشر
لحسين ومنطين احچايه
٥
يامسلم بنتك ندريها
تعرف هذا المجلس ليها
نحضر هالليله انواسيها
ونطب رايه وتتبع رايه
٦
والهذا المجلس من جينه
بدموع العين اتعنينه
نطلبها الحاجه وتنطينه
يامسلم مشهود بهايه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
مسلم بن عقيل (ع)
مسلم محتار مايدري اشصار
محتار بدمعه انشوفه
من صد وشاف الكوفه
مسلم محتار
مسلم محتار
1
گصدها الكوفه واتعنه شايل جرحه ومسافر
اجه يحمل كتب بيديه ومايعرف يظل حاير
يريد الناس تعرف زين ياهو الباغي والكافر
فرق بين اليبيع الدين وبين الصدره بيه حافر
دم الاحرار
يصنع ثوار
يعرف زين ومكشوفه
من صد وشاف الكوفه
مسلم محتار
مسلم محتار
2
وصل للكوفه وبعزمه راواهم كتب كثره
حملها من ابن عمه حتى ايوضح الفكره
قراها الكتب والمضمون للدين واجه اينصره
مسلم قدوه للثوار ماهاب ونذر عمره
حامل بتار
ضد الكفار
هاي افعاله الموصوفه
من صد وشاف الكوفه
مسلم محتار
مسلم محتار
3
الدين احتاجه للتبليغ وعرف من واجبه يحضر
راد ايوضح المضمون وعرفت بيه غيوم الشر
الضماير كلها باعوها ومسلم يعرف المصدر
من صله جماعه اشصار وحده بس بقه يفتر
يعرف تندار
رغم الاخطار
قصة مسلم معروفه
من صد وشاف الكوفه
مسلم محتار
مسلم محتار
4
الكوفه اندارت وصارت ضده والامر حاسم
السلطه اتحكمت بالناس وترهب سطوة الحاكم
اهل الغدر والدينار راحو نصرو الظالم
ومسلم رفع اسم الدين ولحسين بشرف خادم
ربك يختار
نهج الثوار
محد ماظل ايطوفه
من صد وشاف الكوفه
مسلم محتار
مسلم محتار
5
ظل مسلم يدير العين وحده ابين عدوانه
ناداهم بعالي الصوت هاي الدنيه خلصانه
وقاتل مسلم ومجبور رغم بالروح احزانه
همه تبعو الشيطان ومسلم تبع ايمانه
درب الاشرار شيطان ونار
متوقع ناسه اتعوفه
من صد وشاف الكوفه
مسلم محتار
مسلم محتار
6
ختم رحله حياته ادموع بس الهامه مرفوعه
رغم بالكوفه من عدهم شاف الخدعه واللوعه
وربك جابه حتى يبات ابيت المؤمنه طوعه
صار الصبح والعدوان اجتي بحقد مدفوعه
سمعو لاخبار وهجمو عالدار
والدار ايبيع اضيوفه
من صد وشاف الكوفه
مسلم محتار
مسلم محتار
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
لوفاة ام البنين عليها السلام
ضحت اشبال وگمرها
وراحة الروح وعمرها
والشهود ايامها
الجنة تحت اقدامها
ام البنين
★★★★★
تضحيات وجود كلها
من البداية الحد أجلها
رضا الباري كل املها
غير هذا مايهمها
يشهد التاريخ الها
يعجز يوصف فضلها
رغم كل آلآمها
الجنة تحت اقدامها
ام البنين
★★★★★
لاحت جروح الخفيه
ومرت ايام المنيه
تعاني بالدار الخليه
وفارگت ابن الزچيه
والبدور الهاشميه
موحشه اعليها المسيه
اعليها تبچي ايتامها
الجنة تحت اقدامها
ام البنين
★★★★★
يافضل عنها نذكره
الفاضله الطاهره الحره
أبد ماقصرت مره
تفخر ابخدمة العتره
أتمنت من الولد عشره
كون كلهم فده الزهره
فده الطيب انسامها
الجنة تحت اقدامها
ام البنين
★★★★★
ابدارها تنحب عليله
عگب ابو اليمه نحيله
وابو فاضل والعقيله
ليله أشد من بعد ليله
الراحة صارت مستحيله
بدت رحلتها الطويله
والقدر گدامها
الجنة تحت اقدامها
ام البنين
★★★★★
بحر من فيض العداله
وگفت بوجه الضلاله
ورسمت الحق وجماله
ونالت بهاي البساله
الفوز من رب الجلاله
الخدمت اعلام الرساله
نفتخر خدامها
الجنة تحت اقدامها
أم البنين
الشاعر حسن لعيبي الحريشاوي
*بشان العليله وخروج الحسين*
🚩🚩🚩🚩🚩
*شايل يبويه بهالضعن*
*وتدريني عالفرگه اون*
*٢_يابويه يحسين*
*ماتنشف ادموع الجفن*
*بغيابك اشموعي انطفن*
*٢_يابويه يحسين*
&&&
شيعالج اجـروح الگلـب
دمعاتي ابخدي تصُب
باهات روحـي تنتحب
*٢_بعد الهواشم*
