𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

14 Dec 2021 19:23

ሁሉም ሰው ጂኒየስ ነው‼️
ግን አሳ ከዛፍ ዛፍ በመዝለል ችሎታው ከተመዘነ እድሜ ልኩን የማይረባ እንደሆነ ያምናል" ይለናል አልበርት አንስታይን።

ድክመታችንን ከሌሎች ጥንካሬ ጋር ካወዳደርነውማ ሁሌም የበታችነት ይሰማናል፤ ከሌሎች ዝቅ ያልን ይመስለናል። እኛን የሚዳኘን የራሳችን መስፈርት ነው፤ የሌሎች መንገድማ የሌሎች ነው!

በደስታ የተሞላ አዳር ይሁንላችሁ🙏
❤❤❤❤❤❤❤❤❤❤❤❤❤
join and share ያድርጉ

👇👇👇👇👇👇👇👇👇👇👇👇


/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

28 Nov 2021 13:04

አባቴ ዘግይቶ አይግባህ!

ኮንጎዎች ለነፃነታቸው የታገለውን ሉሙምባን ገድለው ማዕድናቸውን ከዘረፉ ቤልጂየሞች ጋር ፈንድቀዋል። ቡርኪናፋሶ ምርጥ መሪያቸውን ቶማስ ሳንካራን ገድለው ከፈረንሳዮች ጋር ውስኪ እየተራጩ ደንሰዋል። ኢራቃዊያን ነዳጃቸውን የግላቸው ያደረገውን ሳዳምን ከአሜሪካ ጋር አብረው ገለው ባደባባይ ጨፍረዋል። ሊቢያውያንም በረሀዋን ሀገር ለውጦ ዳቦ ያበላቸውን ጋዳፊ ገለው ሬሳዉ ላይ እያስካኩ ፎቶ ተነስተዋል። ዛሬ ላይ የኮንጎ ማዕድን አምራችም ነጋዴም ደላላም የምዕራብ ካምፓኒዎች ናቸው። ቡርኪናፋሶ ፈረንሳይ ካልፈቀደች ምርጫ እንኳን የማካሔድ አቅም የላትም። የሊቢያና የኢራቅ ነዳጅ ማንም እየቀዳ የሚሸጠው የመንገድ ላይ ኩሬ ሆኗል። እነዚህ ሀገራት ነጮቹ ሳይፈቅዱ የገዛ ሀብታቸውን የሚሸጡበትን ዋጋ እንኳን መተመን የማይችሉ ደካሞች ሆነዋል። ዜጎቻቸው ዛሬ የነጭ ወሬ አምነው የገደሏቸውን መሪዎቻቸውን እየናፈቁ ይኖራሉ። እናም አባቴ ሀገርህን ለመሪህ ብለህ ሳይሆን ለራስህና ለልጅ ልጅህ ስትል ጠብቅ!!

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

28 Sep 2021 23:25

በዛሬው ዕለት ዶ/ር ጽጌረዳ ክፍሌ የኢትዮጵያ የሕብረተሰብ ጤና ኢንስቲትዩት ዋና ዳይሬክተር የኮቪድ-19 ወረርሽኝ መከላከልና መቆጣጠር ዙሪያ መግለጫ ሰጥተዋል፡፡ የመግለጫው ዋና ዋና ሀሳቦች ባጭሩ እነሆ፡-

“አዲሱ የኮቪድ-19 ዝርያ (ዴልታ) ቫይረስ በኢትዮጵያ በከፍተኛ ሁኔታ እየተሰራጨ ነው፡፡
ከመስከረም 10 እስከ 16 ቀን 2014 ዓ.ም በአገር አቀፍ ደረጃ ከተመረመሩ 57 ሺሕ 940 ሰዎች መካከል 8 ሺሕ 753 ሰዎች በቫይረሱ የተያዙ ሲሆን፣ የመያዝ ምጣኔውም 15 በመቶ ደርሷል፡፡

በክልሎችም የመያዝ ምጣኔው ከአገር አቀፍ የመያዝ ምጣኔ ከፍ ብሎ ታይቷል፡፡ በሣምንቱ በአገር አቀፍ ደረጃ በኮቪድ-19 ህይወታቸውን ያጡ ሰዎች ቁጥር 271 ነበር፡፡
በዚሁ ሣምንት ከ798 በላይ ታማሚዎች ወደ ጽኑ ሕክምና ማዕከል ገብተው ክትትል እየተደረገላቸው ይገኛል፡፡
በአዲስ አበባና በአንዳንድ የክልል ከተሞች የታካሚዎች ቁጥር በመጨመሩ የጽኑ ሕክምና ክፍሎች ሞልተው ታካሚዎች ለከፍተኛ ችግር እየተጋለጡ ይገኛሉ፡፡
በወረርሽኙ የመያዝ፣ የሞት እና የጽኑ ሕሙማን ቁጥር መጨመር የአዲሱ ኮቪድ-19 ዴልታ ቫይረስ ስርጭት ከፍተኛ መሆኑን ያሳያል፡፡
“የኮቪድ-19 መከላከያ መንገዶች ተግባራዊ አለመደረጋቸው እና የክትባት ሽፋን ዝቅተኛ መሆንም ለስርጭቱ መስፋፋት በምክንያት ይጠቀሳል፡፡
በአገር አቀፍ ደረጃ በተመረጡ 14 ከተሞች በተደረገ ጥናት የመከላከያ መንገዶች አተገባበርን ዝቅተኛ መሆኑንና በኅብረተሰቡ ዘንድ ከፍተኛ መዘናጋት መኖሩን ታውቋል፡፡

ለወረርሽኙ ፖለቲካዊ አንድምታ መስጠት፣ በየደረጃው ያሉ አመራሮች ዓርአያ ሆነው አለመገኘት፣ በየደረጃው የተዋቀሩ ግብረ ሀይሎች መመሪያ የማስፈጸም ተሳተፎ እያነሰ መምጣት ኅብረተሰቡ የመከላከያ መንገዶችን እንዳይተገብር ምክንያቶች ሆነዋል፡፡

http://t.me/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

17 Sep 2021 16:51

ዋጋችሁ ስንት ነው?

የ ሀይላንድ ውሀ የሰፈር ሱቅ ውስጥ 7 ብር ነው እራሱ ውሀ ሬስቶራንቶች ውስጥ ከ 20 እስከ 40 ብር ይሸጣል፤ ትላልቅ ሆቴሎች 60 እስከ 90 ብር ልትገዙት ትችላላችሁ ... የውሀው መጠንና ጥራት እራሱ ምርት ሆኖ ሳለ ለተመሳሳይ እቃ የተለያዩ ቦታዎች የተለያየ ዋጋ አላቸው ። እንዲህ ያደረገው ግን የቦታዎቹ ጥራት ነው፡፡ አንዳንድ ጊዜ ዋጋችሁ የረከሰ አይነት እና ሰዎች ሲያራክስዋችሁ አይነት ስሜት ሲሰማችሁ ግድ የላችሁም የናንተ ዋጋ ውድ ወደሆነበት ቦታ ቀይሩ . .እራሳችሁን በሚያበረታቷችሁና ዋጋችሁን በሚያሳድጉ ሰወች መካከል አድርጉ ። ለማይመጥናችሁ ቦታ ጊዜ አትስጡ።

http://t.me/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

13 Sep 2021 17:17

⭕️ አስተውል
✅ አንተ ብቻ አደለህም በህይወት ውስጥ ደክሞህ እሚያውቀው
✅…አንተ ብቻ አደለህም እምታዝነው እና እሚከፋ ...አንተ ብቻ አደለህም ብዙ ነገር ፈልገህ ያጣህው …ሁሉም ሰው የራሱ ፈተና አለው…ማሸነፍ እሚገባው ጦርነት ሁሉም አለው…
✅ የአንተን መንገድ ከሌሎች ጋር አታወዳድር …የአንተን ስኬት በሌሎች ሚዛን አትለካ
✅ የአንተን ደስታ ሌሎች ውስጥ አትፈልግ
✅አንተን ከ አንተ ጋር ብቻ አወዳድር …ከትላንትህ የተሻለ ለመሆን ሞክር …ከሌሎች ተማር ግን እነሱን ለመሆን አትሞክር …አንተ መሆን ያለብህ እንደራስህ ነው…
✅ህልምህን እስከምታሳካው ድረስ ለህልምህ ታገል።
✅ለሄደ ነገር አትጨነቅ የመጣውን ተቀበል እሱ ደስተኛ ያደርግሀል።
🌼🌼መልካም አዲስ ዓመት❤‼️🌼🌼

http://t.me/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

06 Sep 2021 16:29

ወርቃማ አባባሎች‼️
❤🌹❤🌹❤🌹❤🌹❤🌹❤🌹❤

1) ምቀኞች መብዛታቸው በስኬት መንገድ ላይ የመሆንህ ምልክት ነው!
…
2) ወንድ ልጅ እናቱ በሕይወት እስካለች ድረስ ሕፃን ነው..ለእናቱ!
…
3) በፈተና ላይ አለመታገስ ሌላ ፈተና ነው!
…
4) ፈገግታ ቃላት የሌለው መልካም ንግግር ነው!
…
5) ካንተ የባሰ አለና አመስግን ፈገግ በል!
…
6) ትንሽን ለመስጠት አትፈር ምንም አለመስጠት ከሱ የባሰ ነውና!
…
7) የተሸናፊዉ ፈገግታ ያሸናፊውን ደስታ ይቀንሳል!
…
8) የሁሉን ሰው ውዴታ ማግኘት ሊደረስበት የማይቻል ግብ ነው!
…
9) ነፍስ በኩራት ስትሞላ ጎደሎ የመሆኗ መገለጫ ነው!
…
10) ኩራተኛ ሰው ተራራ ጫፍ ላይ ሆኖ ሌሎችን ትንሽ አድርጎ እንደሚያይ ነው ነገርግን እሱንም ትንሽ አድርገው እንደሚያዩት አያውቅም!
…
11) ብዙ ጊዜ በጉጉት ከምንጠብቀው ይልቅ ድንገት የምናገኛቸው ነገሮች ውብ ናቸው እኛ ከለፋነው ጌታ የፃፈው መልካም ነውና!
…
12) ግኡዝ የሆኑት ውሃና አፈር ለእፅዋት አግልጋይ ናቸው ፤ እፅዋቶች ደግሞ ለእንስሳት ያገለግላሉ እንስሳት ፣እፅዋትና ግኡዛን ደግሞ የሰውን ልጅ ያገለግላሉ ... በተቃራኒው የሰው ልጅ ወደታች ወርዶ ለግኡዛን አገልጋይ (አምላኪ) መሆን ከጀመረ ያኔ ከነሱ የባሰ ይሆናል።
…
13) ብዙ ሰው ልጅ ለዘለዓለም እንደሚኖር ሆኖ ይለፋል አንድ ቀን ሳያልፍለት ይሞታል!
…
14) በሕይወት ትልቁ ስኬት የሕይወትን ትርጉም ማግኘትና አላማ ያለው ኑሮ መኖር ነው፡፡

