Telegram-канал kidane_mhret_16 - ደ/ሰ/ቅድስት ኪዳነ ምህረት ቤተ ክ/ን ሰንበት ትምህርት ቤት "መቐለ ዓዲ ሓ": Unsorted

ደ/ሰ/ቅድስት ኪዳነ ምህረት ቤተ ክ/ን ሰንበት ትምህርት ቤት "መቐለ ዓዲ ሓ"

04 Jan 2025 12:51

Subscribe it,with respect❤🙏

ደ/ሰ/ቅድስት ኪዳነ ምህረት ቤተ ክ/ን ሰንበት ትምህርት ቤት "መቐለ ዓዲ ሓ"

27 Dec 2024 19:20

🌺በስመኣብ ወወልድ ወመንፈስቅዱስ አሐዱ ኣምላክ ኣሜን🌺
🌿🌿🌿🌿🌿🌿🍀🍀🍀🍀🍀🍀🍀🍀🍀🍀🍀

ካብቲ መሓሪ ዝኾነ እግዚአብሔር ኣምላኹ ምሕረትን ይቕሬታን ምእንቲ ኺልምነልና፤ ኣቐዲምና ብረድኤት ልዑል እግዚአብሔር ናይ ሊቀ መላእክት ቅዱስ ገብርኤል ዜና ዕቤቱን ክብሩን ልዕልናኡን ምጽሓፍ ንጅምር።

ናይቲ ናይ ሓጎስ ነገርን ናይ ትስብእት ኣብሣርን ዝኾነ ቅዱስ ገብርኤል ጸሎቱን ልማኖኡን ምምላዱን ምሕጽንታኡን ንዅልና ሕዝበ ክርስቲያን ንዘለዓለመ ዓለም ይሓልወናን የድኅነናን። ኦፍቁራን ኣቦታትን ኣዴታትን፡ ኣኅዋትን ኣኃትን፡ ብሕጉስ ኣእዛን ስምዑ፥ ብብሩሃት ኣዕይንትን

ብንቑሕ ሕሊናን ብንጹሕ ልቡናን ከኣ ጠምቱ።

ቅዱስ ገብርኤል ንማኅበር መላእኽቲ ከም ዘኅድኦም።

፩) ወንጌላዊ ዮሓንስ ወልደ ነጐድጓድ ብዛዕባ ዕቤት ሊቀ መላእኽቲ ቅዱስ ገብርኤል ዝጸሓፎ ድርሳን ኣብቲ፡ “አለትቃርፉ” ተባሂሉ ዚስመ መጽሓፍ ሳጥናኤል ኣብ ዝወደቐሉ ጊዜ ንማኅበር መላእኽቲ ብቓሉ ካብ ዓቢይ ህውከት ከም ዘኅድኦም ይገልጽ።

ከምዚ ዚስዕብ ከኣ በለ፡

ብሩሃትን ድሙቓትን ሰማያት ዝፈጠረ እግዚአብሔር ይመስገን። መንበረ ክብሩ ኣብ ልዕሊ ኵሉ ኣንበረ። ንቅዱሳን ሠራዊት መላእኽቲ ስሙ ኪቕድሱን ከኣሊነቱ ኬመስግኑን ድማ ብቓሉ ፈጠረ። ኣብ ዙርያ እቲ ናይ ብርሃን ድንኳን ነቲ

ኽቡር መንበሩ ዚኸቡ ፲ተ ቅዱሳን አሕሉቕ ኣለዉ። ኣብ ጥቓ እቲ ግሩም ዝኾነ መለኮታዊ ሓዊ መንበሩ ከኣ ይኸቡ። ሓደ ሳጥናኤል ዝስሙ መልኣኽ ኣብ ልዕሊ እዞም ኣሕሉቕ ሓለቓ ኮነ። ንሱ ምስጋና መላእኽቲ ናብ እግዚአብሔር ዜዕርግ ነበረ።

እቲ ርጉም ንሱ፡ ፍጡር ከም ዝኾነ ምስ ፈለጠ በቲ ቀዳማይ ብርሃን ብመንፈሱ ተደመ ከምዚ ድማ በለ፡ ስለምንታይ እየ ኣነ ክብረይ ንኻልእ ዝህብ፧ ንምንታይከ ኣነ ንባዕለይ ዘይምስገን ንኻልእ ዘመስግን በለ፤ መሊሱ ኣዝዩ ክሕደት ኣብዝኀ፡ ንመላእኽቲ ድማ ፈጣሪ እንተ ደኣ ኣልዩና ካብ መንበረይ የውድቐኒ። ብዘይካይ ንኻልእ ከተመስግኑ ኣይግባእን እዩ፧ ከመይ ምስጋናን ክብርን ዕቤትን ንኣይ እዩ ዚግባእ ናይ ኵሉ ፈጣሪ ኣነ እየ በሎም።