يابويه خذني من الخدم
لا تـعوف بنتـك بـالهظم
اتباوعـك شلـت الـحـرم
*٢_بااهل المكارم*
*مسافر يبويه وسفرتك تاذيني*
*متگلـي يمته تـرجـع اتواسيني*
*وحدي وناجي هالگمر*
*غايب ولا منكم خبر*
*٢_يابويه يحسين*
&&&
ابهجـرك ايروح الامـل
وبـگى انـه ابلي اهـل
ادموعي تجري وتهمل
*٢_والگلب حزنان*
يـابـويـه يـكل هيبـتي
اعلـيك اجـرها ونـتـي
والجرح يلجم مهجتي
*٢_والورد ذبلان*
*حتى الهوى التنفسه يخنقني*
*والدنيا بعدك ظلمه وتعذبني*
*وحشه عليه دارك*
*ويحرگ دليلي نارك*
*٢_يابويه يحسين*
&&&
ضيم وقـهر افـراگـك
طفله وتـصيح ابابـك
خذني انا من احبابك
*٢_ويها الضعون*
يابويه ممشاكم صعب
اخلافك ابگى بالتعب
وعيني اربيه عالدرب
*٢_يمته وترجعون*
*طوح الحادي واشرت يالغالي*
*بالله عليك ارجـع وهدئ بـالي*
*وعبدالله خلي عدي*
*يسليني وانه وحدي*
*٢_يابويه يحسين*
&&&
بنـتـك علـيلـه امرمره
وهالسفره بيها امكدره
والجنح عدها امكسره
*٢_ماتگدر اتروح*
دار الـنبوه اظلـمت
من سارضعنك وبگت
بالـدار محزونـه بچت
*٢_والدمع مسفوح*
*عافوني اهلي والگلب كالجـمره*
*حيلي تهدم من شفت هالسفره*
*٢_يابويه يحسين*
*الخلود الحُسيني*
*نسالكم الدعاء*
/channel/khdmat
لسان حال فاطمة العليله. (وزن تجليبه )
طور يلعايش بعيوني وروحي كرار ابوغنيم
خلافك بويه أَتَغَيَّر لوني.
ونيران ايهل دمع اعيوني
آه يلغالي. شمصعب حالي
ونيران يهل دمع اعيوني
★★★★★
عليله وماتمرني خلافك الراحه
گلب مهموم عگبك راحت افراحه
يبوگلب الحنين انفاسه فَوَّاحَه
سفر چتال بويه تطعن ارماحه
المنايا على اليفارگ تظل لوَّاحَه
ياهو يظن بعدكم روحي مرتاحه
أَنْشَدَّت دنياي بدنياكم
وين الگه الراحه بفرگاكم
واصبح تالي. شمصعب حالي
ونيران يهل دمع اعيوني
★★★★★
عليلتكم حزينه ابدار منسيَّه
ومثل ليلي. نهاري من يمر بيَّه
شسولف عن عذابي والجره اعليَّه
نار بنار خدي. وعيني. مچويَّه
ياماي النواظر انتم. وضيَّه
احسن بالظعن مابيه بعد جيَّه
گلبي الخايف من هلروحه
ماتخمد نيران اجروحه
الهم يبرالي. شمصعب حالي
ونيران يهل دمع اعيوني
★★★★★
يبويه حسين ظلت موحشه دارك
التتلگه بهله ومية هله. الزارك
من كل صوب يلفي أعليها خطارك
الزهيه بشوفتك مليانه بانوارك
عني وعنها بويه انگطعت اخبارك
مثل ناري اظن تالي اصبحت نارك
يمغرگني ابشم اطيابك
شلون اتحمل نار غيابك
الوحشه گبالي. شمصعب حالي
ونيران ايهل دمع اعيوني
★★★★★
عليك ابفاطمه يمسدر ارچابك
ارحم فاطمه المعلوله بغيابك
ومثل حال اليتامه الواگفه ابابك
على دربك تناطر ظلت احبابك
انا المتعوده اشمن زهرة اطيابك
خذاك الدرب عني ومابعد جابك
شيصبر الروح المهظومه
وشيطيب جروحي الملچومه
حاير بالي. شمصعب حالي
ونيران يهل دمع اعيوني
★★★★★
صغيره على الهظم مااحمل الحرگه
وسفر چتال أبد مابيه بعد ملگه
من حظنك يبويه الوحشة الفرگه
دلالي راح راح ولاصبر الگه
حگه يذوب گلبي وينفطر حگه
بحوافرها النوايب گامت تسحگه
كل يوم انطر باچر ترجع
خلافك عامي عيوني المدمع
بيت وخالي. شمصعب حالي
ونيران يهل دمع عيوني
الشاعر حسن لعيبي الحريشاوي
باچر يحترگن خيماتي
باچر يحترگن خيماتي
****
يخوان شلون اتودعوني
شينشف هالليله عيوني
ابهذا اموادعكم تدروني
يسمعها الشامت وناتي
باچر يحترگن خيماتي
****
باچر تله وباچر مصرع
انظركم وگليبي اتگطع
فجر العاشر ساعه ويطلع
منها وراح ابدي ابشهگاتي
باچر يحترگن خيماتي
****
عتبي اوياكم ما يتأجل
يخوان اگليبي اشيتحمل
بطفال ونسوان اتكفل
ويتيهن تالي ابنياتي
باچر يحترگن خيماتي
****
خله ايصب المدمع خله
ساعات او اركض للتله