👇👇👇👇👇 Join us 👇👇👇👇👇

http://t.me/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

03 Sep 2021 19:45

"ብልህ ሰው የትም ቢሆን መፍትሔ አያጣም!"
⛏⛏⛏⛏⛏⛏⛏⛏⛏⛏⛏⛏⛏
በአንድ ከተማ የሚኖር አንድ በእድሜ የገፋ ሰው ነበር፡፡ በጓሮው በሚገኘውን ማሳ ቆፍሮ ድንች መትከል ፈልጎ እርጅና ተጫጭኖታልና አቅሙ አልፈቀደለትም፡፡ ሊረዳው የሚችለው ብቸኛ ልጁ ደሞ እስር ቤት ነው የሚገኘው፡፡ እናም አባት ለልጅ እንዲህ የሚል ደብዳቤ ፃፈ፡፡
፡
"ውዱ ልጄ ምንም ጥሩ ስሜት አየተሰማኝ አይደለም፤ ምክንያቱም የድንቹን ማሳ መቆፈር አልቻልኩም፡፡ አለመቆፈሬን አልወደድኩትም፤ ምክንያቱም እናተህ አትክልት በጣም ነበር የምትወደው፡፡ አንተ እስር ቤት ባትሆን አውቃለሁ ትቆፍርልኝ ነበር ፤ አባትህ"
፡
በቀጣዩ ቀን አባት አጠር ያለ ፁሁፍ ደረሳቸው፡፡ "በፈጣሪ ስም ይዤካለው አባ ጓሮውን እንዳትቆፍረው፤ ሽጉጡን የቀበርኩት እዚያ ነው"
፡
ከሰዓታት በኀላ በደርዘን የሚቆጠሩ የFBI መርማሪዎችና ፖሊሶች የሽማግሊውን ጓሮ በሙሉ በቁፋሮ ምስቅልቅሉን አወጡት፤ ነገር ግን ምንም ሽጉጥ እዛ አልነበረም፡፡
፡
አባት በጣም ግራ በመጋባት አጠር አድርገው ለልጃቸው ምን እንደተፈጠረ እና ቀጣይ ምን ማድረግ እንዳለባቸው ፃፉለት፡፡
፡
ልጅ "አሁን ድንችህን ትከል አባ፤ ከዚህ ሁኜ ላደርግልህ የምችለው ነገር ቢኖር ይህን ብቻ ነው" ብሎ ፃፈላቸው፡፡

ያለንበት ነባራዊ ሁናቴ እኛን ሊወስነን አይገባም!📡📡 📡 📡

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

02 Sep 2021 16:19

አሜሪካንን እና ሶቪየት ህብረትን መክተው የመለሱት አፍጋኒስታኖች: አለማችን ሀይል ከተሞላበት ወረራ ምን ተማረ?

በቅርብ አመታት ሀያላኑን አሜሪካን እና ሶቪየት ህብረትን በጦር መክተው ከመለሱ ጥቂት ሀገራት መሀል አፍጋኒስታን ቀዳሚዋ ሀገር ስለመሆኗ ብዙ የታሪክ ፀሀፊዎች ይስማማሉ፣ አዲስ ታሪክ ደግመው ሰሞኑን እንደፃፉ ብዙዎቻችን በቴሌቭዥን መስኮት ተመልክተናል።

ሶቪየት ህብረት እ.አ.አ ከ1979- 1989 የቆየ የአስር አመት ጦርነት አፍጋኒስታን ላይ አካሂዳ በመጨረሻም ሽንፈትን ተጎንጭታ ወጥታለች። የአፍጋን ሙጃህዲኖች በወቅቱ በአሜሪካ፣ ፓኪስታን፣ ኢራን፣ ሳውዲ አረቢያ እና ሌሎች ሀገራት ድጋፍ ግዙፉን የሶቭየት ጦር መንቀሳቀሻ አሳጥተው በመጨረሻም ጥሎ እንዲወጣ አስገድደዋል። በዚህ ጦርነት እስከ 2 ሚልየን አፍጋኖች ህይወታቸውን እንዳጡ ይገመታል።

ከ9/11 ጥቃት በሗላ ደግሞ ሀያሉ የአሜሪካ ጦር አፍጋኒስታን ላይ ወረራ አካሄደ። ምክንያት? ሀገሪቱን በወቅቱ ይመራው የነበረው ታሊባን የአልቃይዳ መሸሸግያ ነው በሚል። ለሀያ አመታት የቆየው ይህ ጦርነት አሜሪካንን ከሁለት ትሪሊየን ዶላር በላይ ያስወጣ ሲሆን በመቶ ሺዎች ለሚቆጠሩ ሰዎች ህይወት መጥፋት ምክንያት ሆነ። በቅርቡ እንዳየነው እና እንደሰማነው አሜሪካ 'አሳፋሪ' ተብሎ በተነገረ መልኩ ሀገሪቱን ጥላ ወጥታለች።

የቅርብ ግዜ ምሳሌ የሆነችውን አፍጋኒስታንን አቀረብኩ እንጂ በብዙ ግዜያቶች ከፍተኛ የጦር አቅም ያላቸውን ወራሪዎች መክታ የመለሰችው ሀገራችን ኢትዮጵያም ዋናዋ ተምሳሌት ናት።

ታድያ ሀያላን ሀገራት ከዚህ ምን ተማሩ?

ለዚህ የራሴ የሆነ መልስ የለኝም፣ ነገር ግን የአሜሪካም ሆነ የሶቪየት ህብረት የጦር ሀይል ብዛት የህዝብን ቆራጥ ውሳኔ ሊያንበረክክ እንደማይችል ጥሩ ማሳያ ይመስለኛል።

ⓒኤልያስ መሰረት

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

26 Aug 2021 14:37

ስሟ የጠፋው አህያ
# Ethiopia | አህያ፤ በረሐ ውስጥ እስከ 60 ማይል እርቀት፤ የሌላውን አህያ ጩኸት መስማት የምትችል ፍጡር ናት፡፡
ዛሬ ዛሬ፤ ጉርብትና እየጠፋ ጎረቤት ጎረቤቱን መስማት ባቆመበት ዘመን ወዳጁን ከ60 ማይል መስማት ከሚችል ፍጡር በላይ ምን ወዳጅነት አለ፡፡
የአህያ ጆሮ፤ ይህ ብቻ አይደለም ጥቅሙ፡፡ ዐፄ ኃይለ ሥላሴ፤ ተናገሩት የተባለውን ነገር የሚያረጋግጥልን ነገርም አለው፡፡ ንጉሡ፤ ወደ ደብረ ዘይት ሲሄዱ የአየር ንብረት ዘገባ በሬዲዮ ይሰማሉ፡፡
ቀኑ ፀሐይ ነው የሚል ነው ትንበያው፡፡ ንጉሡም ይህንን አምነው ወደ ደብረ ዘይት ያመራሉ፡፡ መንገድ ላይ ግን አንድ ገበሬ አህያውን እያስሮጠ ሲሄድ ያዩታል፡፡
ንጉሡም "ምነው አህያዋን ታስሮጣታለህ" ይሉታል፡፡ ገበሬውም "ዝናብ ሊመጣ ስለሆነ ነው።" ይላቸዋል፡፡ ንጉሡም "እንዴት ዐወቅህ?" ይሉታል፡፡ ገበሬውም "አህያዋ ጆሮዋን ጥላለች" ይላቸዋል፡፡
እርሳቸውም ገርሟቸው ይሄዳሉ፡፡ እልፍ እንዳሉም የአየር ትንበያው የተናገረው ፀሐይ ቀርቶ ገበሬው የተናገረው ዝናብ መጣ ይባላል፡፡
የአህያ ጆሮ የአየር ንብረትን በተመለከተ ለአህያዋ ሁለት ነገር ይጠቅማታል፡፡ በአንድ በኩል የውስጧን የሙቀትና የቅዝቃዜ ሁኔታ ለመጠበቅ ሲያገለግላት፣ በሌላ በኩል ደግሞ የአካባቢውን የአየር ሁኔታ ገምግማ ርምጃ ለመውሰድ እንድትችል ያግዛታል፡፡ አህያ እንደነፈረስ ዝናብ የሚችል ቆዳ የላትም፡፡ ያላት ዝናብ መምጣቱን ዐውቆ እንድትጠለል የሚመክር ጆሮ ነው፡፡
ከፈጣሪ ካገኘችው አደጋን ቀድማ የመገመት ችሎታ ጋር ተጨምሮ ጆሮዎቿ የአካባቢውን ቀጣይ የአየር ሁኔታ ዐውቃ ሰውነቷን ለማዘጋጀት እንድትችል ያደርጓታል፡፡
ባይሆን አህያ በሆዳምነት መታማቷ እውነት ሳይሆን አይቀርም፡፡ አህያ እስከ 40 የሚደርሱ ጨጓራዎች እንዳሏት ስትሰሙ ኡኡ ማለታችሁ አይቀርም፡፡ የአሁኑ ይባስ እንድትሉ ሁለት ነገሮች እንጨምር፡፡ አህያ በእድሜ በገፋች ቁጥር የጨጓራዋን መጠን እየጨመረችው ትሄዳለች፡፡ እድሜ ለዐርባ ጨጓራዎቿ 18 ኪሎ ካሮት እምሽክ ለማድረግ አንድ ሰዓት አይፈጅባትም፡፡
እስካሁን በአህዮች ታሪክ ከፍተኛውን ጨጓራ ያስመዘገበችው የኡዝቤክስታን አህያ ናት፡፡ 59 ጨጓራ አስመዝግባለች፡፡ አንድ አህያ እግዜርን ካልፈራች፤ 2722 ኪሎ ምግብ በዓመት ትፈጃለች፡፡ እንኳን የሸመተ ያረሰም አይችልሽ ማለት አሁን ነው፡፡
የአህያን መሥዋዕትነት ብነግራችሁ ግን ‹ትብላ፣ ደግ አረገች› ትሏታላችሁ፡፡ የአህያ መንጋ የቡድን መሪ አለው፡፡ ጠራጣራዋ አህያ አደጋ ሊመጣ መሆኑን ከጠረጠረች አካባቢዋን ታስሳለች፡፡ ቀጥላም የአደጋውን አቅጣጫ ታረጋግጣለች፡፡ ከዚያም አደጋው በመጣበት በኩል ራስዋን ታሠማራለች፡፡
በመጨረሻ አደጋውን ትጋፈጣለች፡፡ የአህያ መሪ አደጋውን ስትጋፈጥ ሌሎቹ በቂ ጊዜ አግኝተው ከአካባቢው ይሸሻሉ፡፡ በመሪዋ መሥዋዕትነት ሌሎቹ ይተርፋሉ፡፡ መሪ ማለት እንዲህም አይደል? ራሱን ሠውቶ ሕዝቡን የሚታደግ?፡፡
የ አ ህ ያ መ ሪ ይ ስ ጠ ን!!
ሙሐዘ ጥበባት ዲያቆን ዳንኤል ክብረት

