2063
ذلك ومن يعظم شعائر الله فإنها من تقوى القلوب
نعي بشان السيده رقيه
عليها السلام
🚩🚩🚩
بحضنك يبويه ردت اموت
من شفت راس ابليه صوت
يجـرح دليلي هل سكوت
من انظرك بالدم خضيب
//////////
بالطشت شفتك ياشهم
اتمنيته چان هذا الحلم
ماشوف جبينك منهشم
ومكسره اسنان بقضيب
///////////
ليش العيون امغيره
والوجن عظمه امكسره
وشيباتك بويه معفره
وذبلانه شفتك يالغريب
//////////
وين الصدر ويا اليدين
يحضني ابشوگ الحنين
واقبل خـده والجـبين
مدللـه بـحجر الحبيب
الخلود الحسيني
نسالكم الدعاء
https://youtu.be/AKPNyYOSEP4
ميمر للحسن ابن الامام علي (ع)
ليل المحن
جور الزمن
شفناه بچبدك يالحسن
نعشك يضربوه بسهام حفنت زلم رمايه
١
لعبة لعب ياوسفه ذيج الأيام
عادو العتره من ظهور الاسلام
نعش الحسن بالحقد صابوه بسهام
بس بالأسم
لا مو زلم
الإسلام رادوه ينهدم
واتصدت وانطت روح ناس الصدك وفايه
٢
بعد الرسول ولوعته والمحراب
بالطبره راس المرتضى من انصاب
عالزهره هجموا واندفع ذاك الباب
ماضل أمل
بحقد وجهل
طبرو علي خير العمل
بسم الخلافه اينادون والكرسي چان الغايه
٣
والحسن يتصورون اصعب شده
والهذا من خذلوه صارو ضده
وادم تخطط والتنفذ جعده
بسم غدرته
من سمته
اينازع يلوب وعافته
جعده بحقدها المعروف بي چانت اموصايه
٤
جابو طشت والچبده نار وتسعر
وحسين رايد اخته بس تتكتر
زينب تشاهد خاف هذا المنظر
شيله صحت
هذا الطشت
وزينب لخوها تلتفت
وحسين كلف عباس وبهل مهمه هايه
٥
اتشيله الملائك للنعش وترفعه
واهل العرش تبچي الحسن بالدمعه
زينب تشاهد نعش اخوها وتنعه
حسين اندهش
نار وعطش
من شاهد اسهام النعش
مجبور يصبر لحسين من اجل تعله الرايه
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
حدي (نعي)
للسيدة رقية (ع)
ماتت رقيه بالحزن
ازرگ متنهه والجفن
صرخت على راسك أبه
ضل الصده بذني يرن
مثل الورد ماتت شفت
سحنت تره قلبي سحن
حتى التغسلهه اجفلَت
سئلت شنو هذا الطعن
بتكم مريضه بيا مرض
ليش الزراگ البل متن
من عرفت علينه السده
گامت تغسلهه وتوون
گالت يزينب اسئلچ
وين الاهل وين اليحن
گلتلهه كلهم عالثره
ماضل اخو لاضل ابن
صاحت وسافه بت علي
بين الخرايب تندفن
..............
حيدر العمار الخزعلي
.
قصيده للسيده رقيه(( عاشــر الخــرابه))
خويــــه يا عذابـــه
عاشـــر الخــرابـــه
فَـــزت أبدمعــــه رقيـــه
رجّعتّلـــي الغاضــريــــه
*
خويه صعبه
آه يــا ذيـچ الخرابــه ويــا حــزنها
خويه صعبه
بس حـرم وبـلا كفيل ألـوي ضعنها
خويه صعبه
مــن بـده ليــل الخرابه وزاد ونـهـا
خويه صعبه
شلون عيني بالخرابـه تسد جفنها
تغفه صعبه عيني لا اخّـو اليجنـي
وينظـــر لهاي الــرزيه
رجعتلـــي الغاضـريـه
*
يا مصابه
خويه جمر الشام يلهب وي دليلي
يا مصابه
بالخرابه والگمـــر مــا ضوه ليلي
يا مصابه
عـاشـر أحزان الخرابه أبلا كفيلي
يا مصابه
شلون اصّبر طفله بالون تشتكيلي
عمّه هسه اجاني دنيتي وزماني
چان يمي بهل المسيه
رجّعتّلــي الغاضـريــه
*
بالخرابـه
أنعاد يــوم العاشـــر وحـــزنـه عليـه
بالخرابـه
خويه نحرك شفته مــن دمعـة رقيـه
بالخرابـه
سهم گلبــك شفته وي ذيــچ المسيه
بالخرابـه
شفـت صدرك داسته اخيول ال اميه
نــادت الحنيـنه عمّه أبــويه وينه
شعتذر يبن الزچـــيه
رجّعتّلـي الغاضـريـه
**
عمّه اريده
نـادت بليـل الخــرابـــه وبيَّه جمــره
عمّه اريده
هسـه بحضانـه جنت شممني عطره
عمّه اريده
منين اجيب الصعدت الخيل أعلى صدره
عمّه اريده
منين اجيبــه والشمـر حــزّاله نحره
عمّه غمضي عينچ وبطلي من ونينچ
ونامي يا عمّه رقيه
رجّعتّلي الغاضريـه
*
ما أجاني
عمّه أبوي السافر وعن عيني غايب
ما أجاني
عمّه مــا اگـــدر أنــام مـــن النوايب
ما أجاني
عمّه حضن الـــوالد ينسي المصايب
ما أجاني
عمّه ما يرضه نظل احنه غـرايب
عمّه والله حيــره بالغـــرب أسيره
والشماته أتعيل بيه
رجّعتّي الغاضريـه
*
عمه زينب
خويه صاحت والطشت بالراس اجانه
عمه زينب
وين حضه الدافي شــو خالــي مكانه
عمه زينب
بنــته آنــه ومنهو اليعوض حنــانــه
عمه زينب
نـــادت وعالـــراس ردتلك أمـــانـــه
ماتت الحزينــه راحت مـــن أدينه
والحلم صــار المنيه
رجّعتّلـي الغاضريـه
*
الشاعر
موسى البديري
إلى كريم ال محمد الحسن المجتبى عليه السلام
يمته نـــزوره وعالگبــر ننظـر منــايـر
يمتـه المواكــب تهتف أتفضل يزايــر
وكلها اتعناه تجمعنه ذكراه
يمته المواكــب تهتف أتفضل يــزايـر
*----------*----------*
يمته نگصــد للحسن احنـه بمواكــب
للزيــاره أهنــاك غصبن عالنــواصـب
