2063
ذلك ومن يعظم شعائر الله فإنها من تقوى القلوب
صب العليل ادموعه في ذكرى الامام السجاد عليه السلام (وزن التجليبه )
الحال النسه المفجوعه
صب العليل أدموعه
صب العليل أدموعه
★★★★★
هله راحوا ذبح وعيونه بيها ايشوف
عساكر للنهب صوب الخيام اطوف
على رد العساكر ماتعينه چفوف
بعد الطف عليه صارت جثيره اطفوف
بلوعه تسابگ لوعه صب العليل ادموعه
★★★★★
گوم الراجله وگوم على ظهر الخيل
ناس اتوج خيم ناس ابغراض اتشيل
سبيه بالسبيه تلوذ من الويل
يريد يگوم لاچن مايعينه الحيل
صار الخدر موضوعه صب العليل دموعه
★★★★★
لعداه لوطلع محتار وبياحال
الماخلوا احمول ولابگايا ارحال
ينظر للسبايا والدمع همال
وروس على الرماح بلاذنب تنشال
بارماحهم مرفوعه. صب العليل دموعه
★★★★★
شمل ملتم ولايرجع الشمل الراح
والتَمْ الصلف طبعه الغدر. ذباح
عويل من الخيم لمن سمع وصياح
عليل على الحبل يتوچه لكن طاح
جمر الهظم بظلوعه صب العليل ادموعه
★★★★★
لاخايف الموت ولاكثر عدوان
خايف علحرم يمشن بلاوليان
ولايهلك طفل فوگ الاسر عطشان
وياخيمه يطفي المشتعل نيران
ولاطفاله المفزوعه صب العليل دموعه
★★★★★
عليه يصعب يشيل السيف مايگدر
وسلابه يشوف على الخيم تفتر
لاتطلع تناديه زينب اتكتر
علي انته الوصي من بعد ابو الاكبر
رد چبدته مصدوعه صب العليل دموعه
الشاعر حسن لعيبي الحريشاوي
ماراحت أسيره .. بت حيدر أميره
اتسمت ام الحجاب . زينب كلهه غيره
////////////
هاي بت خير النساء
محجبه ابنور السماء -- فاطميه
عـزه وخلاق اوفاء
منزله وهيبه وأباء -- هاشميه
تأثـــرت بيهه النفـوس
سطرت بالطف دروس -- زينبيـه
طفها وطف حسين ــ هيه اتكمل الثنين
بعد الزهره هيهات ... نلگه ألهه نضيره
/////////////
يشع من هودجهه نور
بت علي واخت البدور - شگد عجيبه
بيهه غيره امن الكفيل
وزود من حامي الدخيل - كلهه هيبه
لويجوز ألهه القتال
زينب اتذل الرجال - مو غريبه
اترد حملات ابوهه .. ابوجه الگابلوهه
واليدناهه جاباه .. يم زينب مصيره
///////////
ثورة حســين الغيور
والله بالگلب الصبور - كملتـــها
شاهــدت بعـد الدلال
امصــايب اتهز الجبال - تحملتـها
للضعن صارت دليل
كملت دور الكفـــيل - بمقـدرتها
تحـرس باليتـامه .. مــن بعد النشامه
شالت راية حسين .. وتقـود المسيره
///////////
امخدرة آل الرسول
اتربت ابضـل البتول - يعرفـــوها
تمتلك اطهر صفــــات
اتظل مثل للمؤمنـات - بنت ابوها
اشلون شمس الله تروح
للســـــــبي اتــون وتنـوح - ماسبوها
محــد يدنه ليها .. هيبة امهه بيها
ذلت كل الاشرار .. والبايع ضميره
/////////////
زينب آيه امــــــن الكتاب
امن المهد لبست حجاب - من زغرها
انولدت الطف كربلاء
اتعلــــم الناس الوفاء - كل عمرها
صـــابره ابين الحتوف
والجره ابيوم الطفوف ـ ما كسرها
وگفت جنها عباس .. هزت عرش الارجاس
من خطبت بقه ايزيد .. ساكت كله حيره
///////////
الخادم
كامل السعيدي
مقدمه 10 ـ محرم1447 هـ
الليلة العاشره..
هليله عاشـــر ليـله
والمهدي بايد حيله
من محرم
ــ⊱☆☆❀☆☆⊰ــ
اليله المهدي فيــض ادموعه يتبده
عبر يعگوب حزنه اضــعاف وتعــده
باجر عاشر وبيه ينــــــــــــذبح جده
يضل بالشمس مرمي وينصهر خده
ويدوس فوگه الحافر
ويلا يصـــــبح العاشر
من محرم
ــ⊱☆☆❀☆☆⊰ــ
باچـر بالســـــــــمه ماتنوجـد نجمه
من ايموت ضامي حسـين ابواليمه
بالطف ينــــــــذبح ومخضب ابدمه
السيوف اتوذره ويصبح صعب لمه
والمهدي باچــر حاير
بي كلشي يوجع صاير
من محرم
ــ⊱☆☆❀☆☆⊰ــ
✍الخادم
كامل السعيدي
*زينب تندب*
*الامام علي عليه السلام*
🚩🚩🚩
*يـابويـه يـاكرار مسبيه سموني*
*من كربلا للشام بـالگوه اخذُوني*
&&&
يابويه شرويلك قصة گلب مهموم
الصخـر مايگدر يحملها ياجـيدوم
اضلوعي محنيه وانوحن المظلوم
والعيلـه اباريها والدمعه بـعيوني
&&&
چـم نايبه تجـرح دلالي يالغالي
نار اليسر مايهون اعليه يالوالي
تاه الفكر والراي ابضيعت اطفالي
امحيره بنسوان يابويه هظموني
&&&
بنتك يبوالغيره المخدره چانت
بالخارجيه اليوم اعليّه من نادت
گومي يامسبيه اعزازچ وراحت
كلهم عله الرمضى وانا يسبوني
&&&
ابلوعه دمعاتي تجرحني مااگدر
من اذكر حـسيني الگلب يتفطر
بالامس مخـدومه واليوم اتعثر
ياصاحب الشيمه ترضى يأذوني
&&&
طود الصبر هدوه ابذبحة المغوار
ومني الچبد ممرود ياحجة الجبار
من دخلت الديوان يبويه عالخمار
بالگيد مجتوفه وزلم تنظرني
*الخلود الحُسيني*
*نسألكم الدعاء*
بهذا الطور👇👇
https://youtu.be/YTQo4ugdnrM
لدفن الأجساد الطاهره
حيرني أبوي وحيره بالروح
من مكفاه يويلي إلكيته مذبوح
المصيبه خنصره ماهو بالايد