ከምዚ ምስ በለ ቅጽበት ካብ መንበሩ ወደቐ ካብ ክብሩውን ወረደ ብዙኃት መላእኽቲውን ምስኡ ካብ መዓርጎም ወረዱ። ሽዑ ገብርኤል መልአኸ ብዓቢይ ቓል ከምዚ እናበለ ዓው ኢሉ ተዛረበ፡ “በብሥርዓትናን ብፍቕርን ብእምነትን ብፍርሃት እግዚአብሔርን ንቑም ብምባል ንዅሎም ማኅበር መላእኽቲ ብቓሉ ኣኅድኦም”። ሽዑ እግዚአብሔር ንሱ ከም ዝፈጠሮም ተጋሂዱ ተራእዮም።

በዚ ምኸንያት እግዚኣብሔር ኣብ ልዕሊ መንፈሳውያን መላእኽቲ ክብርቲ ሢመት ሾሞ ኣዕበዮውን። ንሕናውን ንሓድሕድና እናተፋቐርና ናብ እግዚአብሔር ኬማልደና ንለምኖ።

፪) ንዘካርያስ ልደት ዮሓንስ ካብ ዝነገሮ ጊዜ ጀሚሩ ኣብ መበል ሻድሻይ ወርኂ ካብ እግዚኣብሔር ተላኢኹ “ናብ ቅድስት ድንግል ማርያም ወሪዱ ወዲ እግዚአብሔር ሰብ ኮይኑ ካብኣ ከምዚውለድ ኪነግራ ዝተላእከ” እዚ ቅዱስ ገብርኤል ሊቀ መላእኽቲ ኢዩ።

፫) እዚ ቅዱስ ገብርኤል ሊቀ መላእኽቲ እዚ ካብቶም ንነቢያትን ንሐዋርያትን ንጻድቃንን ንሰማዕታትን ንምሕጋዝ ዚለኣኹ ኣሕሉቕ ሓደ ኢዩ።

፬) እዚ ቅዱስ ገብርኤል እዚ ሰባኸ ፀሓይ ጽድቅን ነቶም ብንጹሕ ልቡና ነቲ ብሥራቱ ዚቕበልዎ ፀዋር ጥዑም ዜና ብሥራትን ኢዩ። ነቶም ብሕንዚ ስሕተት ሰይጣን ዝሓመሙን ነቶም ብክሕደት ትእዛዝ እግዚአብሔር ብሞት ኃጢኣት ዝሞቱን ሰባኸ ሕይወትን መድኃኒትን ኢዩ።

፭) ንቅዱስ ገብርኤል ሊቀ መላእኽቲ ክብሪ ውዳሴኡን ብዝኂ ጸጋኡን ኣይውሰንን ኢዩ፡ ከመይ ንሱ መብሠሪ ሓጎስ ኢዩ፡ መጀመርታ እግዚአብሔር ወልድ ናብ ምድሪ መጺኡ ሰብ ከም ዚኸውን ንምድራውያን ዘብሠሮም ንሱ ኢዩ።

ደኃርውን ዜና ዕርገት ኣምላኽ ንሰማያውያን ዘብሠሮም _ ንሱ ኢዩ። ሕጂ ድማ ምእንቲ ስሙ ንድኻታት ኣኅዋትና ርኅራኄን ምጽዋትን እናገበርና ብምሉእ ልብና ነፍቅሮ፡ ከምኡውን ኣቱም ፍቁራት ኣኅዋተይን ኣኃተይን ንቅዱስ ገብርኤል ኣብቲ መዓልቲ ክብሪ በዓሉ ኮነ ናብ ቤተ ክርስቲያኑ ኬድና ብዘይ ትህኪት ኵሉ ጊዜ ንሳለም።

ከመይ ምእንቲ ደቅሰብ ይልምን እዩ፡ ንሕና ከኣ ብልማኖን ብስግደትን ብሠናይ ድልየትን ኣብ መከራና ድማ ካብኡ ረድኤት ንድለ። ኃጢኣትና ኬስተሥርየልናን ምእንታና ኪማልድን ከኣ ብስግደትን ብምጽዋትን ናብኡ ንተዓቖብ።

አብ ወወርኁ ከኣ ካብ ዓመት ክሳብ ዓመት መበል ፲፱ መዓልቲ በዓሉ ኣኽብሩ።

ኣማላድነቱ ምስ ኵልና ሕዝበ ክርስቲያን ንዘለዓለመ ዓለም ይኹን ኣሜን።🌺❤

ምንጪ፡መቅድም ድርሳነገብርኤል(ትርጉም፡ማኅበረ ሐዋርያት ፍሬ ሃይማኖት አሥመራ)