نعلـي رايـــة يا علـي والكـل تـــراقب
بحضرته التيجـان تخضع والمــراتب
كلها تزوره وبالصحن تهمــل دمعـها
عاشوره أبسابع صفـر كلهـــا فجعها
بالهم ندبناه تجمعنه ذكراه
يمته المــواكب تهتف اتفضل يـزاير
*----------*----------*
كون سابـــع صفــر نبــديها المـــآسـي
يبدل إعــلام الصحن مـوكــب رئأسي
وتعلن ليومـــه حـداد أهـــل الكـراسي
وللزچــيه بالحسـن نگصــد نـــواسـي
يمته أنّتعَنه وبالگبــر ننصــب عــزيه
يمته نواسي الطاهره الزهره الزچيه
نتعنه ننعاه تجمعنه ذكراه
يمته المـواكب تهتف أتفضل يــزايـر
*----------*----------*
من ضريـــح الحسن نحييها الشعـائــر
نلطم أصـــدور ونهـــل دمـــع النواظـر
بليلة القاسم شبـــاب الشيعــه حاضـر
والنويـني اليقــــره عالبــــث المبـــاشر
جسام ياضنوتي رايح رايح من أعيوني
ما رحمني الدهر وأنـــت نـــور البصـــر
رايح رايح من أعيوني
أبصوت المواجع نستمع احنه لمصابه
ونعلگ شمع ونهل دمع جمــرة شــبابه
وأّنادي ويلاه تجمعنه ذكراه
يمته المــواكب تهتـف أتفضل يــــزاير
*----------*----------*
أهناك مـن صحن الحسن نور الهدايه
نـــرفـــع آذان التشـــهـد بالـــولايــه
وتمســـع إذانـــي بفخــر كــل البرايا
علــي مـــن الله أبكتابــه أعظــم أيـه
عالمبــاشــر يُنقــل أذان المنـــــاره
وتنّقـــلْ للعالــم أهنــــاك الــزيـاره
تشاهدها عيناه تجمعنه ذكراه
يمته المواكب تهتف أتفضل يزايـر
*----------*----------*
كــــون مشـايـــه انتعنـــه أبـــربعينه
مـــن ضريـــح حسين نگصـد المدينه
والمـــواكب كلها منتشـــره وحــزينه
تنادي اهلـن بيـك يـــا زايــــر ولينــه
أتفضــل يزايـــر للحــسن هاليلـه يمنـــه
يسجلنه في سجله الحسن ليكم خِدمنهَ
بعزه خدمناه تجمعنه ذكـراه
يمته المــواكـــب تهتــف أتفضل يــزاير
*----------*----------*
الشاعر
موسى البديري
شهادة عزيزة الحسين رقيه ع.
بحظنك بويه راسي ردت اخـليه
اشو راسك اجاني وحظن ما بيه
صدرك وينه حظـنـه .. حـوافـرهـم خـذنـه
بــابــا حـسيـن .. بــابــا حـسيـن
……………………………
صدرك ويـنه الـدافـي بحـنـيـنـه
الچـان ايلـمني انـي وي سَكـينه
اشـو بـس راس هذا الجـايبـينه
يعـاينـلـي اشوفـه وتبچـي عينه
اثــاري بخـيـل صدرك مـارديـنه
وجـسـمـك يـاحـبيبي مـوذريـنـه
من شفتك نسيت ابكربله شصار
يمن دفنـوك بويـه بـذاك الحجـار
كـون وياك مـتـنه .. حـوافـرهـم خـذنـه
بــابــا حـسيـن .. بــابــا حـسيـن
……………………………
يمـن داست عـليك الاعـوجـيه
وعفـنـاك ومشـينه عله الوطـيه
ردت حـظـنـك واسـولفـلك عليه
من حـرگـو خـيمـنه جـنود امـيه
گـامـت نـــارهـم اتـچــوي بـيـه
وگـمـت اركـض واطفـيها بـاديه
ركضنه وبابا بابا بكربله نصيح
نعـثـر بالجـمـر خـلونه ونطـيح
خـيمنه من چـوتـنه .. حـوافـرهـم خـذنـه
بــابــا حـسيـن .. بــابــا حـسيـن
……………………………
شردنـه والزلـم لحگـتنه بالخيل
وجلد من المتن بسياطها تـشيل
من ذاك الركض ماضل بعد حيل
تطشرنـه وعلـينه چـلچـل اللـيل
وجـمـعـتنه العـقيله ويـه اللعليل
وتگـابلنه ونـون ودموعـنه تسيل
يـاذاك الــدلال ابكـربـلـه الـــراح
بـيـن اسـيـاط ضلـينـه والـرمـاح
نبـچي وعالي ونـه .. حـوافـرهـم خـذنـه
بــابــا حـسيـن .. بــابــا حـسيـن
……………………………
عگب ماعمنه فوگ المشرعه مات
يبويه من الهـزل خلصنه طيحات
يطگـونه ويـبو فـاضل الصرخـات
العـقـيلـه تحـشم وبالعـين دمعـات
وگـضيناه الدرب يابويه شـوغـات
كـلمـا عالظـعـن راسك جـزه وفات
راسـك بـويــه مـن ايـمـــر عـلـيـنـه
كـلـنـه نصـيـح يـابـويــه انـسـبـينـه
وتصد بحرگـه النـه .. حـوافـرهـم خـذنـه
بــابــا حـسيـن .. بــابــا حـسيـن
……………………………
وللـكـوفـه يـبـويـه مـن دخـلنه
بشماته الناس طلعت تنظر النه
هـذا اللـي يسـبـنـه واليـطـگـنه
وهـذا اللـي يـشـتم الزهره امنه
يـبـويـه بكـربلـه ياريـت مـتـنـه
عــاد المـوت يجـمـعـنه بشملنه
بالكـوفـه عـلـيه الـتـمـت اطفـال
يعـثروني وطيح بجـرت الاحبال
تجرها وكـلنه طحـنه .. حـوافـرهـم خـذنـه
بــابــا حـسيـن .. بــابــا حـسيـن
……………………………
علـيـنـه شـلـون دارت ذيــچ الايـام
شـسولـفـلك يـبويه بدخـلت الشـام
ونـظـرات الشمـاتـه المـثـل السـهـام
شفنه مصاب اشـد من حرگ الخيام
طگـــات الحـجـر تـكـسـر بـالعـظـام
ودمــه تـتجاره گـامت حـرم ايـتـام
هـذا اليجـري دمــه وذاك مكـسـور
بـهـاي الحــالـه طـبـيـنـه للـقـصـور
الهـظم بويه كـتلـنه .. حـوافـرهـم خـذنـه
بــابــا حـسيـن .. بــابــا حـسيـن.