مذبوح واحسه لزينب يريد
==========
من أرض الغري متعني بهوم لرض الغاضريه
جيت وگلبي نار وحيل ملجوم من عظم الرزيه
وصلت الطف لكيت حسين ياحيف عاري اعل الوطيه
مذبوح وسليب وضامي ياناس خليته اعل اديه
خليته بديه ودمعي بالعين
حاجيني كلتله بويه يحسين
نار البل گلب يابويه مَتهيد
مذبوح واحسه لزينب يريد
==========
شكثر بيه السيوف الظاله هواي آثار البواتر
ولكيت بصدره حفره والله ياناس من سحك الحوافر
الحوافر كَسَرّنها اظلوع الحسين ظل يكسر الخاطر
ألمنه وذر متوذر شلون نار وگلبي فاير
متوذر والمه حاير بهاي
لواشرب ابوي الماشرب ماي
الذباحه الضمه ياماي اله يفيد
مذبوح واحسه لزينب يريد
==========
بكفاه جني طلت نظرات العيون واني بگلبي حسره
الشمر جني اشوفه طابر حسين يويلي اثنعش طبره
كاعد عالصدر والشيب مخضوب لحيته كلها حمره
من دمه يخضب شيبه الحسين گلبي شنهو صبره
والدم بلحيته شيبه مخضوب
مذبوح اعل وجه لكيته مگلوب
من انذبح عمي عنه ابعيد
مذبوح واحسه لزينب يريد
==========
خنصر والدي مگطوع ظليت ادور خنصر ايده
عليل ومن يساعد حالي ياناس والخنصر يعيده
جَمَّعته وذر بالكوه خليت جسمه وي وريده
بيدي رجعتها اظلوع الحسين وحق امه الشهيده
ياماي التبده لمته شلون
شجاوب من ارد لعمتي ام عون
اخوج بكربله مگطوع الاوريد
مذبوح واحسه لزينب يريد
==========
اعل صدري وسد ابني گلي ياناس من إحفرت گبره
بلحد واحد دفنته والدي وصار عبدالله اعل صدره
اوسده شلون ابويه وهو مذبوح شخلي جوه نحره
هالمنظر جرحني وزاد الاونين خنكت صدري عبره
رديت وهضمني دفنه ياناس
مثل مارد ابوي بفگد عباس
الحك ياعلي لإبنك أيا حيد
مذبوح واحسه لزينب يريد
==========
الشاعر علي النائلي
*زينب عليها السلام ومصاب كربلا*
🚩🚩🚩🚩
*عمت عيني وذاب گلبي بالمصاب*
*بعد اخوتي ابكربله شفت العذاب*
*ركبوني اعله الهزل*
*وانا بت سيد الرسل*
*واحسيناه واحسيناه /٢*
&&&
عشت والاحـزان بـيه والالـم يعذب الروح
اي وحگ حسين خويه والقلم والعرش واللوح
موحش الليل ابظلامـه من اباوع راسه ايلوح
عالرمح يبرى الضعينه والدمع ابخدي مسفوح
*وانا انخه يابطل*
*من ركبت اعله الهزل*
*واحسيناه واحسيناه/٢*
&&&
القافله تمشي بألمها وانا بالحسره يهالناس
السهر ذبل اجفوني مني ضاگت كل الانفاس
وين خويه الشفيه مايجيني بين الرجاس
يشيل الگيد العليه والله شيب مني الراس
*خاب ظني والامل*
*من ركبت اعله الهزل*
*واحسيناه واحسيناه/٢*
&&&
وينكم يهل الكلافه اصبحت زينب سبيه
والـشمر بيـه إتشمت يگول عني خارجيه
گال صرتي بـعهدتي والله صعبه هالرزيه
وعيني اتدور الكافل وينه عني هالمسيه
*مُنيتي چان الاجل*
*من ركبت اعله الهزل*
*واحسيناه واحسيناه /٢*
&&&
عنوه للشامات جينه وناس تتفرج بگوه
بالشماته استقبلتنه وبالمتن سوط يتلوه
بالدفوف ادگ فرحها والگلب بالآ تچوه
من بعد ذبح الاحبه العمر تدري مايسوه
*يشتم بحقد الاهل*
*من ركبت اعله الهزل*
*واحسيناه واحسيناه / ٢*
*بقلم الاخوات*
*عاشقة الولايه*
*و_ ام اباذر السكيني*
*نسالكم الدعاء*
/channel/khdmat
ி┈┈••☆✿🌹🌿🌹✿☆••┈┈┈ி
🕊☆~`` الملا علي المياحي ``~☆🕊
ஜ••("🕯 @alimaeahe 🕯")••ஜ
ودو اليثرب اخبار لمحمد اخونه
كطعو راس الاحسين كلوله وسبونه
ــــــــــــــــــــــــــــــــــــــ
يمحمد يصنديد عوف ارض المدينه
اريدك تسبك الريح بالشكره وتجينه
الحك يااخو احسين احسينك ذابحينه
داسو صدره بالخيل واحنه سلبونه
ــــــــــــــــــــــــــــــــــــــ
يبن فراس الاحروب لوطارش اجالك
معصب بيده وديت فزع كل رجالك
ذبحو كل هلك غاد ما واحد بكالك
ياسراجة الخيل يمته تلحكونه
ــــــــــــــــــــــــــــــــــــــ
اريد ابغيضك اتهيج من تلكد رسنهه
تعال وجيب الاسباع واختكم نشدو عنهه
حته ارموش الاعيون طالع شيب منهه
بضرب السوط ترضون ضهري يورمونه
ــــــــــــــــــــــــــــــــــــــ
عكب ماذبحو الشيخ لزوم الكم مواقف
دطفو نار الادلال واغلكوهه المضايف
يهلنه راس الاحسين بالبالدان طايف
ومن ضربات الاحجار احمر غادي لونه
ــــــــــــــــــــــــــــــــــــــ
جا يمته يشجعان تنجزون المهمه
ابمواضيكم تهدون زلمه بضهر زلمه
حرمكم طبت الشام واهل الشام لمه
بدك الطبل وادفوف هيج استقبلونه
ــــــــــــــــــــــــــــــــــــــ
هم يوم أمن الايام سمعتو بهالرزيه
علويه اوي الاجناب ماخوذه سبيه
جان اسمي الحوراء وهسه الخارجيه
آ ياطبة السوك آه أمن الولونه
ــــــــــــــــــــــــــــــــــــــ
حيهم ياهلي انصيح ولا واحد اجانه
القصر الاموي اهناك حادينه خذانه
ويزيد اكبالنه الراس طكه بخيزرانه