واصعد تاليها اعله الهزله
واحسبت احساب العثراتي
باچر يحترگن خيماتي
****
باچر سوط ايورم متني
واليذبحكم ما يرحمني
منهو المن عدكم يدركني
عذروهن بالطف صرخاتي
باچر يحترگن خيماتي
****
مستوره الليله ابهل خيمه
باچر تتلگاني الهيمه
أتوجه المن يا شيمه
أنشاف وتكبر حسراتي
باچر يحترگن خيماتي
****
راح اصرخ باچر يالزهره
لحگي حسينچ حزو نحره
وظل الخيل ايدوس ابصدره
وتكثر للكافل آهاتي
باچر يحترگن خيماتي
****
الشاعر اياد الديراوي
بلاءٌ وكربٌ هذه كربلاء
بلاءٌ وكربٌ هذه كربلاء
@@@
هذي اراضي كربله يحبابي
قطعه من الجنه استوت لمصابي
بهاي الارض صار الذبح محرابي
وبيها ضحايه كل هلي وصحابي
…
بهالفله القفره .. شگد دمه تجره
وحظه من نال شهاده وعالنبي أجره
جود بالمنحر .. اصغر واكبر
وكلمن يريد مراده ابمهجته ونحره
…
بقتلٍ وذبحٍ هذه كربلاء
@@@
اصحابي في هذي الثنيه العطره
كلمن جهاده امقدمه للعتره
اتمنت فداها للولي ابن الزهره
مرات كثره تنقتل مو مره
…
علي رباهم .. أليوث خلاهم
عابس وجون حبيب وبن ابي حمير
شاب لو شايب .. يرج لكتايب
گالوا الموت منانه دون ابن حيدر
…
فداءٌ جزيلٌ هذه كربلاء
@@@
بهالقفره شبه المصطفى يتگطع
وجاسم زفافه وحنته بالمصرع
هالگاع تذبح حتى مهد اليرضع
عطشان غافي وبالمثلث يفزع
…
ويلي بوفاضل .. عزوتي الكافل
عالنهر طاح اخويه امگطعه اچفوفه
مثلث ابعينه .. مهشمه اجبينه
وتالي ياحيف عليه شامته الكوفه
…
وفاءٌ وجودٌ هذه كربلاء
@@@
بهالناحيه سهم اليصگ بالجبده
ومن ظهر حده بالوذر يتعده
وصدري الشمر تالي ارفسه ويصعده
ويگطع وتينه ابخنجره وي حده
…
والاشد امره .. تنسبي الحوره
بعد اخوها ودلاله وهودج امعدل
فرجه للوادم .. ويشمت اللايم
ومجلس ايزيد عقيلة حيدره تدخل
…
بسبٍ وضرب هذه كربلاء
@@@
علي أحمد الحمود
٢٩-٦-٢٠٢٥
الوصول
ملا محمد العيسى
گالها سبط الامين .. كن سفيرًا للحسين
ثقتي انته يمسلم ماشي عالحق المبين
ابن اخو خير العمل .. لو حچه گال وفعل
ملتزم منهج من الله عالبشر حبله متين
گلبه تقوى ممتلي .. وروحه فدوه للولي
راح للكوفه وتعنه مرسل لسبط الامين
…
لمن الكوفه وصل .. معزز مكرم نزل
ابحي على خير العمل .. قدمتله بيعه
واعلن بحكمه الجهاد .. ومايهمه ابن زياد
والبشر في هالبلاد .. تگول احنه شيعه
…
من طلع محكهم .. بينوا معدنهم
الكوفه من غدرهم .. خابت السعي
تالي مسلم وحده .. ولا مناصر عنده
البايعوله يده .. راحت لدعي
@@@
بين ماصار وجره .. والكتايب بالسره
تريد مسلم بالحريبه ومحد ابمسلم ظفر
طوعه بس اللي كفو .. للولي يابن الاخو
حمستله وهو بيهم اسد ودماهم بحر
لين طاح ابحفرته .. والاعادي اسرته
وابسطح دار الاماره ضربوا لمسلم نحر
…
اعظام بالارض اشهدت .. بعد ماهي اترضضت
روحه للباري اصعدت .. مقيدين اچفوفه
الناده بالصوت الحزين .. السلام عالحسين
الكوفه بينه غادرين .. لاتجي للكوفه
…
للولي شهيده .. منگطع وريده
راح بوحميده .. وبالضعن نعي
حسين وي حميده .. راسها تحت ايده
يعزي هالمجيده .. ولله يندعي
@@@
اول اصواب وجرح .. نحر مسلم منذبح
وتبتدي اول مصايب كربله بهذا الالم
ومسلم ابهذا المسار .. خادم لمولانه صار
مو سهل يا واحد اليحچي انه من الخدم
مخلص الخادم يكون .. لو وصل حد الجنون
ومن يجي عاشر يحس صايب دليله چم سهم
…
احنه بايعنه الحسين .. بيعة ايمان ويقين
الى حد گطع الوتين .. دمنه وي عهدنه
معتقد مقرر .. حسين خطنه لحمر
وبالخدامه نفخر .. وفوز لو قبلنه
…
بينه الله عالم .. امر عدنه حازم
نحيي هالمآتم .. رغم الدهر
نعمة الخدامه .. امن المحب لامامه
بالحشر سلامه .. ابچف ونحر
@@@
علي أحمد الحمود