الشاعر عقيل الحسناوي..
في رثاء الامام الحسين عليه السلام
ياهو للمدينه ايروح يگصدها
يخبر آل هاشم راح سيدها
وين اهل البواتر ساكته شعدها
كون اسيوف علظالم تجردها
وترد العساكر كون عد حدها
زينب بالحرم محتاره وَحدَّها
وعليل اعظاه حيل المرض مَرَّدَها
وچم طفله المدامع أثر بخدها
يتيمه بلاابو وحَمَّاي ماعدها
ام عون أتوجهَّت بالهم لأرض جدها
ياجدي العِدَه نالت مگاصدها
نيران الحزن ياهو اليبردها
سبايا والهِزِل جبرونه نصعدها
ولاضِل وخرابه النگعد ابسِدِها
وتناشد كل يتيمه اتريد والدها
تره اهواي المصايب كون اعددها
الترايب سبطك الغالي توسدها
الشاعر حسن لعيبي الحريشاوي
نصاري. عن العقيلة زينب سلام الله عليها
سلامي شماتمر اسنين وأيام
شماتطلع شمس لوگمر بالليل
على ام گلب الصبور الشافت آلام
بكل قطرة دمع من عينها اتسيل
سلامي علتصبرأگلوب الايتام
وتعدل الخيم خاف اطيح وتميل
سلامي للمشت مهظومه للشام
الصبت على الطاغي حجر سجيل
سلامي على الوگفت رافعه الهام
وخفض راسه العدو من راوته الويل
بلهيب الغبره ذيچ التچوي الاجدام
تدور حسين مابين المچاتيل
تدور ضوه العين وشم الانسام
فجيعه افراگ أخوها ايهدم ألحيل
الشاعر حسن لعيبي الحريشاوي
*لوعات رقيه عليها السلام*
🚩🚩🚩🚩🚩🚩
*بويه ياريت*
*ترجع اوتمسح دموعي هالمسيه*
*بويه ياريت*
*لا شفت راسك امخضب ياشفيه*
*انته مضروب الجبين*
*اسنان كسرها اللعين*
*واني اصرخ ياحسين*
*بويه ياريت*
&&&
روحي خلصت بالهظم يـانور العيون
والـيتم صعبـه احـملـه ونتو تـدرون
من اباوع هالعدى بالسوط يضربون
وانـه مكسورة جنح والگلب مغبون
*من بعدكم*
*اميسره لرض الشماته امدخلينه*
*من بعدكم*
*بـالحبل هاي الاعادي مچـتفينه*
*خذوني بويه اميسره*
*امـشـي ابـحـر الـثرى*
*ريتك اتشوف الجرى*
*بويه ياريت*
&&&
ارد اخبرك يالابـو بـلي جرى وصـار
حرگو اخيمنـه علينه صرنـه طشـار
عالوجه همنه ابراري بين الاخـطار
الـمتون اتـورمت وضاعت الصغـار
*بلوعه ناديت*
*وين حماي الحمه عمي بوفاضل*
*بلوعه ناديت*
*فرهدونـه گوم بويه جيب كافل*
*وينه جدي المرتضى*
*اليوم اسود الفضى*
*بعد ماحل القضى*
*بويه ياريت*
&&&
بويه جمره بدمعتي تحرگ جفوني
شلع گلبي الـحزن خـابت ضنوني
ردت اشوفك لاچـن اعداي امنعوني
بـالطشت جابو الراسك وفجـعوني
*راحت الروح*
*راسك بعيني نظرته دمك ايسيل*
*راحت الروح*
*العمر ماريده خذني بويه ادخيل*
*گلبي ناره چالجمر*
*بعد ماعندي صبر*
*وياك خذني للگبر*
*بويه ياريت*
&&&
اه يـفجـر الـنـوايـب ريـت لاچــان
بـغيبتـك عني يبويـه الـدمع غدران
بالحلم شفتك ياغالي تضمني ولهان
تگلي صبري والصبر منعدي خلصان
*لا تنوحين*
*انـتِ الليلـه تـجـيني يـارقيـه*
*لا تنوحين*
*تمسح ادموعچ يابنتي الزچيه*
*الليله حانت موتتچ*
*اعله راسي نومتچ*
*وانه اخفف ونتچ*
*بويه ياريت*
*عاشقة الولايه*
*نسالكم الدعاء*
بهذا الطور👇🏻
https://youtu.be/db0BaEic34k
/channel/khdmat
/channel/khdmat
/channel/rugeamajeed
🚩🚩🚩
نعي بشأن عزيزة الحسين رقيه
كأني بيتيمة الحسين عليه السلام رقيه تفز من نومها في منتصف الليل مرعوبة باكية بعد أن رأت والدها في منامها.
شتگول رقيه لعمتهه زينب ع
تگول.........