من حلكه الدمه سال جا يمته اتحمونه
محمد الجماسي
#اللهم_عجل_لوليك_الفرج
ميمر مذيل رباط عگيلي للدفن
يــا عمّــه يالسجـاد گلّي شحــاله
بيا حــال بيــدك جمّعــت اوصاله
شخلّــت يعمّــه ابجثتــه الخيـاله
(( جسمه اعلى الغبره امگطعينه ))
****
يا عمه عشر اخيول رضت صدره
وذره يعّـمــه مــا بقــت يــمْ وذره
وياك اظن لمّــت اوصالـه الزهره
(( بالنوح اتجمع بأوصاله ))
****
گلها وتهل مــن المصــاب دمــوعه
يا عمه روحي من الدفن مفجوعه
عمّــه نظــرته مهشمــات ضلـوعه
(( مطحونه ابسحگ الخياله ))
****
تنـزف يعمّـه جـروحه لمّن شلته
بلا مــاي عمّـه ولا غســل نزلته
لا راس تالــي بس نحـر وسدته
(( ارتج الكون لهل الحاله ))
****
يا عمّــه وبدمعـه التهل مذروفــه
تعنيت أبو فاضـل نظـرت ﭽفــوفه
ابدمه الگمر حنّـه النهر وجروفه
(( وسدته ويرجف ﭽف ايده ))
****
شلت الشباب وگلبـي احسه تفطر
جســام جمره بالگلب ظـل يسعـر
يا حــال عمّــه مــن نظرت الأكبر
(( ﭽن طاها امگطـع گـدامـي ))
****
عبــدالله عمّــه اتعجبت مــنْ امره
من راد أبو اليمـه اوسـده لصدره
حَسّيته ﭽن شمّه الحسين بنحره
(( هد حيلي امصابك عبدالله ))
****
بعــد الدفـن يــا عمتي وآلامــه
ياذيج يا درب السبــي وايتامـه
باﭽر ايزيــد يشــاهدﭺ گــدامه
(( هذا اكبر جرح الياذينه ))
****
الشاعر
موسى البديري
ياروحي زيدي بالنحيب وبالنعي
وتألمي لابن الزچيه اتلَوَّعي
جمرات للمذبوح خليه مدمعي
ويانار فوگ جروح گلبي توَّزعِي
غداره دنيا بالعداله تِدَّعِي
وماخبر منها يوم طَيَّب مسمعي
خانت حسين بن المعارف والوعي
ولزمت ظَهَر ذاك الدَعِي وابن الدَعِي
الشاعر حسن لعيبي الحريشاوي
نِدَاء إلَى نَهْرِ الْفُرَات (ملمع )
(يافراتا كَيْف تُدْعَى بالفرات)
(اذمنعت الْمَاءِ عَنْ مَاءٍ الحياة)
وَي الْعَدُوّ لِمَن صِرْت ضِدّ الْحَبِيب
ذَاب گلبه مِنْ الْعَطَشِ وَأَصْبَح لَهَيْب
ماكسر گلبك ولاجاسك نَحِيب
(حينما جَمْع الْهُدَى أَمْسَى شتاة)
(يافراتا كَيْف تُدْعَى بالفرات)
مِنْ الْعَطَشِ گلبه حسَافَة ينچوي
ومايك أَهْل الْغَدْر مِنْه ترتوي
رَيْت مِنْ الْأَرْضِ رِيتُك تَنْطَوِي
(حِينَ أَصْبَحَتْ . حَلِيفًا للطغاة)
(يافراتا كَيْف تُدْعَى بالفرات)
شلون قيَّمَت الْأُمُور بيافكر
صِرْت وَي جَيْش الظَّلالَة وَالْغُدُر
شلون يَم رَبَّ الْبَرِيَّةِ تَعْتَذِر
(كَيْف اعطوك مِنْ الْغَدْرِ صِفَات)
(يافراتا كَيْف تُدْعَى بالفرات)
إلَيّ تُرْس مُأَيٌّ وتعنه الخيمته
بِسَهْم فارگ ليش مَايك جَرَّبْته
وَيَلِي علعباس ظِلّ ابحسرته
(لَهُ فِي سَقْيًا العطاشى أمنيات)
(يافراتا كَيْف تُدْعَى بالفرات)
وَي ابوالسجاد أسَف ماقصرت
سَهْمٍ مِنْ الْعَطَشِ أَنَّتَهُ مِنْ صِرْت
وَي مُعَسْكَر شِمْر بالحومه چنت
(حَاصَرُوه الْقَوْمُ مِنْ كُلِّ الْجِهَاتِ)
(يافراتا كَيْف تُدْعَى بالفرات)
صرت جُلُمُود وصَّخْر يلماتلين
ياظميرك وين ذيچ السَّاعَة وين
ياحسافه ذَبُلَت اشفاف الْحُسَيْن
(بِدَم تُسْقَى شَفَاه ذابلات )
(يافراتا كَيْف تُدْعَى بالفرات)
شلون تَجْرِي اوگفت أَفْلَاك السِّمَة
علمصاب حسَيْنُ بْنُ حَامِي ألْحَمَه
زينب اتصد ابحزن متألمه
(يالنحر قَطَعْته المرهفات )
(يافراتا كَيْف تُدْعَى بِالْفُرَات )
الشَّاعِر حَسَنٌ لعيبي الحريشاوي
لسان حال رقية تخاطب ابيها الحسين عليه السلام
ودعتك الله بويه يحسين
ودعتك الله بويه يحسين
★★★★★
بنتك رقيه ابحسره وبنوح
اغيابك يبويه عذب الروح
لگيتك يماي العين مذبوح
محتاره وين انطي الوجه وين
★★★★★
شَنَّوا يبويه الگوم غارات
من كل كتر شالوا الرايات
طلعوا بچتلك بويه شمات
وللشام بينه اليوم ماشين
★★★★★
ماشين بينه اليوم للشام
صاروا يبويه اعيالك ايتام
لامامثلها مرت. ايام
لاحامي عدنه ولا صواويين
★★★★★
صرنه سبايا بلايه وليان
من بعد ذاك الجاه والشان
نصعد جبال ونطب وديان
ياوكت بويه انطب دواويين
★★★★★
حادي الرديه ايگود الارچاب
چمل اصوابي مية اصواب
اتموتني والله فرگه الاحباب
امنين اجتني كربله امنين
★★★★★
طول الطريق الناس يحچون
ايسبون بينه. ومايسكتون
ذوله الخوارج من يگولون
يصبح نهاري ليل بالعين
★★★★★
اسمع الشامت لمن ايفوت
بالطشت راسك اسمع الصوت
شيبني ذبحك واطلب الموت
ماچنه عمري اربع اسنين
الشاعر حسن لعيبي الحريشاوي
على طور شلون ليله لحمزه الصغير (گعديه) عن دفن السجاد لجسد أبيه الامام الحسين عليه السلام وباقي الاجساد الطاهره
اهواي صعبه المحب من يدفن حبيبه
هلمصيبه. المامثلها كل مصيبه
تهمل السجاد عينه
جسم أبوه اموذرينه.