٢٩-٦-٢٠٢٥
شهادة مسلم ع
بحراني
*هالانصار خلونا واتسابقوا على الجنة*
@@@
هلا بيهم يوم عاشر كلها غيره ومرجله
گلبوا اجيوش آل اميه هالليوث الباسله
…
هالانصار خلونا واتسابقوا على الجنة*
@@@
ادوا الحگ العليهم يوم عاشور الظهر
حزم وجها وبطوله وعزه وايمان وصبر
…
هالانصار خلونا واتسابقوا على الجنة*
@@@
باعوا الدنيه ابكرامه دون لحسين وهله
وصاروا ابكتر الشريعه نجوم وادي كربله
…
هالانصار خلونا واتسابقوا على الجنة*
@@@
شيبه والشبان بيهم حر لون حتى العبيد
كلمه گالوها بعزهم مانبايع چف يزيد
…
هالانصار خلونا واتسابقوا على الجنة*
@@@
عابس وجون وزهير ولو برير ولو حبيب
بيوم صولتهم نداهم احنه فدوه للغريب
…
هالانصار خلونا واتسابقوا على الجنة*
@@@
توسدوا گاع المنيه وكلمن ابحرب اجتهد
قله عالكثره اغلبوها بنهج الله للأبد
…
هالانصار خلونا واتسابقوا على الجنة*
@@@
علي أحمد الحمود
٢٨-٦-٢٠٢٦
الانصار ع
فزاعي
وضع السبي ما نحتمل
وتوجعنه خطوات الهزل
وعيني اشتكت صوب النحر
سوط وألم جر الحبل
@@@
انه بنت بنت الذي .. لجله نفتگ سطح الگمر
وانه كريمة بوالحسن .. حيدر علي خير البشر
حوره وعقيله كنيتي .. شلون انسبي واشبع قهر
الناگه هزله وضالعه .. وعرجه ويه خفها اللي عثر
…
كل خطوه توجعلي ضلع
چنه ابمكانه وينشلع
والخوه منحر منگطع ..من الحسين وبوالفضل
@@@
عفنه الخيام ابكربله .. من الحرگ صارت فحم
وخوتي على الغبره لچن .. متوزعه دم ولحم
واخذونه گوه للسبي .. متجمعه جيوش وأمم
ولو ريدن اشكي الكافلي .. انظر وسط عينه سهم
…
عين خزرت حالي وبچت
وعين ابسهم دم امتلت
عيني يريت اللي انعمت .. ولا انأسر بيد العذل
@@@
هذي عباتي محرگه .. وبيه اثر دم اخوتي
كل گطعها منها سالفه .. اتمنه بيها موتتي
قصة مصايب كربله .. تشرحها كلها عبايتي
وازيد بعد سوط الشمر .. يطگها بسماعه لونتي
…
حولي اعاين ثاكلات
واحبال بولاد وبنات
واليوگع بهاي الفلات .. رمح الولي ما ينحمل
@@@
من كربله لديرة علي .. ممشانه اصبح بالغصب
هاي الديار الناكثه .. الودت علينه اشگد كتب
وكلما فكر بالي گبل .. اني اميرتها صعب
ابدال الهلا جينه بسبه .. وي راس اخويه المنخضب
…
انا اميرتها لچن
نكرتنه من زود الفتن
هالديره ما عادت وطن .. حيث گطعت حبل الوصل
@@@
حالتنه حاله بهالدرب .. والتحدي بينه الشامتين
هذي ضحك وين الكفل .. ذاك سأل وين الحسين
ولو دمعه من عيني انزلت .. يوكزون بالرمح المتين
وهانت جروحي النازف .. لحالة علي وابلا معين
…
زين العباده ابمدمعه
غيره علينه اتگطعه
لاچن ثگيله الجامعه .. ولرگبته مزقها الثگل
@@@
احنه اهل بيت النبي .. آ يا زمن كلش ردي
بيت اللي حق مودته .. صرنه بدمانه نفتدي
داروا علينه ابلا رحم .. ومد ايده ذاك المعتدي
ولمن يطگنه بگوته .. يسب امي ويسب والدي
…
انه ستر امي وابي
وانه العفاف الزينبي
يموتني صد لي الاجنبي .. گلولي بالله شحتمل
@@@
لي غرّبت شمس السمه .. وتوگف مبيت القافله
افتر وانا حالي بألم .. ابچي وعد بالعايله
عطاشه جوعه بالعرى .. وكسرة خبزها انحصله
ولو نبچي ماحسنه ارتفع .. على ضحايا كربله
…
لو نبچي والسوط ارتفع
هالعسكر اعلينه اجتمع
وسوطه على المتن انطبع .. ملينه ضرب او مايمل
@@@
علي احمد الحمود
٢٨-٦-٢٠٢٥
ليلة ١٢
السبي محرم ١٤٤٧
قصائد محرم الحرام للسنة الهجرية ١٤٤٧
ليلة مولاتي أم البنين عليها السلام
فداك الأربعه يحسين وأتمنى بعد عشره
أريد بوجه الأبيض غاد ألاگي أُمّك الزهره
............................................................................................................................