يعمه والدي بالحلم شفته
جاني والدمه يسيـل برگبته
انا فزيت من نومي وذكـرتـه
&&&
مرعوبه اصيحن اه ييابه
عاين حالتي وسط الخرابه
عباتي فراش واغطاي ترابه
&&&
چا وينك صحت يا لدللتني
انه اعزيزتك ليش اتركتني
ترضاها حبل مچتوف متني
&&&
تمنيتك تجي ليه يـمذبـوح
تباوع حالتي والمتن مجروح
تداوي علتي وتخفف النوح
&&&
مسبيه وعلي تتفرج الـنـاس
يرموني حصى الماعدهم احساس
وحزاني عليك تشيب الراس
&&&
بويه بالحقد والله اهظموني
وماگالو زغيره ولوعوني
وبوسط الخرابه بيتوني
*بقلم الاخوات*
*عاشقة الولايه*
*و_ام اباذر السكيني*
*نسالكم الدعاء*
/channel/rugeamajeed
/channel/khdmat
اسم القصيدة : نامت رقيه
خـرابـه و اظـلم انـهار البنــيه
و من تعب الدرب نامت رقيه
□■□■□■□■□■□
كــعدن شــوط من الليــل ناحـن
وكل وحده ابكتر ياويلي طاحن
كــون الظــيم باجــر يستــراحن
باجر يوكفن بين آل اميه
حُســـيناً ... وَاحُســـيناً
□■□■□■□■□■□
باجــر عســه باجــر لا يـجــيهن
اشكبرها وكفه المجـلس عليهـن
اگـبال اعيـونهن ينــطك ولــيهن
و تلعب حيزران ابن الدعيه
حُســـيناً ... وَاحُســـيناً
□■□■□■□■□■□
عليهه اتهون ياهي من المصايب
جتــل وليــاها لو نــوم الخـرايب
و الــديوان و اعيــون الأجـانــب
وكل يوم اليسر وحده ابرزيه
حُســـيناً ... وَاحُســـيناً
□■□■□■□■□■□
تجلب الليل زينب كـون و اتدور
ونوب اتصير عمه و نوب دكتور
تداوي چم جرح چم ظلع مكسور
وهاي تصيح متني وهاي اديه
حُســـيناً ... وَاحُســـيناً
□■□■□■□■□■□
ابظل جنحانها الكل جمعتهن
و ابحظــن الــترابه نــومتهن
تلولي اعله الجروح المالمتهن
و تنطر ليلها ابونه الخفيه
حُســـيناً ... وَاحُســـيناً
□■□■□■□■□■□
نــص اللــيل لــن طــفله ابغصنها
انكسر كلب السمه وفز اعله ونها
مـلح الگــاع جاس اجـروح اذنها
و تبجي الليل ونتها الشجيه
حُســـيناً ... وَاحُســـيناً
□■□■□■□■□■□
تبـجي و بـجت عمــتها الالـمـها
وتناشدها اعله يا جرح اللجمها
اثاريــها الجــرح بايــك حلمهــا
اويلي وغدت تتلافت خطيه
حُســـيناً ... وَاحُســـيناً
□■□■□■□■□■□
عله ابجاها غدت تبجي الخرابه
و تــهز الشــام لـو صـاحت يبابا
بيــويه اليــتم شــيهون مصـابه
حتى لو حلم بس مر عليه
حُســـيناً ... وَاحُســـيناً
□■□■□■□■□■□
يبــويه لــو حـلم خـل ابـره ملكاك
تلفني ابحظنك و اغفه اعله يمناك
ريــت ابسفــرتك تـاخــذنـي ويـاك
اجاها و صارت الملكه المنيه
خــرابه و اظلـم انــهار البنيه
ومن تعبب الدرب نامت رقيه
حُســـيناً ... وَاحُســـيناً
#عزیز_الفیصلی
بشان الامام السجاد
عليه السلام
جديد
🚩🚩🚩
علي السجاد
علي السجاد
&&
عليل انصاب گلبه
يصيح ودمعه صبه
شاهد رزايا صعبه
تشيب راس الامجاد
&&
هظيمه يجر الونين
على ذبحة الحسين
الدمه سال صوبين
ومعفر فوگ الوهاد
&&
مصايب هدت اجبال
ضحايه فوگ الرمال
ومگطعين الاوصال
بفعلهم گوم الاوغاد
&&
ينوح اليوم عاشور
ورضت ذيچ الصدور
اجساد ومالها اگبور
شموع انطفت بحقاد
&&
بهظم الذيچ الايتام
من صوبوها بسهام
والنار حرگت خيام
اوصارت كلها ارماد
&&
يتذكر ركبة النوگ
وفرجه الحرم بالسوگ
اوعنده الهوى مخنوگ
من طافو بيه البلاد
&&
رحـلة عذابـه مره
بحسره محني ظهره
اينادي وبيه جمره
وبدينه حطو اقياد
&&
گضى العمر بالهموم
مات الولي بالسموم
اجروحه نزفت ادموم
وبدمعه يمزج الزاد
نسالكم الدعاء
الخلود الحسيني
بهذا الطور 👇🏻
https://youtu.be/pds2G0hfYKw?si=OufrgEUlymaOKP-I
صب العليل ادموعه في ذكرى الامام السجاد عليه السلام (وزن التجليبه )
الحال النسه المفجوعه
صب العليل أدموعه
صب العليل أدموعه
★★★★★
هله راحوا ذبح وعيونه بيها ايشوف
عساكر للنهب صوب الخيام اطوف
على رد العساكر ماتعينه چفوف
بعد الطف عليه صارت جثيره اطفوف
بلوعه تسابگ لوعه صب العليل ادموعه
★★★★★
گوم الراجله وگوم على ظهر الخيل
ناس اتوج خيم ناس ابغراض اتشيل
سبيه بالسبيه تلوذ من الويل
يريد يگوم لاچن مايعينه الحيل
صار الخدر موضوعه صب العليل دموعه
★★★★★
لعداه لوطلع محتار وبياحال
الماخلوا احمول ولابگايا ارحال
ينظر للسبايا والدمع همال
وروس على الرماح بلاذنب تنشال
بارماحهم مرفوعه. صب العليل دموعه
★★★★★
شمل ملتم ولايرجع الشمل الراح
والتَمْ الصلف طبعه الغدر. ذباح