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

23 Aug 2021 23:32

⭕️አስገራሚ ታሪክ!!... ይነበብ!!⭕️

✅ ወጣቱ ልጅ የመጀመሪያ ደረጀ ት/ቤት አስተማሪውን በሆነ ሰርግ ላይ ያየዋል። ሮጦ ሄዶ በትህትናና በአድናቆት ሰላም ካለው በኃላ አስተማሪውን "አስታወስከኝ ወይ?" አለው።አስተማሪውም ግራ በመጋባት ውስጥ ሆኖ "ይቅርታ አላስታውስህም እንዴት እንደተዋወቅን ልትነግረኝ ትችላለህ?" አለው፤ወጣቱም ልጅ እንዲህ እያለ ተረከለት "3ኛ ክፍል እያለን ያንተ ተማሪ ነበርኩ፤ታዲያ አንድ ቀን የክፍል ጓደኛዬን ቆንጆና ልዩ የሆነውን የእጅ ሰዓቱን ሰርቄበት ነበር።እሱም እያለቀሰ ሄዶ የእጅ ሰዓቱ እንደተሰረቀበት ላንተ ሄዶ ይናገራል፤አንተም መጥተህ ልትፈትሸን ሁላችንም ክፍል ውስጥ ያለን ልጆች አይናችንን ጨፍነን እጃችንን ከፍ አድርገን ፍታችንን ወዴ ግድግዳ ኣዙረን እንድንቆም አዘዝከን።በዛን ጊዜ እኔ የፍተሻውን ውጤት እያሰብኩ በጣም ተረበሽኩ፤የሚገባበትን አጠሁ።አስበው ሰዓቱ በኔ ኪስ ውስጥ ተገኝቶ ሁሉም ተማሪ ሌባ እያለ ስሰድበኝ፤ ግቢ ውስጥ መጠቋቆሚያ ሲሆን፤ከት/ቤት ተባርሬ ወላጅ አምጣ ስባልና ወላጆቼ ይሄን አሳፋሪ ድርግቴን ስሰሙ።በዚህ ጭንቅ ውስጥ እያለሁ የፍተሻው ተራ ደርሶ እጅህ ወደ ኪሴ ስገባና ሰዓቱን ቀስ አድርገህ ከኪሴ ስታወጣ ተሰመኝ፤በቃ መጥፎ ዜናው ልነገር ነው አለቀልኝ ብዬ ስጠባበቅ አንተ ግን ምንም ሳትል የመጨረሻው ልጅ እስክትደርስ ፍተሻውን ቀጠልክ።ፍተሻውም ስያልቅ አይናችሁን ግለጡና ወደየቦታችሁ ተመለሱ አልከን።እኔ ግን መልሰህ ታስቆመኛለህ ብዬ መቀመጡን ፈራሁ።በጣም የሚገርመው አንተ ሰዓቱን አውጥተህ ለባለቤቱ መለስክለት፤ግን ከማን ኪስ ውስጥ እንዳገኛህና ማን እንደሰረቀበት ምንም አልተናገርክም ነበር።በት/ቤት ቆይታዬም ምን እንደተፈጠራ ማንም አላወቀብኝም ነበር፤አንተም ምንም ብለሃኝ አታውቅም።እኔ ግን ስሜንና ክብሬን እንዳደንክና ስብዕናዬ እንደጠበክልኝ ዛሬም ድረስ አስታውስሃለው።አንተም ይሄን ታሪክ ቶሎ ትረሳለህ ብዬ አልገምትም አሁንስ አስታወስከኝ?" አለው።አስተማሪውም በመገረም ውስጥ ሆኖ "ትንሽ ትንሽ አስታውሳለው በማን ኪስ ውስጥ እንዳገኛሁ ግን አላስታውስም፤ ምክንያቱም እኔም ስፈትሻችሁ የነበረው አይኔን ጨፍኜ ነበር!!"አለው።
⭕️ በህይወታችን ለሚናከናውናቸው ነገሮች ሁሉ ጥበብ ያስፈልገናል።እንደ አስተማሪ እንደ ወላጅ እንደ መሪ...ወዘተ ለአንዳንድ ነገሮች አይናችንን መጨፈን አለብን ምክንያቱም ሁሉም ጥፋቶች በቅጣት ብቻ አይታረሙም!!!!

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

19 Aug 2021 21:43

እኔ: ጌታዬ ጥያቄ ልጠይቅህ?

ፈጣሪ: ትችላለህ፤ ጠይቀኝ ።

እኔ: ዛሬ ይሄ ኹሉ ችግር እንዲደርስብኝ ለምን ፈቀድክ? ዛሬ እንደማትወደኝ ገባኝ

ፈጣሪ: ልጄ፣ ዛሬ ምን መጥፎ ነገር ደረሰብህ?

እኔ: ዛሬ ስንት የስራ ቀጠሮ እያለኝ አርፍጄ ተነሳሁ ይሄ ሳያንስ እየሮጥኩ ታክሲ ለመያዝ ስከቹል መኪና ጭቃውን ረጭቶኝ ልብሴ ተበላሸ፡፡ በፍጥነት ወደ ቤት ተመልሼ ልብሴን ቀይሬ ስመጣ ደግሞ የታክሲው ሰልፍ እረጅም ኹኖ ጠበቀኝ ።

ፈጣሪ: እሺ ሌላስ?

እኔ: በመንገድ እያለሁ ስልኬ ዘጋ?

ፈጣሪ : እሼ ልጄ አሁን ሁሉንም ላብራራልህ ፡፡ ዛሬ ጠዋት ከእንቅልፍህ ስትነሳ የሞት መልአክ በቤት መጥቶ ነበር እኔ ግን በሕይወት እንድትኖር አንዱን መልአኬን ልኬ ላንተ እየተዋጋልህ ነበር፡፡ ይሄ እስኪያልፍ እንቅልፍ ጣልኩብህ

እኔ : እሺ 😔

ፈጣሪ፡ ታክሲ ቶሎ እንዳትይዝ ያረኩት ደግሞ የምትሄድበት ቦታ ቀድመክ ከደረስክ ሊደበድቡህ ስለነበር ያስረፈድኩህ ብዙ ሰዎች እስኪሰበሰቡ ድረስ ነው፡፡

እኔ : እሺ 😔

ፈጣሪ: ስልክህ እንዲዘጋ ያረኩት ደግሞ ለአንተ በሀሰት ደውለው ከዛ ንግግርህን በመቅዳት በፍርድ ቤት ሊከሱህ የፈለጉ ሰዎች ስለነበሩ ከነሱ ልጠብቅህ ነው፡፡

እኔ: ጌታ ሆይ እባክህ ይቅር በለኝ😢

ፈጣሪ: እሺ ልጄ ግን በማረገው ነገር ኹሉ እኔን እመነኝ ፡፡ ላንተ የማደርገው ኹሉ ለመልካም ነው፡፡

እኔ: አምንሀለው ጌታዬ

ፈጣሪ: እኔ ላንተ ያለኝ ሀሳብ ካንተ ሀሳብና እቅድ በላይ እንደሆነ አትጠራጠር፡፡

እኔ: አልጠራጠርም ጌታዬ ዛሬ ስለሆነው ነገር ኹሉ አመሠግናለሁ ፡፡ እንደምትወደኝ አሁን አወኩ።

ስለመልካምነቱ ፈጣሪያችንን እናመስግን!
መልዕክቱን ለሌሎችም እናጋራ።
መልካም አዳር ይሁንላችሁ ‼️

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

17 Aug 2021 00:38

What is happening in Afghanistan is shocking and unbelievable.
During the last two decades, America and its allies have destroyed the country. This is the outcome of inviting the US into an internal matter.
ኢትዮጵያውን ለእኛ ትልቅ መልዕክት ነው ::

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

13 Aug 2021 18:35

…………💚

ቻርሊ ቻፕሊን ኦና የተባለች ወጣት ጋር ለመጋባት በወሰነ ጊዜ ዕድሜዋ 17 የሱ ደግሞ 34 ነበር። እንዲህ አላት

"የምንጋባው እኔ እንዴት መኖር እንዳለብሽ ላስተምርሽ፤ አንች ደግሞ እንዴት መሞት እንዳለብኝ ልታስትምሪኝ ነው።"

እሷም

"አይ አደለም ቻርሊ ። የማገባህ ብስለት ማለት ምን ማለት እንደሆነ ልታስተምረኝ እኔ ደግሞ እስከመጨረሻው እንዴት ወጣት ሆነህ እንደምትዘልቅ ላሳይህ ነው።"አለችው።

ተጋቡ። ቻርሊም ምርጥ ባል ሆነ። በ88 ዓመቱ እስኪሞት ድረስ ምርጥ የትዳር ዓመታትን አብረው አሳለፉ።

ካነበብኩት. . . .

. . . . ደሞ ይሄን አነበብኩ ብለሽ . . . አርባ ቤት ሂጂና ………. አንተም አስራ ውረድና ( የለውበትም😁)

💚በሉ በሰላም ውስጥ እደሩ!
/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

31 Jul 2021 19:36

⭕️የበታችነት ስሜትን የማሸነፊያ መንገዶች

👉 ማንም ከበታችነት ስሜት ጋር የተወለደ ወይም የሚወለድ ሰው የለም፡፡ የበታችነት ስሜት ተፈጥሮአዊ ሳይሆን በአካባቢ ተጽእኖ የሚመጣ ውጤት ነው፡፡ በሌላ አነጋገር ሰዎች ስለራሳቸው የበታችነት ስሜት እንዲሰማቸው ከአካባቢያቸው ይማራሉ፡፡ የተማሩትን ነገር ደግሞ ትተው፣ አዲስ ነገር መማር ይችላሉ ማለት ነው፡፡ ስለዚህ የበታችነት ስሜት ሊለወጥ የሚችል አስተሳሰብ ነው፡፡

እያንዳንዱ ሰው በተፈጥሮ እንዲሁም ካደገበት አካባቢ አንጻር ልዩ በመሆኑ የበታችነት ስሜትን የሚያሸንፍበት አንድ ወጥ የሆነ አካሄድ ላይኖር ይችላል፡፡ ሆኖም በዚህ ዓይነት ችግር ውስጥ ያሉ ሰዎች ከዚህ በታች የተጠቀሱ ምክሮችን ተግባራዊ ቢያደርጉ ስለራሳቸው ጤናማ/ትክክለኛ የሆነ እይታ ሊያሳድጉ ይችላሉ፡፡

➊ በሌሎች ሰዎች አስተያየት ላይ ጥገኛ አለመሆን

በልጅነት ወቅት አንድ ነገር ሰርተን፣ ወላጆቻችን ወይም ትልልቆች ብለን የምናስባቸው ሰዎች ጥሩ ነው፣ ትክክል ነው፣ ጎበዝ .… እንዲሉን እንፈልጋለን፡፡ በጎልማሳነት ጊዜ እንዲህ ያለውን የልጅነት ወቅት ባህርይን መተው አስፈላጊ ነው፡፡ ከሰዎች ተገቢውን አስተያየት መጠየቅና ስራችንን መገምገም ጠቃሚ ቢሆንም፣ በእነርሱ አስተያየት ላይ ጥገኛ መሆን ዞሮ ዞሮ ለራሳችን ያለንን አመለካከት ይጎዳል፡፡

➋ ራሳችንን ከአሉታዊ አስተሳሰቦች መለየት

በተቻለ መጠን ራሳችንን/ ማንነታችንን በአእምሮአችን ውስጥ ከተከማቸው አሉታዊ አስተሳሰብ መለየት አለብን፡፡ በሌላ አነጋገር በእነዚያ አሉታዊ አስተሳሰቦች ራሳችንን መመዘን ስንተው፣ እነዚያ አስተሳሰቦች ኃይል ያጣሉ፡፡ በእርግጥ ከእኛ ጋር ለረጅም ጊዜ የቆዩ ከሆኑ፣ ከእነርሱ ጋር ዝምድና ስለፈጠርን በቀላሉና ቶሎ ላይሄዱ/ላይለዩን ይችላሉ፡፡ ሆኖም ከእነርሱ ጋር ላለመኖር ከወሰንን፣ ቀስ በቀስ ስፍራውን ይለቃሉ፡፡ በእነርሱ ስፍራ ደግሞ ተገቢ የሆኑ ሃሳቦችን እናስገባለን፡፡ እነዚያ ቀስ በቀስ ገብተው ስፍራ እንደያዙ ሁሉ፣ አዲሱና መልካም የሆነው አስተሳሰብም ዕድል ከሰጠነው ቀስ በቀስ ወደ አእምሮአችን ገብቶ ሥፍራውን ይይዛል፡፡