قليل شما أقدّملك فداك أولادي واني أمهم
لو عندي بعد عشره وحــــق إسمك أقدّمهم
فداك الروح وانته الروح أخوهم وانته سيدّهم
هديتي وهذا قرباني ... وأم الوفه عنواني
شرط واحد وره الثاني
گدّامك يماي العين تطيح اولادي عالغبره
............................................................................................................................
هذوله إربات داحي الباب مثلك يا شبل حيدر
خاف جيوش أميه تعيل يقلعوهم مثل خيبر
شيّال العلم بيهم كفيل الحره يتصدّر
غيور ويعرف احساسك ... والعباس عباسك
گبل ما تاخذ أنفاسك
يگلب كربله اعله الجيش يخلي اليمنه عاليسره
............................................................................................................................
وحقّك يلسكنت الروح أقسم بالزچيه أمّك
تمنيت أرحل بضعنك وأظل بكربله يمّك
أبد ما شلت هم ولدي شلت بگلبي بس همّك
لذلك باچر الأولاد ... عد عينك يبو السجاد
موعد كربلائك غاد
توگف عد مصارعهم وبيهم أبقى مفتخره
............................................................................................................................
ما يسوه العمر دونك يبن المرتضى الوالي
شما غالين أولادي لجــلــك يرخص الغالي
عليهم عاقده بالطف يبو السجاد آمالي
أتنطر خبر عنهم ... كلهم فدوه الك كلهم
ما يرجع إلي منهم
شهاده وهذا موعدهه خبرهم وآنه منتظره
............................................................................................................................
باچر من تغير إعداك والحومه تضج فرسان
تلگه أولادي گدامك فزعت زلم بالميدان
وحق عباس أبو الغيره باچر ترجف العدوان
زلزال الغضب ولدي ... من المعركه تبدي
حومه تجيب وتودّي
يرعبون العده بالطف نفس شمرت علي الشمره
............................................................................................................................
عهد ويّا أمك الزهره أريد بولدي أوافيهه
وبيوم الحشر لمّن تواسيني وأواسيهه
أگلهه الأربعه فدوه هديه ومني اقبليهه
هذا العهد يحسيني... دائم بينك وبيني
أوافي اوياك خليني
أنتظره ترد اردود ليل وشوفتك گمره
............................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة الخدمة الحسينية المقدسة
فرض الحـزن هـذا مُحرّم
والعاف درب حسين يندم
...........................................................................................................
يلّا النــشــامى يــا مُــوالــيـن
كلنا اعله درب حسين ماشين
إحيــو الشــعائــر يا مُحـبـيـن
عاشور يعــنــي ثــــورة الدين
من كربلاء الواعــي يفهم
والعاف درب حسين يندم
...........................................................................................................
ننشر ســواد أحــزان الگلوب
ما عدنه غير حسين محبوب
بهاي المصيبه اگلوبنه تذوب
فرض الخِدامه هسه مطلوب
رب العرش بالخادم أعلم
والعاف درب حسين يندم
.............................................................................................................
إي والرُفـــع بالطـــف لواءه
للمـــوت ما نــتـــــرك عزاءه
كل يـــوم يتجـــدد ولاءه
كل أرض هــيّــــه كــــربلاءه
كل خادم امن السبط مُلْـهَم
والعاف درب حسين يندم
...........................................................................................................
يالتـخـدم إحـــذر لا يـغيروك
بالخدمه تبــقــه مـــا يريدوك
عوف النقد عــــوف الينقدوك
شد حيلك وخـلـهــم يشوفوك
ظل عالي صرحك ما تهدّم
والعاف درب حسين يندم
...........................................................................................................
بهذا الطريق أجيـال وأجيـال
من هالمجالس نعقد آمال
غايبنه يظهر والبُـعد طال
كل الخدم أقوال وأفعال
والعاف درب حسين يندم
...........................................................................................................