عويل من الخيم لمن سمع وصياح
عليل على الحبل يتوچه لكن طاح
جمر الهظم بظلوعه صب العليل ادموعه
★★★★★
لاخايف الموت ولاكثر عدوان
خايف علحرم يمشن بلاوليان
ولايهلك طفل فوگ الاسر عطشان
وياخيمه يطفي المشتعل نيران
ولاطفاله المفزوعه صب العليل دموعه
★★★★★
عليه يصعب يشيل السيف مايگدر
وسلابه يشوف على الخيم تفتر
لاتطلع تناديه زينب اتكتر
علي انته الوصي من بعد ابو الاكبر
رد چبدته مصدوعه صب العليل دموعه
الشاعر حسن لعيبي الحريشاوي
ماراحت أسيره .. بت حيدر أميره
اتسمت ام الحجاب . زينب كلهه غيره
////////////
هاي بت خير النساء
محجبه ابنور السماء -- فاطميه
عـزه وخلاق اوفاء
منزله وهيبه وأباء -- هاشميه
تأثـــرت بيهه النفـوس
سطرت بالطف دروس -- زينبيـه
طفها وطف حسين ــ هيه اتكمل الثنين
بعد الزهره هيهات ... نلگه ألهه نضيره
/////////////
يشع من هودجهه نور
بت علي واخت البدور - شگد عجيبه
بيهه غيره امن الكفيل
وزود من حامي الدخيل - كلهه هيبه
لويجوز ألهه القتال
زينب اتذل الرجال - مو غريبه
اترد حملات ابوهه .. ابوجه الگابلوهه
واليدناهه جاباه .. يم زينب مصيره
///////////
ثورة حســين الغيور
والله بالگلب الصبور - كملتـــها
شاهــدت بعـد الدلال
امصــايب اتهز الجبال - تحملتـها
للضعن صارت دليل
كملت دور الكفـــيل - بمقـدرتها
تحـرس باليتـامه .. مــن بعد النشامه
شالت راية حسين .. وتقـود المسيره
///////////
امخدرة آل الرسول
اتربت ابضـل البتول - يعرفـــوها
تمتلك اطهر صفــــات
اتظل مثل للمؤمنـات - بنت ابوها
اشلون شمس الله تروح
للســـــــبي اتــون وتنـوح - ماسبوها
محــد يدنه ليها .. هيبة امهه بيها
ذلت كل الاشرار .. والبايع ضميره
/////////////
زينب آيه امــــــن الكتاب
امن المهد لبست حجاب - من زغرها
انولدت الطف كربلاء
اتعلــــم الناس الوفاء - كل عمرها
صـــابره ابين الحتوف
والجره ابيوم الطفوف ـ ما كسرها
وگفت جنها عباس .. هزت عرش الارجاس
من خطبت بقه ايزيد .. ساكت كله حيره
///////////
الخادم
كامل السعيدي
مقدمه 10 ـ محرم1447 هـ
الليلة العاشره..
هليله عاشـــر ليـله
والمهدي بايد حيله
من محرم
ــ⊱☆☆❀☆☆⊰ــ
اليله المهدي فيــض ادموعه يتبده
عبر يعگوب حزنه اضــعاف وتعــده
باجر عاشر وبيه ينــــــــــــذبح جده
يضل بالشمس مرمي وينصهر خده
ويدوس فوگه الحافر
ويلا يصـــــبح العاشر
من محرم
ــ⊱☆☆❀☆☆⊰ــ
باچـر بالســـــــــمه ماتنوجـد نجمه
من ايموت ضامي حسـين ابواليمه
بالطف ينــــــــذبح ومخضب ابدمه
السيوف اتوذره ويصبح صعب لمه
والمهدي باچــر حاير
بي كلشي يوجع صاير
من محرم
ــ⊱☆☆❀☆☆⊰ــ
✍الخادم
كامل السعيدي
موشح الامام الحسن (ع)
جمرة امصاب الحسن احزانها
بگلب زينب من تشب نيرانها
١
من زغرها وشبعت آهات ومحن
زينب اختك حيل عذبها الزمن
شاهدت بالطشت چبدك يالحسن
وگام تتغير جميع الوانها
٢
شاهدت حالك وانته بيا وضع
اگبالك انته الطشت وتصب الدمع
يالحسن صوتك بعد ماينسمع
اتصيح زينب والحزن عنوانها
٣
هذا حالك يالحسن من ودعت
اتنازع وچبدك يطيح بيا طشت
آخر وداع بحياتك من شفت
زينب وتنظر لعد خوانها
٤
بقت آخر لحظه وتغمض العين
بين زينب والگلب ذاك الحزين
عينك اندارت وصدت للحسين
وعين صدت يم گمر عدنانها
٥
انشال نعشك يالحسن والگلب هام
ينضرب معقوله نعشك بالسهام
يبو محمد محد ايحب السلام
عشرتك للأسف محد صانها
٦
انودعك يالحسن وبهذا المصاب
كل موالي الليله گلبه بحزن ذاب
شرف يكفينه يبن داحي الباب
للخدم تبقه انته عزها وشانها
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
اسم القصيدة : نامت رقيه
خـرابـه و اظـلم انـهار البنــيه
و من تعب الدرب نامت رقيه
□■□■□■□■□■□
كــعدن شــوط من الليــل ناحـن
وكل وحده ابكتر ياويلي طاحن
كــون الظــيم باجــر يستــراحن
باجر يوكفن بين آل اميه
حُســـيناً ... وَاحُســـيناً
□■□■□■□■□■□
باجــر عســه باجــر لا يـجــيهن
اشكبرها وكفه المجـلس عليهـن
اگـبال اعيـونهن ينــطك ولــيهن
و تلعب حيزران ابن الدعيه
حُســـيناً ... وَاحُســـيناً
□■□■□■□■□■□
عليهه اتهون ياهي من المصايب
جتــل وليــاها لو نــوم الخـرايب
و الــديوان و اعيــون الأجـانــب
وكل يوم اليسر وحده ابرزيه
حُســـيناً ... وَاحُســـيناً
□■□■□■□■□■□
تجلب الليل زينب كـون و اتدور