اهواي صعبه
★★★★★
انطوتله الأرض لمن. رجع لأرض الغاضريه
بنظرة الملهوف گاصد. نار البگلبه سريه
وين ريحانة الهادي ومهجة الزهره الزچيه
شاف الجسم حين التفت
السجاد ناره. اتوجرت
شيحسب بطعناته الصفت. الف طعنه وتسع ميه
اهواي صعبه من نظر فخر الهواشم
كل كتر مهشوم. ماضل كتر سالم
شخلت بجسمه الحوافر وذيچ طبرات البواتر
اهواي صعبه
★★★★★
شلون منظر لو اوصفه. تسبگ الدمعه المشاعر
من يلم جسمه ويچفنه. الداسته خيول العساكر
سمه انحط ابلحد وسفه. حسين نوره اليشع زاهر
مكسور گلبه وممتحن
السجاد ساعات الدفن
من المدامع والحزن. اصبحن بيض النواظر
اهواي صعبه يدفن الروح الحنينه
نزلت املاك السمه تبچي وتعينه
مابعد يحصل الملگه. فرگه المحبوب فرگه
أهواي صعبه
★★★★★
يذكر السجاد زينب. بالظعن مكسوره خاطر
شلون لوتدري العقيلة. شحال جسم حسين صاير
علارض مفروش جسمه. من كثر دوس الحوافر
لا له ملامح لارسم
لاصوره ضلت لاجسم
اتموت ويفارگها العزم. لون زينب تدري باچر
اهواي صعبه. بياخبر زينب يگلها
ارماد صارت ياحسافه. اجسوم اهلها
وياه من ينصب عزيه الحال ابن خير البريه
اهواي صعبه
★★★★★
الدين والايمان كله. العدل وأحكام الشريعه
ومنظر الحق وجماله. النوره من نور الوديعه
بالسيوف امگطعينه. وماسلم حتى رضيعه
السجاد روحه معلعله
صوته حزن يملي الفله
هذي فجيعة كربله اعظم واكبر فجيعه
اهواي صعبه من يرد للضعن باچر
ولوعته ابوسط الگلب مثل الخناجر
من التعب مهدوم حيله ومن يصد حال العقيله
اهواي صعبه
الشاعر حسن لعيبي الحريشاوي
لبیک یاحسین ع
البكَه براسك .. انحمل راسه
انسلب ثوبه .. المهر داسه
يااااا مهدي
**
طاح الحسين عله الرمل .. ومن السحك جسمه نفرش
طحن الرحه حسين انطحن .. و ماجمع أعضائه النعش
مشلوع كَلبه من الذبح .. طبرات البنحره اثنعش
وميت قبل موته شكثر .. مااات الحسين من العطش
تره لسانه .. خشب صاير
على صدره .. اثر حافر
يااا مهدي
**
ومن الخيم زينب اجت .. وتعنته تركض ركض
تركض اجت زينب اله .. و هاي الطلابه الما تفض
وشبيها يا حيل اليضل .. تتوجه زينب ع الارض
جدامه الخيل من اجن .. بيه اركضن طول وعرض
زحف يزحف .. اجه عليها
متت زينب .. يحاجيها
*
يا مهدي حارت عمتك .. شتتحمل الحره بعد
من صاحته حسين وسمع .. لم روحه ولزينب كعد
بس بالرجل داسه الشمر .. من هالوجع جا شنهي أشد
جدك على وجهه انكَلب .. فوك الضهر شمر الصعد
على وجهه .. يكلبونه
من المكَفه .. يذبحونه
يامهدي
****
من هدئت اطبول الحرب .. التمن ابهيده واجن
وحده بضهر وحده الزمت .. بين الجثث كلهن مشن
مطموم جسمه من الحجر .. يوخرن بالاحجار اكعدن
ولزمن يمينه والاشد .. اصبع نقص بيده لكَن
نقص بيده .. صبع طايح
ويدورنه .. الصبع رايح
يامهدي
***
ومن الصبح صار السبي .. والمسبي تكتل حالته
فوك الرمح صار النحر .. مشيول زينب شافته
جا بن اله ماي واجن .. انزلي زينب صاحته
ابنياته كلهن حاولن ماوحده منهن لاحته
ركض ركضن .. يحاجنه
الرمح عالي .. شيلوحنه
خالد عبد الساده البديري
لاستشهاد الامام علي بن الحسين زين العابدين عليه السلام (وزن ميمر)
أبصولات علمه السجاد خله الْعِدَه محتاره
★★★★★
وَسَّع قواعد كل كتر شعبيه
وكثف عواطف للخلگ شيعيه
حتى الطفوف اتصير ما منسيه
وعاشر حسين المذبوح ماتنمحي آثاره
★★★★★
رغم الالم من جرح حاير دامي
وذكرى أليمه للشهيد الضامي
يسعى بعزم رفع الوعي الإسلامي
حَصَّن ابعلمه الاسلام وزال الجهل بأفكاره
★★★★★
قَدَّم مدارس للخلگ فكريه
وحَشَّد منافذ للعلم ثوريه
بزوده تضل طول الوكت محميه
من الظلمه طلعها الناس صوب العلم وأنواره
★★★★★
شماحارب الطاغي النهج ويعادي
بأسلوب ثاني نشر دين الهادي
صوت الصحيفه بالدعاء اينادي
سلاح الدعاء الفَتَّاك يزيح الظلم وأخطاره
★★★★★
من أول حياته ولنهاية عمره
راعي اليتامه واليحيير بأمره
بحر الكرم من جوده اصبح گطره
ومعروفه غوث المحتاج كلمن سئل عن داره
★★★★★
زاهد وعابد للكريم وشاكر
سيف الدعا يوم الشدايد باتر
خط منهجه ومعناه يوم العاشر
زلزل دعاءه الأشرار يامن تريد أخباره
الشاعر حسن لعيبي الحريشاوي
ترضه ياعلي زينب تنولي
زينب المضلومه بالســـــــبي
وهيه مهجت فاطـــم والنبي
ترضه تمشـي ابوليت ناصبي
امحيره ومحـــتاره ابلا ولــــــي
عالهزل ياحـيدر من مشت
چـم حبيب وغالي ودعت
من شتمهه الضالم مابچت
خايفه ايسمعوهه وتبتلـــــــي
ايعينهه اللـه أليـله عالسـهر
ليلها اصبــح ضلمه بلا گمر
اتگطعن چفيــنه اعله النهر
يمته همـــــچ زينب ينجلــــي
شاهــــــدت كافلهه من وگع
راح صوب الشاطي ومارجع
اجــروح زينب زادن بالوجع
اتصيح ضاع امن ايدي كافلــــي
*
اتنـادي يهل الغيـره يخوتي
وسفه انخه وخابت نخوتي
اخـــلافكم محتاره ابعيلتي
مـا اعيش ابدونكــــم ياهلــــي
باتت ابـلا خيـــــــمه ولاذره
چانت اويه اخوتهه امخدره
حال زينب يجــــرح منضره