لو هَــل محرم نجري الدمــوع
لهاي المصيبه نحـــنــي الضلوع
نذوب بألمنه مـــــثــل الشموع
كل گلب بينه يبقه مفجوع
والدمع مو من ماي من دم
والعاف درب حسين يندم
...........................................................................................................
هــاي اللـيـالــي بدمــعـــة العين
نــتــقــرّب الربــنـــا بالحــســيــن
إبــدي العــزا ولتــگـلّــي بعــديــن
هـــاي النِــعــم تـتـحــصّــل امنين
بحسين ربنا اعلينه أنْـعَـمْ
والعاف درب حسين يندم
...........................................................................................................
خادم الإمام الحسين عليه السلام
عمار هليل الواسطي
ام البنين ماذا كان طلبها قبل موتها
شوف أم البنين البقت وحدها
گبل متموت جان أخر طلب عدها
گبل متموت رادت واحد اتظمه
الصدرها من تشوفه اتشبگه وتشمه
ودوله خبر خل يحظر الامه
تحچي والحزن بالگوه ساندها
يصبرها دمعها وهيه منتظره
نادت وبرفيع الصوت وبعبره
يوليدي تعال بداعت الزهره
تعال وانظر ألامك وشاهدها
ضلت تنـتظر والدمعه سچابه
تتعذب الأم بـالابن وغيابه
تنادي ابدمعه آه يحسين ومصابه
ودمعها من البچي ضل يحفر بخدها
عذبها صبـرها ولوعت المدمع
نادت بس ابنها بعيد مايسمع
امك نادتك يالولد ماترجع
وينك يبني ويـنك بس ترددها
رضعـتك وفه و در اللبن صافي
اسمك ما امله بطارف اشفافـي
هاللـيله اريدك كـونك اتوافي
تدري البعد امك حيل يضهدها
بلحظات الوداع أتنادي وبأحساس
بالدمعه تصيح اگبال كل الناس
صاحت يمه احظر يمه ياعباس
اريدك بالگبر امك توسدها
حضر عباس و دموعه دمه من العين
يدفن امه مايگدر بلا چفين
بيا حاله وتسئله وين اخوك حسين
ياعباس امك حان موعدها
موعدها تودع دنيه غداره
اشگد رادت تشوف حسين وانواره
حتى بأخر الانفاس محتاره
وعلى هده الوفه بارينه خلدها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
قصيدة ام البنين
صوت بعماقي استقر
صوت من ام الفخر
صوت وينك يالگمر
لحگ عليها
١
بعد رحلتة حزنها والدمع والطف
نهر ام البنين من البواچي جف
جفنها اعله المشه وذبحوه بعد مارف
وضل سيل الدمع يجري ولا ينشف
ماينشف ضل يجري بعبره
بس اتوافي تريد الزهره
محتاره ومهمومه بحسره
بدموع الآه
وين سألت عالابن
وين بدموع الحزن
وين ودت هالخبر
لحگ عليها
٢
ودت هالخبر وبأخر الانفاس
عدها هالوصيه ويسمعوها الناس
سمعت زينب وخافت من الارجاس
يطبون الصحن يسبون أخت عباس
محد يگدر يوصل ليها
والمهدي اهناك ايحامينها
زينب اولها وتاليها
محروسه هناك
لا واشحده اليمر
لا وايدوس الجمر
لا نفدي چم عمر
لحگ عليها
٣
من يوم الطفوف ولوعت الايتام
ام عباس نادت والگلب محتام
وينچ يمه زينب من سبي الظلام
من تسمع الشام اتصيح آخ الشام
ام عباس اتصب الدمعه
واعله الصار اتون وتنعه
صوت ومحد گام ايسمعه
تحجي بيا صوت
خاف ترجع تنسبي
خاف غدر الأجنبي
خاف يندار الدهر
لحگ عليها
٤
تضل ام البنين ابين حسرتها
محتاره بهضمها ونار لوعتها
مانشفت على المذبوح دمعتها
عبرتها تضل للموت عبرتها
تجري ومانشفت دمعتها
مذهوله وتسأل خلتها
عن زينب وين وديرتها
هسه بيا حال
شوف هسه بيا وضع
شوف بحزان ودمع
شوف مابين الخطر
لحگ عليها
٥
هذا اخر أمر وبدمعه ودعتنا
مصيبتها تضل هيه مصيبتنا
ام عباس هذا اليوم لمتنا
لاتنسون حزني الليله وصتنا
نحضر للمجلس بالمدمع
والماسامع لازم يسمع
اطلب تاخذ لمن تطلع
من ام عباس
هاي ام الاربعه
هاي اكبر فاجعه
هاي رحلة ياسفر
لحگ عليها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
نعي مسلم (ع)