ونوب اتصير عمه و نوب دكتور
تداوي چم جرح چم ظلع مكسور
وهاي تصيح متني وهاي اديه
حُســـيناً ... وَاحُســـيناً
□■□■□■□■□■□
ابظل جنحانها الكل جمعتهن
و ابحظــن الــترابه نــومتهن
تلولي اعله الجروح المالمتهن
و تنطر ليلها ابونه الخفيه
حُســـيناً ... وَاحُســـيناً
□■□■□■□■□■□
نــص اللــيل لــن طــفله ابغصنها
انكسر كلب السمه وفز اعله ونها
مـلح الگــاع جاس اجـروح اذنها
و تبجي الليل ونتها الشجيه
حُســـيناً ... وَاحُســـيناً
□■□■□■□■□■□
تبـجي و بـجت عمــتها الالـمـها
وتناشدها اعله يا جرح اللجمها
اثاريــها الجــرح بايــك حلمهــا
اويلي وغدت تتلافت خطيه
حُســـيناً ... وَاحُســـيناً
□■□■□■□■□■□
عله ابجاها غدت تبجي الخرابه
و تــهز الشــام لـو صـاحت يبابا
بيــويه اليــتم شــيهون مصـابه
حتى لو حلم بس مر عليه
حُســـيناً ... وَاحُســـيناً
□■□■□■□■□■□
يبــويه لــو حـلم خـل ابـره ملكاك
تلفني ابحظنك و اغفه اعله يمناك
ريــت ابسفــرتك تـاخــذنـي ويـاك
اجاها و صارت الملكه المنيه
خــرابه و اظلـم انــهار البنيه
ومن تعبب الدرب نامت رقيه
حُســـيناً ... وَاحُســـيناً
#عزیز_الفیصلی
ابيات ابوذيه إلى السيده رقيه عليها السلام
بديها احبــال بـس أزرگ متنها
زغيـره وعـن بـواچيهـا متنها
الــف موتــه مصايبها متنها
وأشدهن فـــارگت روح الزچيه
الشاعر
موسى البديري
قصيدة ( ليل الخرابه ) الى السيده رقيه عليها السلام
ليلـي چــن ليــل اهـــدعــش
خـــوف وإحـــزان وعطــش
بالخرابــه بالخرابـــه
*---------------*---------------*
خويــه يــرعب والله يا ليل الخرابــه
عليّ رد ليل اهــدعش والله وعــذابه
منين أبديـلك واســـولفلك مصـــابــه
حــرم خويــه ولا أهل عندي وگـرابه
غريبه أتذكــرت ليــل اهــدعش
غريبه خـــوف وآلام وعطــش
غريبه الحــزن من صبري نهش
بالخــــرابــه بالخـــــرابـــه
*---------------*---------------*
بالخرابــه الليـــل نگضيـــه بـــرزيــه
چنــه ليل اهدعش بـأرض الغاضــريه
خويــه شحچيلك مصـاب الصار بيّـه
بالخرابــه مـــن بچــت بنتــك رقيـــه
يخويه بيش اصبــر الفاگـــده
يخويه وهيـه شوفــك رايـده
يخويه يصعــب البينــه ســدّه
بالخــــرابــه بالخـــــرابـــه
*---------------*---------------*
آه يـــا ذيــچ الخرابــه ويــا ألمـها
خويه شحچيلك مصايبها وهضمها
يــوم گعـــدتلي رقيــه مــن حلمــها
شلون أصبرها وتريــدك انتـه يمـها
تنّادي وين أبــوي اشـأخــره
تنّادي بحالي أريد آنه اخبّره
تنّادي والعـــــدو بيــها دِره
بالخــــرابــه بالخـــــرابـــه
*---------------*---------------*
خويه جابوا راسك ونظرت عالــراس
نادت بصوت الحزن يالكلك إحسـاس
بويه غايب ليش انته وعمـي عــباس
خويه شبگت راسك وما ظلت أنفاس
حنينه وتـــانتــك بيـها تِمّـــر
حنينه بسوطــه لوعها الشمر
حنينه وخلص من عدها العمر
بالخـــرابــــه بالخــــرابـــــه
*---------------*---------------*
آه يا ليل الخــرابـــه الـــزاد حزنـي
مـــن هنّد سألـــت تريد إخبار مني
عنــك أتنــاشد يخــويه انـوب عني
حگي يــا أبو الأكبـر مـن يزيد وني
دموعي خويــه تشرح قصتي
دموعي جمر يحـرگ مهجتي
دموعي هيه صـــارت سلوتّي
بالخــــرابــه بالخـــــرابـــه
*---------------*---------------*
الشاعر
موسى البديري
بشان السيده رقيه عليها السلام
🚩🚩🚩🚩🚩
نامت رقيه بالخرابه تبچي يحسين
وينك يابويه ماتجي تنشفلي العين
&&&
وينك ياعزي ماتجي تنظر امتوني
گوم الاعادي بالسياط والله ضربوني
واشواك رجليني امتلت ويسحبوني
مارحمو زغري وانا مكسورة جناحين
&&&
اجدامي تمشي امحرگه برماد الخيام
حتى التراچي امسلبه والدمع سچام
بعد الدلال اميسره يويلي بـالشام
گالـو سبـايه وننهدي لبـن المـلاعيـن
&&&
بالسوگ بويه العدى تشمرني بحجار
تضحك عليه وتشتم الجدي الكرار
وتگول لي انتِ سبيه والزمن جـار
ذبحو ابوچ وجثته وسط الميادين
&&&
اخلاف عينك بالقهر والضيم ناديت
نمت بخرابه والحضن الدافي مالگيت
شفتك يويلي بالطشت والراس لميت
لاچنه لاجسم وصدر وتحضني اليدين
&&&
خليني اقبل شيبتك وامسح خضابك
عميه عساني ولاشفت بويه مصابك
مادري شگلك واشتكي وكثر عِتابك
اتمنى موتي بالعجل يابويه يحسين
الخلود الحسيني