وصـــوت ونهه اليله معتلــــي
**
الخادم
كامل السعيدي
ி┈┈••☆✿🌹🌿🌹✿☆••┈┈┈ி
🕊☆~`` الملا علي المياحي ``~☆🕊
ஜ••("🕯 @alimaeahe 🕯")••ஜ
عندما وقع الحسين عليه السلام واهل بيته واصحابه اخُذت العائلة الى الاسر وقُيدت بالحبال واركبوهم على النوق الهزيلة ومروا بهم على مصارع الشهداء ولم يسمحوا لهم بتوديع امواتهم وكأني بالنساء تقول
هزلة النوك جابوها لسبينا
وبحبال اليسر شدوها ادينا
بچينا ولا سمع واحد بچينا
ها يهل المروة اتلوعينا
================
السيدة زينب عليها السلام
=================
ما ترهم نروح وما نمركم
نتوادع اخير وداع منكم
على التربان خلينا جثثكم
لبعيد الدرب ماشين عنكم
==================
تسلم من على الناگة العقيلة
ومن دم الدمع عالخد تسيلة
شلون وداعكم فوكَ الهزيلة
نريد انروح والرحلة طويلة
=================
يالحادي اريد اشتم الاخوان
مشتاگة ودليلي اليوم لهفان
عليهم بالگلب ملتهبة نيران
امن ابعيد السلام اشلون يحنان
====================
نريد انروح ها يهل المحنة
شلون وداعنة وياكم يهلنة
الرايحلة عزيز ايزود ونة
فوكَ الگاع ناموا كل اهلنة
===================
ام علي الاكبر
=============
اعله هونك يالحديت النوكَ بية
عزيز الروح ضل فوكَ الوطية
ريضلي ارد اودعنة الشفية
يريت وياه تاخذني المنية
==================
اريد اشتم اهدومة شوية مالك
واگلة ها ييمة اشلون حالك
نوم الگاع يا يمة حلالك
چتالك يطگني وما مشالك
==================
هذاك ابني يضالم خل اودعة
عنكم يشتمر گلبي يشلعة
وينك يا علينا انريد فزعة
شملنا وي اهالينة تجمعة
==================
ام القاسم
==============
يا بعد الگلب يا شوف العيون
اودعنك اريد ومدري اشلون
تكتل فرگتة اوليد الزغيرون
يجاسم حاچي اخوتك ماتگعدون
====================
على النوكَ واسلم والله حيرة
اروح بعيد وابني بغير ديرة
محنية الضهر امك چبيرة
مچتوفة بحبل وامشي يسيرة
====================
على وجهي يبس دمك يغالي
وحال الضيم من فرگاك حالي
يطول وداعنا ظنيت تالي
على الناگة اودعك مو ابالي
===================
ام عبدالله الرضيع
================
زغير ابني وفلا يعرف اذية
شني ذنبة انذبح بالغاضرية
اتمنى احطة ابين ادية
واشمنة واشربنة امية
=================
احطنة اعله صدري مرة وحدة
واشمن بيه چن شمت الوردة
مثل ماي ابرمل ابني وتبدة
ييمة وداعك ابهاليوم شدة
=================
اخاف اعليك يبني من الهوة الهاب
ترف بعدك زغير وحار التراب
يعبدالله دليلي من الحزن ذاب
صوبني الغياب ابگلبي صواب
====================
أسالكم الدعاء رائد الاسدي
أيعينك الله يا علـــــــي يبن الأبات
خلص عمرك نوح ووداع اوممات
...........................................
خلص عمرك طيف من جرح الجرح
كل حياتك ليـــــــــــل ما شفت الصبح
شجم عزيز الشفته دامــــــــــي وينذبح
أمـــــــــن النهر للخيمه عشت النايبات
................................................
أمن النهر للخيمه عشت بيا وضع
من شفت عمك صريــــع ومنفجع
أشلون شفته وراسه دامي ومنكطع
والجفوف أعله النـــــهر متكطعات
...................................................
من شفت نحـــره وشفت طوك السهم
غافي بعيونه وشفت كل وجـــــــه دم
أشلون وضعه ودمعه وي دمه أنسجم
وعالرمح راس أنرفـــــع بين الغزات
.....................................................
عالرمح راسه وشفت عودك يطيح
دامي عالغبره علــــي الأكبر ذبيح
شنهو وضعك يا علي والمن تصيح
وبالخيم نوح وعويل الثاكــــــــلات
.....................................................
بالخيم ناحن خواتـــــــــــك وانحنن
من وكع جاسم وبالخيــــــل أنطحن
لا شمع لا حنــــــــه ضل وفد جفن
ثوب عرسه أتفصل وكل حلمه مات
.................................................
ويلي كسرت ضهر والله كسرتك
من شفت لحسيـن ركضت عمًتك
ركضت وطاحت يويلــي ونادتك
وانته بالخيمه عليل بــــــلا حياة
...................................................
زينب بيا حالـــــــه لمن وصلته
حسين طايح والشمر من شافتـه
كض لحيته وحز وريده وركبته
ورفع راسه وصاح سلبوها البنات
.....................................................
رفع راسه وهجمت أخيول العده
حركوا أخيمكم يويلـــــي واشسده
طاحن النسوان طيحـــــات النده
وكولشي صار بكربله أعله الفاكدات
.................................................
كــــل هذن وجان أصعبها السبي
من شفت ضعنك يحرسه الأجنبي
بالحبل كادوك ستــــــر الله العبي
بيها زينب لملمت كــــل الخوات
...............................................
أشلون كلبك طاوعك وكت الدفن
والجثث لاروس لاجف لا حضن
بيا حصيره حسين وصله اتجمعن
الضل ثلث تيام عالــــــرمله يبات
................................................