مسلم يدير وجهه فلم يجد احد خلفه في الصلاه
نعي
بصلاتي وياي شو كلمن مشه بدربه
صعبه اهواي يا أهل الشيم صعبه
بعدني بالصلاه ماجايكم طلاب
لجل حسين جيت وكلمن ايحبه
خذلتوني وبقيت اتلفت بمگفاي
عفتوني وحيده بديرة الغربه
ثم يقول مسلم يقول ايها الناس لايوجد مجير يجيرني وانا سفير الحسين
نعي
سفير الكم اجيت وكتب جبت وياي
وداني لحسين وهسه الكم جاي
محد مايجير الگاصد امن بعيد
حسبت حساب اهلي ومادريت اعداي
عليكم ضيف اجيت وعادت الخطار
من بعد الهله يكرموه بطاسة ماي
حسافه من وصلت الكوفه ياهل ناس
بماي الوجه جيت وماشفت شراي
ثم مسلم يقول وهو يدير وجهه صوب المدينه
نعي
الوادم بيه غدرو لاتجي يحسين
ومن ارض المدينه بالك وتطلع
ضل بيها عزيز وبالأهل مهيوب
اخذ الحذر مني انچانك تسمع
لتفكر وتمشي الوادم ايخذلوك
مينصروك أبد لا تطلع وارجع
نعي
مسلم لسان حاله يقول محتار اي باب يطرق وهو غريب في المدينه
محتار بطريق الغربه والخذلان
ياباب اليدگه ويگصد اليا دار
معقوله الجره معقوله هيچ ايصير
مسلم وحده باقي بغربته ومحتار
الوادم غدرته والدمعه وسط العين
المن وين بعد ايوجه الانظار
ثم فجأه يرى نفسه امام باب طوعه
ثم يقول لطوعه
السلام عليك يا امة الله
ثم يقول امة الله انا عطشان فهل لي بشربة ماء
تقول له سمعا وطاعه
نعي
يوصف كيف مسلم عطشان ويطلب الماء من امرأه غريبه
طاسة ماي اطلب واحنه اصل الماي
ديره وللأسف وادمها خذلوني
ادير الوجه المن والوجوه اغراب
ادور ماي اشرب ليش خلوني
وانه جدي النبي المختار ياهل ناس
السمه واهل السمه مسلم ايعرفوني
ثم تجلب طوعه الماء ويشرب مسلم
ثم تدخل للبيت وتخرج مره ثانيه وتقول لمسلم اذهب لأهلك لايحق لك الجلوس على باب داري
ثم تدخل طوعه لبيتها ويبقه مسلم محتار امام باب طوعه
نعي
يوصف حالة مسلم وطوعه تطرده من امام باب دارها
لا تبقه اعله بابي اشربت مايك روح
لهلك ياغريب وحار بضنونه
لا توگف ابابي وحقها هاي الناس
هالواگف غريب ومايعرفونه
بقه حاير وصافن مسلم ومحتار
بيا حاله صفه والدمعه بعيونه
ثم يدخل الى داخل الدار ويكون حوار بينهم لحد
يقول لها سوف يأتون سبايه من كربلاء
ومن بين السبايه طفله اسمها حميده اخبريها بما جرى عليه
نعي
لحال حال طوعه تتكلم مع مسلم حول ابنته حميده
نعي
من يوصل ضعنهم اسأل اعليها
وبعيوني يمسلم انه اخليها
تجي من اليسر تعبانه واجدد كل حزن بيها
واگعد انه وياها واسولف بالدمع ليها
كل الجره وصار اعليك واضل ابچي وابچيها
وعدما يقف مسلم على قصر الامار قبل قطع رأسه يصلي ركعتين
نعي
يوصف حال مسلم قبل الذبح
وداعاً ياحسين من الصبر للموت
ارسلك سلامي بدمعه بعيوني
لاتحضر الوادم تشتغل بالخوف
مابيهم رجه والگوم غدروني
لاتحضر الوادم أبد ما يردوك
چذابه كتبهم للأسف خدعوك
نفس العل قصر خداعه كل الناس
باچر لو اجيت بكربله ايذبحوك
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
موشح مسلم بن عقيل
مسلم اتعنه ومشه بحاديها
رايته لمن مشه ايهز بيها
راية الحق حمـل مسلـم رايـته
ترف بـيده والمــلائك شـافـتـه
اتوكل اعله الباري وانوه برحلته
راد يلقي الحجه من يرويها
راح للكوفه وتعــنــه بكـل يقين
ماخذ وياه كتب كتبوها لحسين
من وصل چنه امير المـؤمنين
اچفوفه محد يگدر ايلاويها
وصل للكوفه ولقه اعليهم الصار
ابـن عـم حسين شايـل ذوالفـقـار
كلها وياصارت ولاچـن احتـار
بعد ما بيها انخدع تاليها
گوم ماعـدها ضميـر ولا شرف
انخدع مسلم بيها تالي للأسف
المال والـدينار غـايتها وهــدف
زلم تگدر لو ردت تشريها
راح يم طوعه وطلب من عدها ماي
وطوعه سألت ياغـريب امنين جاي
گلهـا مسـلم والعده كلها وراي