➌ በውድቀታችን ራሳችንን ከመኮነን ከውድቀታችን መማር

ስህተት የማይፈጽም ሰው የለም፡፡ ልዩነት የሚያመጣው ስህተታችንን የምናስተናግድበት ሁኔታ ነው፡፡ በስህተታችን ራሳችንን እየወቀስን የምንሄድ ከሆነ፣ ራሳችንን ለመቀበል እንቸገራለን፡፡ ከስህተታችን ተምረን ወደፊት ማሻሻል የሚገባንን ነገር የምናስብ ከሆነ ደግሞ ራሳችንን ተቀብለን ወደፊት እንሄዳለን፡፡ ስለሆነም በህይወታችን በእኛም ሆነ በሌሎች ሰዎች በደረሰቡን ችግሮች፣ ውድቀቶች፣ አለመሳካቶችና መልካም ያልሆኑ ነገሮች ሁሉ ራሳችንን እንዲሁም ሌሎች ሰዎችን ከመኮነን፣ ከክፉ ነገሮች መልካምን ነገር ተምረን ወደፊት መሄድ የተሻለ አማራጭ መንገድ ነው፡፡

➍ ራሳችንን በፉክክር ውስጥ አለማስገባት

እያንዳንዱ ሰው ልዩ ሆኖ የተፈጠረ ፍጡር ነው፡፡ በእያንዳንዱ ሰው ውስጥ ያለው እምቅ ችሎታ አንድ ዓይነት ላይሆን ይችላል፡፡ እያንዳንዱ ሰው ያደገበትና ያለበት ዓውድ ልዩነት አለው፡፡ ስለዚህ ከሌሎች ጋር ሁልጊዜ መፎካከርና ራሳችንን ከሌሎች አንጻር ከመገመት ይልቅ እኛ ዘንድ ያለውን መልካም ነገር በመለየት በተሻለ መንገድ መጠቀም የምንችልበትን መንገድ መቀየስ ይረዳናል፡፡ ከሌሎች ሰዎች ስኬት፣ ብርታት፣ መልካም ነገሮች፣ አሸናፊነት ለራሳችን መልካም ቁምነገሮችን መማር እንችላለን፡፡ ስለዚህ የፉክክር የህይወት ዘይቤን በመተው ከሌሎች መማርን መልመድ ጠቃሚ ነው፡፡

➎ ስጦታችንን በመለየት ማሳደግ

እያንዳንዱ ሰው ስጦታ እንዳለው ሁሉ እኛም ስጦታ አለን፡፡ ስለዚህ በውስጣችን ያለውን እምቅ ችሎታ፣ ፍላጎታችንንና ምቹ ሁኔታዎችን በመለየት ስጦታችንን በዕውቀትና በክህሎት ማሳደግ እንችላለን፡፡ ጎበዝ በሆንበት ወይም መስራትና መሆን በምንፈልገው ጉዳይ ላይ የበለጠ ዕውቀትና ክህሎትን በማጎልበት የበለጠ ፍሬያማ መሆን እንችላለን፡፡ በችሎታችን ራሳችንና ሌሎች ሰዎችን መጥቀም ስንችል ደግሞ እርካታና ደስታን እናገኛለን፡፡ ለሰዎችም አንድ በጎ ነገር ማድረግ መቻላችን ደግሞ ስለራሳችንም በጎ አስተሳሰብ እንዲኖረን ያግዘናል፡፡

➏ ባለሙያን ማማከር

እንግዲህ ራሳችንን የመቀበል ችግር ሲኖረን በአብዛኛው ከበጎ ነገር ይልቅ በህይወታችን ውስጥ ባሉ ድክመቶች፣ ጉድለቶችና ስህተቶች ላይ ትኩረት እናደርጋለን፡፡ የበታችነት ስሜት መንስኤ የሆኑ ነገሮችን ለይቶ ማወቅ ተገቢውን መፍትሔ ለመፈለግ እጅግ ያግዛል፡፡ ምክንያቶቹ ከሰው ወደ ሰው የተለያዩ ሊሆኑ ይችላሉ፡፡

ራሳችንን የማንቀበል ከሆነ እኛው ለራሳችን ጠላቶች ሆንን ማለት ነው፡፡ ሁልጊዜ ከራሳችን ጋር እንጣላለን፡፡ ጠላትን በውስጣችን ተሸክመን እንዞራለን ማለት ነው፡፡ ስለዚህ ራሳችንን በመቀበል በሰላም በመኖር የበታችነት ስሜትን ማስወገድ እንችላለን!

➐ ገንቢ ያልሆኑ መንገዶችን መተው

በሰዎች ዘንድ ተቀባይነት ለማግኘት እንዲሁም ስለራሳችን ጥሩ ስሜት እንዲሰማን እንከን የለሽ ስራዎችን ለመስራት ጥረት ማድረግ የማይጠቅም አካሄድ ነው፡፡ ማንም ሰው በንግግሩና በስራው ፍጹም መሆን አይችልም፡፡ ስለዚህ ይህን ዓይነት መንገድ መከተል የበለጠ ራስን ለውድቀት ብሎም ለበለጠ የበታችነት ስሜት እንዲሰማን ሁኔታዎችን ማመቻቸት ይሆናል፡፡

በቅናት መንፈስ ውስጥ ሆኖ ከሌሎች ሰዎች በልጦ ለመገኘት ጥረት ማድረግ የበታችነት ስሜትን አያጠፋም፡፡ ጤናማ ያልሆነ ፉክክር በማሸነፍና በመሸነፍ ሚዛን ውስጥ ያስገባናል፡፡

ብዙ ጊዜ በአሉታዊ ነገሮች ላይ ትኩረት ማድረግ የበታችነት ስሜታችን እንዲኖር እንዲሁም እንዲያድግ ያደርጋል፡፡

ከሌሎች ሰዎች በችሎታ፣ በብቃት፣ በትምህርት ደረጃ፣ በገንዘብና በሌሎች ነገሮች እኩል ብንሆን ስለራሳችን ያለን አስተሳሰብ በጎ እንደሚሆን ማሰብ ሁልጊዜ ትክክል አይደለም፡፡ ስለዚህ ትኩረት መደረግ ያለበት ደረጃን በማሻሻል ላይ ሳይሆን በማንኛውም ደረጃ ላይ ብንሆን ራሳችንን ተቀብለን መኖር መማር ላይ ነው፡፡ ስለራሳችን ያለንን አሉታዊ ስሜት ማስወገድ ይገባናል፡፡
©Zepsychology
/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

29 Jun 2021 16:45

በኢትዮጵያ እና ኩባ መሀል የተቀመጠው ቢል ጌትስ!

'Not Enough' የተባለ ፕሮጀክት የዛሬ አመት ገደማ የአለማችን ሀብታሞችን የገንዘብ መጠን ከሀገራት አመታዊ ጥቅል ምርት (GDP) ጋር አነፃፅሮ ነበር። በውጤቱም በወቅቱ የአለማችን ሁለተኛ ሀብታም የነበረው እና የማይክሮሶፍት ኩባንያ መስራቹ ቢል ጌትስ በኢትዮጵያ እና ኩባ መሀል ተቀምጧል።

ይህም ማለት የቢል ጌትስ ሀብት ኢትዮጵያን ጨምሮ የሌሎች 115 ገደማ ሀገራትን አመታዊ ጥቅል ምርት ይበልጣል ማለት ነው፣ የቢል ጌትስ ሀብት አሁን ላይ ወደ 127 ቢልዮን ዶላር ይገመታል። ቁጥር አንድ ሀብታም የሆነው (የአማዞን ዶት ኮም እና የዋሽንግተን ፖስት ባለቤት) ጄፍ ቤዞስ ደግሞ የ118 ሀገራትን አመታዊ ጥቅል ምርት የሚበልጥ ሀብት አካብቷል።

በነገራችን ላይ የኮሮና ቫይረስ መከሰት ለሚሊዮኖች አበሳ እና ስቃይ ቢሆንም ለአለማችን ሀብታሞች ግን ሲሳይ እንደሆነ ተነግሯል። ለምሳሌ ጄፍ ቤዞስ ባለፈው የፈረንጆች አመት ብቻ 75 ቢልዮን ዶላር ያገኘ ሲሆን አጠቃላይ ሀብቱ ወደ 188 ቢልዮን ዶላር ተመንድጓል።

የኛንም ህይወት ፈጣሪ እንዲህ ያስመንድግልን፣ አሜን🙏
አሊያስ መሰረት

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

01 Dec 2021 18:19

አትሌት ሀይሌ ገብረስላሴ! የፕሮፖጋንዳ ጥይት የማይበሳው ስብእና፡፡ (በድሉ ዋቅጅራ)

ምእራባውያን የብዙሀን መገናኛዎች የአትሌት ሀይሌ ገብረስላሴን፣ ‹‹እዘምታለሁ!>> ማለት አምነው መቀበል ከብዷቸዋል፤ አሸብሯቸዋልም፡ ለምን?

ምእራባውያኑ ጠ/ሚንስትሩን ከአሜሪካው የህዳሴ ግድብ ደርድር ማቋረጥ ጀምሮ በጎን፣ ከትህነግ ጋር ጦርነት ከተጀመረ ወዲህ ደግሞ በግልጽ የፕሮፓጋንዳ ዘመቻ አጠልሽተዋቸዋል። በሀሰት ዜና እየሰሩ፣ ያልተደረገ ተደረገ እያሉ፣ የዘር አጥፊ፣ ጨፍጫፊ አድርገው ለአለም ህዝብ አቅርበዋቸዋል፡ ስለሆነም የእሳቸው ‹‹እዘምታለሁ!›› ማለት፣ ለእኛ እንጂ ልእልናው፣ለእነሱ ጠጨማሪ የፕሮፖጋንዳ መሳለቂያ ግብአት ነው፡፡

ሀይሌ ገብረስላሴን ግን ያውቁታል! የትኛውም ፕሮፖጋንዳ ሊንደው አይደለም ሊሸነቁረው አይችልም፡ ከልጅነት እስከ እውቀቱ አለም ያውቀዋል፤ ትልልቆቹ ጣቢያዎች ዘጋቢ ፊልም ሲሰሩለት፣ ጋዜጠኞቹ ለቃለመጠይቅ ሲጋፉለትና ሲጠላለፉት ኖረዋል፡ ሀይሌን በኦሎምፒክ አደባባይ ባንዲራው ላይ ከተተከሉ አይኖቹ እንባ ጉንጮቹን አቋርጦ ሲንጠባጠብ አለም ተመልክቷል፡ ሀይሌ ላለፉት ሶስት አስርታት የኢትዮጵያን ቀለም ለብሶ የአትሌቲክስ ደማቅ ምልክት ሆኖ አለም አይቷል፡ ሀይሌን አለም የሚያውቀው ከሀይሌነቱ በላይ በኢትዮጵያዊነቱ፣ ከተፈጥሯዊው ጥቁርነቱ በላይ በአረንጓዴ፣ ቢጫና ቀይ ብሄራዊ ቀለሙ ነው፡፡ እና ያውቃሉ! ይህ ስም ምንም የፕሮፓጋንዳ ጥይት እንደማይበሳው፤ ይህን የሶስት ቀለም ጥምረት ምንም የጵሮፓጋንዳ በረኪና እንደማያስለቅቀው ያውቃሉ። . . . . ሀይሌ ብቻውን የምእራባውያኑን ሚዲያ፣ አፍቃሪ ትህነግ መንግስታት፣ በገንዘብ የተገዙ የፖለቲካ ደላሎች፣ . . . በአጠቃላይ የኢትዮጵያ ላይ አፍስሶ ለማቃጠል ዘይት ጥደው ሲያንተከትኩ የነበሩት ላይ ሁሉ፣ ምድጃቸው ላይ በረዶ ከልሶበታል፡