و__ام اباذر السكيني
نسالكم الدعاء
الفائزي
لاستشهاد الامام علي بن الحسين السجاد عليه السلام (وزن الهجري ) على طور اشرب الماء ياحيدر لباسم الكربلائي
عظم الله يشيعي. اجرك بهذا المصاب
من گضه السجاد نحبه. بلوعة السم گلبه ذاب
★★★★★
انعزي مولانا الْمُفَدَّى المنتظر نور الزمان
ابفجايع دنيا سوده. ابد مابيها امان
من گضه السجاد نحبه. وگصد روضات الجنان
علعليل ينوح گلبه. ولاكتر من جرحه طاب
★★★★★
انعزي العالم ابأسره. وكل مراجعنا العظام
راح نور المجد عنه. وقدوة اصحاب السلام
اعليه محزونه الصحيفه. وتنزف حروف الكلام
تنوح إله يثرب ومكه. وموحش بفگده الكتاب
★★★★★
انعزي بمصابه اليتامه. واليحط يم بابه زاد
والگصد يم بابه سائل مالگه. زين العباد
راح سيدها المدينه. وحالها اتوشح سواد
من بعد انوار خمسه. نور سادس عنها غاب
★★★★★
انفجعت الگاع وسماها والفلك اصبح حزين
غاب سيدها المدينه. وارث اسرار الحسين
غاب نور العلم عنها. رحل زين العابدين
الشاف من الطف مآسي. غربه وهموم وعذاب
★★★★★
راح مصباح الهداية وللهدى أكرم سبيل
لوعة الطف ابمهجته. حزن حد يوم الرحيل
يذكر ايام المصيبه. وحالته بلطف عليل
ابدور من الاهل جُمْلَه اتوذروا فوگ التراب
الشاعر حسن لعيبي الحريشاوي
بالسيوف امگطعينه
صدگ طايح يبو اسكينه
بالسيوف أمگطعينه
★★★★★
من عقيل وآل طالب
احيود ضلت علترايب
بس عليل وگلبه ذايب.
بالحبال مچتفينه
★★★★★
جسوم محد سئل عنها.
والشمس شمخليه منها
ايام ماواحد دفنها
وين ابو الحملات وينه
★★★★★
من بعد هول المنايا.
هلحرم راحن سبايا
وهوست فوگ الرِوَايَا
زمرة الشر اللعينه
★★★★★
بالرماح وبالبواتر.
لفت متحزمه العشاير
مفرد وماعنده ناصر
من الگفه ذبحوا ولينه
★★★★★
هذا حال ابن الزچيه.
دمه يجري على الوطيه
يجري يوم الغاضريه.
بياشريعه امحللينه
★★★★★
وينها ارجال الهواشم.
تشوف ياهو الرجع سالم
وين الاكبر وين جاسم.
وين حماي الظعينه
الشاعر حسن لعيبي الحريشاوي
لسان حال العقيلة زينب سلام الله عليها
أملاك السمه يحسين.
ضَجَّت من بواچينه
★★★★★
وينك ياعزيز الروح.
ياخويه صدگ مذبوح
گلي وين أُودِّي الروح
حسبالي عدل يحسين. ياخويه وترد لينه
★★★★★
حسبالي عدل يحسين.
اختك مو ولاها البين
راسك والجسم نصين
وتتخاطف علينه الناس مرعوبين ضلينه
★★★★★
انظر يافخر عدنان.
تالي بولية العدوان
انظر لوعة النسوان
رقية انظر الحالتها. وانظر حالة اسكينه
★★★★★
وينك ياعجيد الگوم
لهاي الناس ياهو ايگوم
ياوسفه الَعَلَم ملموم
وعلينه الخلگ صوبين. كلها فزعت اعلينه
★★★★★
يبوالسجاد يعيوني.
خلافك منخطف لوني
حتى كافل ضعوني
زنوده مگطعه العباس. ممروده ابسهم عينه
★★★★★
انظر يانظر عيني.
هاي الگوم تسبيني
ويم ظالم توديني
يتجاسر يسب جدي. ويگلي المرتضى وينه
★★★★★
يگلي اليوم يازينب.
خليها الحرم تنحب
اخوچ على الثرى امسلب
وراسه على الرمح مرفوع. بعد ياهو التحشمينه
الشاعر حسن لعيبي الحريشاوي
*هوسات لرقيه عليه السلام*
🚩🚩🚩🚩🚩
يبويه من الزغر روحي تجر لونين
مثل الطير لـو كسرولـه لجـنحـين
على افراگك يبويه العمي العينين
وبلوعه اندب/ اه يحسيني
&&&
بويه فرگتك منهه الگلب ممرود
اگعد خل اسولفك يراعي الزود
هاي اثار طگهم نيشنت لخدود
*بحبال الخشنه //مربطيني*
&&&
نچانك راس ابويه حسين احچي وياي
اعليك ارد اسولف ضيمي وي بلوي
وأنه عزيزتك وشلون ترضى بهاي
*ترضاهه بسوط/ يضربوني*
&&&
بويه ردتك تجيني وللمدينه انروح
فجعوني الأعادي بشوفتك مذبوح
راسك منگطع والجسد ضل مطروح
*من شفتك بويه// انهد حيلي*
*بقلم الاخوات*
*عاشقة الولايه*
*وام اباذر السكيني*
/channel/rugeamajeed
/channel/khdmat
*ابـــوذيــه*
🚩🚩🚩
*وحق رب العرش روحي ولا تهيد*
*وعيني مثل النهر جاري ولاتهيد*
*تـجـر ونــه بـأثــر ونــه ولاتهيد*
*ولـيالـي امساهره تنعى الـشفيـه*
*الخلود الحُسيني*
*نسالكم الدعاء*
اشعندك يحادي النوگ
ماخذنه وسط السوك
عدنه خدر وايتام والعبايه
ما ترهم النه چلمة السبايه
.................................
ريض بالضعن يالحادي واتوانه
راس حسين اشوف اتحرك امچانه
الما عفناه عمرنه ابغفله عافانه
ليل ابلا كمر من راح خلانه
الما ينسه وننساه وما نرهم ابلياه
هوه واخوته عالترب ضحايا
عندي حرم وايتام والعبايه
.............................