خادم خدمة الحسين
الشاعر
محمد الموالي
كلام
ما بين ام البنين وابن حذلم
نعي او لطمية گعده
اويلاه يكربله اويلاه يكربله
إحجي ابن حذلم وگلي روح مني طلعت
يمه أمشي اعليك دمعي هناك بالطف ششفت
سولف ولتظم علية شلون ولياني عفت
ويل گلبي حسين يمه كون وياكم متت
__
حسين راسة إعداه رادت وهمَ يوم الي دروا
گـَلها ولدج يالعفيفة خرز سبحه اطشروا
اليوم حي الله احنه موته بالبيارغ هوسوا
اربعتهم ويه اخوهم عالوطية اذبحوا
___
صاحت وليداتي فدوه يمه بس كونك عدل
همَ فدواتك جبتهم والك محسوب الفضل
حسين حين الغبتو عنه صبحت عيشتنه ذل
جنه الله حسين صاير موش صاير للكتل
__
چنت يايمه شحلاتي وضعي بيكم مستقر
هسه خوتني المصايب بس اگومن انهطر
اليل لو جن بسوادة يعادل اشموس الضهر
يوجع اغيابك حبيبي بغيرك اشيسوه العمر
____
الشاعر عباس جبار الشويلي
2025/6/30 ميلادي
1447 هجري
نعي بشان وداع زينب
لخيها الحسين عليه
السلام
جديد السنه
🚩🚩🚩
بوداعة الله ياحسين
مسبيه والستر اليدين
ابلوعه ابچي والونين
والظهر محني يالولي. ٢
&&
بوداعة الله يالحبيب
الجرح بعدك مايطيب
والليل اسهره بالنحيب
واعليك انوحن يالولي. ٢
&&
بـوداعة الله يـاسليب
يبن امي ابدمك خضيب
اموذر عالرمضى تريب
وبالشمس جسمك يالولي. ٢
&&
بوداعة الله ياگمر
يل حزو منك النحر
عيني عمت من القهر
بعظم الرزيه يالولي. ٢
&&
بوداعة الله ياعطوف
امشي وجثتك بالطفوف
بالخيل داستها الالوف
وعالرمح راسك يالولي. ٢
&&
بوداعة الله عالهزل
اخذوني گوه بالحبل
ودموعي بخدي تهل
والشمر يشتم يالولي. ٢
&&
اودعك وبگى بحسرتي
من بعد ذبحك وخوتي
ظليت وحدي ابغربتي
ابدمعه اصرخ يالولي. ٢
&&
اودعك وانه بالرعب
وسياط ابمتني تنضرب
والناگـه ركبتها صعب
گلبي ابهظيمه يالولي. ٢
&&
تودعك العين يبن النبي
ومشي غصب وي الاجنبي
محروگه من عندي العبي
مسبيه بعدك يالولي. ٢
الخلود الحسيني
نسالكم الدعاء
https://chat.whatsapp.com/CGzf47HqTCKK57sfaBExLQ
سألوني عايش وين
كلتلهم وي احسين
واللطمه ودمع العين..ديني وصلاتي
ــــــــــــــــــــــــــــــــــــــ
كالولي وضحنه الفكره
كلتلهم ابخت الزهره
ودعاها إليه
صرت آنه خادم للغالي
وصار العشك يمشي أبالي
ولزمني أمن اديه
دلاني عالحب الصدكي
وصار اللطم ديني وعشكي
وبكائي هويه
وآنه الجزع كل موضوعي
وعالضامي هليت ادموعي
صباح اومسيه
مثل المهدي انه انعاه
احسين اهواه واهواه
كلشي انسه وماانساه.. اليسوه حياتي
ــــــــــــــــــــــــــــــــــــــ
سألوني شنطاك الضامي
كتلهم امحلي ايامي
وحك دمعة امه
والدنيه من دونه اشتسوه
لوهوه احب لو موهوه
عبد آنه يمه
يمشي الحسين باعماقي
ويطلع عطر من اوراقي
اذا اكتب اسمه
خادم صرت بحسينيته
يمطر عليه بحنيته
اذا صدري الطمه
عوفوني الطم حيل
عالسحكو صدره ابخيل
على جايه انرش هيل..كل امنياتي
ــــــــــــــــــــــــــــــــــــــ
سألوني عن شهر احسيني
كلتلهم امحرم ديني
واحب المجالس
والكره هاي الارضيه
اتصير الكره الحسينيه
بعزاء العوابس
وانه احظر بكل اقرايه
من اللطم للمشايه
اوي جبريل انافس
عاشك يحن المعشوكه
ابلون الخيام المحروكه
صبغنه الملابس
ابثوبي الاسود حجيت
يم احسين وصليت
الخامس من أهل البيت..طهرلي ذاتي
ــــــــــــــــــــــــــــــــــــــ
هذا العشك متفهمونه
عالي العنب متلوحونه
الايادي كصيره
العايش الطف باحساسه
ريحة مجالس بانفاسه
ونجاح المسيره
كلمن على دين اسياده
وانه على نهج الساده
مشيت ابصيره
دين الملوك ايضيعني
دين الحسين الينفعني
بحياتي الاخيره
شعليهم بيه الناس
هذا الموقف حساس
وانه باخر انفاس..رايد نجاتي
ــــــــــــــــــــــــــــــــــــــ
كلمن وحر إبايامه
وانه ابطريق اللطامه
مشيت ابعقيده
اناهديناه بالايه
وطبع العشك چنه امرايه
واشوف الاريده
بكيفي أنه اسمع لطميه
خل غيري يسمعله اغنيه
الاغاني شتفيده
آه يبني تكسرلي الخاطر
وكلي يالميمون اشصاير
احب هالقصيده
عايش ابقه ابهالنور
والأجواء بعاشور
ومن الضلع مكسور..أخذ ثباتي
محمد الجماسي
#اللهم_عجل_لوليك_الفرج
*العقيله تندب علي ع لدفن*
*اخيه الحسين ع واهل بيته*
🚩🚩🚩🚩🚩
*دخيلك... بويه احضر كربله*
*دخـيلك... ادفن حسين وهله*
&&&
نشـعب گلبي ودليـلي والدمـع يجـري دمه
من عفت خويه رميه صحت حـماي الحمه
معفر الخـدين سابح جسمه ابفيض الدمه
گوم ياحامي الشريعه حسين ميت بالظمه
*دخيلك... گـوم ياعـقد الـوله*
*دخـيلك... ادفـن حـسين وهله*
&&&
بويه طر اللحد وحضر ادفن اجساد الاهل
هذا مرمي اعله يمينـه ونشطر راسه البطل
هذا امگطع ازنوده وجوده مصيوب ابنبـل
وانـا اخـذوني اسـيره وخـوتي بـلي غـسـل
*دخيلك.... گوم عجـل كربله*