በተለይ ደግሞ፣ ከቀበሌና ወረዳ ስልጣን የተነሱ፣ ወይም ለውጡ ባስከተለው ነውጡ ጥቂት ጥቅም የቀረባቸው፣ ‹‹ኢትዮጵያ ትበተን!>> እያሉ በሚያላዝኑበት በዚህ ወቅት፣ ሀይሌ ባለፉት ሶስት አመታት የወደመበትንና ያጣውን የምናውቅ ኢትዮጵያውያን፣ የሀይሌን <<ለኢትዮጵያ እዘምታለሁ፣ እሞታለሁ!›› ስንሰማ፣ የስብእናው ልእልና በግላዊ ጥቅም ማጣት እርሾ መነሾ የማይጎብጥ መሆኑን እንገነዘባለን፡፡
እናም እናከብርሀለን ሀይሌ!
ዶክተር በድሉ ዋቅጅራ

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

01 Oct 2021 00:26

✅ ነገሩ እንዲህ ነው!
“የጫካው ንጉስ” የምንለው አንበሳ የሩጫ ፍጥነቱ በሰዓት 80ኪ.ሜ ነው፡፡ ሌላኛዋ የዱር እንስሳ ሚዳቆ (Gezalle) ደግሞ
በሰዓት 97 ኪ.ሜ የመፍጠን አቅም አላት፡፡ ነገር ግን አንበሳ ሚዳቆን አሳዶ ለመያዝ ብዙም አይቸገርም፡፡ ሜዳቆም በአንበሳ ጥፍሮች እና መንጋጋ ስር ለማደር ደቂቃዎች ይበቋታል፡፡
ይህ እንዴት ሊሆን ቻለ? አንበሳ በሩጫ ፍጥነት ከታዳኙ ያነሰ ሆኖ ሳለ እንደምን ደርሶ ግዳዩ ሊያደርጋት በቃ? ታዳኚቱስ
በሩጫ ፍጥነት ከአዳኟ በእጅጉ የተሸለች ሆና ሳለ እንደምን የአዳኟ ሲሳይ ለመሆን በቃች?
✅ ነገሩ እንዲህ ነው !
ሚዳቆ ምንም እንኳ ከአንበሳ የተሻለ የመፍጠን አቅም ቢኖራትም ይህን ማንነቷን ግን በአግባቡ አታውቅም ወይም
አትጠቀምበትም፤ የወጣላት ፈሪ ናት፤ ሁሌም አንበሳ አድኖ እንደሚይዛት ታምናለች፤ ይህ ፍርሃት ወለድ እምነቷ በርሷ እና በአዳኟ መካከል ያለውን ርቀት በየሰከንዱ እየዞረች እንድታይ ያስገድዳታል፤ ይህም ከፍጥነቷ የተወሰነውን ይቀንስባታል፡፡እናም አያ አንበሶ ለቀም አድርጎ የህይወቷን ፍጻሜ ያፋጥነዋል፡፡የፈሪ መጨረሻ እንዲህ ነው፡፡ የራሱን አቅም ሳይሆን “ጠላቴ” ብሎ ያመነውን አካል ደረሰብኝ አልደረሰብኝ እያለ እድሜውን በስጋት ይፈጃል፡፡ ፈሪ ቢችልም አይችልም፤ ምክንያቱም መሄድ የሚችለውን ርቀት ሳይሆን “አሳዳጄ ነው" ብሎ የፈረጀውን አካል ኮቴ ነው የሚያጠናው፡፡ ፈሪ ድንጉጥ ነው፤ ፈሪ እንዲሆን ያደረገው ልምሻነቱ ተቀናቃኙ የበረታ በመሰለው ቁጥር ሁሉ ያባንነዋል፡፡ እናም ጥንካሬውን በሌሎች ድክመት ውስጥ ማግኘት የፈልጋል፡፡ ሮጦ ማምለጥ ሲያቅተው የሚያሯሩጠው አካል እንዲቆምለት ይመኛል፡፡ እሱ እንዲቀድም ሌላው መዘግየት አለበት፡፡ እሱ እንዲታወስ ሌላው መረሳት አለበት፤እሱ እንዲገን ሌላው መኮሰስ አለበት፡፡ ይህ ነው የፈሪ ህይወት፡፡
እሜቴ ሚዳቆ የቸገራት ሮጦ ማምለጥ ሳይሆን አያ አንበሶ ደረሰብኝ አልደረሰብኝ እያለች አስሬ ስትደነግጥ አቅሟንም ወኔዋንም ማጣቷ ነው፡፡ አቅሙን የሚያውቅ አይፈራም አይደነግጥም፡፡
እናም ውድድርህ ከአንበሳ ጋር ከሆነ እንደሚዳቆ አታስብ!
ትበላለህ!

http://t.me/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

28 Sep 2021 18:53

✅ ወላጆች በልጆቻቸው ፊት መጠቀም የማይገባቸው ቃላት ‼️


ልጆች የዛሬ አበባዎች የነገ ፍሬዎች እንደ መሆናቸው መጠን የዕለት ተዕለት ዕድገታቸውን የሚያቀላጥፍ ማንኛውም ነገር ችላ ሊባል አይገባም፡፡ በተመሳሳይ መልኩ ወላጆች በልጆቻቸው ፊት አስተውለው ፤ መርጠውና ተጠንቅቀው የማይጠቀሟቸው ጸያፍና ባዕድ ቃላት በሂደት የልጆቻቸው በራስ መተማመን እንዲያሽቆለቁልና ስለዓለም የሚኖራቸው እይታ እንዲንሸዋረር ትልቅ ሚና ይጫወታል፡፡ ከዚህ በታች ወላጆች በልጆቻቸው ፊት ማለት የማይገባቸውን 9 ቃላት እንመለከታለን፡፡

1. ዝጋ!
 በስነ ምግባር የታነጸ ልጅን ማሳደግ ቀላል አይደለም ነገር ግን ወላጆች ስሜታቸውን ሳይቆጣጠሩ በብስጭትና በንዴት ልጃቸውን ማናገር አይጠበቅባቸውም፡፡ ልጆች ወላጆቻቸው በቃላት እየነገሩ ከሚያስተሙሯቸው ነገረ ይልቅ የእነሱን ምግባር አይተው የሚማሩት ነገር ይበልጣል፡፡

2. ትምህርት ይደብራል፡፡
 ወላጆች የልጆቻቸው የመጀመሪያዎቹ መምህራን እንደመሆናቸው መጠን ልጆቻቸው በምንም ዓይነት መልኩ ትምህርት መጥላት የሚችሉበትን ቀዳዳ መክፈት የለባቸውም፡፡ ልጆቻቸው መምራኖቻቸውን በማመን ከመማር ማስተማር ሂደቱ ጋር ተላምደው እንዲሄዱ ማድረግ ግድ ይላል፡፡ ወላጆቻቸው የጠሉትን ነገር ልጆቻቸውም ይጠላሉ፡፡

3. ሞት እንቅልፍ አንደ መተኛት ነው፡፡ ልጆች ከዕድገታቸውና ከዕድሜአቸው አንጻር አንዳንድ ጉዳዮችን በቀላሉ ለመረዳት ይቸገራሉ፡፡ ልጆቻቸውን ለማስፈራራትም ይሁን በእነሱ ጥያቄ መሠረት ሞትን ከእንቅልፍ ጋር አመሳስለው ከነገሯቸው ልጆች በሚመሽበት ሰዓት ወደ መኝታ ቤት መሄድን ስለሚፈሩ ወላጆች ለልጆቻቸው የማይመጥናቸውን ነገር ባይነግሯቸው ይመረጣል፡፡

4. እስቲ አየዋለሁ፡፡
 ወላጆች ለልጆቻቸው ማድረግ የማይችሉትን ነገር በቀጥተኛ ንግግር ሊነግሯቸው ይገባል፡፡ እሺም እንቢም ሊሆን የሚችል ነገር መናገር በወላጆችና በልጆች መካከል ሊኖር የሚገባውን መተማመን ይቀንሳል አልያም ያጠፋል፡፡ ስለዚህ እንዳንዴ እቅጩን መናገር ትልቅ ጠቀሜታ ስለሚኖረው ልጆች አንድን ነገር የተከለከሉበትን ምክንያት በቀላሉ እንዲረዱ ያስችላቸዋል፡፡

5. ወይኔ ወፍሬአለሁ!
 ወላጆች በልጆቻቸው ፊት ስለ ውፍረትና ክብደት መጨመር እያነሱ የሚጨነቁ ከሆነ በልጆቻቸው ጤናማ አመጋገብ ላይ ተጽእኖ ይፈጥራሉ፡፡ ወላጆቻቸው ብዙ በመብላት ነው የወፈሩት ብለው ስለሚያስቡ እንደ ወላጆቻቸው ላለመሆን ሲሉ የተዛባ የአመጋገብ ስርዓት እንዲከተሉ ማለትም ከምግብ እንዲታቀቡ ይገፋፋቸዋል፡፡

6. አትፍራ!
 ልጆች ደፋርና አካባቢያቸውን በደንብ እንዲያውቁ አድርጎ ማሳደግ ትልቅ ችሎታ ነው፡፡ ነገር ግን ወላጆች በደፈናው ልጆቻቸውን ምን መፍራት እንዳለባቸውና እንደሌለባቸው ሳያሳውቋቸው በደፈናው አትፍሩ ማለት ልጆችን ወደ አደጋ ቀጠና እንደመገፋፍት ስለሚቆጠር አግባብነት ያለው ድፍረት ልጆችን ከአደጋና ለአደጋ ተጋላጭ ከመሆን ይታደጋቸዋል፡፡

7. ወይኔ በትኩሳት ነደሃል/ነደሻል፡፡ ልጆች ከአዋቂዋች ጋር ሲነጻጸሩ በቀላሉ ለበሽታ ተጋላጭ ናቸው፡፡ ስለዚህ ወላጆች ልጆቻቸው በሚታመሙበት ወቅት በፍጹም ስለ በሽታቸው መጠን መንገር አይጠበቅባቸውም ምክንያቱም ህክምና ከተከታተልን ህመማችን ይባባሳል ብለው ስለሚያስቡ፡፡ አልያም ከበሽታው ይልቅ ስነ-ልቦናዊ ጫናው ያይልባቸዋል፡፡

8. የብልግና ቃላትን መጠቀም፡፡
 ወላጆች ልጆቻቸው ጸያፍና የብልግና ቃላትን እንዳይጠቀሙ ከፈለጉ በመጀመሪያ ወላጆች እራሳቸው አንደበታቸውን ከጸያፍ ቃላት መቆጠብ ይጠበቅባቸዋል፡፡ ስም ይነሳል ከቤት ይደርሳል ጎረቤት እንደሚባለው፡፡

9. ደደብ ነህ/ሽ
 ወላጆች ልጆቻቸውን በቁመት ያነሱ በአእምሮ ግን ትልልቅ ሰዎች አድርገው የሚስሏቸው ከሆነ ልጆቻቸው ስህተትን በሚሰሩበት ሰዓት ዘለፋና ወቀሳ ያወርዱባቸዋል፡፡ ልጅነት ወድቆ መነሳት ስለሆነ ልጆችን ደደብ ብሎ መሳደብ በፍጹም አያስፈልግም፡፡ እንዲሁም ልጅ ተሳስተው እየተማሩ ሲያድጉ ነው ደስ የሚለው ፍጹምነትን ከመጠበቅ ይልቅ፡፡

(በአንቶኒዮ ሙላቱ)
http://t.me/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

16 Sep 2021 17:35

ደስተኛ ለመሆን የሚረዱ 10 የሕይወት መርሆዎች!