الكوفه غدرت بيه مدري اشبيها
دخل يم طوعه وطلع يحمل غضب
مسلم ايعرفوه ابن سيـد العرب
قاتل وفـنه الــوصل يمـه گـرب
اسوايه سوه المحد امسويها
هذه مسلـم قـاتل بهـمه وثبات
ورسم لوحه بكل مفاهيم الحياة
مثل عـباس الـوگع يم الفـرات
رايته اترفرف يضل ساريها
بسم مسلم نهتـف الليله ونگول
كون تتقبـل عزانـه ام الرسول
فاطمه الزهره ونريد احنه القبول
والحوايج يمها وانخليها
لاتنسون والدي ووالدتي وابني عباس من الرحمه والغفران
خادمكم رياض الرسل الجابري
لوفاء أم البنين سلام الله عليها لاهل البيت عليهم السلام (ميمر)
نوگف إجلال وتقدير. لام البنين الحره
اقرينه عنها بالكتب واسمعنه
سيرة وفاها الحيدر وراجعنه
قول وفعل روح وظمير ومعنه
ماقصرت ام عباس. السيرتها كلمن يقره
يافاطمة هلأسم نور وعفه
فاطمة تخلف فاطمه موصدفه
بفيض الإحسان الباري قدر لطفه
بفاطمة معوض الكرار الباري جابر كسره
من ابواب ربها للتعنه ونعمه
يوم الحشر للناس باب الرحمه
ذابت بحب أهل الشرف والعصمه
براحتها ضحت للدين. وخدمت أولاد الزهره
گالت يولدي البشر كلمن يومه
وصت ولدها درع وسط الحومه
لبن الزچيه الطاهره المظلومه
لحسين ضحوله انحور. بس كون سالم نحره
جاها ابن حذلم هاملات اعيونه
امدنگ الهام ومهجته محزونه
لحسين گلها اربعه انذبحوا دونه
وفوگ الرمح رأس حسين. وجسمه انفرش علغبره
ونت ونين الزهره من لچمتها
اتمنت گبل هذا الخبر موتتها
نادت ابحرگة وبالگلب لوعتها
الفارگ ابن مثل حسين. شله ابحياته وعمره
الشاعر حسن لعيبي الحريشاوي
في ذكرى ام البنين على طور باسم الكربلائي عباس يادرة علي المكنونه
أم البنين الطاهره المحموده
أم البنين الطاهرة المحموده
★★★★★
شاهد كرمها بالكرم معروفه
عين الضمير بكل زمان تشوفه
أداوي العلل باب الشفا الموصوفه
وآثار الها ابكل وكت موجوده
★★★★★
زود وكمال أم البنين الحره
من يوم صارت خادمه للعتره
وضحت ابطال حيود لأجل الزهره
وآثار الها بالكرم مشهوده
★★★★★
أم عبد الله وجعفر علوم وسيره
وعثمان خلاها الجيوش ابحيره
وام البطل عباس راعي الغيره
يوم الوصل للماي يترس جوده
★★★★★
بعد الطفوف معذبه ومهمومه
خافن ولدها قصروا بالحومه
لبن الزچيه تنحب ومهظومه
راح الوفي الماخلف يوم عهوده
★★★★★
تنوح وتون طول الوكت معذورة
لمن صفت دار المجد مهجوره
فگدت ركن دين الإسلام ونوره
وباب الفرح تالي صبحت مسدوده
الشاعر حسن لعيبي الحريشاوي
*في شأن العليله ابنت الحسين*
*عليها السلام*
🚩🚩🚩🚩
*العليلـه اتصـيح لا تخـلوني*
*خذوني اخدمكم انا بعيوني*
&&&
خذوني يالاحباب الفرگه صعب
اخلافكم عيني تبقى عالدرب
وين القه الراحه والدمعه تصب
*وروحي شيصبرها لوعفتوني*
&&&
خذوني وياكم اسرج للخيول
وخدم الاطفال بيوم الذهول
وبحماكم اظل لو ليلي يطول
*يالاهل فدوه لا تودعوني*
&&&
يالغوالي لا تشيلون الضعن
المدينه موحشه گلبي انسحن
والعمر ماريد بس ابچي وحن
*عله الناگه ياخوتي ركبوني*
&&&
فدوه خلوني اروح ويـاكم
والله مـاگدر على فرگـاكم
روحي ماتسلى ولا تنساكم
*اخلافكم نار البُعد يچـوني*
&&&
خذوني وياكم بنيه بالبنات
ليش وحدي احتمل النائبات
الضعن يمشي ونوح بحسرات
*وانا اصيحن بالحزن تـانـونـي*
*الخلود الحُسيني*
*نسالكم الدعاء*
/channel/khdmat
نعي عن فاطمة العليلة
تون وتنوح مهظومه العليله
ليلة اصعب تجي لوگضت ليله
ونتها أصبحت كلش ثجيله
على الغابوا وغيبتهم طويله
ياهو الضال عدها وتشتكيله
عليلة حال تاليها ونحيله
الدمع نار على نار الخد تسيله
عال الوكت بيها شلون عيله
صاحت والظعن طَوَّل رحيله
يبويه مابقت بالأيد حيله
الحرمه بدون والدها ذليله
الشاعر حسن لعيبي الحريشاوي