*دخيلك.... ادفن حـسين وهله*
&&&
والاشـد واعظم عليه يـاعلي جسـم الولي
مكسره اضلوعه يابويه ومابگالي من هلي
اطحنو ظهره وصدره بخيلهم احساد الي
وانا فوگ التل ندبتـك بويـه احضر يـاعلي
*دخيلك…. شيله من هاي الفله*
*دخيلك.... ادفـن حـسين وهله*
&&&
اه ينار المصيبه يوم نادو اعله الرحيل
وانا انظرالخليصي دمعتي ابخدي تسيل
شلون اعوفنه رميه ابلا دفن ابلا غسـيل
موسـد التربان عاري وانا اصرخ بالعويـل
*دخـيلك.... اعضائه كلها مفصله*
*دخيلك.... ادفن حسين وهلا*
&&&
بويـه ادركنا وتعنه وشـيل ابنك الغريب
مثـل ماغسلت سلمان وهو بالعزة مهـيب
شلون حسينك تتركه علثرى جسمه تريب
والنحر مگطوع منه راسه بدمه خـضيب
*دخـيلك... گوم بيدك احمله*
*دخيلك.... ادفن حسين وهله*
&&&
بالحزن والنوح ابچي انتخي بيك ياعلي
گوم ادفن الضحايه البشمس تصلي صلي
فوگ حر الترب صرعه مذبحه كلها هـلي
وانـا ابچي بالرزيه ويـن من ينغر الـي
*دخيلك... روحي والله امالمه*
*دخيلك... ادفن حسين وهله*
&&&
همت بـوي بالفيافي والـهموم املازمـه
اصفج الچفين وندب للضلوعه مهشمه
بلوعه والحسرات انحب اه يمه فاطمه
حسينچ ابحر الصعيد وچبدته متالمه
*دخيلك... بويه اكشف هالبله*
*دخيلك... ادفن حـسين وهله*
&&&
بويه گلي شـلون عينك تغفي وجـفنك ينام
وانت تدري حسين مرمي لينا حرگو الخيام
وبـالغصب اخـذونا عنـه والدمع منا سـچام
حسين فوگ الغبره مطروح جثته بين اللئام
*دخيلك.... شوف حالي معلعله*
*دخيلك.... ادفن حسين وهله*
&&&
عجل ادركنا يامهدي والله صارت زلزله
حسين برض الغاضريه جثته امعطله
لا غسل لادفن يحصل غير دمع العايله
تندب بصوت المصيبه يا ابن عقدالوله
*دخيلك… غسل حسين وشله*
*دخـيلك... ادفن حـسين وهله*
&&&
گوم ياحجة الباري انهض بارض الطفوف
اشـهر البتار وظهر وهلك الهاي الالـوف
وشيل جسم الي تگطع بالرماح وبالسيوف
شيل عبدالله اع صدرك والدمع منك ذروف
*دخيلك... مهدي احضر كربله*
*دخـيلك... ادفن حـسين وهله*
*الخلود الحُسيني*
*نسألكم الدعاء*
بهذا الطور👇🏻
https://youtu.be/SqpL2P_1k6Y
دفن الاجساد الطاهرة
حيره بوية شلون ادفنك
هـو انـته شباقي منك
راح المك بالحصيره
مصيبتي والله چبيره
……………………………
ريت يا بويه المنـيـه وياكـم اخذتني سويه
ولا اشوفن هالمنـاظر صعبـه يا بويه عليه
عالترب كلكم اضاحي مگـطعين اعله الوطيه
انته واخواني وعمامي والانصار اهل الحميه
بويه متـخالط لحمكم
گـلي شدفن راح منكم
حيرتي يابويه حيره
مصيبتي والله چبيره
……………………………
مو مرض بس الهلكني هدني بويه الي شفته
واني ازحف يم جثثكم شفت اخوي وما عرفته
علي الاكبر ذاك طوله وكل جماله الي وصفته
قطعة قطعة امگطعينه وصل صارة علي جثته
اليشبه الهادي بخصاله
منمـرد بالطف جماله
چـنه لا مو هوه غيره
مصيبتي والله چبيره
……………………………
ويا هضيمتنا عله جاسم يا فجيعتنا بمصابه
بعده شاب وحلو عمره تالي ذبحوه ابشبابه
ابن اخيك بويه صاير وصله وصله اعله الترابه
اه يا عريس هاشـم گـلبي طـراه بعـذابه
توه قاسمنا صبح شاب
شلون ادير اعليه التراب
هذا عريس العشيره
مصيبتي والله چبيره
……………………………
يا كسرنا ويا هضمنا عالنهر عدنـا مصيبه
لعمي ابو فاضل بكائي وگـلبي ميبـطل نحيبه
شفته بويه وريت ما شوف جـثته ذيچ السليبه
بويه مثلك نـاهبينه وعاري والجثه خضيبه
منمرد جسمه وبلا راس
يا هضيمتنا عله عباس
چان ينزف لخته غيره
مصيبتي والله چبيره
……………………………
بويه من جيت ارد ادفنك ما عرفت اشلون ادفنك
بالسيوف امگـطعينك انت موش احسيني چنك
گـمت ادور بالتـرايـب كـل عضو مفصول منك
گـوه لمـيـتـك يبويه الخـيل ليش ايطـشرنك
راح ادفنك وي سهامك
حيل مطحونه عظامك
وحرگتك شمس الظهيره
مصيبتي والله چبيره
……………………………
ردت اهيل اترابك اعليك ولنه صوت يصيح نحرك
يا علي وســد رضيعي وجبته خليته عله صدرك
بس يبويه بصدره حافر ماطلع من گـلبه اخبرك
طفلك ابلا راس مثلك عـظم الله براسه اجرك
منذبح مثلك خطيه
وداسته هم اعوجيه
دمعي دم الكم اديره
مصيبتي والله چبيره
الشاعر عقيل الحسناوي..
.
#دفن_الاجساد_الطاهره
من بعد ذيج المصايب. راجع لدفن الحبايب
عالثره ضلوا ضحايا من حزنهم گلبي ذايب
......
آنه ياناس العليل جروحي بيّه
ذبحوا اهلي گبال عيني آل اميّه
بلا دفن ظلّوا ضحايه عله الوطيه
اليوم اجيت ادفن جثث اهلي بديه
من خذوني الغالي عفته. والله لو بيدي دفنته
حسين ابوي شلون اعوفه. غصب اخذوني وتركته
...........
من وصلت الغاضرية بدمعة العين
اعثر بجدمي رحت يم والدي حسين
ويلي شفته مگطّع بسوح الميادين
منين اشيلن جسم ابويه حاير منين
جمّعت جسمه بحصيره شلته بدموعي الغزيره
للگبـر نـزّلتـــه بيــــدي ودفنت شيخ العشيره
.............