1."እራስህን ከሌላ ሰው ጋር አታፎካክር!"

ሁላችንም እንደ አሻራችን ሁሉ ባህሪያችን እና ፍላጎታችንም በጣም ይለያያል። ደስታን ከሚያጠፉ ምክንያቶች አንደኛው እራስን ከሰው ጋር ማፎካከር ነው። አሳ ደስታዋን እንደ ወፍ በሰማይ ልፈልግ ብትል፤ወፍ ደግሞ እንደ አሳ በውሃ ውስጥ ልፈልግ ብትል፤ ሁለቱም ሳይደሰቱ ይቀራሉ። ስለዚህ ደስታህን በራስህ መለኪያ ለካው። አንተ በሌሎች ስትቀና ሌሎችም ባንተ እንደሚቀኑ እወቅ።

2."አትኩሮትህን በሌለህ ነገር ላይ ሳይሆን ባለህ ነገር ላይ አድርገው!"

የጎደለህ ምንድን ነው?
☞ያለህስ ምንድን ነው?
☞ብታመዛዝነው የቱ ይበልጣል? ብዙዏቻችን ሃሳብ እና አትኩሮቶቻችን በሌለን ነገር ላይ ስለሆነ፤ ያለንን ነገር ሳንጠቀምበት እንቀራለን። ደስተኛ ለመሆን ሁሉም ነገር ሊኖርህ አይገባም። በደንብ ካስተዋልከው አሁን ያለህ ነገር ደስተኛ ለመሆን በቂ ነው። ምክንያቱም አንተ ያለህን የሚመኙ ምስኪኖች ብዙ ናቸውና።

3."እራስህን ሁን!"

በዚህ ምድር ላይ ሌላውን ለመምሰል እንደመሞከር ከበድ ነገር ምን አለ? ሌላውን ለመምሰል ስትሞክር፤ የምትጣላው ከሰው ጋር ሳይሆን ከገዛ እራስህ ጋር ነው። እናም እራስህን አታስቀይመው፤ እውነተኛ ወዳጆችህ አንተን ባንተነትህ ይቀበሉሃል…..ከምንም በላይ እራስህን በመሆን ከራስህ ጋር ሰላም ፍጠር፤

4."ሁሉን ለማስደሰት አትሞክር!"

አንድ ነገር ስታደርግ ሰዎች ደስ እንዲላቸው ብለህ ሳይሆን ትክክለኛ እና አንተ ያመንክበት ነገር ስለሆነ ይሁን። በዚህ ምድር ላይ ምንም አይነትጻዲቅ ሰው ብትሆን እንኳን ሁሉንም ሰዎች ማስደሰት አትችልም። ስለዚህ የምታደርጋቸው ነገሮች ከህሊናህ ጋር እስከተስማሙ ድረስ በቂ ነው። ለሰው ሳይሆን ለህሊናህ ኑር።

5.የውሸት ደስታን አትፈልግ!"

በውሸት ደስታና በእውነተኛ ደስታ መካከል ትልቅ ልዩነት አለ። የውሸት ደስታ፤ ጊዜያዊ በሆኑና ከውጪ በምናገኛቸው ነገሮች የሚመጣ ነው። ሃዘናችንን ለጊዜው የሚጋርድ ጊዜያዊ ማስታገሻ፤ እውነተኛ ደስታ ግን ሃሳባችን፤ አላማችን፤ ምግባራችን ሲጣመር የሚፈጠር ስሜት ነው። ሃዝን እና መከራችንን ሳንደብቅ የምንጽናናበት ደስታ፤

6."ማንን እንደምታገኝ አታውቅምና ለሁሉም ሰው ቅንሁን!"

ከመንገደኛው አንስቶ እስከ ቅርብ ወዳቻችን ድረስ፤ ሰዎች በኛ ላይ ትልቅ አስተዋጽዎ አላቸው። በህይወትህ የምታሰፍራቸው ነጥቦች ሁሉ በኋላ ላይ ተያይዘው መስመር መስራታቸው አይቀርም። የተናቀው ድንጋይ የማዕዘን ራስ ይሆናል ተብሏልና ሰዎችን አትናቅ። በየትኛውም አጋጣሚ ለምታገኛቸው ሰዎች ትክክለኛውን ነገር አድርግ፤

7."መለወጥ የማትቻለውን ነገሮችን ተቀበላቸው!"

ብዙሰዎች ጭንቀት ውስጥ የሚገቡት መለወጥ የማይችሏቸውን ነገሮች ለመለወጥ ስለሚጥሩ ነው። ምንም እንኳን በህይወታችን ውስጥ አብዛኛው ነገሮች ላይ ስልጣን ቢኖረንም፤ መለወጥ የማችላቸው ነገሮች አሉ። ከአቅምህ በላይ በሆኑ ነገሮች እራስህን አታስጨንቅ። ከአቅምህ በላይ የሆነውን ነገር ለአምላክህ ለእግዚአብሔር ስጠው።

8. "የራስህ እውነተኛ ወዳጅ ሁን!"

ምንም እንኳን ሰዎች በአንተ ቢያምኑብህም እና ቢመኩብህም ፤ አንተ በገዛ እራስህ ካላመንክ ህይወትህ ምንም ዋጋ የለውም። ከሰዎች ፍቅር በላይ የራስህ ፍቅር ወሳኝ ነው። የሚገርመው ሰዎች እራሱ ሊወዱህ የሚችሉት አንተ በመጀመሪያ እራስህን መውደድ ስትችል ነው። እራስህን በደንብ ተንከባከበው። ሲያጠፋ ይቅር በለው፤ ሲደክም አበርታው፤ ሲሳካለት አሞካሸው። ላንተ ካንተ የቀረበ ማን አለህና?

9."መልካም አስብ መልካም ተናገር!"
<>~ ~<> <>~ <>
በመጀመሪያ ሰው ያስተሳሰቡ ውጤት መሆኑን እመን፤ አሁን የምንኖረው ህይወት ያመለካከታችን እና ያስተሳሰባቸን ውጤት ነው። ይህን ካወቅክ አስተሳሰብህን በጥንቃቄ አጢነው። ደስተኛ ለመሆን የተመረጠ አስተሳሰብ ሊኖርህ ይገባል።

10."ለምን እንደምትኖር እወቅ!"

ህይወት ማለት የተሰጠህን ሃላፊነት ለመጨረስ የተሰጠችህ ጊዜ ናት። ሃላፊነትህ ምንድንነው? በህይወትህ ማድረግ የምፈልገው ነገር ምንድን ነው? መልሱ ካወቅክ ለህይወት ያለህ አመለካከት ይለወጣል።

Source:- Health Insurance Network


http://t.me/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

10 Sep 2021 00:09

⭕️ ይቺን ለቅምሻ
39 አመት ሙሉ በየቀኑ ምግብ የምታበላው እሷ ነበረች፤ በእጆቹ ለመጉረስ አልታደለምና ለባለፉት አራት አስርት አመታት ያለመሰልቸት ገላውን የምታጥበው፣ ፅዳቱን የምትጠብቅለት ይህቺው የልጆቹ እናት ነች፤ ሙሉ ሰውነቱ አይታዘዝለትምና የልደት ቀኑን፣ ትዳር የመሰረቱበትን አመታዊ መታሰቢያ፣ የአባቶች ቀን እና በአላትን በየአመቱ ሻማ ለኩሳ ኬክ ቆርሳ የምታከብርለትም እሷ ውሀ አጣጪው ነበረች፤ የማስታወስ እድል አልነበረውምና ይህ ሁሉ ሲሆን እሱ አይናገርም፤ አይሰማም፤ አይንቀሳቀስም፤ ራሱን ሳያውቅ፥ ሳይነቃ ለ39 አመታት የአልጋ ቁራኛ ነበር ከዚህ ሁሉ በፊት..... ዣን ፒየር አዳምስ ሴኔጋል ዳካር ተወለደ፤ በአስር አመቱ ከአያቱ ጋር ፈረንሳይ ሄደ፤ ጥንዶች በማደጎ ለማሳደግ ወሰዱት፤ ካቶሊክ ትምህርት ቤት ገባ፤ የጉርምስና እድሜውን ለአካባቢው ቡድኖች እግርኳስ በመጫወትና ፋብሪካ ውስጥ በመስራት አሳለፈ ኳስ ማንከባለሉን ገፍቶበት ለሀገሪቱ ታላላቅ ክለቦች ለኒምስ፣ ኒስ፣ ፒኤስጂ፣ ሙልሀውስና ቻሎን ክለቦች እንዲሁም ለፈረንሳይ ብሄራዊ ቡድን በተከላካይነት ተጫወተ በግል ህይወቱ ከወይዘሮ ቤርናዴት ጋር ትዳር መሰረተ፤ እሱ ጥቁር እሷ ነጭ ስለነበሩ ጅማሬያቸው ፈተና አላጣውም፤ የቀለም ጫናውን ተቋቁመው ፍቅር ያሸንፋል ብለው ሁለት ወንድ ልጆችን አፈሩ፤ ለ13 አመታት በዣን ፒየርና በቤርናዴት አዳምስ ቤት በደስታና ሳቅ የታጀበ የሚያስቀና ፍቅር ነገሰ ከ39 አመት በፊት ማርች 17/1982 አዳምስ የጉልበት ቀዶ ጥገና ለማድረግ ሆስፒታል ገባ። ሆኖም ከመጠነኛ የጉልበት ህመም ውጪ ጤነኛ የነበረውና እየተራመደ ሆስፒታል የደረሰው ፈርጣማው ተከላካይ በተለማማጅ የህክምና ባለሙያዎች ስህተት ምክንያት ራሱን ስቶ ኮማ ውስጥ ገብቶ ሰውነቱ አልታዘዝ ብሎት በአልጋ እየተገፋ ቤቱ ተመለሰ፤ እናም ለባለፉት 39 አመታት ኮማ ውስጥ ቆየ፤ ደስተኛው ቤተሰብ ውስጥ ሀዘን ገባ የቤቱ እመቤት ግን..... ተስፋ አልቆረጠችም፤ ጥላው አልጠፋችም፤ አዲስ ትዳር አላሰበችም፤ የሀኪሞች፣ የቤተሰብ፣ የወዳጅ ምክርና ጊዜሽን አታባክኚ ሀሳብ ውሳኔዋን አላስቀየራትም። አልጋ ላይ የተኛው የትዳር አጋሯን መንከባከብ የሰርክ ስራዋ ሆኖ ለ15ሺህ ቀናት ያህል ከጎኑ ሳትለይ አስታመመችው። ለባለቤቴ፥ ለልጆቼ አባት ተፈጥሮአዊ ሞት ብቻ ነው የምፈቅድለት ብላ ለ39 አመት በፅናት ከአጠገቡ ቆመች ፤ ወጣትነቷን፣ ጉልምስናዋን ብሎም እርጅናዋን ለፍቅር በታማኝነት አስረከበች ትናንት ግን.... ዣን ፔዬ አዳምስ በ73 አመቱ ህይወቱ አለፈ፤ የእድሜውን ግማሽ ያህል ራሱን ስቶ ኮማ ውስጥ ስለነበር አለም ላይ ምን እንደተፈጠረ አያውቅም፤ የእሱ አለም ባለቤቱ ነበረች፤ ሁሉም ሲረሱት ለ39 አመት አጠገቡ የነበረችው ሚስቱ ትናንትም ለመጨረሻ ጊዜ ሲያሸልብ የፍቅር ሀያልነትን በተግባር አሳይታ ተሰናበተችው። የትዳር አለም መጠሪያዋን የባሏን ስም እንደያዘችና እንዳስጠራች ወይዘሮ ቤርናዴት አዳምስ እንደተባለች አንድም ቀን ሳትለየው የቤቱን አባወራ ወደ መቃብር ሸኘችው። ለዚህች የእውነተኛ ፍቅር ምልክት የፅናትና የታማኝነት ተምሳሌት ምን ስያሜ እንስጣት ይሆን?
(ታምሩ ዓለሙ)

http://t.me/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

04 Sep 2021 16:55

ሰው መሆን በቂ ነው!