هزيله ناكتي ومن تمشي تتعثر
والهم لو كثر يالحادي يتطشر
عبينه ما تحامي البيهه يتستر
يصد اعيونه ليه شوف ابو الاكبر
يمكنه يعرف وين راحن خواته حسين
الجانت يمنته عاليودهه رايه
عندي حرم وايتام والعبايه
.............................
مثل عين وجفن يالعاشرينه الهم
واشوف اگبالي تعرض نار الامخيم
مو آنه المره الشتموهه ما تهتم
ولا آنه المره التحجي الحجي المبهم
چلماتي بيهه آثار. من امي والكرار
وچلمة ابونه للخلائق آيه
عندي حرم وايتام والعبايه
.............................
شلي ويالسوك يالحادي وتمر بيهه
ولا اندلهه حتى اعرف نواحيهه
الميت عدهه اخو الوادم تواسيهه
مو بحجار اهل حيكم تلاكيهه.
بالحجر وايشتمون ما اعرف اشيردون
واحنه بلايا كافل وحمايه
عندي حرم وايتام والعبايه
...........................
خوارج تندعي وما رحمت الطاحت
وعلايم للسبي فوك الهزل لاحت
رقيه وين ابوي ابهل وكت صاحت
گضت روح الحنينه ابغيبته وناحت
كلما تحن اعليه راس الولي انوديه
تشكيله يالچنت هيبه وثايه
عندي حرم وايتام والعبايه
خادم اهل البيت علي الزرگاني
قصيدة للامام السجاد عليه السلام
نزله على لحن تبقى خالد ياحسين
ذاب في يوم الحسين ذاك زين العابدين
*---------------*---------------*---------------*
راح ابو الباقر أمامي. ذاك زين العابدين
عاش يحمل نحر دامي ذاك زين العابدين عاش ضامي ابن ضامي ذاك زين العابدين
صاح عطشان الحسين ذاك زين العابدين
*----------------*--------------*---------------*
رجل الايمان راحل ذاك زين العابدين
انه للحق حامل. ذاك زين العابدين
هو عنوان اليقين ذاك زين العابدين
رحل النور المبين ذاك زين العابدين
*--------------*---------------*----------------*
عاش في يوم البلاء ذاك زين العابدين
حينما قل الولاء. ذاك زين العابدين
لانصيرا لامعين. ذاك زين العابدين
وانبرى اهل الوفاء. ذاك زين العابدين
*---------------*-------------*----------------*
يا اماما ياعليل ذاك زين العابدين
يومها كنت قتيل ذاك زين العابدين
انما أمر الجليل ذاك زين العابدين
تبقى للناس معين. ذاك زين العابدين
*---------------*--------------*----------------*
يسمع صوت الجواد ذاك زين العابدين
درت في كل البلاد. ذاك زين العابدين
جهلو خير العباد. ذاك زين العابدين
صار للقيد رهين ذاك زين العابدين
*-------------*---------------*----------------*
محمد دعبل النوري
لاستشهاد الامام علي بن الحسين زين العابدين عليه السلام (وزن ميمر)
أبصولات علمه السجاد خله الْعِدَه محتاره
★★★★★
وَسَّع قواعد كل كتر شعبيه
وكثف عواطف للخلگ شيعيه
حتى الطفوف اتصير ما منسيه
وعاشر حسين المذبوح ماتنمحي آثاره
★★★★★
رغم الالم من جرح حاير دامي
وذكرى أليمه للشهيد الضامي
يسعى بعزم رفع الوعي الإسلامي
حَصَّن ابعلمه الاسلام وزال الجهل بأفكاره
★★★★★
قَدَّم مدارس للخلگ فكريه
وحَشَّد منافذ للعلم ثوريه
بزوده تضل طول الوكت محميه
من الظلمه طلعها الناس صوب العلم وأنواره
★★★★★
شماحارب الطاغي النهج ويعادي
بأسلوب ثاني نشر دين الهادي
صوت الصحيفه بالدعاء اينادي
سلاح الدعاء الفَتَّاك يزيح الظلم وأخطاره
★★★★★
من أول حياته ولنهاية عمره
راعي اليتامه واليحيير بأمره
بحر الكرم من جوده اصبح گطره
ومعروفه غوث المحتاج كلمن سئل عن داره
★★★★★
زاهد وعابد للكريم وشاكر
سيف الدعا يوم الشدايد باتر
خط منهجه ومعناه يوم العاشر
زلزل دعاءه الأشرار يامن تريد أخباره
الشاعر حسن لعيبي الحريشاوي
ترضه ياعلي زينب تنولي
زينب المضلومه بالســـــــبي
وهيه مهجت فاطـــم والنبي
ترضه تمشـي ابوليت ناصبي
امحيره ومحـــتاره ابلا ولــــــي
عالهزل ياحـيدر من مشت
چـم حبيب وغالي ودعت
من شتمهه الضالم مابچت
خايفه ايسمعوهه وتبتلـــــــي
ايعينهه اللـه أليـله عالسـهر
ليلها اصبــح ضلمه بلا گمر
اتگطعن چفيــنه اعله النهر
يمته همـــــچ زينب ينجلــــي
شاهــــــدت كافلهه من وگع
راح صوب الشاطي ومارجع
اجــروح زينب زادن بالوجع
اتصيح ضاع امن ايدي كافلــــي
*
اتنـادي يهل الغيـره يخوتي
وسفه انخه وخابت نخوتي
اخـــلافكم محتاره ابعيلتي
مـا اعيش ابدونكــــم ياهلــــي
باتت ابـلا خيـــــــمه ولاذره
چانت اويه اخوتهه امخدره
حال زينب يجــــرح منضره
وصـــوت ونهه اليله معتلــــي
**
الخادم
كامل السعيدي
ி┈┈••☆✿🌹🌿🌹✿☆••┈┈┈ி
🕊☆~`` الملا علي المياحي ``~☆🕊
ஜ••("🕯 @alimaeahe 🕯")••ஜ