من گبل ما هيل بيدي تراب گبره
وسّدت عبدالله دامي فوگ صدره
وسهم المثلّث ذبحها اوداج نحره
بياذنب ضامي الرضيع يموت حسره
منظر يهدّ الرواسي. شيّب بهالنظره راسي
والدي وأبنه شفتهم. مذبّحين وبيش اواسي
..............
رحت للأكبر عضيدي وسلوة الروح
اليشبه المختار جدي شفته مذبوح
احفرت گبره بدمعتي وبنار لجروح
نحت يم جسمه وندبته شينفع النوح
يم علي الأكبر عضيدي. نكسر ظهري وطگ وريدي
شلون بية الروح ظلت وبن ابوي ادفنته بيدي
...............
وعاينت عالغبره عرّيس الهواشم
بدم وريده امحنّي چفّه الغالي جاسم
دفنته وي انصار ابوي ودمعي ساجم
ضحّوا لدين الله ثبتوا بالملاحم
بحفره وحده جمّعتهم. يم ابواليمه ادفنتهم
بس حبيب العم فرزته عنهم وما باعدتهم
...............
وعتنيت بدمعتي لصوب الشريعه
للگمر عباس شاهدت الفجيعه
مگطّع الأعضاء وچفوفه گطيعه
احفرت گبره وضاگت بعيني الوسيعه
للگبر بچفوفي شلته. عالنهر واريت جثّته
گتله ياعمي سبوها. زينب الكافلها انته
سيد زيد الفحام
____
نزله... لسان حال الامام السجاد ع لدفن جسد ابيه الحسين عليه السلام
مو بالگبر بالروح ادفن حبيبي
.........
جيت من درب السبي لازمني صبري
رايد ادفن والدي ودموعي تجري
والله بمصابه متت ونكسر ظهري
گبل گبره ينحفر ياريت گبري
ما يشفه جرحي يسيل. ميت طبيبي
مو بالگبر بالروح ادفن حبيبي
.........
والله كل خطوه اصيحن وا حُسيناه
بيدي لازم ظهري آه تصيح وي آه
ويلي ابوي حسين دامي شلون عفناه
مكسّره ظلوعه يويلي ما دفنّاه
كلما قربت عليـــه يكثر نحيبي
مو بالگبر بالروح ادفن حبيبي
.........
ويلي ويلي من وصلت الغاضريه
شفت ابويه حسين طايح عالوطيه
كسرت ضلوعه خيول الاعوجيه
منين ما شيلنّه يوگع منّ اديه
مو عجبه لو عالراس يغزيني شيبي
مو بالگبر بالروح ادفن حبيبي
.........
شلون الي روح وگلب گبره حفرته
بالحصيره لملمت جسمه وجمعته
انهدم حيلي احس لمّن حملته
جسم ابويه حسين بچفوفي شبگته
مو بس ابو ياناس خِلّ وصحيبي
مو بالگبر بالروح. ادفن حبيبي
.........
نحر ابوي حسين حاچاني سمعته
ادفن وياي الطفل مذبوح عفته
دوّريته بدمعتي ولحسين جبته
ويّه ابويه حسين خلّيته ودفنته
هلت التراب عليـــه عمري ونصيبي
مو بالگبر بالروح ادفن حبيبي
.........
اسمعت صبرا ياعلي من السموات
لن هتف صوت الوحي ابنبرة مواسات
روحي ياناس اطلعت لو باقي لحظات
ينحب اليدفن ابوه يرتاح هيهات
ياربي من دنياي قرّب مغيبي
مو بالگبر بالروح ادفن حبيبي
#سيد_زيد_الفحام
__
نعي بحق العقيلة زينب عليها السلام
على يامنهن أم الخدر تنحب
رزايا اهواي منها الگلب شَيَّب
على الماشاف گطرة ماي يشرب
وجسمه على الثرى طاح وتسلب
لوحامي الضعن علجيش من طب
گطيع ازنود وبعينه تصوب
لو عريس بدمومه تخضب
لو الاكبر هوه على الگاع كوكب
لوطفل الرضيع ابحال الأصعب
لولضعون بيها الگوم تنهب
لولخيام بيها النار تلهب
لونسوان فوگ الهزل تركب
ها گد مايله الدنيا وي زينب
الشاعر حسن لعيبي الحريشاوي
قضية الحسين عليه السلام
ياقضية حسين اكبر من تفاصيل الكلام
حسين فكره منهجية للمحبه. والسلام
فلسفة دين اووجود ابد ماالها حدود
ياقضية حسين اكبر من تفاصيل الكلام
★★★★★
القدم الحريه بيده للاسير
والنفوس تعيش يملكها الظمير
خله ايده ابعزم علجرح الخطير
ويشعر بروحه غني خله الفقير
حسين موسوعة معارف تعبر حدود الجواب
وللوجود البيه كرامه حسين للحريه باب
ثورته إصرار وجهاد. حجة الله على العباد
ياقضية حسين اكبر من تفاصيل الكلام
★★★★★
حسين صفعة صابت الشربالصميم
حسين مبدء خطه واضح مستقيم
حسين دمعه اطفي نيران الجحيم
يعني رحمه ودين للرب الرحيم
هوه منظومة مبادئ منها يصدر كل قرار
حسين يا تفصيل شفته ماقبل يوم اختصار
حسين عنوان الحياة. من ملك هاي الصفاة
ياقضية حسين اكبر من تفاصيل الكلام
★★★★★
يامناهل خير متحدها الحدود
لخص الدين الحقيقي بهلوجود
بيّن الحريه ماتقبل قيود
ولاضياع بدين طه ولاجمود
حسين يرفض كل عبوديه وتنازل لوهوان
حسين صرخه تنبه المظلوم صرخة بكل زمان
حسين عنوان الدعاء. اليفتح ابواب السماء
ياقضية حسين أكبر من تفاصيل الكلام
★★★★★
بگلبه من الخوف بيه مية كسر
لاتطب الناس نيران الحشر
يدعي للناس التعنتله بغدر
امطوگ بهلگوم ويصلي الظهر
حسين مايرضه السكوت بيوم مرفوض السكوت
ولايهاب الموت واحد كل بشر باچر يموت
صعبه عليبقه ذليل. بعمر تاليته الرحيل
ياقضية حسين أكبر من تفاصيل الكلام
★★★★★
حسين بالطف رسم للحاضر وجود
وخنگ ريح الباطل الرادت تعود
وزمن لايرجع جهل وأيامه سود
مثل صالح مبتلي صار بثمود
هو الاجراء السريع الماقبل ذل الظروف
وكتب للعالم بدايه من نهايات الطفوف
تفوز علسيف الدماء. أعلنت من كربلاء
ياقضية حسين أكبر من تفاصيل الكلام
الشاعر حسن لعيبي الحريشاوي