አንድ ቀን አንድ ሰው በድንገት በአንድ ጉድጓድ ውስጥ ወደቀና መውጣትም አልቻለም፡፡ ከብዙ ጥረት በኋላ ደክሞት በጉድጓዱ መካከል ቁጭ እንዳለ …

• ከንፈር መጣጭ ሰው አየውና - “ሁኔታህን ሳስበው በጣም በሃዘን እሞላለሁ” ብሎት ሄደ፡፡

• ተመራማሪ ሰው አየውና - “ይህ ጉድጓድ ከተማ መሃል ሆኖ ሰው መውደቁ አያስደንቅም” ብሎት ሄደ፡፡

• ፈራጅ ሰው አየውና- “ክፉ ሰዎች ብቻ ናቸው እንደዚህ ሊወድቁ የሚችሉት” ብሎት ሄደ፡፡

• ነጭናጫና አጉረምራሚ ሰው አየውና- “እኔ ወድቄ የነበረበትን ጉድጓድ አላየህ” ብሎት ሄደ፡፡

• አነቃቂ ንግግር አስተማሪው አየውና- “በራስህ ብታምን ከዚህ ትወጣለህ” ብሎት ሄደ፡፡

• ዘረኛ ሰው አየውና - “የምን ሃገር ሰው ነህ?” በማለት ከጠየቀው በኋላ የእርሱን ቋንቋ ስላልተናገረ ጥሎት ሄደ፡፡

•ውሸተኛ የሀይማኖት ሰው አየውና - " የኔ እምነት ተከታይ ብትሆን አወጣህ ነበር " ብሎት ሂደ፡፡

• በመጨረሻ ይህንን ሁሉ ድራማ ሲመለከት የነበረ አንድ ጨዋ ጎልማሳ ሰው ከብዙ ጥረት በኋላ እየሳበ አወጣው ፡፡


ከዚህ ታሪክ ምን እንማራለን? በእርግጥ ሰውነት ከሁሉ ይበልጣል ፡፡



join us
👇
http://t.me/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

02 Sep 2021 16:30

በኮሮና ቫይረስ የተያዙ ስዎች ቁጥር በዕጥፍ ጨምሯል፤ የጽኑ ህሙማን ቁጥርም በየቀኑ እያሻቀበ ነው‼️

የዛሬ ሪፖርት
⭕️# 17 ሰው ሕይወቱ አልፏል ።
⭕️# 1,217 ሰዎች በቫይረሱ ተይዘዋል ።
⭕️ # 620 ሰዎች በፅኑ ህክምና ላይ ናቸው።

⭕️ በ 24 ሰዓታት ውስጥ በተደረገ 7,278 የላቦራቶሪ ናሙና ምርመራ 1,217 ሰዎች በኮሮና ቫይረስ መያዛቸው ተረጋግጧል።

⭕️ በአጠቃላይ እስካሁን በቫይረሱ የተያዙ ሰዎች ቁጥር 309,351 ደርሷል።



⭕️ እባክዎን ራስዎን እና ቤተሰብዎንና ከኮቪድ -19 ይጠብቁ!

ማስክ ያድርጉ፣ ከመሰባሰቦች ይቆጠቡ፣ አካላዊ ርቀትዎንና የእጅ ንፅህና ምንግዜም ይጠብቁ ዘንድ እናሳስባለን ።

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

30 Aug 2021 17:39

⭕️ አእምሮ የሌለዉ ሕዝብ ሥርአት የለዉም፡፡ሥርአት የሌለዉ ሕዝብም የደለደለ ኃይል የለዉም፡፡የኃይል ምንጭ ሥርአት ነዉ እንጅ የሠራዊት ብዛት አይደለም፡፡ሥርአት ከሌለዉ ሠፊ መንግሥት ይልቅ በህግ የምትኖር ትንሽ ከተማ ሞያ ትሠራለች፡፡

(ነጋድራስ ገብረ ሕይወት ባይከዳኝ)

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

25 Aug 2021 19:35

ስማኝ ልጄ‼️

፩. ጠንካራ ሰው ሁን ማለት አትውደቅ ማለት አይደለም ወድቀህ መነሳትንም ልመድ ማለት እንጂ!!!!

፪. ዝም በል ማለት አትናገር ማለት አይደለም ሌሎችን ለመስማት ጆሮ ስጥ ማለት እንጂ!!!!

፫. ሆዳም አትሁን ማለት አትብላ ማለት አይደለም በሰው ሀቅ አትለፍ ማለት እንጂ!!!!

፬. አትቆጣ ማለት ስሜት አይኑርህ ማለት አይደለም ከቁጣ ቶሎ ተመለስ ማለት እንጂ!!!!

፭. ይቅርታ አድርግ ማለት አልተጎዳህም ማለት አይደለም በሆድህ ቂም መያዝ ሌላ ጉዳት ስለሆነ እንጂ!!!!

፮. ጠላትህን ውደድ ማለት ጠላት ጥሩ ነው ማለት አይደለም ከጥላቻ ይልቅ ፍቅር ስለሚያሸንፍ!!!

፯. ደስተኛ ሁን ማለት ሁሉ ይኑርህ ማለት አይደለም ባለህ ነገር ደስ ይበልህ ማለት እንጂ!!!!

፰. ስራህን ውደድ ማለት የምትሰራው ስራ ጥሩ ነው ማለት አይደለም ነገ ጥሩ ስራ እንዲኖርህ ዛሬ የምትሰራውን ስራ ውደድ ማለት እንጂ!!!!

፱. ወረኛ አትሁን ማለት አታውራ ማለት አይደለም ምንም ስለማታውቀው ነገር አታውራ ማለት እንጂ!!!!

፲. ትሞታለህ ማለት አትስራ ማለት አይደለም ምንም ቁም ነገር ስትሰራ አትሙት ማለት እንጂ!!!!

፲፩. ብቸኛ አትሁን ማለት ሮጠህ ትዳር ያዝ ማለት አይደለም ልብህን ግዜህን ያለህን ሁሉ አሳልፈ ለመስጠት ዝግጁ ሁን ማለት እንጂ!!!!

፲፪. እውነተኛ ሁን ማለት ሰዎች ባሉበት ብቻ እውነትተናገር ማለት አይደለም ለራስህም የእውነት ኑሮ ኑር ማለት ማለት እንጂ!!!!

፲፫. አትጣላ ማለት ከሰው ጋር አትኑር ማለት አይደለም ቂም ይዘህ አትቆይ ማለት እንጂ!!!!

፲፬. ኩራተኛ አትሁን ማለት አትዘንጥ ማለት አይደለም ሌሎችን አትናቅ ማለት እንጂ!!!

፲፭. ቆንጆ ነህ ማለት ከሌሎች የተሻልክህ ነህ ማለት አይደለም አምሮብሃል ማለት እንጂ!!!!

፲፮. አዋቂ ሁን ማለት እንደገና ት/ቤት ሂድ ማለት አይደለም ብልህ ሁን ማለት እንጂ!!!
©ከFb የተገኘ


/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

22 Aug 2021 17:25

እና የመጨረሻው ዘመን ላይ አልደረስነም ነው የምትሉኝ ወገን!
መወራረድ ይቻላል
ይህ በፎቶው ላይ የሚታየው ሴኔጋላዊ ሰው፣ ልክ ነቢዩ ሙሴ እስራኤላውያንን ባህር ከፍሎ እንዳሻገራቸው አይነት ክስተት ነገ ለማድረግ ቀጠሮ ይዟል።
ይህንን ለማመን የሚያስቸግር ክስተት ለመዘገብ በርካታ የሚዲያ ተቋማትን ጋብዟል። እሱ ባለው መሠረት ባሕሩን ወደ ሁለት እኩል ክፍሎች ከከፈለ በኋላ አፍሪካውያን ወደ አውሮፓ ለመሰደድ በባህር ላይ ሌላ ነገር ከመጠቀም ይልቅ ከዚህ በኋላ በደረቁ መሬት ላይ በመሄድ አውሮፓ መግባት እንደሚችሉ ገልጿል።
ዝናብ ይምጣ ወይም ፀሀይ ብቻ ይህንን ክስተት ለመመልከት ሁላችንም ቦታው ላይ መገኘት አለብን ብሏል። ነገ አውሮፓውያን ሁሉም ነገር ይቻላል ብለው ያምናሉ፣ ምክንያቱም ባህሩ ለሁለት ከተከፈለ በኋላ ሁላችንም በእግር ወደ አውሮፓ እየሮጥን እንገባለን ብሏል።
(ኢንሳይድ አፍሪካ ላይ የሰፈረ ጽሁፍ ነው)

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

17 Aug 2021 21:54

⭕️ መራር_እውነታዎች ‼️

⛔️ ምንም ነገር ለዘላለም አይቆይም፡፡ ችግሮችህ፣ የከበቡህ ሰዎች፣ ስራህ፣ ትዳርህ እና ግንኙነቶችህ ሁሉ ለጊዜዉ ነዉ፡፡ የሁሉም ነገር ፍፃሜ የሆነ ቀን ላይ ሲሆን ታየዋለህ፡፡ በህይወቴ ሁሉ አብረዉኝ ይኖራሉ ያልካቸዉ ነገሮች እንኳን ሳይቀሩ ሲፈረካከሹ ታያቸዋለህ።

⛔️ለሁሉም ነገር ተራ አለዉ፡፡ ሰዉን ብትጠቅም ጊዜዉን ጠብቆ አምላክህ ይከፍልሃል፡፡ ብትጎዳም እንዲሁ። በሰፈርከዉ ማንነት ጊዜዉ ሲደርስ ትሰፈራለህ።

⛔️ማንም ሰዉ ስላንተ አይጨነቅም፡፡ 20 ፐርሰንቱ ብቻ ስላንተ ሲጨነቁ (እነሱም የቅርብ ጓደኞችህና ቤተሰቦችህ መሆናቸዉን አትዘንጋ) 80 ፐርሰንቱ ግን ኑር አትኑር አንዳች ቅንጣት ስላንተ አያስቡም፡፡ ችግሮችህን ለነዚህ ለ 80 ፐርሰንት መናገር እራስህን ማባከን ነዉ ምክንያቱም ችግርህ ለነሱ ምናቸዉም አይደለምና! የራሳቸዉ ጉዳይ ብቻ ያሳስባቸዋልና ቆጠብ በል።

⛔️ሰዎች በህይወትህ ይመጣሉ ደግሞም ይሄዳሉ፡፡ አንድ ቀን ለብቻህ ሰዉ በሌለበት ልትሞት ትችላለህና ሰዎችን አትደገፍ።

⛔️ከ5-6 የልብ የምትላቸዉ ሰዎች በቀር ፌስቡክ ላይ ያሉት የጓደኛ ጋጋታ ምንም አይጠቅሙህም፡፡ ብትሞት እንኳ ቀብርህ ላይ የማይመጡ ብዙዎች መሆናቸዉን እወቅ።

⛔️የስራ አለቃህ እንድታድግና የተሻለ ቦታ እንድትይዝ ሊመኝ ይችላል ግን መቼም እንድትበልጠዉ አይፈልግም፡፡ ምንም ሽልማትና ጭብጨባ ቢበዛልህ ከሱ እንደምትበልጥ ካሰበ አንተን ለመገፍተር ወደኋላ አይልም።

⛔️98 ፐርሰንቱ ሰዉ መቼ እንደተወለድክ እንኳን አያዉቅም (2 ፐርሰንቱ መቼም እነማን እንደሆኑ መገመት አያቅትህም)፡፡ ካላመንከኝ ሞክረህ እየዉ!

⛔️የዉሸት ጓደኞችህ የተሻለ ህይወት እንድትመራ በፍጹም አይፈልጉም፡፡ ነገሮች መልካም ሲሆኑ የሚሰበሰቡ ሰዎች ሊያስገርምህ አይገባም! አንድ ቀን ህልምህ 'ወለም' ብሎ ካዩ እጃቸዉን ቀስረዉ ይስቁብሃል፡፡ የዛኔ ያልሳቁብህን የልብ ጓደኞችህ አድርጋቸዉ።

⛔️ገንዘብ ያለዉና ፀዳ ብሎ የሚመላስን ሰዉ ብዙዎች ሲያከብሩት ትመለከታለህ ፡፡ የማያዉቅህ እንኳን ቢሆን ፀዳ ካልክበት ሊያከብርህ ሲዳዳዉ ታየዋለህ።

⛔️ለሰዎች ምክር መስጠት በጣም ቀላል ነዉ ነገር ግን ምክርን ወደተግባር መቀየር ከባዱና አስቸጋሪዉ ነገር ነዉ፡፡ አንዳንዴ ሰዉን ካለበት ማጥ ለማዉጣት ካሰብክ ከምክር በላይ የሆነ ስብዕና ሊኖርህ ይገባል፡፡

⛔️አንድ ዉሸታም ጓደኛህ ከ 100 ጠላትህ ጋር እኩል ጥፋት ያደርሳል፡፡ ጠላቶችህን ተከታተላቸዉ ጓደኞችህን ደግሞ በጣም ተከታተላቸዉ።

⛔️ነገሮች መልካም እንዲሆኑና እንዲሳኩ ያለ የሌለ ጥረትህን አድርገህ ሳይሳካልህ ቀርቶ ይሆናል፡፡ ይሄ ያንተ ደካማነት ሳይሆን ህይወት እንዲህ አይነት ገፅታም ስላላት ነገሩን ተቀበለዉ።

⛔️ለመወደድ ልዩ ሰዉና ሁሉንም ሞካሪ መሆን አይጠበቅህም፡፡ እንዳንዴ ሰዉ ሁሉ ባይወድህ እንኳን ይሄ ምንም ማለት እንዳልሆነ ተረዳ፡፡

⛔️በሰዎች መጠላትንም ቀለል አድርገህ ዉሰደዉ ምክንያቱም እንዴት እራስህን ማሳደግ እንዳለብህ ማጤን ወሳኙ ነገር ሲሆን የሰዎችን ስሜት እያዳመጥክ ከፍና ዝቅ እያልክ መኖር አይጠበቅብህም፡፡

⛔️የራስህ አስተሳስብ ይኖርሃል፡፡ ሌሎችም እንዲሁ...ሰዎች በሀሳብህ አለመስማማታቸዉ አንተነትህ ላይ የሚያመጣዉ ነገር የለም፡፡ ሃሳብህን ለማሳመን የሰዎችን አስተሳሰብ ረጋግጠህ አትዉጣ፡፡ የሰዎችን ሃሳብ አክብር ሰዎችም ሃሳብህን እንዲያከብሩ አድርግ።

⛔️ይቺ አለም የምትፈልግህ ጠቃሚ ነገር አንተ ጋር እንዳለ ስታምን ብቻ ነዉ፡፡ ባጠቃላይ አለም እራስ ወዳድ ናት።

⛔️ሰዎች ስለ ደስታ አጋነዉ ሲያወሩ ትሰማ ይሆናል፡፡ በኣጭሩ ደስታ ማለት ስሜትህ ሳይሆን አእምሮህ ያለበት ሁኔታ ነዉ፡፡ ደስተኛ ሆነህ በሰዎች ልትጎዳ ትችላለህ፡፡

⛔️ህይወት እኩል አይደለችም፡፡በሆነ ነገር ጎበዝ ብትሆን ካንተ የበለጠ በጣም ጎበዝ ሰዉ አለ...እኩልነት ዉሸት ነዉ፡ ስለዚህ በመኖርህ ብቻ ተደሰት፡፡

/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

16 Aug 2021 21:24

የጎብኚዎች ስብስብ በሀይቁ መኀል በተንሳፋፊ ነገር የአዞ እርባታ ይጎበኛሉ። የእርባታው ጌታ "ሀይቁን ዋኝቶ ለወጣ የ10 ሚሊዮን ዶላር ሽልማት እሰጣለሁ" ብሎ አምባረቀ። ፀጥታው ሰፈነ።
ድንገት ግን አንድ ሰው ወደ ሀይቁ ዘለለ፣ አዞዎችም አሳደዱት፣ ነገር ግን እንደ ዕድል ሳይጎዳ ተረፈ። ባለቤቱ "አሸናፊ ሰው አግኝተናል" ሲል አወጀ።
ሽልማታቸውን ከወሰዱ በኋላ እሱና ሚስትዬው ወደ ክፍላቸው ተመለሱ። ሰውዬው "ከኋላ ተገፍቼ እንጂ በራሴ አልዘለልኩም" ብሎ ለሚስቱ ነገራት።
ሚስትም ፈገግ፣ ቀዝቀዝ ብላ "እኔ ነበርኩኝኮ" አለችው።
Moral of the story: "ከያንዳንዱ ስኬታማ ወንድ ጀርባ፣ ዘወትር በትንሹ ገፋ የምታደርገው ሴት አለች"
It is just for fun. Don't take a serious!
/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

13 Aug 2021 02:01

"ዴልታ የተሰኘው አዲሱ የኮሮና ቫይረስ ዝርያ ወደ ኢትዮጵያ መግባቱን ለማረጋገጥ የምርመራ ስራዎች ተጀምረዋል"--- የጤና ሚኒስትር ዶክተር ሊያ ታደሰ

በኢትዮጵያ ባለፉት ሶስት ሳምንታት በኮቪድ 19 ወረርሽኝ ተይዘው ወደ ህክምና ተቋማት የሚገቡ ህሙማን ቁጥር የ 2 ነጥብ 6 ጭማሪ ማሳየቱ ተገለፀ፡፡ የጤና ሚኒስትር ዶክተር ሊያ ታደሰ በሰጡት መግለጫ÷ ሳምንታዊ አማካይ የሞት መጠን ደግሞ ከ13 ወደ 36 አድጓል ብለዋል፡፡

በተያያዘም 3ኛው ዙር የኮሮና ቫይረስ የስርጭት ማዕበል እየጀመረ መሆኑን የሚያሳይ አመላካች ነገሮች አሉ ነው ያሉት፡፡ ዴልታ የተሰኘው አዲሱ የኮሮና ቫይረስ ዝርያም ወደ ኢትዮጵያ መግባቱን ለማረጋገጥ የምርመራ ስራዎች መጀመራቸውን ያነሱት ሚኒስትሯ ውጤቱ በአጭር ቀናት ይፋ ይደረጋል ብለዋል፡፡
#fbc
/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

30 Jul 2021 01:29

# ሰውየው አንድ ትልቅ በሬ አርዶ የብረት ምድጃዉን ለኩሶ ለልጁ እንዲህ አለው "የምንወዳቸውን እና የምናከብራቸዉን ጎረቤቶቻችን # አብረውን እንዲበሉ ሄደህ ጥራቸዉ።”
# ልጁ ወደ ጎዳና ወጥቶ እንዲህ ሲል መጮህ ጀመረ “እባካችሁ የአባቴ ቤት በእሳት ስለተያያዘ ለማጥፋት እርዱን ድረሱልን!" ከጥቂት ጊዜ በኋላ ጥቂት ሰዎች መጡ ሌሎቹ የእርዳታ ጩኸቱን እንዳልሰሙ ሆነዉ ቀሩ። የመጡ ሁሉ ግን በሉ ጠጡ።
# ባየዉ ነገር የተደናገጠው አባት ወደ ልጁ ዞሮ እንዲህ አለ "የመጡትን ሰዎች እኔ አላውቃቸውም ከዚህ በፊትም አይቼአቸዉ አላውቅም ስለሆነም ወዳጆቻችን ቤተሰቦቻችን እና የሥራ ባልደረቦቻችን የት አሉ?"
# ልጁም "ከቤታቸው ወጥተዉ የመጡት ሰዎች ቤታችን ላይ የተነሳዉን እሳት ለማጥፋት ጩኸት ሰምተዉ ሊረዱን እንጂ በቤታችን የተዘጋጀዉን ፓርቲ ሊካፈሉ አይደለም። ግብዣችን እና እንግዳ ተቀባይነታችን የሚገባዉ ለእነዚህ ዓይነቶቹ ነዉ" አለ።
# ሁሉም የምትወዱአቸዉ እና የምታከብሩአቸዉ ሰዎች እዉነተኛ ወዳጆቻችሁ ላይሆኑ ይችላሉ። እዉነተኛ ወዳጅ ማለት በተቸገራችሁ እና የነርሱ ድጋፍ በሚያስፈልጋችሁ ጊዜ ፈጥነዉ ከጎንዎ የሚገኙ ናቸዉ። ስለዚህ አንዳንድ ጊዜ ስለእርስዎ የሚጨነቁትን እውነተኛ ሰዎች ለማወቅ ጥረት ያድርጉ።
/channel/kingnan

𝐔𝐁𝐔𝐍𝐓𝐔 𝐄𝐓𝐇𝐈𝐎𝐏𝐈𝐀𝐍𝐒

25 Jun 2021 13:33

የእግር ኳስ ጥበበኛው ክርስቲያን ሮናልዶ ጋዜጣዊ መግለጫ በሚሰጥበት ወቅት ከፊቱ የተቀመጠውን ኮካኮላ በማንሳት ለእግር ኳስ ተጫዋች ውሃ እንጂ ኮካ አያስፈልገውም በማለቱ ድርጅቱ ለከፍተኛ ኪሳራ መዳረጉ የቅርብ ጊዜ ክስተት ነበር።
😂😂ፈገግ ብላችሁ አመሹልኝማ😂😂
😂😂😂😂😂😂😂😂😂😂😂😂😂